رواية ناداني ولبيته
الجزء السادس عشر
أم فيصل ..آيه ذكرتني بالعنود قالت لي أكلمك عن بيت أختها الله يرحمها وعمارة عندها بتبيعها
وقلت لها إذا شافتك تقول لك
فيصل وهو مبتسم..يعني تغيرين الموضوع
أم فيصل..يا أبوي الموضوع خاص فيها ليه تبي تعرف ولو فيه شئ بقول لك
فيصل وهو فاقد الأمل ....يمه أنا يهمني أخواني أخاف هي متضايقة من جلستها معنا
أم فيصل ..لاتطمن الموضوع ماله دخل
فيصل بابتسامه ..طيب أم فيصل شسالفتة البيت والعمارة
أم فيصل..ما ادري هي عندها عمارة وتقول بتبيعها
فيصل ..وينها فيه وليه بتبيعها
أم فيصل وهي واقفه ..تعال نطلع بالصالة واكلمها تجي تقول لك السالفة
طلع فيصل وأمه وجلسوا بالصالة واتصلت أم فصل بالعنود
غدير من صدمتها بالكلام إلى قاله لها فيصل طلعت بسرعة للعنود كان ودها تقول لها أول وحده
دخلت البيت تنادي بصوت عالي
غدير..عنود عنوده الحقيني
قاموا البنات وطلعوا لها بالصالة
العنود بخوف..شفيك
غدير بابتسامه طمنتهم ..الحقيني يالعنود انخطبت
امون....ههههههههههههههه
ساره..الله يأخذ العدوء وكل الصوت لانك انخطبتي
غدير بابتسامه ....اسكتوا ماتدرون عن شئ عنوده تخيلي من خطبني
الكل..مين
غدير وجهها احمر ..سعد صديق فيصل
العنود..احلفي والله حركات غديروه
ساره..انتي وياها شسالفه
العنود..سالفه لها فتره لقاء بالصدفه بين سعد وغدير
اماني..وليه ماقلتوا لنا
غدير..المهم شقول لفيصل
العنود..اول شئ هدي اعصابك وتعالي نجلس داخل ..
غدير..اخر شئ توقعته
ساره..الحين سعد من عرفت الدنيا وانا اسمع فيه يعني اكيد ماعليه
العنود..صح ومادام اخوك صديقه ويمدحه خلاص
امون وهي تبتسم ..العنود قصدها مادام فيصل صديقه اكيد بيكون مثله وفيصل ماعليه كلام
ناظرتها العنود بطرف عينها ..لاتقولين عني كلام امون وروحي هاتي لنا شئ نشربه
العنود..غدير انتي شرايك
غدير وهي متوتره..هو صح شكله حلو واخواني يعرفونه ويمدحونه بس تصدقين لما عجبني
ماتوقعت انه يخطبني
ساره..غدير انت فكري وصلي الاستخاره والله يكتب الي فيه الخير
غدير..على قولك وقطع عليهم صوت التيلفون
العنود..غدور ردي اخاف فيصل
غدير..هههههههههه ياخوافه ردي انتي
العنود ..لا مو خوف وعناد فيك برد .الو
ام فيصل ..هلا العنود تعالي كلمي فيصل عن البيت والعماره احنا بالصاله يالله
العنود وهي مستحيه ....خالتي بوقت ثاني اخاف الوقت متأخر
أم فيصل..لايابنتي تعالي بسرعه
العنود..ان شاء الله
قالت العنود للبنات عن طلب ام فيصل ورفضها هي
غدير..عنوده شفيك والله فيصل مايأكل
العنود..غديروه اسكتي وامشي يالله
غدير..وانا ليه اروح
العنود..يعني اروح لحالي
ساره..يالله عليكم بنروح كلنا يالله
طلعوا البنات وراحوا بيت ام فيصل وحصلوا ام فيصل وفيصل بالصاله سلموا وجلسوا
ام فيصل..قولي يالعنود لفيصل انا نسيت الي قلتي لي
فيصل وهو عادي جدا ....تفضلي العنود
العنود وهي ميته من الخوف..اول شئ بخصوص بيت اختي عائشه ماعرف حسيتها انانيه مني
اني ارفض انه ينباع او يتأجر وبصراحه مالي الحق وبأن انك اخوهم انا اعطيك اوراق البيت
وتصرف فيه
فيصل سكت شوي ....لكن والا اقول شرايك امون
اماني احتارت..ماعرف صح ماهو سهل ان البيت الي تربية فيه ينباع بس انت تعرف مصلحتنا
اعمل الي تشوفه صح
فيصل..خير ان شاء الله خلوني افكر بالموضوع طيب وموضوع العماره
العنود..العماره لي وبصراحه انا عامله وكاله لجرانا واحس انه تعب عليه هو كبير بالسن قلت
برتاح وابيعها واذا ماعليك امر تشوف لي احد يشتريها
فيصل وهو يتكلم كان يرفع عينه لكن ماكان يركز عالعنود لكن مايعني انه ماشافها او انتبه لها لكن
العنود مغطيه عيونها بطرف خفيف لكذا كانت مرتاحه اكثر..طيب هالعماره وين موقعها
العنود..في حي ...
فيصل..بس خساره هالمنطقه اسعارها بارتفاع كل يوم عن الثاني
العنود بصوت واطي ....قالوا لي بس بصراحه اريح لي
فيصل سرح شوي واستغربت العنود ...طيب شوفي انا عندي مناقصه ومحتاج سكن لمجموعة
خبراء ومهندسين وهذا مشروع كبير داخله فيه اكثر من شركه شرايك تأجريني العماره لمدة ثلاث
سنوات وتقدرين تسحبين الوكاله والتعامل يكون معك مباشره باعتبار انا الي بكون الطرف الاخر
العنود وهي متفاجئه من عرضه ....ماعرف بس
فيصل..فكري بالموضوع وانا بعد بشوف العماره واقيم الوضع واعطيك خبر
العنود..ان شاء الله ويعطيك العافيه شكرا
فيصل بأبتسامه لفت انتباه العنود ....ولو بالخدمه حاضرين
العنود استحت تجلس اكثر لان فيصل جالس أول مانتهت كلام معه قامت وقالت..يالله تصبحون
على خير
ام فيصل..العنود وين اجلسي انتي بنتنا ومنا وفينا
العنود..مشكوره خالتي
ام فيصل..اذا تعزيني اجلسي معنا مابتنامين الحين اجلسي يالله
جلست العنود بس غيرت مكانها وجلس فيصل يسولف مع امه وخواته بشكل عادي مره وهذا اعطى
العنود فرصه انها تشوف فيصل عن قرب كيف يبتسم ويضحك مع امه وخواته وكيف يشده خبر
بالتلفزيون انبسطت العنود عالجلسه معهم ..
ام فيصل ..فيصل بكرا العزيمه عند ام نواف بتروح
فيصل..والله مادري عندي بكرا شغل كثير
ام فيصل..مابيطير الشغل ياولدي
غدير وبصوت مرح..فيصل متى بنسافر
فيصل..المفروض بعد ثلاث ايام
ساره بابتسامه ..المفروض يعني تغير الموعد
فيصل بابتسامه..المشكله ان الشباب بيسافرون خط سياره وهذا صعب
ام فيصل مستغربه ....ليه صعب
فيصل..لان يالغاليه تقريبا من هنا لطايف ثمان ساعات يعني نحتاج نكون مرتاحين وانا سيارتي
ماتكفي ومحمد مو موجود والسواق مستحيل اخليه يمشي معي خط سفر
فهمت العنود قصد فيصل وسكت اصلا حتى هي بتخاف تسافر خط مع سواق حتى لو هم معها
ام فيصل..طيب نروح بطياره
فيصل..ماوافقوا الشباب حمد يقول معه مكان لان مامعه الا اخته ونفس الشئ نواف مامعه الا
امه
ام فيصل..طيب اجل خلا ص ياولدي
فيصل..اوكي احنا اتفقنا لو نروح بسياره نترك توزيع الاماكن لكم انتم يعني الي علينا احنا
نسوق
ام فيصل..من الحين انا مابركب الا مع وليدي الله لايحرمني منه
قام فيصل وحب راس امه ..احطك بعيوني يالغاليه
ام فيصل..الله لايحرمني منك
فيصل..ولامنك يالله اسمحولي تصبحون على خير
الكل..وانت من اهله
طلع فيصل وفتشت العنود وقامت ام فيصل بتطلع غرفتها
ام فيصل ..بروح اصلي
طلعت ام فيصل وجلسوا البنات يسولفون مع بعض لحد الفجر بعدين تفرقوا حتى ينامون ..
من بكرا الكل اجتمع عند ام نواف وانبسطوا البنات كثير لانها تعودوا يشوفون بعض باستمرار
وبما ان ام نواف ماعندها بنات ماقصروا كل البنات قاموا معها للمطبخ وبالاخير مابقى غير غدير
وعبير بالمطبخ
غدير..عبوره شو شعورك وانتي بيته قريبه منه
عبيربأبتسامه حزينه ..تبين الصدق غدير نواف حلم حياتي لكن مايهمني اذا انا حلم حياته المهم
اني اشوفه مبسوط
غدير..لهالدرجه عبير تحبينه لدرجة ماتعنيك نفسك المهم سعادته هو
عبير بابتسامه..من وانا صغيره اشوف نواف رجل مختلف وهالاختلاف يزيد غلاه كل يوم عن
الثاني وسعادته تكفيني لانها سعادتي
غدير..يعني متأكده انك تحبينه من وانتي صغيره مو من وقت خطبته من دلال او بس غيره من
دلالعبير بصوت يكسر الخاطر ..لو ماحب نواف ما حسيت بالغيره من دلال لو مايعني لي نواف
مابكيت سنين بصمت وكتمت حبي بداخلي
سكت عبير وغدير ابتسمت..والله يابخته
وفجأه ام نواف..منهو هذا
ارتاعت غدير وعبير خافوا ان ام نواف سمعت كلامهم لكنها عادي شكلها
غدير..يابخت الي بيتزوج عبير والله انها طباخه
ام نواف بابتسامه حنونه..ايه والله الله يسعدها
طلعت ام نواف والتفت عبير ..توقعبن سمعت
غدير وتهز كتفها ..ماعرف يمكن بس ماواضح عليها شئ
عبير..غديروه وانتي مالقيتي تتكلمين الا الحين
غدير..ياشيخه طنشي تعالي نجلس مع البنات
طلعوا واجتمعوا مع بعض البنات وانبسطوا ولاهتموا من بدور الي تتصنع الدلع والابتسام وتحاول
تكون خيفة دم
بدور بدلع ..اول مره ادخل بيت خالتي ام نواف بصراحه مره حلو خالتي ممكن اخذ جوله بالبيت
ام نواف..البيت بيتكم كله تحت امركم الا الغرفه الي على يمينك
بدور.ليه خالتي
ام نواف..هذي مكتب نواف ولايحب احد يدخله
حصه..بس احنا مو أي احد
ام نواف..ادري والله بس هذا نواف وهذا طبعه
بدور..بنات من بتقوم معي
ام نواف..قوموا يابنات كلكم يالله البيت بيتكم
قاموا البنات مع بدور الي من غير أي حياء تفتح الغرفه وعبير ماقدرت تبتعد عنها ماتعرف ليه
لكن حست انها لازم تكون قريبه منها
بدور.. هذي شكلها غرفة نواف للحين ذوقه جنان
عبير..بدور تعالي نطلع عيب ندخل غرفته وهو مايدري
بدور..عادي عبير
عبير..انا طالعه
طلعت عبير وطلعت بدور وجلسوا مع بعض البنات وفجأه دق التيلفون
ام نواف..عبير الله لايهينك ردي يابنتي
عبير..ان شاء الله
استغربوا البنات عبير ماهي قريبه من التليفون ليه اختارتها ام نواف
عبير..الو
نواف..هلا من معي
عبير على طول تغير وجهها وحاولت تكون طبيعيه..هلا نواف معك عبير
نواف..هلا بنت العم شلونك
عبير وتحس ان قلبها مايقوى خلاص ...بخير الحمد لله انت شلونك
نواف..بخير ونعمه الله لايهينك عبير قولي للخدامه تطلع لي,الا امي عندك
عبير..ايه تحب تكلمها
نواف..لا بس عبير اطلبك خدمه
عبير..تفضل
نواف..بمكتبي فيه ملف مكتوب عليه الواردت 13 لونه ازرق خلي الخدامه تطلعه لي لان
بصراحه صعب ادخل
عبير وهي مرتبكه..يعني اقول لخالتي تطلعه من المكتب
نواف..لا انتي هاتيه امي بتقلب الملفات ولاراح تعرفه ممكن
عبير..ان شاء الله
نواف..مشكوره بنت العم باي
عبير ...باي
سكرت عبير والتفت على ام نواف وهي محرجه من الكل ..خالتي نواف يقول يبي ملف من
المكتب ما عليه أروح اطلعه
أم نواف وهي مبتسمة..مادام هو أعطاك الأمان ما اقدر أقول لا روحي يابنتي
طلعت عبير وهي بتطير من الفرحه حست بالانتصار لاول مره يكفيها انها من بين الكل تدخل
هالمكتب الي رافض أي احد يدخله
دخلت المكتب وللحظه حست بالخوف من هيبة المكان الي تحسه ينطق رجوله باثاثه ولوحاته
وحتى ترتيبه
جلست عالمكتب ولما شافت صورته حست دموعها بتخونها وعلى طول طلعت الملف لكن من بين
الملفات حصلت ملف عنوانه
(((سيكون لها ))
حاولت ماتفتحه لكن ماقدرت فتحت اول صفحه وقرت اول سطر وسكرته بسرعه ماقدرت تكمل
سطر واحد وخانتها قوتها ودموعها ونبضات قلبها وطلعت من المكتب طلعت وهالسطر يتردد
بالها بعد مارسلت له الملف "" انها صفحات قلبي ..هي ستمحي المي وهي ستكتب فرحي
لذا ما بالداخل سيكون لها وحدها وحدها ستكون اميرة قلبي ""
بالمجلس عند الكل حصه كانت تكلم اختها بنبره متعاليه
حصه..اجل سلطان وينه يالطيفه
لطيفه..بالجبيل بشغله
حصه..لحين على شطانته
لطيفه واضح انها متضايقه..بسم الله عليه من الشطانه
حصه..ايه الله يهدي الجميع انا خابرته الله ياكافي نار الله الموقده
لطيفه..انتي خابره اشياء كثيره ياختي بس مافيه شئ للحين على خبرك
تضايقت حصه من رد اختها وغيرت الموضوع..الا بتسافرين معهم
لطيفه..ان شاء الله انا وعيالي صقر وسلطان وانتي
حصه..ايه بس بدور ماتحب السياره بالسفر بنروح لشرقيه كم يوم بعدين نجيكم هناك
الكل تضايق بعد ماعرف انها بتروح معهم وتغيرت وجيههم
بدور وبدلع..يالله يمه تعبانه بنام
حصه..يالله اجل مع السلامه
طلعت حصه وطلعت بعدها لطيفه وجلسوا البنات يخطون لسفره واماكنهم بالسيارات
اماني ..ياحلوات فرصه ماتعوض ثمان ساعات يعني اختياركم لازم يكون صح
نجلاء..انا مافيه امل يعني مع حمد
غدير ..وانا والعنود نفس الشئ مع فيصل
العنود..غديروه ليه تختارين عني
غدير وهي تضحك..الحين من فيصل تستحين يعني بتركبين مع عيال عمي
العنود..امم صح
خلود..يعني مافيه غير ساره وعبير
ساره..لا مابي ماقدر
نجلاء..ههههههههههههه مابعد قلنا شئ
خلود..ساره اذا ماركبتي مع حمد بتركبين مع نواف صح وطبعا حمد احسن
نجلاء..سارونه خلاص عاد والله اخوي حبيب
ساره..وامون بتكون معي
اماني..طبعا بشهد هالحدث التاريخي
ساره..تمسخرين حضرتك
اماني..هههههههههههههههههه المهم وعبير
عبير..انسي امري انا صعبه اروح معهم
العنود..معها حق عبير صعبه
خلود..ولايهمك نعوضها لك هناك
تفرقوا البنات بعد ماتفقوا يشوفون بعض بعد ثلاث ايام موعد السفر
من بكرا الصباح ماكان فيه الا فيصل وامه وسلمان والباقي نايمين
سلوم..فيصل متى بيرجع محمد
فيصل..ذكرتني خلينا نكلمه الحين شرايك يام فيصل
ام فيصل وبابتسامه..انا يحصل لي اسمع صوت ولدي واقول لا
فيصل..ابشري الغاليه
اتصل فيصل واعطى سلمان السماعه
سلمان..الو السلام عليكم محمد
محمد وهو مستانس..هلا وعليكم السلام سلوم شلونك
سلمان ويبتسم..طيب متى بترجع خلاص تعال
محمد..ههههههههه شوق تقول لا
سلمان..عطني اقولها
محمد..سلوم خلينا من شوق شلون امي وفيصل والبنات وعنوده
سلوم..خالتي عندي تصيح
اخذ فيصل من السماعه..هلا محمد
محمد..شفيها امي فيصل
فيصل..ولاشئ وخذ كلمها امي ماتعرفها لانها بتكلمك تصيح قبل يعني مقدمه
اخذت ام فيصل السماعه..وهي تصيح..هلا والله بولدي وحبيبي
محمد..هلا بالغاليه هلا بدنيت محمد شلونك الغاليه
ام فيصل..بخير انت طمني عنك وعن شوق ان شاء الله مبسوطين
محمد..الحمد لله ماودنا الا بشوفتك الغاليه
ام فيصل..ارتاح ياولدي وسع صدرك وان شاء الله ترجع بالسلامه
محمد..الله يسلمك من كل شر ماقلتي لي يمه شلونك البنات وفيصل وعيال عمي
ام فيصل ..كلهم بخير ونعمه وكلم فيصل يبيك وسلم على شوق
محمد..يوصل الغاليه انتبهي لنفسك يمه وسلمي عالبنات
رجعت تكمل ام فيصل صياح وسلمان يضحك عليها لحد ماسكت وضحكت معه اما فيصل طلع
يكلم محمد
فيصل..محمد غدير انخطبت
محمد..صدق مبروك بس من الي خطبها
فيصل..مابتصدق
محمد ..مين..؟؟
فيصل..سعد
محمد وانبسط..والله سعد كفو ولاينرد وهي شرايها
فيصل..توني كلمتها بس قلت اعطيك خبر
محمد..حلو طيب وعيال عمي عرفوا
فيصل..لا ولافضل انهم يعرفون قبل رد غدير اخاف ماتوافق ولاهي زينه بحق سعد
محمد..صح معك حق وليه ماتوافق غدير
فيصل..مابغصبها اعطيتها وقت تفكر المهم الشيخ بعد يومين ماشين عالطايف اذا تحب تكمل
معنا شهر العسل
محمد..هههههههه لابسلامتكم خلني انبسط
فيصل..ههههههههه الله يسعدك يالله تأمرني على شئ
محمد..سلامتك وسلم عليهم كلهم
فيصل..يبلغ سلم على شوق يالله فمان الله
محمد..مع السلامه
ومرت هاليومين بسرعه عليهم وبأخر يوم لهم قبل السفر والي المفروض يجتمعون فيه في بيت
ام فيصل لانهم بيمشون لطايف الفجر
طلعوا البنات يكملون باقي اغراضهم لسفر مع ام فيصل ومر الوقت بسرعه عليهم رجعوا على
وقت صلاة العشاء
ام فيصل..غدير يمه اسرعي صحي فيصل يلحق على صلاة العشاء بسرعه
غدير..غريبه نايم للحين
ام فيصل ..يالله بروح انا ارتاح بغرفتي تكسرت رجولي
غدير.. ان شاء الله بنات يالله غرفتي عشان نفرز الاشياء الي شرينا
طلعوا البنات لغرفة غدير وغدير دخلت لجناح فيصل بعد ماحصلت بالباب مفتوح وتوها بتطق باب
الغرفه الا تسمع صوت فيصل يكلم
فيصل..بخير انتي شلونك
انصدمت غدير ماعرفت كيف تتصرف او شو تعمل استأذتنت
غدير..فيصل
فيصل..تعالي
غدير..صاحي امي قالت لي اصحيك للصلاة
فيصل ويناظر الساعه..اوكي نازل سكري الباب معك
طلعت غدير وراحت للبنات وفتحت الباب بقوه وسكرته..بنات تخيلوا فيصل يكلم وحده بنت
الكل انصدم ساره واماني والعنود
ساره..غديروه شسالفتك
اماني..لو محمد يمكن فيصل مستحيل
غدير..سمعته بأذني يقول انتي شلونك
ساره..طيب يمكن احد نعرفه
غدير..يعني مين بعدين شكله تفاجئ فيني وقال سكري الباب بعدك
اماني..غديروه مايسويها فيصل يتهيا لك
التفت غدير عالعنود الي ساكته وتفرج عالاكياس ..العنود ليه ساكته
العنود ولارفعت عينها على غدير..ماعندي شئ اقول
التفت غدير على ساره واماني لكن ابتسموا لها وسكتوا وسكت غدير
شوي واستأذنت العنود وطلعت بهدوء
غدير..شفيها
ساره..وانتي خبله داخله فرحانه فيصل يكلم وحده
غدير ..طيب واذا صار
اماني..العنود خالتي وصدقوني اعرفها فيصل يمكن ماتحبه لكن مستحيل مايكون يعني لها
ساره..شلون ماتحبه ويعني لها
اماني..الحب ماقدر احدده لكن الاهتمام او الاعجاب انا واثقه مهما حاولت تداري
غدير وبصوت عالي..يعني هي انقهرت لانه يكلم وحده يعني غيره يعني حب
ساره..ههههههههههه الحمد لله والشكر انتي من انخطبتي ماعاد تفكرين
غدير ..صح ذكرتيني بالخطبه بروح لامي
دخلت غدير لامها وجلست عالسرير عندها
ابتسمت ام فيصل..خير يمه عندك شئ
غدير وبابتسامه..ايه عندي يمه
ام فيصل ..قولي غدير
غدير..يمه انا من كلمني فصيل من ثلاث ايام انتي ماقلت لي شئ
ام فيصل..عن ايش كلمك
غدير وجهها احمر ..يممه
ام فيصل..ههههههه طيب قصدك عن سعد
غدير وتهز براسها..ليه ماكلمتيني
ام فيصل..يابنتي اول شئ حبيت تفكرين من غير أي ضغط وبعدها بكم يوم اكلمك وهذا انتي
عندي وبقول لك الي عندي غدير سعد عرفته من سنين وحسبة ولدي اعرفه لانه اخو فيصل يعني
عاش معه كل ظروفه ويوم قال لي فيصل انه خطبك الله يعلم اني فرحت له مثل فرحتي بمحمد
غدير سعد رجال ماينرد يابنتي يخاف الله ومحتفظ على دينه وشايل امه على راسه ومشاء الله
الي يشوف بره بوالدته يستبشر خير يابنتي غدير سعد طيب ورجال ينشد به الظهر ماتعرفونه
ولاتعرفون كيف وقف مع فيصل اشياء كثيره ماتعرفونها بس يابنتي زواجك منه ماهو رد جميل ل
ا غدير انتي بنتي ومصلحتك تهمني واذا رائي يهمك انا موافقه بس المهم رايك انتي ارتمت غدير
بحضن امها وبكت دائما امها تعاملها غير بالبدايه خافت ليه امها ماهتمت بس عرفت الحين ان
ام فيصل دائماحكيمه وتفكر بشكل مختلف عنهم وتنظر للامور ..بكت ام فيصل مع بنتها
ام فيصل..يارب تتمم فرحتي بفيصل وريحني
غدير ومن بين دموعها..يمه ليه من بينا دائما تتمني لفيصل يتزوج
ام فيصل بابتسامه..اتمنى لكم السعاده كلكم بس فيصل ابي يرتاح ابي يحس بوحده معه قريبه
منه تشاركه همومه ويشكي لها تعبه يايمه فيصل مايحكي لي وانا امه وانا اعرف السبب لاني امه
ولايبي يتعبني بس هو ولدي الي عاش معي اصعب لحظات عمري ابي اشوفه مرتاح ومبسوط
غدير..ام فيصل بأذن الله بنفرح فيه
ام فيصل..ان شاء الله يالله غدور ماقلتي لي شرايك بسعد
غدير..بصراحه هو ماينرد
ام فيصل وبضحكه..لا قولي موافقه او لا
غدير..انتي شتحبين تسمعين
ام فيصل..موافقه طبعا
غدير بسرعه ....موافقه
حضنتها وباركت لها وطلعت معها لان الكل بيوصل لبيت ام فيصل بيسهرون مع بعض وعالفجر
راح يمشون
عالساعه عشره الكل كان جاهز ومنتهي من ترتيب اغراضه والشنط كانت كلها تحت وجاهزه اول
شخص وصل هو حمد ومعه نجلاء سلمت على ام فيصل وطلعت للبنات الي استغربت ماحصلتهم
بغرفة غدير وغرفة ساره ظلام لكنها فتحتها
نجلاء..ههههههههههههههههههه اشكالكم نكته
غدير..نجلوه وجع خفت على بالي فيصل
نجلاء..شعندكم
الكل سلم عليها الا ساره كانت عند الشباك وتفرج على فيصل وحمد وهم بالحوش جالسين
اماني بصوت واطي..ماراح تسلم ترى هي مو معنا بالغرفه
ساره..سمعت اسكتي بعدين اسلم
نجلاء..الحين المفرو تسلمين علي انا اخته من ريحته
ساره..نجلاء استحي على وجهك واسكتي
نجلاء..ههههههه اسفين كملي تأملك وين العنود
غدير..بالبيت تعالي نروح لها
طلعت اماني وغدير ونجلاء وهم نازلين سمعوا ام فيصل تكلم
ام فيصل..عيب استح على وجهك
غدير..يمه شفيك من مزعجك
ام فيصل وتفاجأت بالبنات..غديروه اسكتي ولا كلمه ازعاج وانتهى لاتعملينها سالفه
طلعت ام فيصل والتفت اماني..شفيها خالتي
نجلاء..صح يوم ادخل كانت عادي شكل المكالمه عصبتها
غدير..ازعاج عجبهم صوت امي الظاهر بأخذ منها الجوال
نجلاء..هههههههههههه اقول مصدقه عمرك انتي امشي نروح للعنود
طلعوا البنات للعنود الا على وصول ام فهد والبنات سلموا وطلعوا البنات عند العنود وسلموا على
بعض
نجلاء..مع السلامه بروح لساره
طلعت نجلاء تسرع والكل ضحك عليها
خلود..وين ساره وليه تضحكون
غدير..ساره بالشباك تتأمل ونجلاء راحت تتأمل معهم
خلود بابتسامه..عمتي وصلت تو ولاباقي الا ام نواف تعالوا نرجع
العنود..ثواني بس والحقكم بشيك عالبيت واقفل كل شئ واجي
بالمجلس كانت ام فيصل وام فهد والعمه لطيفه
ام فهد..امل وينها يام صقر
ام صقر..عجزت عنها جلست عند دلال تقول بتروح معها اذا سافرت مع عيال عمهم تعرفهم
مرره
ام فيصل..مشاء الله عليك تخلينها
ام صقر..والله يانوره مايطاوعني بس البنت صغيره والبنات تعرفهم وانا اعرف اهلهم
ويصيرون خوات زوج دلال وبنات عمه
ام فيصل..الله يحفظها والعيال ان شاء الله معك
ام صقر..صقر الله يحفظه معي وسلطان الله يهديه ساعه يقول بجي وساعه يقول لا وحياته
يضحك علي
ام فهد..الله يهديهم ويخليهم لك
ام صقر..امين ويخلي لكم يارب الله يعلم شكثر فرحتي بعد مارجعت لكم سنين مرت ضيعتها
لكن الحمد لله سلطان وصقر صحوني من نومي ورجعوني والا اختي الله يهديها يارب
الكل..امين يارب
ام نواف..السلام عليكم
الكل ..وعليكم السلام
سلمت ام نواف عليهم وجلسوا الحريم مع بعض سوالف وضحك اما البنات كانوا فوق للحين بغرفة
ساره عند الشباك
العنود..انت خلاص تعالوا نزل طفشت
ساره..انتي تعالي تفرجي ولاتطفشين
اماني..الحين هذا مين
خلود..عبوره نواف وصل تعالي
راحت عبير تركض وغدير والعنود ميتين ضحك عليهم
خلود..هذا صقر ولد عمتي حصه
اماني..حلوخلود..خير امون
اماني..يعني عشان حلو يعني خير اعبر عن رائي
ساره وبصوت عالي..غدير تعالي شوفي من وصل سعد
الكل..سعد
العنود..ههههههههههههه سعد صديق فيصل خطيب غدير
الكل انصدم..نجلاء..غديروه انخطبتي
استحت غدير..يالله اشوا الغرفه ظلام
عبير..مبرروك الف مبروك
خلود..مبروك غدير الخبر لسى جديد صح
ساره..توها اعطت الموافقه الظاهر الضيف مابعد عرف
الكل رجع يتفرج
العنود..غدور شكل فيصل قاله عالموافقه شوفيهم سلموا ثانيه
غدير بصوت واطي ..يجنن
العنود..هههههههههههههههههههههه هههه
دخلوا الشباب للمجلس ونزلوا البنات تحت مع الحريم بالمجلس
ام فيصل..الحين متى بتمشون اذا عالساعه ثلاث مافيني خلينا نرتاح لنا لو ساعتين
خلود..خالتي شلون تنامين واحنا بنسافر مايجيني نوم ماقدر
ام فيصل..ههههههههه يابنتي انتم شباب واحنا عجزنا
ام فهد..ام فيصل لاتكلمين عنا تونا شباب انا عيالي مابعد اعرسوا
لطيفه..فهد كم عمره
ام نواف..ههههههههههههههه ردي يام فهد
ام فهد..توه مكمل العشرين
عبير..يمه اجل انا توني بالعشر
ام فهد..ههههههههه الحين بدل ماتقفين معي
عبير..يمه انتي صغيره لو فهد عمره عالثلاثين
ام نواف..هههههههههههههه يام فهد كبرنا وشيبنا
ام فهد..لا انا توني صغيره
ام فيصل..اجل بندور لك معرس
ام فهد..حشى.. الله لا يقول بعد
خلود..هههههه يمه اجل لاتقولين انا صغيره
لطيفه..اقول نوره سلمان وينه
ام فيصل..عند العيال بالمجلس
ام صقر..مشاء الله تبارك الله هالولد بسم الله عليه ذكي وينحب
ام فيصل بابتسامه..الله يخلي الي سهرت وربت
ابتسمت العنود لام فيصل والكل سكت
ام نواف ..الحين شلون وين بتركبون نواف يقول التوزيع عندكم
غدير..ياخالتي انا والعنود وطبعا امي مع فيصل
نجلاء..وساره واماني معي
ام نواف..ياكافي وانا بجلس لحالي ماحد بيركب معنا
خلود..اشري انتي ياخالتي والي تختارين تركب معك
ام نواف..لا اخاف تقول وشالعجوز اشغلتني
غدير..هههههههههه لاخالتي انت والله سوالفك حلوه
ام نواف ..اجل لحظه افكر
ام فيصل..لا تختارين غديراو العنود مافيه
ام نواف بابتسامه ..لا ابي عبير شرايك
الكل انصدم الي ابتسم والي استغرب الا عبير ارتبكت وكان واضح عليها
ام فهد..والله ماخترتي الا الغاليه
ام نواف..افا يعني ماوافقتي
ام فهد..لا موافقه هي بنتك مثل ماهي بنتي
ام نواف ..عبير شرايك لاتستحين
عبير واضح شكلها..شدعوه ياخالتي احد يحصل وبعدين انتي اخترتيني يعني يابختي
ام نواف بابتسامه..واذا مليتي اقول لنواف نوقف وترجعين ههههههههه بس ياخوفي ماينزلني انا
وانتي بالشارع من كثر الحكي
لطيفه..ههههههههههه ماهقيت يسويها نواف الله يحفظه
لكل..امين
ام فيصل..يالله نرتاح بالغرفه وقبل مايمشون صحونا يابنات طلعوا الحريم وجلسوا البنات
مبسوطين وخايفين ومتوترين
بعد اقل من ساعتين لمدة ثمان ساعات تركب كل وحده مع الشخص الي تحبه وتحلم فيه ..
دخلت الخدامه ونادت العنود طلعت العنود معها وحصلت ام فيصل بالمطبخ تنتظرها
ام فيصل بصوت واطي ..خذي العنود شريحة جوالك شغليه اخاف البنات يستغربون واذا دق
لاتردين
العنود..شصار خالتي ..؟؟
ام فيصل ..ابد اتصل ورديت كلمته وقلت له عيب الي تعمله بس ساكت مارد علي
العنود..الله يستر
ام فيصل..لاتخافين يالعنود انتي بنتي وياويل احد يقرب بناتي
ابتسمت العنود وحبت راس ام فيصل..تسلمين خالتي
ام فيصل..الله يرضى عليك انا بدخل ارتاح وصحوني قبل وخلي غدير تتصل بفيصل تسأله اذا
يبون شئ
العنود..ان شاء الله خالتي
طلعت ام فيصل وجلست العنود عالطاوله بالمطبخ نزلت الشال على اكتافها وسرحت بعيد تتذكر
حياتها قبل اشهر كيف كانت وتقارنها بحياتها الحين بظل حنان وعطف ام فيصل ولا حست العنود
الا بالباب الخلفي للمطبخ يفتح ومن غير احساس منها التفت تشوف
من الي دخل من غير ماتغطي وجهها......!!!!
الجزء السابع عشر ...
التفت العنود عالباب الي انفتح من غير أي احساس ونست انها في بيت ام فيصل
سلمان ويلتفت ويرجع على وراء بسرعه...وقف وقف عنوده فيه
العنود ارتبكت وقامت بسرعه ورفعت الشال على وجهها
سلمان بابتسامه..تعال فيصل خلاص تغطت عنوده
فيصل ويبتسم لسلوم ..اوامر ثانيه استاذ سلمان
سلمان...ههههههههه
فيصل وهو يلعب بشعر سلوم ....عفوا العنود ماعندي خبر ان فيه احد بس سلوم ماقصر
العنود..لا حصل خير عن اذنكم....توها بتطلع
فيصل..بالله العنود بطلع لغرفتي شوفي لي الطريق
العنود وهي مرتبكه ....مافيه احد الكل بالغرف
فيصل..اوكي يالله سلوم
سلمان ويحط ايدينه على خصره ....والعصير
فيصل ويضحك....مشاء الله عليك ماتنسى خلني اروح للغرفه واذا نزلت نعمل العصير
سلمان..عنوده تسوي لنا
العنود بسرعه ..خلاص دقايق ويكون جاهز بس عصير ايش
فيصل..لامشكوره سلوم مو قلنا احنا بنسوي
العنود..لاخلاص انا بسويه
ابتسم فيصل ..يعطيك العافيه برتقال الله لايهينك
طلع فيصل وظلت العنود مستغربه من نفسها كيف قدرت تكلمه بسهوله رغم انه هو كان عادي هو
فيصل بأسلوبه مع الكل
غدير بصوت عالي ..العنود
العنود وخافت ....غدير حرام عليك لاتدخلين كذا خوفتيني
غدير وتضحك..اول قولي لي من المحظوظ الي امه داعيه له الي تفكرين فيه
العنود بابتسامه وتحط العصير عالطاوله ....سر مابقول لك
غدير وعينها عالي تعمله العنود..والله انك رهيبه عامله لنا عصير
العنود..روحي بس مصدقه نفسك العصير مو لك
غدير..لمين مو لك بس لانه كثير
العنود وهي معطيه غدير ظهرها..لسلوم وفيصل
غدير ورافعه حاجبها ....سلوم طيب بس فيصل شلون متى قال لك
العنود وتحاول تكون طبيعيه ....دخل بالصدفه هنا وقال سلوم انه يبون عصير وتبرعت اعمله
غدير..العنود بديت اشك فيك
التفت العنود..شلون وليه
غدير..ماعرف لكن تصرفاتك تدل على شئ واحد تحاولين تنكرينه
العنود..غدير افهميها مالازم الحب الحب مو لي انا ماقدر احب
فيصل..احم احم
تغطت العنود وبعدت عن الباب
غدير..تعال فيصل من قدكم عصير لكم وانا على بالي لي
فيصل ..شكرا العنود
اخذ كأس وطلع استغربت غدير من رد فعله لكنها لمحته مع شباك المطبخ المعتاد مادخل للخيمه
وقف برا والكأس معه وشكله كان سرحان ويفكر
غدير..عنوده العصير فيه شئ فيصل له عشر دقايق واقف
العنود..غدور بطلع للبنات
غدير..اهربي مني لكن لاتهربين من نفسك
طلعت غدير والعنود عند البنات
عالساعه ثلاث الفجر اتصل فيصل بالبنات وقال لهم يجهزون يالله بيمشون الحين الكل طلع
وجهزوا البنات والحريم والكل طلع وركبوا البنات والشباب مجتمعين بجهه ينتظرونهم يخلصون
وبعد ماقفل فيصل باب البيت معلن اكتمال العدد كل الشباب اتوجهوا لسياراتهم
راح فهد لسيارته وركب مع امه وخلود ولانتبه ان عبير مو موجوده الا بعد دقايق لما التفت على
خلود ..
فهد مستغرب..وين عبير..؟؟
ام فهد..طلبتها ام نواف قالت اركبي معي ماعندي احد يسولف معي
فهد..غريبه ام نواف
خلود..لابالعكس ام نواف طيبه وحبوبه
أم فهد..إيه والله انا أول يا ولدي ما نشوفها إلا من متى لمتى بس الحين بعد ماعرفنها بنت
الحلال طيبه وبحالها
فهد..هههههههههههه وعبير بالله شو قالت مسكينه
خلود بخاطرها تقول انت المسكين...شتسوي استحت تقول لا
فهد ويلتفت جهة فيصل..الحين فيصل من يكلم ليه مايركب
اما حمد ركب السياره وهو مبسوط ومبتسم
حمد ..السلام عليكم
الكل..وعليكم السلام
حمد استغرب سكت وضحكت نجلاء بصوت واطي لان شكله استغرب
حمد ..هلا والله معنا بنت العم شلونك ساره
ساره ومبسوطه لانه عرف صوتها ..الحمد لله
حمد..طيب الثانيه مين عشان اسلم
اماني وهي فرحانه لساره..اماني
حمد ومبتسم..هلا والله شلونك اماني
اماني ..بخير الحمد لله
حمد فتح الشباك ..فيصل خلصنا بعدين المكالمه
فيصل ..ههههههههههههههههه حمد عطني شاحن قفل جوالي
حمد..تعال خذه
فيصل وينزل راسه ..اقول حمد ترى خواتي معك انتبه
حمد..يعني انا واختي مو مهم
فيصل..هههههههههههههههههههه لا مهم بس ولو خواتي اهم
حمد..خلصنا يالله فيصل
فيصل ..طيب يالله
ركب فيصل السياره ..السلام عليكم اسف عالتأخير
الكل..وعليكم السلام
سلمان..فيصل بروح عند اماني وساره
فيصل..افا وانا من يجلس معي
سلمان فرحان لان فيصل يبيه يجلس معه ....طيب بجلس
حرك فيصل السياره وشحن جواله ورفعه واتصل والكل ساكت
فيصل..هلا اسف قفل جوالي عموما انا الحين ماشي خط مثل ماقلت ولاراح اقدر اشوف
الموضوع الا اذا رجعت والحين مضطر اقفل تأمرين على شئ
الكل انصدم واولهم ام فيصل الي التفت على فيصل الي ابتسم لها
فيصل..الله يسلمك مع السلامه
ام فيصل..من هذي ..؟؟
فيصل ويضحك..زوجتي
ام فيصل ..ايه هين تتزوج من غير ماعرف
فيصل ..بدور بنت عمتي
غدير بصوت مستنكر ....بدور
فيصل يقلدها..ايه بدور
ام فيصل ..شعندها تكلمك
فيصل..انتي عارفه يالغاليه ان عمتي طلبت مني اشوف لها بيت بالرياض
واتصلت علي بنتها تسأل اش صار
ام فيصل ولاعجبها الكلام..ايه خير ان شاء الله
غدير..فيصل بتسكن بالرياض هي
فيصل..ماسألت ولايهمني
غدير..طيب متى بتجي لطايف
فيصل..يعني قالوا لك اربع وعشرين ساعه معها شيعرفني
غديرعرفت انه خلاص قفلي عالموضوع يعني ..خلاص اسفه
سكت غدير وفيصل سكت والعنود ظلت تفكر ياترى هي بدور الي كلمته قبل بس هذا ماريحها
بالعكس بدور بالنسبه للعنود تعتبر الضد الفرق واضح بين اسلوب العنود واسلوبها طريقة لبسها
ولبس العنود كلامها وكلام العنود يعني بدور بالنسبه لفيصل بنت حلوه دلوعه والاهم انها ماهي
قويه بس قوتها بدلعها اما العنود لا القوه اكتسبتها من وضعها ظلت العنود تفكر وتفكر لكن بلحظه
انتبهت انها تعمل مقارنه بينها وبين بدور يعني هي وبدور بمنافسه بس على ايش حاولت تطرد
الموضوع من بالها حتى ماتعترف نفسها وهربت كالعاده بالسوالف مع سلوم ..
مرت فتره تقريبا ثلث ساعه والصمت اقرب لأغلب السيارات مافيه احد عارف يبدأ بالكلام حمد
خايف يحكي وينصدم من رد فعل ساره واماني استحى يتكلم معها اما نجلاء كانت سرحانه وتفكر
اول مره تتسافر من غير شوق اختها تعودوا يسافرون هي وشوق مع حمد وحست كيف السفره
هاديه مافيها سوالف وضحك كيف تحس بالفراغ الكبير الي تركته شوق بعد
حمد..يعني ثمان ساعات بنظل ساكتين والله ملل
نجلاء وهي تضحك..خوفتني
حمد بابتسامه..الله الشيخه سرحانه اقول بنات العم لايكون خوفتكم انتم بعد
اماني..لاوالله بس صدق طفش هذا وتونا مالنا الا ساعه
حمد..هههههههه اوقول اماني وشرايك نجيب سلوم معنا
اماني..سلمان اكيد نام مسهرينه عشان اول مانمشي ينام
نجلاء..ساره نمتي
ساره..لا اسمعكم
حمد..طيب شاركينا
ساره استحت وسكت اما حمد شغل الرادوا وسكت وسافر كل واحد بخياله الي يفكر بمستقبله
والي بواقعه والي بأحزانه
اما عند ام نواف كانت مبسوطه وتسولف وتضحك مع نواف الي مبسوط مع امه كثير وعبير ماكانت
عارفه كيف تسيطر على احساسها لحظه تترجم لابتسامه ولحظه تكون دمعه قربها من نواف
حسسها بالخوف الخوف من فقدان هالانسان الي حلمت فيه سنين ..
ام نواف..عبير يمه انتي ليه ماتوظفتي
نواف..عفوا عفوا بس انتي ايش تخصصك حتى اكون معكم عالخط
عبير ومبسوطه ..حاسب الي
نواف..حلو ليه ماتوظفتي
عبير..كل الوظايف الي حصلتها بعيده كثير عن بيتنا وفهد صعب عليه يوصلني فظلت اجلس
بالبيت
نواف..خساره الا اقول بنت العم شرايك تشتغلين معي
عبير مستغربه..شلون
نواف ..الله يسلمك انا من فتره كنت ادير الشغل من البيت من خلال الكمبيوتر وبصراحه تعودت
على هالطريقه وابي اعمل حفظ وتسيق واخال بيانات واتفاقيات وتحفظ لكن تحتاج شخص مختص
اولا وثانيا شخص اثق فيه لان الاوراق مهمه كثير لكذا هي بالبيت مو بالمكتب
ام نواف ومبسوطه..والله زين بس وين تشتغل فيه
نواف..بالبيت كل الملفات توصل لها هي تنظمها وتحفظ وكل جديد يوصلها وهي ترفقه مع الملف
المناسب له
عبير متردده ومتفاجئه ..ماعرف
نواف ..شوفي عبير خلي هالموضوع علي انا اول شئ بقول لفهد اذا اوكي بعدها انتي تعطيني
رأيك وعلى فكره عادي لو ترفضين
عبير..لا الفكره حلوه بس نشوف فهد اول
نواف..اوكي وبصراحه تكون خدمه مانساها لاني طفشت من الاوراق والملفات المبعثره
انبسطت عبير وظلت تفكير كيف بتكون حياتها وهي تشارك نواف حتى الملفات الي يقرأها ظلت
تبتسم لنفسها وهي بحالة فرح كدرها شوي خوفها من رد فعل فهد على الموضوع ..
سلمان..عنوده قولي لي قصه بنام
العنود ..سلوم حبيبي نام من غير قصه يالله
سلمان وهو زعلان ..لا قولي
غدير..سلوم تعال اقول لك انا
ضحك سلمان ونام على رجل غدير وعلى رتم واحد ..كان يامكان فيه ولد شاطر اسمه سلمان
سلمان ويجلس وهو معصب..لا مابي عنوده قولي انتي غدير ماتغني
فيصل...هههههههههههههههههههه غدير بصراحه انا مضطر اصارح صديق عمري واقوله
خطيبتك ام فاشله
غدير استحت وانقهرت بصوت واطي ..يحمد ربه
فيصل..ماسمعت عيدي غدور
سلمان وهو زعلان ..عنوده قولي
ام فيصل ..يابنتي قولي له خليه ينام
العنود بصوت واطي لغدير ..خالتي رهيبه تخيلي اغني بس اتخيل شكلي
غديرومبتسمه ..عادي خلينا ننام كلنا
العنود ..سلوم تعال اقول لك..حبيب انا تعبانه ماقدر اغني انت غمض عيونك واقرأ قرآن
وتنام
سلمان..بس عشان انتي تعبانه
ابتسمت العنود وحضنت سلمان الي دقايق ونام وفجأه دق جوال فيصل الي استغرب الرقم ورد
فيصل..هلا والله
فيصل..هلا والله بوفهد شلونك عاش من سمع هالصوت
فيصل..خير ان شاء الله بشر ياشيخ يالله قول
طلع فيصل ورقه صغير وبدأ يكتب وبعد شكر الرجال وسكر الخط
فيصل بابتسامه..هذا الله يسلمكم واحد بالجريده موصيه اول ماتوصل لهم النتايج يقول لي قبل
ماتنزل
ام فيصل..بشر نجحوا البنات
فيصل..نجحوا وبيضوا الوجه
العنود بسرعه ....كم جابت اماني
فيصل وهو مبتسم ..خلود ..88% والعروس وزين منها والله 85 %
غدير..فيصل لاتحرق اعصابنا واماني
فيصل ويضحك ..طيب ربع ساعه واقول لكم
ام فيصل..فيصل يالله عاد
فيصل..هههههههههههههههه طيب رحمتكم بقول 90%
ام فيصل..مشاء الله عليها الله يوفقها
فيصل..اوكي الحين بشرتكم بكلم على حمد اقوله
غدير..طيب بكلم خلود
فيصل ..اوكي
قطع الصمت بسيارة حمد صوت الجوال ..
حمد..هلا والله
فيصل..هلا بشر شلون خواتي
حمد..وان شاء طوال الوقت بتصل تقول شلون خواتي
فيصل..هههههههههه لازم اتطمن بصراحه ماضمنك لاتسرع
حمد...فيصل شسالفتك اليوم مانت طبيعي
فيصل..هههههههههههاي طبيعي ميه بالميه وعندي لك بشاره ولاماني بعد
حمد مستغرب..بشاره لي ولاماني
اماني..النتائج طلعت
حمد..مشاء الله كل العائله ذكيه
فيصل..قول مشاء الله ياخي
حمد..مشاء الله المهم بشر
فيصل..شوق جابت 85%
حمد..والله شوق زين منها
نجلاء ..كم جابت
حمد..85 %
نجلاء..طيب قوله انا بشرها
حمد..سمعت ..؟؟
فيصل..وموافق وسلموا عليهم
اماني..وانا
حمد..هههههههههه نسينا اختك
فيصل .. اول قول مشاء الله
حمد..فيصل ترى بسكر الخط الحين طفشتني مشاء الله
فيصل ..احم لحم
حمد..اللهم طولك ياروح
فيصل ..خلاص شفيك قبل مانمشي كنت مبسوط المهم 90%
حمد ويصفر ..مبروك يالدافوره 90%
فيصل..وتلومني ليه قلت قل مشاء الله
حمد..اقول فيصل انا اقترح نوقف اخاف بصراحه تكمل كذا احس انك مبسوط بزياده
فيصل..حمد مع السلامه
حمد..هههههههههههه مشاء الله المهم يالله بنكلم شوق مع السلامه
سكر حمد والتفت على نجلاء..الله يخليك حمد انا بقولها
حمد..طيب بس بحط سبيكر مابفوت فرحة شوق بسمعها
نجلاء طيب اتصل ..اتصل حمد وردت عليه شوق
نجلاء..هلا وغلا بهالصوت
شوق وبصوت عالي ..نجولي حبيبتي شلونك وحشتوني شلونكم شخباركم
حمد..هههههههههه شوي شوي شوق
شوق..هلا والله باخوي حمد مشتاقه لكم برجع خلاص
نجلاء..شوق شخبارك
شوق..طيبه ومبسوطه بس ودي ارجع اشتقت لكم
حمد عشان يقهرها..شوق احنا بالطريق رايحين لطايف ومعنا اماني وساره
شوق..سارونه امون شلونكم
اماني وتقرب ..بخير انتي شلونك
شوق. بخير امون حبيبتي .مابتكلم عطوها التيلفون بقولها كلمه بس
حمدوهو رافع حاجبه ....منهي
شوق..ساره بسرعه
اعطت نجلاء الجوال لساره..هلا شوق شلونك
حمد انهار لما سمعها تحكي ابتسم وسكت ..شوق.سارونه خساره فاتني هالحظه بس لاتنسين
اي شئ اذا رجعت قولي لي
ساره..اقول سلمي على محمد باي
رجع حمد حط عالسبيكر ..شوق عندنا لك بشاره
نجلاء..نجحتي شوق مبروك
شهقت شوق..احلفي كم جبت
نجلاء..كم تتوقعين
شوق وبصوت كئيب..بالسبيعين صح
نجلاء ..لا ياحلوه 85
شوق وصرخت ..محمد نجحت حمودي تعال
حمد..هههههههههههههههه اقول ارفعي السبيكر لايجينا غير حمودي اخاف يجي شئ ثاني
نجلاء وتضحك....شوق حبيبتي خلي محمد المهم انتبهي لحالك والف مبروك حبيبي
شوق..الله يبارك فيك وسلمي عالكل نجلول حبيبتي وسلوم سلمي عليه كثير وبوسيه لي
نجلاء..يوصل مع السلامه
سكرت نجلاء وصاحت
حمد..نجلاء لخاطري لاتصيحين سمعتي صوتها ومبسوطه ليه تصيحين
نجلاء..خلاص بسكت
حمد..كفوا اقول اماني اي تخصص بتدخلين
اماني..ودي بحاسب
حمد..حلو الا اقول ساره انتي ايش تخصصك
ساره بصوت واطي ..علم نفس
حمد..حلو هالقسم يقولون الا راح تكوني ارشادي او اكلينكي
ساره..الى الان ماقررت بس اتوقع اكلينكي
حمد..حلو يعني نتظرك زميله معنا بالمستشفى
ساره..زميله قويه انت جراح
حمد..لا انا حمد ولد عمك
سكت ساره وابتسمت اماني ونجلاء لان حمد قالها بصوت شوي مختلف وكأنه حاب يوصل رساله
ساره..والنعم فيك
حمد..ماعليك زود يابنت عمي الظاهر بيوقف فيصل بالاستراحه لانه اذن الفجر بنزل نصلي
وقف فيصل وحمد وفهد ونواف والكل بدأ ينزل وقبل ماتنزل ساره ونجلاء
حمد..ساره
التفت..نعم
حمد..طوال الطريق وعيني عليك ويدك بنفس الوضع وين كلامنا الي قلنا
نزلت نجلاء بسرعه وتركتهم
ساره..طيب
حمد..وياليت تكسري الحاجز
نزلت ساره بسرعه ونزل حمد وراح لشباب اما ساره ماقدرت تمشي تسندت عالسياره وانتبهت
لها خلود وراحت لها
خلود..ساره شفيك تعبانه
ساره وتنهد..خلود حمد بيذبحني اكرهه اذا كان دكتور
خلود..طيب تعالي نصلي ويصير خير
مشت خلود وساره لكن حمد كانت عينه على ساره لانه خاف لما وقفت وتطمن لما شافها مشت
للبنات
اول مادخلو البنات غرفة الاستراحه على طول باركوا لناجحين وبعدها التفت خلود عليهم
خلود..يالله بشروا بنات
عبير وهي مبتسمه...لو اقول لكم شطلب مني نواف ماتصدقون
الكل ..ايش
عبير..اشتغل معه
غدير..ههههههههههه اقول يالحبيبه شلون تشتغلين معه
عبير..سالفه طويله مامعنا وقت انتي سارونه شصار معك
نجلاء ومعصبه..مابيصير شئ ماتكلم بس ساكته ياعمري ياخوي حاول اخرتها سكت
ساره..يكفي اسمعه
نجلاء وهي تضحك..طيب لاتصيرين انانيه خليه هو يسمعك
ساره..يمكن مايحب
اماني بصوت عالي..سارونه لاترفعين ضغطي بدلعك حرام شكله يحيبك
ساره..طيب خلاص بقوم اصلي
نجلاء..وانتم غدور كيف جوكم
غدير وتبتسم...فيصل مبسوط ويسولف وسلوم اول مامشينا نام
العنود..ههههههههههههههههه حبيبي سلوم اقول غدير شقال عنك
غدير..لا بعدين خلينا نصلي لايعصب فيصل
صلوا البنات وطلعوا لسيارات وكملوا طريقهم حاولت ساره تسولف وشوي شوي قدرت تكون اكثر
جرأه وتكلم
ساره..نجلاء متى تطلع نتايجك
نجلاء..طلعت لي مادتين والباقي مابعد وانتي
ساره..لا ماحب اشوف نتايجي يعني بعد اسبوعين بشوفها
حمد وهو منسجم معهم..افا يعني مو واثقه
ساره وهي مستحيه..لا طبعا واثقه لكن احب اشوفها كامله
حمد..الله عالفجر وجماله
نجلاء..حمد مادريت
حمد..خير
نجلاء..غدير انخطبت
حمد..الا صح قال لنا فيصل اليوم سعد رجال الله يوفقها ان شاء الله عقبالكم يارب
نجلاء..لا اول انت بدور لك بنت الحلال وتزوج بعدين انا اتزوج
ساره سكت بتسمع رد حمد ماتعرف حست ان قلبها انقبض لما قالت نجلاء بتدور له وحده ماتخيل
حمد يكون لغيرها ابدا
حمد بابتسامه..لا نجول لاتعبين نفسك لان انا الي اخترت لنفسي
نجلاء وتناظر حمد..اخترت
حمد ويضحك..لا بختار
نجلاء ..عيني بعينك قول مايسمعون نايمين ساره واماني انا اختك علمني
حمد..لا عادي لو بقول قلت هو بنات عمي وأكيد بيفرحون لي
انصدمت ساره ومسكت يد اماني وحتى نجلاء ماتوقعت رد حمد ايش يقصد بكلامه
حمد..ساره
ساره بصوت مبحوح..نعم
عقد حمد حواجبه ..شفيك تعبانه شفي صوتك
ساره..لا مافيه شئ
ابتسم حمد لانه عرف من صوتها رد فعلها ..طيب بنأخذ رايك عندنا اغنيتين الاول لنوال قول
احبك والثانيه لعبد المجيد تنتظر كلمة احبك شتحبين منها
اماني وهي تضحك حبت تحرجه لانه بيحرج ساره بطلبه ....مايصلح اختار انا
حمد.. ; يصلح بس انا ابي ساره تختار
ابتسمت نجلاء وسكت وحتى اماني اما ساره ماكانت عارفه شو تقول تحس قلبها بيوقف ويدها
ترتجف وكل الي تتمناه انها ترتمي بحضن اختها وتصيح
حمد ..يالله ساره
ساره بصوت واطي..الاولى
ارتفعت عين ساره والتقت بالمرايا بعين حمد وغيرتها بسرعه وبهالثواني تكلمت العيون تكلمت
بلغة الصمت بلغة الحب وصلت رساله منعها الخوف او العادات او الشك وصلتها نظره سريعه
من عيونهم
سكت ساره والكل سكت ولاسمعنا الا صوت المبدعه والمتألقه دائما نوال ..
اما بسيارة نواف ام نواف شكلها غفت وعبير استحت من وجودها وحاولت تعمل نفسها نايمه بس
ماتقدر
نواف..عبير
عبير بخوف..نعم
نواف ..ممكن اسألك سؤال
عبير بخوف اكثر ..تفضل اسأل
نواف ..عمتي لطيفه تغيرت او بس انا الي اشوف هالشئ
عبير كانت تتمنى تصيح ليه يانواف ماحصلت الا انا تسألني..لا تغيرت كثير زمان كانت قاسيه
حيل
نواف..قاسيه حيل شكل القسوه كانت موجهه لك بيوم منها
سكت عبير شوي وبعدها قالت..القسوه ماهي من عمتي لطيفه ولاحصه ولا من اي شخص
نواف مستغرب ..اجل
عبير..القسوه ماكانت الا من رضانا احنا بها
نواف..اسف بس اثرتي فضولي انا بصراحه عشت فتره طويله برا يعني ماعشت معكم
عبير..افضل لك
نواف..اوكي بس خلاص بنغير الموضوع ولابي نبرة الحزن بصوتك احنا مسافرين ونبي نبسط
بكل لحظه
عبير..اسفه اذا ضايقتك
نواف..افا لاتقولين كذا انا الي سألت المهم قولي لي عبير ايش حلمك بهالحياة
عبير ودها تصرخ وتقول حلمي سعادتك انت وبس ..احلامي بقلبي اخاف تطلع وتصطدم بالواقع
المر وبعدها اكون فقدت الحلم والواقع
نواف..عبير اول ماتصحى امي بشكرها تعرفي ليه
عبير باستغراب ..ليه ..؟؟
نواف مبتسم..لانها اختارتك رفيقة الرحله معنا
استحت عبير وسكت اما نواف سكت وبعدها رجع يسولف مع عبير الي اثارة فضوله بكلامها الي
يحمل حزن وخوف امل وتردد ظل يسولف وهي تحس انها مسافره لعالم حلو ومختلف عالم عمرها
ماتخيلت انها ممكن تزوره لو لمدة ساعه فكيف ثمان ساعات كان الوقت يمر بسرعه ولو بكيفها
كان وقفت عقارب الساعه ومنعتها من التقدم ودها تعيش عمرها تتكلم معه تسمع ضحكته وتحس
بوجوده معها حلم السنين يتحقق حتى لو لساعات بالنسبه لها وجودها معه يعني لها فرحه انحرمت
منها سنوات ورجعت لها كأنها ارض انحرمت من المطر واستبشر البذر برجوعه ومزونه ..
اما سيارة ام فهد كانت خلود وفهد وامها سوالف وضحك لكن فجأه حست خلود ان هذا الوقت
مناسب مره انها تكلم فهد
خلود..فهد ماراح تتزوج ..؟؟
ام فهد..ياليت والله تفرحني ولدي
فهد ويضحك ...ليه عندك عروس خلود
خلود وتبتسم..عندي بس انت موافق
فهد..موافق صعبه مو الحين لكن من البنت
ام فهد..ليه يابوي ماتعرس
فهد..اول شئ اذا رجعنا لرياض عندي لكم هديه حلوه وبعدها نشوف ونقر موضوع الزواج
المهم خلود من البنت
خلود..وليه الاهتمام
فهد..هههههههههههه بس اشوف ذوقك
خلود..نجلاء بنت عمي
ابتسم فهد وسكت اما امه قالت..ونعم نجلاء ماعليها قصور
خلود..شرأيك بذوقي
فهد..بنات العم مانقول فيهم شئ ونعم
خلود...يعني
فهد..نوقف ونزل نخبطها من حمد ههههههههههههه خلود قلت لك زواج الحين لا
خلود..يعني معترض عالزواج مو عالزوجه
فهد..المهم الحين باقي لنا اقل من ساعه ونص ونوصل خلاص هانت
سكت خلود وعرفت قصده يعني اسكتي وسكت وابتسمت وارسلت لنجلاء مسج كتبت فيه
" عندي لك خبر حلو اذا وصلنا.. فكري لحد مانوصل " ارسلت المسج وقفلت جوالها
عشان تخلي نجلاء تفكر وتخيل ايش الخبر وظلت تتأمل الطبيعه الحلوه على بداية الطايف ..
اما بسيارة ام صقر ..كانت العمه لطيفه ساعه تسولف وساعه تضحك مع صقر
صقر..يالغاليه مابقى شئ ونوصل
ام صقر..الله هالسفره بتكون احلى شئ سويته بحياتي الله يطول بعمرك يابوي
صقر..ويخليك يمه ولايحرمنا منك المهم الغاليه لاتنسينا تبي عروس خلاص بتزوج
ام صقر..هذي الساعه المباركه ابشر اذا تبي من بنات عمك
صقر..والله ياليت مشاء الله عليهم عيال عمي رجال واكيد خواتهم مثلهم وبنات اصول ويكفي
انهم بنات عمي
ام صقر..ان شاء الله خليني اشوف الي تناسبك
صقر..خذي راحتك الغاليه
اما سياره فيصل كانت ام فيصل خلاص تعبت وحاولت تنام والعنود وغدير يسولفون وسلمان
يصحى شوي وينام شوي
غدير..فيصل بقول بيت شعر ورد علي بيت حسب اخر حرف اوكي
فيصل ..اوكي يالله ابدي
غدير ..
يمين الله لابعثرها مشاعر فيك اذتني ..ولأوريك ا نجوم الليل مختلفه عن نجومي
ولاوطي شيمتك بأرض حروفك فيها سبتني ..ولاخلي الموت يمطر بك مذله داخل غيومي
(لشاعره جرح العيوف )
فيصل...قويه غدور
يغار الما ويتعطش لهمسة صوتك الرقراق ..وانا العطشان وكل شئ اشوفه في عيوني ما
يغار الورد لانبت غلاك بدفتري اوراق ..وانا الوراد واسقيك الكلام الشاعري واضما
(الشاعر احمد المطيري )
غدير ..امم الاف العنود ساعديني
فيصل..مانبي اغاني غدور لانها سهله
غدير..لحظه
العنود بصوت واطي ..اجيك وهمومي مثل هضبة طويق
غدير ..خلاص انا وانتي فريق قولي
ضربتها العنود غدير..طيب اخر حرف
العنود..الميم
فيصل..لا لازم اسمع البيت
غدير..يالله قولي العنود
العنود بصوت واطي ..
أجيك وهمومي مثل هضبة طويق ..وأروح منك كل الامال قدام
ومشيت في درب العمر دون توفيق..لامال لاراحه ولاأرضيت الأنام
ابتسم فيصل وسكت وكأنه يحاول يتذكر بيت شعر وبعدها قال
فيصل ..
مأبي تدرين أني ..
كنت ذيك اللحظه ..محبط ..منكسر..مسكين
وانتي ماتدرين ..
ياعيوني ..أنا اسف
كنت ذيك الليله ..
جاحد ..نعمة الوصل وحنانك
وماتيسر لي من رضاك ..وماك
وسحر الياسمين ..
أنا اسف .واعتذر لك
أعتذر لاحساس شوقك
صبح قلبك..والعطر ..والجمر ..والتين !
انا اسف كثر مافاتني ذاك المساء
من حنانك والحنين ..
كثر ماعمري نقص ذاك المساء
نور ..وسنين
كثر ماخطي عليك ..وانتي دايم تغفرين
( المبدع مسفر الدوسري )
غدير ..وتصفق الله عليك صراحه مره حلوه
ام فيصل ..ماوصلنا
فيصل ويبتسم..صبحك الله بالخير يالغاليه وصلنا قومي شوفي الجو والخضار وعاد الوجه
الحسن انتي اختاري
غدير..ههههههههه طبعا انا
سلمان..فيصل هذي الطايف
فيصل..ايه حبيبي هذي الطايف تونا داخلين لها
سلمان..فيصل فيصل نارنار بيتهم
فيصل ويلتفت ..وين
سلمان يأشر على بيت شكله قديم شوي واحد الغرف فيه شابه نار
دق اشاره وقف فيصل
مسكته امه وبكل خوف ...وين فيصل بتروح لنار
فيصل ..يمه ارجوك يمكن احد بداخل البيت
فتح الباب ونزل وقف الكل بعده
وراح يسرع باتجاه البيت الي انفتح بوقت وصول فيصل وطلعت حرمه ومعها طفل وتصيح كلمها
ودخل بسرعه للبيت وبسرعه لحقوه الشباب ..
((نجد أنا والفخر والمجد أنا ...ماأبي غير من راسه عزيز ))
((أنا الحسا أنا النخيل ... أنا العيون الجاريه ))
((أنا الجنوب دربي عسير... واصبح لابو تركي يسير ))
(( أنا الحجاز ..سيدي ولادونك حجاز ))
(( وأنا مكه ..أنا مهد الهد ى ))
(( أنا طيبه ... مدينه من هدى ))
(( وأنا الطايف أنا ورد الهدا ...وأنا جده على خدي ندى ))
(( أنا الشمال ....صعب المنال ))
كل بلادي
(( تبوكها مع جوفها لك تستخيل ..وشعيب عر بالموده لك يسيل ))
(( ومن نجران ومن جيزان ..وقلب الباحه لك ولهان ))
((أنا اليوم ..واليوم أنا
أناعهد الفهد أحلى العهود..جيل الفهد جيل الفهود
يافهد ياشيخنا ...في يمينك سيفنا
اضرب القاسي يلين ..يتبعك شعب أمين ))
((حكامنا منا ..ياسأل عنا
المليك المفتدى.. والعضيد المقتدى
عز الصديق الي تحاشاه العدا
عبدالله سهم الفرسان ..والسيف القاطع سلطان ))
أهديه لهم ولحبات رمال وطني وذرات هواءه واوراق اشجاره وقطرات بحاره
اهديه لأطفاله وشيوخه شبابه ونساءه ..اهديه لكل من أحب أرضك الطاهره
واهديه لكم احبتي اصدقاء القصه المبدعين ..دائما
الجزء الثامن عشر ...
راح فيصل بسرعه للبيت القديم وبلحظة وصوله انفتح الباب وطلعت حرمه معها طفل تصيح
فيصل..خير اختي شفيه
الحرمه وهي تصيح ....ولدي طلعه الله يخليك ولدي
فيصل...فيه طفاية حريق الحرمه ..
بالمطبخ بالحوش دخل فيصل ولاسمع باقي كلامها دخل بسرعه يتلفت اخذ طفاية الحريق ودخل
البيت يتبع ريحة الحريق لحد ماتوصل للغرفه بمعادله بسيطه اسعفه فيها عقله اتخيل موقع الشباك
وصل فتح الباب بدفعه قويه وحصل الستاير وجزء من الموكيت محترق والولد طايح عند المكتب
طلع الولد من الغرقه الا على وصول حمد ونواف وصقر مسكوا الولد ودخل فيصل يحاول يطفي
النار الي تزداد بسرعه في وقت الطفايه كانت قديمه ماتجاري سرعة النار ..ظل فيصل يحاول
ويحاول يطفي النار ومعه نواف يحاول
اما ام فيصل خافت وهي تشوف فيصل داخل والنار مازالت مشتعله فتحت باب السياره ونزلت
وتبعتها غدير اما العنود حضنت سلمان الي بدأ يصيح خوف من الموقف وهالخوف سيطر على
جميع السيارات
راحت ام فيصل للبا وشافت الحرمه حاضنه الطفل وتصيح وتقول ..انقذوا ولدي
حست ام فيصل فيها وراحت عندها تهديها وفجأه طلع من البيت صقر وحمد وعلى طول دخل فهد
لفيصل ونواف لانه كان برا صعب يترك السيارات وكلها حريم بالشارع ..
ام فيصل وغدير دمسكوا الام الي بدت تصرخ وتصيح وهي تشوف ولدها الصغير غايب وحمد
يكشف عليه ويحاول يطمنها ان ولدها بحالة اغماء بس
ام فيصل بخوف ..صقر وين فيصل
صقر..تطمني خالتي
ام فيصل تقدمت بتدخل البيت ومسكتها غدير وصاحت ام فيصل ..هذا فيصل الغالي يمه وينك
طلع نواف وفهد وفيصل الي واضح ان يده مصابه من الحريق وراح بسرعه لامه
ام فيصل حضنته وبكت
فيصل ويبتسم لها ..ام فيصل شفيك مافيني الا العافيه تطمني
ام فيصل من بين دموعها ..اشوف يدك ابوي
فيصل ويلتفت ويأشر على الطفل..مايستاهل هالطفل حرق بسيط بيدي الغاليه فرحة هالأم
ماتستاهل حرق بسيط ام فيصل
بكت غدير وهي تشوف امها واخوها والحرمه كيف حضنت ولدها لما صحى
ام فيصل من بين دموعها ...الله يخليك لي وافرح فيك ويارب جعل ماسعدت هالحرمه وانقذت
لها ظناها الله يفرحك بعيالك يارب
طلع فيصل والشباب من البيت لكن الحرمه رفضت انهم يمشون وظلت تحاول مع ام فيصل
الحرمه...تفضلوا ياختي خلونا نضيفكم مايصير تصلون بيتنا وتدخلون وتساعدونا ولاتضيفون
ام فيصل..الله يسلمك بس ياختي احنا جاين من الرياض وتعابنين ومشاء الله كثار اعذرينى
اختي
الحرمه وتناظر برا الباب وتشوف اخوها وصل ويكلم الشباب
الحرمه ..هذا اخوي وصل
عند الشباب جاء رجال يمشي على اقل من مهله وعلامات الكبر واضحه عليه وظهره منحني
لكن مع هذا فيه شموخ ورجوله اجبرت الشباب انهم يسكتون احترام له لما وصل لهم
الرجال..هلا والله بالرجال
نواف..هلا بك ياعم
الرجال..شكلكم مسافرين تفضلوا ارتاحوا ياعيالي
فهد..والله ياعم مسافرين بس انتبهنا بشوية دخان وقفنا نشوف وصارت بهالبيت والحمد لله
ماقصر الشيخ
الرجل والتفت عالبيت..صار فيهم شئ
فيصل..لا بس ولد صغير انكتم ولحسن الحظ معنا دكتور والحمد لله مافيه الا الخير
الرجال..الله يعطيكم العافيه ياعيالي ماقصرتوا هالبيت مابه رجال غيري وانا اشتغل بمزرعه
قريبه
الكل استغرب..
فيصل..هذا البيت لك ياعم
الرجال..ايه ياولدي تفضلوا تعالوا خذوا واجبكم
فيصل..تسلم ياعم بس والله لنا ثمان ساعات نمشي ودنا نوصل لان حتى الاهل تعبوا
الرجال..افا ياذا العلم تردوني وانا كبر ابوكم
حمد ..لا ياعم ماعاش من يردك
الرجال ..تفضلوا
دخلوا الرجال مع الرجال الكبير وام فيصل نزلت وكل البنات وجلسوا معها على بساط خفيف
بحديقه صغير بالبيت والكل مبسوط من هالحرمه لانها طيبه وطوال الوقت تناظر ولدها وتدعي
لهم
اما عند الرجال..كانوا الشباب مبهورين بهالرجال الحكيم الطيب رغم كبر سنه
الرجال..الله يحفظكم ياعيالي ويوصلكم بالسلامه
الكل..امين
فيصل..بسألك ياعم انت ماعندك عيال كبار غير الصغيرين الي شفناهم
الرجل وحزن العالم انطبع بعيونه ..الي شفتوهم ماهو عيالي عيال اختي الي مالها غيري بعد
طلاقها جات عندي اما عيالي
شفتوا الطريق الي جيتوا منه هذا رايح وبجنبه راجع لكن كلن راح يدور رزقه ونسوا بيت قديم
ورجال كان اسمه ابو لما كانوا في ثوب قديم
حمد وعوره قلبه من كلام الرجال ....الله يهديهم ياعم
فيصل..ياعم مهما بعدوا ان شاء الله يردهم الطيب الي بداخلك واكيد انزرع بذره صغيره
بقلوبهم يمكن تنمو مع الحب او احيانا الحزن
فهد..اقول ياعم انا من كل قلبي حبيتك وابشر كل يوم بتشوفنا عندك واعتبرنا عيالك
الرجال ومبتسم..يابوي البيت بيتكم وانا باليوم الي يدخل عندي رجال مثلكم واقول هم عيالي الي
افتخر بهم وبرجولتهم وشهامتهم
نواف..تسلم ياعم والله انت الطيب ورجال طيب يفتخر به
فيصل.. ياعم انت رجال فيك الخير والله يعطيك على قد نيتك والحين اسمح لنا نمشي واذا الله
عطانا عمر لنا رجعه لهالدار الطيبه
الرجال..الدار وصاحبه ينتظر طلتكم لاتنسون طريق رايح وطريق راجع
طلعوا الشباب والبنات بعد ماودعوا الرجال الطيب وكملوا مسيرهم لحي الحويه بالطايف للبيت
الي راح يجتمعون فيه كلهم ..
وصلوا الشباب وطلع لهم حارس
فيصل وعاقد حاجبه..من هذا ..؟؟
نواف يضحك..هذا حارس ومعه زوجته وحده بعد ماعرف شتصير وفرها لي واحد حتى
يشوفون شغل البيت
حمد..هههههههههه والله الي بيفرحون البنات لانه مافيه شغل
فيصل ..لا مو كل البنات
فهد..ياخي انا ارحم خواتك ليه ماتأكل من اكل العالم
فيصل ..فهد شرايك تقصر صوتك عشان مايسمعون اخاف يقلبون علي
حمد..اقول انت وياه خلاص تعال فيصل نروح المستشفى يشوفون يدك
فيصل يناظره بطرف عينه ....انا خابرك دكتور
حمد..ههههههههههههه بس ماعملت حسابي انك بتحترق
نواف..اسمعوا انا بطلع اجيب شئ للاكل وانت حمد روح لصيدليه وفهد وفيصل يشوفون البيت
والتنسيق ..
حمد ..اوكي بأخذ سلوم معي
فيصل..هههههههههه حمد لاتسرع اخوي معك
حمد..اقول فيصل يدك تحرقك صح
فيصل يناظر يده ....ايه والله
حمد..عشانك قاهرني خلها تحرقك بتأخر
فيصل...لا ياشيخ شوف لك حل انا ساكت عشان امي بس ماتقلق والله حمد اذا تأخرت بروح
لامي تحط عليها شئ
حمد..هههههههههههههه يالله مع السلامه
دخل فيصل وفهد وصقر للبيت وسلموا على الاهل
العمه لطيفه..بسم الله عليك ابوي فيصل ليه مارحت للمستشفى
فيصل ..بسيطه ياعمه وبعدين معنا دكتور ونروح للمستشفى
ام فيصل ..وينه حمد ونواف ..وينهم ..؟؟
فيصل..وعينه بشكل تلقائي التفت للعنود.سلم مع حمد راحوا لصيدليه يشوف شئ ليدي
ونواف طلع يجيب اكل
ام فيصل ..طيب اجل روحوا ارتاحوا لحد مايصلون
فهد..الا اقول وين غرفنا احنا
صقر..ايه صح وينها
فيصل ويناظر البنات..اخترتوا غرف بنات
غدير..لا مابعد شفنا شئ
فيصل ..تحت فيه ثلاث غرف
ام فيصل ..اجل لنا
ام فهد ..خلا انا ولطيفه بغرفه وانتي وام نواف بغرفه
فهد..حلو الكلام ام فهد
فيصل..فوق فيه ست غرف مستقله كل غرف لحالها والجناح الرئيسي
غدير..ومن بيأخذ الجناح الرئيسي
فيصل ..ماعرف انا مابي
صقر..انا ابي غرفه مابي جناح
فيصل..ههههههههههه شفيك صقر ليه تقولها كذا
صقر..ياخي الجناح للمتزوجين ماعندي استعداد اعيش وحيد
فهد..ههههههههههههههههههههههه حلوه صقر اجل على كذا بنزوجك
صقر..ماعندي مانع موافق
فهد..ماعتقد احد بيأخذه الا كان نواف او حمد
فيصل..غدير احنا نبي ثلاث غرف وانتم ثلاث
ساره..بس فيصل احنا اكثر يعني المفروض اربع ثنين
فهد..اقول تعال فيصل لانرسي على الخيمه ننام فيها
نجلاء..خلاص وافقنا لكم ثلاث واحنا ثلاث
صقر..خلاص اخذنا الموافقه من الشيخه
اماني..الغرفه الي تحت مو لاحد صح
فيصل..ليه امون بتنامين لحالك
اماني ..لا للعنود وسلوم
عبير..لا العنود خليك معنا
العنود..لا احسن سلوم ينام بدري وبكذا بيقيد البنات خليه تحت احسن وانا بكون معكم الا وقت
النوم
غدير..اوكي خلاص فيصل ثلاث ثلاث
فيصل..اوكي اجل بنطلع نختار الغرف
فهد بابتسامه..وياليت غرفنا بالشرق وانتم بالغرب
خلود..وليه ان شاء الله اخوي
فهد..هلا خلود على بالي نايمه وينك لانكم من كثر ماتفتحون الباب وتطلعون وتدخلون تزعجون
الواحد بحياته
صقر.. اول مره ادري عن هالمعلومه
ام صقر..عشانك يابعد عمري عايش لحالك الله يفرحني فيك
فيصل..واحنا ياعمه مابتفرحين فينا
ام فيصل ومبسوطه ....هذي يبي لها عزيمه يافيصل يعني موافق
فيصل ويبتسم ....مو شرط زواج الفرح لشئ ثاني
ام فيصل..رح شف الغرف مامنك فايده
طلع فيصل وصقر وفهد للغرف
طلعوا الحريم بعد للغرف يرتاحون وعلى طول التفت نجلاء عى خلود
نجلاء..خلود
خلود..وجع اسمع خوفتيني
نجلاء..ههههههههه الشيخه سرحانه وين وصلتي المهم ايش البشاره
ضحكت خلود وجلست جنبها وقالت لهم السالفه
نجلاء وجهها احمر..ياختي اخوك احس صعب احد يفهمه
عبير..فهد طيب
قطع كلامهم
حمد..ياهل الدار
نجلاءوتلتفت على ساره..تفضل اخوي
حمد ..السلام عليكم
الكل..وعليكم السلام
حمد..وين العيال
نجلاء..طلعوا فوق
حمد..اوكي على فكره الاكل وصل ونواف مع سلوم بالخيمه ياليت يعني تشوفون الاكل حتى ننام
ونرتاح شوي
نجلاء ..ان شاءالله
مشى حمد وتوه بيطلع من الصاله
نجلاء.. حمد بسألك فيه الجناح الرئيسي ماحد رضى يأخذه شرايك انت
حمد ابتسم وغمز لنجلاء..بشوفه اذا يليق بالي بتسهر بخيالي معي اوكي موافق
ضحك حمد على شكل نجلاء وطلع والكل التفت على ساره الي مارفعت راسها وظلت تلعب
باظافرها وبعدها قامت هي واماني وخلود يشوفون الغرف اما نجلاء وغدير طلعوا يشوفون الاكل
والعنود ظلت ساكته قامت عبير وجلست جنبها ..
عبير..شفيك العنود
العنود..ولاشئ
عبير..لا فيك العنود تكلمي
العنود بحزن..افتقدت عايشه محتاجه لها
عبير..الله يرحمها بس ليه بهالوقت
قطع عليهم صوت جوال العنود رفعته وشافت الرقم وبكل عصبيه قالت..الله يأخذك ويفكني بعد
استغربت عبير..العنود هدي اعصابك وشفيك ومن المتصل
العنود نزلت دموعها وقامت دخلت لغرفتها ودخلت معها عبير وسكرت الباب
عبير..تكلمي العنود شفيك
العنود..ابي عايشه محتاجه حبها حنانها ..اليوم لما شفت الحريق تمنيتها تكون معي حتى
تحضن سلمان حتى تحسسه بالامان لاني عاجزه فاقد الشئ لايعطيه ..تعبت عبير والله تعبت
ساعات احس اني عاجزه حتى عن الاحساس ..اليوم لما شفت ام فيصل وغدير ينزلون يشوفون
فيصل ماكنت عارفه شو اعمل احس اني غريبه مو من حقي اقلق مثلهم لان بالتأكيد راح يفهموني
خطأ ولانا قادره اكون بليده وماحس اكذب عليك اذا قلت لك اني مابكيت خوف على فيصل
لاتقولين تحبينه انتي بعد لكن فيصل بالنسبه لي الشخص الي ممكن يساعدني اني اصون الامانه
الي برقبتي ..آآآآآه لو تدرين عبير عن معاناتي وربي تقولين كيف تحملتي وصبرتي لكن ماقول
الا الحمد لله والله يرحمك ياعايشه
حضنتها عبير وحاولت تواسيها وتركتها وطلعت وقابلتها غدير وقالت لها الي صار
غدير..معقوله بروح اشوفها
فتحت الباب وحصلتها ماسكه مصحف وتصيح ولما شافت غدير
العنود من بين دموعها..هذا الي بقى لي من امي عايشه من اختي عايشه من صديقتي وحبيبتي
عايشه
غدير..العنود تعوذي من الشيطان واذكري الله الله يرحمها ويغفر لها وانتي اقوى من كذا
العنود..لا غدير ماني قويه تعبت خلاص مليت وربي مليت
غدير..من ايش مليتي
العنود..من حياتي
غدير..قومي ادخلي توضي وصلي واطلع يالله العنود اذكري الله الا بذكر الله تطمن القلوب
العنود..لا اله الا الله
شوي وطلعت العنود ولاحظت ام فيصل انها كانت تصيح لكن سكت عنها وتركتها على راحتها
راحت تشوف الباقي وينهم ..
دخل نواف على نزلت العيال من فوق بسرعه خافوا البنات
فيصل بسرعه توجه لتلفزيون وشغلهاوالكل شاف الخبر المؤلم باللون الاحمر ..
خبر عاجل ..هجوم ارهابي بمنطقة الخبر بالمملكه العربيه السعوديه استهدف شركه نفطيه توجه
الارهابين لحي سكني والقتلا 10 مابين سعودين واجانب ..
الكل سكت يناظر التلفزيون يشوف الاحداث ويتحسر على هالحال دخلت ام فيصل وام نواف ولما
شافوا التلفزيون وقفوا مصدومين
ام نواف ..شصار ..؟؟
نواف..مطارده بالخبر ويبدو لي القتلاء 10 بينهم طفل لكن مابعد صدر بيان من الوزاره
جلست ام فيصل وام نواف وصقر دخل يطمن امه ويتصل بأخته دلال واخوه سلطان حتى تتطمن
امه وبعد ماتطمنت الكل اجتمع بالصاله يتابع التطورات المؤلمه ..
فهد..ياخي هالاشخاص الي مغر فيهم ما يعٌون ويفهمون قوله تعالى:
(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً ) (النساء:93).
فيصل..حجتهم قتل الاجانب وللأسف مايعرفون ولايفهمون قوله تعالى
( وَإِنْ أَحَدٌ مِنَ الْمُشْرِكِينَ اسْتَجَارَكَ فَأَجِرْهُ حَتَّى يَسْمَعَ كَلامَ اللَّهِ ثُمَّ أَبْلِغْهُ مَأْمَنَهُ)
وقال رسول الله صلى الله عليه وسلم :
(من قتل معاهدا لم يرح رائحة الجنة وإن ريحها ليوجد من مسيرة أربعين عاما )
ام فيصل ..لو يعرفون الدين كان عرفوا الاحاديث الي منها قوله الرسول عليه الصلاة والسلام
(لو اجتمع أهل السموات والأرض على قتل رجل مسلم لأكبهم الله في النار)،
وقال صلى الله عليه وسلم :
(من أعان على قتل مسلم ولو بشطر كلمة جاء يوم القيامة مكتوب بين عينية آيس من رحمة الله)
صقر..المشكله انهم بأرض طاهر وناس تشهد ان لاله الا الله وأن محمد رسول الله ياخي
المشكله انهم يعملون هالشئ بأسم الدين والدين بريئ منهم يقول أسامة بن زيد رضي الله عنهما
(بعثنا رسول الله صلى الله عليه وسلم إلى الحرقة فصبحنا القوم فهزمناهم ولحقت أنا ورجل
من الأنصار رجلا منهم فلما غشيناه قال لا اله الا الله فكف الأنصاري فطعنته برمحي حتى قتلته
فلما قدمنا بلغ النبي صلى الله عليه وسلم فقال يا أسامة أقتلته بعدما قال لا اله الا الله قلت كان
متعوذا فما زال يكررها حتى تمنيت أني لم أكن أسلمت قبل ذلك اليوم)
ماعرف كيف يقتلون مسلم صايم مصلي
حمد..الحمد لله رب العالمين المملكه أرض طاهره تطبق الشريعه الاسلاميه الصلاة مقامه
يكفيها انها لاتفرق بين أحد فالشرع منهجها يكفي أن القضاء يطبق بظل التعاليم الاسلاميه ارض
تقفل جميع متاجرها اذا ارتفع صوت الاذان ارض اهلها مازالوا متمسكين بالشرع ومطبقينهم
حلقات التحفيط بكل حي مراكز توعيات الجاليات بكل مكان الكتب الدينيه والنشرات بكل مكان
لكن للأسف هالاشخاص مايعرفون انهم يسيؤن لدين..و المملكه سباقه للخير ونشر الدين كم
مسجد بني بكل دول العالم وكم ندوات عملت كيف الدعاة كانوا يتنقلون بهدف نشر الدين كيف
المملكه كانت سباقه للمساعده لكن هؤلاء مادركوا انهم بتصرفاتهم يشوهون الدين ويشغلون
الدوله الطاهره عن النظر لقضايا الامه الاسلاميه للأسف انهم من ابناءنا لكن نسأل الله لهم الهدايه
فهد..بهالوقت لازم نقول لهم لانهم معنا دائما بقلوبهم
قوه ياراعي السيف ياكويتي
تشيلك عيوني قبل بيتي
بسيوف جابر ياهلا
باين من عيوني الغلا
حمد.
.قولوا للغالي ..قولوا حياك
حي من جانا من البحرين
اخوي وافرش له جفون العين
هذا حمد طيبه على كل محياك
طيب غدى للطيب رمز وعين
صقر .
.هلا وغلا بالي يفاخر به حمد
ولد قطر يانا مثل ويه السعد
يايب لنا صوغه وياصوغة قطر
سلام احلى من الشهد واصفى بعد
نواف ..
ارمس بلهجة هلي
مرحبا بعيال زايد
بالله مو باين علي
احتري ملهوف وايد
يامارات الامان
ديره تشبها الاماني
سابقت حتى الزمان
واسبقت حتى الثواني
فهد..
اهلا اهلا بك وياحياك..فارس شهم قدوته قابوس
ياعمان يوم الكريم اعطاك ..شعب من الجود كله روس
تعٌلم المجد مشى خطاك ..لأعلى القمم والدروب دروس
فيصل .
.أنا إلى يسقى الجود جودي
أنا ارضي اطهر هالوجودي
والغيم يتعلم صعودي
أوفي قبل تسمع وعودي
وأنا كل من حولي شهودي
سيفي وأقلامي وشهودي
الكل ..أكيد أكيد أكيد ..سعودي
( خليج الكبرياء للمرحو بأذن الله طلال العبدالعزيز الرشيد )
فيصل ..تعرفون شو المفروض نقول لهم
الكل..ايش
نحمد الله يوم حكامنا "آل سعود"...قومواشرع الله وحدو فرد وصمد
ويامفجرة المنازل ومفزعة الرقود...ياخفافيش على غيها تمشي وحد
تسمعون لجاهل وحاسد ونذل حقود...وتركون الحق في "قل هو الله احد" تتبعون اريا النصارى واباطيل اليهود...لين صرتولاحميه ولافيكم رشد
لكن ورب خلق هود مع عاد وثمود ...ومنطق عيسى بن مريم وهو وسط المهد
ماعلينا من خنازير وعيال القرود...وماعلينا بفاسد الرأي لامنه فسد
نتبع السنه ولاعن هل السنه صدود ...ونحفظ القرآن بقلوبنا قبل وبعد
مانبي حزب اشتراكي ولاحزب الليكود ..ولانبي من راعي " الكونجرس "وعد وعهد
الملك هو فهد والشعب من حوله فهود ..كان قام نقوم بأمره ونقعد لاقعد
( لشاعر عارف بن سدران)
حمد..ونقول بأعلى الصوت
حنا على العادات وصانا فهد
اسمه يكفينا عن وعود وعهد
وان قلت ابو متعب لهمك ارتعد
هذا ولي العهد زيزوم الهدد
وان قلت ابو خالد لعسرك ابتعد
يحرى بكل الطيب سلطان السعد
وان قلت انا سعودي وامي هالبلد
اقول اناشهد انها جابت ولد
( خليج الكبرياء )
الكل سكت بعد يتابع الاحداث الى ان قالت العمه لطيفه وهي طالعه
اللهم من أرادنا وأراد بلادنا وشبابنا ومقدساتنا وعقيدتنا بسوء ، فأشغله في نفسه ، ورد كيده في
نحره ، واجعل تدبيره ، تدميرا له ، يا قوي يا عزيز .
الكل ..آمين
طلع الكل للخيمه ولاظل غير البنات والحريم والكل انسدت نفسه بعد هالخبر المحزن والمؤلم توجه
الكل بعد العصر لغرفته حتى ينام بعد تعب السفر وروعة وخوف الخبر المؤلم العاجل ..
دخلت العنود وحضنت سلوم الي كان مو راضي ينام فرحان يبي يطلع لكن بعد محاولات نام سلوم
وكان البيت غارق بالسكون الكل نايم و على اذان المغرب الكل صحى للصلاة ورجعوا ناموا
ماعدا الحريم جلسوا يتقهون وبعدها جلسوا يسولفون لحد الساعه 11 والبيت غارق بالسكون
دخلوا ينامون لانهم مانموا زين وعالساعه 12 صحت خلود وصحت البنات ونزلت للعنود وصحتها
وبكذا يكونوا البنات اول من صحى اجتمعوا بالصاله وابتدت السهره بعد ماتبرعت العنود ونجلاء
واماني يعملون لهم الاكل ..وعالساعه 2 الفجر صحوا الشباب وبدوا ينزلون واحد وراء الثاني
طبعا كل واحد ينزل يطلب طلب ويطلع للخيمه
خلود..ههههههههههه كلهم طلبوا شاهي واحد يكفي
عبير..حرام كل واحد مايعرف ان الي قبله طلب
نجلاء..الحين بينزل حمد بس مابيطلب شاهي
ساره..ليه
الكل ضحك لان ساره اهتمت بشكل جدي ..
نجلاء..حمد مايشرب شاهي اذا توه صاحي
وفعلا نزل حمد وسلم وطلع بس اخذ كأس مويه من المطبخ وطلع للخيمه
اماني..وان شاء الله بنجلس كذا قوموا نلعب
العنود..شتلعبين بالفجر امون
اماني ..اي شئ
ساره..اقول بالغرفه فوق بالسطح فيه لعبه رهيبه شفتها بس ماتحبها غدير
غدير ..منبولي صح مابلعب
نجلاء..انا بلعب يالله نجيبها
عبير..اوكي وانا بلعب انا بروح معك يالله
طلعت عبير ونجلاء والعنود كانت هي وغدير يتفرجون عالمجلات اما ساره كانت سرحانه ولا
انتبهت الا بصوت فيصل عند الباب الخارجي ينادي عليها وطلعت له
فيصل..هلا سارونه كيف الوضع كل شئ اوكي
ساره..الحمد لله
فيصل..حلو ساره بكرا العصر موعدنا للمستشفى
ساره من غير نفس ..طيب
فيصل ويمسح رأسها..سارونه مابي اشوف هالحزن بنروح انا وانتي وحمد للمستشفى وننسق
كل شئ ونختار الوقت الي يناسبك
ساره ومبسوطه ومتضايقه..طيب اوكي
فيصل..سارونه اطلبك طلب
ساره بابتسامه..امر
فيصل..ابي بندول معي صداع وكأس عصير الله لايهينك
ساره..ان شاء الله بنعمل عصير لنا ولكم
فيصل..تسلمون يالله اذا انتهيتي عطيني دقه واجي اخذه
ساره ..طيب
دخلت ساره وحصلت البنات مجتمعين بيلعبون وقالت لهم عن طلب فيصل وراحت العنود وغدير للمطبخ يعملون العصير والباقي جلسوا يلعبون العنود جلست عالطاوله وغدير بدت تعمل العصير
غدير..عنوده خلاص عاد ابتسمي
العنود..خلاص غدور كنت متضايقه لكن الحين خلاص ارتحت يكفيني وجود خالتي والله نظره
منها تريحني احسها مثل امي الله يخليها
غدير..العنود انتي طيبه وصدقيني انتي منا وفينا بس لاتصيرين حساسه زياده عن اللزوم اوكي
العنود..ولايهمك تعالي متى شبكتك اذا رجعنا
غدير بابتسامه ..ايه وبأخذ فستاني من جده وعدني فيصل
العنود..الله يوفقك يارب
غدير..تسلمين حبيبتي العنود دقي من جوالي على فيصل دقه
اعطت غدير العصير لفيصل واخذت عصيرهم عند البنات وجلسوا سوالف وضحك ولعب وعالفجر
بعد ماطلعوا الشباب للصلاة كل البنات راحوا للخيمه بيذبحهم الفضول ماشافوها
اماني..الله جرايد بأخذها
ساره..ومجلات خلينا نحتلها
نجلاء..خيمتهم حلوه ليتهم يطلعون نجلس فيها
غدير..تعالوا نطلع لايجي احد
العنود..الجو حلو خلينا نجلس بالحديقه الي خلف البيت يالله بنات
طلعوا البنات وجلسوا بالحديقه والجو كان رائع
وعالساعه ثمان الصبح كل البيت كان صاحي اجتمعوا الاهل عالفطور بسوالف وجمعه حلوه وفجأه
دخلت الخدامه
الخدامه..ماما لطيفه فيه رجال يبغى انتي
العمه لطيفه..انا من هالرجال
ام فيصل..خلي احد يطلع له من العيال
لطيفه قامت لشباك..وضحكت وقالت للخدامه ..خليه يدخل بسرعه
والتفت عليهم..هذا سلطان مايخالف تغطوا يابنات رجولي مافيها انزل له
سلطان..احم احم ياهل البيت
لطيفه وبفرحه..هلا ابوي ادخل
دخل شاب بالخمسه وعشرين من عمره تقريبا وسيم ماهو حلو لكن فيه جاذبيه وشكله مو سهل حب
رأس امه وسلم عليها
لطيفه ..ليه ماقلت لي انك بتجي
سلطان مبتسم..حبيت اعملها مفاجأه ولتفت عالي جالسين
سلطان..السلام عليكم جميعا خالتي ام فهد وام نواف وام فيصل صبحكم الله بالخير
ام نواف..هلا والله بسلطان عاش من شافك
سلطان..هلا خالتي عاشت ايامك مشاغل الدنيا
سلطان..هلا بنات العم شلونكم عاد اسمحولي ماعرفكم لكن ان شاء الله انكم بخير
ام فيصل..هلا فيك مابتعرفني انا ام فيصل شلونك ابوي
سلطان..بخير يامال الخير بشريني عنكم ياخالتي
ام فيصل ..بخير ونعمه تفضل اجلس ياولدي
سلطان..الشباب وينهم
ام فيصل..بالخيمه
سلطان ..اجل اسمحوا لي بروح لهم عن اذنكم ..يالله الغاليه بروح اسلم وابشرك بجلس معك
هالشهر كله
العمه لطيفه..والله ابركها من ساعه ابوي
طلع سلطان والبنات ودهم يعلقون لكن احترموا نفسهم وسكتوا لحد مايخلى لهم الجو
تعرف سلطان على فيصل وسلم على عيال عمه الي من زمان ماشافهم وجلس معهم وسلطان بطبعه
اجتماعي وصريح وانسجم معهم على طول ..
وعلى صلاة العصر طلعوا الشباب للمسجد والكل راح غرفته الي يصلي ويرتاح والي يسولف
بغرفة ام فيصل وام نواف بعد الصلاة جلسوا يسولفون شوي
ام نواف ..اقول نوره شرأيك بعبير لنواف
ام فيصل وتبتسم..اقول الصدق ولاتزعلين
ام نواف وترد الابتسامه..مابزعل قولي
ام فيصل..يا أم نواف انتي بتزوجين نواف حتى ينسى صح وكلنا نعرف ان نواف توه ماله فتره
من قدر يرجع مثل قبل ونواف ونعم فيه ماعليه كلام بس عبير بنت طيبه وحبوبه وحلوه وتستاهل
كل خير وتبين الصدق حرام تزوجيها نواف وهو بقلبه وحده ثانيه للحين
ام نواف تبتسم..يام فيصل نواف رافض الزواج بس تبين الصدق انا بقول لك الي صار
ام فيصل..قولي
ام نواف..عبير تحب نواف
ام فيصل ..شلون عرفتي قالت لك
ام نواف..سمعتها يومكم عندي تتكلم مع غدير وعرفت انها تحبه من ايام خطبته لدلال وانها
ماتبي غير سعادته
ابتسمت ام فيصل..غريبه مابان عليها
ام نواف..والله عبير تستاهل كل خير وابيك تساعديني
ام فيصل مستغربه شلون..
ام نواف قالت لها عن عرض نواف لشغل على عبير
ام فيصل..بس انا ماقدر اجبر فهد ولاحب احرجه
ام نواف..لا ماقصد كذا خلي فيصل يقنعه
ام فيصل ..ايه كذا مايخالف الحين اذا رجع اقوله ولايهمك احنا بذيك الساعه يام نواف
ام نواف..تسلمين يام فيصل والله يفرحك بعيالك يارب
ام فيصل..امين يارب وياك
طلعت خلود تكلم الحارس وتطلب منه يروح يجيب لها اغراض من الصيدليه وهي عند باب المطبخ
الخلفي دخل سلطان وارتبكت لكن كملت كلامها مع الحارس وتوها بتدخل
سلطان..هلا يابنت العم
خلود بصوت واطي..هلا بك
سلطان..اسمحي لي ماعرفتك
خلود..خلود
سلطان..ياهلا يابنت العم الظاهر البيت كله رجال ومايضر لو طلبتي منا او احد الخدامات يكلم
السواق بدل منك والا انا غلطان
خلود تقول بخاطرها شسالفته هذا..ماعتقد انها جريمه عادي يعني
سلطان وبدأ يعصب..لاسمحي لي يابنت العم ماهو عادي
خلود وانقهرت منه..طيب مره ثانيه بأخذ الاذن من فهد قبل ماكلم السواق
سلطان وصلت معه منها ...وصلت اشارتك يابنت العم بتقولين مالك دخل بطريقه غير مباشره
خلود..عن اذنك
دخلت خلود وهي تغلي منه اما سلطان كان وده يذبحها لكن ماعرف كيف يرد لها كلامها لكنه
حطها بالها واذا حط احد باله ياويله مايتركه الا اذا اخذ حقه ..
طلعت ام فيصل وحصلت البنات يضحكون على خلود الي معصبه من حركة سلطان
ام فيصل..ساره اتصلي بفيصل خليه يجي للحديقه ابيه بسالفه
غدير وقامت لامها ..يمه ليه شعندك
ام فيصل ..غديروه اتركي عنك اللقافه عندي سالفه ماتخصك
ساره..ولا انا يمه
ام فيصل ..ولاوحده فيكم يالله عاد بسرعه
طلعت ام فيصل وجلست بالحديقه وصل فيصل وجلس مع امه وبعدها قالت له امه
ام فيصل..فيصل بقول لك شئ لاتقول امي كبرت وخرفت
فيصل ويضحك..افا ما عاش من يقول عنك كذا الغاليه امري
ام فيصل ..فهد ولد عمك
فيصل..شفيه
أم فيصل ..نواف عرض على عبير تشتغل معه وأبيك تقنعه يوافق
فيصل ورافع حاجبه..صعبه يمه
ام فيصل وتبتسم..بس اذا اقنعته بتسعد قلبين
فيصل ويبتسم..قلبين مين يالغاليه ابتسامتك لها معنى
قالت ام فيصل له كل السالفه
فيصل..هههههههههههههههههههه ان كيدهن عظيم
ام فيصل وتضربه ..خس الله عدوك
فيصل ويبتسم..امزح الغاليه ابشري مادام السالفه فيها حب مابنقصر واعتبري الموافقه وصلت
ام فيصل..يعني لازم يكون فيه حب عشان تحاول
فيصل..ههههههههههه الحب دافع حلو يالغاليه
ام فيصل وتضرب ايدينها على بعض ....وليه ماتحب ياحظي
فيصل .. هههههههههههههههه شفتي يالغاليه الله عطاك ولد مايعرف الحب
ام فيصل ..لايعرفه بس مايشوف زين
فيصل ويضحك..الغاليه ابشري ان شاء الله بيتم كل شئ على خير وانا برجع لشباب تامرين
على شئ
ام فيصل..ايه انحاش مثل كل مره
فيصل ..يالغاليه
وقطع كلامه سلمان الي طالع من البيت ينادي عليه وهو يركض ويضحك وعلى طول فتح له يدينه
فيصل وحضنه
سلمان..عنوده بتأخذ مني الحلاوه
فيصل ومن فرحته بضحكة سلمان التفت عالباب ..
فيصل وهو مبتسم ..ياعنوده خليه يأكل حلاوته
سلمان..عنوده
العنود وقفت وفيصل التفت على امه وهو مستحي من زلته وضحك ونزل سلمان ومشى
ام فيصل ..فيصل
التفت فيصل ..سمي
ام فيصل تبتسم ..الله بلاني بولد مايعرف يحب
انتظروني في البارت القادم تحياتي
|