الى كل غالية الى كل قلب كبير
الى كل غالية الى كل قلب كبير
يا نبع صافى الحنان وافى ملهش مثيل
يا مصدر الحب والبهجة وكل جميل
حنانك انتى يا امى اللى ملهش بديل
يا واحة فى دنيتى دايما تريحنى
يا وجة باسم باحلى صباح يصبحنى
ياقلب طاهر كبير دايما مسامحنى
وتقولى واجب ولا منة ولا هو جميل
********
لو قلت اة قلبك انتى يقولها وكيانك
ويطول عليكى السهر تراعينى بحنانك
يا أمى ترخص حياتى وروحى علشانك
منحتى روحى الحياة من ثدى رضعنى
قويتى قلبى بشهامة ونصح ينفعنى
وصدرك الرحب يا ما ضمنى وسعانى
وشكوتى تسمعيها بكل وجدانك
امانة عليكم تدعوا لامى بالرحمة والمغفرة
والى كل ام كل سنة وهى طيبة
|