رد: رواية ما كل من يضحك مع الناس مبسوط يا كثر من يضحك و نفسه حزينه / كاملة
رواية ما كل من يضحك مع الناس مبسوط يا كثر من يضحك و نفسه حزينه / كاملة
× ..... نــــــور.... ×
اول مارنت الساعه قمت على طول اصلاا انا مانمت صحيت
تركي .. لغريبه انه قام بسرعه مو العادة .. عرفت انه بعد هو ما انام
جهزت ملابسه طلع من الحمام " وانتو بكرامه " بعد ماتسبح
لبس ملابسه ونزلت انا وياه وفطرنا مع الاهل .. عيون جدتي
كانت تراقبنا لكن ماسويت لها سالفة عندي شي
يشغل باالي اكثر من نظراتها
بعد ماخلص تركي وعمي الفطور قاامو بيطلعون يروحون
الشغل تركي قالي : انا
بمرك حول العشر خلك جااهزه
قلت له : ان شاء الله
جدتي سألته : وين بتروحون ؟
جاوبها تركي : نور تعباانه شوي باخذها المستشفى
عمي قرب مني : وش فيك يابنتي
قلت له : سلامة راسك ياعمي كله مغص شووي وصدااع
عمي بلهجة عتب : وانت وين بتروح اللحين خلك عند حرمتك
جدتي : ويش يسويلهاا خل الولد يروح ورى اشغاله
عمتي : ويترك حرمته ؟1
قلت لهم : ماله دااعي يااعمي هو بعدين بيمرني وبنروح للطبيب
عمي : بس مااايصير
قاطعته : عمي لاتشغل باالك صدقني مو مستاااهله
تركي : هذاك سمعت منهاا خلناا نرووح ورى اشغالناا
امي : صدق انك مااتستحي لعنبو ماصدقت على طول شلت قشك
تركي بطفش : واليييييييييييييه
عمي وهو بيطلع : " ياشر لتركي " انت اقعد هني انا
مااحتاجك اليوم
سأله تركي : متأكد
عمي : ايه متأكد استرح
راح عمي لشغله وتركي دخل المكتب يسوي كم شغله
اماا اناا وعمتي وجدتي قمنا نتقهوى بالصاله
× .... بــــــــندر .... ×
بعد ماطلعت من البيت وانا تااارك حناان تغلي قررت امر
على احمد واخرجه من البيت
اول مااوصلت عنده فتحت لي الريم الباااب : سلااام عليكم
الريم : وعليكم السلااام .. وين حرمتك
قلت لها : حنان بالبيت تذاااكر عندها اختباار
الريم : الله يوفقهاا
دخلت لقيت احمد طبعا جالز ع الكنبه قلت له : انت مامليت
من جلستك هني ؟!
احمد : الا خست ياااخوي
قلت له : انزين وشرايك تطلع معي
الريم : بندر الله يهدااك وين يرووم يطلع
قلت لهاا: يرووم ونص حرام عليك خليه يشم هوى شووي
كله حابسته
الريم استحت : كله لجل صحته
احمد وهو يوقف ع عكازه : واناصحتي بتصير احسن لا خرجت
الريم : كيفك عاد
طلعنا انا ويااه سالني : وين بنرووح ؟1
قلت له : ماادري أي مكاان حاس نفسي مضايق ومالي
خلق للجامعه
احمد قالي : اجل خلنا نروح الكوفي ترى مااروم امشي
وصلنا الكوفي اخذناا اثنيين كابتشينوو وجلسناا نسولف
سألني : وش الي مضيق صدرك ؟!
جاوبته وانا اتذكر الموقف الي صارلي امس : امس بعد
مااوديت حنان السفااره رحت الجامعه زاارتني وحده اعتقد
انك تعرفهاا زين
سألني : منو
جاوبته : ماري او ماري انطوانيت
شفت الدهشه على محياه : هذي شجابهاا لعندك ؟!!!
وش تبي فيك ؟! اصلااانت وشلون عرفتهاا ؟!
جاوبته : قابلتها اول مره صدفه هني ماااعرف شلون عرفت
معلومااتها عني يمكن من سارااالله يرحمهاا او حتى من
طلاااال الله يعلم
سألني : وش تبي منك ؟!!
قلت له : جابتلي شغل كعاارض
رفع حاجبه : شوووو
قلت له : ايه والله تقول ان عندي مؤهلاات لهاالمهنه
سالني : وانت من صدقك مصدقهاا يعني اوكي انت
ماشاء الله صحيح تصلح لكن ماري اعرفها زين عقرب رمل
وانا متأكد انهاا تبيك انت
ضحكت : واناا عاااارف هالشي تراني مو بغبي لو شفتها
امس وش لابسه ولا شلون
تتكلم وربي حسيت نفسي برجع منهااا
قالي : داامك عااارف هالشي لاا تعطهاا وجه
قلت له : هذا الي فكرته لكن بعدين غيرت راااي
سألني : لييييييييه
قلت له : لاني صرت احس ان حنااان تغاار علي ودومهاا
تغااار بستخدم ماااري تصدق عطتني رقمها وعندي موعد
معهاا اليووم المسا لجلست اختبااار تصووير
سالني : انت من جدك بترووح
رديت عليه: ايه برووح وطلعت المنديل من جيبي طالع
شلون كتبت رقمهاا
وحكيت له علي صار بيني وبين حنااان الصبح شفت الصدمه على وجهه
× .. احـــمــــد ..×
مو صاحي .. هذي اول كلمة خطرت بعقلي وانا اسمع سواياه
صرخت فيه : انت صااحي ؟ تبي تهد بيتك بيدك ؟
قالي : وش تبيني اسوي مالقيت الا ذا الحل
حرجت منه : تحط رقمها ببساطه بين اورااقك وتقولها
انا حر ..حرااره ببطنك قول اميين
قالي يلومني : احمد عن الغلط
قلت له واناا اخذ نفس :اعذرني يااصاااحبي هذا كله من حر
ماافيني لعنبو انت تحب ايدك مجلب اتن بعد حي وماذبحتك ..
اول كنت تقول ماتلبس ماتكشخ تصرفاتها شرات الصبيان ...
اللحين حرمتك تغيرت 180 درجة وماشاء الله عليها حشيم
وعاقل بدال ماتقربها منك تقوم تبعدها عنك ... ابي اعرف هذا
الي هني " ياشر على رااس بندر " مخ او قووطي
جاوبني : تهقى سهل علي الي سويته ؟! لا ابد صدقني انا
عمري ماناظرت مره غيرها وانت اكثر واحد يعرف اني مو راعي
بنات ولا شغلاات بطاله لكن يااااحمد حط نفسك بمكاني عايشين
ببيت واحد مع هذا اغرااب تمر علينا اياام ماانتباادل فيها
كلمه انت تقول عنها حشيم وعاقل وانا مااقول عنها امثر
من الي انت قلته عنهاا لكن يااحمد الي ماااتعرفه
عن حناان ان عندهاا غروور ماشفته بمخلووق قبلهاا وانا
يااخوي مااقدر اعيش مع وحده شرااتهاا
قلت له : بندر مرتك معتزه بنفسها هذا مب غروور
صرخ فيني : مو غروور ؟!! المره الي تس زوجهاا انه
ولا شي قدامها انه مايسوى بعيونهاا شي المره االي يكون
وجودي بحياااتهااا مثل عدمه المره الي حتى الكلمه
الحلوه تسكثرها عليه المره الي يكون عندهاا
حناان الارض كله توزعه للكل الين ماتوصل لعنده وتشح فيه!
شنو تكوون ؟!
سألته : يعني تبي تكسر خشمهاا ؟
جاوبني بحده : ايه
سألته : ماتخاف تخسرهاا ؟!
قالي ومتى انا كسبتها عشان اخسرهاا
سألته : بندر انت متاكد انك تحبهااا ؟!!
جاوبني : احمد كم مره اقولك ايه احبهااا والله العظيم احبهاا
قلت له :انا مو مقتنع باللي سويته ويالس تسويه
قالي : احمد افهمني ... حنااان تموت ولا تشوف شي لها
حد يشااركها فيه اذكر يوم كنا صغار كان عندها فرس كانت
الوحيده الي تركب عليه وماتخلي أي احد يقرب
منه رغم ان الفرس كانت كبيره عليهاا مقارنه مع
حجمها الصغير لما كنا نطلع المزرعه معاهم كنت احب
اقهرهاا كنت ارووح واركب الفرس وهي اول ماتشوفني
عليه تاخذ حصى من الارضوترميه علي الين ماانزل عن
فرسهااا حتى مره من المرات رمتني بحجر ع راسي لدرجة
اني نزفت صدقني انا اذا مالجات لهالطريقه مارح نقدر نتعاايش
مع بعض
قلت له : ياااخوي انت تلعب بالناار
قالي : لاتخااف علي
×... مهره ... ×
نشيت من رقادي متروعه طالعت الساعه كانت ثمان
تأخرت وااايد بالرقااد بوصل شغلي متأخره ماوحالي اشتغل
وش يقولون عني بدا بزاها وماتمت الشهر بعد
تسبحت باسرع مايمكني لبست هدومي وحطيت
لي جحاال مع غلوس خفيف لبست عبااتي وشيلتي وخذيت
جنطتي تاكدت ان مفااتيحي فيهاا وبوكي انتبهت لوردت
الاغراض كنت حاطتها ع التواليت خذيتها وحطيتها بجنطتي
اول ماطلعت من حجرتي شفته متمدد ع الارض نااااايم
وعدااله غرشت السم اللي يشربه تحسفت عليه شااب
يالس يضيع احلى سنيين عمره بالسموم ترى اهو ماكان
جذيه بالعكس اخوي راشد كان شاااب الكل يحسد ابوي
عليه ماله بالهيااته والبنيات تخرج من الثانويه بنسبه عاليه
وياته بعثه لليامعه خارج الدوله وساافر لكن اهنااك
تعرف على شبااب ضيعووه علموه ع السكر ويود رد البلااد
ابوي بدااال مااايرفع رااسه فيه صااار يمشي بين النااس
مووخي رااسه والسبه ااهوو الوالد مات بحادث سياارة امي
ماتحملت فرقااه خوصاا انهاا مره مريضه توفت بعد اناا
كنت بسنتي الاخيره بالثانويه لما توفت امي كااافحت الين
مااتخرجت وبعد التخرج ماقدرت ادش
الجاامعه اضطريت ادور على شغل اكل منه عيش خصووصا ا
ن اخوي المحترم باع بيتناا وخذ الفلووس وضيعهاا على
الشراااب والحريم استقر بناا الوضع باستئجاار
شقه الشقه كانت متوسطه ويااا الله الله اقدر ادفع اجارهاا
من شغلي القديم مايكفي ان رااتبي كان ضعيف كان المدير
انسااان منحط بمعنى الكلمه كان يعرف ان ظروفي
مو بذاك الزود فكان يمثل علي دوور الشخص الكريم
وانا من غباائي صدقته ماكنت ادري ان كان يستميلي بس
عسب يااخذ مني الي يبيه وبعدين يقطني لما شاافني اتمنع
واني بعيده وااااايد عن مناااله طردني من الشغل
مااكنت احب اذل نفسي للنااس لكن شنقول الحاجه التجات
لصديقتي ميثه هم ناس ربي عاطهم خير وهي لقت لي شغل
بشركة اهلهاا والحمدالله اشتغلت ماقلت لاخوي
عن راتبي صح الراتب كان اكثر من من الي توقعته حتى
اضطريت اجذب على رااشد عسب لايعرف حقية راااتبي لاني
اعرفه بيااخذ بيزااتي وبيصرفها على ضيااعه ....
طلعت من شقتي وطبعاا ماااعندي سيااره يعني من زود
بيزاااتي حتى سياارة ابوي مااسلمت من راااشد قاام
باااعهااا خذيت تااكسي وسرت صووب شغلي وصلت الشغل
الساعه 9,30 باللفت اول ماايا الباااب يتسكر توقف
شفته دااخل ويلي هذا حد مسلطه علي طالعني ورجع طالع
سااااعته قهرني بغيت افلعه بجنطتي لكن احترمت نفسي
هذا مهما كان صااحب الشركه وانا اليوم متأخره مالي ويه
اقوله كلمه وصلت مكتبي شفت فااطمه اول ماوصلت
قالت لي : ايه داا دنتي تاخرتي اوي ؟!
قلت لها : نشيت متأخره
فااطمه : اذا عوزه تستمري هني لااازم متتأخريش مره ثااانيه
قلت لها : ان اشاااء الله
فاطمه : اسمعي انتي رح تنتألي للدور السااابع
سألتها : لييش ؟!!
جااوبتني : سكرتيره الاستاااز حمدااان اخذت اجااازة
وهو محتاج سكرتيره
قلت لها : شووووووو عند حمدااانووه
قالت لي باستنكاار : اسمه استاااز حمداان
سألتها : انزين اليه ما تنتقلين انتي ؟!
جاوبتني : لاني بشتغل هناامن سنيين يعني بعرف كل شي
بشغل الاستاز ثاااني
انتي توك جديده وشطره وشغلك مع استااز حمدااان رح
يفيدك اااوووي خصووصاا ان الشغل معاااه مش متعب
بالعكس سهل اوووي
استسلمت للقراار وطلعت معااه لمكتب السكرتاااريه
حقت الاستاااذ حمدااانوووه
طقينا الباااب عليه وجا صووته : ادخل
فاطمه : السلام عليكم
جاوبها : وعليكم السلام .. خير فاطمه في شي
فاطمه وهي تأشر علي : استاز حمداان زي ماحضرتك
بتعرف ان مها اخذت اجازة
البنت رح تتجوز عقباالك ان شااء الله وان من الصعب
نلائي سكرتيره لحضرتك
فنقالنا عندك الانسه مهره عشان تكون السكرتيره المؤقته
لك لحد ماترجع مها من اجازتهاا
رفع راااسه وطالعني : زين مو مشكله مشكوره فاطمه لكن
عاد دليها اماكن كل شي
فاطمه : حاضر ياافندم بتأمر بحااجة ثانيه سعااادتك
جاوبهاا : لااااا
طلعت من مكتبه وصااارت فاطمه توريني مكااان كل
شي الملفات المهمه وين عطتني الباس ورد لللجهاااز
وعطتني ارقام التحوزيلات الدااخليه
قالت لي : بكذا انتي بأيتي تعرفي الاشيااء المهمه كلهاا
ركزي بشغلك
قلت لها : والله مدري شلون بتحمل ملاااقته
فاطمه : ياابنتي طااطي عشان تعيشي
قلت لها ك مااقدر اقول مو قاادره ابلعه دمه ثقيل ويغث
ويمرض وخقاااق ابي اعرف شو فيه عسب يشووف
نفسه ع الخلق ؟!!
حسيت ان وجه فااطمه صاار اشاارت مرووور كانها شاافت
شي خرعهااا التفت ورااي شفته واااقف ويطالعني بنظره
حرقتني .. هني عرفت خلااص ان الشغل طااااااااااااااااار
حمدان بخاطره "انا امرض واغث هذي وين عرفتي عسب تقوول
عني جذيه"
نادى فاطمه : فااطمه راويتيهاا كل شي
فاطمه وهي تبلع ريقها : ايوا
قال لها : اجل توكلي على مكتبج لو سمحتي وانتي"يقصدني "
اذا خلصتي من قصيدتج الحلوه لحقيني ع مكتبي وذلف لمكتبه
فاطمه قالت لي : انتي ماتعرفيش تبلعي لسااانك داا ربناا
يستر ومايفنشكيش
قلت لها : ترى مب نااقصتنج .. فاطمه سارت مكتبهاوانا
خذيت لي نفس عميق واستجمعت شجااعتي طقيت الباااب
قالي بصوت حاد : دخلي
تميت وااقفه يمكن ربع سااعه ... واليه اللحين هذا مناديني
عسب يوقفني هني
تنحنحت عسب يقولي شي رفع عينه من الملف الي كان
يقرا فيه
وقالي بكل برود : اخ انتي هني نسيتج
ااااخ يقهر يااناااس كمل كلاامه : سمعي انا كان ممكن
اطردج على طولت لسااانج لكن مااحب اقطع ارزااق حد المره
اليااايه ابيج تحترمين روحج وتحترمين المكان
الي انتي فيه مفهووم ؟!
قلت له وانا اغلي من دااخلي : مفهووم
قالي : تقدرين ترووحين مكتبج
ييت بطلع ناداني : سمعي
حمدان بخاطره " اراااويج "
التفت : نعم استااذ ؟!
قالي : الدوام يبدأ ثماان ثمان بالضبط تكونيين على مكتبج
لا قبل ولا بعد مفهووم
قلت له : ان شا ء الله اووامر ثانيه
هز راااسه بمعنى لاااا
الا انه رجع وناداني : سمعي يبيلي ملف الشركة السعووديه
واتصلي فيهم وحددي موعد للاجتماااع وطلبيلي كاسه قهوة
هذاا شو يتحرااني شغالته صدق يقهر لكن هي ااناا ماااعرف
رقم شي عن الشركةالسعوديه
قالي : شو فيج متسمره بمكاانج ترى خلصت كلاامي من زماان
قلت له : استاااذ وين احصل ملف و رقم الشركة السعوية
طالعني باستنكار : اعتقد ان هذاا شغلج مو بشغلي
وفاطمه دلتج مكان الملفاات
سيري دوري عليه ويبيه لي وتأكد قبل لاتحددين الموعد
من مواعيدي زيين
يانااااس بذبحه السباااااال .. ابتسمت ببرود : ان شاء الله
طال عمرك بأذنك
طلعت من مكتبه وانا اغليه منه
× ...... تركـــــي ...... ×
حاولت اشغل نفسي كثر مااقدر لكن عبث كل شووي
اطالع ساااعتي مااصدقت
صاارت عشر الا ربع على طول طلعت من الكتب واتجهت
لغرفتي شفتها جالسه ع السرير وهي لاابسة عبااتهاا قلت
لهاا: جااهزة
نوربابتسامه بااهته : ايه
طول الطريق من البيت للعيااادة ماتكلمناا التوتر كان سيد
الموقف وصلناالمكان المحدد نور مانزلت من السياااره
قلت لها : نور مابتنزلين
جاوبتني : حتتسه بخووف
قلت لها : وش اتفقناا
جاوبتني : تركي هذا اخر امل لناا لو
قاطعتهاا : الي الله كااتبه بيصير توكلي على الله ونزلي
لما دخلنا العياادة كان لازم ننتظر شوي وعقبها ندخل ع
الدكتوره ماكنت ناوي ادخل معااهاا لكن اصراار نور اني
ادخل معهاا كان قووي الدكتوره رااجعت كل تقاارير نور الدكتورة
الي سبق وسوتهاا ولكن عشاان تتاكد كان لاازم تسوي
اشااعاات جديده
الدكتوره: بصرااحه انا مااارح اخبي عليكم نور انتي تعاانيين
من تشوهاات حاااده تمنعك من الانجاااب
نور جاوبتها : عااارفه
سألتها : دكتووره ماافي امل
الدكتوره :مااكذب عليكم للاسف ماعندكم أي امل يمكن
لو حالت نور اقل تشوه كان قلت لكم الجاؤ للتلقيح
الصناعي "اطفال الانابيب " لكن للاسف حتى هالحل
بالنسبه للوضع الراهن مايفيد
بدت دمووع نوور تهل حااولت اهديهاا الدكتوره عطتها كاسة
ماا ..للاسف هذاا اخر امل كان لناا يظهر ان مالنا امل بالعيااال
الدكتور لنور وهي تحااول تهديها : نور انتي مؤمنه بقضااء
الله حرام عليك
نور جاوبتها : كان نسي يكون عندي بنت او ولد ينادوني ماماا
اضمهم لصدري اسهر عليهم كان عندي بصيص امل لكن كل
شي راااح
قلت لها : نور قولي الحمدالله
نور : الحمدالله
الدكتوره : اسمعوني ماادري اذا قد سمعتو بعملية زراعه للرحم
استغربناا : زراعه ؟!!
الدكتوره : ايه نعم في عمية زراعه الكثير مايعرف عنها لانه
حل مو شااائع وغير كذا في حاجه لمتبرعه وكان عليها خلااف
سألتها نور بيأس : حلااال ؟!!
الدكتوره : ايه نعم افتي بجوازهاا اذا ما نقلنا المبيض
وبحالتك انتي مارح تحتاجين لهالشي
قالت لها : اناا موااافقه
سألتها : دكتوره وين احسن بلد يسويهاا احنا مستعدين
لاي تكلفه
الدكتورة : هني
نور : هني ؟
الدكتوره : العملية اول مره تنعمل هني وعلى يد دكتوره
سعوديه والكادر كان سعودي يعني صناعه وطنيه زي
ماايقوولوون لكن الي لازم تعرفون ان العمليه فيها
مخاطر أي عملية زراااعه يعني ممكن جسمك يرفض العضو
لان بالعملية الاولى جسم المريضه ماتقبله اكثر من ثلاث اشهر
مع هذاا نعتبر العملية ناجحه تمااماا
نور جاوبتهاا : انا مستعدة اتحمل المخااطره لكن التبرع
الدكتوره : ممكن يتم التبرع لك من أي مره بلغت سن اليأس
او تعرضت لاستئصال المبيضين
سألتها : انتي تسوينها دكتوره
الدكتوره : بصراحه لا العمليه مايسويها الا الدكتوره وفاء فقيه
وماتنعمل الا بمستشفى الملك فهد بجده كونه هو المستشفى
المؤهل لمثل هالعمليااات
سألتها نور : يعني في امل
الدكتوره : الامل دوم موجود بالله ياانور
نور : ونعم بالله
طلعناا من عند الدكتوره وكلنا امل بالحيااه نور كاانت فعلاا
فرحااااانه الا طاايره من الفرحه
قالت لي : تركي مااااصدق ان الشي الي كنت اشوفه
مستحيل صااار ممكن تركي انا ممكن اكوون ام وانت انت
بتكون ابوو يعني ماارح تتزوج علي
ضحكت : حتى لو ماصرت ابو مااكنت رح اتزوج
سألتني : رح تقولهم ع الوضع
قلت لهاا : لاااا خليهم الين ينتهي كل شي
×... ليلى ...×
اليوم كانت امي متغيره مدري حسيتها قلقاانه ومتوتره
سألتها : يمه فيك شي
جااوبتني : لا يمه ماافيني شي
قلت لها : بس شكلك مااايقول كذا
قالت لي : ماعليك مني انا ماافيني الاالعاافيه .. الا وين اختك
جاوبتها : بحجرتها يمه نايمه
ابووي سألني : نايمه للحين مو بعادتهاا
قلت له : اليوم خميس يبه يمكن بترتااااح
ابوي : اكيد ياليلى مو بتعبااانه
قلت له : يبه وش فيك لو تعبااانه كان قلت لك
امي : ليلى روحي شوفيهااا شكلها امس ماعجبني
استسلمت لكلااامهم طلعت حجرتها طقيت البااب ماكان في
رد فتحت الباااب شفتهاا
ناايمه وراااميه اللحاف ع الارض شكلهاا كانت حراانه قربت
منهاا وانا اهزهاا مريم ..مريم ناديتها مااترد حطيت ايدي ع
رااسها لااحظت ان جسمهاا بااارد خفت واايد
قمت اهزها اكثر واكثر ماااردت مسكت ايدهاا حطيت
اصاابعي مكان النبض وقسته
كان نبضهاا منخفض وااااايد اول شي سوويته رحت
جهت التلفووون اتصلت بالاسعاااف وصفت البيت ووصفت حالتهاا
لبستها عبااتهاا وخذيت عباااتي نزلتلابوي وامي وقلت : يبه
مريم تعبااانه
ابوي : وينهاا بوديها المستشفى اللحين
قلت له وانا اصطنع القوه : يبه انا اتصلت بالاسعاااف وهم
جاااين
امي ضربت ع صدرهاا : اسعااف
قلت لهم : مريم نبضهاا واايد ضعييف وومكن يكون عندها
هبووط حااد بالقلب
ابوي وامي طلعواا بسرعه لحجرتهاا امي حطت شافتها
وصاارت تضمها وتبكي
اوبوي غير ملااابسه بسرعه اول ماوصل الاسعاااف حملوها
على نقاااله ابوي ركب معهم اما انا وامي رحنا مع اكبر
اول ماوصلنا المستشفى شفتهم وهم منزلينهاا كانو حاطين لهم
محلوول ملحي يرفع ضغطها المنخفض
دخلوهاا على طول الطوارىء كان الكل يركض من حولنااا
واحناا خاايفين عليهاا
وبعد رعب سااعه اعطوهاا دم لان معدل الدم انخفض عندهاا
وقررور يخلونهاا عندهم الين ماترجع الدورة الدمويه لوضعها
الطبيعي ويرجعون يعطونهاا علاجها الكيماوي لان الحاله تدهورت
ابوي خذاا امي بالقوه للبيت اما اناا فضلت عندهاا مامرت
ساااعه علينا انااوهي بلحالناا الا وانا اسمع صووت جهاز
يطن الصوت اعرفه زين هذاا جهاز قيااس النبض عرفت
انه جهاز قياس النبض هذا الصوت يعني قلبها توقف يعني
مااتت قمت اضغط زر استدعاااء المريض محد جااا طلعت
اصرخ بالممر لكن مالقيت الممرضه الي بقسم العناية هذي وين
رااحت ابي احد ينادي لي الطبييب لكن مكان في احد لو رحت
ادور ماارح الحق اختي رجعت للغرفه قررت اسوي شي
ماكنت يوم اتوقع اسويه لهاا جريتعليها وقمت اسويلها انعااااش
قلبي كررته مره واثنيين وثلاااااث لكن ماافي أي
استجااابه هلت دمعتي ماقدرت اسوي شي كنت اصرخ
عليها : مريم قووومي مريييم مارح تموتيييين
مريييييييييييم ردييييييييييي
|