ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > المواضيع المتشابهة للاقسام العامة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
المواضيع المتشابهة للاقسام العامة رواية احلى صدفه في حياتي سعوديه. رومانسيه . كامله يوجد هنا رواية احلى صدفه في حياتي سعوديه. رومانسيه . كامله هنا توضع المواضيع المتشابهة


مشاهدة نتائج الإستطلاع: هل اعجبتكِ الروايه ؟؟
جميله جداً 15 83.33%
جميله 3 16.67%
عاديه 0 0%
ليست جميله 0 0%
المصوتون: 18. أنت لم تصوت في هذا الإستطلاع

 
قديم 06-27-2010, 10:27 PM   #31

حورة العيون


رد: رواية احلى صدفه في حياتي سعوديه. رومانسيه . كامله


رواية احلى صدفه في حياتي سعوديه. رومانسيه . كامله

الجزء الخامس والعشرون


ربط جميع الركاب احزمة الامان..وهبطت الطياره..وبعد لحظات وقفت ونزلوا جميع الركاب..وكل واحد ينتظر المستقبل وش مخبي له..
خلصت العوائل اجرات المطار وبعدها توجهوا للفندق الي كانوا حاجزينه لانهم من جد كانوا تعبانين ويبون يرتاحون..بعد حوالي نص ساعه وصلوا للفندق.كاو حاجزين تقريبا مر كامل لهم..البنات اعترضوا كانوا يبون سويت لهم .بس اكيد الاهالي رفضوا وصارت كل عائله في سويتها الخاص..
عبير: ما يصير كذا.نكون مع بعض ولا يكون لنا سويت خاص..
العنود: ولا يهمكم كلها يوم نكون تحت طاعتهم.وبعدها راح نعلن العصيان..
ريم: اختي في الله ..شكل المخ عندك ملتمس..اي طاعه واي عصيان الي انتي عايشتها..
العنود: يعني ما تبين الحريه..
ريم: اكيد ابيها..
العنود: خلاص خليك معاي..
ريم في نفسها"يا حبي لك يا العنود .تكابرين على نفسك وتسوين روحك مو زعلانه ولا كأن شي صاير بس باين عليك والله باين"
الهنوف: حسافه يا رغد..تمنيت نكون مع بعض مثل ايام الشاليه..
رغد: ولا يهمك ما سمعتي من شوي خطة العنود في حربها على الاهالي..خلاص ارقدي وامني..
الهنوف: والله العنود تحمس الواحد..
رغد: ايه يا حبي لها والله..
راحوا البنات كل وحده على سويتها..
اول ما دخلوا..
رغد:واو..بصراحه يجنن ما توقعته بالفخامه هذي..
ريم: بصراحه خيالي..
رغد: بس جوعانه...
ريم: حتى انا..
رغد: وش رايك نتصل على البنات عشان نفطر مع بعض..
ريم: اوكيه فكره حلوه.راح اتصل عيلهم..
وبعدها سمعوا صوت موبايل ريم يرن..
ريم:مين الي متصل علي..
رغد: روحي شوفي..
ريم شافت الاسم وردت وهي مبتسمه: الو..
العنود: هلا والله بنت عمي..
ريم: هلا والله عمرك طويل توني كنت ناويه اتصل عليك..
العنود:هههههه على قولة المثل القلوب مترابطه..
ريم: ههههه أي مثل هذا...يقول المثل النسخه الاصليه القلوب عند بعضها..وش مترابطه..
العنود: كل الطرق تؤدي الى الرياض..عادي..
ريم: المهم وش كنتي تبين..
العنود: كنت اقول جوعانه وش رايكم نفطر..
ريم: بصراحه اكتشفت اننا بنات عم اكيد..افكارنا مثل بعض..
العنود: اكيد طالعه علي..
ريم: ايه طالعه عليك خلصينا.. عبير وينها ما لها حس..
العنود: سمعت ان الفطور فيه نزله لتحت وتعيجزت تنزل فا قالت طلعوه لي فوق..
ريم: لو تموت ما طلعنا لها شي..احسن الي يبي الشي يتحرك..
العنود: اجل مستحيل تتحرك..
ريم: احسن ما عليك منها..بس اتصلي على البنات.
العنود: اوكيه..
اتصلت العنود على البنات بعضهم وافقوا وبعضهم كان فيهم النوم فما راح يجون معاهم..
نزلوا العنود وريم ورغد والهنوف وفجر.
ريم: تراني جوعانه حدي يمكن اطلب لي عن شخصين..
رغد: بلا فجاعه..خلك ثقل..
العنود: هذا بطن ما فيه ثقل وبرستيج وما ادري ايش...
الهنوف: يله خلصونا خلونا نفطر ونناام تراني تعبانه حدي..
فجر: يله..
وطلبوا البنات فطور..وريم والعنود طلبوا لهم دبل وما كلوه فجاعه الله لا يبلاكم..
العنود وهي تحط الكروسان:آآآآآه بطني..خلاص ما عاد اتحمل لقمه ثانيه.
ريم: حتى انا..ما عاد اقدر اتنفس..ما ادري كيف بنام.
العنود: صادقه..
رغد: احسن تستاهلون..
ريم: هوينا تكفين..ترى تعبانه حدي.
فجر: يله حبايبي خلونا نطلع فوق ترى ما اقدر افتّح..
الهنوف ورغد: يله..
العنود: طيب ما اقدر اتحرك.
ريم: اجلسي معاي شوي..بعدين نطلع..
العنود: اوكيه..خلاص انتوا اطلعوا..
البنات: اوكيه "وطلعوا وعلى طول ناموا"
ريم بتردد: العنود...
العنود: هلا..
ريم: آآآ.....كنت اقول....اليوم...على الي صار اليوم مع طلال..
العنود: بليز ريم لا تذكريني..
ريم: طيب انتي صدق راح تشيلينه من بالك..
العنود: ليه هو على كيفي..لو انه على كيفي كان ما خليته يدخل قلبي وحياتي وتفكيري.
ريم: اوه صرتي شاعره..
العنود: وش دراك..صرت نجاح المساعيد..
ريم: ادعس..والله تطورات..
العنود: امزح ترى هذولا كم كلمه حافظتهم وبصعوبه..
ريم: طيب وش راح تسوين مع طلال..
العنود: ما راح اسوي شي..
ريم: راح تقولين له انك تحبينه..
العنود: هذا الشي من المستحيلات..
ريم: ليه؟؟
العنود: مستحيل افرض نفسي على احد .اذا هو مو معبرني..فا خلاص اسوي نفسي مو معبرته..لما يعاملني مثل الناس والعالم وبعدها اعامله زين..
ريم: طيب حاولي تجذبينه بأي طريقه.
العنود: هو خليه يشوفني بالاول بعدين يصير خير..
ريم من جد كسرت خاطرها العنود: طيب خلينا نسوي خطه نلفت انتباهه..
العنود تحمست: كيف..
ريم: اخليك البطله..الحنونه..المضحيه..اي شي..اتوقع انتي فاهمه قصدي..
العنود: تتوقعين ينفع معاه..
ريم: نجرب ما راح نخسر شي واذا ما نفع لاتنسين دائما وابدا معاك ام الخط.
العنود: اوكيه ما عندي مانع..اصلا ما تفرق معاي اذا ما نحجت لانه صار عندي عادي ما صرت اهتم كثير..
ريم: لا ا نشا الله بتنجح وبتشكريني..
العنود: نشوف..طيب قولي اول شي وش اسوي..
ريم: شوفي"وقالت لها عن الخطه الي ناويه عليها"
وبعدها طلعوا ينامون..

&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&
الساعه ثلاث العصر..
الامها والابوان صحوا<<مثل العاده..
ام مشاري تتصل على ام فيصل: هلا والله ام فيصل ..صباح الخير..
ام فيصل: الناس يقولون في هذا الوقت مسا الخير بس يله بعديها..
ام مشاري: هههههه..المهم خلينا نتجمع ونزل نتغدى مع بعض في مطعم من المطاعم..
ام فيصل: خلاص انا راح اتصل على ام فواز وام ماجد وانتي ام تركي وام سليمان..اوكي.
ام مشاري: اوكي..مع السلامه..
ام فيصل: مع السلامه..
كل وحده اتصلت على الثانيه واتفقوا انهم يصحون العائله ويطلعون مع بعض..
ام مشاري: ريم..رغد..يله عاد اصحوا عشان تصلون يله بسرعه..
رغد: اوكيه مام...........ريم اصحي..
ريم في سابع نوم..
رغد بصوت عالي: ريم..
ريم قايمه وهي مرتاعه: مين....سليمان....وين...
رغد تضحك: ههههههه أي سليمان واي خرابيط.
ريم: سليمان ما كان هنا..
رغد: لا في حلمك يا ماما.. اصحي يله قومي صلي عشان نطلع..بسرعه .
ريم: كم الساعه الحين..
رغد: الحين العصر..
ريم: خلاص صحيت..بس انتي روحي..
رغد: حركاتك قديمه..يله قومي الحين..
ريم:لاحول..طيب قمت قمت.
رغد تبي تنرفزها: بسرعه خلصي سامعه..
ريم: ما راح ارد عليك لاني مو رايقه لك..
رغد: غريبه وش عندك..
ريم: اكيد لاني محلمه في سليمان.
رغد: صدق انك مخفه..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&
العنود: وجع..اصحي عورني حلقي من كثر ما اصارخ...
عبير: بالله في احد يطلع العصر...
العنود: اجل متى الناس يطلعون.
عبير: المغرب العشاء..بس الحين وقت نوم..
العنود: ما بعد شبعتي نوم يا خيشة النوم..يله اصحي ولا انادي خالتي ام مشاري..
عبير: لالالا كل شي ولا خالتي ام مشاري.."وصحت"
العنود: لو اني داريه كان قلت ام مشاري من زمان..
عبير: عشانك نذله.
العنود: بس مو اكثر منك..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&
العيال كانوا مجتمعين في سويت واحد..وطبعا بدون ما يحسون البنات لانهم لو دروا راح يسونك كارثه في العالم لا يعلمها الا الله ...دخلو عليهم الشياب
ابو فيصل: يله اصحوا..
ابو مشاري: يله بسرعه ترى ما صليتوا لا العصر ولا الظهر ..يله اصحوا..
مشاري: حتى هنا لاحقينا..
ماجد: وفي كل مكان راح تشوفهم..
طلال: شكلي راح احط منبه عشان ما يصحوني..
فواز: لو اني نايم مع زوجتي ابرك لي..
وليد: حرام عليك تاركها لحالها..
فواز: لا تخاف خليتها مع امي وخواتي.
فيصل: تصدق ما تستاهلها..ما ادري كيف متحملتك..
فواز: انا ابو عيالها...بس بكره راح انوم عندها عشان ما يقوموني هالشياب بالطريقه الهمجيه هذي..
سليمان: احلى يالي مدلع..
فواز: تزوج تتدلع ..تقعد عند اهلك تتفلع.
تركي: وانت صادق..
مشاري: وش عندك شكلنا بنسمع خبر زواجك قريب..
تركي: لا عاد وش دعوه..
وليد: ما اقول الا الله يعين زوجتك..لانها اصلا ما تزوجتك الا لانها ناويه الانتحار وماله من نفسها..
تركي: يعني ودك نتضارب ولا ايش.؟؟
وليد: لالا امزح معاك..خلاص خلنا نسى اماضي واحنا عيال الحاضر..
تركي ابتسم: يكون احسن..
العيال يصفقون ويصفرون: هوه واخيرا ...
دخلوا الشياب..
ابو ماجد: بشروا كم كم..
ابو فواز: اصلا بين مين ومين..
العيال فاقعين ضحك..
وليد: يبه مو مباراة..
ابو فواز: اجل ليه التصفيق والتصفير..
طلال: يبه عندنا احتفال خاص..
ابو ماجد: والله من السخافه يله اصحوا بلا حركات مراهقين"وطلعوا"
مشاري: يله اصحوا لا يفجرون فينا..
العيال: يله..
تجهز الكل ونزل تحت ينتظرون بعض وبعدها طلعوا...البنات ركبوا الجمس وابو مشاري يسوق فيهم..
راحوا لمجمع عشان هناك المطاعم تكون كبيره وتصلح لعوائل بهذا الحجم..
البنات والحريم اخذوا طاوله مع بعض ..والرجال والعيال مع بعض..
تغدى الكل وبعدها تمشوا بالمجمع وتفرقوا..
ريم: العنود الحين لازم تسوين اول خطه الي هي انك حنونه وطيبه..
العنود: اوكيه..
ريم كان معاها عبد الرحمن ولد فواز وتضربه وكان قبالهم طلال..
ريم: احسن يله رح عند طلال..
عبد الرحمن يبكي وركض وتمسك برجل طلال..
ريم كانت صارت تتجه لهم و معاها العنود..
ريم: تعال هنا..دحوم..تعال هنا بسرعه..."وتقرب من عنده"
عبد الرحمن تمسك اكثر بطلال: مابي مابي..
وصلوا العنود وريم لعند طلال..
طلال: دحوم حبيبي اكيد العنود ضربتك..
ريم تقلب وجهها الوان بعد جملته هذي.
العنود خنقتها العبره كانت تطالع طلال وتقول في نفسها" ما فيك فايده" وبعدها لفت على ريم ناظرتها بنظره كلها الم وياس.
ريم اشرت لها لازم نبين له وانها لازم تكمل الخطه..
العنود جارت ريم بكلامها بس بنفس كلها يأس ومكسوره..
عبد الرحمن: لا هذي ريم..
ريم: دحوم تعال هنا..
طلال: ليش وش مسوي..؟؟
ريم: مخرب عباية العنود واغراضها وملعوزها وهذا جزاها وهي ماسكته..
طلال يطالع ريم كان يبي يتاكد ان الكلام الي تقوله ريم صحيح..
ريم اشرت للعنود.
راحت العنود واخذت دحوم من طلال وشالته وحضنته وعطته بوسه وعيونها مليانه دموع..وباين عليها الانكسار لدرجة ان ريم توقعت العنود بأي لحظه بتنفجر وتبكي..
العنود بصوت حنون: حبيبي دحوم خلاص لا تبكي عشان خاطري..وبعدين يا ريم "وسكت شوي كانت تبلع عبرتها وتخفيها"وبعدين يا ريم خلاص خليه يسوي الي يبي انا ما طلبت منك تدافعين عني..
ريم: بس هو.....
العنود قاطعتها: خلاص اقولك سامحته...
طلال حس بتأنيب الضمير وهو يشوف عيون العنود مبين عليها الحزن والرحمه وقال في نفسه" معقول كل هالحزن عشان دحوم.العنود ممكن تكون بالحنيه هذي...مستحيل...ليش مستحيل ما هي بشر مو هي بنت وعندها قلب...بس احس انها دايم قويه ما عمري شفتها بالضعف هذا..حرام ظلمت البنت..ما توقع انها سمعتني..لانها لو سمعتني كان اخذت تهزيئه محترمه..انا اعرف العنود"
ريم: طلال....طلال..
طلال: هلا..
ريم: وين رحت..
طلال: معاك...
ريم: كنت اقولك ترى دحوم مع العنود اوكيه..
طلال مستغرب:مع العنود؟؟
ريم: ايه..
طلال :مو هي ما تحب البزران..
ريم بمبالغه:من قاله..اصلا العنود لو تشوف بزر قدامها ما تعرفه تنهبل عليه وشلون دحوم وشهد تموت عليهم..
طلال: ايه يا حليلها..خلاص اوكيه باي..
ريم ابتسمت ابتسامه عريضه: باي..
راح طلال..
ريم بصوت عالي: يس..
وراحت تركض عند العنود وصارت تنط عندها..
ريم: عنوده نجحت الخطه الاولى..شفتي شفتي قايله لك ان"وسكت شافت العنود تمسح دموعها"
العنود: وش بعده يا ريم وش بعده..بعد الكلام الي قاله مثل السم على قلبي..
ريم: عنوده لا تكبرين المسأله..عادي.. وبعدين هو قال الصدق واقرب شي يوم كنا بالطياره ..رميتي دحوم على امه رميه أليمه..
العنود كاتمه الضحكه: ولو المفروض ما يقول هالكلام..
ريم: تكفين عنوده اضحكي والله ما يليق عليك الا الضحكه..واصلا احلى ما فيك ابتسامتك..
العنود: تسلمين يا قلبي..
ريم: ههههه الرومنسيه تهبل منك..
العنود: على قولة عبير خلينا نتعلم..
ريم: عشان الحبايب..
العنود: اصلا ما ذبحني الا هو..
ريم: الله يجمعكم قولي امين..
العنود:امين...وهديه لك راح اخليك تشوفين سليمان وتكلمينه بعد..
ريم: على ايدك..
العنود: يله امشي معاي..
سحبت العنود ريم وتوجهت مباشره عند تركي وسليمان..
العنود: سليمان اسمع بأترك عندك امانه وانتبه لها زين اوكيه..
سليمان ما فهم عليها: اوكيه ..بس وش هي..
العنود سحبت ريم وحطتها قبالها: هذه..
سليمان ابتسم: هذي الامانه!!
العنود: ايوه..
سليمان: اوكيه امانتك في عيوني..
العنود: ترى ما راح اطول عشان ما اكلف عليك لاني ادري ان امانتي مزعجه وما تنطاق دقيقه..
ريم عصبت: العنود وبعدين معاك..
سليمان: لالا عندي استعداد اتحملها الدهر كله..
تركي كان ساكت ويطالعهم..
العنود: اوكيه باي..
سيلمان: مع السلامه ومشكوره..
تركي: وليش الشكر ا نشا الله..
سليمان: اسكت انت...ريم اجلسي ليش واقفه..
ريم وكلها حيا: اوكيه..
سليمان: كيفك ريم..بجد من زمان عنك..
ريم: انا بخير ..حتى انت من زمان عنك..
سليمان: ايوه..سولفي"مشتاق يسمع صوتها ويروي قلبه بشوفتها"
ريم وهي متوتره: وش اقول غير ان لو اهلي لو شافوني جالسه معاكم راح اروح المقبره وبس..
سليمان: بسم الله عليك ا نشا الله عدوينك..
ريم ابتسمت ونزلت عيونها"يا ربيه ومع هالجمال كله يتغزل فيني..اليوم العنود اول مره تسوي شي زين"
تركي: نحن هنا ..معاكم على الخط عطوني وجه..
سليمان: انت هنا ...تصدق حسبتك هناك..
تركي: وتستخف دمك بعد بصراحه في انجاز كبير..
سليمان: والي يعافيك اكرمنا بسكوتك شوي..
تركي: انا كريم وانت تستاهل وهاه" حط ايده على فمه"
سليمان: ايوه رورو وش كنا نقول..
تركي: قبل لا اسكت بقول شي..
سليمان: اوف..يله قول..
تركي: ريم وين رغد.؟؟
ريم: رغد مع الهنوف..
تركي: هالهنوف محد راح يذبحني غيرها كل شي ناشبه فيه..
سليمان: خلصت ..ممكن تسكت الحين..
تركي: لا مو ممكن..خير انت فالها وانا لا....ابي رغد ولا ما راح اسكت..
ريم تبي ترفع ضغطه: لو سمحت ترى رغد هذي الي تتكلم عنها هذي اختي..
تركي: احلفي بس...تصدقين توني ادري ان الغزال ممكن تكون اخته بقره مثلك..
ريم: اجل لو تموت ما راح نتشوف رغد الا على جثتي..
تركي: اجل الحين اذبحك وافتك منك ..
سليمان بدى يعصب: وبعدين..بتجي صاحبة الامانه وانا ما بعد قلت شي..
تركي: احسن هذا الي انا ابيه..
سليمان: يا نذلك.
تركي: توك تدري ..من زمان وانا نذل..مسكينه الهنوف كل يوم تقولي هالكلمه..
سليمان: وانت بتقول قصة حياتك..
تركي: بقولها لما تجي صاحبة الامانه..
سليمان: تروك خلاص عاد..
تركي: رحمتك ..خلاص بسكت..
سليمان: ايوه رورو..
تركي: تذكرت شي..
سليمان عصب: تركي وبعدين معاك..
تركي: تصدق نسيت..خلاص خلاص بسكت.
ريم: انا بقولها..ايوه رورو..
سليمان: هههههههههه تصدقين اشتقت لهبالك...
ريم استحت: سليمان..
تركي: احلى يا الي يستحون.
سليمان واختفت ابتسامته: بكم القطيه يا الحبيب..
تركي: ما علي منك جب لي رغد واسكت..
مرت رغد والهنوف من عندهم
@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@ @@@@@@@@@@@@@@@@@@@@@@

" نهاية البارت "

 
قديم 06-27-2010, 10:29 PM   #32

حورة العيون


رد: رواية احلى صدفه في حياتي سعوديه. رومانسيه . كامله


رواية احلى صدفه في حياتي سعوديه. رومانسيه . كامله

الجزء السادس والعشرون

مرت رغد و الهنوف من عندهم..
تركي على طول قام وراح لهم..
تركي: كذا اختك تجلس مع صديقي وساحبين علي لحالي..
الهنوف: وش علينا منك..
رغد عقدت حواحبها: ريم ليش تجلس معاكم من سمح لها..
تركي حس انها معصبه: هدي شوي..كانت هي مع العنود..
رغد: اوكيه..الموضوع كذا .وخر شوي عن طريقي..
تركي منصدم: وش فيها رغوده..
الهنوف : اولا ..لا تقول رغوده..ثانيا شكلها موصله معاها..
راحت رغد لعند ريم.
ريم: اهلين رغوده..
رغد بحزم: ريم ممكن شوي..
ريم خافت: اوكيه"وقامت معها"
رغد سحبتها واخذتها بعيد..
رغد: من سمح لك تجلسين معاه..
ريم بلعت ريقها: محد سمح لي.
رغد: وبأي حق جلستي معاه..او السبب الي خلاك تجلسين معاه..
ريم: العنود هي الي جابتني..وانتي تعرفيني زين..
رغد: طيب العنود تقولك طبي في النار تطبين..
ريم: رغد...انا..
رغد: انتي ايش..انتي اصلا لو كان عندك ذره مسئوليه كان ما جلستي معاه..انتي لو كان عندك ذره خوف ما جلستي معاه..انتي لو عندك احترام لنفسك ولا لأهلك ما جلستي معاه..
ريم: رغد انا..
رغد: انتي تعرفين لو ان مشاري شافك جالسه معاهم لحالك وش بيسوي..
ريم: طيب يا رغد..
رغد: لاتكلمين ولا كلمه...خلاص انهي الموضوع الحين وبعدين نتفاهم..
ريم سكت لان رغد معها حق..بس الي قهرها انها مواهي السبب ولا قدرت تبر لرغد..وهي تدري ان رغد تخاف عليها من نسمه الهوا..
رجعت رغد ومعها ريم للهنوف..
رغد: يله الهنوف..
تركي: رغد..
رغدلفت عليه: ايوه.
تركي: بس..كذا بتمشين!!
رغد: ليش تحتاج او تبغى شي مني..
تركي: انا.............
قطعت عليه الهنوف: اوكيه تروك بعدين مو وقته.."ومسكت رغد ومشوا"
تركي: شفت انها نذله..
سليمان وقف جنب تركي: تركي شكل رغد عصبت وريم طاحت بالسالفه..
تركي: مسكينه ريم.. بس معها حق رغد تعصب..
سليمان: وليش ان شا الله..
تركي: بصفتنا شنو جالسه معانا حتى القرابه ما تقرب لنا..لالا صدق زوجتي محترمه اخلاق وعقل وثقل..
سليمان: وش قصدك ان ريم مو محترمه..
تركي: ما قلت كذا..اقصد انها صغيره واكيد انها ما انتبهت لهشي..
جاتهم العنود تركض..
العنود: هلا وين الامانه..
سليمان: الامانه جات اختها وخذتها..
العنود: لا يكون رغد كانت معصبه..
سليمان: تقدرين تقولين..
العنود: الله يعينك يا ريم...بروح انقذها لان رغد اكيد مجهزه لها مفاجأه..
تركي: صدق بمناسبة ايش..
العنود: بمناسبة انها جالسه معاكم لحالها.."وراحت"
سليمان: شكل الموضوع اكبر من الي تصورته..
تركي:وانت صادق..الله يعينك يا ريم لانها من جد مظلومه..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
وبعد تقريبا ربع ساعه طلعوا من المجمع وراحوا للفندق.
في سويت ابو مشاري..
رغد: ممكن الحين تقولين تبريرك على الي حصل..
ريم: والله مو انا ولا فكرتي ولا حتى جات على بالي..العنود هي الخطت ونفذت وانا ما ادري بالموضوع وحطتني عندهم وراحت..
رغد: ليش تروح كان جلست معك اهون..
ريم: وانا وش دراني عنها..
رغد: ريم تدرين اني اخاف عليك وماودي يصير لك شي انتي عارفه هالشي..
ريم: والله عارفه..
رغد: ريم بليز ارجوا ان ما يتكرر الي حصل..تحبين سليمان وهو يحبك اوكيه..بس الغلط غلط..
ريم: عارفه والله عرفه وحقك علي..
رغد: زين محد شافك..
ريم: أي والله..كان ارجع السعوديه بتابوت..
رغد: ههههه صادقه..
شوي سمعوا صوت احد يدق الباب..
رغد: تفضل..
العنود بسرعه: والله والله يا رغد انا الي قايله لها وانا الي سويت كل شي يعني لا............"وسكت"
ريم ورغد فاقعين ضحك على العنود..
العنود مستغربه: وش فيكم..؟؟
ريم: حلينا القضيه..وانتي حضرتك توك تجين تدافعين عني..
العنود: والله من يوم دريت وان على طول جيتكم..
رغد: خلك تسوينها مره ثانيه يا المجنونه..
العنود: هههه سوري ما كان قصدي ..وبعدين كان عقلي مو معاي..
رغد تطالعها بنص عين: اجل كان مع مين..
العنود تصرف: مالك شغل..اجل يله انا رايحه"وطلعت"
رغد تصارخ عشان تسمعها: بتهربين مني..وراك وراك والزمن طويل..
ريم: ههههه يا حليلها عنوده..
رغد: أي والله على نياتها..
ريم: مو على نياتها نياتها..بس حبوبه وتحب تهتم بالكل بس بطريقتها..
رغد: الا وين مشاري ومشعل ماني شافتهم..
ريم: تصدقين من امس ما شفتهم.
رغد: قومي ندور عليهم..
ريم: يله..
صاروا يدورن في الغرف ولا حصلوهم..
ريم: يعني وين راحوا..
رغد: باين انهم ما ناموا هنا.
ريم: اجل وين ناموا..
رغد: علمي علمك..وانا قلبي يقول لي ان العيال ماخذين سويت لهم..
ريم: لالا ما اتوقع..تدرين لو صار هالكلام صح.. لا افجر في الفندق كله..على كيفهم العيال ايه والبنات لا..
رغد: خلينا نتاكد..قومي اتصلي على العنود..
ريم اخذت موبايلها واتصلت: الو..
العنود: هلا والله وغلا..
ريم: على السريع كذا..اخوانك وينهم؟؟
العنود: اخواني ما ادري ما شفتهم..
ريم:طيب هم ناموا في السويت عندكم..
العنود: تصدقين من امس ما شفتهم..
ريم بقهر: قايلته والله قايلته.
العنود: شنو.؟؟
ريم: العيال ماخذين سويت لحالهم واحنا يا عمري ..عشانا بنات ضايعه حقوقنا..
العنود: هين والله ما اسكت..بنجمع البنات ونسوي نقلاب..
ريم: اوكي الحين جايتكم..
وطلعوا هي ورغد وراحوا عند العنود وعبير ومن هناك اتصوا على البقيه..
الهنوف: والله ظلم..
فجر: مو على كيفهم..
العنود: فكروا معاي وش نسوي..
ريم: نكلم ابوانا ونطالب بحقوقنا..
عبير: بيوافقون؟؟
رغد: غصب مو على كيفهم..حاجرينا في الطلعه وفي الروحه..ما يصلح مايصلح..
العنود: اجل يله..
وطلع الجيش كامل والشرار يطلع من عيونهم متوجهين لابوانهم<<الله يعينهم..
الي كانوا جالسين تحت في صالة الفندق..
ابو مشاري: كأن هذولا بناتنا..
ابو ماجد: الا هذي العنود وعبير..
ابو فيصل: كأنهم جاين لنا؟؟
صفوا البنات قبالهم والرجال يطالعونهم مستغربين التجمهر..
العنود: احم احم...ممكن الحين تحجزون لنا سويت خاص..
ابو ماجد: وليه ان شا الله..
عبير: حالنا حال العيال..
ابو مشاري: انتوا قلتوها عيال مو بنات..
ريم: لا والله وش هالعيه..
رغد: معليش دادي..احنا جيل المساواة مافي تفرقه..
ابو فيصل: خلوهم ينبسطون لا تضيقون صدورهم..
شجون: تسلم بابا على الكلام الي ينقط عسل..
ابو ماجد:ولو بنات ما يصلح نخليهم لحالهم..
العنود بعربجيه: يبه....لا تطلعني من طوري..
ابو ماجد في نفسه"فشلتني الله يفشلها هي ولسانها الطويل"
العنود: هاه ..وش قلت؟؟
ابو ماجد: وش رايك يا ابو مشاري..
ابو مشاري طالع في ريم ودرى انه لو قال لا بتقعد تصيح وتفضحه عند الله وخلقه فا اضطر وقال: يله خلوهم ينبسطون..
ابو ماجد: يله افرحوا الحين ..اذا انزلوا العيال حجزنا لكم..
البنات: يس
وراحوا بدون ما يشكرون ابوانهم بأي كلمه..
ابو ماجد: بنات اخر زمن..حتى شكرا ما قالوها..
ابو مشاري: أي والله جيل غريب..
طلعوا البنات وهم في المر قاعدين يستهبلون..مشغلين اغنيه بالموبايل ويرقصون عليها وانواع التصفير والصراخ..طل واحد من سكان الفندق وكان بيتكلم بس شاف الكم الهائل دخل وما تكلم..والبنات مو حاسين بأحد لما طلع
مشاري:خير وش هالصراخ..بيت ابوكم..
البنات عايشين الجو ومو حاسين.
طلع ماجد: وش عندهم..؟؟
مشاري: وانا وش دراني.
طلع طلال: وش صاير؟؟
ماجد: تفرج بس على الهبال...
كانت العنود وعبير يدقون رقبه واشكالهم تحفه..
طلال مات من الضحك لما شافهم..
العنود وعبير ميزوا ضحكة طلال ولفوا عليه وشافوه انه كان يطالعهم..استحوا على وجيهم ودخلوا على طول..
عبير: فشله..طلال كان يطالعنا واحنا ندق رقبه..
العنود: الحين وين اودي وجهي ..صار صغير من الفشيله..
البنات ميتين ضحك لان اشكالهم من جد كانت تضحك..
العنود\:انتوا اضحكوا واحنا الي ناكلها..هين اوريكم..
عبير: شجون اسكتي عن الضحك ولا ما عطيتك كورسات
"على فكره كانت شجون طول الوقت قاعده مع عبير تعلمها الدفاشه والعربجيه على اصولها"
شجون بعربجيه ما ادري وش تبي:خلاص ريحينا عاد..
عبير تصفق: ياهوه..صدقيني يومين زياده وتطلعين كذا..
شجون بدلع: تسلمين.
عبير:لالا كذا خربتي ..قولي كذا"وتكبر صوتها"تسلمين..
شجون تكبر صوتها مثلها: تسلمين..
ريم: شنو هذا ما يصلح لك ابد..
نوف: شجون لا تتهورين ولا تصرين تحت رحمة عبير..تراها كانت تحن علي تعلمني الدفاشه بس انا ما رضيت..
شجون: بالعكس وناسه احسن من الدلع..واحس اني اول كنت تافه..
نوف: لا البنت استخفت وقعدت..عبير اعقلي عنها..
عبير: ما عليك مني..خلينا انا وياها نصلح ..
نوف:شجون اسمعي الكلام..
شجون: تعالي معي ونفلها ونبسط..
نوف: كيفك انتي الخسرانه..
فجر: اقول ريم ما شفتوا فيصل..
ريم: احلى يا الي تسال عن زوجها..الا شفته..
رغد: كان علمتينا نضبطك معاه..
فجر: ودي اشوفه بس وشلون..
العنود دخلت في السالفه: ولا يهمك..
رغد: اذا كان مثل يوم ريم..فكينا والي يرحم والديك..
العنود: لالا..بخليك تشوفينه وتسولفين معاه..
فجر: وشلون؟؟
العنود: اصبري لحضه.."وطلعت موبايلها واتصلت"
العنود: الو هلا والله وغلا.....لالا...كيف.....هههههه هه..طيب اسمع بخليها تنزل..اوكي..العفو..بس انتبه ترى الشياب تحت..اذا كان كذا اوكي...يلا باي..
فجر مستغربه: مين تكلمين..
العنود برود: رجلك..
فجر والبخار يطلع من راسها: من سمح لك تكلمين رجلي..
العنود: انا.....اسمعي بس بيجي يمرك الحين وتنزلون مع بعض وتفلونها وتسولفون وتغزلون في بعض..بس لي طلب واحد..
فجر: امري بس..
العنود: سجلي الكلام كله عشان اذا جيتي نسمعه..
فجر: لوتموتين..
العنود: اجل ما فيه..
فجر: مو على كيفك..خلني اروح اتكشخ قبل لا يجي..
العنود: ايه والله روحي تزيني عشان ما يهج..
فجر وهي ماشيه: مسكينه اصلا جمالي جمال طبيعي..
العنود: ايه هين..
رغد: اعقلي عنها..
العنود: لا تكفين خليني اهبل فيها..
رغد: انهبلتي انتي..اقولك خليها..
العنود: اوف..ما تخلون الواحد يوسع صدره..
ريم: الحين تنبسطين اذا عصبتي بالناس..
العنود: قمة الوناسه..
ريم: يا نذلك..
العنود: توك تدرين..من زمان وانا نذله..
ريم: لا ادري بس الحين تأكدت..
العنود: الحين خلينا في المهم..
ريم: ايوه.وش المهم..
العنود: في غيره مهم بحياتي...اكيد طلال..
ريم: اها
%%%%%%%%%%%%%%%%%%%%%%%%%%%%%% %%%%%%%%%%%%%%%%%%%% %%%%
رغد: هنوفه من جد وحشتيني..
الهنوف: وانتي اكثر يا قلبي..
رغد: صراحه اخوك اليوم قهرني مره فاضي..
الهنوف: تركي اذا شافك عليه السلام..
رغد استحت: الهنوف..
الهنوف: هههه وانا وش قلت..
رغد: وش اخر اخباره وعلومه..
الهنوف: تبين عن اخباره العاطفيه ولا اخباره الشخصيه..
رغد: كل شي..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&
ريم: الحين لازم اخليه يشوفك سوبر مان ..يعني المنقذ المضحي..
العنود: لا والله فلم هندي..
ريم: بتسمعين الكلام الي بقوله ولا اسكت.شوفي الخطه الاولى جابت نتيجه..
العنود: يله كيف ا نشا الله بصير سوبر مان..
ريم: شوفي ..الفكره شوي خطيره وفيها حياة او موت..
العنود: وش هي حمستيني؟؟
ريم بتردد: اسمعي هي" وبلعت ريقها" ان نخلي شخص يوقف في وسط ال او حاره صغيره..
العنود: ايوه وبعدين..
ريم: وكأن سياره بتصدمه وانتي تجين كذا وتنقذينه..هاه وش رايك..
العنود تطالعها وعيونها بتطلع: من جدك انتي تتكلمين ولا تستهبلين..
ريم: والله من جدي..
العنود: ريم هذي حياة او موت مو لعبه..
ريم: كل شي يهون عند طلول ولا انا غلطانه..
العنود: طيب انا موافقه..بس من الغبي الي راح يتبرع ويوقف في نص ال..
ريم: عاد هذي عليك..
العنود تطالع ريم بنظرة خبث..
ريم: وش فيك تطالعيني كذا..
العنود: لانه انتي يا ريوم الي راح تسوينها..
ريم: وانا وش دخلني ما بعت عمري..
العنود: مو هذي خطتك يا الفالحه..وبعدين حرام عليك انا بنت عمك ومالي غيرك ومحد بيحس فيني غيرك وش قلتي؟؟؟
ريم: اقول مو كأن الخطه انتحاريه.وش رايك نغيرها,,
العنود: لالا يا قلبي بعد ما دخلتيها في راسي..بعدين شوفي ما راح توقفين في عام..في حاره احسن..
ريم: واذا مت..
العنود: عادي شهيده من اجل الحب..
ريم: واذا ما حس فيك طلال..
العنود: لا تفاولين علي..يالله خلصيني..
ريم: طيب خلاص موافقه..بس اذا صار لي شي انتي المسؤله..
العنود: خلاص انا المسؤله..وبعدين ما راح يصير لك شي ا نشا الله وخصوصا معاك سوبر عنود..
ريم تكش على العنود: مالت عليك وعلى الي تحبينه.
العنود: رويم عاد كل شي ولا طلال..ما قلتي لي متى نسويها تراني تحمست..
ريم: ادري تحمستي لموتي..
العنود: ريم بلا سخافه ..جعل يومي قبل يومك وبعدين يمكن ما يصير لك شي وتصدمني انا السياره..
ريم: عسى ا نشا الله..
ضربت العنود ريم من ظهرها: استغفري يا النذله..
ريم وهي ترفع حواجبها وتنزلها: طالعه عليك..
ودخلوا في هواش..
%%%%%%%%%%%%%%%%%%%%%%%%%%%%%% %%%%%%%%%%%%%%%%%%%% %%%%
فجر راحت على طول ولبست وتكشخت وحطت ميك اب كامل ولبست العبايه وتعطرت وطلعت..لقت فيصل ينتظرها عند الباب...
فيصل كان لابس ثوب اماراتي ومسوي العمامه الامارتيه تراني ما اعرف وش اسمها..المهم طالع شكله خيال...
فجر اول ما شافت فيصل صنمت في مكانها لدرجه انها كانت راح تسكر الباب بس يوم شافته خلته..وغير هذا كله كان فيصل مبتسم ذيك الابتسامه الي لو اقعد اوصفها ما كفيتها تذبح فيصل بدون شي يهبل وشلون بالاماراتي يجنن غير الرزه الي مخليته شي..
فيصل شاف فجر وانهبل عليها لان عيونها من جد كانت روعه وتحفه فنيه..وغير خشمها الطويل والصغير وشفايفها الصغار طالعه روعه روعه..فاكان مطير عيونه<<يحق له..
فيصل: احم..هلا والله وغلا..
فجر وهي ميته حيا: اهلين..
فيصل: فديت الي يستحون..
فجر ذابت في مكانها:......
فيصل كتف ايدينه: يعني شنو بنقعد هني..
فجر رفعت راسها: لالا ما راح نقعد"وسكرت الباب وقفت جنبه"
فيصل مد ايده..فجر تطالع ايده وتقول في نفسها"اذا الحين وانا بعيده بذوب اجل لو امسك ايده وش بصير فيني"
ومدت ايدها وشبكت اصابعها في اصابعه..
فيصل مسك ايدها وحس انها ترتجف من الحيا..فجر اول ما لمست ايدها ايده حست بشعور غريب شعور حلو واحساسها بالامان وبالسعاده وبالحب بعد..
ونزلوا وطلعوا برى الفندق وراحوا لمقهى راقي بدبي مو بعيد مره..وجلسوا بطاوله صغيره قبال بعض..
فيصل: فجر وش حابه تشربين..
فجر: الي يعجبك..
فيصل: اوكي راح اطلب لك على ذوقي..
ونادى الجرسون وطلب لها وله.......ولما راح الجرسون..
فيصل كان حاط ايده على خده ويطالع فجر وهو مبتسم قاصد انه يحرجها..فجر يا عمري عليها توترت قامت تحوس بالشنطه وطلعت الموبايل تطق فيه..تلتفت يمين..ويسار..تطالع فوق تحت أي مكان بس ما تشوف فيصل..فيصل كاتم الضحكه مبسوط عليها...فجر خلاص وصلت معاها..
فجر: فصول لا تطالعني كذا..
فيصل مطير عيونه وصار يلتفت يمين ويسار..
فجر: وش فيك..
فيصل يسوي نفسه مستغرب: فصول تقصديني انا؟؟
فجر مات ضحك..
فيصل خلاص فص ملح وذاب من ضحكة فجر: فجوره قلبي..ترى قلبي يعورني..
فجر خافت: ليش سلامات وش فيك..
فيصل وهو ماسك قلبه: ضحكتك...ضحكتك ذبحتني..
فجر ما مسكت عمرها وصارت تضحك..
فيصل: لا.اجل تبين الفكه مني..
فجر: بسم الله عليك جعل يومي قبل يومك..
فيصل: بسم الله علينا خلينا من سيرة الموت وخلينا في سيرة الحب "وصار يغني سيرة الحب"
طول عمري بخاف من الحب ..وسيرة لحب..وظلم الحب لكل اصحابه...
فجر: فصول ترى فضحتنا عند الله وخلقه..
فيصل: خليهم يدرون يا عمري اني قاعد مع حبيبة عمري..واني تمنيت هاليوم من زمان..
فجر/ تسلم لي والله..بس شوف الناس قاعدين يطالعونا..
فيصل بكل برائه: صدق!!"وقرب من عند فجر لان الطاوله صغيره"وينهم؟؟
فجر تاشر بعيونها :شوفهم هناك..
فيصل قرب اكثر وطبع بوسه على خد فجر..
فيصل: وخليهم يدرون اني اموت فيك.
فجر خلاص ما عاد تدري وش تسوي..تغطى ..تضربه..تنحاش تضمه تبوسه..وجهها صار عنابي مو احمر من الحيا والسعاده كمان..
فيصل: ههههه يا حلوك وانتي مستحيه..
فجر: فصول لا تعيدها مره ثانيه..
فيصل: ليش مو انتي زوجتي..خلاص حلال علي..
فجر: بس مو قدام الناس..
فيصل بخبث: يعني بعيد عن الناس عادي..اجل يله قومي مكان بعيد عن الناس كلها..
فجر في نفسها"وش اسوي بذا الحين":حبيبي بردت القهوه ما شربتها..
فيصل: حبيبك... انا حبيبك"وقام يصارخ"يا ناس احبها..
فجر وهي تضحك اخذت شنطتها وطلعت لان الناس من جد بيطردونهم..
فيصل لحقها وصار يلف عندها: انا حبيبك....انا حبيبك....واخيرا يا قلبي واخيرا..
فجر وهي تمشي تضحك على خبال فيصل..
فيصل: فجوره حبيبتي عمري حياتي دنيتي كلها عديها ابي اسمعها منك..
فجر: مافي..
فيصل: فجوره تكفين..
فجر: لما تعقل عن حركاتك..
فيصل كتف ايدينه وسول نفسه بزر: والله التوبه ابله فجل...
فجر: ههههه ولا يهمك..حبيبي..
فيصل مسك ايدها وصار يركض وفجر وراه يسحب فيها بعبايتها وحوستها..
فجر: فصول وقف ترى تعبت..
فيصل: تبيني اشيلك.
فجر خافت: والي يعافيك الا هذي..والله ما تسويها..
فيصل: ليش حلفتي..
فجر: وانت يالله يفيد فيك كذا..
فيصل: ترى بزعل..
فجر: فصول بعد عمري انت لا تزعل مني ترى ما اقوى زعلك..
فيصل: اجل يله غني لي اغنيه وارضى..
فجر: ومن قال لك ان صوتي حلو..
فيصل: محد قالي انا سامعه من زمان..
فجر: يمه منك..خلاص ولا يهمك اسمع هذي اهدا مني لك..بس قبل انت تحب الاغاني البنانيه..
فيصل: يا قلبي أي شي منك اموت فيه..
فجر: اوكيه اسمع كح كح..
بحبك و داري ليلي و نهاري
عملت فقلبي ايه
صوتك ناداني نسيت زماني
اعمل بحبك ايه
عينيك حبايبي جرحت لي قلبي
ورموش عينيك تداوي
تمسكت بايد فيصل وصارت تغني بصوتها المبحوح والهادي باحساس وهي تطالع في عيونه بكل حب..فيصل كان يبادلها نفس النظرات مع ابتسامه تقول واخيرا يا فجر حبيتني..
حبيتني كلمتني
و غصبا عني بصدقك
باين عليك و روحي فيك
ما علش نفسي اشوقك
عشقك دوا قد الهوى
و قد عمري بعشقك

بحبك و داري ليلي و نهاري
عملت فقلبي ايه
صوتك ناداني نسيت زماني
اعمل بحبك ايه
عينيك حبايبي جرحت لي قلبي
و رموش عينيك تداويني
افهم بقى متشوقة
كلملي قلبك فهمو
لو كان عليك حيدوب اكيد
و بنظرة مني حعلمو
و حغلبو و غلبو
علشان عيونو يسلمو

بحبك يا ويلي سهرت ليلي
حتى القمر سهران
انا و اليالي عشاق يا غالي
عشاق بقا لنا زمان
ملكت روحي تسكن جروحي
اجرح كمان و كمان

عملت فقلبي ايه اعمل بحبك ايه
و رموش عينيك تداويني
فيصل: تدرين اني مو بس احبك..احب حتى الارض الي تدوسين عليها..
فجر: وانا كمان..
فيصل بعباطه: وانتي ايش؟
فجر وهي مستحيه: وانا مثلك..
فيصل يسوي نفسه برئ:ما فهمت مثلي في ايش؟؟
فجر: فصول حتى انا...انا احبك...
فيصل انجن وقعد قام يصارخ وينط حولها: ياناس قالت احبك..فجر تحبني..
فجر ميته ضحك عليه وحبه في قبلها كل لحظه يزيد وتحسفت انها ما نتبهت له من اول..
فيصل وقف شوي واخذ نفس..:فجورتي ممكن تعدينها..
فجر: وش رايك اعيدها بعدين ..الحين تاخرنا وبعدين انا ما قلت لامي اني بطلع معك..
فيصل ضرب رجله بالارض: يعني بنرجع..
فجر: ايوه..
فيصل: لا.. ليش ما بعد شبعت منك ولا راح اشبع..
فجر: فصولتي يلا الجايات اكثر..بس خلينا نرجع الحين عشان ابوي ما يعصب..
فيصل: امري لله ...مشينا..
ورجعوا للفندق.يصل راح مع العيال في سويتهم..وفجر راحت عند البنات واول ما دخلت..
فجر تصارخ: واي..
تجمعوا البنات حولها..
فجر تضم نوف: يهبل يجنن خبلني وراح..
نوف مبسوطه معاها: مين؟؟؟
فجر: فيصل..
نوف: متى شفتيه؟؟
فجر: تونا راجعين...
نوف: ما شالله ولا قلتي لنا..
جات العنود والشله..
العنود: خير وش صاربالتفصيل..
فجر: بعدين ان شا الله..اخر اليل..
ريم:احسن عشان نعيش الجو..
رغد: خلونا نطلع ما جينا نقعد في الفندق..
عبير: وانتي الصادقه..
شجون بعربجيه: مين راح يقول للعيال .ولا اقول انا..
فجر:وش فيها هذي قلبت..
نوف: جالسه مع الاستاذه عبير..
فجر: يعني الحين عبير تعطي كورسات لشجون..
مها: بالضبط..
فجر: عز الله رحتي فيها يا شجون..
شجون: وش فيكم علي خلو الوضع اهدا اوكي بلا مهايط..
رغد: الحين يا عبير يوم علمتيها الكلمات ليش ما علمتيها متى تقولها..
عبير: بعدين..شوي شوي عليها..
ريم: شجون قلبي مهايط يعني مع احد يتهاوش معاك..
شجون بدلع: اوه سوري ما قصدت معليش مره ثانيه..
عبير: شجون..!!!!
شجون: ايه صح .."وكبرت صوتها"خلاص ترا طفشنا ما صار..
الهنوف: وش رايكم نروح السنيما..
البنات : يله..
كلموا الامهات وافقوا واتصلوا على العيال واتفقوا معاهم..وتجهزوا وتكشخوا وطلعوا معاهم....البنات في جمس والعيال في الجمس الثاني..
واختلفوا العيال من يسوق في البنات..
ماجد: انا ما علي من احد ما راح اسوق فيهم..
وليد: خلاص انا اسوق فيهم..
مشاري: لالالا خلاص انا بسوق فيهم..
وليد: لا كل مره انت..خلاص هالمره انا الي بوديهم..
مشاري ما كان وده بس مضطر لان كل مره يسوق فيهم:خلاص براحتك..
وليد: اوكيه يلا كل واحد على سيارته.
البنات كانوا نفس الترتيب ورغد كانت قدام على اساس انه مشاري.
ركب وليد السياره وطالع الي جنبه شافها رغد شق الخشه متر في متر..
رغد مصدومه: وين مشاري ليش ما جا..
وليد وهو مبتسم ابتسامه على جنب: مشاري قال هالمره انت ودهم..
رغد فتحت باب السياره: خلاص انا بغير مكاني..
عبير من المرتبه الاخيره: اسمعي ما راح اركب قدام..
رغد: اجل العنود..
العنود: لو تموتين ما راح اتحرك من مكاني..
رغد: طيب ما اصلح اقعد جنب اخوك..
عبير والعنود: ما علينا منك..
وليد كان يطالعها بعدين قال:: خلاص ترى المشوار مره قريب..
رغد سكت وسكرت الباب ورضت بالامر الواقع...
في الطريق..
رغد كانت تطالع قدام وحاطه ايدها على تكايه في الوسط بين المرتبتين وتفكر..
وليد حط ايده بالغلط على ايد رغد..
اول ماحط ايده رغد ارتاعت..
رغد بصوت قصير ومن بين اسنانها: تستهبل انت..
وليد: والله اسف ما قصدت..
رغد: موعلي هالحركات..
وليد: وربي ما كانت اقصد صدقيني..
رغد طنشته وحطت ايدها في حضنها..
وليد بين كل لحظه والثانيه يطالع رغد ويكبر حبها في قلبه مع كل نظره ومع كل حركه منها..
وصلوا السنيما واخيرا وكان الفلم الي بيحضرونه امريكي رومنسي شوي مع اكشن..
قصوا التذاكر ودخلوا..
اقول لكم ترتيب الاماكن..
اخر الصف كان فيصل وجنبه فجر بعدين نوف ومها وشجون ..عبير وريم والعنود والهنوف ورغد وجلس جنبها وليد وجنبه مشاري الي ما علق على الموضوع وبعده ماجد وفواز وطلال وتركي وسليمان ونواف وسعود...
سعود: نواف شفت بناتهم..
نواف: ايه شفتهم يشقون الراس..
سعود: أي والله وخصوصا ذيك"يقصد شجون"
نواف: لا نا عاجبتني الثانيه"يقصد نوف"
سعود: حتى هذي ما عليها..
نواف: خلاص لف وجهك عيب تناظر بنات الناس..
سعود: ما اقدر جمالها ما يخليني..
نواف الحين اخليك تلف وجهك صح"ومسك وجهه ولفه"
سعود: كذا احسن..
تركي منقهر:شوف وجه النحس"يقصد وليد"
سليمان: وش فيه؟؟
تركي: اليوم فالها معاها..راكب السياره جنبها والحين بعد جالس جنبها وانا حتى في السوق ما عطتني وجه..
سليمان: صراحه مالها داعي يجلس جنبها..
تركي: دبرني وش اسوي..
سليمان: لاتسوي شي وطالع الفلم..
تركي: اوف قهر والله قهر..
مشاري في نفسه"وانا ما جلست الا بين ذولي ياليتني جالس جنب هنوفتي ام الدلع والدلال وتخيل انها معاه وعاش احلامه"
وليد: احم احم رغد..
رغد بدون ما تلف عليه: هلا..
وليد: حلو الفلم مو..؟؟
رغد: هو بدى عشان تقول حلو..
وليد كان يطالع رغد ولا يدري وين ربي حاطه فيه: صح هو ما بدى ..بس انا قد شفته..
رغد: صدق!!
وليد: والله..
رغد: طيب خلاص..
وليد: تبيني اقولك القصه..
رغد بدون نفس: الحين بشوفه ما يحتاج..
وليد: طيب مليت خلينا نسولف لما يبدى..
رغد: سولف وانا ماسكتك..
وليد: طيب عادي اسال..
رغد: أسأل..
وليد: لو كان خاص..
رغد خافت فا ضطرت تقول:لا..
وليد: طيب ما راح اسال..سولفي انتي عن الدراسه عن طموحك عن الجامعه عن أي شي..
رغد تحمست: عندك استعداد تسمع..
وليد انبسط: اكيد..
رغد: انا حلمي يكون عندي لغه وخصوصا انجليزي..
وليد باعجاب: حلو...
رغد ابتسمت: ايوه..واكون بعدين شي مثلا ادرس برا واخذ الماجستير والدكتوراه..واحق كل طموحاتي..
وليد: والله مستقبل وقسم مضمون..
رغد: هذا الي افكر فيه..
وليد بعفويه: والزوج..
رغد مستغربه: وش فيه الزواج..
وليد: ما راح يكون عائق على طموحك..
رغد: لالا اشرط اني اكمل دراستي وابغى زوجي يكون عون لي..
وليد: ايوه<<يبي يجرها بالحكي..
رغد: وبس..
وليد: وش مواصفات فارس احلامك..
رغد حست انها عطته وجه بزياده: اقول بدى الفلم ولا ..
وليد: الا بدى..
رغد: ابي اشوفه..
وليد: اوكيه بروح اجيب لك ولي بوب كورن واجي اوكيه..
رغد: اوكيه..."ولما بعّد"ياربيه انا وش قلت عنده..وش قعدت اقوله..كل ما قلت بابعد عنه القى نفسي اقرب اكثر..حرام ماودي اكسر في خاطره..
بعد دقايق جا وليد وجلس..
وليد: تفضلي يا احلى رغد احلى بوب كورن..
رغد: تسلم..وصارت تطالع الفلم وليد يطالعها..
رغد ما تحملت اكثر ولفت عليه: وليد وش فيك تطالعني..
وليد ارتبك: ها لالا انا اطالع الفلم..
رغد: اها..وكملت مع الفلم لانه رومنسي وجنبها الهنوف متمسكين في بعض..
ريم: شوفي الرومنسيه مو انتي الله يخلف عليك..
العنود: انتي خلي طلال يعطيني وجه واصيراحسن من هذي..
ريم: نشوف مع اني اشك ان ابو طبيع ما يجوز عن طبعه..
العنود:تشوفين..
نوف ومها وشجون يبكون لان البطل ترك البطله..
نوف: ليش حرام عليه...
مها: حقير والله حقير..
شجون تشاهق من الصياح.:حرام والله ما تستاهل كل هذا يصير لها..
عبير: وبعدين عورتي راسي..احسن تستاهل من قال لها تحبه..
شجون:الحب غصب عن الواحد مو بإرادته..
عبير:ولو هي غلطانه..
شجون: انتي وش علمك في الرومنسيه..
عبير: وانتي وش علمك في الحب..
ريم: ما عليك منهم تعالي معنا سولفي..
عبير: تراني رومنسيه بس اكابر..
العنود: واضح من عيونك..الرومنسيه تشع لدرجه ان عيوني عورتني من اشعاعك..
عبير: تتنطزي.اصل انتي وش علمك في الحب والرومنسيه..
العنود: اعصابك يا جوليت ..الي يسمعك يقول عايشه قصت حب..
عبير: وليش لأ..
ريم: يعني صدق تحبين..
العنود: ما عليك منها..لو قالوا عبير تحب كان الحب نفسه انتحر..مات..اي شي بس عبير ما تحب..
عبير: مالت عليك..
&&&&&&&&&&&&&&&&&&&&&&&&&&& &
فيصل ماسك ايد فجر ولاهين يطالعون بعض ويتغزلون في بعض وما يدرون عن الي حولهم ..
بعد ساعه خلص الفلم ..وعند باب السنيما..
نوف كانت جنب نواف..
نواف: لو سمحتي..
نوف: انا؟؟
نواف: ايوه انتي ..مو انتي اخت فواز وطلال..
نوف: ايوه..
نواف: انا صديقهم نواف..<<اعصابك..
نوف: تشرفنا.
نواف: انا لي الشرف والله..
نوف: تسلم..تامر شي..
نواف: لالا سلامتك بس حبيت اعرفك بنفسي..
نوف: هلا والله..
وليد ورغد طلعوا مع بعض وهم يسولفون..
وليد: ايوه اقول لك البطل نفسه عندي له فلم خيالي..
رغد: قل والله..امانه امانه وليد تعطينياه.
وليد: فداك..واجيبه لك براس الخدمه..
رغد: تسلم والله..
وليد: كل الي تبينه من افلام عندي.
رغد: يبي لي يوم اجي عندكم وألطش لي كم واحد واوسع صدري عليهم..
وليد: ا نشا الله اذا رجعنا..
مشاري: وش عندكم..
رغد: وليد عنده كل الافلام الي نزلت هالسنه..
مشاري:ما عليك منه سارقها مني..
وليد: كذاب اصلا لو يحلم ما عطيته..
مشاري: مالت عليك..
فواز: الحين وين راح ترحون..
البنات: البحر..
العيال: المول..
مشاري: اتفقوا على شي..
البنات: البحر..
العيال: المول..
مشاري: حلفوا بس..
العنود: انا اقول البحر احسن وبكره المول..
البنات: ايه..
العيال رضخوا لطلبات البنات ..وقروا يمرون اهاليهم..
ورجعوا للفندق.وبل لا يصلون..
ريم: العنود الخطه..
العنود: ايوه صح الحين نطبقها..
ريم: اوكي..



@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@ @@@@@@@@@@@@@@@@@@@@@@@@@

" نهاية البارت "

 
قديم 06-28-2010, 12:31 PM   #33

اللبؤة 2010


وردة متحركة رد: رواية احلى صدفه في حياتي سعوديه. رومانسيه . كامله


رواية احلى صدفه في حياتي سعوديه. رومانسيه . كامله

السلام عليكم
حبيبتي شكرا لك
لم أكمل قرائتها بعد
عندما أكمل أضيف رد
شكرا

 
قديم 06-29-2010, 11:07 AM   #34

اللبؤة 2010


3897725811999611908 رد: رواية احلى صدفه في حياتي سعوديه. رومانسيه . كامله


رواية احلى صدفه في حياتي سعوديه. رومانسيه . كامله

شكرا على البارت
أين النهاية
أنتظرك
سلام

 
قديم 06-29-2010, 11:28 PM   #35

حورة العيون


رد: رواية احلى صدفه في حياتي سعوديه. رومانسيه . كامله


رواية احلى صدفه في حياتي سعوديه. رومانسيه . كامله

من عيوني

شوي بس و يكون جاهز

..............

 

أدوات الموضوع



الساعة الآن توقيت السعودية الرياض و الدمام و القصيم و جدة 05:01 PM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0