 |
  |
|
|
|
|
|||||||
| قصص و روايات حصريا ولأول مرة على شبكة الإنترنت عاجبني فيك لون عنيكي ||| يوجد هنا حصريا ولأول مرة على شبكة الإنترنت عاجبني فيك لون عنيكي ||| روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
|
|
#16 |
|
|
رد: حصريا ولأول مرة على شبكة الإنترنت عاجبني فيك لون عنيكي |||
مرحباً بكم من جديد
والحلقة الثامنة من  بداية قبل ما ندخل في احداث الحلقة نريد أن نقف وقفة هل ترون أن هذا ما يحدث بالفعل في دهاليز الجامعة ؟ ولا دا مجرد سرد مسلسل ؟ فنحن نري العجب العجاب في الحرم الجامعي ... حرم؟؟! .. فكلمة حرم بريئة منهم ومما يفعلونه داخل هذا الصرح , والله ثم والله ثم والله إن القلب ليحزن وإن العين لتدمع وإنّا لغياب الحياء والعفة والرجولة لمحزونون . ولكن ما العمل ؟ وما بأيدينا نحن فعله حتي لا نُسأل عن ذلك يوم العرض علي الله ؟؟؟ وهل الذهاب للجامعة حرام ام حلال ؟ وهل التعليم للبنت حرام ام حلال في ظل هذه الفتن والإنحرافات ؟ وما هي المجالات والتخصصات التي تصلح للبنت دراستها والعمل فيها دون أن تختلط بالرجال ؟؟؟؟ وهل نحن الملتزمين _ نحسب أنفسنا كذلك _نترك الجامعة لتتحول إلي _نأسف في الكلمة _كباريه علني ؟؟ كل هذه التساؤلات ترددت كثيراً علي ألسن العفيفات التقيّات نحسبهن كذلك ..... وبإذن الله سنوافيكم بالأجابات التي تطمئن قلوبكن من شيوخنا الأفاضل , ليس من عند أنفسنا بالطبع فنحن ولله الحمد مدّعمين من شيوخ أفاضل ربنا يجازيهم عنّا كل خير .  نرجع لفاطمة و  وكان عندها معادين في نفس الوقت تختار واحد فيهم & معاد الاخت المنتقبة & معاد الشاب وضعفت تاني رغم كل اللي حصلها قبل كدة بسبب علاقتها المحرمة بالشاب دا , ولكن ........ فاطمة اختارت معاد الشاب تحت تأثير الثلاثة : الشيطان + نفسها الأمّارة بالسوء + مراوغة الشاب وتضحي بمعاد الاخت المنتقبة وتقر تروح معاد الشاب , ولا حول ولا قوة إلا بالله وتقنع نفسها اللوّامة : دا هو اكيد عرف ان انا واحدة كويسة وبتاعة ربنا وحسّ بقيمتي وقر يخطبني , اكيد . ونفسها اللوّامة للاسف مبتردش عليها عشان هي بإصرارها دا خرصتها - كتمتها .  وتقوم تتوضي وتصلي الصبح قضي _ من أول اليوم معصية يا فاطمة وهي ضاعت صلاة الفجر التي تُشعر الواحد بالبهجة والسرور طول يومه _ اما نشوفك يومك عامل ازاي يا فاطمة ؟  وتفتح الدولاب وتفكر هتلبس ايه ؟ ومين شريكها في التفكير ؟ طبعا إبليس نعوذ بالله منه : طبعا يا فوفو هتلبسي الجيبة الضيقة البني مع الفيست البيج وتحته البضي البني عشان تبقي آآآآآآآخر شياكة . فاطمة انا هلبس العباية والطرحة الكبيرة طبعا عشان يعرف اني اتغيرت وبقيت محترمة . إبليس : يادي النيلة مش هنخلص من لهجة الاحترام اللي بقيتي طالعة فيها دي _ اعمل ايه في العفريتة بس ؟؟_ ماشي يا فوفو انتي عارفة ان انا مبفقدش الامل ابدا البسي العباية يا سيتي بس الطرحة الطويلة دي لا ع الاقل البسي طرحة قصيرة تبين مفاتنك مش معقول هتروحي تقابلي حبيبيك كدة . فاطمة : امم طيب انا هلبس الطرحة دي أقصر شوية والعباية واسعة اهي .  إبليس : يا مسهل , طيب فين علبة الميكب خوديها معاكي طبعا ف الشنطة , الصراحة وشك باهت اوي من حالتك النفسية الفترة اللي فات لازم تنعنشيه كدة انتي عايزاه يقول مريضة دي ولا ايه ! . وتجيب فاطمة علبة الميكب من الدولاب عشان تحطها ف الشنطة, ولكنها لاقت الشنطة مليانة جدا مفيش مكان لعلبة الميكب يا إما تشيل حاجة منها والشنطة فيها الكشكول والمحفظة والاقلام و..........المصحف , هتشيلي ايه يا فاطمة مفيش حاجة ينفع تتشال ؟ وتفكر ومعاها إبليس : هي دي محتاجة تفكير يا فوفو شيلي المصحف طبعا انتي راحة الجامعة ولا راحة كُتّاب؟؟! وتقول اه فعلا منا مش بلحق اقري خالص فيه وتشيل فاطمة المصحف وتحط مكانه علبة الميكب آآآآآآآآآآآآآآآآآآآه يا يا فاطمة تخلي عن هُويتك ؟ تتخلي عن مُصحفك ؟ دا المصحف يتحط في الشنطة قبل بطاقتك الشخصية لان دا هُويتك ...يا جالك قلب يا فاطمة تشيلي المصحف وتحطي مكانه ايه ! وسيلة لمعصية الله !؟!؟ يا يا فاطمة . وتصحّي ماما وتقولها : انا نازلة .. ماما : راحة فين ؟ انتي مش قلتي مش راحة الكلية تاني لحد الامتحانات ؟ فاطمة : اه فعلا قلت يا ماما بس راحة اصوّر ورق مجاميع ومحاضرات واشتري كتاب وجاية علطول . _ وبدأت في الكذب تاني _ ماما : طيب متأخريش يا حبيتي عشان أم احمد كانت عايزانا في موضوع وقالت ياريت تكون فاطمة موجودة . فاطمة : ام احمد ! عايزاني انا ليه ؟ ماما : مش عارفة يا بنتي , تعالي بسرعة بقي ماشي !. فاطمة : حاضر يا ماما , وغطي بابا كويس وهو نايم , سلام . وتوصل الجامعة والاخت المنتقبة عمّالة ترن عليها وتصل وهي متردش , لحد ما وصلت لمكان المقابلة , ولاقت البيه الشاب في انتظارها ... وينظر لها نظرة عتاب مع اشتياق مع لوم مع إبليس مع كل حاجة . وهي : ازيك عامل ايه ؟ هو : ازيك ؟! وعامل ايه ؟! عامل كفتة بالقنابل اللي هرميها ف وشك . هي : ايه دا ؟ ايه التريقة السخيفة دي ؟ هو : ايه يا بنتي للدراجي هونت عليكي ؟ متكلمنيش طول الفترة دي وقافلة موبايلك وايميلك وكله , ايه القسوة دي ؟ هي : لا مش قسوة بص بقي , انا حصلتلي بلاوي من وراك وانت كنت السبب ف كل دا , لازم نهي العلاقة دي حالا . هو _ ليلة فل انا عارف اعمل فيك ايه يا إبليس دبستني فيها:cool: _ : طيب اهدي بس كدة وقوليلي ايه اللي حصل ؟ هي : لا مش هقول ومش فايقة اتكلم ف اي حاجة , ياريت تتفضل تقول ع الخطوة اللي قولتلي عليها ف المسدج ؟ هو _ خطوة ؟ خطوة ايه ؟ لكون دبست نفسي وانا مش واخد بالي _ : امم اه اسكتي مش انا كلمت ماما عنك وقولتها انا عايز اخطبها يا ماما ياريت تكلمي بابا عليها , بس قالتلي يا بني انت لسه مخلصتش استني كام سنة كدة لما تخلص الجامعة بس مفيش مشكلة طالما بتحبوا بعض ممكن نقري الفاتحة او تقراها انت وهي في الكلية وانا موافقة . _ الله يهديك ايها المراوغ في كل كلمة قلتها اولا : والدته متوفية تمام كدة ؟ يعني كذب بشع . ثانيا : مفيش حاجة في الإسلام اسمها قراية فاتحة والدليل : اقتباس: وقد سئل الشيخ ابن عثيمين رحمه الله : قراءة الفاتحة عند عقد الزواج حتى قد أصبح البعض يطلق عليها قراءة الفاتحة وليس العقد فيقول : قرأت فاتحتي على فلانة ، هل هذا مشروع ؟ فأجاب : "هذا ليس بمشروع ، بل هذا بدعة ، وقراءة الفاتحة أو غيرها من السور المعينة لا تقرأ إلا في الأماكن التي شرعها الشرع ، فإن قرئت في غير الأماكن تعبداً فإنها تعتبر من البدع ، وقد رأينا كثيراً من الناس يقرؤون الفاتحة في كل المناسبات حتى إننا سمعنا من يقول : اقرءوا الفاتحة على الميت ، وعلى كذا وعلى كذا ، وهذا كله من الأمور المبتدعة والمنكرة ؛ فالفاتحة وغيرها من السور لا تقرأ في أي حال وفي أي مكان وفي أي زمان إلا إذا كان ذلك مشروعاً بكتاب الله أو بسنة رسوله صلى الله عليه وسلم ، وإلا فهي بدعة ينكر على فاعلها " انتهى . "فتاوى نور على الدرب" (10/95) . ثالثا : تقراها انت وهي ف الكلية ؟ لا حول ولا قوة إلا بالله _ هي : امم ايه دا مفيش حاجة اسمها نقراها انا وانت هنا ف الكلية مامتك جابت الكلام دا منين ؟ هو : يا بنتي انتي ازاي مفرحتيش لخبر زي دا ؟ هي : خبر ايه اصلا ؟ دا اسمه عك اللي بتقوله دا . هو : عك ؟! بتسمي حبي ليكي عك ؟ شكرا يا فاطمة شكرا اوي ومع دموع تمساحية . هي وإبليس اشتغل : انا مقصدش بس كلامك مش مقنع خالص الصراحة . هو : طيب نستني شوية لحد منخلص الجامعة دي فيها ايه ؟ دا الايام بتمر هوا مفيش اسرع منها . _ وكله من عمرك يا بن ءادم فهلّا استغليت الايام فيما يُرضي الله قبل فوات الأوان ؟ _ هي : امم متردش , وتلاقي التليفون يرن , من الاخت المنتقبة . هو : مين ؟ هي مش عايزة تقوله : ثواني كدة . هو : مين طيب الاول ؟ اوعي تكون البت اللي كلمتيها قبل كدة واحنا قاعدين هنا ؟ هي : استني بقي. لسه هترد عليها لاقيتها في وشها طبعا مع خجل فظيع منها و مش عارفة تقولها ايه ؟ الاخت المنتقبة : كان قلبي حاس للأسف , عامة يا فاطمة انا في المسجد لو احتاجتيني ف حاجة انا موجودة . _ ودا من سمات الداعية الناجح انه ميفقدش الأمل في الناس مهماكان وميبغضّهمش من نفسهم ويكرهوا طريق ربنا وعفوه وصفحه عن عباده _ فاطمة مع احساس بالذنب : ربنا يكرمك يا اختي انا بحبك اوي والله . ومشيت الاخت وكلها حزن طبعا , وفاطمة راحت للشاب ويقولها : ايه دا هو انتي لسه بتقابليها ؟ تبقي هي السبب بقي ف اللي حصلك قبل كدة دا وبُعدك عني منها لله . فاطمة : اسكت خالص دي حبيتي ملكش دعوة بيها خالص انت فاهم ! ومتكلمش عليها ابدا . _ وقلت هنا "فاطمة "وليس "هي " لكلامها الطيب وموقفها الطيب مع الشاب عن الاخت المنتقبة , انما لما بقول" هي " مع عدم ذكر اسمها لنكرة >نكرة ما تقوله وسلبية موقفها واستسلامها _ هو : حاضر حاضر متنرفزيش كدة . هي : يعني من الاخر الخطوة اللي انت كنت بتقولي عليها دي هي اللي انت قولتها بتاعت ماماتك دي ؟ هو : الخطوة هي اني بحبك وهفضل احبك وبطلي شدة عليا بقي عشان مش قادر استحملها منك . _ طبعا لازم ينغم الجو _ هي : دي مش شدة انت المفروض تفرح بيا وتعرف اني بنت محترمة . هو : طبعا طبعا انا مقلتش غير كدة ودا اكتر ما بيشدني ليكي . هي : مع بصة في الأرض مكسوفة . وقالها متيجي نروح الكافتيريا نكل حاجة بقالي كتير مش عزمتك ع حاجة . _ ع اي اساس يصرف عليكي ؟ مهو طبعا لازم يبقي عايز المقابل منك . ولا حول ولا قوة إلا بالله _ هي وعايزة تروح للاخت المنتقبة بس الثلاثة مأثرين عليها للأسف : امم طيب , وهي ماشية عمّالة تبص ورا علي المسجد وتبعد عنه . هو : ايه يا بنتي انتي عجيبة النهاردة .  * وكلت * وشربت * وانبسطت ع الآخر * وضحكت * ونسيت كل ما مضي * ولا راحت للاخت المنتقبة , * ولا صلت طبعا الظهر ولا عصر, * ولا صورت مجاميع ولا محاضرات زي ما قالت لماما * ولا اشترت كتاب ! بل اشترت بفلوس الكتاب كارت شحن عشان لما تروح تكلمه * ولا جت بدري زي ما ماما وصيتها عشان معاد ام احمد فتوصل البيت _ طبعا ام احمد جت ومشيت من زمان _ ماما ومش طايقة فاطمة : انتي رجعتي تاني لأرف زمان دا ؟ انتي مش كنتي اتعدلتي الفترة اللي فات ؟ ايه اللي حصل يا بت انتي ؟ اتأخري ليه كدة ؟ فاطمة بترد بكل بجاحة: هو في ايه يا ماما بتزعئي اوي ليه كدة ؟ ماما : مش عارفة بزعيء ليه ؟ بت يا فاطمة اتعدلي احسنلك ؟ ولا انتي مستغلية ان ابوكي تعبان ؟ فاطمة : ماما بجد في ايه ؟ انا مش فاهمة حاجة ؟ ماما : ليه انتي شاربة حاجة ولا ايه ؟ هو انا مش قولتلك تعالي بدري عشان ام احمد عايزاكي ؟ فاطمة : اه معلش يا ماما نسيت خالص . ماما : نسيتي ؟ مش بقولك شاربة حاجة ؟ وفين بقي المحاضرات والمجاميع اللي صوّرتيها ؟ فاطمة اوه يا نهاري دانا نسيت الموضوع دا برده وعمّالة تدور ف شنطتها عليهم وتدور مفيش حاجة . ماما : ايه وقعوا ؟ ولا العصفورة خدتهم عشان تذاكر؟ فاطمة : اظاهر يا ماما اني نسيتهم مع صاحبتي يوه هتصل بيها اهو . ماما : عارفة يا بت يا فاطمة لو اكتشفت انك بتكذبي يا ويلك مني ؟ انا لولا ان ابوكي نايم جوا تعبان ومش عايزاه يسمع صوت الزعيء اكتر من كدة كنت اديتك كام قلم ع وشك يعدلوكي . يلا غوري من وشي .  وتدخل اوضتها طبعا مغمومة جدا من اللي حصل دا والتليفون يرن مين ؟ نمرة غريبة 01 ... يتصل بك ... وترد فاطمة : ...... محدش يرد عليها ....وبعدين تقول الو .....برده محدش يرد ....... قامت قافلة _ انا ناقصة قرف _ . ويرن تاني .... وتفتح وتقول الو : تسمع صوت اغاني بس .... فتنرفز وتقول الو فتسمع صوت شاب عمّال يضحك بسخرية جدا ... ويقول فطوم فطوم فطوم علي هيئة لحن وقام قافل السكة .  فاطمة : امم ايه دا ؟ مين اللي عارف رقمي واسمي دا ؟؟ رغم دا مش صوت الشاب إياه يا تري مين ؟ ويا تري عارف اسمها ورقمها منين ؟ ويا تري ام احمد كانت عايزة فاطمة ف ايه ؟ ويا تري ايه اللي هيحصل بعد كدة ؟؟؟ هذا ما سنعرفه في الحلقة القادمة بإذن الله تعالي و  والي اللقاء في القادمة إن شاء الله &&فاكهة الحلقة&& * الى متى الغفلة . * خطوات الشيطان وكيفية التحرز من وساوسه والسلام عليكم ورحمة الله وبركاته |
|
|
#17 |
|
|
رد: حصريا ولأول مرة على شبكة الإنترنت عاجبني فيك لون عنيكي |||
القصة وايد حلوة
بس يا ريت نعرف النهاية |
|
|
#18 |
|
|
رد: حصريا ولأول مرة على شبكة الإنترنت عاجبني فيك لون عنيكي |||
عايزين بقى النهاية بسرعة..........انا بجد مش قادرة استنى اكتر
|
|
|
#19 |
|
|
رد: حصريا ولأول مرة على شبكة الإنترنت عاجبني فيك لون عنيكي |||
جزاكم الله خير النهاية قريبا جدا
بارك الله فيكم |
|
|
#20 |
|
|
رد: حصريا ولأول مرة على شبكة الإنترنت عاجبني فيك لون عنيكي |||
السلام عليكم ورحمة الله وبركاته مرحبا بكم من جديد مع الحلقة التاسعة من :  ومع اختكم ..... نقول اسمها ولا زعلانين منها ! طبعا زعلانين بس هنقول اسمها ونفكرها به " فاطمة " يا حفيدة فاطمة الزهراء رضي الله عنها فاطمة انظرى يا فاطمة لرمز العفاف و الحياء انظرى لحياء فاطمة رضى الله عنها و ارضاها عفاف و حياء حتى الممات لما مرضت «فاطمة الزهراء» رضي الله عنها مرض الموت الذي توفيت فيه، دخلت عليها «أسماء بنت عميس» رضي الله عنها تعودها وتزورها فقالت «فاطمة» ل «اسماء» والله إني لأستحي أن أخرج غدا (أي إذا مت) على الرجال جسمي من خلال هذا النعش!! وكانت النعوش آنذاك عبارة عن خشبة مصفحة يوضع عليها الميت ثم يطرح على الجثة ثوب ولكنه كان يصف حجم الجسم، فقالت لها «اسماء» أو لا نصنع لك شيئاً رأيته في الحبشة؟! فصنعت لها النعش المغطى من جوانبه بما يشبه الصندوق ودعت بجرائد رطبة فحنتها ثم طرحت على النعش ثوباً فضفاضا واسعا فكان لا يصف!فلما رأته «فاطمة» فالت ل «اسماء»: سترك الله كما سترتني!! فما أعظم السيدة فاطمة رضى الله عنها شديدة الحياء حتى انها تخشى على عفتها و تحافظ على حيائها حتى بعد موتها  أين الحياء يا فاطمة يا بنت الإسلام ويا بنات ونساء المسلمين جميعاً أين ذهب ؟ ألا نستحى من الله ؟؟؟!! ألا نعلم ان الله يراقبنا فى كل أحوالنا؟؟؟!!! ألم نسمع قول رسول الله صلى الله عليه و سلم (إذا لم تستح فاصنع ما شئت) ؟؟؟!!! ( رواه البخاري). ولا حول ولا قوة إلا بالله  كنا توقفنا عند استغراب فاطمة من الاتصال المجهول بها من شاب يعرف رقمها واسمها يا تري من مين ؟ وفاطمة هتجنن مين اللي عارف رقمي واسمي دا ؟ انا معرفش اي حد غير الشاب اياه انا هتصل بيه كدة واشوف ايه الموضوع ؟ او الاول اتصل بالرقم اللي اتصل بيا دا واشوف الشاب دا عرفني منين ؟ وتجيب التليفون وتصل والشاب دا يرد : الشاب : الو فاطمة : السلام عليكم الشاب بطريقة ساخرة : وعليكم السلام ازيك يا فطوم ؟ فاطمة : انت مين؟ وعرفت رقمي واسمي منين ؟ الشاب : انا مين انا الملامين هههههههههه فاطمة : يعني مش عايز تقول انت مين طيب انا هعرف ... الشاب : انا صاحب فلان اصل فلان خلاني اعملك اختبار واشوفك هتكلميني ولا لأ بس طلعتي جدعة . فاطمة : امم فلان؟ هو اللي قالك تعمل كدة ؟؟ الشاب : اه فلان عادي يعني لموأخذة يعني بيشوفك بت من اياهم ولا لأ بس انا هطمنه انك مية مية وزي الفل وملكيش ف المشي البطّال ليكي بس في المشي في الجامعة , بس كان شكلك يصعب ع الواحد اوي وانت ماشية ورا الظابط هههههههههه فاطمة مصدومة من موقفه وقفلت السكة وتكلم نفسها :ازاي يعمل حاجة زي كدة ؟ ازاي ؟  وتلاقي رسالة اتعبت من نفس الولد صاحب الشاب : (( علي فكرة يا فاطمة هو حس معاكي بحنان الأم خاصة ان أمه متوفية وهو صغير , فمتزعليش منه ابدا وخليكي مطيعة جدا له عشان يحبك اكثر واكثر )) وخلصت الرسالة ... وفاطمة هتجنن اكثر : أمه متوفية ؟؟ ازاي وهو لسه مكلمها عني ! وقالتله اخطبها ؟!!!!! يا كذاب !!!!!!!!!!  ربنا بعتلي صاحبك عشان يكشف كذبك قدامي والشاب عرف من صاحبه انه بوظ الدنيا ونسي وقالها ان أمه متوفية فاتصل بسرعة يصلح الموقف والتليفون يرن : فاطمة فتحت السكة بس مش بتكلم فالشاب حاس بحالتها : ايه يا جميل مش عايز ترد عليا ليه ؟ فاطمة في حالة انهيار : يا كذاب الشاب _ الله يخرب بيتك يا فلان يقصد صاحبه _ : ايه يا فاطمة بس ايه اللي حصل ؟ فاطمة : وليك عين تسأل بجاحة كمان ؟ الشاب : طيب فهميني , كل دا عشان حبيت اطمن علي خطيبتي المستقبلية ,فعملت عليكي تمثيلية صاحبي دي !! فاطمة : ياريت ع كدة وبس , وقالي ان مامتك متوفية مش عايشة وقالتلك انا موافقة ع الخطوبة زي ما قولتلي يا كذاب الشاب :اه ع كدة يعني , بصي يا فاطمة انا كنت بحب أمي اوي فانا بحب اجيب سيرتها كل شوية مع الناس اللي بحبها . فاطمة : تجيب سيرتها ؟! انت هتكذب تاني ! بص بقي الحركات بتاعتك دي انا فهمتها كويس اوي وزهئت منك جدا ومعتش قادرة استحمل اي مصايب تحصل من وراك . الشاب خرج عن اعصابه : يعني انا اللي قادر استحملك ؟ فاطمة : ايه ؟ بتقول ايه ؟ الشاب رجع تاني لحالته : يا فاطمة انا مبقدرش استحمل اسلوبك القاسي اوي دا عليا . فاطمة : مع السلامة .  طبعا فاطمة في حالة نفسية سيئة جدا و تكلم نفسها واتضح لها بالفعل انه شاب سيء وكذاب ولكن.... انا متعلقة به ومقدرش ابطّل تفكير فيه ..... وتبص في النتيجة تلاقي الوقت بيجري صواريخ والامتحانات خلاص باقي عليها اسبوع وطبعا فاطمة متعرفش اي حاجة , فاطمة اللي كانت من الأوائل في الثانوية العامة لكنها للاسف مشيت في طريق البعد عن الله مشيت في طريق المعاصي وما زالت تمشي فيه رغم كلكعة الطريق وكثرة المطبّات التي به مُصرة تمشي فيه . {وَالَّذِينَ إِذَا فَعَلُواْ فَاحِشَةً أَوْ ظَلَمُواْ أَنْفُسَهُمْ ذَكَرُواْ اللّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذُّنُوبَ إِلاَّ اللّهُ وَلَمْ يُصِرُّواْ عَلَى مَا فَعَلُواْ وَهُمْ يَعْلَمُونَ }آل عمران135 وفاطمة :يا نهاري هعمل ايه ؟ وهذاكر امتي ؟ تسمع صوت آآآآآآآهات بابا من التعب فتنتبه وتقول بابا حبيبي وتقوم جري تشوفه _ ماما كانت تحت بتشتري لوازم البيت _ وتدخل فاطمة علي بابا : بابا حبيبي مالك حاس بايه ؟ بابا مش قادر يتكلم : فاطمة انتي مش مريحاني يا بنتي - فاطمة طبعا مفكرة ان محدش واخد باله من حاجة- انا زعلان منك اوي . فاطمة : ليه بس يا بابا يا حبيبي ؟ بابا : عشان انتي مبقتيش تحبي بابا زي زمان ومش بشوفك خالص ولا بتيجي تقعدي معايا فاطمة بالدموع علي حال بابا : لا طبعا يا بابا انا بحبك جدا انا مقصرة في حقك انا عارفة سامحني يا بابا . بابا : وكمان مزعلة امك علطول ليه ؟ بسمع صوتها دايما وهي بتزعئلك ؟ فاطمة : ماما ! هي بس ماما بقت عصبية شوية اليومين دول , مش عايز حاجة يا بابا اعملهالك ؟ بابا : خلي بالك من نفسك يا فاطمة ومن مذاكرتك انا مش بسمعك بتذاكري خالص يا بنتي الامتحانات خلاص اهي صح ؟ . فاطمة : اه يا بابا حاضر هذاكر كويس ف ماما توصل البيت وتلاقي فاطمة خارجة من اوضة بابا وتقولها بخضة: ابوكي ماله ؟ فاطمة : هو كويس يا ماما الحمد لله انا كنت بطمن عليه بس ماما : والله ؟ عجيبة دي فاطمة : يا ماما عشان خاطري بلاش اللهجة دي انا مش مستحملة . ماما : ليه خير مالك يا هانم ؟ فاطمة : مليش يا ماما . ماما : طيب واخبار المذاكرة ايه ؟ الامتحانات الاسبوع الجاي خلاص وانا مبشوفكيش بتذاكري خالص . فاطمة : الحمد لله بذاكر وهشد اكثر إن شاء الله اليومين دول ماما : ربنا معاكي ويوفقك مع اني زعلانة منك ومن حركاتك اللي مش واضحة . فاطمة : حركات ايه بس يا ماما , منا كويسة اهو . ماما : طيب , يعني مسألتنيش ام احمد كانت عايزة ايه ؟ فاطمة : اه صح كل اما افتكر اسألك انسي , هي كانت عايزة ايه ؟ ماما : كانت طالبة ايدك لاحمد ابنها .. ايه رأيك بقي ؟ اظن خبر رائع . فاطمة : امم ايه ؟ احمد ؟ ماما : ايه مالك استغربتي اوي ليه كدة ؟ دا ولد زي الفل ومتدين ومحترم ورجل بمعني الكلمة ومستوي كمان انا كنت معترضة شوية عشان لحيته دي بس مش مشكلة طبعا , دانا فرحت جدا لما ام احمد قالتلي . فاطمة : يا ماما انا مبفكرش ف الخطوبة دلوقت خالص - والاخت فاطمة طبعا بتكذب -,لما اخلص دراستي . ماما : ايه الكلام دا ! دانتي اللي قدك بيتجوزوا , وبعدين انتي ممكن تتخطبي عادي وانتي ف الدراسة . فاطمة : يا ماما لا مش هينفع مش عايزة انا كدة خالص بقي . ماما : ايه الجنان دا ؟ انا مش فاهماكي خالص يا بت انتي هو احمد دا يترفض ؟ فاطمة : لا يا ماما ولا احمد ولا غيره , انا مبفكرش خالص في المواضيع دي دلوقت - شغالة كذب, وده طبيعي لاي حد بيعمل حاجة غلط ومخبيها عن عيون الناس - وياريت تقولي لام احمد بقي انا رافضة . ماما في استعجاب وحسرة من بنتها : طيب امشي يلا من قدامي . فاطمة ودماغها بتفكر في الف حاجة ولكن الشيطان مسيطر عليها ومخليها تتمسك بالسراب الحرام الضائع _ مشيها مع هذا الشاب في الحرام _ وترفض الحلال المضمون بمشيئة الله _ رفضها لأحمد الشاب المتدين _ . وللاسف بدئت فاطمة في التخطيط السيء واستغلت موضوع احمد دا كوبري لتهديد الشاب اياه لو اتقدمش لها رسمي وتبعتله رسالة تهديد وتقوله ان خلاص علاقتنا هتنتهي وانا ومتقدملي عريس ممتاز . ويحاول هو يتصل كتير بيها ولكنها مش بترد عليه فبعت لها رسالة : يعني ايه يا فاطمة اللي بتعمليه دا ؟ عايزة تفهميني انك هضيعي مني ؟ مستحيل انتي فاهمة مستحيل , فتسعدها الرسالة اوي وتقول خطتي نفعت واكيد هيجي يخطبني ويحاول يتصل تاني ....متردش ويتصل تالت ....... متردش برده ويتصل رابع .....متردش ويبعت رسالة تاني : " فاطمة لا مينفعش كدة , انتي فاكرة اني هسيبك كدة ؟ يبقي بتحلمي هعرف اوصلك ,لو مقابلتنيش بعد الامتحان الاول ف نفس مكانا بجد صدقيني مش هسكت " فاطمة خافت من تهديده وف نفس الوقت فرحت ان خطتها نفعت .  ويمر الاسبوع طيران وخلاص بكرة الامتحان الاول ورايحة الامتحان وبالبركة كدة وتسلم ع ماما وبابا وتنزل بزيها القديم المتمثل في ( لبس ضيق وعليه طرحة قصيرة )  وهي نازلة ع السلم مين يشوفها ؟؟؟؟ أحمد  فبيصلها كدة بصة استغراب واستنكار ويكلم نفسه هي دي اللي ماما بتقولي اخطبها ؟؟؟؟ وهي تبصله بصة رد علي بصته معناها " اه انا كدة ومش موافقة عليك " وتوصل الامتحان وتقريبا قدمت الورقة بيضا ومش مصدقة انها هي دي فاطمة الشاطرة اللي كانت بتخرج مقفلة الورقة بالاجابات الصحيحة .......وطبعا حالتها النفسية سيئة جدا والشاب طبعا عمال يرن ويرن ويتصل بيها فراحت تقابله ولا حول ولا قوة إلا بالله بعد كول دا ولقاها جاية فرح وبنفس زيها القديم فرح اكثر هو : اهلا يا هانم ياللي معذباني معاكي هي : اهلا هو : عملتي ايه ف الامتحان الاول ؟ هي :اه ربنا يستر , وانت ؟ هو : ربنا يستر برده هو : ايه بقي اللي انتي قولتيه دا واللي بتعمليه دا كله؟ هي : ايه في عريس كويس جدا متقدملي وانا موافقة - بطلي كذب بقي يا فاطمة حرام عليكِ - . هو : بجد ؟ وبتقوليها في وشي كمان ؟ دا ع اساس اني هسكتلك او اسيبك كدة يعني ! هي : هتعمل ايه يعني ؟ هو : لا من ناحية اعمل ايه فالعمايل كتير . هي : زي ايه يعني هتيجي تخطبني يعني ؟ _ يا عيني عليكي يا فاطمة وعلي عبطك _ هو : ايه؟؟ اه اه طبعا هخطبك امال انتي فاكرة ايه ! هي : اه بامارة امك اللي متوفية . هو وعايز يغير الموضوع بطريقة مقنعة : لالا مبحبش سيرة أمي دي كتير لو سمحتي , وبعدين بقي انتي ناوية ع ايه ؟ هي : انت اللي ناوي ع ايه ؟ تقدر تقولي انا لو رفضت هقول لماما ايه ؟ هو : يا ستي قوليلها اي سبب دلوقت لحد مكوّن نفسي السنة دي وخلاص إن شاء الله . هي وعايزة تفرحه وتفرح الشيطان : منا عملت كدة يا استاذ . هو : ايوة كدة يا استاذة , تعجبيني اوي . طيب بعد اما طمنتيني كدة تعالي ع الكفيتريا نكل حلاوة فرحتنا _ كُلي يا فاطمة حلاوة تعاستك في الدنيا والآخرة _  هو : هاتي كدة موبايلك اجيب اغنية هي : اصلي مسحت كل الاغاني اللي كانت عندي هو : ايه ؟ طيب هاتيه انقلك شوية اغاني من عندي معايا اغاني جديدة لانج .  هي مع استسلام تام للاسف اعطته الموبايل وهو خد موبايلها وكان هدفه مش يحطلها اغاني وبس لا في هدف اساسي .... وهو .. انه ياخد نمرة تليفون الاخت المنتقبة ولكن نيته هذه المرة ليست سيئة وهنعرف نيته الحقيقية فيما بعد بإذن الله وبالفعل اخذ النمرة وبعتلها الأغاني عبر عنكبوت الموبايل "البلوتوث " وفاطمة بتسمع واستسلام تام ولا حول ولا قوة إلا بالله وماما بتصل بفاطمة عشان تتطمن عليها في الامتحان وترد فاطمة وتطمئن ماما _ وهي مِسلِّمة الورقة بيضة اصلا _ فاطمة كل مادي ما بنتزل من نظر الشاب شيئاً فشيئاَ وهو شايفها بتكذب دايما وبتخلي عن مبادئها ن دينها وتوالي الامتحانات وطبعا فاطمة حزينة علي نفسها وعلي مستواها المنحدر في كل شيء , وخايفة من مواجهة ماما وبابا ساعة النتيجة لانها متأكدة انها ساقطة بالثلث ولكنها بتقنع نفسها بغير ذلك .. وخلصت الامتحانات وطبعا علاقتها مستمرة مع الشاب دا واي تليفون من الاخت المنقبة بها بتقفل الموبايل علطول ومن مواصلة الاخت المنتقبة جزاها الله خيراً للاتصال بها فتهزق منها _ رغم انها نفسها تكلمها ولكن شيطانها يمنعها والشاب _ فيقترح عليها الشاب تغيير الخط عشان تخلص من الاخت المنتقبة فيعجبها الاقتراح طبعا وتنفذه ع الفور وتبقي نمرة الاخت المنتقبة مع ذلك الشاب ويمر 3 اسابيع علي هذا الحال وتظهر النتيجة ......... وماما وبابا منتظرين النتيجة بفارغ الصبر يا تري يا فاطمة هتفرحيهم ولا هتقطمي وسطُهم وتعسهم ؟! يا تري يا فاطمة اخرتها ايه معاكي ؟ يا تري الشاب اياه ناوي معاكي ع ايه ؟ يا تري الشاب دا هيعمل ايه بنمرة الاخت المنتقبة ؟! طيب احمد موقفه ايه من فاطمة والعكس ؟! كل هذا سنتناوله في الحلقة القدامة بإذن الله تعالي |
