 |
  |
|
|
|
|
#1 |
|
:: كاتبة مقتدره :: |
روآآية "ماكل من يضحك مع الناس مبسوط " كآآملة..
السلام عليكم ورحمة الله وبركآآته,, مسآآء الخير حبيبآآتي... روآآية "ماكل من يضحك مع الناس مبسوط " لكاتبه : بدوية عنيدة... اتمنى تعجبكم مثل ما عجبتني... تمنيآآتي لكن بإجآآزة اسبوع جميلة وممتعة... :icon_arrow: |
|
|
#2 |
|
|
رد: روآآية "ماكل من يضحك مع الناس مبسوط " كآآملة..
الضحكه والدمعه الشخصيات الرئيسية عائلة ابو نور ابو نور (عبد الله ): رجل اعمال ناجح يمتلك اكبر شركة مقاولات بجده عمره 50 سنه ام نور( حصه ):عمرها 45 سنه طيبه وحنونه لكن وقت الحاجه تكون اصلب من اشد الرجال نور: عمرها 22 سنه حلوه اهي البيضا الوحيده بخواتها طالعه على جدتها نور بطبعها انسانه حنونه وفرفوشه لكن حالها انقلب من سنتين تقريبا وصارت حساسه وايد وتعصب بسرعه لكن هالعصبيه ولان قلبها ابيض ترضى بسرعه وايد حنان : 21 سنه عربجيه بمعنى الكلمه شعرها قصير وايد تقريبا بوي الا انها صاحبه احلى ملامح بين خواتها لكن للاسف مايبين هالشي تمتع بصفتين تسبب لها مشاكل وهي العناد والصراحه تدرس بجامعه الملك عبد العزيز قانون ليلى 18 : سنه توها تخرجت من الثانويه بنسبة 97.80 والان جالسه تستعد لامتحان قبول الطب ليلى زي اخواتها عندها حظ من الحلى ولكن يغلب عليها الطابع البسيط ماتحب التعقيدات وطموحه مريم :17 سنه الي يميزها لون عيونها العسلي ماتحب تحتك بالناس الا المقربين لها مريم مافي احد بيتهم قريب لها اكثر من حنان مافي شي يخفونه عن بعض ابدا وعشان كذا ينامون بحجره وحده عائلة ابو تركي ابو تركي (محمد ): اخو ابو نورالكبير وشريكه برحلة الكفاح يدير فرع الشركه بالرياض عمره 55 سنه ام تركي (موضي ): ماتختلف عن حصه نفس الطيب والقوه وهي اخت حصه عمرها 48 سنه تركي : 28 سنه مطلق خريج جامعه الملك سعود قسم المحاسبة ويدير الشغل مع ابوه حلو وماعليه كلام بندر : 23 سنه يدرس بامريكا ادارة اعمال وسيم ومحترم وعبارته المشهوره مافي بنت تهز فيني شعره الجده ارمله ربت اعيالها الين ماصارو رجال وينشد فيهم الظهر مره متمسكه بعاداتها وتقاليدها والحال المايل مايمشي معاها وتعبر دوم عن ارئها (انتقاداتها بالاصح ) بطريقه قاسيه في شخصيات ثاويه رح تظهر مع الأحداث ان شاء الله الفصل الاول اه لا اتركني يمه يبه لحقو علي لا ليلى : بسم الله الرحمن الرحيم نور ياعمري اذكري ربك نور: يلحقني بيذبحين ياليلى بيذبحني ليلى : ياقلبي مافي احد يلحقك هذا كله كان حلم نور : ها حلم ايه صح حلم ليلى: تعوذي من ابليس وارجعي نامي نور: انام ومن وين بيجي النوم ؟ ليلى وهي تحاول تهون الوضع على اختها : يابنتي هونيها وهي تهون نور بتهكم : النار ماتحرق الا رجل واطيها ليلى : ادري بس والي يعافيك حطي الماضي ورى ظهرك وعيشي حياتك نور : حياتي أي حياه حياتي خلاص انتهت ليلى : استغفر الله وين انتهت انتي بعد توك صغيرونه ما وصلتي حتى ال25 سيبيك من التشائم اضحكي للدنيا تضحكلك نور ابتسمت بوجه اختها الي طول عمرها متفأله بالحياه وتحب تخف عن الناس وقالت وهي متلومه : سوري ليلى صحيتك من النوم ليلى : ايه نعم فجعتيني يابنت حسيت قلبي بيوقفك من الرعب نور الي اصطبغ وجهها بالاحمر : سوري ليلى ليلى وهي تنفجر ضحك : خخخخخخخخ والله انج مقصه نور فهمت ان اختها تكذب عليها : مالت عليك ياوجه العنز ليلى : خخخخخخخخخ حلاتك وانتي مفتشله خخخخخخخ نور : الا صدق مانمتي ليلى : نو نور : وليه ان شاء الله مانمتي (تناظر لساعة الجدار ) الان الساعه 4 الفجر ليلى بأبتسامه شاقه الحلق : كنت اذاكر نور باستنكار : شحقه تذاكرين الثانويه وخلصتيها الحمد الله ليش المذاكره ؟ ليلى وصوتها مليان بخيبة الامل : اشفيك نواري انا اذاكر لامتحان القبول نسيتي ؟! نور : وخير ياطير ليلى : خير ياطير اقولك امتحان القبول امتحان كلية الطب يعني لازم اكون مستعده اتم الاستعداد انا فحطت 12 سنه في المدرسه وتعبت وسهرت عشان اجيب درجات عدله والان على بعد خطوه انام مستحيل انا ماقدر ارتاح ولا انام الا يوم ماختبر واعدي الاختبار لا يوم ماخلاص يطلع قبولي واداوم بالجامعه ...لا يوم التخرج قاطعتها بتهكم : لا حبيبتي يوم ما تستلمين وظيفتك او يمكن يوم مايصير عندك مستشفاك الخاص ! ليلى : تتريق الاخت نور بانفعال مصطنع : ايه نعم ماتشوفين نفسك كلها كلميتن قلتها لك كلتيني بقشوري ليلى بعد ماحست بالفشيله من طريقة كلامها مع اختها الكبيره : سوري يانور ماكنت اقصد اعلي صوتي وانفعل بس عاد انتي تدرين هذا الطب حلمي من انا صغيره اه (قالت جملتها الاخيره وهي ضامه كفوفها بعض ومقربتها من صدرها وعيونها للسما وصوتها مليان بالحنان ) نور : الحمد الله والشكر الي يسمعك وانتي تقولينها بيقول تتكلم عن حبيبها خخخخخ ليلى : جب نور : يجبتس وحمار يلمتس ليلى : ياشين السرج ع البقرة نور وهي توها تبي ترد على ليلى الا والباب ينفتح تقولون اعصار ضاربه وياحرام البنات انفجعو حنان :مرحبا شباب ونطت ع السرير جنب ليلى ونور ليلى بعصبيه من عربجية اختها : اولا احنا مو شباب وثانيا شلون تدخلين الغرفه بالطريقه لايكون جايه تفتحين حصن وانا مادري حنان : حلوه منك بس لاتعيدينها وتلتفت بنظرها لنور الي شافتها خلاص مفوله ع الاخير حنان : نور اشفيك مفوله اكيد هذي الدبا صدعت راسك بسوالفها البايخه ليلى : سو....قاطعتها نور نور : الا مفوله من شغل العربجه الي تسوينه شهالتصرافت ياحنان بالله ناظري نفسك دخلتي علينا لاحم ولادستور وفوق كذا صوتك العالي الي سمعوه الجيران وشهاللبس الي لابسته بذمتك هاذي بجامة بنت مصارعن وثيران ليلى رزت وجهها : احمدي الله انها ماتنام لك بالفوطه (الوزار بالاماراتي ) طالعتها نور بنص عين يعني انكتمي وحنان الشر يتطاير من عيونها ولكن كتمت غضبها وقالت : سوري ان شاء الله المره الجايه رح اطق الباب واخفظ صوتي ولايهمك عمتي نور ليلى : كثري منها ابو طبيع مايجوز عن طبعه حنان : اقول انكتمي يالبزر ليلى واستفزتها الكلمه : انا مو بزر يالعجيز حنان : عجيز ماغيرك يالدب ليلى بمكر : توك تقولين اني بزر نور الي كانت بين ضربات المدفعيه الكلاميه بين خواتها الصغار قررت توقف الامور عند حدها : بس عاد احشموني انا جالسه بينكم مطلشه ولاكأني اختكم الكبيره ولاشي مالت على هالوجيه ليلوه انعدلي وانتي تكلمين حنان هذي مهما كان اختك الكبيره ولا ترادينها بوقاحه (حنان تطالع ليلى بنظرات انتصار ولكن المسكينه ماتهنت لان نور لفت راسها وجهت الكلام لها ) وانتي بعد حنان خانم عدلي اسلوبك مع ليلى كونك الاكبر مايعطيك الحق باني تقليلي من احترامها كونها الاصغر وشغل العربجه هذا تعبت وانا اقول بطليه (ليلى عاد ردت نظرة الشماته لاختها ولعبت لها حواجبها ) والان يالله فارقي على غرفتك(قالتها لحنان وهي تأشر للبا ) وانتي انقلعي لسريرك (قالتها ليلى وهي تأشر للسري ) حنان : يعني طرده ؟! نور :شرايك يعني ؟ حنان .................. ليلى : الا صدق حنان شسبب زيارتك هذي حنان وهي قايمه من السرير : اختك مريم نايمه وانا ماجاني نوم وسمعت اصواتكم قلت اجي اسهر معكم بدل جلستي اناظر الجدران وبعدين مابقي شي ع الاذان ليلى : اها نور: اجل خلاص اجلسي معاك حق مابقي شي ع الصلاه حنان انبسطت ورجعت جلست : اجل ياللا اهرجو ياشباب نور وهي تطالعها بنص عين : ماعندي سوالف دورولكم سالفه ليلى : امم مدري مخي مصنقر ع الاخر حنان : امم شرايكم نتكلم عن السيارات يانا شفت لكم همر اخر يوم بالجامعه نور : تكفين حنان خلصت المواضيع نتكلم عن السيارات ليلى : معذوره يوخيتي انتي مو شايفه درزن السيارات الي بالجراش تراها حقتها حنان : اه ليت عندي سياره لو حتى ونيت بغمارتين ليلى : خخخخخخخ ونيت مالت تمني شي عدل نور : وشفيه الونيت ليلى : مافية شي بس عاد تتنمى شي عدل ويليق للبنت حنان : الي يسمعك يقول الان الونيت جنب الباب وبعدين ان لو ابي اخذ سياره ما اتنازل باسوء الحالات عن الbmw نور : بل هذا ع الاقل حنان : افكورس ياعمري هذا على اسوء احتمال ليلى : هذا والسواقه عندنا ممنوعه والبي ام اسوء احتمال اجل لو قالو سوقوا يالحريم شرح تشترين حنان بحماس : الله لو يسونها بشتري امم همر ولو ابوك هز جيبه زين باخذلي فراري او بورش نور : شهاذي بعد حنان سيارات نور : وانا قلت انها طيارات ليلى : خخخخخخخخخخخخ حلوه حنان : اه متى رح يسمحون ليلى : غني ياليل مطولك نور : وان سمحو الاخت ناويه تسوق حنان بحماس متعمد : اكيد هذا ان مابدت بالتخشيبه من ورى التفحيط بالتحليه خخخخ ليلى : من جدك انتي حنان : ايه نور : الي يقول ابوي وعمي بيسمحولها قسم بالله يحشون رجولها حش حنان : عمي وعياله مالهم كلمة علي وشوري عند ابوي والوالد الله يخليه كلمتين حلوين على تمسكن وبيرضى ليلى : يالطيبه الان ابوي تبين تقصين عليه بكلمتين انتي اكيد خبله نور بجديه : انا مدري كيف الحريم يبغون يسوقون بالله لو اتعطلت فيها السياره بمكان مقطوع شبتسوي ولا اذوها شباب وقامو يعترضونها بسياراتهم ولا كفرها لما يبنشر ان شاء الله بتنزل وتشمر اكمام العباءه وتغيره ليلى : قولي لاصار لها حادث لاسمح الله شبتسوي ياحلاتها وهي بقسم الشرطه بين السفاحين وارباب السوابق ولا لازم تبات لها يوم الين مايطلع تقرير المرور وتقدر الاخطاء واذا طلعت الغلطانه هي وحظها بيتنازل الي صادمته او لا وحليلة ابوي يوم تدق عليه وتقول يبا تعال اكفلني ويتبهدل ابوي بين قسم الشرطه والمرور اذا ارجال تعور بيدفع مصاريف المستشفى يعني شغله مال امها داعي حنان : بل عقدتو الدنيا انا اول بس اسولف وهذي كلها امنيات لا اكثر ولا اقل وكل الي قلتوه انا حاطته زين بالي وياليلى مو انا الي احط ابوي بموقف بايخ زي هذا بعد ماخط الشيب بلحيته ولا اسمح للي سوى ومايسوى يخليني علك بفمه يتسامر بسمعتي وسمعة هلي نور : انا ابي اعرف العقل هذا من وين ينزل عليك فجأه حنان : انا نفسي مادري خخخخخ الله اكبر الله اكبر الله اكبر الله اكبر <<اذان الفجر ليلى : وهذا الفجر اذن يالله اذلفي حجرتج صلي وصحي اختك تصلي واحنا بنصلي عشان ننام حنان : اوكي خلينا ننام ساعتين قبل مايصحى ابوي + + + + + + + + + + + |
|
|
#3 |
|
|
رد: روآآية "ماكل من يضحك مع الناس مبسوط " كآآملة..
الفصل الثاني كعادتها اليوميه صحت مع اول تكبيره من تكبيرات المؤذن المعلنه لدخول وقت صلاة الفجر التفت على يسارها وشافته كان نايم بكل هدوء ام نور وهي تهز بيدها كتف زوجها : ابو نور قم يارجال ابو نور : امم ام نور : عبد الله قم ياللا ابو نور: شوي زين يامره ام نور : تم قول شوي شوي الين ماتقيم عليك الصلاه ابو نور من سمع فز على طول من سريره وهو يتعوذ من ابليس وراح للحما (وانتو بكرامه ) ام نور بعد ماصلت طلعت من حجرتها واتجهت على طول لغرفة حنان ومريم عشان تصحي مريم للصلاة لانها الوحيد الي ماسمعت صوتها على عكس صوت نور وليلى الي وصلها مع هدوء الليل وطبعا صوت حنان الي خرم طبلة اذنها من علوه طقت ع الباب بس ماسمعت رد فكرت انها لسى نايمه فتحت الباب وبتسمت للمشهد الي شافته كانت مريم جالسه للتشهد الاخير وكلها ثواني وسلمت ولفت وجهها وبابتسامتها المشرقه : هلا يمه حياك ام نور : ماشاء الله اشوفك صاحيه .. لايكون كنتي سهرانه مريم : لا وين اسهر يمه تعرفين ماقدر ع السهر بس حنان كانت صاحيه وصحتني للصلاه ام نور : زين واهي الان وينها اشوف سريرها خالي مريم : صلت ونزلت الصاله تقول بتقعد تناظر التلفزيون الين الفطور وعقب بتنام ام نور : شتلفزونه بعد الان بدل ماتقعد تقرالها قران بتقعد ع التلفزيون شتبي بهالخراب من صبح رب العباد استغفرالله يارب ان تهدي هالبنيه مريم : ان شاء الله ام نور : وانتي يمه بتردين تنامين مريم : ايه نعم يمه ام نور: زين اخليك يابنتي وخفظي هالمكيف الغرفه ثلج مريم : ان شاء الله خرجت ام نور من غرفت بنتها ورجعت لغرفتها عشان تقرأ وردها اليومي من القرآن واثناء ماتقرأ دخل عليها زوجها ابو نور : السلام عليكم ام نور(وهي تقفل المصحف وتحطه ع الكومودينه ) : وعليكم السلام ورحة الله وبركاته علامك ابطيت يارجال ؟عسى ماشر ابو نور: مافي شر ان شاء الله بس قابلت ابو احمد عقب الصلاة وخذتنا السوالف ام نور : اها (وهي تبي تطلع من حجرتها ) ابو نرو : وين بتروحين ام نور : علامك بروح اجهز الفطور والقهوه ابو نور : زين اجل انا بكمل كم شغله عندي بالمكتب ولاجهز الفطور علميني ام نور : تامر امر ابو نور : مايامر عليك ظالم اتجه ام نور للدور السفلي عشان تجهز الفطور .رغم ان البيت فيه خدامتين وارفع بنات الا ان ام نور ماتحب احد يطبخ لعيالها وزوجها غيرها وسط انشغالها بتجهيز الفطور تدخل حنان بتسحب وامها مو منتبهه لها ومعطيتها ظهرها وبصوت عالي : شصبحتي يمه ؟ ام نور مخترعه : بسم الله ..حنانوه حنان : خخخخخخخخخخخخخخخخخخخخخخ حلاتك وانتي متخرعه خخخخخخخخ ام نور : خس الله وجه العدو وتضحكين بعد (تمطها من اذنها ) تبين تجلطيني حنان : بسم الله عليك يمه ام نور : قسم بالله ان تعيدينها بتشوفين الي مايسرك حنان المتورطه : على هالخشم ...وتاشر على خشمها ام نور : بنشوف يابنت بطني اعرفك بياعه كلام حنان وعيونها شوي تطلع من محاجرها : انا بياعة كلام ام نور : لا ياقلبي الي عدالك حنان : حليلك يمه تنكتين ام نور : انا كم مره اقول لاتقولين حليلك قل الله حليل العدو حنان المتفشله : اوبس زلة لسان السموحه يمه ام نور : سويلك فايده وخذي هالصحون للسفره حنان : ان شاء الله ام نور : وصحي خواتك الساعه 6.30 حنان : ان شاء الله وطلعت من المطبخ صحت من نومها وفيها نشاط على غير العاده تسبحت وغيرت هدومها حطت على راسها مسفع يتماشى مع لون ملابسها الورديه لها سنين غطى الراس مرافقها مستحيل تتخلى عنه حتى بداخل حجرتها ماتخلعه دايما لابسته وكأنه صار جزء لا يتجزأ من جسمها بعد مالفت المسفع باحكام عن ينفتح عليها قررت تنزل للفطور الاجباري وهي نازله ع الدرج شافت حنان وهي طالعه تركض حنان : هلا هلا بالريم مريم : اهلين صباح الورد حنان : صباح العود والعنبر والبخور ...شلونك ياقمرهم مريم : ههه قمرهم مره وحده الله يجبر بخاطرك ياحنو حنان : ايه نعم قمرهم والي مو بعاجبه يطق راسه بالجدار مريم : اعصابك هههههههه الا وين طايره حنان : لابس هنا قريب بروح سنغافوره بجيب بخور وارجع مريم : خخخخخخخ صدق وين رايحه حنان : وين يعني كنت جايه اصحيكم ودامك صحيتي بروح اصحي مبروكه ومحظوظه مريم : ياويلك ان سمعوك خخخخ حنان بثقه : ماعليك منهم مايقدرون يسون لي شي الا انتي وين رايحه ؟ مريم : بشوف امي اذا تبي مساعده حنان : استريحي امي خلصت الفطور مريم : برضو بروح اشوفها حنان : اوكي اشوفك ع الفطور سي يو مريم : سي يو كملت حنان طريقها لغرفة خواتها اما مريم اتجهت للمطبخ مريم قابلت امها ع باب المطبخ ابتسمت لها :قوة يمه ام نور : يقويك يالغلا ها وشو الي جايبك المطبخ ؟ مريم : جيت اشوفك اذا تحتاجين مساعده يالغاليه ام نور باتسامه عذبه : لا يابنتي ماحتاج شي والغالات موجودات ان احتجت انت بس روحي نادي ابوك خليه يجي يفطر مريم : ان شاء الله مريم اطلعت من المطبخ الي مكتب ابوها مملكته الخاصة كان المكتب يغلب عليه الطابع الكلاسيكي ابتداء من الالوان وانتهاء بالاثاث ابو نور يقضي بالمكتب اكثر من نص وقته اثناء تواجده بالبيت يشوف اوراقه ومعاملاته الي ناقصه او يوقع اوراق او يدرس مشاريع ...الخ اثناء انشغاله بالملف الي قدامه سمع طق ع الباب ابو نور بابتسامه : دخلي يامريومه مريم وهي تدخل : اول شي صباح الخير وثاني شي شلون عرفت ان انا الي ادق الباب ابو نور : ههههه اول شي صباح الورد وثاني شي بسيطه لان محد يدق بابي بهالنعومه غيرك وثلاث مرات بس مريم : اها .... انزين يبه الفطور جاهز ابو نور: الحمد الله جهز خلاص انا شوي وبموت من الجوع مريم بخوف : بسم الله عليك يبه جعل يومي قبل يوم ابو نور وهو يضم اصغر بناته لصدره : يابنتي الموت حق علينا وقصر الزمن او طال مردنا شاربين الكاس مريم : ......................... ابو نور: امشي يللا نروح نفطر عن تجي امك الحين وتهاوش مريم : خخخخخخخخخخخخخخخخخ حنان وصلت غرفت خواتها وطق الباب مره واثنين وعشر ولكن لاحياة لمن تنادي طبعا الحبيبات مو بنايمات الا عقب الفجر فطبيعي مايردون عليها فتحت الباب ولقتهم بسابع نومه حنان وهي تقرب من نور : نور نواري ياللا قومي نور :......... حنان : النور يالله وبعدين نور : امم حنان تلف على ليلى : ليلى ....ليلوه ياللا انتي بعد قومي ليلى : انزين بس شوي حنان : اقول قومي بلا شوي لا نيله ليلى : قلت لك طيب اوف حنان خلاص فولت وبصوت عالي : وهي تسحب اللحافات : اقول بالطيب قو مو نور بانزعاج : حنانوه وصمخ انقلعي بره وقفلي الباب حنان : مو بطالعه ..امي قالت اصحيكم وياحلوين الساعه الان قريب ال7 يعني الفطور العسكري حان موعده ليلى : حنان قفلي فمك وانقلعي بره احسن لك ورجعت سحبت لحافها وتغطت حنان : اقول قومو بالطيب عن تجي امي تغسل شراعكم ليلى : .............................. ....... نور : ........................ حنان : انتو الي حديتوني على هالشي وتقوم تخرج من غير ماتسكر الباب ليلى : اوف واخيرا ذلفت نور : مالت كان قفلتي الباب يالتيسه ورجعو البنات يكملو النوم وبعد شوي ترجع حنان لغرفة خواتها وهي تتسحب شوي شوي وبيدينها كاستين مويه بارده وتكب على كل وحده من خواتها كاسه ليلى ونور : اه حنان الي وصلت عند الباب : تستاهلون ليلى : بلى في شكلك شالحركات نور : تبين الي يكسر لك عظامك مويه وبارده الله اكبر عليك حنان : قلنا قومو ما قمتو تستاهلون ليلى : ان مارديتها لك حنان : خخخخخ عشم ابليس بالجنه ..لاتكثرون كلام بدلو هدومكم ونزلو للفطور سامعين ليلى ترميها بالمخده : انقلعي حنان الي ماجات فيها المخده : الحمد الله اختي حوله ونزلت جري عن يجيها شي اكبر من المخده وخلت خواتها يتوعدون لها وصلت لحجرة الطعام دخلت وسلمت على ابوها واخذت مكانها ع الطاوله (بجانب ابوها ) ام نور : ها صحيتي اخواتك ياحنان حنان : ايه نعم يمه ابو نور : وانتي من متى هالنشاط اشوفك قايمة بدري من غير منازع حنان الي توقهت بالسؤال تعرف لو درى ابوها انها مو نايمة لحد الان رح يهاوشها : ها ابو نور : وش ها سمعتي سؤالي شمقومك بدري ؟ نور وهي تدخل عليهم : وهي اصلا نامت ابو نور : وليه مانمتي ان شاء الله حنان المتورطه : ياخي انت تدري اجازه ابي استانس وبعدين هالمساطيل (تاشر على ليلى ونور )ترى مانامو الا عقب الفجر يعني زي زيهم ابو نور : ياخي ها اصغر عيالك انا حنان : سوري يبه مو القصد ابو نور : حنان السهر الزياده بطليه سامعه وارحمي عيونك من السنتره قدام التلفزيون وهالافلام لا اخر شي بشيل الفيشه ودوريلك تلفزيون حنان مرخيه راسها : حاظر يبه ام نور : وانتن يالشيخات ليه ماتسلمون على طول جلستن نور وليلى الي توه منتبهات انهم ماسلمو على ابوهم ولامهم (طبعا مستانسات على حنان الي يهاوشونها ياحرام ) حنان استغلت الفرصه : ماتعرفن السنع ابو نورعطاها نظره يعني انكتمي احسلك نور قامت وتحب راس ابوها : مسامحه يبا ليلى من وراها وخري زين خلينا نسلم على شيخ الشباب ومسكهم وعودهم ابو نوره وهو يضحك : شيخه الشباب مره وحده اكيد هالشباب عجزان دامني شيخهم هههه حنان : الا شيخهم من اصغرهم لاكبرهم وحلاهم بعد انت حتى مغطي على توم كروز (ليلى ونور كانو راحو حبو راس امهم ) نور : يهبى يجي هالكروز عند فر من اظفار ابوي ليلى : كل مزاين الكون بكفه وانت بكفه ياكايدهم ام نور بانفعال شوي : خصلتو غزل مريم : خخخخخ امي تغار ام نور بنص عين : انتي الان من اول ساكته ويوم مانطقتي قلتي اغار (حليلها مريم انكسحت ) ولو بغار مارح اغار من بناتي يالدعله حنان وهي تغمز بعينها لامها : علينا يام نور ليلى : عادي يمه قولي تغارين ترى مافيها شي ومارح نلومك الوالد يستاهل ام نور طفرت من بناتها : قلت ماغار قفلو الموضوع ابو نور استغل الموقف وحب يحرج حرمته وبزعل مفتعل : اجل ماتحبيني يامره ام نور : استح يارجال بناتك قاعدات ابو نور مكمل خطته بس بنبره ناعمه : وش علي منهن قولي تحبيني ام نور الي اصطبغ وجهها بالاحمر : وبعدين البنات فطسو ضحك على امهم وحن طبعا لازم تعلق حنان تصفر وتصفق : اموت علي يستحون ابو نور وهو يقرص خدها : انا كم مره اقول بطلي هالحركات حنان متوجعه ياحرام : اي ان شاء الله ان شاء الله نور : دوم ان شاء الله ومانشوف شي ام نور تغير الموضوع : الا ليلى متى الاختبار يابنتي ؟ ليلى : بعد اسبوع يمه ان شاء الله والنتايج عقب الامتحان بيومين ابو نور : وان شاء الله تذاكرين زين حنان برزة وجهها المعتاده : بنتك دافوره تاكل الكتب اكل ليلى : هي انتي اذكري ربك حنان : لا اله الا الله تطمني ان انحسدتي انا معك بالبيت تعالي وخذي من وضوئي مريم : اختي بترفع راسنا ان شاء الله حنان : اختك مو بصاحيه ليلى : وليه عمتي حنان ليلى : اجل وحده صاحيه تضيع من عمرها 7 سنين دراسه نور : وانتي اشلك عمرها ولا عمرك هي الي بتدرس او انتي ليلى : والله حاله تراها 7 مو 70 ابو نور : الايام بسرعه تجري وكلها مده بسيطه وبتخرج وتوظف وناس بعدهم حتى ماتخرجو حنان فهمت النغزه : ان شاء الله رح اتخرج ابو نوره : والله مو باين اذا بعد سنتين بادارة الاعمال قلبتي قانون بعد سنتين بتقلبين علوم حنان : بسم الله علي علوم وع واصلا خلاص ماقدر اغير نظام الجامعه يمنع ابو نور: ولو كان يسنح كان غيرتي ؟ حنان : لا بس اقولك يعني وبعدين انا عاجبني مره القانون كشيخ وجديد القسم وانا رح اكون ان شاء لله من اول دفعه يخرجونها ابو نور : اهم شي تتخرجين ولا تحولين ولاتفحطين حنان : حط بطنك بطيخه صيفي ابو نور : بنشوف ام نور : يابو نور دام ان البنات قدامهم اسبوعين على ماتخلص ليلى امتحاناها واوراقها شرايك تاخذ اجازه ونطلع الديره او الرياض البنات بصوت واحد : لا ا |
|
|
#4 |
|
|
رد: روآآية "ماكل من يضحك مع الناس مبسوط " كآآملة..
الفصل الثالث اسألوا دمي .. وسعادتي وهمي اسألوا التوفيق .. والكدر والضيق اسألوا الطيب في صفاتي .. والدعاء اللي في صلاتي واسألوا شهودي .. الدموع اللي في سجودي اسألوهم .. واسألوا دمي .. عن غلا أمي.. ام نور : علامكن تقول لاقعكن عقرب البنات حليلهن استحن ابو نور : وحضراتكن ليه ماتبون الديره ولا الرياض ليلى : يبه الله يطول لنا بعمرك الديره مافيها احد نعرفه واهلنا كلهم بالرياض وشحقه نطق مشوار لها حنان : والله انك صادقه ابو نور الديره الي مو بعاجبتك تراها ارض ابوك وجدك (يوجه الكلام لليلى ) ليلى : والنعم فيها يبه ماقلنا شي بس يبه جدتي وعمي بالرياض و البيت وحالته حاله انا اشك انه مسكون مريم : انا اقول نقعد بجده اصرف لنا حنان : صح يبه ماله داعي السفر ترى حتى الرياض والله مو حلوه ابو نور: ها نوروانتي بعد ماتبين تقولين رايك بالسفر شرات خواتك نو ر: يبه انا مالي راي الراي اولا واخيرا لك ولامي من عقبك وين ماتبي بنروح وخواتي ماعليك منهن ام نور : والله انك صادقه ابو نور : اثرني اهتميت اسمعوني ان شاء الله عقب نتيجة ليلى بنروح الرياض ياللا انا بروح الشركه توصوني على شي الكل : سلامتك طلع ابو نور متجه لعمله اما البنات وامهم اخذوا قهوتهم والى الصاله ليلى وهي ترمي نفسها ع الكنبه (القنفه ): اوف بنروح الرياض مريم : الله يستر من الي بيصير ام نور : اسمعن يابناتي انا ماتكلمت قدام ابوكن عشان لا يعصب ولا يهاوشكن والان بصراحه ليه ماتبون الرياض (ام نوره عارفه السبب الحقيقي لرفض بناتها لكنها تبغى تتاكد خايفه يكون السبب الي في بالها من نسج خيالها ) مريم : يعني يمه انتي ماتعرفين السبب؟! ام نور : لو اعرف كان سالت يعني حنان بتضجر: بالعربي اللفصيح عشان لانشوف جدتنا المصون ام نرو بعصبيه : حنانوه يوم ماتبين تتكلمين عن جدتك تكلمي بادب سامعه حنان : يمه انا مو قصدي اقل من احترامها بس عاد انتي ابخص بجدتي ام نور الي مو عاجبها الكلام وظنها طلع بمحله : حتى ولو هاذي جدتك عجبتك ولا ماعجبتك هاذي جدتك واحترامها واجب مريم : يمه تكفين اقنعي ابوي اننا مانسافر ام نور : انتن صاحيات ؟! شتبوني اقوله ؟! والله بناتك مايبون يروحون الرياض عشان امك ؟ ليلى : ايه نعم قوليله ام نور وبلهجه حازمه : اسمعوني زين انتو الان ترضون احد يقول عني كلمه مو بزينه ؟ ترضون ان أي احد يقل من احترامي ؟ ترضون احد يحرمكم مني ؟ طبعا بتقولون لا اجل شلون تبوني بكل بساطه اقول لابوكن والله بناتك الي ربيتهن وكبرتهن وعلمتهن بناتك الي هم حفيداتها مايبن يرحن ولا ايحبن المره الي تعبت عليك وربتك وكبرتك الين ماصار اسمك ينذكر بمجلس الكل يقول سلمت البطن الي جابته ؟! شلون يابنات بطني ؟! مريم : يمه احنا مانكرها لكن تصرفاتها ام نور : هي مره كبيره ومهما كان لازم تحشمونها حنان : بس يمه ..... وتقطع امها كلامها قبل لاتكمله ام نور : حنان لا تكثرين الهرج ...ترى موقفكن هذا مو عاجبني ابدا واسمعي زين ياجنان اياني واياك تحطين راسك براسها يابنت اعقلي مهما كان هاذي مره كبيره واحترامها امر واجب انا تحملتها يوم كنت بعز شبابي وكانت هي بعدها بصحتها الين اليوم لا شاب راسي وهي اهتد حيلها ماتحملها ؟! يابناتي لخاطر ابوكن لا تعملن مشاكل معاها وحاولو تحسسونها انكن تحبونها حنان وهي تبوس راس امها : ولا يكون خاطرك طيب يمه وشوي الا ليلى توقف : عن اذنكم ياجماعه انا بروح اذاكر ام نور : يابنتي خفي شوي من هالمذاكره واهتمي بنفسك زين شوفي شلون صايره عصلا (نحيفه وايد ) ليلى تضحك : هذي رشاقه يمه ام نور : جلد على عظم وتقولين رشاقه امحق رشاقه البنات خخخخخخخخخخخخخخخخخخ مريم : وانا بعد استاذن بروح انام شوي حنان : انتي ماتكلين من النوم علىطول نايمه مريم : مو بكيفي حاسه بتعب وكسل ام نور بخوف : اجل لبسي عباتك بوديك المستشفى (وتلتفت لحنان ) حنان دقي ع السايق خليه يجهز السياره مريم بابتسامه : يمه ماله داعي هو بس تعب خفيف وان شاء الله بعد ماصحى من النوم رح يكون راح مو محوجه المستشفى حنان رازه وجهها : يمه شوفيها ماشاء الله مافيها الا العافيه ام نور : اللحين التعب فمين فيك ولا فيها عن اللقافه ... مريم يابنتي اسمعي كلامي وخلينا نروح المستشفى مريم بعصبيه : وايل يعافيك يمه مابي مستشفيات قلت لك بنام وبكون بخير لاصحيت وطلعت على غرفتها ام نور : لاحول ولاقوة الا بالله حنان : عن اذنكم بروح انام خلاص مافيني حيل افتح عيوني ام نور : روحي نامي وان اذن الظهر وماقمتي للصلاه تراني بسبحك بسطل مويه سامعه حنان : ان شاء الله وطلعو البنات غرفهم مابقي الا ام نور ونور الي كانت جالسه طول الوقت ولاهي حاسه بالي يدور حولها جسدها بالمكان ولكن تفكيرها كله متركز علي جالسه تشوفه ولد صغير وبنت اصغر منه كان شعرها كستنائي قصير وكيرلي عيونها العسليه وبشرتها الي بياض اللبن الصافي يلعبون وسط حديقه كبيره وتحيط فيهم الازهار وضحكاتهم تملى المكان الولد : ثعالي هنا (ريم ريم تعالي هنا ) البنت : مابعى (مابغى ) الولد : اوف يالبي ادول ثعالي (اوف ياربي اقول تعالي ) البنت : اوف مابعى الولد يسحب شعرها ويجري والبنت قامت تبكي شاف الولد دموعها وسمع صياحها رجع لها الولد : حلاس لاتبكي (خلاص لاتبكي ) البنت : ليه تدلوبني اندلع هناك ما احبك ( ليه تضربني انقلع انا ماحبك ) الولد : انا اثف لاتذعلي انا احبث وايد (انا اسف لاتزعلي انا احبك وايد ) نور ابتسمت للي تشوفه ام نور : نور .......نور نور : .............................. .. ام نور : نور ........ نور وصمخ فجأه اختفى كل شي من قدام عينها وانتبهت لامها الي تناديها نور : سمي يمه بغيتي شي ام نور : علامك يابنيت ساعه اناديك خواتك راحن غرفهن وانتي ولا انيت هنا نور مفتشله : السموحه يمه بس سرحت شوي ام نور : وش الجديد نور :........................ ام نور : الين متى بتقعدين على هالحال نور : يمى ارجوك ام نور : ام مطلق اتصلت امس تقول نور : اعرف اشقالت كلام كل مره قوليلها لا لا ام نور : يابنتي فكري زين نور : لا رح افكر ولايحزنون ...يمه انتي تدرين رأي زين بالموضوع ام نور : يابنتي فكري مارح يضرك التفكير ترى قعدت البنت مو زينه نور بعصبيه : وهرج الناس كثير بس يمه والله خلاص مابي واذا تبين تخلصين مني انا حاضره قولي لهم موافقه ومابي لاعرس ولاطقطقه ولو بيجي اليوم يملك علي وياخذني انا جاهزه ارتحتي ام نور الي عصبت من صوت بنتها العالي : نور لايكون نسيتي اني امك اشوف حسك قام يعلى علي تراني امك اذا نسيتي نور ودموعها على خدها : يمه افهميني انا خلاص تعبت كل فتره ونحن نعيد هالكلام وام مطلق خل تزوج بناتها وتحل عني انا عرسان مابغى ليه يمه تحنين على هالموضوع ليه محسستني اني حمل ثقيل وتبونه ينزاح عنكم او زي الي مسويه بلوه وتبون تسترون عليها ام نور الي تقطع قلبها وهي تشوف دموع بنتها : خلاص انسي الموضوع هذا وانا مارح اكلمك فيه مره ثانيه ...بس يابنتي اعرفي انك مو رخيصه ولانتي حمل زي ماتقولين انا ابغى اطمن عليك قبل لاتغيب عيني نور : عسى عمرك طويل يمه لاتقولين هالكلام ام نور : خلاص يابنتي قفلي الموضوع لاتوجعين قلبي ولاوجعك انا بروح اصلي الضحى وبنام ساعه ................... في غرفة حنان ومريم ................... حنان داخله الغرفه وهي متنرفزه وكانت مريم توها بتمد ع السرير عشان تنام مريم : هي انتي شجاك كذا داخله ماتعرفين تطقين الباب حنان وهي تتنفخ : واعتقد ان هاذي حجرتي ومو محتاجه اطق بابها لابغيت ادخلها مريم عرفت ان اختها مضايقه وفي كلام تبغى اتقوله وهالشي مبين من انفعالها الزايد وعبثها بالاشياء الي محطوطه ع مطتبها بطريقه عصبيه وايد مريم : حنان اخلصي قولي الي بخاطرك مافي داعي لهالحركات حنان وماصدقت تقول اختها هالكلامات حتى انفجرت حنان : انزين اسمعي ماتبين تروحين المستشفى بالطقاق الي يطقك لكن ترفعين صوتك بوجه امي وتعطينها مقفاك قبل لاتكمل كلامها هذا الشي ابد مو مقبول وان عدتيها بتشوفين الي مايسرك انا لو ادري انها مارح تزعل كان رويتك شغلك قدامها لكن اعرفها رح تضايق فقلت اسكتي يابنت لاتزعلين امك ولاتحرجين اختك مريم بابتسامة سخريه :مو غريب ان انتي الي تقول هالكلام حنان : شتقصدين مريم : يعني بدل ماتوزعين نصايح على خلق الله انصحي نفسك بالاول حنان : انا عمري ماغلطت على ابوي ولا امي مريم : وجدتي ؟ حنان : جدتك هاذي حاله خاصه مريم : لا والله حنان : شوفي مرايم انا اكثر وحده فيكم متعلقه بابوي وامي واحبهم بشكل جنوني مريم : يعني احنا نكرهم حنان : لاتقاطعين سمعي كلا مي للنهاية مريم : انزين حنان : وبعدين المهم اسمعي جدتي عمرها ماحبت امي ولا حتى خالتي مريم : اجل شلون خذوهن ابوي وعمي حنان : لانها رغبت جدي وجدتك ماتقدر تعصي شوره جدنا ابو ابونا الله يغفرله وجدنا ابو امنا كانو اصحاب وايد ومايفترقون ولما كبر عمي وابوي واشتد عودهم قريزوجهم من بناته جدتك ماكانت راضيه وتعللت انهم من فخذ وهم من فخذ ثاني وجدي قالها اننا مادام قبيلتنا وحده مايهم الموضوع طبعا السبب الرئيسي والي ماقدرت تقوله جدتك لجدي انها كانت تبغى عيالها ياخذون بنات اختها مريم : اها فهمت لكن اهي الان تعامل خالتي وايد زين حنان بضيق : لانها ام الاولاد ...جدتي كرهت امي بزياده يوم انها جلست 5سنين ماحملت وابوي رفض ياخذ وحده عليها او حتى يطلقها وبوم احملت امي وصارت خلفتها كلها بنات وماجابت الولد الي يشيل اسم ابوي . صدقيني يامريم انا مارد بس عشان ابين كم اني قويه وماخاف من احد صدقيني انا مو عاجبني هالشي واكثر من مره احاول امسك اعصابي بس والله ماقدر ...كل كلمه جدتي تقولها كل نغزه لامي تذبحين احساسي ان امي جالسه تتعذب النظره المكسوره بعينها ماقدر اتحملها امي ماترد عليها لانها مره كبيره وبحسبت امها بس انا ماقدر ماقدر تنهدت حنان بالم وتبعتها تنهيده تحمل الم اكبر من مريم مريم : انا كنت دايم احسدك ع الجرأه الي فيك على قوتك على ردك عليها صح اسلوبك بايخ وتصرفك خطأ لكن مع كل هذا اتمنى اكون مكانك حنان بزهو : انا حاله خاصه ياماما ...بس مهما كان تصرفك الي اليوم مع امي لاتعيدينه هالمره بعديها لك بمزاجي مريم : حلوه بمزاجي هههه |
|
|
#5 |
|
|
رد: روآآية "ماكل من يضحك مع الناس مبسوط " كآآملة..
الفصل الرابع ترى اصعب الموت موت يذبحك كل يوم واصعب حياتك تعيش وانت جواك ميت اواه يا طول عمري لا حسبت الهموم يا كني اكبر من الدنيا ولا قد شكيت ++++طلال الرشيد ++++ انقلبت ملامح مريم لجديه وقالت لحنان : حنان انتي اكثر وحده مفروض تكون فاهمتني اكثر وحده عارفه اسباب انفعلاتي تصرفاتي من غير ماشرح لها انا خلاص ياحنان تعب وربي تعبت مو قادره اتحمل اكثر صدقيني احيان اتمنى من كل قلبي اموت وتخلصون مني واخلص انا حنان معصبه : شهالكلام ايش نخلص منك احنا اشتكينالك مريم والله حرام عليك انيت تعرفين ان الواحد حرام يدعي على نفسه بالموت مريم : ادري بس قدرتي ع التحمل وصلت حدها حنان : كلمة منك تنهي هالوضع كله مريم : كلمة ممكن تدمر حياة غيري حنان : بس غيرك راضي ومستعد يدفع عمره عشانك مريم : عسى عمره طويل ان شاء الله حنان : اسوء شيء اننا مانقدر نساعد الي نحبهم مريم : واحسن شي نحترم رغبات من نحبهم حنان : وان كانت رغباتهم خطأ ان كانت رغباتهم سبب عذابهم مريم : لازم نحترم قراراتهم حنان : الكلام معك ضايع مريم : هههههههههه حنان : اضحكي اضحكي انا انحرق عشانك وانتي تضحيك مريم تحضم حنان لصدرها : الله يسعدك صدق انك حنان اسم على مسمى حنان : قصي على عقلي قصي مريم : مالت عليك تشكين في مشاعري حنان : ايه نعم لو صدق تحبيني طيعيني مريم : اوف انتي مو حنان انتي حنانه حنان : مسرع ماغيرتي رايك مريم : من حنتك حنان : هذا لمصلحتك مريم وه يتمتد ع السرير وترفع اللحاف تغطي نفسها : اقول حنان انا ابي انا لو سمحتي اطفي النور ونامي واذا مابتنامين عطيني مقفاك حنان : طيب يالجبانه نامي وانا بعد بنام *****في غرفة ليلى ***** Ch3+O2>>>CO2+H2O+E الميثان +الاكسجين يعطينا ثاني اكسيد الكربون وطاقه صح حليتها ياسلام عليك يالولو ياشطوره (الاماكن كلها مشتاقه لك ...العيون الي انرسم فيها خيالك والحنين الي انرسم بقلبي وجالك ماهو انا بس الاماكن كلها مشتاقه لك ) <<نغمة جوال ليلى ليلى : يوه وين هذا الجوال الحين وتدور ع المكتب لين مالقيته تحت الانقاض ( الكتب ) ( ضرتي يتصل بك ) ليلى : هلا احلام : اس اس اسلامو عليكو طب اس اس السلامو عليكو ليلى : بعد السلام احلام : اه يحلى الكلام ليلى : ماتنعطين وجه تراك احلام : مالت عليك هذا وانا معبرتك ومتصله مو زيك ليلى : لا والله مدري مين الي اتصل عليها وما ترد حتى اهلها خفت يقولون يابنت تراك لزقه لاتصلين احلام : خخخخخخخ تطمني مارح يقولون ليلى : ليه مادقيتي امس انتظرت انتصالك وحضرتك ماعبرتيني احلام : متى دقيتي؟ ليلى : دقيت بعد العشاء وردت علي هذيك المحقق كونان احلام : خخخخخخ حلوه تصدقين ولاقالت لي ليلى : هذا وهي فتحت لي تحقيق يابنت خذيها نصيحه مني بنتكم هذي لاترد ع التلفون وربي تقرف الي ماينقرف احلام : ماعليك منها ارويها هذا وانا قايله لها لادقت ليلى لا تطولينها وهي قصيره لكن لاحياة لمن تنادي ليلى : مو مشكله حصل خير احلام : ليه دقيتي امس ؟ ليلى : كنت ابغى اقولك تعالي عندي تعشي ونسهر سوى على فلم هندي جديد احلام : لا والله تبغين دحمي يقصب رقبتي ليلى : ومن دحمي هذا احلام : خخخ عبد الرحمن اخوي من غيره بعد ليلى : ههههه يالظالمه من عبد الرحمن لدحمي وبعدين حظرته ليه مايرضى ؟ اخوان شباب وماعندي وابوي كبر ابوك الله يرحمه وما يسهر بعد العشا على طول نايم والبيت جنب البيت احلام : ماعنده سالفه يقول عيب ذاك اليوم مارضي يخليني اروح عند دارين وانتي شفتي بيتها كيف قريب وهي داقه ع العصر مو زيك العشا ليلى : معقد احلام : لاعاد كله ولا دحمي مارضى عليه انا اسبه بكيفي غير نو اخوي حبيبي ليلى : ماعلينا انتي الان شعندك داقه احلام : امحق اسلوب ليلى : خلينا الاسلوب لك يام الاسلوب احلام : ههه ...اسمعي باركيلي ليلى : على ايش ...لايكون احلام : ايه ايه ليلى بفرح : الف الف مبروك والله لو اعرف ازغرد كان زغردت لك احلام : شكر ا شكرا ليلى : ومتى هالكلام يالخاينه احلام : امس بالليل ليلى : وليه ماقلتي من قبل ها ؟ وكيف شكله حلو احلام : شوي شوي امس دحمي اشتراه لي وانتي تعرفينه نفس جوالك بس اللون غير ليلى : جوال احلام : صمخ ان شاء الله فقعتي طبلت اذني ليلى : الحين انتي عامله الهيصه والزنبليطه هذي كلها عشان جوال احلام : ايه نعم ليش انتي شتفكرين فيه ليلى : مالت عليك على بالي جالك عريس احلام : خخخخخخخخ أي عريس انتي وجهك تو الناس ياهو وبعدين يالذكيه انا لو بعرس مارح اتنازل ان يكون عرسي وعرسك بنفس اليوم ليلى : ولازم بعد يكون نفس الزوج المصون ولا شلون بنكون ضراير احلام : عز الله امه داعيه عليه دامه بياخذك ليلى : لا والله اصلا يحمد ربه ان ليلى بنت عبد الله تنازلت واخذته احلام : اخس يالغرور ليلى : نو ياقلبي هذي ثقه احلام : لايكثر بس ...ايوا اسمعي تذكرت الان انتي دفعتي الرسوم حق الاختبار ليلى : أي اختبار احلام : اختبار القبول يعني اختبار ايه انتي وجهك ليلى : ايوه وصح لا مادفعت واصلا مين قال ان فيه رسوم ؟ احلام : امس دارين دقت علي وقالت لي ان في رسوم واذا مادفعتيها ماتدخلين الاختبار ليلى : طيب وين ندفعها احلام : بنك الراجحي وترى لازم تجيبين سند استلام وتودينه معاك يوم الاختبار ليلى : اوف شغله وانا الي اقول بكره احول بالكردت كارد احلام : لا ياقلبو مايصير وترى اخر موعد للدفع اهو اليوم بنهاية الدوام البنكي ليلى : لا وليش دوبك مفتكره تقولين لي احلام : قلت لك مادريت الا امس بالليل واليوم دحمي وهو رايح الدوام مر البنك ودفعها ليلى : وانا ايش اسوي الان الساعه 10 وابوي مو راجع الا ع الغذا ايش اسوي احلام : روحي ادفعيها انتي روحي الفرع القريب من البيت قسم السيدات وخلصي نفسك ليلى : فكره طيب كم الرسوم احلام : الرسوم 50 ريال بس ليلى : مالت وهاللفه الطويله العريضه عشان خمسين ريال احلام : شفتي كيف ليلى : اوكي انا بروح الان الحق ع البنك تامرين على شي احلام: سلامتك ليلى : الله يسلمك يالله ضفي وجهك بايو احلام : بايو ليلى اول ماخلصت المكالمه طيرات ع الصاله عشان كلم امها لكن مالقيتها ولا قلتها بالمطبخ فتوقعت انها بغرفتها راحت وطقت الباب ام نور : ادخل ليلى : قوه يمه عسى ماشر ام نور : هلا ليلى ماشر بغيتي شي ليلى : ايه نعم ابي فلوس ام نور : مسرع خلص مصروفك ليلى : لا يمه ماخلص بس انا ابغى ادفع رسوم لاختبار القبول ام نور : وليه ماخذتي من ابوك الصبح؟ ليلى : انا مادريت بسالفه الرسوم الا من شوي دقت احلام وقالت لي ام نور : انزين كم تبين ليلى : خمسين ريال ام نور : انزين هاتي المحفظه من الدولاب ليلى : ان شاء الله ام نور : من بيروح معاك الجامعه ليلى : انا مو رايحه الجامعه ام نور : اجل وين بتدفعين الفلوس ليلى : بدفعها بالبنك عشان السند ام نور : زين ليلى : اقول يمه ابغى امر السوق دام اني خارجه والحين صبح مافي لا زحمه ولا معاكسات ام نور : وشتبين من السوق ليلى : ابغى اخذ بدله حلوه اكشخ فيها يوم الامتحان ام نور : اذا بتروحين السوق خذي نور معاك ليلى : طبعا باخذها طيب ايديك ياجميل ام نور : شفيها ليلى : خخخخخخ اقصد عطيني فلوس ام نور : ههههه هاك هذي 2000 تكفي ليلى : تكفي وتزيد بعد يسلمو يا احلى ام بالدنيا كلها ام نور : لاتكثرين حكي وياللا الحقي ع البنك والسوق وخذي هالفلوس بعد لنور ليلى : ان شاء الله بروح اول انادي نور كانت جالسه بالحديقه تطالع الفراغ الي قدامها معاه دفتر خواطرها وقلمها دائما اذا حست نفسها متضايقه تلجأ للكتابه تفرغ فيها كل مايجول بفكرها كتبت .... خيانة صوت لطالما كان رفيقا لي في صحوي في منامي رفيقا لضحكاتي وانيسا لدمعاتي لما حينما احتجته هجرني لما تركني اغرق اصارع الاعصار وحدي لما ياصوتي خنتي قفلت الدفتر ورفعت بصرها شافتها وهي تبكي نفس البنت بعيونها العسليه وشعرها الكستنائي البنت كانت بزاويه وجالسه لحالها قرب منها ولد اكبر منهابسنين : انتي ليه تبكين رفعت بصرها وتكلمت بصوتها الصغيرون المرتجف : د د لبني بندل دلبني (ضربني بندر ضربني ) الولد : هين انا اراويك فيه لاتبكين نور الطفله : بتدلبو ياتلكي (بتضربه ياتركي ) تركي : ايو رح اضربه بس انتي اسكتي نور وهي تمسح دموعها بيدينها : احسن يستاهل سوف خلاص انا مابكي وجاء الصوت الي قطع عليها حلم يقضتها ليلى : نواري نور : هلا ليلى : واخيرا اقول تروحين معاي السوق والبنك نور : وليه بتروحين هالحزه ليلى : بروح عشان ادفع الرسوم حقت الامتحان وبشتري لي لبس نور : اوكي طيب قلتي لامي ليلى : ايه نعم قلت لها وقالت اخذك معاي واعطتني لك فلوس نور : انزين يللا بروح ابدل ليلى : اوكي في غرفة ابو نرو وام نور بعد صلاة العشا دخلت ام نور الغرفه شافت زوجها وهو يقرأ القران ماحبت تقطع عليه قرأته جلست ع الكنبه وفكرها مو معاها ابو نور : علامها ام البنات مهمومه ام نور : نور يابو نور ابو نور : خير شفيها ام نور : يعني عاجبك جلستها بهالطريقه لازوج ولا بيت ولا اولاد (وتبكي )نفسي اطمن عليها اليوم دقت ام مطلق الخطابه جايبه عريس لها وبنتك حتى ماكلفت خاطرها تعرف عن العريس شي على طول رفضت تكفى كلمها يابو نور ابو نور : شقولها لو كان الكلام بيفيد كان الكلام فاد من زمان تحسبين اني مرتاح وهي كذا جالسه انا زي زيك اتمنى يجي اليوم الي اشوفها فيه عروس اليوم الي يجي عيالها يتنطون حولي وهذا يشد الثوب وهذا يجر الشماغ ام نور : حسبي الله على الي كان السبب ابو نور : لاتفتحين الموضوع معاها يظهر ان ربي مو كاتب لنا يكون لنا احفاد منها ام نور : الي تشوفه بخليك تنام تصبح ع خير ابو نور : وانتي من اهله |
