|
11-28-2011, 04:17 PM | #1 |
:: كاتبة قديرة :: |
أضخم ملف لطريقة الأيسنج من مطبخ الشيف دلوعة(لطيفة)
ملف الأيسنج بالخطوات المصورة يا جماعة الأيسنج نوع من أنواع الفندان وفي ناس كتير بيسموه الفندان السكب لانو سائل وقابل للسكب . وفي طرق كتيرة جدا جدا للفندان الأساسي منها الاوربي الي بيعملوه بشربات ساخن اوي ويحولو للفندان وفي النوع العادي بالسكر البودرة . طريقتي في الفندان مختلفة شوية وبتحتوي على كذا حاجة حنشوفها بعد شوية ولكل مكون دور في عمل الأيسنج . وبإذن الله حشرح الطريقة بشكل مبسط ووافي . وحنستعرض 6 حجات مهمه عن الاينسج وهم :- 1- مقادير الأيسنج 2- طريقة عمل الايسنج 3- تلوين الأيسنج وتجهزيه لإستخدام 4- تغطية البسكويت بالأيسنج 5- الرسم بالأيسنج على البسكويت 6- عمل أشكال للتزين من الأيسنج 1- مقادير الأيسنج المقادير دي يا جماعة ل1 كيلو أيسنج بس ممكن ببساطة تقسمي المقادير على 2 او على 4 علشان تبقى الكمية بسيطة . محتاجين لواحد كيلو من السكر البودرة الجاهز , المطحون في البيت ما ينفعش يا جماعة لاني مهما طحناه حيبقى خشن . وده شكل السكر الي بستخدمو الكيس نص كيلو. وحنحتاج لكريم اوف تارتر وللجلوكز . وده شكل الكريم اوف تارتار وفي مصر لقيتو في كارفور وفي سبنيس والجلوز ده الي بيتباع في دول الخليج ده شكلو وهنا شكل الجلوكز الي في مصر اسمو (عسل الجلوكز) اشتريتو من محل مستلزمات الحلواني الي في العتبة اول شارع الجيش اسمه (محل الاتحاد) مواضيع ذات صلة |
11-28-2011, 04:19 PM | #2 |
|
رد: أضخم ملف لطريقة الأيسنج من مطبخ الشيف دلوعة(لطيفة)
طريقة عمل الايسنج وحنحط على الكريم اوف تارتار وعسل الجلوكز حوالي 1/2 كوب سكر بودرة و1/4 كوب من مقدار المية ونخفقهم بصو هنا يا جماعة المزيج لونو أصفر من تأثير عسل الجلوكز , نستمر في الخفق لحوال الثلاث دقايق وهنا بدأ اللون يبقى أبيض وناصح وجميل . وده شكل القوام دلوقتي يا جماعة الموضوع بس إضافة سكر وخفق . لكن بروضة حبيت أوثق المرحلة دي بالصورة , هنا ضفت شوية سكر من الكيلو الي عندي . ونسبة بسيطة من المية الي هي 3/4 كوب الي قلنا عليهم وبدأت أخفق لحظو هنا تقيل أضيف ماية وأستمر في الخفق وبروض رجعت ضفت سكر بودرة وخفقة وياجماعة الخفق ده والتدرج في المراحل بيدي خليط الأيسنج النعوم والتجانس الرائع للمكونات , زي ما حنشوف هنا في الخطوات هنا المزيج تقبل خلال ما انا بحط الماية والسكر بالتناوب . يا جماعة كده في المرحلة دي ممكن ازود سكر وأعجن بإيدي ويبقى عندي الفندان الي بنفردو ونشكل بيه . وضفت ماية ورجعت خفقت تاني . ده الي انا بقصدو يا فتوكات الخير . بصو القوام ازاي متماسك ناعم ومتجانس لاني تدرجت في اضافة الماء والسكر حنبدأ نختبر الأيسنج . طبعا اختكم في الله لطيفة ريحتكم ومقدار الماء ده بالظبط هو المطلوب لكيلو السكر البودة لكن بروض عيزاكم تعرفو ازاي انا وصلت للقوام المطلوب للأيسنج. هنا كنت بضيف أخر كمية ماية من المقادير بصو الخطوط وأنا بخفق بدأ تبان وبدا القوام الي انا عيازة يبقى ظاهر . رفعنا شريط الخفق كده لاحظة شكل الأيسنج وهو نازل من شريط الخفق زي الشريط العريض وبرضو وهو بينزل بتفضل الخطوط فترة طويلة على السطح قبل ما تندمج مع باقي الخليط, يعني لسه ما وصلتش للقوام . في الصورتين دول يا فتوكات بدأ اضفت سنه صغيرة من الماية بالمعلقة وأخفق وأرجع أختبر . هنا وصلت للقوام الي انا عيزاة لما رفعت شريط الخفق كان بنزل على شكل خيط وبندمج بسرعة مع الخليط الباقي. هنا المزيج جاهز وبعد ما نخلص نغطية بالنايلون علشان الوش ما ينشفش . يا جماعة مش شرط تعملي زي ما انا عملت ممكن بعد ما تعلمي خليط عسل الجلوكز والماية والكريم اوف تارتار و1/2 كوب السكر وتخفقية ترجعي تحطي كول السكر والماية وتفضل تخفقي فترة طويلة نسبياً لحد ما تحصلي على القوام ده . والمقادير مدروسة جدا وصحيحة بنسة 100% (يعني مالكيش حجة) |
11-28-2011, 04:20 PM | #3 |
|
رد: أضخم ملف لطريقة الأيسنج من مطبخ الشيف دلوعة(لطيفة)
تلوين الأيسنج وتجهزيه لإستخدام وصلنا لتلوين الأيسنج . يا جماعة ده شكل العلبة الي بستخدمها اسمها ماركة wilton والحلو فيها انها ألون محترفة جداً لو تلاحظو اللون الأسود والبيج متوفر وبرضو درجات من الاحمر ودرجات من البمبة والفوشيا ودرجات الأزرق . وفي مصر ما لقتش الأولان الي زي المعجون دي لقيت بس البودرة وجربتها حلوة بس مافيش درجات كتيرة ممكن تختاري منها وده شكل الألوان الي جوه لازم تكوني محدده انتي عايزة كم لون من الايسنج بعدين نحط في البولات الصغيرة كمية بسيطة من الأيسنج زي كده هنا كنت عاملة علم حبيبتي دولة الإمارات (أحمر وأخضر وأسود)وطبعا الأبيض هنا أول ما بدأت أخلط الألوان الألوان يا جماعة لازم تفضل فترة لحد ما تبقى واضحة وقوية لاحظوا هنا الأسود والأحمر لسه فاتح . هنا بدأ الأسود يبقى أغمق هنا بعد حوالي الربع ساعة الأحمر بقى قوي جدا جدا . لاحظوا يا حبايب قلبي اللون الأخضر الجميل وهنا اللون الأحمر من قريب عيزاكم تلاحظو شكل وقوام الأيسنج علشان نستخدم الأيسنج بكل سهولة ونظافة حنحتاج أكياس حلواني بلاستك بتاعة الاستخدام مرة واحدة وبلاستر حنلبس كوباية كيس الأيسنج علشان نبدأ متحكمين جدا جدا في تعبئة الكيس وهنا بكل بساطة حطينا اللون الأخضر في الكيس ونطلع الكيس من الكباية عادي جدا بصو الكيس نظيف ازاي ناخذ الطرف ونثنين ونقفلو بالطريقة . وبالبلاستر نقفلو كويس علشان الأيسنج ما يطلعش . وهنا شكل ألوان علم الامارت . وما ننساش الأبيض لانو مهم في كل حاجة . يعني نعمل الكيس الأبيض قبل ما نلون باجي الأيسنج وهنا كنت عاملة أحمر وبمبة ودرجتين أزرق يا جماعة لو عيزين درجتين من نفس اللون نحط على الايسنج الاول نقطة ونقلب وناخذ كمية وبعد كدة نزيد نقطتين او ثلاثة ونغمق وهكذا .دي أسهل طريقة للحصول على درجتين وممكن ثلاث لنفس اللون . والجماعة الي بسألو ازاي نرسم او نكتب بالايسنج بصو هنا صوره قريبة لشكل القمع ديق وسهل التحكم والرسم بية . |