رد: رواية عذابات روحي تحكيها جروحي
رواية عذابات روحي تحكيها جروحي
البارت السآدس
نزلت .. والصدمه كانت اللي قدامها هدى ..
هدى براءة : مساء الخير حبيبتي
ريم تحاول تكابر وتمسح دمعها : مساء النور
هدى :ريومه وربي مشتاقه لك صار لي زمان عنك
ريم :آسفه .. والله كنت مشغوله << تقول من داخلها : آآخ بس لو اقدر اكلمك .. مو قادرة حتى اطالع فيك
هدى : ريم تعالي نسولف ..
ريم : بروح الحمام ..
هدى :أوك انتظرك هنا ..
ريم : ان شاء الله
جت وجدان ومعاها صحن معكرونه وجلست جنب هدى
وجدان : بايش يفكر الحلو ؟؟
هدى تبتسم :ولاشي سلامتك
وجدان : يم لذيذ معكرونة خالتي ام فهد ..
هدى :عليك بالعافيه
وجدان : الله يعافيك حبيبتي وأنتي ماراح تاكلين شي ..
هدى : مو مشتهيه
وشويه الا ملاك وسارة وصلوا الصاله ..
ملاك : يم يم لذيذ ..
سارة : تسلم ايدك ملوكه ، لذيذ
ملاك : الله يسلمك
هدى : هلا والله بالبنوتات
ملاك : هلآ بع روستنا
هدى بحيا : هلا فيك
دخلت ريم ..
ريم :هآ ملوكه خلصتي طبقك
ملاك : ايوه
ريم : أجرب ؟؟
هدى: تعالي أكلي معاي ...
ريم : لا شكراً رايحه آخذ لي جديد
هدى : ريم
ريم تحاول تكون طبيعيه : هلا حبيبتي بغيتي شي
هدى : بغيت سلامتك
ريم بقلبها : سلامتي .. لا تكذبين على حالك أنا صرت بسببك جسد بلآ روح
ومشت ريم رايحه للمطبخ ..
ملاك : وش بلاها ريم متغيره على هدى ؟؟
هدى ساكته وهي تتوجع من داخلها ..
سارة : هدهد حبيبتي بينكم شي أنتي وريم ؟؟
هدى تحاول تغير الموضوع : الا صح ملاك وش بلاه وجهك لمادخلتي .. لا تقولين صادفتي واحد من الشباب ..
ملاك : لآآ وش جاب الطاري..؟؟
هدى: وينهم الصبايا يلاآ خلونا نجتمع ؟؟
سارة : رايحه أناديهم
ملاك : بسرعه ..
بعد ساعه الاكل كان جاهز ..
اجتمعو البنوتات على سفرة والحريم لوحدهم ..
عند البنات ..
رنا : يالله صار لي زمان عن هالجلسه .
وجدان : لحظة ، الحين البيبي اللي بطنك ليه طاس وجهه بيننا ..
ملاك : مشتغل مذيع آخر الاخبار
ريم : آخ بس من اخر الاخبار ياريتها ماصارت .
هدى : لحظ ة بنات
سارة : وش بلاك على الصراخ ؟؟
هدى : احم احم اجهز نبرة الصوت
منى : تجهزينها لخطيبك
هدى وجهها انصبغ الوان ..: تقريبا
رنا:هههههههههههههه ياويل قلبك ياخوي تعال شوف هالملاك الجالس جنبنا
نرجس: أقول ريوم حبيبتي وش فيك متضايقه ؟
ريم : ولا شي حبيبتي ..
نرجس : باين على وجهك التعب والإرهاق .. كل هذآ لأن هدى انخطبت .. لاتخافين مارح تبعد عنك ..
هدى : يابعد عمري ريومة قلبي ..
ريم : تسلمين << وبنفسها >> يالله مالي خلق دلا ختك تسوين حالك مو عارفه ليه انا كذا ؟؟ انتِ السبب
وجدان : بنات والله كاسر خآطري أخوي خالد وربعه قاعدين في الحديقه يشون وش رايكم نشوي بدلهم
نرجس : مخبوله انتي ، عشان فهد يذبحني
وجدان : ماعليك منه ..
ملاك : ايه يلا بنات
سارة : ملوكه فيك شي وش ذآ الحماس الزايد ولا عشان ...........؟؟ << وسكت
ملاك : خلاص بطلت أطلع مو طالعه معاكم ..
وجدان : تكفين الله يخليك سامحيني ياماما..
الكل : هههههههههههههههههههههههههههههه هههه
ملاك : اص بنات رح اكلم فيصل
سارة : اوك
ملاك حطته على السبيكر : الو هلا فصول
فيصل : فصول بعينك اصغر عيالك أنا
ملاك : طيب فصول ممكن اطلب منك طلب
فيصل : آمري
ملاك : نبي نطلع الحديقه ، ونبي نشوي أحنا عنكم
فيصل : صحيح !!
ملاك : ايه والله
فيصل : اطلبي هديتك ..
ملاك : وش فيك ؟
فيصل : آمري وتدلي فكيتينا من هالسجن اللي محاوطنا يلا انا والشباب رايحين المجلس وانتوا تعالوا ..
ملاك : قد هالكلمه أنك بتعطيني هديه ..
فيصل : أنتي بس آمري
خالد يطالع بفيصل وهو يكرر كلمة آمري ويضحك عليه ..
خالد : أقول فيصل تكلم زوجتك
فيصل :لآ زوجتك
ملاك: نعم وش تقول ؟؟
فيصل : ها لا سمي عمتي يالله اطلبي احس اعطيتك وجه زياده
ملاك : نبي نطلع السوق !!
فيصل : يالله هذا اللي كنت خايف منه ، طيب متى تبون ؟؟
ملاك : بكرره العصر ..
فيصل : خلاص اجتمعوا بكره العصر وحنا بنوصلكم ع السوق ..
ملاك : يسلمو ياحلى اخو بالدنيا
فيصل : الله يسلمك .. يلا تآمرين على شي
ملاك : سلامتك
فيصل : عيونك سالمه <<وسكر
خالد : هههههههههههههههههههههههههههههه هه هههههههههههههههههههههههههههههه ههه هههههههههههههههههه
فيصل : بسم الله الرحمن الرحيم وش بلاك انت ؟؟
خالد : جد شكلك خطير ،، اللي يقول يكلم مدري اللي شيسمونها المستقبليه
فيصل : اقول سكر حلقك واكرمنا بسكوتك الله يصلحك
فارس : وش يبون منك طيب ؟؟
فهد : السوق
فيصل باستهبال : برآآآفو اجابه صحيحه كسبت مليون ريال ..
محمد : شباب انتو دارين انَّ تركي خطب ,,
سعود : اوف متى ذا الكلام ؟؟
محمد : قوموا معاي المجلس ورح احكي لكم السالفه كلها ..
بسآم :يالله بس خل نقول للآباء الكرام ان الحريم هم اللي بيكملون الشوي
حسام : اوك انا رايح اخبر ابوي
راح حسام لعند ابوه .. وقال : يبه
ابومحمد :هلا
حسام : يبه ذا الحريم يبون يشون بنفسهم
ابو فهد: على راحتهم بس ادخلوا انتو لان البنات معاهم
حسام : لاعمي بنروح المجلس الثاني نترككم مع بعض ترتاحون
ابو سعود : توكلوا على الله
عند البنات ..
ام محمد : يالله بنات قوموا بسرعه
ريم : ان شاء الله
ام فهد : يارب نفرح فيكم
وجدان : عقبالك خالتي نفرح في زوجك
ام فهد : وجدانو وجع بتزوجين زوجي وحده ثانيه
ملاك : اطلع قامت الغيره
سارة : بقوة
ام فهد : يلابعدوا عن وجهي خل اروح اغسل الدجاج بالمطبخ
رنا : يلا صبايا شدو الهمه
الكل قام ..
هدى تو بتقوم الا حست راسها يدور وموقادرة تركز بشي
ريم كان كل نظرها على هدى ~
حاولت تقوم بس ماقدرت ... وتو بتقوم الا طاحت على الارض مغشي عليها
الكل : هدى !!
ام محمد : وي اسم الله عليك يابنتي.. هدى حبيبتي تسمعيني
حطت يدينها على وجه هدى شافته مسخن ورجولها ويدينها باردين.. كثير ..
ام محمد : مويه الله يخليكم بسرعه
بسرعه ركضت ~ تجيب لصديقة عمرها كاس مويه ،، خافت عليها ونست كل شي بهاللحظة .. رنا تمت تطالع بريم وكانت تعرف انها مهما تكون ريم قلبها مايعرف يكره ..
صحت هدى على صراخهم حواليها ..
هدى : يمه
ام محمد: عيون امك انتي وش فيك حبيبتي ؟؟
هدى : أنآ وين ؟؟
ام محمد : عندي يالغاليه
هدى: يمه ممكن تتركوني لوحدي مع ريم
وجدان : الله يهنيكم بعض !! يارب على هالصداقه الحلوة
سارة : يلا بنات خل نطلع
طلع الكل لحظة صمت
هدى : ريم وش فيك متغيره علي .. حتى كلمة مبروك ماقلتيها
ريم : مو متغيره !! انتي اللي عامله حركات توتر ومالها اساس ابد
هدى : وش سويت قولي ؟؟
ريم : اظنك تعرفي تذكرين يوم قلتي لي اللي ماخذ عقلك يتهنى به ,,
هدى : ايه
ريم : اللي كنت حاسبته لي خطيبك الحين
هدى : ت تركي
ريم : ايوه
هدى : طيب ليه ماقلتي لي كنت ماوافقت ولا عذبتك معاي
ريم : والله اسألي حالك .. وشوفي حل الحين وعلى فكره اسمحي لي حبيبتي اقول لك .. مع اني مابي اجرحك بس تركي اليوم انضرب من ابوه بسببك وطلع من البيت ولا رجع الى الآن .. الله يستر ع الرجال وش صار فيه ..
هدى : ليه طيب انضرب بسببي ..؟؟
ريم : لانه مايبيك ويعتبرك مثل اخته ..........
هدى : يعني يبيك انتي ؟؟
ريم : عليك نور حبيبتي أمانه لا تزعلين مني !!
هدى والدموع على خدها : طيب وش ذنبي انا ؟؟
ريم: ذنبك وافقتي ، وجرحتي اعز الناس وهيهات ارجع لك ياهدى
هدى : بس بس ياريم حرام عليك ليه كذآآ؟؟ تدرين بعد شهر ملكتنا ..
ريم: حلو اختاري يآ أنا يا تركي ؟؟
هدى : بس ياريم حرام عليك ليه تسوين كذا ؟؟؟؟
ريم : انتي اللي جبرتيني على هالشي ماكان خاطري فيه ، بس أنتي عديمة احساس ..
هدى وهي تبكي : ولا يهمك ياريم ... ان الآن اعطيت الكل كلمة والكل دآري ويمكن يكون اقل من شهر ونملَّك .. رح احاول افك الخطبه .......
ريم : عن اذنك انا رايحه اشوف البنات
هدى : ريم
ريم لفت عليها وشافت عيون هدى حمر .. وشكلها ذبلان ..
هدى: ريم حبيبتي أنا آسفه ، أوعدك ماراح اطول معاكم .. ومشكورة على احلى سنين العمر اللي معاك
ريم تكسر قلبها على هدى .. بس مشاعرها كانت تناقض ..
ريم : العفو
هدى : ريم ممكن تقولين لهم اني نايمه .. ادري اني الآن بصورة مو حلوة بيحطون اللوم عليكِ قولي لهم هدى نامت
ريم :بس ياهدى ليه ماتدافعين .. تعاتبين .. طيبتك ذابحتني << كانت تقولها من نفسها
ريم : ان شاء الله ولايهمك
نوقف طوط
ونروح عند تركي
اجتمعوا الأطباء عليه .. ولما شافوا حالته استقرت .. اعطوه مخدر ..
وبعد ساعتين صحا من نومته ..
تركي : فين أنا؟؟؟
كان جالس بالغرفه رجال .. من اللي انقذوه من الحادث
الرجال: انت بالمستشفى .. لاتكلم كثير ارتاح
تركي لف على الرجال اللي تكلم كان .. عمه اللي مسافر مو مصدق عينه عمه صالح ...
صالح : ليه عامل بنفسك كذا ياتركي ؟؟
ترقبوا التكمله
يلاآآآ سي يو
وكل تحياتي للغاليه امينه
|