الهنوف و هلال

اهلين صبايا رجعت مرررررررة وعندي تكلمة لقصة الهنوف وهلال

[CENTER]ملخص مما سبق:
دخلت الهنوف البيت راحت المطبخ تدور عن تفاح
وبين ما اهى تدور عن تفاح يأتها رساله ع الواتس
لجت الهنوف التفاح حمراء حلوه مررره
شافت ان المسج من هلال وفتحتها ولجته كاتب ابي شي
ردت عليه: شنو اهو؟
كتب: طلعى
كتبت: الوقت متأخر مجدر...اسفه
كتب: عيل الفون اقصد الهديه بكرا راح تشوفينها
كتبت: وين اطلع؟
كتب: برا البيت
كتبت: وبعدين انا برا مشوفك؟
كتب :انا مو على يسارك ع يمينك
لفت الهنوف ولجته جايب لها ايفون <<<واو
الهنوف: ياي وايد حلو جدا وايد. هههههه
هلال :احبك لاني اي شي تفكري بس تفكير حتى لو ما قررتي اذا تبيه او لا بجيبه
الهنوف: مشكور انت افضل انسان عرفته بحياتي
هلال: يعني مجدر اسمع منك احبك ,اموت فيك ماكو من هالاشياء
الهنوف :احبك واموت فيك والله لايحرمني منك
باي بدخل بيسالوا ويني؟
هلال : ويت حتى ماسألتى وش الشي الى ابيه منك
الهنوف :اطلب لكن لاتتغلى على
هلال :انتي غاليه كيف اتغلى عليك؟
الهنوف: شو تبي حبيبي ؟
هلال :لاتعذبيني بكلامك
الهنوف: خلاص اوكيه
هلال :ابي بوسه
الهنوف : شنو؟
هلال: هيه ابي بوسه تروحي بدون مقابل انا مقصد شي تسحريني وما تعطيني مقابل
الهنوف جربت منه وشويه شوي تقربوا من بعض وباسها في شفايفها
الهنوف: يلا بدخل باي
هلال: ع وين الهنوف بس شوي تعالى
الهنوف: علامك هلال ؟ اهلى والله يقتلوك
هلال: اوك بوسه وداع
الهنوف باسته عخده وراحت تركض داخل البيت وصلت الغرفه وجلست بسريرها وقلبها يدج من اللى صار شوي وهلال يدج عليها
الهنوف: الوو
هلال: ما ودك ترمسينا ؟
الهنوف :حبيبي الصباح نتكلم الحين فيني تعب ودي احط بالسرير وانام
هلال: اوك
الهنوف: ايه صح ممكن تأخذني للمدرسة اروح استلم الشهادة واشوف لـ اي جامعه تدخلني
هلال: حلو متى ودك نروح؟
الهنوف: لمن تفضا
هلال: حياتي انا دومي فاضي لك
الهنوف: فديتك والله احبك باي
هلال :وانا بعد يلا باي

والحين نستكمل:
[وفي الصباح
الهنوف: ايه
الكل: ايــه؟
الهنوف: اجول لو ما تلاحظوا راح ازعل
نوف ونواف :شنلاحظ؟
طلعت الهنوف الفون الجديد من بيجامة النوم عشان ترد ع هلال
الهنوف: ايوا...
هلال: ها حياتي مو الحين؟
الهنوف: واي منك الحين ؟ الساعه5
هلال: اوك .....عيل انا راح امر عليك جلسي وياي لين يجي الوقت الى تبي تروحي فيه.
الهنوف: لا والله
هلال: هيه بس البارحة صراحه ما درى شو ذيك الشفايف الرطبه الى حطة على؟
الهنوف بصوت منخفض :اووشووووش راح يقتلوك برهوم وعلى ونوافوه
هلال: اوك خلاص...لكن ودي اشوفك؟
الهنوف: انت ما ودك تشوفني ؟
هلال: عيل شو ابي؟
الهنوف: انت ادرى
هلال: ههههه
الهنوف: يلا عاد خليني اوريهم الفون ......هيه.......هههههه........ .....اوك.....لاماراح اجولها عيب ترا كلهم يسمعونا ....عنيد ...احبك....باي
نواف: اها احبك
الهنوف: جلت له يسمعونا اذنهم معي
ابراهيم : عيب عليك شو "اذنهم معي"
الهنوف: علامك والله لا تزعلوني اليوم نفسيتي فرحانه لاتخربوها
مشعل: من وده يزعلك ما يستحق الاحترام
على : حتى انا؟
مشعل :الا على <<<يا جبان
نوف: بنات العمه و العم وبنات الخالة وبنات الخال ويانا
الهنوف وريم وطيف لا تفرقوهم والا يأكلنكم بقشوركم
الهنوف: ريومه حبيبتي طيوفه
ريم : شحالكن يالقاطعات؟
الهنوف: انا ولا انتى وطيوف؟
طيف: لا والله انتن القاطعات
الهنوف: بنات ترا موكن لما اجاء لكل وحده خطيب قطعت الثانيه؟
طيف: هيه والله
ريم : اصلن .....هيه
الهنوف: سيرن غرفتي افضل نعبر عن مشاعرنا
ريم :وين المشاعر ومشعل 24ساعه داخل خارج الغرفه؟
طيف :عادي
الهنوف: ايـه عاتي
راحن الغرفه
الهنوف : انا اخر وحده اتكلم ابدن انتن
ريم : انا الثانيه
طيف: لا والله وانا الاولى يعني....حرام عليكن اوكي
خلصن كل وحده حكت لثانيه
ريم : قصه مؤثره وحب هنوفه
الهنوف: وانتى بعد اما طيف رومانسية عايشه وسط ضحك
طيف : شو تشوفني انا وفصول كوميديا مثلا
ريم : يا حبيبتي هههه بصراحه يب
طيف: ااااا صح خلنا نشوف الفكرة مال العرس الجماعي لاه
الهنوف: ايه صح اقول بروح ادق ع هلال تمام؟
ريم : لاه
الهنوف: يب
ريم :ماكو اجلسي انا الحين واصله شفيك كذا
طيف: خليها ما تقدر تصبر
ريم: اشوفها ...لكن قلت لك ماشي مشيه
الهنوف: شفيكن حرام عليكن
ريم :ترا كلنا عندنا حبيب مو انتى وبس
وفجأه...
.
.
.
:"لالا لالالا تقارني بغيري تربط الناس بـ مصيري انت أكثر شخص يدري ان ماني مثل غيري..."حسين الجسمي.
البنات صاروا يضحكوا
وفي بيت اخر
وهو ف الفراش وبنعومة: صباح الخير...
واهي كانت ع صدرة وبدون ماتفتح عينها تبتسم له :اه صباح النور
باس جبينها :الله يخليك لي
:ويخليك لي
:كيفك؟
:الحمدلله
:شو ؟...كيف البارحه؟؟
واهي تضحك بـ مكر: شفيها البارحه؟
: اها ...يعني مسويه نفسك خبلة؟
بدلع: لاتقول عني خبلة
: طيب...ابي اكل
:اممم...اوك
قامت من الفراش وغطت جسمها وشردت الحمام بسرعة
ههه عاد مو مكر >>>لانه كان راح يمسكها بس كان يبي منها تقوم
بعد دقائق
:ميدوو
:لبى قلب ميدوو انا؟
:يالله حمنى جيب لبسي
:تعالى له بروحك
:لا والله
:يب تعالى له بروحك
:مؤيد
مؤيد: لبى قلب مؤيد انا ...اوك
عطاها لبسها وشوي وطلعت له
مؤيد يناظرها وراسه منحني مسوي فيها دايخ من الجمال
بس تراها ماشاء الله عليها جمال ...و جسم حلووو
مؤيد: ابوي امي هلي كلهم انتى
:هههه
مؤيد: اقول حبيبتي ...ابي اكل
:اوك بس اسوي شعري
مؤيد: اشوف...شعرك حلو
:لا
مؤيد بصراخ: ولاء خلاص عاد روحي
ولاء: اوك خلاص بس ...متى نرجع؟
مؤيد : ع حسب ...اقصد كم يوم احنا جالسين خلص شهر ولا؟
ولاء :لحظه ...ايه بكرة
مؤيد :بكره نروح
ولاء: يب احسن ...اممم بروج اسوي اكل
ع فكرة تراهم في شهر عسل ولاء تزوجت خلاص
في بيت ثاني عائلة جديدة من رفيقات الهنوف
غلا ،نجلاء ,منال ,شهد ,ثريا ,ايمان ,غاده ,سماح
اولا:
عائلة غلا
فراس :ما يفكر انه يتزوج اخوها الكبير مزعج اناني وعصبي يشتغل في شركة بس كل مرة يطلع من شركة(31)
مريام: ما لاقيه زوج وتحس ان محد يسواها اختها الاصغر من فراس بـ سنه(30)
فيصل: قريب يتزوج طيف رفيق هلال ورامي(28)
أحمد: اخوها الى مرة فـ جانب احد مو مستقر{ يشتغل في محل }(26)
رحمة: متزوجة مزيونة وقمر وعندها بنت قمررر مررة(سمر بنت اسبوع) (25)زوجها اسمه فهد ويشتغل ف الصحراء.
مشاري: مخلص ينتظر وظيفة اخوها الحبوب الى اكثر واحد يكون بجانبها يبي لها الخير دوم(24) وحبيب غاده
حلا: اخر العنقود بالمدرسة توأم غلا بالفكر مو بالعمر(16)
غلا: تدخل الجامعه بس تنتظر الشهادة مثل الهنوف(18)عنيدة حلوة مررة مزيونة عيونها كبار حلوات اهي من الشرقية وشفايفها صغار وعندها غمازة تجنن بـ اختصار مزيونة تعتبر من ضمن الشلة الرباعية الفاسدة :شهد، نجلاء، ثريا ، الهنوف واهي تعتبر أم المصايب اما الهنوف تكون البريئة الى عـ نياتها
حمد: مزيون بالجامعة ثالث سنه(21)
ابوها ناصر
امها شريفة
ثانيا:
عائلة نجلاء
ثامر: مخلص اكبر اخو (24)رفيق مشاري اخو غلا يحب ايمان
حسن: ثاني سنه بالجامعة(20)مزيون وحبيب شهد
مروان: بالجامعة يدخل ثاني سنة الأخ الاكبر من نجلاء بــ سنة (19)
نجلاء: تنتظر الشهادة واهي من الشرقية نجلاء كشخه حلوة قمر 14غلا ونجلاء نفس التفكير جنون وطيش فيهن واهي اخر العنقود والبنت الوحيدة(18):واهي تعتبر من ضمن الشلة الرباعية الفاسدة : غلا, شهد، ثريا، الهنوف واهي تعتبر فـ الشلة أم الافكار واهي الي اختارت هذا الاسم لـ الشلة (شلة الفساد)
خديجة امها، ابوها خلفان
رابعا:
عائلة منال:
منار :الاخت الكبيرة (22)رابع سنه بالجامعة
جاسم: ثاني سنه بالجامعة(20)
منال: تدخل اول سنة مضحكة ومتسلطة قلبها كبير جمال طبيعي عليها ومع الهنوف والشلة عمرهـا(18)تدخل(19)
زياد: اصغر اخ فـ العائلة فـ المدرسة عمرهـ(17)يدخل(18)
خامسا:
عائلة شهد :طبعا عائلة شهد اثريا جدا
ضاري: مخلص يشتغل بشركة اكبر اخو عمرهـ(26)رفيق أحمد
حور: اخر سنة بالجامعه عمرها (24) أحمد يحبهاعمرهـ(26)اخو غلا بس اهي ما تدري عن حبه ومن اساس ما تفكر بالحب
حميد: وسيم عمرهـ(22) بالجامعه رابع سنة بالجامعة رفيق مشاري وحسن
رشا: اخر عنقود عمرها (14) بالمدرسة صف تاسع
شهد:(18)تدخل (19)مع الشلة حبوبة وحلوة مضحكة اجتماعيه وتعتبر من ضمن الشله الفاسدة الرباعية :غلا ,نجلاء, الهنوف , ثريا. واهي تعتبر فـ الشلة أم المقالب.
سادسا:
عائلة ثريا:
خالد: مضحك سخيف لما يشوف اي بنت من البنات الى معي ثريا يجن جنونه (28) يشتغل معلم انجليزي فـ المدرسة الاعدادية
شيلاء: تفكر تتزوج لكن مو قريب (27)تشتغل فـ التربية
شيماء: تنتظر وضيفة(26)
فرح: تدرس جامعة سنة خامسة(23)
ثريا: حالة مثل حال الشلة(18)تدخل(19) واهي تعتبر من ضمن الرباعي الفاسد: غلا، نجلاء, شهد ،الهنوف. واهي تعتبر فـ الشلة الي مو هامها شي
خليفة: اخر العنقود (16) يدرس صف عاشر يحب ولكنة ما مستقر يتنقل بسرعة من بنت الى بنت يعني فهموها بين قوسين (نصاب)
سابعا :
عائلة ايمان:ـ
صلاح:(19)يدخل (20)هادي رفيق حسن ومروان ويحب نجلاء بس نجلاء قريب تصير زوجة رامي
ايمان:(18)اصغر من صلاح بـ سنة ضمن الشلة الكبيرة موب شلة الفساد الرباعية
ضياء:(16)رفيقة حلا تفكر فـ خليفة بس ما يدرن انه يلعب عليهن بس
ما ندرى اي بنت دشت قلب خليفة
ثامنا:
عائلة غاده
غالية :حبوبة جميلة (30)رفيقة مريام اخت غلا
غدير: توأم غاده (18) بس ما في احد يدري عن انهم توأم الي يعرف خوات غاده و امها وابوها بس الكل ما يدري حتى رفيقاتها ولا حتى مشاري يدري
غاده: (18) تدخل (19) حالها من حال رفيقاتها واختها غدير
ليث:(23)رفيق ثامر ورفيق مشاري حبيب سموحه (سماح)
تاسعا: عائلة سماح
سماح : اكبر اخت فيهم حالها من حال الشلة (18) ـ (19) مسكينة الله يعينها
عبد العزيز: (17) باقي له سنة عن يدخل اخر سنة بـ الثانوية وسيــــــــم يحب ضياء بس اهي ما تعرف كان يحب حلا بس حلا شغل طيش وما مستقرة
عبدالاله:(16) هادي طالع عـ اسمه ههه يحب حلا
نور: اخر العقود(9)صف ثالث مجنونة بس مررة كيوت وحلوة

خلونا نكمل بعد ما تعرفنا عـ الشلة مال الهنوف ومع شخصيات جديدة

سارة: أمي انا اقولك واضمن لك البنت مررة حلوة وقمر 14 وسكر وبسرعة تدخل القلب
هلال: ههههه امي صح فديتها حلوة
ام هلال :ابوي شرايك نروح اليوم لهم زيارة يعني ...اشوفها وكذا؟
هلال: اوك ...بس بشوفها اذا عندهم ضيوف او يمكن تكون مشغولة ...بشوفها؟
ام هلال : طيب
اتصل هلال عـ الهنوف وكذا وقال لها عن زيارتهم وقالت له ان عيال عمها وعمتها وخالها وخالتها كلهم في بيت اهل الهنوف لان هـ الشهر يكون الجلوس في بيت اهل الهنوف فـ عادي وما مشكلة انه يجي فـ بالأخير هلال راح يصير زوجها يعني ما في مشكلة انه يتعرف عـ الاهل
هلال : متى اجي البيت عندكم؟
الهنوف : اممم شرايك تجي ع الغداء؟
هلال : ما زين
الهنوف: عادي ...ماتبي تأكل من ايد زوجتك المستقبلية؟
هلال بسخرية : يعني مسويه فيها انك انتى الى طابخه
الهنوف: ايه انا الى طابخه وين المشكلة؟
هلال بسخرية: لا ماكو بس اشم ريحة اكل يحترق
الهنوف : غيب
هلال :ههههه
صكت الهنوف فـ وجهه
هلال: مسكينة ههههه اكيد عصبت ههه
ام هلال: هلال ليش تعصب بها ؟تبيها تهون عن الزواج؟
هلال: امي هنف تتدلع بعدين ترى ما تزعل لفترة طويلة احسها تنسى
سارة: الهنوف ما تنسى بس انها تحبك من كذا
هلال: وهل يوجد احد لا يحبني ؟
سارة : خف علينا بس
ام هلال: ايه ...ومتى نجي؟
هلال: بعد دقائق يجهز الغداء
ام هلال: ما فهمت عليك؟
هلال: الغداء عـ اهل الهنوف من كذا بنروح معاهم تقول تعال عـ الغداء تأكل وراح تتعرف عليهم
ام هلال: ايه واهي الصادقة
هلال: انا بروح الحلاق اعدل شعري شوي
ام هلال: اشوف... الا حلو اجلس
سارة : امي شفيك ؟ ...ترا كل هذا عشان حبيبة القلب
هلال: سارة بـ كف
سارة: هههه
هلال: انا طالع يلا
جابر يدخل عليهم
جابر : اهلين
هلال: هلا والله ...باي
جابر: عـ وين ؟
هلال: ايه ..صح الساعة 11:44 تكونوا كلكم بالبيت
جابر: ليش ؟ شو عندكم هـ المرة؟
هلال: بنروح عند اهل الهنوف
جابر: منو؟
هلال: ايه اهل الهنوف شو منو؟
جابر: يا خوي انا مشغول شوف سيف و فواد
هلال: بكيفك هو؟... راح تحظر غصب عنك
جابر: اسف
هلال: ياخي حرام عليكم تراها ما حالة
جابر: متى راح تكون موجود فـ بيت اهل مشعل
هلال:12:15
جابر: وليش عاد تبينا نكون الساعه11:44 موجودين؟
هلال: عشان ادرى انكم ما راح تجي انت واخوانك عـ الموعد
جابر : اوك ...انا بشوف نفسي
هلال :يلا
جابر : بس ما قلت وين بتسير ؟
هلال: بروح الحلاق
جابر :هه عشان حبيبة القلب
هلال: غيب
نروح لـ بيت عبد الرحمن
كانت الهنوف تراكض بـ البيت وتنظف من هنا وهناك وكذا
والكل مستغرب
الهنوف بـعصبية: مريوم ...شوفي فطيم الغبية
مريم: شو فيها؟
الهنوف: انا انظف واهي تعفس البيت مرة
مريم : اقول
الهنوف: هلا
مريم: ارحميني
الهنوف: سخيفة... صدق شوفيها كيف توصخ
مريم : فطوم ماما خليك عاقلة يلا لا اخبر بابا عليك
فاطمة: بس فوفو يحبني وما راح يسوى فيني شي
مريم: راح يزعل منك
فاطمة: امي شو تبي مني اسوي ؟ ما يصير نلعب كله هنوفوه تعصب
مريم وشيخة: عيب قولي لها خالـتي
فاطمة: اهي عادي اقول لها الهنوف بس كذا
مريم :انا قلت عيب تفهمي؟
الهنوف: خليها شفيك كذا صاير لئيمة ؟ عادي
مريم: براحتك لكن ما عادي تضيعي بنتي علي
الهنوف: انا ما ضيعت احد بس ويع شو خالتي ويع انا بعدني صغيرة
مريم : انتى بعد شهر راح تتزوجي وتقولي لي صغيرة لا والله ما صاحية
الهنوف: شت الساعة 12
مريم :شو عندك؟
الهنوف: هلال راح يجي مع اهله اليوم عـ الغداء
شيخة: ولية ما تتكلمي من وقت؟
الهنوف: يعني شفتني...
وقاطع الفون الهنوف
الهنوف بدلع: ايوا؟
هلال: ههه شفيك ؟...اصطلبي ولا ترا بعطيك بـكف
الهنوف: اهون؟
هلال: لا ما تهوني ولا كنت بعطيك كف
الهنوف: مجنون
هلال : هنو؟
الهنوف: عيونها
هلال: ابي بوسة مثل ذيك اليوم
الهنوف سكتت وراحت غرفتها
الهنوف : شو تبي؟
هلال: بوســـة
الهنوف: انت شو تسوى هنا؟
هلال : من انا؟
الهنوف : انت اسكت
مشعل : من انا؟
الهنوف: ايه انت
مشعل : غرفتي لاه
الهنوف: اوك اخرج برع لاني ابي اتكلم
مشعل : مو عـ كيفك
الهنوف: انت ما تحتاج خصوصية اخرج
مشعل : ما ابي
الهنوف: شعلة
مشعل : غيبي
الهنوف: مشعل يلا عاد
مشعل : لالالا
الهنوف: روح تجهز راح يجي هلال ويا راسك هذا
مشعل : صح؟
الهنوف: يب
مشعل : اذا كان كذب راح اصفعك
الهنوف: اوك
طلع مشعل
الهنوف : ايوا ؟
هلال: امي جالس اتجهز من اوصل بسوي لك مسج
الهنوف: اوك باي
الهنوف راحت تراقب الوضع وكذا
في بيت اخر يسوده الهدوء
كانت تجلس على فونها تراقب الانستنقرام مالها
وبلغت طلبات الصداقه الملايين ولكن لا احد كان جاد معها البعض يبي يكون معها بـ فندق ...والبعض يبي يشوفها ...والبعض يبي يتزوج منها
وكذا بس في مرة وحدة جاها واحد وكتب لها نايس على وحدة من صورها وردت كتبت له انت النايس وراحت تعلق على صورة وكذا وكان لقبها العنيدة والغاضبة فـ لاحظت في احد صورة نكتة راحت وسوت تعليق هههه
فـ كتب لها غاضبة وتضحك غريبة وكتب لها منشن قالت له عاتي وكتب لها دلوعة بعد قالت له انا ما دلوعة وكانت حاطه صورتها بس محد يلاحظ ويظن الكل ان صورها صور من الانترنت بعد فترة كان حاط صورة له واهو بـ صلالة كتبت له المغسيل/صلالة/سلطنة عمان
:ماشاء الله كيف عرفتي ؟
:جنيه هههه ...في احد ما يعرف المغسيل؟
واحد ثاني: ايه انا ؟
بس اهي ماردت عليه كانت تنتظر رد ذاك الي يكلمها
رد وكتب لها: صح يمكن جنيه ههه
وبعد فترة جاها على الدايركت(الخاص)
:هلا
:خير؟
: شفيك؟
:ما فيني شي بس عيب تجي خاص ع بنت بدون ما تستأذن
:اوك اسف ...بس ترا انا حبيت انه نتواصل هنا عن الصور وكذا
:اوك
بعد فترة رجع وكتب لها
:صباح النور
:صباح الخير والسرور
تعرف على اسمها وتعرفت عليه وكذا وشوي شوي صار يحبها
بس خلونا نرجع لـ الهنوف لانه وقت الغداء بعد دقائق راح يوصل هلال
كان الجوء ف البيت ازعاج جدا و الكل يصرخ من جانب و كذا
الهنوف طلعت على الطاولة وصرخت: خــــــــــــلاص !!!...
الكل: سكت
الهنوف: واخيرا ... اسمعوا الحين راح يوصل هلال واهله وانتوا ما تسكتون جاني صداع ما اقدر اقابل هلال وراسي مصدع لذا ذي الفترة بس دقائق سكتوا رجاءً
ام ريم{راية}: لمن كنتى مخطوبة ...
قاطعتها ريم : اوك الهنوف تعالى معي الغرفة
سلطان بـ حزن يناظر امه: ليه كذا؟
راية: منك ترا
سلطان : امي خلاص لا تفتحي موضوعي ...انا خلاص ماضي ...ارجوك خلاص عاد
راية: انت بروحك ما تحط لها حد
سلطان: امي خلاص
الساعة 12:7
هلال: سارة وين المصر
سارة: مدرى
هلال: عيل من راح يكوية
سارة: ما انا علياء
علياء اخت هلال: خير اسمع اسمي؟
هلال: اريد المصر مالي
علياء: ايه ...شينا
شينا الخدامة : ايوا ماما علياء
علياء : ماما فـ عينك
شينا: سوري مدام
علياء: مدام فـ عينك
شينا: سوري سوري
علياء :وين المصر مال بابا هلال
شينا: بابا ما فـ عينك ؟
علياء بعصبية: بيجيك كف
شينا: اوك خلاص انا سوري
علياء: خلصي وين المصر؟
شينا: ليش انت يريد؟
علياء: ياربي انا انتى مو انت ...يب اريده
شينا: طيب الحين اروح اجيبه
هلال يناظر علياء نظرة مثل الي يقول قولي والله
علياء التفتت له :خير؟
هلال: ماكو ...بس مستغرب انا عادي بابا وانتى ما تريدي ماما
علياء: يب هذي مجنونة تكبرني مليون سنة
هلال: الله يرحم أيام الطيبين
علياء: اي ايام؟
هلال: لما نلعب لعبة الام والاب
علياء: هناك الوضع غير
هلال: و لا بعد الطفل
علياء : اهم شي الطفل
هلال: وينكم يلا بسرعة شوفي الساعة كم؟
سيف: 12:8
هلال: شت بسرعة السيارة انا قلت اوصل 12:15
علياء: مفتاحك
شينا: المصر
هلال: شوف الغبية الحين جايبتنه
ام هلال: بسرعة ما تسمعن اخوكن سيرن السيارة
سارة وعلياء و شيخة: طيب بس دقائق
هلال: عندكن 3دقائق بس الى ما تطلعن ولا ترا...
سارة : ولا ترا؟
هلال: سارة بليـــز طلعن
سارة : طيب شيخوه...علوش
علياء: جيت
شيخة: بعدل الشيلة
هلال: يناظرهن من فوق الى تحت
البنات: خير؟
هلال: طالعات عرس
البنات: هلال البنية تقول لك الكل في بيتهم
هلال: ايه صح تذكرت انت رايحات عشان اخطبكن صح؟
سيف: من راح يمشى معي؟
شيخة :انا من وين ما يكونن البنات معهن
علياء: سيارة هلال احلى احسها كشخة وكذا
سارة : اية صح واقدر اجلس جدام
سيف: غيبن
هلال: امي راح تكون معي ترا
سيف: لاه ...عيل انا من يروح معي
فواد واهو نازل: انا
جابر يدخل بسرعة الصالة: ما طلعتوا؟... يلا بسرعة
سيف: طفيت السيارة؟
جابر: لا شغالة
سارة: ابي جدام
هلال: ماكو
ام هلال واهي نازلة من الدرج : ما ركبتوا السيارة بعد؟
هلال: ما دام الكل داخل ترا محد راح يركب السيارة انا طالع امي سيري وانتوا الشباب طلعوا والبنات صكرن البيت وسيرن
ركبوا السيارة
هلال يتصل بـ سيف
هلال: الووو
سيف: ايوا؟... تحرك
هلال: انا تحركت من ساعة بس اقول وين حطيت المفتاح مال البيت؟
سيف: عشان شو؟
هلال: ترا ابوي ما يروح
سيف: قول له اول ما يدخل البوابة على يمينة يلاقيه تحت حجر
هلال: تمام
البنات يتكلمن وراء
شيخة: ودي ...ودي بصراحة اشوف الهنوف البنات بالمدرسة واجد يتكلمن عنها ابي اشوفها
سارة : راح تشوفيها احلى وحده
هلال: احم
علياء: ما احد احلى مني
هلال يرمي الكرتون مال الكلينكس{محارم ورقيه أو منديل}
علياء: ايه ما احد احلى مني
هلال: علياء حرام عليك خليني اسوق
علياء: ما ابا
شيخة: خلية شفيك انتى وراسك
سارة : راح تشوفنها مؤدبة...لكن...
هلال: ايه؟
سارة: لما تجلس مع هلال ...
هلال: ايه
سارة: راح تضحك بصوت عالي وتتدلع وكذا
هلال: هههه بكيفها حبيبتي فديتها انا
ام هلال: اصلب نفسك
هلال: اماه
ام هلال: ماشي اماه
وصل هلال ودقائق ويجي وراه سيف بالسيارة الثانية
هلال: اسمعوا تراها حساسة يعني علياء رجاء
علياء: بس انا
هلال: بصراحة من طريقة كلامك خفت تقولي كلام يجرح
علياء: لا تخاف
نزل سيف وجابر و فواد واتجهوا لـ هلال
سيف: شو ؟
هلال: ماشي بس اكلمهن اعطيهن دروس
سيف: ههه
فواد: اتصل عـ مشعل
هلال : ايه تمام
مشعل: هلا والله بالشمج
هلال: شمج فـ ويهك
مشعل: تبي الشمي؟
هلال: ايه شمي احسن عن شمج... شمج كأني خايس
مشعل: ههه .... وصلت ولا بعد
هلال: ايه بس يعني تعال استضيفني الخايس
مشعل : تعال ادخل ...بروحي ما ابي
هلال: شعلة قسم بـ كف
واهو برع متجه لـ هلال :هههه صك الخط
هلال يخاشم(يضرب الانف بالأنف (عادة عند العرب لـ السلام)) مشعل :هلا
والله
مشعل : كيفك؟
هلال: تمام ...وانت؟
مشعل يلتفت على الشباب: انا بخير لله الحمد
سيف: كيفك؟
مشعل : انت كيفك؟ ...انا الحين قلت بخير
سيف: الحمدلله
مشعل يلف على جابر: وانت شي اخبار؟
جابر: مثل ما تشوف من الشغل الى البيت وبعدنا ننتظر الحب
مشعل بصوت مرتفع: هــع
فواد: احنا ما لنا رب؟
مشعل: هههه لا والله ليش انت غير عن البشر؟
فواد: ههه شخبارك ؟
مشعل :بخير الحمدلله
مشعل يلف عـ البنات :السلام عليكم
البنات: وعليكم السلام
مشعل : كيفك خالتي؟
ام هلال: بخير الحمدلله
مشعل: تفضلوا
هلال: اكيد راح نتفضل انا ما جاي عشان اسلم واروح
مشعل : يتفضل الكل وانت {يقصد هلال} اجلس برع
هلال: ههاي بدخل العزومة جايتني من هنف مو منك
مشعل : ما تستحي جدامي هنف قول الهنوف ولا قول اختك
هلال: اقول سير داخل
مشعل: هههه
دخل مشعل البيت : الى ما حاطه شيلة تلبسها عندنا شباب
شيخة وقفت مستغربة: شباب ؟
مشعل: ايه ...تفضلوا
دخلوا الاهل بس مااحد عرف من هذولاء
دخل هلال وبعدها عرفوهم لما شافوا هلال وجابر وسيف لكن فواد ما جاء لهم شافوه
هلال يتنحنح: يا أهل البيت؟
شيخة وعبد الرحمن : تفضل ؟
هلال: انشدكم عن بنت اسمها الهنوف ؟
الكل : هههه
مشعل :ما تستحي انت؟
هلال: ههه
ريم و طيف: الهنوف هلال وصل على فكرة
الهنوف جاءت بسرعة الريح
نزلت من الدرج بس المغربي الي لابسته يجنن عليها كان لونه اسود مخملي وعليه اصفر ذهبي
وكانت مررة غير
جاءت وسلمت ع ام هلال: اهلين خالوه
ام هلال: هلا فيك
الهنوف: هلا سارة ممكن تعرفيني على البنات الي معاك؟
سارة : لا تعرفي عليهم بروحك
هلال : سارة؟
سارة: شيخة وعلياء
الهنوف: اهلين فيكن... وهاذي عائلتي الكريمة بس انتن اختلطن بهن وراح تعرفنهن ...اهم شي امي شيخة و ابوي عبد الرحمن و ريم بنت عمي وطيف بنت خالتي
البنات راحن يسلمن ع ام الهنوف وابوها
هلال يناظر ع فوق :واحنا ما لنا رب؟
الهنوف خجلت ونزلت راسها وفيها ضحكة: ايه ...كيفك هلال؟
هلال: الحمدلله وانتى؟
الهنوف: تمام
هلال بصوت مرتفع: احم هذي امي فاطمة وهذولاء اخواني و خواتى
فاطمة جاءت تركض: انا بعد اسمي فاطمة الهنوف تقول لي فطيم
هلال ينزل الى ما وصل للبنت: ههه والله
فاطمة : ايه والله
هلال: من بنته ؟
فاطمة: فاطمة فارس ...فارس امي تقول له فوفو
فارس: ههه هلا فيك
هلال يوقف: اهلين
ام هلال: ابوي وين الهنوف؟
هلال: امي ؟ شفيك؟ جاءتك البنت وسلمت عليك
الهنوف كانت واقفة بجانب هلال : خالتي انا الهنوف ما عرفتيني ؟
ام هلال: اها
هلال: يب
ام هلال: ما شاء الله
شيخة : كيف خلاص وافقتوا؟
هلال يناظر امه: امي؟
ام هلال : بصراحه البنت حلوة و صج انها بسرعة تدخل القلب انا بصراحه موافقة وما عندي مانع البنت طيوبة
هلال يناظر عـ جنبه يناظر الهنوف: كيف؟
الهنوف تضحك مستحية: هههه شدخل؟

يتبع...

وللروايه بقيه ....

بس ابي رايكن ياخي مايصير اكتب ومالاقي ردود ولا القي احد يبي مني اكملها/CENTER]
مواضيع ذات صلة
لفائف الكريب محشية باللحم والجبن
هنيئاً لنا قدومك ياشهر الخير.
العشر الأوائل من ذي الحجة موسم عظيم من مواسم الخيرات ..... احذر أن يفوتك
لبيك اللهم لبيك ..
الهنوف وهلال
طرائف الأعراب تحري هلال رمضان بالشعرة البيضاء
ماذا يقال عند رؤية الهلال
قصة شاب يغازل زوجة إمام المسجد
اتحادي يشنق ابنه حتى الموت لانه هلالي
إبن الفارض الإمام الكبير والمحب الإلاهي مقططفات له
لماذا يستغرق سلق البيضة في جبال الهمالايا نحو 15 دقيقة ؟
دعاء رؤية هلال رمضان

موفقه ي الغلا

اقتباس:

المشاركة الأصلية كتبت بواسطة طبعي وفي

موفقه ي الغلا

الله يسلمك ويوفقك

بس انا كل الي كنت ابيه شوية تشجيع

	#2
طبعي وفي	رد: الهنوف و هلال الهنوف و هلال موفقه ي الغلا

أدوات الموضوع
مشاهدة صفحة طباعة الموضوع أرسل هذا الموضوع إلى صديق