رد: رواية سواها قلبي رواية رومانسية سواها قلبي
رواية سواها قلبي رواية رومانسية سواها قلبي
يوم الاربعاء الساعه 7 بالليل ..
موعد اجتماعهم بقصر ابويوسف لان المطار الاقرب له ..
اجتمعوا وتقسموا على السيارات وتوجهوا للمطار وبعد ربع ساعه انتظار انطلقت فيهم الطياره لجده ..
وبعد ساعتين وصلوا ولقوا بانتظارهم سيارات وسواقين من فرع شركة ابويوسف بجده ركبوها للشاليه الخاص في ابويوسف بجده..
وصلوا للشاليه اللي كان كبير جدا واكثر من رائع ومتكامل من كل شي ..
(( كان عباره عن حديقه كبيره مليئه بالزهور والورود والاشجار الصغيره وفيه زاويتها شلال كبير ورائع ويتوسطها جسر خشبي بسيط من اسفله بركة مويه صغييره وغير الجلسات اللي بالحديقه وبطرف الشاليه جسر خشبي كبير يمتد بالبحر لبعض مترات وبنهايته جلسه كراسي وطاوله خشب وفي الحديقه بعد كوخ ريفي من الخوص تقريبا بوسطه جلسه ريفيه حلوه ومكان للشواء قدامها يعني جلسه ولا اروع للشواء .. ورى المبنى كان فيه العاب ومراجيح اطفال وفيه كمان ملعب كوره قدام المبنى والبحر وبنفس الوقت يكون ملعب باسكت وتنس وطائره .. وفيه مخزن لدبابات البحر ومستلزمات البحر مثل كوخ وقراج السيارات بعد مثل الكوخ ومبنى صغير بعد مثل الكوخ عباره عن طابق واحد كان للخدم والسواقين الرجال والبواب كان قريب من بوابة الشاليه .. وكان مبنى الشاليه بزاوية الحديقه وكان مصمم على طراز راقي جدا وريفي بنفس الوقت وعباره عن اربع طوابق .. البدروم كان مفتوحه اقسامه على بعض بزاويته مسبح كبير جدا وبجواره مسبح اصغر وجلسات حولين المسبح وغرف لتغير الملابس وبعدين فيه طاولة بلياردو وصاله للعب التنس الارض والعاب ثانيه كان زاويه منه عباره عن زجاج اللي بالحديقه يقدر يشوفه بس يقدر يتغطى بعد بستاير الجدار الثاني كان عباره عن حوض اسماك كبير جدا ومليان بلاسماك كان منظره رائع جدا وكانك تشوف البحر لانه الجدار قريب من البحر .. والطابق الاول مجالس وصالة الاكل والمطبخ .. اما الطابق الثاني كان الغرف وصاله كبيره ومطبخ صغير مفتوح وكانه بار وحولينه كراسي للاكل خفيف لاشخاص مايتعدون الثمانيه .. والطابق الاخير كان عباره عن غرف للخدم الحريم ومخزن وغرف غسيل وكوي وسطح فيه جلسه للخدم تطل على البحر لوقت فراغهم .. كان شاليه رائع بمعنى الكلمه ومتكامل .. ))
**
وصلوا للشاليه ورحب فيهم الحارس وهم مبهوين عايلة ابوعبدالله معدا ابوتركي وابوفارس وعايلاتهم لانهم شافوه قبل كذا من شكله الخارجي ولما دخلوه انبهروا اكثر طبعا هالشاليه خللص الصيف اللي راح من تجديده وبنائه من اول وجديد علشان كذا ماشافوه ..
روان بتنيحه :: شاليهكم روعه ؟؟!!..
ربى :: توك ماشفتي شي .. طبعا كان ظلام واضاءته الرومنسيه والهاديه معطيته من جد شكل اروع من الرائع ..
ابويوسف بعد مادخلوا :: ضاري خذ الشباب لسويتكم خلكم ترتاحون ..وانتي ياعريب لسويتكم .. وام فارس وام تركي عليهم البقيه ..
طلعوا الشباب والبنات وراحوا لسويتهم كان جناح الشباب فيه ثلاث غرف نوم وحمام كانت غرفه لهمام وتركي ومحمد وثامر وغرفتين للبقيه ..
والسويت البنات اصغر غرفتين غرفه للنوم وغرفه للملابس وجلسه لهم وحمام .. اما الشباب كانت جلستهم هي الصاله اللي فوق .. اما البقيه كانوا الحريم بسويت خاص فيهم عباره عن غرفتين وحمام والرجال نفس الشي معدا ابويوسف كان سويته عباره عن غرفه وحمام وسويت ثاني مسويه خصوصا لما يجي ابوعبدالله ونفس الشي عباره عن حمام وغرفه ..
*
*
*
*
بسويت الشباب كانت الغرفه الاولى فيها ضاري ومشعل وشاهر وهزاع وفهد ورائد وكانت عباره عن سريرات بجنب بعض وغرفه صغيره للملابس وهي الغرفه الوحيده بجناح الشباب فيها بلكونه كبيره تطل على البحر وبجنبهم بلكونة البنات بعد .. والغرفه الثانيه فيها فيصل سعود سلمان فواز ركان ريان راشد نواف ونفس ترتيب الاولى اما غرفة همام وتركي ومحمد وثامر كانت غرفتهم غرفة اطفال وتجنن وسريراتها دورين بس بشكل طفولي وجدرانها كلها رسومات متحركه يعني روعه غير البلاي سيشن الي يتوسطها لان الغرفه صاير تريبها مثل الدائره ولونها ولون جدرانها سماوي وتفاحي .. _ عارفه طولت بالووصف بس لازم لان في احداث بتصير ولازم يكون فيه الوصف _
رائد يرمي بنفسه على السرير :: انا بصراحه تعبان موت ..
فهد وهو بعد يرمي نفسه على السرير :: تعبان بعد انا يالله خلونا ننام ورانا قومه من الصباح علشان مافي احلى من دبابات البحر الفجر ..
ضاري :: لازم نسبق البنات وربي جنى تاخذها وتجحدنا هي وعريبوه ..
مشعل كان ابدا مو معاهم متمد على السرير ومعطيهم جنبه ..
ناموا ينتظرون بكره وش بيصير معدا مشعل من جاءه المسج ذاك اليوم وهو يفكر بمعناه .. فتح جواله يرجع يقراه كان المرسل نونو ..
ونصه :: (( بسك ثقل وكلام يسم البدن على قولتك ماحب مامن بالحب ولا راح اتزوج الا بعد الخمسه والثلاثين مدري الاربعين حرام عليك حس بسك عاد عذبتها معاك بهالكلام كل حرف يجرحها مليون جرح ... ))
مشعل يضغط على راسه براحة كفيه يحسه خلاص بينفجر مين هاذي اللي اعذبها معقوله معقوله انا انا في وحده تحبني لا اكيد هذا مقلب من جنى ومن هاذي اكيد مو جنى ولا عريب ولاحتى ربى اوشذى مين اللي كانوا معانا ذاك اليوم مافيهم وحده ممكن تحبني ياربي خلاص بينفجر راسي لازم اسال جنى واوجها واعرف مين ؟؟!!.. ايه لازم علشان اتخلص من هالتفكير والتعذيب .. جلس على حافة السرير معزم على قراره بس تراجع :: واذا قالت لي مين وش باستفيد وش باستفيد وشلون بتعامل معاها ؟؟!!.. آآآآآآآآآه ياجنى جالسه تذبحيني بطء بس لازم اعرف مين وبعدها اشوف كيف اتصرف ؟؟!!.. قام لبس شبشبه وطلع ناسي انه بيجامته كانت بيجامته بنطلون طويل وقميص ستان لونهم كحلي بيج بس الكحللي الغالب وشعره مو مرتب ابدا واضح عليه القلق والتفكير لدرجة تحت عيونه هلات سوداء لانه من اسبوع لا نومه نوم ولا اكله اكل بس يفكر ..
قام وطق باب سويتهم ..
انفتح الباب وانصدمت من منظره اول مره تشوفه بهالحاله ذابل من عرفته كان يهتم بنفسه وشكله حيل ..
تذكر شكله وانه جاي بيجامه ابتسم على عمره واستحى :: اهلين .. وبحيره .. مدى والا ندى ؟؟!! وحمد ربي لانه يعرف جنى وعريب وربى وشذى وروان بعد فما بقى الا مدى وندى وزينه انه تذكر اساميهم وبالذات ندى ..
ندى بضيق لانه ماعرفها تاكدت ان اختيارها غلط .. :: هلا مشعل انا ندى بغيت شي ؟؟!!..
لاحظ نبرتها الغريبه رفع حاجبه باستغراب :: يليت تنادين لي نونو اقصد جنى ماعليك امر ؟؟!!..
ندى :: مايمر عليك عدو لحظه ..
دخلت بعد ماقفلت الباب وبضيق :: جنى مشعل يبيك عند الباب ..
جنى لاحظت الضيق :: وش فيك حبيبتي ؟؟!!..
ندى وهي تخنقها العبره :: سلالامتك روحي شوفيه ..
كانت ربى وروان وشذى ناموا بالغرفه الثانيه يبون يصحون بدري علشان دبابات البحر حتى عريب ومدى تمدوا على السرير يبون ينامون وجنى جالسه على النت وندى سرحانه بمشعل ..
جنى راحت وحبت تتركها لما تشوف وش فيه ترجع وتشوف وش فيها ..
*
*
*
فتحت الباب مالقته لقته بالصاله جاللس وهو متوتر ويلعب بشعره بتوتر واضح .. استغربت وقفت قدامه وبخوف واستغراب :: ميشو حبيبي وش فيك ؟؟!!..
مشعل رفع راسه لها وبتوتر ونظرات اول مره تشوفها بعيونه نظرات حايره ضايعه انسان ضايع حاير .. :: لو اني حبيبك من جد ياجننى ماكان عذبتيني بهالشكل ؟؟!!..
جنى جلست على الطاوله قدامه :: ليش وش سويت تكلم خوفتني عليك حالتك غريبه اول مره اشوفك كذا من عرفتك اول مره خوفتني قول واحكي لي انا نونو نونو غناتك تكلم ؟؟!!..
مشعل تنهد :: آآآآآآآآآآآآآآه من بعد مسجك صدقيني ماذقت طعم النوم لحظه بس افكر حز بخاطري اكون سبب بعذاب شخص وشخص يحبني ؟؟!!..
جنى ماقدرت تمسك ضحكتها ماتوقعت هالشي بيسوي فيه كذا .. :: ههههههههههههههههههههههه ..
مشعل طالع فيها باستغراب وابتسم :: مقلب صح اعترفي وريحيني صدقيني مراح اردها لك بس قوللي مقلب ماتعرفين انتي وش مسويه فيني ؟؟!!..
جنى بصراحه :: صراحه اللي يشوفك يقول ميت له احد بعدين انا ماقلت لك تحبك يمكن معجبه ..
مشعل طالعها بنظرات حاير مافهم شي منها ..
وبكل جديه بملامحها وكلامها لانها عادي تتحجب عند عيال خوالها فكانت متحجبه بس واستغرب هالملامح ماتجي الا ورها مصيبه .. :: مشعل كلامي من جد وهالبنت لو تفكر بتعرفها من نفسك طبعا هي ماتدري اني قلت لك عن مشاعرها والا كان ذبحتني .. وقامت مسك يدها وبترجي :: ماهون علليك تتركين صح قوللي مين لالاتركيني حاير بليز ؟؟!!..
جنى طنشته وسحبت يدها ..
مشعل جلس على ركبه ويترجاها : بليز بليز جننى لاتعذبيني بليز قووللي قوللي وريحيني ..
جنى حنت عليه وابتسمت :: صدقني ماقدر بس الي اقدر اقوله انها كانت معانا ذاك اليوم بالمطعم فكر وبتعرف مين بس رجاءا اذا ماكنت تبيها لاتبين لها انك عرفت لانها حساسه .. مشعل قام مبسوط وهو يفكر وارسل بوسه لجنى بالهواء ابتسمت على حركته ودخلت السويت وهو دخل سويتهم ..
*
*
*
من طلعت جنى لمشعل تمدت على السرير وهي معطيه ندى وعريب جنبها وبس دموعها تنزل وبهدؤ وتفكر مالقت تحب الا هذا وقررت خلاص ان مانه فايده وتفكر تتنساه الا لازم تنساه هذا قرارها اللي اتخذته ..
دخلت جنى حسبتها نايمه وتركتها وقفلت الاب توب ونامت لان خلالاص الكل نام ..
اما مشعل دخل وغلبه النوم بعد طول تفكير ماقدر يستنتج مين يمكن لانه مايبيها تكون هي او لانه من جد ماقدر يعرف .. الله العاللم ..
*
*
*
*
بعد ماصحوا الشباب لصلاة الفجر ماناموا افطروا وانتظروا تبدى تنور ثم ركبوا دبابات البحر ..
ضاري وهو يقرب من رائد :: نتسابق ؟؟!!..
رائد بتسامه :: يالله قدام ..
ضاري :: ون تو ثري ... تسابقوا وهم بمسوطين وفاز ضاري على رائد بثواني ..
فهد :: اقول رئود افا بس خسرت افا ياولد العمم ..
سعود :: واذا عادي هاذي فيها فوز وخساره ولازم الواحد يكون عنده روح رياضيه ويقبل بكل النتايج مثل مايقبل بالفوز يقبل بالخساره ..
رائد بتسامه :: صح لسانك ياولد عبدالله ..
سعود :: صح بدنك ..
بعد لحظات وصلوا البنات وطلعوا للجسر وهم يراقبون الشباب طبعا كانوا لابسين عبيات مايبونها _ علشان الملح _ ومتلثمين ونظرات شمسيه يبون يركبون دبابات البحر بالعاده جنى عريب ربى مايتغطون يتحجبون وبدون عبيات بس بلبس ساتر لانه الصباح مايكون فيه احد وعيال خوالهم عادي متعودين معاهم على هالشي بس لان معاهم عيال عمومتههههم تلثمموا ولبسوا عبيات ..
عريب وهي تتخصر وتضيق عيونها ::: مسرع ماركبتوا قلنا بنسبقكم سبقتونا ؟؟!!..
فهد وهو يقرب وبنزل نظارته وجسمه وشعره مبل وبتسامه :: اولا صباح الخير ..
الكل :: صباح النور ..
فهد :: ثانيا والله محد قالك تاخري ؟؟!!..
روان :: طيب نبي نركب ؟؟!!..
فهد طالعها وبتسامه ذوبتها :: بس ياعيوني ماطلبتي .. وسع لها مكان وراه :: تفضللي ..
روان طلعت عيونها :: ايش ؟؟!!..
فهد ضحك على ردة فعللها :: ههههههههههههههههههه ..
رائد وهو يجي :: صحيح ماتسحي ..
فهد بغمزه :: شوف نسوي اتفاق ركب جنى معاك واركب روان معاي ..
رائد يشيل نظارته ويلعب فيها بفمه ويفكر :: امم والله ماهيب شينه ..
جنى لفت عنهم بغرور :: ومن حضراتكم تقرون وش نسوي ونركب مع مين حيا الله اخوانا ؟؟!!..
رائد + فهد :: هههههههههه ..
روان بغرور :: ماتوقع فيه شي يضحك ؟؟!!..
رائد :: لو انك شايفه وجهك وجها كان عرفتي ليه نضحك صار كانه طماطم ههههههههههههه ..
جنى انقهرت منهم :: ميشو و ..
مشعل يقرب بتسامه وراكب معاه شاهر :: عيونه ؟؟؟!!!..
جنى :: تسلم عيونك من بعد اذنك نبي نركب دبابات دبر لنا شي ..
شاهر :: بس تامرين .. وطالع فهد .. فهيد اربك مع هزاع يالله وانت رائد مع ضاري وبكذا فضى اثنين لهم ..
مشعل بقل حيله :: وسوري مانقدر ندبر غير هلاثنين تكفي والا لا ؟؟؟!!..
ندى مستغربه اسلوبه مع جنى اليوم غير عن كل يوم ..
جنى بتاسمه :: تكفي وتوفي ربي مايحرممني منكم ..
رائد حاول يتجاهل اسلبوها معاهم عرف تبي ترد له حركته قبل شوي وطنش هالحركه برغم انها قهرته بس اقنع نفسه علاقتهم بعض ماتعدى الاخوه وهو عارف هالشي من اول ..
فهد بتاسمه :: علشان رواني باركب مع هزاع ..
مدى تطالع رائد تسعطفه :: وانت مال حد فينا خاطر عندك ؟؟!!..
رائد بضحكه :: اكيد رواني محد اغلى منها هنا هاذي اختي الغاليه تامر امر .. وطالع جنى بغرور ولف عنها ولعت من حركته بس كتمت غيضها بداخلها .. بسرعه عطوهم هالدبابين وتقسموا عليها شذى ربى روان مع بعض .. وجنى مع عريب ومدى اما ندى رفضت وجلست بهالجلسه تتابعهم بلاصح رفضت علشان وزنها خافت تضايقهم او يصير فيها شي ..
مشعل استغرب من هاذي الجالسه بس توقع انها يامدى ياندى بس توقع تكون ندى .. رن هلاسم باذنه ندى ليش مافكرت فيها مدى اختها خطيبة ضاري وروان هي وفهد ربى وشاهر جنى ورائد وشذى رشود يعني اكيد هي هي الوحيده الباقيه حاول يتاملها حس بانجذاب لها بس لانه صاحب مظاهر بالدرجه الاولى ماعجبه مظهرها سمنتها ..
شاهر بممل :: بتمشي ولا بتظل تتامل اقول اعقل لاحد ينتبه لك ؟؟!!..
مشعل انتبه على عمره وحرك الدباب بالجهه المعاكسه مايبي يشوفها وبسخريه :: لا بس افكر ليش جالسه لاتحسبه شي ثاني عارفها مو من النوع اللي يعجبني اذا بحب بحب وحده مثل جنى عريب ربى شذى ومثل امي وخلاتي وعماتي ..
شاهر طالعه بسخريه :: تدري انك سخيف عمرك ماتهتم الا بالمظاهر هامل الجوهر .. مشعل طننشه واسرع يبي ينهي هالحوار باي طريقه ..
قربوا منها وبهدؤ وحنيه سالها ::: ندوش وش فيك ؟؟!!..
ندى كانت سرحانه وتلحق بعيونها مشعل برغم قرارها بس من شافته نسته ولهت عليه اكثر وحبته اكثر وكانت حاطه يدها على خدها بعدت يدها عن خدها وبهيام ::: سلامتك سعود بس مابي اركب ..
فيصل :: ليش ندوش وربي شي يجن انا مثلك كنت معارض بس سعود اقنعني وركبت معاه وانبسطت .. (( الوحيد اللي قدر على فيصل وحاول بجهده يطلعه من عزلته وبالذات بالشهور الي سافرت فيها جنى هو سعود كان دايمما يجبره يطلع معاه وعرفه على اصحابه وخلالاه يخالطهم لحد مابدى يطلعه من عزلته وخوفه اللي مسببته له امه من كان صغير وصار يفدي سعود بروحه يحبه اكثر من نفسه يعده اكثر من اخ وصديق ولد عمم يعده تؤم روحه وحتى سعود تعللق بفيصل كثير وصار يعزه وهو مخزن اسراره ويحب يجلس معاه اكثر من انه يجلس مع اي احد اخيرا لقى له صديق بمعنى الكلمه وفي وحنون وغير كذا ولد عمه يعني مستحيل بيوم يخونه )) ..
ندى طالعت عمرها :: ماحبيت اضايق احد ..
سعود طنشها :: وبصراخ .. سلمانوه .. سلمان كان راكب هو وفواز قرب .. سعود لف على فيصل :: من بعد اذنك اركب معاهم باركبها بالغصب معاي ..
فيصل بتسامه وهو ينزل :: ماطلبت شي ندوش اختي الكبيره ومعزتها من معزة الجازي وربي شاهد ..
ندى بتسامه :: تسلم ..
سلمان وصل عندهم :: وش فيك ؟؟!!..
سعود :: ركب فيصل باخذ ندوش معاي ..
فواز وسع لاخوه مكان :: تعاالل فيصل .. ركب معاهم فيصل وندى ركبت مع سعود وبدى يمشي شوي شوي ثم ثواني واسرع فيها وهي مبسوطه معاه كثير ..
بعد ماقضوا ساعتين رائعه نزلوا مبلين وحالتهم حاله وكلهم املاح واخذوا شور وبعدين ناموا لان جده روعه باليل وبيصحون على الظهر ..
*
*
*
*
*
كانت بغرفتها الكل نايم الا هي تفكر وتفكر كيف تنفذ وعدها وكيف تنفذ حلفها وعد وعهد قطعته على نفسها من زمان لازم تتنصر لازم ماقدرت على كثير فيهم بس هاذي بتكون الضربه القاضيه لهم كلهم بدمرهم كلهم وبتفرقهم هاذي نقطة ضعفهم هاذي اللي بدمرهم وهي خلالاص بدت تحط يدها على مفاتيح الانتصار واخيرا بتشفي غليل سنين منهم بس تتنظر توصل الي بتنفذ لها كل طلاباتها واوامرها ابتسمت فرحانه باللي تخط له وقرب تنفيذه ماقدرت تنام وهي متحمسه لهالشي خلاص قرب قرب الفرج وبتشفي حقدها وبغضها وكرها ..
*
*
*
*
*
انتهى البارت 26 ...
وهذا اطول بارت كتبته بالروايه ..
البارت السابع والعشرين ::: ((( 27 ))) :::
27
27
27
27
((( تقدر تعيد اللي راح ..
تشفي من القلب الجراح ..
ياحب زمان ..
راح الحنان ..
والعمر يالمحبوب راح .. )))
*
*
*
*
صحوا على الغداء بعد صراخ وحرب من ام تركي ..
جنى وهي تفرك عيونها وتصحى :: طيب خالتو صحينا ..
ام تركي :: ياله اصحوا وانزلوا سلموا ؟؟!!..
روان :: على مين خالتي ؟؟!!..
ام تركي :: ام عدنان ولدها وبنتها ..
هنا طار النوم من عيونهم كللهم وسكتوا بصدمه ماتوقعوا بتجي وراهم لهنا من وين طلعت لهم ؟؟!!..
ربى :: اوف مراح نبسط انا عارفه ..
مدى بجديه :: عيب هالكلام خلونا نكون احسن منها نعامللها برسميه واحترام واذا غلطت نادبها بس بنظرات مو بلالفاظ صدقوني بتحترم نفسها وبتضطر تحترمننا قبل كذا بسبب تصرفاتنا معاها ..
سكتوا ورضخوا لكلامها لانهم اكبرهم بهالرحله وكلامها اللي يمشي عليهم كللهم ..
*
*
*
انزلوا وسلموا مكروهين مجبورين وجاملوا ام عدنان وبنتها ..
وبعد صلاة العصر طلعوا الحريم والبنات للحديقه ولقوا الرجال فيها وجلسوا معاهم ..
ام عبدالله :: اجل وين العيال ؟؟!!..
ابوسلطان :: تحت الصغار يسبحون والكبار يلعبون بلياردو ..
ام عبدالله باستغراب : وش ذا البربادو ..
ضحكوا على نطقها له ..
روان :: بلياردوا يايمه بلياردو ..
ام عبدالله :: ايه وش هذا عاد الي تقولينه ؟؟!!..
جنى :: لعبه يلعبونها الشباب هلايام ..
ام عبدالله :: الله يكافينا الشر بس ..
ضحكوا البنات عليها ..
مدى :: اقول خلونا نروح عندهم اونس من هنا ؟؟!!..
عريب :: يالله ..
قاموا ونزلوا عندهم لقوا انواع الازعاج مشغلين المسجل اغاني غربيه على اعلى شي ميزت هالقبوا عازل صوت واضاءته والاستريوا والسمعات الموزعه فيه تنفع للديجه وهذا اللي مسوينه الشباب مقفلين الستاير وطالع ظلام ومشغلين هلاضاءات وطالعين كانهم بديجه او ديسكوا غير الاغاني واللي يلعبون تنس الطاوله واللي بلياردو ..
البنات :: السلالالالالالالالالالالالالال ام .. قالوها بصراخ علشان الازعاج ..
ضاري بنفس نبرتهم :: وعليكم السلالالالالالالالالالالالالال الام ..
فهد بيقهر مروى :: اخبارك يامروى ؟؟!!.. بنفس الصراخ ..
مروى بدون خلق من جت من السفر وهي ساكته :: بخير انت وش اخبارك ؟؟!!.
فهد بصراخ برغم انها قريبه بس يستهبل عليها خصوصا انه ماشافها من يوم الزرعه وبالعرس ماشافها زين وبجود عدنان مراح تسوي شي :: عال العال محد احسن مني !!.. وطالع روان وابتسم وروان مات حيا قد ماهي تضحك بصمت لاتنبه مروى عليها لانها فاهمه حركة فهد وش قصده من هالحركه يبي ينرفزها ..
مروى عرفت انه يقصد روان وسكت بغيض للحين مانست الطراق الي اخذته منه وتوعد فيه بترد له الصاع صاعين وابتسمت بخبث الي تبيه قرب يصير _ هين نشوف من يضحك اخيرا يافهود ؟؟!!.. _..
البنات راحوا للمسبح عند الاولاد الصغار وجلسوا على الجلسه وبعضهم يطالع الشباب وبعضهم الصغار ....
مدى :: اقول وين تبون ترحون اليوم ؟؟!!..
روان ::: ودي نروح لملاهي ..
عريب :: لا خليها بعدين احس اليوم بنشوي ونجلس هنا احسن ..
جنى :: صح انا معاك ..
ندى كانت سرحانه ومو معاهم ..
شذى بضيق :: جننى ..
جنى باستغراب :: وش فيك ؟؟!!..
شذى :: تذكرين وش ابي اعرف بالسفره ؟؟!!..
جنى بضحكه :: ايه اذكر ..
شذى بضيق صبر :: ماعرفت ولا شي ولا فهمت ولا شي قوللي لي بليز ..
جنى بضحكه :: سوري انتي اكتشفي افتحي العنان لقلبك وبتعرفين !!..
شذى رفعت حاجبها باستغراب :: وش قصدك ؟؟!!..
مدى بتسامه :: فكري وبتفهمين مو شرط الحين يمكن بعدين بس صدقيني بيجي يوم وبتفهمين ..
شذى طالعتهم بحيره كل يوم يزيدون حيرتها حيره بكلامهم ؟؟!!.. _ مصيري يوم افهم وش فيه راشد ؟؟!!.. _
مروى ساكته وتفكر ومطنشتهم ومتضايقه من وجودها معاهم بس الشي اللي جايه علشانه يستاهل انهم تتحملهم كم يوم بعد وابتسمت بخبث ..
*
*
قراء مسج وصله من رقم غريب اثار شكوكه وسكت توقعه مقلب او شي مراح يخليه ياثر فيه ..
بعد خمس دقايق ارسل نفس الرقم مسج ثاني كان بيذبحه مو عارف مين ؟؟!!..
رائد بضيق :: شباب خلاص مابي العب .. ورمى عصا البلياردو ..
هزاع بتسامه:: خفت من الهزيمه ماهقيتها منك ياولد العمم ؟؟!!..
رائد بضيق :: هزاع وربي مالي خلق متضايق حدي .. استغربوا نبرته وتركوه بحاله وكملوا لعب بدونه وراح جلس على الكنبه قريبه من حوض السمك وهو يتامل حوض الاسماك برغم ان باله مع المسجات اللي تجيه من هذا وش يقصد بكلامه ..
وصله مسج ثالث كان يحس هاللي يرسل بيذبحه هالمرره خلاص وصلت معاه من هذا وش يبي ؟؟!!..
رجع يقراء المسج الاول ..
"" تصدق حيل راحمتك لانك من جد مغفل !!!! ""
فتح الثاني ..
"" سوري مو مغفل بس بالحب عمي ومالقيت تطيح الا بهالخمه اللي تحبها ""
والثالث ..
"" الظاهر مسجاتي أثرت فيك حيل لدرجة انك معصب الحين بس صدقني مصيرك يوم بتشكرني تعرف ليه؟؟!!.. لاني باكشف حبيبت الغفله لك وقدامك اللي حبيتها وبعت الكل مصيرك تعرف وش تسوي من وراك ؟؟!!.. ""
ضغط على الجوال بقهر وده يعرف وش قصد هاللي يرسل مالقى الا جنى !!!..
وصله المسج الرابع فتحه بسرعه يبي ينهي هالسخافه ..
"" اذا تبي تعرف قصدي وتبي تعرف " نونو " وش تسوي من وراك ومن حبيبها الحقيقي ارسل لي مسج والصور تكون عندك بارسلها وسائط انتظر ""
قفله يفكر وش يسوي؟؟!!.. .. وقر انه واثق فيها وبحبها له ومراح يسمع كلام هالي يرسل لهه ..
**
**
**
كانت جالسه وحاطه يدها على خدها وسرحانه فيه وهو يلعب وشعرها ينزل على وجهه ويرفعه بغرور تطالع فيه وتتامله وحبه بقلبها يزيد ويزيد ماتعرف ليه هو الوحيد اللي تسل لقلبها بهدؤ بدون ماتحس وليه هو الوحيد اللي حبته ويزيد حبها له بكل دقيقه وثانيه وهو بعيد كيف وهو قريب ..
ماحست الا بخبطه على كتفها :: بسك قطعتيه بنظراتك لاحد ينتبه ؟؟!!..
تنهدت ندى بصوت خافت :: آآآآآآه ياجنى عذاب ..
جنى وهي ماتطالع مشعل لا تطالع اللي جالس يهز رجوله بتوتر وباين سرحان وجالس على الكرسي :: والله هذاك اللي عذاب بيذبحني قبل يومي ..
ندى ابتسمت لها :: الله يهنيكم ..
جنى :: ويهنيك مع اللي تتمنيه يارب ..
ندى من قلب :: آآمين ..
جنى رجعت تطالع برائد اللي رفع عيونه كنه يحس انه تطالعه ابتسم لها بخفه وهي ردت له الابتسامه بحرج ونزلت عيونها عنه بحرج جلس يتاملها شوي وكيف باين انها منحرجه _ صدق هاللي يرسل لي ماعنده سالفه من يشكني بحبك لي ياقلبي انتي والله صدق اني غبي لما شكيت لثانيه بس وخليته يقدر يخليني اشك فيك _ ابتسم على نفسه وبهاللحظه جلس بجنبه ضاري :: ها رائد وش اخر اخبارك ؟؟!!..
ندى كانت منتبه لحركاتهم الاثنين وابتسمت عليهم وتمنت من ربي ان مشعل بيوم يحس فيها لو للحظه ..
**
مشعل رفع راسه يطالع هزاع اللي قدامه وهو يبتسم بغرور :: ها تبي اهزمك مره ثانيه والا لا ؟؟!!..
هزاع بغيض وهو يطالع عصاته :: الا بنلعب لازم اردها لك ..
مشعل هز كتوفه :: اوكي ليش لا نهزمك للمره الثانيه ..
هزاع طالعه بغيض :: بنشوف ..
مشعل :: هههههههههههه .. بهاللحظه كن امنيت ندى تحققت لان وفجاءه وقف ضحك مو لشي بس لان عيونه التقت بعيون وحده تطالعه ابتسم لها بهدؤ وهي نزلت راسها بحرج طالعه شوي طيف انحرجت ونزظراته قبل شوي غير توترها لانها حاسه انه يراقبها وتلعب باصابعها بتوتر .. _ هذا كله ياكد شكوكي انه انتي ياندى اللي تقصده جنى _ قطع تفكيره صوت هزاع :: يالله ابدئ ..
مشعل طالعه وهو يبتسم :: ان شالله ..
**
**
**
بعد ربع ساعه وهو جالس يسولف مع ضاري ويضحكون وبدى ينسى وصله مسج وسائط كان عباره عن مجموعة صور فتحه وانصدم من اللي يشوفه فتح صوره ورى صوره وبلاخير كان مقطع فيديوا شافه وكان راح يموت وهو جبينه يتصب عرق وخلاص الشرار يتطاير من عيونه وجهه احمر من كثر العصبيه وضاري يطالع مستغرب :: رائد وش فيك وش صاير ؟؟!!..
طالعه بنظرات ماقدر يفسرها ضرار قهر غيض حقد بس يحس الشرار يتطاير من عيونه .. ثم طلع بسرعه من البدروم لا يرتكب مصيبه مر من عندهم وطالعها بنظرات استحقار حقد نظره لاتقل عن نظرته لضرار قبل شوي الا يمكن اشد وطلع وتركها بوسط اشتغرابها حيرتها صدمته _ وش فيه هذا ؟؟!!.. _..
**
عريب بخوف :: وش فيه رائد طالعك كذا ؟؟!..
جنى بحيره :: مدري ؟؟!!.
مدى :: اقول وين نروح بكره طيب ؟؟!!..
روان بعد تفكير :: للملاهي ..
عريب :: لا .. عارفين بكره بنطلع بيخت عمي يوسف من الصباح للمغرب ..
ربى :: واو وناسه ..
كانوا يسلفون وجنى بالها مشغول وش فيه رائد ؟؟!!..
وصل مسج لجنى فتحته .. المرسل حبيب الروح ..
"" تعالي لي فوق بالصاله بسرعه ""
استغربت اول مره يتعامل معاها بهالاسلوب بسرعه وقفت بتطلع تشوف وش فيه ؟؟!!..
عريب بصوت واطي :: على وين ؟؟!!..
جنى :: عند رائد ..
عريب باستغراب :: وش فيكم ؟؟!!..
جنى هزت كتوفها :: مدري باروح واشوفه شوي واجي ..
عريب :: روحي وطمنيني شكله حيل متضايق روحي هو محتاج لك ..
جنى :: ان شالله .. عن اذنك ..
يتبع >
طلعت الدرج بسرعه حتى ماخذت الاصنصير تبي تعرف وش فيه كانت خايفه حيل عليه وتبي تعرف وش صاير له وعقلها يوديها ويجيبه وهي بسرعه تمشي ..
لقته جالس بالصاله فوق وهو يهز رجوله بتوتر ومنزل راسه ويفرك كفيه بعض ..
جنى قربت منه وبتساؤل وخوف :: رائد وش فيك ؟؟!!..
رفع عينه بس لها وهو يطالعها بلوم وعتاب وبخاطره _ كان ممكن نكون اسعد اثنين ليش ياجنى ليش بعتيني برخيص ليش طعنتيني وبظهري ليش خدعتيني ليش انا وش سويت لك وش سويت ؟؟!!..
جنى بخوف قربت ومن غير شعورها ومن خوفها من عرفته اول مره تشوفه بهالحاله :: حبيبي وش فيك ؟؟!!..
طالعها بقهر وبخاطره _ كم تمنيت اسمعها بس لما قلتيها ماصارت تسوى شي بالنسبه لي ولا شي غير انها طعنتني ايه طعنتيني بقلبي _ وبغيض ونرفزه رد عليها :: حبيبك ارجوك لاتقولينها ؟؟!!..
جنى قربت منه وجلست على ركبها بلارض وقريب منه وبخوف وقلق :: وش فيك رائد وش صاير لك خوفتني قول تكلم ؟؟!!.. وربي عقلي صار يوديني ويجيبني وقلبي ماكلني عليك قول وريحني وش فيك ؟؟!!..
وقف وبنرفزه وهو معطيها ظهره :: اللي فيني اني اكتشفت اني مغفل اني عمي واني صدقتك بس مادريت انك ممثله وممثله كبيره بعد تتساهلين الاوسكار على اتقانك دورك .. وصفق لها .. برافوا ماخليتني اشك لحظه بحبك واخلاصك لي آآآآآآآآه ياجنى آآآآآآآآآآه منك ..
ولف وبقوه وقسوه تجرح كل جزء باقي مانجرح من كلامه واسلوبه قبل شوي بقلبها جرح اكبر من الثاني وينزف اكثر واكثر :: لاكن الحين عرفتك على حقيقتك عرفتك انك خاينه خا ين ه وانسانه حقيره شغلتها تلعب بعواطف الناس وبس ..
حاولت تستجمع قوتها وماتنزل دمعه مو مصدقه ان هذا رائد ولد عمها اللي حبته الي ضحت بيوم علشانه اللي اهدته قلبها ومشاعرها بيوم هذا هو قدامها وقفت وهي تقرب منه وبتساؤل وهي مازالت تحت تاثير الصدمه :: رائد انت وش جالس تقول انا عمري ماكذبت عليك ولا مثلت عليك انا احبك من جد احبك .. لاكن رده كان غير اللي توقعته غير اللي حلمت فيه لما تقول له هالكلمه رده كان صدمه وصدمه كبيره بالنسبه لها ..
رده كان ..
انه ..
صفع ها
على خدها
صفعها بكل قسوه ..
صفها صفعه جمع فيها حبه عشقه قهره حقده غيضه وغضبه وايام عذابه ويام حبه وثمن احلالامه وامنياته اللي انهتهم بنظره باللي سوته صفعه جمع فيها كل قوته وكانه بهالصفعه يحاول يمحي حبها من قلبه اللي لو جلس سنين مانمحى جزء منه ..
صفعه من قوتها طاحت على الارض مدت يدها وهي بقمة صدمتها وذهولها مدتها تلمس خدها اللي بسرعه اكتسته حمره من صفعته القويه وبحزن طالعته ولوم طالع يده اللي صفعته مهما غلطت مهما كذبت عليه مايحق له يضربها من هو اصلا علشان يضربها بس هي غلطت عليه وخانته وغير كذا مصره على خداعه انها تحبه .. وقفت وبكل ثقه وغرور وهي تبعد يدها عن خدها وقربت منه وبكل تحدي ونظرات ثقه :: اللي كان _ شدت على كان علشان يعرف انه ماضي _ بيني وبينك ياولد عمي انتهى خلاص محيتك من قاموس حياتي انت ولاشي بدنيتي مجرد ولد عم لا اكثر ولاقل ولد عمم عادي حتى ماتربطني فيه اي صله حتى القرابه ولد عم بلاسم وبس واتمنى تتجنب تحاكيني او تلاقيني اتمنى هالشي لانك بتندمم اذا فكرت تتقرب مني مره ثانيه وانسى انسى ان بهالدنيا وحده اسمها جنى حبتك وحبيتها بيوم مهما عانيت ومهما قاسيت انا اللي يهني مارجع له بيوم وحبك بامحيه وبسهوله من قلبي ..
ومشت وتركته دخخلت الجناح وقفلت الباب وتسندت عليه وغرقت بدموعها وبكائها لحد مانزلت على الارض وهي غرقانه بموجة عنيفه من البكاء ..
اما هو ظل واقف مصدوم من اللي صار بس للحين مقتنع انه احسن شي صار خلالالالاص يكفيه اللي جاءه ومازال يجيه من ورى هالحب ..
ومشى وتركها وطلع طلع للبحر يتمشى على شاطئيه ..
صار يمشي وحمد ربه الكل جوات الشاليه بدى يمشي والامواج تعانق رجوله مشى مشى لحد ماوصل للجسر الخشبي ومشى عليه وجلس على الجلسه اللي فيه معطي الشاليه ظهره وحاضن راسه بين كفيه وهو يفكر اللي سواه صح او لا هو مايحق له يضربها بس استفزته بكلامها واصرارها انها تكذب عليه وتمثل تنهد وضغط على راسه بكفيه وهو يفكر بكل هالضغوط عليه وبدون احساس نزلت من عينه دمعه تحكي معانته بمعرفته خيانة حبيبته له وخداعها له دمعه يبكي فيها ايام حبه وامانيه واحلامه اللي خلاص انتههههههههههههههههههت وللابد ..
*
*
*
بمكان ثاني من الشاليه ورى بالمراجيح تحديدا ..
ربى :: شاهر والله انك رايق ..
شاهر بتسامه :: خليني رايق بكيفي بعد احد يشوفك ومايكون رايق او يقاوم انه يتغزل فيك ..
ربى وهي خلالاص محمره من الحرج :: شاهر ترى بدخل واترك ..
شاهر بضيق :: لالا ماصدقت طلعتي لي بعد كل هالترجيات ..
ربى :: ايوه خلك كذا اعقل .. ماقلت لي وش عندك مناديني بسرعه قبل لاحد يجي ؟؟!!..
شاهر يعدل وقفته ويطلع علبه من جيبه :: خذي ياعيوني ..
ربى مدت يدها واخذته منه وباستغراب :: ليه ؟؟!!.. وش المناسبه ؟؟!!..
شاهر بتسامه :: لان اليوم مرر عليننا من اعترفت لك بحبي اربع سنين ..
ربى ابتسمت بحرج :: يعني حافظ للحين التاريخ ولا سنه نسيته ..
شاهر بتسامه :: هالتاريخ محفوظ بذاكرتي استحاله ينمحي منها بسهوله ..
ربى :: مشكور شاهر لازم اروح الحين اكيد يدورون علي وروان قالبه الدنيا ..
شاهر :: اوكي حبيبتي ربي معاك يحفظك ..
ربى وهي تروح :: ويحفظك يالغالي ..
راحت تاركته يتبعها بعيونه وهي تبعد عنه .. يطالعها بحب بغرام وعشق يطالع اللي من صغره اسرته واسره قلبه .. << ناس غرقانه بالحب وناس مفترقه ..
**
**
**
**
اما هي كانت باختصار انثى جريحه وعاشقه انذبح قلبها من قلب حبته بكل حواسها وجوارها قلب ماتخيلته بيوم بيسوي اللي سواه ويتهمها باتهمات مالها اي صله بالحقيقه وسبها بالفاظ ماتوقعت بيوم تسمعه من اعداها كيف اقرب الناس لقلبها .. ويضربها بدون مايشرح لها الموضوع اتهمها بتمثيل حبها وبكذبها وخيانتها له ماصعب هاللحظات على الانسان حاوللت تكون قويه ماتدري كم جلست وهي تبكي حظها وعثرته اللي كل ماعتدل من جهه رجع انعفس اكثر من الاول من جهه ثانيه وهي جالسه عند الباب طالعت الساعه بجوالها ::: يوه كانت معاه من الساعه 4 العصر تقريبا والحين الساعه 8 بالليل ..
اربع ساعات قضتها استغربت محد فقدها غريبه وعريب بس ..
جنى :: اكيد انشغلوا واحسن شي صار الحمدلله وقفت ومشت للحما غسلت وجها وبعدين طالعته بالمرايه عيونها حمراء وخشممها بعد من كثر البكئ لاكن خدها ماكان احمر بالعكس كان مزرق ضربته كانت قويه وقاسيه اكبر من يتحملها رجل ضخخم فكيف بانسانه رقيقه وناعمه مثل جنى وضعيفه لان للحين ماقوى جسمها بعد مرضها ولاستعاد عافيته التامه تحسست مكانها بيدها كان من جد مؤلم فكرت الحين الكل بينتبه ويسال وش تقول استحاله تبين لاحد انها غلطت باختيارها وحكمها صح بتنهي كل شي بس مو الحين واستحاله تقول لهم عارفه وش بيصير المصير بتفترق العايلله بكل تاكيد مستحيل تكون هي السبب مستحيل تكون سبب تفرق الاخوان غير ابوها وجدها فارس مراح يسكت فضللت تكابر وتكذب تكذب عليهم لثاني مره بحياتها بعد كذبها بمرضها هي ماتنقذه من العقاب بالعكس هي تنقذ عائله كامله من التفرق اتخذت قرارها خلالاص ومراح تتراجع عنه ابدا اوقظها رنين جوالها ردت كان فهد ..
فهد بحماس :: ها نونو وينك يالله تعال نتظرك مجتعين كلنا بنشوي اليوم يالله ..
جنى تحاول تعدل صوتها احم احم :: اوكي دقايق ..
فهد مانتبه للتغير في صوتها لحماسته اللي بيسونه ..
اخذت شور سريع تريح اعصابها فيه وغيرت ملابسها وقفت قدام المرايه مازالت عيونها متورممه حاولت تخفيها بالميك اب بس عينها اليمين الصفعه كانت ماثره عليها غيرت رايها وماسوت شي عذرها موجود واحسن خليهم ينتبهون لبست عباتها وتلثممت ونزلت بكل شموخها وكبريائها ..
وصلت لقتهم جالسين بالجلسه الريفيه للشواء الي مثل الكوخ تقريبا ومفتوح على البحر وحتى جالس رجال وحريم ويسلفون ومبسوطين ابتسمت بالم بخاطرها _ الحمدلله ماتهورت وسويت شي كان الحين هالجمعه تفرقت لازم اكمل قراري جمعتهم ومحبتهم لبعض اهم من معناتي وعذابي _ ..
انتبهت لرائد اللي الشباب يلعبون كوره طائره بالملعب اللي قدامهم وهو جالس قريب من البحر على الرمل وسرحان ويكتب على الرمل طالعته باسى ولفت عنه بغرور ..
وقربت بتسامه :: السلام عليكم ..
الكل :: وعليكم السلالام ..
التفت لها ابويوسف بتسامه عذبه :: هلا واالله بالغلا كلله ..
انتبهت لوجود خالها احمد وزوجته وامها واولاده طبعا هم ماجاء الا قبل ساعه تقريبا من الرياض لانهم ماحصلوا معاهم حجز ..
جنى بتسامه :: هلا والله بخاللي احمد وعمتي وخالتي هدى هلا هلالالا ..
سلمموا عليها وجلست بجنب احمد ومن هالمكان تقدر تشوف رائد ..
*
*
ضاري مستغرب حالة رائد اللي من وصله مسج وحالته متغيره واختفى وماظهر الا قبل نص ساعه بس راح له وحط يده على كتفه وهو واقف وراه :: قوم رائد وش فيك ؟؟!!..
رائد رفع راسه له وابتسم باسى :: سلامتك ..
ضاري :: انا مراح اصر عليك او اضايقك انك تحكي لي بس يليت تخللي ضيقتك لبعدين شوف محد يفوت هالجلسه مو كل يوم بنجلس هالجلسه قوم يالله خلاص بنخللص لعب ونروح نجلس معاهم مو زين لك تجلس هنا بروحك ..
رائد اقتنع بكلامه وراح معاهم وكانوا الشباب مخلصين لعب وجلسوا وهم تبعانين رائد اول ماوصل مع ضاري انبته لجنى اللي ماعبرته بنظره حتى وتضايق من شوفتها بس ارتاح انه ماصار فيها شي وحز بخاطره لهالدرجه هو مو مهم عندها :: _ آآآآآآآه كم وكم كنت مغفل يارائد على قولة صاحب المسج آآآآآآآآآآه _
جلس معاهم ..
شاهر وهو يجلس بتعب ويتكي على التكايه :: يوه تعبننا ..
مشعل :: اهم شي حنا اللي فزنا ..
ريان :: ومن متى مو انتم ما تفوزون ؟؟!!..
ضاري :: ولا مره صارت وخسرنا بصراحه دايما انتم الضحايا ..
فهد :: ايه مساكين ..
ركان :: يوه بيشفون انفسهم عليننا الحين وش بيفكنا منهم ..
سعود :: من جد اصلا هم من غير شي مغرورين ..
ابويوسف :: ومن هالمغرورين لايكون احفادي بس ؟؟!!..
سعود بخوف وارتباك :: ها لا ماقصد اقصد يعني انهم شوي مو كثير ..
ابويوسف :: ههههههههه وش فيك مرتبك عادي انا كنت باقول اني ايدك ..
الكل :: هههههههههههه ..
ضاري بفزه :: افا يابويوسف ماظنيتها منك الحين انا مغرور ؟؟!!..
عريب :: هو ماقال انت بس اللي على راسه بطحى ..
ابويوسف :: وعريب صادقه ماقصدك اقصد مشعلوه ..
مشعل بغرور :: انا اعترف اني مغرور .. وهو يرجع شعره على ورى بغرور :: والا مايحق لي ..
شاهر :: ايوه عاد بدينا ..
ابومشعل :: عطيتوه فرصه الله يهديكم وش بيفكنا منه حنا ؟؟!!..
الكل :: ههههههههه ..
هزاع :: من جد ..
مشعل ابتسم :: مو ملاحظين انكم اليوم متفقين علي كلكم وش عندكم ؟؟!!..
ابويوسف بتسامه :: نمزح معك وانا ابوك ..
مشعل بتسامه :: اذا كذا ماعندي مانوع خذ راحتك يابومشعل ..
ابوضاري باستنكار :: من ابو مشعل ابوك ؟؟!!..
مشعل :: لا اقصد فارس يوسف ال--- _ ابويوسف _
ابوضاري وهو يرفع حاجبه :: لا والله ومن هو مشعل لايكون انت بس ؟؟!!..
مشعل بتاكيد :: اي نعم ..
ابوضاري باستغراب :: لا والله حسب معلوماتي ان اسمي يوسف واخوي نايف مو مشعل ؟؟!!..
مشعل :: بس انا مشعل وابي اسمي جدي ابو مشعل ايه تغار عمي ؟؟!!..
ابوضاري بتاكيد وهو ماسك ضحكته لاتطلع :: ايه اكيد حقوق الطبع محفوظه لي انا وبس يعني ابوي ابو يوسف وبس غير قابل للتجدي ابدا ..
مشعل بضحكه وهو يغمز لعمه :: اظهر وبان ياعمي بعد كل هالعمر الى الان تغار على ابوك ..
ابو ضاري بضحكه :: والله ابوي ماقلت شي غلط انا ..
شاهر :: لحقي يممه باوي يغار على احد غيرك ..
ابوضاري رماه بالخداديه الصغيره اللي بجنبه :: وانت وش دخلك الحين ؟؟!!..
شاهر وهو يمسكها بيده بعد ماتفادى الضربه :: خايف على امي وعلى مستقبلها ومكانتها عندك ..
ام ضاري بثقه :: لاحبيبي لاتخاف انا واثقه من غلاتي عند ابوك ..
راشد :: يوه فشلوه ..
مشعل بضحكه :: والله طلعت خالتي مو هينه فشلتك على طول واثقه ..
الكل معدا شاهر :: هههههههههههههههه ..
_
هزاع كان ساكت وسرحان بجنى يحس فيها شي وبوجها شي متغير بدى يدقق بوجها واستغرب محد انتبه الا هو رجع يدقق اكثر كانت لثمتها مخفيه اثر الصفعه معدا اللي قريب من عينها حاولت تخفيه وقدرت باللثمه بس الحين نزلت مع رطوبة جده وضح شي بسيط منها ..
هزاع وقف وبحركه سريعه راح عند جنى وجلس على ركبه قدامها وقرب يده منها وطالع المكان بدقه وهو يضيق بعيونه علشان يدقق اكثر ولمسه وهو مستغرب ورافع حاجبه يبي يتاكد انه مايتخيل .. ومن لمسه صرخت :: آآآآآآآآي ..
ابوفارس باستغراب :: هزاع وش تسوي لاختك ؟؟!!..
هزاع بحنيه وهو مطنش سؤال ابوه :: جنى وش هذا ؟؟!!..
جنى تضبط لثمتها :: ولا شي ؟؟!!..
هزاع بنرفزه :: كل هذا ولا شي قوللي من مسوي لك كذا ؟؟!!..
احمد لف يطالع وش يقصد وبعد يد جنى ودقق باللي بوجها وباستغراب :: وش هذا ؟؟!!..
جنى طالعت الكل يطلب تفسير التقت عينها بعين رائد وابتسمت لهم :: طحت على الطاوله اللي بجنب سريري من العصر وانا طايحه هناك اتاللم ومحد فيكم حس او سئال ؟؟!!..
مشعل وقف وقرب منها وهالحركه كانها تاكد لرائد شكوكه وظنونه ..
وقرب وبنرفزه وبتشكيك :: هاذي طيحه متاكده ؟؟!!..
جنى ماتبي دموعها تخونها :: تتوقعني اكذب من متى كذبت عليك يامشعل انا ؟؟!!..
مشعل ابتسم يخف من توتره وتور الجو شوي :: حشاك ياختي ..
ياختي ..
ياختي ...
ياختي ..
ياختي ..
هالكلمه لها تاثير كبير على رائد اختي اختي ترددت كثير مافهم قصد مشعل فيها ..
مشعل بنبرة امر :: قومي نوديك للمستشفى ..
جنى :: مافيني شي ؟؟!!..
احمد وهو يوقف :: محد طلب رايك قومي ..
عريب ساكته موصدقتها بس فضللت تسكت الحين مصيرها تعرف بعدين ..
ابوفارس يوقف :: يالله امشي نتطمن عليك هالضربه ماهيب سهلله خاصه انها قريبه من عيونك ..
جنى بخاطرها _ المها النفسيه صدقني اكبر من المها الجسديه آآآه لو تدري يا بابا هالضربه وش سوت بنتك وش سوت بقلبها طبعت بقلبها جروح جروح تنزف واستحاله بيوم تطيب او تتعافى _ ..
وقفت مرغمه بس احمد طمن ابوفارس انه بيكون معاها وراح معاها مشعل وهزاع واحمد بس ..
رائد مصدوم من نفسه ماتوقع هالصفعه بتسبب كل هذا لها وكل هلالم كره نفسه مهما غلطت تبقى الانسانه اللي حبها كيف يسبب لها هالشي كيف بمكانه حل الموضوع وانهاه بطريقه احسن من كذا واللي صدمه اكثر نظرات التحدي بعيونها وهي تطالعه وتقول طحت على الطاوله آآآه ياجنى ليش انقذتيني كنت استاهل استاهل انهان وانظرب ويتبرون مني لان يدي يدي سببت لك هالشي آآآه بس .. انسحب بهدؤ منهم وراح للجلسه على الجسر الخشبي وجلس بروحه يفكر وهم مستغربين ماطلب كالعاده يروح معاهم ..
*
*
*
بالسياره كلهم مكذبينها ان هاذي مو طيحه بس فضللوا يسكتون ولا يكلمونها بالموضوع اذا حبت تفتحه بنفسها زين اذا لا لا ؟؟!!..
معدا شخص عقله يويده ويجيبه خصوصا بعد كلام ضاري قبل نص ساعه تقريبا وهو يدور على رائد وجنى ومقر الا بيكلمها بالموضوع ولو طلع اللي باله مايدري يمكن يرتكب جريمه ..
*
*
عند الدكتور خلص كشف عليها ..ووصف لها مرههم وحبوب مسكنه وتطمن مافيه اي شي ثاني وان عيونها ماتاثرت او اي شي .. تركها وطلع لانها بالطوارئ وهزاع طلع يجيب العلاج لحد ماتخللص وتعدل طرحتها وترتاح شوي بعد هالكشف ..
كان معاها بالغرفه احمد ومشعل ..
مشعل بتساؤل وكان الفرصه جته علشان يسئله خصوصا ان هزاع مو فيه :: نونو خليتك طول هالوقت وسكت وقلت بتحكي بنفسها بس الظاهر انك ماعندك نيه لاتوقعين ان حنا صدقنا كلامك طحتي لا ياجنى اختفائك العصر كله وانا قالب الدنيا عليك ابي اكلمك بموضوع ولا رديتي على جوالك بعد .. كل هذا وراه سر بعد ماطلعتي ورى رائد اختفيتي وهو انقلب حاله قوللي وش صاير ؟؟!!..
احمد قرب منها وبحنيه :: تكلمي اذا ماحكيتي لنا لمين بتحكين ؟؟!!..
جنى بدت دموعها تخونها تنزل غصب عنها وكنها تبي تفضحها وحتى لسانها كنه يبي يفضحه تكلمت بانهيار :: وش تبوني اقول اقول ان الانسان الوحيد الي حبيته وكنت مستعده افديه بروحي يهيني ويتهمني اني كذابه وحقيره وممثلله اقولكم ان الانسان اللي حبيته تركني مجروحه بالف والف جرح ينزفون بقلبي واستحاله يوم يوقف هالنزيف تركني بدون اي اسبباب او يوضح وش اسبابه تركني مخدوعه فيه ومصدومه صدمت عمرري ..
_ وبالم كملت _ وضربني .. _ مسحت دموعها اللي مو راضيه توقف _ ضربني ضربني وانا عمر محد مد يده علي لابوي ولامي ولاخواني هو جاء بساطه وضربني صدقوني هلالم الي بخدي ولا شي قدام اللام اللي _ اشرت على قلبها _ بقلبي وروحي اللي انجرحوا واستحاله تندمل جراحهم ..
مشعل واحمد مصدومين احمد حاول يمتصم غضبه مايبي يزيدها ..
بس مشعل لا ماقدر وانفجر وبصراخ وهو متنرفز ومعصب شويه عليه :: الحقير انا اعلممه حدودهه .. وطلع متنرفز ..
جنى بترجي :: خالي خالي الحقه لايرتكب جريمه ..
احمد سكت وبخاطره : احسن خليه يادبه .. رجع حضنها وهي تبكي وهو ساكت تمنى حتى هو يصفعه صفعه تعلممه الادب وحدوده بس مشعل بيوفي ويكفي ..
دخل هزاع واستغرب وش فيهم :: وش فيكم ؟؟!!..
جنى تمسح دموعها :: لا بس تعبانه ..
هزاع بتشكيك :: آآآآآها طيب وين مشعل ؟؟!!..
احمد :: راح لواحد من اصحابه يالله خلونا نطلع باعززم جنى على اي سكريم تبرد على قلبها بعد هلاللم ..
طلعت منصاعه لهم برغم انها تبي تعرف وش بيسوي مشعل برائد بلاصح كانت خايفه على مشعل مو على رائد لان رائد جرحها واستحاله تغفر له او تهتم لامرره ممها كانت تحبه لان جرحه مو جرح عادي بالسنبه لها جرح كبير ..
وتيقنت ان احمد عزمهم متقصد علشان مشعل يعرف يتصرف مع رائد بدون ماتمنعه او يمنعه هزاع او يعرف هزاع هنا بتكبر اكثر واكثر ..
*
*
وصل بتكسي للشاليه نزل وقف عند الباب وخلى الحارس يروح ينادي رائد ويقول فيه شخص يسال عليه بدون مايقول له هو مين كان حده متنرفز ومايشوف الدنيا من قدامه ولايعرف كيف وصل لهنا جنى جنى اخته واللي يفديها بروحه بس مايشوف دمعتها تنزل تنهان وتنضرب بدون سبب او وجهه حق ..
طلع رائد باستغراب وانصدم اكثر لما شاف مشعل واقف قرب منه وبتساؤل :: وش فيك مشعل صاير شي ؟؟!!..
مانتبه الا على مشعل (( مشعل بنيته الجسميه مثل رائد واحسن لان رائد ضعف شوي بعد سفرة جنى ومرضها )) يسحبه مع ياقة قميصه ويثبته على الجدار وهو يشد على اسنانه بغيض وغضب :: من حضرتك علشان تضرب وتهين جنى ؟؟؟!!!..
*
*
*
انتهى البارت 27 ..
|