 |
  |
|
|
|
|
|||||||
| قصص و روايات ياسمين رواية ياسمين يوجد هنا ياسمين رواية ياسمين روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
|
|
#11 |
|
|
رد: ياسمين رواية ياسمين
عبير:ايه
ام عبير:من ايش عبير:ملاك يمه اليوم طاحت بالمدرسه ومدري وش صار فيها بس طلع منها دم كثير ام عبير:يااا الله تتكلمين جد نواف:ايه يمه اجل وش تتكلم لك جدود عبير:انت وش لك دخل نواف:ماطلع منها الدم وطيحها غيرك عارفك ام عبير:اتصلي لي بيتهم خليني اتطمن عليها عبير:طيب بس انت يانوافوه اوريك بعدين نواف:وش راح تسوي يعني خوفتيني عبير:اسوي اللي تسويه وللعم كنت باقول لك شي بس الحين بطلت نواف:يعني رحتي او جيتي راح تقولي لي وغصبن عليكِ عبير:نشووف ام عبير:يالله عاد انتوا دقي وخلصيني عبير:طيب اتصلت بيت ملاك ام عبير:السلام عليكم ياسمين:وعليكم السلام ياهلا ام عبير:اهلين فيكِ يا ام ملاك اخباركم واخبار ملاك عسى ماصابها شي ياسمين:لا الحمدالله بس رض وجروح ام عبير:الحمدالله على سلامتها انا ما قالت لي عبير خفت تقول نزف منها دم كثير ياسمين:هههههه لا الحمدالله ماطلعوا جروح قويه بس تعرفين شطانة عيال ام عبير:ايه والله يالله ما اطول عليكم بس حبيت اتطمن على ملاك ياسمين:حياكِ قلبي ام عبير :الله يحيك خلينا نشوفك ياسمين:انشاءالله ام عبير:انشاءالله يالله مع السلامه سلمي على ملاك وعلى ابو ملاك ياسمين:يوصل انشاءالله ام عبير:مع السلامه ياسمين:الله معك ـــــــــــــ ام عبير:الحمدالله ماصار كسر عبير:اشوى الحين تطمنت صرت اخاف على ملاك اكثر من نفسي ام عبير:والله هالبنت كل شي فيه كامل ومو الكامل الا الله حاطتها انا في مخي عبير:يعني ام عبير:قلت انشاءالله ماحد ياخذهاا قلت اخذها لنواف نواف:عن اذنكم عبير:هيييييييييي تعال استحيت وش فيك نواف:لا بس بروح اناام عورتوا راسي عبير:هههههههه العن ابو الحيا ياربي ذكرتني بشي ام عبير:ههههههه هذا وحنا كلام شلون اذا قلناا له عدل راح يروح فيها عبير:ههههههههههههه ــــــــــــــــــ ملاك:انا داخله انام ياسمين:اول تغدي ملاك:مالي نفس بنام تعبانه ونعسانه سعود:ايه بنتي دخلي نامي ارتاحي ملاك:يالله راحت ملاك ونامت سعود:وس راح تسوين لينا ياعسل ياسمين:انت اصبر وشوف سعود:نصبر ياسمين:تصدق انا اليوم ماصدقت لما قالت ملاك عادي انو يصير عندها اخو سعود:ايه انا بعد قلت الشمس طالعه من وين ياسميين:الله يهديها ويهدي الجميع سعود:آمسن يارب الا صحيح تعالي ياسمين:هلا سعود:الحين هي كم عمرها ياسمين:13 اتجهز ترا عيد ميلادها قرب سعود:اوو والله كبرتنا ملاك لا يكون ناويه بنتك على حفله قد الدنيا زي هذيك السنه ياسمين:دامها عملتها هذيك المره فجهز حالك لهالمره سعود:ايه والله بس تستاهل ملاك مالي غيرها ياسمين:لا تخليني اغار من بنتي وانا وين رحت سعود:اقول لا تخليني ازل انتي غير ياسمين:اوو كل شي الا الزل هههههههههه سعود:ماستوى طبخك تراني جوعان على لحم بطني من الصباح ياسمين:اقول لا تكثر منها فطرت اليوم غير اللي اكلته بالعمل سعود:اذكري الله خليني مستانس بالكرش ياسمين:لا ياقلبي خليك رشيق وحلو احلى من الكرش بعدين تاخذ السرير كله من الدبابه سعود:والله اغار الكل فيه كرش الا آنا ياسمين:والله جسمك حلو بنسبه لي ليش مو فاهم سعود:اهاا اهاا ياسمين:قايمه احط الغداء استانس سعود:اخيراً ياسمين:سعوود حبيبي روح قعد ملاك من النوم قل لها ع الاقل تاكل اشوي مايصير ظاله بدون اكل سعود:ليش مو انتي تروحين تقعديها ياسمين:طاوعني لو مره سعود:طيب راح سعود لملاك سعود:مـــــــــلاك يالله قومي الساعه سته الصباح وراكِ مدرسه يالله قومي ملاك:خمس دقايق يبه سعود:يالله قومي بسرعه جلس يحوس في اذنيها وخشمها ملاك:يبه خلاص راح اقوم سعود:يالله قومي معاي ملاك:طيب راح اغسل وجهي وجايه سعود:مو علي هالألعايب قومي قدامي ملاك:يبه خلاص راح اقوم والله مانمت سعود:الله من جيتي لين الحين نايمه ساعتين يالله قومي ملاك:لاحاح جداً سعود:بس مو الح منك قومي لو ما اسوي لك خفلة عيد ميلاد ملاك:لالالالالالا كل شي الا هذي اهم شي سعود:يالله مشينا ملاك:يالله ياسمين:يالله اقعدوا سعود:لا غيرك الطبخ تراني انا اللي طابخه ياسمين:والله!! ملاك:ودي اشوفك يوم بالمطبخ يبه عشان تقول انك اللي طابخه سعود:ايه محد يصدقنا لما كنت بأمريكا كنت انا وصديقي كل يوم على واحد يطبخ بس اول تحول ملاك:ليش يبه انت درست بأمريكا!! سعود:ايه 3 سنين ياسمين:الثالثه كنت خاطبني تذكر سعود:اووه اصعب سنه ماقدر على فراقك بعد ماتعودت عليكِ ياسمين:ايه ايام كانت صعبه كنت لما اكل اقول الحين هو ياكل لما انام اووو سعود:ايه بس لو يعني يعطونا بعثه مره ثانيه اروح فيكم ملاك:الله وناسه يعني ادرس برا واخذ لغه ياسمين:هذا اللي هامك ملاك:ايه سعود:ايه وتصير امك تولد الياهل الجديد هناك ياسمين:بسم الله ماصار فيه سعود:ايه نقول يعني نتخيل ملاك:اقدم لك يبه على بعثه سعود:ليش تعرفين ملاك:افا عليك خابرك بنتك خبله ماتعرف اعرف ونص وابو اللي جابها سعود:اوووويااا قووويه لا تقدمين ولا شي عندي دراسه مايبغوني ياسمين:انتي اصلاً رحتي اليابان لما كنت صغيره ملاك:هاا اليابان زاده اشوف حالي اعرف اتكلم ياباني ياسمين:ههههههه الا اقولك تعلمنا كم كلمه ونسيناها الحين سعود:ايه بس وناسه هي رحلة عمل ورحله نتمشى ياسمين:ايه ملاك:اشوفكم اليوم مسترجعين الذكريات سعود:ايه بعد وش نسوي شيبنا دخلنا الثلاثين ياسمين:لو تصير شايب متحتح بنظري احلى شاااب سعود:فديتك والله راح سعود وباس ياسمين ملاك:احم احم نحنُ هنا مالينا بوسات يابو ملاك سعود:ههههههههه من اشوي امك تخاف تغار منك الحين انتي تغاري الا لك كل البوسات ملاك:هههههههه الا بقول لكم معلومه وحطوها حلق بذنكم ياسمين:نعم استاذه ملاك:مو اذا جيبتوا ولد يصيرون ينادوكم بسمه وينسوني يعني الحين ابو ملاك بكره مدري ابو ايش وينسوني سعود:ايه اكيد راح يتغير ملاك:لا والله الكل تعود انت وامي ينادوكم بسمي يجي واحد ع الاخير يغير لقبكم مستحيل او لا تجيبون ياسمين:بااااااااال خلاص اصلاً ماراح ينادونا الا ام ملاك وابو ملاك متعودين سعود:الهيئه بنتك مفكره صح قبل لا تقول انا اصلاً ماحب ينادوني الا بأبو ملاك ملاك:ايه زين فهمتوا علي يالله بروح اكمل نومتي سعود:لا تنامين بعدين تسهرين ياسمين:والقعده الصباح بالموت ملاك:ناسين انتوا بكره الخميس ياسمين:ايه والله سعود:خخخخخخ صادتنا الهيئه ملاك:يبه وش فيك علي سعود:مدري'.' ياسمين:طيب ماتبغين تروحين بيت جدك اليوم ملاك:مافيه احد كبري عشان اروح اذا بروح اسلم واقعد هبله سعود:المشكله انا اول واحد عرست في شباب العايله ملاك:ايه مالي الا عبووره تجيني ياسمين:ايه صح اتصلت امها وتسلم عليكم خايفه عليكِ ملاك:الله يسلمها يمه وين راج اسوي عيد ميلادي ياسمين:المزرعه اكيد ملاك:يمه مليت انا منها خلينا نستاجر منتجع يصير وناسهـ، سعود:خابرك البنت هآيـ، طالعه على ابوها ولا يصير خاطرك الاطيب اللي تبغيه يصير ملاك:انا مدري ليه احبك ياسمين:ههههههههههههه سعود:لأني ابوكِ ملاك:انا ماراح اتزوج الا واحد مثل اطباعك يابختك يا يمه الله يهنيكِ سعود:احم احم ههههههههههه ياسمين:ههههههههههه شفت حتى بنتك حاسه بحنيتك وحبك سعود:اذا عندي ثنتين مثلكم كل يوم دلع وكلام حلو شلون ماصير كذا ملاك:يالله الحين ابوي بيزيد خه ياسمين:ههههههههه سعود:يالله انا طالع بروح بيت الوالد نمرهم بعدين انتوا تعالوا ياسمين:خلنا نروح كاملين يعني لازم بالتقسيط سعود:انا باروح هناك بعدين بطلع مابرجع الا الليل يعني بروح بس اسلم ياسمين:وين بتروح سعود:فيه غيرها شركة الوالد ياسمين:اها ملاك:يمه انا اليوم قلت بروح لعبير ياسمين:شلون بتروحين ورجلك لساتها ماطابت ملاك:الله موب كسر رض يعني اقدر امشي ياسمين:ليش مو هي اللي تجي لك ملاك:هي قالت لي تعالي وانا قلت لها تعالي انتتي قالت لا وسوت حجه نروح لها يمه ماعندي الا هالخويه مالي غيرها والباقي زملاء ياسمين:بس اخوانها صاروا كبار ملاك:اوويا يمه وش كبار ماكبار بقعد معهم انا ياسمين:طيب خلاص رن التلفون ملاك:الو عبير:هلا ملاك:اهلللللللين عببير:اخبارك ملاك:تمام التام والله لو اتكلم عن المليون وصلني توي بطاريك عبير:انشاءالله بخير وتعالي لهدرجه المليون اغلا مني ملاك:لالالالالالالا انتي اغلى من كل شي بس تعرفين ممازحه ثقيلة دم عبير:ههههههه اخبار رجلك ملاك:رجلي بالسوق عبير:ههههههههه يالدووبه عن لمهايصه ملاك:لا تماام وش بك اليوم عبير:طيب انا راح اجكِ اوك ملاك:ريحتيني الله يريح عمرك عبير:لهدرجه الروحه لبيتنا ثقيله ملاك:مو كذا قصدي بصراحه بيتكم بعيد ياخذ مده من كذا امل عبير:الله بس معاليه ملاك:يالله قلبي وش فيكِ كشرتي ع طوول عبير:ماكشرت بس متاضيقه ملاك:من ايش عبير:اذا جيتك قلت لك ودي ابكي\ ملاك:من اشوي وش حلاوتك بسم الله الرحمن عليكِ عبير:دري من ايش متضايقه ملاك:طيب تعالي البيت عبير:الحين لا تونا ثلاث ملاك:بلا عدا ابوي مو هنا يالله تعالي عبير:اربع راح اجيكِ ملاك:استانكِ عبير:اوك يالله باي ملاك:باي ــــــــــــ ياسمين:بتروحي معي ملاك:لا راح تجيني عبير ياسمين:غيرت رايها ملاك:ايه حابه تفضفض ياسمين:طيب انا الحين بروح بيت اهلي بسلم على ابوي قبل لا يسافر وانتي انتبهي للبيت اوك ملاك:طيب ياسمين:يالله ملاك:سلمي على ابوي فهد ياسمين:يوصل ملاك:الله معك جلست ملاك تستنى لين ماتجي عبير جات اربع وجات لها ملاك:هلا عبوره عبير:اهلين ملاك:خير وش مضايقك عبير:مدري كنت جالسه اسولف مع البيت ولما ركبت غرفتي جيت بنام حسيت بضيقه واني مخنوقه وودي ابكي ملاك:شلون يعني!! عبير:مدري ملاك:طيب ابكي عبير:ملاك ملاك:عبير عبير:ملاك ما العب معك اتكلم جد ملاك:ادري ابكي قلت لك عبير:طيب ملاك:امك وابوك زينين عبير:ايه ملاك:طيب اخوانك عبير:اخواني قوليها من اول يالدووبه ملاك:وشو يعني عبير:اخواني عرفت تقصدين مين ملاك:عبير لا تخليني ازعل منك سكري هذا الموضوع عبير:شوفي انا ما ابغاك تزعلين بس مدري ليه من اقولك عليه تعصبين البنات اللي ينقال لهم كذا يفرحون ليش انتي ماتبغين تفرحين\ ملاك:احس نواف بارد ماحسه رومانسي واحسسه بيتوتي من اروح ببيتكم القاه جالس عببير:كل كلامك غلط انتي ماتدرين وش اسرار لبيوت اخوي نواف موب بارد فيه عصبيه اشوي واذا على رومانسي فتذكرين هذيك المره لما جبت لك قايد وقلت لقريهم ملاك:ايه عبير:هذا هو اللي كاتبهم ملاك:احلفي عبير:والله العظيم ملاك:اها عبير:وهو مايحب صحيح يطلع كثير واذا طلع يرجع بسرعه ملاك:طيب بس اتمنى تشيلين هذي الفكره عبير:طيب بس في الآخر راح تكونين له ملاك:وش دراكِ عبير:عيونك ملاك:عيوني!! عبير:ايه عيونك فاضحتك ملاك:طيب سكري الموضوع عبير:آمرك ملاك:تدرين عبير:ايش ملاك:سويت زي ماقلتين وحسست امي وابوي اني ابغى اخو وسعوا كلامي عبير:العن بالجرائه ههههههههههههههههه ملاك:هههههههههههههههه عبير:نهقين بنت ولا ولد ملاك:ولد عبير:اكيد راح تقولي كذا ملاك:بس احساسي كذا عبير:ام الاحاسيس ملاك:تصدقين باقي ع العيد قليل وحنا مانحس عبير:ايه انا جهزت للعيد باقي بس 5 ايام ويجي عيد الحج ملاك:ايه امي بارده مارحنا السوق عبير:ههههههه بتعيدوا هالمره برا البلد لو هنا ملاك:اتوقع هنا لأن ابوي مافاتحنا بالموضوع عبير:اهاا حنا راح نروح سويسرا ملاك:وناسه عبير:قولي الى اهلك عشان نروح نفس نفس الطائره ملاك:ياليت بس نجرب ـــــــــــــــ سولفوا لين ماتعبوا بعدين جا الليل راحت بيت جدها طلال ملاك:قوه يمه ام سعود:الله يقويكِ هلا بالغاليه بنت الغالين ملاك:الغاليه بنت الغالين مو بس انا لازم تجمعين ام سعود:هههههه انتي غاليه زكلكم غالين ملاك:شفتي لازم تجمعين ام سعود:ههههههههههه عسى ربي يبلغني فيكِ عروس ملاك:هههههههههه بدري نوف:بدري لاجاك النصيب تقولين عادي نور:ايه والله ملاك:لا مو كذا وتانصيب جاني من زمان بس رفضته ام سعود:مين هو ملاك:تعيس الحظ يمه ام سعود:ههههههه لا عيب تقولين كذا ياسمين:هذي كل شي عندها مقلوب ما تتفائل ام سعود:ههههههههه راشد:(ولد نور الكبير) يمه ام سعود:هلا راشد:انا متى يجيني النصيب ام سعود:ههههههههه لي كبرت تشوف بنت الحلال راشد:يعني لازم اكبر نور:ام حق يابو الاسئله المحرجه اسكت وانطم راشد:يمه شوفي امي دايم تصارخ علي ام سعود:نور ليش تصارخين عليه نور:لأن جايب لي العله يمه كبير 7 سنوات ويبغى ينام وسطي انا وابوه ملاك:اوووياا يالبزر تنام مع الماما والبابا هههههههههههههههه راشد:اسكي لا اكفخك نور:رااااااشد ملاك:يمه خوفني راح اموت شوفوني ارتجف خووف راشد:انتي زي امي حماره الكل:هااااااااااااا نور:مين لحماره يالقليل اللادب راشد:هي نور:اضربك راشد:لا نور:قولي اسف واخر مره اعيدها راشد:اسف واخر مره اعيدها نور:قول لملاك اسف ملاك:ماقبل اعتذاره ياسمين:يالله عاد بزر وش فهمه ملاك:اجل انا حماره ياسمين:نسيتي نفسك يوم كنتي صغيره تناديني ياحماره ملاك:هااااااا اناا ياسمين:ايه انتي ملاك:يالذي الفضيحه سوري يمه هذا لسان غير لساني وقالك كذا ياسمين:هههههههههههه نوف:هههههههههههههه ماتدري وش قد جننتكم ملاك:لهذي الدرجه كنت شقيه نوف:واعظم ودلوعه مره لين الحين ملاك:الله عليكِ مرت عمي انا الحين دلوعه مره ام سعود:ليه خليتي لدلع مكان ملاك:يااربي نوف:هههههههههههههههه شفتي ياسمين:ملاك روحي جيبي ولد عمك لا يركب ع الدرج ويطيح ملاك:مايطيح يمه يمشي هو الحين ياسمين:لا بعدين يطيح نوف:ايه هو يمشي ويطيح ملاك:طيب ياسمين:اليوم تقول لبوها مدري ليه احبك هذا سؤال يعني ام سعود:ههههههه ماشاءالله عليه سعود احسه يدلعها ويخاف على زعلها اكثر منك ياسمين:ايه وانتي الصادقه اذا قلت لا قال لا ماعليكِ من امك عادي يخاف على زعلها ملاك لحمة عيونه ام سعود:وش يسوي بعد بنته الوحيده ماله غيرها يكفي حامله اسمه ياسمين:لا خلاص هي غيرت رايها ماشفناها اليوم الا تقول لنا ياليت يصير عندي اخو اكشخ فيه نور:اوو يعني صبرتوا الحين 12 سنه مدري اكثر توها تفكر ياسمين:مزاجاتها تتغير زي ابوها ماخذت مني شي خالص نوف:ووجها محمد بس على بنت نور:اوو اخوي محمد جميل والله انك محظوظه فيه ياسمين:وسعود نور:سعود جميل يكفيكم عيونه تهبل ياسمين:لا اغار ههههههههههههه ام سعود:يالله عاد الحين كل وحده حتى طلال حلو مدري من وين ماخذين الحلاوه نور:اوو امي غارت الكل:هههههههههههههههههههه ام سعود:لا غرت ولا شي بس الحقيقه اقولها لكم الا صح ياسمين ابوزكِ سافر ياسمين:ايه رحت له بعدين جيتكم ام سعود:ماكلمنه قبل لا يروح ملاك:يمممممممممممممممممممممممم مه ياسمين:خير ملاك:يمه ابغى اروح البيت راشد زهقني ممصع شعري ياسمين:اووهو علينا نور:ياربي من هالولد عسى ماعورك ملاك:اشوي بس ماراح اسكت له عمتي ياسمين:تحطين عقلك وعقل طفل ملاك:مو طفل يمه نور:خلاص ملاك راح اجيبه ومصعي شعره ملاك:من زين شعره الحين شعرتين مافيه ياسمين:ملاك خلاص ملاك:انا بروح البيت ياسمين:اصبري لما يجي ابوكِ ونروح جميع ملاك:هههه ضحكتيني عشان اخلص ع الاخير يفقع وجهي كله ياسمين:ملاك خلاص لما اقولك خلاص يعني خلاص ملاك:بس عورني يمه ياسمين:خلاص مره ثانيه لا تقربيه ملاك:دايم مأكول حقي ام سعود:ياسمين سعود راح يجي يتعشى ياسمين:والله مدري ماقالي ام سعود:اتصلي له ياسمين:طيب راحت ياسمين تتصل لسعود ياسمين:هلا سعود:اهلين ياسمين:سعود راح تجي تتعشى؟\ سعود:مدري ياسمين:شلون يعني سعود:ياسمين انا الحين مشغول انتوا تعشوا ما اتوقع اجي لما اخلص راح امركم واخذكم ياسمين:طيب الله معك سعود:مع السلامه ــــــــــ ياسمين:مرت عمي ام سعود:هلا ياسمين:مشغول ماراح يقدر يجي ام سعود:الله يسر له امره كلهم مارح يجون ياسمين:اها وعمي ام سعود:حتى هو ملاك:يمه ياسمين:نعم ملاك:عيوني داخلها شعره طلعيها ياسمين:افتحي عينك ملاك:تقرص يمه عيوني يمه بشويش ياسمين:عيونك امك انتي لا تخافين الحين تطلع ارفعي عينك ملاك:طلعت ياسمين:ايه ملاك:ماراح يجي ابوي ياسمين:لما يخلص شغله راح يجي نور:يالله الكل ع الطاوله عصافير بطنا تصاوي تعشوا الكل وجلسسون يسولفون نور:يالله يمه انا رايحه سلمي على ابوي اذا جا ام سعود:الله وياكم سلمي على عبدالله نور:يوصل مع السلامه نوف:محمد ماجا لين الحين من من عادته ياسمين:حتى سعود بس يقو مشغول اكيد مع عمي محمد وقال راح يتأخر ام سعود:مادري وش صاير فيهم قلبي ناخزني ياسمين:اذكري الله مرت عمي مافيهم الا كل خير ام سعود:لا اله الا الله نوف:اجل انا قايمه اتصل لمحمد بقوله بروح البيت عيوني خلاص اكلتني من النعس ياسمين:والله انا مثلك الحين ثنتين ولا جو وملاك نامت ام سعود:الله يوفقهم نوف تتصل لمحمد نوف:هلا محمد محمد:اهلين نوف:موب جاي؟ محمد:راح اتأخر روحي مع السواق وقولي الى ياسمين يالله باي نوف:طيب سكرت نوف التلفون وراحت لياسمين نوف:اتصلت لمحمد يقول راح يتأخرون والله مدري وش هالشغل اللي مأخرهم اول مره يصير كذا ويقول ياسمين روحي مع السوق ياسمين:ياربي وش ذي الشغله ام سعود:اتيسروا على بيوتكم كم ساعه وتلقوهم معكم وكل تأخيره فيها خيره نوف و ياسمين:طيب الحين راحوا بيوتكم كلهم اتصلت ياسمين لسعود ياسمين:هلا سعود سعود:اهلين ياسمين:متى راح تجي وش الوقت تأخر يعني ماتقدرون تأجلون هالشغل لبكره سعود:ياسمين انا راح انام برا البيت لا تحاتين ياسمين:لاوالله شلون ما احاتي ما انام الا معك سعود:يا ياسمين ياحبيبتي والله مضطر ياسمين:طيب قولي وش اللي مأخرك ماتقدر تجيبه البيت سعود:طيب خلاص راح اقولك بس لا تقولين الى احد وخصيصاً امي ياسمين:قول خوفتني سعود:ابوي بالمستشفى ياسمين:ايش تقول سعود:ياسمين امانه لا تقولين الى احد خاصةٍ امي ابوي مايبغاها تعرف ياسمين:طيب عمي وش فيه سعود:ماندري بس طاح علينا والحين هو بالعنايه والتحاليل لسا ماطلعت ياسمين:الله يشفيك ياعمي راح تبات معه سعود:ايه واذا سألت امي قولي لها رحنا الإمارات عشان الشركه اوك ياسمين:طيب سعود:يالله نامي ولا تحاتين اوك ياسمين:شلون بقدر انام اللهه يعين الحين اقراله قرآن سعود:فيكِ البركه والله يالله مع السلامه ياسمين:الله وياك ويحفظكمـــ، ـــــــــــــــــــــــ جلست ياسمين تقرا قرآن وتدعي له يقوم بالسلامه ولا انامت اللييل ،،جا الصباح،، ياسمين:هلا سعود سعود:اهلين ياسمين:اخبارك واخبار عمي سعود:على حالنا ياسمين:طلعوا التحاليل؟ سعود:ايه ياسمين:وش فيه صوتك كأنك تبكي قول سعود سعود:والله صعب ياسمين:سعود لا تخوفني قول سعود:ابوي طلع عنده المرض الخبيث ياسمين:ايش تقول لا ما اصدق سعود:اجل انا اللي مصدق خلاص ابوي انتهى عمود البيت طاح يا ياسمين طاح ياسمين:سعود اترجاك لا تقول كذا انشاءالل راح يتعافى والله لو يبغى روحي فداه سعود:يا ياسمين بالدم يعني مافيه امل نهائياً ياسمين جلست تبكي وسعود يبكي سعود:ياسمين خلاص لا تبكين جيبي امي المستشفى ابوي يبغى يشوفها ياسمين:شلون راح اقول لها صعب سعود:ياسمين الله يخليكِ قولي لها اي مكان وبعديم قولي لها الحقيقه ياسمين:لا مقدر والله مقدر سعود:اللهم صبرنا على ما اتانا خلاص انا راح اجيبها ياسمين:مر علي سعود:طيب ـــــــــــ جلست ياسمين تبكي وتبكي ودخلت عليها ملاك ملاك:يمه وش فيكِ تبكين ياسمين:مافيني شي ملاك:شلون وانتي تبكين طيب وين ابوي لا يكون فيه شي يمه تكلمي لا تخوفيني ياسمين:ابوكِ مافيه شي يابنتي بس ابوكِ طلال هو اللي فيه الشي ملاك:ابوي طلال وش فيه ياسمين:مريض ملاك وهي خايفه:وش من مرضه يمه لا تخوفيني زياده ياسمين:مريض فيه مرض شين انشاءالله يروح انتي ادعي لله انتي بعدك عذراء الله يستجيب دعاكم ملاك جلست تبكي:الله يشفيك يا يبه الله يشفيك يايبه لا تروح وتخلينا لا تيتم عيالك ويتيتمنا ـــــــــــ جا سعود البيت سعود:يالله ياسمين ياسمين:طيب ملاك:ابغى اروح معكم يبه اترجاك خذني معكم سعود:بكره جدك تعبان مايقدر ع الزحمه ملاك:اترجاك يبه تكفى سعود:طيب ،،، راحوا المستشفى وكانت ام سعود منهاره على زوجها لما عرفت انه بالمستشفى،، ام سعود:جعل يومي قبل يومك يابو سعود سعود:الله يطول بعمركم يمه لا تقولين كذا انا كلمت احسن مستشفى واخصائي وراح يتعالج بلندن ام سعود:قلبي حاس يابعد عمري مايهون علي اشوفك اخرتك بسرير ابيض وغرفه ظلمه سعود عصب:يمه ابوي ماراح يموت سمعتيني ماراح يموت خلاااص لا تقولين كذا ياسمين:سعود هدي من حقها الحين هي موب في وعيها خلاص مرت عمي تعالي الاستراحه معي ام سعود:لا انا بقعد هنا ملاك جالسه تبكي اخذها ابوها وحضنها وجلس يخفف عليها سعود:لا تبكين ياعمري لا تبكين صدقيني ابوي ماراح يموت راح يبقى وراح يشوف طلال الصغير لا تبكين خلاص لا تقطعين قلبي ملاك:بس يبه سعود:خلاص قلت لك اشربي مويه وتعوذي من الشيطان ياسمين:سعود سعود:هلا ياسمين:لا تخلي ابوك روح معه للعلاج سعود:اكيد ياسمين:لا تخليه |
|
|
#12 |
|
|
رد: ياسمين رواية ياسمين
سعود:اصيله يابعد عمري
ام سعود:ابغى ادخل له سعود:مايصير ام سعود:يصير سعود:يمه اذكري الله وصلي على النبي صدقيني ابوي راح يرجع مثل اول واحسن لا تخافين الحين انتو روحوا البيت ام سعود:مقدر اخليه سعود:يمه عشان خاطري وخاطر ابوي اسمعي كلامي ياسمين:مرت عمي هونيها وتهون هذا اختبار من رب العالمين ام سعود:لا اله الا انت المشفي المعافي شافي لنا ابو سعود يارحمن يارحيم ياغفار ياسمين:تعالي معي سعود:مرك روحي مع امك ملاك:راح اقعد معك يبه لا تبكي انا مقدر اشوف دموعك او دموع اميم اترجاك لا تبكي عشان خاطري سعود:آآهـ مابي اليد حيله ملاك:يبه صدقني ابوي طلال مافيه شي وراح يتعافى وزي ماقلت انت راح يشوف طلال الصغير سعود:انشءالله يابنتي ادعي له انتي بس ادعي الله يقومه بالسلامه ملاك:انشاءالله طلع الدكتور سعود:هاه دكتور قول الدكتور:مدري وش اقول لكم احنا آسفين سعود:قول وش فيه ابوي الدكتور:تطمن ابوكِ بصحه مره جيده بس احنا غلطنا بالتحاليل مع تحاليل الوالد وتلخبطوا التحاليل بين تحاليل ابوك وتحاليل المريض بالمرض هذا سعود:يعين ابوي مافيه شي الدكتور:ايه بس طلع معه التهاب ولا حطينا عليه كيماوي زاد وانشاءالله راح نعالجه سعود:بس يادكتور انتوا منتوا كفو شلون تخربطون مثل هذي المسائل تخيل كملنا علاج بدال مايصحى راح يموت وصدقني انا الحين رح انقل ابوي لمستشفى ثاني و واذا صار لبوي شي اعرفوا حالكم انتهيتوا الدكتور:والله اسفين سامحنا الغلط من المراجع حق التحاليل ملاك:وش بعد يعني تتأسفون بعد ما انهرنا واعصابنا بلأرض سعود:ملاك ملاك:بس هم غلطانين الدكتور:ايه احنا غلطانين سامحونا سعود:انا رايح اسوي اجرائات النقل والخروج ملاك:انا اجل رايحه ابشر امي سعود:طيب راخ سعود يسوي الإجرائات وملاك راحت لهم ملاك:يمه ام سعود:خير ملاك:كل الخير ياسمين:قولي ملاك:الدكتور جا وقال ان ابوي طلال سليم ومابوه شي وطلع غلط بالتحاليل بين تحالي ابوي طلال وتحاليل واحد مريض بس ابوي ماسكت عنهم هاوشهم بس الكيماوي اللي سوه لبوي طلال اثر فيه اشوي وراح يعالجه ابوي في مستشفى غيره ام سعود وياسمين:الله يبشرك بالخير الحمدالله يارب ملاك:ابغى حلاو ام سعود:لك كل شي تبغينه ياسمين:وين ابوكِ ملاك:ايه صح راح يوس اجرائات يالله تعالوا تطمنوا الكل على ابوهم وراحوا البيت مستانسين حدهم وبعد هالخبر سوو عزيمه في المزرعه حقتهم ملاك:يمه انا رايحه مع ابوي نسوي مشوي ياسمين:لا هناك رجال ملاك:منو رجال كلهم اعمامي وعلى زوج عمتي عادي ياسمين:لا ورجل الهنوف قعدي مكانك ملاك:يمه ليش كذا اجل خلنا نسبح كلنا على مايسون المشوي ام ياسمين:ايه والله عليكِ افكار يابنتي ام سعود:يالله بنات حريم قوموا نروح البركه ملاك:والله الحياه بدوني ماتسوا ام ياسمين:اكيد ياسمين:والله لو سه معنا وناسه بس الله يرجعم بالسلامه من امريكا ام ياسمين:هونيها باقي كم سنه ويردون ياسمين:ايه راشد:يمممممممه نور:وش تبغى راشد:ابغى اسبح معكم نور:لا عيب انت كبير رجال تسبح مع الرجال راشد:بس هم راح يسبحوا بعد المشوي نور:ايه اسبح معهم بعد المشوي راشد:ماني ابغى اسبح معكم نور:استح على زجهك واحد كبير عمرك 8 سنين تبغى تسبح مع الحريم تبغاني انادي على عزوز ولد خالك يتمسخر عليك راح تسبح مع حريم شوفه مايدخل لنا راشد:افففففففففففففف نوف:وش بلاه نور:يبغى يسبح معنا نوف:يؤيؤيؤ وين يسبح نور:انا ادري عنه كبير رجال يبغى يسبح مع البنات نوف:ههههههههه الحمدالله عبد العزيز طلع مثل ابوه مسالم نور:ياريت هذا مثل خاله طلع علي شقي نوف:ههههههه مشاعل:(مشاعل كبرت والحين هي مخطوبه) ياااي ذكرت سالفه ملاك:وشي مشاعل:لما كنت صغيره كنت غبيه نطيت من فوق لي تحت وانفلع راسي من البركه ملاك:يمممممممه خفت مشاعل:هههههههههههه اقول يالبطه احد يسبح بحق اطفال ملاك:ايه انا اخاف اغرق مشاعل:ياعمري اللي يخافون اقول شيليها وعندي لك تحدي ملاك:لا ماني اخاف بعد ينفلع راسي مشاعل:شيليها ملاك:مااني اذا غرقت منك ماني مشاعل:انا حريفه بالسباحه راح اساعدك ملاك:طيب ملاك شالت السباحه(مدري وش تسموها هي يلبسوها عشان لا يغرقون) ملاك:يممممممه بغرق مشاعل:مسكي يدي ملاك:ووووو خايفه ياسمين:يؤيؤؤ ملاك بدون سباحه ملاك:يمه انا خايفه احمليني مشاعل:اقول لها مايخوف وامسكي يدي بس مالبيد حيله الهنوف:ههههههههههه حواافه ملاكووه مثل امها ياسمين:اقول لا تفضحينا الهنوف:هههههههههه ملاك:يمه اسمكيني عدل ياسمين:انتي اللي تمسكي فيني عدل نور جالسه تسبح بنتها صغيره عمرها سنتين ام ياسمين:نور وش تسوين بالبنت ليه مخلتنها كذا لبسيها هذول السباحات نور:لا ابغاها تتعلم السباحه مو صح كلامي رشاوي ام سعود:نهى ماعليكِ هذي مضيعه اولاده ماتسمع الكلام نور:ههههههههههه لا عاد يمه ام سعود:ايه ياسمين:يالله انا راح اقوم ملاك:يمه تو ما نطينا ياسمين:راسي دار ملاك:اجل انا راح اقوم معك قاموا ملاك وياسمين نوف:علامكم قمتوا ياسمين:خلاص كفايه من كثر ماناططنا دار راسي وعيوني حرتني نوف:اهاا وانتي ورا امك ملاك:ايه تقوم امي اقوم انا ياسمين:خابرك ذنبتي نوف:ههههههههههههههه ملاك:الحين انا ذنبتك يمه بدال ماتمدحيني اني انا اسوي اللي تسويه تتمسخرين علي ياسمين:هههههه الحين زعلتي انتي نمزح حنا ملاك:اووووو بردت ياسمين:ايه دخلنا على تكيف ملاك جلست تعاطس تعاطس ياسمين:اوو اخذتي برد ماعندي بشنطتي بعد باندول ملاك:خلاص يمه انا راسي دار راح انام ياسمين:اوو حرارتك ارتفعة نامت ملاك على رجل امها واما الباقين ماقاموا من البركه الا بالموت يوم قالوا رجال يالله عشى ياسمين:ملاك قومي يالله تعشي ملاك:بعدين يمه تعباننه ياسمين:ياقلبي عليكِ اشوف حرارتك... هاا ياربي حراه قوي انتي ملاك:يمه بردانه عطيني البطانيه هذيك ياسمين:ها تغطي انا رايحه اشوف ابوكِ ملاك:يمه لا تقولين له انتوا استانسو بعدين ابوي راح يكبر السالفه وراح تخرب السهره ونطلع اذا رحنا البيت اشرب لي باندول واطيب ياسمين:طيب طلعت ياسمين ام سعود:وينها ملاك ياسمين:داخت من البركه وشكلها اصلاً اخذت برد كل اشوي تعاطس ام عبدالله:ايه طلعتوا من مويه الى برد اكيد راح تاخذ برد تعشوا الكل وجلسوا يسولفون سعود:اقول يبه عجبك المشوي ابو سعود:ايه تسلم ايدين اللي عملوه سعود:الله يسلمك ابو سعود:اقول صب لي وانا ابوك قهوه سعود:تامر محمد:يبه شلونك الحين ابو سعود:الحمدالله تمام لا تخافون والله الجمعه حلوه بس ناقصنا اخوي فهد سعود:الله يرجعه بالسلامه وحجه مقبوله انشاءالله الكل:امين ابو عبدالله:كان بودي اروح معه اكتسب اجر بس مابليد حيله ماعندي اجازه ابو سعود:انشاءالله السنه الجايه انا ناوي اروح بعد ابو مشعل:كلنا نروح وش رايكم او عبدالله:والله خوش فكره سعود:ونروح حنا معكم خخخخخخخخ عبدالله:هههههههه كملت محمد:فالينها انتوا سعود:وش نسوي بعد عبدالله:عمي طلال وين ناوي السنه تذبح الخروف حق العيد ابو سعود:لا تخليني اسويه نذر واذبحه داخل بيتك عبدالله:لا تكفى الا داخل بيتي هههههههههههه ابو سعود:ههههههههههههه الكل:هههههههههههههههههههههه ــــــــــــــــــ عند الحريم مشاعل:يالله ياجمعه انا طالعه ياسمين:بدري توها الحين 12 مشاعل:اقول لا تحرجينا الخطيب تو اليوم جاي من الرياض لازم نشوفه ياسمين:اها اجل معذوره ههههههههه مشاعل:هههه يالله من رخصاكم الهنوف:اقول ياسمين ياسمين:قولي الهنوف:اذكر حاجه قبل لا اتزوج انا ياسمين:وشي الهنوف:لما كان عيد ميلاد ملاك يمكن لما صار عمرها خمس سنين دعيتي علي ان يجيني واحد لزقه مو ياسمين:اييييييييه تذكرت الهنوف:الله استجاب دعوتك ياسمين:الحمدالله بس اهم شي يحبك الهنوف:ايه ياسمين:انا رايحه اشوف ملاك الهنوف:هي مافيها شي بس انتوا من كثر دلعكم فيها تخافون والله انا اذا شفت حرارة واحد من البزران مرتفعه حطيت له هذيك الكمادات ونزلت ياسمين:لالا شكلها تعبانه الهنوف:ايه يالله روحي لها راحت ياسمين لملاك ياسمين:ملاك ملاك:يمه خلاص موب قادره ياسمين:ياقلببي خلاص لا تخافين الحين اتصل لبوك ملاك تكح وحالتها حاله تعرفون ذو الحجه برد ياسمين:هلا سعود سعود:اهلين ياسمين:سعود ملاك حرارتها مرتفعه تعال ناخذها بسرعه سعود:وش فيها من ايش ياسمين:ماخذه برد يمكن يالله تعال سعود:طيب جا سعود سعود:ملاك وش فيكِ ياقلب ابوكِ ياسمين:تسألها وش فيكِ يالله قوم مااتشوفها شلون رايحه وتوها من اشوي رجعت اللي في بطنها كله سعود:تقولين رجعت لا مريضه عدل ياسمين:يالله اخذوا ملاك وودوها المستششفى عطوه ابره تنزيل الحراره وحطوا عليها معذي سعود:اف صار لنا ساعتين وهالمغذي ماخلص ياسمين:اصبر بقي شوي ملاك:جوعانه يمه ياسمين:ليش انتي خليتي شي في بطنك الحين اذا طلعنا يشتري لك ابوكِ اكل سعود:انا رايح انادي الممرضه خلص المغذي لا يسحب دم بنتي يالله يالله على بنت ياسمين:هههههههه جات الممرضه وشالت المغذي من عليها وطلعوا وصلوا البيت ياسمين:يالله اكلي ملاك:شبعت ياسمين:ما اكلتي شي سعود:اذا ما اكلتي راح اخلي ابوي يذبح الخرفو قدامك ملاك:لالالالالالالالا بس والله شبعت ياسمين:طيب اسبحي الحين ونامي ملاك:نامي جنبي ياسمين:يؤ ملاك انتي اكبيره تقولين نامي جنبي سعود:ولا تتغلين علينا انتي ملاك:انا اذا مريضه اخاف انام بروحي سعود:لالالا انا يجيني قلق نام بروحي ياسمين:خلاص راح استناكِ لين ماتنامين بعدين بقوم ملاك:لا ياسمين:ملاك خلاص سعود:دلووووووعه ياسمين:هههههههه خلاص يالله امشي ملاك:اذا خلصت شاور تجين لي ياسمين:طيب سعود:لا اقولك روحي سبحيها ياسمين:سعوود كأنك غرت سعود:ايه ناسيه الوعد ياسمين:لا مانسيت الليله سعود:طيب ياسمين:هههههههههههههههه ياخطير .:الجزء الرابع عشر..: ملاك:يمه انا خلصت شاور ملاك تدق الباب على غرفة امها وابوها مايردون ملاك:افففففف ناموا راحت ملاك غرفتها مانامت جلست ع النت بعدين نامت وهي جالسه ع الكنبه اللي بغرفتها جلسوا الصباح ياسمين:ملاك اوو ليش نايمه ع الكنبه ملاك ملاك قومي نامي على سريرك ملاك:خليني انام يمه ياسمين:اول قومي على سريريك كذا تتعبي ظهرك ملاك:دقيت امس بابا غرفتكم مارديتون ياسمين:ايه راح علينا ليل ملاك:اها ياسمين:يالله نامي ملاك:شكراً طلعت ياسمين من غرفة ملاك وراحت تصلح ريوق عشان سعود بيروح العمل سعود:نعسان ودي ما اروح ياسمين:لمتى ياربي خلاص العيد بعد بكره وهم ماعطوك اجازه سعود:اذا قالوا بكره العيد قال المدير اجازه ياسمين:الله يعينك يالله افطر عشان لا تتأخر سعود:نعسان ياسمين:خلاص اذا خلصت شغل نام سعود:البلشه اليوم اله يقرفهم عندي اروح اشوف فحص بناء وطلعه بافهي شكلي ياسمين:لا انتبه زين عشان يصير الشغل كامل سعود:ايه يالله مع السلامه ياسمين:الله معك ـــــــــــــــــــــــــــــ باليل ملاك:كح كح يمه ياسمين:هلا ملاك:بنطلوني هذا فسيح ياسمين:ليش انتي فيه شي موب فسيح عليكِ كله خايفه تسمنين ملاك:يمه كذا جسمي انا ياسمين:اشوف حتى المقاس الفروض حق بنات ناخذ لك حق اطفال من عمر اولاد عمك وغمتك ملاك:يمه خلاص ياسمين:ايه انا اتكلم صدق سعود:السلام الكل:وعليكم لسلام سعود:شرينا الخروف متييييييييييين ياسمين:هههههههههههه ملاك:وييييييييييي سعود:لا اوصيك ملاك بكره تعالي معي عشان نذبحه ملاك:مستحيل سعود:راح تشوفي الدم والقلب والامعاء ياسمين:خلاص سعود سعود:ههههههههههه وش قاعدين تسون ياسمين:اضيق بنطلونها خابرك من المتانه سعود:ايه رايحه البنت ودي اكلك اكال ملاك:مين سعود:انتي ملاك:بعدين مايصير عندكم ملاك سعود:اوو نسيت اني ماعندي الا ملاك وحده وياسمين وحده ياسمين:ايه زين فكرتك راح تنساني سعود:لا وش قايلك انتي الزين كله ملاك:وانا سعود:والله متحير بينكم ان دلعت ذي غارت الثانيه ثنتينكم اقماره ياسمين تهز راسها وتضحك:يالله البسيه سعود:ايه قاعده لنا كذا ملاك:وشو يبه سعود:لا بس كنت اكلم امك ياسمين:ههههههه خف عليها لا تنرفز سعود:ههههههههههههههه خلها ياسمين:سعود سعود:عيونه ياسمين:انا اخذت التحليل سعود:هاه ايش ياسمين:حامل سعود:تتكلمين جد ياسمين:ايه سعود:الف الحمدالله اخيراً مبروك حياتي ياسمين:هههههههههه الله بارك في حياتك ملاك:على ايش تباركون سعود:امك حامل ملاك انصدمت معنها هي ما مانعت وراحت غرفتها سعود:وش بلاها ياسمين:مدري سعود:والله هالبنت عليها مزاجات ياسمين:قايمه اشوفها راحت ياسمين غرفة ملاك لقتها تبكي ياسمين:ملاك ملاك:وش تبغين ياسمين:وش بك ملاك:يمه انتوا خلاص يعني راح تنسوني ياسمين:مين قال ملاك:بس لقيت ابوي مستانس حده ياسمين:اكيد يابنتي راح يفرح مافرحتي انتي ملاك:امبلا فرحت بس تضايقت ياسمين:ياقلبي لو يجون عشره قدامك تظلين انتي اعز وحده بقلبي وقلب ابوك ولا تنسين انتي الاولى يعني المحبه لك انتي ملاك:اذا طلع ولد راح يحبه ابوي اكثر عشانه ولد ياسمين:لا مو صح ملاك:اجل ياسمين:مو انتي سمعتي ابوكِ انوا ماله بالدنيا سواكِ ويالله يالله على بنت يعني يخاف عليكش ويحبك والله انا ساعات اغار منك اذا شفت ابوكِ يدلعك وينساني يعني تخيلي مهتهم فيكِ وناسيني وانا اللي جبتك هذا دلال انه يحبك ملاك:طيب ياسمين:هاه ملاك:بس اسمك ام ملاك مو تنسي وابوي كذلك ياسمين:اكيد سعود:ممكن ادخل ملاك:ادخل سعود:وش فيكم تتساسرونن ياسمين:ههههههههههه تعال ملاك:يبه اجلس جنب امي انا رايحه اجيب الكام عشان نصور سعود:طيب بسرعه ملاك:هذي هي يالله راح اخليها تصور بروحها يالله تعدلوا واحد اثنين ثلاثه دقت الصوره وكانت الصوره مره حلوه وهذي نهاية قصة ياسمين اللي استمرت على الحب والحنان وان كل قصه لها بدايه حلوه ولها نهايه احلى تحياتي:- (n)+(a)= (love) |
|
|
#13 |
|
|
مشكورة بس طويلة قوى |
رد: ياسمين رواية ياسمين