ياسمين رواية ياسمين
ياسمين:ماصار فيها شي بس الحين يخيطون راسها
الكل:الحمدالله
سهى:انا طالعه برا تطلعين معي
ياسمين:لا شعري مبلل
سهى:اووك
طلعت سهى برا تتمشى وبطلعة مشعل
مشعل:مرحبا
سهى على طول تغطت
مشعل:ردي قلنا مرحبا
سهى:مرحبتين بس خوفتني
مشعل:شخباار الدووبه
سهى:مين
مشعل:مشاعل
سهى:تمام
مشعل:وانتي
سهى:تمام
مشعل:جالسه تتمشين بروحك غريبه مو معك حرم الاخ سعود
سهى:هههههه ماتبغى تطلع
مشعل عجبته ضحكتها:ههههههه اها
سهى:عن اذنك انا بدخل
مشعل:اوك
دخلت سهى راحت لياسمين وقالت لها السالفه
ياسمين:هههههههههه لو يطلع يحبك دامه يطالع فيكِ كذا
سهى:والله مدري لما ضحكت راح في عالم
ياسمين:والله يحبك تبغيني اقول لسعود يلقط كلام منه بس مابقول له انك تسألين
سهى:لالالالالالالالا
ياسمين:براحتك
جوا من المستشفى
الكل:الحمدالله على سلامتها
ام عبدالله :الله يسلمكم يالله سهى مشينا
ام سعود:لا ماتطلعون مسوين هالعزايم لمين حنا اقعدوا واذا على مشاعل خليها ترتاح فوق بالغرف وتقعد معها وحده من البنات
مشاعل:يمه انا زينه اذا تعبت باقول لك
ام عبدالله:طيب سهى روحي قولي الى ابوك
سهى:هاه لا يمه عيب اروح انا خلي مشاعل صغيره عادي
ياسمين تطالع في سهى
ياسمين:اووف 6مكالمات من سعود ولا شفتها شلون
ام سعود:ايه هو جا يبغاكِ لما كنتوا تسبحون وقالي اذا خلصتي اقولك
ياسمين:اها
طلعت ياسمين تكلمه
ياسمين:هلا عمري
سعود:اهلين
ياسمين:اخبارك واخبار الجو عندك
سعود:تمام انتي اخبارك مشاعل زينه
ياسمين:ايه
سعود:مشتهي اقعد معك تعالي انا اعرف مكان محد يجي له غيري لما اجي هنا
ياسمين:انا برا
سعود:اجل جايك
ياسمين:اوك
جل سعود
سعود :هاه حبي
ياسمين:هاهين
سعود:يالله امشي نروح
ياسمين:يالله
سعود:مشتاااااااااااق لك يعني لو تتخيلين كيف اووووووووو قد الدنيا كلها
ياسمين:انا اكثر ماتدري عني انت دايم ابكي لما تسكر
سعود:الحين مافيه صياح ولا نياح جنبك ولازق فيكِ
ياسمين:ايه ماخبرتني وش سويت هناك
سعود:ولا شي طول الوقا من الجامعه للشقه واذا طلعت اطلع مع وائل صاحبي معي ساكن نطلع نروح سنما او السوق
ياسمين:يعني تسلي وقتك
سعود:ايه وائل طول الوقت راز وجه باللاب توب وع المنتديات وهبال وانا جالس كذا استنى الوقت اللي يطابق وقتكم ايام صعبه ومرت
ياسمين:ايه
سعود:ههههه فيه وحده معنا بالكلاس اسمها ياسمين
ياسمين:هاا
سعود:لا تخافين عيني حرمت ماتنظر غيرك
ياسمين بخجل:هههههههههه
سعود:فديت الضحكه وراعيتها انا
ياسمين:خلااص
سعود:هههههههههههههه طيب متى برايك نسوي العرس
ياسمين:مدري
سعود:عليكِ انتي
ياسمين:اممممممممم حنا الحين برحب حلو الزواج بالبرد خلها ذو الحجه
سعود:ايه على بركة الله اجل
ياسمين:الشقه جاهزه
سعود:ايه باقي انتي تأثثيها على ذوقك
ياسمين:انتي تحبني؟
سعود:هذا سؤال اكيد مو بس احبك اهواك واعشقك وكل شي
ياسمين:حتى انا احبك
سعود:فديتك يابعدي
ياسمين:يالله خلنا نقوم وانت سوي المشوي زين اوك
سعود:وش دراك اني بسوي مشوي
ياسمين:قلبي قالي
سعود:فديت قلبك انا يالله جيبي يدك عشان نقوم
ياسمين:يالله
دخلت ياسمين للحريم وهو راح للرجال
عبدالله صافن وسرحان
محمد:عبووووود
عبدالله:هاا
محمد:اللي ماخذه عقلك تتهنى به من امس انادي عليك
عبدالله:نعسااااان انا
محمد:بلا كسل قوم دخل اللحم في لسياخ
عبدالله:والله نعسان
محمد:صير رجال وقوم
عبدالله:انشاءلله عمي
محمد:ايه كذا انا ربحت
عبدالله يحب نور ودايم يصفن فيها بس ماخبر احد
سعود:جيبوا فحممممممممممم
مشعل:احتررررررررررررقت ويللللللللي ااااااااي
سعود:وشو
مشعل:انت طيحت علي فحمه شوف رجلي
سعود:اوو سوووري بس الفحم خلاااص مايبين
محمد:خذ
الشاب يشون والرجال حاطين رجل على رجل مريحين والحريم يسون السلطات والعفسات وغير اللي من المطعم هذا لزوم الرحل المشوي
نور:ياسمين
ياسمين:هلا
نور وهي مرتبكه
ياسمين:وش فيكِ
نور:تعالي معاي
ياسمين:طيب
ركبوا فوق
ياسمين:خير وش فيكِ
نور:عبدالله
ياسمين:وش به
نور:داق علي ويبغى يشوفني تهقين ليه
ياسمين:من اين لك رقمه
نور:مدري رقم غريب وانا رفعته
ياسمين:متى قال
نور:الحين
ياسمين:اها
نور:روحي معي
ياسمين:انا وش دخلني
نور:اجل موب رايحه
ياسمين:لا اطلعي شوفيه وش يبغى يمكن
نور:يمكن ايش
ياسمين:يحبك
نور:لا حده هنا
ياسمين:ليه
نور:ما ابغى انحب ولا احب
ياسمين:ليييييييه
نور:الحب هو اللي كرهني فيه
ياسمين:شلون
نور:ما ابغى اذكر شلون
ياسمين:وهذا انتي تعشقين مساري وغيره ماتقدرين تحبين انسان قدامك
نور:هذاك حب مراهقه هذا للأبد ياسمين انا ماحب اعيش مواقف زي كذا
ياسمين:طيب ليه
نور:لني حبيت انسان قدامي
ياسمين:حبيتين انسان قدامك
نور:ايه صديق محمد
ياسمين:ايش
نور:بس ماحس فيني ماظل له في قلبي محبه ومن كذا ما ابغى اجرب مره ثانيه
ياسمين:صيري عاقله وفاهمه مو انتي اللي تبدين بالحب المفروض هو اللي يبدي وبعدين انتي قولي مشاعرك وانتي الحين شوفي عبدالله وش بيقول
نور:خايفه
ياسمين:لا تخافين
نور:الله يخليك لنا يا ياسمين والله ما الوم سعود في حبك
ياسمين:هههههههههههه
نور:يالله انا بطلع باشوف
ياسمين:اوك وسر اللي بينا لا تخافين
نور:اكيد
ياسمين:يالله انزلي
راحت نور لعبدالله
نور:مرحبا
عبدالله:مرحبتين كيفيك
نور:تمام خير وش بغيت
عبدالله:طيب اسأليني عن اخباري انا تمام
نور:عساه دوم
عبدالله:بالحقيقه انا جاي ابغى اقولك شي
نور:خير
عبدالله:نور انا انا
نور:انت ايش خلصني
عبدالله:احبك
نور انصدمت وتفاجئت وقفت صامته
عبدالله:نور وش فيكِ
نور وهي منصدمه:عن ذنك باي
عبدالله:بس ماكملت كلامي
دخلت نور بسرعه ركبت فوق جلست تبكي ولما جو بيحطون العشا ينادونها مالقوها
ام سعود:وين نور
ياسمين:مدري يمكن فوق اروح اشوفها لك
ام سعود:اوك بسرعه
راحت ياسمين تشوف نور
ياسمين:نور
نور:ياسمين كل اللي قلتيه صح عبدالله طلع يحبني
ياسمين:طيب وليه تبكين المفروض تفريحن وش قلت لك وفهمتك
نور:موب مصدقه
ياسمين:اجلي الكلام هذا وخلينا ننزل والله جوعانه لا تفوتين الاكل راهي
نور:ههههههههههههه حتى انا ميته جوع
ياسمين:يالله
الكل تعشى وسولفوا وبعدين كل واحد راح على بيته
ياسمين تكتب في مذكراتها اليوم اليوم العالمي للعشاق سهى ومشعل من جهه ونور وعبدالله من جهه وانا وسعود احلى حب من جهه ههههههههههههههه ونامت
صارت ياسمين تحجز وتتسوق وتروح وتجي عشان العرس باقي قليل مروا شهور بسرعه وياسمين مو مصدقه متى تجي هذيك الليله وسعود اللي طاير فيها
ــــــــــــــــــــــــــــــ ــــــــــــــــــــ
..:الجزء السادس..:
جا يوم ثاني
ياسمين:حبيبي
سعود:عيوني
ياسمين:وين راح نروح اليوم
سعود:اممممممم مدري بس اقولك خلنا نركب يخت
ياسمين:وناااسه
سعود:يالله تجهزي
رن التلفون
سعود:ياسمين هذووول اهلنا تعالي
ياسمين:جد رد بسرعه
سعود:هلا
ابو سعود:هلا ولدي اخباركم
سعود:الحمدالله تمام وانتوا اخباركم
ابو سعود:تمام وعندنا لكم بشاره
سعود:خير
ابو سعود:مشعل خطب سهى ووفاقة
سعود:عن جد ع البركه كل شي صار وحنا مو هنا ههههههه
ابو سعود:بيستنوكم لين ماتجون وبيسون الملكه
ياسمين:هات ابغى اكلمه
سعود:اصبري
ابو سعود:وينك
سعود:موجود هذي ياسمين تبغى تكلمك
ابو سعود:هاتها
ياسمين:هلا عمي اخبارك
ابو سعود:تمام انتي اخبارك عساك مبسوطه
ياسمين:الحمدالله وبالخبر هذا انبسطت اكثر شخبارها سهى
ابو سعود:مستانسه اكيد تسلم عليكم ام سعود
ياسمين:الله يسلمها سلم عليها وعلى الكل
ابو سعود:يوصل ويالله تتنهون وانتبهوا لنفسكم
ياسمين:انشاءالله
ابو سعود:مع السلامه
ياسمين:ياااااااااااي سهى انخطبت خساره ماشفتها كان اضحك عليها زي ماضحكت علي يوم جيتون لي
سعود:هههههههههه ليه
ياسمين:عشاني كنت مرتبكه ومستحيه وخايفه
سعود:ههههههههههههههههههههههههه هههههه يالله ناسيه الطلعه
ياسمين:لالا
طلعوا يتمشون باليخت مررررره جنااااااااان الجوو عندهم رومانسي حده
سعود:باكون اسعد انسان في الحياه دامك معي
ياسمين:انا كمان حبيبي بسألك
سعود:هلا
ياسمين:تغار علي؟
سعود:اكيييييد ههههههه اغار عليكِ من الناس كلها
ياسمين:ايه اشوا بس مو توصل غيرتك قويه
سعود:دامي واثق منك ومتأكد لازم اغااااااااار
ياسمين:ايه حتى انا اغار عليك لا تطالع قدام طالع فيني انا وبس وماباغاك تترك يدي ولا للحظه فاهم
سعود:فديتك
ــــــــــــــــــــــــــ
في السعودية
ام مشعل:وين عروستنا
ام عبدالله:هههههههههه بغرفتها عاد هي راضيه تطلع
ام مشعل:الله يهنيهم طار عقله لما وافقت مشعل
ام عبدالله:الله لا يكدر عليهم والملكه زي ما اتفقنا بعد مايجون سعود وياسمين
ام مشعل:ايه ومنها تجهز حالها
ام عبدالله:ايه
ــــــــــــــــــــــــ
خلاص راح يرجعون سعود وياسمين البلد
ياسمين:والله ماودي اتركها ايطالها وبنفس الوقت مشتاقه لهلي والى سهى اللي متعطلين عشانا
سعود:هههههههههه تلاقين مشعل لما نوصل راح يقصني نصين
ياسمين:ههههههههههههه مايقدر
سعود:ليه
ياسمين:لأنك فيني
سعود:اها اجل تطمنت
ياسمين:ههههههههههههههه
سعود:امووووت فيك
ياسمين:واناااااااا بعد اموت امووووت فيك
ياسمين حست بدوخه وقعدت على طول
سعود:ياسمين فيكِ شي
ياسمين:لالا بس حسيت راسي يدوخ يمكن من التعب عادي الحين ننام وارتاح
سعود:ايه
ـــــــــ يوم ثاني وصلوا البلد
ام سعود:الحمدالله على سلامتكم تو مانوة السعوديه
ياسمين وسعود:الله يسلمك ومنوره بوجودكم
ابو سعود:الحمدالله على سلامتكم
ياسمين وسعود:الله يسلمك
سعود:الا وين محمد ونور
ام سعود:نايمين الحين صباح مافيه غيري وغير ابوك
سعود:اها
ابو سعود:يالله انتوا روحوا ارتاحوا اكيد تعبانين من الطياره تامرون على شي انا رايح العمل
الكل:سلامتك والله وياك
ياسمين حملت الشنطه
سعود:ياسمين ليه حاملتها خليها انتي تعبانه انا احملها والخدامات
ياسمين:اووك
استانست ياسمين تقول ياااي يخاف علي خليني اتدلع بعد هههه
وصلوا شقتهم
ياسمين:تعبااااانه قوووووي ظهري ورااسي خلاص موب قادره منهم
سعود:سلامت راسك وظهرك حبيبتي ارتاحي انتي
ياسمين:ايه
سبحوا وناموا بعدين العصر قعدوا
سعود:ياسمين حبي قومي اقعدي وش فيكِ نايمه
ياسمين:تعباانه خلني انام اشوي
سعود:ياسمين قومي صلي وارجعي نامي طيب
ياسمين:صليت قعدت انا للصلاه
سعود:طيب وش فيكِ وانتي كله تعبانه
ياسمين:مدري ظهري ذابحني واحس بدوره
سعود:طيب حاسه بشي؟
ياسمين:زي ايش
سعود:يعني انك حامل
ياسمين:لا ما اتوقع
سعود:قومي اوديكِ المستشفى
ياسمين:سعووووداقولك ماتوقع انا اللي احس لو انت لو فيه كان حسيت بمغص ولوعة كبد
سعود:متأكده
ياسمين:ايه بس خلني انام
سعود:طيب
نزل سعود
سعود:مرحبا
محمد:يممممممه من وين جيت لي
سعود:ههههه يالدب قول الحمدالله ع السلامه
محمد:الحمدالله ع السلامه متى جيتوا
سعود:الصبااح
محمد:اها وينها ياسمين
سعود:تقول تعبانه ونايمه
نور:سعوووووووووووووود
سعود:ياهلا
نور:هلا الحمدالله ع السلامه متى جيتوا
سعود:ههههه الله يسلمك حنا من زمان هنا قبل لا تطلع الشمس بس انتوا نايمين
نور:وين ياسمين
سعود:نايمه
نور:اها بس للحين
سعود:ايه يالله انا طالع
نور:اوك
ياسمين فوق كل اشوي وتقوم وترجع وشكت وقالت مابتقول لسعود وش صار لها
نزلت تحت
ياسمين:السلام
نور ومحمد:وعليكم السلام الحمدالله ع السلامه
ياسمين:الله يسلمكم والله ردت لي الروح لما رجعت
نور:ههههههههه ماعلى نور ماتقدرين تستفقديني صح
ياسمين:اكييد انتي اهم شي عندي وعند سعود طول ماحنا هناك نور ونور
نور:احم احم
محمد:ههههههههههههههههه
ياسمين:سعود طلع
محمد:ايه تعرفيه طيار
ياسمين:حرام عليك ترا ما ارضى
محمد:ههههههه والله يحق له احد يدافع عنه
نور:ايه حتى انا ادافع
محمد:او ثنين ضدي اجل انأكلت
الكل:ههههههههههههه
ياسمين:طيب انا رابكه عن اذنكم
ركبت ياسمين تتصل لسعود
ياسمين:هلا
سعود:اهلين
ياسمين:وين انت
سعود:اداور مليت شفتك نايمه والبيت مافيه الا محمد يشاهد كوره قلت مالي الا اطلع
ياسمين:اها طيب انا قعدت تعال البيت
سعود:اوك اصلاً كنت جاي
ياسمين:اشوفك
رجع سعود
سعود اهلين حبي وجاي ببوسها
ياسمين:سعود ريحت العطر خاااايس
سعود:شلون
ياسمين:خلااص موب قادره اتحمله لا تحط منه مره ثانيه
سعود:بس هذا انتي اللي تحبيه العطر وتقولين حط لك دايم منه
ياسمين:لالالا خلاص موب قادره بدل ملابسك
سعود:لالالالالا انتي فيكِ شي غريبه تعبانه وكله نوم والحين العطر قرفانه منه وحتى مو قادره تقربين مني اذا شي مو عاجبك فيني قولي
ياسمين:وش فيك عصبت انا بس قلت لك ريحته خايس وبدل ملابسك وعلى النوم يعني حرام انام
سعود:لا مو حرام بس اقعدي معي اشوي دايم نايمه
ياسمين:طيب خلاص ممابيصير الا اللي تبغاه وانا اسفه عشاني قرفت من الريحه بس مدري وش فيني
سعود:مال داعي تتأسفين مغير ملابسي ويالله خلنا نعطي البيت هدايهم ونورح بيتكم
ياسمين:طيب
راحوا وزعوا الهدايا ورجعوا البيت طبعاً لازم يتمشون ورجعوا البيت
ياسمين:هااااااااي
سهى:اهليييييين اخبااارك
ياسمين:تمام وانتي
سهى:تمام الحمدالله ع السلامه
ياسمين:الله يسلمك انتي قولي لي وش مسويه انخطبتي وصار اللي في بالك
سهى:ايه والله تمنيتك جنبي لما جو
ياسمين:ههههههههه مرت على خير والله يهنيكِ حتى سعود يقول حاس ان مشعل يحبك وقال لي هذا الكلام قبل لا يخطبك
سهى:هههههههههههههههههه اجل طلع فاضح حاله مشعل
ياسمين:يمكن
سهى:وش اخبارك انتي مع سعود
ياسمين:تمام بس انا مدري وش فيني والله شاكه بشي فيني
سهى:ايش يعني
ياسمين:بتأكد اول
سهى:اها
ياسمين:طيب سعود جا اكلمك مره ثاانيه سلمي على عمي ومرت عمي
سهى:اوك الله يسلمك
سعود:تكلمين سهى كنتين
ياسمين:ايه
سعود:شخبارها ملكتها بعد كم يوم توي شايف مشعل متشقق ذكرني بأيام الخطوبه ههههههههههه
ياسمين:حلوه هذيك الايم مو
سعود:ايه
ياسمين حست بلوعة نفس وراحت على طول ترجع
سعود لحقها بسرعه
سعود:ياسمين انتي مريضه
ياسمين:لالا
سعود:وشو لا وانتي ترجعين قومي اوديك المستشفى
ياسمين:حبيبي ماله داعي
سعود:قلت لك قومي يعني تقومين انا من زمان ابغى اتأكد عليكِ
ياسمين:اوك
راحوا المستشفى وسوو تحاليل
الممرضه:ياسمين فهد
ياسمين:انا
الممرضه:مبروك حامل
ياسمين:جد
الممرضه:ايه شوفي وش مكتوب
ياسمين فرحت :شكراً
طلعت برا تخبر سعود
سعود:هاه وش طلع
ياسمين:حامل
سعود:عن جد يعني انا راح اصير ابو
ياسمين:ايه
سعود:احلى خبر سمعته يالله امشي
سعود طول الطريق يقول لياسمين لا تتحركين لا تسوين شي لا تروحين لا تجين لا تطلعين من الغرفه ووووو
دخلوا البيت
سعود:وين امي وابوي
نور:ليه
سعود:وين امي وابوي
نور:بالصاله اللي فوق
سعود:طيب تعالي نور انتي بعد
نور:وش صاير
سعود:الحين تعرفين
ركبوا فوق
سعود:يمه يبه
ابو سعود:خير
سعود:يبه انت وامي راح يصير عندكم حفيذ
ام سعود:ياسمين حامل
سعود:ايه
ابو سعود:ع البركه
نور:يااااااااااي راح اصير عمه مبروووك ياسمين
ياسمين:الله يبارك في حياتكم
ام سعود:انتبهي لنفسك لا تتحركين اي شي تبغيه اتصلي تلفون والغدا والعشا راح يركب لك
ياسمين:ماله داعي انا اقدر
سعود:اسمعي الكلام انا بعد عطيتها نصايح مو تسمع من هنا وتخر من هنا
ابو سعود:الله يتمم عليكِ وانتبهي لنفسك
ياسمين:تسلم يالله سعود ماخبرت امي وابوي
سعود:طلعه قلت لك مافيه بس حدك من هنا للمستشفى للموعيد الحين نتصل فيهم
ام سعود:كلام سعود صح
ياسمين:والله حاسه روحي مثل الطلفه اللي يقولون لا تسوين كذا
نور:هههههههههههههه
ام سعود:ايه عشانمك وعشان اللي في بطنك يالله روحوا ارتاحوا
رحوا
ياسمين:هلا يمه
ام ياسمين:هلا ياسمين شخبارك
ياسمين:يمه عندي لك خبر
ام ياسمين:خير
ياسمين:انا حامل
ام ياسمين:الف الف مبروووووك فرحتيني وين سعود ابارك له واوصيه عليك انا عارفه انك راح تسمعي وتخرين
ياسمين:هههههههه سعود امي تبغاك
سعود:هلا خالتي
ام ياسمين:هلا الف مبروك ياولدي
سعود:الله يابرك في حياتك
ام ياسمين:شوف لا تخليها تقوم ولا تسوي شي انا عارفتها حركيه
سعود:اكيد ياسمين في عيوني طيب عمي وين نخبره
ام ياسمين:مو هنا اليوم بالعمل اوفر تايم
سعود:طيب الحين نتصل له سلام
ام ياسمين:مع السلامة
سعود:يالله خلنا نتصل في عمي نفرحه
ياسمين:ايه راح يصير جد
سعود:ههههههه وانا ابو
ياسمين:وانا ام
سعود:ههههههههه اوو جواله مقفل
ياسمين:اووووووو ليش امي ماقالت لك ابوي لما يكون بالعمل وعنده اوفر تايم يفقل جواله
سعود:شلون نعلمه الحين
ياسمين:امممم خلاص بكره اذا جا اكيد امي بتقوله واحنا راح نتصل له
سعود:بنت ولا ولد اللي راح يجينا
ياسمين:ولد
سعود:واناا اقول بنت
ياسمين:طيب من كم اذا طلع ولد
سعود:اممم اسوي رضاعات ومن كم اذا طلعت بنت
ياسمين:امممممممم ماخليك تسوي شي
سعود:طيب اتفقنا
ياسمين:اتفقنا
سعود:يالله مدي رجليك ولا حركه وانا بالصاله اي شي تبغيه ناديني
ياسمين:يعين زي المسجونه خلنا ع الكنب واذا جا وقت النوم انام
سعود:اسمعي الكلام السرير اريح لك
ياسمين:طيب
ياسمين جلست ع السرير وكل اشوي سعود هات لي كذا وكذا لين ماتعبت وتعب وناموا
واليوم يوم ملكة سهى
ياسمين:برايك وش البس
سعود:امممم هذا
ياسمين:بس الاحمر احلى
سعود:الاحمر لي ماتلبسيه لغيري وشوفي في الحفله لا تتحركين اوك
ياسمين:ياااربي قلت لي انت وامي وخالتي والكل حتى صار راسي مبرمج على لا تتحركي
سعود:ايه ترا مخلي عليك رقابه
ياسمين:اااااااااااوهـ منكم
لبست ثوب رودي قصير مررره حلووو ونعووم ومكياج خفيف وسوت شعرها ليس
سعود:قمر
ياسمين:تسلم
سعود:تجننين وهـ بس
ياسمين:ههههههههههه يالله لا نتأخر
سعود:طيب
رحوا الحفله وطبعاً الكل يبارك لياسمين وكلمة لا تتحركين اول كلمه يقولووها كان ودها ترقص بس خلاص ماتقدر وكل اشوي يطالعون فيها لا تقومين سهى طالعه تجنن في الحفله طلعت ياسمين بدري عشانها تعبت معذوره يعين على الازعاج ماتقدر
سعود:وش سويتين
ياسمين:الكل يبارك لي وكلمة لا تتحركين خلاص في فمهم والله كان ودي ارقص بس ماقدر
سعود:لو تتحركين ياويلك شلون ترقصين
ياسمين:هههههههه
ـــــــــــــــــ
مرت 4 شهور
ياسمين:يااااربي كل ثيابي ضاقوا
سعود:ههههههههههههههه لبسي من عندي
ياسمين:لا تتمسخر بسرعه توديني السوق اشتري لي ثياب شوف كلهم ضياق
سعود:ههههههههه طيب
ياسمين:يااااااااااربي مافي شي يلبق علي كلهم ضياق مافيه غير هذا اللي علي يالله قوم السوق
سعود:ايه انا بعد ابغى اشتري لي ملابس ضاقوا
ياسمين:سعود انا معصبه وانت تتمسخر
سعود:ههههههههههه
راحوا السوق وشرت لها ملابس حمل يجنون وبجايم بعد وشوزات شرت السوق كلها وجات
ياسمين:اااااااااهـ تعبت
سعود:ايه انتي اللي بس تتمشين وانا حامل هالاكياس واشوي اشوي نتمشى
ياسمين:ايه اوووووو صح ذكرت بكره عندي موعود
سعود:موعد ايش بعد
ياسمين:عشان نعرف جنس الجنين
سعود:والله الساعه كم
ياسمين:8 ونص الصباح
سعود:اجل موب رايح العمل راح اروح معك
ياسمين:ايه هذا اهم شي
سعود:لا تنسينن التحدي هاه
ياسمين:لا مانسيت
سعود:ايه انا راح انام
ياسمين:طيب بتخليني بروحي انا موجاي لي نوم
سعود:انا تعبان من جيت من العمل مانمت وبعدين طلعت معك السوق والحين 11 بالليل وراي دوام
ياسمين:طيب سعود
سعود:نعم
ياسمين:انا راحت علي تسجيل هذي السنه حق الجامعه معليش بكره تودي اوراقي عشان التسجيل
سعود:طيب طيب طفي النور
ياسمين:طيب
جلست ياسمين تفرفر في التلفزيون مافيه شي بايخ ماليها الا سهى اتصلت فيها
ياسمين:هلا سهى
سهى:اهلين قلبو شخبارك
ياسمين:تمام وانتي
سهى:تمام شخبار النونو
ياسمين:تمام انا ملانه قلت اتصل فيكِ
سهى:ايه حتى انا توي من اشوي مكلمه مشعل
ياسمين:الا صحيح اخبارك معه
سهى:هههههههه تمام يجنن مايكلمي يوم الا معه سالفه تضحك احسه خبال زيي
ياسمين:ههههههههههه الله يهنيك ايام الخطوبه حلوه صح
سهى:ياااااااي تجنن
ياسمين:اليوم كل مالبس شي ضيق علي عصبت وخليت سعود يوديني السوق شريت لي ملابس ياسهى ملابس الحمل يجنون خلاص طاار عقلي
سهى:ههههههههههه مطاوعنك والله اكيد شريتي السوق كلها
ياسمين:ايه خلني اتدلع دامني باجيب له بيبي
سهى:ايه
ياسمين:حتى انتي تدلعي عليه ايام الخطوبه وحتى في العرس
سهى:اكيد
ياسمين:يالله اخليكِ سعود نايم خلني اروح انام معه يالله باي
سهى:اوك بايات
راحت نامت
يوم ثاني الصباح
ياسمين:صباح الخير
سعود:صباح النور
ياسمين:سويت فطور
سعود:ايه يالله ترا الحين الساعه سبعه ونص انا اتصلت العمل اخذن اجازه اليوم اسبحي وتجهزي
ياسمين:طيب
سبحت ياسمين وتجهزت ولبست عباتها
ياسمين:يالله
سعود:يالله
وصلوا المستشفى
ياسمين:تدخل معي
سعود:اكيد انتي اجلسي في استراحة النساء
ياسمين:طيب
جلست تنستنى جا اسمها
سعود:يالله
دخلوا وجسلوا يشوفون حركات الجنين سعود مستانس وياسمين
سعود:وش جنسه
الدكتوره:الحين احاول اشوف
ياسمين:وش فيك مستعجل
الدكتوره:باين ان بنت
سعود:ياااااي شفتي قلت لك بنت
الدكتوره:ايه بنت
ياسمين:شكراً
الدكتوره:العفو
سعود:هاه مين ربح في التحدي
ياسمين:انت بس يالله بنت جاتني احسن عشان تناوسني وتجلس معي
سعود:اليوم راح اجيب المهندس عشان يسوي الغرفه لبتنا
ياسمين:ليش مستعجل
سعود:تسأليني ليش مستعجل ابغى غرفة بنتي احلى الغرف
ياسمين:الحين لما اروح السوق كل شي للبنات راح اشتريه
سعود:هههههههههه راح نسميها ملاك
ياسمين:ملاك
سعود:ايه
ياسمين:ايه ملاك ملاك
سعود:يعني مافيه اعتراض عليه
ياسمين:بنتنا اكيد ملاك دامها مني ومنك
سعود:فديتك شوفي مارح نخبر احد راح نعملها لهم سبرايس
ياسمين:طيب
سعود:قوه ابو ملاك
ياسمين:تصدق اول مره اشوف واحد راح تجيه بنت ومستانس هالكثر لو ولد والله العظيم ماسويت هالفرحه
سعود:ايه انا ماحب الاولاد كثير
وصلوا البيت ياسمين نامت وسعود ع النت يطالع تصاميم للغرفه هو مهندس ديكور بس بيجيب مهندس يساعده لأنه مبتدأ
ـــــــــــــــــــ
مرت 5 شهور خلاص اخر شهر لياسمين
ياسمين:حاسه روحي كوره منفوخه خلاص موب قارده بين هاليومين وراح اولد
سعود:باقي كثير على موعد ولادتك توك داخله التاسع
ياسمين:حاسه روحي راح تطلع
سعود:لازم تتمشين مو تقعدين سويي اي شي وانا كل يوم راح اروح معك البحر عشان تتمشين
ياسمين:انا نازله تحت
سعود:طيب انتبهي على الدرج اشوي اشوي وانتي نتزلين توي شايف الخدامه تغسله
ياسمين:طيب
صارت تمشي اشوي اشوي ع الدرج خايفه تزلق
نور:اووو ياسمين نازله
ياسمين:مليت اخوكِ جالس يحوس بأوراق حق العمل قلت انزل تحت احسن لي
نور:اقعدي ريحي نفسك
ياسمين:متى اولد بس
نور:هههههههههه ياقلبي دبتك صغنونه بدري عليكِ
ياسمين:هذا شهري
نور:ايه ليه مستعجله خلي بنت اخوي او ولد اخوي يتمتع كم يوم في البطن هههههههههه
ياسمين:هههههههههه وانا انذبح
نور:بروح المطبخ اجيب لك شي تاكليه
ياسمين:اممم كوكيز
نور:طيب
ياسمين حست شي خلاص والم بتولد
ياسمين:نووووووووووووووور
نور:خير
ياسمين:نووووووووووووووور روحي نادي على سعوووود راح اولد
نور:انزين رايحه بسرعه
ركبت نور بسرعه لسعود
نور:سعوووووود تعال ياسمين بتولد
سعود:ايييش
اخذ مفاتيح السياره بسرعه
سعود:اووووووو جيبي عباتها
نور:طيب
ياسمين:ااااااااااااااااااااا سعوووووووووووود
ام سعود وابو سعود مو موجودين
سعود:جيتك البسي
ياسمين:راح اولد ااااه
سعود:ايه حبيبتي
ياسمين:بسرعه اسرع
سعود:هذاني اسرع
نور:خذي نفس ورجعيه
ياسمين:خلااااااااااااااااااااص موب قادره
سعود:طيب اصبري لين مانوصل
نور:اتمسكي فيني
وصلوا المستشفى بسرعه دخلوها على غرفة الولاده
وجات 3 ساعات ولا ولدت
اتصل ابو سعود
ابو سعود:سعود وينكم فيه
سعود:يبه ياسمين بتولد
ابو سعود:هاااا ايش انتوا الحين في المستشفى
سعود:ايييييييه صار لها 3 ساعات ولا ولدت
ابو سعود:جاينكم
سعود:اوك
ام سعود:ياسمين بتولد
ابو سعود:ايه يالله قومي
ام سعود:الله يسهل عليها
سعود على اعصابه رايح وجاي ونور قايمه قاعده
سعود:اووووووف خايف انا تأخرت داخل
نور:استعوذ من الشيطان ولا تخاف انشاءالله بتولد
سعود:انشاءالله
جو امه وابوه
ام سعود:ماطلعت
سعود:لا
طلعت الممرضه
سعود:هااااا وش قولي لي
الممرضه:انت زوجها
سعود:ايه
الممرضه:مبروك جاتكم بنت مثل القمر
سعود:ههههههه الله يابرك في حياتك
الكل:بارك له
وبعدين دخلوا ياسمين غرفه والبنت بالحضانه
|