 |
  |
|
|
|
|
|||||||
| المواضيع المتشابهة للاقسام العامة رواية احلى صدفه في حياتي سعوديه. رومانسيه . كامله يوجد هنا رواية احلى صدفه في حياتي سعوديه. رومانسيه . كامله هنا توضع المواضيع المتشابهة |
| مشاهدة نتائج الإستطلاع: هل اعجبتكِ الروايه ؟؟ | |||
| جميله جداً |
   
|
15 | 83.33% |
| جميله |
  
|
3 | 16.67% |
| عاديه |
  
|
0 | 0% |
| ليست جميله |
  
|
0 | 0% |
| المصوتون: 18. أنت لم تصوت في هذا الإستطلاع | |||
|
|
|
#1 |
|
:: كاتبة مقتدره :: |
رواية احلى صدفه في حياتي سعوديه. رومانسيه . كامله
بسم الله الرحمن الرحيم السلام عليكم و رحمة الله و بركاته الصراحه انا من محبي الروايات و دايم اقرا و قرت اني انزل روايه و احترت بين الاتنين و قلت راح انزلها الاتنين يعني بس اخلص من هاذي و القى تفاعل معاي انزل التانيه و ترا التانيه احلى بكثير راح انزل كل يوم بأذن الله الي اقدر عليه و راح تكون متسلسله يلا اتركم مع كاتبت الروايه :7_1_115[1]: اتمنى انكم تستمتعوا زي كذا :7_1_115[1]: يتبع ...|| مواضيع ذات صلة |
|
|
#2 |
|
|
رد: رواية احلى صدفه في حياتي سعوديه. رومانسيه . كامله
بقايا شتات سأطلق لقلمي العنان..وأدعه ينسج الكلمات..وأنده للرياح لتأخذ معها بقايا اشتاتي..لكي يرى من حولي ما ابقى لي الزمن من اوراقي التي سقطت من اغصانها ذابله..تعالي يا رياح وخذي كل ما بقى لي من اشتاتي ودعي الجميع يقرئها ..ويحس بها..ويعيشها..وتجمعني من جديد..بأمال..تعيد لي الحياة بكلمات قد تكون لي الدواء..كلمة اعجاب او جملة نقد قد ترسم على وجهي روح جديده..وتدفق في قلبي مشاعر بهيجه أحلى صدفة بحياتي احب ان اوضح شي للجميع.بأن احداث القصه من نسج خيالي..وابطالها ايضا من اعماق خيالي.. ولا تنتمي لأي مجتمع غير الذي في مخيلتي..قد تكون جريئه بعض الشي ..قد تكون فيها بعض الغرابه..واتمنى من كل قلبي ان تنال اعجاب الجميع..واتقبل النقد الايجابي من الكل..... |
|
|
#3 |
|
|
رد: رواية احلى صدفه في حياتي سعوديه. رومانسيه . كامله
الجزء الأول "" الفصل الاول "" كانت جالسه هي وأختها يسولفون وقالت : ريم : ياربيه طفشانه وما ودي أداوم بكره مليت رغد : حتى أنا على بالك ودي أداوم يعني ... ريم : وهي متحمسه طيب وش رايك نغيب ... رغد : أحلفي بقوه .... لو نقدر نغيب كان غبنا بس أمي رافضه من كثر غيابنا خصوصا من بعد ما وقعنا على التعهد ... ريم : ياربيه أقولك بكره من جد مالي خلق أداوم رغد : أمرنا لله وش نسوي ... ريم : بتهور : طيب وش رايك نحاش من المدرسه مثل ما سوينها من زمان رغد : وين لا مجنونه أنسي مستحيل أعيدها مره ثانيه كفايه المره الأولي بغى يجيني جلطه من الخوف.. ريم: اقول عاد يلا الي سواها مره يسويها مره ثانيه وياختي خلينا نفلها شوي ... تكفين رغد.. رغد بتردد: من قلبي ودي بس عقلي يقولي لا.. وانا حاسه انو بيصير شي. وخايفه ومدري وشلون وضعي. ريم حست ان اختها بدت تتقتنع : اقول رغد تكفين وش بيصير يعني.. المره الاولى وعدت وما صار شي .. لاتصرين متشائمه كذا.. رغد: طيب خلاص اقلقتي ام راسي بس وشلون نحاش..؟؟ ريم تفكر بحماس : شوفي . انحاش انا بوقت الفسحه.. بس اذا صار في وحده من الامهات او المدرسات بتطلع لانو دايما يجون الامهات ياخذون بناتهم وقت الفسحه واطلع معاهم قاطه. وبعد كذا انحاش وامرك واطلعك من مدرستك وانتهينا..شفتي الذكاء.. رغد بإنبهار: يلعنك.. وش هالفكره الجهنميه ولا ولد يسويها .. صحيح انها خطيره بس بنفس الوقت رهيبه وفله .. خلاص طيب اوكي.. بس لاتنسين خذي موبايلك.. وانا باخذ موبايلي عشان نتفق او اذا حصل أي شي نتصل على بعض.. ريم بفرح: اوكيه اتفقنا.. " على فكره اهل ريم رغد شوي فري عشان كذا تجرأو"" &&&&&&&&&&&&&&&&&&&&&&&&&&& && اعرفكم على عائلة ""أبو مشاري"" ابو مشاري: رجل اعمال ناجح وكبير وعنده شركه شراكه مع اخوه واخته .. قلبه حنين وطيب واغلى شي عنده عياله.. ام مشاري: مره متفتحه وما عنده قد على قوالة ريم .. حبوبه وطيبه وحنينه بس في نفس الوقت جديه.. مشاري: الولد الكبير عمره(23) سنه يدرس بالجامعه قسم حاسب حبوب وهادي وجميل بمعنى الكلمه من ناحية حدة ملامحه وجذاب بشكل مو طبيعي والبنات يطيرون عيله بس ما يعطي احد وجه..... دايما في حاله.. رغد: عمرها (19) سنه بثالث ثانوي<<<رايحه فيها..حلوه وتشبه اختها ريم جذابه ومره كيوت نحيفه شوي بس مناسبها..عيونها عسليه وسيعه وشعرها لونه بندقي .. ريم:عمرها (15)سنه بثالث متوسط بمدرسه تختلف عن مدرسه اختها رغد ....حلوه وجذابه ...بالكلام العربي يعني"تخق" جسمها حلو وشعرها اسود وعيونها وسلع وكحيله وعربجيه وحبوبه..وتحب المغامرات.. &&&&&&&&&&&&&&&&&&&&&&&&&&& && رغد:يلا قومي ننام لاني خلاص مليت من وجهك عورني راسي من كثر ماتحنين علي..وبعدين عشان تستعدين لمغامره بكره.. ريم:ايه صح لازم استعد لبكره..لول بروح انام..تصبحين على خير ياحلى واغلى اخت بالدنيا<<<مولله.. رنت ساعتها وصحت وهي مره متحمسه ومستعجله.. ريم: رغد.. رغد.. بسرعه قومي يلا نتأخر على المدرسه.. رغد: اقول اذلفي عن وجهي وش ذا الحماس للمدرسه. اثرك ما نتي هينه.. ريم: اوف . اقول قومي بلا كلام فاضي تراني مروقه لاتنكدين علي. رغد: خلاص قمنا يكفي حنه فوق راسي والله ذبحتيني.. خلصت ريم بسرعه ونزلت..على الفطور مع امها وابوها واخوانها.. ريم: صباح الخير يا احلى ام واب في الدنيا.. ام مشاري: صباح النور.. وش عندك اليوم مروقه..ولا بعد صاحيه بدري.. ابو مشاري: صباح النور والسرور يا حلى بنت.. بس ما قلتي لنا وش عندك اليوم.. ريم ما ردت على احد .. مشعل :ملنا سلام.. ريم: اكيد.. صباح الخير ياحلو.. مشعل : لالا البنت صدق فيها شي اليوم .. ريم في نفسها" عشانكم ما تدرون وش ناويه عليه"" نزل مشاري: لالا اليوم فيه شي ريم صاحيه غريبه.. ريم عصبت: وش فيكم علي.. يعني ما يصير لي اصحى بدري.. مشاري: الا يصير لك بس مو من عوايدك.. ريم ما ردت عليه... نزلت واخيرا الست رغد وعلى طول نطت في عينها ريم.. ريم: خير ان شا الله كل هالتأخير كان ما نزلتي.. رغد وهي مالها خلق: اقول وخري عن وجهي ترى محد رايق لك..سلمت على امها وابوها واخوانها وافطرت بسرعه.. وطلعت عقب ما شيبت ريم براسها... في مدرسة ريم ريم: صباح الخير والفل والورد والياسمين..وش اخباركم بنات؟؟ ساره قامت تلمس حرارة ريم: اليوم وش شاربه .. وش ماكله. وش عندك اليوم مروقه.. ريم: اوه وش فيكم اليوم القاها من وين ياربي من البيت ولا المدرسه.. ساره: لا بس كنت مستغربه.مو من عوايدك.. ريم: بلاك ما تدرين وش بسوي.. ساره: وش بتسوين بعد؟؟ ريم: سر... ما راح اقوله.. ساره: اقول ريم بلا سخافه قولي .. ريم: "نو ..وي.." سارة بعصبيه: بتقولين ولا شلون.. ريم : خلاص بقولك بس بعدين.. ساره: اوكيه اهم شي تقولين لي.. " في الفصل" ريم معها الدفتر وتكتب لساره : اسمعي انا اليوم ناويه اهج من المدرسه..... وتعطي الدفتر لساره. ساره: وش تقولين انتي مجنونه.. اول شي كيف وشلون ومتى .. علميني بسرعه.. ريم:الله كل هالأسئله مره وحده خلاص انا اقولك السالفه.. " وقالت السالفه لها عشان تساعدها " ساره: طيب تتوقعين خطتك بتنجح؟؟ ريم: ان شا الله ميه بالميه هذي خطي مو حيا الله.. ساره: ايه درينا انها خطك الي ما ورها الا البلاوي.. ريم ميته ضحك: ليش مره بليتك بخطي؟؟ ساره: يا ما وياما . بس خليني ساكته احسن لي .. عشان ما ابكي عليك.. ريم عصبت: لا يالجاحده مسويه ما قد نفعتك بشي .. انكري بعد.. ساره: انا ما انكر.. هي مره.. او مرتين غيرهم وهقتيني بصراحه.. ريم : اقول ..اقول .. روحي عني زين.. رن جرس الفسحه طلعت ريم اول وحده طبعا مو من عوايدها ونزلت هي وصديقتها ساره وقفوا عند الباب ينتظرون وحده من الامهات تطلع واشكالهم تحفه...... واخيرا جات وحده من الامهات ومعاها بنتها توها بتطلع.. ريم ما صدقت على الله ولبست العبايه بسرعه.. واطلعت واخيرا..ومن العجله نست الشنطه في المدرسه وطبعا فيها الموبايل ما أنتبهت .. ريم : واو وأخيرا طلعت و"مشت شوي وفجأه شهقت" ... وين شنطتي .. لا نسيتها بالمدرسه ياويلي ... وش بسوي الحين المشكله فيها فلوس وموبايلي ..... وأحتارت ما تدري وش تسوي ... حتى مدرسة رغد ما أعرفها زين يقطع أم الوهقه وش أسوي ... وكملت مشي ومشت ومشت وهي ميته خوف وقالت في نفسها كاني تذكرت موقع المدرسه من هالطريق ومشت لحد ماوصلت وقرت على الباب (مدارس ال............الأهليه ) نفس مدرسة رغد... ماقرت بنين أوبنات سفحت عمتى على الدخول الباب المدرسه ... كان الباب مفتوح وما عنده حارس ودخلت فتشت على طول كان المدرسه ازعاج وفجأه سكتوا ولا همس ... يوم لفت وجها تناظر المدرسه وتشهق ذيك الشهق ريم : يمه أنا وين دخلت مدرسة عيال.... هالكلمه صارت تدور في راسها ... فكرت أنها ترجع وبسرعة لفت على الباب إلاجاء الحارس سكره .... وطبعا سوت لثمتها تجمعوا العيال حولها طبعا عيال ما صدقوا على الله بنت تدخل مدرستهم حتى لوشينه تطلع حلوه بعيونهم .... ريم في هذي الحظه كل عظم في جسمها يرجف وعيونها غرقانه دموع من الخوف لإنهم مسوين دائره حولها ما تسمع إلا تنطيل كلام وحش ومغازل وأي شي يجي على بالك بتسمعه <<<ما ينلامون مساكين .... قامت تفكر وتكلم نفسها "لازم اطلع من هالورطه يارب ساعدني" .. وهي خايفه يوصل للمدير وتصير سالفتها فضيحه ...... ريم : وهي تطالهم وبصوت مبحوح قالت : ممكن تسمعوني شوي <<<<<محد سمعها.. ورفعت صوتها اكثر: ممكن تسمعوني شوي.. اسكتوا فجأه وقالت بدلع: انا ابغى اكبر واعقل واحد فيكم. " طبعا كلهم صاروا كبار وعاقلين " وصارت ما تسمع الا: انا..نا..انا. ريم تطالعهم بتمعن واختارت ازين واحد فيهم<<فالتها.. ريم: تعال انت يا الي هنا.. الولد: انا... ريم: ايه انت .. وراح وهو ما صدق خبر.. استخدمت ريم اسلوبها وقالت بدلع: مو انت اكبر واقل واحد ... طلعني من هالدائره.. الولد: ابشري... قام ومسك ايدها وطلعها وريم في نفسها تقول " يمون العم" وهي ميته خوف ومسويه نفسها قويه... وداها مكان بعيد وصاد عن الطلاب .. ريم وهي شوي وتصيح: والله واقسم بربي اني داخله المدرسه غلط.. يعني لا تحسبني من هالبنات تراني بنت ناس وعالم وحمايل ومتربيه وانا صدق مدري وشلون جيت هنا.. قام الولد يهديها وهو ولد حبوب..:معليش حصل خير.. ريم تحس انها مرتاحه مو مره بس احسن من غيره: ممكن اطلب طلب. الولد: اطلبي.. ابي مويه والله ريقي ناشف من الخوف. الولد وهو متعاطف معها وحاس بالموقف الي هي فيه: انتظري شوي.. راح الولد واتشرى المويه ورجع..:تفضلي. ريم: مشكور اخوي وما قصرت تعبتك معاي .. وقامت تدور في جيوبها فلوس عشان تعطيه حق المويه.. الولد: وش تسوين..؟؟ ريم: ادور فلوس عشان اعطيك حق المويه.. الولد بعصبيه: خلي فلوسك لك وماله داعي انا ما سويت الا الواجب.. ريم وهي خاقه معه(خاقه=ذايبه=دايخه):لا .. مو قصدي شي بس حبيت اعطيك حقك.. الولد:اقول خلينا من هالموضوع الحين.. انتي افطرتي.؟؟ ريم: لا.. الولد: اجل استني شوي.. راح واشترى فطور لهم ورجع.. واعطاه ريم.. ريم: ليه كلفت على نفسك والله ماني مشتهيه شي.. الولد: اقول اكلي شي .. لا يغمى عليك.. ريم مازات خاقه وما قدرت تقول له لا.. اخذت السانوتش وفتحت العصير وبدت تاكل مجامله له طبعا بعد ما فكت الثمه وتغطت بالطرحه... وصاروا ياكلون وهو يطالعها شوي .. وياكل شوي.. ولما خلصوا .. الولد: ممكن اعرف اسمك... ريم وهي مطيره عيونها: خير ان شا الله عسى ما شر.. وش قالولك عني .. تراني بنت ناس ومتربيه وما عندي هالسوالف.. الولد بإرتباك: لانا مو قصدي شي بس اسأل ... ريم: مره ثانيه لاتأل.. الولد: طيب خلاص اسفين.. ريم: اقول انا بأي مدرسه الحين.. الولد: مدرسة ال(.........) الاهليه.. ريم وهي مركزه الاسم:نعم.. المدرسة هذي مدارسال(.....)متأكد..؟؟!! الولد: تستهبلين مدرستي واعرفها ... ريم تشهق ذيك الشهقه:يا ويلي ..ياويلي وانا ما لقيت ادخل الا هالمدرسه. الولد: ليه خير وش صاير.. ريم: اخوي الصغير يدرس فيها يا ربيه وش هالمصيبه.. " على فكره ..مدرسة رغد ومشعل تحمل نفس الاسم" الولد: هدي .. هدي شوي اخوك بأي سنه أ ي صف؟؟!! ريم: هو بالمتوسط .. هذا أي قسم الي احنا فيه؟؟!! الولد: احنا بالثانوي .. وتراه مفصول عن المتوسط بالمره.. ارتاحي.. ريم:ايه الحمد لله طمنت قلبي .. الولد: طيب وش اسم اخوك يمكن اعرفه.. ريم: لا . والله تلعب علي .. انسى اني راح اعلمك أي شي..اقول الا انت وش اسمك.. الولد: انا اسمي سليمان &&&&&&&&&&&&&&&&&&&&&&&&&&& && سليمان عمره (19) سنه بثالث ثانوي\علمي.. وسيم لأبعد درجه مره يجنن .. عيونه عسليه وناعسه تدوخ خشمه صغير وطويل .. شفايفه صغار بلون التوت.. حواجبه مرسومه رسم .. له سكسوكه هذي بالذات تطيح الطير من السما...وجسمه حلو بتميز بالثقل والرزانه والركاده. حبوب وطيوب.. يعني بإختصار كله على بعضه حلو.. &&&&&&&&&&&&&&&&&&&&&&&&&&& && ريم: اهاوتقول في نفسها" يهبل واسمه سليمان مدري من وين طلع لي" سليمان: طيب اخوك أي صف..؟؟ ريم: بثاني متوسط.. سليمان: يعني اصغر من اخوي بسنه.. ريم: وش اسم اخوك.. سليمان: محمد.. ريم: عاشت الاسامي..طيب ممكن اسأل عن عائلتك الكريمه..<<<مسويه عندها اسلوب.. سليمان وهو رافع حاجب: ايه ممكن.. اقولك بس بعد ما تقولين اسم اخوك. بون العائله.. ريم: اوكيه موافقه<< والله من القافه.. سليمان: انا سليمان ال(..............) ريم: انت سليمان ال(........) وتشهق ذيك الشهقه الي بغت تدوخ منها.. سليمان: انتي وش فيك كل شوي مروعتني.. خير وش فيها عائلتي.. ريم: عشانك ما تدري انو اخوي الكبير يعرفك.. اخوي الصغير يعرف اخوك.. سليمان : طيب حرقتي اعصلبي وش اسم اخوك.؟؟ ريم بتردد واضح: اسمه...آآآآآآآآآآآآآآآآ......آ آآآآ.... مشعل.. سليمان: اقول احلفي.. واحلفي بقوه بعد.. مشعل ايش.. ريم: لا والله وش شايفني عندك تراني بنت ناس ومتربيه ولا تحسبني من هالبنات <<< هالموال حفظناه.. سليمان: والله دريت انك بنت ناس ومتريه حفظته والله حفظته... ريم:ايه اخاف انك نسيت.. سليمان وهو يسبل لها بعونه(يرمش): ابد ما عندك نيه تقولين. ريم وهي خاقه على عيونه: هو مشعل ...آآآآآآا..ال(.........). سليمان: هذا اخوك عرفته.... ريم بخوف: الله يخليك . طلبتك طلب ما اطلب غيرهلا يدري اخوي اني جيت هنا الله يخليك لاهلك واحبابك.. والله ما ني ناقصه مشاكل كفايه الي انا فيه الحين..قدروضعي .. انا الحين بمدرسةعيال . ومنحاشه من مدرستي.. عشان انحش اختي<<< ما شالله ونع الاخوه.. وناسيه شنطتي وفيها موبايلي وفلوسي.. ولا ادري كيف بطلع من هنا واهلي لو دروا بذبحوني شويه علي... فالله يوفقك ويخليك لغاليك...استر علي وتلقى الاجر ان شا الله.. سليمان وهي كاسره خاطره:احاول.. ريموهي تنافخ:خير وش تحاول. اقولك لا تقول لاحد..ما قلت لك حاول.. اقوله ساعه موال وفي النهايه احاول.. سليمان: لا قومي طقيني احسن....كنت امزح.. ريم:ايه اشوى .. لاتعيدها مره ثانيه<<<تمون العمه.. سليمان وهو يناظر ساعته: اقول ترى ما بقى شي على نهاية الفسحه..وش بتسوين.؟؟ ريم: والله محتاره.. سليمان: طيب فكري بسرعه.. ريم وهي تفكر:.................. جتني فكره<< ام الخط داهيه.. سليمان: خير وش الفكره.. ريم: فيه ثوب زايد.. سليمان:هههههههههه حلوه هذي فيه ثوب زايد.. من وين اجيب لك..؟ ريم: طيب... معك بدلة رياضه.. سليمان: ليش وش تبين فيها.. ريم : انت جبها وبس.. سليمان راح جاب البدله بسرعه ورجع..: الحمدلله اني جايبها ريم : زين كذا حلو .... يله.. سليمان: شنو يله.. ريم: يله قدامي.. روح بدل ثوبك والبس البدله وجب الفانيله والسروال<<ياويلي هالبنت فاسخه الحيا مره وحده.. سليمان مطير عيونه: طيب .. ممكن اعرف وش بتسوين انتي... ريم: انت رح وسو الي قلت لك عليه وخلصني.. سليمان: بروح وامري لله.. " راح دورة المياه وبدل ملابسه ورجع معاه الثوب.. ريم: طيب وين البس فيه.. سليمان: روحي لدوراة المياه.. ريم وهي مطيره عيةنها: احلف بس.. تبيني ادخل دوراة المياه تستهبل انت.. تخيل لو احد نط علي من فوق الجدار وش بسوي بعمري ذيك الساعه.. سليمان هو يضحك: طيب وين بتلبسين فيه.. ريم: ولا يهمك ام الافكار والخط معاك <<<<داهيه هالبنت.. سليمان: يله ورينا شطارتك... ريم: اسمعني زين. انا بأفسخ العبايه وانت بتمسكه وتغطي علي وطبعا وانت برا العبايه وداير وجهك قدام فاهم.. سليمان: فاهم والله فاهم بس اخلصي بتصفر الحين.. ريم لبست السروال بدون ما تفسخ المريول وبعدين فسخت الشيال وباقي بلوزة الي تبع الشيال خلتها ولبست مالثوب عليها وعدلت لثمتها بعد ما تحوست.. وطبعا سليمان حاول يقز(يناظر) شوي بس بعد ما نفخت ريم عليه عقل... ريم: خلصت .. اقول ما معك شماغ.. سليمان: عاد اليوم بالذات ما جبت.. ريم: طيب جب لي شماغ.. سليمان: من وين اجب لك.. ريم: اسرق لي شماغ أي واحد.. سليمان مبق عيونه: لا والله وشايفتني.. ريم: انا ما قلت اسرق اسرق.. يعني بالكلام العربي استعاره.. سليمان: طيب بدبرها لك.. " وراح ونادى واحد من بزارين اولى ثانوي وقال له..تعال حبيبي اسحب لي شماغ أي ولد وانحاش" الولد:خبر وش قالوا لك عني .. سليمان:بعطيك الي تبيه بس جب لي الحين شماغ.. الولد:مدام المسأله كذا ولا يهمك اصنع لعيونك شماغ.. سليمان:مولله ..رح يله.. "طبعا الولد سحب شماغ واحد ودز وراح لعند سليمان وعطاه الشماغ" سليمان رجع لعند ريم:خذي دبرته لك.. ريم وهي مبسوطه:يسلمو زين سويت.............يله؟.. سليمان :شنو بعد يله؟.. ريم:لف عني ابي البس الشماغ.. سليمان:صد عن ريم ........وريم لبست الشماغ وتلثمت..وسفطت عبايتها والمريول وخبتهم.. لف عليها سليمان:احلى احلى حركات.. ريم : ماتلاحظ اني عطيتك وجه.. سليمان:هذا جزاي الحين.. ريم وهو كاسر خاطرها:لاموقصدي كذا..يعني لاتمون بزياده.. "رن جرس نهاية الفسحه ..وريم بدت علامات الخوف عليها" سليمان:وش بتسوين الحين؟.. ريم:بدخل معاك الفصل وش اقعد اسوي هنا.. سليمان:يله مشينا للفصل.وا يعن/ftr "مشو ودخلوا الفصل..وكان الفصل فاضي شوي .. ريم: وين بجلس فيه؟.. سليمان:اكيد بتجلسين ورى.. ريم: طيب اسمع قول لأصحابك الي تعرفهم زين اني هنا.. سليمان: ناويه تفضحين نفسك انتي.. ريم:عشان يقدرون يساعدوني ويغطون علي.. سليمان: اوكيه انا راح ادبر كل شي وانتي تعالي اجلسي هنا .....وقبل ماتجلس ريم .. قال واحد من الطلاب : سليمان من هذا الي معك كأنه جديد.. سليمان يصرف: لاجديد ولا شي هذا واحد من اصحابي وده يحضر معاي ..تكفى نم وانت ساكت وخل القافه عنك.. ريم كان قلبها واقف من الخوف وخافت من الفضيحه.. "نادى سليمان اصحابه ...تركي وسعود ونواف " &&&&&&&&&&&&&&&&&&&&&&&&&&& && خلوني اعرفكم عليهم.. "تركي...جميل الابعد درجه ملامحه حاده ملامح خليجيه عيونه وساع وكحيله وخشمه طويل سلت سيف ..وسكسوكته سوداء غامقه محليته زياده وجسمه روعه كان معضل شوي وهو انسان جرئ ومغازلجي بس قلبه طيب وحبوب" "سعود مملوح .اسمر وحبوب وطيوب وهادي" " اما نواف ابيض البشره دبدوب وهادي وحيوي(يستحي) ومره طيب ومسالم" &&&&&&&&&&&&&&&&&&&&&&&&&&& && سليمان: تعالوا ابغاكم شوي.. ودخلوا الفصل وجلسوا .. خليني اشرح لكم الوضع.. في الاخير جالس سليمان وجنبه ريم وقدامهم تركي وسعود ونواف .. تركي: خيروش فيك؟.. سليمان:قربوا ....بعد قربوا ..قربوا بعد..بعد اكثر.. تركي : يوه اخلص وش تبي؟.. سليمان : طيب لاتنافخ اسمعوني زين وحطوني على بالكم عدل الموضوع خطير.. نواف بخوف: بسرعه قول تلفت اعصابنا.. سليمان: سمعتوا بالبنت الي دخلت المدرسه .. سعود:انشاءلله هذا الموضوع الي مزعجنا عليه.. سليمان: اقول انت اسكت ..............البنت هنا في الفصل.. تركي بشهقه : وش تقول انت البنت هنا.. سليمان: اقول قصر صوتك لأرفسك هنا.. تركي: طيب وينها وينها.. سليمان : الي جنبي .............................. وعيون الثلاثه كلهم عليها ريم: بسم الله الرحمن الرحيم خير وشتبون؟ سعود: والله صدق هذي البنت.. نواف: تركي انت قاعد تشوف الي اشوفه تركي: نواف انت مستوعب بنت معانا وراي بالضبط في الفصل.. سليمان بعصبه: اقول انت وياه جعل عيونكم تنفقع انشاء لله ارحموا البنت شوي شوي عليها..........اقول ركزوا معاي الحين ابغاكم فزعه وابيكم تساعوني وتساعدون البنت.. "شرح لهم سليمان سالفة ريم من اولها لاخرها" ونحاول انا نغطي عليها لحد ماتصفر الحصه الاخيره اوكيه.. تركي: اقول خلها تجلس جنبي.. سعود: لاجنبي انا احسن.. نواف: اقول لا انت ولا هو تجلس جنبي انا احسن لها.. ريم بعصبيه: خير شايفيني لعبه عندك انت وياه .......اقول ترى انا بنت ناس واصل ومتربيه ولا يجي على بالكم اني من هالبنات .. سليمان يضحك لانه حافظ الموال.. اقول اسمعوني بلا هبال..الحين علينا رياضيات وخبل ومايدري وين ربي حاطه فيه فاحاولوا تعدون الحصه على خير.. دخل المدرس: السلام عليكو. الطلاب: وعليكم السلام.. ريم: مصري هههههههههههههههههههههههههههههه هههههاي سليمان يضحك : خير وش الي يضحك؟.. ريم: انشاء لله هذا مدرسكم السبيكه (تنكه = خبل = مفهي = مايدري وين ربي حاطه فيه) .. سليمان: من ناحية سبيكه سبيكه .. ريم:لا احنا ما يدرسونا مصريات ..كلهم سعوديات وحلوات.. سليمان:ياحظكم ياهالبنات مدلعين.. ريم: وع مادري وشلون متحملينه.. المدرس: فيه ايه ياسليمان انت والي جنبك....شاغلك عن الدرس ايه.. سليمان: ولا شي استاذ ولا شي.. ريم هههههههههههههههههههههههههههههه هههههههههههههههههههه هههاي سليمان:اقول اسكتي ترى بتفضحينا .. ريم هههههههه وش اسوي ما اقدر مدرسكم صراحه حفله هههههههههههه سليمان:خلاص ماودي اضحك ههههههههه ترى بيطلعني برا الفصل اسكتي .. تركي كل شوي لاف وجهه وسعود كل ماجت فرصه لف عليها ونواف ياعمري عليه يستحي..ويادوب خلصت الحصه الي مابغت تخلص واول ماصفرت طلع المدرس على طول الثلاثي المرح لفوا وجيهم عليها.. ريم: اعوذ بالله من الشيطان الرجيم.. تركي: ليه شايفه جني.. سليمان: صادقه والله ماكذبت البنت .. تركي يهمس لسليمان: اقول وش اسمها ؟ سليمان: ماقالت لي عشان اقولك.. تركي : اها.. سليمان:اقول شباب وش علينا ذا الحصه .. نواف: اتوقع دين .....وفجأه دخل طالب وبصوت عالي شباب شباب تفتيش تفتيش.. هنا طاح قلب ريم من الخوف ولفت على سليمان: وش اسوي والله بنفضح وبروح في ستين الف داهيه.. سليمان وهو يفكر ومحتار ومن جد خايف عليها,,:اهدي انتي الحين بسوي فكره دايم نسويها اذا كنا جايبين معانا شي خطير.. ريم: شنو الفكره.. سليمان :اسمعي الحين هم يفتشون على الي قدام اول وبعدين على الي ورى اذا فتشوا على الي قدام انا راح ابدلك مع واحد منهم ..اوكيه ريم: طيب اخاف انكشف.. سليمان: لاتخافين لاني راح احوس الفصل حوس وراح اقول لاخوياي يساعدوني بس انتي هدي بالك شوي.. "راح سليمان قال لاصحابه عن الخطه الي بيسويها " تركي :اوكيه انا بتفق مع الي قدام على اساس انو انا وانت توديها بدالي.. سليمان: اوكيه "دخلوا لجنة التفتيش وبدوا يفتشون ...وتركي متفق مع طلاب الفصل انه جايب كاميرا فيديو وقايل لهم يحسون ترتيب الفصل ويصير الفصل زحمه" بدا التفتيش في الصف الاول وبعدين الثاني ...وبعدها تركي اشر للطلاب يبدون يحسون الفصل .. وسليمان بسرعه سحب ريم وداها قدام ورجع الطالب بدالها ورى مر التفتيش على تركي وسعود ونواف وبعدين سليمان والطالب الي معاهم .. وتو الجنه بتطلع.. "دخل المدير" نهاية الفصل || |
|
|
#4 |
|
|
رد: رواية احلى صدفه في حياتي سعوديه. رومانسيه . كامله
الجزء الأول "الفصل الثاني" وتو الجنه بتطلع دخل المدير.. المدير: السلام عليكم.. الطلاب: وعليكم السلام.. المدير فتشتوا زين الجنه: اكيد.. المدير: والي قدام.. "هنا ريم كانت لافه وجهها عالجدار وميته خوف وعيونها غرقانه دموع" الجنه: كل شي تمام... المدير بوجه العبوس: ايه .. زين.. وطلعوا.... تركي وسليمان ونواف وسعود بصوت واحد: اوه وقامو كلهم عند ريم..عشان يرجعونها مكانها..سليمان صار قدامها ونواف على جنبها اليمين وسعود على اليسار وتركي وراها.. ورجعت مكانها وهي بتصيح.... ريم: واي .. بغى يغمى علي من الخوف... تركي: شفتو وجه المدير ههههههههههه .. سعود: ههههههههههه أي والله شفته.. سليمان: كان ودي اقوم واتفل في وجهه ... قهرني..ههههههههه.. وبعد شوي دخل مدرس الدين.. المدرس: السلام عليكم.. الطلاب: وعليكم السلام.. ريم: لاه الحمدلله سعودي... سليمان: عاد هذا فله.. ريم: كيف فله.. وقعد سليمان يسولف عليها.. المدرس: سليمان.. شنو عندك اليوم مو من عوايدك تسولف بالحصه.. سليمان: لاسلامتك يا استاذ قاعد ادور دفتري<<<يقطع ام الترقيع.. المدرس: كل هالحوسه والازعاج عشان دفتر.. وكمل المدرس شرح.. ريم: صدق ما تعرف ترقع. سليمان: اسكتي تراني مو متعود.. ريم: ههههههه شكلك دفره.. سليمان: علمي .. وش تبين بعد.. ريم: خلاص لا يطردك وبعدين ابتلش انا.. تركي لف عليهم: ورى ما تسكتون الحين<<<<<غاير.. سليمان: وش عليك انت لف وجهك بس.. رن الجرس والحمدلله عدت الحصه على خير... ريم: والحين وش عليكم.. تركي:الحين علينا فراغ يا قلبي. ريم: قلبت عليك دنياك ان شا الله ..اسمعني زين وحطني على بالك عدل تراني بنت ناس ومتربيه وبنت حمايل لا تحسبني من هالبنات...<<<<معلقه على هالموال خخخخخخخ . سليمان ميت ضحك.. تركي: وش قلنا عاد.. ريم: قالت قوايلك ان شا الله .. انت وش فيك ما تعقل عني مو نا قصتك والله حاله.. تركي: اعصابك ما تسوى علينا.. سليمان: ايوه .. زين تسوين فيه يستاهل.. سعود ونواف: كلى تهزيئه محترمه... كلهم ميتين ضحك الا تركي.. ريم: اقول ما علينا منه .. ان شا الله انتو كذا كل يوم والله طفش..رياضيات ..فيزياء.. كيمياء..احياء..وع مدري وشلون متحملين...؟؟ سليمان: شفتي عاد هذا حظنا كذا عيال العلمي مو مثل الادبي.. سعود: والله ما حد فلها الا الادبي.. تصدقين عاد وهم ثالث ثانوي ما يحضرون حص وما يهمهم شي.. نواف: اقول اسكت يالي مسوي نفسه دفره ما تحضر في الاسبوع الا يومين.. والكل يضحك.. تركي: اقول انتي بأي صف.. ريم: انا بثالث متوسط. تركي: واختك.. بأي صف.. ريم: وش دراك عن اختي.. سليمان: انا الي قايل له.. ريم: اختي بثالث ثانوي.. وزين ذكرتني فيها بأتصل عليها .. اكيد قلقانه.. تركي: حلو تناسبني.... ريم: ناسبك ابليس..قول امين .. لاتجيب طاري اختي على لسانك كفايه انا ويالله متحملتك.. تركي: واضح متحملتني...ما بقى شي ما قلتيه .. الكل ضحك....ههههههههههههههه... ريم: سليمان .. ممكن استخدم موبايلك شوي... اتصل على اختي واطمنها اكيد قلقانه علي .. سليمان: ابشري..دقيقه بس افتحه . وعطاها الموبايل واتصلت على اختها.. جوال رغد يهز بجنبها: وهي حاطه السماعات بأذنها ومنخشه.. رغد: الو.. ريم: الو هلا والله وغلا,.. رغد: مين...ريم: انا ريم ما عرفتيني.. رغد: ريم... وش هالرقم.. ريم: بلاك ما تدرين وش صار فيني... رغد: خير وش صاير ..وش فيك خرعتيني..؟؟ ريم: مصيبه يا رغد . مصيبه.. رغد: يلا قولي خوفتيني...مسكوك المدرسه.. ريم: ياليته على كذا كان انا بخير.. رغد: ترى اذا ما تكلمتي .. بأذبحك قولي يلا.. ريم: رغد.. انا ...... انا......... في ... مدرسة..... رغد: اقول كلمات متقاطعه...قولي بسرعه.. ريم: خلاص بقول انا في مدرسة عيال دخلتها بالغلط حسبالي مدرستك.. رغد: ايش.. وش قاعده تقولين.. لاتكذبين علي... ريم: والله يا رغد ما اكذب عليك.. هذا الي صار.. رغد: طيب انتي وينك وش تسوين طلعتي ولا لحد الان بالمدرسه وما فيك شي..؟؟؟ ريم: ههههههههههههههههههههه خلاص وجع كل هلاسئله؟؟ شوفي انا الحمد لله بخير .. وما فيني شي .... ولحين بالمدرسه وعندي سليمان ومعاه ان شا الله راح اكون بخير وبأيدي امينه... رغد: وش سليمان هذا.. مجنونه انتي..؟؟؟ ريم: لو عرفتي السالفه عذرتينيى .. وبعدين هذا جواله ولا اقدر اطول وبدز لك مسج اطمنك اوكيه .. رغد: اوكيه ... مع انو قلبي كان ناغزني.. ريم: يلا باي... رغد: باي.. وبعد ما سكرت ريم: مشكور سليمان.. تفضل موبايلك... سليمان بأبتسامه: العفو... وصارت ريم تسولف عن مغامراتها وهبالها في المدرسه<<<< انبسطت البنت.. وصار كل واحد فيهم يقول مغامراته وهباله.. ونهاية الحصه السادسه.. سليمان: اقول نواف وش علينا الحين؟؟ نواف يتذكر: اتوقع علينا فيزياء... سليمان وهو مرتاع: فيزياء.. انت متاكد..؟؟؟ حست ريم انو فيهم شي... ريم: ليه مرتاع.. مدرس الفيزياء وش فيه؟؟!! سليمان: هذا المدرس عصبي هره ودقيق بالمره وكان حاقد على الطالب الي جالسه مكانه وغير كذا انه يطلع الفصل كله يحلون تمارين على السبوره...ومستحيل احد يفكر انه يتلثم في حصته... ريم بخوف وارتباك: يا ربيه .. وش اسوي الحين خلاص انا راح افك الثمه ...سليمان ابيك تشوف شكلي يصلح ولد ولا لأ.... سليمان بلهفه: ايه ... ايه .. اشوف عادي.. ريم تنزل الثمه وهي متوتره ومرتبكه ومستحيه....هاه وش رايك اصلح ولد ولالأ؟؟؟!! سليمان يطالعا بتفحص وهو منبهر من جمالها :آآآآآآآآآآآآآآآآآآآآآآآ...... .......... ريم استحت: اخلص علي... سليمان: والله............وبصراحه...... .................... ..ما ادري.. ريم: شنو ما تدري اخلص عطني رايك... ولا اقولك اسأل نواف... سليمان: اوكيه............نواف ممكن شوي.. نواف: خير.... سليمان: ابغاك بخدمه.. نواف: آمر... سليمان: ابيك تشوف البنت.. تبي تاخذ رايك بشي.. نواف: ايه وشو؟؟؟ سليمان: البنت بتفك الثمه تبي رايك فيها تصلح ولد ولالأ؟؟!! نواف بحماس: ايه ايه اعطيها راي وابو راي اذا بغت.. سليمان: لا ابغى رايك بس .. ما ابغى ابوه.. نواف: يلا وريني... ريم: هيه بشويش علي تراني استحي... نواف: يله اخلصي بسرعه...قالت ايش.. قالت استحي.. ريم تضغط على اسنانها من القهر .... بس ما ردت عليه.. وشالت الثمه.. نواف قعد يطالعها وهو ساكت ما نطق ولا كلمه<<<<مفهي.. ريم: هيه هيه انت بسرعه عطنا رايك..من زين رايك.. نواف: ايه.. ايه.. راي صح تبين راي .....آآآآآآآآآآآ ما دري... ريم: اقول انت الثاني بعد.. شنو مدري .. عطني رايك واخلص.. نواف: اقدر اقول من راي الشخصي<<<مسوي فاهم.........انك.... ولد....خيكيري.... ريم: الحين هذا الي طلع معك راي وراي الشخصي ومسوي فيها....بس مدام اني ولد يالله.. تركي لنواف: وش تبي منك.. نواف برود: لابس كانت بتفك الثمه وتشوف راي فيها... تركي: شنو بتفك الثمه...!!! نواف: ايه.... فكتها لف عليها شفها. لف عليها تركي بقوه ..... وطير عيونه... ريم: اعوذ بالله .. ما صدق خبر... تركي: يطالعها وما رد عليها<<< خاق الولد.. ريم: هيه هيه... انت وين رحت ضايع لك شي بوجهي...؟؟ تركي بغرور: من زينك ومن زين وجهك... ريم: ما اقول الا مالت عليك بس.. سليمان: اقول ما عليك منه ولا تضايقين عمرك بس.. ريم: الا وش اسوي على مكاني .. انا حاسه انو بيصير لي شي.. سليمان: ولا يهمك معك سبع<<<< واثق.. ريم: وكل شوي يزيد اعجابها فيه اكثر واكثر... رجولته واخلاقه وطريقة كلامه واسلوبه... تركي: وش بتسوي يا سبع.. سليمان: الحين اقولك وش بأسوي ... شوف نخلي ريم تجلس بينكم.. تكي بحماس: خلاص انحلت تجلس جنبي .. واظمن لكم انو ما يصير لها شي وانا موجود. سعود: ا احلف يا شيخ .. ولا واخلف بقوه بعد.. وشو الي تجلس جنبك وانا وش نا قصني.. نواف وهو مطير عيونه فيهم...: لالا... اقول ما تلاحظون انكم فالينها انت وياه ... اسمعوا البنت ما تجلس الا جنبي... سليمان: يا حليلكم والله قرتوا.. وخطتوا على كيفكم.. اسمعوا القرار يرجع للبنت فاهمين.. لف على ريم: يله اختاري ... من تبغين تجلسين بين مين ومين؟؟؟ ريم وهي تفكر تناظرهم : ابي اجلس جنب .....آآآآآآ.... جنب وقاعده تنا ظرهم واحد واحد.. وعيونهم عليها...وسكت من الخوف. سليمان::يله بسرعه اختاري... ريم: والله يخرعون وين اروح كل واحد يخرع اكثر من الثاني.. سليمان وهو يطالعهم: صادقه......بس اختاري بسرعه عشان اقولك باقي الخطه... ريم: اختار اجلس بين..آآآآآآآنواف وآآآآ سعود.. تركي باعتراض : لا والله على كيفها هي... ما يصلح .. سليمان: شنو الي ما يصلح .. اقول انثبر بس. ريم: ايوه سليمان كمل الخطه" وطنشت تركي تطنيشه محترمه" سليمان: انا بحاول اني احل كل مسأله او تمرين يكتبه على السبوره ولو نص الاجابه على اقل..وانتي ركزي معه زين عسى تفهمين.. ريم: ليه شايفني بقره ما افهم.. صح اني داجه في الرياضيات والعلوم... بس هذا ماله دخل في السالفه .. سليمان: انا ما قلت انك غبيه انتي الي قلتي .. وبعدين احنا ما فهمنا عشان تجين انتي فهمين.. ونفذوا الي قاله سليمان بسرعه قبل لايجي المدرس.........وبعد دقايق.... الدرس : السلام عليكم... الطلاب: وعليكم السلام.. "ريم في هذي الحظه بتموت من الخوف إلا مات من الخوف" وبدا يفتش على الواجب.......... وصل لحد طاولة نواف وفتش على دفتره..وعدى وصل لدفتر ريم كان سليمان حال لها الواجب وخذاه..ريم والي جنبها قلوبهم بهالوقت طاحت.. المدرس: مين هذا دفتره.. نواف : هذا دفتري.. المدرس: لا نواف هذاك دفترك ... انا اقول من هذا دفتره ؟؟؟ سعود: هذا دفتري... المدرس سعود دفترك قدامك ... وتركي دفتره عنده.. "ريم طبعا ما تقدر تتكلم لان صوتها مره نعوم وخافت تنفضح" المدرس حط الدفتر بقوه على الطاوله وراح يكمل تفتيش .. نواف بلقافه: استاذ ليش تسأل ... المدرس: لا بس كنت ابي اتأكد من الطالب لان حله صح ... وفتش على واجب سليمان وراح عند السبوره.. المدرس: مين يحل الواجب.... الطلاب كلهم يشاركون معاه.. المدرس قعد يطالع فيهم .... بعدين طالع تركي وبعده سعود وبعده نواف وطالع ريم ... ريم نزلت عيونها وعرفت ان فضيحتها قربت ..... وفي النهايه اختار .............................. .: سليمان يلا اطلع حل الواجب... كلهم بصوت واحد: اوه الحمدلله... طلع سليمان يحل المسأله على السبوره ونسى نص الحل من الخوف مسكين ... المدرس: شفيك سليمان مو من عوايدك .. سليمان: سلامتك استاذ.. بس راسي يعورني شوي.. المدرس: ما تشوف شر ارجع مكانك.... وطلع طالب غير يكمل المسأله .....وعدت نصف الحصه وهم حاطين ايديهم على قلوبهم.... المدرس: يلا مبن يطلع يحل هالتمرين.... جلس يناظر الطلاب وطاح اختياره على :انت يا الي هنا ذكرني بأسمك.... واطلع حل التمرين.. وقفت ريم وما عاد تحركت ولا تكلمت وتحس انه لراح يغمى عليها ......ساكته ما تكلمت والمدرس يستنى منها اجابه.. نواف وهو مغطي فمه بيده ومغير صوته: اسمي بندر.. المدرس: يلا بندر اطلع حل التمرين.... سليمان حاول يحل المسأله وما بقى الا الاجابه .. لفت عليه ريم وعطاها الورقه وخبتها وراحت لعند السبوره بخطوات متثاقله وكأنها بتطيح ورجولها ما تقدر تشيلها .... وصلت واخيرا لعند السبوره .. واخذت القلم بأيد ترتجف وغطت ايديها بطرف الثوب عشان ما تبان وبدت تحل المسأله ..... وكتبت (ق)على (ح) ... وقفت.. المدرس: يا بندر ركز هي (ق)على (ح)؟؟ ريم بون ما تتكلم مسحت وحطت(ح) على(ق) وكملت باقي المسأله وعيونها غرقانه دموع وايد تنتفض من الخوف......... ويوم الاجابه توهقت .. لفت على الطالب الي قدام واشرت له انه يغشها ... وطلع الطالب طيوب وقالها الاجابه وكتبتها بسرعه ودها ترجع مكانها عسى تحس بالراحه ولامان ... ورجعت وهي تمشي عشان توصل لكرسيها كان الثوب طويل عليها فتعكرت .... بتطيح خلاص ريم خلاص عرفت انها انفضحت قام تركي من مكانه وبسرعه مسكها وقفها عدل وقعدها مكانها .. المدرس: خير بندر فيك شي .... نواف مغير صوته: لا استاذ سلامتك ما في شي... ريم طلعت شهقه ومن بينها دموع خوف ورهبه وعدم الاحساس بالامان تلقاها من وين ولا وين ...من بين انها جالسه بين عيال ماتدري وش نظرتهم لها ولا على الكلام الي ينقالها وعلى انها ما تدري بترجع بيتهم ولالأ ومن ايش ولا ايش.... حس الكل انو هالحصه كأنها عود مو راضي ينبلع ومو راضيه تخلص ساعه الا ربع كأنها سنه الاربع .. ورن جرس واخيرا وطلع المدرس.. ريم هي تداري دموعها : ياويلي بغيت اروح فيها ... مدري كيف اشكرك يا تركي انقظتني من هالموقف... تركي وهو مسوي نفسه: لاماله داعي الشكر انا ما سويت الا الواجب ... واي مواطن سعودي يسويها... سعود: اقول ورى ما تسوقها ... فيلسوف زمانك ... وش أي مواطن سعودي يسويها.. سليمان: تصدقين عاد خفت يوم بغيتي تطحين قلت خلاص طاحت وبيطيح الشماغ ويطلع الشعر وبتنكشفين بس الحمدلله ربك ستر .. ريم: ايه و الله الحمد لله ... الفضل لله ثم لتركي والله ماقصر الله يجزاه خير... تركي: تسلمين والله... نواف يله شباب خلونا نروح نصلي ...... ريم حطت الثمه ونزلت معاهم.. تركي: ليش حطيتي الثمه......حسافه.. ريم: اقول اذلف عن وجهي ترى مو رايقه لك كفايه الي صار لي من شوي.. ونزلو للساحه ويوم وصلو.. سليمان لريم: انتي خلك هنا .. انا بروح اتوضأ وانتي ماله داعي تتوضين .. ريم: اكيد ماراح اتوضأ وش شايفني غبيه ما افكر.. سليمان: لابس اذكرك ... راحو لدوراة المياه انتو بكرامه يغسلون للصلاة وريم كانت واقفه عند الباب .. تطالع سليمان وهو يغسل كان شكله مره حلوكان مرفع اكمامه والمويه تقطر من وجهه وريم زاد اعجابها منه زياده .. وبعد ما خلصو صلاة وكانت ريم معاهم ....طلعوا للفصل. سليمان لنواف: اقول نوافه وش علينا الحين ... نواف: اولا اسمي نواف مو نوافوه ثانيا كل شوي سألني عن الجدول ليه شايفني مصري ... سليمان: لا انت دفره ما شا الله عليك. نواف: اتوقع ... يمكن ... دين"حديث" ريم: اقول سليمان هذي اخر حصه تراني مليت .. سليمان: ايوه هذي اخر حصه ... وبعدين لهدرجه مليتي منا.. ريم : لا ما اقصد كذا ... لاني خلاص ابي اطلع مو قادره اتحمل أي صدمه او أي موقف.. سليمان: لالاعادي. خلاص ما عاد فيه مواقف الي علينا الحين مصري ودلخ شوي.. ريم: اشوى طمنتني .... ورجعت لمكانها ورى... نواف: افا ليش رحتي وخليتيني...... كذا يا الخاينه ... " الكل صار يضحك" سعود: تصدقين عاد بنفقدك تغير علي الجو يم جلستي جنبي بدال هالخبل نوافوه .. ريم: حرام عليك نواف مره طيوب وحبوب.. نواف: ايه قولي له... عاد من زينه ومن زين وجهه مدري وشلون صابر عليه.. " الكل يضحك لان نواف كان شكله مره يضحك" ريم: سليمان.... ممكن موبايلك ودي ادز مسج لاختي اطمنها... سليمان: اوكيه تفضلي..... ريم اخذت الموبايل وكتبيت رودي انا بخير حبيبتي وهذي اخر حصه ابغاك تتطمني علي .. ولا تطلعين اذا خلص دوامك"لان دوام العيال يختلف عن دوام البنات" لاني ابيك تمريني في مدرسة مشعل.... اوكيه.. وصلت الرساله لرغد وقرتها وانصدمت انها في مدرسة مشعل بعدين استوعبت ان ريم قالت لها اني دخلت المدرسه بالغلط اكيد عشانها نفس الاسم وبعدين دزت مسج على جوال سليمان" طمنتي الحمدلله طمنتي قلبي ... وبعدين اشكري لي سليمان مره لاني حسيت انو من كلامك ولد ناس ومتربي ورجال بمعنى الكلمه وقولي له ان شا الله بيوصله حقه ...... وصل المسج لسليمان.... طالع الرقم : الرقم غريب مدري مين... ريم: يمكن اختي ... ممكن اشوف.. عطاها الموبايل .. ريم: هذا رقم اختي وقرت المسج ...... : سليمان تدري وش كاتبه تقول انك ولد ناس ومتربي ورجال بمعنى الكلمه وانو ان ش الله حقك بيوصلك .... سليمان وهو رافع حاجب: شكلكم من طينه وحده" يقصد يوم المويه وكانت بتعطيه فلوس" ريم: خوات وين المشكله....هههههه سليمان: قولي لها نفس الكلام الي قلته لك ولا ترى بزعل... ريم بعفويه: لالا عاد كل شي ولا زعلك ..... وبعدها انتبهت لعمرها.. سليمان قعد يطالعا بنظره هي ما فهمتها... او ما لقت اهل تفسير ... وقطع عليهم صوت المدرس.. المدرس: السلام عليكو...يلا يا اولاد طلعو الحديس" يقصد الحديث" تركي: قول سليمان وش رايك نطلع ريحته.. سليمان: لالا اعقل .. اخاف يعصب وينزلنا عند المديروالبنت تتوهق معانا.. ريم لاحظت اهتمام سليمان فيها واكيد عجبها هذا الشي وبدت تدخل الجو..." ما شالله عليه جمال واخلاق وادب وثقل ورزانه وحنون بعد .. كامل والكامل الله في سماها ... الله يخليه لاهله ".... ريم: سليمان ودي احط راسي على الطاوله احس اني خلاص بيغمى علي بأرتاح شوي... سليمان: ايه عادي خذي راحتك.. ريم تحاول تفك الساعه لانها راح تحط راسها على ايدها .. وما عرفت تفكها وتوهقت... لف عليها سليمان سليمان: وش فيك .. ريم: احاول افك ساعتي بس مو راضيه تنفك معاي.. سليمان بتردد: طيب عادي اساعدك.. مدت يدها ريم لا ارادي ...وبعدها حست على عمرها بس ما قدرت ترجع ايدها سليمان مسك ايدها وهو يرتجف بيده الالى وحس فيهم بارده.. وحاول يفك الساعه بيده الثانيه بس مو راضيه...مسكت ريم ايده الثانيه عشان تبعدها وتبي تعلمه كيف تنفك.. وصار سليمان ماسك يدها الاولى وريم ماسكه يده الثانيه ... ريم قلبها بيوقف من الحيا وسليمان مرتبك معها ولا عرف وش يسوي......... لف عليه تركي.. تركي: ما شا الله عايشين الجو صراحه.. ريم على طول سحبت ايدها بس سليمان ناسي نفسه وما سكها.. تركي: ياهوه .. فك البنت ... لاتكون لازقه بس.. سليمان انتبه لنفسه وبعد ايدها عنه : هاه وش تقول انت... تركي: ما اقول الا سلامتك.. خربت عليكم الجو صح.. سليمان مرتبك ويحاول يصرف الموضوع: لابس كنت احاول افك ساعتها بس مو راضيه تنفك.. تركي: طيب وش دخل الأيد الثانيه..<<< يحب الاحراج.. سليمان: اقول قسم بالله لو ما لفيت وجهك لا يجيك كف يلف وجهك عدل .. تركي: بصراحه الناس دايما تزعل من كلمة الحق ما ادري ليش.. سعود: خير وش صاير ..وش هالصراخ.. تركي: ابد سلامتك يا اخ سعود .. بس للاخ سليمان عايش جو رومانسي وخربت عليهم. هذي كل السالفه.. سعود بلقافه: رومانسي... وش صار.. سليمان شنو قالها؟؟ والبنت شنو ردت فعلها؟؟ تركي: بس بس الله يخليك لو هذا امتحان رسبت.. سعود: احمد ربك ماني مدرسك.. تركي وهو رافع ايديه : الحمد لله يارب.... صار الكل يضحك وغيرو السالفه وتركي ما جاوب سعود على اسئلته .. ريم حاولت تفك الساعه لما انفكت واخيراوحطتها بالدرج...وبعدها حطت راسها على الدرج ... وبعد دقايق غفت غصبا عنها ..جلس سليمان يطالعا ويفكر فيها ولاحظ انو الثمه شوي وتنفك .. وتوه بعدلها بس خاف تفهمه غلط ... فقر انه يتركها .. طاحت الثمه وسليمان ما قدر يبعد عيونه عنها حاول بس ما قدر كان شكلها وهي نايمه مره برئ وباين عليه التعب ورحمها .. لانو اليوم بالنسبه لها اصعب يوم بحياتها .. كلها لحظات حست ريم بنفسها وفتحت نصف عيونها..شافت سليمان يطالعها وما حس انها صحت.. ريم استحت وكانت تبتسم من داخل ...وفتحت عيونها عشان ينتبه لها ..طاحت عينها في عينه .... على طول سليمان قام يصرف موقفه: كنت راح اصحيك لان الثمه انفكت<<< ما يعرف يرقع.. ريم تضحك على التصريفه: ايه مشكور... سليمان: صحيتي ما امداك... ريم: اصلا ما ارتحت رقبتي عورتني فا قلت اصحى احسن لي... سليمان: اها.... وسوى انه كان منتبه للدرس وهوما جاب له خبر .. الثلاثي المرح تركي ونواف وسعود .. وكانو داقينها سوالف وضحك وبعدها لفو على سليمان تركي: احلى للي منتبه للدرس لو اني مكانك لا ادقها سوالف مع البنت لانها ما تعطي وجه من بينا الا انت.. ريم استحت بس حبت توقفه عند حده: لنت وش عليك مني ان شا الله تبيني اعطيك وجه.. تركي: احد قالك اني ميت عليك . ريم موصله معها: سليمان خله يبعد عني ترى بقوم واذبحه.. سليمان يحاول يهدي الوضع: تركي اعقل عنها وبعدين وش عليك منها هي حرره نواف: عشانها معطيتك وجه تقول هالكلام.. سليمان حب يغير السالفه لان ريم من جد بدت تعصب : الا سعود وش فيك ساكت ما اطربتنا بصوتك.. سعود: ابد سلامتك قاعد اتفرج على هبالكم الا تصدقين يا.......... وست الا وش انا ديك.. ريم: نادني رورو.. سعود: الا تصدقين يا رورو راح نفقدك يوم السبت احس اني تعودت عليك. نواف: حتى انا تصدقين اليوم فله لانك فيه .. احس انه فيه مغامرات وناسه وش رايك تجين يوم السبت ... سليمان في نفسه" أي والله اليوم حسيت بماشاعر غريبه من يوم شفتها بس وهي موجوده ... ياولد لايكون حبتها... وهو يحاول يبعد هالفكار من راسه لالا ما اتوقع اصلا مستحيل احبها في يوم وليله أي يوم هي الفتره الي قعدتها معها ساعات ..اجل وش افسر خوفي عليها واذا تكلمت احس قلبي بيطلع من مكانه.. احس اني مبسوط والدنيا مو سايعتني من السعاده ....اخاف انو اعجاب بس.." ريم: سليمان.. ياهوه وين صار لي ساعه اناديك.. سليمان: هلا وين رحت .. معاك معاك.. ريم: معي.. وين معي بالله ونا صار لي ساعه اناديك ... كنت اقول لك وانت ماراح تفقدني يوم السبت ولا عادي.؟؟<<باعتها البنت.. سليمان: اكيد راح افقدك واشتاقلك بس امرنا لله وش نسوي .. والصراحه احس اني تعودت عليك.. وسكت عشان لو كمل بيفضح عمره.. وكمان عشان ما يحسون عليه الشباب.... ريم سألت تركي نفس الؤال عشان يكون الوضع عادي.. ريم: وانت يا تركي ولا بعدك زعلان.... تركي: ازعل انا ازعل منك... بس لاتنسين تعرفيني على اختك لاني احس انها احلى منك واسلوبها احسن منك يالعربجيه.. ريم: مسكين احلم بس احلم ولا يكون على بالك انو انا واختي من هالبنات اصحى...ترانا بنات ناس واصل ومتربين ... ولا تفكر ان ما عندنا اهل.. ضحك الكل على هالموال الي كل شوي تعيده.. تركي: الحمدلله غيرت فيه شوي.. سعود: الله يرجك.. والكل يضحك حتى ريم توها تنبه لهذا الموال الي تعيده عليهم كل شوي .. ريم: احسن عشان اذكركم اخاف انكم تنسون ولا شي.. سليمان: لاتخافين حافظينه عن ظهر قلب.. وضحكو على من ظهر قلب.. نواف: ومن وين جبتها هذي . سليمان: الله يخلي المسلسلات هههههه وراحت الحصه كلها ضحك وفله وهوشات شويه بين ريم وتركي.. بس كان على مزح .. وريم كان ودها تجلس مع سليمان اكثر... ودها تطلع من المدرسه بأسرع وقت لانها خايفه يصير لها شي ........ وصفرت الحصه معلنه نهاية الدوام ونهاية لقاء سليمان وريم ...ونزلو للساحه ... سعود: رورو بليز اجلسي معانا... ريم: لاتفلها انت خلاص انا بفسخ الثوب وبرجع بنت طبيعيه .... خلاص اسمعني زين اذا لبست العبايه مو تكلمني كأنك تعرفني خلاص انسى اني ولد... سليمان هنا تحطم لانه توقع انه ممكن علاقته تستمر مع ريم بأي شكل من الاشكال.. بس ريم من كلامها قطعت كل خيوط الامل الي كان موصلها .. ريم: يله سليمان راح اعطيك ثوبك والبس عباتي ..... وكانت تقول في نفسها" معقوله ما راح اشوفه مره ثانيه والله تعودت عليه" سليمان بحزن: يله.. ريم وسليمان راحو للمكان الي لبست ريم فيه الثوب لانها كانت مخبيه مريولها وعبايتها فيه .. اخذت العبايه وعطتها سليمان عشان يخطيها بنفس الطريقه الي لبست فيها .. وفسخت الثوب ولبست مريول المدرسه وبعدها عطته الثوب اخذت العبايه وتوها بتلبسها لف عليها سليمان: طيب بتطلعين كذا قدام الطلاب الي بالساحه.. ريم: صح والله ما فكرت.. اجل البس الثوب على المريول واذا طلعنا برا فسخته سليمان : ما يحتاج خليه معاك ذكرى.. ريم: مشكور وما تقصر واكيد راح تكون احلى ذكرى بحياتي صح انها متعبه ومرعبه بس بتظل حلوه... سليمان: اوكيه مشينا .... كانوا تركي وسعود ونواف يتظرونهم برى ... وصلو عندهم.. نواف: ما لبستي العبايه .. ريم: خفت البسها داخل ويصي لي شي على نهاية الدوام عاد.....يعني بعد هذا كله في النهايه اتوهق .. فا قلت البسها برى احسن.. سليمان.. بحزن ما يبي ريم تروح عنه حس كأنه يعرفها من زمان : تعالي نروح مكان بعيد بسرعه عشان تلبسين عبايتك .. اوكيه ريم: اوكيه يلا.. راحت ريم ولبست العبايه وحطت الثمه وطلعت عليه.. سليمان: بالعبايه احلى .. ريم: تسلم عيونك الحلوه.. سليمان صار يطالع فيها وما قدر يشيل عيونه عن عيونها وحتى ريم تطالعه تحس بعيونه كلام .. ما حاولت تفسره.. انها ميته عليه وما توقعت انه راح يميل لها.. ريم انبهت لنفسها وخرت عينها من عينه وهوحس بعمره ... ورجعوا للشله وهم ساكتين.. تركي: ما صار كل هذا تلبسين عبايه... طولتوا.. ريم تبي تصرفه: انت وش عليك .. ياربيه هالولد حاشر عمره بكل شي.. تركي يناظرها بنظرات استحقار .. بس ريم مطنشته..وبعدها.. ريم: سليمان معليش اليوم صدق ازعجتك وتعبتك معاي وانا عارفه انو طلاباتي كثيره بس ممكن اخر طلب... سليمان: لاعادي وش دعوه ترى كلها يوم في العمر نشوفك فيها تدلي انتي<<<بدى يمون الاخ.. ريم: ممكن موبايلك ابي اتصل على اختي اشوف وينها تأخرت واخاف اخوي يشوفني وبعدها صدق اروح فيها.. سليمان يطلع موبايله : تفضلي.. ريم: زاد فضلك.... واتصلت على اختها.. ريم: الو رغد وينك.. تأخرتي.."هنا على طول تركي سمعها وسجل الاسم براسه.... بد يفكر رغد والله شكلها عذاب احس انها احلى من اختها متى تجي بس واشوفها." ريم: يا بنت الحلال .. تأخرتي يله بسرعه اخاف مشعل يشوفني وبعدها وصدق اروح فيها..وتصير فضيحتي بجلاجل. رغد: طيب خلاص شوي واصله يلا باي.. ريم: باي.... سليمان تفضل موبايلك..مشكور. سليمان: الحين هي وينها. ريم: تقول انها قريبه. سليمان: خلاص احنا بنوقف بعيد عشان محد يشك فينا.. تركي: احلى يا الحريص عليها.. ريم وهي مستحيه: اوكيه... ادري تعبتكم معاي وازعجتكم كمان.. سعود ونواف : تعبك راحه.. صار الكل يضحك لانهم قالوها مع بعض ....." ريم حست انها بتفارق اخوانها .. انو صدق في ناس نيتهم صافيه مثل ما في ناس نيتهم خبيثه. وفيه الصالح مثل ما فيه الطالح وان موكل الشباب او الرجال سوا صح الموقف الي انحطت فيه موقف قوي وكانت ما تظمن انها تطلع من المدرسه سليمه بس سبحان الله كل شي كاتبه مثل ما كتب لها انها تطيح بين ايدين سليمان الرجال العاقل الفاهم الي وقف معها يمكن ما نقلى كثير مثله بس موجود" وهم كمان ما ودهم يفارقونها ويعاملونها على انها اختهم .... راحو الشباب بعيد عنها وهي واقفه مستنده على الجدار تنتظر اختها وسليمان كان يطالعا طول الوقت ومنجذب لها وبعدها شاف شلة شباب يطالعون ريم والي ينطل عليها كلام والي يغازل وهي مطنشه بس سليمان ما قدر يمسك اعصابه وراح لها.. سليمان بعصبيه: ممكن تغطين عيونك .. يعني ما تشوفين الشباب يمرون من عندك ونطلون عليك كلم وانتي عندك عادي ما حركتي ساكن.. ريم بإنفعال: طيب قلي.. ماله داعي الصراخ والعصبيه.. سليمان: يعني تبين اقولك تكفين غطي عيونك عشان خاطري.. الله يخليك.. ريم وهي موصله معها: لا مو كذا فيه اسلوب ثاني اتوقع احسن من هالاسلوب وبعدين وش عليك مني لايكون ولي امري وانا ما ادري<<<من جد موصله معها.. سليمان بهدوء: الحين هذا جزاي الي كنت خايف عليك.. ريم وهي ذايبه على هدوئه: طيب لو انك جاي ومكلمني بهدوء ما كان صار الي صار.. سليمان: طيب خلاص اسفين .. وحقك علينا..امري بعد.. ريم غطت عيونها وطالعت سليمان:خلاص وهذا الي تبغاه سويناه.. سليمان: كفوا والله رورو شاطره الي تسمع الكلام.. ريم بنفسها" يا حلو رورو من لسانك" وبعدها شافت اختها رغد جايتها وعلى طول راحت لها وحضنتها ورغد احضنت ريم بقوه تحس انها كانت بتروح منها.. رغد: خوفتيني عليك يالدوبه.. ريم: والله يا رغد ما تصدقين الي صار لي اليوم حسيت اني راح اموت من الخوف.. رغد: بتقولي السالفه بعدين .. بس كنت قايله لك مالها داعي هالنحشه انتي الي اصريتي الله يهداك..يله مكتوب لك يا بنت ..كل هذا وعساك تتوبين من هلافكار الي راح توديك في ستين داهيه .. ريم: خلاص رغد الي فيني مكفيني..لاتزودينها علي.. رغد: الا وين سليمان ودي اسلم عليه واشكره... ريم: شوفيه هناك .. بس اسمعيني لاتجبين له طاري فلوس وما فلوس تراه يعصب.. رغ: يله.. تعالي معاي. ريم ورغد راحو لعندهم... وصارت ريم تعرفهم عليها لان معلروفهم اكبر من انو بس تشكرهم. ريم: هذا نواف.. نواف: اهلين تشرفنا بمعرفتك يا........ الا وش اناديك.. رغد: رودي.. نواف: هلا رودي تشرفنا مره ثانيه بعد التعارف.. رغد: لي الشرف. ريم: هذا سعود.. سعود: هلا والله رودي كيفك وش اخبارك وعساك بخير؟؟ رغد: اهلين الحمد الله بخير.. ريم: وهذا تركي.. تركي وهو مطير ومركز عيونه عليها : اهلين رودي ...صراحه ما توقعتك كذا احلى من اختك هالعربجيه.. رغد: تسلم اخوي بس شكل رورو موريتك الويل عشان كذا تقول عنها عربجيه.. تركي: والله ما قصرت اختك كفت وفت ما بقى كلمه ما قالتها لي صراحه اختك شي راعية واجب<<<يطنز. رغد صارت تضحك على حركات اختها تعرفها زين.. تركي في نفسه" يا لبى هالضحكه يا ناس .. جنان وعونها تذبح.. ريم: واخيرا هذا سليمان.. سليمان : هلا بأخت رورو <<<<مسوي مؤدب.. رغد: اهلين اجل انت سليمان الي مزعجتني اختي تدمح فيك ساعه<<< فضيحه.. ريم تنغز اختها: رودي ليش تحبين تبالغين وتكبرين الامور.. رغد تبي تصرف المضوع: هههههههه تعرفيني احب ابالغ.. ريم بنفسها" صدق ما تعرف ترقع" رغد: مشكور وما قصرت وصدق اثبت انك قدها والكلام والله مو قادر يطلع معاي لانك بصراحه انقذت اختي من موقف محد يحسدها عليه .. سليمان: والله يا رودي ما سويت الا الواجب وعاملتها كأنها اختي واكثر.. رغد: والله كلكم ما قصرتوا ...... مع السلامه .... رورو يلا مشينا... ريم: يلا .... باي.. مع السلامه وراحت وهي تناظرهم وبالاخص سليمان.. تركي: مع السلامه ... ان شا الله نشوفك يا رودي واختها مره ثانيه ولا تنسونا ... مع السلامه ...باي<<<يصارخ. نواف : يا اخ تركي الناس راحوا وصلوا اليت وانت للحين تودع... سعود: يالله مشينا بس صدق راح نفقدها حتى اختها مره طيوبه.. تركي: ايه اختها صراحه احس انها بنت رهيبه..ما ادري ليش... سليمان بحزن: يله شباب كل واحد على بيته .....مشينا..... نهاية الفصل .. |
|
|
#5 |
|
|
رد: رواية احلى صدفه في حياتي سعوديه. رومانسيه . كامله
[FONT=arial] الجزء الثاني سليمان: ايه صح تذكرت اني نسيت اغراضي بالفصل بروح اجيبها.. تركي: ابجي معاك.. سليمان: يله.. راح سليمان وتركي للفصل ودخل سليمان يده بالدرج عشان يطلع الكتب الي فيه وبعدها ناظر الكرسي الي جنبه وتخيل ريم جالسه فيه وضاق صدره زياده ودخل ايده بالدرج الي كانت جالسه فيه ريم ولقى ساعة ريم.. سليمان: تركي لقيت ساعه رورو .. تركي: جد خليني اشوفها.. سليمان: وش تشوف؟؟ تركي: اشوف هي ماركه ولا لأ.. سليمان: والله انك فاضي.. تركي: طيب وش فيك معصب.. سليمان ارتبك: هاه..ماني معصب ولا شي..بس وش اسوي بالساعه.. تركي: خلها ذكرى معك.. سليمان: وانت صادق.. وطلعوا بعدها كل واحد راح لبيته... &&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&& ركبوا ريم ورغد السياره.. رغد: ريم الحين تقولين لي السالفه.. ريم بطفش: رغد تكفين تعبانه ومالي خلق اتكلم.. رغد: ما علي منك بتكلمين يعني بتكلمين وش يصبرني انا.. ريم: طيب معليش كملي صبرك لين اوصل البيت.. رغد: شوفي تراك قلتي لين نوصل البيت مو اذا رجعنا تسوين حركاتك.. ريم: أي بس اسكتي الحين.. ريم سندت راسها تبي ترتاح من مغامره ما خطرت على بالها..صح انها من الشخصيات الي تحب المغامره بس مغامره عن الثانيه تفرق.. اول ما وصلوا للبيت وبدلوا ملابسهم.. ريم تطالع الثوب وتخيل سليمان.. رغد: ممكن اعرف وش قاعده تسوين.. ريم وهي مبتسمه: رغد وش رايك بالثوب يجنن صح.. رغد تطالع الثوب: وش فيه غير احس انه عادي.. ريم: اقول اسكتي ما عندك سالفه.. وعلقت الثوب وباسته ودخلته الدولاب.. رغد ذكرت: ريم يله يله الحين تقولين لي وش صار.. ريم: طيب كملي جميلك واصبري لحد ما اقوم من النوم.. رغد: ما علي منك الحين بتقولين لي ..انا وش يصبرني لحد ما تقومين حضرتك.. ريم: اعرفك تحبين القافه.. رغد: هذي مو سالفه عاديه هذي سالفه خطيره والي كانوامعك اخطر.. ما اقدر انتظر اكثر.. ريم: يله اسمعي وش صار.. "وبدت ريم تقول وش صار لها لاختها .. واختها مستغربه من جرئتها" رغد: بصراحه وقدام الناس وبدون غرور انتي جريئه بقوه.. ريم: عشانك ما جربتي الي جربته ..تخيلي عيال في عيال وما في ولا جنس ناعم..انتي في هذاك الموقف وش بتسوين ..اكيد راح تشغلين مخك عشان تطلعين من هالورطه.. رغد: انا بس ودي اعرف كيف من وين جتك فكرة انك تنادي واحد يطلعك من الدائره الي كنتي فيها.. ريم: تصدقين ما ادري وشلون خطرت بالي.. رغد: ايوه وكملي عن سليمان <<تقولها بدلع.. ريم: سليمان...آآآآه يا سليمان<<البنت تتعذب.تصدقين يا رغد ولا ما تصدقين.. رغد: قولي يا الرومنسيه.. ريم: بصراحه هذاك الرجال شي خطير..تقولين جمال وفيه .تقولين اخلاق وفيه تقولين ذوق وفيه تقولين رزه وخفة دم بعد فيه.. رغد: بس بس كثرتي على الولد.. ريم: اصبري اصبري بعد ما خلصت كلامي..تقولين ثقل فيه وعيون آآآآآه بس جنان كل شي كل شي فيه كامل والكامل الله<<ما شا الله رغد: هو صح جميل واخلاق وكل شي.. بس احسك تبالغين.. ريم: لالا انا ما ابالغ والله لو انك كنتي فيه كان صدقتي.. رغد: اقول لا يكون........"وتقول بصوت رومنسي" حبيتيه.. ريم تستهبل: يمكن.. رغد: قولي والله.. ريك" لالا امزح ما ادري ..بصراحه احس اني حسيت معاه بمشاعر واحاسيس اول مره احسها.. رغد: وش حستي عشان افسر لك احساسك.. ريم: ما ابغى تفسيراتك يا الملقوفه حتى في احاسيسي داخله عرض.. رغد: انا اختك وش فيك.. ريم: هاه الحين اختي والله.. لوابغى منك شي او طلبت منك شي ما وافقتي.. رغد: اطلبي...قولي..امري..تدلي الي تبين بس قولي.. ريم تصرف الموضوع: الاما قلت لك تركي حاط عينه عليك.. رغد تحمست: وشلون عرفتي؟؟ ريم:انو يوم قلت لسيمان اني بتصل عليك نط بوجهي تركي وقعد يسألني عنك..وش اسمها وش كبرها تشبهلك ولا احلى منك ..و.. رغد: وانتي وش قلتي له.. ريم: اكيد قلت له اني احلى منك واروع واجمل منك يا الخبله.. رغد: الخبله انتي...لا قولي الصدق عاد.. ريم: يعني وش قلت له ..قلت اعقل عن اختي ومالك شغل فيها.. رغد: ليه حرام عليك.. ريم بدهشه: شنو حرام عليك..توك شايفته وما عرفتيه وترحمينه..اجل لو انك عارفته وقاعده معه وش بتسوين؟؟ رغد: اصلا انا من اول ما شفته وهو خاش مزاجي.. ريم: بلا خاش بلا طالع اعقلي تراك انتي الكبيره.. رغد: يعني لازم الكبيره تعقل والصغيره تنهبل عادي.. ريم: ايه الصغيره مرفوع عنها القلم.. رغد منقهره: ايه بلاك مجنونه يا المجنونه انقلعي عن وجهي يله انقلعي.. ريم: انا طالعه احسن من مقابل وجهك.. " وهي بتطلع " يا المجنونه < وطلعت وسكرت الباب بسرعه قبل لا تلحقها: رغد قعدت تضحك على اختها وخبالها.. &&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&& سليمان اول ما رجع للبيت وهو يفكر بريم وما قدر يشيلها من باله.. " يا الله هالبنت خذت عقلي وراحت.. بس ما شا الهم عليها جمال وادب.. بس باين عليها اخلاق.. وصح انها في بعض الاحيان احس انها فري شوي.. بس اتوقع انها مضطره سوت كذا.. بس تهبل ..تجنن.. بس ما ادري كيف بوصلها........ايه صح انا اعرف مشاري اخوها انا لازم اتقرب منه بأي طريقه.. على الاقل اكون قربت منها شوي" وبعد ما وصل لهذا الحل حط راسه ونام ويحلم احلام اليقضه<<ولا سيدتي...هئ هئ هئ خخخخخ &&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&& في بيت ريم ورغد على الغدا جالسه العائله.. ام مشاري: ريم..رغد لا تنسون اليوم بنروح بيت عمكم ابو ماجد مسوين عزيمه.. %%%%%%%%%%%%%%%%%%%%%%%%%%%%%% %%%%%%%%%%%%%%%%%%%% %%%% راح اعرفكم على بعائله ابو ماجد.. ابو ماجد: يشتغل في نفس اخوه ابو مشاري.. ام ماجد: الام المحبه المعطاة واقرب وحده لام مشاري وكأنهم خوات.. ماجد: الولد الكبير عمره (25) سنه يشتغل مع ابوه وجميل وجذاب وثقل.. وليد: عمره(22) سنه يدرس بالجامعه"ادارة اعمال" حلو وسيم وعيونه مره حلوه والكل يتكلم عنها من جمالها .. وثقل وله هيبته بالمجالس وبس وقت المزح يفلها..ومعروف عنه انه ما يعتذر لو كان غلطان وما يترجى احد.. عبير: عمرها(21) سنه بالجامعه " قسم تاريخ" مهبوله وخفيفة دم وحبوبه وعربجيه وعجازه وهي من ضمن شلة العرابجه "عبير العنود ريم- وفجر بنت عمتهم" ومن ناحية الجمال ما عليها متوسطة الجمال.. العنود: عمرها (17) سنه بثاني ثانوي مرجوجه ومهبوله وام العرابجها ولقبها ام الشباب وهي تعتبر "بويه"ومن ناحية الجمال جميله جمال طبيعي بس ما تحب تبينه.. %%%%%%%%%%%%%%%%%%%%%%%%%%%%%% %%%%%%%%%%%%%%%%%%%% %%%% ريم: يا الله من زمان عنهم.. رغد: أي والله بصراحه اشتقت لهم.. ام مشاري: ما اوصيكم ابغاكم تصيرون جاهزين على المغرب.. رغد: ا نشا الله... المغرب ريم ورغد يلبسون... ريم: رغد ما شفتي ساعتي الي بابا جابها من لندن رغد: لا والله ما شفتها.. ريم: يا الله ما دري وين حطيتها.. رغد: تذكري متى اخر مره لبستيها.. ريم تتذكر: اخر مره....اخر مره.....ايه صح اليوم في المدرسه ونسيتها في مدرسة سليمان.. رغد:اها اجل مدرسة سليمان ترى على فكره المدرسه لها اسم.. ريم بدلع: وش فيك غايره..كيفي مدرسة سليمان لتعليم الحب وش عليك مني وقطع عليهم صوت امهم... ام مشاري: ريم.. رغد يله يا بنات صوتي راح من كثر ما ناديكم يله وهذا وانا موصيتكم... رغد: يمه وش فيك لازم نتكشخ ونتسنع وبعدين نروح وش تبينهم يقولون عنا.. ام مشاري: ايه يله يله قدامي اشوف.. "وصلوا لبيت عمهم وكانوا البنات مع بعض والحريم مع بعض والرجال مع بعض برا" "كانت ريم لابسه تنوره بنيه قصيره لفوق الركبه وبدي بني وفيه رسمه بالون التركواز وسندل تركواز مره نعوم" "رغد كانت لابسه برمودا لونها ابيض وبلوزه كت اسود وكتوب عليها بالكرستال وطالعه مره كيوت" رغد لبنت عمها: عبير حبيتي طفا موبايلي ابغى شاحن.. عبير: يا ربيه فوق والله عجزانه اروح اجيبه.. رغد: طيب عادي باروح اجيبه بس وينه وفيه.. عبير: هو في غرفة وليد.. رغد: طيب وليد موجود.. عبير: اكيد عند الرجال.. رغد: اوكيه انا رايحه.. &&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&& عند الرجال ماجد لاخوه وليد: وليد ..وليد قم جب العشا.. وليد: قم انت وش فيك ما تقوم عسى المانع خير.. ماجد: والله مالي خلق وقفه وزحمه وعوار راس.. وليد: يعني احد قالك اني انا لي خلق اوقف في الزحمه.. ماجد: ياخي قم خلاص لا تفشلنا يقولون رجاجيل ولا واحد منهم جاب العشا.. وليد بيأس: بروح امري لله.. جعل ربي ياخذك.. ماجد: انا اخوك تدعي علي افا.. وليد: لا تتمصلح معي.. عطني مفتاح سيارتك ماني فاضي اطلع فوق اجيب مفتاحي.. ماجد: سيارتي بالورشه.. وليد: يوه يعني طالع فوق طالع.. ماجد: يله بلا عجز قم.. وليد: لا تنافخ لا اهون واخليك تروح انت.. ماجد: خلاص خلاص التوبه رح يله بس .. وليد: ايه كذا تسنع.. &&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&& رغد كانت فوق ودخلت غرفه وليد وقعدت تدور الشاحن في الغرفه وكانت الغرفه معفوسه ولا لقته قعدت تدوره يمين وشمال وسمعت احد يفتح الباب.. رغد وهي ما طالعت الي دخل: عبير ما لقيته تعالي دوريه معاي.. الغرفه مره معفوسه اخوك ما ادري وشلون عايش.. وليد كان ساكت ويطالعها وفاتح فمه" وش هالمزيونه وداخله غرفتي بعد وش تبي.. بس والله من جد تهبل وعليها جسم جنان شكلها من بنات عمي.من هذي .... معقوله تكون رغد.. والله كبرت وتغيرت . ولا واحلوت بعد مشا الله" رغد بعصبيه: عبير يله بسرعه تعالي وش في لفت وانصدمت بالي واقف قدامها.. رغد وهي ميته حيا: آآآآآآآآآآآآانا ...على...كنت.....الشاحن....موب ايلي.. وليد حس انها مستحيه ولف وجهه عنها :شوفيه على السرير.. رغد طلعت ولا اخذت الشاحن ولا غيره..بعد ما طلعت لف وليد وما شافها وهي تطلع وناظر الشاحن في مكانه اخذه واخذ معه مفتاح السياره ونزل وراح لعند البنات.. وليد: عبير تعالي...."وراحت عنده.. عبير: خير وش تبي.. وليد: عطي الشاحن رغد.. عبير: وانت وش دراك انها تبي الشاحن... وليد: بلا لقافه وعطيها الشاحن وانتي ساكته" وطلع" عبير ما فهمت وش السالفه.. عبير: خذي الشاحن جابه لك وليد.. رغد ارتبكت: وليد...جابه..الشاحن.. عبير: وش سالفتكم انتم.. رغد تصرفها: لا انا كنت طالعه للغرفه وصادفته وقلت له اني ابي الشاحن ونزلت وما اخذته بس هذي السالفه.. عبير: اها رغد في نفسها" يا ربيه وش هالفشيله وش يبي يقول عني داخله غرفته واحوس فيها ولا واحش فيها بعد صدق اني ما استحي" ريم: رغد ..رغد..رغدوه.. رغد: نعم نعم وش تبين.. ريم: صار لي ساعه اناديك وش تفكرين فيه.. رغد: وش القافه.. ريم: افا.. وانا الي اقول لها كل شي ومتحمله لقافتك تقولين لي الكلام.. رغد: خلاص لا تزعجينا ..اقولك بعدين.. ريم: اهم شي انك تقولين لي.. رغد: ايه هذا الي فالحه فيه القافه.. ريم: طالعه عليك.. رغد: بسم الله علي منك ريم: اقول اقول اسكتي ولي يعافيك.. راح وليد لعند الرجال ونسى العشا من الصدمه وجلس جنب ماجد وهو فاتح فمه <<مفهي.. ماجد: خير انشا الله ورى وجهك منقلب ولونك رايح.. وليد:................ ماجد: ياهوه.. يا عرب اكلمك انا.. وليد: يا اخي ضف وجهك من زينك ومن زين وجهك لا تكلمني.. ماجد: خير وش قلت احترمني لا اكوفنك هنا..وش سالفتك ..طيب على الاقل سكر فمك.. وليد: هاه.. ايه...لا ...فمي.. ماجد: لاحول انت وش شارب وين رحت كل هذا مفتاح بعدين جبت العشا.. وليد بفهاوه: العشا..اي عشا.. ماجد: لا الولد بنوديه يقرون عليه هيه انت اصحى.. وليد: انا قايم اجيب العشا احسن من مقابل خشتك مع السلامه.. ماجد: الحمدلله والشكر...صدق العقل نعمه.. وليد في السياره ورايح مع افكاره" يا الله معقوله هذي رغد مو معقول من يوم كانت صغيره وهي حلوه ويوم كبرت طلعت احلى ويني عنها من زمان خذت عقلي يا ناس من اول نظره" &&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&& عند البنات ريم: والله بنات مشتهيه رقص وردح من زمان ما رقصت..اقول عبير قومي جيبي لنا مسجل خلينا نبسط.. عبير: والله صادقه...خلينا نغير جو.."وراحت" العنود: يله بنات تراني من جد تحمست وش رايكم نستهبل صح.. ريم: يله نورينا..ترى من زمان عن الهبال ... وناظرت رغد وضحكت.. رغد: ما تتوبين ابد ههههههه.. العنود: عندي فكره جهنميه.. ريم بحماس: قولي يله ترى لقافتي ما تخليني اصبر.. العنود: ولا اقول اصبري شوي احسن.. ريم: العنود بلا سخافه قولي بسرعه.. رغد: قولي لها ترى بيجيها جلطه وتموت علينا.. العنود: خلاص بقول لكم<<ما بغت.....الفكره هي......هي.......هي.. ريم: قسم بالله اذا ما تكلمتي ترى بأقوم واحوسك...اعصابي تلفت.. العنود: خلاص يمه خوفتيني..وش رايكم نلبس ثياب وشمغ ونرقص ونستهبل مثل الشباب.. ريم: يا عيني والله خطير هوانا اقول طالعه على مين اثري عليك.. رغد: في هذي صدقتي.. عبير: هاه بنات جبت المسجل... العنود: عبير الله يخليك كملي معروفك وجيبي ثياب وشمغ حقت وليد وماجد.. عبير: من جد بنلبس ثياب.. العنود: ايه افرحي يله بس قومي جيبيهم.. عبير: والله توني طالعه وما راح اطلع فوق مره ثانيه.. العنود: خلاص بقوم يا السودانيه.. راحت العنود وجابت الاغراض.. ريم: يا الله وناسه ماني مصدقه.. رغد تتريق عليها: لا حبيبتي صدقي صدقي والله خبله"وتهمس لاختها"ما كفاك الي صار اليوم... ريم بلع: لا حبيبتي ما كفاني.. رغد: خبله من جد خبله مخ ماكو.. ولبسوا البنات وشغلوا المسجل وعلّو عليه اخر شي وبدا الهبال والرقص وطبعا لا يخلو من الهزا بالناس.. ريم: عبير تتذكري ولد خالتك كيف يرقص.. عبير: هههههههه تصدقين ذاك اليوم بس اضحك ما سكت ابد وركبت السياره وانا ماسكت وجا من بكره واتذكر واقعد اضحك عليه ههههه.. صراحه رقصه تحفه شي.. ريم: هههه ياريته موجود معنا عشان اضحك عليه... عبير: ريم ريم تكفين قومي قلديه.. ريم ماصدقت خبر:من عيوني" وبدت تقلده وترقص مثله والبنات متسدحين من الضحك.. سمعت رغد الباب يندق.. رغد: عبير الباب يندق قومي شوفي مين.. عبير: بكيفهم خليه يدق لما يمل ويروح.. رغد: خير وش هالاسلوب وين عاشين.. عبير: يا اختي الي يبي شي يدخل ولا لايدخل احسن له..واذا حابه قومي افتحي الباب انتي.. رغد: صدق ما تستحين على وجهك هذا وانا ضيفه عندكم تأمريني.. عبير:والله ما حد قالك تصيري ذربه..تبن تفتحين افتحي ما تبين كيفك.. وخليني ارقص بس.. رغد ما تحملت وراحت تشوف من عند الباب..فتحت الباب وهي لابسه الثوب ومتلثمه بالشماغ<<يا عيني على العيون.. "ملاحظه جدا هامه انهم ما يتغطون عن اقاربهم بعض الاحيان يتلثمون والبعض الاخر يتحجبون ولبسهم يكون ساتر واذا كان لك عليه شوي لبسوا عباياتهم" رغد فتحت الباب:...................<<منص دمه وليد:......................... .............<<بعد هذا منصدم.. رغد:آآآآآآ ..تبي شي انادي احد.. وليد: لا مابي شي بس ما شا الله هزيتوا البيت بمسجلكم هز..قصروا عليه شوي.. رغد: بس هذا الي تبيه.. وليد يبي يطول السالفه:لا ابغى شي ثاني.. رغد تطالعه: وش الشي الثاني... وليد وهو يطالع عيونها: انتي ريم ولا رغد.. رغد ملت: لا رغد.. وليد: طيب وش عندكم لابسين الشمغ والثياب لايكون بس ثيابي.. رغد تصرف: لا هذولا انا جايبتهم معي.. وليد فلها: ما شا الله متجهزه هههههههه.. رغد انقهرت: والله انا حره اسوي الي ابي.. وليد: طيب انا ما قلت شي يزعل.. رغد وصلت معاها: تبي شي ثاني.. وليد:آآآ ايه..ابي شي ثالث.. رغد: خير... وليد: الخير بوجهك.. رغد في نفسها" شكل الاخ مطول" عبير تصاخ: رغد ما صار...من عند الباب.. رغد: هذا ..هذا.. قاطعها وليد: اسمعي لا تقولين لها انه انا.. رغد : وليه انشا الله.. وليد: بس كذا خذي العشا وديه المطبخ.. رغد: ما تلاحظ انك تمون بزياد علي.. وليد: بنت عمي وكيفي.. رغد: شنو كيفك احد قالك اني اشتغل في بيتكم.. وليد: لا ب قطعت عليهم عبير تصارخ: رغدوه وجع انشا الله احاكيك من ساعه وما تردين علي ليش.. رغد تبي تفضحه: لا بس اخوك وليد ناشب ما ادري وش يبي.. عبير: وليد عندك خليني اقوم اوريه.. وليد: اقول الحق على عمري ازين...رغد مع السلامه.. رغد: ما شا اله يمون العم ولا بعد جرئ ودخلت وسكرت الباب.. عبير: وش ذا النشبه.. رغد: انتي واخوك ما شا الله طينه وحده..انتي تأمريني من جهه واخوك سلامة قلبه من جهه ثانيه.. عبير: ليه وش قالك؟؟ رغد: يقول لي وبكل جرئه ودي العشا للمطبخ.[/COLR]FNT=Blue ac"iw عبير تبي ترفع ضغطها: ايه عادي وش فيها.. رغد وصلت معاها: اقول انقلعي انتي واخوك النشبه تراها وصلت معاي.. عبير: ههههه يا حلوك وانتي معصبه.. رغد ما قدرت تمسك نفسها وضحكت: هههههههههههه وكملوا البنات السهره ..رقص هبال وردح واكل<<<شي اساسي...وبعدها رجعوا لبيتهم وناموا على طول... &&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&& يوم الخميس العصر الساعه ثلاث ريم ورغد جالسين بالصاله عند التليفزيون.. رغد: ريم حبيبتي اختي...وش رايك تقومين وتسوين لنا كوفي نروق عليه.. ريم: قولي للخدامه. ace="iwR رغد: لا الخدامه ما تعرف قومي انتي.. ريم تفكر: والله شوفي بما اني محسوبه عليك اخت وبما اني طيبه وحنونه بقوم واسوي لك.. رغد: طلعتيه من عيني قبل لا اشربه.. ريم: احسن عشان ما تتهني فيه.. رغد ترمي عليها الخداديه: قومي بس يا النذله.. ريم: ههههههه "وراحت المطبخ" رغد منسجمه مع التلفزيون ورن موبايلها ........:الو رغد: الو .......:الاخت رودي.. رغد: ايه نعم خير اخوي.. .......: انا انا سليمان الي بالمدرسه.. رغد: سليمان ال(.....) عرفتك هلا والله..اخوي بغيت شي.. سليمان: لا سلامتك بس حبيت ا قول ان ساعة رورو معاي لقيتها بالمدرسه.. رغد: اوه ساعة رورو معك يا عمري عليها بتموت عشانها.. سليمان: لهدرجه غاليه عليها.. رغد: واكثر.. سليمان: بس كيف راح اعطيها الساعه.. رغد:شو فانا بعطيك رقم موبايل رورو وانت تفاهم معها.. سليمان في نفسه"وجت من الله":اوكيه اختي ارسليه لي.. رغد في نفسها" لا الولد من جد مستعجل": اوكيه برسله الحين باي.. سليمان: باي.. دخلت ريم.. رغد: عندي لك خبر يا ريم بمليون.. ريم بدت القافه تشتغل عندها: ايه وشو؟؟؟ رغد: توقعي من المتصل علي.. ريم: مين!! رغد: فكري.... ريم: عبير... رغد:لا.. ريم: العنود.. رغد: كمان لا... ريم:اجل وليد.. رغد: كمان لا.. ريم: ترى اذا ما قلتي لي بذبحك بسرعه مين!!! رغد: لا فكري شوي.. ريم: رغد ترى اليوم بأرتكب فيك جريمه قولي لا اذبحك.. رغد: بقول خلاص....الي متصل هو.....هو.....هو.... ريم: قولي بسرعه تعبت.. رغد: رحمتك والله ...بقولك الي متصل هو سليمان.. ريم نقزت من مكانها: كذابه...سليمان...مستحيل..مومصد قه كيف وشلون وليش ومتى وش قال وش قلتي له وش السالفه بسرعه تكلمي.. رغد: عمى كل هالاسئله اقول مريني بكره.. ريم: والله ما تتحركين من مكانك لما تقولين لي كل شي و بالتفصيل الممل ..هذا سليمان يا قلبي.. رغد: بدينا....اسمعي السالفه.. "قالت لها السالفه" ريم: وعطيته رقمي.. رغد: ايوه يا قلبي..لا تموتين علينا..المفروض تشكريني وتحبين على راسي.. ريم: والله تستاهلين.. رغد: سبحان الله يغير وما يتغير قلب ريم من العربجه والدفاشه الى الرقه والنعومه سبحانه... ريم: عشانك ما جلستي معاه.. رغد: بصراحه ما تنلامين شايفته مزيون يقطع القلب.. ريم:آآآه بس ذكرتيني بأيام الخوالي.. رغد: الخوالي...من وين جايبتها شكلك شايفه فلم مدبلج.. ريم: تصدقين ما ادري من وين طلعت هالكلمه بس اكيد هذا تأثير سليمان طلعها.. رغد: ايه سليمان غيرك 120 درجه مئويه.. ريم: رغد تتوقعين بيتصل علي الحين.. رغد: احتمال.. ريم: ما قال لك متى بيتصل.. رغد: اثقلي يا بنت ولا تصرين مرجوجه.. ريم: والله ما اقدر.. رغد بجديه: اسمعي عاد مو يلعب بعقلك ويفر مخك فرتين وتروحين فيها..كل شي استشيريني فيه وفتحي عيونك وعقلك مو قلبك فاهمه.. ريم: ا نشا الله لا تخافين علي... نهاية الفصل || |
