 |
  |
|
|
|
|
#21 |
|
|
رد: قصة خالد الغامضة
* 21 *
يوم الاثنين وانا بالمدرسة وفي نهاية الدوام ,,, ابراهيم وماجد وصالح ناشبين بحلقي تحقيق عن الي صار امس لكن بشكل مفصل ,,, كيف صادفوكم وش يبون من خالد وليه وكيف وربما وعسى اف مالي خلق لهم والبارح مانمت زين ,, طوال اليل وانا اتقلب بفراشي ,,, افكر بالي صار امس من دون مايذكروني هم ماجد = يعني سيارة خالد الحين واقفة عند المقهى .؟ انا بملل = ايه وين بتكون يعني اقولك صادفونا هناك وركبنا سيارتهم مايبيلها سؤال بعد انت ابراهيم = اجل بعد ماطلع من المدرسة بنروح انا وماجد لمكانكم هناك ورا المحطة انا مستغرب = ليه .؟ ماجد = سألت الممرضين امس عن اغراض خالد جواله ومحفظته ومفاتيحه قالوا مامعه شي ابراهيم = عشان كذا انا وماجد بنروح للمكان امس ونشوف يمكن نلقى شي تذكرت يوم واحد منهم يفتش جيوب بنطلون خالد انا = ماظن بتلقون شي من اغراضه ,,, امس شفت واحد منهم يفتش بجيوب خالد صالح = مو تقولون انهم عيال نعمة يمكن يفتشون يبون شي ثاني من خالد مو شرط جواله وسيارته صح والا لا .؟ انا بملل = مدري كيفكم ( والتفت لصالح ) وانت بتروح معهم .؟ صالح = لا ابوي وابو عبد الله بيروحون يزورون خالد بالمستشفى وانا الي بوديهم انا مستغرب = ابو عبد الله مازار خالد الى الحين .؟ صالح = الا اتصلت على ابوعبد الله الساعة ثمان يقول راح بس منعه الدكتور عن الزيارة يقول نفسية خالد تعبانة غير عطوه مهدي وقال ان الدكتور راح يسمح له بزيارته العصر نزلت راسي بألم ,,, نفسية خالد تعبانة .؟ من وش بالضبط ,,, اصلا حياة خالد كلها متعبة رفعت راسي لصالح انا بحزن = مرني العصر بروح ازوره معكم صالح = ودوامك انا بعصبية = يولّي ,,, مرني وبس ورحت عنهم متنرفز دخلت الشقة ولقيت خلود بالمطبخ ,,, سلمت ولا ردت ,,, يقالها زعلانة ,,, اليوم ماكلمتني وانا بعد ماحاولت اكلمها وتغدينا وحنا على هالحال العصر دخلنا المستشفى انا وصالح وابوه وابو عبد الله ,,, انا عن نفسي كنت متردد مالي وجه اقابل خالد ,,, كنت امشي وراهم وتفكيري مشغول وشلون اتسامح منه ,,, وصلنا غرفته ودخلوا وانا مازلت متردد مالي وجه اقابله ,,, لكن اخر شي توكلت على الله ودخلت شفت ابو عبد الله منحني على خالد يسلم عليه ويكلمه وصالح وابوه يحترونه يخلص واخيرا ابتعد ابو عبد الله عنه لكن استلمه ابو محمد ( ابو صالح ) على طول وبعده سلم صويلح ,,, واخيرا جا دوري وانا مازلت واقف عند الباب ,,, التفت لي خالد وقربت عنده وكني شفت شبح ابتسامة منه انحنيت انا = الحمد الله على سلامتك وسلمت عليه و بعدها قربت فمي من اذنه عشان مايسمعنا البقية انا بهمس = سامحني ياغالي ,,, لو فيني خير لك ماكان صار الي صار ورفعت راسي عنه اطالعه ,,, لقيته مقطب حواجبه مستغرب كان واضح على وجهه التعب وانفاسه مسموعة كنه محموم مع ان جسمه مو حار جا بيرد علي بس قاطعه ابو محمد ابو محمد = الحمد الله على سلامتك ياولدي وابتعد عن العيال الفاسدة ,,, ترا مايجي من وراهم الا عوار الراس التفت خالد لبومحمد خالد بهمس = خلاص طحت بالماء العكر ماسمعه ابو محمد ابو محمد = وشو ابو عبد الله = ماحنا ساكتين عنهم ,,, رحت اليوم الصبح للضابط يقول الى الحين ماقبضوا عليهم بس طمني ,,, يقول اسماءهم وعنوانين بيتهم معروفة ,, يوم والا يومين وهم ممسوكين ان شاء الله ابو محمد = عرفتوا اسم الرابع .؟ ابو عبد الله = انا ماعرفه والضابط جا اليوم لخالد بس منعنا الدكتور نشوفه ( والتفت لخالد ) صح نسيت اعلمك ترا الضابط يقول بيزورك العصر اظنه بيجي بعد شوي طوال مايتناقشون ابو عبد الله وابو محمد وخالد كل شوي يغمض عيونه بقوة و بألم حطيت يدي على راسه وانحنيت عليه شوي انا بهمس = خالد شكلك تعبان ,,, انادي الدكتور رفع بصره لي خالد بتعب = صدري ,,,, مكان الخياطة يعورني واحس بكتمة وكل ماحاولت اخذ نفس عورني صدري اكثر ( والتفت لشيبان شوي وبعدها رفع بصره يطالعني ورسم ابتسامة تعبانة على شفايفه ) الحمد الله على سلامتك من يوم ماصحيت وانا بالي مشغول فيك مادري وش صار عليك ,,, وبغيت اتصل عليك بس جوالي مدري وينه انا بمزح = انت المستهدف ,,, المهم انادي الدكتور .؟ خالد وهو يغمض بقوة = لا ,,, خلها مستورة اخاف يجيب العيد استغربت ,,, وش الي يجيب العيد ,,, وش الي المستورة ,, وش يقول هذا انا بعدم استيعاب = هاه .؟ من الي يجيب العيد .؟ وش تقول انت .؟ خالد بضيق = انا بخير مايحتاج دكتور التفت اطالع رجله اليسرى انا = وشلون رجلك الحين .؟ خالد = تعورني ,,, سوا اشعة لها اليوم والحمد الله سليمة مافيها كسر بس ماقدر احركها احسها متورمة انا = يبيلها وقت وتخف ان شاء الله فجأة دخلوا ابراهيم وماجد وابو فايز وفايز وبعد السلام والسؤال بدوا الشيبان بإلقاء النصائح علينا واخذ العظة والعبرة خاصة ان اكثر الموجودين من الشباب وماخلوا علينا شي الا وقالوه وبعد ماشبعوا منا بدوا بسوالفهم الخاصة قرب ابراهيم من سرير خالد ومد له اغراضه ابراهيم = لقيت جوالك والمحفظة هذي اظنها محفظتك اما مفاتيح السيارة مالقيتها مد خالد يده السليمة واخذهن ابراهيم = جوالك نص الشاشة منكسرة القى خالد نظرة على جواله وبعدها تفحص المحفظة خالد بضيق = اوه ماخذين بطاقاتي ماجد = اهم شي سلامتك والبطاقات تقدر تطلع بدالهم بدل فاقد صالح بعصبية = صدق انهم مبزرة بعد ربع ساعة جا الضابط والعسكري الي معه ,,, سأل خالد كم سؤال بسيط الضابط = الصراحة عندي اخبار للاسف ماهي من صالحكم ابو عبد الله بخوف = عسى خير الضابط = المعتدين سافروا للرياض ليلة الحادث وتم اليوم القبض على ثلاثة منهم هناك وهم بالتوقيف الان والرابع عرفنا معلوماته و بيتم القبض عليه قريب ان شاء الله ,, لكن للاسف الخبر الي وصلني مايسر ,,, مدير المركز الموقوفين عنده هو نفسه والد واحد منهم سكتنا كلنا شوي شكلهم سافروا للرياض لأنهم يعرفون انهم راح ينمسكون وقالوا نمسك هناك احسن ,,,, حسبي الله عليهم ,,, عارفين انهم بيطلعون منها مثل الشعرة من العجين خالد بتعب = مافيه شي جديد التفت الضابط لخالد الضابط = الحين هم بالتوقيف وبما انك تعبان خل ولي امرك يروح يتابع القضية بالرياض خالد = مايحتاج ,, ماهي اول مرة يدخلون التوقيف واحسب اسبوع اسبوعين وتلقاهم طالعين فايز بعصبية = وش فيك فاقد الامل ياخي خلنا نجرب هالمرة مانت خاسر شي التفت لبو عبد الله ولقيت وجه متغير وعلى ملامحه الخوف وساكت ماعلق الضابط = انت جرب هالمرة و الحق معك ,,, صح واسطتهم قوية بس انت توكل على الله وان شاء الله تاخذ حقك منهم صالح = خالد تبيني اروح عنك ,,, اكفخهم لك واجي الضابط بعصبية = تشوف الدنيا سايبة خالد بتعب = اصبروا اسبوع ,,, وليش تصبرون اسبوع يمديهم طلعوا الحين الضابط بابتسامة = حتى لو طلعوا ,,, بكمين بسيط نقدر نقبض عليهم وهنا بمنطقتنا ,,, لا تيأس امرهم بسيط جدا خالد مستغرب = كمين .؟ ابو عبد الله بعصبية = لا كمين ولا غيره ,,, تبون تسون كمين سوه بعيد عن ولدي الضابط = بس ماحد يقدر يستدرجهم هنا الا ولدك ياخال ,, والحمد ال ابو عبد الله بعصبية شديدة = قلت لا يعني لا ,,, اذا كان مافيكم خير ابعدوا عن ولدي خلاص مانبي منكم شي ,,, انا فقدت عيالي قدام عيني ماني مستعد اضحي بخالد ( وتغير صوته ) مابقي لي بهالدنيا الا هو واخواته ,,, وليدي اب وسكت يجاهد دمعته عن تطلع قدام الموجودين ,,, مسكين الضابط انصدم الضابط بصدمة = فقدت عيالك .؟ قرب منه فايز وهمس باذنه شوي وبعدها الضابط بتنهيدة = لا حول ولا قوة الا بالله ( احس انه بلش بابو عبد الله ) عموما هالموضوع سابق لأوانه ,,, هم الان بالتوقيف وخالد حاليا تعبان وبحاجة للراحة وسلم على خالد مرة ثانية وطلع التفت ابو عبد الله لخالد بحيرة وخوف ابو عبد الله = ماحنا ساكتين ياولدي ,,, اليوم بروح للرياض واتابع الموضوع خالد بتعب = لا تتعب نفسك ياخال ,,, مايحتاج تروح ابو عبد الله = الا يحتاج ,,, انا هالضابط ذا الله اعلم عنه مارتحتله ( وقام قرّب لسرير خالد ) أي شي يقوله لك هالضابط لا تسمع كلامه ياوليدي ماع ابو فايز = وش هالكلام يابو عبد الله ,,, الله يهديك ,,, الضابط يبي مصلحة ولدك ابو عبد الله بعصبية = مصلحة ولدي يحطه كمين .؟ ,,, ياخذ العسكري الي معه ,,, خالد ماهو ماشي على كيفهم سمعت ماجد يهمس عشان يسمعه الي قريبين منه بس ماجد بهمس = وش هالانانية حتى العساكر لهم اهل يبونهم ابراهيم = العساكر عليهم القبض وبس اما الكمين يابو عبد الله بس استدراج للمعتدين عشان يجون هنا ,,, مافيه خطورة على خالد ولا شي ,,, لا تكبر الموضوع فايز = وبعدين تراهم مبزرة ,,, القبض عليهم سهل ,,, خاصة ان اسمائهم معروفة واهاليهم معروفين التفت ابو عبد الله لخالد مطنش البقية ابو عبد الله بعصبية = لا تسمع كلام هالضابط ولا غيره ,,, تسمع .؟ مارد عليه خالد ومازال ساكت ابو عبد الله بعصبية = تسمع والا بتعصاني .؟ خالد بتعب = اسمع ,, الي تبيه ياخال بيصير ,,, بس مايحتاج تروح للرياض ,,, مابي اهلي يشكون سكت ابو عبد الله شوي وبعدها مسح على شعر خالد بحنان عبد الله = الزم ماعلي سلامتك ,,, لو ادخل على مدير المركز الي هم فيه ,,, المهم يبعدون عنك واهلك اجيب لهم أي عذر ابو محمد = خالد معه حق يابو عبد الله ,,, وش رايك انا اروح عنك واتابع الموضوع هناك خالد = صدقوني ياجماعة مايحتاج فايز بعصبية = انت معلق على مايحتاج صالح = افصل فيشه واشبكه مرة ثانية يمكن يزين هاهاها ويوم شاف ماحد ضحك سكت يلقط وجهه اخذنا شوي وطلعنا وخالد مصر ماحد يروح خاصة خاله ابو عبد الله ,,, الولد يائس رجعت الشقة بعد صلاة المغرب ولقيت خلود قاعدة ومعها الاب توب وتطقطق سلمت وردت بس بدون نفس جلست وجاني معاذ وجلسته بحضني ,,, صح تذكرت ,,, بحثي وش صارعليه واليوم الاثنين ,,, التفت لخلود اسألها انا = خلصتي من البحث .؟ خلود = ايه بس باقي الخاتمة والفهرس والمقدمة سوه انت الله كل هذا زعل ,,, اف لازم نسلّك انا = امم طيب وش تسوين انتي الحين .؟ خلود وهي تطقطق = داخله على الانترنت ابتسمت داخله على الانترنت بلاب توب الي دعت عليه انا = امم تدرين من لاب توبه هذا .؟ التفت لي خلود بنص عين ,,, وتوسعت ابتسامتي تسليك لعصبيتها خلود بنص عين = ادري ,,, خويك خالد رفعت حواجبي مستغرب وشلون عرفت ,,, انا متأكد ماعلمتها ,,, يوم جيت من الرياض سألتني عن الاب توب الي معي وقلت علي بحث وقالت انا اسويه لك وعطيتها الاب توب من دون ماتعرف منهو صاحبه اصلا هي ماسألتني انا مستغرب = كيف عرفتي .؟ خلود = سلمى علمتني التفت لسلمى الي معطيتني ظهرها هي وسالم يلعبون بلي ستيشن ,,, بسم الله الرحمن الرحيم وش يدريها هالمفعصوة ذي ,,, التفت مرة ثانية لخلود انا مستغرب = سلمى .؟ التفت خلود للاب توب وضغطت فيه شوي وبعدها وجهت الاب توب لي عشان اشوفه شفت سطح المكتب وضحكت انا = هههههههههههههههههههههههههههههه هههه خلود بسخرية = خويك معجب بنفسه بكل مكان فيه صورة له ,,, المستندات وسطح المكتب ومدري وين بعد ,,, شافت سلمى الصورة وعلمتني انه خويك المغرور ,,, بسم الله شكله يخرّع مدري على وش معجب بنفسه حرام عليها خالد مايخرع ,,, صح موب وسيم لكن شكله عادي ومقبول ويهتم بنفسه كثير وابتسامته العذبة الي دايم يرسمها بوجهه محليته ,,, لكن خلود مدري وش جاها عليه ,, ماتداني طاريه بس عادي عندي تدانيه والا ماتدانيه ,,, خالد غالي عندي ومو بس عندي عند سالم وسلمى ومعاذ بعد خلود = غريبة اليوم طالع بدري صح انا نسيت اقولها اني ماني رايح للدوام اليوم ولا علمتها اصلا ان خالد بالمستشفى ,,, يوم الحادث انا وهي تهاوشنا وبعدها محد كلم الثاني انا = مارحت اليوم للدوام خلود مستغربة = ليه .؟ انا = رحت ازور خالد بالمستشفى طيرت عيونها فيني خلود مستغربة = بالمستشفى ,,, ليه .؟ هذا يإما ضايع يإما مغمى عليه بيتنا يإما بالمستشفى ,,, وش عنده بعد وعلمتها بالي صار بالمختصر خلود = انتم يالعيال ماعندكم الا عنف و ماتفاهمون الا بالدم ,,, ياحليلنا حنا يالبنات اذا وحدة بغت تنتقم من الثانية مطت شعرة شعرتين وانتهى الموضوع ههههههههه انا = هههههههههههههههههههههههههههههه ههههه انتم ماتفاهمون الا بالشعر بعد صلاة العشا اخذت الاب توب من خلود وكملت بحثي اف ياحياة الشقا ,,, بكرة علي دوامين ,,, يوم الثلاثاء العصر وانا بالدوام طلبني المدير يشوفني ,,, الله يستر,,, هو يهاوش من دون شي وشلون الحين وانا غايب امس وبدون استئذان بعد ,, الله يستر توكلت على الله ورحت عنده انا = آمر طلبت تشوفني المدير = ليه امس ماداومت .؟ انا مرتبك = آآآآآ ,,, اخوي بالمستشفى ورحت ازوره واتطمن عليه وانا ماكذبت خالد اخوي في الاسلام ,,, و رب اخ لك لم تلده امك ,,, ايه ايه انا ماكذبت المدير = وليه ماجيت تستأذن .؟ لأني مابي اشوف خشتك ,,, طبعا قلتي بصدري مالي جرأة اقولها بوجهه المدير وبدا يعصب = ليه ماجيت تستأذن .؟ مازالت ساكت ,, شاقول بالله .؟ يوم ماشاف مني رد ,, فتح درجه وطلع مضروف ومده لي المدير = استغنينا عن خدماتك وهذي باقي مستحقاتك ,,, تفضل انصدمت انا بصدمة = ل ل ,,, ليه ,,, آآآآ ,,, وش سويت .؟ المدير = اخطائك كثيرة وفوق هذا غياب بدون استئذان ,,, تفضل انا وشوي اصيح من الصدمة = آآآ ,,, امس اض المدير بعصبية = عندي شغل ,,, تفضل اخذت المضروف وطلعت وانا مهموم ,,,, لا ,,, وين اروح ,,, ماحصلت الوظيفة هذي الا بعد طلوع الروح ,,, وين اروح وين رجعت الشقة وحبست نفسي بغرفتي مابي اشوف احد مابي ,,,, شسوات الحين .؟ من وين احصل وظيفة ثانية من وين .؟ مر يوم الاربعاء وانا من غرفتي للمسجد ومن المسجد لغرفتي ,,, حتى اخواني ماجلست معهم حتى المدرسة مارحت لها الساعة عشر في اليل جاني اتصال من ناصر انصدمت ناصر ,,, وش يبي ذا ,,, يالله احس مر عليه سنة ,,, من يوم صار حادث خالد وانا ناسيه وناسي سالفته انا بضيق = نعم ناصر = السلام عليكم انا = وعليكم السلام ناصر = امم وش صار على موضوعنا الشرهة على الي تذكرك وتذكر موضوعك انا بضيق = أي موضوع .؟ سكت ناصر شوي ناصر = ماقنعت خالد تركي بالي قلتلك .؟ مر اسبوع على كلامنا انا بعصبية = الرجال متمسك برزقه ,,, وش تبي فيه ,, ياخي تبي عيادة افتح لك بنفسك ,,, والا اذا كنت تبي ادارة وينلي ,,, من الحين اقولك خالد مايبيه ولا يبي خشته ,, حوّل كفالته لك وعينه عندك ناصر = انا ابي العيادة بكبرها وبالي فيها ,,, مكانها مناسب ومشهورة ومتكاملة ,,, والاخ خالد تركي مجرد طالب مابعد تخرج ,,, والعيادة انا اولى فيها منه انا بعصبية = لا ياشيخ ناصر = امم افهم انك ماكلمته بالموضوع .؟ انا بعصبية = ايه ماكلمته ولاني مكلمه ناصر = انت المستفيد ,,, 100 ألف حلالك يقهرني بروده وهدوئه كنه واثق انا بعصبية = مابي استفيد شي من وراك ,,, وش بتسوي يعني ناصر = مستعد تخسر وظيفتك .؟ انا بسخرية = هه خسرتها وانتهى الموضوع ,,, اذلف وسكرت الجوال بوجهه 100 الف ,,, واو 100 الف اقدر افتح لي مشروع امم طيب ليه ماقنع خالد مسكت راسي احاول ابعد كلام الشيطان عني انا = لا لا لا لا ,,, رشوه ياخالد رشوه رن جوالي مرة ثانية وكان ناصر ,,, اف شديت شعري ,,, نشبة نشبة رديت عليه وصارخت بوجهه انا بصراخ = نعم ,,, وش تبي انت وش تبي ناصر بهدوء = ممكن اقبالك ضروري تفاجأت وش يبي يقابلني ,,, بس رغم هذا صارخت بوجهه انا بصراخ = لا وسكرت بوجهه ورجع اتصل مرة ثانية انا بعصبية = وش تبي ياعلقم ناصر = اذا كنت تبي مصلحة خويك الي توسط لك بالوظيفة ,, ضروري اقابلك انا بعصبية = انا ماني بالرياض ناصر = تقدر تجي .؟ انا بعصبية = الي يبيني يجيني وسكرت بوجهه بعد ساعتين جتني رسالة على جوالي وكان من نويصر (( بسيطة حاليا مشغول ولاقدر اسافر اسبوعين بالكثير واكون بالقصيم اتمنى اشوفك )) فتحت فمي بصدمة ,,, بيمسك خط بس عشان يقابلني ,,, هه حسيت اني مهم |
|
|
#22 |
|
|
رد: قصة خالد الغامضة
* 22 *
يوم الخميس العصر ,,, جالس بالصالة مهموم كنت طوال اليوم وانا متضايق ,,, مدري وشلون القى وظيفة ثانية ,,, ياليت عندي سيارة ياليت ,,,, كان اقدر اكد اكد !!!!!! اف رجعت على طاري المكدة بعد شسوات الحين .؟ جاني سالم ومعه كتاب الرياضيات حقه سالم = خالد حل لي الواجب انا بضيق = رح لخلود سالم بزعل = خلود عيت تعلمني انا بضيق = سالم بتذلف الحين والا وشلون ,,, ماني فاضيلك راح سالم وهو زعلان ,,,, وخلود الحمارة الثانية ليش ماتعلمه اف اخوان يجيبون الهم انتبهت على تلفون الشقة يرن وقبل ماقوم عشان اخذ السماعة سبقتني عليه سلمى ,,, بسم الله الرحمن الرحيم ,,, مسرع وصلته ,, اخبرها عند التلفزيون تلعب بلاي ستيشن سلمى = الوه ,,,, ايه ,,,, ابراهيم ,,, ايه خالد هنا ,,,,, طيب ( والتفت لي والسماعة باذنها ) خالد ابرهيم يبيك استغربت ابراهيم متصل على الشقة ,,, ليه مايتصل على جوالي ,,, قمت واخذت السماعة من سلمى انا = الو ,,, السلام عليكم ابرهيم = وعليكم السلام ,,, وينك يارجال لك يومين مابيّنت ,,, وامس غايب .؟ ومن اليوم اتصل بجوالك ولا ترد جوالي ! ايه صح جوالي بغرفتي وعلى الصامت انا بضيق = اوه جوالي بغرفتي ولا سمعته ابراهيم = طيب وينك ماتبيّن .؟ انا بضيق = متضايق سكت ابراهيم شوي ابراهيم = خالد عسى خير على وش متضايق .؟ انا بحزن = والله مدري وش اقولك ابراهيم = امم وش رايك امرك ,,, انا اصلا كنت ناوي امرك نزور خالد ,,, لكن الحين نأجل الزيارة ونتمشى انا وانت وتفضفض وش رايك ,,, امرك .؟ انا = امم طيب ,,, احتريك ابراهيم = يله الحين جاي علمت خلود اني بطلع ,,, ونزلت تحت لل احتري ابراهيم بعد شوي وصل ابرهيم وركبت معه ابرهيم = عسى خير خالد ,,, اقلقتني انا بتنهيدة = المستشفى الي اشتغل فيه طردوني ,,, مادري من وين احصل وظيفة غيرها ابراهيم = لا حول ولا قوة الا بالله ,,, يحلها الله ياخالد ,,, الله هو الي يرزق ,, واكيد راح تلقى غيرها انت بس اصبر انا والدنيا مسودة بعيني = انا الوظيفة هذي يالله حصلت عليها وانت تعرف وضعي ماعندي لا شهادات ولا دورات ولا شي سكت ابرهيم شوي يفكر ابراهيم = امم انا اذكر مرة قريت بالنت وظيفة بشهادة الثان ( وسكت بعد ماتذكر ) انا بحزن = هذا انت قلتها بشهادة الثانوي ,,, انا من وين لي شهادة ثانوي وانا الى الحين ماتخرجت ابراهيم = هو صح صعب ونادر تحصل وظيفة بشهادة المتوسط وبدون دورات ,, لكن الي يسر لك الوظيفة الاولى يسر لك تحصل الوظيفة الثانية ان شاء الله ,,, طيب انت وشلون توظفت بالمستشفى بدون شهادات .؟ ابتسمت لما تذكرت خالد ,,, هو الي تحدى وينلي عشان يتوسط لي هنا ,,, تحدى الشيفه الي شفته بالرياض عشاني انا ( توسعت ابتسامتي اكثر لما تذكرت يوم يقوم خالد معصب ودار حولين مكتب الامريكي عشان يتعارك معه ) العلاقة بين خالد والامريكي علاقة اعداء علاقة كل واحد ماسك الثاني باليد الي تعوره موب علاقة صاحب مستشفى ومديره والمصالح تكون مشتركة بينهم ومتفاهمين ,,, من زمان عنه والله لي يومين مازرته ولا ادري كيف صحته الحين انتبهت على ابراهيم الي يكلمني ابراهيم = ماتبي تقولي وشلون توظفت .؟ انا بابتسامة = خالد هو الي توسط لي قطب ابراهيم حواجبه مستغرب ابرهيم = خالد !( وكنه تذكر ) ايه صح قد سمعت انه ابوه عنده مستوصف اهلي بس بالرياض ( وابتسم ) ايه الله يجزى خالد خير انا = ماهو لبوه ,, العيادة باس وسكت لما تذكرت ان خالد ملزم علي ماعلم احد ان العيادة باسمه ,,, بس معقول حتى صالح مايدري ابراهيم مستغرب = ماهي لبوه .؟ ,,, اجل لمن انا مرتبك = آآآ ,,, لا لا ولا شي ,,, صح انا بعد سمعت ان ابو خالد عنده عيادة بالرياض ابراهيم = طيب مدام ان ابوه عنده مستوصف اهلي اكيد يعرف احد بالمسشتفيات يتوسط لك ( والتفت لي ) اجل وشوله متضايق قل لخالد يتوسط لك مرة ثانية او يرجعونك لوظيفتك الاولى ( وابتسم ) محلولة ياخي تبي خالد يتوسط لي مرة ثانية ويدخل بمشاكل مع وينلي وهالناصر ,,, قل الله يفكه من شرهم بس ,,, صح وشلون صحته الحين ,,, لي يومين مازرته التفت لبراهيم الي يسوق انا =متى اخر مرة زرت خالد .؟ ابراهيم = اخر مرة يوم الثلاثاء وامس كنت مشغول ,,, وش رايك نمره الحين .؟ انا = ماعندي مانع يله ,,,امم بس اقول ابراهيم تدري وش صار على الي مسكوهم .؟ ابراهيم بتنهيدة = طلعوا طيرت عيوني براهيم بصدمة انا = ط ,,, طلعوا .؟ ابراهيم = يارجال خالد طاح برفقاء سوء لهم ظهر قوي ,,, قال خالد اصبروا اسبوع اسبوعين وبيطلعون وطلع صادق الرجال بس شف وشلون مالهم يومين الا وهم طالعين انا بحزن = يمكن لأن محد من طرف خالد راجع الشرطة هناك عشان كذا طلعوهم بدري ابراهيم = طبعا اكيد اذا ماراجع احد من الطرف الثاني اكيد بيطلعون ,,, هذا غير الواسطة القوية الي معتمدين عليها ,,, خالد وخاله عليهم تفكير مدري وش يبي ,,, ابوي امس عازم ابو عبد الله على قهوة عندنا وقالنا كل شي والله لو تشوف ابو عبد الله ياخالد تقول كأن ميت له احد ,,, خاصة بعد ماعلمه الضابط انهم طلعوا من التوقيف ,,, الرجال منقهر وخايف ,, تصدق امس اسمعه يقول لبوي ولموجودين انه يبي يقنع خالد يروح يدرس ثانية ,,, بس ياخي تفكيره موب منطقي الى متى يعني بيتنقل خالد بين المدن كنه متشرد ,,, كل الموجودين حاولوا يقنعونه انه يوافق على كلام الضابط ويسون كمين لهم بس معي ,,, انا بحزن = لا حول ولا قوة الا بالله ,,, ابو عبد الله يفكر بعاطفته مايفكر بعقله ,, على حد كلام الضابط الكمين مافيه خطر على خالد ونجاحها مية بالمية التفت لي ابراهيم ابراهيم = بيني وبينك حنا نضحك على انفسنا بس كل هذا عشان نقنع ابو عبد الله ,,, لا تنسى ان الكمين يعني القبض عليهم وهم متلبسين ,,, يعني القبض عليهم وخالد يكتفخ بين يديهم وش يدرينا بعد يمكن تتأخر الشرطة ومايصلونهم الا وهم طاعنين خالد كم طعنة ( وابتسم ابتسامة واسعة ) سكت شوي استوعب كلام ابراهيم وتخيلت خالد وهو تحتهم يتكفخ ويحتري الشرطة يقتحمون المكان ,,, وبعدها ضحكت انا = هههههههههههههههههههههههههههههه هه ضحك ابراهيم معي ,,, عرفت انه متخيل خالد مثلي ابراهيم = هههههههههههههههههههههههههههه صار طعم هذا ماصار خالد ههههههههه انا = ايه نضحك على من اجل .؟ من عذر ابو عبد الله يرفض الفكرة اثره فاهم اكثر منا ابراهيم = يتكفخ مرة ولا يتكفخ كل مرة ,,, وش يدرينا بعد يمكن يرجعون له مرة ثانية ,,, يعني خالد ماقدامه الا يتعاون مع الشرطة يسون هالكمين واكيد الشرطة ماهم مخلينه لفترة اطول بينهم تراهم فاهمين شغلهم اكثر منا ,,, بس حنا علينا نقنع ابو عبد الله يوافق ( وتنهد ) توني افهم ليه خالد ترك مدارس الرياض وجا يدرس هنا وليتها كفته من شرهم شف هذا هم وصلوا له ,,, الحمد الله الي هداه بس ,,, خالد بحاجتنا ياخالد المفروض مانتركه عشان مايرجع لرفقاء السوء مرة ثانية ,,, لازم نصير حوله نسانده خاصة انه ماله اخوان وابوه دايم مسافر انا = ماحنا مقصرين عنه بشي بالي نقدر عليه ,,, ليت ابو عبد الله يقتنع بكلام الضابط بس ,, والله بيرتاح خالد منهم ولأبد ابراهيم = تتوقع لو ابو عبد الله عنده عيال بيتعلق بخالد هالتعلق العجيب هذا ,,, ومثل ماقلت انت ,,, الرجال يفكر بعاطفته مايفكر بعقله اجل بيخلي خالد يدرس ثانية وش هالتفكير ياخي سكت ومارديت عليه فعلا لو ابو عبد الله عنده عيال بيتعلق بخالد هالتعلق .؟ وصلنا المستشفى وتوجهنا لغرفة خالد بالدور الثاني وتفاجأنا بمحمد اخو صالح جالس قدام غرفة خالد ابراهيم مستغرب = وش فيه هذا جالس برا ليه مايدخل .؟ انا مستغرب = انا ادري وصلنا له وسلمنا عليه ابراهيم = وشفيك جالس هنا ,,, ليه ماتدخل .؟ انا = لا يكون ممنوعة الزيارة محمد = لا ,,, بس خالد فاقد الوعي من الصباح وقلت اجلس برا احسن وشوله ادخل .؟ تفاجأت خالد مغمى عليه ,,, اخر مرة شفته كان يحس بكتمه وتعبان ,,, ( شهقت ) لا يكون صارله شي وانا مدري ,, ربي سترك انا بخوف = آآآ ,,, ليه وش فيه ,,, من وش اغمى عليه .؟ التفت لي محمد وحرك اكتافه بعدم مبالاة محمد = كالعادة ,,, امس كان مصدع وشكلها زادت عليه اليوم ,,, خالد مايمر شهر الا وهو طايح علينا ,,, تعودنا اخذت نفس برتياح انا = ياشيخ خوفتنا محمد = هو المفروض يطلع اليوم بس تفاجأنا فيه مغمى عليه انا مستغرب = مو يقول الدكتور لازم ياخذ خالد اسبوع راحة ,, ليه كتبله خروج بهالسرعة .؟ مامر عليه بالمستشفى الا ثلاث ايام محمد = خالد نشب بحلق الدكتور لين وافق انا مستغرب = ليه طيب ,,, وش وراه مستعجل محمد بضيق = خالد عليه تصريفات مدري وش تبي راح ابراهيم لباب الغرفه بيفتحه ابراهيم = عنده احد داخل .؟ محمد = ايه ,,, ابو عبد الله ابراهيم = اوه ( ورجع وجلس بجنب محمد ) استغربت تصرفه انا مستغرب = وشفيك ,,, ليه ماتدخل انت الثاني .؟ ابراهيم = ياخي ابو عبد الله امس شوي ويصيحني قدام الرجاجيل زين اني مسكت نفسي,,, تبيني ادخل وابو عبد الله عند خالد الي مغمى عليه بصيح على طول ,, رح اذا كنت تبي تدخل رح الله يستر عليك ابتسمت ,,, انا اشوفه عادي بس ابراهيم حساس انا = ههههههههههههه ياحساس التفت محمد لبراهيم بسخرية محمد بطرف عينه = ياعيني يا مرهف الاحساس انته ابراهيم بضيق = اف فتحت الباب ودخلت لقيت الغرفة مظلمة ونور خافت يجي من الدريشة,, وجو الغرفة بارد شوي وغارقة بالهدوء وابو عبد الله جالس على كرسي بجنب سرير خالد ومعطي الباب ظهره ,,, اول مادخلت التفت ابو عبد الله يشوف الي دخل قربت له وسلمت على راسه وهو جالس انا = السلام عليك ياعم ,,, وشلونك ,,, وكيف صحتك .؟ ابو عبدالله بصوت حزين = هلا ولدي وعليكم السلام ,,, الحمد الله وشلونك انت وشلون اخوانك .؟ انا بابتسامة = الحمد الله بخير دامك بخير والتفت لخالد المتمد على السرير ,,, رحت للجهة الثاني من السرير عشان اسلم عليه مع انه موب حاس فيني وقفت عنده ,, وجهه مايل لجهة ابو عبدالله ,, وانتبهت ان الحاف كاشف عن صدره العاري ,,, ومشيوله عنه الزقة الكبيرة ,,, طاحت عيني على الخياطة المعترضة نص صدره ,,, جتني رعشة من شكلها ,, تخرع خاصة مع الظلام صار شكلها مخيف ,,, ومؤلم مديت يدي وخليت وجه خالد يلتفت لي مغمض عيونه كنه نايم وانفاسه هادية ,,, والكدمات الي منتشرة بوجهه بعضها تحولت للون البني ,,, او ازرق بس بسبب الظلام اشوفه بني انحنيت عليه وسلمت على جبهته وبعدها على خده وخده الثاني انا بهمس = الله يقومك بالسلامة ورفعت راسي والتفت لبو عبد الله الي يطالعنا بحزن ,,, شاقوله الحين وشلون اواسيه ( تنهدت ) من عذره ابراهيم يوم مادخل ,,, انا = آآآ ,,, ان شاء الله يقوم بالسلامة لا ياشيخ يقالي واسيته الحين ,,, والمشكلة ابو عبد الله مارد علي ,,, شاقول شاقول انا = آآآ ,,, ان شاء الله ,,, آآآ ,,, شسمه ,,, هذا ,,, ايه اف شاقول ,,,, الناس وش يقولون اذا بغوا يخفون عن احد ,,, التفت لخالد بقلة حيلة ,,, اليوم الخميس المفروض يكون بالرياض خاصة انه وعد اخته رولا يجيهم خميس وجمعة ,,, ( شهقت ) صح يمكن هذا السبب الي خلاه يلح على الدكتور يكتبله خروج اليوم ابتسمت بحزن يمكن رولا زعلانة على خالد الحين لأنه كذب عليها = خالد وانا عمك قطع تفكيري صوت ابو عبد الله والتفت له انا = آآآ ,,, سم ابو عبد الله = ابيك ياولدي تقنع خالد يدرس بجدة ,,, قلت له امس وعيا ,,, قلّه وانا عمك يمكن يسمع منك طيرت عيوني فيه ,,, صاحي هذا ,,, جدة انا بصدمة = جدة ! ابو عبد الله = اعرف واحد بجدة يجهز اموره وامور الشقة وكل شي بس ابيه يوافق يروح يدرس بعيد عن الي مايخافون الله انا بتنهيدة = ياعم انت مكبر الموضوع وهو صغير ,,, ومشكلته مع بدر وربعه بسيطة والضابط مستعد يقبض عليهم ويعاقبهم بس يبي خالد يتعاون معه ابو عبد الله = ماحد يعرف مصلحة ولدي اكثر مني ,,, ابيك تقنعه بس يدرس بجدة التفت لخالد متضايق ,,, اسكت عنه احسن ,,, ابو عبد الله ماهو بعقله الحين ابو عبد الله بترجي = خلاص اعتمد عليك ياولدي .؟ ابيه يدرس النصف الثاني بجدة انا بضيق = يصير خير ( وقلت اغير الموضوع ) آآآآ ,,,, ليه كاشفين عنه الحاف ماهو برد عليه .؟ ابو عبد الله = عشان الخياطة ,,, خالد الله يصلحه فك الزقة عنه ومارضى يحطوله وحده ثانية اخذت شوي وبعدها طلعت من الغرفة ولقيت ابراهيم ومحمد قاعدين يسولفون محمد بضيق = وينه ابو عبد الله وش يسوي داخل مليت ياخي ابي اروح انا باستبهال = داخل محمد = لاه ,,, تصدق حسبته برا ابراهيم = طيب خلاص انت رح وانا وخالد نوصّل ابو عبد الله انا = انتم تحترونه الحين يصحى عشان يطلع والا وشلون .؟ ابراهيم = ايه تحترونه الحين يطلع والا وشلون .؟ محمد بضيق = اف والله مدري عن ابو عبد الله ,,, حنا جاين على اساس يطلع بس تفاجأنا فيه مغمى عليه ,,, ومن الظهر نحتريه يقوم نشوف يبي يطلع يبي يقعد مدري وبعد مشاورات قرنا انه يقعد ابراهيم مع ابوعبد الله لين يشبع من خالد وانا ومحمد نرجع بعد صلاة العشا كنت بالصالة احاول اتصل بجوال خالد اشوفه صحى ولا بعده ولارد بعد ربع ساعة عدت الاتصال ولا رد وبعد ماتعشينا اتصلت مرة ثانية عليه وفرحت يوم سمعت صوته خالد = الوه صوته تعبان وخفيف انا بفرح = هلا والله ,,, عاش من سمع صوتك ,,, وشلونك ياغالي كيف صحتك الحين خالد بتعب = هلا خالد عاشت ايامك ,, انا بخير ,,, وشلونك انت وشلون سالم وسلمى ومعاذ .؟ انا = بخير دامك بخير ,,, من اليوم اتصل عليك توك صاحي والا وشلون .؟ سكت خالد شوي خالد = انت زرتني اليوم .؟ انا بابتسامة = ايه ,,, انا وابراهيم ,,, توك تقوم .؟ خالد بتنهيدة = لا ,,, قمت المغرب واسمع جوالي يرن من اليوم ,,, بس كنت اصلي الصلوات الي فاتني انحرجت اثرني ازعجه وهو يصلي انا بحرج = اوه آسف اجل ازعجتك سمعته يضحك ,,, وابتسمت وشفيه يضحك ذا خالد = ههههههه ايه ازعجتني انا بمزح = احسن خالد = هههههههههههههههههههههههه سكت وانا ابتسم مستغرب ضحكه ,,, سكت خالد من الضحك وبعدها تنهد خالد بتنهيدة = المفروض اطلع اليوم انا = ليش مستعجل ,,, الدكتور يقول لازم تاخذ اسبوع على الاقل راحة خالد بهمس = انا ابخص من الدكتور بنفسي رفعت حاجب واحد بسخرية انا = لا ياشيخ خالد = المهم انا بطلع بكرة ,,, تكفى خالد تعال بدل خالي مابيه يتعنى انا = ومن يقنع خالك مايجي ,,, اليوم كان مسنتر عندك وانت مانت حوله خالد بتنهيدة = ايه ادري ,,, علمني ابراهيم برسالة جوال ,,, يقول ابراهيم يالله اقنعته يرجع ,,, خالي وامي بتصرافتهم احس كني بزر من خوفهم علي ( وتنهد ) ابي اعرف وش بيسون لو عرفوا اني ف وسكت انا = وش فيك سكت ,,, كمل انك وش .؟ خالد بهمس = آآآ ,,, لا لا ابد ولا شي انا مستغرب = يله عاد خالد كمل انك وش .؟ خالد = خلاص خالد ولا شي ,,, امم اقول دريت ان بدر وراكان والباقي طلعوا اعرفه يغير الموضوع ,,, انا = ايه علمني ابراهيم ,,, ان شاء الله مايتعرضون لك مرة ثانية خالد = هه بس انا موب مخليهم ,,, تدري انهم الحين سهرانين باستراحتي انا = وش دراك انهم باستراحتك الحين وانت توك صاحي خالد = علمني صادق قبل يغمى علي انهم ناوين سهرتهم اليلة باستراحتي وهددوه اذا علمني واخذوا المفتاح منه بالقوة انا مستغرب = من صادق .؟ خالد = عامل الاستراحة ,,, والله والله ياخالد لادفعهم الثمن ,,, وقريب يهدد المروح وهو تعبان ,,, اجل من عذر خاله وامه يعاملونه كنه بزر سألته خايف من تهوره انا = وش بتسوي يعني .؟ ,,, لا تنسى ياذكي هم اربعه وانت واحد خالد = الحين ماني مسوي شي ,,, خلهم يسهرون ويستانسون باستراحتي زي مايبون انا بعصبية = ايه يعني وش بتسوي ,,, يامروح سكت خالد شوي خالد = اولا ,,, المروح انت ابتسمت انا = وثانيا خالد = وثانيا بعد انت المروح ابتسمت اكثر ,, ههههههههه خبل انا بابتسامة = طيب وثالثا خالد = وثالثا بروح للرياض ,, تروح معي .؟ شهقت انا بصدمة = وش ,,, تروح للرياض ( وبعصبية ) خبل انت خبل خالد ويتصنع البراءة = ليه .؟ قهرني ,,, خاله ابو عبد الله حالته حاله يحاول يبعده عنهم وهو بيروح لهم برجليه انا بصراخ = وليه تبي تروح لهم يابقرة ,,, ياخي تبي تفتك منهم تعاون مع الشرطة وسو الكمين الي يبونه خالد بهدوء = ايه ان شاء الله ابسويه بس آجله الضابط لين اتشافى تماما وخاصة الجرح الي بصدري سكت شوي مستانس ,,, زين الحمد الله بيتعاون مع الشرطة بيرتاح منهم ولابد ,,, بس لحظة ليه يبي يروح للرياض انا = طيب ليه تبي تروح للرياض .؟ خالد = عشان اسلم على اهلي تسلم معي ,,, آآآ ,,, اقصد تروح معي .؟ ضحكت عليه هههههه يوم اقولكم خبل ,,, انا بابتسامة = هههههههههههههههه ,,, لا ماني مسّلم معك ( وسألته بتشك ) اكيد بتسلم على اهلك .؟ خالد = ايه ان شاء الله انا بشك = طيب والجروح الي بوجهك وش بتقول لامك اذا سألتك عنها .؟ خالد = ماني رايح الاسبوع هذا ابروح الاسبوع الجاي ,,, الاسبوع هذا دبرت لامي عذر ومشى الحال ,, واذا ماخفت الجروح لين الاسبوع الجاي بقول لها امم تهاوشت مع صالح هههههههههههه انا = ههههههههههههههههههههههه زين والله تستفيد من صالح شوي هههههههههه المهم خالد خسرتني تراك ,, مع السلامة خالد = مرني بكرة لا تنسى انا = ياخي بكرة الجمعة مايجي الدكتور خالد = ماعليك دبرتها انا ,,, واخذت موافقته اليوم قبل ينتهي دوامه ,,, انت بس تعال كمل اوراق الخروج انا = طيب وخالك كيف اقنعه مايجي خالد = انا ابتصل عليه الحين ماعليك انا = طيب وشلون اجيك وانا ماعندي سيارة خالد = سيارتي تلقاها مع سعد لانه علمني انه لقى السيارة واقفة عند المقهى و تقدر يطلع لها مفتاح جديد بدل الي ضاع ,,, مره انت بكره وخذ السيارة منه انا = اها طيب ,, ممكن تفارق الحين خالد باستهبال = ايه خذ راحتك بس سكر على وجهي برقة لا تصير دفش سكرت بوجهه وانا اضحك والله ينخاف عليك ياخالد ,,, اجل بتروح للرياض عشان تسلم على اهلك ,,, وتهديدك لبدر وراكان يقول عكس كلامك ,,, تلعبها على مين .؟ لايمكن اخليه يروح للرياض لحاله شكلي غير اعلم ابراهيم ,,, انا ماقدر اروح معه مرة ثانية خلود = يتعرضون لك مرة ثانية و كمين واربعة وانت واحد وتعاون مع الشرطة ,,, وش السالفة .؟ ومن هذا الي تكلمه .؟ التفت لخلود ,,, توني انتبه اني اكلم من اليوم وهي عندي انا = هذا خالد خلود = اها بس بس فهمت تقصد يتعاون مع الشرطة عشان يمسكون على الي اعتدوا عليكم يوم الاحد الي راح .؟ انا = ايه خلود = طيب وش قصة الكمين .؟ وعلمتها خلود بخوف = اوه وبيسويه وابو عبد الله مو راضي انا = عشان يرتاح لازم يسويه ياخلود ,,, الشباب لهم واسطة قوية بالرياض والكمين بس عشان الشرطة تستدرجهم هنا وهم متلبسين طبعا شهقت خلود بخوف خلود = طيب خالد انت خلك بعيد ,,,, خل خالد خويك هو الي يتعاون مع الشرطة لحاله انت لا تتدخل ابتسمت بوناسة خايفة علي هههههههه انا بابتسامة = انا مالي لزمة ,,, الشغل كله على خالد هو الطعم زي مايقول ابراهيم ,, بس الصراحة اذا احتاجني خالد ماني مقصر والله ,,, خالد يستاهل الي يوقف معه خلود بضيق = خلاص عاد انت وتكلمت عن خويلدوه اف يوم الجمعة العصر طلعت من الشقة ورحت لسعد عشان اخذ السيارة منه وبعدها مريت على ابو عبد الله بعد ماقالي خالد الظهر برسالة جوال انه محتاج ملابس غيار وبعدها اخذت السيارة وطلعت من الحارة وصلت المستشفى ورحت للدور الثاني لغرفة خالد دخلت عليه ولقيته جالس على السرير وعنده ممرض وممرضة قاعدين يغيرون الشاش الي بعضده التفت لي خالد وابتسم ابتسامته العذبة لكن مخرب عليها الكدمات والخدوش الي بوجهه ,,, انا الكدمات الي بوجهي اخف منه بكثير خالد بابتسامة = هلا والله انا بابتسامة = هلا فيك ,,, جبت لك غيار ,,, ابروح انهي الاوراق واجي ,,, القاك جاهز خالد = ايه ,,, اصبر ومد يده يبي يفتح الدرج الي بجنب السرير بس الممرض الفلبيني منعه يوم خرب عليه خالد لف الشاش قربت منهم انا = وش تبي .؟ خالد = بالدرج فيه اوراق ابيهم فتحت الدرج وطلعت ورقتين وحدة كبيرة والثانية صغيرة عرفت ان الورقة الصغيرة ورقة وصف الدواء للصيدلة عطيت الاوراق خالد ,,, واخذهن مني وعطاني الورقة الكبيرة بس خالد = هذي ورقة من الدكتور اخذتها منه امس ,,, خذها معك وخلص اوراق خروجي ,,, ماتقدر تكمل اوراق خروجي الا بذي انا = اها طيب ( ومديت يدي ) عطني وصف الدواء ابمر صيدلية المستشفى بطريقي خالد = آآآ ,,, لا خلها انا اذا طلعت اجيب العلاج ,,, لا تشيل هم مديت يدي وسحبت منه الورقة بالقوة انا = هات بس ,,, من صيدلية المستشفى ماني دافع شي من جيبي خالد = ايه ادري بس انا اب قاطعته انا = فيه شي غيره بروح تنهد خالد وحرك راسه بلا انا = خلك جاهز وطلعت ,, بعد نص ساعة انهيت اوراق الخروج ورحت لصيدلية المستشفى وصرفت العلاج ,,, بس انصدمت بكمية الادوية الي عطانيها الصيدلي وش ذا ,,, انواع كثيرة من الحبوب اشكال واحجام ومراهم ,,, صاحين المراهم وعارفين لأيش ,,, نقول عشان الخياطة والكدمات بس وشوله كل هالحبوب يمكن غلطان هالصيدلي وصارف لي علاج لواحد ثاني التفت للصيدل وسألته انا = اخوي متأكد من الي صرفته لي .؟ الصيدلي = ايه نعم ,,, هذا وصف العلاج الي وصفه الدكتور .؟ ليه في مشكلة انا = آآآ ,,, لا سلامتك ورجعت لغرفة خالد وانا مستغرب من كمية هالحبوب ,,, والله لونه وش ,,, ترا كل الدعوة طعنة باليد و جرح بالصدر وحرق بسيط بالبطن وكم كفخة بالوجة ماله داعي كل هالحبوب ,, صدق هالاطباء يخلون من الحبة قبة دخلت على خالد الغرفة ولقيته جالس ويده اليسرى معلقة بشاش ثاني على رقبته وماغير ملابس المستشفى رفعت حواجبي مستغرب انا = ليش ماغيرت خالد وعيونه على كيس الادوية = جيت .؟ انا = لا رحت وقربت عنده انا = وش فيك خالد قم غير ملابسك خلنا نمشي رفع نظره لي وطالعني شوي وبعدها قام بطئ بسبب الخياطة الي بصدره واخذ كيس الادوية مني ونزله بالسرير وبعدها طلع من الكيس الي من خاله بنطلون وراح للحما جلست على السرير انتظره يخلص ,,, مرت عشر دقايق وخالد ماطلع كلمته بصوت عالي عشان يسمعني انا بصوت عالي = يله خالد ,,, وش تسوي بالحمام ياخي رد علي خالد بصوت عالي من داخل الحمام خالد = والناس وش تسوي بالعادة بالحمام ياغبي ضحكت انا = هههههههههههههههههه مايسون شي اطلع اطلع بس خالد = اصبر خالد انا ماستخدم الا يد وحدة و صعب اغير اف انا بضيق = طيب قلتلك خلك جاهز لي وقطع علي رنين جوال خالد القيت نظرة عليه وانتبهت ان شاشة الجهاز مصلحها ( مامي يتصل بك ) ضحكت هههههههه حلوة مامي هذي تذكرت مامي انا صح وش صار على امي مو تقول خلود انها المفروض تجي للشرقية الاسبوع الي راح ,,, انا انشغلت بالي صار ,,, لازم اسأل خلود لازم طلع خالد من الحمام وقرب عندي ,,, وطلع بلوزة من الكيس الي بجنبي على السرير انتبهت ان الزقة الكبيرة ماهي عليه والخياطة الي بصدره تصيبني قشعريرة كل ماشفتها قمت و مديت يدي ومرت اصبعي على الخياطة الي بصدره انا = شكلها يخرع نزل خالد نظره يشوف الخياطة خالد = تبي اقولهم يسولك وحدة مثلها شهقت وضربت راسه انا بعصبية = فال الله ولا فالك خالد = ههههههههههههههههه لبس خالد البلوزة بصعوبة وخاصة كم اليد اليسرى انا بضيق = يله والا عاجبك ريحة المستشفى خالد = طيب ساعدني وسكر ازارير البلوزة انت انا = اعتمد على نفسك خالد = مالك عليك خلص خالد اخيرا ,,, واخذت كيس الادوية ورفعته اوريه خالد انا = شف ماهو صاحي دكتورك ,,, كل هذي حبوب وعلى وش .؟ ,,, على كم جرح اخذ خالد الكيس مني خالد = هذا انت قلتها ماهو صاحي طلعنا من المستشفى وانا فرحان بطلوع خالد بالسلامة ,,, وطوال الطريق اسولف معه وانا اسوق ,,, التفت لخالد لقيته يطالع الدريشة الي بجنبه وسرحان انا بابتسامة = وش فيك لا يكون زعلان لانك طلعت من المستشفى هههههههه تبيني ارجعك التفت لي وابتسم خالد = ماني زعلان ولا شي انا بابتسامة = طيب ليه سرحان ,, بأيش تفكر .؟ التفت خالد مرة ثانية للدريشة الي بجنبه خالد بهمس = مافكر بشي انا = امم اقول كيف صلحت شاشة جوالك وانت بالمستشفى ,, والا احد صلحه لك .؟ التفت لي خالد مرة ثانية وابتسم خالد بابتسامة = صالح اخذه مني وداه يصلحونه التفت له متفاجئ انا = صالح صالح ماغيره .؟ خالد = ايه طالعت قدام اقلب المسألة براسي وشلون صالح يصلح جوال خالد ,,, وش صاير بالدنيا التفت لخالد ماني مصدق انا = يمكن محمد اخو صالح .؟ توسعت ابتسامة خالد خالد = لا ,,, صالح ماغيره التفت قدام وسكت ,,, غريبة صالح ,,, وابتسمت يوم تذكرت كيف تفاجأ صالح يوم عرف بتوبة خالد وابتعاده عن رفقاء السوء ,,, ويوم قال لنا ابراهيم وحنا بالمدرسة اننا لازم نكون حوالين خالد نسانده على التوبة خاصة بعد ماعرفوا انهم يلاحقونه ويمكن يرجعون له مرة ثانية كان صالح هو اكثر واحد منا معصب على بدر وربعه واذكره يوم يقول لنا وحنا بالمدرسة صالح بعصبية = ليتهم يطيحون بيدي لاكسسر عظامهم الكلاب انا وابراهيم وماجد تفاجأنا من عصبيته خاصة ان المتضر خالد الي هو صالح بنفسه دايم يتهاوش معه ماجد بطرف عينه = الله الله كل هذا عشان خالد ,,, طيب انت دايم تكفخه وماتمر ساعة الا وانت وخالد متهاوشين تلعثم صالح وقال يرقع صالح = ايه ,,, أأأ ,,, انا غير ,,, انا بس يحق لي اتهاوش معه ,, ماهو قريبي .؟ ضحكنا عليه وهذاك اليوم كل شوي نعيد كلمته ونستهزء فيه التفت لخالد الي سرح بعيد عني وهو يطالع قدام انا بابتسامة = شفت يوم اقولك صالح طيب التفت لي خالد وبعدها ابتسم خالد = ههههه يمكن وصلنا بيت ابو عبد الله ونزلت قبل خالد ورحت للبا اضرب الجرس وخالد الى الحين ينزل بهدوء وبطئ بسبب الجرح الي بصدره صارت حركات خالد بطيئة فتح لي الباب صالح مدري ليه ضحكت على طول يوم شفت صالح صالح مستغرب = شايف مهرج الاخ على وش تضحك .؟ انا بابتسامة = احم ,,, لا ولا شي التفت صالح يشوف خالد الي قرب عندنا صالح باستهبال = اوه حبيبتي شو هيدا المكياج بيجنن قطب خالد حواجبه مستغرب خالد = مكياج .؟ مت ضحك عليهم صالح يقصد الكدمات والخدوش الي بوجه خالد ,,, أشرت لخالد افهمه يعني الكدمات ابتسم خالد يوم فهم عليه خالد = كلو لعيونك حبيبي ضحكت اكثر على تعليق خالد دخلنا البيت ورحنا للمجلس ,,, وقبل نجلس جانا ابو عبد الله وهو فرحان بطلوع خالد راح له خالد يسلم عليه وحب راسه ابو عبد الله والفرحة بوجهه سبحان الله امس كيف واليوم كيف ابو عبد الله = هلا والله بوليدي ,,, الحمد الله على سلامتك ,, مأجور وانا ابوك مأجور ,,, تعال ارتاح ومسك يد خالد يبيه يطلع من المجلس خالد = ابجلس هنا ياخال ابو عبد الله = لا لا رح لغرفتك وانا ابوك ,,, انت تعبان ولازم ترتاح الله يرضى عليك خالد = لا ,,, ماني ابو عبد الله = تعال الله يصلحك تعال انا = خالك معه حق رح لغرفتك بعد ماصرينا عليه رحنا للملحق وسدحه ابو عبد الله غصب على السرير اخذنا شوي وبعدها اذن لصلاة المغرب وطلعنا انا وصالح وابو عبد الله نصلي ,,, وبالمسجد شفت ابراهيم وكان هو الامام فرصة لازم اعلم ابراهيم واقوله عن توعد خالد لبدر وربعه وانه ناوي يروح للرياض الاسبوع الجاي بعد الصلاة والحمد الله تحسن ابراهيم بالإمامة ,,, صار مايركبك ولا شي ,,, عادي بالعكس صوته احلى من اخوه فايز طلعت من المسجد وقفت انتظر ابراهيم يطلع عشر دقايق وهو طالع ,,, رفعت صوتي اناديه انا = ابراهيم شوي ابيك التفت لي وجا ابراهيم = هلا خالد ,,, يقول صالح انك رايح تطلع خالد من المستشفى ,, طلعوه .؟ انا = ايه ابراهيم = زين ,, الحمد الله على سلامته ,,, بغيت شي .؟ انا = ابراهيم عندي اخبار ماتسر تغيرت ملامح ابراهيم وسكت ينتظرني اكمل انا = ابراهيم خالد قالي امس ان الشباب الي اعتدوا عليه سهرانين باستراحته وخالد معصب منهم وسمعته يتوعدهم والمشكلة انه ناوي يروح للرياض الاسبوع الجاي طير ابراهيم عيونه فيني ابراهيم بصدمة = صاحي هذا .؟ انا = جاك العلم ,,, ابراهيم تكفى رح معه للرياض اخاف يتهور ابراهيم = اصبر اصبر خلني افهم اول ,,, الاستراحه لأبو خالد والا لخالد نفسه ,,, اذا كانت لأبوه يعلم ابوه احسن عشان مايدخلونها مرة ثانية انا بحزن = لا للأسف الاستراحة لخالد ابراهيم = ماشاء الله عنده استراحة حركت راسي باية ,,, سكت ابراهيم يفكر شوي ابراهيم = لازم نعلم الضابط انا = ماراح نستفيد شي ,,, هم بالرياض والضابط شغله هنا ماله دخل بالرياض ابراهيم = هذي المشكلة ( وسكت يفكر ) سمعته يتوعدهم ,,, وش قال بالضبط .؟ انا = يقول ابدفعهم الثمن ومدري ايش وبعدها على طول قال ابروح للرياض ,,, واضحة يابراهيم ابراهيم معصب = الصراحة خالد يبي من يعطيه كف يرجعه لعقله انا بتنهيده = خالد اخذ من الكفوف لين قال بس ابراهيم معصب = ابو عبد الله امس مثل المجنون يبيه يدرس ثانية وهو بيروح لهم بنفسه انا = ايه انا قلت كذا بعد ,,, ابراهيم شسوات .؟ سكت ابراهيم شوي ابراهيم = ماتقدر تروح معه انت .؟ انا = الصراحة لا ماقدر اترك اخواني مرة ثانية ,,, بس اذا كنت ماتبي تروح انت ,,, آمري لله ابحاول اروح معه ابراهيم = امم خلاص انا ابروح ونشوف عقله وين يوصله انا بتحذير = بس تكفى ابراهيم لا تقوله اني انا الي علمتك حط نفسك انك تبي تخاويه كذا بس بدون سبب او حط نفسك ان عندك شغل بالرياض وتبي تخاويه ابراهيم = ايه اكيد طبعا ( وتنهد ) الله يستر |
|
|
#23 |
|
|
رد: قصة خالد الغامضة
* 23 *
مشينا متوجهين للحارة انا بخوف = تكفى ابراهيم لا تخليه يتهور ابرايهم = انا ابعلم الضابط انا = ايه ب ابراهيم = لازم الضابط يدري تنهدت وسكت وظلينا ساكتين لين وصلنا بيت ابو عبد الله ودخلنا بيته عشان ابراهيم يسلم على خالد ولقينا بغرفة خالد ابو سعد وابو محمد وابو فايز وابو عبد الله وصالح وفايز وسعد وماجد وخالد جالس بالسرير بأوامر خاله ,,, سلم عليه ابراهيم وظلينا حنا الشباب واقفين حوالين السرير والشيبان جالسين بعيد شوي ,, وصالح هو الي يصب القهوة والشيبان كل شوي يعيدون علينا الاسطوانة ابعدوا عن رفقاء السوء ومدري ايش من هالنصايح قرب صالح من سرير خالد وانحنى شوي عليه وقال بصوت هامس عشان الشيبان مايسمعونه صالح بهمس = وانت متى تبرا بالضبط ,,, وش قال الدكتور .؟ سعد مستغرب وبهمس = ليش تسأل خله براحته يبرا متى مايبرا رفع صالح راسه والتفت لسعد صالح = لا بس مشتهي اتهاوش مع احد ضحكت عليه وعلى خالد الي طير عيونه بصالح ماجد = هههههههههههههه وانا اقول ,,,, مسكين صلوح ل سمعنا ابو صالح وقاطع ماجد بصوت عالي يهاوش ولده ابو محمد بعصبية = مشتهي وش .؟ ارتبك صالح خايف من ابوه صالح مرتبك = آآآ ,, لا سلامتك ,,, آآآآ ,,,, اصبلك قهوة يبه ضحكوا عليه الشباب ابو محمد بعصبية = انا صاير ماشوفك بالبيت وين تروح هاه ,,, اشوف علمني من خوياك الي تماشيهم .؟ ابو محمد خايف على صالح من رفقاء السوء من بعد الي صار بخالد ,,, والا صالح مايماشي الا انا وماجد وابراهيم و يعرفنا زين ابو محمد بس مدري وش صار له صالح بمزح = من اماشي يعني ,,, ماماشي الا هالدشرن ( وأشر على ابراهيم وعلي وعلى ماجد بتقليل قيمة ) يبه تراهم بيخربوني ابراهيم = انت ماغيرك الي بيخربنا ,,, لا تخليني اعلم عن سواياك التفت صالح لبوه متجاهل ابراهيم = يبه وبعدين انا دايم بيت عمتي ,,, الرسول وصى بصلة الرحم وانا اوصل عمتي واخدمها ,,, افا عليك بس رفع ابو محمد صدره مفتخر بصالح ابو محمد = ولدي الله يرضى عليك ,,, ايه هذا ولدي الي انا مربيه ابو عبد الله بفرح = بارك الله فيك ياصالح ههههههههه مصدقينه الشيبان خالد بهمس يكلم صالح = صلة رحم هاه ولا ويقول اخدمها يالكذوب وانت هذاك اليوم معي توصلها السوق غير انا وديتها صالح بعصبية = اسكت انت اسكت سعد بسخرية = خالد اسكت عن هالبار الحنيّن اعلن ابو عبد الله بفرح ابو عبد الله بابتسامة = بكرة عشاكم عندي على سلامة خالد يوم السبت اخذت البحث وسلمته للاستذ واعتذرت له عن تأخري في التسليم بعد ماخلص الدوام الدراسي الظهر رجعت للشقة على طول عشان اسأل خلود عن امي ,,, امس نسيت اسألها والحين اخاف انسى بعد دخلت الشقة ولقيتها فاضية ,,, شكل خلود مابعد جت من المدرسة ,,, رحت لغرفتي ,,, واو الشقة هادية ,,, مافيه ازعاج معاذ وصياح سلمى وعناد سالم ,,, انسدحت على سريري مستمتع بالهدوء وغفيت لين يجون على الغدا سألت خلود عن امي خلود تنهدت بزعل = جو للشرقية بس تقول مالقوا سكن مناسب الى الحين وهم ساكنين الحين مع عايلة ثانية من نفس جنسيتهم ,,, مانقدر نروح للشرقية عندها ,,, خالد انا مشتاقة لها مرة تنهدت وسكت مو بس انتي مشتاقة لها ,, كلنا كملنا غدانا وانا وخلود ساكتين وكل واحد بافكاره وبعد ماخلصنا تذكرت اني لازم ارجع الاب توب لخالد انا = خلود وين الاب توب .؟ خلود = بحجرتي انا = هاتيه ابرجعه لخالد خلود بضيق = اوه خالد ابيه ماشبعت منه ,, بوقت فراغي مدري وش اسوي وادخل النت ,,, لا خالد لا ترجعه رفعت حواجبي ,,,, ياسلام انا = هو لخالد لازم ارجعه خلود = هو طلبه منك .؟ انا = لا ,,, بس لازم ارجعه الى متى يعني يصير عندنا سالم = انا من زمان ماشفت خالد هو ليه مايجينا ,,, خالد قله يجي خلود بعصبية = وش يجي بعد انت الثاني سلمى = نبيه يلعب معنا خلود بعصبية = اف خالد بالمستشفى مايبي يجي غصب انصدموا سالم وسلمى من الي قالته تضايقت من اسلوب خلود انا بضيق = خلود التفت لي سالم سالم = خالد بالمستشفى .؟ التفت لسالم وسلمى احاول اطمنهم ,,, هم متعلقين بخالد واكيد بيزعلون اذا عرفوا بالي صار له انا = لا ,,, خالد ماهو بالمستشفى ,,, خالد بيته وطيّب ,,, وش رايكم نروح له العصر بعد العصر بساعة اخذت الاب توب وطلعت من الشقة ومعي سالم وسلمى وحتى معاذ ضربت جرس بيت ابو عبد الله وفتحلي خالد بنفسه ,,, رفعت حواجبي مندهش وش صاير بالدنيا خالد لابس ثوب ,,, بس لو يده ماهي معلقة برقبته كان بيكون كاشخ خالد = هلا خالد ونزل نظره يشوف اخواني وتوسعت ابتسامته خالد = هلا هلا حيا الله الشباب جلس على ركبته عشان يسلم عليهم ,,, لأنه طبعا مايقدر ينحني وينزل لمستواهم بسبب جرح صدره العميق سلم عليه سالم وتعلق برقبته يبيه يشيله زي العادة خالد = اوه سالم ماقدر حبيبي نزلت الاب توب بالارض وفكيت يدين سالم عن رقبة خالد وابعدته عنه انا = سويلم يله بلا دلع التفت لخالد ولقيت سلمى متعلقه برقبته تحتريه يشيلها ,,, ايه ابعد هذا يجي هذا فكيت يدين سلمى عن رقبة خالد وابعدتها عنه انا بضيق = سلومة يله بلا دلع التفت مرة ثانية لخالد وطيرت عيوني يوم شفت الثالث متعلق برقبة خالد ,,, عصبت معاذ يقلد سالم وسلمى بكل شي وعلى عماها فكيت يدين معاذ الصغيرة عن رقبة خالد الي ميت ضحك عليهم انا بعصبية = مستانس انت وجهك قام خالد وهو يضحك خالد = ياحبي لهم ابتسمت انا بابتسامة = شفت لأنك معودهم كل يوم تشيلهم ,,, كل ماشافوك قمت وشلتهم مارد علي وفسح لي الطريق ادخل البيت وهو مبتسم دخلنا غرفته ,,, ونزلت الاب توب حقه بطاولته انا = هذا لاب توبك رجعته ,,, مشكور خالد ماقصرت جلس خالد على السرير وهو ماسك بيد معاذ وخلاه يوقف قدامه خالد = ليه جبته ,,, كان خليته عندك ماحتاجه الحين تدخل سالم سالم = خلود ماشبعت منه شهقت وعضيت على شفايفي بقوة ,,, فضيحة هالبزارين التفت خالد لسالم وهو ماسك ضحكته وبعدها نزل نظره لمعاذ وضمه لصدره على الخفيف وهو ساكت يحاول يحط نفسه ماسمع ,,, التفت لسالم معصب ,,, اوريك ياسالم ,,, ان ماقصيت لسانك ماكون خالد جلست بجنب خالد على السرير وانا متفشل من سويلم الحمار انا = احم ,, آآآ ,, وين ابو عبد الله .؟ التفت لي خالد خالد = امم مدري ,,, بس صالح وخالي شكلهم مشغولين عشان العزيمة صح تذكرت انهم عندهم عزيمة اليوم انا = تصدق نسيت ان عندكم عشا اليوم ب وقاطعني سالم سالم = خالد بروح لل ابي العب برا مع اصدقائي القديمين من زمان عنهم ليتك رحت من اول انا بعصبية = أذلف سلمى = وانا بعد ابروح انا = روحي وطلعوا يركضون جا معاذ بيروح معهم بس منعته التفت لي خالد خالد = خالد ليه مارحت لدوامك اليوم .؟ نزلت راسي وسكت خالد = اذا كان عشان الاب توب ياخي مايحتاج تتأخر عن دوامك عشانه كان انتظرت لين تطلع من دوامك وتجيبه مايحتاج تتعنى مابي اقوله الحين عن تركي للشغل انا = آآآ ,,, ان شاء الله حط يده السليمة على كتفي خالد = خذ سيارتي ماحتاجها وتصرف فيها زي ماتبي انا = آآآ ,,, ماتقصر ( ورفعت راسي وقلت اغير الموضوع ) لابس ثوب اليوم وش عندك ( وابتسمت ) ضحك خالد خالد = ههههه رحت للمدرسة اليوم ومتعيجز اغير ,,, تصدق تأخرت عن الحصة الاولى عاد لو تدري وش الي أخرني كان ضحكت علي هههههههههه ابتسمت مستغرب ومستانس بنفس الوقت انا بابتسامة = رحت اليوم لمدرستك خالد = ايه بس طولت وانا احاول البس ثوبي لين تأخرت عن الحصة الاولى هههههههههههه والحين متعيجز اغير انا = هههههههههه مو لازم تغير ,,, الحين يجون الرجاجيل ( وسكت لما تذكرت شي ) بس تعال ,,, رحت على السيارة ,,, لا تقول انت الي سقتها بنفسك خالد = هههههههههه لا ,,, خالي هو الي وصلني ,,, بس ياخي عادي اقدر اسوق بيد وحدة ,,, بس خالي دايم يكبر الموضوع انا = اسكت اسكت وش قال قال اقدر اسوق بيد وحدة خالد بتحدي = جربني ضربت فخذه وقمت انا = انت خبل والي يسمع كلامك خبل ,,, يله انا ابمشي الحين خالد = وين .؟ انا = للشقة بعد وين ,,, انا نسيت ان عندكم عزيمة والحين اكيد مشغولين خالد = لا والله انا فاضي ,,, ماعندي شي اسويه وطفشان ,,, ايه صح خالد ماقلت لي ,,, ليه مارحت لدوامك اليوم .؟ التفت عنه بضيق ,,, خالد بينشب بحلقي لين يعرف انا بضيق = من اليوم وطالع ماعندي دوام ,,, استغنوا عن خدماتي والتفت لخالد لقيته مطير عيوني فيني خالد = وش ,,, تركت شغلك .؟ انا = هم الي تركوني ماهو انا الي تركتهم خالد = من متى .؟ انا بحزن = من يوم الثلاثاء قام خالد بطئ وحط يده على كتفي خالد = كنت عارف ,,, قلتلك انا مارتحت لمديرك ,,, لا تشيل هم ان شاء الله بتحصل غيرها انا بتنهيدة = الي على شاكلتي مايحصلون وظيفة ,,, لا شهادات ولا دورات خالد = بالواسطة ,,, كل شي بالواسطة يمشي ( وكمل بنبرة غريبة ) حقي ماني قادر اخذه وكله من الواسطة يقصد بدر وراكان انا = ان شاء الله بتاخذ حقك منهم سكت خالد بتفكير سارح استغربت ,,, هالعقل وش يفكر فيه خالد بتفكير = خالد انا مستغرب = هلا خالد = وش رايك تجرب التجارة .؟ فتحت فمي استوعب وبعدها ضحكت انا = هههههههههههههههههههههههههههههه هههههههههههههههههههه هههههههههههههه خالد مستغرب = وش فيك .؟ قايل شي يضحك دمعت عيوني من الضحك انا = وش قال قال تجارة ,,,, هههههههههههههه انا تبيني اجرب التجارة من وين ههههههههههههه ابتسم خالد وغمز لي بعينه خالد = خل كل شي علي سكت مستغرب ,,, وشلون يعني اخلي كل شي عليه ,,,, من وين اجرب التجارة وانا ماعندي الا الفين من مستحقاتي الي اخذتها من المستشفى رجعت الشقة وانا افكر بكلام خالد تجارة ,,, انا اجرب التجارة ,,, لا ابوي ولا جدي جربوا التجارة ابجربها انا بعد صلاة العشا قررت اني ماروح للعزيمة اكره العزايم ,,, كل اصدقاي و الشباب الي اعرفهم لهم أباء وبالعزايم يجتمعون كل واحد ومعه ابوه الا انا ,,, احس بحزن وكره لنفسي لما اشوف ابراهيم وصالح وماجد وغيرهم يدخلون بعد ابائهم دخلت الشقة وجلست بالصالة اتفرج على التلفزيون ,,, طلعت خلود متشيكة وعباتها بيدها وسلمى ومعاذ وراها متشيكين بعد,,, رفعت حواجبي مستغرب ,, وين بتروح ذي وقفت خلود عند مدخل الصالة مستغربة مني خلود = خالد ,,, مانت رايح لعشا ابو عبد الله .؟ رديت عليها وانا مستغرب منها انا = لا ,,, وين بتروحين بهالوقت .؟ خلود = وليه مانت رايح مو تقول انك معزوم عنده انا = غيرت راي ,, وين بتروحين .؟ خلود = ليه غيرت رايك انا بعصبية = ايه اسألك وتسأليني ,,, جاوبيني وين رايحة .؟ خلود = ابروح لجارتي زوجها مسافر وعزمتني عشان اسهر عندها اليلة وباخذ سلمى ومعاذ معي ,, بس قلي ليه مانت رايح ,,, انت المغرب قلت انك معزوم عند ابو عبد الله انا = وغيرت راي مابي اروح حكت خلود راسها بتفكير خلود = ماسويت عشا لك ولسالم حسبتك بتروح لبو عبد الله انا = بتطلعين وتخليني في البيت لحالي حطت خلود يديها على خصرها خلود = انت دايم تطلع وتخليني في البيت لحالي رفعت حاجب واحد ,,, مالت عليها وعلى لسانها الطويل خلود = وبعدين وشوله تجلس بالبيت اطلع ورح لبوعبدالله وخذ سالم سالم = انا ابي اروح معك انا بعصبية = ماني طالع انا ,,, خوذيه معك ولا تطولين خلود = اها طيب ( والتفت لسالم ) تدل شقة صديقتي .؟ غير ملابسك وتعال سالم = هي الي دايم نخلي معاذ وسالم عندها خلود وهي تلبس عباتها = ايه انا = وانا وشلون اتعشى التفت لي خلود خلود = خذ سندويشة وادهنها بأي شي لو بماء وكلها ههههههههه بغيت أضحك بس مسكت ضحكتي ورديت عليها معصب انا = اذلفي اذلفي ولا تتأخرين رن جوالي وقبل اطلعه من جيبي خلود = هذا اكيد خالد ,,, اتصل عليك يوم شافك ماجيت صدق انه نشبه وطلعت القيت نظره على جوالي ( خالد يتصل بك ) ضحكت فعلا هذا خالد ,,, مجنونة هالخلود انا بابتسامة = هلا وغلا بخالد خالد = وينك تأخرت احم وشلون اعتذر عن العزيمة الحين انا = آآآآ ,,, تأسفلي من ابو عبد الله ,,, وقله ماقدر اجي خالد = ليه ,,, تعال بس تعال ,, قال ماقدر اجي قال انا = اوه خالد قلتلك مابي اجي خالد = ماتبي تجي والا ماتقدر تجي ,,, فيه فرق صادقة خلود ,, نشبة ,,, سكت ولا رديت عليه خالد = الو ,,, يله خالد تعال نحتريك ,, الكل حضر الا انت انا = خالد اعذرني قلتلك ماقدر اجي وخلاص خالد = تبيني اجي بسيارتي ,,, لموزين مجاني انا = خويلد ,,, ماني مشتهي اجي ,,, تعذّرلي من ابو عبد الله خالد = ليه خالد وش فيك ,,, محتاج شي .؟ تنهدت واعترفتله انا بحزن = ماراح تفهمني ,,, ماحب اشوف الشباب وكل واحد معه ابوه الا انا سكت خالد شوي خالد = طيب انا مثلك ,,, بس مافكرت بالي تفكر فيه انا = انت غير ياخالد ,, ابوك موجود الله يخليه لكم ,,, صح انه بعيد عنك بس موجود وابو عبد الله عندك ومعوضك ,,, قلتلك ماراح تفهمني ,,, اعتذرلي من ابو عبد الله وقله ماقدر اجي ماسمعت رد من خالد انا = الو خالد = آآآآ ,,, طيب انا مشغول الحين ,,, بس فيه موضوع ابي اكلمك فيه ,, انتظر اتصالي لا تنوم ,, مع السلامة انا = طيب ,, مع السلامة سكرت عنه وانا ابتسم ,,, خالد الى الحين ماترك لهجة اهل الرياض ,,, بس ياترا وش الموضوع الي يبي يكلمني فيه قمت ورحت للمطبخ اسويلي أي شي اكله الساعة 12 في اليل رن جوالي ,,, هذا اكيد خالد ,,, القيت نظرة وفعلا ( خالد يتصل بك ) انا = هلا خالد خالد = هلا فيك ,,, السلام عليكم انا = وعليكم السلام ,, وش الموضوع الي تبي تكلمني فيه التفت لمصدر صوت الازعاج الي جا مع دخلت خلود للشقة ,,, وقفت خلود وطيرت عيونها فيني خلود بهمس = الى الحين تكلم .؟ بغيت اضحك ,,, خلود راحت وانا اكلم وجت وانا اكلم بس طنشتها وركزت مع خالد خالد = امم وش رايك نعتمر انا وانت ,, الحين مالك عذر لا شغل ولا مشغلة سكت ومارديت خالد = هذاك اليوم كنت توك متوظف ,,, والحين ماعندك شي ,,, هاه وش قلت انا = واخواني خالد = كنت عارف انك بتقول واخواني ,,, بنعتمر مع اهالينا ,,, انا مع خالي وخالتي وانت مع اخوانك ,,, الصراحة ودي اخذ امي واخواتي بس صعب الحين وفكرت اخذ خالي وخالتي بدالهم ,,, هاه وش قلت انا = وقلت لخالك .؟ خالد = لا ,,, اول شي ابشوف عنك واذا وافقت قلت لخالي حكيت راسي ,,, الصراحة فكرة مش بطاله بس انا = تقدر انت تعتمر وانت بحالتك هذي .؟ خالد = وش فيها حالتي .؟ رفعت حواجبي ,, مسوين له عزيمة لطلعته بالسلامة ويقول وش فيها حالتي انا = تقدر تعتمر وبدر مشرّحك قبل اسبوع ,, تقول طبيب مشرحله مريض خالد = هههههه ايه اتقدر افا عليك ,,, وترانا اذا وافقت انت بنمشي يوم الاثنين ,,, يعني بتصير مكة فاضية تفاجأت انا = يوم الاثنين والدراسة .؟ خالد = ياخي كلها يومين وحنا راجعين انا = طيب وليه ماتخليها خميس وجمعة وش حادك على وسط الاسبوع خالد = ابروح للرياض خميس وجمعة شهقت ,, مدري ليه صرت اخاف اذا قال ابروح للرياض ,,, المشكلة اهله هناك و بدر وربعه هناك ,,, يعني مافيه مجال امنعه ,,, و ماسألت ابراهيم وش ناوي عليه وهو بلغ الضابط والا لا خالد = الو انا = آآآآ معك ,,, خلاص اقول لاهلي واشوف خالد = اوكي ,,, بس حاول تقولهم اليوم ,, عشان الاحد تتجهزون والاثنين نمشي انا = اها وسكرت عنه ,,, والله فكرة حلوة ,,, حنا من زمان ماعتمرنا (ابتسمت بحزن) اخر مرة مع امي وابوي قبل سنتين خلود = ودايم تقولي انتم يالبنات اذا مسكتوا التلفون ماتسكتون ,,, هذا انت ,,, رحت وجيت وانت الى الحين تكلم انا = هههههههههه خلود يامجنونة يوم رحتي هذا اتصال ويوم جيتي اتصال ثاني بس صدفة وافق الاتصال الثاني مع جيتك خلود وهي تجلس = ايه ايه صدقتك انا = المهم فيه موضوع ابي اكلمك فيه التفت لي وعطتني بالها انا = وش رايك نعتمر .؟ شهقت خلود من الفرحة والمفاجأة خلود = ايه ايه ايه ايه انا = بسم الله الرحمن الرحيم هههههههههههههه شوي شوي خلود بفرح = ايه ايه نبي نروح حكيت راسي ,,, الحين وشلون اقول لها اننا مع خالد واهله انا = اكيد تبين تروحين .؟ خلود = طبعا وفيها شك انا = بس ترا ماحنا رايحين لحالنا بيسافر معنا احد قطبت خلود حواجبها مستغربة خلود = معنا احد ,,, منهو .؟ انا = ابو عبد الله وام عبد الله بس ينتظرون موافقتنا ,,, هاه وش رايك .؟ ابتسمت خلود = احلى شي مالهم لا عيال ولا شي ونقدر ناخذ راحتنا واو ايه خالد بنروح بنروح ,,, الله واخيرا بنعتمر انا = احم ,,, وخالد معهم ,,, خالد يعتبر ولدهم سكت خلود وتغيرت ملامحها من الفرحة للضيق ,,, بسم الله والله اكبر بتبدا الهوشة الحين خلود بعصبية = ويرز وجهه معنا ليه ,,, ياخي ماقدر اخذ راحتي ,,, لا ,, لا يروح انا = خلود اكيد بنصير حنا بشقة وهم بشقة او الحريم بشقة والرجاجيل بشقة سكت خلود شوي وهمست ( ايه صح ) انا = اذا كنتي ماتبينا نعتمر وتضيعين الفرصة علينا خلاص كيفك خلود = لا لا انا ماصدقت تقول بنعتمر ,,, الشكوى لله طيب متى قال ابو عبد الله بيسافرون .؟ خلود فاهمة غلط تحسب الي مخط للسفر ابو عبد الله ابتسمت خلها على عماها احسن ,,, المهم ماتخرب علينا الفرصة انا بابتسامة = يوم الاثنين خلود مستغرب = يوم الاثنين .؟ والدراسة انا = كلها يومين وراجعين ان شاء الله خلود = اها ( وقامت بفرح ) ابروح اقول لامي وراحت قمت ورحت غرفتي واتصلت بخالد عشان خلود ماتسمعني انا = الو خالد = هلا خالد ,,, هاه بشر ,,, اقول لخالي .؟ ابتسمت انا = ايه ,,, خلاص وافقوا الاهل ,,, بس تعتقد ابو عبد الله بيرضى يخليك تسافر وانت بهالحالة خالد = رجع وقال حالتي ,, ياشيخ انا بخير لا تخاف ,,, واذا بغيتني اطوف فيك بعد ماعندي مانع انا بمزح = هههههههه خلاص تراك قلت تطوف فيني ,,, وابيك تسعى فيني بعد خالد = ههههههههههه ماتنعطي وجه ,,, المهم الحين خالي نايم بكرة ابقوله بس انتوا تجهزوا وانا ابستاجر سيارة مناسبة لنا ,,, يله مع السلامة انا = خالد واذا عيا خالك يسافر ,,, او عيا عليك تسافر وانت توك طالع من المستشفى خالد = ماعليك خل خالي علي ,,, خالي مايرفض لي طلب واكيد بيوافق انا = على خير ,,, مع السلامة يوم الاحد طوال اليوم وانا مع اخواني وخلود بالذات الي رايحة وراده تجهز شنطتها وشنطة سلمى ومعاذ واما انا اجهز نفسي واجهز سالم ,,, وبعد صلاة العشا بساعة انتهينا من التجهيز وكل شي مشى مضبوط ,,, الا الاحرامات اشتريها من مكه ان شاء الله وبعدها رحت مع خالد لاحد محلات تأجير السيارات وجبنا السيارة الي بنسافر عليها وكانت جمس سوبربان ملكي الاثنين بعد صلاة الفجر تجمعنا حنا وعايلة ابو عبد الله بس طلعت لنا مشكلة وهو خالد قدام ماياخذ الى شخصين وابو عبد الله طبعا احتراما له لازم يصير قدام وبنفس الوقت لازم نريحه ونتكفل حنا بالسواقة وماحد يقدر يسوق الا انا ,,, لكن طحنا بمشكلة وحدة الي هو خالد ,,, مايقدر يجلس ورا مع الحريم خاصة ان وحدة مرت خاله والثانية اختي وصعبة يجلس ورا عندهن وبنفس الوقت خالد مايقدر يسوق عشان انا اروح ورا ويصير بيني وبين ام عبد الله خلود ,,, يعني خالد لا يقدر يسوق و يصير قدام ومو محرم للحريم ويصير ورا انا = وين نوديك الحين وين نقلعك خالد = ياخي اجلس انت ورا وانا اسوق ( وجا بينزل الشاش الي يعلق يده فيها برقبته ) انا = وش بتسوي .؟ خالد = ابنزلها عشان اسوق كنا واقفين انا وخالد قدام السيارة وجا ابو عبد الله عندنا يوم شافنا نتناقش ابو عبد الله = وش فيكم .؟ ليه ماتركبون خالد = آآآ ,,, خال انا اقول لخالد يصير ورا وانا اسوق بس وقاطعه ابو عبد الله معصب ابو عبد الله = تسوق وانت يدك تعورك ,,, وش قلتلك امس ,,, ماقلت شرطي انك ماتسوق وتخلي السواقة لي ولخالد ,,, لا اشوفك تسوق فاهم ابتسمت بحرج لبوعبد الله انا = طيب وين نوديه ياعم ,,, مايقدر يجلس ورا مع الحريم التفت ابو عبد الله للسيارة وبعدها التفت لنا ابو عبد الله = خلاص انا اصير ورا خالد وانا متفاجئين = هاه خالد = انت ياخال .؟ ابو عبد الله = ايه يله يله امشوا تأخرنا وراح ينظم البزارين والحريم انا وخالد طالعنا بعض وحنا منحرجين من ابو عبد الله انا بحرج = نخليه يجلس ورا وحنا قدام خالد = كله منك ,,, ياخي الجرح هنا ( وأشر على عضده اليسرى ) واقدر امسك الدركسون انا = كله منك انت ,,, ليه ماستاجرت سيارة تاخذ ثلاث اشخاص قدام خالد = هذا الي لقيت ,,, وبعدين جايب سوبربان عايلي وش تبي بعد ,,,تبيني اجيب باص صارخ علينا ابو عبد الله معصب ابو عبد الله = يلله تأخخخخخرنا ركبنا وحركنا وكنت انا الي اسوق وخالد بمكان الراكب ,, وابو عبد الله وراه وبجنبه زوجته وراي خلود ,,, وسالم وسلمى ومعاذ بالمركبة الثالثة البزارين متحمسين وضحك ولعب وصراخ ,,, ولما وقفت عند المحطة اعبي بنزين ,,, نزلهم خالد يشتريلهم خفايف وكيكاوات ,,, ورجعوا وكل واحد ومعه كيس هذا غير الكيس الكبير الي معه واخيرا طلعنا من الديرة وساعة وساعتين وبعدها خف حماس البزارين واخيرا هجدوا الساعة 9 ونص الصباح وحنا بالطريق رن جوال خالد والقى نظرة عليه وبعدها فتح الدريشة الي عنده ورد بصوت خفيف عشان الي ورا مايسمعون خالد = بسم الله من كل شيطان وهامة ومن كل عين لامة التفت لخالد مطير عيوني ,,, وش هالترحيب الغريب بالمتصل خالد = ,,,, وش تبي ,,,,, لا ,,,,,, ماتسمع اقولك لا ,,,,,, والله عاد كيفي ادفع الرواتب والا مادفعها مالك دخل ,,,, نويصروه يازفت انا ابي اعرف تحشر خشمك ليه .؟ ,,,,, قسم بالله نفسي اشوفك واشرب من دمك كرهتني بعيشتي شهقت ناصر خالد = وانت وش عليك ,,,, اقول فارق بس فارق ( وسكر معصب ) التفت لخالد وسألته متردد انا بتردد = هذا ن ,,, ناصر مال خالد ناحيتي وقرب مني عشان الي ورا مايسمعون خالد بعصبية = قصّر صوتك ملت ناحيته وقربت راسي من راسه انا = هذا ناصر .؟ خالد = ايه ,,, الكلب يحشر نفسه بامور ماله دخل انا = وش يبي .؟ خالد = يبيني ادفع الرواتب للموظفين رفعت حواجبي ماني فاهم شي انا = ماني فاهم ,,, ممكن تفهمني قرب راسه لي خالد = انا مابي خالي يسمع ( قربت راسي له اكثر ) انا مأخر دفع الرواتب لموظفين العيادة عشان اضغط على وينلي ابعدت عنه وطالعته معصب انا بعصبية = وش ذنب الموظفين ماتدفع حقهم خالد بعصبية = ياحمار قصّر صوتك ( قربت اذني له وانا اسوق ) وينلي معهم مادفعت راتبه انا = من متى مادفعت رواتبهم .؟ خالد = امم تأخر نزول رواتبهم اسبوعين هذا الاسبوع الثالث انا = حرام عليك ,,,, اعط الأجير أجره قبل ان يجف عرقه خالد = تحت المكيف من وينلهم عرق ضربت فخذه وضحكت انا = هههههههههههههههه انت فاهم قصدي لا تتغيبى ,,, خويلد حرام عليك انت الحين رايح عمرة ,,, ترضى تروح والموظفين يدعون عليك لأنك اخرت حقهم ,,, ياخي لا تنسى بعضهم محتاجين ,,, مشاكلك مع وينلي حلها بعيد عن الموظفين الي مالهم ذنب ,,, تبي تأخر راتب وينلي أخره كيفك اما الموظفين ادفع رواتبهم كل راتب بوقته خالد = الرواتب الي يستلمها وينلي وهو يوزعها على الموظفين بطريقته ,,, ماقدر اخر راتبه الا اذا اخرت رواتب الموظفين ,,, وبعدين انا قصدي اضغط عليه عن طريق الموظفين ,,, تعبت وانا افكر بطريقة اتخلص فيها من وينلي ,,, قلت مالي الا الموظفين انا = الحين يمديهم يدعون عليك ويقولون صاحب المستشفى مادفع رواتبنا ,,, الله ياخذ حقنا منه ,,, ترضى احد يدعي عليك والحق تراه معهم ,,, ولا ورايح للعمرة بعد ,,, كيف تبي الله يتقبل عمرتك وانت ظالم موظفينك سكت احتري رد من خالد ,, التفت له بطرف عيني ولقيته يفكر ,,, ابتسمت ان شاء الله آثرت عليه ,,, الصراحة خالد غلطان بتصرفه هذا ,, لكن والله عاذره شكله من كثر مايهوجس بطريقة يتخلص فيها من هالامريكي لجأ لظلم المساكين اعتدل خالد بجلسته والتفت له ولقيته يفكر ,,, اخليه يفكر براحته احسن وان شاء الله يحط عقله براسه ويدفع حق الموظفين ,,, بس الحين خلاص حنا بسفر ومافيه بنوك الا اذا وصلنا الطايف او مكة انا = خلاص خالد سد رواتبهم اذا رجعنا او من مكة أخذ خالد لاب توبه الي حاطه بارض السيارة تحت رجليه وشغله رفعت حواجبي ,,, مالت عليه راح يلعب بالاب توب ,,, وانا على بالي آثرت عليه ,,, شكله ماعليه من كلامي ولا تآثر فيه خالد = معك حق ياخالد ,,, مابي احد يدعي علي ابتسمت بفرح ,,, زين والله اثرني اعرف آآثر على غيري انا بابتسامة = خلاص اذا رجعنا رح للبنك التفت لي خالد مستغرب خالد = ليه .؟ قطب حواجبي ,,, ومن الصبح وش نتكلم عنه انا = وش الي ليه ,,, عشان تسد الرواتب والا غيرت رايك ابتسم خالد خالد = ابسده من هنا ( وأشر على الاب توب ) مايحتاج اروح للبنك رفعت حواجبي مستغرب وشلون ,,, من وين انتر نت وحنا مسافرين ,,, بس سكت عنه يمكن خالد ضاربة فيزواته الحين شفت خالد بطرق عيني يطقطق بالكيبورد ,,, التفت وركزت بشاشة الاب توب ولقيته فاتح على بريد طيرت عيوني منهبل ,, انترنت وحنا بالطريق انا بصدمة = داخل انترنت .؟ وشلون خالد = عندي كونكت ,,, تقدر تدخل الانترنت فيه من أي مكان انا مستغرب = وش كونكت .؟ خالد = هذا (وأشرعلى شي مثل الفلاش ميموري ) ورجع يطقطق ,,, وطول وهو يكتب ,,, استغربت وش يكتب ذا ,,, حاولت اركز بشاشة الاب توب وانا اسوق ,,, لكن ماستفدت شي ,, كله الي يكتبه انجليزي وبعدها فتح موقع وشفت شعار لاحد البنوك وعرفت انه داخل على موقعهم شكله بيحول الرواتب ,,, صدق اني على نياتي ,,, انا اقول مايقدر يسد الا اذا رجعنا او من مكة ,,, عصر السرعة شنقول بعد طلع خالد جواله وضغّط فيه شوي وبعدها رفعه لأذنه خالد بصوت خفيف = هلا سلطان ,,,,, وشلونك ,,,, الحمد الله طيب وشلونك انت ,,, ياربي لك الحمد ,,,, امم سلطان تو ارسلت رسالة على بريدك ,,, وحولت لك بحسابك رواتب الموظفين ,,,, ابيك لا هنت تاخذ الرسالة الي ارسلتها لك وتطبعها وتسلم الدكتور انتلانس الرواتب بس اهم شي ماتسلمه الرواتب لين يوقع على الرسالة الي انت طبعتها ,,, مهم ياسلطان لا تسلمه الرواتب لين يوقع على الرسالة ,,,, شف تراه يمكن يعصب عليك ويمكن يلفعك بالي قدامه هههههههه ,,,, بس انت لا تسلمه ولا عليك منه قلّه يا توقع وتستلم والا لا تستلم ابد ,,,,,, هههههههههه اقرا الرسالة وتعرف وش فيها ,,,, بس من الحين اقولك خذ معك اسعافات اوليه ههههههه ,,,,,, لا اذا عيا يستلم اتركه وخله انا اذا رحت للرياض اتفاهم معه ,,,,,,,,,,,,,, معليش تحمله ,,,,, ادري والله بس وش تبيني اسوي,,,,,, والله ادري ياسلطان ادري,,, سلطان ياليت تروحله اليوم ,,, تراي انتظر اتصالك ابي اعرف وش سويت معه تكفى لا تتأخر علي ,,,, مشكور تعبتك معي ,, مع السلامة تحمست ,, وش السالفة ,, وش فيها الرسالة التفت لخالد وسألته انا = شسالفة .؟ منهو سلطان هذا الي سلمته الرواتب .؟ قرب خالد راسه لي وقربت راسي له خالد = اول شي افتح الدريشة الي عندك عشان الهوا يغطي على صوتك العالي التفت ورا اشوف ابو عبد الله ولقيته يسولف مع مرته انا = خالك يسولف مع خالتك ماهو معنا ( وفتحت الدريشة ) خالد = سلطان اخو خوي الي قلتلك عليه الي عينته يتابع العيادة بغيابي انا = طيب وش الرسالة الي تكتبتها تو ويمكن يعصب وينلي عليها .؟ خالد = ههههههههههه الرسالة يوقع عليها على انه استلم الرواتب كعادتنا كل شهر ,,, انا اذا بغيت اسلمه الرواتب اخليه يوقع اول وبعدين يستلم ,,, لكن هالمرة دخلت مع استلام الرواتب تنازله عن حقه في تعين ممرضين واطباء للعيادة بتوقيع واحد ,,, ابوي معطيه تصريح التعين قبل تنتقل العيادة لي,,,,, تذكر يوم كنا بالرياض يوم طلب مني وينلي اني استقدم ممرضين جدد وعيت وبعدها قالي انه راح يعين ممرضين مخالفين للاقمة مثل ماسوى مع الطبيبين المخالفين ,,, انا خفت الصراحة وخفت يعين من دون علمي واتورط زيادة ,,,, لكن انشغلت ودخلت المستشفى ,,, وتو طرت علي اني ادخّل مع استلام الرواتب تنازله في التعين بتوقيع واحد ,,, يعني اذا بغى يوقع على استلام الوراتب لازم يوافق اول على تنازله في التعين ( وابتسم ابتسامة عريضة ) سكت استوعب وبعدها ضحكت انا = هههههههههههه ذيب ماينخاف عليك خالد بتنهيدة = احتري سلطان يتصل ,,, المشكلة اذا عيا يستلم الرواتب عشان مايوقع على التنازل ( وزفر ) الله يستر ,,, متى ارتاح منه متىىىىىى يارب انه يوقع على التنازل ,,, على الاقل خالد يرتاح من استقدامه لمخالفين الاقامة ,,,, يارب يسر لخالد الخير وابعد عنه شر كل من فيه شر ,,, امه وخاله ورولا واخواته كلهم بحاجته ,,, وخالد حياته كلها ,,, مخاطر يارب سلمه لهم الساعة 12 ونص الظهر وصلنا الطايف وقرنا نتغدا فيها نزلنا انا وخالد وحجزنا طاولات للحريم وطاولات لنا وطلبنا غدانا وكل واحد اخذ مكانه وقبل نبدا بالاكل رن جوال خالد ,, القى نظره عليه وارتبك وقام بيطلع من المطعم عشان يكلم ابو عبد الله = كل يابوك ,,, لاحق على جوالك خالد مرتبك = آآآآ ,,, هذا خوي ,,, تغدوا انتوا ,,, اكلم شوي واجي وطلع بسرعة ,,, هذا اكيد سلطان ,,, ودي اطلع واشوف وش سوا ,,, بس مستحي من ابو عبد الله ,,, التفت لبوعبد الله ولقيته كاف يده انا = سم بالله ياعم ,,, الحين يجي خالد ابو عبد الله = لا وانا عمك نحتريه ماورانا شي مرت ربع ساعة وخالد ماجا ,,,, تضايق ابو عبد الله من تأخره ايه وين راح ذا انا = آآآ ,,, ابروح اشوف وينه واجي وطلعت على طول ,,, دورته ولا لقيته ,,, ورحت للحمات ولا لقيته ,,, رحت عند البياعين ولا لقيته ,,, ورحت للتموينا ولا لقيته ,,, اف وين راح هذا رحت عند مواقف السيارات وانصدمت لقيت خالد جالس على الرصيف وحاط راسه على ركبه ,,, ربي سترك وش فيه خالد ركضت لين وصلته وانحنيت عليه انا = خالد عسى ماشر وش فيك ,,, تعبان .؟ رفع خالد راسه وانصدمت بدموعه خالد بصوت باكي = عيا ,,, عيا ياخالد ,,, قهرني ,,, ذلني ,,,, ابوي وثق فيه لين ضيعني ,,,, ماني قادر اتخلص منه ماني قادر ,,,, تعبت ابي ارتاح انا = خالد ,,,, آآآ ,,, هد شوي وعلمني وش صار ,,, وش سوا سلطان معه .؟ خالد بقهر = عيا ,,, عيا يوقع ,,,, يقول سلطان انه عصب وقاله يوصلي كلامه ,,, يقول انه اليوم بيعين ممرضة مخالفة للاقمة بالتصريح الي عطاه ابوي بس لأني ابطيت ماستقدمت انا = خلها يعينها ,,, عقوبة التستر بتصير عليه لأنه معه تصريح التعين خالد بقهر = بس العيادة لي ,,,, ابوي وثق فيه لين ضيعيني ( وبكى وكمل بصوت باكي ) هذا غير الاطباء المخالفين الي ادري عنهم ,,, ورواتبهم تمشي ,,, ولاني قادر اطردهم بسبب المخالفات الثانية الي يهددني فيها ( ونزل راسه على ركبه) تعبت معه تعبت ,,, احس اني بدوامة ماني قادر اطلع منها حطيت يدي على ظهره احاول اهديه ,,, حتى وهو رايح يعتمر ماهو مرتاح انا = خالد امسح دموعك الحين وامش ,,, ابو عبد الله يحتريك ,,, الله يخلصك من هالامريكي ان شاء الله رفع خالد راسه ورفع فنيلته يمسح وجهه وقف ,, والتفت لي معصب خالد = وتقولي ادفع الرواتب ,,,, ماني دافع الرواتب وماني مستقدم وابطرد الكلب من العيادة واسفره وخله يسوي الي يسوي ,,,, خلهم يسجنوني ويعاقبوني على التستر وعلى اي مخالفة مدبرها الكلب لي ,,, انا برئ ومظلوم خلهم يسون الي يسون ( وتغير صوته ) يمكن بالسجن اعرف انوم قربت منه وضميته متأثر انا بصوت هامس = ادع الله وانت معتمر وقل اللهم اكفنيهم بما شئت ,,, انت غالي علينا كلنا ياخالد لف خالد يده اليمنى على ظهري ورصني بقوة وهو يبكي حتى اني خفت على الخياطة الي بصدره خالد = انا خلاص ضعت ,,, ضعت ياخالد ,,, وينلي من جهه وبدر وراكان من جهه و ( وزاد بكاه اكثر وسكت) و ناصر من جهه ,,, ناصر ياغالي الي مدري وش ماسك عليك و مهددك بقضية تنتهي حكمها بقصاص ,, ليتني اعرف وش وراه هالناصر انتبهت للناس الي يطالعونا مستغربين ,,, وابعدت عنه انا = خلنا نروح لبوعبد الله لا ينتبه علينا ,,, امش ياغالي رفع خالد فنيلته ومسح وجهه خالد = لا ,,, مابي اروح ,,, رح انت ,,, عطني مفتاح السيارة بحتريكم فيها لين تجون انا = لا ,,, امش معي وبعد اصرار مني ,,, رجعنا للمطع تغدينا وخلصنا وصلنا الميقات وخالد مزاجه متعكر وطوال الطريق من الطايف للميقات وهو سرحان ويفكر وماهو معنا بالمرة ,,, حتى بالغدا ماتغدا الا كم لقمه قدام خاله ,,, طوال الطريق وانا احاول امزح معه واسولف واحاول اطلعه من مزاجه المتعكر ولا فلحت ,,, واذا كلمه خاله رد عليه بكلمة كلمتين ويسكت بالميقات انشغلت مع خلود واخواني ورحت اشتري لنا الي ناقص للعمرة ,,, وابو عبد الله مع زوجته ,,, وخالد راح لحاله يشوف الي ينقصه انا = هاه خلصتي خلود = ابي اشتري لمعاذ احرام هههههههه بيصير شكله فله ابتسمت اتخيل معاذ بالاحرام انا = ههههههههههههه هذا من وين نلقى له احرام على قده رحنا ندور لمعاذ احرام ولا لقينا له بالتالي اكتفينا بملابسه العادية خلود = خالد كنت مشغول بالي قدامي انا = همم خلود = السيارة فيها دي اس ال .؟ قطب حواجبي والتفت لخلود انا مستغرب = هاه ,,, دي اس ال .؟ خلود = ايه ,,, وحنا بالطريق شفت خالد يدخل على موقع ,,, وكني شفته داخل على مانسجره ,,, يعني في انترنت بالسيارة ابتسمت وبعدها ضحكت ,,, خلود استغربت مثلي يوم شفت خالد داخل على النت بالطريق ,,,, بس لحظة مو كأن خلود تراقب خالد طوال الطريق انا معصب = تراقبين الرجال .؟ متغطيه ماشوف وجهها خلود = والله عاد هو قدامي وشغّل الاب توب قدامي ,,, وش تبيني اسوي اغمض عيوني ,,, المهم خالد ,,, الله يخليك الله يخليك انا ماشبعت من الاب توب والانترنت ,,, الله يخليك قل لخالد يعطيني الاب توب وحنا راجعين ,,, الله يخليك الله يخليك طيرت عيوني فيها ,,, مهبولة ذي الناس وين وهي وين ,,, اصلا خالد حالته حاله اقوم اطلب منه طلب زي وجهها انا بعصبية = خلصتي .؟ ,, اذا خلصتي اذلفي لقسم الحريم وخلصينا ,,, وانا اباخذ سالم ,,, وش قالت قالت ابي الاب توب وحنا راجعين اشوف روحي شوفي شغلك واخذت سالم ودخلت قسم الرجال |
|
|
#24 |
|
|
رد: قصة خالد الغامضة
24 *
طلعت من القسم الرجالي بعد ضرب وضريب مع سالم الي كان خايف من الماء البارد وصلنا سيارتنا ومالقيت الا ابو عبد الله وخالد اما الحريم مابعد جو ابو عبد الله متمد بالمرتبة الي ورا وشكله نام وهو يحتري الحريم ,,, وخالد جالس بمكان الراكب وتارك الباب فاتح وياكل من علاجه وقفت عند خالد وسالم بجنبي انا بابتسامة = ماجو الحريم .؟ خالد = لا ( ونزل نظره لسالم وابتسم ) سلومي ماشاء الله عليك عرفت تلبس الاحرام ,,, بس لا يطيح منك وتطلع البلاوي هههههههههه سالم مازال زعلان مني لاني غصبته على التروش سالم بزعل = الماء بارد ,,, اقول لخالد ابلبس هذا ( واشر على احرامه ) بدون اتروش وعيا ( وضربني ) خالد بابتسامة = وهو تروش .؟ سالم = ايه خالد = خلاص وحدة بوحدة انت تروشت بماء بارد وهو تروش بماء بارد وانا بعد تروشت بماء بارد وكل الناس يتروشون بماء بارد ,,, وبعدين حبيبي حنا بالحر عادي وطلع حبة من الشريط وحطها بفمه وشرب بعدها ماء ,,, انتبهت على شكل الشريط ,,, امم هذا مو احد اشرطة الادوية الي عطانيهم الصيدلي يوم خالد بالمستشفى ,, التفت لسالم انا = رح ادخل للسيارة لا تمرض علينا راح سالم وركب السيارة بس بمكان السواق لان ابو عبد الله نايم ولا حبينا نزعجه والتفت لخالد ولقيته مازال ياكل من هالحبوب ياخذ نوع وياكلها وياخذ من النوع الثاني وياكلها رفعت حواجبي مستغرب انا = كل هالحبوب تاكلها يوميا .؟ رفع خالد راسه لي وبعدها التفت لخاله يشوفه ورجع يطالعني وقرب وجهه لوجهي خالد بهمس = كلها ثلاث حبوب واحد مسكن عند الزوم ( وابعد وجهه عني ) انا = طيب وشوله ,,, لاتقول عشان اعتداء بدر وراكان ,,, لانه مو معقول كل هالحبوب عشان كم جرح خالد بضيق = خالد وش فيك قصّر حسّك خالي نايم ( والتفت لابو عبد الله يشوفه ورجع يلتفت لي ),,, هالعلاج عشان هذا ( واشر على راسه ) وخلاص لا تسأل استغربت وش فيه عصب سكت عنه والتفت ابروح لمكان السواق بس خالد وقفني خالد = خالد التفت له بصمت خالد = لا تزعل مني ماكنت اقصد انا = لا عادي ,, لا زعل ولا شي ابتسم خالد خالد بابتسامة = ادري نفسك طيبة بس ماحب احد يحق معي عن مرضي ,,, الي عندي مجرد صداع وخلاص ما ارتحت لكلامه بس سكت عنه ,,, ليه مايحب احد يسأله عن مرضه ماشوف فيها شي,,, حتى عصبيته قبل شوي مالها داعي ,,, دايم اسأله ويسألني ونعلم ونفضفض لبعض عادي وش معنى الحين ,,, الصراحة بديت اشك ,,, وش الحبوب الي ياكلها خالد خالد = خالد وانا اتروش اضطريت افك الشاش عن يدي وابيك تحطلي واحد ثاني ,,, تعرف .؟ انتبهت له انا = هاه ,,,, آآآآآ ,, هات نجرب حط خالد علاجه بالجيب الامامي لشنطة الاب توب ,,, واخذ شنطة الاسعافات الاولية خالد = الشاش الي بشنطة الاسعافات قليل وشريت شاش زيادة ,,, الجرح الي بصدري بعد ماتروشت صار يطلع منه دم واخاف يوسخ احرامي رفعت حاجب واحد انا = وش تبيني اسوي اجل ,,, الف صدرك كله .؟ ليه ماشريت لزقه كبيرة يثبت على صدرك احسن من الشاش واريح خالد = لا ,,, الزقة تضايقني ,,, حاول فيه ياخالد المهم مابيه يطيح وانا اعتمر اخاف يجي احرامي دم منه انا = اها طيب هات نحاول نزل خالد ردائه وفعلا كان جلده الي حوالين الخياطة صاير لونه احمر مرة انا = يعورك .؟ ( واشرت على صدره ) خالد = لا بس يحكني لفيت اول شي عضده ,,, وبعدها بديت الف صدره بمكان الخياطة وبصعوبة حاولت اثبته بصدره على الاقل الين يخلص من العمرة انا = ان شاء الله مايطيح رفع خالد راسه لي يطالعني خالد = احسه ماثبت زين انا = ان سالم = وانا بعد ابي التفتنا لسالم مستغربين انا = وش تبي .؟ سالم = ابي مثل خالد التفت لخالد مستغرب وبعدها التفت لسالم انا = تبي مثل خالد بأيش .؟ سالم = لفوا علي انا بعد ابي ضحكنا عليه خالد = هههههههههههه سلومي انت مافيك شي سالم = الا فيني ( وراح يدور بنفسه جرح او دم او أي شي ينفع يلفه ) التفت خالد لي وهو يضحك خالد = هات هات انا ابحط له الباقي من هالشاش ,,, الصراحة اخوك منسّم هههههههه انا = ههههههههه اخاف اذا شافته سلمى تقول بعد ابي اخذ خالد مني الشاش ولف يد سالم ,,, ابتسمت سالم عرف يطلع خالد من مزاجه المتعكر من دون مايدري ,,, انا طوال الطريق من الطايف الى الميقات احاول انسيه ولا قدرت ,,, وسالم بعفوية منه نساه وينلي وهم وينلي او يمكن صفى مزاجه وهدت اعصابه بعد ماتروش,,, خلص خالد من لف يد سالم وبعدها لبس ردائه خالد = خالد ليش مالبستوا معاذ احرام .؟ انتبهت لخالد ولقيته يطالع شي وراي ,,, التفت ولقيت خلود ومعاها معاذ وسلمى وام عبد الله التفت لخالد انا = مالقينا له احرام على قده ورحت الحق على خلود قبل توصل عند السيارة ابي اكلمها من دون ماحد يسمعنا ,,, خلود اخر مرة اعتمرت وهي صغيرة تقريبا عمرها كان 14 والحين ماعندها احد يعلمها في امور العمرة وصلت عند خلود وشلت عنها معاذ ,,, وحمدت الله ان ام عبد الله راحت للسيارة وتركتنا بحالنا انا = خلود تسنتي سنة الاحرام .؟ خلود = مدري ,, بس خالتي ام عبد الله قالت صلي ركعتين وصليتها ,,, هي هذي سنة الاحرام .؟ ابتسمت تصلي على عماها هذي والا ايش انا بابتسامة = ايه خلود = اها ايه صليت ,,, خالد ام عبد الله قالت لي مايجوز البس النقاب والقفاز وانا معتمرة ,,, وغطوتي خليتها في البيت ,,, هناك وانا في البيت قلت اخذ النقاب وماله داعي الغطوة ,,, ماكنت ادري ,,, والحين ابي غطوة توني ادري ان النقاب مايجوز للمعترة ,,, سوالف الحريم واحكامهن ماعرفها ,,,, اشوى ان ام عبد الله معها تعلمها انا = طيب والي عليك هذا وش .؟ خلود = هذا طرف شيلتي متغطيه فيها رحت انا وخلود لمحل العبايات وشريت لها الغطوة الي تبي ورجعنا مستعجلين للسيارة وكل واحد اخذ مكانه وانطلقنا لمكة بالسيارة سمعت خلود تسأل سالم بخوف خلود = سالم ليه وش فيها يدك .؟ طالعت المرايا الامامية اشوف خلود الي جالسة وراي وانا احتريها تشوف عيوني عن طريق المرايا عشان اشر لها تقصر صوتها ,,, لكن الحمارة ملتفته ورا تشوف سالم سالم = تعورني طيرت عيوني ,,, يالكذوب التفت لخالد ولقيته منزل راسه ويضحك بصمت خلود = وش منه عورتك .؟ طالعت المرايا مرة ثانية معصب على خلود ابيها تشوفني وتقصر صوتها ,,, بس الى الحين ملتفتها ورا ومصدقة سالم وجه العنز خلود = سالم وش منه تعورك .؟ ساكت الحمار مايرد عليها ,,, اكيد ماعنده جواب ام عبد الله = ليه وش فيه ,,, اشوف سالم تعال عندي وش فيها يدك .؟ اوه ,,, خلاص حريم لازم يكبرن السالفة انا = احم ,,, لا مافيها شي ,,, هو بس كذا شاف الشاش قدامه وحط لنفسه واخيرا وصلنا مكة ,,, نزلنا انا وخالد نستاجر ولأننا بوسط الاسبوع لقينا شقتين على مواصفاتنا بسهولة وقريبة من الحرم شقة للحريم وشقة لنا ومتجاورات لبعض ,,, نزّلنا اغراضنا ورحنا ناخذ عمره انا وخلود ومعاذ وسلمى,,, وابو عبد الله وزوجته ,,, وخالد وسالم كنا كذا متفقين ,,, كل واحد ينتبه للي معه ,,, ونجتمع عند بوابة السلام انا الصراحة ضعت بين خالد وخلود ,,, خلود مصره تاخذ سلمى معها وخالد مصر ياخذ سلمى معه وانا ضعت بينهم ,,, اول شي طلب خالد مني سلمى تصير معه وانا ماكان عندي مانع بس تفاجأت باصرار خلود على سلمى ,,, اروح لخالد واقوله الاهل يبون سلمى معهم ويقول انا راح انتبهلها ولا تخاف وطمن الاهل ,,, واروح لخلود واقولها سلمى بتصير مع خالد وتقول لا انا خايفة عليها وابيها معي ,,, اخر شي قال خالد خلاص اجل انا اباخذ سلمى وسالم معي للسوق بعد العمرة ونتمشى ,,, عيت خلود مرة ثانية بس انا سكتها ,,, خلود عنيدة وخالد اعند منها وسلمى وسالم يميلون لخالد اكثر وبالاخير استانسنا ان الحرم كان شبه فاضي ,,, خاصة ان كان وقتنا العصر ,,, وماضطرينا نتفرق ,,, لو اني داري اننا ماحنا متفرقين كان طنشت الثنين خالد وخلود بعد صلاة المغرب بنص ساعة خلصنا عمرتنا في وقت قصير ,,, وكل شي صار بسهولة ويسر ,,, صحن الحرم والسعي كان شبه فاضي ,,, ماخذين راحتنا على الاخر ,,, واكثر واحد استانس سالم وسلمى ومعاذ يركضون بعيد عنا ثم يرجعون فرحانين لأن مافيه زحمة واذا مروا على شرطي او عامل يسلمون عليه ,,, وخاصة سالم النشبة ,,, سلمى اركد منه واعقل ,,, يوم كنا نطوف حول الكعبة سلم سالم على واحد من العساكر الواقفين سبع مرات ,,, يسلم عليه ويدور ثم يلقى العسكري واقف بمكانه ويرجع يسلم عليه ويدور ثم يلقى العسكري واقف بمكانه ويرجع يسلم عليه ,,, لين سبع مرات ,,, والعسكري معطي سالم جوه وصابر عليه صلينا العشا بالحرم وبعدها رجعنا للفندق ,,, وكل واحد طاح على فراشه هلكان ونمنا حتى من دون مانتعشى خالد وانا بغرفة وابو عبد الله وسالم بغرفة بس العلة سالم ازعجني الا ينام معي ,,, ولأني نايم ومعطي سالم ظهري كل شوي احصل بكس على ظهري من ركبته الكريمة ,, والحمد الله على كل حال بكس بالظهر ولا بكس بالوجه ,,, ومن تعب السفر والسواقة نمت على بكوس سالم انزعجت من صوت منبه جوال ,,, رفعت راسي بضيق عن المخدة ادور هالجوال الي ازعجني ,,, وكان جوال خالد ,,, اف ياهو ثقيل نومه هذا وهو قريب عند راسه مايسمعه ,,, نزلت راسي وانا متضايق المشكلة ماقدر اطفيه يمكن موقت الجوال لشي مهم ,,, القيت نظرة على جوالي اشوف الساعة وكانت 2 ونص صباحا ,,, رفعت حواجبي ,,, ليش خالد موقت الجوال بهالوقت ,,, وش عنده .؟ واخيرا تلحلح خالد وقام يسكر المنبة ,,, غطيت راسي بالبطانية بسرعة احط نفسي نايم وفتحت فتحه من تحت البطانية اشوف وش يسوي خالد وش هالوقت المهم عنده بأخر اليل توجه خالد لطاولة موجودة بالغرفة حاط فيها لاب توبه وطلع من جيب شنطة الاب توب الادوية ,,, اها موقت الجوال عشان موعد علاجه ,,, ابتسمت الله يشفيه يارب ,,, بس اموت واعرف وش هالمرض الي خالد مايحب احد يسأله عنه ,,, ومعقول زي مايقول كل هالادوية عشان صداع .؟ ,, ثلاث انواع من الحبوب ومسكن ,,, خلص خالد من علاجه وتفاجأت فيه ينزّل بلوزته وقعد يفك الشاش عن صدره ورجع يلبس بلوزته مرة ثانية ,,, شكله يوم رجعنا من الحرم نام من التعب من دون ماينزّل الشاش مع انه كان طوال وحنا نعتمر وهو متضايق منه رجع خالد لسريره واخذ جواله ومحفظته وطلع من الشقة ,,, طيرت عيوني وين بيروح بهالوقت ,,, نقزت من سريري وفتحت الباب بشويش ,,, ولقيته يحتري المصعد ,,, عجيب وين بيروح هذا .؟ رجعت بسرعة لغرفتنا ولبست ثوبي على عجل ,,, ورحت اتبعه ,,, احتريت المصعد لين رجعلي وبعدها نزلت ,,, طلعت من الفندق وتلفت يمين ويسار ادوره ,, وشفته من بعيد يمشي متوجه للحرم ,,, ابتسمت بفرح ,,, الحمد الله الي هداه ,,, فرق بين خالد هذا وخالد الي شفته يغني ويرقص بمقطع بجواله ,,, الله يهدي بدر وراكان والبقية مثل ماهداك ياخالد ويزيح عنك همهم رجعت لغرفتنا ,,, ونزلت ثوبي ناوي اكمل نومتي ,,, طاحت عيني على الطاولة الي فيها الاب توب ,,, وحدثتني نفسي اشوف ادويته ,,, امم طيب واذا شفتها وش راح استفيد ,,, بس ابي اعرف وش قصة هالادوية هذي كلها رحت للطاولة وطلعت كل الادوية من جيب شنطة الاب توب ,,, وتفاجأت بخمس انواع حبوب ,,, غريب خالد قالي ياكل ثلاث حبوب ومسكن اجل الخامس هذا وش .؟ يالله ياخالد تاكل كل هالحبوب هذي يوميا ,,, ماني مرتاح لين اعرف وش قصة هالحبوب وليش بهالكمية هذي قمت وطلعت جوالي من ثوبي المعلق ,, وكتبت اسماء الادوية الخمسة كلها ,, ماني مرتاح لين اسأل صيدلي او اي احد ,,, رجعت الادوية وبعدها رحت لسريري انام الفجر = خالد ,,, خالد انزعجت من الي يناديني وفتحت عيوني متضايق ,,, اوه ابو عبد الله انا بكسل = سم ياعم ابو عبد الله = قم صل وانا عمك ,, وراح للحما يتوضى ,,, جلست بكسل والتفت لسرير خالد وكان فاضي ,,, انصدمت الى الحين ماجا طلع ابو عبد الله من الحمام وشغل الانوار وقرب عندي ابو عبد الله = ماتدري خالد وين راح .؟ انا = راح للحرم قبلنا ابتسم ابو عبد الله ابو عبد الله = الله يحفظه ,,, يله امش ياولدي لا تتاخر عن الصلاة ( وطلع ) توضيت ومريت قسم خلود والي معها وفتحت لي ام عبد الله وسألتها عن خلود وقالت نايمة ,,, اها مدام ان ام عبد الله عندها اكيد راح تقومها للصلاة تركتها ورحت اصلي وبعد الصلاة وانا بالحرم كنت اتلفت احاول القى خالد ,,, بس وشلون القاه وانا بهالمكان الكبير والمقدس ,,, اكيد ماني محصله ,,, بالتالي تخليت عن المحاولة ورجعت للفندق انام حسيت بواحد يهز كتفي ويهمس باسمي ,,, قمت منزعج وكان خالد مقرب وجهه مني ويناديني بهمس انا بكسل = خالد ,,, وش تبي .؟ خالد = قم ,,, خلنا نتمشى شوي قبل يقومون قطبت حواجبي ليه كم الساعة انا = كم الساعة الحين .؟ خالد = ثمان ونص انا مستغرب = بدري وين تبينا نروح بهالوقت .؟ خالد = مدري ,, نروح أي مكان جلست وطالعت خالد ,,, وقطبت حواجبي مستغرب من شكله ,,,, الهالات واضحة تحت عيونه اكثر من قبل وجهه شاحب وشفايفه صايره بيضا كنه عطشان ,,, خالد = وش فيك تطالعني ,,, يله قم انا = شكلك مانمت امس ,,, خالد ارجع نام وخلني انا انام بعد وانسدحت خالد = مافيني نوم ,,, قم قبل يحس فينا احد انا = شف وجهك وشلون صاير ( واشرت على وجهه ) رح نام استغرب خالد ,, وتلمس وجهه خالد مستغرب = وجهي ,,, ليه وش فيه .؟ انا = ليه مانمت امس ,,, قمنا الفجر ولالقيناك بفراشك ,, وين رحت .؟ حطيت نفسي ماعرف بس عشان مايحس اني اراقبه او شي خالد = امس نمت ,,, بس طلعت شوي اتمشى ,,, يله خالد قم قمت ولبست ثوبي ,, خالد = انا ابروح اجيب فطور لخالي ولحريم ,, القاك جاهز وطلع ,,,, رحت لشقة خلود ,,, بس طلعت لي ام عبد الله بعد ,,, احم انحرجت كل شوي ام عبد الله هي الي تطلعلي ,,, انا بحرج = آآآ ,,, خلود وين .؟ ام عبد الله = نايمة ,,, تبيني اقومها لك مالت عليها كل مابغيتها قالت نايمة ,, انا = ,,, آآآ,,, لا ,, بس اذا قامت قولي لها اني طلعت مع خالد وخليها تنتبه للصغار ام عبد الله = انا انتبهلهم ,,, روحوا واستانسوا انا بحرج = تسلمين ,,, وماتقصرين ام عبد الله = سالم معكم والا نايم .؟ انا = لا نايم ,,, طيب جزاك الله خير ياخاله تعبناك معنا وصّل خالد فطور الحريم وعطاه خالته ,,, وطلعنا من الفندق ,,, مرينا مطعم وافطرنا ,, وبعدها رحنا نفرفر بالشوارع وحنا بالسيارة قرنا نروح لجبل عرفة وبعدها مزدلفة ,, ولاني لا انا ولا خالد ندل شي بمكة وبعد السؤال عن المكان وصلنا عرفة بعد ساعة وناسة عرفة كانت فاضية بالمرة ,,, بس واضح انه يجيها زوار كمنتزة فيه محلات صغيرة مسكرة وسيارات الاسكريم وخيول ,, انا = وش رايك نحج الحين ,, مو احسن هههههههه خالد بابتسامة = قدام نزلنا من السيارة ورحنا مشي لجبل عرفة ,,, انا عن نفسي ركبت الجبل لين القمة حاول خالد يركب بس ماقدر بسبب يده وصدره اخذت شوي مستانس بالهواء الطلق ,, نزلت نظري اشوف خالد وهو تحت الجبل ولقيته يصورني ,,, استغربت رفعت صوتي عشان يسمعني انا = وش تسوي .؟ رد علي خالد بصوت عالي خالد = انقز ابصورك فيديو ضحكت على خباله انا = هههههههههههه وش بيفيدني تصويرك اذا تكسرت رحت اتمشى بقمة الجبل وتركته ,,, الله وناسة ,, الجو حلو فوق اخذت شوي مستمتع وبعدها نزلت لخالد ورحنا مزدلفة ,,, الصراحة اعجبني المكان بمزدلفة ,,, ودي اجيب اخواني يستانسون شوي ,,, التفت لخالد الي كان جالس بمكان الراكب انا = متى قال ابو عبد الله نمشي للديرة .؟ التفت لي خالد مستغرب خالد = مدري بس اكيد يوم الاربعاء ,,, ليه .؟ انا = الصراحة ودي نتعشى هنا ابي اخواني يستانسون شوي ابتسم خالد خالد بابتسامة = فكرة حلوة ,, خلاص ابقول لخالي نبي نتعشى اليلة بعرفة انا = لا مزدلفة خالد = عرفة انا = مزدلفة خالد = عرفة انا = مزدلفة خالد = وش تبي بمزدلفة ,, لايكون صدقت انك حاج انا = هههههههههههههههههه لا ياخبل بس ابي مزدلفة وحركت السيارة راجعين للفندق وانا ابتسم ,,, بتستانس خلود وصلنا على آذان الظهر بس صلينا اول بالحرم وبعدها رحنا للفندق ولقيت سالم مزعج العالم بالصياح ,,, يبكي لاننا رحنا عنه وخليناه ,,, وعشان يسكت وعده خالد ياخذه العصر للسوق ويمشيه هو وسلمى طلع خالد عشان يجيب الغدا لنا ولحريم وانا رحت اشيك على خلود ,,, من صلاة العشا امس ماشفتها ,,,استاذنت من ام عبد الله وراحت لشقتنا عشان تخلينا براحتنا ولقيت الاخت المصون معصبة علي خلود بعصبية = وين رحت وخليتني انا = رحت تمشينا شوي وجينا ,,, ليه معصبة خلود بعصبية = حتى وحنا بمكة تروح مع خالد ,,, المفروض تصير معي ماتصير معه انا = انا مريت عليك ولقيتك نايمة وش تبيني اسوي ,, احتريك لين تقومين خلود بعصبية = ايه ,,, المفروض تمشيني انا ما تمشيه هو ,,, انا من يوم ماجيت مكة ماطلعت لأي مكان انا = وانت وينك ,,, من يوم رجعنا من الحرم وانتي نايمة خلود = العصر تمشيني ,,, ماهو تطلع مع الزفت خالد تنهدت انا = طيب هدي اعصابك ,,, ان شاء الله العصر نطلع انا وانتي ,, بس ترا سالم وسلمى بيرحون مع خالد العصر ( وجت بتكلم وقاطعتها ) هاه هاه امس وش قلنا ,, بالعمرة انتي اخذتيها ,,, هالمرة هو بياخذها ويمشيها وطلعت عنها قبل تلفعني بشي رحت لقسمنا وقعدت ام عبد الله شوي تسولف مع زوجها وهي متغطيه ,,, انحرجت منها الصراحة ,,, والمشكلة خالد طالع ,,, احس شكلي غلط ,,, اف مدري وين اروح ,,, اخاف ارجع لخلود وهي معصبة ونرجع نتهاوش رحت ادور سالم ولقيته يلعب بالحجرة الي نمنا فيها مع سلمى ومعاذ وجلست على السرير انا بملل = سلمى خذي معاذ وروحي لخلود سلمى = لا ابلعب التفت لسالم انا = سالم خذ سلمى ومعاذ ورح لخلود سالم = ابي هنا انا بملل = رح سلوم سالم = لا ابقعد هنا اخاف تروحون مرة ثانية اف انسدحت على السرير مستلقي احتري خالد بعد فتره دخل خالد علي الغرفة ومعه كيس الغدا ,,, وجلس على السرير الي متمد عليه انا ,,, ومد الكيس لي خالد = خذ ,,, انا وديت الفطور ,,, هالمرة انت ود الغدا للحريم انا بملل = وليه ماتوديه انت ,,, وترا خالتك هناعطهياه نزل خالد كيس الغدا على بطني ,, واخذت الكيس ونزلته على السرير ,, مد خالد يده واخذ الكيس وحطه على بطني مرة ثانية بصمت ,,, اخذت الكيس ونزلته على السرير ,, ورجع خالد وحطه بطني مرة ثانية انا بعصبية = ياخي خله هنا ( ونزلت الكيس على السرير بعصبية ) خالد = هههههه قم ياكسلان ,, انا رحت قبل شوي لقسم الحريم احسب خالتي هناك بس قالت لي اختك انها عندنا ,,, وخالتي شكلها راعية طويلة جالسة تسولف مع خالي ,,, والصراحة مستحي اقولها خذي الغدا وديه ( وضرب راسي ) قم لا تصير كسول اخذت الكيس وقمت ,,, طقيت الباب على خلود وفتحت لي ,,, وعطيتها الكيس خلود = وين خالتي ,,, جوعانه اباكل ,,, ايه صح اذا رحت نادلي سلمى ومعاذ لفيت عنها ابطلع وتذكرت شي والتفت لها مرة ثانية انا = خالد مر قبل شوي هنا .؟ خلود = ايه وسأل عن خالتي ام عبد الله من ورا الباب وقلتله عندكم ( وفتحت الكيس ) مالت عليه ماجاب بيبسي جاب نوع ثاني ماحبه انا = وهو وش يدريه عنك وش تحبين وش ماتحبين ,,, هو جاب لكم كلكم ,,, الحين انا انزل واجيبلك {[ لا إله إلا الله وحدة لا شريك له له الملك وله الحمد وهو على كل شيء قدير ]}94 -06-2009, 11:00 am ؛؛ عذاب اليل ؛؛ ©؛°¨غرامي نشيط¨°؛© -------------------------------------------------------------------------------- العصر صلينا انا وخلود بالحرم ,,, وتركنا معاذ نايم عند ام عبد الله بالفندق ,,, وسالم وسلمى طلعوا قبلنا مع خالد بعد الصلاة طلعت انا وخلود للمحلات المنتشرة حول الحرم خلود = خالد ابي اشتري لامي هديه كنت عارف انها اذا راحت مكة بتزيد طلباتها واخذت احتياطاتي وتسلفت الفين مع الالفين الي معي وصاروا اربعه ,, يكفّون مسكينة خلود ,,, ليت امي تفكر فينا زي ماتفكر خلود بأمي,,, انا الى الحين زعلان من امي ومن تخليها عنا ,,, ولا قدرت امنع نفسي اكتم الي بصدري انا بسخرية = هه هدية ,,, ولمن لامي .؟ ,,, خليها تتذكرنا اول ,,, وبعدين قولي ابي هديه لها ,,, وش قالت قالت هدية التفت خلود لي وبعدها لفت وجهها عني خلود = امي ماتخلت عنا ,,, زوجها هو الي يمنعها عصبت بس وش الفايدة ,,, اعكر مزاجنا بس على الفاضي وحاولت امسك اعصابي انا = امشي ,,, تحركي قدامي اشوف خذنا نص ساعة وحنا نتمشى ونلف وندور ونتفرج ,, فجأة رن جوالي والقيت نظرة عليه ( ناصر يتصل بك ) اف وش يبي ذا ,, ماني راد خله يولّي رن رن رن لين سكت خلود = خالد احم ,,, ابقول شي بس لا تعصب رفعت حواجبي مستغرب ,,, وش عندها انا مستغرب = خير خلود = ابي اشتري لاب توب ,,, خالد الله يخليك ابي لاب توب طيرت عيوني فيها انا = لاب توب .؟ مجنونة انتي .؟ ,,, من وين لي ,,, انا مامعي الا اربع الاف ونصهم متسلفهم ,,, وفيه اشياء اهم من الاب توب نحتاجها خلود = بس خالد كل الناس عندهم الا حنا ,,, وبعدين قهر عندنا انترنت بس ماعندنا كمبيوتر ,,, خالد الانترنت يسليني وقت فراغي تنهدت وسكت ,,, انتظرت خلود مني رد ,,, ويوم شافتني طوّلت ساكت وهي تنزل راسها ومشت ادري ياخلود اني مقصر معكم واجد بس مابيدي حيلة ,,, وش تبيني اسوي ,,, اسرق .؟ شرت خلود الي تبي ,,, بس ظلينا نتمشى ونتفرج على الرايح والراد ,,, رن جوالي مرة ثانية ,,, اف هذا اكيد نويصر ,,, والقيت نظرة عليه ( ابراهيم يتصل بك ) ابتسمت ورديت انا بابتسامة = هلا والله ابراهيم = هلا فيك ,,, السلام عليكم انا = وعليكم السلام والرحمة ابراهيم = وينك يارجال ,,, غايب يومين ابتسمت ياحليلك يابراهيم كل ماغبت سأل عني انا بابتسامة = انا بمكة الحين سكت ابراهيم شوي ابراهيم = مكة .؟ وش القصة كل الناس رايحين لمكة ,,,, صالح يقول ان خالد و ابو عبد الله واهله بعد معتمرين ,,, والحين انت بعد انا = ههههههههههه برهوم ,,, انا وخالد بسيارة وحدة سكت ابراهيم شوي ابراهيم بمزح = ايها الخالدان الخائنان ,,, ويحكم ويح وجيكم المتنفخة ,,, ليش ماعلمتوني اروح معكم .؟ انا = هههههههههههههه حلوة وجيهنا المتنفخة ابراهيم = انت وخالد صايرين ثنائي مشاء الله عليكم ,, بس ثنائي غير شكل ,,, تمشون مع بعض وتسافرون مع بعض واسماءكم مثل بعض حتى التكفخ تتكفخون مع بعض ههههههههه ابتسمت انا = ماسألت صالح ليش ماراح مع ابو عبد الله وعمته .؟ ابراهيم = الا سألته ,,, يقول ابوي عيا ههههههه ,,, ابوه صاير متشد عليه بعد سالفة خالد انا بحزن = على الاقل عنده اب يخاف عليه ابراهيم = امم اقول خالد انا اتصلت عليك ابي اسألك عن خالد ,,, انت متأكد انه يبي يروح للرياض خميس وجمعه ,,, اشوف الرجال راح لمكة وانا هنا اهوجس وافكر انا = ايه متأكد ابراهيم = تراك من يوم ماعلمتني عن توعده للشبا وانا بس اهوجس انا = تدري ليه اعمترنا بوسط الاسبوع .؟ ابراهيم = ليه .؟ انا = عشان يمديه يروح للرياض خميس وجمعه تنهد ابراهيم وسكت انا = ماقلتلي وش سويت ,, تقدر تروح معه للرياض .؟ ,,, ابراهيم مانبي نتركه لحاله ,,, الرجال طافح الكيل معه وانا الصراحة خايف يصيرله شي ابراهيم = يصير خير ان شاء الله ,,, اجل ابروح للضابط الحين واعلمه انا = وشوله تروح للضابط ماراح يفيدينا بشي ,,, بالعكس يمكن تورط خالد اكثر ويعلم ابو عبدالله ,,, وبعدين انا مابي خالد يعرف اني علمتك ,,, اخاف يزعل مني ,,, انا بس ابيك تروح مع خالد للرياض وكأنك رايح معه كذا لشغلة لك ابراهيم = واذا الضابط علّم ابو عبد الله .؟ انا = والله مدري انا محتار ,,, من جهه ابي ابو عبد الله يدري ومن جهه مابيه يدري ,,, ابو عبد الله هو الوحيد الي يقدر يمنع خالد انه يروح ,,, بس المشكلة اهل خالد هناك ,,, امه واخواته يحترونه ,,, واذا الضابط علم ابو عبد الله بيمنع خالد اكيد ,,, وخالد عنيد ,,, واخاف تصير بينهم مشكلة ,,, وغير كذا خالد بيزعل مني لانه ماعلم احد الا انا ابراهيم = خالد درء المفاسد مقدم على جلب المصالح ,,, ايهم احسن نخليه يروح عشان اهله ويمكن يصير له شي والا نمنعه عشان سلامته انا بحيرة = والله مدري ابراهيم = خالد فرصتك الحين مدام انك مع ابو عبد الله انا مستغرب = فرصتي ,,, وشلون .؟ ابراهيم = حاول بابو عبد الله تقوله يمنع خالد يسافر للرياض الاسبوع هذا انا مستغرب = وشلون ابراهيم = مدري شفلك طريقة واقنع ابو عبد الله يمنع خالد يسافر للرياض, وصح كلامك الضابط ماراح يفيدينا بالموضوع هذا خاصة ان استراحة خالد بالرياض ( تنهد وكمل ) ليت استراحته هنا كان قدروا يمسكونهم من دون كمين وبالراحة بعد لأنهم الحين داخلين استراحته بالغصب ,, اخ بس ليت الاستراحة هنا تنهدت وسكت ابراهيم = طيب اخليك الحين ,, متى بتجون .؟ انا = مدري الصراحة ,, الشور عند ابو عبد الله ابراهيم = توصلون بالسلامة ان شاء الله ,,, يله اترك الحين ,, مع السلامة انا = مع السلامة وسكرت عنه خلود = الحين حنا اعتمرنا بوسط الاسبوع عشان خالد .؟ مو تقول الي اقترح عليكم ابو عبد الله .؟ انتبهت لخلود وضربت جبهتي ,,, صح انا وشلون نسيت انها تسمعني ,, تذكرت معاذ وقلت عشان انسيها انا = صح خلود خلينا نرجع يمكن معاذ قام الحين ,,, والا تبينا نصلي بالحرم اول .؟ خلود = لا ,, نبي نزل الاغراض بالفندق وابي اروح معك للحرم ,, صح خالد شف وطلعت من شنطتها جوال بس مثل جوالات الشيبان ,,, استغربت من وين لها هالجوال انا مستغرب = من وين لك هذا .؟ خلود = من خالتي ام عبد الله ,,, عطتنياه تقول خليه معك اخاف تضيعين من اخوك ويمكن تحتاجينه ابتسمت وبعدها ضحكت ,,, شكل ام عبد الله تحب خلود ,,, الحمد الله خلود = ابي اضيع منك عشان استعمله مت ضحك عليها وعلى خبالها ,,, وعجزت امسك نفسي عن الضحك لين دمعت عيوني المغرب صلينا بالحرم بس مامدانا نزل اغراضنا بالفندق ونزلناه في مكان شوي آمن وبعد الصلاة رجعنا لاغراضنا والحمد الله لقيناهن موجودات وحنا بالطريق رايحين للفندق ,,, رن جوالي والقيت نظره عليه ( ناصر يتصل بك ) تضايقت ورديت انا بضيق = خير وتفجأت فيه معصب ناصر بعصبية = اسمع خويك بيضيّع العيادة بسبب جهله وعناده انا = وانت وش عليك منه ,,, العيادة عيادته وهو حر ناصر بعصبية = لا ماهي عيادته ,, اكثر الموظفين رافضين العمل احتجاج على تأخر الرواتب ,,, اسمع ولا ابي اكثر الكلام معك ,,, ابي اقابلك بكرة وضروري انا بملل = انا الحين مسافر متى مارجعت قابلتك ناصر = ومتى ترجع .؟ انا = مدري بس يمكن بكرة ناصر = خلاص اجل اذا جيت اتصل علي انا = انت وين الحين .؟ ناصر = بالقصيم ,,, خلاص بكرة اقابلك .؟ انا = لا ,,, اشوف يوم الخميس واتصل عليك ناصر = اسمع انا وسعت صدري على خويك ومالي خلق اوسع صدري عليك ,,, تفهم .؟ وسكر بوجهي ,,, فارق مالت عليك وعلى وينلي من وراك رجعنا الفندق ,,, ودخلت خلود لقسمها ورحت انا لقسمنا ودخلته ,,, واعترض طريقي سالم فرحان ,,, سالم = خالد شف لابس بنطلون جيشي وفنيلة سودا ,,, طلع خالد من الغرفة الثانية وهو يضحك وقف بجنب سالم ابتسمت توني افهم سبب فرحة سالم ,, خالد بعد لابس بنطلون جيشي وبلوزة سودا خالد = نشبه بعض صح ههههههههههههههههه انا بابتسامة = ايه تشبهون بعض حتى بالعقل سبحان الله هههههههههه ومشيت متخطي خالد ابي اروح للغرفة الثانية ,, بس تعرقلت بشي وطحت على الارض جلست اشوف الي تعرقلت فيه ,,, وكانت رجل خالد ,,, ماد رجله بطريقي وطحت انا بعصبية = ياحمار خالد = تستاهل راح سالم يناقز مستانس على طيحتي بالارض انا اصلا تعبان من الفرفرة مع خلود والحين عاجز اقوم ,,, اجلس بالارض احسن انا بمزح = اصلا انا كنت ابجلس بالارض ,, ضحك خالد وجلس بجنبي على الارض ,,, انتبهت انه معلق يده اليسرى برقبته ,,, خالد من المقيات الى اليوم العصر ماعلق يده انا = ليه يدك تعورك.؟ ( واشرت عليها ) حط خالد يده اليمنى على عضده الايسر خالد = ايه ,,, تراني قلت لخالي بنتعشى اليوم برا الفندق وافق ماعنده مانع بس يقول بنطوف الفجر طواف الوداع ونمشي قل لاهلك يتجهزون انا = اها بعد صلاة العشا طلعنا من الفندق وركبنا السيارة وكل واحد اخذ مكانه مرينا المطعم اول ونزلنا انا وخالد وشرينا عشانا ورجعنا للسيارة خالد = رح لعرفة انا = لا مزدلفة خالد = لا عرفة انا = مزدلفة خالد = عرفة انا = طيب نسأل البقية ونشوف رايهم ,,, هاه ياعم تبي عرفة والا مزدلفة .؟ ابو عبد الله = والله ياولدي التمشية هذي لكم ,,, شوفوا انتم وين تبون وانا معكم طالعنا انا وخالد بعض انا = مزدلفة خالد = عرفة طالعت قدام انا = مزدلفة ابرد واوسع خالد = بس عرفة احسن ( وطالع قدام وجه الكلام لخالته) هاه خاله تبين عرفة والا مزدلفة .؟ ام عبد الله = على كيفكم انتم انا بتنهيدة = مزدلفة وخلاص خالد = عرفة وخلاص انا = ياخي وش تبي بعرفة ,,, وبعدين انا مابي البزارين يركبون الجبل = الا انا ابي رفعت نظري للمراي الامامية اشوف خلود الي تكلمت فجأة ,, متغطية ماشوف منها شي بس شفتها حاطة يدها على فمها ضحكت ام عبد الله وشفتها تضمها وهي تضحك ,, الخبلة خلود انا قلت مابي البزارين يركبون الجبل وهي قالت الا انا ابي ,,, الا اذا كانت تعتبر نفسها بزرة هذا شي ثاني التفت لخالد ولقيته يطالع دريشته ويحاول يمسك نفسه عن الضحك ,,, وحاط يده على صدره بمكان الخياطة ,,, شكله عوره الجرح انا = يعورك صدرك .؟ حرك خالد راسه باية وهو ماسك ضحكته انا = احسن وكأني قلت نكته ,,, زاد بالضحك ,,, مالت عليه وعلى خلود ام عبد الله = روحوا عرفة ,,, خلاص نبي عرفة انا = إن شاء الله خالد بابتسامة عريضة = كان تكلمتي من زمان ,,, من الصبح وانا احاول فيه وصلنا عرفة ونزلوا ورحت انا اوقف السيارة بمكان مناسب ورجعت لهم ولقيت ابو عبد الله وزوجته جالسين يسولفون وخالد جالس عندهم ويسمعهم وسالم وسلمى ومعاذ راحوا يلعبون بعيد عنا شوي وخلود كانت جالسة لحالها على صخرة تحت الجبل ,,, رحت لخلود وجلست عندها انا = السلام عليكم يابزرة خلود = مانتبهت لنفسي انا = انا قلت البزارين ,,, الا اذا كنتي تعتبرين نفسك من البزارين .؟ خلود = وش اسوي فيك ,,, انا ابي عرفة وانت تبي تودينا مزدلفة رحنا نتمشى شوي انا وخلود ,,, وانا افكر وشلون اكلم ابو عبد الله يمنع خالد عن السفر للرياض ,,, المشكلة خالد دايم يامعي يامع ابو عبد الله ,,, مافيه مجال نكون لحالنا ,,,, شسوات الحين وشلون اصرفه شرا خالد للبزارين اسكريم وهالمرة الكل صار بزر حتى ابو عبد الله شراله خالد اسكريم تعشينا بعرفة ورجعنا للفندق والكل خلد للنوم قمت من النوم ابي اروح للحما لكن انصدمت بخالد الي جالس بسريره وحاط راسه على ركبه ,,, ظليت منسدح ولا قمت ,,, وصرت اطالع خالد ,,, وش فيه ليه ماينام ,,, اليوم وش زينه يضحك ويسولف ايه صح تذكرت ,,, هو دايم يقولي انا مانام اليل ( طيرت عيوني ) معقول يجلس كذا يوميا طوال اليل يفكر ويهوجس ,,, والا فيه سبب ثاني .؟ اخذت جوالي بشويش من تحت المخدة وحاولت القي نظرة بس الغرفة مظلمة ,,, واخاف اولع نورالجوال وينتبهلي خالد ( غطيت راسي بالحاف ) وشغلت نور جوالي والقيت نظرة على الساعة الساعة 3 3 آخر اليل ,,, متى ينام هذا اجل ,,, وش يفكر فيه بالضبط بوينلي والا بناصر والا بدر وربعه توكلت على الله وقمت من سريري وجلست على سرير خالد ,,, انتبهلي خالد ورفع راسه يطالعني خالد بتعب = خالد ,,, ليه قمت .؟ استغربت تغير صوته انا = ليه مانمت .؟ نزل خالد راسه خالد بهمس = ماجاني نوم انا = وش تفكر فيه .؟ خالد = بكل شي حطيت يدي على ركبته انا = الله بيخلصك منهم كللهم ان شاء الله ,,, كلهم ياخالد ,,, خلنا نروح للحرم يمكن ترتاح شوي خالد = ماقدر مصدع مرة ,, راسي يعورني ,,, اخاف افقد وعي وانا بالحرم انا = اكلت علاجك .؟ خالد بتنهيدة = ايه ( حط راسه على ركبه ) رح نوم ماعليك مني قمت وجلست بجنبه ملاصق له ولفيت يدي على اكتافه انا بابتسامة = طار عني النوم ابجلس معك خالد بهمس = خالد انا = سم تكلم خالد بكلمات ماسمعتها بسبب صوته الضعيف ولانه حاط راسه على ركبه انا = وش تقول ارفع صوتك ماسمعتك رفع خالد راسه والتفت لي ,, ولقرب وجهه مني شفت ملامحه بوضوح ,,, شكله حزين ,,, حزين مرة ,,, هالات وشحوب وعيونه ناعسة خالد = ابي اقولك سر بس اوعدني ماتعلم احد تفاجأت منه ,, و مدري ليه خفت ,, سر ,,, سترك يارب انا بخوف = آآآ ,, اوعدك ,, سرك بير ياغالي خالد = لا تعلم أي احد ,,, احس ابنفجر اذا كتمت بصدري اكثر انا = فضفض ياخالد قل اسمعك طيرت عيوني فيه لما شفت الدموع تجتمع بعيونه تبي تنزل ,,, غمض خالد عيونه ونزل راسه وسكت انا بصدمة = خالد خالد = خلاص انسى انسى ( وحط راسه على ركبه ) رح نوم ,, رح خالد خلني بحالي انا = قل الي بخاطرك ياخالد يمكن اقدر اساعدك وكأني جرحته بهالكلمة بكى بصمت انا بخوف = خالد وش فيك خوفتني ياشيخ انسدح خالد على ظهره وغطى نفسه بلحافه خالد = خلاص رح نوم انا = خالد قلي وش فيك ,,, وينلي سوا شي .؟ مارد علي حاولت اسحب الحاف عن راسه بس تمسك فيه اكثر انا = وش تبي تقول ,, اسمعك ,,, فضفض ساكت ولا يرد تنهدت و سكت وظليت جالس عنده وانا افكر وخايف وش كان يبي يقولي وليش غير رايه ,,, لا يكون متورط بشي بعد وماحد يدري ,,, حياتك متعبة ياخالد وتعب الي معك قمت ورحت للحما وبعدها جلست على سريري وانا اشوف خالد يتقلب بفراشه ,,, حاولت فيه مرة ثانية يتكلم يقول الي بخاطره وعيا وحاولت فيه يروح للحرم وانا معه وعيا لين آذن الفجر وهو على هالحال ,,, وشلون الحين شكله تعبان مدري مهموم مدري وش قصته ,,, والمشكلة بعد صلاة الفجر بنطوف طواف الوداع ,,, بالله وشلون بيطوف هذا وهو على هالحال طلعنا انا وابو عبد الله وخالد نصلي الفجر والحريم جلسوا عند البزارين النايمين طوال وحنا بالحرم وانا ملازم خالد ,,, وبعد مانتهينا من صلاة الفجر ابو عبد الله = نبي نوادع الحين بس لازم ارجع انا وخالد للفندق وناخذ الحريم ( والتفت لخالد ) خالد اكلك علاجك وجهك ماهو عاجبني خالد بهمس = ايه اكلته ,,, خلاص روحوا وانا احتريكم ابو عبد الله = نبيك توادع الحين وترجع للفندق عشان تجلس مع البزارين مانقدر نتركهم بالفندق لحالهم خالد بهمس = طيب ابو عبد الله بخوف = خالد فيك شي .؟ تعبان .؟ خالد = لا بس مانمت امس ابو عبد الله = الله يهديك كم مرة اقولك اترك عنك السهر التفت لخالد ,, وشلون بيطوف لحاله وهو تعبان ,,, لازم ارافقه بالطواف التفت مرة ثانية لبو عبد الله انا = عم انت رح الحين وانا بوادع مع خالد ابو عبد الله = واختك .؟ خالد بتعب = لا ,,, روحوا للفندق وانا بوادع واجيكم انا بخوف = ايه بس انت خالد = خلاص قلتلك رح مسكت يد خالد وجريته بعيد شوي عن ابو عبد الله انا بعصبية = انت خبل والا خبل تأف خالد وسكت انا = ياخي شف شكلك وشلون صاير تقول طالع من قبر ,,, وشلون بتطوف لحالك .؟ خالد = انا بخير واقدر اطوف عادي ,, واخذت مسكن قبل اطلع من الفندق والحين الصداع خف ,,, وماهي اول مرة يجيني صداع ياخالد ,,, رح مع خالي انا = خلني اوادع معك ونرجع مع بعض خالد = واختك انا = اطوف بعد معها مرة ثانية مو مشكلة خالد بضيق = خالد ماهي اول مرة يجيني صداع ,,, صدقني انا بخير لا تخاف ,,, رح لخالي تأخرت عليه وراح متوجه لصحن الحرم ,,, عنيد |
|
|
#25 |
|
|
رد: قصة خالد الغامضة
* 25 *
رجعت لبو عبد الله ومشينا متوجهين للفندق ,,, معقول خالد هذا ليله كل يوم يقضيه في السهر ,,, ماينام اليل كله يفكر ومهموم ,,, حسبي الله على هالوينلي وناصر فعلا معيشينه بخوف وهم ,,, مايكفيه مرض الصداع الي فيه ,,, حسبي الله على عليهم بالذات ناصر ,,, احس هموم خالد كلها من تحت راسه ,,, حاسد خالد حسد ماهو طبيعي ,,, كل هذا بس عشان خالد رافض يبيع عيادته ,,, طيب هو حر ان شاء الله يحرقها ,,, صدق حسود وصلنا الفندق انا وابو عبد الله ,, ورح ايه صح ماكلمت ابو عبد الله عن سفر خالد للرياض ,,, من اليوم امشي معه وحنا ساكتين كان يمديني اكلمه ,,, اف يعني ما اتذكر الا يوم وصلنا الفندق التفت بسرعة لبوعبد الله انا = احم ,,, عمي ,,, آآآ ,,, انا سمعت ان خالد بيروح للرياض الخميس التفت لي ابو عبد الله وقف ابو عبد الله = بيروح لحاله .؟ انا = آآآ ,,, مدري بس اكيد ابو عبد الله = يبي يروح للرياض ويسلم على اهله يروح بس مايسوق هو ,,, لو اوديه انا بنفسي ,, انا قايله لا يسوق لين تتشافى يده التفت عنه بضيق ,,,ابو عبد الله همه ان خالد مايسوق وبس ,, ( تنهدت ) ياربي وشلون الحين ,,, اقوله ان ولده متوعد الشباب ويمكن مايطلع منها سالم هالمرة والا اسكت ركبنا المصعد انا = آآآ ,, عم طيب ليه ماتمنعه ,,, يعني احسن عشان يرتاح اكثر ابو عبد الله = والله ياولدي انا ابيه يرتاح بس خالد الله يصلحه فاجأني بالعمرة وهو توه طالع من المستشفى ,,, حاولت فيه يأجلها بس الله يهديه عنيد والحين أمه بعد تسأل عنه وتشوفه ابطى عليها وحنا ماعلمناها بالي صار فيه ,,, والله ياولدي مانبي نخوفها ومدام انه سافر للعمرة اكيد يبي يسافر لها بس اذا مالقيت احد يخاويه انا الله يعينّي اوديه ياربي مافيه طريقة امنعه ,,, ابو عبد الله مو فاهم شي على نياته انا = عم حاول تمنعه ,,, لا يروح للرياض ابو عبد الله = ليه .؟ انا بترجي = بس كذا امنعه ابوعبد الله = لو خالد ماراح للعمرة كان اقنعت امه مايزورها هالاسبوع هذا بعد ,,, بس مو معقول يروح لمكة ولا يروح للرياض يزور امه ,,, وبعدين ياولدي امه دايم تتصل علي وتسأل عنه ,,, شكلها والله اعلم انها حاسه ان ولدها فيه شي انا بحيرة = خله يتصل عليها طيب بس لا يروح ابو عبد الله = خالد دايم يتصل عليها وهي تتصل عليه ,, بس قلب الأم ياولدي شكلها حست ,,, الله يحفظه لها ويخليه ويصلحه تنهدت وسكت ,,, وشلون يعني ,,, خالد بيروح لبدر وراكان ,,,, لازم ابلغ ابراهيم ,,, لازم ابراهيم والا انا يروح معه ,,, لازم دخلنا انا وابو عبد الله قسمنا وكل واحد راح يرتب اغراضه ,,, انا ارتب اغراضي واغراض سالم وابو عبد الله يرتب اغراضه ,,, خلص ابو عبد الله ترتيب اغراضه وجلس على احد الاسرّة ,,, التفت له ولقيته يفكر وعلى ملامحه الخوف استغربت وش فيه تركت الي بيدي وجلست عنده انا = عسى ماشر ياعم اشوفك مانت مرتاح التفت لي وعلى وجه الخوف ابو عبد الله = ليتني رحت اوادع مع خالد ,,, شكله تعبان واخاف يغمى عليه انا = انا قلتله ابوادع معك وعيا ,,, وبعدين لا تخاف عليه ياعم هو كان سهران امس كذا بس ,,, ماعليه شر ان شاء الله قلت كذا عشان اطمن ابو عبد الله بس تنهد ابو عبد الله وقام متوجه لسرير خالد وبدا يرتب اغراضه قمت ورحت اكمل شغلي ,,, انا بعد اخاف يغمى عليه وهو يطوف ,,, هو امس قالّي مايقدر يروح للحرم لأنه مصدع ( تنهدت) الله يستر عليه ماندري وين بيوصلك عنادك ياخالد ,,, احيان تعاند نفسك واحيان تعاند بدر وشلته واحيان تعاند وينلي وذيله على قولتك ,, حتى ابوك تعانده مرت علينا ساعة وحنا نحتري خالد ,,, بدا ابو عبد الله يرتبك ويهوجس اكثر بسبب تأخره ,,, حاولت اهديه واقوله الحين يجي وانه ماعليه شر لكن مافيه فايدة انا = الحين ابتصل عليه ونشوف وينه طلعت جوالي واتصلت عليه ثواني ورد خالد = هلا خالد صوته ثقيل وانفاسه مسموعة كأنه يركض ,,, انا = وينك ,,, ليش تأخرت .؟ خالد بتعب = ماتأخرت رفعت حاجب واحد ,,, مرت ساعة عليه ويقول ماتأخرت ,,, ترا كل الدعوة طواف ومافيه زحمة بعد ,,, لكن سكت عنه ,,, ابو عبد الله بجنبي ولا اقدر اقول شي انا = اها طيب ,,, وينك الحين .؟ خالد = باقي ماخلصت طيرت عيوني ,,, وش الي ماخلص ,,, يحج هذا والا وش يسوي ابعدت شوي عن ابو عبدالله ,,, وهمست لخالد انا بهمس = وشلون ماخلصت ,,, صار لك ساعة ,,, كم تطوف انت .؟ خالد بتعب = مصدع وشمس وحر ,,, جلست شوي ارتاح ,,, يله يله الحين اخلص وسكر بوجهي طالعت الدريشة مستغرب ,,, فيه شمس بس خفيفة الحين مابعد احترّت ( رفعت حواجبي بسخرية ) ياي يالناعم بنوته على غفله ماتتحمل حرارة الشمس وبعد نص ساعة وحنا نحتريه دخل علينا خالد وجه احمر من التعب والشمس والحر تنهد ابو عبد الله بارتياح يوم شاف خالد وسمعته يحمد الله ويشكره ,,, انسدح خالد مباشرة على احد الاسرّة بتعب ابو عبد الله = وش فيك ياولدي تأخرت ,, خوفتني عليك التفت خالد لخاله وهو منسدح خالد بتعب = ماتأخرت واجد ,,, يله الحين دوركم ,, وانا ابقعد عند البزران قام ابو عبد الله وجلس على السرير بجنب خالد وحط يده على صدر خالد ابو عبد الله = اكلك دواك .؟ خالد = سألتني اليوم الفجر ,,, ايه اكلته ابو عبد الله بخوف = اشوفك تعبان وجهك ماهو عاجبني ,,, صدرك يعورك والا يدك ,,, خلني اوديك المستشفى .؟ تأف خالد متضايق خالد بضيق = مايعورني شي ,,, يله خال رح ولا عليك مني ,,, انا بنوم لين تجون سكت ابو عبد الله وطالعه شوي بتشك وبعدها قام رحت لقسم خلود وشلت سلمى النايمة وحطيتها على سريري بجنب سالم اما معاذ اخذناه معنا مع انه نايم ,,, ماقدرت اخليه عند خالد اخاف يزعجه وهو بنفسه تعبان اخذنا ساعة وحنا نطوف ,,, ابو عبد الله وام عبد الله بطيئين بالحركة خاصة ابو عبد الله حركاته بطيئة خلصنا ورجعنا للفندق وعطيت خلود معاذ ودخلوا قسمها وقف ابو عبد الله وام عبد الله بين القسمين يتكلمون وكأني سمعت كلمة جدة بينهم تركتهم و دخلت قسمنا ,,, لقيت خالد جالس بالارض ويفطر وهو مازال عليه بنطلونه الجيشي وسلمى جالسه بحظنه ويعطيها خالد من الفطور ويلقمها والاخت تاكل وهي مكسله أما الاخ سالم حاط راسه على فخذ خالد ونايم التفت لخالد الي يعطي سلمى و ابتسمت ,, لاه شكل خالد الحين تمام وقفت قدامهم وحطيت يدي على خواصري انا = هيه انت قاعد تفطر ,,, قم يله بنمشي رفع خالد راسه لي خالد = انا جايب لنا ولحريم فطور ,,, اجلس خلونا نفطر الحين وبعدين نمشي انا = امم الصراحة انا جوعان ,,, يله نفطر نفطر وش ورانا ( وجلست قباله) طالعت سالم واستغربت ,,, شكله نام وهو يبكي انا باستغراب = وشفيه سالم .؟ خالد = من اليوم وهو يصيح يقول ليش راحوا عني انا = اوه سويلم عليه طلعات ( والتفت لخالد ) شكله ازعجك اجل ,,,, انت من دون صياح مصدع وشلون عاد مع صياح سالم خالد = لا ,,, اكلت مسكن مرة ثانية والحين احس نفسي احسن ,,, وين خالي .؟ أشرت له بيدي للبا وانا أكل ,,, لاحظت على سلمى انها متساندة على صدر خالد بكسل انا = بتعورك البنت مع جرحك ياخبل ( والتفت لسلمى ) قومي سلمى خالد = لا خلها م = وش تسون .؟ التفتنا لبوعبد الله الي دخل علينا الغرفة خالد = ابد ياخال نفطر ,,, تعال الحق على الفطور لا ياكله عنك هالمشفوح ( وأشر علي ) ابتسم ابو عبد الله وهو يشوف خالد يكلمه بصحة زينة ابو عبد الله بابتسامة = نفطر بالطريق ,,, مكروه الجلوس بعد طواف الوداع من دون حاجة ضرورية ,,, يله قوموا ( وراح للغرفة الثانية ) التفت خالد لي خالد = يله قم ,,, من اليوم اقولك قم قم ,,, وتقول لا ابجلس افطر التفت له وانا رافع حواجبي انا = ياسلام اجل من الي قالي اجلس وافطر( ورميت عليه كرتون المناديل ) قم وقوّم سالم معك ورحت عنه وانا ابتسم طلعنا من الفندق و كل واحد اخذ مكانه بالسيارة وحركنا ,,, بس تفاجأت بقرار ابو عبد الله ابوعبد الله = خالد وانا عمك نبي نمر جدة طالعنا انا وخالد بعض مستغربين خالد مستغرب = جدة ! انا = ليه ياعم .؟ ابو عبد الله = اعرف واحد بجدة وابي خالد يتعرف عليه خالد مستغرب = خالد انا والا خالد هذا ( واشر علي ) ابو عبد الله = لا انت قطب خالد حواجبه مستغرب ,,, انا عن نفسي كأني فهمت من هالواحد هذا الي يقصده ابو عبد الله خالد = من هذا الي تبي تعرّفني عليه .؟ ابو عبد الله = ابعرفك على واحد اعرفه بيساعدك ويدور لك شقة مناسبة لك ,,, النصف الثاني ابيك تكمل دراستك بجدة التفت لي خالد معصب من خاله ,,, طالعت خالد وانا متضايق من ابو عبد الله وتفكيره وخوفه الزايد على خالد خالد بعصبية = لا تدخل جدة ,,, قلتلك ياخال دراسة بجدة ماني دارس ابو عبد الله = ليه ماتدرس وش فيها جدة .؟ خالد بعصبية = مافيها شي ,,, بس دراسه فيها ماني دارس واذا كان قصدك الي صار لي من بدر وربعه اوعدك ماراح يتكرر مسكت الدركسون بقوة ,,, يهدد بشكل غير مباشر قدام خاله ابو عبد الله بترجي = بس انا خايف عليك منهم ياولدي ,, اذا كنت تبي راحتي ادرس الفصل الثاني بجدة ,,, انا ابي اتطمن عليك انت وحيدي اذا ماتطمنت عليك اتطمن على من خالد بعصبية = اتطمن ( وكمل بصوت هامس ) اصلا ماراح تجي العطله النصفية الا وانت مرتاح من بدر وراكان ياخال سكت ابو عبد الله شوي ابو عبد الله بحزن = وشلون اتطمن والضابط قال انهم طلعوا من السجن ام عبد الله = خالك خايف عليك ويبي مصلحتك وامك بعد خايفه عليك ياخالد ,,, اسمع كلامه لين الله يفرجها ويخلصك منهم خالد بعصبية = انتم الحين مكبرين السالفة ليش ,,, اول شي الترم الثاني توه باقي عليه ,,, ثاني شي قلتلكم الي صارلي ماراح يتكرر مرة ثاني ,,, والا مستعجلين تبون ترتاحون مني ياخالة ام عبد الله = ليه تقول هالكلام ,,, انت زي ولدي والله عوضني بعيالي فيك التفت ورا ولقيت ابو عبد الله منزل راسه وساكت وام عبد الله كذالك لا حول ولا قوة الا بالله شكلهم تذكروا عيالهم ,,, التفت لخالد ولقيته يطالع قدام ومقطب حواجبه بعصبية واضح على ملامحه التحدي ,, قبل يهددعشانهم اعتدوا عليه ودخلوا استراحته والحين مو مستقر بسببهم ( تنهدت ) اكيد بيروح للشبا ,,, عاد الحين معصب زيادة منهم ,,, وشلون امنعه وشلون وقفت السيارة عند المحطة اعبي بنزين قبل نطلع من مكة ,,, نزل خالد وراح يشتري اغراض ورجع عبينا السيارة وقفت ماطلعت من المحطة محتار ,,, وشلون الحين امسك طريق جدة والا الطايف انا = احم ,,, آآآ ,,, عم ترا ابمسك طريق الطايف خالد بعصبية = ايه امسك طريق الطايف بعد تشاور ,,, انا وراي سفر للرياض متى يمديني اوصل التفت لخالد معصب انا بعصبية = انت انطم واسكت ابو عبد الله بحزن = سو الي تبيه ياولدي مالي شور الا على عيالي طير خالد عيونه والتفت لي منصدم,,, طالعته شوي وانا متأثر وبعدها نزلت راسي وسكت ,,, فجأة نزل خالد من السيارة وفتح باب خاله خالد = شورك على عيني وراسي ( وسلم على راس خاله ) انا خادم عندك وعند خالتي ,,, والله ياخال لو تقول ادرس برا وريحنا منك اقولك سمعن وطاعة ,,, انا ولدك وشورك يمشي علي ( وانحنى يسلم على يد خاله ) لف ابو عبد الله يديه حولين راس خالد وضمه لصدره وهو يجاهد الدمعة ابو عبد الله = الله يرضى عليك ويحفظك لي ,,, انا كل الي اسويه من خوفي عليك مالي بهالدنيا الا انت واخواتك = فيه مشكل بابا ,,, يلا روح امشي ,,, انتبهت للهندي الي واقف عند دريشتي ويكلمني ,,, بسم الله الرحمن الرحيم منين طلع ذا ,, انا مستغرب = هاه عامل المحطة = هادا فيه سيارة تاني ورا انته يبي يجي ,,, يله روح روح اوه صح نسيت اني واقف عند المحطة وماحركت السيارة انا = طيب لا تدف التفت ورا مرة ثانية اشوف خالد وخاله ,,, ولقيت خالد يراضي خالته ويكلمها انا = خالد يله اركب ,,, السيارات جوعانه ورانا تبي تاكل التفت خالد للسيارت ورجع يلتفت لخالته بسرعة خالد = حقك علي ياخاله ماكنت اقصد وركب بمكانه بسرعة اشر لي خالد بيده يعني خذ طريق الطايف ,,, نفذت الكلام وانا ساكت ,,, جدة الحين مانبي نروح لها ,,, اصلا مالها داعي الحين ,,, ابو عبد الله مايفكر بعقله يفكر بعاطفته وحمدت الله ان ابو عبد الله ماعارض ولا شي بالعكس ساكت ,,, او مدري يمكن الى الحين ماخذ بخاطره من خالد افطرنا بالطايف وكملنا المشوار ساعة ساعتين وبديت انعس وانا اسوق اف ودي انام التفت لخالد ولقيته رافع رجلينه على الطبلون ويلعب بجواله انا = قاعد تلعب بجوالك ,,, سولف معي ابي أي شي يطير النوم عني التفت لي خالد خالد = تبي تنوم .؟ انا = لا ابي انام ابتسم خالد خالد = طيب ,,, تبي تنام .؟ انا = لا ابي انوم ضحك خالد واعتدل بجلسته خالد بابتسامة = سلملي الطارة وانا اسوق عنك التفت ورا لبو عبد الله ولقيته نايم ,, اما ام عبد الله ماشوف منها شي ولا ادري عنها نايمة والا لا ,,, طالعت المرايا الامامية ابي اشوف خلود ونفس الشي ماشوف منها شي ولا ادري بعد هي نايمة والا لا التفت لخالد مرة ثانية انا = لا شكرا مانبي منك شي بس سولف معي خالد = اسولف معك وش اقول ,,, شغل أي شريط وتسمّع انا بملل = الي ورا شكلهم نايمين ماسمعت من خالد رد والتفت له ,, لقيته الحمار يلعب بجواله ومطنشني اف لازم اجيب سالفة عشان يسولف معي ,,, امم وش اقول وش اقول ,,, فجأة سمعت جوالي يرن القيت نظره عليه ( ابراهيم يتصل بك ) ابتسمت مالي الا ابراهيم يسولف معي انا = انا اقول ماحد بيسولف معي الا ابراهيم ,,, هلا والله ابراهيم = اسولف معك ,,, وش تقول انت انا = هههههههههه لا ولا شي ,,, وشلونك ابراهيم = ابد الحمد الله طيب ,,, اخبارك انت ,,, شف حتى نسيتني اسلم يالي ماني بقايل انا = ههههههههههه وعليكم السلام والرحمة ابراهيم = امم خويلد لقيها نقدر نمنع خالد مايروح للرياض سكت فرحان ,,, انا اقول مالها الا ابراهيم ,,, بس لحظة خالد بجنبي ماقدر اتمادى مع ابراهيم بالكلام ,,, بيشك خالد فينا التفت لخالد ولقيته رافع رجليه على الطبلون ويلعب بجواله ابراهيم = الو انتبهت لابراهيم انا = ايوة معك ,, كيف .؟ ابراهيم = عندي فكرة ماتخش الميّا انا = اولا اسمها ماتخرش الميّا ماهو ماتخش الميّا ابارهيم = هي فكرتي والا فكرتك ,,, انا ابيها ماتخش الميّا ,,, عندك مانع ابتسمت انا = لا ابد سلامتك ماعندي مانع ,,, بس وشي ابراهيم = فكرة انما ايه عشان تعرف اني ذكي انا = ايه انت اذكى واحد بس وشي .؟ ابراهيم = فكرة ماتخطر بال احد ,,, ماتخطر الا بال النجباء امثالي انا بملل = ايه اخلص وشي .؟ ابراهيم = عشان تعرف ان أي مشكلة مايحلها الا الذيابه امثالي انا بملل = لا إله إلا الله ,,, بتكلم والا وشلون .؟ ابراهيم = اصبر ,,, خلني اعلمك وشلون يفكرون الاذكيا عشان تتعلم مني انا = اف يامصلك ( وسكرت بوجهه ) ,,, ابلشنا ذكي وذكي اتصل ابراهيم مرة ثانية ورديت انا بعصبية = بتكلم والا وشلون .؟ ابراهيم بزعل مصطنع = خدشت ذكائي انا بصراخ = ياشيخ التفت لي خالد مستغرب ,,, وأشر لي بيده يعني شفيك احم ,,, الله يقلع ابليسك يابراهيم رفعت ضغطي ابراهيم = ههههههههههههه طيب طيب ابقول ,,, امزح معك يارجال وش فيك .؟ انا = طفشتني ,, يالله قل وش عندك ابراهيم = الخميس وانتم هنا صح .؟ انا = ايه ابراهيم = اسمع ,,, اليوم الاربعاء وانتم بعدكم ماجيتوا من مكة انا = بالطريق حنا الحين ابراهيم = المهم ,,, وبكرة احتمال خالد يروح للرياض صح .؟ التفت لخالد ,,, اخاف يسمعني ويفهم علينا وش نقول انا = ايه اكيد ابراهيم = انا قلت ابسوي عزيمة شبابية يوم الخميس الي هو بكرة بمناسبة خروج خالد من المستشفى ,,, طبعا العزيمة لخالد ولازم يجي ,,, سكت افكر ,,, ومن اليوم يقول ذكي وذكي واخر شي عزيمة على شرف خالد انا = بس .؟ ابراهيم = ايه بس ,,, ابي ادبسه بالعزيمة وخليتها يوم الخميس عشان مايروح انا = طيب يمكن يعتذر عنها ابراهيم = افا اقولك العزيمة له وشلون يعتذر ,,, اذا اعتذر ابزعل منه وبعدين ابقوله حجزت استراحه وعزمت الشباب وكل شي جاهز سكت افكر ,,, طيب ويوم الجمعة اكيد بيروح يوم الجمعة بس وشلون افهم ابراهيم وخالد بجنبي ,, بس يالله فكرة حلوة نحاول وعلى الله انا بابتسامة = صح ابراهيم مستغرب = وش الي صح التفت لخالد وانا ابتسم انا = كلامك صح ابراهيم = خلاص ابتصل عليه الحين اوب لا اذا اتصل عليه الحين وهو توه مكلمني بيشك فينا خالد اكيد انا = لا مو الحين ابراهيم = ليه .؟ انا = بس مو الحين ابراهيم = ابي اقوله الحين عشان يمديني احجز الاستراحة انا = طيب بعد شوي ابراهيم = ليه .؟ انا = بس سكت ابراهيم شوي ابراهيم = هو عندك .؟ انا بابتسامة = ايه ابراهيم = اها قل كذا من اليوم ,,, طيب مع السلامة انا = مع السلامة العصر رن جوال خالد قبل نوصل الديرة بنص ساعة تقريبا القى خالد نظرة على جواله ورد خالد = هلا ,,, وعليكم السلام هلا والله ابراهيم ( ابتسمت يارب يوافق خالد على عزيمة ابراهيم يارب ) خالد = كيف الحال والاحوال ,,, طيب طاب حالك ,,,, هههههههههههههههه ايه ايه افا عليك بس ,,,,,, هلا ,,, وشلون .؟ ,,,, وش بمناسبته .؟ ( ابتسم ) تسلم والله احرجتني ,,,, مايحتاج يابراهيم تعزم وتخسر نفسك ,,,, تسلم والله تسلم ,,, افا عليك فالك طيب ,,, ومتى تبيها .؟ ,,,, وشلون الخميس .؟ ,,,, لا ابراهيم الخميس ماقدر ,,,, والله ماقدر ,, الخميس مشغول ,,, والله اني عندي شغل بالرياض ,,, أجلها تكفى ,,, والله انا مابي اردك بس ,,,, ( التفت لي وكنه متورط مع ابراهيم ) بس الخميس مشغول ,,, طيب خله السبت ,,, الجمعة طيب ,,, وليش تحجز قبل تقولي وتشوف انا مشغول والا لا ( تنهد وكمل ) ماعاش الي يرد عزيمتك ويفشلك ,,, خلاص ان شاء الله ,,, تسلم ,,, هلا مع السلامة وسكر عنه وهو يفكر ابتسمت مستانس ,,, كفو يابراهيم انا بابتسامة = وش فيك .؟ رفع راسه والتفت لي متضايق خالد بضيق = ابراهيم انا = وش فيه .؟ خالد = ياخي يقول مستاجر استراحة وعازم الشباب بمناسبة طلوعي من المستشفى ومدري ايش ,,, والمشكلة يوم الخميس ,,, وشلون الحين ودي اروح للرياض ,, وعدت امي والاهل اني اجيهم الاسبوع هذا ( وزفر بضيق ) اف ابتسمت اكثر ,, لمصلحتك هذا ياغبي انا = احم ,, طيب اعتذر منهم .؟ سكت ومارد ,,, وقعد يفكر ,,, بالتالي سكت عنه دخلنا الديرة وخالد مازال ساكت ويفكر ,,, فجأة سمعته يكلم بالجوال خالد = الوه ,,,, هلا يمه وشلونك ,,, انا بخير دامك بخير ,,, ابد الحمد الله ايه قربنا نوصل للديرة ,, منا ومنك ,,, امم اقول يمه وش رايكم تجون انتي واخواتي عند خالي خميس وجمعة ,,, ( طيرت عيوني ,,, وشلون بيجون وهم ماعندهم محرم غيره ,,, لا يكون هو بيروح الغبي ) خالد = الصراحة يمه واحد نشب بحلقي الا يعزمني الخميس لين وافقت ( ابتسمت ياحليلك يابراهيم صاير علقم بحلق خالد ) خالد = ,,, ايه ,, هاه وش رايك ,,, لا الحين حنا داخلين الديرة تونا واصلين ,,, لا مافيه تعب علي ولا شي ,,, والله يمه مافيه تعب ,, اصلا ابسافر على الجماعي وبالجية مع اسلام يعني لا تعب علي ولا شي ,,, ( وابتسم ) خلاص اليوم الفجر وانا عندكم ,,, تجهزوا ,,, وانا ابقول لاسلام يجهز الموتر ,,, طيب ,,, يله مع السلامة يالغالية وصلنا الديرة اخيرا ,, نزلت اول اخواني عند شقتنا وبعدها رحت للحارة عشان انزل ابو عبد الله واهله واوقف السيارة عندهم دخلنا الحارة وشفت ابراهيم وماجد وصالح واقفين وشلكهم على وشك يطلعون من الحارة بس وقفوا لما شافونا نزل ابو عبد الله وام عبد الله ودخلوا البيت ,, نزلت من السيارة وتوجهت للشبا اسلم عليهم صالح = هلا والله ,,, حيا الله من شافك ,, الحمد الله على السلامة انا بابتسامة = الله يحيك ويسلمك وسلمت عليهم ,, وابتسمت اكثر لما سلمت على ابراهيم جانا خالد وسلم على الشباب وبعدها التفت على ابراهيم خالد بحيرة = الى الحين ملزّم .؟ انا اقول مايحتاج ابراهيم = خلاص عزمت الشباب تنهد خالد وسكت ماجد = شسالفة .؟ انا بابتسامة = ابراهيم مسوي عزيمة لخالد بكرة والاخ زعلان خالد = ماني زعلان بس والله اني مشغول صالح = مانت وجه عزايم ( والتفت لبراهيم ) معطيه وجه تراك طنشه ابراهيم والتفت لخالد وسأله بشك ابراهيم = ليه وش عندك مشغول .؟ خالد = واعد الاهل اجيهم هالاسبوع وال انا = الاهل انت توك متصل عليهم وبتجيبهم هنا ,, لا تكبر السالفة طير ابراهيم عيونه فيني ابراهيم = وشلون .؟ التفت لابراهيم متملل من عناد خالد انا = يقول بيروح للرياض الفجر عشان يجيب اهله التفت ابراهيم بسرعة وقال لخالد يلزّم عليه عشان يضيق عليه الوقت ابراهيم = ايه صح نسيت اقولك ترا الشباب بيجون من العصر للاسترحة ,,, لا تتأخر علينا خالد بضيق = ان شاء الله اجيب الاهل واجي انا بتأكيد = تجيب الاهل وبس مشاورك الثانية لا تروحلها ماجد = وش فيكم على الرجال ,,, قالكم خلاص يجيب واهله ويجي مانت فاهم شي ياماجد ابراهيم = ايه ادري بس اذكّره خالد = ابراهيم طيب خله الجمعة ,,, تكفى انا مشغول ابراهيم = ودي بس عزمت الشباب خلاص ,, وبعدين وش عندك مشغول وش وراك سكت خالد وهو متضايق اكيد مايقدر يقول لهم انه بيروح لبدر وربعه ,,, بس الصراحة بديت اصدقه انه مشغول يمكن فعلا عنده شغل هناك وحنا محجرين عليه انا = يله انا استاذن ,,, بروح ارتاح شوي والتفت لخالد ومسكت ذراعه وسحبته معي اكلمه بعيد عن الشباب ,,, ( ومديت له مفتاح السيارة ) انا = خذ ,,, متى بترجع السيارة للشركة .؟ خالد = الحين ,,, وعلى طريقي ابروح احجز بالجماعي عشان اروح للرياض طيرت عيوني فيه انا بصدمة = الحين .؟ توك جاي من مكة وبتروح للرياض على طول زفر خالد بضيق خالد = وش اسوي بابراهيم انا اصلا كنت ناوي اروح الخميس وارجع الجمعة انا = ايه صح تعال ,,, انت صدق مشغول .؟ ,,, والا تقول كذا بس خالد = ودي امر العيادة واشوف الوضع هناك بعد تأخر الرواتب عنهم انحرجت منه يعني صدق مشغول انا بحرج = يعني مانت مار استراحتك مثل ماقلتلي .؟ سكت خالد شوي وبعدها رد علي بتحدي خالد بتحدي = الا طبعا بمرها ,, هذا وجهي اذا خليتهم يسرحون ويمرحون فيها ,,, والله اني منقهر منهم ياخالد وماراح اتركهم مالت عليك وعلى وجهك ,,, الشرهة علي اني صدقتك انك مشغول ,,, شوي وكنت بقول لابراهيم يكنسل العزيمة عشانه ,, لكن مع توعده هذا العزيمة صايرة صايرة ان شاء الله ورجله فوق رقبته انا بعصبية = وتمرها وش بتسوي فيها ياثور ,,, واذا صادفوك هناك وش بتسوي ,,, بتاخذ المسدس وتثوّر فيهم خالد بضيق = الحين ماينفع الكلام ,,, امش خلني اوصلك الشقة عشان يمديني احجز قبل يذن انا مستغرب = انت بتسوق .؟ خالد = ايه يله امش وراح عني ,,, يسوق ويده معلقه برقبته وماتشافت الى الحين ,,, ركضت له واخذت المفتاح منه ورحنا ,,, سلمنا السيارة وحجز خالد بالجماعي ,, والرحلة الساعة 11 في اليل وحنا باليموزين راجعين للبيت انا = الرحلة الساعة 11 متى يمديت تنام وترتاح ,, تراك امس ليلك كله سهران خالد = انوم بالباص انا = خالد تكفى طلبتك ,,, اكسر الشر ولا تروح لاستراحتك الحين ,,, على الاقل لين الضابط يلقى حل معهم خالد = ترضى احد يدخل بيتك ويقتحمها وانت تتفرج عليه انا = والله اني فاهم عليك وحاس فيك ,, بس تحمل لين تتعاون مع الشرطة وتمسكونهم ,,,, اذا رحت لهم بنفسك الحين والله ينتفونك تنتيف ,,, هذولي مابقلوبهم رحمة عليك خاصة الي اسمه بدر كنه شايل عليك سكت خالد ومارد علي ,,, كملت بترجي احاول اقنعه مايتهور ويتمادى معهم انا بترجي = تكفى خ خالد = ماهو وقته الكلام الحين ,,, ماتشوف ابراهيم وعزيمته الي مدري وش تبي ,,, هالاسبوع ماقدر اسوي شي حتى العيادة مايمديني امرها ,,, مع ان سلطان يشتكي من وينلي ويحتريني اجي للرياض انا مستغرب = ليه ,,, وش فيه سلطان .؟ خالد بتنهيدة = يضايقه وينلي بكل شي ومايخليه يشوف شغله انا = هذا دليل انه يخبي شي وخايف سلطان يكتشفه خالد = اكيد ويمكن تكون المخالفات الي يهددني فيها وصلني اليموزين اول للشقة وبعدها وصل خالد دخلت الشقة ولقيت اخواني كلهم نايمين مع اننا باخر العصر ,,, شكلهم من التعب ناموا قومت خلود لصلاة المغرب ,,, صلت وبالقوة صبرت لصلاة العشا ,,, وماصدقت صلت وعلى طول نامت انا صليت العشا و طوالي على السرير يوم الخميس قمت الظهر وانا مكسل ,,, اخذت جوالي القي نظرة على الساعة ولقيت 6 مكالمات لم يرد عليها ورسالتين ,,, طيرت عيوني بالساعة اوه الساعة وحدة ماصليت نقزت من السرير ورحت اصلي وبعدها طلعت من الغرفة ادور خلود الحمارة الي ماقومتني ,,, ولقيت الاخت نايمة بالصالة اف ماتشبع نوم هذي نامت قبلي والى الحين نايمة شميت ريحة شي يحترق ,,, رحت ادور مصدر الريحة وشهقت الغدا ركضت للمطبخ وطفيت عن القدر ,,, مالت عليك ياخلود احرقتي غدانا ,,, وشلون الحين انا جوعان رحت لها وقومتها معصب اخر شي اخذت جوالي وطلعت من الشقة اجيب غدا احسن من غدا خلود ألف مرة وانا انتظر طلبي فتحت المكالمات والرسايل 3 مكالمات من ابراهيم ومكالمة من فيصل ( زميل لي بالمدرسة ) ومكالمتين من ناصر شهقت ناصر صح اليوم الخميس انا قايل له ينتظر مكالمتي واقابله ,,, اف مالي نفس له الحين ,,, وبعدين صح خالد وينه بالرياض والا جا والا وينه بالضبط فتحت الرسايل وكانت وحدة من فيصل والثانية من ناصر فتحت رسالة فيصل ( خالد كيف الحال غايب ثلاث ايام عسى المانع خير اتصلت عليك اسأل عنك ولا رديت ) وفتحت الرسالة الثانية الي من ناصر ( اتصلت على خالد واضح انك ماكلمته بموضوعنا اليوم العصر اشوفك ومابي اعذار والا تصرفت مع خالد تصرف ثاني ) اف شسوات مع هالناصر ذا اخذت طلبي بضيق ورجعت الشقة بعد الغدا اتصلت على خالد اشوفه وينه انا = الو ,, السلام عليكم خالد بهمس = هلا وعليكم السلام استغربت صوته المتغير انا مستغرب = وشفيه صوتك .؟ خالد = تعبان شوي اكيد بيكون تعبان ,,, مرهق نفسه ,, اول سفره لمكة وبعدها على طول سافر للرياض من دون مايرتاح انا = وينك الحين ,,, بالرياض .؟ خالد = لا ,,, جيت من الرياض اليوم الصباح انا = يعني انت الحين بيت خالك .؟ خالد = ايه انا = صوتك تعبان مرة خالد = الصداع بيفك راسي ,,, توني اكلت مسكن وان شاء الله اكون احسن صاير يكثر من المسكنات ,,, امس اكل حبتين ,,, واليوم بعد خالد = اقول خالد تقدر تجي العصر .؟ انا = اجي وين .؟ خالد = عندنا بيت خالي وهات سالم وسلمى معك انا مستغرب = ليه .؟ خالد = ابي رولا ورولين يشوفون اخوانك ودي اشوف وشلون سلام البزران على بعض وضحك بتعب ابتسمت ,,, رولا هنا ,,, سبحان الله هالبنت اعجبتني بهدوءها وصمتها المستمر انا بابتسامة = ان شاء الله ,,, بس بعدها على طول نروح لاستراحة ابراهيم عند الشباب خالد = ان شاء الله سكرت عن خالد ,,, واتصلت على ناصر وقلت له اني مشغول اليوم وعشان مايسوي شي يضر خالد وعدته اشوفه الجمعة الساعة 11 الصباح واشوى وافق |
