 |
  |
|
|
|
|
|||||||
| قصص و روايات حصريا ولأول مرة على شبكة الإنترنت عاجبني فيك لون عنيكي ||| يوجد هنا حصريا ولأول مرة على شبكة الإنترنت عاجبني فيك لون عنيكي ||| روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
|
|
#1 |
|
:: كاتبة نشيطة :: |
حصريا ولأول مرة على شبكة الإنترنت عاجبني فيك لون عنيكي |||
والآن مع الحلقة الاولي
و الأول تعريف بفاطمة واسرتها  هي اخت محترمة اتربت في بيت محترم مبني ع الاصول والقيم وعارفة الصح من الغلط والحرام والحلال , زي معظم بيوت المسلمين . فهذه اول سنة لها في عالم الجامعة بعد عالم الثانوية العامة عالم الجامعة المليء بالمغامرات والعلاقات والاختلاط والموضة والاغاني والمخيمات او " الاُسَر" التي تضم شباب × بنات × رقص × اغاني × الدي جي تحت مظلة هذه الاسر المنتشرة في جميع انحاء الكلية _ تيجي تسألهم بتعملوا ايه ف الاسرة دي غير الرقص ؟ يردوا عليك بصرامة لا يا فندم احنا هنا بنخدم الطالب _ اه فعلا ونعم الخدمة ! بيخدموه عشان يسقطوه دنيا وآخرة ولا حول ولا قوة إلا بالله _ . فتبدأ فاطمة تجهيز نفسها للذهاب الي الكلية بعد مُضي اسبوع منها _ ودا طبعا غلط لانك لازم تحضر المحاضرات الاولي لانها بتبقي مهمة جدا وبتعرفك الدنيا فيها ايه _ المهم وصلت الجامعة وزُهلت :eek: من المناظر والبس والاختلاط والاغاني والضحك و الضياع . فاطمة انكرت دا واضايقت جدا من المناظر دي وذهبت بسرعة ع المدرج ولقت نفس الكلام وبشكل مُركّز اكتر اختلاط رهيب وكله قاعد جمب بعض والدنيا خلطبيطة ولا حول ولا قوة إلا بالله وكل الأماكن كومبليت فاطمة ملقتش مكان فاضي غير جمب شلة شباب , فطبعا هم الذوق كله مع البنات _ بالذات البنات الجديدة_ قعدوها جمبهم وسع يا عم للاخت . المحاضرة بدئت وهي طبعا مش فاهمة حاجة عشان اول محاضرة ليها فبعد انتهاء المحاضرة طلبت من بنت قدامها كشكول محاضراتها عشان تنقلها فالبنت اعتذرت لانها ماشية , فالاخ قاعد وسامع الحوار فطبعا الذوق كله لازم يقدم المساعدة _ دي كمان طلعت محتاجة مساعدة قشطة جدا , دا كلام الولد في سره او مع زمايله _ الاخ الذوق : اتفضلي كشكولي اهو تحت امرك ولو حابة اشرحلك اي درس انا في الخدمة , هي كانت رافضة في الاول ولكن الاخ البطل الحّ عليها وخدته وسابه معاها ومشي _ عشان يضمن انها لازم تستناه عشان تديهوله _ . فاطمة احترمته مهي لسه خام مكلمتش قبل كدة شباب خالص في حياتها ودا ناتج عن عدم وعيها , ومحدش قالها علي مكائد الشباب ومكرهم . وهنا فاطمة اخطأت خطئين مدمرين : 1- قعدت جمب الشباب , كان اكرملها ان تجلس علي سلم المدرج كما يفعل البعض عند الزحام انما تجلس جمب الشباب لالالالا والف لالالالالالا . 2- اخدت منه الكشكول , يعني يا اخت فاطمة المدرج مفهوش اخوات غير الاخت الي طلبتي منها ورفضت ؟؟_ المهم نقلت المحاضرات , وفضلت قاعدة مستنياه لحد ما جه واديته كشكوله , وقالها ما شاء الله علي خطك رائع ممكن بعد اذنك ابقي انقل منك المحاضرات ؟ , قالتله منتا بتكتبها اهو ملهاش لازمة تنقلها مني . قالها معلش بس الخط بيفرق برده , قالتله ربنا يسهل وقامت ماشية . و  وانتهي اليوم الاول لفاطمة في الجامعة بعض الاخطاء والتخلي عن مبادئها ودا للاسف نهايته ندم وحسرة وتعاسة ولا حول ولا قوة إلا بالله فترجع البيت تستشير ماما عن الي هي عملته _ علي ان ماما هي القدوة _ : فاطمة : ماما هو انا لو قعدت جمب الشباب غلط ؟ اصلي مكنتش لاقية اي مكان خالص , فلاقتهم هم وسعولي وكمان نقلت منهم المحاضرات ؟ ماما : طالما مكنتيش لاقية مكان خلاص يعني هم الشباب هيكلوكي ؟ وبعدين كويس انك نقلتي منهم المحاضرات اصلهم بيبقوا جدعان وبيحبوا يخدموا إنما البنات دول سِوَس ولُؤَمة . فاطمة: اه صح يا ماما دانا طلبت من البنت واعتذرت . ماما : اه شوفتي بقي ! لا انقلي من الصبيان الجدعان واسأليهم عن اي شيء مش فاهماه . _ للاسف دا رد معظم الاُمهات واستهانتها بكل الامور وعواقبها , واقول لكِ يا كل ام فاضلة حافظي علي بنتك اوي احنا في زمن بشع وحرّصي عليها من ذئاب البشر ومتقوليش دانا واثقة في بنتي دي متربية ع الاخلاق , لالالالا طالما فتحتي لها باب النار _وهو الشباب والاختلاط+ البس الغير اسلامي + الاغاني + عدم مراقبتها بطريقة غير مباشرة _ يبقي للاسف هتتحرق بالنار دي وانتي هتكوني من ضمن الاسباب , هل هذا يُرضيكي لإبنتك يا اُمنا الكريمة ؟؟ _    فاكهة الحلقة  خطورة الأختلاط للشيخ ابو اسحق الحويني مقطع للدكتور حازم شومان عن الإختلاطوإلي القاء مع الحلقة الثانية و |
|
|
#2 |
|
|
رد: حصريا ولأول مرة على شبكة الإنترنت عاجبني فيك لون عنيكي |||
مرحباً بكم من جديد مع
اختكم فاطمةوالحلقة الثانية من : تذهب فاطمة الجامعة لليوم الثاني وناوية انها تحاول تتعرف ع بنات جديدة وتكون صحبة حلوة وشلة بس وصلت متأخرة برده _ودا غلط قلنا يا فاطمة لازم تيجي بدري احتراماً للمواعيد وعشان تلاقي مكان تقعدي فيه بدل ما تتزنقي جمب الشباب زي امبارح _ ولأسف ملقتش مكان طبعا فمين لمحها وهي داخلة ؟! الاخ الشهم بتاع الكشكول :cool: فمصدق انها مش لاقية مكان فراح بسرعة نادلها وقالها انا جمبي مكان اتفضلي , قالتله : لا شكرا قالها : انتي ممكن تقعدي المحاضرة الاولي بس وبعدين تدوري ع مكان تاني عشان الدكتور هيدخل . فكرت شوية كدة وبرده قعدت جمبه _ برخصة كلام ماما _ المهم حضرت المحاضرة الاولي وقامت علطول حاولت تقعد جمب بنات وقعدت بالفعل ولكنها لاحظت حد بيراقبها مين ؟ _طبعا الشاب الشهم _, وهي ايضا بدئت تراقبه من بعيد , ولكنها تحاول إفاقة نفسها ولمحاضراتها اول باول ,ولا تُلقي له بالاً . فدردشت شوية مع البنات وتعرفت عليهن معرفة سطحية كدة وقالتلهم ياريت تحجزولي جمبكم لو اتأخرت بكرة إن شاء الله واديتهم رقم موبايلها وهي بتديهم رقم موبايلها ايه الي حصل ومين كان سامع الحوار ؟؟ طبعا الاخ الشهم كان قاعد ورا بس قاعد بظهره عشان هي متشفهوش وسمع الرقم وسجله عنده .  وجاء ثالث يوم وحاولت انها تيجي بدري عشان تلحق مكان كويس ويكون جمب صحباتها , فدخلت المدرج وراحت للبنات لاقتهم مش حجزولها جمبهم رغم انها وصتهم امبارح والوقت لسه بدري يعني مفيش زحمة , فزعلت فاطمة منهم وراحت دورت ع مكان لوحدها , وقعدت لوحدها , فمين وصل المدرج عمو الشهم فبص كدة لقي الاخت فاطمة قاعدة وجمبها كمان مكان فاضي _ يعني قشطة جدا _ ودار الحوار الآتي : الشاب: ازيك ؟ عاملة ايه فاطمة: كويسة الحمد لله الشاب :جيتي بدري اهو فاطمة : اه الشاب : في مكان جمبك اقعد ؟ _ مهي لازم تدفع ثمن عزومة امبارح واول امبارح لما قعدها جمبه _ فاطمة في تردد سلبي: اه في . الشاب :طيب شكرا , اخبار المحاضرات ايه ذاكرتيها امبارح ؟ فاطمة مش حابة تتكلم معاه ولكن حرجها الي هيوديها في داهية منعها من انها تكسفه _ : لا لسه الشاب: طيب لما تذاكريها واي حاجة وقفت قدامك قوليلي علطول _ وهو اصلا تلاقيه عايد السنة وفي الطراوة وعامل فيها دكتور بس, لزوم الشغل بقي _ فاطمة: شكرا الشاب : طيب انا متعرفتش باسمك ؟ فاطمة : اسمي ...... فاطمة الشاب: الله اسم رائع انا اسمي كذا ... فاطمة : لا تعليق . الشاب: هو انتي ساكتة ليه كدة ؟ فاطمة: هقول ايه يعني ؟ الشاب : باين عليكي محترمة اوي متقوليش حاجة خالص اقول انا , ساكنة فين بقي ؟ وكنتي مدرسة ايه في الثانوي ؟وبتخدي دروس فين و وعمّال يسأل وهي تجاوب ولا حول ولا قوة إلا بالله وبدأت تتشد له طبعا وتُعجب به بالفطرة ، ما هو لازم يحصل جذب بين الجنسين وعلشان كدى ربنا سبحانه حرّم الاختلاط. وندمت فاطمة انها قعدت تتكلم معاه وتحكي عن نفسها كدة ولكن :mad:شيطانها يرادوها : يا بنتي انتي محترمة معملتيش حاجة غلط وبعدين دا كلام عادي مش حب ولا حاجة , هو انتي تيجي حاجة وسط البنات التانية , دا انتي شيخة يا بنتي , استني عليا بس انا هوريكي يا فوفو _عليك العنة يا شيطان وهداكِ الله يا فاطمة _ وروحت البيت سعيدة وزعلانة في نفس الوقت بس السعادة غلبت عليها لانها حست ان حد مهتم بيها بالذات من الجنس الاخر ويا سلام عمالة تفتكر لما قعّدها جمبه و عمال يراقبها ويقدم مساعدته ليا انا بس وجه يقعد جمبي وفي ظل السرحان العميق دا ... ماما تنادي علي حبيبة قصدي علي فاطمة _ الوحشة _ ماما :يا فاطمة ماما : يا فاطمة ماما : يا بت فاطمة ماما : مات دي ولا ايه ؟ فاطمة اخيرا فاقت : ايوة يا ماما ماما : ايه يا بت انتي مش سامعاني كل دا ؟ فاطمة : انتي ناديتي قبل كدة ؟ ماما : اه يختي ناديت ميت مرة كنتي سرحانة ف ايه إن شاء الله ؟ فاطمة : سرحانة ايه بس يا ماما :rolleyes: ماما : وليه بقيتي تحطي روج وكحل وانتي راحة الكلية ؟ فاطمة : فين دا يا ماما دانا كنت حاطاهم من باليل ودا اثرهم بس . ماما : ماشي انا هعمل نفسي مصدقاكي بس بلاش الحاجات دي خالص ولا انتي عايزة تتعاكسي ؟ فاطمة ومش عاجبها الكلام : :cool: حاضر يا ماما وفي اليوم الثاني الاخ جاي بدري وحاجز للاخت فاطمة جمبه ومترقب باب المدرج اول ما تدخل يصطادها قصدي ينادي عليها و دخلت الفريسة قصدي فاطمة وبالفعل وقعت في المصيدة قصدي وافقت انها تقعد جمبه ولا حول ولا قوة إلا بالله , الشاب : اخبارك ايه النهاردة يا فاطمة ؟ فاطمة : كويسة الحمد لله . الشاب : ايه رأيك حجزتلك عشان عارف انك بتيجي متأخرة ومش هتلاقي مكان . فاطمة : شكراً الشاب : بصي ابقي رنيلي علطول اول ما توصلي عشان اعمل حسابي , اه صحيح رقمك كام ;)؟ فاطمة : مفيش داعي انا هبقي اجي ع المدرج علطول . الشاب : انتي مش عايزة تديني رقمك صح؟ فاطمة : اصله ملوش لازمة . الشاب : طيب براحتك وقام زعل وقام كلم صاحبه . فاطمة حست انه زعل وعلي نيتها ولا تدري ان هذه خطة جديدة _ هداكِ الله يا فاطمة _  وقامت كلمته وقالته انت زعلت . ساب صاحبه وفرح ان الخطة نجحت : لا عادي بس حسيت انك مش عايزة تكلميني فسبتك براحتك . فاطمة : انا بس مش متعودة ادي لحد رقم تليفوني خاصة لو كان ولد . الشاب : ما شاء الله عليكي احترام عالي جدا . انا كنت بطلبه منك بس عشان لما المحاضرة تبدأ ارنلك او اتوسطلك عند فراش المدرج _ عم الجدع بقي _ وعلي فكرة عايز اقولك ان رقمك سهل اوي :) فاطمة باستغراب : رقمي سهل :confused: ! الشاب:اه سهل حتي مش هو ........01 فاطمة :eek: : انت عرفته منين ؟ الشاب : عادي يعني سمعتك وانتي بتديه لصحباتك امبارح . فاطمة : حاجة غريبة اوي الشاب : لو مضايقة اوي كدة همسحه متزعليش دا مكنش رقم يعني !! فاطمة : .........:o والمحاضرات كلها حضرتها معاه وتروّح فاطمة البيت الاخت الولهانة " مش " التقية النقية " زمان . وتدخل اوضتها وتقفل عليها الباب وتسمع الاغنية الي حضرته بعتهلها بالبلوتوث وبعدين لقت التليفون يرن : بتبص لقت : عم الشهم يتصل بك ... قلبها دق جامد , ارد ولا لأ ..ارد ولا لأ ..:rolleyes: لحد ما فصل ومردتش عليه وعملته صامت .  راحت الجامعة واشترت علبة ميكب " مكياج " زي باقي البنات اشمعنا انا , ودخلت المدرج بتدور عليه طبعا وهو عارف انها هدور عليه قام بصلها بصة عتاب ومورهاش وشه تاني _ خطة عقاب لها عشان تحرم متردش عليا _ وعمالة تدور عليه في كل المدرج مفيش وتروح الكافتريا مفيش كان ناقص تجيب ميكروفون واحد تايه يا ولاد الحلال محدش شافه ؟؟ وبعدين تجرأ وتصل به لا وكمان بيكنسل عليها وتروّح البيت مضايقة خالص :mad: ولا حضرت محاضرات ولا صلت الظهر والعصر وقضت اليوم في البحث عن المفقود ولا حول ولا قوة إلا بالله . ونكمل في الحلقة القادمة إن شاء الله ونشوف فاطمة هتعمل ايه ؟ & فاكهة الحلقة & ****************** والي القاء في الحلقة القادمة و |
|
|
#3 |
|
|
رد: حصريا ولأول مرة على شبكة الإنترنت عاجبني فيك لون عنيكي |||
ميرسي كتير ..........زوياريت تيجي الحلقة الثانية بسرعة
|
|
|
#4 |
|
|
رد: حصريا ولأول مرة على شبكة الإنترنت عاجبني فيك لون عنيكي |||
مشكورة حبيبتى
بسرعة كملى الحلقة التانية فى انتظارها على نار |
|
|
#5 |
|
|
رد: حصريا ولأول مرة على شبكة الإنترنت عاجبني فيك لون عنيكي |||
اهلا بكم من جديد والحلقة الثالثة مع اختكم فاطمة فاطمة الي بدئت تتخلي عن مبادئها وتنزل سلم الانحدار شيئاً فشيئاً فاطمة الي كانت محترمة جدا ومتربية في بيت محترم ملتزم إلي حد ما فاطمة الي اسمها علي اسم فاطمة الزهراء رضي الله عنها بنت النبي صلي الله عليه وسلم اين انتِ من اسمك يا فاطمة ؟؟ ................. هيا بنا نُكمل مع فاطمة و  وكنا توقفنا عند " البحث عن المفقود " وشربت فاطمة المقلب شرباً بارتواء , تعالوا نشوف ازاي صلوا علي النبي عليه الصلاة والسلام توصل فاطمة البيت متسلمش ع حد خالص ولا ع ماما حبيبتها وتقفل الباب ع نفسها وزعلانة ومكتئبة وسرحانة وتكلم نفسها : ياريتني كنت رديت عليه ياريتني .. وماما تنادي عليها عشان تيجي تحضّر معاها الأكل وفاطمة ولا هي هنا في عالم تاني خالص " عالم المفقود " ماما : بت يا فاطمة مكنتيش بتردي عليا ليه ؟ فاطمة باسلوب جاف جدا: مسمعتش ماما : ليه دانا الجيران كانت سامعة صوتي وانا بنادي .... فاطمة : مسمعتش بقي يا ماما اوف ماما : طيب اتكلمي كويس وتعالي كُلي يلا الأكل اتحط وانتي ولا ليكي لازمة . فاطمة : لا مش عايزة آكل مليش نفس . ماما : ليه إن شاء الله ؟ انا مش عارفة البت دي مالها مبقاش حد عارف يكلمها ؟ فاطمة : مش عايزة أكل بقي هو غصب ولا ايه اوف؟ بابا_كوجه جديد معنا _ : ايه يا بت بتكلمي امك كدة ليه انتي اتجننتي ؟ فاطمة : يا بابا مش عايزة أكل مليش نفس . بابا : خلاص يلا روحي مع السلامة . وتدخل اوضتها وهاتك يا عياط اول مرة تكلمي ماما وبابا بالاسلوب دا يا فاطمة ؟ بتزعئي في وش ماما ؟ ماما حبيبتك ! الي عمرك مرفعتي صوتك عليها وقليتي ادبك عليها !! وكمان عشان عايزاكي تيجي تكلي ؟ حرام عليكي يا فاطمة .. حرام .. {وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيماً }الإسراء23  وقالت انا مش هروح الجامعة بكرة وخدت اليوم كله نوم وضيعت الصلوات ولا حتي صالحت ماما وبابا الي زعلتهم , فصحيت من النوم ع معاد الكلية اليوم التاني فتبص في الموبايل لقت 15 مسد كول و5 رسائل من مين ؟؟ طبعا من الشاب إياه والرسائل كلها اعتذار وانا اسف وانتي فين ؟ مجتيش ليه النهاردة ؟ انا قعدت مستنيكي طول اليوم ؟ ياريت تيجي بكرة انا هحجزلك في نفس المكان . وارتسمت البسمة علي وجه فاطمة وقامت ولبست اشيك البس والطرحة بدئت تقصر عشان الطقم يبقي اشيك , وعلبة الميكب في الشنطة مش هتحط في البيت عشان مش عايزة وجع دماغ من ماما . وراحت الكلية وقابلته واتعاتبوا وبعدين صافي يا لبن .حليب يا ضياع ومفيش حضور محاضرات ولا صلوات وبقت تسمع اغاني وبقت تحط مكياج وبقت تقصر الطرحة والبس بدء يبقي ضيق والكذب علي ماما وبابا وع نفسها . و وطبعا رسائل ورنات طول النهار ولكن نوع الرسائل الأولي كانت دينية .... وبالتدريج .... بقت رسائل .... ولا حول ولا قوة إلا بالله , وبعدها خد ايميلها وشاتنج :  وبدئت علاقتهم توسع شيئاً فشيئاً, لدرجة ان واحدة من صاحبتها الي كانت قعدت معاهم قالتلها وهي جاية لوحدها : البنت : ايه دا يا فاطمة امال فين ........؟ وضحكت هي وباقي الشلة . فاطمة وطبعا مضايقة من الكلام والطريقة: معرفش هو فين !! البنت : والله ؟ متعرفيش ! ههههههه وهات يا ضحك قامت فاطمة سايباهم وماشية ( ودي كانت اول رسالة لفاطمة من ربنا ) فهل فقتي يا فاطمة ؟ وافتكرت فاطمة مبادئها الي اتخلت عنها وان كدة حرام فتلتزم تاني ومتكلموش ويرجع يحايلها تاني وترجع تكلمه وتضعف تاني وتحس بالذنب تاني وتقول انا لازم اقطع علاقتي به ولكن أنّا ذلك وهي سايبة نفسها ف هذا المستنقع * فاطمة حاليا مقصرة جدا في مذاكرتها بتروح الجامعة عشان تقعد مع الشاب دا * فاطمة مقصرة جدا عائليا *وطبعا مقصرة جدا روحانيا مع الله واحساس بالذنب رهيب ووحدة وانعزال وضيق وبقت قافلة ع نفسها الباب علطول ويدخل عليها اخوها الصغير ويقولها فطوم انتي فين ؟ بقالك كتير مسمعتليش قرءان ؟ مش هتسمعيلي بقي ؟ فاطمة بتسمعه بحسرة وندم وخدته في حضنها وعيطت . _طيب ليه يا فاطمة معذبة نفسك بمعصية ربنا وانتي اصلا كويسة ليه ؟؟! ,ليه تلوثي نفسك وانتي نقية اصلا ؟؟! _ ( اخوها دا كان تاني رسالة من ربنا لفاطمة ...) فهل فقتي يا فاطمة ؟ وماما تدخل عليها ويبدأ الحوار الآتي بين فاطمة وماما : ماما : فاطمة فيه ايه ؟ مالك ؟ اتغيرتي ليه يا بنتي ؟ فيكي ايه ؟ قوليلي ! مبقتيش تقعدي معانا خالص ليه؟ _فاكرين حبيبة كانت منشغلة بايه ؟؟ وفاطمة منشغلة بايه ؟؟ هداكِ الله يا فاطمة_ فاطمة في استنكار لواقع حالها مع غرغرة في العين : مفيش يا ماما انتي عارفة الدراسة بقي والانشغال ماما : الدراسة برده . ؟ ماما : طيب يا حبيبتي انا عارفة انك متفوقة وربنا يوفقك يا بنتي عايزاكي تفرحينا بقي زي ما فاطمة : اه يا ماما صدقيني المحاضرات اتراكمت عليا وانا مش متعودة ع كدة . فرحتينا في الثانوية كدة وتجيبي تقدير عالي . فاطمة : يارب يا ماما ادعيلي ربنا يهديني , ومش هتحكي حاجة تاني لماما لانها في الاول كانت خام إنما دلوقت اتلوثت بجو الجامعة الي فتحتله الباب للاسف مين بيتصل بيها دلوقت ؟؟ الشاب إياه وهي كانت عاملة الموبايل "صامت" كما اعتادت من بعد ما عرفت الشاب دا بس نسيت الموبايل في الصالة ودخلت نامت . "صامت دا علامة ان في شيء غلط ملحوظة يا اباء ويا امهات لما تلاقي ابنك او بنتك عامل الموبايل صامت او بكود سري للدخول" خلي بالك اوي ابنك أو بنتك في خطر دعبس وراه وشوف وراه ايه ؟؟ عشان لو في حاجة ودا اكيد تلحق تلحقها" فالشاب عمّال يتصل يتصل , فماما عدت من جمب الموبايل ولقته منور فراحت تمسكه تشوف مين بيتصل لقت ايه ؟؟ (اسم الشاب) يتصل بك ... ماما بتبص واستغربت ايه دا مين الولد دا وبيتصل في نص اليل كمان ؟؟ فلسه جاية ترد لقته خلص اتصال , فحاولت تفتح الموبايل عشان تكلمه وتعرف هو مين ! لقت فاطمة عاملة الموبايل برقم سري محدش يعرف يفتحه !!! فدخل الشك قلب الأم اخيراً فاستنت لمّا فاطمة تصحي وصحيت فاطمة عشان تروح الكلية ودار الحوار الآتي : ماما : انتي تعرفي واحد اسمه .... (وهنا الام مطعلتش فطنة المفروض كانت توقعها الاول ف الكلام ولكن دا حال معظم امهاتنا لما بيتقهروا وبيتصدموا من ولادهم مش بيعرفوا يحكموا الامور كما ينبغي ) فاطمة في خوف ورعب من سؤال ماما واسلوبها بس طلعت ذكية بقي ف ردها " الشيطان بقي ": امم اه يا ماما دا زميلي الي انتي قولتلي انقلي منه المحاضرات ف بداية الدراسة . ماما مع ندمها انها قاتلها كدة : بس متوصلش بيه انه يتصل بيكي الساعة 3 باليل اتجنن دا ولا ايه ؟ فاطمة : انا هزعئله يا ماما _ يا بت يا حمشة _. ماما : لا انتي متكلموش تاني خالص , فاهماني يا فاطمة متكلموش تاني , وبالنسبة المحاضرات منتي بتحضري كل حاجة ليه تنقليها من حد ؟؟ ولو اتزنقتي ابقي شوفي واحدة من زميلاتك . _ كان فين كلامك دا من الاول يا امنا الفاضلة ؟؟ فاطمة : حاضر يا ماما . فاطمة مش عارفة تعمل ايه ف كلام ماما وتعلقها بالشاب دا ومحايلته ليها !! ( وموقف ماما دا كان ثالث رسالة من ربنا لفاطمة ) فهل فقتي يا فاطمة .؟؟ توصل الجامعة وتلاقيه مستنيها ع باب الجامعة ويبدأ الحوار الآتي : فاطمة : انت بتصل ليه بيا باليل كدة وعملتلي مشكلة كبيرة اوي مع ماما وبدئت تشك فيا ؟ الشاب : ايه اللهجة دي يا فاطمة , دا جزائي عشان افتقدتك ؟! فاطمة : لا بس متصلش بيا باليل كدة . الشاب لما لقاها لسه متنشنة : خلاص انا اسف مش هعمل كدة تاني روّقي بقي ؟ فاطمة : انا عايزة اعرف انت بتكلمني ليه دلوقت وايه سبب علاقتنا دي ؟ الشاب " يا نهار ابيض":cool: دي بينّها هتبقي قاعدة غم النهاردة :cool:: عشان انا اتعلقت بيكي وعايز ارتبط بيكي . فاطمة :ايه الي يثبت انك عايزني ؟ الشاب : حاجات كتير يا فاطمة في ايه مالك ؟ فاطمة وبتعيط وضعفت تاني : انا مش طايقة نفسي حاسة اني مكروهة من الدنيا كلها . الشاب + إبليس : ليه يا بنتي فيه ايه ؟ انتي عملتي حاجة غلط لسمح الله ؟ منتي زي باقي البنات ؟ وبعدين بقي اخلاقك دى هى الى شدتى ليكى وتدينك كمان ؟ ومعاكي حبيبيك الي بيحبك وف نفس الوقت مبتعمليش حاجة شاذة يعني , انتي مكبرة الموضوع اوي ومأفوراه زيادة عن الزوم ’ متبقيش خنيقة بقي . فاطمة والشيطان اثر عليها للاسف : انا مش خنيقة انا عايزة اعرف انا صح ولا غلط _ جاية تسألي الشيطان يا فاطمة يا ذكية ؟ ما طبعا هيقولك انتي صح ومية مية _ الشاب : انتي زي الفل , ناقصك بس الضحكة الحلوة و  ورجعت تاني لنفس الضياع بعد رسائل ربنا الخفيفة لها لعلها تفوق , ولكنها يظهر من النوع الي لازم تحصله مصايب عشان يفوق وإليكي يا فاطمة هذه الأبيات نفسي تقوليها للشاب دا اسمعي كدة قصدي... اقري كدة :  إعذرني فأنا إمرأة أخرىإعذرني فأنا إمرأة أخرى لا تحبك ولا تهواك لم تبيت تحلم برؤياك أو لقياك إمرأة جادة لم تفكر فيك يوما حتى تنساك إعذرني فأنا إمرأة أخرى لا تجيد لغة الحب والغرام إمرأة مختلفة غير نساء هذه الأيام إمرأة تجيد أشياءًا عديدة غير الأحلام والهيام إعذرني فأنا إمرأة أخرى لا تتكلم بلغة العشاق الطريق إليها ليس مفروشا بالورود ولكن بالأشواك ليس صيدا تصيده أيها الجاهل بالشباك إعذرني فأنا إمرأة أخرى إمرأة أبية ليست كالأخريات لا تهمها إبتسامتك ولا تسحرها أجمل النظرات لا لن تستجيب لما تقدمه لها من مغريات فهي ثابتة على قيمها كالجبال الراسيات إمرأة اخرى تعرف لخالقها قدره فلا تقع في الموبقات لم تحلم بالحب يوما الا فيما يقربها للجناتBR colr=#0fمرة لا تريد أن تحشر إلا مع الصالحات لأني إمرأة أخرى والي القاء مع الحلقة القادمة ومع رسائل ربنا الجامدة والمصائب الي هتتحل ع دماغ فاطمة  تابعونا عايزين تعرفوا مين الاخت " حبيبة " الي كل شوية نتكلم عنها ؟ اتفضلوا هنا :  فاكهة الحلقة و والسلام عليكم ورحمة الله وبركاته |
