ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > المواضيع المتشابهة للاقسام العامة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
المواضيع المتشابهة للاقسام العامة رواية احلى صدفه في حياتي سعوديه. رومانسيه . كامله يوجد هنا رواية احلى صدفه في حياتي سعوديه. رومانسيه . كامله هنا توضع المواضيع المتشابهة


مشاهدة نتائج الإستطلاع: هل اعجبتكِ الروايه ؟؟
جميله جداً 15 83.33%
جميله 3 16.67%
عاديه 0 0%
ليست جميله 0 0%
المصوتون: 18. أنت لم تصوت في هذا الإستطلاع

 
قديم 06-27-2010, 10:05 PM   #26

حورة العيون


رد: رواية احلى صدفه في حياتي سعوديه. رومانسيه . كامله


رواية احلى صدفه في حياتي سعوديه. رومانسيه . كامله

الجزء الواحد والعشرون

يوم السبت
في مدرسة العيال..
سليمان:تروك دريت بالي صار..
تركي: لا ..وش صار..
سليمان: ما عندك خبر ان فيصل خطب..
تركي: مشا الله خطب!!
سليمان حب يلعب بأعصابه:بس يا تركي انت ما تدري من الي خطبها صح..باين عليك..
تركي خاف:لا ...مين...بسرعه تكلم؟؟
سليمان:مثل ما انت عارف ان اهلها اكيد راح يوافقون عليه وانه هو اولى من الغريب وما راح يردونه لو أيش..وخصوصا ولاحظ خصوصا ان فيصل والنعم فيه ما ينعاف..
تركي بعصبيه: تراك حرقت اعصابي..
سليمان بكل برود: طفها.
تركي وصلت معه ومسك سليمان من ثوبه: بتكلم ولا شلون..
سليمان: خلاص خلاص بتكلم بس فكني..
تركي ترك سليمان: أنطق بسرعه..
سليمان: لهدرجه تخلي بنت تفرق بينا..بصراحه ما توقعت اني رخيص عندك لهدرجه..
تركي حس ان عيونه بتطلع منها نار:سليمان لا تخلي اليوم اخر يوم بحياتك..
سليمان: يعني من بتكون واضحه..فيصل كان واضح عليه انه يحب فجر..
تركي هدى وحس انه خلاص ارتاح: فجر!!
سليمان: ايه ما لاحظت فيصل كيف يطالع فجر وفجر ساحبه عليه<<مسكين هالفيصل كل الناس حسوا الا هي..
تركي: الا صادق ..والله يستاهل فصول..
سليمان: فصول..هو اصغر عيالك..
شوي واكتملت الشله..
نواف: هلا بالشباب وينكم تعبنا وانا ندور عليكم..
تركي: يا اخي احس ان في مخك وش ..يسأل وينكم واحنا قدامه..
سعود: تركي يا الله صباح خير وش فيك علينا.
تركي: كيفي كارهكم ..ما اشتهي اصبح بوجيهكم..والله حاله..
سليمان: تروك وش فيك عيهم ..صح انهم ثقلين دم وما ينبلعون بس عادي اضغط على نفسك..
نواف: سعود ما تحس ان تهزئنا كثير..
سعود: الا ملاحظ ..خلنا نمشي بكرامتنا احسن..
تركي: اوقل اقعدوا بلا دلع ..نمزح والله نمزح..
نواف: اهم شي انك داري ان زعلنا لا يطاق..
تركي: والله الي اعرفه ان وجهك لا يطاق قم قم لا بارك الله فيك..
سليمان: تركي تصدق ذكرتني بالشياب ايام الشاليه..
تركي: والله صدق ايام بصراحه شي..
نواف: والله من النذاله رحتوا ولا اخذتونا معاكم..
سعود: صدق من جد ليش ما اخذتونا معاكم..
سليمان: انا والله صديقي مشاري عازمني..
تركي: والله انا اختي عازمتها صديقتها الي هي اخت صديقي مشاري الي هي اخت هذيك الي جات في المدرسه..
سليمان دف تركي دفه لما بغى يطيح منها بس مسكه نواف..
سعود: الحين انتوا راحين مع اهل البنت..
نواف: مع ذيك المزيونه ولا قلتوا لنا..
سليمان من حقده على تركي لانه قالهم قام وطا رجله ودفه وهو واطي رجله عشان اذا طاح يعوره ظهره بس تركي طلع ذكي وتمسك فيه..
سليمان وهو معصب: وش نقول لكم تعالوا معنا صعبه..
تركي: خلاص حبايبي المره الثانيه..
سعود: صح يعني اخت البنت تطلع صديقة اختك..
نواف: ايه حتى اختها مزيونه..
تركي طلع له قرون..مسكهم من رقبتهم ودفهم: ممكن تمشون وانتوا ساكتين..
سليمان ميت ضحك: احسن تستاهل..شف شف يتكلمون عن حرمتك وانت ساكت.ازواج اخر زمن..
تركي مشى عنهم وراح..
نواف: وش فيه هذا..
سعود: ما عليك منه تراه قاضي ومنتهي..
سليمان: بس لو قعد هذا القاضي كان ذبحكم..
نواف: ليش ما سوينا له شي..
سليمان: امشوا امشوا ترى علينا فيزيا النشبه..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&&&&&&&&&&&&&&&&&&&&&&& &&&&&&&
مرت الايام بسرعه وما بقى على الاختبارات الا اسبوعين..الي هي اسبوعين المراجعه..
رغد والهونف وتركي وسليمان كلهم غايبين اسبوعين عشان الاختبارات..
اما ريم فهي فالتها يوم تروح المدرسه ويوم تغيب ولا همها لا مذاكره ولا غيره لانها تمشي تحت قوانين الي طلعتها العنود فا ما يحتاج تعب عمرها..
العنود نفس الحاله طول الايام غايبه الا اذا صديقاتها اعزموها عزيمه على المدرسه راحت وبالقوه بعد..
عبير في الجامعه فا اختبارتها كل يومين في الاسبوع او يوم واحد..واهم شي عندها انها تخلص قبلهم وتقهرهم..
نوف وشجون شادين حيلهم شوي خايفين يرسبون وبعدها ما راح يكون فيه سفره..
فجر مسكينه مره تذاكر ومره تفكر ومحتاره وتحس ودها تحول انتساب (منازل)بس نوف قالت لها ما يحتاج ياما بنات درسوا وحملوا وهم يدرسون وما حولوا انتساب واقتنعت بالفكره وصارت تذاكر على اساس تنجح لو بدرجه وحده..
العيال الي بالجامعه وليد وطلال ومشاري فالينها على الاخر لانهم عارفين انهم راح يحملون المواد عشان دكاترتهم حاقدين عليهم ومستحيل ينجحونهم..
مشعل ما نساه كان يذاكر والمسكين شاد حيله عشان بلاي ستيشن3..تجي لين عنده..مشعل ما فهمت هذا ويشرحه لها تروح..بعدين ترجع مره ثانيه وهكذا ..لما عصب منها وراح لامه قالها تدرسها بس بدون ماتقول لها انه هو الي قايله وراحت ام مشاري وخذت لين ودرستها وصات فاهمه بس كذا تبي مشعل..

وخلصت الاسبوعين سريعه على ناس وبطيئه على ناس ودخلوا جو الاختبارات وكان بكره اول يوم..
ريم فكرت انه ترسل لسيلمان مسج..بس كانت متردده..واتوكلت على الله وارسلت له..
اهلين سليمان..
ا نشا الله شاد حيلك عشان تجيب نسبه ترفع راس امك فيها وراسنا<<تقصد نفسها..
واهم شي لا تضغط على عمرك ونام كويس عشان تعرف تحل زين وسم بالله قبل كل شي..
رورو..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
سليمان وصله المسج وقراه بس ما صدق عمره قراه مره مرتين وثلاث واربع ويقرى الاسم رورو ..طار من الفرحه وقعد ينط وينط ودخل عليه اخوه محمد..
محمد: اقول سلمي
سليمان فرحان ويده فيها الموبايل وينط وعايش الجو..
محمد: لالا الولد اثرت عليه ثالث والمعادلات..
وقعد يطالعه وهومطير عيونه اول مره يشوف واحد من الخوف فرحان..
التفت عليه سليمان وشافه انصدم وتفشل..
سليمان: محمد انت هنا..؟؟؟؟؟
محمد: الحمدلله والشكر وش فيك..سليمان كم هذا"ورفع له اصبعين السبابه"
سليمان: تستهبل 2..
محمد: اشوا ما طارت المعلومات..
سليمان: عصب: وش تبي الحين؟؟
محمد: كنت جاي اتطمن عليك لكن الحين تأكدت ان عقلك ما عاد نقدر نلحق عليه لانه طار....
سليمان: اقول ما ودك تنقلع برى..
محمد: بنقلع بس بسألك سؤال..
سليمان: اخلص..
محمد: وش الي فرحك..نجحت قبل لا تختبر..
سليمان نسى نفسه: شي احسن من النجاح..
محمد حس ان اخوه بيخق عنده كل شي: وشو يا قلبي الي احسن من النجاح
..
سليمان: الي احسن من النجاح ان مسج يجيك من رو..........."وانتبه لعمره" انت للحين ما طلعت..
محمد: من هي؟؟خويتك قل قل انك تكلم بنات ومسوي نفسك عاقل..
سليمان يصرف: اصلا كنت اقول رويشد..
محمد يستهبل: صح صح رويشد ذاك الي..عرفته عرفته..
سليمان: ما دامك عرفتاه اطلع برى..
محمد: بس شكل رويشدك شي..شكله عذاب..
سليمان دف محمد وطلعه برى ورجع يقرى المسج..وقر يرسل لها..
معزتك عندي ترى مالها نوع..
ومكانتك بالقلب ماحد لقاها..
وغلاك بالقلب صار مزوروع..
حتى المشاعر ترجمتلك غلاها..
وانا وقلبي والاحاسيس له طوع..
والروح لو راحت من اجلك فداها..
تصدقين رورو مسجك هذا رفع من معنوياتي وانشا الله اجيب نسبه حلوه لخاطر عيونك وانتي كمان شدي حيلك...سلوم على قولتك..
ريم وصلها مسج سليمان وفرحت فيه فرح مو طبيعي بعكس الاول..لان الاول ما كانت تدري انه يحبها لكن الحين الوضع تغير وغير هذا كله عرفت سليمان زين بالفتره الي راحت انه مو راعي حركات..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
يوم السبت
كان رعب على كل طالب وطالبه ..نشوفهم واحد واحد..
رغد كانت رايحه جايه ..جايه رايحه..
ريم: رغد اقعدي في مكان ترى راسي عورني..خليني اذاكر..
رغد وهي تقرى المعوذات عشان تهدى:خايفه والله خايفه..
دخلت ام مشاري: هاه خلصتوا عشان السايق ينطركم برى..
رغد: يمه ما راح اختبر خلاص هونت..
ام مشاري حست في بنتها: يمه وش خايفه منه تراها اسئلة مدرسات مو وزاره عشات تخافين وان شا الله بتكون سهله..
رغد تطمنت شوي: ا نشا الله..انشا الله..
ريم: انا نازله لا تتأخرين.
ونزلوا كلهم وركبوا السياره ورغد تدعي ان الله يذكرها بالمعلومات ويطمن قلبها..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
الهنوف كانت حايسه البيت فوق تحت: يمه وين الملزمه وقلمي الازرق وين العبايه..
كان كل شي قدامها بس من الخوف ما تشوف شي.
ام تركي: شوفيهم قدامك..
الهنوف: ايه صح ما شفتها..طيب وين تركي...
تركي وهويراجع رياضيات: شوفيني قدامك يله بسرعه..
وركبت الهنوف مع تركي..
الهنوف: يا رب يا رب...خليني اتصل على رغد تطمن قلبي قبل الاختبار..
تركي سمع اسم رغد حس ان المعلومات طارت وما بقى الا رغد..
الهنوف: الو.
رغد في السياره: هلا والله..
الهنوف: قلبي والله اني خايفه..
رغد: وانا اكثر منك بس انشا الله كل شي تمام..
ريم: بصراحه احس انكم تبالغون..
رغد: انتي اسكتي ماحد كلمك..
الهنوف: اسمعي خليك عند الباب اوكي..
رغد: اوكي..
تركي: هاه وش اخبارها..
الهنوف: بخير بس خايفه..
تركي: الله يهداها...وهذا وانتم ادبي وخايفين اجل حنا وش نقول..
الهنوف: اول شي قل لا اله الا الله..ثاني شي محد ضربكم على ايديكم وقال لكم ادخلوا علمي..
تركي: المهم اذا طلعتي طمنيني عليكم..
الهنوف تستهبل: عليكم..مين..مافي الا انا مين الثاني..
تركي: بلا عباطه المهم لا تنسين..
الهوف: ابشر<<نست الاختبار..
تركي يبي يخوفها: ذاكري.. ذاكري بسرعه لا يفوتك الوقت يا غبيه..
الهنوف بروعه: صح صح "وقعدت تذاكر"
وتركي ميت ضحك:صدقت المخفه..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
عبير نايمه وما عندها شي.. والعنود لاهيه تحط كحل وجلوس وتزين شعرها وتعدل شكلها ..وتلبس اساور وبعدها الحلق..
دخات ام ماجد: هاه العنود ما خلصتي مراجعه ..
العنود: هاه مراجعه..الا الا خلصت من زمان..
ام ماجد: بسم الله عليك لا تعلمين احد اخاف يصك بعين..
العنود: ابشري من عيوني ونزلت...وراحت للمدرسه وهي مستعده بكومه من البراشيم ملزقتها في اكمامها من داخل وفي اماكن اخرى..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
نوف وفجر كانوا خايفين بس كل وحده تهدي الثانيه..وفجر ما خلت من البراشيم طبعا من تعاليم ودروس العنود الراس المدبر..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
شجون مسكينه ما عندها احد فكانت شابكه السماعات وهي وصديقاتها تسألهم ويسألونها وتشرح لهم ويشرحون لها..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
سليمان يراجع وهوخايف بس يحس بفرحه من بعد مسج ريم.
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
دخل الكل قاعته وبدوا يحلون....الثلاثي ريم والعنود وفجر في البراشيم الحلول...والباقي يدورونها في عقولهم..
وخلصت الفتره الاولى رغد والهنوف مبسوطات كانت الاسئله مره سهله غير التغشيش من الطالبات.صح ان ما كان ودهم بس غصب عليهم..
سليمان و تركي حلّو وانشالله يكون صح لان العلمي كل واحد عنده اجابه فما كانوا يعرفون وش الصح من الغلط..
نوف وشجون حلّو وكان حلهم ما عليه..
ريم الحمدلله طلعت سليمه وكمان فجر بس العنود بغت تروح فيها وتنكشف بس ربي ستر وعدّت وطلعت مبسوطه لان كل البراشيم كانت نفس الاسئله<<خبره..
مشعل ومحمد كمان حلّوزين..
واخيرا لين الي كانت تصيح في القاعه وتقول ابي مشعل..صح معلماتها بغوا يصفقونها بس سكتوا وعدوها وعلومها وطلعوها..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
عدى اول يوم في الاختبارات وتبعه الاسبوع الاول ونص الاسبوع الثاني وباقي ثلاث ايام..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
بيت ابو مشاري
ريم: بابا ما قلت انا وش نجاحتنا؟؟
ابو مشاري: اذا شفت درجات ترفع الراس لكم الي تبون..
رغد: بابا نبي نسافر..
ريم: نبي نروح دبي..
مشعل: والله دبي حلوه..
مشاري:وانا من المؤيدين للموضع.
ابو مشاري:مدام الكل راضي نسافر ليش لا ..بس بشرط الدرجات الزينه..
ريم ورغد يبسون راس ابوهم..:الله يخليك يبه ولا يحرمنا منك..
ريم :اجل بروح اقول للعنود.
رغد: بسم الله الرحمن الرحيم تو من شوي ابوي قايله على طول تروحين تقولين لهم ..اصبري دقيقه وحده مو ساعه دقيقه..
ريم: خلال بربرتك هاذي طافت دقيقه ..بروح اكلمها..
اتصلت ريم على العنود..
ريم: الو..
وليد: الو..
ريم: وانت مافي غيرك يرد عل التليفون..
وليد: بسم الله هذي انتي على بالي زينة البنات..
ريم: اخلص وين ريم..
وليد: وش تبين فيها ؟؟؟
ريم:اقول بسرعه عندي موضوع ضروري..
وليد: العنود تذاكر..
ريم: كذاب العنود تذاكر العب غيرها..
وليد: عاد انتي لا تفهميني غلط يعني تبرشم..
ريم: قل كذا اصدقك طيب روح نادها..
وليد: طيب قولي لي وش تبين فيها وبعدين اعطيك ايها..
ريم: يا لليل ما اطولك..وبعدين..
وليد: ولا قبلين مافي يعني مافي وش بتسوين..
الا العنود جايه:وليد من تكلم؟؟
وليد ارتبك: هذي ..هذي..
العنود: بنت..قاعد تكلم صديقاتي.....يمه ..يمه..يمه..
وليد : اسكتي اسكتي خلاص خلاص يا ام لسانين..
العنود: يمه..يمه..
وليد حط يده على فمها: اقولك اسكتي..
العنود توخر ايده: وع وخر ايدك مالحه...
وخرها وليد: وجع يا طول لسانها ذا الدبى..
العنود: ترى بنادي امي..
وليد: اوف اطلع احسن لي..
العنود: يكون احسن..
خذت العنود السماعه: الو..
ريم: اهلين وينك..
العنود:قعدت احل مع وليد القضيه الي بيني وبينه..
ريم: اخوك هذا لا عاد يرد على التليفون سامعه..
العنود: طيب وش اسوي فيه من يوم يشوف رقم بيتكم يحلف انه ما يرد الا هو..
ريم: المهم ما علينا منه ..عندي لك خبر بكنوز الدنيا..
العنود: وشو انخطبتي..
ريم: لا وش انخطب..
العنود: لا ذا الايام موضه..
ريم: عندي شي احسن من الخطبه..
العنود تحمست: قولي يله بسرعه.
ريم: بنسافر لدبي..
العنود: كذابه..
ريم: والله تو ابوي من شوي قايله..
العنود: الله يبشرك بالخير..
ريم: بس شارط درجات زينه..
العنود: انشا الله درجاتنا زينه..
ريم: ان شالله بس اسمعي انشبي في ابوك لما يوافق سامعه..
العنود: اكيد مدام ابوك وافق ابوي مع ابوك..
ريم: اجل يله مع السلامه خليني اتصل على فجر..
العنود: اوكي باي.
سكرت ريم من العنود وبعدها قعدت تدق رقم بيت فجر..
رغد: من بتكلمين بعد..؟
ريم: ابكلم فجر ما يصير ما نقول لهم بعدين يزعلون..
رغد: والله من القافه انتي وياهم.
ريم: الو..
طلال: الو
ريم في نفسها"وش في هالعيال متسلطين علي"
طلال: الو..
ريم: هلا والله كيفك طلال..
طلال: مين...ريم ..الحمد لله بخير وشلونكم..
ريم: الحمدلله..طلال ممكن فجر..
طلال: ليش في شي..
ريم: لا سلامتك بس ابيها شوي.
طلال: الحين فجر عروس ما يصلح تكلم أي احد..
ريم"لا صدق اليوم متسلطين علي":طلال ممكن فجر بس خمس دقايق..
طلال: طيب قولي لي وانا اقول لها..
ريم: يا اخي ما يصلح كلام بنات..
طلال: اها...طيب خليني افكر..
فجر: طلال من على التليفون..
طلال: هذي ريم تبيني في سالفه..
ريم: اه يا الكذاب نادها بسرعه..
فجر:يا نصبك ريم تبيك في سالفه اقول هات السماعه..
طلال: خذي جعل اذنيك تخفس..
فجر: الاذنين تفقع مو تخفس ..العيون تخفس يا الغبي..
طلال قعد جنب فجر عشان يسمع: كلمي كلمي وانتي ساكته..
ريم: الو.
فجر: هلا والله معليش النشبه ما يخليني اكلم احد يقول عروس..
ريم: وليش العروس محكوم عليها بالاعدام..
فجر: ايه ما عليك منه امري وش بغيتي..
ريم: ايه عندي لك خبر يسوى فيصل زوجك كله..
فجر: مسكينه وش الي يسوى فيصل..
ريم: بنسافر لدبي..
فجر: بس هذا الي عندك اصلا انا ناويه اسافر عشان اتجهز من هناك..
ريم: صدق اجل وناسه..
فجر: وخالي ابو ماجد بيرحون.
ريم: اكيد هم معنا..
فجر: حلو اجل بيطلع فله..
طلال قاطعهم: والله صدق فله..
فجر لفت عليه: انت هنا!!
طلال:لا هناك..
فجر: ريم خلاص مع السلامه..
ريم: مع السلامه..
فجر: ما تلاحظ نفسك انك منغص علي عيشتي حاشر نفسك في كل شي..
طلال: اختي واخاف عليها من نسمة الهوا..
فجر: أي واضح..اقوم اذاكر ابرك لي..
ريم سكرت من فجر وحطت السماعه وبعدها ذكرت شجون واخذت السماعه واتصلت عليها..
رغد: بعد من بقى ما علمتيه اشك ان الرياض كلها درت وانهم شوي يقولونه في الاخبار..
ريم:وانتي وش عليك اقول اسكتي رن..
ريم: الو..
فيصل:هلا..
ريم"لا كملت":اهلين فيصل اخبارك..
فيصل: ريم هلا والله ..الحمدلله بخير وشلون خالتي..
ريم: الحمد لله كلنا بخير الا ممكن تعطيني شجون..
فيصل: شجون الحين مشغوله شوي..
ريم: طيب بس خمس دقايق..
فيصل: خمس دقايق!!!الا ما قلتي لي وش اخبار عمك وعمتك بخير..
ريم فهمت عليه: والله كلهم بخير ويسلمون عليك وذبحونا فيك..
فيصل انبسط: هههه ثواني وشجون عندك وكلميها ساعه اذا بغيتي..
ريم: هههه والله هالناس مصالح...
رغد: مين..
ريم: بعدين ..بعدين..الو..
شجون: هلا والله وغلا حيا الله هالصوت..
ريم: الله يحيك وش اخبارك..
شجون: الحمدلله بخير وش عندك متصله..
ريم: والله عندي خبر يسوى كريماتك كلها..
شجون: ما اظن ان في شي يسواها بس وشو..
ريم: ولا بدال هذي الي عندك بتاخذين دبلهم..
شجون تحمست: ايه وشو..
ريم بنسافر لدبي..
شجون: احلفي ما اصدق...
ريم: والله ما اكذب تجهزي بس..
شجون: صدق طيب قلتي لعمك وعمتك..
ريم: ايوه اكيد..
شجون: اجل بيطلع وناسه..
ريم: المهم انشبي في امك..
شجون: ما يحتاج اذا امك بتروح امي رايحه رايحه.. وفيصل اذا عرف ان عمتك بيرحون طاير معنا..
ريم: اجل ما اطول عليك وسلمي لي على خالتي.
شجون: يوصل وسلمي على خالتي بعد..
ريم: يوصل مع السلامه...
شجون: مع السلامه..
فيصل: بيرحون لدبي..؟
شجون: انت هنا..ايه بنروح كلنا هناك..والله وناسه واقعد مع نوف فله..
فيصل: وفجر ليش ما تقعدين معها..
شجون: اقعد معها بس نوف نفس شخصيتي..
فيصل: اجل ربي رحمني ان زوجتي ماهي مثلك..
شجون: ايه بس انت حصل وحده مثلي..
ريم سكرت السماعه وقعدت تتذكر من بقى ما قالت له:اقول رغد..
رغد: خير؟ما خلصتي جولتك..
ريم: لا باقي..
رغد: ليه من بقى؟؟
ريم: باقي الهنوف ومها وهذولا اهم شي..
رغد: صادقه انا بدون صديقتي ما اعيش..
ريم حتى انا بدون مها ما اعيش...
رغد: عاد انتي كثري منها..
ريم: المهم بتكلمين الهنوف ولا انا اكلمها..
رغد: انتي اتصلي عليها واذا ردت عليك عطيني ايها..
ريم: طيب"واتصلت"
رغد: حافظه رقمهم..
ريم: اكيد عشان الضروره..
رغد: والله من القافه..
ريم:الو..
تركي: هلا والله وغلا<<يحسبها رغد..
ريم: اهلين..
تركي عرف الصوت وقال من دون نفس:هلا..
ريم:" وش فيهم علي كلهم كأني ماكله حلالهم":لو سمحت ممكن الهنوف..
تركي: انا اعرف ان الهنوف صديقه رغد مو صديقتك.
ريم: انا واختي واحد بسرعه نادها..
تركي: وليش رغد ما اتصلت على صديقتها..
ريم: وانت وش عليك..
تركي: اسأل..
ريم تبي تصرفه: رغد تعبانه..
رغد كانت تطالعها وميته قهر انها ما تصلت هي..
تركي: سلامات وش فيها.
ريم: راسها يعورها وبطنها وتبي الهنوف عشان تسألها عن الامتحان بس صوتها رايح وأذنها ما تسمع منها وعيونها ما تشوف فا قلت اتصل انا احسن..
تركي كسرت خاطره رغد: مشا الله كل هذا فيها لايكون نفس اقروا عليها..
ريم وفيها الضحكه: شكلها عين ما صلت على النبي بس ممكن تعطيني الهنوف ..
تركي: ثواني وهي جايه..
ريم: اوف هالعله..
رغد: جعل كل الي قلتيه فيك ان شالله وش فيك تفاولين علي..
ريم: اسكتي اسكتي بعدين اقولك..
رغد: كل ما قلت لها شي قالت بعدين..
الهنوف وهي مرتاعه: الو هلا وش فيها رغد عسى ما شر..عسى ماهي تعبانه مره..
ريم: ما فيها الا العافيه بس اخوك نشبه مالقيت حل احسن من هذا..
الهنوف: اشوى طمنتيني..امري في شي..
ريم كانت بتعطي السماعه رغد بس هونت:كنت بقولك خبر يسوى روعتك ويقلبها فرحه..
الهنوف:بشري..
ريم: بنسافر دبي..
الهنوف: صدق!! احلفي..
ريم: والله وما اوصيك خلك عود في بلعوم امك لما توافق..
الهنوف: ولا يهمك ولا توصين حريص من الحين بنشب لما استلم الموافقه..
ريم: اوكيه باي,,
الهنوف:باي..
تركي: هاه وش صار فيها..
الهنوف: ما فيها شي بس بطنها يعورها شوي<<خافت بعصب..
تركي: طيب وش فيك فرحانه ولا شمتانه في صديقتك..
الهنوف: وش فيك انت كذا انا فرحانه لانهم بيسافرون دبي وانشا الله حنا وراهم..
تركي: صدق والله فله بس ما توقع امي بتوافق..
الهنوف: اذا انا وياك عليها بتوافق..
تركي: اجل يله قومي..
الهنوف: يله..
سكرت ريم السماعه وقعدت تفكر..
رغد: وانتي ما تعبتي من كثر ما تكلمين..
ريم: لا بس باقي شخص وهو اهم شي..
رغد: مين...
ريم: سليمان اقصد مها..
رغد: قولي كذا من زمان عشان بعدها تقولين لي وش صار في كل مكالمه لاني كل ما قلت لك شي قلتي بعدين..
ريم: طيب طيب..
وشالت السماعه وتمنت هالمره يرد سليمان مثل الي قبل واتصلت.
ريم: الو..
محمد: الو.
ريم"اوف":ممكن مها..
محمد: من اقول لها..
ريم: قل لها ريم..
محمد: اول مره اسمع هالاسم..
ريم: طيب هذا انت سمعته روح نادها..
محمد: اها عرفتك انت الي كنتوا معنا بالشاليه..
ريم: عليك نور يله رح نادها..
محمد: لا احنا مطفين النور من شغله..
ريم: يا ربيه على هاليوم روح نادها بسرعه يا اخوي تراني تعبانه من جد ارحمني..
محمد في نفسه "وش فيها هذي":طيب الحين مها مشغوله..
ريم: ادري قلها خمس دقايق..
محمد: واذا طولتي.
ريم: سكر السماعه في وجهي..
محمد: الا بسألك وش اخبار اخوك مشعل..
ريم: اخباره الساعه تسع شفها..
محمد:تنكتين حضرتك..
ريم:لا ما نكت استظرف..
محمد:اجل مها من المستحيلات..
ريم: محمد لو سمحت نادها ابيها في شي ضروري فيه حياة او موت..
محمد:لا وش الشي وبعدين اناديها..
ريم"اليوم ما راح يعدي على خير":اسمع انا بقول لها بعدين تقول لك وش رايك حمود..بسرعه نادها بأعد لك واحد واثنين...
محمد:ليه اصغر عيالك..
ريم: انت ما بعد رحت ياربيه ترى صدق بأصيح والله تعبت روح نادها..
سليمان: محمد من تكلم وناشب في حلقه..
محمد: هذي ريم صديقة مها..
سليمان: ريم وناشب لها هات السماعه..
محمد: نعم نعم وش هات السماعه خل السماعه بأروح انادي مها واجي سامع..
ريم من يوم سمعت صوت سليمان وعاشت جو...
سليمان كان يناظر السماعه وده يرفعها بس خاف محمد يفتن ويتنيذل عليه..
جات مها:الو...الو..
ريم: هلا هلا والله كيفك وش اخبارك واخبار الوالده..
مها: الحمد لله كلنا بخير وش اخبارك انتي..
ريم: الحمد لله بخير..حبيت اقولك ان بروح لدبي في الاجازه واني متمنيه من كل قلبي انكم تكونون معانا وش رايك..
مها:دبي من راح يفوتها ا نشا الله اشاور امي وارد لك وهي واعدتنا بسفره..
ريم: المهم ما اوصيك ما اوصيك لازم لازم تكنون معنا..
مها: بأذن الله ما في شي بيمنعنا..
ريم: سلمي لي على الي عندك..
مها: يوصل..
ريم: مع السلامه..
مها: مع السلامه..
سليمان: من هذي<<يتميلح الاخ..
مها: هذي ريم اخت مشاري..
سليمان: اها وش عندها..
مها: تقول انهم بيرحون دبي وتبغانا معاهم..
سليمان:فديتها والله.
مها بصدمه: من هي؟؟؟
سليمان يصرف: هاه...دبي ايه دبي..
مها: ايه..
سليمان: ولا يهمكم انا الي راح اوديكم انشا الله بس ناخذ شور امي..
مها: تسلم والله يا اخوي هذا الاخو ولا بلاش...
ريم من يوم سكرت السماعه وهي في عالم ثاني..
رغد: ريم ريم وين وصلتي انشا الله في السينما وهو جنبك..
ريم: ههههههه تصدقين ماهي شينه..
رغد: يله تعالي قولي لي كل الي صار..
وقعدت ريم زين وقامت تسولف..
كل العوائل اخذت الموافقه وقروا يسافرون.. بس فيه شي لازم يصير قبل السفر..

ام فوازتكلم:انا اقول الملكه قبل السفر..
ام فيصل: ونعم الراي..
ام فواز: اجل بكره.
ام فيصل: شورك وهداية الله..
وقروا ان بكره ملكة فجر على فيصل الي هو يوم الاربعاء اخر يوم من ايام الاختبارات..
فجر معصبه: على كيفكم طيب خليتوه يوم الخميس..
ام فواز: نسيتي دبي يوم الجمعه والخميس تستعدين لها..
فجر: طيب احس اني ما استعديت..
ام فواز: عندك من اليوم لما بكره العصر استعدي..
نوف: فجر هونيها وتهون عادي تراها ملكه..
فجر: اكيد بيتنادون العائله كلها صح..
ام فواز: انهبلتي اكيد كلهم بيحضرون ملكتك ولا وش رايك..
فجر: طيب ما عندي لبس..
ام فواز: فجر انتي وش فيك تدورين عذر..الحين اخلي طلال ولا فواز يوديك..
فجروفيها العبره: يا ربيه...
ام فواز: وش فيها اختك..
نوف: يمه من حقها خايفه ومتوتره..
ام فواز: روحي معها واشتروا الي تبون و الله الله بالشي الزين..
نوف: افا ما تثقين بذوق نوف..
ام فواز: الا انا ما اثق الا فيك..
&&&&&&&&&&&&&&&&&&&&&&&&&&& &&
ريم: بكره ملكة فجر..؟؟؟
العنود: ايه وش اقولك من الصبح..
ريم: طيب انتي عندك لبس..
العنود: لا والله وش رايك نروح السوق حتى عبير ما عندها..
ريم: حتى رغد..بصراحه ما توقعتها قبل السفر..
العنود: اجل يا الغبيه وشلون يعطونها المهر وهي ما تملكت..
ريم: صح نسيت..
العنود: يله تعالي مرينا مع السواق..
ريم: طيب مع السلامه..
العنود:مع السلامه..
ريم: رغد يله البسي بنروح السوق باقول لامي.
رغد: بسرعه عشان يمدينا..
وبعدها خذوا الموافقه من امهم وراحوا بيت عمهم واخذوهم وطلعوا للسوق.
وهم ماشين في السوق..
العنودوقفت في مكانها وجنبها عبير..
رغد وريم لفوا عليهم:خير وش فيكم..
عبير: مو هذا طلال والي معه نوف وفجر.
العنود: الا ...الا..
رغد: والله صدق هم..بروح اسلم عليهم..
ريم: وانا جايه معك..
عبير والعنود ميتين على طلال الي لابس برمودا بيج وتيشرت بني مبين جسمه وشعره الاسود مسويه سبايكي والساعه والشوز السبورت طالع شي خطير...
رغد: هلا والله نوف وفجر..
نوف: هلا والله رغوده..
فجر: اهلين..
ريم: هلا والله بنات عمتي وبالعروسه خصوصا الي بكره ملكتها..
فجر: والي يخليك لا تذكريني خليني الهى شوي..
رغد:ا هلين طلال وشلونك..
طلال: الحمد لله بخير..
ريم تناظر طلال بحقد:اهلين طلال..
طلال يبادلها نفس النظرات وكان في نفس الوقت كاتم الضحكه :أهلين ريم وشلونك
ريم : بخير ما دامك بعيد عني
طلال : أفا وش جايك مني
ريم : سلامتك ما جاء منك إلا كل الشر
فجر :خلاص انتوا والله ماني ناقصه..الا وين عبير والعنود ما جوا معاكم؟
رغد: الا والله وينهم ..هم جاين معانا.
ولفوا عليهم لقوهم مطيرين عيونهم في شي بس ما عرفوا وش هذا الشي..
طلال كان يطالعهم وحس انهم يطالعونه بس بعدّ هالافكار من راسه..
رغد راحت لهم: العنود ..عبير خير وش فيكم واقفين..
العنود: هاه ابد سلامتك بس قلبي يعورني شوي..
عبير: انا مو قلبي بس كل جسمي..احس اني بموت في مكاني..
رغد الي ما فهمت شي: يله امشوا بس البنات يسألون عنكم فشلتونا قدام طلال..بالله مطيرين عيونكم في مين..
العنود انتبهت ان عبير معاها وتطالع الي تطالعه على طول لفت عليها تبي تتأكد من تطالع..بس يوم لفت لقت عبير تطالع رغد..
عبير: شفت واحد مزيون مر من عندكم..اقول يله مشينا..
العنود ناغزها قلبها بس ما عطت الموضوع اهميه وراحوا عند البنات..وسلموا عليهم..
العنود: اهلين طلال كيفك بشرني عنك..
البنات يطالعون العنود وهي منزله عيونها ومستغربين اكثر من اسلوبها..
طلال: الحمدلله بخير ما دامك بخير..وانتي يا عبير وشلونك..
عبير: انا بخير تسلم..
العنود لفت على عبير وبعدها على طلال"مو لازم اضعف اذا شفته..مولازم يحسون فيني":اقول ترى ما تنعطون وجه يله كل وحده تدور لها لبس تلبسه..وانتي ما لقيتي تحطين ملكتك الا بكره ضاقت يعني ولا ايش...
البنات طيروا عيونهم اكثر من تغير اسلوبها فجأه وحسوا انها رجعت لطبيعتها الي تعودوا عليها..
رغد: يله يا بنات تفرقوا كل وحده تروح لجهه والي تلقى شي يناسب الثانيه تتصل عليها اوكي..
البنات: اوكي"وافترقوا"
ماطلعوا من السوق الا الساعه عشره وهم من العصر رايحين..
رجعت كل وحده على بيتها..
صح ان العنود اصرت على ريم تنام عندهم بس ريم قالت بكره اذا طلعت من المدرسه راح تروح عندهم او هم يجونها..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
يوم الاربعاء
هو يوم فرح كل العائله الا وحده ..الي هي فجر كان يوم خوف ورعب وتوتر وعلى اعصابها طول الوقت ..
طلعت ريم ورغد من مدارسهم وراحوا بيتهم وخذوا اغراضهم بعدها راحوا بيت عمهم..
عبير: حرام والله فجر ما تستاهل ..روعوها قالوا لها بكره ملكتك.
ريم: مسكينه ما استعدت نفسيه..
رغد: عاد يقولون اهم شي الاستعداد النفسي..لانها اذا ما استعدت نفسيا بيخرب كل شي..
العنود: تخلي عنها الدلع..من يوم انخطبت وهي صايره دلوعه ودمعتها على خدها..
عبير: عاد انتي ما تحسين مافي قلبك رحمه ..خفّي عليها شوي..
العنود: دلع بنات لا تهمكم..
وجاتهم كوافيره وسوت لهم تسريحات وميك اب وطلعوا الاربعه شي فوق الخيال..صح العنود سوت صيحه لان ميك اب حقها اوفر بس البنات اقنعوها انه حلو وعدّتها..
رغد: لو نقوم نلبس يكون احسن..
ولبسوا البنات..
عبير: رغد اتصلي على موبايلي ماني محصلته..
رغد: موبايلي تحت..
ريم: خلاص انا بتصل..
رغد: انا نازله تحت بروح اجيبه اخاف امي تتصل.
ريم: روحي ولا تطولين عشان تحطين لي المنكير..
رغد: اوكي..
كانت لابسه رغد فستان نعوم بالمره كان ابيض على لؤلؤي توب من عند الصدر ومخصر على جسمها ولحد الركبه وكان فيه موجات الاسود.. وشريطه من الخصر واطراف الفستان دانتيل اسود..ولابسه حلق اسود ومسويه شعرها"بف" وحاطه شريطه ابيض واسود..وحاطه شدو اسود مبين عيونها الوساع العسليه..ورج احمر وعليه جلوس احمر..ولابسه سندل ربط اسود..طالعه البنت ولا ملكة جمال بصراحه ما اقدر اوصفها لكم..
نزلت تحت في الصاله تدور موبايلها في الشنطه الا وليد نازل من الدرج وقف في نص الدرج كان يشوف قدامه ملاك ما قدر يشيل عيونه من عليها ورغد ما نتبهت له..لقت رغد موبايلها..وليد تحرك من مكانها يبي يطلع فوق بسرعه عشان ما تنحرج منه بس ما امداها لان رغد شافته وهي عند اول درجه من السلم وهومنزل عيونه عنها..ما قدر اقول لكم موقف رغد في ذاك الوقت كانت واقفه وكأن رجلها لزقت في اول درجه وجها احمر لان فستانها عاري شوي<<شوي بس..
حتى وليد نفسه ثبت في مكانه رفع عينه عليها حصلها تطالعه وعيونها مغرقه عيونها دموع..
وليد كسرت خاطره:انا ....انا اسف ماكان قصدي..
رغد لما كلمها وليد وكأنه صحاها من جمدتها ونزلت بسرعه وهو دخل غرفته..
وليد فرحان: البنت تبي تذبحني اليوم طالعه ملاك يا ناس ملاك في بيتنا..ولا عيونها تدوخ تموت...تجلط..
كان مبسوط وصار يروح ويجي في غرفته والابتسامه شاقه الوجه..
رغد كانت تدراي دموعها لا تنزل ويخرب الميك اب..وتكلم نفسها: مو لازم ابكي خلاص يارغد سيطري على نفسك ما صار شي شافك بالغلط وماكان يقصد ولا انا اقصد خلاص حصل خير الحين اطلع فوق واقعد عند البنات ولا كأن صاير شي..
مرت الخدامه عند رغد..
الخدامه: مدام رغد انتي فيه كلم انا...
رغد: اوقول تعالي ....فستاني حلو..
الخدامه: ايوه مدام انتي واجد حلو..
رغد: مشكوره طيب تحسين انه عاري شوي..
الخدامه: هو فيه أري(عاري)شوي بس تمام..تمام والله تمام..
رغد: طيب تقلعي عن وجهي..
الخدامه: زين زين..
رغد: اطلع عند البنات قبل لا يحسون علي..
ودخلت غرفة البنات..
ريم: حشى ما صار وهذا وانا اقول لك لا تتأخرين.
رغد مقفله معها:.................
ريم: تراني اكلمك مو الجدار الي وراك..
رغد وهي كاتمه العبره: ممكن تسكتين شوي بس شوي لو سمحتي..
ريم حست ان اختها بتبكي لانها ما تصير مؤدبه الا اذا ما حبت تبكي:رغد فيك شي..
رغد: اقول لك اسكتي عشان ما اخرب على نفسي كشختي..
ريم: اذا رجعنا بيتنا تقولين لي فاهمه..
رغد: فاهمه بس اسكتي..
العنود: وش فيكم تتسارون علموني..
ريم: اخت واختها.انتي وش دخلك..
العنود تسوي نفسها زعلانه:افا وانا اعدكم خواتي..
ريم: اقول روحي زين مسويه بتأثرين فيني ما يليق عليك الهدوؤ..
العنود: ادري والله ادري بس خلينا نتعلم يمكن نحتاج الهدوء والركاده يوم من الايام..
عبير: رغد لقيتي موبايلك..
رغد: ايه ويا ليتني ما نزلت..
عبير: ليش.؟؟؟
رغد توهقت: هاه..........ايه بغيت اطيح من الدرج..
العنود: هههههههه والله بيطلع شكلك تحفه..
عبير: ما عليك منها عسى ما تعورتي..
رغد: لا الحمد لله..
ريم والعنود يطالعون بعض منصدمين من التغير المفاجئ الي طرا على عبير..
ريم: عبير انتي اليوم بخير..ما فيك حراره..
عبير: ليش..؟؟
العنود: لا لا اختي مو طبيعيه وش الثقل هذا ..وش ذا الهدوء..
عبير: هاه وش رايكم يصلح علي احسن منك..
ريم: هو مو مره بس احسن من العنود..
عبير: لا زين في تقدم..
رغد: ليش تبين تتغيرن.
عبير: بصراحه تفشلت كله عربجيه حتى صديقاتي يقولون ودنا نشوفك يوم وانتي كلك انوثه فا حبيت ا جرب والحمدلله تمت العمليه بنجاح..
ريم: الله يتمك بعقلك اقول مشينا...
العنود: اقول عبير اتصلي على وليد خليه يجهز عشان يودينا...
رغد تفاجئت: وليد هو الي بيودينا"كملت"
عبير: ماني مكلمه احد اولا موبايلي بعيد ثانيا مالي خلق ثالثا ما اشتهيت..
العنود: رابعا بيجي ذا الكعب الي ما عرفت امشي فيه على راسك يالسودانيه..
واتصلت على وليد..
العنود: الو..
وليد: هلا والله وغلا <<مروق على الاخر..
العنود: هلا بس وش عندك مروق..
وليد: انتي وش تبين..
العنود: كنت بقولك تودينا بيت عمتي احنا وبنات عمي..
وليد: ابشري يله انزلوا..
العنود: ان شالله"وسكرت منه"
العنود: اليوم وليد مو طبيعي..
رغد بخوف: ليش وش فيه..قال شي..
العنود: لالا ما قال شي بس اسلوبه باين عليه مروق..
رغد ارتاحت: اها..
ريم الي حست ان في شي صاير بين الوليد ورغد بس مصيرها راح تعرف: يلا بنات لا يعصب علينا..
البنات: يله....

@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@ @@@@@@@@@@@@@@@@@@@@@@@@@
" نهاية البارت "



 
قديم 06-27-2010, 10:10 PM   #27

حورة العيون


رد: رواية احلى صدفه في حياتي سعوديه. رومانسيه . كامله


رواية احلى صدفه في حياتي سعوديه. رومانسيه . كامله

الجزء الثاني والعشرون




نزلوا البنات ورغد تأخرت شوي لانها تجمع اغراضها..
ركبوا البنات السياره عبير قدام والعنود وراها وريم في الوسط وخلو مكان رغد ورى وليد..



وليد: باقي احد ولا امشي..



العنود: باقي رغد..



وفي الحظه هذي جات رغد شافت انها راح تكون ورى وليد قامت تطق الشباك على العنود..



العنود فتحت الشباك:خير..



رغد وهي مفتشله: افتحي الباب وريم زحفي يله..



العنود:روحي للجه الثانيه لا يجيك كف يعدل راسك..



رغد وهي معصبه: هين يا عنيد..




وراحت للبا الثاني..

وليد كان مبتسم ومبسوط لان اخته ما خلت رغد تركب من الجهه الثانيه عشان يقدر يطالعها..



رغد ركبت:السلام عليكم..




الكل: وعليكم السلام..




ريم: وجع ليش تأخرتي..




رغد تهمس لها:كنت اجمع اغراضي

وتحركوا


وفي نص الطريق..




وليد: احم....تصدقون بنات اليوم شفت واحد لابس ابيض واسود كان طالع عليه شي مو طبيعي"ويطالع رغد في المرايه"




رغد انصدمت من الكلام الي قاله وطالعته في المرايه عشان تتأكد اذا كان قاصدها ولا لأ وطاحت عينها في عينه وهو مبتسم ابتسامه تدوخ..




عبير: طيب كل العيال يلبسوا ابيض واسود..




وليد: لالا هذا شي ثاني..




العنود: طيب يعني قصدك ان لبسه غريب او التيشرت غريب ولا وش قصدك..




وليد وهو شاق الخشه: لالا مو غريب الا اغرب من الغريب..




العنود وعبير سكتوا لانهم ما فهموا وش السالفه فا سكتوا..




اما ريم ما فاتها هذا الشي وعرفت ان يقصد رغد..وليد كل شوي يطالع رغد"يا ناس هالعيون تذبح والله تذبح"

وقعد يقلب في الاغاني لما حصل اغنيه راشد الماجد"العيون"



وليد:هذي اهداء خاص لكم يا بنات..




العنود: وليد ممكن اسأل سؤال..




وليد:امري انتي..



العنود: وش متعشي امس اخاف انك متسم..ولا اكيد تعبان..




وليد:مو انا التعبان قلبي التعبان...




عبير:لالا اخوك يا العنود شارب شي..




وليد: اسمعوا الاغنيه وانتوا ساكتين




$$$$$$$$$$$$$$$$$$$$$$




سود العيون كبار والشامه حلوه..شايل جمال الكون وباليني بلوه..

هالعيون وشلونا ميلها..سحر ذوبني بغزلها..
بوسه من عندك حبيبي..تسوى عندي الدنيا كلها..
ياضوى عيوني وحياتي..قلب اقدم هديه..
اطلب اش ما ردت مني..قول وادل علي.
انت مني وانا منك..مستحيل ابتعد عنك..
ابتسم يا بعد عمري..ضحتك ماكو مثلها..
ذاب قلبي بالمحبه..لا تظن عنك اتوب..
طيرت عقلي بغرامك..ياما ذوبت القلوب..
انت حبي نبض قلبي..بس تعال شويه قربي.
يا اعز انسان عندي...واغلى من هالناس كلها



$$$$$$$$$$$$$$$$$$$




رغد خلاص ذابت في مكانها"يقصدني انا ..يعني وليد صدق يحبني يا ويلي وش هالمصيبه الي نزلت علي ..طيب انا ما احبك يا وليد .حرام الي تسويه فيني ..مشكلتي اني ارحمك وماودي اصدمك واقولك اني ما احبك ولا حتى فكرت فيك"




ريم في نفسها:مسكين يا وليد باين حبك لرغد بس ما اظن ان رغد راح تكون لك او تكن لك أي مشاعر غير الاخوه والله كسرت خاطري على ثقالة دمك"




وصلوا بيت عمتهم كانت مكلة فجر ملكه عائليه عشان الزواج يكون كبير فا ماكان فيه احد غريب دخلوا البنات بيت عمتهم..وسلموا على الحريم وباركوا لام فواز ولام فيصل..وطلعوا لعند فجر ودخلوا عليها..




العنود:هلا والله بعروستنا..




فجر وهي خانتقتها العبره:هلا والله بأهلي وعزوتي وناسي..




رغد:مبروك فجوره وعقبال البقيه..




ريم:امين ..مبروك فجوره بعد قلبي والله تكسرين الخاطر..




عبير:ليش شايفتها تشحذ..اقول وخري "وضمت فجر"مبروك يا فجر منه المال ومنك العيال.




فجر وهي خايفه: أي عيال واي خرابيط احس اني بكنسل الملكه الحين..




العنود: لا يا فجير لا تتهورين بعدين اخاف تعنسين..




فجر:بنات خايفه احس اني بموت..




رغد: هدي يا قلبي والخوف شي طبيعي بس سيطري عليه واذكري الله وما راح يصير الا الخير..




ريم:خلاص يافجر اليوم تاكدت ان خلاص راح تتركينا والله ماني مصدقه..




عبير:ريم لا تضيقين صدرها..بعدين هي بتهاجر تراها في بيت خالتك وبتحصلينها في بيت عمتك يعني ما راحت..




العنود:ولو بتصير حرمه وتجلس مع العجايز واحنا ما نخلي متزوجات معانا يخربونا بعدين.




دخلت نوف:الحين اكيد مجتمعين على اختي ومحجرين لها عشان تضيقون صدرها..




رغد: افا وش قالوا لك يهود ما نحس..




ريم: صح احنا عرابجه بس مو لدرجة عديمين الاحساس..




عبير: كل واحد يتكلم عن نفسه انا من اليوم وطالع ما راح اروح الا مع نوف وشجون..




رغد:صح ذكرتيني اتصل على الهنوف مابعد جات..واتصلت عليها..




رغد: الو..




الهنوف: هلا والله..




رغد:وينك؟؟




الهنوف: انا قريبه تعالي عند الباب استقبليني انا والوالده..




رغد:لا تتدلعين وتشرطين..




الهنوف: مو من حقي ولا...




رغد: الا من حقك واذا الهنوف ما تدلعت من يتدلع..




العنود قاطه:انا..




رغد: وع مالت عليك....اقول الهنوف الحين انا نازله يله باي..




الهنوف:باي..




ونزلت رغد عند الباب..




ودخلت الهنوف وامها سلمت رغد على ام تركي:هلا والله خالتي..




ام تركي: هلا بنيتي وش اخبارك عساك بخير..




رغد: بخير تفضلي خالتي الحريم قدامك..




الهنوف: اهلين..




رغد: هلا والله وغلا..




الهنوف: وحشتيني يا رغودة قلبي..




رغد: اليوم شافتني في المدرسه..بس تسلمين..




الهنوف: عاد جامليني شوي..




رغد: هههه طيب تفضلي..




الهنوف : زاد فضلك..




رغد: اخوك دخل عند الرجال..




الهنوف: اكيد..




وتوهم بيدخلون الا رن موبايل رغد..




رغد: الو..




ام مشاري: رغد..




رغد: هلا..




ام مشاري: قولي للسايق يجيب الاغراض الي وصيته عليه..سمعتيني قلبي..




رغد: ابشري يمه مع السلامه..




رغد: هنوفه قلبي تفضلي وانا الحين بجيك بعد شوي اوكي..




الهنوف: اوكي..

راحت رغد جابت لها طرحه عشات تكلم السايق عند بوابة الرجال..



رغد: راجو.....راجو..

انفتح باب الرجال..
رغد وهي تعدل الطرحه زين :راجوا اسمع....................
تركي: اصير لك راجو اذا بغيتي..

رغد منصدمه: تركي..
تركي دخل شوي: ا نشا الله كنتي بتكلمبن السايق كذا"وقعد يطالعها من فوق لتحت وفستانها القصير..
رغد استحت ومات حيا بس تكابر: اولا مو عيب عليك تطالع ناس مو محارمك ثاني شي كيفي انا حره..
تركي عصب شوي: لا مو كيفك وش تبين منه..
رغد: يا ربيه وانت وش عليك..
تركي: حرمتي كيفي<<زلة لسان..
رغد صار وجهها احمر وموف من الحيا وراحت عنه..
تركي وهو يطالعها..وهي تمشي"يا حلوها..ولابسه قصير بعد شكلها تبيني احفر قبري في بيتهم.اخ الاسود والابيض اعشقه يا ناس من بعد ماشفته عليها..بس صدق اني ما استحي شكلي صدقت انها حرمتي..ماعليه قريب انشالله وتصير حرم تركي.."
قطع عليه وليد...
وليد وهو ماله خلق:تركي تفضل..ليش واقف..
تركي"اوف وش يبي هذا":زاد فضلك..
دخلوا مجلس الرجال الي كان مليان سلم تركي على فيصل وابوه وابو فواز وفواز وطلال وبارك لهم..وجلس يدور سليمان..
تركي: شكله ما جا..
مشاري: تقصد سليمان..
تركي: ايه..
مشاري: توني متصل عليه يقول قريب..
تركي:زين..
&&&&&&&&&&&&&&&&&&&&
عند الحريم..
دخلت رغد وجها احمر وموف وازرق ..كل الالوان فيه شافتها الهنوف وراحت لها..
الهنوف: خير وش فيك..؟؟
رغد: هاه ابد سلامتك..
الهنوف: رغد وجهك مو طبيعي وش فيك؟؟
رغد تدور تصريفه: آآآآ اقول وش رايك نروح للبنات. br رغد توهقت ما تدري وش تقول..والهنوف حست ان رغد ما راح تتكلم. br الهنوف: يله..
وطلعوا البنات فوق وباركت للعروس لاختها نوف..
نوف: عقبالكم انشا الله..
الكل:آمين..
شجون: تقولين مشفح..
نوف: شويه عليهم..
ريم: رغد وش فيك ...فيك شي؟؟
رغد: لالا ما فيني شي..
ريم: انتي اليوم موطبيعيه..
رغد في نفسها" المشلكه كلها جات في يوم واحد الاقيها من وليد ولا من تركي ...والله فشله من بقى ما شافني"
ريم تهمس لها: ما دريتي سليمان اليوم بيجي..
رغد تتطنز: صدق!!!...طيب وش اسوي فيه..؟؟
ريم: اقسم انك بايخه..
رغد: وان صادقه عند ربي وش اسوي فيه..
ريم عصبت: اروح عند عنيد ابرك لي..
عبير: اقول بنات خلونا نزل ونرقص ترى الدي جي تحت شي.
ريم: يله..
فجر: لالا لا تخلوني..
العنود: احسن انطقي لحالك ويجي فيصل ويذبحك ه ه ه هأي<<من جد نذله
فجر بخوف: لا لا صدق اقعدوا عندي..
نوف: فجر ما عليك منها احقريها هالنذله انا بقعد عندك..
فجر: والله هذي الاخت السنعه..
ريم: فاضين نقعد عندك حنا جاين نبسط ونرقص ونتميلح عند الحريم عسى وحده فيهم تخطبنا لولدها...اقول عبير امشي نترزز..
عبير: وانتي صادقه اخاف اعنس عشان فجير ودلعها الي مدري من وين طلع..
رغد: نشوف اذا تزوجتي وش بتسوين..
عبير: عادي وش بسوي يعني..بأنبسط وافلها وبرقص بعد..
العنود: ايه هين....بس خلونا نزل..
ونزلوا تحت وقعدوا يرقصون ويستهبلون ولا تخلوا من الضحك على رقص البنات الثانين..
العنود: شوفي شوفي هذي هههههههه..
ريم: أي والله شوفيها هههههههه..
عبير: وينها؟؟
ريم: صدق انك حولا ..شوفيها الي لابسها مدري وش لونه بني ما ادري وش لونه بصراحه..
عبير: هاذي هههههههههههههههه "وضحكت بصوت عالي"
رغد لفت عليهم: وجع انشا الله فشلتونا عند الحريم.
الهنوف: لو تموتون ما خطبوكم..
عبير: لالا خلاص بعقل اخاف اعنس..
العنود: والله هالبنات تحف..
ريم: خلينا نقوم ونرقص ونحرهم..
العنود:يله..
وقاموا يرقصون ويمشون ويصقعون خلق الله...والبنات منقهرين منهم لان رقصهم احلى ..وعبير ميته ضحك عليهم وما رقصت معاهم يقال لك عشان يقولون عنها تستحي وعاقل ويخطبونها..
وصلت مها اخت سليمان ومعها اختها نجلاء الي ماجات يوم الشاليه..
ريم وقفت رقص..
العنود:وش فيك..؟؟
ريم: جات مها....
العنود مستغربه:طيب؟؟
ريم: لا بروح استقبلهم..
وراحت ريم تسلم عليهم..
ريم: هلا والله خالتي..
ام سليمان: هلا والله بنيتي مشا الله وش ذا الزين..
ريم: الله يسلمك خالتي...تفضلي..
ام سليمان: زاد فضلك..
ريم: هلا والله بمها كيفك وش اخبارك..
مها: الحمد لله بخير كيفك انتي..
ريم: الحمدلله تفضلي..
مها: تسليمن..اعرفك على اختي نجلاء..
ريم: هلا والله..
نجلاء: اهلين مشا الله احلى من الوصف الي وصفته لي مها..
ريم استحت: تسليمن والله تفضلوا.
نجلا ومها: زاد فضلك..
ريم قعدت تطالع نجلاء كانت نسخة سليمان تشبه مره وقطع عليها تفكيرها..
العنود: من هذي الي مع مها..
ريم: هذي هذي اخت مها..
العنود: تصدقين تشبه اخوها..
ريم ونار الغيره في قلبها: وانتي وش عرفك باخوها.
العنود: انا العنود ما يفوتني شي..بس انتي ليش معصبه..
ريم بربكه: انا معصبه من قال..
العنود: تراني شاكه فيك..
ريم تبي تغير الموضوع:اقول وين عبير ما شفتها بروح اشوفها..
العنود: مصيري اعرف سالفتك يا رويم...
الحريم كانوا يطالعون الاربعه طايرين فيهم ويوم انزلوا نوف وشجون كملت..طالعين كأنهم الولو يهبلون كل وحده فيها ميزه معينه....
&&&&&&&&&&&&&&
عند الرجال ..

جا الشيخ وملك عليهم وفيصل طاير من الفرحه يحس انه عايش حلم ما وده يصحى منه..
طلال: احلى احلى يا المعرس الي خشته شوي بتنشق من كثر ما انت شاقها..
فيصل: ههههه وانت وش عليك غاير..
طلال: وش حقه اغار اخلي ابوي يخطب لي بكره..
فيصل: طيب قم ود الدفتر عند اختك خلها توقع..
طلال: زين لالا تتأمر. br فيصل: معرس يحق لي..
طلال: يارب صبرني على هالنسيب..
فواز: يله قم ود الدفتر ترى اليشخ يبي يروح..
طلال: زين زين..
وراح طلال عند الحريم: احم احم يا ولد..
كل الحريم تغطوا وعبير والعنود ذابوا كان كاشخ مسوي السكسوكه وطالعه سودا معطيته جمال خيالي..والثوب كان مطرز من اطرافه ومن عند الرقبه ومحليه اكثر واكثر..
ام فواز: هلا بغيت شي..
طلال: يمه كل ذولي حريم..
ام فواز: استح عيب تطالع..
طلال: اسمعي يمه ودي الدفتر وخلي فجر توقع وتخلصنا..
ام فواز: زين بنادي وحده من البنات.....عبير...عبير..
عبير انتبهت ان احد يناديها وشافت عمتها وهي واقفه جنب طلال تحس ان رجولها انشلت من الحيا والخوف ورهبة جمال طلال:سمي عمتي..
ام فواز: تعالي خذي الدفتر وديه عند فجر وانا بروح اشوف الحريم..
عبير وبصعوبه قامت من مكانها وصلت عند طلال..
طلال: احم احم هلا عبير وشلونك..
عبير كانت حاطه الطرحه على اكتوفها ومتلثمه والباقي طالع<<ما ادري ليش متعبه عمرها..
عبير: الحمد لله بخير وشلونك انت عساك بخير..
العنود شافتهم يتكلمون وتصير مثل البركان ليش دايم عبير وانا ليش ما اكون مع طلال..
طلال: الحمد لله آآآ<<يدور سالفه........اسمعي ودي الدفتر عند فجر وخليها توقع هنا سامعه..شوفي زين هنا..
عبير تطالعه كانت عارفه انه التوقيع هنا: طيب خلاص..
طلال عشان بس يطول ويقعد يطالع عيونها: لالا شوفي هنا..
عبير تناظر المكان الي يأشر عليه: فهمت والله فهمت..
طلال: ترى اذا ما لقيته في المكان الصح يا ويلك..
عبير: طلال..
طلال بعفويه: لبيه.
عبير استحت: هات الدفتر..
وتوها بتاخذ الدفتر لمست ايدها ايديه حست كأن كهربا صقعتها ا وان الدم توه يمشي بعروقها من لمسته..
طلال ما وخر ايديه كان مبسوط وهو يشوف عيون عبير مستحيه وكان مبسوط وما يعرف ليش..
عبير خذت الدفترمنه بسرعه..
العنود شابه نار وتحس ودها تقوم تصفقهم كلهم بس ما ودها تخسر اختها عشان واحد ما يدري عنها..
طلال: طيب بعدين اذا وقعت خليها تنزل عشان يسألها الشيخ..
عبير: انشالله..
طلال: لو كل البنات مثلك كان الدنيا بخير..
عبير خلاص ذابت:تسلم..
وراحت عند فجر وطقت الباب ودخلت..
فجر مرتاعه: وش ذا الي معك..
عبير: هذا الدفتر توقعين عليه..
فجر حست انها خلاص اذا وقعت بتصير عروس وزوجة فيصل..
خذت القلم وقعت وبصمت وايدها تنتفض وبعدها قاموا البنات يزغرطون: كلوش..
فجر حست بمشاعر فرحه وحست باحساس العروس..
فجر: اوكي.
ونزلت من الباب الي ورا عشان الحريم..
وراحت عند المجلس وسألها الشيخ..
الشيخ: هاه يا بنيتي موافقه..
سكت فجر وفيصل خاف وحس الدم وقف في عروقه.بعدها عاد الشيخ سؤاله..
الشيخ: يا بنيتي فجر انتي موافقه..
فجر: ايه موافقه...
وبعدها رجع الدم يمشي بفيصل بعد ما وقف..
والحريم زغرطوا وام فواز تبكي عشان بنتها كبرت وصارت عروس..
ام فواز: مبروك يمه فجر..
فجر: الله يبارك فيك..
وباركوا لها اخوانها والبنات وطلعت فوق عشان تنزل على الحريم..
نزلت فجر عند الحريم وكانوا البنات حوالينها واختها جنبها وسلمت على الحريم وجلست جنب ام فيصل..
ام فيصل: مبروك يا بنيتي.
فجر بصوت مبحوح: الله يبارك فيك..
وبعدها قاموا البنات يرقصون ويستهبلون ولبسوا فجر الشبكه ا لا الخاتم عشان فيصل يلبسها طبعا هذي طلابات فجر وهي شارطه هالشرط والخاتم ويالله وافقت عليه..
وبعد دقايق دخل طلال وشاف العنود جالسه عند المدخل ومعاها ريم..
طلال: احم احم..
العنود اخذت طرحه كانت عندها وتلثموا هي وريم..
العنود: سم طلال بغيت شي.
طلال: العنود ولا عليك امر تنادين فجر عشان زوجها يبي يجلس معها..
العنود ابتسمت..بس تخيلت شكلها هي وطلال: انشا الله..
وراحت العنود..
وريم فاتحه فمها في طلال كان من قلب طالع شي:كيفك طلال..
طلال: الحمدلله ..انتي رغد ولا ريم..
ريم: لا انا ريم..
طلال: انتي النشبه..
ريم عصبت: نشبه انت يا ثقيل الدم..
طلال: وان صادق كل ما ارفع سماعة التليفون طالعه لي ..انتي ما تملين من كثر ما صرفك..
ريم قفلت معها ماعاد صارت تشوف من العصبيه: طلال اعقل عني لا احط حرتي فيك<<ما شافت سليمان..
طلال : يمه تخرعين شكلك انتي الي معلمه فجر هالحركات..وانا اقول اختي تقلد مين اثرك انتي كل يوم تدقين عليها وتعطينها كورسات في حركات الصعايده..
ريم قفلت معها: الشرهه مو عليك على الي معطيك وجه..
الا بجية العنود: خير وش فيك؟؟
ريم" هالنشبه طلالوه..
العنود: هههههه يا حليله..
ريم: قل الله حلاه قولي امين..
العنود: حرام عليك..
ريم طيرت عيونها في العنود: وش قلتي؟؟
العنود: قلت حرام عليك..
قامت ريم تطالع العنود بنظرات شك: اعترفي ..اعترفي بسرعه..
طلال كان بعيد شوي ويسمع بعض الكلام: العنود..
العنود: سم..
طلال: سم الله عدوك ..ناديتي فجر..
العنود: ايه وراحت تتعدل عقب الصياح وبعدين بتجي..
وطول الوقت ريم كانت تطالع العنود واسلوبها متغير ميه وتسعين درجه..
راح طلال..
العنود: آآآآآآآآآآآآآآآآآه...
ريم: العنود اعترفي مو علي هالحركات ..سم ..ويا حليله..وحرام عليك.والنهايه فيها اهات اعترفي يله بسرعه كاشفتك.
العنود: وش فيك يا ريم.كلتيني بقشوري ..بقولك كل شي بعدين..
ريم: انا اليوم بنام عندكم..
العنود: يكون احسن..


 
قديم 06-27-2010, 10:14 PM   #28

حورة العيون


رد: رواية احلى صدفه في حياتي سعوديه. رومانسيه . كامله


رواية احلى صدفه في حياتي سعوديه. رومانسيه . كامله

وشوي جات فجر وراحت مع طلال ودخلها المجلس ودخلت فجر ورجولها تتصاقع في بعض ومنزله عيونها..
فيصل شاف فجر وطير عيونه فيها كانت طالعه ولا اروع لابسه فستان ابيض فيه موجات وردي خفيفه..وكان مخصر على جسمها وسيع من تحت..كان سيور وفتحة الصدر شوي كبيره.ومسويه تسريحه بسيطه كان مرفوع منه جزء ومسويته تكسير(مثل نانسي عجرم) والميك اب كان هادي وساحر في نفس الوقت..
فيصل: هلا والله وغلا ومرحبا تفضلي..
فجر ميته من الحيا: زاد فضلك ..
وتوها بتجلس مسك فيصل يدها وجلسها..فجر ثبت في مكانها من الحركه حتى التنفس ما عاد صارت تتنفس ..تبي تاخذ نفس ما قدرت لما ترك فيصل يدها..
فيصل كان يطالعها وكأن وده يحفرها بعيونه ويشبع نظراته منها ..يحس ما وده يرمش عشان ما تفوته لحظه...
فجر منزله عيونها .ولما رفعت عينها عليه لقته يطالعها وبنظرات بتاكلها الا شوي...ونزلتها بسرعه..
فيصل: فجر قلبي ارفعي راسك..
فجر قال قلبي ولا ما قاله داخت وراحت عالم ثاني ورفعت راسها شوي..
فيصل: ايه كذا احلى ............وشلونك وش اخبارك.
فجر: الحمد لله...وانت؟؟
فيصل: انا...انا من يوم شفتك وانا بخير..
فجر ابتسمت ابتسامه صغيره بس تدوخ..
فيصل: آآآآه يا قلبي...والله قلبي يعورني.
فجر طالعته بخوف: وش فيك؟؟
فيصل: ابتسامتك تبي توقف قلبي..
فجر: اجل خلاص ما راح ابتسم..
فيصل قرب منها لما صار خلاص ما بينهم شي وتقريبا وجه في وجهها وهمس في اذنها: ليش تخافين علي..
فجر من قرب منها وهي تحس اطرافها جمدوا والدم وقف في راسها وثبت في مكانها وقالت بصوت يمكن هي ما تسمعه:اكيد...
فيصل بعد عنها شوي: اه يا قلبي اليوم يوم فرحك فجر تخاف عليك..
دق الباب..
فيصل : من ذا النشبه..
طلال: النشبه انا يا النسيب..
فيصل : وش تبي؟؟
طلال: ما ودك تلبسها الخاتم..
فيصل: ايوه صح"وناظر فجر شافها لابسه الشبكه ومابقى الا الخاتم" ليش ما خليتيني البسك..
فجر استحت ونزلت راسها..
فيصل : ما عليه الجايات اكثر..
فجر خلاص ما عاد قلبها يتحمل اكثر ودها تقوم وتركض الا مالا نهايه..
طلال: لا تحرج اختي تراها مو متعوده..
فجر طالعته بنظره بمعنى شغلك بعدين...
طلال: ادري ادري والله يا فجر بتذبحني بسبتك يا النسيب بس خذوا الخواتم ولبسوا بعض ترى عندي اشغال..
خذا فيصل الخاتم ومسك ايد فجر حس فيها تنتفض وبارده طالعها وهو مبتسم..
فجر من يوم مسك ايدها وهي تحس انها انشلت من كل شي من التفكير والحركه والدم كل شي فيها وقف الا قلبها..
ولبسها فيصل الخاتم وبعدها قعدت فجر تطالع يد فيصل نست وش تسوي فيها وفيصل كان يستنها..
طلال:ياهوه خلصينا ترى ورانا شياب ازعجونا..
فجر صحت من الي كانت فيه واخذت الخاتم وما مسكت يد فيصل ودخلت الخاتم ودها يدها ما تلمس ايده ودخل الخاتم في اصبعه..بس فيصل مسك ايدها وباسها..
فجر قعدت تطالع فيصل وبعدها طلال..
طلال ابتسم وطلع:ترى المصوره بتجي بعد شوي..
فجر ارتاعت:من قال؟؟؟
طلال: نوف قالت..
فجر في نفسها"هين اوريك يا نويف تسوينها فيني"
ودخلت المصوره وصارت تطلب منهم يسون حركات وفجر ما بقى فيها شي من صغرها من الحيا..
طلعت فجر واخير وراحت عند البنات وفيصل طلع عند الرجال وقبل كل هذا جا فواز وسحب فيصل سحب عشان يطلع..
&&&&&&&&&&&&&
البنات


ماسكين فجر تحقيق..وش قلتي وش قال وش سويتي وش سوا..
فجر ذكرت نوف:نويف تعالي هنا..
نوف عرفت وش تبي منها بس سوت نفسها ما تدري:خير..
فجر:من قال لك تجبين مصوره..
نوف: انا!!! من قاله..
فجر: احلفي بس..طلال قال لي..
نوف: هذي والله فكرة العنود..
لفت فجر على العنود لقتها مبتسمه:عنيد وش هالحركات..
العنود: هذ جزاي الي قلت عشان الذكرى...الا ما قلتي لي متى بتطلع الصور عشان اتفرج عليها..
فجر: هين تفرجين عيلها..
ريم: فجر لا عاد لاتقولين..كفايه ما قلتي لنا وش صار بعد ما راح تخلينا نشوف..
فجر: ايه احسن تستاهلون..
عبير: صح كلامك يا فجر بس بتوريني انا وياك لحالنا..
فجر: مسكينه حتى انتي..
نوف: والله يكسرون الخاطر ..حرام..
دق موبايل ريم..
ساره: هلا والله..
ريم: اهلين سويره وشلونك..
ساره: سوير في عينك..هاه وش اخبار العروس..
ريم: ساره اسمعي..شوي واتصل عليك..الحين بيشغلون الاغاني وماراح اسمعك..
ساره: اوكي...
وفي نفس الوقت..
سليمان: ابتصل على مها اشوف خلصوا ولا لأ..
تركي: ما ظنيت..
سليمان: بتأكد.........الو..
مها: اهلين..
سيمان: اطلعي باكلمك برى شوي..
مها: طيب بس راح اتاخر شوي..
سليمان: اوكي بس مو مره تراني انطرك..
راح سليمان وقف بعيد شوي عند مدخل الحريم ..وريم طلعت عشات تكلم ساره لان داخل ازعاج...
طلعت وعيونها على موبايلها وتصل عل ساره....سليمان شاف احد طالع توقع انها مها ..ويوم شاف ريم انهبل اليوم طالعه غير عن كل مره كانت عذاب.
ريم كانت لابسه فستان حرير اخضر..لف على الرقبه وفتحة الصدر طويله ونص الظهر طالع وفي الخصر حزام ذهبي روعه ..وبعدين قصير لحد الركبه ولا بسه سندل ربط اخضر وفيه كرستالات ذهبي ..ومسويه ميك اب ذهبي خيالي وتسريحه بسيطه رافعه نص شعرها ومسويته تكسير وفي النهايه شريطه ذهبيه واخضر ..ومن قدام على جنب شريطه صغيره ذهبيه..
سليمان فاتح فمه ومطير عيونه وريم تتجه له وهي ما درت عن هوى داره..
ريم: اهلين سوير..
ساره: اهلين رويم كيفك..
ريم: والله وش اقول لك ماني مبسوطه..
ساره: افا ليش؟؟؟
ريم: عشاني اليوم ما شفت س
سليمان بصوت هادي: افا ليش رورو زعلانه من زعلها..
ريم تلفت يمين ويسار تبي تتأكد انه حقيقه: هاه..
سليمان: اقول ليش رورو زعلانه من زعلها..
ريم"يعني ما تدري":ما شفت...ماشفت ساميه..
سليمان استغرب: ساميه!!!
ريم : ايه ساميه صديقتي من ايام الابتدائي..
سليمان: اها..
ريم نست انها ما تغطت او بالاصح ما تسترت..
سليمان يطالعها ويحاول يشيل عينه عنها بس ما قدر ..
ريم حست ان نظراته غريبه وبعدها انتبهت لعمره: خلاص اوكي انا بروح..
سليمان: طيب ابي اقولك شي..
ريم: آمر..
سليمان بصوته العذب: اليوم طالعه ملكة جمال اقري على نفسك..
ريم حست انها بتطير من الفرحه وابتسمت له: تسلم عيونك الحلوه..
ودخلت ريم وطلعت مها..
سليمان شاق الخشه ومفهي وما يدري وينه فيه..
مها: نعم سليمان بغيت شي..
سليمان: نعم انتي وش تبين..؟؟
مها: سليمان وش فيك انت متصل علي وش تبي؟؟
سليمان: انا متصل ما اذكر<<شكله فقد الذاكره..
مهاعصبت: اذا قصدك تستهبل ترى مو رايقه لك..
سليمان تذكر: ايه صح كنت بسألك خلصتوا؟؟
مها: عشان كذا مطلعني صدق انك سخيف..لا ما خلصنا..
سليمان: طيب اذا خلصتوا اتصلوا علي اوكي..
مها: زين..
ودخلت عند الحريم.....ريم من دخلت وهي في عالم ثاني ..
العنود: رويم وش فيك فاتحه فمك..على الاقل سكريه..
ريم: ما اقدر..
العنود: ليش؟
ريم: كذا ما اقدر..
العنود: تبيني اساعدك...
ريم: تصدقين اني اليوم مبسوطه بشكل مو طبيعي..
العنود: حتى انا بشكل خيالي واكيد الي باسطك الي شاكه فيه..
ريم قرت تعترف للعنود اذا اعترفت لها: طيب انا راح اقولك اذا قلتي لي وش عندك..
العنود: اوكي اذا رحنا بيتنا انشا الله راح يكون يوم الاعترافات..
وبعد كذا دخلوا الحريم للعشا وكان بوفيه كامل ..فيه كل الي يحبه قلبك..
وبعد العشا راحوا الحريم وما بقى الا الاهل..
ام مشاري: ما اقول الا الله يسعدهم ويوفقهم..
ام فيصل: امين..
ام فواز: امين اهم شي التوفيق..
&&&&&&&&&&&&&&&&&&&&&&&&
عند البنات

شجون:واخيرا يا فجر صرتي مرت اخوي..
فجر مستحيه: هههههه..
نوف: فجر تصدقين لحد الان ما صدقت وما استوعبت انك تزوجتي..
فجر: طيب عادي مو لازم تصدقين..
العنود: الله يعينك يا فجر سمعت ان فيصل شري وعصبي وايده طويله ويطق على اتفه الاسباب..
فجرخافت: لالا ما اتوقع انه كذا.. لا تخوفيني..
شجون: ما عليك منها اصلا هي غايره منك وفيصل اخوي اطيب واحن قلب في الدنيا..
فجر: ادري زوجي واعرفه زين..
ريم: بدينا بدت حركات اني ادافع عن زوجي..
رغد: خلونا شوي من فجر بكره تجهزوا عشان دبي..
الهنوف: واي وناسه..
العنود: انا شنطتي مجهزتها من امس..
ريم: الله..من امس وش دعوه..
العنود: يقال لكم متحمسه..
ريم: وعبير؟؟
العنود: يعني ما تعرفينها امي الي ترتب شنطتها ..هي ما تشتهي تسوي شي..
عبير: العنود والله فيني النوم خلينا نرجع..
ريم: صح ذكرتيني بروح اقول لامي اني بنام عندكم..
رغد: بتنامين؟؟
ريم: ايوه..
رغد: انا معك...
ريم: ياربيه وانا وين ما اروح انتي وراي وراي ..ياربي وش هالعيشه..
رغد: اعصابك بعدين وش دخلك فيني انا حره انام في أي بيت يعجبني..
ريم: كيفك انا راح انزل اقول لامي ..العنود تعالي معي..
العنود: يله..
نزلوا عند ام مشاري..
ريم: ماما..ماما..
ام مشاري: هلا ..
ريم: ماما ..ممكن تخليني انام عند عمي اليوم..
ام مشاري: وش حقه تنامين عندهم..بعدين ارجعي البيت وجهزي شنطتك واغراضك..
ريم: اذا على الشنطه بكره برجع بيتنا من الظهر واجهزها..بس الله يخليك خليني انام عندهم..
ام مشاري: روحي خلاص عورتي راسي..
ريم: هيّّّّّّّّّّّّّّّّّّّّّّّا عاشت امي..
العنود: مشكوره خالتي يجي منك اكثر..
ام مشاري: ليش ذابحه ابوك انا..
العنود: مو هم يقولونها..
ام مشاري: روحي الله يهديك ترى راسي بينفجر منكم..
ريم: والله انك تحفه يا بنت عمي هذي يقولونها اذا سبك احد..
العنود: اها وانا على بالي يجي منك اكثر يعني شي زين..
ريم: امشي امشي ادري ان مخك قوطي..
العنود تضربها: انا مخي قوطي...
ريم: لالا خلاص مخك درج ولا يهمك..
العنود: ريم ترى وصلت معي ترى بأرفسك لين توصلين بيتنا وفي السرير بالتحديد..

لهنوف: انا راح امشي..
رغد: صدق ليش تو الناس..
الهنوف: أي تو الناس طالعي الساعه حوالي ثنتين وزياده..
رغد: طيب بجي واوصلك..
ونزلت مع الهنوف..عند مدخل الحريم شافت رغد تركي وهو طالع بس ما شافها..
الهنوف: رغد...رغد...
رغد: هاه..هلا بغيتي شي..
الهنوف: اتذكر انك جايه تودعيني مو جايه تطالعين اخوي..
رغد: هههههه سوري .يلا روحي بيتكم مع السلامه..
الهنوف: هين اوريك ..المشكله ما اقدر على زعلك مع السلامه..
رغد: هنوفه امزح مع السلامه يا قلبي..
وراحت....
وبعدها نفس الحركه ودعت ريم مها وشافت سليمان طالع بس عي شافته ضاعت علومها لان الي كانت بتوصلهم راحوا وخلصوا حتى الوداع ما ودعتهم واقفه عند الباب لحد الان..
عبير جات من وراها تبير تخرعها: بوه..
ريم: بسم الله الرحمن الرحيم خير وش هالحركات..
عبير: من تطالعين عند الباب..
ريم بربكه: انا ...مين اطالع...انا كنت....انا كنت اشم شوية هوا..
عبير: والهوا بس برى.
ريم: اقول وخري عن طريقي بروح اشوف البنات ازين لي..
عبير: ههههه اقص ايدي اذا ما كانت تطالع احد...
وبعد حوالي نص ساعه راح كل واحد على بيته وريم ورغد رجعوا مع بنات عمهم..
&&&&&&&&&&&&&&&&&&&&&&&&&
في بيت ابو ماجد..


وليد:العنود بنات عمي عندنا..
العنود: ايوه بنامون عندنا..
وليد والابتسامه شاقه الوجه: اوكيه خلاص مشكوره يا قلبي..
العنود:على ايش تشكرني؟؟!!!!!
وليد: عشانك اختي..
العنود: لا الولد انهبل وقام يقط خيط وخيط..روح نام شكلك يومين مو نايم..
وليد في نفسه"وين انام وانا ماشفت رغوده"
&&&&&&&&&&&&&&&&&&&&&&
في غرفة البنات...

بدلوا البنات ملابسهم ولبسوا بجايم من بجامات عبير لان العنود شوي مليانه..
رغد طلعت عليها البيجامه كبيره شوي لدرجه ان البيجامه تطيح من عند الكتف بس شكلها وهي فيها يهبل طالعه وكانه وحده صغيره.
ريم نفس الشي كبيره عليها بس احسن من رغد..
عبير: بنات من جد اسكتوا شوي خلوني انام..
ريم: قومي اجلسي معانا..
عبير: اقولك بنام ما تفهمين..اليوم مداومين وتعبانين..حشى ما تعبتوا..
رغد: بسم الله علينا من عينك قولي مشا الله..
عبير: مشا الله بس اسكتي انتي واختك..
دخلت العنود..
ريم: عنيد وين راح ننام فيه..
العنود: وش رايكم تنامون في الغرفه الي جنبنا فاضيه وفيها سريرين..
رغد: اوكيه حلو..
ريم: نسهر هني واذا جانا النوم رحنا ننام..
العنود: اويه ريم تعالي جنبي..
ريم راحت عند العنود على سريرها وانسدحوا جنب بعض وقعدوا يسولفون..
رغد حطت يدها على خصرها: مشا الله وانا اجلس مع مين؟؟
ريم: روحي نامي ازين لك..
العنود: ويكون احسن..
رغد: والله من النذاله..ليتني ما جيت بس..
العنود تهمس لريم: اقول تراني رحمتها خليها تجلس معانا..
ريم: لالا خليها تنام ازين لها ولنا..
رغد: انا رايحه يا الخانيات<<من جد تكسر الخاطر..
رغد طلعت من الغرفه ومشت لقت غرفه مفتوحه..دخلتها وطفت الانوار وسكرت الباب وتغطت بالبطانيه..
شوي الا الباب انفتح ..رغد توقعته ريم..رغد ما حاولت تشوف مين الشخص..شغل الانوار قام وحط كريم على يديه ولبس البيجامه وهو يلبس السروال بدون القميص..وما انتبه ان في سريره احد..طفا الانوار وشغل الابجوره وفتح الحاف ورقد وغطا وجهه





@@@@@@@@@@@@@@@@@@@@@@@@@@@@@@ @@@

" نهاية البارت




 
قديم 06-27-2010, 10:20 PM   #29

حورة العيون


رد: رواية احلى صدفه في حياتي سعوديه. رومانسيه . كامله


رواية احلى صدفه في حياتي سعوديه. رومانسيه . كامله

الجزء الثالث والعشرون


رغد كانت لافه وجهها من جهة اليمين والشخص لم جهة اليسار..رغد ما قدرت تتحمل كان ودها تقوم وتهزء ريم ..صبرت شوي..وصبرت بعد لما خنقتها العبره ولفت على جهة الشخص..
رغد وهي تدف الشخص: ريم.....رويم....
الشخص سمع الصوت..ما استوعب ويقول في نفسه"لالا شكلي اتخيل"
رغد: ريم ادري انك صاحيه لفي علي خلينا نتفاهم..
الشخص في نفسه" هذي حقيقه ولا يتهئ لي..اخاف جنيه بس.."
رغد قربت من الشخص اكثر:ريم ردي علي قسم بالله سخيف..
الشخص" لالا اكيد انها هي..بس وش اسوي الف عليها ولا لأ"
الشخص: احم احم..
رغد انصدمت من الصوت: ريم لا تستهبلين علي ترى ماني ناقصتك..
لف الشخص عليها ورفع نفسه شوي وتسند على السرير ورجع شعره على ورىوكان نص البطانيه نازله ..وطالع صدره وشعر الاسود ابتسم لها: عيونه...
رغد تطالع منصدمه وخصوصا انها لازقه فيه.صارت تفتح وتغمض وتمنى انه حلم او خيال او طيف او أي شي بس ما يكون حقيقه:آآآ .....وليد..
وليد بهدوء: هلا..
رغد بعدت شوي: وش جابك هنا؟؟؟
وليد: ههههه وش جابني هنا..هذي غرفتي..
رغد بسرعه قامت عن سريره وكان شعرها منثور على اكتافها وكتف البيجامه طايح وجهها احمر من الحيا:آآآ
وليد خاف عليها وقعد يطالعها وخصوصا ما كان في نور غير نور الاباجوره<<جو رومانسي...
وليد: حصل خير ...تصدقين يارغد انا احب غرفتي..هي الي جمعتني فيك اول مره وهذي المره الثانيه..خلاص ما راح اغيرها طول عمري..الا لما تجين وتسكنينها انشا الله ..
رغد مطيره عيونها: ايش؟؟وش قلت؟؟
وليد: مثل ما سمعتي يا بعد عمري والله..
رغد ركضت بسرعه لما وصلت عند الباب..لفت عليه وطلعت..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
عند ريم والعنود...

اول ما طلعت رغد من عندهم..
ريم: ايوه قولي لي وش سالفة طلال..
العنود: احم..مافيه سالفه..
ريم: عنيد بلا بياخه بسرعه..
العنود: بصراحه يا ريم انا متردد ه اني اقولها..
ريم: سرك في بير بس قولي حرقتي اعصابي..
العنود: ريم انا..........انا....انا احب طلال..
ريم مصدومه ما توقعت ابدا ان العنود ممكن تحب احد: أيش؟؟
العنود: ريم مثل ما سمعتي..
ريم: بصراحه ما توقعتك تحبين ابدا..
العنود تغني: سواها قلبي يا حبيبي وحبك ما طاعني وانا عن الحب ناهيه..
الظاهر انه ما يبي غير قربك عاف الجميع واول الناس راعيه..
عليه ما وصيك لا صار جنبك صبح عليه بحب وبحب مسيه..
نبضه وفا وتضحيه كانه يعجبك صافي ولكن ما لقى من يصفيه..
خلا دروب الكل واختار دربك داريه تكفا قد ما فيك داريه..
وابشر بقلبن ما يبي غير قربك يموت وغير محبتك ما سكن فيه..<<قايله لكم من زمان الاخت طقاقه..
ريم تغني معها: ههههه يا حبي لك يا عنيد طيب انتي متاكده انه حب مو شي ثاني مثلا اعجاب..
العنود: والله ما ادري عن الحب والخرابيط بس احس اني لما اشوف طلال احس اني في عالم ثاني ما فيه الا انا وهو وبس..
ريم: احلى يا لرومنسيه ..طيب عبير تدري..
العنود: لالا ما تدري واصحي تقولين لها لما اتاكد من شي.
ريم: وشو الشي؟؟
العنود: وش القافه لازم كل شي تعرفينه..بعدين تعالي تسحبين الحكي مني وما قلتي لي وش سالفتك..
ريم: انا سالفتي سالفه مع سليمان..
العنود: تحبين سليمان!!
ريم: اموت فيه...بس لو تدرين كيف التقينا ما تصدقين تقولين هذا شي خيالي مو حقيقه..
العنود: قولي تكلمي شوقتيني..
ريم: تتذكري قد مره انحشنا من زمان من المدرسه انا ورغد يوم كنا صغار..
العنود: ههههه ايه يا حليلكم والله خطيرين..
ريم: ايوه قرنا ان نعيدها مره ثانيه قبل مدري كم شهر..
العنود: ايوه وبعدين..
ريم: المهم جهزنا العده للنحشه من المدرسه..انحشت انا من مدرستي عشان اطلع رغد من مدرستها"وكملت ريم السالفه للعنود"
العنود: قولي والله!!!
ريم:والله....
العنود: ايوه وكل هذا صار ولا قلتي لي يا الخاينه..
ريم: في البدايه من الخوف ما قلت لاحد بس بعدين نسيت السالفه..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
نرجع عند رغد..
رغد اول ما طلعت وسكرت الباب وقفت عنده وحطت ايدها على صدرها عسى انها تهدي نبضات قلبها: اوه..
طلع ماجد من غرفته وشاف رغد وباين عليها علامات الخوف وقف في مكانه..
رغد بعد ما حست انها هدت راحت لغرفة العنود ودها تقوم وتذبحهم لانهم هم السبب في الي صار لها.
ماجد: وش وقف رغد عند غرفة وليد..خليني اروح اشوف..
بعد ما شاف رغد راحت..راح هو لغرفة وليد وفتح الباب.
وليد لف تامل انها رغد رجعت<<في احلامه..
دخل ما جد وشغل الانوار وسكر الباب..
وليد يوم شافه ماجد: خير وش جابك..فيني النوم..
ماجد: وش جاب رغد في غرفتك..
وليد ارتبك: من قاله؟؟؟؟
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
نرجع لعند رغد..
مشت ورجلها تخبطها في الارض من العصبيه لحد غرفة العنود وفتحت الباب بقوه..
ريم والعنود نقزوا من اماكنهمن الخوف..
رغد: الحين انتي وياها داقينها سوالف ومخليني....وبعدين تعالي يا عنيد ما قلتي لي أي غرفه بنام فيها هاه..
العنود : اهدي اهدي وش فيك تصارخين..
رغد: عشانكم ما شالله فالينها وانا زارعيني هناك المهم وين الغرفه..
العنود: ليه تو وين كنتي..
رغد ارتبكت وصرت تصارخ عشان ما يبان عليها: ما عليك مني في جهنم انشا الله وش عليك..المهم وين الغرفه..
العنود تنرفزت من اسلوب رغد: رغد تكلمي زين لا اقوم وادوس في بطنك سامعه..
رغد خنقتها العبره: ريم " وبكت"
ريم قامت وحضنت اختها..
ريم: رغد وش فيك؟
رغد ما تكلمت بس تبكي..
العنود رحمتها وقربت من عندها : رغد وش فيك تبكين..
رغد طالعت العنود وتذكرت وليد والموقف الي صار لها ورجعت تبكي اكثر..
ريم خافت: رغد والي يسلمك قولي وش فيك؟؟
العنود: رغد عشانا تركناك لحالك..
رغد لقت لها عذر: ايوه..
ريم: يا بعد عمري والله..انا السبب قالت لي العنود خليها ونا قلت لا.
رغد حقدت على ريم: اصلا كله منك يا الدوبه..
العنود تسوي نفسها تكلم بزر:يا قلبو انتي ..هدي يا بعد عمري والله..واقعدي هنا لما بكره..
رغد ابتسمت من اسلوب العنود: العنود اعقلي عني..
ريم: ايوه نبغاك كذا يلا عاد اضحكي..
العنود: والله من الدلع تبكين..عشانك ما قعدتي معنا اجل لو اني مصفقتك وش بتسوين..
رغد: اذبحك..
العنود: ايه هين...المهم اسكتي ترى عورتي راسي..
ريم: شوي شوي على اختي..
رغد: لو اني رايحه لبيتنا احفظ لكرامتي..
العنود: لالا عاد وش دعوه كرامتك محفوظه وعلى راسي من فوق..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
نرجع اعند وليد..
وليد: من قاله..
ماجد: محد قال لي انا شايفها واقفه عند الباب وباين عليها خايفه..وليد تكلم وش صاير..
وليد: ما صار شي يا ابن الحلال..
ماجد: وش عندها في غرفتك...قلي انا اخوك..
وليد: السالفه وما فيها انها دخلت غرفتي بالغلط وبعدين دخلت انا ولقيتها فيه وهي خافت وطلعت بس هذي السالفه كلها..ارتحت..
ماجد: اكيد بس كذا..
وليد بقلة صبر: ايه..
ماجد: اجل يله انا طالع..
وليد: سكر الانوار والباب..
طلع ماجد..
وليد: آآآآه...انا ورغد كنا سوى وفي سرير واحد ما اصدق ..كانت جنبي ولازقه فيني...آآآآه يا رغد ذبحتيني والله ذبحتيني..شعرها..شعرها كان منثور على اكتافها والدلع والنعومه والحيا..يا ربي ياربي هالبنت بتجلطني.ياناس اموت فيها اعشقها..احبها..اهواها..كل شي كل شي..اخ يا رغد متى يجي اليوم الي بيجمعنا مع بعض..انتي وانا وبس..
وابتسم ونام على نفس المكان الي كانت رغد فيه وحلم احلام يتامل انها تحق...<<توقعون بتحق..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
عند البنات..
كملوا البنات سوالف..وقامت عليهم عبير وطردتهم برى الغرفه وسكرت الباب..وبعدها راحوا ريم ورغد لغرفتهم الي جهزتها العنود..ورغد يا عمري عليها اول ما دخلت تاكدت ان الغرفه فاضيه وانها ماهي غرفة احد<<ما تنلام..
وكل وحده راحت لسريرها..ريم نامت على طول لانها من الصباح قايمه للمدرسه بعدين الملكه يعني بالعربي هلكت..
حتى رغد كان فيها النوم بس ما قدرت تنام كانت تفكر بوليد:" وليد يحبني وانا متاكده من هالشي وباين في عيونه انه صادق..بس يا وليد انا ما احبك ولا اتوقع اني في يوم بحبك..وانا ما اشوفك غير اخ لا اكثر..ياربي محتاره ايش اسوي معاه.. اخاف اقوله اني مستحيل احبك واجرحه واذا سكت اخاف يتعلق فيني اكثر...وبصراحه اصعب حب في الحياة الحب من طرف واحد..والله انا حاسه فيك يا وليد.بعد انا مشكلتي اني ارحمه وجه من الله ينرحم..احس اني ما اقدر اقسى عليه او ابعده عني قلبي ما يطاوعني.آآآآه يا وليد حيرتني معاك" ونامت وهي ما بعد اتخذت أي قرار في مصير وليد..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
يوم الخميس..

البنات ما صحوا الا على العصر..
تغدوا وبعدها قعدوا عند التلفزيون بالصاله ينتظرون سواق رغد وريم عشان يرحون لبيتهم ويجهزون اغراضهم لان الرحله لدبي راح تكون الفجر..
العنود: ريم حطي هالاغنيه احبها تكفين..
ريم: يالله يا العنود ذوقك بايخ وما ودي احطها..
العنود: اقول الشرهه مو عليك الشرهه على الي عطاك الريموت..اقول عطيني اياه..
ريم: ما راح اعطيك اياه..بصراحه ذوقك بايخ وما تحطين الا طق وجلسات خليجيه يا ام الزار..
العنود:الله واكبر من زين الذوق عاد انتي وش تحطين ..هالفديو كليبات الي تجيب المرض..ريم اقول جيبي الريموت بالطيب لا اخذه بالقوه..
ريم: ما راح اعطيك اياه.وش بتسوين..
رغد: تكفون عورني راسي اسكتوا شوي..
عبير: والله مليت..انتوا ما مليتوا كل شوي متهاوشين على شي..
رغد: والمشكله على اشيا تافهه..ريم عطيها الريموت وفكينا..
ريم: لو تموت ما راح اعطيها.
العنود: وانتو ما جا سواقكم عشان تنقلعون<<معصبه ماحد يشره عليها..
رغد: لالا عاد يا العنود وهذا واحنا ضيوفك تطردينا..
العنود: انتي على عيني وعلى راسي..بس اختك شغلي معها..
وقامت العنود وقعدت على رجلين ريم وتحاول تاخد الريموت منها وريم معانده<<راسها يابس..
ريم: عنيد قومي عني يا الدبى كسرتي رجولي..
العنود: عطيني اياه واقوم.يله بسرعه..
شوي الا سمعوا صوت رجال نازل توقعوه ماجد..الا الصدمه وليد كان يطالعهم وعيونه تطلع منها شرار وهذا هو الوحيد الي ممكن يفكهم بصرخه وحده او نظره منه تكفي..
وليد بعصبيه وبحزم: وانتوا وبعدين معاكم ما تملون..العنود قومي عن ريم..
طبعا بدون نقاش قامت العنود..
وليد يكمل: وانتي يا ريم عطي الريموت"وبصوت كله نعومه" رغد...
الكل انتبه ورغد نزلت راسها.
العنود صارتطالع وليد ورغد الي منزلها راسها..
العنود: وش معنى رغد بدون صراخ واحنا بطيرنا من مكانا من لسانك..
وليد يصرف: انتي صيري مثل رغد وبعدين يصير خير.
ونزل الدرج وراح وجلس على كنبه مقابله لرغد.
رغد ميته حيا ما تحب احد يطالعها وعدلت حجابها..وغير هذا كله متوتره لان الي جنبها موناس عادين الي جنبها ريم والعنود وعبير..اكيد ما راح يخلونها من غير تعيلقات او احراجات..
وليد يدور سالفه يسولفها مع رغد: رغد راح ترحون بيتكم الحين..
وقبل ما تجاوب رغد جاوبت ريم عناد: ايه بنروح الحين..
وليد: انتي من كلمك...
ريم: والله انا حره..وبعدين انت سألت وانا جاوبت وخلاص..
وليد في نفسه" هين يا رويم اوريك"
العنود: وليد اخوي حبيت ا ذكرك بشي كانك نسيته.
وليد استغرب: ايش هو..؟
العنود: التلفزيون من هنا"وتاشر عليه" مو من هنا"وتاشر على رغد"
وليد لقاها فرصه وخربها: وفي احد يحصله يطالع القمر ويتركه..
العنود بصدمه: وليدوه..ترى كلامك انشالله راح يوصل لوزارة الداخليه"تقصد امها"
عبير مصدومه ما تقل عن صدمة العنود من جرأة اخوها: وليد انهبلت انت وش فيك.صاير لمخك او عقلك شي..خير انشالله وينى فيه..
وليد برأه:ليش!! انا وش مسوي..
العنود: وكل هالكلام الي قلته ولا سويت شي.
وليد وبكل براه: عادي..هذا الصدق تبيني اكذب..
عبير: لالا ..لاتكذب الكذب حرام ..بس انشالله راح تتعلم الصدق على اصوله لما يدري وزير الماليه"تقصد ابوها"
وليد خاف: وزير الماليه...اجل اقوم احسن لي قبل لا تدري وزراة الدفاع والطيران..
العنود: يكون احسن وكل ما اسرعت اكثر..كل ماكان احسن وما ينتشر الخبر اكثر..
ريم كانت ساكته لانها حاقده على وليد لانه مو اول مره يصرخ عليها.
اما رغد يا عمري على حالها ما تدري وش تسوي تقوم ولا تجلس وخصوصا كل ما شافت وليد تذكرت موقف امس الي ما قد صار لها مثله ولا تتوقع راح يصير لها موقف محرج مثله..
طلع وليد وبعده بخمس دقايق وصل سواقهم وراحوا معاه لبيتهم..
بعد ما طلعوا ريم ورغد..
عبير: اقول عنيد تتوقعين وليدوه يحب رغد..
العنود: يالله انتي مغبره..من زمان ميت فيها ..
عبير/ وانتي تعرفين؟؟
العنود: منذ مبطي ..بس انتي الله يخلف عليك ما تدرين وين ربي حاطك فيه..
عبير: بس وليدوه طالع جرئ بزياده..
العنود: عاد الصراحه ما ينلام رغد تهبل تاخذ العقل..
عبير: في هذي صادقه بس عاد يمون بزياده..
العنود: لا تخافين بوقفه عند حده.
عبير: اقول روحي زين تو بغى يطيرك بس بصوته..مره ثانيه لا تستقوين على الفاضي..
العنود: لا من شوي كنت انا الغلطانه..اما الحين هو الغلطان وامسكها عليه لحد ما يقول التوبه عمتي العنود..
عبير: يا جعلك ما تمسكين علي شي..
العنود: اصلا انا ادور الزله عليك..
عبير: بالحلم يا بابا بالحلم..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
في بيت ابو مشاري..

كان الوقت بين المغرب والعشا ..تذكرت اغنية بين العصر والمغرب مرت لمك خياله<<مغبره صح..
ام مشاري: هاه..انشا الله جهزتوا اغراضكم كلها..حق عشر ايام..
ريم بثقه: لالا انا جهزت حق 15 يوم لاننا راح نقعد هناك 15 يوم..
ام مشاري: من قاله؟؟
ريم وبكل ثقه: انا اقوله..
ام مشاري: مالت عليك..
ريم: يمه صدق راح نقعد هناك 15 يوم انا راح اكلم ابوي..
ام مشاري: وش حقه 15..عشره تكفي..
ريم: يمه هذي دبي دبي ..تعرفين يعني شنو دبي..
ام مشاري: واذا..؟
ريم: يعني كل يوم مجمع..كل يوم طلعه..كل يوم مكان ما راح نمل ابد..
ام مشاري: ابسأل ابوك اول..
ريم: عاد انتي يا عمري يا ماما مو تسألين بس حاولي فيه يعني يبيله شوي ويوافق.
ام مشاري: انا بسال وبس...
ريم: يمه ليش النذاله..
ام مشاري: ريم وجع انا امك يا الي ما تستحين..
ريم: يمه يمه اسفه والله اسفه قلتها على بالي انك رغد..بس يمه تكفين يا قلبي انتي حاولي في ابوي زين..انا طالعه اشتري اغراض..
ام مشاري: مو تقولين بتشترين من دبي..
ريم: يمه عادي هنا وهناك زيادة الخير خيرين..
ام مشاري: يا ربي هالبنت.ماراح يجيب لنا الفلس الا هي..
ريم: يمه خليك فري.انا طالعه..
راحت عشان تاخذ عبايتها ومرت من عند رغد..
رغد: على وين انشا الله..
ريم: بروح السوق..
رغد: وان شا الله كنتي بتروحين لحالك وما كان عندك نيه تقولين لي.
ريم بعربجيه: طيب وهذا انتي عرفتي ما صار شي..يله بتجين ولا اروح..
رغد: يا ربي هالبنت بتذبحني.اعصابك شوي وتقلبين ولد من كثر ما نتي عربجيه..خلي شوي عندك انوثوه..دلع..غنج..اي شي..
ريم: وبعدين يعني راح نطول ولا شلون..
رغد: هدي هدي يا ام الشباب نمبر (2) ثواني اجيب عبايتي واجي معاك..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
عند سليمان وتركي..
كانوا جالسين في كوفي ويسولفون..
سليمان: تصدق يا تركي ماني مصدق اني راح اسافر مع ريم..
تركي/ تبيني اعطيك كف على وجهك عشان تصدق..تراك ذبحتنا كل شوي ماني مصدق ماني مصدق خلاص عورت راسي..
سليمان: عشانك ما تدري قد ايش انا مشتاق لها ولا كان عذرتني..
تركي يقلد سليمان: تصدق يا تركي اقصد يا سليمان ماني مصدق اني راح اروح مع رغد..
سليمان: حضرتك تتطنز.
تركي: لا اتغشمر هههههههاي حلوه صح..
سليمان: ما ابيخ منك الا تنطيلك البايخ..اقوم واروح بيتنا وارتاح احسن من مقابل وجهك الي يجيب الهم والنكد والحزن..
تركي: اعصابك كل هذا عشاني ما صدقتك..يا اخي صدقتك خلاص بس اقعد..
سليمان: لالا بروح..
تركي: تكفى اجلس.
سليمان يتغلى: لالا..لا تترجاني ما راح اجلس..
تركي: اقول انقلع لبيتكم كأن احد ماسكه..
سليمان: هذا وانا اشوف غلاي عندك..واكتشفت اني ولا شي عندك..
تركي: توك تدري..عشانك خبل..
سليمان تنرفز من جد: الشرهه مو عليك الشرهه على الي اتصل عليك وعزمك وانت مو كفو لا حشيمه ولا كرامه..
تركي وهو كاتم ضحكته: يا ابن الحلال وش فيك عصبت حتي عيونك صار يطلع منها نار......اخ حرقتني هههههه..
سليمان ساكت وعصب زياده لان تركي قاعد يضحك وابرد ماعنده وهو احر ما عنده..
تركي: وانت لا الحين واقف..اجلس يا ابن الحلال.نمزح ..والله نمزح..مشكلتك زعول بسرعه تزعل..
سليمان جلس وهو ساكت..
تركي: احلى الي اليوم بيشوف حبيبة القلب ريم..
سليمان ابتسم بس تذكر ريم: ايه هذي السوالف السنعه..
تركي/ هونت خلاص انقلع لبيتكم..
سليمان: بأحقرك وبجلس عناد..
تركي: صدق متى الرحله اليوم..
سليمان: 3 الفجر..بس تعال قبل اوكي..
تركي: على فكره نسيت اقول لك ترى نواف وسعود راح يكنون معانا..
سليمان: احلف ..متى صار هالكلام..
تركي: والله من يومين سمعوا بس طاري الامارات على طول احجزوا على نفس الرحله.
سليمان: حلو..اجل بيطلع فله.
تركي: تقدر تقول فله ومو فله ..يعني ما راح نقدر ناخذ راحتنا مع حريمنا على الاخر..
سليمان: صح هذي ما جات على بالي..
تركي: واصلا انت قد فكرت في شي طول عمرك مفهي..
سليمان: بدينا...
تركي: لا انتهينا ههههههاي حلوه لا تقول لا..
سليمان: يا لليل ما اطولك..
وكملوا تنطيل على بعض بالكلام لحد ما راحوا لبيوتهم على الساعه 12 عشان يرتاحون وبعدها يستعدون للرحله.
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
في كل البيوت الدنيا حوسه راح ناخذ مقتطفات من كل بيت..
بيت ابو مشاري..
ريم تصارخ: يمه يمه..
ام مشاري: نعم خير وش هالصراخ..
ريم: يمه..شنطتي الي جهزتها قبل ثلاث ايام وينها..
ام مشاري: وانتي مجهزه شنطه من ثلاث ايام ليش؟
ريم: يمه عشان الحماس وش عرفك...بس الشنطه الي مجهزتها قبل يومين لقيتها بس الثانيه ما لقيتها..
رغد: شوفيها عند الخدامه..
ريم: وش وداها هناك..
رغد: وانا وش دراني..
وراحت ريم..
رغد: يمه ما شفتي عبايتي الجديده..الي توني مفصلتها..
ام مشاري: انا حاطتها في دولابك..
رغد: يمه ما لقيتها..
ام مشاري: دوريها زين..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
في بيت ابو ماجد..
وليد: يمه جهزتي شنطتي..؟
ام ماجد: ايه جهزتها..
وليد: وحقت ماجد..
ام ماجد:ايه كل شي جاهز...
شوي الا الاعصار جايهم..
العنود معصبه وطاير شعرها ومرفعه اكمامها وجهها يطلع منه حراراه..:يمه..ترى اذا ما خذتي بنتك عني لاخلي اليوم اخر يوم بحياتها..
ام ماجد وهي خايفه من العنود لانها اذا عصبت حتى ابوها ما تعرفه: و..وليش وش صاير..
العنود: ذبحتني..جابت لي الجلطه كل شي حاشره عمرها فيه واغراضي كلها في شنطتها..هذا غير العجز الي هي عايشته.
ام ماجد: طيب خلاص روحي انتي.
العنود: لا ناديها..
وليد: ما سمعتي امي وش قالت..قالت روحي عن وجهي..
العنود: انت اصلا من كلمك..
وليد: وش قلتي ما سمعت عيديها..
العنود: قلت من كلمك انت..وماني خايفه منك وخله يصير لي شي تراك بتروح في خبر كان لان الخبر راح يوصل لوزارة الماليه"تقصد سالفة رغد"
وليد ما تكلم وطلع معصب من الصبح ما سكتها عليه وتحسف قد شعر راسه انه تكلم قدام العنود..
ام ماجد: عيب هذا اخوك الكبير..
العنود: خليه يولي..انا رايحه ..بس اذا عبير ما عقلت عني..ترى راح تشوفينها مرميه من الدور الثاني..
ام ماجد من جد خافت على بنتها وراحت لعندها..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
في بيت ام فواز
نوف: فجوره قلبي وين الجينز الي شريته امس.
فجر: مدري والله ما شفته<<طبعا هدت من بعد ما انخطبت ونست نصف لعربجيه بس اذا عصبت رجعت نفس اول واكثر..
نوف: طيب..
دخلت ام فواز: هاه حبايبي خلصتوا.
فجر: تقريبا ما بقى شي..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
في بيت ام فيصل..
ام فيصل: شجون خلصتي..
شجون: بس باقي شنطة الملابس..
ام فيصل: اجل من ساعتين وش تسوين!!
شجون: اجهز شنطة الكريمات والميك اب..
ام فيصل: الله يخلف على امً جابتك..وشوله الكريمات هذي كلها..
شجون: اجل تبين بشرتي تخرب..مستحيل اتحرك من السعوديه خطوه بدونها..هي قبلي..
ام فيصل: والله كيفك..
دخل فيصل: اهلين يا احلى ثنتين في العالم..
ام فيصل: هلا بوليدي..تعال اقعد جنبي..
فيصل: هاه جاهزين ترى الساعه2 هناك عشان الاجرات ..
ام فيصل:ايه جاهزين..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
في بيت ام تركي..
تركي جالس عند التلفزيون ورافع رجليه على الطاوله: هنيف قومي جهزي شنطتي..
الهنوف: ما راح اجهز شي..حدي نفسي..
تركي: اقولك قومي سوي الي قلت لك..
الهنوف: تركي ما ابي غصب يعني..
ام تركي: خير وش فيكم..
الهنوف: يمه شوفي ولدك..
ام تركي: تركي كم مره قايله لك لا تزعل اختك وش فيك ما تفهم..اذا جات حرمتك ا نشا الله اكرفها ليل ونهار ..بنتي ما عليك منها..
تركي: حرمتي اكرفها... الا اخلي بنتك تكرف لها وش وظيفتها في البيت اكل ونوم وبس خليها تشتغل عند حرمتي على الاقل نحللها قبل ما تنقلع بيت زوجها..
ام تركي: ليش هي خدامه تحللها..تعالي يمه الهنوف ولا عليك منه..
تركي: المهم جهزوا شنطتي..
ام تركي: جهزتها وخلصت..
تركي: اجل خلاص زين..سكتي البقره الي جنبك..
الهنوف: يمه شوفيه..
ام تركي: عاد انتي بلا دلع خلاص اسكتي..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
في بيت ام سليمان

سليمان: محمد,,,محمد..
محمد كان لاهي يلعب بلاي ستيشن..
سليمان: محمد..ترى بقوم وافصله..
محمد وقف العبه ولف عليه: نعم خير وش تبي؟؟
سليمان: تعال ابيك بشي..
محمد قام وراح عنده وهو منسدح على الكنب.
محمد: وش تبي..
سليمان: تعال همز رجولي شوي تعبان..
محمد: شايفني فلبينيه عندك اهمزك..روح زين..
سليمان: محمد بلا نذاله..
محمد: صدق بايخ"وراح يكمل لعب"..
سليمان في نفسه"هين اوريك" وقام وراح عند التوصيله وسحب السلك لما انفصل..
محمد طفا في وجهه التلفزيون: سليمانوه..
وقام يلحقه وسليمان هج وهم يلحقون بعض طيروا مها وحتى امهم بغت تروح فيها بس ربي ستر..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
واخيرا جات الساعه ثنتين باليل والكل اتجه للمطار وتجمعوا هناك..وانشالله البارت الجاي راح اقول لكم وش صار في المطار والسفره كمان...
@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@ @@@@@@@@@@@@@@@@@@@@@@@@@

" نهاية البارت "

 
قديم 06-27-2010, 10:23 PM   #30

حورة العيون


رد: رواية احلى صدفه في حياتي سعوديه. رومانسيه . كامله


رواية احلى صدفه في حياتي سعوديه. رومانسيه . كامله

الجزء الرابع والعشرون


تجمعت العائلات في المطار الساعه ثنتين بالضبط..اذكركم بالعائلات..
عائلة ابو مشاري..عائلة ابو ماجد..عائلة ابو فواز مع فواز وبدور وعياله شهد وعبد الرحمن.. عائلة ابو فيصل .. عائلة ام تركي..عائلة ام سليمان..مع سعود ونواف بدون اهاليهم..
جلسوا الحريم والبنات في صالة المسافرين وطبعا ملوها ملي ماخذين الاماكن.. والعيال والابوان راحوا كل واحد يضبط اجراتهم للسفر.
واكل وسوالف وصارخ لحد ما اعلن المطار عن رحلتهم..
ريم وهي تاكل:بنات يله يله نادى..
العنود: يله يله..
وراحوا البنات والكل متجهين للطياره<جش ما شا الله..
وبعدها دخلو للطياره وكانوا حاجزين درجه اولى..دخلو البنات هجوم وكل وحده جلست في مكانها..خليني اقولكم عن اماكنهم في الطياره..
من عند الشباك كانت رغد وجنبها الهنوف..وفي الوسط..العنود وريم بعدين فجر..من الشباك من الجهه الثانيه نوف ومها..وقدام العنود كانت عبير وجنبها شجون ولين..العيال كانوا وراهم ما يقدرون يشوفونهم ..الحريم قدام بالمره والرجال متشتين..
عبير بأعتراض:خير ما ابي اجلس هنا..فجر بدليني..
فجر: على كيفك اجلسي بس..لاتجي المضيفه وتطردك..
عبير: ما ابي هنا ابي جنب اختي..
العنود: توني احلى بعينك وبالبيت مطلعه عيوني انطقي في مكانك احسن لك..
شجون: تحمليني شوي..
عبير جلست: والله شجون ما اقصد كذا بس ابي ارجع ورى..
شجون: كيفك..
عبير حست بشجون: ولا تزعلين بأجلس معك ومع هذا كله بوسه على خدك"وباستها"وش تبين بعد..
شجون ابتسمت: معاك اعرفك تحبين تجلسين معاهم..شي طبيعي كل انسان وميوله وارتياحه ما اقدر اغصبك على شي..
عبير: والله انتي تسوينهم كلهم..
شجون: تسلمين..
لين: اوف طفش..
شجون: ليش يا قلبي..
لين: ليش ما حطوني مع مشعل..
عبير كاتمه الضحكه: انا قايله لهم..
لين: والله انك حقيره وتافهه..وسخيفه..
عبير: معك وش علي منك..بس احسن تستاهلين..
لين: اوف تطفشون الواحد..
واعلن كابتن الطياره بربط احزمة امان لانه راح يقلع..
العنود وهي تربط الحزام: ريموه عيى ينربط..
ريم: تراه حزام بسرعه اربطيه..
ومشت الطياره..
العنود وهي خايفه: رويم اقولك ما رضى ينربط معاي..
ريم: طيب وخري خليني احاول..
العنود تصارخ: اقولك وقف ..وقف الطياره بموت..
عبير لفت عليها: اذا ما سكتي والله لا ارميك من الشباك فشلتينا الله يفشلك..
شجون: والمشكله درجه اولى..
العنود: والله ما علي منه خله يوقف لما اربط حزامي..
ريم: طيب انتي وخري عشان اربطه..
العنود: يله ورينا..مع اني اشك ان حزامهم خربان..
ريم وسكرت الحزام: والله مخك الخربان..
العنود: سكرتيه زين..اخاف اموت..
ريم: انتي راكبه قطار الموت ولا طياره..
العنود: يعني مسويه ما تخافين..
ريم بدلع: حبيبتي انا متعوده..
العنود: والله من الفقش كلها مره او مرتين..
وبعدها اقلعت الطياره..
والعنود متمسكه في ريم ومغمضه عيونها..
ريم: وبعدين ترى فشلتيني..
العنود: تحملي محد قالك تعالي جنبي..
فجر: على ايش كل هالخوف عادي.. اعتبيريها مغامره,,
وبعد قايق..
ريم: خلاص فكيني بنوصل وهي متمسكه..
العنود فتحت عيونها: خلاص اقلعت..
ريم: من سنة جدي..
العنود: ايه اشوا..
وفكوا احزمة الامان..
ريم: تصدقين احس اني جايعه..
فجر: توك بالعه..
ريم: ولو..احس اني جايعه..
العنود: حتى انا من الخوف جعت..
عبير: حتى انا..وين المضيفه..
ريم: ما يحتاج مضيفه..جايبه العده الازمه..
عبير: اعرفك..كفوا والله بنت عمي..
ريم تصارخ: رغد..رغد..
رغد مفتشله وتلتفت يمين ويسار عشان تتاكد احد شافها ولا لأ: نعم نعم خير وش تبين..
ريم مازالت تصارخ: عطيني الشنطه الصغيره الي عندك..
رغد: الي يبغى شي يجي ياخذه..ماني متحركه من مكاني..
العنود:صدق ان اختك نذله..
ريم: من زمان وهي نذله والحين زياده لان الهنوف معها..لحظه بروح اجيب الشنطه واجي..
العنود: يله بسرعه.
وقفت ريم وعدلت حجابها وصارت تلتفت يمين ويسار تدور حبيب القلب سليمان ولما شافته ابتسمت له وهو ابتسم لها <<ما صدق خبر..
وبعدها راحت لعند رغد واخذت الشنطه وقبل ما تجلس ابتسمت لسليمان مره ثانيه وهو تشقق من الوناسه وبعدين جلست..
العنود: الحين انتي قاعده توزعين ابتسامات ليش؟؟
ريم: بعدين اقول لك..
فجر: وليش ما تقولين عندنا..
ريم فتحت الشنطه وطلعت الشيبس: خذي كلي وانتي ساكته...
العنود: هذا بأيش؟؟
ريم: هذا بالجبنه..
العنود: لالا هذا مو حلو عطيني الثاني..
ريم: طيب خذي..
ريم بصوت عالي:عبير..عبير..
عبير كمان بصوت عالي: خير..
ريم: تبين بالجبنه ولا بالملح والخل ولا ايش؟؟
عبير: لا عطيني بالجبنه..
ريم: شجون...شجون..
شجون وهي مفتشله: خير..
ريم: بأي طعم تبين..
شجون تغطت من الفشيله لان الناس بدوا يطالعونهم: ما ابي شي..
ريم: كيفك..وانتي ليون؟
لين: انا ابي مشعل.
ريم: والله هذا مو موجود تعالي بعد ساعه..
لين خانقتها العبره:اوف..
ريم تأشر لنوف ومها بس ما عطوها وجه..وهي على نياتها تحسب انهم ما شافوها..قامت وتصرفت..اخذت الشيبس ورمته من بعيد لنوف واخذت الثاني ورمته على مها..
نوف ومها ميتين من الفشيله..
العنود: ام الله يجنن..
ريم وفمها مليان اكل: ايه ..ايه هذا حلو..
ريم: رغد ما تبين ..؟؟
رغد: ما ابي شي بس فكيني..
ريم: انتي الخسرانه..والهنوف؟؟
الهنوف: لا تحاكيني لما نزل من الطياره..
ريم: والله كيفكم انا عرضت عليكم خدماتي وانتوا حرين..
شوي وجوا عيال فواز عندهم..
شهد: العنود شوفي عبد الرحمن.
عبد الرحمن: العنود شوفي شهد..
العنود: تصارخ:وانا وش علي منكم روحوا لعمتكم سامعين..
شهد وعبد الرحمن خافوا: طيب طيب.
ريم: بصراحه ما احب البزارين المدلعين..
فجر: حرام عليكم وش سويتوا بعيال اخوي..
العنود: خذيهم وفكينا..
فجر: تعالوا يا بعد قلبي انتوا..
وهم يبكون وفجر تسكتهم..لما العنود طفح الكيل عندها من صياحهم ..قامت وطالعتهم نظره تخوف الجن..
العنود: قسم بالله اذا ما سكتوا ترى بأرميكم من الطياره....
وهم زادوا صياح..
قامت العنود واخذت عبد الرحمن ودته عند امه.
العنود: امسكي ولدك لو سمحتي..
بدور وهي عارفه طبايع العنود:طيب طيب..
ورجعت واخذت شهد ودتها بعد عند امها..
العنود: وامسكي هذي بعد تراها هي اساس البلا..
طبعا كل الركاب عرفوا انهم عائله وحده ومنصدمين من تصرفاتهم..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
نرح عند العيال

مشعل ومحمد كل شوي منادين المضيفه..
مشعل: لو سمحتي..
المضيفه: أي خدمه..
مشعل: جيبي لنا كابتشينوا..
المضيفه: ايوه شي ثاني..
محمد: لا سلامتك..
المضيفه: دقايق ويكون عندك.."وراحت"
مشعل: شفت عيونها..
محمد: تذبح..
$$$$$$$$$$$$$$$$$$$$$$$$$$$$$$ $$$$$$$$$$$$$$$$
مشاري: وليد شوف هذيك بالي الكرسي..
وليد: ايه وش فيها..
مشاري: تطالعنا من اول ما ركبنا الطياره..
وليد: اكيد تطالعني..
مشاري:من زينك ..لا تطالعني انا..
$$$$$$$$$$$$$$$$$$$$$$$$$$$$$$ $$$$$$$$$$$$$$$$
سليمان:تركي شفت ريم وش سوت لي..
تركي: وش سوت؟؟
سليمان: ابتسمت لي..
تركي يطنز: احلف بقوه واصدقك..
سليمان:تركي اتكلم من جد..
تركي: وانا اتكلم من خال..طيب وش فيها اذا ابتسمت لك..
سليمان: يعني تبتسم لي الدنيا..
تركي: ليه دعاية شامبو..اقول اهجد يا ولد..
سليمان: ما اقول الا الله يصبرني على هالصديق البلوه..
تركي يقلد سليمان: سليمان شفت رغد طالعتني ههههههه..
سليمان: صدق انك سخيف..
تركي: هههههه خلاص التوبه بأعقل.
لفوا عليهم نواف وسعود..
سعود: وش عندكم تضحكون ضحكونا معاكم..
تركي: من قايل لكم ان احنا مسوين قطيه..
سليمان: يعني لازم كل شي تعرفونه..
نواف:سعود هذولا الاصدقاء الي مزعجنا عليهم وتقول فله وما فله..الا يجبون الهم..
سليمان: نمزح وش فيكم تزعلون بسرعه..
تركي: هدو هدو ترى السرعه مب زينه يا وليدي..
سعود: محد قالك من قبل انك ثقيل دم..
تركي: الا سمعتها كثير..واحلى شي سمعهتا منك..
سعود: ياناس فكوني منه ومن ثقالة دمه..
تركي: اعصابك يا ابو الشباب..لا يكون تحسب نفسك خفيف دم..
سعود: ما اتوقع اني اثقل منك دم..
تركي: ليش قايسه هههههههه حلوه صح..
العيال يطالعونه بنظرة استخفاف..
تركي: وش فيكم لا يكون ما عجبتكم..
%%%%%%%%%%%%%%%%%%%%%%%%%%%%%% %%%%%%%%%%%%%%%%%%%% %%%
فيصل كان سرحان بفجر.."الحين فجر تعتبر زوجتي يعني اروح واجي واسولف معها عادي الله وناسه..متى نوصل والله لا ادقها سوالف معها.. باخذ رقمها عشان اطرب اذني بصوتها وبدلعها<<اما دلع كثر منها..
ماجد جالس جنب فيصل.وفيصل صافط عليه وما عطاه وجه..
ماجد:فيصل ..فيصل..
فيصل:هلا..
ماجد:يا اخي سوالف ترى مليت.
فيصل: طيب يله سوالف..
ماجد:طيب عطني وجه.
فيصل: انا مشغول الحين مرني بعد ساعه..
ماجد يطالع فيصل يدور وش مشغول فيه: وش مشغول فيه حضرتك..
فيصل: افكر.يعني مشغول ذهنيا مثل مانت عارف معرس جديد لازم ابني مستقبلي..
ماجد: تحتاج عماله؟
فيصل: حضرتك تستظرف دمك ولا ايش؟؟
ماجد: يا اخي ابغى اضحك شوي مليت..
فيصل: الا صدق يا ماجد ليش ما تتزوج.
ماجد: تصدق ما قد فكرت بالموضوع..
$$$$$$$$$$$$$$$$$$$$$$$$$$$$$$ $$$$$$$$$$$$$$$$
فواز لاهي مع زوجته وعياله لحد ما صدع راسه ونام..
$$$$$$$$$$$$$$$$$$$$$$$$$$$$$$ $$$$$$$$$$$$$$$
العنود وريم مركبين السماعات بأذنهم ويغنون بصوت عالي وهم مو حاسين بأنفسهم..
العنود تغني:كذا من ربي حبيته..
بسرعه يوم لاقيته..
يا ناس الي تمنيته..
اخيرا صار محبوبي..
وريم معها خاشه جو..
الي وراهم انزعجوا كان رجال تقريبا عمره بالاربعين وزوجته..
الرجال: يالله ايش الناس هذي ما عندهم ذوق..
زوجته: معليش ما عليك منهم..
الرجال: ما يصلح انا عندي شغل ولازم اركز وهذي الي قدامي ما خلتني اركز من يوم ركبت"يقصد العنود"
زوجته: ما عليش عدّها..
الرجال: لالا هذا شي ما ينسكت عنه.
قرب شوي من كرسيها..
الرجال: لو سمحتي..لو سمحتي يا اخت..
العنود تغني وتدق رقبه وما تدري عن امً جابته..
الرجال قام ينغز ظهرها عشا تنتبه..
العنود حست بشي بعديت قالت"شكلي اتوهم"وكملت رقص..
الرجال رجع ينغزها مره ثانيه..
العنود فكت السماعه ولفت على ريم وسحبت السماعه من اذنها عشان تسمعها..
ريم: ليش فكيتيها؟؟
العنود: شكل الي وراي ينغزني..
ريم: وش يبي؟؟
العنود: ما ادري عنه..
ريم: لفي عليه شوي وش يبي..
لفت العنود وبصوت عربجي: خير أي خدمه.
الرجال ارتبك ما توقع ان اسلوبها كذا:آآآآآ كنت اقول ما عليش تقصرين صوتك..
العنود تتطنز: ايش ما سمعت وش قلت؟؟
الرجال: اقول ممكن تقصرين صوتك..
العنود انفعلت: لا سكتني احسن..ولا الطياره طيارة ابوك وانا ما ادري...
الرجال: انا قلت قصري صوتك بس..
العنود: والله انا حره ..كيفي اسوي الي ابي مالك دخل فيني..
الرجال: معليش انا اكلمك باحترام فا عامليني بالمثل..
العنود طيرت عيونها: يعني قصدك اني ماني محترمه هاه..شوف يا ولد الناس انا محترمتك لحد الان لانك رجال كبير<<ايه واضح...
بس لا تخليني اتصرف معاك تصرف ثاني..
الرجال يتطنز: يعني وش بتسوين؟؟
العنود: وش بسوي؟؟..انت لف وجهك شوف الي ورى"لف الرجال ورجع لها"...
العنود: شفت ذولا كلهم اخواني..بس بأشاره مني واقول لهم انك تغازلني..تدري وش بيصير فيك...انا اقول لك..بتلقى نفسك تحت كفر الطياره سامع..
الرجال ما رد عليها ورجع لمكانه وهي رجعت وعدلت جلستها..
ريم: والله كلتيه بقشوره..
العنود: نرفزني ما صبرت..
ريم: تصدقين رحمته..
العنود: ليه شايفتني سفاحه..
ريم: لالا حشى...انتي اعظم من كذا ..
العنود: رويم ماله داعي نتهاوش الحين..
ريم: ولا يهمك تبينا نستهبل عليه..
العنود: لالا الي جاه يكفيه..
ريم: اجل ندور لنا احد نطلع ريحته..
العنود: وانتي الصادقه...الله وناسه..
ريم: بس نبي واحد سبيكه..
العنود:ولا يهمك..
$$$$$$$$$$$$$$$$$$$$$$$$$$$$$$ $$$$$$$$$$$$$$$$
عبير: المهم اقول لك وقعدت اهزئ فيها لما صارت تبكي..
شجون مندصمه: حرام..ليش كذا؟؟
عبير: احسن تستاهل الي جاهها..اجل تتلزق في خلق الله..
شجون : رحمتها...
عبير: انتي خلك قويه..لا تصرين ضعيفه بعدين يا كلوك..
شجون: ليش حنا في حديقة حيونات..
عبير: واعظم يا حبيبتي..شوفي انتي اجلسي معاي ثلاث ايام بس وانا اعطيك كورسات في الطقاق والتهزئ والنظرات مجانا..
شجون: احاول..
عبير: ايوه كذا تعجبيني..
لين: وانتي ما خلصتي نصب...
عبير: قسم بالله ان ما سكتي لا اخليك تندمين عالساعه الي صرتي تقربين لي فيها..
لين خنقتها العبره: وين مشعل يدافع عني..
عبير: احسن تستاهلين الي يصير لك..ما بقى الا البزارين..
شجون: حرام عليك صغيره ما تستاهل.
عبير: ما عليك منها خلني اكمل لك..
$$$$$$$$$$$$$$$$$$$$$$$$$$$$$$ $$$$$$$$$$$$$$$$
نوف ومها داقينها سوالف ..والي قدامهم كانوا شابين واحد مملوح والثاني جميل..
نوف: مهاوي..
مها: هلا..
نوف: شفتي الي قدامنا..
مها: اوه هذولا...شايفتهم..
نوف: ما شالله عليهم يهبلون...
مها: ايه ما شالله..
الشباب وكأنهم قروا افكارهم ولفوا عليهم.
الاول: اهلين بالصبايا<<مو راكب عليه البناني..
الثاني: هلا والله بالحلوين..
نوف بربكه وهمست لمها: مهاوي تتوقعين سمعونا..
مها تحاول تهديها: ما اظن ..بس لا تعطينهم وجه..
نوف : ان شالله..
الاول: عطونا وجه..
الثاني: وش دعوه لهدرجه ما ملينا عينكم..
مها: لو ما لفيت وجهك ترى راح يصير لك شي ما يسرك..
الثاني: وانا ابغى اعرف وش بيصير لي.لاني متاكد ان كل شي منك حلو يا حلو...
نوف: صدق انك ما تستحي على وجهك..
مها: تعوذ من ابليس احسن لك..
فجر انتبهت للي قاعدت يتميلحون عندهم وراحت عند العيال..
شوي ما حسوا هالاثنين الا بظل ثلاثه اشخاص..كانوا طلال وسليمان ومشاري..
طلال: وين يا الحبيب مضيع لف وجهك قدام..
الاول: وانت وش عليك..
مشاري: ترى احسن لك تلف وجهك بالطيب لا الفه لك بالغصب..
الثاني: ممكن نعرف من تكنون عشان تكلمونا بالطريقه هذي..
سليمان: نكون اخوان البنات الي وراكم..
الولدين بلعوا ريقهم ..وتوهقوا بس ما بينوا هالشي..
الاول: احم..طيب هم خواتك..احنا وش دخلنا..
طلال: حضرتك تستعبط ولا ايش..
الثاني: شوف يا اخ..احنا واثقين من انفسنا.واحنا ما سوينا شي غلط وراح نعديها لكم اوكي..
مشاري: انت بالذات اسكت.
الثاني سكت ولا تكلم وحتى الاول..وصاروا منضبطين تمام التمام<<ما ينفع معاهم الا كذا خخخخ
ورجعوا الثلاثه لاماكنهم..
وليد: مشاري وش السالفه..
مشاري: سلامتك بس رحنا نتفاهم مع اثنين كانوا يتميلحون عند نوف ومها..
وليد: وان شالله كان فيه كم بوكس وكم رفسه وكم كف..
مشاري: كل هذولي بتصير في الطياره..
وليد: صح نسيت..ايوه وش صار..
مشاري: بس عطيناهم كم كلمه وتادبوا ...اصلا باين عليهم اول مره يغازلون يعني ما عندهم سالفه..
وليد: هههههه يا ليتني كنت معاكم.الله فله..
$$$$$$$$$$$$$$$$$$$$$$$$$$$$$$ $$$$$$$$$$$$$$$$
طلال رجع مكانه...كان جالس جنب وحده امريكيه جميله لابعد حد وصغيره...طبعا انا بترجم الكلام عشان تفهمون<<ايه هين..
طلال: "لو سمحتي.."
ودخل مكانه الي كان عند الشباك..
الامريكيه: "اكيد...هل انت سعودي.."
طلال: "نعم ..وانتي..."
الامريكيه: "انا امريكيه..."
طلال: هلا والله..اقصد"تشرفنا"
الامريكيه:"وانا ايضا..هل تدرس ام تعمل"
طلال:"لا انا طالب بالجامعه"..
الامريكيه:"جيد جدا..واي قسم تدرس"..
طلال:"ادرس قسم ادراة اعمال"..
الامريكيه:"رائع..هل لاحظت اني اكثرت عليك الاسئله"..
طلال: لا عادي تمونين<<"لالا بالعكس"..
الامريكيه: "هل استطيع ان اسألك سوال شخصي".
طلال:"ممكن تفضلي"
الامريكيه:"هل انت مرتبط"
طلال:"حاليا..لا"
الامريكيه"وليس عندك حبيبه"
طلال:"قريب"
الامريكيه:"اني احسدها..لانك شاب وسيم وفي مقتبل العمر وعندك اسلوب اكثر من رائع"
طلال ابتسم ابتسامه تدوخ""
%%%%%%%%%%%%%%%%%%%%%%%%%%%%%% %%%%%%%%%%%%%%%%%%%% %%%%
العنود: أي يا بطني من كثر البيبسي صار يعورني..
ريم: روحي لدورة المياه.
العنود: طيب تعالي معي...
ريم: يله..
راحوا لدورات المياه الدرجه الاولى حصلوها مليانه..
ريم: تقدرين تصبرين..
العنود: ولا ثانيه...
ريم: اجل خلينا نروح لدرجه الثانيه..
العنود:يله.
وهم ما رين ريم شافت سليمان وذابت عليه لانها شافته قريب بالمره وبغت توقف عنده وتسولف بس سحبتها العنود..وقبل لا يصلون..
العنود: رويم مو هذا طلال..
ريم وهي مبسوطه: ايوه هذا طلال..
العنود والشرار يطلع من عيونها: ومن هذي الي معه..
ريم: عنيد شوفيها تاخذ العقل تهبل بعذره ولد عمتي منهبل عليها وداقها سوالف معها..
العنود: رويم احر ما عندي ابرد ما عندك..
ريم: يعني وش بتسوين..
العنود: الحين اعلمك وش بسوي..
راحت العنود وقفت فوق راس الامريكيه وتطالع طلال..
طلال ارتبك من نظراتها له: العنود ..هلا والله وشلونك..
العنود: من هذي..
طلال: اعرفك عليها..اسمها انجلي..
العنود: احلف انها انجلي..
طلال وبكل برائه: والله انها نجلي هي قالت لي..
العنود: بعد هي الي قالت صدق انها ما تستحي على وجهها ...هيه انتي...
انجلي: "هل تتكلمين معي"
العنود بالعربي: لا اتكلم مع الجدار الي وراك<<تقصد طلال.
انجلي:"لم افهم عليكي"..
العنود تكلم طلال: بقره هذي ما تفهم,,
طلال: العنود ترى ما اسمح لك تتكلمين معاي بهذي الطريقه..
العنود: ومن تكون عشان تسمح لي...انا العنود اسمح لعمري فاهم..
طلال: العنود تراك مسختيها عاد..
ريم: العنود هدي شوي..ترى بتندمين..
العنود: تكفين عاد وش اندم عليه..
طلال: العنود ابي افهم انتي ليش معصبه..
العنود سكت لانها ما تقدر تقول له عشاني احبك واموت فيك...
طلال: يعني ما عندك عذر...
ريم:طلال معليش الحين العنود معصبه بعدين ا نشا الله نتفاهم اوكي..
طلال: براحتك..
ريم سحبت العنود لدورات المياه..
انجلي:"هل تعرف هذه الفتاة"
طلال:"نعم....انها قريبتي"
انجلي:"هل تحبك؟؟"
طلال:"لا.... لماذا السؤال!!"
انجلي:"لان الحب واضح في عينيها"
طلال بسخريه: العنود تحبني هههههههه حلوه النكته...اصلا العنود تحب نكته..وشلون تحبني تطلع مسخره...
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
العنود كاتمه العبره لانها ما تحب تبكي ابدا..
ريم: بصراحه يا العنود..الحركه الي سويتيها غلط..
العنود منفعله: اصلا من قال اني احبه..انا اكرهه اكرهه ما احبه..ما اطيقه..
ريم: خلاص عنوده هدي حبيبتي انتي الحين معصبه..اذا هديتي تفاهمنا اوكي..
العنود بعصبيه: اصلا ما ابغى اسمع سيرته فاهمه..طلال راح اطلعه من حياتي..ومثل ما دخلها بالغصب راح اطلعه بالغصب..
ريم كسرت خاطرها العنود..لانها بصعوبه اعترفت بهذا الحب ويوم اعترفت لقت الي تحبه مو معطيها أي اهتمام..اصلا ما يعا ملها كأنها بنت وعندها احساس..دايما يعاملها على انها قاسيه وما تحس.. وغير هذا معتبرها ولد وعمره ما حسها بانها انثى ..وهذا اكثر شي مأثر فيها..
رجعوا لاماكنهم.وهجدوا البنات لان العنود كانت طول الوقت سرحانه وتفكر..
واخيرا اعلن كابتن الطياره بربط احزمة الامان لوصولهم مطار دبي....
نهاية البارت ,,,



 

أدوات الموضوع



الساعة الآن توقيت السعودية الرياض و الدمام و القصيم و جدة 07:59 PM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0