 |
  |
|
|
|
|
|||||||
| قصص و روايات حصريا ولأول مرة على شبكة الإنترنت عاجبني فيك لون عنيكي ||| يوجد هنا حصريا ولأول مرة على شبكة الإنترنت عاجبني فيك لون عنيكي ||| روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
|
|
#26 |
|
|
رد: حصريا ولأول مرة على شبكة الإنترنت عاجبني فيك لون عنيكي |||
 فاطمة وخلاص هتستريحوا منها ومعادنا مع :  وصف لأحوال أبطال المسلسل لحد الحلقة الماضية فاطمة طبعا في حالة سيئة جدا : طبعا اولا عشان سقطت ثانيا : الجرح اللي تسببته لماما وحسرتها وكسر قلبها ثالثا : حاسة باحساس اللا قيمة واللا احساس واللا قلب رابعا : الشاب مبقاش يعبرها خالص خامسا : خايفة اوي علي بابا لما يعرف كل البلاوي دي سادسا : مش قادرة تنزل الشارع ولا حتي تقف في البلكونة خوفاً من عيون الناس وكلامهم السيء عليها . سابعا : مش قادرة تتكلم مع ماما او تحط عينيها في عينها فحابسة نفسها في الاوضة 24 ساعة . فحالتها دمار نقول ايه بس يا فاطمة !! قلنا كتير قبل كدة ولكن كنتي سادّة اذنيك خلينا نكمل . . . أما البطلة الثانية فهي ماما : مش طايقة فاطمة طبعا وحالتها النفسية وحشة جدا وحزينة دايما . طب وبابا ؟؟ ميعرفش اي حاجة بس حاس ان البيت في حالة سيئة , بس الحمد لله بدء يتحسن شوية بفضل الله ثم بفضل عناية ماما "الزوجة الوفية" . طب واحمد ؟؟ مش مقتنع بفاطمة تماماً والمنتقبة ؟؟ تعالوا نشوف حالتها بعد الرسالة اللي جاتلها من الشاب إياه تندهش الاخت المنتقبة من الرسالة وترتبك وترتعش وتخاف علي نفسها من الفتنة فتذكر الله علي الفور _ هذا حال المؤمن فليكون الله اول ما يفكر فيه دوما ً واول ما يستعين به _ وتستعيذ بالله من الشيطان الرجيم وتدعي الله ان يبعد عنها كل شر وأن يحفظها من شرار خلقه إن ارادوا بها شراً . وتفكر تفكر .. فتعمل ايه !!؟ صلوا علي النبي عليه الصلاة والسلام تصل بفاطمة وتعرف منها ايه اللي بيحصل بالظبط فاطمة : السلام عليكم الاخت : وعليكم السلام ورحمة الله وبركاته ازيك يا فاطمة ؟! فاطمة : اهلا اختي الحبيبة وحشاني جدا وعايزة اقولك سامحيني ع الانقطاع دا ومتزعليش مني . الاخت : لا عليكي اختي المهم طمنيني عليكي واخبار النتيجة ايه ؟ فاطمة اتغمت : بلاش احسن يا اختي , طيب قوليلي انتي عملتي ايه ؟ الاخت : بلاش ليه ؟ انا الحمد لله نجحت بتقدير جيد جدا فاطمة بحسرة : ما شاء الله مبارك اختي . الاخت : وانتي يا فاطمة عملتي ايه ؟ فاطمة بالدموع : انا سقطت , سقطت يا اختي , سقطت . الاخت : لا حول ولا قوة إلا بالله , هوني علي نفسك حبيتي قدّر الله وما شاء فعل معلش حاولي تذاكري كويس السنة الجاية . فاطمة : الحمد لله . الاخت : وانتي برده يا فاطمة بصراحة مكنتيش بتذاكري خالص رغم اني كنت بفكرك دايما , وكنتي بتفضلي دايما الانشغال باشياء اخري , فاطمة بمناسبة الاشياء الاخري ممكن اسأل سؤال ؟ فاطمة : اتفضلي .. الاخت : انتي لسه علي علاقة بالشاب إياه ؟؟؟ فاطمة : امم , مش عارفة تقول ايه !!!!! الاخت : قولي بصراحة يا فاطمة عشان في حاجة مهمة عايزة اقولك عليها تخص الموضوع دا . فاطمة : حاجة مهمة ؟! ايه هي ؟ وبالنسبة للعلاقة ف اه الصراحة . الاخت : ازاي لسه العلاقة موجودة والشاب قطعها خلاص ؟ انتوا اتخانقتوا يا فاطمة وانتي ادتيله نمرتي وسيط بينكوا ولا ايه ؟؟؟ _ الاخت عايزة تجرجرها ف الكلام عشان تعرف الحقيقة ومين الصادق ومين الكاذب !_ فاطمة : امم ! ايه ؟ ايه الكلام دا يا اختي ؟ خناق ايه وسيط ايه ونمرتك ايه ؟ انا مش فاهمة حاجة !!! الاخت _ اتضح لها بنسبة 60 % ان الشاب كلامه صدق وانه قر يسيب فاطمة _ : بصي يا فاطمة يا حبيبتي اللي حصل ان الشاب دا بعتلي رسالة بيقولي فيها انه قر يسيبك _ ومش هتقولها انه عايز يرتبط بيها عشان خايفة ع مشاعر فاطمة وهنعرف اصلا هي هتوافق ولا فاطمة صدمة عمرها : امم انتي بتقولي ايه يا اختي ؟ مستحيل طبعا احنا علاقتنا كويسة اوي مع بعض _ وهو من ساعة النتيجة وهو مش بيكلمها وقافل موبايله _ اكيد مش هو اكيد النمرة غلط , اكيد مع خنقة في الصوت الاخت : انا اسفة حبيتي اني ضايقتك كان لازم اقولك اللي حصل وصدمني انتي مش متخيلة حالتي ان في شاب بعتلي رسالة وعارف رقمي . فاطمة مستغربة ان الاخت مركزة ع حاجة تافهة جدا بالنسبالها وهي " ان في شاب عارف رقمها وبعتلها رسالة " ومتعرفش ان دا الاصل اصل الحياء والعفة والأدب أن لا يعرف اي شاب اي معلومات عنك ايتها المسلمة العفيفة" : طيب يا اختي بعد ممكن اقفل دلوقت ! الاخت خافت من طريقتها : طيب انتي ناوية ع ايه يا حبيبتي تعالي نفكر سوا فاطمة + الشيطان وصل : بعد إذنك يا اختي اصل ماما بتنادي عليا مع السلامة , وقفلت السكة وطبعا بتكذب عشان تخلص منها . فتخاف الاخت من رد فعل فاطمة  وفاطمة الشيطان يوسوس لها من جديد : فوفو الف مبروك علي السقوط فرحتيني جدا بدل الشطارة اللي كنتي فيها علطول , سقوط الطلبة في التعليم دا شيء رائع جدا وطبعا بيكون بفضلي انا بكرههم في المذاكرة وبزهئهم منها وافكرهم بكل حاجة اثناء المذاكرة واشغلهم عنها زي ما شغلتك كدة يا فوفو عنها بالواد دا طول السنة لحد ما سقطتي هيه وسعيد جدا بالحالة اللي انتي فيها دي حالة اليأس والإحباط والقنوط من رحمة الله وانك مش فاكراه من اصله خليكي كدة يا فوفو عشان تسعديني كفاية العفريتة بتغمني دايما وبتصدني دايما بذكرها لله واستعاذتها مني علطول وطاعتها يا مسيرها تقع في ايدي , المهم يا فوفو خلينا في موضوعنا دلوقت طبعا انتي مش مجنونة عشان تسيبي الواد يضيع منك بعد كل الحب دا والرومانسية والتضحية دي اكيد واهو نجح اهو وانتي سقطتي يعني فروق السنين كثرت ما بينكوا واكيد هيبدأ يكوّن نفسه ويتجوزك ولا ايه ؟ فاطمة _ آآآآآآآآآآآآآآه منها فاطمة _بتسمع لكلام الشيطان + نفسها الأمّارة بالسوء واقتنعت انها لازم تعمل حاجة عشان تتمسك به _ حرام عليكي يا فاطمة عايزة تخسري ايه تاني ؟ عايزة ايه تاني ؟ كفاية معصية لله ؟ ارحمي نفسك وارحمي أهلك وارحمي إسلامك وارحمينا  فتصل بالشاب .........وهو قافل موبايله مش عارفة تعمل ايه وتوصله ازاي !!!!! فالشيطان يفكرها انه كان قايلها علي مكان بيتجمع فيه هو واصحابه محل او نقول كوفي شوب فتقول انا هروح اشوفه هناك نهارك ابيض يا فاطمة !!!!!!!!!! لدرجادي درجة انحدار !!!!! تروحيله انتي وفي مكان قدام صحابه !!!!!!! لا دا مكان عام يعني مش شقة ولا كدة طبعا انا هندهله بسرعة وهو هيجي علطول لا حول ولا قوة إلا بالله وتقول لنفسها المشكلة في ماما دلوقت هقنعها بالنزول ازاي وهي مش طايقة تبص في وشي حتي ؟؟! ويدور الحوار الآتي : فاطمة : ماما انتي هتفضلي زعلانة كدة علطول قوليلي اجيبلك اي حاجة من تحت اشيل عنك حمل البيت شوية . ماما وشها الناحية التانية : شكرا مش عايزة منك حاجة . فاطمة : يا ماما قولي بس عايزة ايه من تحت وانا اجيبهولك وانتي ارتاحي . ماما : قلت مش عايزة حاجة ومفيش نزول ليكي ابدا يا وش الفضايح انتي . فاطمة : امم _ مش عارفة تعمل ايه ومش طايقة رفض ماما طبعا لان الفكرة الشيطانية عشت في دماغها للاسف . تعمل ايه ؟؟ تروح لبابا ويدور الحوار الآتي : فاطمة : ازيك يا بابا يا حبيبي عامل ايه دلوقت ؟ بابا : انا الحمد لله يا بنتي وانتي اخبارك ايه فينك يا بنتي ؟ هو انا مش ابوكي يا بت متسأليش عليا خالص والبيت حاسه كدة بكآبة وحزن ليه ؟ فاطمة : امم يا بابا انا بحبك اوي واترمت في حضنه , يا بقالي كتير اوي نفسي في الحضن دا , يلا بقي يا بابا خِفّ بقي انا محتجالك اوي يا بابا نفسي اتكلم معاك اشكيلك همي وفاطمة تعيط وتعيط وتعيط في حضن بابا .  همسة لكل أبوالدي العزيز اوعي تغيب عن بيتك وبناتك ولادك بالذات في مرحلة المراهقة متخيلش هم مجتاجينك قدّ ايه ؟؟؟ اكثر من الفلوس ومن الشغل ومن الأكل ومن الشرب بالله عليك يا كل أب لا تترك بيتك للضياع وخاصاً بناتك لان البنات بتبقي محتاجة لاحساس بالحب والحنان والاهتمام والشعور بجمالها وحيائها خاصاً من الجنس الأخر وهو دورك ايها الأب لان لو قصرت فيه للاسف ابشرك بضياع بناتك لان لو البنت مش متأسة كويس جدا ع الالتزام والعفة والحياء والأدب هدوّر علي الحب والاهتمامبرا البيت فخلوا بالكوا اوي علي ولادكوا خاصاً في هذا الزمان المليء بالفتن البشعة علي اولادنا وبناتنا والله المستعان. بابا يقلق علي فاطمة : في ايه يا بنتي مالك يا حبيبتي بتعيطي ليه ؟؟؟ فاطمة _ مش هتقول حاجة طبعا لبابا وفاقت من حالتها حالة فقدان ما ذكرناه في الهمسة _ : يعني يا بابا نفسي تخف بقي وتبقي وسطنا زي زمان ربنا يشفيك يارب . بابا : ربنا يبارك فيك يا بنتي يارب وافرح بيكي بنتيجتك وبفرحك يارب . فاطمة : امم بالدموع يارب , مش عايز حاجة يا بابا من تحت اجيبهالك ؟ بابا : انتي نازلة ولا ايه ؟؟ فاطمة : انا بعرض المساعدة بس يا بابا لو عايز اصل قلت لماما وهي مش عايزة حاجة . بابا : اه طيب بصي عايزك تروحي تحجزيلي عند الدكتور فلان عشان يجيلي البيت . فاطمة وطبعا فرحانة : حاضر يا بابا . وفاطمة راحت تلبس لبسها القديم برده _ المتبرج _ مفيش فايدة  وماما تشوفها وهي بتلبس وتقولها : ايه دا ؟ انا مش قلت مفيش نزول ؟ فاطمة بشماتة : اصل بابا قالي اروح احجيزله معاد عند الدكتور . ماما وحست أنها بتلوي دراعها بابا : انتي بجحة جدا يا بت انتي روحتي اتسحبتي لابوكي عشان يوافقلك ع النزول عشان هو عيان ومش عارف حاجة عن بلاويكي صح ؟ فاطمة : لا يا ماما انا روحت اشوفه محتاج حاجة قالي انه عايزني احجزله عند الدكتور . ماما : طيب انا هسيبك وانا حذرتك قبل كدة وهتشوفي يا فاطمة معاملتي ليكي هتبقي عاملة ازاي وتاني يا ويلك لو اكتشفت حاجة عليكي تاني , واياك تتأخري . فتخاف شوية من تهديد من ماما وبابا اللي وثق فيها فتفكر تراجع نفسها بس ازاي الشيطان _ نعوذ بالله منه_ يسيبها ! ونفسها الامّارة بالسوء اقوياء عليها وهي عايزة كدة فتصمم تخوض التجربة تاني وتنزل وهي نازلة ام احمد كانت واقفة ف البلكونة بتنشر الغسيل فشافتها وبصتلها نفس البصة من فوق لتحت المرة دي فاطمة بجاحة ردت لها البصة وأسوأ منها كمان  وتوصل لمكان تواجد الشاب وبالفعل كان موجود مع شلة صحابه وماسك شنطة رجال الأعمال وتشوفه وتندهله من بعيد فالشاب يلمحها ويستغرب منها جدا ومن تصرفها البذيء ويسمع من صحابه : ايه يا عم انت مش قلت تبت عن الحاجات دي ! وبقيت بتاع ربنا ! وجيالك علي الملأ كمان ! روحلها يا عم باينها هتموت عليك طبعا هو بيسمع وشاط غضباً منها وقام راحلها ودار الحوار الآتي : الشاب : في ايه ؟ ايه اللي جابك هنا ؟ انتي اتجننتي يا فاطمة تيجي هنا قدام الناس كدة ؟ انتي ايه مفيش حياء عندك خالص ؟ اتمسح باستيكة مع سقوطك ولا ايه ؟؟ فاطمة والكلام جرحها طبعا واتصدمت من رد فعله واتأكدت انه بايعها : انت بتقول ايه ؟ وايه اللهجة دي ؟ هو دا استقبالك ليا ؟ الشاب : يا شيخة روحي بقي استقبال ايه انتي فاكرة نفسك ف فندق ؟ لالالالالا خلاص انسيني بقي من دماغك زي ما انا نسيتك . فاطمة مع دموع ومع قادرة تنطق من الصدمة يعني ايه ؟ انت كدة خلاص هتسيبني ؟ ولا قصدك عشان تكوّن نفسك وتيجي تخبطني ؟ الشاب : بصي يا بنت الحلال بالنسبة لتكوين نفسي انا الحمد لله اشتغلت في شركة بسيطة كدة مع الدراسة عشان ابدء ابني بيتي واستعد للزواج واعف نفسي بدري بدري , بس سامحيني يا فاطمة يوم ما افكر اتزوج وابني بيت بجد مش عايزك تكوني انتي زوجتي ولا ام اولادي ؟ عارفة ليه ؟ عشان :  عجبني فيكي لون عينيكي ضحكتك لمسة ايديكي بس لما اتمني زوجة عمري يوم ما ابص ليكي عجبني فيكي اجمل كلام والغرام والانسجام بس لو كلمت أهلي أنكسف تبقي المدام عجبني فيكي البنطلون وحلوة قوي رسمة العيون بس عند الارتباط بعتذر انا مش مجنون عجبني فيكي نبقي شلة فأي رحلة معانا ياله بس تكوني أم العيال لا يا بنتي ابعدي يلا عجبني فيكي إنك معايا دايماً جاية علي هوايا بس لما ابدأ حياتي علاقتي بيكي تكون نهاية عجبني فيكي حاجات كتير بس فيّا عيب خطير إني شرقي وطبعي غالب أصلي م الاخر بغير يعني يوم ما اختار شريكة عمري ما ادور عليكي انتي م الاخر صديقة مش راح اطلب يوم ايديكي عجبني فيكي ..عجبني فيكي اعذريني مش هابقي ليكي العلاقه لعبة بينا م الآخر بتسلى بيكي  وفاطمة بتسمع ومصدومة ولسه واقفة بتسمع مين يشوفها وهي واقفة معاه ؟؟؟؟؟ . . . . . . . . . . . . . " بابا " لما لقالها اتأخرت قال انا الحمد لله بقيت كويس واقدر انزل اروح انا للدكتور بدل مهو يجيلي , وراح للدكتور وسأل عن حجز بإسمه قالوا له لا يوجد حجز بهذا الاسم ورجع الأب دون أن يكشف وراح عليه الكشف لانه مش حاجز , فقلق علي ابنته فاطمة وتعب من المشوار اوي لانه اول مرة يخرج من بعد مرضه وكمان لوحده , كان معتقد انه هيقابل فاطمة وتسنده لكن للاسف فاطمة مشغولة بحاجة تاني . وهو راكب وسيلة المواصلات وبدء يتعب شوية فبيبص من الشباك والعربية ماشية ..... شاف بنته واقفة مع شاب واتأكد انها هي بنفس لبسها وكل حاجة طبعا اتصدم وزاد تعبه , حاول يقوم عشان ينزل يشوفها مقدرش والعربية مشيت بعيد عنها , وطبعا عقله عمال يفكر .. بنتي انا تسيبني وتروح تقابل شاب ؟ ويفكر ويتعب اكتر وصل عند العمارة وسمع شوية ستات مورهمش غير خراب البيوت بيتكلموا ع فاطمة وكانوا قاصدين يتكلموا جمب ابوها عشان عارفين ان هو ميعرفش حاجة عنها : شوفوا البت ماشية ع حل شعرها مكفهاش الفضيحة اللي عملتها , ومكفهاش كمان انها سقطت ومش مكفيها ابوها العيان دا وامها الشقيانة عشانها ف الاخر تعمل كدة ! اخصص ع بنات اخر زمن  وطبعا والد فاطمة سامع كل دا وكلامهم كمان يوضح انها فعلت فاحشة عياذاً بالله _ هذا هو القذف والبهتان أعاذنا الله منهم_ {إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَالآخِرَةِ وَلَهُمْ عَذَابٌ عَظِيمٌ يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ} (سوره النور) وكمان سقطت وكمان شافها مع الولد وكان شكلها حزين وكمان افتكر كلامها له قبل ما تنزل لما كانت في حضنه وبتعيط يبقي هي فعلا جابتلنا العار كول دا عمّال يدور في دماغ الوالد ويسقط الوالد طريحاً علي الأرض ويراه ابنه الصغير عليّ بابا بابا بابا بابا رد عليا الحقي يا ماما بابا واقع علي الارض عند باب العمارة ايه ؟ ابو علي ابو علي مالك ؟؟ رد عليا يابو علي الحقوني !!!!!!!!! وتأتي الإسعاف بسرعة بسرعة ودقات قلب الوالد تقل تقل وماما هتموت بحسرتها جمبه ويوصل المستشفي ويُنقل بابا للعناية المركزة علي الفور ويفوق قليلاً ويقول لهم اريد التحدث مع زوجتي بسرعة يقولون له لالالالالالالالا فحالتك خطيرة جدا يقول لهم متخافوش عليا انا هستريح ريحوني بس بالله عليكوا عايز اسألها على . . . شرف بنتي وسُمعتها . بالله عليكوا عايز اموت وانا مرتا اح وينفذوا له طلبه والام واقفة تبكي بكاء الخوف من الموت ويأتي الطبيب لها ليخبرها عن طلبه ويقول لها المريض عايز يشوفك ضروري , خلي بالك اوي عليه وحاولي طمنيه بأي شيء يسعده وتدخل الام علي الاب وهو في حالة الموت خلاص : وتبكي الام من حاله وتجلس بجانبه ويحس بها فتقول له بعد مسح دموعها : انت بخير يا ابو عيالي انت بخير وإن شاء الله ربنا هيشفيك وهتنورنا من تاني . الأب : اشهد الله انك وقفتي جمبي وانك كنتي مثال للزوجة الوفية وان انا راضي عنك يا ام عيالي الام : بلاش اللهجة دي يا ابو العيال ارحمني حرام عليك . الاب : متزعليش عليا انت ست بميت راجل ربنا يبارك فيك يارب واوعي تصوّتي عليا وخلي بالك اوي من الولاد . الام : عياط الاب : وريحي قلبي يام عيالي وقوليلي هي فاطمة سُمعتنا اتفضحت ليه ؟ وليه الجيران بيتكلموا عليها كلام وحش ؟ ومين الولد اللي انا شوفته معاها دا ؟ وهي سقطت في الكلية فعلا ؟ الام : امم ايه دا انت عرفت منين ؟ الاب : يعني الكلام دا صحيح ؟ الام : الجيران بيفتروا وبيكذبوا هي كل الحكاية كانت ع علاقة بشاب ف الجامعة وناس شافوها معاه بس كانوا ف الجامعة وبالنسبة للسقوط مش مشكلة تعوضها السنة الجاية المهم انت قوم بالسلامة يا ابو عيالي . الاب : ليه كدة بس يا فاطمة ؟ ليه ؟؟ وسكت الأب قليلاً وتوقف القلب وأصبح ______________________ وإنا لله وإنا إليه راجعون الام : ابو عيالي لالالالالالالالالا إنا لله وإنا إليه راجعون , اللهم أجرني في مصيبتي . وفاطمة راجعة البيت نهارة من كلام الشاب  وصلت عند العمارة لاقيت المصيبة اللي بجد المصيبة مش انتي مكفكيش يا فاطمة المصايب اللي فات ! خدي بقي المصيبة دي وما أعظمها من مصيبة _الله جل جلاله قد سمى الموت «مصيبة»، في قوله تعالى في سورة المائدة من الآية 106 (فأصابتكم مصيبة الموت) كما أن النبي صلى الله عليه وسلم سماه «هادم اللذات» عن أبي سعيد الخدري قال: دخل رسول الله صلى الله عليه وسلم يوماً مصلاه، فرأى أناساً كأنهم يكثرون، فقال: (أما إنكم لو أكثرتم ذكر هادم اللذات لشغلكم عما أرى. أكثروا من ذكر هادم اللذات، ومفرِّق الجماعات، فإنه ما ذُكِر في كثير- أي من المعاصي- إلا قَلَّلَه، وما ذكر في قليل- أي من الطاعات- إلا كَثَّرَه) فلقت زحمة عند العمارة وناس لابسة اسود وصوت قرءان عالي فانقبض قلبها وطلعت جري والناس تنظر لها وتقول لها " البقاء لله " فتقول لهم ايه ؟ بتقولوا ايه ؟ البقاء لله يا فاطمة والدك توفي اي ه !!!! بابا بابايا انا ماله ؟ ايه ؟ توفي ؟ لا طبعا انتوا كذابين اكيد بتكدبوا زي ما كذبتوا واتهمتوني وفضحتوني اكيد وسابتهم وطلعت جري علي البيت تلاقيه فيه قراءن وزحمة بالستات وكلهم لابسين اسود لالالالالالالالالالالالالالالا لالالالا انتوا مين .؟ وجاين عندنا ليه ؟ وتدخل ع ماما وتلاقيها منهارة وعينيها مش باينة من العياط ولكنها صابرة ساكتة ساكنة _ لا تصوت ولا تولول ولا تلطم _ ماما فين بابا يا ماما فين بابا؟ لا ترد الأم وتبكي اكثر وتدخل فاطمة علي سرير بابا وتلاقيه فاضي وتصرخ فاطمة فين بابا يا ماما ؟؟ ماما : اسكتي يا بنت متصوتيش ابوكي وصّاني اننا منصوتش عليه فاطمة :وصاكي ؟ ابويا فين ؟ انا لسه كنت في حضنه قبل ما انزل راح فين يا ماما ؟ ماما : ابوكي مات يا فاطمة مات مات وانتي السبب وقبل موته شافك وانتي واقفة مع الشاب وسمع كلام الجيران انك اتفضحتي وسقطتي انتي السبب وتضرب فيها وتضرب فيها وتضرب فيها _ كلامك شديد اوي علي فاطمة يا امنا مش كدة انتي عايزاها تروح منك هي كمان ؟!_ وتسقط فاطمة مغشية عليها في حالة انهيار عصبي شديدة خطيرة  ونُقلت المستشفي علي الفور والأم المسكينة معها وتنظر لها في حسرة وندم وتكلم نفسها يارب .. يارب .. يارب .. يارب هو انا للدرجه دي قصرت في تربيتها ! يارب سامحني علي تقصيري في حق ابو العيال وفي حق بنتي فاطمة وفي حق ابني الصغير علي يارب ربيلي عيالي علي الصراط المستقيم يارب أصلح من حال بنتي فاطمة وابعد عنها ولاد الحرام واكرمها واعيني علي احتوائها وحسِّن تربيتي لها |
|
|
#27 |
|
|
رد: حصريا ولأول مرة على شبكة الإنترنت عاجبني فيك لون عنيكي |||
حرام عليكي..............انا هموت ............عايزة اعرف النهايه
|
|
|
#28 |
|
|
رد: حصريا ولأول مرة على شبكة الإنترنت عاجبني فيك لون عنيكي |||
بارك الله فيكى جزاكى الله خير نريد النهاية بسرعة
|
