 |
  |
|
|
|
|
#1 |
|
:: كاتبة مميزة :: |
سالفة نوره
قصه حقيقيه لطالبه في الثانويه
متفوقه في الصف ولكن.... سوالف ربعي البارح شي شدني فيها وخلا مارد الهامي يسجل عندي حضوره جابو سالفة نوره في قصه وقلت برويها في صق الثانوي تدرس كما هي عاد مذكوره حكت عنها زميلتها وقالت حق اخيها هناك بنت بصفي شكلها حيل مغروره فأخرصفنا تجلس ولا حد يضاهيها دايم نطلع الفسحه وبيت الراحه يأويها قلنا يوم او يومين ثلاثه ايام معذوره ولكن عالوضغ دايم من أولها لتاليها واحنا نشتري وناكل ونعمل مع بعض هوره بصراحه الشك من يدخل قلوب الناس يعميها ويجعل كل ابن أدم يخرج عن طوره بلغنا مديرتنا تشوف البنت وش فيها تبعتها ولاسمعت خرير الماء له دوره دق الجرس طلعت دخلنا وجت تناديها فلانه اش فيك ميهوده تبين تزورين دكتوره قالت لا يا أستاذه مابي عله أشكيها لكن عاد دموعي وهي عالخد منثوره ما أبي حد يلمحني وانا اهل بعبراتي اخجل من زميلاتي وانا ماني بمضروره وانا عيني بصيره بس مثلي مقصره يديها ومابي في عين زميلاتي اهز لوالدي صوره موذنبه الحظوظ ان جات عالدربه تطيح معثوره ومو ذنبه وانا تعودت على الدنيا ومآسيها وياريتك يا أستاذه تعرفي القلب وشعوره اذا غرت فقط دمعه في عين امك وش فيها وانا دمعة ابوي تطيح قدامي بلا شعوره هنا تبكي مديرتها وبكو كل اللي حواليها خذتها بالحضن وقالت انا بهالبنت مبهوره وانا كل مااكتب الكلمه تهل الدمعه وامحيها واردد لعنبو ذاك الفقر وش جابه لنوره نرى ضحكه في عيون الناس ولاندري بخافيها من العفه تحس ليا تقبل تحس العز كاسيها وهو فالواقع الجوهر عاكس باطن الصوره اذا حط الفقر نابه وش اللي منه يحميها تعزي حالها بالصبر وهي تموت مقهوره سلام الله على نوره وسلام الله على طاريها وسلام الله على وقت تعيش بظل دستوره كذا كانت حكايتها ونقصني بس اسميها اذا جينا نعنونها قالو وش نسميها بسيطه افتحو قوسين وحطو(سالفة نوره) مواضيع ذات صلة |
|
|
#2 |
|
|
رد: سالفة نوره
يعطيك العافيه
|
