 |
  |
|
|
|
11-30-2011, 07:15 PM
|
#1 |
|
:: كاتبة قديرة :: |
الــChocolate Chip sبطريقة الشيف لطيفة وبالصور
هنا شكل الكوكيز النهائي بعد ما خرج من الفرن  المقادير دي صورة للكل المقادير مع بعض  1 كوب شوكلاتة هيرشي الصغيرة اوي - 3/4 الكوب من الزبدة الطرية  وده شكل كيس الشوكلاتة وأشهر نوع هو الهيرشي وفي نوعين شوكلاتة بالحليب وشوكولاتة نصف محلاة انا في البسكويت ده بفضل النصف محلاة  ده شكل حبوب الهيرش وترجمتها بالعربي قبولات هيرشي  1/2 كوب سكر بودرة أبيض - 1/2 كوب سكر بني فاتح  لو حبيتي الكوكيز يبقى زي الجاهز ممكن تستخدمي الشورتنج وحيبقى المقدار ربع كوب من الشورتنج ونص كوب زبدة بس انا استخدمت كل المقدار زبدة وبرضو جربت الي بالشورتنج والانتين احلى من بعض - 2 بيض البيض الي عندي كان حجم صغير فاستخدم 2 بس لو البيض الي عندك كبير كفاية 1  2 كوب دقيق فاخر منخول  1 ملعقة كبيرة باكنج باودر - رشة ملح - فانيليا للنكهة  مواضيع ذات صلة |
|
11-30-2011, 07:16 PM
|
#2 |
|
|
رد: الــChocolate Chip sبطريقة الشيف لطيفة وبالصور
الطريقة توضع الزبدة والسكر البودرة الأبيض والبني في طبق غويط وتخفق كويس جدا  وحيبقى شكلها بالصورة دي قوام المزيج كريمي وكثيف  بنضيف البيض والباكنج باودر والفانيليا ورشة المحل ونخفق كويس  وحيبقى شكلها كدة ولونها حيفتح أكتر وتبقى ناعم اكتر بسبب البيض  نقلتها لطبق أكبر علشان أخذ راحتي في العجن والكمية ماشاء اللة كبيرة وتضفت نص كوباية الشوكلاتة الهيرشي  وغيرة سلاح الخفاقة بسلام العجن حسب الماكنة الي عندك .  ونمعجن عادي على سرعة متوسطة مش قوي علشان الشوكولاتة ما تتكسرش مننا  نضيف مقدار الدقيق دفعة واحدة  وحنضيف باقي النص كوب من الشوكلاتة الهيرشي بس نخلي كم حباية على جنب كدة وحنعرف ليه .  ونواصل العجن على السرعة المتوسطة وبالراحة خالص وما ننساش نجيب الجناب علشان ننزل الدقيق الي بيلزق  وده شكل العجينة بعد ما انتهينا متماسكة وطرية  وهنا خدت حتة علشان أرويكم طرية بس متماسكة جدا  |
|
11-30-2011, 07:17 PM
|
#3 |
|
|
رد: الــChocolate Chip sبطريقة الشيف لطيفة وبالصور
تشكيل الشوكليت كوكيز : حندخل العجينة للثلاجة لمدة نص ساعة تقريباً  وحنشكل الكويكز على شكل دوائر متساوية بالصورة دي وممكن تشكيلة بإستخدام مغرفة الايسكريم  ويترص في صواني ونخليه بعيد عن بعض علشان بيفرش ويبقى دائري وسميك  فاكرين الشوية الهيرشي الي شلناهم على جنب حنرجع نلزق حبيتين تلاثة على الوش بالصورة دي   وهنا صورة أقرب للكوكيز بصو جميلة إزاي  طريقة خبز كوكيز الشوكلاتة : نسخن الفرن على حرارة 130 وهي حرارة هادية لمدة عشر دقايق ونحط الصواني في الرف التحتاني ونشقر عليها بعد 8-10 دقايق حنشوف إنها ساحت وبقى بسكويته تخينة وهو الشكل المعروف للكوكيز . وده شكل البسكويت الي ما حطتش على وشة شوكولاتة هيرشي   وده شكل الي رصينا عليه الشوكليت شيب . بصراحة انا بموت في البسكويت ده عشان هش من برى وطري ولذيذ من جوة وبخليه يدوب بالراحة في بقي  . بعد ما تطلعية من الفرن سبية في الصواني لحد ما يبرد خالص خالص علشان تعرفي تشيلية من غير ما يتكسر منك . وبعد كده رصية في صينية تانية مفرودة وسبية لحد ما القشرة الي برى تبقى مقرمشة . وأسيبكم مع الصور النهائية للشوكليت شيب كوكيز    ودي صورة مقربة للبسكويت الي ما حطناش على الوش شوكلاتة بس الشوكلاتة الي جواة باينه من برى لاحظو  وده الشكل من قريب خالص  وده شكله من جوة جميل ورائع ما يتشبعش منه .  منقول |
|
12-02-2011, 05:02 PM
|
#4 |
|
|
رد: الــChocolate Chip sبطريقة الشيف لطيفة وبالصور
تسلمين يا قمر ابدعتي شكرا لك |
|
12-03-2011, 01:25 PM
|
#5 |
|
|
رد: الــChocolate Chip sبطريقة الشيف لطيفة وبالصور
وانتي نورتي
|
الــChocolate Chip sبطريقة الشيف لطيفة وبالصور