 |
  |
|
|
|
11-28-2011, 12:23 PM
|
#1 |
|
:: كاتبة قديرة :: |
السلام عليكم ورحمة الله وبركاتة وصفة النهاردة هي الدوناتس بطريقة الشيف لطيفة  مقادير الدوناتس استخدمت كوباية ومعلاق القياس وممكن تستخدمي كوباية الماية العادية 1 بيضة 20 جرام زبدة أو 2 معلقة كبيرة 1/2 كوباية ماية  1 معلقة كبيرة خميرة فورية او حتة خميرة بيرة 1/4 ملعقة صغيرة ملح 1 معلقة طعام لبن بودر 1 معلقى طعام سكر  3/4 1 كوباية دقيق (كوباية وثلاثة أرباع الكباية)  حنحط الدقيق والملح في طبق  وفي كسرولة حنحط (الماية والزبدة والخميرة والسكر واللبن البودرة )  حنسخنهم لكن ما يوصلوش لدرجة الغليان ولو تلاحظو حتة الزبدة لسه ما ذابتش بشكل نهائي دليل على اني الماية يادوب فاترة . حنبعد الكاسرول على النار وحنضيف البيضة ونخفق كويس .  حنضيف الخليط ده على الدقيق وحنبدأ نعجن كويس  كدة العجينة اول ما لمت معايا نزلتها وحبدأ أخدمها كويس علشان لسة محتاجة عجن  هنا بصو لسه محتاجة عجن كمان علشان تبقى متماسكة كويس جدا  بصو يا جماعة القوام بتاعها طري وبيلزق لكن بيلم بسرعة مش بيدايقنا  عظمة على عظمة بقت جاهزة و100%  هنا صوره قريبة لشكل العجينة وده القوم الي لازم نوصلو مش بس في الدوناتس لا في اي نوع عجينة كان  حنحتاج يا جماعة لقطاعة الدونتس وده شكلها . في مقاسين صغير وكبير  هنا شكلها من قريب  وده شكلها من جوة لاحظو دايرتين جو بعض واحدة كبيرة وواحدة صغيرة لما نقطع بيها حتدينا دائرة ومفرغة من النص . لكن لو ما كانش عندنا القطاعة دي ممكن نستخدم كوباية عادية وغطاء اي ازازة وحتدينا نفس شكل الدوناتس بالظبط.  جاهزين لتشكيل الدوناتس  ها أكمل  مواضيع ذات صلة |
|
11-28-2011, 12:24 PM
|
#2 |
|
|
رد: (dounats) الدوناتس الرائعة من مطبخ الشيف لطيفة ^_^
حنفرد العجينة بسماعة 1 سم بس يعني رفيعة جدا ليه بقى . اسأليني لية ؟ سألتيني ليه حقولك . علشان أنا ما خمرتهاش بعد ما عجنتها على طول بدأ أفرد وأقطع علشان كدة حفردها رفيعة علشان حتخمر بشكل كبير . وده نظامي في اي نوع معجنات زي ما بتعرفوا . لكن لو كنتي من النوع الي بيعجن وبعد كدة يخمر ويرجع يقطع حتفرديها بسمك 2 سم علشان مش حتخمر كتير زي لو اشتغنا فيها على طول .  حنقطع يا جماعة عادي جدا  ده شكلها من جوة  ورصيت الدوناتس في صواني متبطنة بورق زبدة ومرشوشة بالدقيق بالشكل ده   طبعا ما ينفعش خالص لطيفة تعمل معجنات ما تطلعش قطاعة القلب الأحمر المشهورة دي . وعملت من العجينة دواير وقلوب الحب.   بصو على الجمال يا ناس  وهنا شكل الدوناتس المشرشر. حنقطعها عادي جدا وبعد كدة حنقطعها بمقصع نظيف بالورب بالصورة دي   دي الاشكال التانية . نسيبها يا جماعة تخمر لحوالي الساعة وربع علشان الجو دلوقتي بارد .    وما ننساش برضو نرص الدوائر الصغيرة الي قطعناها من قلب الدوناتس   |
|
11-28-2011, 12:26 PM
|
#3 |
|
|
رد: (dounats) الدوناتس الرائعة من مطبخ الشيف لطيفة ^_^
هنا يا جماعة بعد ما سبتهم يخمر بصو حجمهم كبر ازاي .    حبيبة قلبي  تعالو بقى هنا . بصو يا جماعة هنا انا مش بتكلم عن الدوناس لا بدي معلمات بسيطة عن العجين عموماً لاحظوا هنا شكلها جميل ازاي وما فهوش ولا غلطة متماسك مش بيتني لما شلتها من الصينية . علشان توصلي لإحتراف العجين ده لازم تخدمي العجين كويس وتحددي من البداية حتعملي اية .  وهنا بصو بتحسي اني زي ما يكون طبقة على العجينة لكن في نفس الوقت الوش مش ناشف لما رشيتها بالدقيق .  هههههه خمرو هما كمان  وما ننساش يا جماعة دايما نلم العجين تاني ونفرد علشان ما نرميش حاجة .  الدوناتس محتاجة زيت مش غزير ومحتاجة نار هادية علشان تستوي من جوه وتبقى ذهبية من برى   وما نحمرهاش اكتر من الدرجة دي  هنا الجماعة جهزين وطلعتهم من الطاسة   وحطيت في الطاسة الي عليهم العين والنية الدوناس ونحاول يا جماعة ما نحطش في الطاسة كتير يا دوبك كم حبة كدة علشان يعرفو يتقلو كويس ويفضلوا محافظين على شكلهم   |
|
11-28-2011, 12:29 PM
|
#4 |
|
|
رد: (dounats) الدوناتس الرائعة من مطبخ الشيف لطيفة ^_^
وهنا لما طلعتهم على ورق نشاف علشان نتخلص من باقي الزيت
   الدوناتس من جوه جميلة وهش وخفيفة جدا جدا ومش بتشرب زيت خالص .  بصراحة ما ليش نفس خالص لأي تزين بس علشان ما تخرجوش من الموضوع بدون معلومة جديدة , حقولكم على طريقة حاجة اسمها Glaze يعني الدوناتس بتتغطى بطبقة ناعمة كدة من السكر ولماعة ومقاديرها هي (لكل 1/2 كوب سكر بودرة حنحتاج ل1 معلقة كبيرة زبدة وشوية ماية على قد ما نحتاج). هنا حطيت الزبدة وكمية بسيطة من السكر البودرة وبدأت أقلب  وده بقى شكلها  وبعد كدة أضفت باقي السكر وكمية قليلة من الماية وبقلب كويس لحد ما تبقى بالصورة دي  وده شكل قوام الطبقة السكرية للدوناتس  وهنا شكل الدوناتس لما غطيتها بيه  وزي ما احنا عارفية الدوناتس بتبقى عجينة مع السكر البودرة    بعد ما يخرج من الزيت ويبقى فاتر عفرية بالسكر البودرة وحيبقى شكله رائع بالصورة دي  ما قدرتش أقاوم وقطمت حتة صغننة  ونقدم الدوناتس زي ما نحب وممكن نلون الGlaze ونعمل خطوط على الدوناتس او نغطسها في شوكلاتة سايحة    منقول لا تنسوا التقييم |
|
11-28-2011, 01:59 PM
|
#5 |
|
|
رد: (dounats) الدوناتس الرائعة من مطبخ الشيف لطيفة ^_^
شكرا لك تسلم ايديك تقبلي مروري |
(dounats) الدوناتس الرائعة من مطبخ الشيف لطيفة ^_^