قصة حب محمد ونوال قصة حقيقية الحلقة الاولى حصرى

هاى ازيكم يا حبيباتى

انهاردة انا جيبتلكم قصة حب حقيقية كاتبها الحبيب (محمد)

عن حكايته مع نوال بصراحة قصة حلوووة جداااااا بين محمد اللى مستواه الاجتماعى

عالى وبين نوال البنت البسيطة اللىمحمد هيقع فى حبها

وهنشوف مع بعض المواقف اللى تفطس من الضحك بجد

انا جيباها من الفيس بوك لان محمد اصلا كاتبها على الفيس بوك

وياااارب تعجبكم انهاردة انا جيبالكم اول حلقة وياااارب تعجبكم

ولما الائى ان فى لهفة منكم على بقيت القصة هنزل باقى الاجزاء

للعلم هى لحد دلوقتى 12 جزء

نبتدى بالحلقة الاولى يلا بينا

البداية
كانت البداية لما اتبقلنا فى سيتى ستارز مول بالقاهرة

أول ماشوفتها ركزت فى ملامحها و كأني طفل صغير

بيركز فى فاترينة محل لعب و حسيت ان حنا لازم نبقى

مع بعض رغم انها ممكن تكون مختلفة عني في حجات

كتير لكن ملامح وشها و نظرة عنيها و حركة شفيفها

ونبرة صوتها كانت بتخليني اركز فى ملامحها اكتر و

اكتر و أحس أن عايز أقرب منها كل ده حصل فى خمس

دقائق مش أكتر بس يمكن يكون أقل

أتقبلنا صدفة لما صحبي وصحبي قالولي تعال معانا وسط

البلد ونزلت معهم و اليوم كان ممطر بشدة فقررنا نروح

المول عشان نهرب من المطر

و بالصدفة نزلت هى واسمها نوال مع صحبتها نور

وصحبتها اتصلت بصحبي عمر وقررت تيجي المول

رغم ان عمر كان مخنوق منها و حاول يتهرب منها

لكن فشل لأنه مابيعرفش يزوغ بسهوله

لماكنا فى وسط البلد اتصلت نور بعمر فقلها انه فى

مدينة نصر لماعرف انها في وسط البلد و لمااتصلت

بيه بعد كده بأربع ساعات قلها انا فى المول فقررت

انها تيجي المول

وهي ده الصدفة انا مع صحبي هو مش صحبي قوي

ممكن نقول زميلي و هي مع صحبتها ورغم ان صحبي

بيهرب من صحبتها برضة اتقبلنا فى مكان رحته و هى

برضة بالصدفة

انا محمد و هى نوال

كنا فى كوستا كافى صحبى اضطر يستني نور

وانا رحت بعد المكالمة ابص على المحلات و بعد ربع

ساعة رجعت اتلقيت عمر و احمد و نور و نوال اعدين

جبت كرسي بعد ما كرسيه اتخد

و أول حاجة لفتت نظرى ربطة الإيشارب الإسبانش بتاعت

نوال كان ربع شعرها ظاهر من الإيشارب يجنن مع لون

بشرتها الأبيض و شفيفها البامبة و عنيها السودا

جبت كرسي و سلمت عليهم

هاي

هاي

انا محمد

انا نوال

انا نور

و بكدة عرفنا الأسامي

اعدت على الكرسي 5 دقائق ما بتكلمش بحاول اركز في

ملامحها من غير ما تحس

قررت ادخل فى الكلام كانت جنبي نور فسئلتها عن شغلها

و بعد كده سئلت نوال و بالتالي هما سئلوني

نوال كانت سكرتيرة في شكرة مقاوت و نور فى المبيعات

فى شركة تكيف و انا كنت طالب فة اخر سنه فى الكلية

فى علوم سياسية

استغربوا جدا لما عرفوا اني فى الجامعة نوال كان عندها

26 و نور 25 و انا 23 بس كان شكلي اكبر منهم كلهم

وماصدقتش نوال إلا لما طلعت البطاقة الشخصية

وطبعا جه ما بنا كلام قولتلها حلو قوي ربطة الأسبنش

فضحكت و استغربت اني عرفت اسم الرابطة و كمان قولت

لنور ان مسكارتها تجنن هى نوعها أيه؟

و جريت كلام هنا و هنا

و لما الساعة جت 8 باليل نوال كانت عايزة تروح عشان

الشبشب بيترفع عندها فى البيت 8 و نص تسعة

وحنا أيمين بان اني طويل و ان عمر قصير ن قالت لعمر

ايه ده انت قصير قوي شوف ده و شورت عاليا وقالت

تحس انه راجل

ساعتها معنويته ارتفعت جداً و حنا نزلين على السلم الكهربائي

كنت امام نوال بس ادورتلها و السلم نازل و ركزت فى عنيها

فضحكت هي قوى و فجأة السلم خلص و كنت هئع

فضحكنا و همست فى اذن عمر انت مرتبط بحد فيهم

قالي : انا كنت اعرف نورا و اتخنقت منها خدهم هما

الأتنين

ركبنا العربية حولت اعد جنبها مانفعش لكناعدت انا ورا

وجنبي احمد فى النص و جنبه نوال

شغل عمرو عمر دياب

نوال : ايه ده معندكش العنب و كعبوا

انا : العنب ... بستغراب شديد

عمر: هنوصلك فين يانوال

نوال : عارف جنينة الفسطاط
عمر : لآ

نوال : عارف السيدة عايشة

عمر: يعني

نوال : طب خد طريقها

انا عرفت ساعتها انها ليه طلبت العنب..لو انتم

مش عرفين المكان إللي هي قالت عليه شعبي جداً

فى مصر القديمة بس عجبني انها قالت عنوانها الحقيقة

فى بنات كتير بتكذب يعني لو ساكنين فى مصر القديمة

يقلوا المنيل مثلاً و حسيت اني هعرف نوع جديد من

البنات معرفتوش قبل كده و مش من الطبقة الإجتماعية

بتعتي ليها روح مختلفة ونظرة مختلفة و ثقافة مختلفة

اتشديت ليها حسيت بروح بنت وسط البلد بنت مصر

شميت فيها ريحت الأصالة و الشعب مش التكلف و المظاهر

الكدابة حسيت انها هتكون تجربة جديدة غيراى بنت عرفتها

فجأة صأفت و زغرتت فى العربية وزى ما تكون اتهبلت

وقالت انتم ساكتين ليه ماتصقفوا و تغنوا انا بدأت اغني

معها العنب العنب و ارقص و اصفق و اغني اغاني شعبية

فستغربت و ضحكت و قالت : إلحئي يا نور ده طالع عارف كل

حاجة اى ده انا كنت فاكرك حاجة تانية

انا : أيه فاكراني فرفور و لا أيه لا انا أعجبك ادوس فى أى حاجة

وبعدين لعبنا أنا وهي زززنننن
كل ده و أحمد فى النص مخنوق منا

واحنا و لا هنا وعملين نحط ادينا و نشوف مي هيكسب و يضرب

أيد التاني لغيت ما وصلنها و نزلت قبل البيت بشويه كتار ناحية مجري

العيون قولتلها وهي نزله انا لازم اشوفك تاني رقمك كام قالتي و هي نازله

مستعجله خده من عمر انا :افرضي مارداش

خده من نورا

واخدته من نور وقالتها صحبتك ده مش ممكن انا

معجب بيها موت

نور : خلاص نخرج احنا الأربعة يوم الخميس

الحلقة التانية فيها الباقى

قولولى ايه رايكم يا رب تكونو اتبسطواااااا :0108: :0108: :0108: :0108:

باااااى ولى عودة

مشكوووووووووووووووورة حبيبتى

العفو حبيبتى المهم عجبتك؟؟؟

عشان انشالله اجيب الحلقات التانية

العفو يا حبيبتى
وانشالله لما اشوف تفاعل انزل سيزون تو
بااااااااى
يلا تعالو وقولولى ايه رايكم

	#2
بنوتة شقيه	رد: قصة حب محمد ونوال قصة حقيقية الحلقة الاولى حصر قصة حب محمد ونوال قصة حقيقية الحلقة الاولى حصرى مشكوووووووووووووووورة حبيبتى

	#3
hendah22	رد: قصة حب محمد ونوال قصة حقيقية الحلقة الاولى حصر قصة حب محمد ونوال قصة حقيقية الحلقة الاولى حصرى العفو حبيبتى المهم عجبتك؟؟؟ عشان انشالله اجيب الحلقات التانية

	#4
الوردة الشفافة	رد: قصة حب محمد ونوال قصة حقيقية الحلقة الاولى حصر قصة حب محمد ونوال قصة حقيقية الحلقة الاولى حصرى