 |
  |
|
|
|
|
#1 |
|
:: كاتبة نشيطة :: |
بسم الله الرحمن الرحيم
-- الطبق : الدهن القطري -- -- وصف الطبق دهن قطري اصلي يستخدم كنوع مقبلات فوق الارز ولطبخ معظم الاكلات الشعبية مثل الهريس والعصيدوغيرها -- -- إعداد: اخو الغالية ومن تعاليم الوالدة ربي يحفظها -- هالوصفة هديتي لكم علشان رمضان ربي يبلغا اياه ع الخير و اول شي اقوله ان الكل يعرف الدهن القطري والطلب اللي يصير علية برمضان فعلشان جذي حبيت انزل لكم طريقة اللي بيطبقها بيعرف قيمة كلامي لانها طبق الاصل اللي تجي من المزارع الفرق ان نستخدم الزبد اللي متوفر للناس بالجمعيات ولقلة موارد زبد البقر الطبيعي الاصلي كان لوالدتي هذا الانتاج الخطير اللي له طعم وريحة ولون ونفس النكهة اليوم جبت لكم احسن طريقة للدهن القطري لان بالفعل جربنا اللي بالسوق واللي يبيعونه بعض الناس بس مش نفس هذا وطبعا معروف عندنا استخداماته في كل الاكلات الشعبية نحط منه فوق العيوش وخاصة ان كان معاه سمك وفي الطبخ مثل طبخ العصيد والحسو والنشا وحلوى العيش والساغو وغيرهم وفي تزين كثر اكلات بعد مثل المضروبة والهريس يسمونه في بعض الدول الدهن الخالدي واللي يعرف مسميات اخرى يفيدنا يعني بالمختصر هالدهن معروف في دول الخليج و جبته لكم مع ريحة رمضان الكريم ربي يعوده علينا وعليكم بالخير وبس انا ما امدح انتو جربوا واحكموا بعدين شرط بتكنسلون اللي تشترونه من اماكن مجهولة ما ينعرف من اللي يسويه والكمية هذي بتكفيكم شهوور وسنين للبعض اللي يستخدمونه قليل -- المقادير-- 6 كيلو زبدة اي نوع تحبونه الحبة بالجرام 440 جرام 2 كوب طحين عيش ( ارز مطحون ) 1 ملعقة طعام كمون مطحون 1 ملعقة طعام كمون حب 1 ملعقة طعام حبة حلوة مطحون ( لها مسميات مثل الشمر والسنوت ) 1 ملعقة طعام حبة حلوة حب ( لها مسميات مثل الشمر والسنوت) ½ ملعقة طعام خيوط الزعفران 1 ملعقة شاي هيل 1 ملعقة شاي كركم ( عادلاحد ينقش القلم كنت اسجل المقادير )<-- حشى كانه ابحث عن فضولي اللي بمجلة ماجد -- الطريقة -- تخلط كل المقادير على بعض نفتح الزبدة ونحطها في قدر واسع ونحط عليها كل المقادير ونحطها على نار هادية مع التحريك المستمر الين تذوب الزبدة والتحريك المستمر حتى ما تحترق نخليه يطبخ شوي الين تشمون الريحة الحلوة تطلع يعني ريحة الهيل والزعفران والدهن الرووعة ترتقع ونطفي الفرن بعدها على طول ويكون هذا صورته بعد ما هدا الفوران في هالاثناء نجهز نجهز الحافظة اللي بنحط فيها الدهن طبعا في قطر نسميها ( الدبة ) دبة الدهن نجهز العدة التالية دبة الدهن + شخال + شاش او اللي ماعنده يقدر يستخدم غترة بيضا نظيفة وبعدها نضع قطعة الشاش او القماش ونبتدي نغرف بالمغرفة من الدهن ونصبة فوق الشاش والشخال حتى ما ينزل مع الدهن اي شوائب ويكون نظيف مية مية نخلي كل الخلطة في الشاش حتى تنزل كل قطرة دهن موجوة بالطحين في الوعاء وبعدها يكون هذا شكله النهائي هذا هو جاهز بالدبة ينتظر استخدامكم له وهذي الدبة صج حق صاحب اول رد علي يستاهل الدهن وبالعافية عليه مقدما وللعلم وللاهمية : لاترمون الباقي اللي صفيتووه من الدهن واللي بيكون في الشاش من بهارات ودهن وطحين .. رجعووه فوق الفرن وحطو فوقه تمر وكثروا التمر .. واهرسوووه الين تطلع بذور التمر بروحها تنفصل .. واكلو احلى تمر بالدهن والخلطة اللذيذة .. وهذي بروحها تقدرون تحتفظون فيها كم يوم بالبيت وتاكلون منها بالعافية وان شاء الله اكون وفقت في الشرح بالخطوات المصورة وخاصة ان كثير ناس اطلبوا اني اسوي الدهن بالزبد لان ينباع غالي بالسوق وما يعرفون شلون يسوونه ومو مضمون بعد انهم صادقين او جاذبين ةاتمنى ما اكون خربت على اي حد من التجار لاني اطمح اني افيد الكل هني ويدعون لي بالخير لي ولوالدتي واتمنى من اللي يسويه يقول رايه بالطعم حتى يتعلم الكل منهم وان شاء الله كل شي بيكون سهل عليكم اهم شي توفر المواد وكلها دقايق والحين اتمنى تجربونها وتنال اعجابكم وتكفون ابي رايكم؟؟؟؟ |
|
|
#2 |
|
|
رد: الدهن القطري .. ريحه وطعم.....
تسلم ايدك ياقمر
خبرتينا بسرار امك وبيتكم ياويلك منهم خخخخخخخخخخخخخخخخخخخ بس ممكن نشوف كيف يطلع يعني شكلة لونة |
|
|
#3 |
|
|
رد: الدهن القطري .. ريحه وطعم.....
 |
|
|
#4 |
|
|
رد: الدهن القطري .. ريحه وطعم.....
|
|
|
#5 |
|
|
رد: الدهن القطري .. ريحه وطعم.....
 |
الدهن القطري .. ريحه وطعم.....