رد: عوده جديده لرواية عشاق من احفاد الشيطان كامله
عوده جديده لرواية عشاق من احفاد الشيطان كامله
شموخ الساعه عشره باليل وهي نايمه بالغرفه البارده الصغيره .. بوسط الظلام ..
حست بايد تتحسها .. صحت مفزوعه ..
ضنته نفس الرجال الي كان يجيلها بيتهم ..
لكن ياليت المصيبه هذي اليد دنستها وقضت على شرفها وانوثتها .. صرخت محد رد استنجدت .. مافيه رد ...
ريان ..؟
فيصل ...؟
سامي ...؟
محد حولها .. هي بس لوحدها ولازم تدافع عن نفسها ...
صرخت من جديد يمكن حد يسمعها ..
دخلت المرضه وشغلت النور : بسم الله ايه مالك
شموخ فتحت عيونها كان حلم وحلم مزعج يضيق الصدر ..
ارتجفت شفايفها وبكت : ماما .. ابغى ماما ...
المرضه المصريه بنظراتها الجامده : ماما في عينك ..انتي ايه مابتزهايش دموع ..
شموخ برجاء : تكفين ماما .. طيب مو لازم ماما .. بس ابغى غطاء بردانه
المرضه : ايه ياروح ماما غطاء هو انتي اعده في فندق خمس نقوم .. دنتي مقنونه بيهنك البرد يعني ..نامي بدل ماعملك كهرباء تفباءك
شموخ سكت وحاولت تدفي نفسها بنفسها .. تكورت وضمت رجلها لصدرها يمكن تدفى بهذا البرد ..
....&&.....
ريان يسمع لمنى وهي تحكي ولايدري وش تقول ..؟ ومايهمه اصلا حكيها الي يفجر الراس
كل تفكيره معها .. مع شموخ وبس ..
ياترى جوعانه والا شبعانه .. دفيانه والا بردانه .. تبكي والا ساكته ..
اكيد تتعذب اكيد كرهته اكثر ..
اخذ مفتاح السياره وبوكه وطلع ..مادرى انه ترك منى معصبه منه وهي تناديه من غير لاينتبه لها ..
دخل لبيتهم .. ظلام كائيب من دخل شموخ للمستشفى مادخله ينام بيت منى .. حتى سامي مادخله ينام بيت جده ..
من غير تفكير دخل لغرفه شموخ كان فيه ريحه معفنه خايسه فيها .. طنش ورمى جسمه على سريرها ..غمض عيونه حوالي سنه كامله من درى ان شموخ مو اخته ..
سنه ذاق عذاب ماقد جربه ..
فتح عيونه من جديد وناظر بالغرفه وحس ان محمد عبده ماقال الاماكن الا لشموخ بس ..
" الاماكن كلها مشتاقه لك "
: آآآه ياشموخ الله يرجعك لي سالمه ..
خنقته الريحه العفنه تلفت يناظر مصدرها .. شاف القطوه بيسو متجبسه وماتتحرك .. وشكلها ميته ..
حركها برجله كانت جد ميته .. قلبه انقبض مو علشان القطوه علشان شموخ ..
رفعها ورماها بال بالزباله لان محد اهتم فيها هذي الايام اكل وشرب مات .. كان ريان .. مايفكر الا بشي واحد ..
يمكن مصير شموخ مثل قطوتها .. والله الموت ارحم له ..
قال بثقه واصرار .. : الله يرجعك لي سالمه يابنت عمي ..
{{ * على فكره ريان مايحق لك تقول لي لان شموخ مو لك
ريان معصب : اقول متكلحه اذا ماكلتي تبن أبدوس بطنك ...
انا ساكت لك من زمان ..****
******
دخل رياض للبيت شاف وعود مندمجه بتلفونها وهي متمده على ظهرها وتناظر السقف وكانت معصبه .. تخيل لو انها كاترين كان خوفها وقفزت لكن هذي مستحيل .. هذي كويس فيها قلب يدق وينظم تنفسها والا ماتحس بارده .. يمشي بعروقها ثلج مو دم ..
دخل للغرفه بهدوء وعود غرقان بسواليف مع سجى والحدث المهم الي تسمعه مانتبهت له .. وهي لحد هالحين مادرت عن حركة ندى ... وهروبها ..
مصيبتها بالي تسمعه من سجى .. سجى حكت لها كل شي عن رياض وطريقه زواجه منها ..
وهي بافكارها دخلت للغرفه وشافت رياض يلبس قميص البيجامه شهقت :آآآآ
رفع راسه رياض برود وقال : وش عندك تشاهقي ..؟
وعود انحرجت مادرت انه موجود ومن متى اصلا
بدون نفس ..: ماعندي شي من متى انت هنا ..
رياض ناظرها باحتقار : حلوه هذي بيتي وادخل متى ماحب .. وبعدين انتي داريه عن حد..
داخل اوطالع ..
انتي مشغوله بتلفوناتك ..من تحاكي..؟
وعود (( ايوه طلعني غلطانه ومقصره ياشينك ))
قالت وهي تفتح الدولاب تطلع شنطه كبيره منها : من بحاكي يعني بنات خالي ..واهلي ..
رياض: الي يسمعك يقول خالك الوزير او السفير .. والا اهلك الي اراضيهم وموساتهم ماليه المملكه ..كلها سكير وفراش ..
وعود (( لاتهتمي لاتنجرحي هذا لسانه غذر مايثمن الحكي الي يحاكيه ..حبيب كاترين الله ياخذها وياخذه ))
: آآآآآف انت وبعدين تراك طفرتني رافع خشتك على ايش ..؟
رياض ابتسم برود قدر ينرفزها : لاني بيني وبينك ندمان على اليوم الي فكرت اتزوجك فيه او حطيتك بالي انتي باختصار ماتستاهلي حد يناظرك
وعود عصبت من قلب وقالت وهي ترمي الشنطه على الارض وتدخل ثيابها فيها : وليه تندم وتعب نفسك انا بريحك على هالندم ,, احجز لي على اقرب طياره لشرقيه والله فراقك عيد
رياض تمد وغطاء نفسه بينام : حكي جديد..
وعود: ولا جديد ولا شي انت ندمان ..
وانا بريحك ..
ولو فيه طياره اليله يكون احسن ..
رياض بلامبالاه : بترجعي ارجعي ..ولاتنتظري مني اساعدك او احجزلك.. احجزي لنفسك ..
وعود (( كل الرجال زباله وحقيرين ... ومافي رجال العالم يستاهل نظره من اي مراءه ..
جعلك المرض انت وكاترين ..والله لايردك ..وفراقك عيد ))
: يله انتظر ..
رياض رفع الغطاء عن وجهه : وش الي تنتظريه ..
وعود احتقرته : طلقني ..؟
رياض باستهزاء: عاجبك تطلقي مرتين ..
وعود باحتقار اكبر واستهزاء :والله هذي مشكلتي بعدين حرام اخرب عليك انت والكناري كاترين حياتكم انا مالي داعي اتركم احسن وانا الغريبه هنا .. وهذا انت انتقمت على قولتك وتزوجتني
رياض برود : ام انتقام اي انتقام اها ذكرتيني يابنت عمي ..
راح عن بالي ..ولايهمك اكمل انتقامي واترك بيت عمي معلقه لامتزوجه ولامطلقه ..
وعود حست ان رياض اسخف انسان شافته بحياتها ..وماعنده ماعند جدتي ..
قالت بدلع وبرود : طلقني ابغى اشوف حياتي .. انا مزيونه وماعلي .. ومليون يتمنوا ظفري ..
رياض ناظرها وهي ترمي الملابس بالشنطه معصبه والثلج تحرك ..(( وانا اشهد انك مزيونه ))
لكن احتقرها وضحك : ههههههه مزيونه وعافوك اثنين ...
عادي ماجرحها تعودت على لسانه القذر واليوم ماتبات بالرياض بد الي سمعته من سجى وهذا رياض يكمل عليه .. حست بالضعف والذل ..
رياض يتثاوب : لمي اغراضك وجودك وعدمه ماياثر فيني ..
وعود باحتقار : بيت ابوي الي ضفني 24 سنه يضفني اكثر ..
ضنها تهدد وتبغاه يوقفها وترجع لكن هو مستحيل يوقفها بتخاف وترجع لكن الظاهر ماعرف كرامه الفقير باي درجه غاليه عليه ..
انصدم لما سمع الباب يتسكر بقوه ولغرفه ملائها الهدوء ..
رفع الغطاء ناظر مافيه احد .. بعد ثواني سمع صوت سياره السايق تتحرك ..
وقف بسرعه ولما طلع عند الباب كانت السياره برى القصر ..
طلعت ولا هتمت .. لهذي الدرجه قويه ..: ولعنتين جهنم الحمراء الي تاخذك ..
....**.....
جلست وعود بالقطار لوحدها بعد ماناظرت الساعه 11 باليل على ماتوصل تكون 2 باليل ..
جد رجال ماعنده نخوه ولا رجوله ماهتم انها طالعه بهذا الوقت المتاخر ..
ناظرت بالناس الي حولها وحست بدموعها تنزل كانت خايفه ..
لوحدها هنا وهي مراءه ضعيفه .. ندمت انها طلعت من عند رياض ..
لكن الوقت فات والقطار تحرك...
.. مع كذا ماهي بندمانه انها تركت المزبله الي بالرياض ...
******
سامي : ايوه ياريان وش فيك نبيعه ..؟
ريان تاف : مانت بصاحي والناس حكيهم .. ابوي لسه ماجف ترابه نبيع البيت..
سامي ناظر بيتهم الخالي : ياعمي من متى انت تهتم بحكي الناس .. والا تحب اذكرك ..
ريان : شموخ وامي لهم بالبيت وماتوقع بيقبلوا بالبيع ..
سامي برود : شموخ مجنونه ومحد ياخذ على حكيها و امي انا اقدر اقنعها ..
ريان بتفكير : لكن ابوي موصينا مانبيع البيت
سامي : ليه كتب وصيه هو علشا ن يوصي ..
ريان : لا بس حكى قبل كذا مانبيع ..
سامي : انا وامي وشموخ بنبيع وانت حر اشتري نصيبنا ..
ريان : انا لا ياعمي وش استفيد من هالبيت المعفن دامك بتبيع بيع .. واقنع امك ..
سامي : ولا يهمك محد يقدر عليها غيري ...
ريان : شموخ لها بالبيت احس انها مفروض تعرف وانت عارف انها مو مجنونه ...
سامي : ريانوه لاتشتغل علي انت عندك الي يكفيك اما انا ماعندي فلا تستهبل
ريان : اوكيه بيع ..
.. تركه وطلع ...
سامي ناظر بالبيت ودق على مكتب عقاري يعرضه للبيع ..
*******
ربى استغربت من حالة راكان سرحان ومتضايق .. وحكت معه مارد عليها ولا انتبه لوجودها ..
هذا مو طبعه ولاقد كان مهموم كذا ..
: راكان راكان ..
راكان : ......
ربى : لا حالته صعبه .. راكان راكان ..
راكان: ......
ربى وقفت قباله معصبه وصرخت : راكان
راكان ناظرها مستغرب: وش فيك ..؟
ربى : وش فيني حرام عليك فوق 17 اناديك ماترد علي ..
راكان : سوري ماكنت معك ..؟
ربى بخبث : الي شاغل بالك .. نور صح
راكان ابتسم بقهر : نور .. نور راحت ..
ربى استغربت : كيف راحت ..؟
راكان بلع ريقه وقال بارتباك : اليوم ملكتها ..
ربى : ايش ملكتها .. كيف ..؟
راكان جلس على كراسي الطاوله مقهور : ملكت على يزيد ولد اخو زوج هواجس .. انا هنا مقطع حالي حب فيها وهي مع عشيقها بيت اختها .. جد اني حمار ..
ربى : لا لاتسرع يمكن مغصوبه عليك او
راكان باستهزاء قاطعها : لا ابشرك هي موافقه ومبسوطه .. امس حكيت معها .. تدرين وش قالت لي : انا مستحيل افكر فيك يالطباخ انت مو قادر تصرف على خالتي وخواتك تبغاني انتظرك .. خل ام السواليف والضحك تنتظرك ..
ماديه استغلاليه مافكرت الا بنفسها طلعت مثل الكل عند الفلوس عبده
ربى تذكرت عمر وحركته الي عملها فيها : لاتضايق حالك ياراكان .. الي باعك بيعه والي عافك عوفه .. مافيه حد بهذي الدنيا مخللص او وفي الكل يدور على مصلحته
راكان وكرامته عازه عليه : المشكله حكت معي قالت لي بتكبر حسيتها مو نور الي اعرفها ..
ربى بعقلانيه : قصدك نور البزر الصغيره .. الصغير يكبر ياراكان .. واكيد هي ناظرت بهواجس وحياتها المرفهه حبت تصير مثلها ..
راكان : وانا ..؟ انا الي اعشقها ..اجمع بالريال على الريال علشانها ..ماقد فكرت حد بغيرها .. كذا برود تبعدني عن طريقها .. المشكله ادور لها مبر ماحصل ..حسيت اني لحضات اكرها
ربى : لا ياراكان .. لاترك الكره يدخل لقلبك انت الف من تتمناك
راكان بانفعال : بس انا ماتمنى الا هي .. ماتنى غيرها ..
انا مو كذا ماني بحقود ولا متهور .. لكن اتمنى بهذي الحضه اقتل هذا الي تزوجته ..
ربى سكت ماعندها رد عليه ..
وراكان سكت يفكر بصمت .. ماهانت عليه كرامته بعد ماحتقرت نور شغله ..
ربى صادقه الصغير يكبر ...
لكن في شي ياكل قلبه كل ماتذكرانها مع يزيد هالحين وله حلاله .. تضحك معه .. تسولف عليه ..
*********
رجعوا من الملكه هلكانات .. وكل وحده تدور سريرها .. نور هربت من اي اساله لغرفتها ..
اما هواجس دخلت للغرفه الضيوف ... رمت عبايتها على الكنبه و وقفت تناظر النافذه بعد مابعدت الستاره ..
انتظرت بو ماهر تبغى تحاكيه عن البلاوي الي عرفتها عن يزيد من بنت عمه ..
كيف ترضى لنور تتزوج واحد سكير مدمن مخدرات .. وصاحب بنات وسهرات .. اكيد مريض بمرض اعوذ بالله ..
انتظرت بو ماهر علشان توقف هذي المهزله ويطلق يزيد نور .. مهما كان بو ماهر مع الحق ومايرضى بالغلط ..
دخل يزيد وقر ينام تحت لانه وعد نور ينام بيت اخته لكن مو اليوم على بكره ..وبعد لانه شارب كاسين خمر يعدل مزاجه ...
وقف للحضات يناظر هواجس وعرفها على طول اقتحرها وكانت اكره الناس بالنسبه له
قال باستهزاء : اوه زوجة عمي الموقره هنا ..
لفت هواجس لما حست .. كان يزيد بثوب الملكه والشماغ واقف .. منعت شهقتها .. من متى هذا واقف ويناظرها بطريقه غريبه ..
قالت تكسر نظرته : لوسمحت اطلع لبرى ..
يزيد ناظرها بتامل من فوق لتحت ..باحتقار : انا بنام هنا ..
هواجس خافت منه ومن عيونه المحمره .. رفعت عبايتها ومشت تبغى تطلع لكن صوت يزيد القاسي وقفها : وين بدري ..؟
هواجس تافت : مالك دخل ..
يزيد بخبث : لاتعمليلي فيها بنت بنوت .. فهد حكى لي كل شي ..
وقفت هواجس ولفت عليه بسرعه .. فهد حكى ليزيد عنهم ... لكن ايش الي حكاه ..
يزيد كمل وهو يجلس ويحط رجل على رجل : حبيبك فهد .. عشيقك السري .. لاتضنيني ماعرف عن المعرض والرسومات .. وعن الدبدوب التافه وعن نافذ جوليت .. حتى عبدالرحمن بن مساعد وقصيدته اعرفها ..
هواجس ناظرته مصدومه من حكيه فهد حاله كل شي ...
يزيد برود : لا لاتناظريني كذا .. ماحبيتها منك يازوجت عمي والا اقولك عشيقه فهد ..
هواجس : كل تبن وانتبه لحكيك وبلا خرابيط مالها داعي ..
يزيد بخبث : خرابيط مالها داعي حرام عليك ..
لاتحاولي ياعشيقه فهد انا اعرف كل شي .. لاني باختصار .. انا الي ارسلته لك .. انا الي قلتله يوهمك بالحب التافه .. انا الي دعمت معرضه . . وصرفت كل دولار دفعه شرب معك واكل معك .. كنت اعرف الامكان الي تروح فيها مع عمي وارسله لك ..
هواجس فتحت عيونه : ايش ..؟
يزيد هز راسها باستهزاء : ايوه ايوه .. كذا فهد كذاب ... فهد لعبها معك صح .. وانتي مع الاسف رخيصه .. وخفيفه بسرعه خنتي عمي و
هواجس : كذاب انت كذاب ..
مشت بسرعه تطلع وتهرب من الحقيقه ...
يزيد : لا ياقلبي ماكذب ولا تتحركي من مكانك لانو مع الاسف كل لحضه قضيتيها مع فهد مصورها عندي .. كل موقف جمعكم سوا .. صورها عندي ..
هواجس وقفت هي تحتقره : كذاب والله كذاب ..لاتحاول
يزيد اشر عليهابتعالي : شايفه فستانك هذا...
انا دافع قيمته ..
صحيح فهد عمله خياط مخصوص لك على قولته علشان يضبط الدور وتصدقي انتي وامه تصدق ..
كان شوي ويصدق حاله .. لكن هذا الاتفاق ...
هواجس حست بدوخه وان رجلها ماعادت شايلتها .. جلست على اقرب كنبه بضعف ..
...ليه الزمن ضدها بكل شي حتى بفهد ..
حست ان الدنيا ضحكت عليها باستهزاء ...
يزيد بين اسنانه وبصوت قريب للهمس : ها ترى عمي زوجك انتبهي .. واذا بتشتري سكوتي نفذي الي اطلبه بالحرف الواحد..
هواجس خافت منه واحتقرته بنفس الوقت : ليه ليه انت والنذل عملتوا كذا وش تستفيد ..؟
يزيد : وش استفيد .. ياحليلك والله .. انا اقولك وش استفدت ..
واحد .. تعرفي قدرك وماتطاولي على اسيادك .. يابنت ال والا بلاش مو لازم اغلط لان حنا بيكون بيننا عيش وملح ..*_^
هواجس فهمت تلميحه لكن حاولت تصفي نيتها : وش قصدك ..؟
يزيد بقوات عين .. : قصدي ماتوقفي بطريق نور اختك وتزينيني عندها .. ابغاها تشوفني انا وبس .. تجبريها تعشقني ..انا عارف انك دريتي عني كل شي .. من بنت عمي اليوم .. الشغاله سمعتكم وحكت لي
وفقت هواجس بعصبيه : ايوه دريت يالمدمن يالوقح .. انا عرفت عنك كل شي يزياله .. وانت تحلم مستحيل ازينك بنظر نور..
يزيد : حتى لو درى عمي وسجن ابوك وطردك انت واهلك بال ..
هواجس قلبها دق بسرعه من الخوف .. : مستحيل انت تطلب المستحيل .. والله حرام نور حساسه و انت ماتنفع لها انا انتظرت عمك علشان يوقف هذي المصخره
يزيد : وانا بنتظره معك وينهي مصخرتك مع فهد بالمره ..
هواجس حست بالرعب من فكرة ان سعود يعرف عن فهد ..
هي تنازلت مره وضحت علشان نور ..وماحصلت من نور شي .. ليه تضحي بحياتها والي حصلته مره ثانيه علشانها ..
قالت بحقد : اوكيه .. ابحليك بعيونها وبسكت ...
يزيد : ومهما قالت لك او اشتكت انا الصح وهي الغلط فاهمه
هواجس ضغطت على نفسها : اوكيه
يزيد إبتسم : حلو تقدري تضفي وجهك .. بخبث - قبل لانسى يسلم عليك فهد لان طيارته بكره العصر
هواجس احتقرته .. وطلعت من عنده مقهوره ..
ودخلت لغرفتها شافت سعود نايم .. حست انها مو طايقته طلعت من الغرفه
ودقت على ندى وماردت ..
بعد ثواني ارسلت لها ندى
(( بحاكيك الصباح انا مشغوله هالحين ))
دخلت غرفه امها ورمت نفسها بحضن امها تبكي ... بدون لاترد على تساولاتها الخايفه ..
كانت بهم نور مع يزيد الغذر .. صارت بهمها وخيانه فهد لها ..
اول ماهدت ارسلت لندى مسج طويل فيه كل الي اكتشفته عن فهد ... ندى الوحيده الي تعرف بالموضوع ...
7 رمضان
10: 2 ص ..
مر شهر ولحقه شهر ثاني ..
شهرين راح فيهم الشتاء ودخل الصيف ..
الجو حار .. ودرجه الحراره بالرياض والشرقيه مرتفعه ..
مثل حراره النار الي بقلوب ابطالنا العشاق ..
(( سامي .. ))
موت نجلاء اثر فيني كثير اكثر من موت ابوي .. ولسبب واحد ماقد حسيت ان ابوي هو ابوي .. حتى لما عرف عن الشغاله الملعونه وانا صغير ماهتم هو بعد ماهمني لما مات ...
لشهر كامل انقطعت عن حياة البنات والجنس الناعم .. لكن مارتحت في صراع بداخلي .. مشتاق لهذيك الايام .. وقاومت ..
وحاولت اختلط مع وليد صديقي الغالي عرفت وقفته معي بايام العزاء وندمت اني كنت بطعنه بظهره ..
حياة وليد نظيفه وممله ماعجبتني مافيها اكشن او تغيير ..
سافرت مع وليد لجده لان ريان استثمار هناك وانا قرت امسكه واسافر لجده ..
وانا داخل لشاليهات بحجز لي
لفيت على صوت نعوم قاطع حكي مع الرسيبشن : ابراهيم دحين انا حجزت سويت بالشرق ليه ترميني بالغرب ..
الرسيبشن ابتسم لها : لوسمحتي انسه نورهان الرجال جاء قبلك ..
ناظرتني هذي النورهان باحتقار لكن لما اباسمت لها وقفت عند عيوني وحسيتها مصدومه من وسامتي ..
ايوه انا متاكد ان ربي وهبني وسامه اعذب فيها بنات حوا ء : مو مشكله يانورهان تفضلي انا اقدر انتظر ..
نورهان حمرت خدودها وحسيتها اخجلت من حركتها .. قالت بخجل وصوت جداوي ..: لا سوري تقدر تتفدل
ابتسمت لها بجذبيه : لا حشى والله ماقدم .. انتي قبل تفضلي ..
قبل لاتفتح فمها بعدت لها : السيدات اولن ..
نورهان قالت وهي تشكرني بعيونها : فديتكم ياهل الرياض ههههه
بنت ماتعوض ومزيونه .. اسمها نورهان وانا اشهد انها نورهان .. شبكت معها ..
هذي اول مره اكون مع بنت وحده بس .. اسبوعين تعرفت عليها وبديت اضحك عليها .. طيوبه ساذجه مثلها مثل غيرها ..
وتعرف على وحده بالسوبر ماركت واشبكت معها.. هذي شيرين ابله من نورهان .. خفيفه كثير ...
هالحين عندي نورهان و شيرين .. يازين بنواتات جده ..
خلاص ثنتين يكفي لاني مشغول مع استثمار ريان الي سجله باسمي ..
واعطاني كل شي ابغاه ..
لكن .. علاقتي مع تومي مثل ماهي ماتغيرت .. اتنرفز منه عاملي فيها الفاهم والكبير ومافيه فرق بيننا ..
جد انه داهيه وعقليه اقتصاديه .. لكن اجتماعي فاشل ..
ينتظر مولود طفل .. ولا هو مهتم ..
قريب بستعد لسفر لمصر .. قر ريان يستثمار هناك بمجمع سكني وانا بدير له شغله .. من خبرتي بجده ..
وفيه سبب ثاني لسفري .. شمس خالتي العربجيه .. تبغى تدرس هناك مع صاحبتها ..صحيح انها بتدى بالسمستر الثاني لكن موت جلاء وابوي الله يرحمهم اخرها ...
مصر .. مصر .. مادري وش بيحصل معي بمصر .. عندي احساس ان هذي السفر غير بتكون ..
(( ريان .. ))
بهذولاء الشهرين كبر اسمي بالسوق وعالم التجاره والاستثمار ..
ومنصبي الجديد ساعدني اكون هامور السوق ..
قاسي ماعرف الرحمه .. امتص اموال الاغنياء والفقراء بدون تفكير ..
اكره الخير لحد .. ابغى اكون فوق وفوق الكل بعد ..
استثمرت بالرياض وجده والشرقيه .. و قريب ان شاء الله بدبي ومصر...
ابغى صوري هذي الكثيره بالاخبار تكثر واسمي يعلاء ..واوصل لمنصب وزير .. ايوه حلمي وهدفي هالحين الوزاره ..
الي صاروا وزراء ماهم باحسن مني ..
لكن ماتدوم لحد ..
شموخ على وضعها معي ماتحس بوجودي ... والاعظم ترفض ادخل لعندها وتطلب من المرضات مايدخلوني ..
ليه تكرهني كذا انا ماعملت لها شي .. مروج وراحت ليه ماتنسى ..
لحضات كثيره اشك ان عندها قلب او تحس ..
لكن دموعها تذكرني بضعفها .. واخاف افقدها مثل غيرها ..
امي تسال عنها كثير .. ..
انا مو فاضي لامي وقلقها ..
منى تنتظر المولود المنتظر فارغ الصبر .. جد عجوز ماتستحي .. ماطيق الجبيل والسبب هي لانها فيه ..
احمد ربي انها "بزنز ومن " يعني مقدره شغلي والمرحله الي انا امر فيها وماتسال عني كثير ..
رياض يشرف بعض المرات على شغلي بالرياض وانا اعزه ..
هذا الرجال هو الوحيد الي اقدر احكي له كل شي وانا متاكد انه يفهمني ..
(( شموخ ))
اموت باليوم مليون مره ..
وانا بهذي الغرفه الي تقتل ..
انتظر الفرج .. وعندي امل .. لاخر لحضه عندي امل وبالذات ان الدكتور دايم يقولي انتي مو مجنونه لكن ماعندك يضمك الا هنا ..
الحالات الي كانت تجي لي والانهيارات احسها خفت وماعادت تجي ..
حتى القران صرت اقراءه واتقبل اسمعه وارتاح لما ابكي من كلماته الي تشرح الصدر ..
ولا مغني او فنان بالعالم يقدر يشرح صدري مثل القران ..
ماصدق الحضه الي يدخل فيها ريان .. احس بدخلته اني عايشه في حد يسال عني...
ماما ماسالت عني مالومها وهي مقهوره على بنتها وزوجها وانا من اكون بنت ربتها ...
مالف على ريان اذا دخل اصد عنه .. وابكي ... ابكي لاني حاسه اني عاله عليه وملزوم فيني ...
مادري ليه يزورني وهو يتمنى موتي ...؟!
احس انه ينتظر الوقت الي يدفني فيه بجنب مروج ..آآه يامروج وينك لو انك معي ماضعفت كذا ..ولا قسيت كذا ..
بريح ريان مني وطلبت من المرضات مايدخلوه عندي علشان ارتاح منه واتركه يرتاح .. صار مايجي لي كل يوم
يوم ايوه ويوم لا ... كانه ماصدق ..
مولازم يزورني مابغاه دامه مايبغاني ..
انا عشت وحيده واقدر اكمل وحيده ..
ابغى اطلع من هنا خلاص .. شهرين و كم اسبوع وانا بمستشفى يعاملوني مثل المجانين ..
تعرضت لتحرشات من المرضات والمرضين .. كرهت نفسي واسمي ..
كنت اصرخ وابعدهم عني ويجي الدكتور مستغرب من انهياري المفاجاء لاني هاديه .. واذا حاولت اشرح له سحبوني لغرفه الكهرباء ..
اتعرض للكهرباء ولا اسمح لهم يلمسوني .. اخاف من اليل وقت النوم علشان هذي الحضه الي يتحق فيها حلمي وتدخل المرضه مع واحد من العمال ..
بس انا مو ضعيفه ولا سمحت لهم يدنسوني اقاومهم لحد مايتعبوا من ضربي وتشميخي ويطلعوا ..
ولا راح اكون ضعيفه .. انا الضربه القاسيه تقويني ماتضعفني ..
ابكي لكن احلف يمين ادفع ريان وسامي ثمن كل دمعه نزلتها ...
حتى فيصل مراح اسامحه وبرد كرامتي منه .. مادري ليه ماسال عني ليه ما يبغاني تركني وانا ضنيته يحبني ...
كنت غبيه لما حكيت معه وعطيته وجه .. وحبيته .. احس اني كنت مثل المهبوله وعقلي مو معي ..
(( فهد ))
رجعت لايطاليا وانا مالي مكان بالسعوديه مثل ماحكت هواجس ..
حسيتها بيوم الملكه ندمانه وبعيونها حكي .. علشان كذا زرتها اليوم الثاني الصباح افطر مع يزيد وبو ماهر قبل سفرتي لظهر وماطلعت لي والي فهمته من حكي فهد انها مشغوله بتجهيز اختها وماتقدر تمسك الفرع الي بالرياض ..
استغربت ليه قلبت علي بسرعه وكذا .. مارتحت للهجه يزيد كنت بساله بعيد عن بوماهر لكن الفرصه ماسمحت ..
وطرت بالطياره لروما مكان ماعيش مع امي ..
كان عندي امل ارجع مبسوط بعد ماشفتها لكن رجعت منكسر ومهموم .. مالي مكان حتى بقلبها ..
لازم انسى وبحاول ..
مع اني باصم بالعشره انها بالي اكثر من قبل ... عيونها تعشقني ولسانها يرفضني ..
(( ربى ))
راكان متغير كثير احسه صار مطنش ومو كل يوم يطبخ الي نبغاه .. لحد ماقال لامي برود انه بيترك الشغل هنا ..
ماصدقت الي اسمعه يترك القصر ليه ..
بعد ملكه حبيبته باسبوعين بيتركنا ليه ..؟
وانا ..
ايوه انا ..
انا تعلقت فيه كثير وصار معي مثل المويه والهواء ..
يسمعني ويفهمني .. يبتسم على سخافتي ويتاثر مع همومي ..
ليه كل الي اتعلق فيهم يبعدوا يتركونا .. ضنيته حاس بمشاعر وبيودعني متاثر ويبر لي .. لكنه قال بلا مبالاه : انا برد كرامتي وبعلم نور قدرها .. لازم تندم انها ارتبطت بغيري ..
هذا همك نور وانا .. ليه تركتني اتعلق فيك واحكي معك ..
فوق الاربع شهور وحنا سوا دوم مع بعض نضحك ونحكي .. وبعدها تبعد مثل عمر وتركني ..
ناظرته والدمعه بعيني ماقدرت ارد عليه .. ركضت وتركته . .
تركته لحقده على حبيبته وانا ماسال عني وعن مشاعري ... كل الرجال كلاب وكذا ..
انتظرته يرجع لحد مافقدت الامل منه ومن عمر ... خلاص اعلنت انساحبي وبردت احاسيسي .. مافيه رجال بالارض يستاهل اكون له او افكر فيه ..
طوال الشهر والا سبوعين تعلقت بماما كثير وقربت منها ..
يمكن لاني تاكدت ان مالي غيرها ..
اكتشفت اشياء بامامي ماكنت اشوفها .. تحب ان حد يشاركها افكارها وخطها .. ويخط معها مثل ماتبغى هي ..
حكت لي اسرار واشياء ماكنت اعرفها . ولا فكرت بيوم انها حصلت مع حد بيتنا ..
سر ابوي معها وخياناته لها ويضنها ماتدري ...
سر رياض وزواجه من كاترين الميسيحيه بالاساس وهو يقول مسلمه علشان يسكت الناس ...
سر سجى الكبير والي ماتصورته يطلع منها .. مستحيل تكون رخصت نفسها وارتبكت اكبر خطاء .. وان ماما رمتها لتركي
قسيت على سجى وحسيت اني اكرها من حكي ماما لانها ماحترمتنا ..
وتوقفت عن زيارتي لها وقطعت الوعد بدون ماكلف نفسي الشرح البسيط لها ..
كل دقيقه ولحضه احس اني نسخه من الجازي محسن الرالي ... ماما
انا ..
صرت هي نفسها .. نفس التفكير والنظرات .. حتى الجلسه ..
وزياده عليها اخذت لي اسهم واشتغلت بالبورصه .. مراح افيد الا نفسي .. نفسي انا وبس ...
الي يشوفني مايعرفني
(( هواجس ))
عادي كل شي عندي صار عادي ..
قدرت اكسب بوماهرلصفي وصار شوره بيدي ..
رجعته لايام الشباب بحركاتي النص كم .. مو هذا ال يبغاه تزوجني علشان كذا يبشر ماطلب ..
احس اني انتقم من قهد بهالطريقه ...
وبعد انتقم من يزيد علشان الوقت الي يحكي لعمه عن علاقتي السطحيه بفهد اكون مستعده اقنع بو ماهر بسرعه .. وحتى يكون بو ماهر موتعلق فيني ويفكر مليون مره قبل لايتركني..
والاهم من هذا كله ..
.. فتح لي مشغل نسائي اشغلت نفسي فيه ..
و خليته يشترى لي بيت لوحدي وباسمي... نقلت اهلي فيه امي ونور وملاك وابوي ..
علشان لما انطرد رجع له ويكونو تعودوا على البيت وبعد علشان اوهم بو ماهر اني ابغى اكون يه لوحدن ولا يقرب حد من عياله عندنا .ز لاني سمعت ان بنته " العند " بتطلق .. وانا صراحه مالي هلق حد يقاسمني بيتي وقصري ..
شهرين وانا بدوامه اشغل فيها تفكيري عن فهد ومع الاسف فشلت لانه متمكن مني وبالذات صوره بالمجلات الي بمشغلي .. آآه لو اقدر امحه من ذاكرتي ..
(( نور ))
استقلينا بمكان بعيد عن بيت هواجس والحمدلله احسه مثل بيتي .. مرتاحه فيه مع امي وملاك ..
الا لما وصل ابوي من مصر وعكر مزاجي .. لكن ماقابلته طوال وقتي بلسوق مه هوجد نتقضى للجهاز .. ماني متحمسه لزواج من يزيد لكن اتقبل الفكره .ز وبالذات كل ماتذكرت شكل راكان وهو يضحك مع ربى ..
اكيد هالحين مرتاح البال وانا خلصته من كلمته لنا ..
كنت روح لسوق متحمسه وانا اتقضى لاني باختصار محرومه ومفجوعه ..
ابغى اعوض النقص واحس بالحريه وانا اتقضى ..
مارضيت ليزيد يحكي معي تلفون مع ان هواجس تحاول فيني وتمدح بيزيد كثير ..
حتى اني شكيت فيهم استغفر الله لكن تركت هالافكار ..
ماكانت تطيقه وفجاءه تمدح باخلاقه وكانه سوبر مان او شريف مكه ..
استغفر الله قلتلها عن افكاري اشرحت لي بسهوله انها تتمنى لي السعاده وتنصحني وافكاري هذي علمانيه ومن الافلام ..
اعتذرت منها .. وطنشت خرابيطي ..
كانت هواجس تلزم علي دايم ارسل ليزيد ابغى فلوس كنت ارفض بس هي تصمم ..
وتاخذهم ماتعطيني اياهم اعصب بس اسكت .. يمكن محتاجه وماتقدر تحكي بو ماهر الي مقدم لها لشمس بيد وقمر بيد ..
تستاهل اختى ماتقصر معي ..
واكتشفت انها كانت تستثمره لي بالاسهم وتحاول تشتري بالارباح ارض ضمان لي ..
احبها اختي اكثر من اي شي بالعالم .. تحبنبي وتخاف علي ..
(( راكان ))
احمد ربي يوم ارتحت من هذاك القصر الملعون .. وطلعت اشوف حياتي بمطعم راقي .. للاكلت السعوديه .. لاني اضبطها ..
ابغى احسن من مستواي .. واخذ خبرات واستفيد .. علشان اشتغل بفندق ..
ونور بالي كل لحضه .. اتعذب لما اسمع سواليف خواتي عنها .. وعن املاك زوجها الكثيره .. وكم اعطاها مهر وش عمل لها ..
وين قروا يسافروا بشهر العسل ..
ماليزيا .. اوه ماليزيا يابختها من قدها .. مكان سياحي ممتاز ...
كان نفسي اصرخ بوجههم : ماترفون من هذا الي مبسوطين بفلوسه ..
هذا يحش ويزني ويشرب وسمعته الشينه ماليه الشرقيه وصلت لرياض ..
احيانا احقد عليه وعلى نور .. لاني اغليتها مثل الابله وكنت بقطع نفسي علشانها وهي مبسوطه بقرب غيري..
ماقول الا الله يوفقها ويسعدها مع هذا اليزيد ..
شهرين مروا بسرعه وقر الموعود المحتوم زواج نور .. كلها كم يوم وكم ساعه تكون له .. وتنزف بقربه ..
محتار احضر والا لا ..
افتقدت ربى وشورها لي .. لو انها فيه كان قالت لي وش اعمل .. لكن ربى وين وانا وين ..؟
اذا بنت الفقر ماقبلتني مدلله مثلها بتناظرني حتى ..
(( ندى ))
آآآآآآآه على مصر ...
ياشينها .. بتقطع بموت بس واشوف اهلي او اسمع صوتهم وحشوني مره ..
ابكي كل يوم والله كل يوم وادعي ربي يرضوا عني اهلي ..
ندمانه قد شعر راسي لحركتي السخيفه بالسفر ..
لا والي ضايقني اكثر من اسبوع بس خالي رجع للملكه علشان زواج بنته نور ..
قهر ماحضرت لا ملكة نور لا زواجها .. وشكلي مراح اقابلهم العمر كله ..
وهواجس حالها اصعب مني بعد ماكانت مبسوطه بجئيت فهد يطلع استغلالي ياما حكت لي عن رومانسيته وحنانه حتى تمنيت احصل مثله بمصر ..
لكن درس لي ماثق بحد وبالذات هذا انس الي طوال الشهرين لاحقنا انا ونجود ماصار موقف بالطياره...
ياكرهي للغثه والمغثه ..
وعود اختي بعد قلبي بتنا طوال هالوقت ومو راضيه ترجع لرياض وهو ماحاول حتى .. نفسي احاكيها واسالها ليه .. لكن هي مو راضيه .. وعتبانه علي ..
ارسلت لها رساله البريد مثل الشغالات يمكن تفهمني ماردت علي وقالت لهواجس تقولي ماحاول ..
خساره لو اني بتنا كان وعود عندنا هالحين ومافتقدتها ..
لكن النار الي انا فيها ولا جنه عمتي خديجوه ...
احمد ))
اشتريت بيت نجلاء من اهلها ..
ماصدقت انهم قروا يبيعوا البيت علشان اشتريه .. عرضت عليهم اشتريه باثاثه علشان غرفة نجلاء ابغاها ..
اخوها سامي قبل بسرعه وكان يدخل القلب مثل ماحكت لي نجلاء الغاليه ..
لكن اخوها الثاني ريان .. المغرور .. قبل يبيع الا غرفه وحده من البيت .. الي فهمته من حكيهم انها غرفه شموخ المغروره بنت عم نجلاء ..
ليه ماعترضوا على غرفه نجلاء وقبلوا يبيعوا .. ليه ماهي غاليه عليهم .. او يمكن يبغوا ينسونها ...
او يمكن هذي شموخ المغروره ماقبلت تبدل غرفتها ..
اول مافتحت البيت وكانت المفاتيح بيدي وهو لي حسيت بشي غريب ..
وكل ماناظرت اي مكان لساني يردد ..: نجلاء اكلت هنا .. نجلاء شربت هنا ...
نجلاء كبرت بهذا البيت ..
نجلاء بكت على هذي المخده .. رميت نفسي على السري نفسه الي نامت فيه طول حياتها ..
ماخذوا اغراضها تركوا البيت مثل ماهو الا غرفه بصبغ وردي كانت فاضيه .. وسياره النقل ماحملت الا اغراضها هي ... واغراض الغرف لباقيه ماعدا غرفه نجلاء .. وملابس ابوهم .. الي ماتوا تركوهم علشان مايتعذبوا بالذكره ..
لكن انا مستعد اتعذب بالذكرى .. يكفي اني انحرمت منها ومن وجودها معي ..
صرخت لمى وهي تتفرج على البيت ومعترضه عليه .. : آآآف ناس غدرين حتى مالموا اغراضهم ..
قلت لها وانا معصب لانها تسب نجلاء الغاليه بطريق غير مباشر : هذا بيت نجلاء واهلها .. فاسكتي
فتحت فمها وناظرتني مصدومه مسكينه ماتوقعتني عاشق لهالدرجه اشتري بيت نجلاء ...
رجعت ادخل لغرفه نجلاء واخترتها غرفه لي .. مايهمني بهالبيت الا هذي الغرفه ...
شهرين وانا اتعذب لما اسند راسي على المخده الي فيها ريحه الغاليه وحياتي نجوله .. آآآآه لو انه يرجع الزمن لورى ماتركت نجلاء تتزوجني .. او تتعلق فيني ..
ضنيتها بتعذب لارحت لكن انا الي تعذبت انا الي دفعت الثمن ..
قالتها كثير جعل يومي قبل يومك .. وكنت اضحك مادريت ان دعاءها يستجاب ..
قلبي الي بصدري لها وبيضل لها ...
ومره وانا اشرف على الهنود وهم يغيروا الحديقه .. طلع واحد منهم قماش شكله غريب ملفوف بعضه .. اخذت وكنت برميه .. لكن وقفت اناظره .. شكله مو غريب علي شفت مثله كثير بالتلفزيون ..
اذكر مره قناه المجد عرضه مثله وهم يعملوا حمله ضد السحر ..
صح السحر .. خفت ورميته لكن رجعت اخذه لما توقعت انه ممكن يكون معمول لنجلاء ومات بسببه لان موتها فجاء ه ..
ناظرت بالشيخ الي اخذت له السحر او العمل وسالته باستغراب وهو يقراء ايات من القران وينفتح معه ..
سالني مستغرب : وين حصلته ..؟
: مادري هذا بيت اشتريته قريب ولما جئيت بغير ديكور الحديقه حصلته ..
الشيخ ابتسم بوجهه السمح : كويس انك مارميته وجزاك الله خير
: ايش هذا عمل لمين لنجلاء ..؟
الشيخ : لا هذا عمل لبنت اسمها شموخ .. شكلها بنت صاحب البيت ..
شموخ ...؟
طلعت من عنده مستغرب من ممكن يسحر هذي البنت .. قتلني الفضول لكن طنشت المهم نجلاء ماتاذت ..
(( لمى ))
شهرين وانا مع احمدوه عمي المجنون ..
البيت اشتراه علشانها علشان يحس بوجودها ..
يكسر خاطري كثير .. احسه ضايع ومهموم لفراق نجلاء ...
معه حق انا احيانا افتقدها ونفس احكي معها .. كانت تحبه كثير وتخاف عليه.. محد اهتم فيه كثرها ..
يارب الله يعوضه عن الي اخذه منه .. ويعوض مشعل ..
رني اكتشفت اكتشاف خطير ايام العزاء وبالمستشفى ان الدكتور مشعل كان يحب نجلاء وماتزوج ريماس الا علشان يقرب منها ...
شمس اكدت لي هالحكي لما قالت ان ريماس تحس مشعل باله مو معها .. وبيوم زواجهم كان مهموم ومايحكي ..
راحت وعذبت معها قلبين يعشقوها ..
وانا مو محصله نص واحد ...
(( شمس ))
لحد هالحين قاسيه على اختي شيخه ..
وكل ماحاولت اتقرب منها واسمعها تنادي باسم المجنونه الي ماتسمى شموخ اتنرفز واتركها ..
صح مجنونه هذا مكانها الطبيعي الي تعمل مثل تصرفاتها تستهل الي هي فيه ..
بصراحه اختي كاسره خاطري لن اكابر حتى شموخ قلبي معورني عليها .. مو سهله شهرين وشويه اكون بمكان كله مجانين وهي مو مجنونه جد ..
مره كنت بحاول ازورها اتشمت لكن حصلت نفسي ابكي بالسياره على حالها لاب ولا ام ولا اخون .. ومرميه هنا ..
حكيت مع ابوي علشان يطلعها .. حرام تضل هناك وتعذب اختي ..
قالي انه بيحاول واسافر وانا مرتاحه ..
ايوه بسافر مبسوطه مره .. بتخلص من الجو الكائيب الي هنا ومليت من الجلسه بدون دراسه او بلاصح طلعه وتمشي وصديقات ..
اقنعت سامي يسافر معي بالبدايه يرتب اموري ويرجع .. لكنه بشرني انه بيضل معي لان عنده شغل هناك ..
هذا انا استعد للفرج ولسفر ...
(( وعود ))
كرامتي محفوظه بيت ابوي ..عزيزه محد يمسني بنقص ..
الحمدلله كل واشرب واضحك واتكلم مو ميته عشانه ..
هذ ا الي اوهم نفسي فيه وانا احكي مع ابوي الي يناظرني مو عاجبه حالي .. وامي الي تدعيلي بصلاتها ..
زدت همهم همين مايكفي تهور المجنونه والغبيه ندى .. وسفرها لبرى مع خالي ..
دورت لها مبر ماحصلت .. مافيه بنت محترمه تترك بيت اهلها علشان دراسه تافهه مايجي وراها شي ...
قلنا لناس مسافر مع خالها تدرس ومثلنا ان حنا راضين مستحيل نجيب الحكي لبتنا ..
لكن مقهورين منها ..
امي تبكي كثير علشانها .. جدتي غضبانه عليها مع انها كانت متحمسه بالبدايه ..
ابوي بعد قلبي مهموم وساكت يهدد ويتوعد باي حد يجيب طاريها او يذكر اسمها ..
نواف فيه همت الشباب مقهور مثل ابوي ومعصب .. مع ني احسه يناظرنا مستغرب مبالغين بالموضوع .. يكبر ويفهم ..
بعت ذهبي واشتريت لي غرفه بيت ابوي ومانسيت ندى اخذت لها سرير معي وانتظرها حضورها كل يوم ..
وبعت من ذهبي بعد تقريبا كله الا طقمين صغار ..
رتبت من وضع بيتنا شوي غرفه لجدتي مع نواف .. وغرفه لامي وابوي .. وطقم للمطبخ .. كلهم باسعار رخيصه مره ..
وكنب لصاله مستعمل .. اما المجلس ماقدرت اغيره خلصت فلوسي وغير كذا ابوي اعترض هو ماكان راضي ابيع ... لكن لانه حسني حزينه ومتضايقه ماحب يكسر فرحتي وانا اشتري واختار..
رياض احقير ايوه حقير هذا اقل شي احكيه عنه ..
ماسال عني الا مرتين وامه كل يومين تدق تحاكيني تطمئن علي وتحاول فيني ...
زوجي ماسال وهي سالت ... انا ماتزوجت امه تزوجته هو ..واذا هو مايبغاني مابغاه ..
انا حاسه بشي وخايفه منه لكن مراح احكي هالحين لحد ماتاكد ..
وبالذات ان رياض مو سال عني او مهتم ..
(( يزيد ))
ماهقيت نور كذا طماعه واسغلاليه ضنيتها غير هواجس ..
تطلب كثير وماتحاكيني لكن ترسل لي كل شوي تبغى مبلغ وتبر لي بتشتري فيه ايش ..
انا مو بخيل ولا مستخسر فيها الريال .. لكن ماتصورتها كذا .. انا بس مستغرب ..
سالت واحد من الشباب هو بعد متزوج .. رد علي وهو يضحك : ههههه وماشفت شي بعد .. الحريم كلهم كذا لا ولو تعطيها وجه فلست ...
انا ماقد كانت علاقتي مع اي مراءه غير لعب وتقضيت وقت ومادريت ان الزواج كذا ..
ترددت من تسرعي بالزواج منها .. لكن حسيت اني ساذج انا عارف البنت واخلاها ..
واختبرتها باكثر من موقف .. تنشرى بفلوس الدنيا كلها ..
عكس اختها الشرسه ..
شهرين عدوا بطيئين متى اتزوجها وابسطها متى ..؟
انا ماحبها لكن ارتاح لها .. وانبسط اذا شفتها ..
بعد كم يوم زواجنا واخيرا برتاح ويتزوج ...
(( تركي ))
متغيره كثير بارده وماتهتم طول وقتها نايمه او داخل غرفتها واذا طلعت رميت كلام مثل السم على اهلي واتهاوش معها وتطلع لفوق ..
ومتى ماشتهت نظفت ورتبت وطبخت .. وانا ماضغط عليها ... لان ربى الظاهر لما زارتنا حكت لامها شي .. وطلبت مني امها ماضغط عليها بالشغل لان بنتها مو خدامه .. لكن اتركها تشتغل بالمناسبات ..
كرهت البيت والجلسه فيه احسه سجن ..
اقضي اغلب وقتي بالشغل او مع متعب اخو سجى .. احس بتانيب الضمير اذا ناداني مبسوط نسيبي...
اجامله وانا منحرج منه ... لكن مابيدي شي .. وامها زادت الراتب او الفلوس الي تسكتني فيها ..
احس اني استغلالي وطرار .. لكن نوره تقول لي ان هذا قيمة سكوتي واستسلامي انها لهالحين عندي ..
وهي صادقه انا ساكت على عاهره وقذره بيتي وتحمل اسمي وكل شي له ثمن ...
هذولاء الشهرين بعدوها عني كثير وبعدوا اهلي عن البيت ..
قلت جئيتهم من حكيها الي ماينطاق وغرورها ..
مع اني ماسكت لها لكن تحكي وماتهتم ..حتى ماتبكي ولا تتاثر ..
لكن انا اعرف وش فيها ...
كثير امر عند غرفتها اسمع صوتها تبكي .. اتمنى ادخل اسكتها لكن اتردد وارجع لتحت ابعد عنها ..
هي المذنبه بكل هذا وهي المظلومه لانها انرمت عند ام ماتعرف الحنان ... وزوج مثلي عاداته وكرامته اهم شي عنده ...
هذي الفتره انا مبسوط كثير بعد ايام اهل القصيم بيجوا عندنا وباستضيفهم بيتي ...
وحنين اكيد بتكون معهم .. انا افكر اتزوجها اول ماطلق سجى لاني اغليها ومن زمان هي بالي ...
(( رياض ))
مبسوط وعايش حياتي مع كاترين بعد مارتحت من وعود هذي ...
قويه وجباره ماقواها ..
وبصراحه احترمها بداخلي مارضت لنفسها الذل ..
امي تحاول معي ارجعها او احاول وانا رافض .. لحد ماعصبت وسبت كاترين ... وطردتني ..
انا مو محتاج امي القاسيه ليه ادور رضاها ...
ربى تكفيها .. ربى الي احسها متغيره وتشبه امي .. اتمنى يكون احساسي خطاء يكفيني الجازي وحده
(( سجى ))
احس اني تعبانه وتعبانه كثير ..
قلبي مو قادر يتحمل ولا عقلي .. ضنيت السالفه لعب كم شهر وماما ترجعني لعندها .. لكن السالفه طولت ..
خمس شهور وانا بهذي المقبره بموت ..
ليه ماما تعمل معي انا فاهمه تفكيرها بتعاقبني على شي ماعملته .. حسبي الله عليك ياشموخ انتي السبب وانت ياعمر جعلك الموت ياحقير ..
كلهم السبب بالي انا فيه ..
وعود ورجعت لاهلها وماسمعت عنها شي بعد ماخذ الزفت جوالي ..
ربى ماعادت تزورني ولا فكرت حتى ...
المشكله مافيه تلفون بالبيت اعرف فيه الاخبار انا هنا لوحدي مثل الهبله ..
وتركي مبسوط ومرتاح يضحك ويحكي مع اهله ومطنشني واذا حكى معي صرخ او استهزاء ..
ماعدت اخاف منه ولا ابكي قباله ..
بهالشرين بكيت ثلاث او اربع مرات قباله بس ..
لكن ماكتمها ابكي بغرفتي باخر اليل ..
احس بالخوف وانا بهذا البيت .. طردت اهل تركي وندمت لانهم كانوا مسليني ..
كثير اجلس لوحدي وتركي مو فيه اخاف ..
لكن اتصبر بزيارت نوره الي دايم عنده لما بطنها كبر وجلست بيت اهلها ..
اكثر وحده اكرها هذي المخلوقه اتمنى لها الموت .. لانها متحكمه بتركي كثير ..
البيت هذي الايام مقلوب لان اهل القصيم بيجوا ... وجهزوا لهم غرف ومكان ..
واخذوا غرفتي مني لكن اعترضت طنشوا ورتبوها واعطوني خبر بنقل بغرفه تركي ..
تركي مايدري لانه مو فاضي مرتبك ومتوتر من سمع بخبر اهل القصيم هنا ..
اكيد علشان هذي حنين الي يحكوا عنها ...
نفسي اشوفها بس ..
(( متعب ))
تركت الخيام من زمان ورجعت للبيت ..
راسي بينفجر من هواشات روابي واحلام .. مادري ليه مايطيقوا بعض المشكله مدخليني بينهم ..
انا ماتهمني احلام .. لكن روابي تهمني كثير ياحليها تبغى تكبر نفسها بالعافيه .. هذي البنت حبوبه وتدخل للقلب ..
احسها مثل ربى وسجى خواتي واخاف عليها اكثر من خوفي عليهم ..
.. وبصراحه افتقدتها طوال هذي المده وبالذات طبخها الي يفتح النفس .. ولسانها الطويل هههه ياحليلها تعصب بسرعه وتصدق بسرعه ..
(( روابي ))
"تيتي ياتيتي متل مارحتي قيتي "
جلسنا بالرياض وطلعنا للبر وماتغير شي بحياتي .. ولا اتمنى ان حياتي تتغير
العنوسه لها حسنات كثير وانا اتقلمت مع وضعي ..
الا ان شي معكر مزاجي
متعب
افكر فيه كثير ودايم احب اسال عنه مادري ليه ..؟
يمكن لاني تعودت عليه ومحد عطاني وجه من العيال مثله..
بس بعد اشتاق له واتمنى اهذر معه ..
واشتقت لايام البر وحنا معه ..
رجال وعن الف رجال بعد .. ضنيته بزر لكن يوم عن يوم اثبت لي رجولته وشجاعته ..
برجع روابي بنت حائل العانس ..
الي مثل الطير الحر محد ياسرني او يربطني ..
* هذا حال ابطالنا وكل الي حصل معهم بشهرين ...
|