 |
  |
|
|
|
|
#1 |
|
:: كاتبة نشيطة :: |
خالد ولمى
أول مرة باكتب زي دي القصص بس قلت أجرب أتمنى إنها تعجبكم وفي النهاية قولولي رايكم فيها بعض الاحداث حقيقة وبعضها من الخيال: طبعن أول شيء الشخصيات لمى في الثانوية عمرها 16 سنة أول سنة غادة صحبة لمى من أول سنة في الابتدائي وهما سوى ومعاهم سارة شهد لسه معرفة جديدة ومعاهم تهاني وما ننسى بنت خالة لمى سامية زي الأخوات وأكتر عمرها 22 في الجامعة مستوى تالت : نبدأ: لمى في الأجازة اللي بين تانية متوسط وتالتة متوسط سجلت في مركز صيفي واتعرفت على بنات زي مايقولو دحين صايعات علموها على دخول الشات سارت البنت مدمنة على دا الشي وماترتاح الا ازا كلمت واحد في البداية كانت زي الهبلة ماتعرف شيء أي حاجة يسالوها وهيا تجاوب بصدق بعدين عملت ايميل لانو ماكفاها دخول الشات لازم من التواصل وسامية تنصحها لانها الاكبر واكيد مجربة لكن لاحياة لمن تنادي كل يوم تخش النت مستواها في الدراسة نزل لاحظت دا الشي مدرسة الانجليزي اللي هي المرشدة الطلابية وجلست مع لمى طبعن لمى ماقدرت تصبر وقالتلها (بس تعرفو ليش وصلت لدا الشيء اكيد لانها فاقدة حاجة في البيت وبين اهلها وماكان عندهم شغالة في البيت هي البنت الوحيدة بين تلاتة اولاد والشغل كلو عليها يدوب تلحق تنام وتاكل وتزاكر بس لما كانت تخش النت وتتعرف لقيت داك الشيء بس كان كلو كزب تعرفو ركب الشباب هيا طاحت فيها وسارت تروح المدرسة وهي سهرانة)....اوكي نكمل.... نصحتها مدرسة الانجليزي وقالتلها لازم تنسى انو عندها ايميل وانها اتعرفت على شباب وترجع لمى اللي قبل اكيد بتقول طيب بعد فترة مو قصيرة رجعت لنفس الحال بس مو زي اول يعني على خفيف بتخش النت مستواها اتحسن بفضل الله ثم مدرستها وصحبتها غادة كانت تزن عليها انو محد بينفعها محد حيحس بيها ازا رسبت كانو دول حافز ليها خلص الترم الاول واخدت الشهادة اكيد مهي تمام لكن تفرح اثر داك الشيء في نفسها بدي الترم التاني نسيت النت وركزت على دراستها بس على نهاية الترم رجعت حليمة لعادتها القديمة المفترية حتى في وقت الاختبارات كانت تكلم واحد اوهمها بالحب ومسوي نفسو مرة مهتم بيها على انو الماي ماذر تبعها كانت كل يوم تكلمو خلصت الاختبارات وطلعت المصيبة شهادتها على قول البعض تفشل او مخمجة حمدت ربها انها مارسبت في أي مادة الموهم سوت ايميل تاني خاص للي تحبو وسارو يكلمو بعض ويوهمها بالزواج والحب وهي زي الهبلة اخد فترة مايخش تعبت لمى وماقدرت تخش المسن (حتى وهيا تعبانة تفكر فيه الخاين) قالت لنت خالتها سامية تخش طبعن ادتها الباس وورد ولما دخلت سامية لقيتو كلمتو واكيد هو بيخون لمى وجلس يكلم سامية فترة وسامية توصل للمى وقال ايه :انا احبك ياسامية لمى وحدة صغيرة اختها على قد عقلها انا احبك انتي قريبة من عمري انتي وانتي وانتي (اموت عالكزب) طبعن اللي في الجامعة ممكن انهم ياخدو ترم صيفي بعد ما خلص الافندي اختباراتو قالتلو سامية صراحة انا مااحبك بس كنت باسوي فيك زي ماسويت في لمى انا مااخون بنت خالتي احنا اتربينا سوى وعشنا سوى هو مسوي نفسو انصدم من كلامها (حساس) عملها بلوك وديليت اكملكم هي بعدين لاتنسو الردود بليز ورايكم |
|
|
#2 |
|
|
رد: خالد ولمى
بليز كترو من الردود
|
|
|
#3 |
|
|
رد: خالد ولمى
نكمل
هدأت لمى في رمضان وما سارت تكلم خايفة انو ربنا يسخطها(المشكلة عارفة انو اللي بتعملو غلط ) جا العيد وفتحت المسن ولقيت الافندي داك موجود الموهم جلست تهرج معاه ورجع يكزب انا احبك وانا (هههههه اللي عجبني فيها) ردتلو وقالتلو حبتك القرادة هو عصب وقالها يعني مسوية نفسك مرة مؤدبة وما عمرك اتعرفتي على احد ادتو على راسو ماخلت شيء في قلبها ماقالتو بس خلتو يسوي حاجة كويسة انو عملها بلوك وديليت مرة تانية بعدها بكم يوم بدأت السنة الدراسية الجديدة وسارت لمى بالمرحلة الثانوية راحت وشافت صاحباتها واتعرفت على بنات جدد ومن ضمنهم شهد طبعن شهد شيء تاني مرة يعني اهلها ادوها حريتها تروح وتجي عادي بس اكيد لازم من السؤال تخرج الكباين تسافر ممن غير مامتها عادي مو زي لمى بس لمى ماهمها اهم شيء تكون طيبة واخلاق صح بتكلم شباب لكن فيها اخلاق ومرة طيوبة وحنونة وحساسة (طبعن لمى) وشافت غادة وجلسو يهرجو تبع الاجازة كلها لانهم ماشافو بعض من فترة بعد الكلام لمى استوعبت من اللي قالتو غادة انها اتعرفت على واحد وسارت تكلمو بالجوال (مو لازم من التفاصيل اكيد انتو عارفين) لمى انصدمت هادي اللي كانت تنصحني سبحان مغير الاحوال ( الله يستر عالباقين ) الموهم لمى مع جو الثانوية والكلام الفارغ تبع النت وجلسة البيت كرهت نفسها وحياتها كانت دايمن تحاول انها تنتحر كانت كاتمة في نفسها اشياء تبى تفضفضها لاحد مافي وازا على بنت خالتها كانت تفضفضلها بس بالاشهر مايشوفو بعض عشان كده حاسة بالكتمة ولمى ماتخرج الا عند ستها غير كده لا من المدرسة للبيت ومن البيت للمدرسة ماانتبهت لدراستها اخدتها لعب على انها سهلة الموهم جات الاختبارات وكانت تشد حيلها في المزاكرة كانت يوم هي وصحبتها سارة جالسين يراجعو المادة اللي عليهم ( اكيد مع المراجعة بيهرجو) قالت سارة للمى انو في واحد رجها اتصالات عالجوال وقالها مااسيبك الا ازا جبتيلي وحدة من صحباتك تندر وتجي (يعني صايعة مافي لارقيب ولا حسيب) لمى ماتحب انها تشوف أي وحدة من صحباتها في ورطة دقت صدرها وقالتها اديه ايميلي ازا اضافني حااهزئو واعملو بلوك التكملة بعدين |
|
|
#4 |
|
|
رد: خالد ولمى
ليش مافي احد بيرد
|
|
|
#5 |
|
|
رد: خالد ولمى
قصة روعة ياريت تحطي الجزء الباقي من القصة
|
خالد ولمى