|
|
التعامل مع الزوج و العلاقة الزوجية تعقيب على موضوعي بليز ياالمتزوجات نصايحكن لاتبخلن علي بالنصايح ضروري ادخلن الله يرحم والديكن يوجد هنا تعقيب على موضوعي بليز ياالمتزوجات نصايحكن لاتبخلن علي بالنصايح ضروري ادخلن الله يرحم والديكن العلاقة الزوجية Marital relationship و حياة زوجية سعيدة Married life مشاكل الحياة الزوجية و الحلول الثقافة الزوجية السعادة الزوجية حقوق الزوجين |
|
03-16-2012, 12:33 AM | #1 |
:: كاتبة نشيطة :: |
تعقيب على موضوعي بليز ياالمتزوجات نصايحكن لاتبخلن علي بالنصايح ضروري ادخلن الله يرحم والديكن
السلام عليكم ورحمة الله وبركاته
كيفكم بنات طبعا هذا رابط موضوعي قبل http://fashion.azyya.com/213586.html والعذر والسموحه على التأخر بالرد اليوم رجعت من جديد اكمل باقي احداث قصتي لكن قبل كل شي كل الشكر لكل من ردت على موضوعي ربي يوفقكن جميعاً ويجمعنا بجنته يارب وحبيت احط خبر برضوا قبل ماابدا موضوعي الحمد لله ولدت قبل 20 يوم وجبت لين الله يحفظها ويصلحها يارب بعد مارجعت من عند اهلي وذكرت الموقف اللي حصل عدم سلامهن مشيتعلى نفس السلوبي قبل + بنصيحة حدى الأخوات ربي يسعدها لكن مثل ماهم ولاكأني اسوي شي زوجي كذلك نفس الطبع وانا جالسه احاول بكل مافيني اغير الطباع فيهم عمة زوجي انتقلت هي وعياله عن البيت اللي أحنا فيه وارتحت منهم فصارت عندي خالتي و2 من خواته مو متزوجات << طبعا المتزوجات مثل ماقلت قبل مايمر يومين الا وهن عندنا واذا ماجن كانن يرسلن عيالهن عندنا وانتن اعرف بأزعاج الأطفال زوجي نفس طبعه عصبي اغلب وقته تارك البيت يابدوام ياعند اصدقائه لدرجة والله احيانا ينام برا البيت وهالشي كان يقهرني كثير والسبب انه مو لاقي راحه بالبيت << وبالشي ذا ماقدرت اوفر الراحه له شي خارج عن ارادتي يابنات جد ماتتوقعن الازعاج عندنا في البيت كيف لاتقلن حاولي حاولت بس مابيدي حل ماعندي احد يساعد على الأطفال احاول بعيال حمواتي بالحيله مثل عملي مع عيال اخواني لكن مستحيل يهدون >> المهم بعد مانقلت عمته عنا تقربت لحمواتي وخالتي اكثر كانت تجيني كم كلمه منهن تسم البدن وكنت اسكت وابلعه والله احيانا غصب دموعي تكون على وشك الأنهمار منهن لأن جد حكيهن يسم البدن انشغلن حمواتي بالدراسه وكنت استغل الفرصه اللي يكونن برا البيت مع خالتي اتقرب له وكان عمي يساعدني بالشي هذا الله يسعده والله يابنات انه كان مثل البلسم لي اللي يخفف علي كل شي بكلامه ودعائه الله لايحرمني منه << ليت زوجي مثل طيبة عمي " أبوه " بدت تخف خالتي اسلوبه عن اول معي وبعده حمواتي استقبلهن اذا جن من برا اضحك اسولف معهن اساعدهن بأعمالهن من بحوث وغيره وقدرت اكسبهن << للمعلوميه بنات وربي ماتغير طبعي معهن عن اول لكن هن بدن يخفن من راحت عمتهم عنا << وربي صادقه فيها مادري علتهن من عمتهن او ايش جد مادري خواته المتزوجات مازالت علاقتي معهن فيه نوعا ما توتر مع انن جالسه احاول بكل مافيني اتقرب لهن أكثر وحاطه أملي بالله ان بيوم من الايام مثل ماكسبت بفضل الله ثم نصايحكن خالتي وخواتهن بكسبهن بإذن الله زوجي وآآآآآآآآآآآآآآآآخ بس من زوجي هذا لوحده مشكله لحاله جاف بقوه مع اني احاول بكل مافيني اكون الزوجه اللي يبيه وربي يابنات مايشوفني شي قدامه ولا اي شي اسويه يعجبه نظرات السخريه اللي اشوفه منه تذبحني احياناً اتمنى اقوم احوس وجهه يقهرني بنظرته نفسيتي جداً زفت بسببه حتى لما جبت بنتي لين حسيته فرحان الا بيطير من الفرحه لكن لما جت عيني بعينه هي هي نفس النظره والابتسامه الكريهه اللي يشوفن ويبتسم لي فيها حتى لما قال مبروك كرهت هالكلمه منه ذاك اليوم خنقتن العبره يوم شفت نظرته توقعت بالخبر ذي بيتغير وبيترك هالنظره المنرفزه حتى مكالماته حاليا " طبعا انا عند اهلي فترة النفاس " مستحيل يقول كيفك او يسأل عني اذا كلمن يسأل عن البنت واذا محتاجه البنت اغراض او لا انا مافيه اي شي يخصن عنده << ذابحني يابنات وذابح كل احساس فيني صرت بعد اي مكالمه اجلس ابكي من القهر وكل ماتذكرته وتذكرت حياتي معه اجلس ابكي حتى بنتي صرت مااحب اشوفه << خواتي وامي يقلن مانتي صاحيه فيه احد يرفض ضناه صدق صدق ماابغى اشوفه مادري لما اشوفه انقهر << هي اللي رابطتني فيه ماابغى تجربة صديقتي تصير فيها + لما اشوفها تذكرني بزوجي وحياتي معه >> قبل كم يوم ارسلت له رساله شوق من تعبيري انا << الأخت تكتب بالفصحى تدرون شرد علي رد يضحك << يابنات جد احسه يتمهزا فيني او آخذني كذا مادري انتن ماتتوقعن نظرات السخريه اللي اشوفها منه وابتسامته اللي تنرفز معي انا بس مع الباقين عادي شخص غير ومعي غير مادري شسوي معه جد جابلي الأمراض هالرجال :(:a2: مواضيع ذات صلة |