ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات طويلة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات طويلة روايه خلك على خبري كما ريحه العود.. يوجد هنا روايه خلك على خبري كما ريحه العود.. روايات سعودية افضل روايات طويله long novels رويات بنات للجوال و روايات حب رومانسية TXT

فساتين العيد


 
قديم   #21

لؤوؤسي


رد: روايه خلك على خبري كما ريحه العود..


روايه خلك على خبري كما ريحه العود..

فهد وفي باله ((تلعب على الحبلين ولا وش السالفه
فهد.. لا الحمد الله بخير
ريم بشوق.. فهد وينك ((وكانت ريم تكلمه بكل دلع ريم مررره دلووعه وخاصه بالمكااالمات حتى مع صديقاتها وحتى خوياتها مايخلونها هي الي تطلب من المطاعم دايم هوشات مع شوق على هالسالفه....
فهد خق.. هاااا... انا هنا قلبي (((ماقدر يمسك حاله
ريم نحرجت...ههههههههههه طيب
ريم مره انجرت واستغرب فهد منها بس رجع لشدته
فهد.. ليه تبين شي
ريم مررره منزعجه من هالأسلوب كأنه يكلمها اول مره
ريم... آآآ كنت ابيك تجي تاخذ الشنط
فهد وحب ياخذ حقه وده يقهره بكلمه او شي
فهد برود.. طيب يعني وش اسوي
ريم مستغربه.. ابيك تاخذهم تجي تاخذهم
فهد... يعني تبين تطلعيني بهالوقت عشان اجي اخذ شانطك خلاص خليهم لبكره
ريم هنا نصدمت من هالرد وخاااااصه انه يكون من فهد فهد هذا الي كان مايرضى الهوا يزعلها يكلمها بهالأسلوب
فهد ماكان متعمد بس كان من جد يبي يقلل حبه لريم الخيانه ويرد حقه
ريم تضايق من سلوبه ومستغربه بنفس الوقت..لا بس قلت يعني عشان مايكون في تعب وقت السفر وكذا
فهد.. لا عادي خليهن عندك ماراح تطير الطياره عنهن
ريم تتكلم وهي معصبه... فهد شفيك احسك مو على بعضك
فهد برود.. لا عادي وش فيني مافيني الاالعافيه
ريم.. اكيد فهد
فهد.. ريم خلاص قلت لك اكيد
ريم.. طيب بس مادري حسيت كأنك تعبان او شي
فهد.. لا لاتعبان ولا فيني شي
ريم.. انشالله مايكون فيك شي
فهد وفي باله منك ياريم فيني كل شي ياما حبك ذبحني وبألأخبر خنتيني
فهد.. لامافيني الا العافيه بس تبين شي ودي انام
ريم من جد كانت مرررررررره مصدومه ودها تبكي يعني بعد ماحبته يصدمه بهالمكالمه
ريم ودها تبكي.. لا سلامت قلبك مابي شي
فهد.. اوك اجل اخليك لاني بانم الحين اشوفك بكره
ريم.. اوك تصبح على خير
فهد.. وده يقولها وانتي من اهل الخير ياقلبي ياعمري بس كبريائه اكبرمن انا ريم تذله
...فهد... واانتي من اهل الخير
ويقفل من ريم وريم كانت منجد مصدومه حتى لما سكرت منه جلست تضحك ... ههههههههههههههه ياربي انا بحلم ولا بعلم هذا اكيد مو فهد
يالله مو طبيعي
تاخذ جوالها وتتصل على شوق
شوق.. هلاا والله وغلا مانمتي
ريم.. لامانمت
شووق خافت... بسم الله وش فيك متضايقه كذا عسى ماشر عادي انشلله بيقضىى بكره
ريم وتطيح دمعتها... شووق شكل فهد ماعاد يبيني وشكله درا اني حبيت وااحد غيره وشكله عرف بكل شي
شوق ماتت خوف.. امااااااااااااااااااا عااااااد جد وش دراك
ريم.. كلمته قبل شوي وربي ياشوق انه شوي ويقولي انتي طالق
شوق. ...أنتي من جدك تحكين فهد فهد الي حنا نتمسخر على حبه لك
ريم.. ايه فهد فهد هذا الحين يوم اني حبيته شوفي وش صار
شوق... غريبه طيب وش قالك
ريم... تخيلي اقوله فهد ابيك تجي تاخذ الشناط عشان بكره مايصير حمل عليك
تخيلي يقولي خليهم بكره تبين اطلع الحين من البيت واجي شدعوه ماراح تطير الطياره بدونهن
شوق ميته ضحك.. هههههههههههههههههههههه طيييييييييري مستحيل نصابه من جدك قالك كذا
ريم...وربي قالي كذا اني ستغربت وربي
شوق.. ياااحضي وش صاير
ريم.. مادري بس انا نعفس ابو ابو مزاااااجي
شووق... يمكن متضايق من شي الواحد مايكون على حاله وحده يمكن متهاوش ويااحد حتى انتي قلتي ماطول معك
ريم... ايه ماطول معي ابد والله يمكن مابعد تصير خمس دقايق
شوق.. ايه صدقيني اكيد انه متهاوش
ريم خايفه.. تتوقعين كذا
شوق تهدي ريم.. ايه وربي اتوقع كذا
ريم... يالله اجل اخليك تنامين وربي فيني النوم وموقادره انام بحاول انام لو شوي
شوق.. ايه ريموو حاولي شوي على الأقل
ريم ايه اوك يالله اشوفك بكره في بيتنا صح بتجين
شوق.. ايه بتزين معك ماااتبيني ((بصرخه مزحه
ريم..ههههههههه مالت عليك والله ابيك
يالله باي
شوق.. يالله باي قلبي
ريم تسكر من شوق وتنسدح على السرير وتشيل روب النوم وتغطي حالها بالبطانيه الي كل جزأ منها يغار ويلامس كل قطعه من جسمها
ومع التفكير نامت صحت ريم على 9 الصباح على صوت اخوها سلمان كان يضحك مع فارس
ريم تفك عيونها بشويش وكانت تحس بتعب في جسمها وفي عيونها النوووم حست من انه جا يوم فراق اهلها وتبدأ حياه جديده مع زوج خايفه تواجه حبها الأولى ولا تواجه حبها الثاني الي هو حب فهد
ريم تناظر جوالها وتشوف مسج جايها الساعه 5الفجر
تقرا ريم المسج وهي مره معبسه
....
اوك ريم اتمنى لك حياه سعيده والله يوفقك ويوفقني واذا ربي قد بلاني بحب منهو مو مكتوب لي برضو انتي لازم تعترفين بهالشي
واذا بيوم بتكونين لي فهذا بأرادتك انتي
بالتوفيق
ريم لما خلصت من قرايه المسج
ريم ماعجبها المسج... سخيف وحيوان منجد واحد واطي الشرهه علي الي حبيته ومعطته وجه ياربي متى اقدر انساه واشيله من بالي
ياربي وانا ماحبيت الا واحد مررره واثق من حبي له الشرهه علي اني انا قلت له
ريم تقوم من سريرها وراحت للحمام بعد ماطلعت من الحمام قد انها توضت وصلت الفجر لأنها ماصحت وصلتها بوقتها
ريم تتصل على الجوري ...
ريم ..هلا الجوري
الجوري..هلاااااا والله وغلاا ياااابعد قلبي هالعروووس وش اخبارك
ريم خايفه... بخييير الجوري احس خااايفه
الجوري..هههههههه عااادي وسعي صدررررك عادي عادي
ريم.. أي عااادي والله جاللسه مشغووول بالي
الجوري... اذكري الله وشوفي نفسك وجهزي حاااالك ونشوفك اليله
ريم تصرخ.. هييييييييييييه يااااااربي وش اليللللله على كيفك
الجوري... صح نشوفك العصرهههههههههههههه
ريم..ههههههههه كان ذبحتكن والله لاتتأخرون تغدو وتعالو طيب كلمي البنات اكدي عليهم
الجوري...انشاااااااااااااالله تاااامرين امر كم ريموو عندنا حنا
ريم.. يااابعد قلبي تفداك كل قطره بدمي
الجوري..ههههههههههههههه جديييده هذي
ريم..هههه ايه عشان تقولين ريم قالتها بيوم عرسها هههههههه يالله اخليك بطلع فستاني وبشوف اغراضي اوك
الجوري... اوك بالتوفيق ياعسسسسل روحي
ريم..ههههههههه طيب يابصل روحي

الجوري..هههههههه كش عليك جالسه امدحك من الصبح وفالأخير يابصل طسي بس طسي
ريم..ههههههه امزح يااشيخه وشبلااااك اليوم خذو مني وخذوني على قد عقلي ههههههه
الجوري..ههههه بس اليوم ريمووه مو تنسين القيفت وديه معك مو تنسينه
ريم... امموووت واعرف وش في هالبوكس
الجوري..هههههه قلنا لك قيفت خلاص اذا رحتي شوفيه
ريم.. طيب امرنا لله يالله بااايو
الجوري.. بايو قلبي
ريم تسكر من الجوري ووطلع فستان زواجها وتعلقه وتطلع شوزها وتطلع شنطتها وطلعت دهن العود الي ابوها شراه لها وهو ارقى انواع دهن العود من دبي ...
وتطلع عطرها الي مستحيل تغيره لانكم السماوي رحته مررره تدوخ وطلعت عطرها ديور ادكت عشان اذا لبست وخلصت تشوف وش تعطر به
بعد ماشيكت على كل حاجه نزلت تحت
بهالوقت سعود كان في حاله من جد زفت
الهام... سعود
سعود.. هلا
الهام.. شفيك احسك مو سعود الي اعرفه وش بلاك متغير
سعود مايخبي شي على الهام وهي اكبر منه بس لسى ماتزوجت
سعود يتنهد.. اااه يختي تعرفيني مقدر اخبي حاجه عليك
الهام ... فض فض قول تكلم
سعود... الهام انا حبيت وحده كنت مقرر اني اخطبها
الهام ترفع حاجبها... حبيت كيف يعني حبيت
سعود... الهام حبيت وحده واكتشفت انها اخت خوياي وزوجت خويي
الهام متفاجأه... ايش انت من جدك انت وش هالسوااه
سعود.. والله هذاني بحاله وتعبت زياده لما دريت انها اخت خوياي وزوجت خويي فهد تعرفينه صح ...
الهام.. طيب انت كيف عرفتها
سعود حكى لألهام من اول ماشافها والى ان عطاها المحفضه والرسايل
الهام ...يعني حتى هي تحبك يعني ...؟؟؟
سعود.. ايه بس المشكله والي قهرني انها ماتحب زوجها
الهام بستغراب... طيب انت وشدخلك تحبه ولا ماتحبها مصيرها انه تحبه
سعود متضايق... شلون وانا شدخلني انا حبها تعرفين شلون احبها الهام انتي تدرين انا ريم اول حب
الهام ...سعود انا فاهمتك بس متزوجه افهم خلاص
سعود... وش افهم اقولك احبها والمشكل هنا زوجها عرف وزواجها اليوم
الهام مستغربه... وشوو شلون عرف
سعود.. اول امس تهاوشنا هواش ولما جيتكم وفيني دم بثوبي كانا متضاربين
الهام خافت... طيب وش ناوي عليه
سعود.... مادري بس من جد يعني اتمنى لها التوفيق وبرضو احبها وابيها
الهام... ياسعود ماتدري عن الله تتزوج وحده تحبك وتحبها اكثر من حبك لريم هذي هههههههههه يحليل وش هالصدف حتى انا اليوم خويتي زواجها اليوم واسمها ريم
سعود خاف...وش اسم زوجها فهد ..
الهام...مادري معني ماتوقع ماكانت تجيب طاري هالأسم بس انت اصبر واكيد ربك يعوضك
سعود.. ماتوقع ياالهام بس الله يصبرني احس بقلبي بيصير لحياتي شي
الهام... ماتدري عن الله انت
سعود... مادري والله امي تحت...؟؟؟
الهام.. ايه تحت قوم ننزل ندردش معها
سعود... يالله سرينا
فهد يدخل البيت................
فهد ...يمه ييييمه يااهل البيت وينكم
ام طلال... هلا يمه انا في ذا وش فيك تصارخ
فهد يدور اشياه... وين جزمتي انا حاطها قريبه من الصاله وينها الحين
ام طلال...يايمه دور عدل الوكاد انك بتلاقيهن
فهد ويصعد بالدرجه لاقته ساره اخته
ساره تبتسم... وشو بسم الله عليك وشفيك
فهد...وين جزمتي مالقيتها
ساره تبتسم بتاسمه هبال ... احم احم انا نزلتها تحت
فهد.. وينها الله يصلحك
ساره... تحت بالصاله نزلتها لك قلت اقرب لك
فهد وينزل تحت مره ثانيه
ساره ... فهد فهد
فهد... وشو
ساره...توديني لللمشغل
فهد... بالله عليك انا عندي وقت خلي طلال يوديك
ام طلال .. خلا ص خلي اخوك يوديك متى بتروحين
ساره... بروح الساعه 12 الضهر
فهد.. خلاص يايمه خلي طلال يوديها
يروح فهد لصاله تحت ويلبس جزمته ويدور جواله بيتصل على ريم
ريم تطلع نغمه جوالها
يافهد يحفضك ربي ويصونك مااوصيك الوصايه حط ريم بعيونك حط ريم
كانت تسولف مع مي وتضحك
مي..ههههههه وربي مولايق عليك انك اليوم بتتزوجين
ريم,...ههههههههه حتى انا مااحس لحضه فهد يدق استني
وكانت الفرحه مو شايلتها
ريم تبتسم.. هلا فهد
فهد.. اهلين صباح الخير
ريم بشوق.. صباح النوم ((وتكلمه بدلع كالعااااااده
فهد قلبه بى يخفق ...شخبارك
ريم.. تمااامو شخبارك انت
فهد.. تمام بخير ريم بجي بعد نص ساعه باخذ الشناط
ريم وتذكرت رده لها امس ...اوك خلاص اذا وصلت اتصل علي
فهد... لا ماله داعي بضرب الجرس وخلي محمد ولا واحد من خوانك يعطيني اياهن
ريم حست انه مالاداعي هالرد.. اوك على راحتك
فهد..يالله باي
ريم راحت لأخوها محمد
ريم... محمد اذا جا فهد عطه الشناط والأكياس
محمد.. يوه توه يجي ياخذهن المفروض من امس
ريم تصد متضايقه... مارضى قال خليهن بعدين
محمد.. يالله خلاص اذا جا بعطيه
ريم كانت واضح متضايقه
هديل... وش فيك
ريم.. مادري بس خلاص مابي اتزوج من جد
ريم بهاللحضه حست انهاغلطت غلطه حياتها لما حبت واحد من الأأثنين لافهد ولا سعود
هديل تشيل الوساده وتضرب ريم .. خير خير الحييييين
ريم جلست تبكي ... خلااص مابي مابي
هديل وسلمان.. جاو لعندها
سلمان كل شي الا احد يغلط او يلمس ريم هو ايوه غيره لا... ريم شفيك وش صار لايكون تهاوشتو والله ان كان ازعجك اروح الحين اجلده
هديل خايفه ومتضايقه.. وش تجلده انت ... انتي قولي وش صار
ريم.. ماصار شي اصلا بس خلاص انا ماصلح له
سلمان حس بنظارت ريم لهديل وحس انه غلط بينهم
سلمان... انا بروح لأمي بشوف يمكن تبي شي
ولما صارت ريم وهديل لحالهم
هديل.. ريم وش السالفه
ريم تبكي... من جد لاحضت انه مايستاهل ولا شي انا الغلطانه
هديل تحضن اختها.. وش غلطانه فيه ومن هذا
ريم.. يعني ابي افهم كل ماقرب مني ابعدت عنه وكل ماقربت منه ابعد عني وربي كأنه يكلمني قبل شوي الا كأني عدوه له
هديل.. ماتدرين يمكن متضايق من شي ماتدرين انتي متوتر لاتتوقعين بس المره هي الي تتوتر حتى الرجال
ريم بعصبيه... يتوتر على نفسه مو علي اقولك وربي كأنه مو طااايقني وانا مادري شفيني الحين ودي اللعن خيره وربي موطايقته
هديل تهدي اختها .. رييم حنى ماصدقناعلى الله انك بديتي تحبينه
ريم... يخسي والله مايستاهل يدخل بقلبي لحضه
هديل.. صلي على محمد مافيا لا الخير
ريم.. اللهم صلي على محمد بس ولو..مابي خلاص من جد مااابي افهموني
هديل تهاوش ريم.. ريم زواجك اليوم وش يقولون العرب
ريم.. ماعلي من احد ياكلون هوا بالطقاق
هديل.. طيب حتى لو ماتحبينه هذا زوجك غصب عنك بتحبينه
ريم.. اتحدى اني بحبه وبقولها لك بعد زواجي لو تزوجت
هديل.. وشو لو تزوجتي ريم هذي سمعتك وش بيقولون الناس
ريم.. يعني وش اسوي اصبر على هالحض النحس الي انا به
هديل تبتسم بوجه اختها ..انتي ماتدرين عن الله
ريم.. الله يسهل بس وربي ماحبه ياااناااس ماحبه
هديل.. تعوذي من بليس
ويأذن الضهر

يتبـــــــــــــــــــــــــــ ــــــــع

 
قديم   #22

لؤوؤسي


رد: روايه خلك على خبري كما ريحه العود..


روايه خلك على خبري كما ريحه العود..

ريم خافت..يالله مسرع اذن الضهر يعني قرب وقت الزواااج مااابي خايفه وربي خااايفه
تدخل عليهم هي ومي ...وش تسوون
ريم تمسح دموعها.. ولاشي نحكي بس
مي... ريوم متى بتجي لولو
ريم.. تقول بعد صلاه العصر بتسوي لكم التسريحات انتو وخوياتي وبعدين بتسويلي انا
الا صح ليه هونتو على روحه المشغل
هديل تتمدد..... اريح قلنا بنصير معك
ريم انفجرت بكا بدون شي هي ماتبي الزواج
مي.. يالله ونتي ماسكتي
هديل.. مي تعالي وياي شوي ابيك
هديل تصعد مع مي لغرفتها
تدخل هديل مع مي ويفتحن الباب ويدخلن الغرفه
هديل.. ريم ماتبي تتزوج مادري شفيها قلبت على فهد تو كانت مبسوطه
مي مستغربه.. ؤؤ انتي من جدك ليه وش صار
هديل.. مادري قلبت علي وقالت مابيه ومادري وشوو من جد تضايقت حسيت ان من جد ماااتبيه
مي... ليه يعني صار هواش
سلمان وهم يتكلمون كان قريب من غرفه مي وسمع الكلام
هديل.. مو هوشه بس لما كلمته تقول مو معطيني وجه وكل مااكلمه يرد على برد كأنه مغصوب علي
مي مو مستغربه.. ايه هي قالت لي امس بس قلت يمكن تعبان ولا شي ماتوقعت لحد اليوم
هديل.. والله اني خايفه لا والمشكله مادري كيف تنسى هالي تحبه مشكله انها تحب واحد ثاني وزواجها اليوم
سلمان انصدم من هالكلام كان معتقد انا اخته تحب فهد
مي.. لا والي بعد زودها انها حبت واحد ثاني
سلمان يدخل على خواته وينفجر بالكلام...انتن وش قاعدات تحكن يعني ريم ماتحب فهد وتحبو احد ثاني ومصرين على ان تزوجونها له مافيكم احساس انتو وشلون انا مادري انا اصلا كنت حاس بشي زي كذا بس سكت غصب عني
مي وهديل... لحضه لحضه
هديل... فهد ريم مو ماتحبه تحبه حب عادي كاولد عمتها مو كحبيب او زوج واكيد انها مع الأيام بتحبه
سلمان... وهذاك الي تقولون عنه تحبه
مي مستغربه.. انت وش دراك
سلمان... انا كنت اسمع الكلام وزين اني سمعته
مي.. ياسلمان خلهم على راحتهم ومصيرها بتحبه ريم توها صغيره ماعاشت الحب قبل فلازم يكون بحياتها صراعات
سلمان وحس انا اخته ريم تعبانه ومحتاجه له طلع من الغرفه
سلمان ينزل تحت ويدخل على ريم بالصاله
ريم كانت مسكره عيونها ومتسطحه على الكنب وتعبانه ومرررره حزينه
سلمان ... ريم!
ريم تفتح عيونها وتسمع ندا من اخوها الي كانت تحبه ودايم تتهاوش معه وتحس انه تؤامها
ريم بتعب..لبيه
سلمان يجلس جنب اخته وينزل راسه...ليه ماقلتي لي انك ماتبين فهد
ريم انصدمت من كلامه اكيد انه عرف بكل حاجه
ريم متضايقه.. وش تبيني اقولك ياسلمان مابيدي شي
سلمان... وش لون مابيدك شي وانا وين رحت
ريم.. خلاص ياسلمان فات الوقت رااح مافي وقت الحين الظهر وباليل بصير مسأوله عن رجال وعن نفسي
سلمان ... طيب ليه ماقلتي من البدايه كان انا وقفت بصفك وكان منعت هالزواج
ريم.. يابعد قلبي يا اخوي ((وبدت تبكي
سلمان حس بدمعات اخته وحط راسها على صدره ...ابكي ابكي يابعدي ارتاحي لو كذا يريحك
ريم جلست تبكي بحراره ليه مامنعت هالزواج وش تستفيد الكل بينبسط على زواجها وهي الي بتتعب ليه رضت الناس على حالها وهذا غلطتها
ام خالد شافت الموقف هذا كله وكانت عارفه انا بنتها ماتحب فهد زوجها بس غصب عنها بتوافق
ام خالد ومسحت دموعها ودخلت الغرفه وحاولت تغير الموضوع
ام خالد.. الله الله كل هذا عشان اختك اليوم بتتزوج
سلمان كان منزعج من كلام امه وكأنها ماتحس ببنتها
وطلع من الصاله وراح برا البيت
ريم... تعالي يمه اجلسي
ام خالد.. يالله يابنتي انتي ارتاحي اليوم لاتجهزين معي الغدا وانا بنادي خواتك يحضرون معي الاكل
ريم وتبتسم.. تسلمين ياوجه الخير
ريم تصطحت على الكنب وكانت لابسه برموده جنز تشيرت احمر كانت بمنتهى النعومه وكانت تلعب بخصل شعرها وتفكر بسعود كيف اول لقى كان بينهم وتفكر بعيونه
محمد.. ريم ((ريم ماحست ))ريم ((وينادي عليها اكثر من مره)))
ريييييييييييييييييييييم
ريم وخافت.. يييييييييييمه وش فيك خوفتني
محمد..هههههههههه هلكتيني وش فيك وش فيك سرحانه
ريم توهقت.. لا عادي مافيني شي بس عادي احس راسي يوجعني
محمد... طيب خالد اخوي يبيك
ريم مستغربه... خالد اخوي ؟؟؟
محمد.. ايه روحي له فوق
ريم تصعد لخوها فوق وهي بالدرج مي بوجها
مي... وين بتروحين
ريم.. .مادري اخوي خالد يبيني
مي.. وش يبي
ريم مستغربه... مادري بشوف وش يبي وبجي
ريم تصعد فوق لشقت خالد اخوها لها باب لحاله بس في باب في لبيتهم يدخلها عليه
ريم تدخل الصاله
خالد يتسم... هلا ريم تعالي هنا
ريم.. هلا خالد... ((وتروح تبوس راس خالد ))
خالد يروح يبوس راس ريم وضمها اخته االصغيره المدلله بتفارقهم اليوم بتصير زوجه وبيتغير كل شي فيها
ريم تبكي.. لاتوجع قلبي ياخوي
خالد متضايق.. وربي مو قادر اتصور
ريم... شسوي الحمد الله
خالد حاس بأخته.. ريم احسك اليوم مومبسوطه
ريم..لالا والله عادي ((وتبتسم))
خالد.. تسلم لي هالأبتسامه يارب
ريم... تمسح دموعها..الله لا يحرمني منك يا اخوي يالله عاد انزل هناك الكل مجتمع بيتغدى
خالد..ريوم ما اوصيك الله الله في زوجك ولا تعاندينه وسمعي كلامه الوحده مايهمه بعد الزواج الا زوجها
ريم تبتسم...انشالله ياخوي من عيوني
خالد وريم ينزلون
العنود... ريم ريم
ريم.. هلا والله
لعنود.. تعالي ابيك شوي
ريم.. اوك يالله جايه خالد حنا شويو ننزل
العنود... تعالي غرفتي
ريم تروح غرفه العنود
وتدخل
العنود تبتسم بوجه ريم
ريم ترد نفس الأابتسامه
العنود تمد لريم كيسه كبيره بها مجسم مررره كبير به طقم ذهب ابيض ..للماس
ريم مستغربه.. شنو هذا
العنود تبتسم.. هذي هديه زواجك وانشالله تعبك
ريم وتضم العنود... ليه متعبه حالك مابينا شي ليه كذا انتو هديه
العنود... لحضه لحضه ماخلصت في لك هديه من متعب
ريم..هههههههههههههههههههه وشو من متعب
ويدخل متعب من الباب وماسك بيده كيسه مو كبيره زي كيسه امه
وبها اشيا واااجد صغيره وكبيره
ريم.. متعب ياااحبي لك وتاخذ ولد اخوها وتبوسه وتضمه
متعب.. عمتو عمتو هذي هديتي
ريم..وربي انت احلى هديه
ريم تبتسم..العنود ليه متعبه حالك

العنود... والله مو مني هذي من ولد اخوك هههههههههههه
ريم...ههههههههه يابعد قلبي ولد اخوي
يالله قومي ننزل الحين بيتغدون وانا جوعانه مررررره ودي ماكلفتي على حالك وربي انتو احلى هديه
العنود..فديت قلبك يالله سرينا
تنزل ريم والعنود تحت وكان الكل مجتمع وكانت العنود متغشيه
الكل كان جالس على السفره ريم ومي وفارس وهديل وابو خالد وخالد وام خالد ومحمد
ابو خالد.. وين سلمان
الكل سكت ماعرف وش يرد
ريم.. قبل شوي طلع مع اخوياه((ماتبي تقول انه تضايق وطلع
ابو خالد.. يااالله انه تصلحه يالله وتحفضه
الكل بدى يتغددى
ريم على انها كانت ميته من الجوووووووووع الا انك كلت جزأ بسيط من الدجاج وقامت
ام خالد.. وين وين
ريم تبتسم.. خلاص يمه شبعت
ام خالد..الحين انتي نااشبه لي جوعانه جوعانه والحين هذا اكلك
ريم...والله يمه شبعت ابي اروح اتروش
وعلى مااخلص تكون قد جات الكوااافيره
ام خالد تبتسم.. روحي يانظر عيني ربي يوفقك
ريم تبتسم لأمها وتروح فوق
بعد ماوصلت لغرفته مسكت جوالها وراحت تدق على سلمان
ومسميته تؤام روحي
...ريم.. الوو...
سلمان متضايق..هلا ريم
ريم... وينك انتي ليه ماجيت
سلمان معصب... قهرتيني انتي وقهرني البيت كله
ريم.. سلمان انا مالي ذنب اناابدون شي تعبانه بليز لاتزعل علي
سلمان.. شلون مالك ذنب انتي راضيه
ريم.. قلبي انا مو راضيه بس وش اسوي انا اتذكر اني لما كنت صغيره كنت احبه بس لما كبرت مادري تغير الأحساس وصدقني احس هالفتره بدى يرجع بس انت قهرتني ليه ماجيت تغديت
سلمان متضايق.. مالي خلق وحتى زواجك ماراح احضره
ريم عصبت... والله العظيم اني مااكلمك اذا مادخلت مع اخواني وابوي
سلمان ... ادخل اشوفك تنذلين ليه
ريم تعبت .. اووووووووووف سلمان بليز تكفى
سلمان سكت
سلمان.. خلاص بدخل بس ابي اشوفك تبتسمين
ريم فرحت... ابشر ماطلبت
ريم...اجل اخليك بروح اتروش تامر بشي
سلمان.. سلامتك ياقمر
ريم..هههههه الحين صرت قمر قبل تقول لي اني شييينه واخوف
سلمان..هههههه عاااد انتي لاتصدقين هههههههه
ريم.. هههه يالله باي قلبي
ريم تسكر من سلمان وتطلع ملابسها الخاصه وطلع بنطلون جنز اسود ووبلوزه فوشيه كات وتحتها بدي ابيض
راحت ريم قفلت باب غرفتها
وفصخت بلوزتها وفصخت بنطلونها وكانت بحريه تاااامه لأن باب غرفتها مقفل خذت معها روب الحمام
ودخلت الحمام فصخت ملابسها الداخليه وسكرت على حالها الباب وجلست تتروش وهي تتروش كانت ادموعها اسرع من قطرات المويه الي كانت تطيح على جسمها ...جلست ببانيو المويه وكانت لما خلصت من الحمام الافندر بالمشغل عطتها لوشنات وجل للحمام عشان تدوم الريحه..... مسكت gelوحطته بالبانيو ومسكت ارغوه وفكتها وحطتها بالبانيو
صار البانيو مره ريحته فايحه من الجوري وياالياسمين وجلست بالبانيه وكانت المويه حاره بس كانت حراره قلبها احر من المويه رفعه شعرها المبلل بكلبس وجلست بالبانيو حاولت تسترخي وحاولت تهدي اعصابها وكانت تلعب بالمويه وسياقانها تلعب بالمويه جلست تضحك على حالها انها خلاص كبرت المفروض عاده البزارين هذي تقطعها فحبت انها تستمر باللعب بالبانيو
ريم سكرت عيونها وجلست تتذكر الموقف والكلام وجلست تتذكر لما اخذت المحفظه من سعود وتتذكر عيونه وفمه وتتذكر نظارتها له وحست بقشعريره جلست تمسح على كتوفها وفتحت عيونها اول مافتحت عيونها انرسم قدامها سعود بسرعه فزت من البانيو وصارت بشره ضهرهاا كلها مبلله بالمويه جلست تطالع حولها بعدين حست انه خيال وبس
رجعت للأسترخاء من جديد جلست تناضر بنفسها ليه تقشعر جسمها وكأنها شافت شي اكيد في حاجه بهالحضه سعود حاول انه يطلع من البيت وكان سرحان بعيون ريم ولما سرح وهو يمشي ضربته سياره على كتفه بس كانت الضربه مره خفيفه حتى ماطلع دم والي ضربه بالسياره اصر على انه يوديه المستشفى بس سعود اصر انه مافيه شي واقتنع الرجال
ريم استغربت من هالحاله وراحت وفتحت البانيووغسلت شعرها الي كان الى اقصى ضهرها
ريم غسلت شعرها وطلعت من البانيو نشفت كل جسمها وثمن لبست الروب ولفت شعرها بالمنشفه
راحت لبست ملابسها الداخليه ولبست البنطلون ثمن البدي ثمن البلوزه وتشوف جوالها لولو متصله عليها والبنات
راحت ريم اتصلت على لولو
ريم.. اهلين لوولو سوري كنت اتروش
لولو فلبينيه بس ريم ماتروح الا لها هي وخواتها
لولو.. اوك مافي مشكل اجي الحين
ريم.. اوك يالله تعالي
ريم سكرت من لولو وتتصل على غاده
ريم ... اهلين غدو ((غاده كانت تتغدى
غاده..هلا هلا والله كلللووووش
ريم تضحك على تصرف غاده..ههههه يالخبله يالله متى بتجون ترى اتصلت علي قالت انها بتجي الأن
غاده تفاجأت..ياااويلي توي اتغدى
ريم تنرفزت.. ياااابردك يااااابنت اخلصي وعلى طول تروشي وتعالي
غاده...اوك يالله تشااو
ريم.. تشاو
ريم تتصل على مروى ولينا والبنات ان هى شوي وتجي وخلال نص ساعه تجمعن البنات وكانو بغرفت ريم
ريم تتسطح على السرير... بنااات انا بنام واذا خلصتن جلسوني
البنات..هههههههههههههه لاااااااااا اجلسي ماافيه
ريم تغمض عيونها.. وربي فييني النوم
مروى تهاوش ريم.... وجع يابنت اثقلي وربي اول مره اشوف عروس هطفه
ريم تهز كتوفها..هههههههه انا كدا انا كداااا ماااراح اتغييرررر
غاده .. اهمم شي هههههههههههههههههههه
ريم...ههههههههه ياحبيلك ياسلنتح هههههههه
لينا قد خلصت اول وحده لأنها حامل وقدموها اول وحده
لينا تلبس عباياتها..... يالله بنات انا خلصت اشوفكن بالصاله
ريم جلست تطالع لينا بعدين صدت
لينا تبي تلطف الجو... ياااخطير انتا يالي بتصد هههههههههه
ريم راحت ضمت لينا جلست تبكي
لينا تبي تستهبل... هيييه انتهي لاتضغطين على بطني بسك يابنت انا عارفه بتنبسطين بس الحين لازم تبكين ههههههههه بس عاااد
ريم.. لينا وربي ماابي اتزوج مو مرتاحه((ريم من ملكت وهي تسولف مع لينا عن امور الزواج لأنها متزوجه قبلها وعارفه كل شي وعارفه انا ريم ماتبي فهد ))
ولما جات لينا تتكلم ريم حطت صبعها على فم لينا وفهمت لينا انها لاتتكلم قبال البنات
لينا بتسمت لريم وباست جبينها ...الله يوفقك
لينا راحت البيت واكنت مره مستأأأاه
تركب لينا السياره
بكر..وش فيك احسك مو على اعصابك ((بكر زوج لينا ((
لينا... لامافيني شي بس بطني يوجعني
بكر خاف... اوديك المستشفى
لينا.. اومااا مستشفى وبهالميكاج والتسريحه
بكر يناظر بعيون لينا وكان خاق ...فدييييت هالعيووون
لينا نحرجت.. بكككر فاااضي
لما وصلت لينا البيت فصخت عبايتها وكانت تبي زوجها يشوف الميك اب
بكر مفهي.. وربي تذبحييين وش هالزين ماتتوقع في في الدنيا احلى منك
لينا((قد روقت شوي((...ههههههه بككررر ههههههههههههه خلاص
بكر قرب من لينا وباسها
لينا تبعد بكر... بكررر لاتعفس مكياااجي الحين الروج يروح
بكر.. خليه يروح وش وورانا
نترك بكر ولينا على راحتهم ونشوف مهره
مهره جات للبنات

يتبـــــــــــــــــــــــــــ ــــــــــــــــــــ ــــــــــــــــــــــــــــع

 
قديم   #23

لؤوؤسي


رد: روايه خلك على خبري كما ريحه العود..


روايه خلك على خبري كما ريحه العود..

مهره اول ماشاافت ريم... واااااااااااااو وش هالوجه الأأصفر خييييير يابنت وشفيك معبسه
ريم راحت وسلمت على مهره :...والله يااامهره خااايفه بمووت خوووف
مهره.. بعد قلبيي لاتخافين مافي الا الخير يالله يالله فرررفشي تكفيييييين
ريم تضحك ..ههههههههه وربي ماقدر اردك ههههههههه
تقضي شوق من الميك آب والتسريحه
ريم تناظر شوق.. وااااو من جد خطيييييييييييييير الميك اب مع التسريحه خطيييييره وربي
شووق خايفه.. جد ريموه الحين فواز بيجي يبي يشوف شكلي يعني حلوو
ريم.. ايه وربي حلوووووو يجنن متى بيجي ...؟؟
شوق.. الحين اتصلت عليه وقلت له اني خلصت
ريم تغمز لشوق.. هههههههه شوفي لو ماملكتي قلت لك لا بس انتي ملكه عادي أي شي هههههه
شووق ..ههههههههه وشو عادي أي شي بيشوفني وبيروح خلاص
ريم..ايه هين طيب يجيب الله مطر ههههههههههههههههههه
شووق تضرب ريم ... يااااااالنذلللللله
ويدق جوال شووق انو فواز زوجها هي ملكه عليه بس زواجها باقيله تقريبا خمس شهور
شوق.. يالله جا شوي واجيكم
ريم تغمز لها ... هههههههه لا عادي طولي المجلس مفتوح وفيه سرير وتعرفين تسكرين النور ههههههههه واذا ماتعرفين قولي لي اجي انا واسكره ههههههههههههههههههههههههه
شوق ترفع كمومها....هههههههههه ياااالحمااااااااره استحي ههههههههه
بعد ماراحت شووق تحت مرت على الصاله وكان محمد متزين وكان مرهه يخقق محمد مانتبه انا شوق بتمر فجلس يطالع جمالها وجلست تطالعه نست انا ماعليها غطوه ولا عبايه محمد بعد مافها وشوق كانت واقفه بنص الدرج محمد على طول صد
وشوق على طول رجعت فوق
محمد مرتبك.... اسف شووق خلاص انا بروح
شووق مستغربه ...معقوله عرفنيk
شوق تنزل مفهيه على الزين الي شافته قبل شوي
وفي بالها انا بتشوف فواز
تفتح الباب لفواز
فواز خققققققققققققققق
فواز كان بناظر شوق حتى ماسلم عليها ولا قالها وش اخبارك باس جبينها
شوق تبتسم ... حلووو.؟؟؟؟
فواز يلمس خدها... الا عذاب وانتي كل مره تصيرين احلى واحلى اعقلي يابنت ذبحتيني
شوق..ههههههههههههههههههههه يمه يمه انت الي بتذبحني والله عااادي وربي متضايقه احسه موحلو
فواز يرفع حاجبه... الا يقطع القلب
فواز يقرب من شوق ويبوس خدها
وجلس يكمل كلامه معها وكان بهاللحضه محمد كان يتفرج عليهم من نافذه غرفته وكان من جد متضايق
محمد جلس على سريره متحسف على الأأيام الي قضاها بدونها
عند ريم بالغرفه ...
ريم ... يالله انا بصلي المغرب وابدي فيني يالولو
لولو. اوك
البنات قد خلصو بس الي مو متزوجات غاده والجوري الي صايره احلى وحده فيهم جمااالها فرنسي والكل يضرب المثل فيها جمالها فرنسي عكس ريم الي جمالها عربي بدوي قح
ريم تناظر الجوري وترفع حاجبها... الجوري ..؟؟
الجوري... هلا
ريم تصرخ .. وجع الله ياخذ شكلك لاتجين اليوم معنا اجلسي بالبيت
الجوري مستغربه .. ليييه
ريم..,, يابنت الذين وش هالزين تهبلين وربي كأنك باريس هيلوتن
الجوري ... امااااااا باريس هلتون كثري منها
ريم... وربي كاأنك باريس هلتون صح بنات
الجوري..وربي انتي ياريم بدون مكياج احلى وربي مو ماقصك الا خيل صايره عيونك تهبل تجنن بدون كحل وربي خايفه علي
غاده... هههههههههههههههه وربي جد مانصبت الجوري
ريم تناظر بغاده
ريم تصرخ تبي تضيع لسالفه..غدووووو كأنك مع الهتسريحه والمكياج جميلات الستينيات وربي صدقو يوم قالو جمااالك جمال القديييمات المزاااين
غاده....هههههههههههه عاد بدت ريم بالنصب طيري بس طيري تبي تطير السلفه مافيه
ريم.. وربي ماكذب عليك شوفي نفسك بالمرايه
غاده.. شفت شفت
ريم ريم نحرجت ... طيب انا بروح اصلي يالله بصلي ونبدا اسمعو بصور قبل لايدخل فهد مالي خلقه
نوره .. الحمد الله اني مو فهد ههههههههههههه
ريم..هههههههه لا انتي موفهد انتي صديقتي نوره ههههههههه
ريم راحت تتوضى وطلعت من الحمام قد البنات طالبين لهم من البقاله وجالسين ياكلون
ريم.. شووووق لاتااااكلين وربي راح تسمنين قبل زواجك
شوق تاكل..هههههههههههههه لا انشالله ماراح اسمن خليييييني اكل
ريم.. هههههه كيفك مو تسمييين وتقولين ليه ومادري ايش مالي دخل هههههههه
ريم راحت تصلي وبعد ماقضت من صلاتها جلست على الكرسي
جلست وقالت للولا تسوي لها ويفي كل شعرها بس ويفي على تحت مو ترفعه
بدت تسوي لها ويفي بعد ساعتين قضت من شعرها
ام خالد تدخل على بنته
تدخل عليها بالغرفه قد انها خلصت التسريحه
البنات انجنو على شعر ريم لأنه اسود وكثييييير والتسريحه هذي مررره حلوه على ريم
ام خالد .. السلام عليكم
البنات... وعليكم السلام
ام خالد... خلصتي تسريحه شعرك
ريم.. ايه يمه حلووو..؟؟
ام خالد.. والله انها تهبل وتجنن وانتي حليتيها ياقمري
ريم... يممه اكيييد
ام خالد... والله انها تهبل اسألي خوياتك
البنات .. والله تبهبل وربي احس صايره قمر بس مو مصدقه
ريم الحين ببدأ بالفستان
ريم تفصخ بديها وبلزوتها وتلبس بدي توب
ريم تصرخ على البنات.. سكروو عيوونكن لاتطاااالعوني
وتلبس البدي وتجلس على الكرسي
ودمجت لها لولا مابين الأسود والفضي والفوشي وحطت لها روج فوشي وبلشر رودي هااااادي
ولما خلصت من الميك اب قامت من الكرسي
البنات انهبلووو عليها
غاده مو مصدقه جمال خويتها.. ريم وربي انك تاااااااااااااخذين العقل
ريم مرتبكه.. جد ماحس حلووو
الجوري تناظر ريم مفهيه.. ريم وربي صايره احلى عروس شفتها بحياتي ريمممممم يااااحض فهد اليله
ريم...هههههههههه تتوقعين
الجوري.. خلاص من اليوم مارحا تصيرين بنوته بتصيرين حرمه ههههههههههه ههههههههههههههه
ريم..هههههههه وجعه اسكتي
لبست ريم فستانها وسكرت لها الفستان اختها هديل
وراحت لولا والبنات مع ريم لصاله
راحت لولا مع ريم عشان تضبط لها الطرحه لأن طريقه طرحتها شيله ومع العبايه والغطوه راح تطيح
بعد ماوصلو لصاله
ريم ترجف.. بنااات خايفه وش الحيله
الجوري..ههههه لا خلاص مافي حيله الا انك تسوين مثل هذاك الفلم المصري ويكتبون عنك العروووس التي هربت في ليله زواجها هههههههههه
رريم عصبت.. الجورييييي وجعه
الحين وين اروح
مي... تعالي هذي الغرفه
الغرفه بعيده عن الضيوف وكانت الساعه 12 باليل
ريم بالغرفه ومعها خوياتها
قد انا مي وهديل والعايله رايحين الصاله من الساعه 8 باليل
هديل ماشافت ريم لحد الحين
تدخل هديل على ريم بالغرفه
هديل مو مستوعبه.. بسم الله عليك الرحمن الرحيم يمه تهبليييييين
ريم تبستم بسمه خجل كانت من جد قاتله
وتروح هديل تسلم على اختها وتبوس جبينها
وشوي وتدخل خالتها
ملاك هذي خالتها الصغيره مرررره قريبه منه وعندها بنت اسمها قمر حبيبه ريم
ملاك تناظر ريم.. اوف اوف وشالهزييييييييييييييييين
ريم تروح وتضم خالتها وتنزل الدمعه الحارقه
ملاك تبكي.. لابتيكن ((وجلست تبكي معها
مي ميته ضحك.. الحين تقولين لها لاتبكين ومااادري وشوو والحين انتي الي تبكين ههههههههههههههههههههههههههه
ملاك... والله فراقك ياريم صعيب
ريم.. بعد قلبي ياملووكه
ريم متفاجها.. وين قمر؟؟
ملاك تناظر بالصله... مع مهره ماسكتها
ريم.. جيييبيييها تكفين ابي اشوفها ياربي والله الفتره الأخيره انشغلت عنها يالبه قلبها اشتقت لهاااا
ملاك... تشتاق لك العافيه انشالله تجيبين مثلها او احلى
ريم..امييييين ابي مثلها يمه اموت فيها
ملاك .. بعد قلبي انتي
ام خالد.. يالله يمه الحين بنشغل الدخل اخلصي
ريم خافت.. يمه لا خلاص مااابي خااايفه وربي خاايفه احس اني بدخل للموت
ريم قامت من الكرسي وكلها هيبه وجمال وزين وعذاب
شوق صديقه ريم ماسكه الكميره الفديو بتصور دخلتها
ريم توصل
للبوابه وبدت المسيقه الدخله وكانت بدايه الدخله مسيقى مررره رايقه
ولما وصلت الى بدااايه الباب
كانت كلمات الدخله كاتبها اخو ريم سلمان ..على انه داج بس شاعري مره
بدت الدخله طبعا بالمسيقى
وكان زوجها فهد داخل يستنى دخلوها وقلبه ملينا عليها حقد يحبها وبنفس الوقت يكرهها
بدايه الشعر بعد المسيقى
تبخر ريحك على الملا ياريم ..وشع نورك على كبر الملا ...يازين نور على الورد سريتي .. ويازين ورد على المكان مشيتي... طالعو ياخلق بعيونها في زينها كل يناظر حسنها ..يافهد شوف حسنها من نظره منها ترجي منك حنانك
....اسري بطريق التوفيق يا الريم... ياخلق صلو على النبي وقولو مشالله لما تناظرونها
وريم كانت على المسيره وكانت تبكي خايفه دموعها تنزل من عيونها وكان الكل يناضرها والكل قبل دخولها يقولون الي مايعرفونها اكيد ريم مو حلوه لأن الزين ماياخذ زينه وهم كانو يشووفن فهد اجمل ماخلق ربهم كشخه وزين ومبسم
ريم توصل لعند فهد وفهد على انه كان متضايق من هاليوم ويتمنى انو احد يقوله انا الي صار حلم
وبدت خويات ريم قرايبها
الف الصلاه والسلام عليك ياحبيب الله محمد ...كلللوووووووووش
اللهم صلي وسلم عليك ياحبيب الله محمد... كلللووووووووووش
وبدت الفناه بدزه الخليجيه المعتاده بعد نهايه الدخله وكان الكل يصلي على محمد ويكبر يناظرون بعيون ريم وكانو غارقين بكبر عيونها وجمال عيونها السودا والكحل والي مغرق عيونها وصاير جمالها مره بدوي
ريم توقف قبال فهد وفهد كان مفهي نسى الي صار هذا اليوم ونسى الخيانه ونسى أي شي يضايق
ريم كانت تناظره بنظره مو طبيعيه جد انك حلو بس برضو ماحبك
فهد يمسك يد ريم الي كانت مثلجه من الخوف وكانت ترتجف
طبعا ريم قصيررره مره يجنب فهد توصل لعند نص كتفه
وقفت بجنبه بهاللحضات الكل يصلي على النبي لما كانو يطالعون ريم وريم بهاللحضه تجي ام فهد بكلنكس تمسح دموعها وحست انا بنت اخوها خايفه
بهاللحضه لما وقفت ريم جنب فهد دخلو خوان ريم خالد ومحمد وسلمان الي كانو كل واحد اجمل من الثاني
دخل بالبدايه خالد وكان زي الدزه الخليجيه ومن وراه كان محمد الي جماله باهت ودخل من ورااه سلمان لما دخل سلمان من جماله كل البنات جلسن يصرخن من جماله وسلمان بمعنى الكلمه دااااشر انبسط مره وجلس يطالعهن
غاده لنوره...من هذا
نوره... هذا سلمان اخو ريم ياااربي وش هالزييين يمه يخقق اول مره اشوف زي كذااا يشبه ريم واااااجد
غاده مستغربه ..اها يحليل والله مزيوووووون
الجوري..ههههههه انتي تشوفون الي جالسه انا اشوفه هههههههههه
البنات..ههههههههه ايه نشوف
يسلم خالد ومحمد وسلمان على اختهم سلمان لما سلم على ريم...كان من جد يناظرها نظره حذر وخايف من بكيتها ولما سلمت عليه باس راسها وجلس يناظرها بعدين ...يحفظ ربي جمالك وزينك
ريم تنزل دمعتها.. تسلم يا تؤوام روحي
فهد كان يناضر ريم وحس بعيونها تعب وخوف وماشاف بعيونها خيانه واستغرب من هالوجه يطلع من خيانه
وريم من كثر ماناظرها نزلت عيونها وحست بخوف فاقربت من اخوها محمد لأنه كان قريب منها
محمد يناظر اختها.. وش فيك
ريم بخوف.. لا ولاشي
محمد لاحض الخوف في عيون اخته ومسك يدها وكانت مره ترجف وزي قطعه الثلج ونعومه الحرير
جلست الفنانه تغني اغاني اغاني مره حلوه
وريم كانت تناظر كل الي حولها سعود وكانت بالها تتمنى انا بمكان فهد يكون سعود لأن هو الوحيد الي دخل قلبها ومافي غيره
ساره ..ريم
ريم ترفع نظرها على ساره وهي تعرف رده فعلها من ساره
ريم.. هلا والله
ساره ناظرت ريم وتحسفت على قد كرهها لها لأن قبل زواجها بسبوع كانت متهاوشه وياها هوشه وكانت ساره غلطانه على ريم غلط مره كبير وحتى اذتها بالكلام الجارح
ساره تبتسم .... فديت هالعيون
ريم تبتسم..ههههه يعني وشو ههههه
ساره ... هههههه مادري حبيتك
ريم تبتسم.. بعد قلبي انتي
فهد كان يسمع كلامهم وكان يقول بخاطره ياساره حبيتي ريم بعد ماعرفت انها خانتني اااه ياليت مادريت ولا بشي
ام خالد تظم بنتها فرحانه لها وتبكي
وتجي عمه ريم ام طلال
وتضم ريم وتبكي فرحانه بزواجها مع ولدها
فهد كان يناظر بريم بعد ماسارو خوانها وابوها راحو عند الرياجيل
فهد جلس يناظر ريم نظرات ليه خنتيني
ريم خافت من نظراته لها وصدت عنه
صديقات ريم كانو واقفين بجنبها
وكانو لابسين العبايات والشيله
الدانه مسكت يد شوق...
الدانيه بخووف... شوق شوفي كيف يناظرني
شووق ترفع حجبه... ايه شفناه ريم شفيه ليه يناظر كذا
الدانه مرره خافت.. مادري خايفه
الكل استغرب من المعازيم اانا فهد وريم حتى ماتكلمو مع بعض وساكتين ثنيناتهم
حبت هديل تسوي جو للعروسين فأهدت لأختها اغنيه سيده قلبي
وكانت كلماتها وانبسطت ريم من الأغنيه وكان فهد اول مره يسمعها
فجلس يناظر ريم وفي قلبه وربي صدقتي

ايش اسمي الي اجمعت احلىالصفات .... ريم قلبي ودنيتي وكل الحيات...
لو اسميها بنيه ياترى وش اسمي بعدها ...كل البنات
عن بنات الحسن هي لاشكغير...هي اجمل منهن واحلى كثير ....
حلوتي منها القمر دايم يغير....والزهر والشهد والسكر نبات .....
هي ريم ولاهي ريم هي غزال ...وصفها ابعد من حدوود الخيال ...
هي اميره كل رباات الجمال... يعني من الأخر هي كل الحلاه...
سيده قلبي ومرفاهالحنون.... من غلاها خايف اوصل للجنون...
مثلها ماقدر رأت كل العيون....لأن مابها مثل بهذيالحياة..
كانت الي ترقص ساره اخت فهد وام طلال وام خالد والبنات كانو يرقص ورى العروسين عشان مايشوفهن فهد
والبنات كانو يصرخن وفهد مستغرب وفي باله... يحليلهن هالبنات من جد فاااالينها خوياتها
لما البنات خلصن من الرقص جات ام خالد تقول للفنانه انها تسوسوي غنيه وداعيه لأنها خلاص لازم تمشي لأن طيارتهم لسفر الساعه 5 الصباح الى........................... ...
ريم عرفت وبدى قلبها يدق من الخوف وفهد كان وده يصارح ريم من اول ماشافها على المسرح وكان بنفس الوقت وده يقولها بكل حب انا احبك
وقف وريم وقفت وكانت موقادره توقف من الخوف البنات مسكوا يدها عشان توقف بجنب فهد كان طويل وعريض ومره له هيبه وريم بجنبه وكأنها عصفور
جات غاده وومسكت يد ريم وخلتها تمسك يد فهد بعد الموووووت
الأغنيه
خذها امانه .... ياحفيظ الأمانه اغلى الغوالي يمنيك امانه... تصونها صون الكرام العفيفات ....
خذها بقلبك قبل بيتك مكانه...
وعلى كذا سارت ريم مع زوجها على الجسر وكان الكل فرحان ويزغرط من زوجات خالها وخالتها كانت تبيك ميته من البكا ولما نزلت ريم على ارض الصاله جات ام ريم جابت لها بنت خالتها قمر
ريم نست حالها انها بالزواج

...ريم تركت يد فهد وبسرعه راحت لقمر.. قموووووور
وراحت ضمت بنت خالتها لأن ريم تمووت بحاجه اسمها قمر وحتى قمر دام تتشبث بها
ريم جت تعطيها امها قمر صارت تبكي فهد كان يناظر ريم ويشوف حبها لقمر وكان وده يروح لقمر ويبوسها بعد
قمر عمرها سنه ومررره نحيييفه وكل شي بها صغييير مره وشعرها مثل الهواا وبيضا مشالله تهبل
ريم ودت قمر لأمها وصارت تمشي مع زوجها جات غاده وخلت ريم تمسك يد فهد للمره الثانيه
غاده عصبت عليها.. شوفي والله ماراح اجي معكم امسكي يده لأاضربك
ريم نحرجت ..ههههههههههههههههه انشالله
ريم كانت تودع صديقاتها عند مخرج الصاله والعرس على ماهو والكل فرحان ويرقص
شووق كانت تبكي بحراره ومبعده عن ريم ماتبغى تشوفها
الجوري كانت تبكي وتظم ريم ... ياااالحماااره بتتركينا لحالنا مو هذا اتفاقنا ((وتبكي
غاده كانت تبكي بشويش ودمعات تمشي بشدوقها وهي تمسحها
ريم تناظر غدو.. وانتي غدو ماراح تسلمي علي
غاده تنفجر بكى وتروح وتضم ريم ...والله بشتاااق لك يالدبه
فهد يناظر خويات ريم ويشوف كيف هم متعلقين به وماالام حاله لما تعلق بها
نوره وهي تبكي ... ريم وربي انا مارح تصير جمعتنا حلوه زي قبل بدونك
وتسلم على ريم وتضمها وجلست تبكي
ريم تناظر المكان كله تدور.. وين شووق بنات ماشفتها
غاده تمسح دموعها... مادري هي طلعت معنا بس وينها
مروى جات تسلم على ريم وباست خدها ... بعد قلبي انتي والله بنفقدك بس تكفين الله الله بالعقل هههههههههههههه اتركي الخبال على جنب
ريم تضحك وتدور شوق..ههههههه ابشري ههههههه
مروى... ياارب مدام قلتي ابشري اجل مافي عقل ههههههههههههههههه
جات لينا ..ريووووووم
ريم...ليووون ..وتضم لينا ريم
فهد طفش من الوقفه ...يالله ريم ممكن نمشي
ريم كانت مره منحرجه تقوله شي بس طلعت من فمها ...لا لحضه ماشفت شووق
ريم قالت للجوري تروح تشوف شووق
رجعت الجوري متحطمه...ريم موراضيه تجي تبكي
ريم جلست تبكي ...تكفين قولي لها تجي قبل لاااروح ابي اشوفها
فهد كان معصب على عدم مبالاتها له خيانه وعدم مبالاه مايصير
فهد يسحب ريم من يدها.. ريم يالله تأخرنا
ريم تفك عنه وهي متضايقه.. لحضه ماراحاطلع الا لما اشوفها
وتطلع شووق بوجه ريم وجلسن يضمن بعض ويبكن شووق كانت تبكي من قلب
ريم ماتوقعت انا شوق بتبكي عليها
جات هديل وسلمت على اختها قبل لاتروح وصتها... ريم الله الله بزوجك انتبهي عليه ولا تعصينه وسوي الي يقولك عليه
وجلست توصيها اكثر
جات مي وضمت اختها وجلست تبكي كثييييييير
الجوري تمسح دموعها... خلاص بنات بيروح مكياج ريم من كثر البكا
وجا ام ريم وسلمت عليها
فهد... يالله الحين نقدر نمشي
ريم..ايوه يالله
ريم تلبس عبايتها وشيلتها وبرقعها وراحت للفندق
باالطريق الي كان موصلهم
سلمان اخوها وهديل
هديل بالسياره لقت الجو هاااااادي مره
..هديل... اقوول فهد هذي ريم هذي دره انتبه عليها
فهد.. انشالله
سلمان كان وده يضرب فهد لأنه اصلا ماكان طايقه
سلمان متضايق...فهد هذي ريم مو أي احد مابيها ابد تتشكى
فهد ببرود... انشالله
ريم لا حضت برود فهد وين عفويته الي قبل وين حبه لها الي قبل اكيد انه صاير شي
يوصل سلمان للمريديان ويجي العامل وياخذ الشنط وتنزل ريم من السياره وينزل فهد وسيف وهديل
ريم تسلم على تختها واكنت مره خايفه وكانت الساعه 2 على اساس انهم بيتعشون ويمشون للمطار
ريم شافت سياره من وراهم جلست تناظرها ولقت انا السايق

ــــــــــــــــــــــــــــــ ــــــــــــــــــــ ــــــــــــــــــــــــــــــ ـــــــ
هنا ينتهي البارت ...
من تتوقعون الي بسياره الي لحقت ريم وفهد...
ووش تتوقعون لمواقف الي بتصير بين ريم وقهد

ترقبو بالجزء السااابع.

 
قديم   #24

لؤوؤسي


رد: روايه خلك على خبري كما ريحه العود..


روايه خلك على خبري كما ريحه العود..

d الجزء السابع
الي بسياره ...فارس ولد اختها ووخياااتها
ريم تضحك على الأشكال... ههههههههههههه
فهد تضايق...لحووول
هديل مشتغربه..وش فيك
فهد.. هديل مافي وقت وشوف من جاء
هديل مستغربه.. هدبالك ماراح يجلسون كثير
ريم دخلت للفندق ودخلن خوياتها وراها
ريم ...وش جيبكم ياسلنتحات لاوفارس بعد ((وكانت تناظر الجوري وتغمز لها لا ومع فارس بعد ههههههههههه
الجوري ..هههههههههههههههههههههههههه وجع حتى اليوم بعد
غاده.. احم احم حنا لازم نخاف عليك مو شايفه جينا ورااك والحين بنمشي فارس واختك مي جابونا ماراح نروح الزواج بنروح بيت الجوري بنكمل السهره هناك
ريم نست زجها.. اللللللللله ابي اروح معكن
البنات..هههههههههههه
فهد كان يسمع الكلام بصوت وااطي... هذا الي بقى
هديل.. وش فيك انت تكلم حالك خلاص بمشون الحين
ريم ستسلمت للأمر لوقع...طيب روحو جلعكم مادري وش اقول روحو روحو
البنات ...يالله سريناااااا
مي..هههه ياعمري انتييالله قلبي انبسطي ولا تحزنيييييييييين
ريم..هههههههه انشالله
مشيو البنات
والكل مشا
ضل بالوبي ريم وفهد
فهد من غير نفس.. ريم يالله خلينا نتعشى ونمشي للمطار
ريم بخجل... انشالله بس بروح ابدل ملابسي
فهد برفع حاجبها..وين بتبدلينهن
ريم ..هذاهم بالكيسه بلبس وبجيك بروح الحمام وبجي
فهد من دون نفس ..اوك روحي
ريم تروح للحمام وكانت مره مستغربه وكانت محتاره ليه يقول لها كذا
ريم بعد عناء من فصخت الفستان الثقيل وحطته بالكيس الكبير ولبسه بدله وعبايتها وطلعت
ريم وفهد
دخلو للV.I.P
وطلبو لهم الطلابات ...فهد ساكت وريم ساكته ولاواحد منهم يتكلم
فهد من غير خلق.. يالله كولي
ريم تبتسم.. لامابي اكل
فهد ستغرب.. ليه كولي
ريم.. شكرا مابي ((وكانت تقولها وهي ولاعلامه رضى بالوضع بوجها
فهد حس انا لازم يسوي شي مو مضبوط هذي ليله زواج وكان يناظرها ويشوف بها جمال موطبيعي ووكان اول مره يشوف مثلها وده يقسى عليها بس لما يناظر بعيونها يرجع بكلامها
وفجأه فهد...ريم
ريم.. هلا
فهد بيتكلم ... ليه آآآآ ... لالالا خلاص
ريم مستغربه.. وش فيك
فهد.. لاولاشي خلاص بس لازم تاكلين
ريم.. اوكل بس وشو ليه
فهد يضيع السالفه.. ريم خلاص كولي وبس
ريم.. انشالله
فهد بدى الأكل وكان ياكل ستيك لحم
وريم كانت تاكل بطاطس
فهد يضحك على اكل ريم.. وش تاكلين انتي
ريم ترفع حاجبها.. بطاطس
فهد يحط لها بالصحن ستيك لحم
ريم.. لالامابي
فهد.. شنو ماتبين لازم تاكلين
ريم تبتسم.. لا شبعانه
فهد.. بس ولو عشاني ...((وحس انا الكلمه غلط عشاني ليه هي اصلن لي شان عندها
ريم حسست بالكلمه واثرت فيها
ومدت يدها ومسكت الشوكه والسكينه وقطعت لها قطعه صغيره وكلتها
ريم تبتسم.. خلاص عشانك
فهد يبتسم ...كويس يالله كملي
ساكتين الى الساعه 4ونص
فهد.. يالله سرينا
ريم ببلاها .. وين
فهد مله خلق ابد.. يعني وين بنسافر ماتبين تسافرين
ريم.. اوك يالله
وتبتسم بوجهه بسمه عدم رضا
وكانت الشناط حاطينها بالووبي
فهد وخذ الشناط وحطها بالسياره وركب ريم وفهد بالسياره
نزلو للمطار
ريم نزلت اول وجا فهد ينادي احد يشيل الشناط
راحت ريم لقسم الويتنق مع فهد
شوي

نرجو من جميع الركاب المتوجهين الى فرنسا الذهاب الى بوابه رقم 244
ريم ماكانت تعرف لوين سفرتهم

فهد.. يالله ريم
ريم نبسطت .. فرنسا... ؟؟؟
فهد.. ايه فرنسا مو عاجبتك
ريم تطومر .. الا عاجبتني اكيييد
ريم تروح مع فهد لطياره وكانت شنطتها الي بيدها مامعها شي ثاني
حس فهد انه مهما كان من خيانه مايمنعه من مسك يد حبيبته
مسك فهد يد ريم وكانت بااارده وناعمه ماكان حاس بحاله وكان غرقان بنعومه يد ريم بدون مايحس شبك يد ريم وومسكها
ريم مستغربه.. فهد يدي بس لاتضغط عليها
فهد حس انه ضاغط.. اوه اسف سوري
ريم تبتسم.. لاعادي
وتبعد نضرها عن فهد
جلسو بأماكنهم
.....يرجى من جميع الركاب ربط احزمتهم
ريم بكل سفراتها مع اهلها ماكانت تربط االحزام
بس فهد الحياه معه غير.......
فهد ربط حزامه وجلس وماكان منتبه انا ريم ماربط حزامها
فهد مستغرب.. اربطي حزامك
ريم تبتسم.. مااحب اربطه حلو كذا
فهد يخاف .. اقوول ربطييه
ريم مصره.. والله مااحب
فهد خايف.. واذا جا مطب هوائي
ريم بهبال.. عادي ماراح يصير شي
فهد عصب.. لاتصيرين عنيده يالله اربطي
ريم تأشر براسها.. لا مابي
فهد يصد عن ريم ..بكيفك
و فجأه يدور فهد حزام ريم وحصله وجلس يربط حزام ريم
ريم تبعد عن فهد.. فهد قلت لك مابي
وفجأه كان جسم ريم قريييب مره من جسم فهد وفي وقت ضيق وقت مررررره قصير
ريم تناظر في عيون فهد وفهد يناظر بعيون ريم وكان بعيونهم كلام وكانو مقابلين بعض وقراب وجهيم من بعض
ريم تبتعد عن فهد وفهد يترك حزام ريم
ريم وجها صار اكثر من احمر وحست راسها جلس يدور الأحراج
فهد على طول لما ابتعد عن ريم جلس يناظر الش
ريم ربطت لنفسها الحزام
وشوي جات الموضفه تشيك على الركاب
فهد على انه رجال كان يخاف من صعود الطياره
ريم لاحضت خوف فهد وهم كانو صاعدين لأنه اول ماصعدت الطياره
جلس يتشهد
ريم جلست تضحك عليه بشويش عشان ماينتبه
لما توازن الطياره
ريم مستغربه.. فهد
فهد متوتر..هلا
ريم تتكلم بطلاقه.. ابي اكشف عن وجهي
فهد...((في باله قبل شوي عيونك ورحت وطي هالمره وجهك
فهد يصد عن ريم..لا
ريم... فهد تكفى ((تكلمه بقمممه الدلع
فهد وباله بعد هالكلام اصلن حمار ان قلت لا
فهد برود .. طيب خلاص اكشفيه بس لما ناصل
ريم.. لا بروح اكشف الحين
فهد متنرفز.. ريم لاتصيرين عنيده مو الحين اصبري كلها 7ساعه واصلين
ريم فيها عناده مو طبيعيه ..مابي ابي الحين
فهد في باله((.. ياااربي هذي وشلون اقسى عليها
فهد وبعد عناء.. روحي بس لاتتأخرين
ريم... اوك ثواني
تروح ريم للحمامات وتفصخ عبايتها
فهد كان بمكانه ويشوف ثنين متزوجين وكانو بمنتهى الفرح والسعاده وكان يتمنى انا هو مع ريم كذا بس ماكان متقبل الفكره
فجأه فهد ينااااااظر ريم وكانت عيونه بتطلع من مكااانه
فهد يعصب... وش ذااا ليه فصختي عبااااتك
ريم .. اجل افصخ البرقع ماافصخ العبايه بعدين يادوبي بالفندق دخلت الغرف وفصخت ملابسي ولبست هالبدله
فهد عصب مررره.. ريم روحي البسي عباتك
ريم عنادها زاد... لاوالله ماراح اروح وش بيقولون عني
فهد كان جالس على اعصابه وكان فرحان وزعلان بنفس الوقت
فرحان يناطر الجمال الي مهبله وزعلان انها فصخت عبايتها والكل يناظر هالجمال
شوي وريم انعست
وحطت راسها على اكرسي ونامت
فهد كان يقرى بالمجله

 
قديم   #25

لؤوؤسي


رد: روايه خلك على خبري كما ريحه العود..


روايه خلك على خبري كما ريحه العود..

فهد يلتفت على ريم.. ريم .......يوه نمتي
جلس فهد يناظر ريم وهي نايمه
فهد ..وش هالبرائه مستحيل انا ريم تسوي كذا مستحيل اكيد سعود كان متقصد يبي يفرق بيني وبين ريم
وجلس يناضر ريم وكانت خصل شعرها طالعه برا الحجاب
جلس يناضر عيونها وهي نايمه انفها فمها
وحس بحبه رجع فحاول انه يصد عنها
وجلس يناظر ريم وكان بخاطره يقول
ياريم(ن) على المدى تمشين ...احترق قلبي وانتي بمكانك ...من غيرتي فيك حرمت ابكيك ... ومن ناضر شفتك حرم يشوف جمر القضا ثاني
حس فهد انا ريم تتحرك ومو مرتاحه بنومتها
ميل راسها على كتفه وخلاها تنام لأنها بنت خاله لاغير ماعاملها هالتعامل على اسااس انه يحبها او انها حبيبته
ريم تنتبه وكان باقي على الرحله 2 حصلت راسها على كتف فهد وفهد كان نايم وحاط راسه على الكرسي
ريم جلست تناظر فهد وكانت تناضر بنظره غريبه حست انا قلبها بدى يدق بقوه حست انها لازم تعرف وش سبب هالدقات القلب جلست تناظر فيه وحست بشعور غريب مره بس مو اول مره حسته حست بهالأحساس قبل زواجها بليله الي هو قبل يومين
وكان الكل يقولها هالأحساس احساس حب وكانت شوق تقولها سعود مجرد وهم ومجرد مفرق لا اكثر
ريم حست انها حبت فهد حست انه حلالها وانه يحبها وهي لازم تحبه حست براحه النوم على كتفه
ريم مسكت يد فهد وشبكت فيها
وضلت ماسكتها الى ان صحى فهد من النوم
فهد يصحى من نومه ويشوف يده شابكه بريم.. ريم
ريم ابعدت يدها عن فهد وابتسمت بوجهه
ريم اول مره كانت تقولها له ... لبيه
فهد حس حاله بحلم ولازم يصحى منه ريم تقوله لبيه هذي اكيد تبي تلعب بعقله مره تخونه ومره لبيه اكيد مجرد حلم او لعبه
فهد متثيقل من النوم... وش بقى على ان نوصل
ريم تناظر سعتها..... باقي نص ساعه كمل نومك
فهد بناظر لش.... لاخلاص شبعت
ريم ابتسمت ..اوك
فهد يقوم..بروح الحمام شوي..
ريم.. اوك
فهد يروح للحمام وبالمغاسل يغسل وجهه ويناظر بالمرايه ... وش السالفه اكيد في موضوع شكلي لازم اكلم سعود واقوله انا الي صار كذب ولالا ابي اعرف السالفه لو كذب ماناضرتني هالنضرات الي انااعرف انها نضرات حب انا اعرف نظرات الحب مستحيل هذا من ريم بس ريم ماتحبني انا عارف وهذاك كان رقمها وكلامها اوسلوبها بالكلام انا لازم اقولها اني عرفت
طلع فهد من الحمام
وسار لمكانه
لقى ريم تجهز شنطتها وتشيل عبايتها وشيلتها وبرقها بالكيسه
ريم... جيت ترى مابقى الا شوي ونوصل جهز اغراضك

فهد برود.. اعرف
ريم نضرت.. اوك بس حبيت اقولك(( ريم انصدمت من الرد
فهد.. اوك
وصلت الطيارو واعلن الكابتن عن وصلهم لمطار جار ديقول باريس ...
نزلت ريم وفهد من المطار
فهد.. ريم اجلسي بالويتنق اخلص الأوراق واجيك
خلص فهد الأوراق والجوازات وراح لريم
فهد.. يالله سرينا
ريم تشيل شنطتها وتسري وكان العرب الموجودين عارفين انها عربيه لأن جمالها كان عربي بدوي اصيل
ريم كانت هاديه وكل مايقول لها فهد شي تسكت او انشالله
فهد وقف تكسي وركبو وحمل شناط فهد ثقافته بالفرنسي كويسه بس بالأنجليزي مررره كويسه بحكم دراسته ببريطانيا
فهد جلس يحاكي السواق بفرنسي
اسم الفندق الي حجز عنده وهو فندق...كنكورد سينت لازاري فندق فايف ستار مره كول
ريم كانت تناظر جمال باريس بلد العشاق وكانت مره مبسوووطه وكانت ودها فهد يشاركها الوناسه
ريم مره منبسطه.. فهد فهد شووف وااو مره حلو
فهد برود.. ريم انا اعرف هالمناظر
ريم حست بحاجه ضعظت على قلبها فبتسمت ور جعت تناظر
جلست تناطر الأشيا ومسرع مانست الي قاله فهد
ويوصلون للفندق ريم تنزل من السياره ويجي الخادم ويشيل الشناط
فهد لابس بدله وكان بمنتهى الجمال
وريم كانت بدلتها صيفيه مرررره ماكانت متوقع انها باريس
ريم جلست بالوبي الى ان فهد ناداها وصعدت باللفت
تدخل ريم الجناح وكانت خايفه ومنحرجه ومبسوطه يعني تعابير وجهها مختلفه
فهد دخل بالصاله وقال للخادم يخلي الشناط في ذا
ريم جلست على الكنب الي كان شمواه اخضر وبه علامه الفندق الذهبيه
وكان الكنب منخفض مره وبجنبه كنبات خضرا شمواه برضو عليها علامه الفندق الذهبيه
فهد كان مره جوعان وريم كانت جوعااانه مره
جلس فهد على الكنب الأخضر
فهد بهدوووؤ.. ريم يالله نبي ننزل للمطعم
ريم ..اوك بس ببدل ملابسي
فهد.. لالا اذا رجعنا بدلي لأن مانبي ننام لانضيع اليوم
ريم.. اوك يالله
نزل فهد وريم من الفندق
فهد.. شراييك أي مطعم تبين
ريم.. على راحتك لي انت تبيه
فهد ..اوك اجل نروح مطعم انتر كوت الي هناك
ريم.. اوك
راح فهد دفع للكاشير حساب سايق خاص لريم وفهد بروحتهم وجياتهم
ركبت ريم سيارهb.m.w الي كانت مع السايق كانت مكشوفه ولونها ابيض
جلست ريم وفهد بلمقعد الخلفي
وصلو للمطعم ودخلو وحجزو لهم مكان
فهد كان يناظر للمطعم من زمان عنه تغير كان اخر مره جايه مع خوياه
ريم كانت شايفه المطعم من قبل بالصور مع اختها هديل
فهد يعطي ريم المنيو... ريم شوفي المنيو وقولي وش تبين
ريم شافت المنيو وكان به اسماء فرنسيه مو عارفه فشافت صور الأكلات وختارت الي تبي الي كان واضح مكرونه ايطاليه وبطاطس بالطريقه الفرنسيه وببسي
فهد طلب له ستيك لحم ...وطلب له بيتزا كان نفسه فيها وعصير برتقال
فهد كان ساكت ولايحب السكوت لأن كان بالسفر مررره يخلي الطفشان مبسوط فمع ريم كان حاط امال كبيره انه يكون فوق المبسوط وكان يفكر كيف يقول لريم انه داري بخيانتها وشايل في باله انه لما يصحون بكره بيقولها الي يعرفه كله ويشوف وش ردها
ريم بردت... فهد موكأنه برد
فهد.. ايه برد انا اتذكر اني قلت لك البسي كويس
ريم.. ايه بس مادريت انها فرنسا
فهد ماعطى ريم اهميه لأن فوق حبه لها خانته
شوي ويوصل الأكل وريم بدت تاكل بشويييييييييش كالعاده
فهد مستغرب.. شنو هذا وشفيك تاكلين كذا
ريم.. عادي هذا اكلي انا كذا حتى خوياتي يتريقون علي
فهد جس يضحك على طريقه اكلها البااااارد
ريم..هههههه حتى انت تضحك((قالتها بكل دلع
فهد جلس يناظرها وده يقولها احبك من جمال الشكل والدلع
ريم نزلت عيونها من كثر ماكان فهد يناضرها كملت اكلها
فهد حس نضراته لها لازم تتغير من حب لكره الى ان يعرف السالفه عدل
كمل فهد اكله وخلص قبل ريم لما خلص فهد ريم حطت السبون (الملعقه) وقالت ...الحمد الله
فهد... كملي
ريم تبتسم.. لاخلاص شبعت
فهد.. والله موطبيعيه
ريم.. خلاص والله شبعت
فهد .كملي ماراح نروح الا لماتكملين
ريم ابتسمت بوجهه وهو كالعاده خق ثمن رجع لعادته الطبيعيه
ريم خلصت اكلها ...خلاص من جد شبعت
فهد..وربي هذا ترى مواكل هذا لعب وش هالأكل
ريم.. وربي انا اكلي كذا بس
فهد مستغرب.. ماعجبك الأكل... ؟؟
ريم.. الا حلومره
فهد... اوك يالله سرينا

يركب فهد السياره وريم تركب
وكانو يمرون على شارع الشنزلازيه الي من مناضرها ماتنمل وكانت المسيقى حلووه وكان الجو ليل ومره حلووو وكانت الأانوار مره رمنسيه وريم كانت مره مبسوطه وفهد في عالم ثاني
وصلو للفندق
وركبو اللفت ....
ريم... يوه نسيت ماكلمت امي
فهد.. خلاص اذا وصلنا كلميها بجوالي
ريم.. لا اناجوالي دولي عادي
فهد.. خلاص اوك
يوصلون للجناح وتدخل ريم ويدخل وراها فهد
ريم تاخذ جوالها وتتصل على امها
ام خالد كانت جالسه مع ابو خالد والعيال ومي وهديل يتغدون كان باليل وهم عندهم العصر
ام خالد.. يابعدي هذي ريم تتصل



 

أدوات الموضوع



الساعة الآن توقيت السعودية الرياض و الدمام و القصيم و جدة 12:37 PM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0