رد: عوده جديده لرواية عشاق من احفاد الشيطان كامله
عوده جديده لرواية عشاق من احفاد الشيطان كامله
السعوديه - الرياض
ناظرت من البلكونه وهو جالس عند المسبح .. يحكي مع وحده من خوياته الي اكثر شعر راسه ..
تكرهه وماقد كرهت حد مثله ..
خاين ..
بدون اخلاق ..
يوم عن يوم يتجبر وبتكبر ..
ناظرت بايدها وكتفها .. علامات ضربه لها امس واضحه ..
ضربها لانها بساطه سالته عن رسل طلقها والا لا .. وليه ماتبان ..
لمت شعرها الي مايتحرك بسبب جفاف الجو ..
رفعته بشريطه صفراء ..
وهي لابسه بنطلون جنز وتيشرت ابيض بكم قصير مره ..
سكرت البلطونه واهات تطلع من صدرها ..
اليالي طويله بدون ريان ..
وياشين الرياض بدونه ..
دخلت للغرفه ..
وناظرت بصوره تجمعها مع فيصل باسبانيا .. قربت منها اكثر وناظرت بعيونها وشكلها ..
تحس انها انسانه ثانيه غير الي تعرفها ..
التفت على فيصل وهو مبتسم اوسع ابتسامته وعيونه تبرق.. تبرق بحزن ..
دقات قلبها ارتفعت وهي تدقق بعيةن فيصل لاول مره ..
يبتسم وبعيونه الف دمعه ..
تكرهه بس تخاف عليه .. وتمنى يكون غير كذا ...
فيصل الي عرفته ايام قبل بمكالمتها معه..
تنهدت وهي تذكر الشباب الكثير للي عرفتهم .. وكانها مومس ..
لعبت ونتيجه لعبها هذي الجروح الي بيدها ..
تذكرت حكيها الغبي لامها .. وافكارها الساذجه قبل ..
كانت تصرخ بامها بعد مارجعت من الحفله المشاؤمه الي حضرتها مع سجى ..
(( انا مو بالمكان الي مفروض اصير فيه .. كملت بغرور وثقه زايده - وحده بجمالي
وجاذبيتي مفروض ماخذها ويتمناها ملك مو اي احد وكل الي يجون اعيال تجار او تجار صغار
انا ابغى هامور ابغى بطران
يركبني سيارات احدث موديل تكون فساتيني كلهم من ديور وشانيل وقيفنشي وفندي ومحد عنده مثلها ..
ابغى كل شي يوصلني قبل لاتمناه ...
ابغى الخدم والحشم حولي وينتظروا اشاره مني ...- نفخت نفسها اكثر - الي بجمالي مفروض يكونوا من مليرديرات العالم
لكن وش اقول حسافه على جمال ضاع بهالبيت ..
والله قهر قربت من المرايه تناظر جمالها الجذاب وملامحها المرسومه رسم انا مفروض اكون مثل التحفه النادره ممنوع المس لاني جد نادره ومافي مثلي بالوجود ..خساره والله خساره))
غمضت عيونها بقوه وكل كلمه قالتها صارت .. زوجه لابن ملياردير ..
لكن تاجر مخدرات ..
تلبس وتاكل وتتامر ... مالهم لذه وفقتهم ... لانها شبه ميته ..
ندمت على كل حرف قالته .. وتمنت انها ترجع بالزمن وتسحبه ..
فتحت عيونها وبعدتها عن الصوره ..
تنسى .. تنسى كل هذا وتركز بالي راح تعمله ..
اخذت نوته صغيره من درجها ..
قرت قرار توقف فيصل عند حده مع مكالماته المايعه ..
مسكت جوالها ونوته ارقام البنات او خويات فيصل بيدها الثانيه ..
حاولت تضخم صوتها وترك دلعها الرباني ..: الو السلام عليكم
رد عليها صوت رجال هادي : وعليكم السلام ورحمه الله وبركاته ..
شموخ قوت قلبها وقالت بهدوء : هيئه الامر بالمعروف والنهي عن المنكر ..
: ايوه ياختي وصلتي خير ..
ابتسمت براحه : انا ياشيخ مبتليه بارقام بنات دق على زوجي وتزعجنا .. والمشكله انهم مو قليل ..
الشيخ : لاحول ولاقوه الا بالله ..
شموخ : الي ابغاه منك ياشيخ بس تكف بلاهم عننا
الشيخ : ان شاء الله ياختي .. بس ممكن تعطيني الارقام ..
سكرت من الشيخ وقفزت تصرخ ..
اول خطوه عملتها ..
بنات لازم يتربوا .. قبل ماتربي فيصل ..
بنات مخدوعين ومايعرفوا ايش تجر المكالمات ..
مو بس ضياع الشرف والسمعه .. اشياء اكبر ...
ضحكت بفرحه وانتصار : هههههههههههه ...
دخل فيصل وهو مستغرب ضحكها : مجنونه انتي ..؟!
شموخ اختفت ابتسامتها وضاعت ضحكتها هذا من وين طلع لها ..
تركت جوالها والنوته على الطاوله.. ومشت بتطلع من الغرفه بسرعه ..
تكررهه ..
وتبغى ترد كرامتها بعد ضربها لها امس ..
فيصل : تعالي وين رايحه فيه ..؟
شموخ ماردت عليه وطلعت .. مالها خلقه من جد ..
مشت بالصاله بتدخل لغرفه التلفزيون ..
سحبها من ايدها : لما احاكيك تسمعي .. وماتركي المكان ..
شموخ سحبت ايدها منه بقوه بدون ماترد .. ناظرته بحقد .. وكانها تقوله .. (( هذا انا وقفت وش تبي ..))
فيصل بين اسنانه : لاتناظريني كذا ..وكاني قاتل لك حد .. اذا عندك شي احكي ..
صدت وجهها عنه ..
فيصل : اها اكيد حاكيه مع امك او الباشا ريان ..
لفت عليه مستغربه ..
فيصل قرب لعندها ولمس خدها بنعومه : لا ياروحي ماني بغبي .. انا عارف من ريان بحياتك .. وانتي ايش بالنسبه له ..
بردت اطرافها .. وسرت رعشه بجسمها ..
فيصل حاس بمشاعرها لريان .. ومشاعره لها ..
مصيبه..
كمل فيصل وهو يناظر الصدمه بعيونها : ياقلب فيصل انتي .. لو على جثتي ماتكوني له بيوم .. انا ابيع كل ماعندي وماتكوني لغيري ..
تفرح والا تبكي ..
هو يتغزل فيها والا يتملكها بانانيه ..
حكيه يطمنها انه مراح يتخلاء عنها بيوم
ويضايقها
لانه ياكد انها مستتحيل تكون لولد عمها بلحضه ..
تذكرت كلمته لها هذاك اليوم وهو مثقل بالشرب .. (( لاتركيني .. احبك ))
قال وهو يبعد عنها ويرجع للغرفه : الا اذا رجعتك للمكان الي اخته منك بمستشفى المجانين وهو يجي ياخذك ..
مستشفى المجانين ..
لعند جلسات الكهرباء والتحرشات ..
لالا
الموت عندها ارحم ..
قربت لعنده وهو اطول منها بكثير ..مسكت ايده البارده ..
كانت ايدها بارده لكن فيصل ابرد منها ..
متاثر ..
معقوله مهتم لها .. ولحكي الي قاله ..
ابتسمت على خفيف هالحين وقت نجاستها ..دامه يحبها ..
قالت برجاء وهي ماسكه ايده : فيصل ..
التفت عليها برود ..بعكس الي يحسه ..: خير ..
في نقاط لازم تنحط على الحروف ..
ماتسكت على ضنه فيها وريان .. يجرحها اذا فكر فيها كذا ..
هي ماتخون .. هي تحب ..
كانت تمثل كانت بتكيد عليه ..
بس حست ان دموعها تتجمع بعيونها
وهي رافعه راسها تناظره ..
: ريان اخوي قبل لايكون ولد عمي وانا ماناظره مثل ماتفكر ..
ضغط على ايدها بقوه وقال بالم : نفسي اصدقك .. بس ناظرت بعيوني ومحد حكى لي ..
شموخ استغربت من رده فعله .. من جده يحبها ...
ماهي قادره تستوعب هالحقيقه ..
في حد يحب حد يضربه وياذيه ..
رفعت رجلها وقفت على طرف اصابعها وباست جبينه بقوه ..تحس بامتنان له على كل شي يعمله ..
حتى لو ضربها ..
عذبها .. خانها ..
بيضل منقذها من المقبره الي رامها فيها ريان ..
: وهم دخيلك وهم ..انا مافكر بحد غير .. فيصل..انت كل شي بحياتي ..
فيصل ناظرها لثواني .. يدور الصدق بعيونها ..
يدور حنان فاقده ..
مافي حد بالارض هذي كلها يحبه ..او هو كل شي بحياته ..
: لاتضغطي على نفسك ياشموخ .. مانتي مضطره تكذبي..
مراح ارجعك للمستشفى انام
(( ماقدر اعيش بدونك ..))
هذا الكلام الي بلعه..
سحب ايده من شموخ ..
طلع بودره من جيبه ..: قولي لهم يعملوا لي كوفي ..وبيبسي بارد ..
مشى لكنبه قريبه يريحه جسمه فيها .. هو ميت .. وماعاد يهمه شي ..
شموخ حست باحباط ماصدقها ..
واضح كذبها ..
ماتقدر تمثل براعه وهي تكرهه ..: انا بنزل لتحت .. اليوم فيه ضيوف تقول مامتك ..
اشر لها بلامبالاه وهو يتكي على الكنبه .. : الكوفي ..
************
مصر - القاهره
: لا هالحين احسن بكثير عموا .. وين كنا وين صرنا ..؟
احمد ابتسم بتعب و نظراته مو ثابته تشمل كل مكان بالشقه ..: ايوه احسن بكثير .. الحمدلله جاءت بسيطه
لمى بقهر بين اسنانها : الله لايرده الحيوان اختفاء ..
احمد بتفهم : لا شي طبيعي والحمدلله جاءت على كذا ..
لمى : آآآآآه لو اشوفه بس اقطعه باسناني بس خساره ماندري عنه بعد هذاك اليوم ..
احمد غمض عيونه وهو يحس بشي يخنقه ..
ذكره بالشقه الي بقرب المستشفى ..
نجلاء وينها ...؟؟
محتاجها ..
اذا مرض تكون بجنبه ..
وتساعده .. لمستها تشفيه ..
لمى ناظرت بعمها وضنته بينام .. غطته وهي تهمس : والله بدونك اضيع ياعمي ..
طفت النور وسكرت الباب ..
ابتسم .. حنونه بنت اخوه حنونه لاخر درجه ...
ومافي رجال يستاهلها ..
دخلت لشقه عند البنات ..
كانت ندى ماسكه الريموت وتناظر التلفزيون سرحانه .. بالها مو مع الشاشه ...
استغربت من حالها .. ايام كثير وضعها كذا ..لكن طنشتها هي وشمس مايحاكونها لانها السبب الرئيسي للمشكله .. قالت لسامي بوقاحه ..
نادت على شمس بصوت مرتفع : شموسه ..
شمس فتحت باب الغرفه : وطي صوتك اكلم ابوي ..ايوه يبه كمل وبعدين ..
_ سكرت الباب _
ندى التفت على لمى والسرحان بعيونها ..
وهي تحس بضيقه من لمكان ..
هواجس ماترد عليها .. وهي من دون ولاريال ..
سامي اختفاء من اسبوع.. ومحد يدري عنه وش حصل معه ..
وخالته شمس الي مافيها خير ماهتمت .. ولاسالت ..
ندمت انها قالت لسامي عن احمد .. بس كانت تبغى تقهره ..
حمدت ربها ان احمد كان متنازل ومسامح سامي ..
بس سامي وينه هالحين ...
اخذت جوالها ودخلت للغرفه بهدوء ..
شمرت اكمام بلوزتها وتوضت ..
وصلت ركعتين ..
سجدت فيهم لرب الارباب وخالق الاكوان ..
وفضفضت له وهي على سجادتها ..
(( يارب .. يارب اجمعني مع اهلي قريب يارب ..
واحفظهم وحن قلبهم علي ..
ابغى امي وابوي مشتاقه لهم ..
جدتي وسمعها الثقيل ..
نواف وهواشاته مع وعود ..
وعود حبيبة قلبي ابغى احظنها وابكي وافضفض لها ..
نور وزوجها الي تقول هواجس انه ملعون ..
هواجس الكريمه مشتاقه لها ..
مشتاقه للكل ..يارب حرقتني نار الفرقه ..
وندم السفر .. والهروب ..))
رفعت وتشهدت وسلمت يمينها وشمالها .. وهي تمسح دموعها ..
***************
*~لا تعتقد بقول لك "مرحبا بك"..الرب سواني
وسواك..بقولك روح الرب يرعاك..الي خلق مثلك خلق مليون شرواك~*
اخذت لها ميلك شيك بارد .. ونزلت للحديقه طفشانه ..
رفعت بلوزتها البنفسجيه الناعمه الي نزلت من كتفها ..وشعرها يتحرك حولها ..
الجو جاف وحار مع نسمات هواء بسيطه ..
ماراحت لجده ولا لها خلق تطلع لمكان .. وعدوها صديقاتها يكونوا عندها بعد ساعتين ..
وتدعو بداخلها ان محد منهم يجي مالها خلق ..بس مجامله لهم .. قالت تعالوا ماحبت تردهم ..
روابي طلعت بسرعه تسكر عبايتها : سجى .. انتي هنا ..؟؟!
سجى ابتسمت بهدوء وهي مستغربه من الوضع متعب متزوج روابي ..: ايوه صحباتي بعد ساعتين بالضبط بيجوا ..
روابي كانت تعدل خط البرقع وتناظر المرايه المتوسطه ناظرت فيها بتدقيق وقالت مستغربه : يتقابليهم كذا ..
سجى ناظرت بشكلها بنطلون جينز وبلوزه قطنيه بنفسجيه ومن داخل بدي عادي مره ..: ايوه .. وش فيها ملابسي ..
روابي دخلت المرايه بشنطتها : سلامتس بس غريبه ..
سجى ابتسمت بالم : يعني بتفرق .. الا انتي وين طالعه فيه ؟!
روابي ابتسمت من تحت الغطاء وقالت بصوت غريب وحلو عليها : رايحه لسوبر ماركت .. نفسي اعمل طبخه ايطاليه ام ... رهيبه لمتعب بكره اذا رجع من الثمامه ..
سجى ضحكت عليها : ههههه لاتحاولي متعب غير الكبسه والبن مايعرف .. والبصل يزين السفره ..
روابي : ههههه ماعليتس انا له .. الا صحيح تركي كان مثل متعب ..
سجى .. كانت تكابر جرحها وتمثل الا مبالاه لكن لما سمعت اسمه ارتبكت ..
ومسكت دموعها ..
قالت تغير الموضوع : انتظريني بطلع معك ..
روابي : جد .. وصديقاتس ..
سجى ناظرت الساعه : اوه بدري عليهم .. ثواني وبكون عندك ..
روابي : اوكيه احتريتس بالسياره ..
سجى طلعت لفوق بسرعه وهي تحاول تنسى تركي .. وتذكر قسوته عليها..
اول ماوصلت لدرج شافت وعود جالسه بالصاله متمده ومغمضه عيونها .. استغربت لو ان متعب طلع .. مو من عادت وعود تجلس كذا ..
خافت عليها وقربت حطت ايدها على كتف وعود ..
وعود صرخت بانفعال : لاتلمسني .. فتحت عيونها معصبه .. ورتبكت باحراج اوه سجى
سجى شدت اسنانها مثل ماتوقعت رياض ماهو قادر يسعد وعود وكاترين بينهم : وعود ..ليه جالسه كذا .. لو طلع متعب او م
وعود مسكت بطنها وتعقدت حواجبها : لا متعب مو هنا روابي تقول انه بالثمامه اليوم ومراح يرجع الا بكره العصر ..
سجى : اها .. جلست بجنبها وقالت بحنان وهي ماتنسى وقفت وعود معها اول ايام زواجها من تركي وعود ايش فيك .. من ايش متضايقه افتحي لي قلبك اعتبريني ندى اختك ..
وعود ابتسمت لها : والله انك بغلاه ندى ..اساسا كل ماناظرك اتذكرها ..
سجى مسكت ايد وعود بجديه: لاتغيري الموضوع ..ايش فيك ..؟
وعود غمضت عيونها لثواني وابتسمت : والله مافيني شي .. بس الحمل وبهدلته ضحكت باصطناع والله مادريت ان امي تعذبت كذا ..
سجى احترمت رغبة وعود انها ماتبغى تحكي : اوكي براحتك أنا طالعه لسوبر ماركت تامري على شي ..
وعود نزلت رجلها : بجي معك ..
سجى : ها .. من جدك انتي تعبانه ..
وعود : طفشت من البيت بطلع .. اذا ماطلعت والله ينفجر او بقتل اخوك ..
سجى : ههههههه لا لاتنفجري ولاتقتلي حد ..
وقفت الفورد الكحلي عند بنده ..
ونزلوا منها .. سجى وعود وروابي وهم يضحكوا على كلمه متعب لروابي بالتلفون ..
سجى: ههههه ياحليله اخوي مايعرف يكون رومنسي ..
روابي : شايفه كيف .. هالحين يقولي تخيلتس وحده من النعامات وبستها هههههههه
وعود كانت ماسكه بيد سجى وتمشي بجنبها وهي تبتسم .. حركتها ثقلت كثير ..
سجى مثل العاده الغطاء على كتفها .. وتاركه شعرها براحته ... ونظاره الفضيه عليه : روابي انتظري لاتستعجلي وعود ماتقدر تسرع ..
روابي سبقتهم مستعجله وهي تاشر للخدامه تجر عربه للاغرض ..
: لا مو فاضي لكم انا زوجي اهم ..
وعود : بو النعام هههههه
روابي سبقتهم وهي تضحك : ههههههه ..
ميري اخذت عربه لهم ..ومشيت وراهم برود لانهم يتمخطروا ..
وعود تعبانه ماهي قادره تمشي بس طفشت من البيت ..
سجى تنهدت : يالله من زمان ماطلعت لسوبر ماركت او صيدليه ..
وعود ابتسمت لها : لهذي الدرجه ..
سجى : واكثر كنت بمقبر ياوعود الله لايوريك اياها ..
وعود سكت ماتبغى تقلب على سجى المواجع .. وبالذات من نبره الحزن الي بدت تملئ صوتها ..
سجى تكابر قالت بدلع وهو تقرب من وعود اكثر : الا ماقلتي لي وش راح تسموا البيبي .. رمشت تتميلح سجى صح ..
التفت تركي بسرعه وهو عارف هالصوت ومستحيل ينساه ..
..
ناظر بسجى مصدوم .. وش هالحظ والدنيا الصغيره ..
من زمان ماخذ عيال خواته للسوبر ماركت ولما اخذهم يشوفها ..
ضلت عيونه عليها وهي متمسكه بوحده حامل متبرقعه وتضحك معها بفرح ..
حس انها مو نفسها الي كانت معه .. هذي وحده تشبه لها ..
واكد له نطق اسمها بهذا الدلع
بدون شعوره منه لحقهم وبايده اغراض البزارين : لحد يتحرك من هنا سمعتوا ..
.
.
.
وعود ضحكت على تميلحها : ههههه لا مابعد نقر ..
سجى : ليه .. ماعندكم سالفه لو انا اول حمل لي من زمان مسميته ..
تركي عوره قلبه .. يتخيل لو انها جد تتزوج هالحين من واحد غيره وتكون حامل ..
وعود بفضول لانها تحس رياض مو مهتم بالاسم ولاهي مهتمه ليه ماتختار سجى الاسم ..
: جد لو انك حامل .. وش بيتسمي ..؟!
سجى : ام لو انها بنت اكيد وبدون نقاش بسميها الريم ..
وعود استغربت ورفعت علبه شوكلاته كبيره وشكلها غريب : الريم وش معنى ..؟
سجى ابتسمت : كذا احبه واحسه حلو .. مو هو اسم غزال ..
وعود : ههههه اسم غزال والا نعامة متعب ههههههه
حطت العلبه بالعربه وهي تضحك .. انتبهت بتركي وراهم الي لف بسرعه يناظر اغراض بالرفوف ..ابتسمت وقالت بفرح .. تري لاحقهم لهنا .. لو تدري سجى وش راح تعمل ..
تركي توهق وكان بيرجع بس ماتحرك لان الحامل الي مع سجى مشت الموضوع عادي .. وشكلها ماعرفته ..
سجى : هههه لا متعب الحريم عنده حريم ..
ناقه صفراء .. نعامه .. عادي عادي ..مره سوفاج ..
وعود بخبث ..: وتركي مثله ..
لفت عليها سجى بسرعه وقالت بخنقه وعصبيه : انتم وش فيكم ها ..تركي وتركي خلاص ..آآآآف ..
وعود : بسالك سوال بيني وبينك ..
سجى : لا ماحبه ولا اطيقه عرفت سوالك خلاص ..
سحبت اقرب شي عندها ورمته بقوه بالعربه .. وجاءت عيونها بعيون تركي ..
واول شي عملته رفعت الغطاء على شعرها من الخوف .. لوتركي ناظرها كذا بيذبحها ..
لكن تذكرت ان ماله كلمه عليها ورجعت الغطاء لظهرها ومشت بسرعه بعيد عنه ..
وعود ناظرتهم .. وتحس بابتسامتها تختفي ..
تذكرت كيف تطلقوا هي ويعقوب على الفاضي .. وهم كانوا قيس وليلى ..
اقسى شي تفترق عن حد وانت تعشقه وهو كل شي بحياتك ..
لحقة سجى وهي تحاول تضغط على نفسها وتسرع : سجى والله ماقدر اركض وقفي ..
سجى مشت بسرعه رهيبه لعند الثلاجات .. تبغى تبعد عن تركي علشان ماتبكي ..
تركي ندم انه لحقهم .. كيف بغباءه راح لوراهم ... كيف ..
رجع للعند البزارين ودخلهم لسياره معصب بدون ماياخذ لهم شي ..
: ادخلوا انت معه ولا كلمه .. مو لاني بطالي ومطلق تستوطوا حيطي ...
ناظره البزارين يرمشون براءه ..
************
تن تن ..
تن تن
فتح الباب وهو يتمد من الي ازعجه بهالوقت ..
ماحس الا بجسم مثل جسمه لكن اعرض شوي ينرمي عليه .. ويحضنه بقوه ..
ضل ريان للحضات مصنم ..
بعدها ميز الريحه والجسم
قال والصدمه ماليته : س ....ام.....ي ..؟؟؟؟!
سامي ضم ريان له اكثر : محتاج لك .. محتاج لك ياخوي ..
شهق بالم ... ونات حاره من صدره تطلع ..
ريان حاول يهدي سامي وهو يحس بضيقه ..
ايش فيه سامي ..؟
.. وش الي حصل معه ..؟؟
متى جاء للامرت ..؟
جلس سامي على الكنبه .. وناظره ..
وجهه متغير ..
والابتسامه الي دايم ماليه وجهه تحولت لتكشيره
وضيقه .. : ترى اعصابي تلفت ..وش فيك ..؟
سامي ناظر بريان .. ونفسه يصرخ ..
: ابغ احكي .. ريان انا مخنوق ..
اموت باليوم مليون مره .. والله مليت وضاقت فيني الدنيا ..
- ضرب صدره آآآآه ياخوي آآآآآآه ..هنا ماعاد فيه مكان للهم ...
ريان ماتكلم ضل ساكت يسمع له ..
لان سامي من النوع الي مايحب حد يقاطعه اذا فضفض ..
بس يحكي ويريح نفسه ..
سامي فتح قلاب ثوبه ...
: ضيعتني الله يضيعها . .. ومالومها الوم ابوك وامك .. الومهم وذنوبي بذمتهم ..
اهملوني عندها ..
لحد ماحرمنتني .. رجولتي .. انا ماقدر اجيب عيال ..
ياخوي مراح تكون عم .. مراح تسمع كلمه عمي .. محد بيحمل اسمي ..
ريان ناظره بصدمه ..واطرافه بردة وحس برعشه تعتري جسمه : ايش تقصد ..
تنهد سامي بضيقه : انا عندي خلل في الحيو؟؟؟؟؟؟وتاخر نمو ها ومادري ايش .. بلع ريقه - وهذا يرجع لان بطفولتي ..
انخنق صوته واسند راسه بايدينه .. : اتمنى انام ... .. ماعرف طعم النوم من الهواجيس ..
نفسي اناظر بنت واصد .. نفسي اكون انسان طبيعي ..
حتى لدكتور نفسي رحت .. وكاني مجنون ..
رفع راسه وابتسم .. : بس في امل اصد يا ريان .. في امل ..
مافهم عليه ريان ..
سامي رجع جسمه لورى وناظر لسقف بسرحان ..وتكلم وهو يبتسم : وش احكي لك ياريان .. خفت عليها ..مابغى اضرها ..
- رفع يدينه
والله كانت بين يديني هذولاء و ماقدرت المسها .. ماقدرت اقرب منها واضرها .. مو لان دموعها هزتني من جوا ..لا والله ..
- ناظر ريان وعلى وجهه نفس الابتسامه الحالمه -
تدري ليه .. ؟
لانها كذا تحسها جوهره .. شي من قزاز حرام يتكسر ..
شديده وقويه بس على براءه ..
آآآآآه لو تشوفها ..
عيونها .. تجعيدتها الصغيره اذا ضحكت ..
انفها المكسور شوي .. شفايفها .. بشرتها ..
شعرها .. وياويل حالي من شعرها ...
عارف ايشلي هذي المغنيه تشبه لها .. بس ندوش احلاء ..
ريان عجبه ان اخوه طيحته وحده .. قال يسايره : ندوش ...؟؟؟
سامي عدل جلسته بحماس : ههههه ندى .. بنت الفراش حمد هذاك الي عندك بالشركه ..
ريان فتح فمه : اخت زوجه رياض ..
سامي : ايوه عليك نور هيا ..والله ياريان عفت بنات حواء بعدها ..
ريان باستهزاء خبيث .. : اوه سامي الخيال الفارس الوسيم مهبل بالبنات يحب ..
سامي عقد حواجبه : احبها حرام عليك .. انا اعشقها .. اقسم ان ضحكه بسيطها منها تاخذني لسماء .. ودمعه منها تنزلني بالارض ..
ريان : ههههه ... بس ترى انا طارد ابوها من الشغل ..
سامي : ليه ...؟!
ريان : كذا عناد لمنى ..
سامي : حرام عليك ريان هو على الله ثم على ذا المعاش ..وبس ..
ريان : عناد بعجوز النار هذي .. طردته ..
سامي : بكره نزوره وترجعه لشغل ..
ريان : نعم ... انا ماكسر كلمتي ..وبعدين بكره عندي شغل بالامارات ..
سامي : علشان اخوك الفقير ..
ريان: ههههههه
*********
نور ايش قلتلك ..تعوذي من الشيطان وامك محتاجه لك هالحين تصبريها مو تخوفيها ..
نور تمسكت بيد يزيد اكثر وهي تمسك دموعها .. : لا مابغى رجعني للبيت ..ماقدر اشوفهم ..
يزيد : نوارتي حبيبتي ..اهلك محتاجين لك انا ماقلتلك الا تساعديهم ..
نور تنهدت واخذت نفس طويل ... ومشت مع يزيد لغرفة هواجس ..
دخلوا للغرفه ..
ام هواجس كانت عند راس هواجس تقراء قران .. وبو هواجس جالس على كنبه يناظر النافذه سرحان ..
نور ركضت لامها وضمتها : يم .... ه .يم... ه..
ام هواجس ضحكت لنور : ههههههه
نور ناظرتها : ليه تضحكي مفروض تبكي لانك شفتيني ..
ام هواجس ناظرت بيزيد :اضحك لان من عرستي ماشفناك ولاسمعنا صوتك بعتينا وانا امك ..
نور حمرت خدودها وناظرت بهواجس تضرفها : هواجس ماصحت ..
ام هواجس : الا صحت وابوك التفت على زوجها ماشفتي وش عمل
نور بحقد مالتفت على ابوها .. تركها بيوم ملكتها ....ماعندها ولي ..
: ماعليك منه وطمنيني كيف نفسيتها ..
ام هواجس : الله يعين م
يزيد عند الباب اشر لنور تجي لعنده .. راحت له مستغربه: هلا
همس لها : ارجعي مع اهلك لسعوديه ..
نور بصرخه : ايش ..؟؟؟؟!!
ام هواجس استغربت وابو هواجس التفت عليهم وتوه ينتبه فيهم : نور... يزيد ..؟؟!! ابتسم بهدوء نور شخبارك ..؟
نور صدت عن ابوها والتفت ليزيد : ليه ارجع معهم وانت .. مابغى ..
يزيد ناظر باهلها وطلعها لبره : نور وش فيك .. ارجعي مع اهلك انا عندي اشياء بخلصها وبرجع معك ..
نور بتحتج ..يزيد سكتها : نور خلاص ارجعي ..معهم ...
نور عصبت وسحبت يدينها : انت كذا اناني انا على بالي تصلح حالك ..روح ولا ابغى اشوف وجهك .. اهلي بيضفوني ..
دخلت لعند اهلها ..
يزيد ابتسم (( بكره بتعذريني ..)) ..
دق الباب على الدكتور ..
الدكتور وقف : فين رحت يابني .. طولت كتير ..
يزيد جلس على الكرسي ابتسم بتعب : وانا من ايدك هذه لهذه ..
************
ناظرت بدبلتها الذهب الخالص ..
باستها .. وابتسمت بخجل ..
كانت خطوبه عائليه جدا ..
حفله صغيره .. امها ..وبيت خالها فهد بس ..
محد حضر .. لرغبتها هي .. يكفي صدمات بحياتها تبغى تفرح بساطه ..
(( انا بخير يلي متصل تسال .. شل
ردت بسرعه وهي تكتم ضحكته ..: هلا ..
متعب : يالبيه الصوت وراعيته انا اروح تحت اي شاحنه منه ..
ضحكت من قلب .. في احلى من الرومنسيه العربجيه مع متعب : هلا متعوبي اخبارك ..
متعب : بخير يوجه الخير .. وشخبارك ربروبه ..
روابي عضت شفتها وكانه قبالها : كويسه ..
متعب : دوم اسمعي يانينونة قلبي .. م
روابي : نينونه ههههههه ...
متعب : هع هع هع هذا ياطويله العمر .. نينونه هو تصغير لنواه ..والتمر لها نواه وانا قلبي له نواه .. وانتي نينوته يعني صميمه ...
ضحكت روابي بصوت مرتفع .. متعب شغله ومشوار .. مايعرف يغازل : هههههههههه
متعب : ياويل حالي على هالضحكه . اذوب بكاس شاي كشري لصعيدي بالتحليه ..
روابي : ههههههههههههه
متعب : نينونة قلبي ... انا تحت بالقوردون على قوله ميري .. انزلي ..
روابي ناظرت بشكلها بالبيجامه : لا متعب ماقدر ..
متعب : ليه انتي خطيبتي ولاتستحي مراح اضحك على قصرك ..
روابي تخصرت وكانه واقف قبالها : متعب ..
متعب : هع هع هع خلاص لاتزعلي طويله بس انزلي ..القصر فاضي مافيه احد ..
روابي ناظرت بامها النايمه متسطحه تقيل بعد الغداء ..
ابتسمت مفروض تستغل فرصه وجودها في بيت اهل متعب علشان تقابله ..
: اوكي بنزل بس بشرط ..
متعب : ياليل المذله .. ها وش شرطك ..
روابي : ههههههه لا والله مو اذلك .. شرطي تقلي وش نغمة جوالك اذا دقيت انا ..
متعب براءه .. : يالتاكسي .. خذني لها ..
روابي تنهدت ضنته بيقول لها شي .. رومنسي ..: اوكي بنزل ..
متعب : انتظرك يالتاكسي ..
روابي : متعب ههههههه ..
متعب : اوكي خلاص سحبناها .. بسرعه انزلي ..
روابي : خمس دقايق وانا عندك باي ..
متعب : الله يحرسك ..
سكر من عند روابي وهو مبتسم ..
وش الجنه الي هو عايش فيها ..؟؟
روابي صارت زوجته ..
انسانه بمعنى الكلمه .. كلها طيبه وانوثه ..
هذي امنياته بالزوجه ,,
ويحس انها كثير عليه ..
مد رجله على طاوله الحديقه واسند يدينه ورى راسه وضل يناظر لسماء مبتسم ..
هنا بنفس هذا المكان .. كانت اول ايام معرفته بروابي ..
وملكت قلبه بعصبيتها ...
وانكارها انه صار رجال وهو اصغر منها بسنه ..
دق جواله بنغمه مزعجه ارتاح منها لايام ..
رفعه وناظر ..
(( الغثه .. يتصل بك ))
رد بدون نفس : خير ...
لميس تصرخ : انت وينك .. ليه مقفل جوالك ..؟؟ لي ايام ادق عليك .. ليه ماترد .. وليه ماجيت بالموعد ال
متعب بعصبيه : كلي تبن ولاتصرخي ..ماني بصغر عيالك ..
لميس : سوري متعب لاتزعل بس خفت عليك ..وكنت بنجن ..
متعب باستهزاء : اوه تنجني ..
لميس : حتى لبيتكم جائيت وكنت بدخل اسال عنك بس تراجعت ..
متعب بصوت مليان احتقار : لا وصلتي للبيت .. انتي كيف تفكري ..
لميس : انا محتاجتلك .. ضايعه وانت بيدك تساعدني ..
متعب : قالوا لك مصلح اجتماعي .. اسمعي يابنت الناس انا واحد متزوج مو فاضي لك ..
لميس ضحكت بدلع : اما متزوج ههههه
متعب برومنسيه يخفي وراها استهزاء : لميس
لميس : يالبيه ..
متعب : تبغي تعرفي وين كنت الاسبوع الي راح ..
لميس انبسطت واخيرا جابت راسه ويسولف معها .. : وين ..؟
متعب : والله انشغلت مع التحاليل وبعدها الملكه واخر شي حفله الخطوبه كان بودي اعزمك لكن عائليه .. لان المدام .. مدامتي طبعا ماتبغى احتفال كبير ..
سكت ..
لانه ...ماسمع رد ..
ولاي صوت للميس ..
ابتسم بانتصار ..
متعب : هع هع هع هع .. وينك ..؟
لميس بهدوء غريب : مبروك ..
متعب : الله يبارك فيك .. ويله فارقي, .. انا متزوج مثل ماقلتلك وزوجتي تغار لاعاد تدقي ..
ودوري غيري تزوريه بيته .. هع هع هع ..
سكرالسماعه بوجهها .. انسانه مقرفه ماتفهم ..
ناظر بروابي وهي تنزل الدرج بغرورها المعروف لكن مع خجل ..
تتمخطر بتنوره ستان زيتيه بحركات ذهبيه بسيطه .. لفوق الركبه .. وبلوزه ذهبيه ساده وتاركه شعرها على راحته ..
بسيطه مره بلبسها ..
عدل جلسته وفتح الشماغ وضبطه مره ثانيه .. يتميلح عندها ..
حس بمشاعر غريبه وهو يشوفها .. يتمنى يرفعها من على الارض ومايتعبها..
سلمت وجلست وهي محمره خدودها .. اخر شي تخيلته تستحي من وجود متعب ..
الرجال بن رجال بنظرها : السلام عليكم ..
متعب : هع هع هع وعليكم السلام ..
روابي ناظرت بضحكتها واسنانه البارزه .. وحست قلبها ينبض بسرعه .. وروحها ترجع لها: وش هالضحكه ..؟
متعب : سلامتس بس اذا ناظرتس احب اضحك ..
روابي تحاول تخفي توترها وارتباكها .. : لا والي يرحم عمي وزوجته ... لاتحكي كذا ابغى انسى حائل ..
متعب : يالبيه ماطلبتي ..
جلسوا يحكون وسواليف .. لحد ماغربت الشمس .. ماحسوا على انفسهم ...
متعب : اوه اذن المغرب .. نسيت تركي ..
روابي بتفكير : رجع من الشرقيه ..؟؟ رد عليك ..؟
متعب : لا بس يقول واحد من الربع انه يداوم بالجريده ..
روابي : آآها .. وانت بتحاكيه بعد طلاقه لسجى
متعب بسرعه وبدون تفكير : اكيد حبيبتي هذا اخوي وقطعه مني.. ..
روابي عصبت : لا وانا ..
متعب : انتي كلي ..
روابي : هههه ايوه كذا ..
متعب : يله ياحلوه ادخلي نامي لك شوي قبل لارجع من ال
قاطعه رياض وهو ياشر بايد من بعيد : اوه الكناري ههههههه
متعب : ادخل لداخل لاتيجي روابي مامعها غطاء ..
رياض اشر له باوكي ..وقال باستهزاء : صر رجال هههههه
دخل لداخل يضحك على متعب ..
يموت ويناظره وهو يتغزل بروابي وش بيحكي معها هذا ..
كيف بيتغزل فيها ..
وهو كلمتين ذوق على بعض مايعرف ..
حس بضيقه وهو يدخل للاصنير . ..ويتذكر وش منتظره فوق عند وعود ..
اخر يومين كانت عصبيه مره.. انصلحت كم يوم وارجعت ازيد من قبل ..
صارت بينهم مشادات كلاميه كثيره ..
نفسيتها تراب .. وتنرفز ..
دخل وكان الهدوء مالي المكان .. وقت الغروب ..
المغرب وين تكون فيه ..؟!
دخل للمطبخ ماحصل احد ...استغرب اذا مو بالصاله او الحمام وين تكون فيه ..؟؟!
بغرفتهم .. غريبه ماتكون هالوقت فيها ..
فتح الباب من دون لايدقه ..
: آآآآه آآآه
ماسكه بطنها وكاتمه صرخاتها بالمخده الي تعضها ..
احشائها تتقطع .
الم فضيع ماهي قادره تتحرك منه ..
جسمها كله يالمها .. تحس بدبايس بجسمها تغزها ..
صرخت اكثر ودموعها تزيد بعد ماحست بحد داخل للغرفه ..
وعرفته من ريحته وصوت الجزمه بطريقه مشيه المختلفه .. : آآآآآآآآه
رياض خاف عليها .. بسرعه راح لعندها : وعود ايش فيك ..
وعود دخلت راسها بالمخده اكثر ماتبغاه يشوف دموعها .. ماتبغاه يتلذ بالمها
قالت بصوت مخنوق من المخده : م.... ا ف... ين....ي ش...ي ..
رياض حس بدقات قلبه ترتفع وهو يناظر بايدها تعصر المخده من الالم الي تحسه..
وبكل قوته بعد وجهها عن المخده بصعوبه : حبيبتي ايش فيك .. ليه تبكي .. وش حاسه فيه ..
وعود ناظرته وجهها احمر من البكي والالم ..
قالت بغصه وهي تبعد ايده عن كتفها ..
وتصرخ بعصبيه : مافيني شي ابعد عني ..
استغرب من حالها ..
ايام الوحام قضت .. وش هذا .. الي هي فيه ..
بعد يدينها البارده عن وجهها الي غطته تبكي ..: قلبي وعود تعبانه .. ايش تحسي ..
زادت بالبكي وهي تسمع صوته ..الملهوف .. (( قلبي ))
رفع راسها تناظره وضاقت فيه الدنيا ..
جبينها معرق وتنفسها ضيق .. تتالم ...
مسح على شعرها .. وقال بصوت مخنوق : قلبي لاتبكي بليز ..
وعود مع كل كلمه منه تزيد بكي ..
وتضغط على بطنها اكثر تخف الالم ..
هزت راسها وهي مو قادره تحكي ..
شفايفها لزقت بعض ماهي قادره تفتحهم ..
رياض حس بشي غريب ..
اول مره تبكي كذا ..
اول مره تنهار لهذي الدرجه ..
يحس بغصته تزيد .. وقلبه يعوره ..
ماتبكي الا لشي كبير .. اكيد ..
ضمها لصدره يطمن نفسها قبل لايطمنها وهمس بهدوء : خلاص حبيبتي .. اهدي اهدي ..
وعود بعدته عنها بصعوبه وهي مو طايقه شي ..
ارتجفت شفايفها وصوتها ضعف : خلاص انا كويسه اتركني لوحدي ..
رياض حس انو سبب الي هي فيه ..من الجلسه وحدها والطفش ..
خلاها تفكر كثير ..
وبالذات ان اهلها .. من اول ماجئت مازاروها ..
رفع الغطاء عنها علشان تطلع معه تغير جو ..
لكن اول مارفع الغطاء الفخم شهق ..وجسم شعره وقف .. : وعود ايش هذا ..
انكمشت على نفسها اكثر .. وهي تضغط على بطنها من الالم ..
رياض ناظر الدم الي مالي السرير .. تنزف .. ونزفها كثير : ليه ساكته ..
رفعها بسرعه بين ايديه ..
وعود ماحاولت تبعده او تحكي .. ضلت تبكي وتعصر بطنها ..
: من متى تنزفي وليه ساكته .. خلاص حبيبتي لاتخافي باخذك للمستشفى هالحين ..
مايدري وش يحكي لها وكيف يصبرها لحد مايوصلوا ..
مرتبك ومتلخبط ..
قلبه دق بعنف وهو تدفن راسها بكتفه العريض وتشهق بالبكي ..
فتح الباب بصعوبه ..
ودور حوله اي احد من الخدم .. كان القصر فاضي .. ومايبغى يصرخ وعود بجنبه وياذي اذانها ..
فتح الاصنصير بسرعه ضغط اكثر من مره بقهر ..
ومانتظر كثير نزل من الدرج جري ..
طاحت كاتلوجات التصاميم من ايد ام رياض وشهقت وهي تنزل البرقع عن وجهها : رياض ايش فيه .. ؟؟!!
رياض حس بابواب اسماء تتفتح له وهو يناظر بامه ..
خنقته العبره : يمه مادري وعود تنزف ..
ام رياض رمت شنطتها على الكنبه .. وفصخت عبايتها بسرعه ..
لبسها زوجتك بسرعه وانا بنادي على السايق ...
رياض بربكه وقف عند امه : ماعرف .. تبكي يمه وعود تبكي ..
ماكان عندها وقت تحلل نظره الخوف والفزع بعيون ولدها .. وصوته المخنوق ..
لبست وعود عبايتها بصعوبه .. وهي تدعي ربها ان الجنين مايموت من النزيف هذا ..
رمى الغطاء على وجهها .. وركض بصعوبه وهي بيده ..لسياره ..
: يمه تعالي معي بسرعه ماعرف اتصرف
ام رياض اشرت له : انت اسبقني بلحقكم .. ولاتسوق اترك السواق ..
دخل السياره وجلس وعود بجنبه .. وهي تصرخ وتتالم .. والي وتره اكثر ويقتله ..
انها تنادي باسمه كل شوي : حررك بسرعه ..
طلعت من المطبخ وناظرت بام رياض ..: يمه وش فيتس ..؟
ام رياض مرتبكه وجهها باهت ..: روابي كويس انك هنا .. اعطيني عبايه
روابي : اشرت لخدامه تجيب العبيه واخذت كاس مويه لعند ام رياض : يمه طيحتي قلبي وش فيتس ..؟؟
ام رياض غرقه عيونها وانفها مرفوع لفوق : وعود تنزف .. بنتي ياقلبي عليها ..
روابي بغباء : بتولد .. ماكانه بدري .. ؟؟؟!!
ام رياض : لا وش تولد ماصار لها اربع مادري خمس شهور .. بس تنزف الله يستر .. الله يستر ...
خافت روابي على وعود .. : مسكينه الله يساعدها ..
سحبت ام رياض العبايه بقوه من الخدامه : روابي الله يعافيك اذا جئت ام جميل والنسوان الباقي قوليلهم ماني راجعه .. وجلسي عندهم ..
هزت راسها بلاهه .. وهي تناظر ام رياض تسكر عبايتها وتمشي بسرعه للبواه ...
وعود تنزف ...اكيد لرياض يد ..
تذكرت الحكي الي امس سمعته ..ماكان قصدها .. بس حكيهم وقفها ..
((دخل رياض للغرفه مصدوم .. وسحب المقص من ايد وعود : مجنونه انتي ايش الي تعملي ..
وعود كانت جالسه على ركبتها ومقدمه شعرها لقدام وماسكه المقص وقصت شعرها لكتفها .. وبدت تكمل عليه بعشوائيه . .. والمقص عالق بنصها ..
سحبه رياض من ايدها معصب وهو يناظر بشعرها الطويل بالارض مقهور ..
وعود وقفت وجرت منه المقص وهي معصبه : آآآآآف كيفي هذا شعري ..
ناظرها رياض بصدمه ..و انفها الاحمر ولابسه روب نيلي لنص فخذها ..واضح انها كانت تبكي من دقايق ..
: وعود انتي نجنيتي ..
وعود : موهذا الي يعجبك فيني ومصبرك خلاص قصيته ..تخلصت منه ..- ضربت ايدها بالثانيه خلاص راح ..
رياض صرخ وهو يسحب المقص بصعوبه : وعود انتي نهبلتي..
وعود : لا مانهبلت بس طفشت.. آآآآف منك آآآآآف ومن قرفك ..
رياض استغرب من وعود : لا حالتك صعبه انتي ماينسكت عليك ..
وعود اشرت بلامبالاه : ولعنتين فيك ياعبد كات حقتك ..
رياض ماملك اعصابه وضربها كف : كلي تبن ..وعو من جد انهبلتي ..
وعو د سحبت منه المقص .. ودخلت للغرفه قفلت على نفسها الباب ..
بعدت روابي عن الباب المفتوح شوي .. ورجعت لغرفه مصدومه ..))
دخل وبعد دقايق طلعت تنزف ..
حمدت ربها بسرها ان نصيبها كان متعب مو رياض ..
ودعت انو مايتغير عليها ..
|