نشيل اطراف التوست ونطحنه .. ونضيف له 4 ملاعق سمن او نصف اصبع زبده مذوب ~
ونفرك التوست الين يختفي السمن ويتشربه ~
ندهن صينيه تيفال بالسمن ,,
ونحط نصف كميه التوست وزياده ك قاعده ل الكنافه ..
ونضغط عليه عشان نساوي الطبقه ونشوف سماكتها ~
والاهم نرفع حواف للتوس عشان الخلطه ما تتطلع وقت التحمير ~
نسوي المهلبيه طريقتنا المعتاده ..
نخلط مقادير رقم 1 بدون النشاء على النار لمده 10 دقايق او الى قبل مرحله الغلي ب قليل ..
نضيف النشاء ونحرك وفي هالمرحله راح تثقل معنا ..
وانا ابيها اثقل من المعتاد لاننا راح نخفها ب خلطه ثانيه ~
من جهه ثانيه نخلط مقادير رقم 2
اللي بالقدر المهلبيه ويمكن يكون واضح ثقلها ..
والزبديه اللي جنبها القشطه النوعين والكيري ~
هنا صورتهم بعد الدمج ,,
نصب الحشوه فوق التوست ,,
بس ما نوصله للحواف .. في الفرن هو بيتمد على راحته ههههههه
نغطي الوجه ب الباقي من التوست بس ما نضغط عليه عشان لا تتطلع الحشوه وتنحاس الدنيا
والحواف اللي رفعناها من القاعده نحاول ندمجها مع الطبقه العلويه ..
وب كذا نضمن قالب من التوست مرتب ومافيه حوسه او حشوه طالعه من هنا او مناك
بعدها تتدخل الفرن من تحت الين تتحمر الحواف ..
بس تقريباً على حراره وسط تاخذ لها من 12 - 15 دقيقه
ومن فوق الين تشقر وتقرمش ,,
خليتها ترتاح 5 دقايق ثمن قلبتها
وسقيتها شيره ..
المهم نسقيها بسرعه لانها زي القماش ممكن تبقع ب جهه وجهه لا ..