رد: جميع وصفات الحم الضانى
جميع وصفات الحم الضانى
كبسة الحم الضانى
الخطوات نضع البصل والثوم في حله علي النار ونضع معلقه سمن ونبتدي نشوح فيهم لحد لما البصله تصفر
تاني خطوه نحط البهارات بتاعه الكبسه الي هي صحيحه وبتجيبيها من عند العطار
وبعدين نشوح شويه ونحط معاها بهارات الكبسه المطحونه برضومن عند العطار
ومن عندك بقي كده رشه فلفل اسود ورشه جنزبيل ورشه كركم
وهتلاقي الريحه جنان
بعدين تكوني سلقتي الحمه نص سلقه كده وتحطيها مع البهارات علشان تاخد الريحه والطعم
وتسيبيها لحد ما تاخد لون دهبي
وتكوني ضربتي طماطميتين في الخلاط
وغسلتي الرز البسمتي ونقعتيه
وبعدين بعد كده تضيفي الطماطم علي الحمه في الحله
وتسيبيها لحد ما تتسبك
وبعدين نشيل الحمه من الحله
وبعدها تضيفي ملعقه صلصه ودي اختياري
وبعدين الفلفل الملون
وانا بحبه فلفل حر علشان تبقي سبايسي كده
وبعدين تضيفي الرز وتقلبي لحد ما تمتزج كلها مع بعض
وتظبطي الملح علي حسب رغبتك
وبعدين نضيف المكسرات والزبيب ونقلب
ونسقي الخلطه دي بالشوربه ونغطي الرز اكتر من الرز العادي بشويه صغنه
ونسيبها تغلي وبعدين علي نار هاديه لحد ما تستوي
وبعدين نحط الحمه في قارب ونكبس عليها الرز بعد ما يستوي ونقلبها في طبق وبالهنا والشفا
|