 |
  |
|
|
|
|
#16 |
|
|
رد: رواية والله لا جيب راسك كآمله
((الجزء\البارت السادس عشر ...........))
منى مبرطمه :افففففففففف ام عماد :شفيك منى بنرفزه :طفشانه ام عماد :روحي لاختك سولفي معها منى بقهر :وهي فاضيه لي فاضيه حق حبيب قلبها نويف ام عماد :استحي على وجهك تقولين عن زوج اختك كذا منى بحزن :يمه دانه وراحت وهنادي بتروح وبعدين مين اجلس معه ام عماد :ايه قولي كذا من اول انتي زعلانه لانها بتروح منى :اكيد بزعل اختي وعشت معها واكلت وشربت وفجاءة بتروح وتتركني ام عماد :هذي سنة الحيا وان شاءالله بكره يجيك نصيبك وافتك منكم منى :ياسلام اول مره اشوف ام تبي الفكه من عيالها ام عماد :أي ابي لان الصراخه البنات هم ومانرتاح من همهم الا لما تروحون لازوجكم منى :يعني الحين احنا هم ام عماد تضمها :واحلى هم بعد بس حلم كل ام تسلم بنتها للي يستاهلها ويصونها عشان ترتاح دخلت هنادي :خلاص حبيبي اكلمك بعدين نايف :اكيد جمبك العله هنادي :هههههههه خرام عليك لاتقول عنخا كذا منى نطت :اكيد قاعد يحش فيني صح هنادي :لا مافي الاانتي منى :أي عارفته حاط دوبه ودوبي وكاني ماكله حلاله نايف :ول مو لسان عليها الله يعين الي بياخذها هنادي :ههههههههههههههههههههههه منى بقهر :ضحكتي بلا ضروس نايف :هي قولي لها لاتدعي عليك هنادي بدلع :منى يقولك نووفي لاتدعين على منى تكش عليها :وععععععع لايطيح حلقك بس "وتقلدها "نووفي قال ذا ينقال له عتريس عنتر قضنفر ويخب ولا نووفي واجد عليه نايف بقهر : وانتي جالسه تضحكين بدال مادافعين عني هذي الي يبيلها تكيفن هنادي :يلا حبيبي اذا طاوعتكم ماني خالصه نايف : ماودي بس كله من اختك هادمة اللذات ومفرقة الجماعات هنادي :هههههههههههههههه خلاص نايق والله بطني المني من الضحك نايف :سلامتك ياقلبي فيها ولافيك منى :خلاص اذونكم بطيح من كثر ماتكلمون بعض وووجع ماتملون نايف : قولي لها تقول لااله الا الله هنادي :طيب بس الحين بسكر نايف : قولي لها قبل هنادي :منو قولي ماشاءالله منى :مالت ماني حسدتكم هنادي :يلا باي نايف : ليه تبين تصرفيني لهدرجه صاير عله على قلبك هنادي بهمس :واحلى عله نايف :فديتك انا اخخخخخ بس ياليتني جنبك هنادي بدلع :ليه ياعمري نايف بقهر :الحين انتي ووجهك كلام الغزل وحبيبي مايطلع الا بالجوال اما ان صرت معك الكلام يطلع منك بالقطارة هنادي :يو نايف شسوي استحي نايف : يانبي نبه الي يستحون هنادي حمر وجهها : نايييييف نايف : قلبه وروحه هنادي :يسلمي قلبك وتيلم لي روحك نايف :طيب قلبي حاولي مع ابوك يخلينا نطلع هنادي : لا اسمحي لي مااحب افشل نفسي وانا عارفه الجواب نايف :اففففف الناس تطوروالحين صار عادي الخطيب يطلع مع خطيبته وابوك مازال بالعصر الحجري هنادي :احمد ربك انه يسمح لك تجي نايف :ايه والله صادقه يلا عمري اخليك الحين لان عارف ام اربع واربعين قاطه اذنها هنادي :ههههههههههههه يلا باي منى : لا كان ماسكرتي والله محد ربحان الا شركة الاتصالات وين مايربحون واشكالكم موجودين هنادي ترميها بالمخده :نشوف وش بتسوين لا جاى عريس الغفله منى :اااااه وينه بس ام عماد :منى ووجع استحي على وجهك منى بقهر :هذا الي تبينه ماغير طايحين فيني تشعيم وتهزيئ زوجك من جهه وامي من جهه هنادي :ههههههههههههههههههههههههه الليله مجتمعين عمام وعمات حمد وكنا جالسين ومبسوطين انتبهت لعبدالرحمن وهو يضرب بنت صغيره وياخذ اللعبه الي بيدها وقفت ورحت له ونزلت لمستواه :عبودي حبيبي عيب بابا تضربها عبدالرحمن ياشر على اللعبه :اقي ئئبه "حقي لعبه " دانه :لا مو حقتك خقت غاده عبدالرحمن :مابي اقي دانه : شوف حبيبي بكرة انا وانت نروح لمحل الالعاب ونشتري لعبه كبيرررره عبدالرحمن بفرح :بث انا ثح "بس انا صح " دانه :ثح يلا شاطر عطها لعبتها عطى عبدالحمن اللعبه للصغيرة بس بعدها بربع ساعه لما حطوا العشاء رجع لشطانته مره ثانيه صار يلعب بالشوربه قلت له كم مره عيب بس بالاخير نرفزني وبحده :عبدالرحمن عبدالرحمن خاف وترك الملعقه من ايده :.............. قمت له :مو قبت لك عيب ليه ماتسمع الكلام خلاص انت كسلان ماراح اشتري لك حاجه عبدالرحمن شغل صفارة الانذار وبدى يبكي : جاتني عمة حمد خديجه :تعال حبيبي مو اللوم عليها اللوم على ابوك الي مايوقفها عند حدها انصدمت من كلامها :ليه انا وش سويت عشان يوقفني عند حدي خديجه وهي لويه فمها :ايه وش نتوقع من مرت ابو دانه انقهرت منها وتوني برد بس جات سهام :الله يهداك ياعمتني ماله داعي هالكلام خديجه : وشلون ماله داعي ماتشوفينها كيف تصرخ عليه سهام :أي بس عبد الرحمن يستهل ماشفتيه كيف عفس الطاوله لنا ولو انا دانه ماقامت له كان انا قمت وبدال مااصرخ عليه كنت ضربته خديجه :انتي عادي عمته وتمونين لكن هي لا دانه :ليه والله على مااظن عبود يكون بمثابة ولدي خديجه بقهر :لا مو ولدك عبدالرحمن ولد بنتي انا مو انتي دانه استوعبت الحين ليه تصرفت معي :اسفه عمتي عارفه انه ولد بنتك ولاحد ينكر هالشئ ابد خديجه مشت عني وناظرتني بكره سهام :لا تاخذين بخاطرك دانه ببتسامه : لا عادي لا تحطين ببالك بعد العشاء جلسنا بالصاله ونسيت السالفه الي صارت ام عبدالرحمن :الا يابنتي مافي شئ بالطريق دانه :ها ام عبدالرحمن :اقصد مافي اخو ولا اخت لعبدالرحمن بالطريق دانه ارتبكت :لا يمه لحد الحين مافي ام عبدالرحمن :ايه الله كريم ان شاءالله دانه :ان شاءالله "وقمت "عن اذنكم طلعت من الصاله خفت حد يزيد بالتحقيق وانكشف انا مستحيل اجيب طفل الحين والاوضاع بيني وبين حمد متوترة مرة سمن ومرة علقم ماابي اظلم الي بيجي بينا واخاف بكره يمل مني ويرميني ويحرمني منه انا ماراح افكر اجيب الا من بعد مااتاكد من ناوايا حمد معي انتهت العزيمه على خير وكل راح لبيته صعدنا انا وحمد الجناح غيرنا ملابسنا ونمنا دانه :طيب معليش اروح بيت اهلي لحد ماترجع حمد وهو يسكر ازرار ثوبه :جلسي ببيتك احسن لك دانه :حمد الله يخليك انت بتسافر يومين خلني هناك والله اشتقت لجلستي معهم حمد :دانه انا قلت كلمه ماراح اعيدها دانه بحزن :طيب اخذ اغراضه وطلع هو قال لها انه بيسافر لكن الاخ كان يكذب عليها اليوم بيتزوج من بعد ماطلق رشا واخذ بدالها واحده ثانيه ومسيار بعد اسمها ريم شافها بالسوق وتعرف عليها وطبعا بعد ماعرف عن ظروفها وان اهلها بيرحبون به وماراح يرفضون انه ياخذها مسيار حمد:هلا عمري يلا انزلي انتظرك ريم :اوكي دقايق والا هي بالسياره ريم : وين راح نروح حبيبي حمد:بنروح البحرين ريم :اها حمد:قلبي انتي عارفه ظروفي ماتسمح لي اسافر اماكن بيعيده ريم بدلع : مايهم اهم حاجه اكون معك حمد يمسك ايدها ويبوسها :يسلم لي العقل ريم :هههههههههههه هنادي :والله اني اذاكر نايف : أي ذاكري ابوك مهدد يقول اذا مانجحتي مافي زواج هنادي :طيب نايف :دبدوبتي هنادي : هلا نايف بعشق :وحشتيني هنادي بحيا :وانت بعد..تدري احب تدلعني بدبوبتي نايف :يعني اقتنعتي هنادي :أي تدري ماكنت اتوقع ان اهلك بيقبلون فيني نايف :شوفي الصراحه هم بالبدايه عارضوا بسبب ان جسمك ريان يقولون اذا كذا قبل الزواج اجا بعده كيف بس انا ماسكت لهم قلت لهم ياانتي ولا ماراح اتزوج هنادي :طيب لو انك ماشفتني راح تصر بعد نايف :لا مااتوقع لاني بسمع كلامهم تدرين هذي مشكلة الاهل انهم مايعرفون احنا ايش نبغى بالظبط هنادي : مو بس انت كثير انا سمعت عن واحد اهله كانوا يدورون له وكل ماراحوا لبيت قالوا ماعجبتهم في يوم هو الي وصلهم لبيت واحده يشوفونها لما دخلوا طلع الابو له واصر عليه انه يدخل يشوفها الشوفه الشرعيه ولما شافها عجبته وطلع لما جاوا اهله سالهم ها بشروا قالوا له لا ماتصلح لك هو تفاجاء قال شلون قالوا ماتصلح وبس هو قال لهم انا شفتها الشوفه الشرعيه وعجبتني هم تفاجاؤ وهو قال لهم السالفه نايف :أي سمعتها هنادي :الحمدالله انك شفتني والا كان ماصرت من نصيبي نايف يقرب منها : وانا بعد :السلام عليكم هنادي بعدت عنه بسرعه :وعليكم السلام راكان :هلا بالنسيب اخبارك نايف :بخير وانت ركان :تمام وجلس يسولف ونايف كل شوي يشوف الساعه "وهذا متى بيتكرم ويعطيني مقفاه ..لا الاخ راعي طويله " نايف :الا غريبه ماطلعت مع ربعك راكان ويبي يرفع ظغطه :والله كنسلت طلعتي يوم دريت انك عندنا قلت النسيب يجي ولا نجلس معاه مايصير نايف "هذا والله النشبه ":لا ياخوك لا تعطل نفسك على حسابي روح وسع صدرك راكان :لا لا تخاف معاك بيتوسع ان شاءالله ..تصدق خلاص انا قررت بكنسل طالعاتي بيوم جيتك والله ان جلستك ماتنمل نايف يضحك غصب عنه :تسلم راكان "والله لا اهبل فيك ":الا نايف انت كل خميس هنا نايف يطالع هنادي يبيها تصرفه :ها أي كل خميس راكان :حلو اجل انتظرك كل خميس نايف "ياربي اخلص من اخته بالتلفون يجيني ذا بجلستي ":................ راكان شاف وجه نايف وكيف منقهر ماقدر يمسك نفسه :ههههههههههههههههههههههههههههه هه نايف استغرب :شفيه اخوك انهبل هنادي تهز كتوفها :مدري راكان :اخخخ يابطني لو تشوف وجهك يانايف نكته وربي ههههههههههههههه نايف استوعب مقلب راكان وقام يسوي نفسه بيخنقه :والله رفعت ضغطي يارجال قلت وش ذا العله راكان :هههههههههههههه وانت مخفه ينقص عليك نايف يضربه على راسه :المخفه انت واشكالك هنادي : راكان لا تقول له مخفه راكان : اكشخ اشتغل محامي الدفاع هنادي خجلت :........... نايف :بعدي والله هذا الحرمه السنعه راكان :ايه اكل بعقلها حلاوة نايف :اقول راكان راكان :هلا نايف : ماتقوم تلايط احسن لك ولنا راكان :قايم من غير ماتقول وتوه بيطلع :كان في احد يناديني نايف اخذ المخده ورمها :انقلع لا اقوم عليك راكان فلت منه :ههههههههههههههههههههههههههههه ههههههه نايف :اخوانك بيجبون اجلي هنادي :بسم الله عليك نايف قرب لها :اقول قلبي ليه مانقفل الباب هنادي :لا مااقدر ابوي منبهني نايف :طيب مااقدر اخذ راحتي واخوانك كل شوي ناطين لي اسالك هم سووا كذا مع حمد هنادي :لا نايف بقهر :اجل ليه معي يسون كذا هنادي :يمكن لانهم مااخذوا عليه بحكم سنه واحس اخوك واسمح لي يعني مغرور ومايعطي حد وجه نايف :اجل من اليوم ماراح اعطيهم وجه وبسوي زي حمد هنادي :ههههههههه لو ايش تسوي ماتقدر تتخلص منهم منى بصراخ :هنااااااااااااااادي نايف :لا انا ذابح نفسي ذابحها هنادي :ههههههههههه هد ترا ماتسوى الدنيا بلايك نايف بحب :ياقلبي انتي منى :هنااااااااااااااااااادي هنااااااااااااااااااادي نايف : قومي لها قبل لا اتهور وارتكب فيها جريمه هنادي تقوم :ههههههههههههههههههههههههههههه ههههههه دانه : والله بموت من القهر كل مااتخيله انه مع واحده غيري ريهام :الظاهر ذا فيه مرض الزواج دانه :شسوي ريهام انا ابيه لي والله اني اغلي من الغيره لمجرد تفكير انه معهم الحين ريهام :طيب انتي حاولي تنسينه اياهم دانه :كيف حمد من النوع الي في باله يسوي ومايهتم من احد ريهام :طيب انتي تحسينه يحبك دانه :شوفي هو بالليل احسه يموت فيني بس نصحى يصير شخص ثاني ريهام :والله مدري يادانه دانه بتنهيده :الله ياخذ الحب وسنين الحب ماوراه الا العذاب ريهام :يلا مادامك تحبينه تحملي |
|
|
#17 |
|
|
رد: رواية والله لا جيب راسك كآمله
((الجزء\ السابع عشر ...........))
كنت انا وسهام جالسين نتفرج على التلفزيون الا وحمد دخل علينا :السلام انا وسهام :وعليكم السلام قمت وسلمت عليه بالخد:الحمدالله على السلامه حمد يجلس :الله يسلمك سهام : الحمدالله على السلامه حمد حمد:الله يسلمك دانه :حمد احط لك عشا حمد :لا متعشي بروح ارتاح فوق وقام وقمت معه اخذت شنطته وطلعت الملابس الي يبيلهم غسيل والملابس النظيفه حطيتهم بالدولاب بس شميت ريحة عطر نسائي بالملابس الوصخه "يعني يضحك علي رايح لوحده منهم " دانه :حمد انت ماسافرت صح حمد رفع حاجبه :نعم دانه بقهر :انت تكذب ماسافرت انت رايح لوحده من زوجاتك صح فماله داعي تخبي علي حمد وقف بوجهي :مادامك عرفتي أي كنت مع واحده وجديده بعد فرش توني متزوجها "وعطاني كف من قوته طحت بالارض "ومره ثانيه كذبيني وتشوفين شئ مايسرك دانه تحسست مكان ضربتها ودموعي بدت تنزل :ليه ليه حمد :من غير ليه والله وشفت واحده ودخلت مزاجي اخليها بخاطري ليه تزوجتها دانه :وانا مو ماليه عينك حمد تفحصني من فوقي لتحتي :ممم نص ونص دانه "ذبحتني ذبحتني ":........................ . حمد :قومي جهزي لي الحمام دانه بقهر :روح لها خلها هي تجهزه لك حمد مسكني من شعري وبحده :نعممم عيدي ايش قلتي دانه المني وشفت عيونه كيف حمرا من الغضب :خلاص اسفه اسفه ماقلت شئ حمد رماني على الارض :خلصي وبلا كثرة حكي صدعتي راسي الله ياخذك دانه قمت ورحت الحمام وجهزته له وغيرت ملابسي وطلع ونمنا هو نام بس انا لا جلست ابكي قهر منه والي قهرني ازيد يوم قال :انتي بتجلسين تونين قومي فارقي عني خليني انام بعد الغدا جلسنا مع اهله وصرت مااجلس الا اذا شفت نايف او احد من اخوانه موجودين عشان اغطي وجهي لا يشوفونه بعد الكف المحترم الي اخذته منه نايف يجلس جنب حمد :طلبتك قول تم حمد من غير مايطالعه :خير اللهم اجعله خير نايف :بلا نذاله حمدو حمد:اطربني ششفيك نايف :قول لابوي يخلي الاهل يرحون البر مع نسايبنا اليوم حمد يلعب بحواجبه :اها الاخ مواعد الليله نايف :حمد تكفى انت مايرد لك طلب ياخي ابي اخذ راحتي معها كل شوي وواحد من اخوانها ناط لي حمد :يلا فرصه نغير جو نايف :يعني اعتبر الموافقه بجيبك حمد:اكيد نايف :باي بروح ابشر المدام حمد بضحكه :اركد اركد شفيك مطيور دانه اشر لي الحقه لجناحنا وقمت وراه حمد :ماقلتي لي ان اهلك بيروحون البر اليوم دانه :طيب عادي هم متعودين يروحون حمد:اقصد انتي ماودك تروحين دانه بعدم مباله :عادي حمد:طيب جهزي بنروح معهم اليوم دانه فرحت صار لي اسبوعين ماشفتهم :صدق حمد:ايه يلا جهزي دانه مدري حسيته يعتذر لي بالطريقه هاذي :اوكي رحت لغرفة التبديل وبعدين رجعت وطليت براسي :حمد حمد :هلا دانه :شكرا حمد اكتفى ببتسامه بالبر اجتمعنا الحريم بجهه والرجال بجهه وهم ماقصرو تحجيز بالسيارات علينا ماستفدنا شئ يوم قلنا لهم مانبي خيام عشان نجلس نتفرج على كيفنا من غير حواجز حطوا السيارات بدالهم هنادي :اصبر شوي على الاقل نايف :هنادي خلصي قومي يلا اخوانك مشغولين بالفحم هذي فرصتنا قومي هنادي :طيب منى :وين وين تعالي هنا نايف بقهر :ذابحها ذابحها اليوم هنادي :بروح اتمشى مع نايف منى :قعدي مكانك ماعندنا بنات يروحون مع رجال لحالهم نايف :هنادي اختك ناويه على عمرها صح هنادي : لحظه حبيبي منى :هي هي انتي ايش حبيبي توني صغيرة تسمعيني هالكلام تبين تخربين اخلاقي نايف :ايه صغيره طل والله كانها جدتي قاعده لي على واحده ونص هنادي بصوت هامس :طيب حبيبي اصرفها واجيك طيب نايف :تصرفينها والله ذي داهيه ماتتصرف هنادي :يلا اذا صرفتها عطيتك دقه باي منى :يابنت ثقلي لاتصيرين مطيوره هنادي :افففف منى والله الرجال بيطفش بسببك منى تلعب بحواجبها :وهذا المطلوب هنادي :ووجعع منى :لا تخافين عديم احساس دبشه لاصق فيك تقولين ماشاف خير هنادي تضربها بكوعها :ووجع قصري حسك لايسمعونك اهله دانه كنت اتفرج على هنادي كيف تسولف وتضحك مع نايف فرحت لها انه مو مثل حمد شكله يحبها الله يوفقكم ان شاءالله نايف :يالله أي الحين الواحد ياخذ راحته بالكلام مو كل شوي واحد من اخوانك مرتز بوجهي هنادي :ههههههه هذا جزاهم يحبونك نايف :لا لا شكرا مابي حبهم انا ماابي الا حبك انتي يابعد سبدي انتي هنادي :هههههههههههه مايلوق نايف :لا اجل انتي الي يلوق حمدي ربك جالس اتغزل فيك بس هنادي :حمدته وشكرته انه خلاك من نصيبي نايف :وانا بعد هنوده هنادي :ها نايف :هوايتي قولي نعم هلا ابد مافيك رومانسيه هنادي ببتسامه ذوبتها :لبيه احسن نايف :لبيتي بمنى ان شاءالله أي هذا الكلام الاوكي هنادي :ممممممم تخيل يطيح مطر يطلع الجو خطيرر نايف :اليوم العصر رشرشت بس وقف بسرعه :وين يكمل ولا ينزل مطر وهالاشكال موجوده نايف ماسك نفسه:يالله الصبر انتي من مسلطك علي ها مين منى عطته طاف :هنيد قومي نايف :اسمها هنادي لو سمحتي منى :اتكل بس شتبي اخت واختها وش مدخلك ها نايف :زوجتي بعد منى :خلصي قومي تقولك امي لاينتبه ابوي عليك هنادي :طيب روحي انتي وبجي وراك منى بلعانه :لا امي قالت ماتجين الا واختك معك يلا قومي نايف بصوت هامس :ذي شكلها مو فاكتنا الا لما تعرس من بكرا بنشر بالجرايد مطلوب زوج وبسرعه منى :ولو سمحت حط معه اني ابيه يتعذب فيني نايف :وجع مو اذان رادرات منى :يوجعك قول ماشاءالله نايف :الحين انتي ليه ماتروحين لحمد ودانه ها منى :اخوك ذا الصراحه مابلعته احسه ثقيل طينه هنادي :منى عيب مهما كان زوج اختك منى :انتي قلتيها زوجها مو زوجي عشان تقولين لي عيب نايف :ولل يعني حتى حمد مو سالم من لسانك منى :اسمع مو تسوي زيه اذا خذت هنادي وماتخليها تجي عندنا كفايه اخوك حارمنا من دانه نايف :اوكي بس بشرط منى :الي هو نايف :ماتخربين جلستي مع هنادي ولا اشوفك قاطه وجههك منى :هي هاي عشم ابليس بالجنه وانا ايش ضمني انك بتنفذ كلامك يلا هنادي قومي لا اصرخ واخلي ابوي ينتبه نايف :اخخخ لوانك مو اختها كان انا بخير منى تمسك هنادي من ايدها :احلم جالسه على قلبك تشاو نايف يجلس جنب حمد:ها روميو شفيك جيت نايف بقهر :اسكت واصله حدي حمد :ليه شصاير نايف :ياخي هامنى غثا ماتفك ابد اخلص من اخوانها تجي هي حمد :اختهم الصغيره نايف :ايه خلاص نويت اعرسها وافتك ناشبه لي حمد:هههههههههههههه نايف :لا انا بصير مثلك ثقيل طينه على قولتها يمكن تفك مني حمد كشر بوجهه:مين انا نايف :ايه عطني وصفتك بس راعبهم ومايقربون منك ابد حمد تضايق من الكلام بس مابين :لا تعطيهم وجهه ويتكلون نايف ياشر :شوف شكل خالاتهم وصلو حمد يشوف مكان الي ماشر عليه نايف :اها جاوا خالاتي وخوالي من زمان ماشفتهم اشتقت للجلسه معه سلمنا وسولفنا وانبسطنا حمد:الا ياعادل مو ناوي تتزوج عادل بحزن :الله ماكتب حمد:ليه ياخوك قول لاهلك يدورون لك احسن لك من العزوبيه عادل :أي ان شاءالله عماد:حمد الله يهداك جالس تعزم عليه وانا جنبك ولا تقول لي حمد:ها نويت عماد:أي والله خواتي وعرسوا ومابقى الا المصرقعه والصراحه فاقدالامل منها ليه انتظر بعد حمد:طيب حاط ببالك احد عماد:لا والله بس بخلي الوالده ودانه يدورون لي حمد انتبه لعادل تغير وجهه يوم جات سيرة دانه :أي عاد غلاي ام الذوق عماد :اكيد ذوقها انا مطمن منه حمد يناظر عادل :بس شوف تتعبها من غير ثمن لا انا ماارضها لزوجتي عماد :الله يالمصالح اخوها انا حمد :واخوها مو كفايه بتشغلها عني انا مااقدر على فراقها دقيقه عماد :أي واضح حتى لا جبتها عندنا ساعه وجاي ركض لها كانها بطير حمد ويقصد عادل بالكلام :اكيد طاير والا حد يحصل له دانه ومايطير ابها اصلا مجنون الي يفرط فيها لو على قص رقبتي ماتركتها عماد يصفر :ايوا على العاشق مقدر نايف :والله ان خواتك ساحرينا فيهم حاجه تعلق الواحد فيهم بندر :اكيد دامهم خوات بندر حمد :لو انه تشبهك عفتها انت شفت خشتك بندر بغرور :ايه شفتها تحصلك بس حمد طلع جواله :اروح اتمشى مع زوجتي "وشدد على الكلمه "ابرك لي اشتقت لها دانه :هلا حمد :هلافيك قلبي انتي دانه استغربت منه شفيه :اهلين حمد :قلبي تعالي نتمشى اشتقت لك دانه لا شكله شارب :طيب حمد :يلا حبيبي انتظرك سكرت منه وقمت له وشفته جاي لي وحط ايده على كتفي وصرنا نمشي انحرجت لانه قدام اهلي حمد :ها مبسوطه دانه :الحمدالله حمد :اخ عيني شكله دخل فيها رمل دانه تمسك وجهه :اشوف حمد لما شفته مانزل عيونه عنا قلت والله لاحرق قلبه :شوفي دانه وانا اطالع عينه :مافي شئ حمد بست جبينها :لا شكلها طلعت دانه :ايش حمد :مدري يمكن شعره او رمل المهم خلينا ننبسط بهالجو الحلو دانه بتنهيده :طيب فهمت قصده لما شفت عادل يطالعنا بغيض يعني كل الي سواه مو لسواد عيوني بس عشان يغيضه لا يكون يظن اني احبه يعني عادل الي يقصد بحبيب القلب معقوله حمد يغار حمد مسكت ايدها وارتجفت :قلبي بردانه دانه :ها لا حمد:ليه ترجفين طيب دانه بحزن :ولاشئ حمد :سمعيني اذا كنتي تبين حياتنا تمشي من غير مشاكل حاولي قد ماتقدرين انك تتجنبين تعصيبي طيب دانه "ياليت اقدر ":طيب حمد :دانه تحبيني دانه "واموت فيك بس ان مو حاس فيني ":............ حمد بصوت حنون ذوبني وسيحني :قلبي تحبيني دانه:ايه حمد :ايه ايش دانه بخجل :الي قلت حمد :الي قلت ايش دانه :يو حمد ايه احبك حمد :ياقلبي انتي جلسنا بالارض وحسيت بالبرد حمد :بردانه دانه :شوي حمد قومني وجلسني بين رجوله وحضني صار ظهري بصدره وطوقني بيديه :الحين تدفين دانه "ياه ياحمد لو تعرف قد ايش احب اكون بحضنك واحس بدفاه "......... حمد :ها دفيتي دانه :ايه حمد :شرايك نتعشى هنا لحالنا دانه "فهمت قصده مايبيني احتك بخالتي ولا بناتها بس ماهمني اهم حاجه اتمتع بحضنه ":الي يريحك حمد :اوكي بدق على نايف عشان يجيبه لنا بندر :هي يالاخو ارحمنا اشوي وبتطلع نيران من مناخيرك نايف :اقول اسكت لا طلع حرتي فيك عماد وبندر :ههههههههههههههههههههههه نايف :ايه ضحكوا يارب اشوف فيكم يوم بندر :ادع لين تشبع ماعندنا بنات يتمشون مع خطيبهم اذا راحت بيتك تمشى معها على كيفك عماد :ههههههههههههههههههههههههههههه هههههه نايف :ضحكت من سرك بلا |
|
|
#18 |
|
|
رد: رواية والله لا جيب راسك كآمله
((الجزء\البارت الثامن عشر ..........))
احمد:حمد دبرني حمد:يعني شتبغني اسوي انت عارف اهلك احمد:اعذرني بس اختك ماابيها حمد:اسمع اخذها واخذ الي تبيها ومحد يقدر يقول لك شئ بعدين احمد:ماابي اظلم اختك معي حمد:من ناحية الظلم انت ظلمتها من يوم ماملكت عليها ومالك مفر الا انك تتمم زواجك احمد:بس قلبي تعلق بغيرها حمد:انت غبي كم اقولك اترك عنك الحب وهالخرابيط ماتسمع احمد:حمد ماني فاضي لفلسفتك حمد:طيب مين هي سعيدة الحظ احمد:مالك خص اذا تم الموضوع قلت لك حمد:خايف القطها احمد:ههاهاها ضحكتني حمد:اسمع مالك الا هالحل الي قلت لك احمد: وان رفضوا اهلها او هي حمد:اتركهم هم الخسرانين احمد:توكل زين اتركهم انا ماصدقت لقيتها حمد:الا وين شفتها لايكون من هالصايعات احمد:احترم نفسك كل شئ ولا زوجة المستقبل حمد:وانت ضامن احمد:ان شاءالله تكون لي حمد:طيب وين شفتها احمد:ببيت انسباكم حمد:لايكون مرتي او مرت نايف احمد:لا تطمن مو من بناتهم حمد:شلون شايفها ببيتهم ومو بنتهم كيف تصير احمد:تذكر يو كنا ندخل العشاء في يوم ملكة اخوك حمد:ايه احمد:انتوا طلعتوا وانا كنت اغسل ايديني هي دخلت على وماانتبهت على وجلست تكلم اخوها وعجبتني حمد:مم حلوة احمد:كل تبن حمد:هههههههههههه طيب من بنته احمد:بنت طلال ال... حمد:لايكون صاحبة مرتي احمد:مدري حمد :اسمها ريهام احمد:ايه حمد:اجل هي صاحبة مرتي احمد:انا مايهمني يهمني انها تكون مرتي باقراب وقت حمد بتكبر :تطمن بتقدر تاخذها ومسيار لو تبي بعد احمد :وليه هالثقة حمد:لانهم ناس على قدهم والي سمعته من دانه ان كثير تقدموا لها ويردونها ليه مدري فاتوقع اهلها بيتمسكون فيك بيديهم ورجولهم حتى لو متزوج عشر احمد:تظن كذا حمد:متاكد واذا تبي من بكرة نروح نخطبها لك احمد:ياليت بس ابوي ماراح يوافق حمد:وليه تعلم ابوك انت اخذها مسيار وماراح تحتاج توديه معك احمد:لامن قال اني مقتنع اصلا بهالزواج انا ماعاعترف الا بالزواج العلني الي يكون للزوج والزوجه حقوقهم الكامله ويحافظ على احترام ومكانه المرة حمد:بس تكلم فيلسوف زمانه الزبده تبيها رحنا بكرة وانت كيفك مسيار مو مسيار انت حر احمد:أي ابيها بس اختك حمد:اختي طيبه وماراح تقول شئ اهم حاجه تعطيها حقوقها وبس وماتقدر تقول شئ لان الشرع حلل اربع احمد :شورك وهداية الله منى :عطيني جوالك بكلم غادة هنادي:اخاف نايف يدق منى :واذا دق هنادي:ابي اكلمه منى تسحب الجوال :لاحقه عليه ول اربع وعشرين ساعه ماتملون ابد خلو شوي لبعد العرس هنادي :وجع قولي ماشاءالله منى تروح عنها :مو قايله راحت لغرفتها وتوها بدق الا رن الجوال :لو اني طاريه المليون كان احسن نايف :هلا وغلا بقلبي انا منى :....................... نايف :قلبي ليه ماتردين منى :افففف شتبي داق نايف استغرب :منين طلعتي انتي منى :من تحت الارض نايف : مااستغرب هالشئ منى :وجع اخلص سكر بكلم صديقتي نايف :نعم نعم عيدي ماسمعت منى :اوفف ثقيل طينه وماتسمع بعد مااقول الا الله يعين اختي بس نايف :يارب الصبر منى :اخلص سكر ولا بسكر نايف :ووجع عطيني اختك منى :كلمها بعدين ياخي اثقل شوي خلها تشتاق مو كل دقيقه داق والله محد ربحان الا شركة الاتصالات نايف : ليه منى :من المخفات الي مثلك نايف : شكلي بطلع من الجوال واكوفنك منى :ههايييييي سواها اذا فيك خير يلا بكثرة حكي وسكرت ورجع دق مرة ثانيه وعطته مشغول دقت على صاحبتها وسولفت معها لحد ماخلصت ورجعهت الجوال منى :ترا قيسك داق هنادي : متى منى :على طول يوم اخذته هنادي :ليه ماجبتيه اكلمه منى :ههههههههههه طفشته وسكرت السماعه بوجهه وكلمت صحبتي هنادي :ليه ياحماره اكيد الحين زعل منى :يزعل في الطقاق هنادي : الي يطقك وخري خليني اكلمه دقت عليه بعد الرنه الثالثه رفع هنادي : هلا حبيبي نايف بزعل :هلا هنادي : قلب هنادي زعلان نايف : وين ماازعل واختك منقصه علي حياتي هنادي بدلع : خلاص حبيبي مابقى شئ واكون عندك وبتشبع مني ومن غير عواذل بعد نايف :اااه متى هنادي : قريب كلها اسبوعين نايف :قلبي هنادي : هلا نايف : لاعاد تعطين اختك الجوال عناد فيها بس عشان تعرف تسكر السماعه بوجهي هنادي : ولا يهمك من غير ماتقول راح احمد وحمد لاهل ريهام واطلبوها وقالوا لهم انه مملك على بنت عمه بس هي ماتجيب عيال عشان كذا بيتزوج عليها وطبعا هالكذبه من اختراع حمد وهم قالوا لهم بيردون عليهم بعد مايشوفون راي البنت هنادي : دانه دانه : هلا حبيبتي شفيك تبكين هنادي : دانه ماابي اتزوج خلاص دانه انفجعت :ليه ياعمري نايف مزعلك صاير شئ هنادي تشاهق :لا بس خلاص مابي دانه :ليه طيب هنادي :ماكنت اظن ان الزواج كذا دانه مافهمت :كيف يعني هنادي :انتي عارفه ايش اقصد دانه : والله ماعرفت هنادي :انتي امي كلمتك يوم قرب زواجك دانه "اها الحين فهمت ياحليلك ياهنادي ":اي هنادي :عشان كذا خلاص ماابي اتزوج دانه :هههههههههههههههههههههه هنادي :ليه تضحكين دانه :عليك والله لو يسمعك نايف يجي ويشلك من غير عرس ولا شئ هنادي :يمه لا ماابي دانه :سمعي ياقلبي هذا شئ طبيعي يصير بين الزوج وزجته فما له داعي هالخوف هنادي :لا ماابي دانه :سمعيني انت الحين تعوذي من ابليس واقري لك قران ونامي اذا جا بكره مريتك واي حاجه تبين تعرفينه سالي طيب هنادي : لا ماابي اسال عن حاجه كل الي ابيه يتكنسل الزواج دانه "ياقلبي عليك ياهنوده هههه":طيب بكره نتفاهم هنادي :لا تتاخرين دانه : ان شاءالله يلا باي اليوم عرس هنادي ونايف وهنادي ماوقفت بكي والكوفيره عصبت عليها لانه كل ماظبطت الميك اب خربته في الاخير هدت وخلصت منها كانت طالعه جنان بالفستان الابيض النافش وداخل عليه اللون الذهبي ومسويه شعرها شنيون طالعه خيال والله ان نايف بيتخبل عليها اما انا فكنت لابسه فستان لونه تفاحي علاق وفتحة الصدر على شكل سبعه ومليان كريستال اما التنورة كانت على شكل لف مع ذيل طويل اما شعري سويته باف ومرول دانه :يلا قلبي بنزفك الحين هنادي شوي وبتصيح :دانه ماابي دانه :سمي بالله ويلا قومي زفينها على ابيات من الشعر نايف مسويها لها وبعدها زفينا نايف دخل وسلم عليها وجب جبينها وهنادي ياقلبي شوي وبيغمى عليها من كثر ماترجف كسرت خاطري لما قالوا لها يلا بتمشي صارت تتلفت على وعلى امي والدموع تجمعت بعيونها دخلوا جناح العروس وساعدنها بلبس العبايه وبالموت طلعت وركبت السيارة وصلوا الجناح نايف يجلس جنبها :مبروك ياحياتي هنادي :.................. نايف مسك ايدها :قلبي ليش ساكته وليه يدك بارده كذا هنادي طول الوقت منزله راسها :...................... نايف رفع وجهها وانصدم يوم شافها تصيح :هنادي عمري شفيك هنادي :...................... نايف :فيك شئ يالمك هنادي :......................... نايف :تكلمي خوفتيني عليك هنادي :ابي اروح البيت نايف بخوف :ليه هنادي :ابي امي نايف عرف انه خايفه :ويهون عليك تروحين وتخليني لحالي هنادي :.................... نايف قرب منها يبي يحضنها بس هي قامت على طول :الله يخليك لاتقرب نايف :ليه هالخوف ياعمري انا زوجك لا تخافين هنادي :........... نايف بتفهم :طيب حبيبتي دخلي غيري عشان نتعشى ونتفاهم هنادي : ماابي عشا ابي انام نايف :طيب غيري وننام هنادي : لا ماابيك تنام معي ابي انام بروحي نايف بتفهم وحنان :طيب ياقلبي مايصير خاطرك الا طيب روحي غيري الحين هنادي بخوف : وانت نايف ببتسامه : انا بغير وبنام بالصاله هنادي هدت شوي :طيب دخلت وغيرت وطبعا قفلت الباب ونامت من التعب اما المسكين تم يتقلب لحد ماغلبه النوم صحت على الساعة 1 تروشت وصلت ولبست لها فستان وردي قصير لنص الساق لف طالع جنان على جسمها وحطت ميك اب ناعم وستشورت شعرها وخلته مفتوح وبعد تردد طلعت لقته مازال نايم احتارت تصحيه ولا بعدين راحت له هنادي :نايف نايف :................... هنادي "افف لايكون نومه ثقيل ":نايف قوم صل الظهر نايف فتح عيونه :هلا صباح الخير هنادي :قول مساء الخير نايف يقوم :كم الساعه هنادي :ثنتين الظهر نايف :اوفف راحت علينا نومه وتوه بيتوجه للغرفه انتبه لها "ياربي هالبنت بتذبحني بجمالها ":الله الله وش هالزين ذا كله لي هنادي خجلت منه :من ذوقك نايف قرب منها :ماقلتي لي هنادي :انت ناسي انه بنروح لاهلي بعدين اهلك نايف كشر :طيب جاملي قولي انك كاشخه على شاني هنادي توترت :نايف روح صل قبل لاتفوتك صلاة الظهر نايف بضيق :ان شاءالله دخل تروش وصلى الظهر بعدين طلع وطلبوا لهم الغدا وبعدها لبسوا وطلعوا ام عماد تضمها :هلا وغلا هنادي :هلا فيك ام عماد :شلونك يمه هنادي :بخير الا وين منى منى راحت ضمتها :هنا يادوبه رحتي وتركتيني لحالي هنادي :هلا قلبي كيفك منى بزعل :مو تمام هنادي :ليه منى :ياسلام شلون اكون بخير وانتي ودانه تزوجتوا وتركتوني هنادي :معليش ياقلبي بكره تعرسين وتنسينا منى بصوت واطي :متى بس هنادي :ههههههههههههههههه يمه ام عماد :هلا هنادي :قومي المجلس نايف يبي يسلم عليك ام عماد :طيب نايف يقوم :هلا عمتي ام عماد :هلا فيك نايف :شلونك عساك بخير ام عماد :بخير جعل ربي يسلمك انت شلونك وشلون هنادي معك نايف :الحمدالله عال العال ام عماد : دوم ان شاءالله بعد فترة سلموا عليهم واطلعوا وصلوا فيلاتهم ودخلوا وسلموا دانه :قومي معي ابيك هنادي :يلا توجهوا لجناح دانه وجلسوا دانه :طمنيني اكيد صرعتي الرجال بصياحك هنادي :ههههههه شلون عرفتي دانه :ايه كنت متاكده بس هنادي :بس ايش دانه بتردد:يعني امم اقصد دخل عليك هنادي :لا دانه :شلون هنادي :بعد شلون نمت انا بالغرفه وهو بالصاله دانه :هههههههههههههه مو صاحيه وشلون رضى هنادي :مدري بس اكيد كسرت خاطره دانه :وانا اشوفه يناظرك بغيض هنادي :هههههههههههههه كيفه يبي يتزوج يتحمل دانه :اي ياشاطرة لاتظنين هالوضع بيطول هنادي :مو على كيفه انا مابي دانه :هاهاي اتحدى وقولي دانه ماقالت هنادي :طيب دانه انت ايش سويتي دانه "ايش تبيني اقولك تبيني اقولك انضربت وجاني من غير رضاي ":ابد قريت لي الادعيه والقران والحمدالله عدى الموضوع على خير هنادي بعد تفكير :ولو انا قلت له يكنسل الزواج ماسمع وجلس يضحك على خليه يتحمل اندق باب الجناح :مين نايف :انا نايف هنادي عندك دانه :ايه هنا نايف :خليها تجي عشان تشوف جناحها دانه :طيب قامت هنادي وراحت معه وفرجها على جناحهم المكون من غرفتين نوم وصاله وحمام نايف :عجبك هنادي :اي حلو "ارتبكت من قربه منها "يلا ننزل تحت نايف مسكها من خصرها :وين ياقلبي هنادي بخوف :نايف اتركني نايف يحضنها :لا مستحيل اترك انا ماصدقت القاك اترك هنادي بدت الدموع تتجمع :نايف نايف بحنان :عيون وروح نايف هنادي :اتركني نايف يشيلها :قلت لك مستحيل اتركك .............................. ........... |
|
|
#19 |
|
|
رد: رواية والله لا جيب راسك كآمله
((الجزء\البارت التاسع عشر ................))
نايف يجلس :خيييييييييير انا ابي اعرف مين مسلطك علي منى :شوف انا فكرت فيها وعرفت شوف انت وش مسوي بدنيتك قام ربي سلطني عليك كعقاب والحين بلا كثره حكي وعطني اختي نايف يطالع هنادي الي نايمه بحضنه وابتسام :هنادي مو فاضيه لك منى بغيض :اقول لاتالف من عندك وعطني اختي اخلص نايف : ماني معطيك اياها وضفي وجهك انتي ماتستحين عارفه انا عرسان ليه تزعجينا منى :مزززززززززززززاج نايف :مزاج ها منى :ايه سكر الجوال وقفله وانتبهت هنادي وحمر وجهها لنها بحضنه :مين نايف يبتسم لها :ناس مزعجين ماعليك منهم هنادي بتقوم وسحبها :وين هنادي بخجل :نايف نايف :اااااااااااه ياقلبي مااقدر اذوب انا هنادي :وخر بروح اتروش والبس امي تقول بيجون حريم نايف :اففف وش يبون مو قلت لك نسافر عشان نكون لحالنا هنادي :شلون نسافر وانا وراي تسجيل نايف بقهر :اففففففف هنادي :لبكره ودخلت الحمام وتروشت وطلعت لغرفه الملابس مر شهر عليهم وبهالشهر احمد ملك على ريهام وهي ماكانت عارفه انه متزوج من اسماء بعد ماملكو عرفت وحزنت انها انحطت بالموقف هذا بس ارتحت من بعد ماجلست مع احمد وبين لها سبب زواجه منها مع انها مازالت تحس بالذنب وتحس انها خانت صحبتها بس خلا ص ماتقدر تسوي شئ الحين على الغدا هنادي :اففف وش ذي الريحه نايف :اي ريحه ريحة الاكل هنادي :افف اللهم عز النعمه بس ريحة السمك اعوذ بالله نايف :ههههههههه الي يشوفك يقول اول مرة تشمين السمك هنادي قامت للحمام بسرعه ونايف خاف عليها وراح بسرعه لها نايف :قلبي وش فيك هنادي :مدري احس بدوخه وكبدي تقلب نايف بخوف :لبسي عبايتك خلينا نروح المستشفى هنادي :ماله داعي نايف :وشلون ماله داعي شوفي وجهك كيف قالب اصفر يلا بسرعه لبسي طلعو وراحوا المستشفى وبعد التحاليل نايف :مبروك ياقلبي هنادي بحيا :الله يبارك فيك نايف بفرحه :وياااااااااي ماني مصدق بصير ابو هنادي : وانا بعد ماني مصدقه نايف يحط ايده على بطنها :ااه ياقلب مافيني صبر ابي اشوفه ابي اشيله هنادي :ههههههههههه تو الناس نايف :ههههههههههههههههههههه مستجل شسوي هنادي :امم تبيه ولد ولا بنت نايف :الي يجي من الله حياه الله اهم حاجه الصحه وكمال الخلقه هنادي :صح انتشر خبر حمال هنادي والكل بارك لهم وافرحوا لهم وبدت النظار تتوجه لي لاني للان ماحملت وبدوا يسالون وقالوا لحمد يوديني عشان يعرفون ايش سبب التاخير بس الي استغرابته حمد مااهتم من الموضوع ابد وكانه نفسه مايبي اطفال بينا سكت ولا قلت حاجه بعد يومين حمد :دانه دانه :هلا حمد :وش فيك دانه : ولا شئ حمد:شلون ولاشئ انتي زعلانه عشان موضوع الحمل دانه :لا مو زعلانه حمد قرب مني :اكيد دانه :اكيد حمد فجاة صار يدغدغ فيني :متاكده دانه :ههههههههههههههههههههههه حمد هههههههههههههههههههههههههه خلاص ههههههههههههه حمد:خليني اتاكد انك مو زعلانه دانه :هههههههههههههههههههههه مو زعلانه ههههههههههههههههههههههههههه حمد:ههههههههههههه ياقلبي على هالضحكه دانه احاول ابعد يدينه :هههههههههههه خلاص حمد هههههههههههههههههههه وفجاة طاح مني الي ماابيه يشوفه حمد نزل واخذه وصار يناظر فيه وبدت علامات الغضب تبان :ايش هذا دانه "ياويلي شقوله الحين ":.............. حمد بصرخه :ايش ذا دانه بارتباك وخوف :ه هذا ااا حمد والشرار يطلع من عيونه :تاخذين موانع ولا من غير شوراي "ومسك ذراعي بقسوة "ايش قصدك من هالحركه ها دانه اتالمت من مسكته :اييييييييي حمد اتركني حمد:اتركك ها ورماني على الارض وصار يضرب فيني :من بشواره تاخذينهم ها من تكونين عشان تفكرين تاخذين الموانع ها دانه وانا اتالم :ااااااااااه حمد حمد :اذبحك قولي اذبحك ليه تاخذينهم ليه يعني ماتبين عيال مني "ومازال يضرب "مو على كيفك عيالي وبتحملين فيهم سامعه دانه :حمد افهمني حمد:ماابي افهم شئ "وسحبني من الارض وصرت مقابله لوجهه "مو انتي الي تقررين سامعه مو انتي ورماني على السرير :حمد الله يخليك افهمني حمد يفك ازرار ثوبه :ولا كلمه ووريني الحين كيف بتاخذينهم .............................. ........ مر اسبوع ومانزلت ولا طلعت من جناحي عشان مايشوفون اثار الضرب وهالاسبوع مر ببطئ حمد وراني الويل فيه صار مايكلمني حسسني اني رخيصه حسسني اني بنت ليل حده يشبع رغبته مو حبا فيني ولا حبا بالاطفال بس عناد فيني يبيني احمل وبسرعه مدري ايش يفكر فيه ومو راضي يسمع مني عشان افهمه ليه انا رافضه الاطفال ريهام :السلام احمد يوقف :هلا وعليكم السلام كيفك ريهام ريهام :الحمدالله وانت احمد :تمام دامني شفتك ريهام بحيا :دوم ان شاءالله احمد يجلسها جنبه :ها ايش اخبار التجهيزات ريهام :تمام احمد:وحتى لو ماخلصتي خلصيهم وانتي عندي ريهام :ليه مستعجل احمد:صبرت كثير ويوم لقيتك مليت الصبر انا ابيك ابيك قربي ريهام خجلت :.............. احمد:ياقلبي عليك انتي ريهام : واسماء احمد: وش فيها ريهام :يعني احمد : اها بكره زواجي منها وبعد اسبوعين انتي ريهام :بس انا ماابي اعيش معها بنفس البيت احمد : ولا انا هي بتعيش مع اهلي وانتي ببيت لحالك ريهام :صدق احمد :اي صدق مبسوطه ريهام :كثييييير احمد :دوم ياربي هنادي :نايف قووووووم نايف :ياقلبي نامي وراي دوام هنادي :قوم لاتنام اجلس معي نايف :حبيبتي خليني انام شوي بس واصحى هنادي :ماابي قوم نايف يجلس وعيونه كلها نوم :ها هذاني جلست هنادي :سولف نايف نام وهو جالس :.......... هنادي :ناييييييييييف نايف :هاها شفيك هنادي :اوووف زهقت انت نايم ودانه اخوك مستولي عليها من اجلس معه يعني نايف يتثاوب :ياعمري نامي هالوقت الكل نايم هنادي :بس انا مافيني نوم نايف :اكيد مافيك طول النهار نايمه وتاركتني لحالي واذا جا الليل وقت نومي صحيتي هنادي :اوووف مو مني من ولدك بعد نايف :هنادي قلبي والله صرت اخذ لي كم تهزيئه بالشغل بسبب تسهيرك لي صرت انام وانا على مكتبي هنادي :خذ لك اجازه نايف :مقدر الحين هنادي :مالي دخل انا زهقانه وابيك تسولف لي نايف صحصح شوي :طيب بروح اغسل وجهي وبجي قام ودخل للحمام وغسل وجهه وبعدها رجع وكان متوقع الي بيشوفه ان هنادي راحت بسابع نومه هذا حالها من حملت تصحيه من النوم الساعه ثلاث الفجر وتجلس تزن على راسه لحد مايصحى واذا صحى نامت وتركته باس جبينها وانسدح جنبها ونام هو بعد بعد مرور شهر وبعد صلاة المغرب جاني حمد وقال لي اجهز عشان نروح للمستشفى تجهزت ورحنا وبعد التحاليل حمد :بشري دكتورة الدكتورة : والله مافيش حمل دلوقتي وسبب التاخير الموانع الي اخدتهم المدام وان شاءالله بعد العلاج هيحصل حمل حمد يطالعني بغيض :وطيب كم ياخذ من الوقت الدكتورة :شهر او شهرين بالكتير حمد اخذ وصفة العلاج وطلعنا اليوم زواج اسماء من احمد مر اليوم بسلام بس لحظت انهم بعيدين عن بعض اسماء الخوف غالبها اما احمد الامبالاة هي الغالبه عليه وانزفوا اما نايف ازعج هنادي كل شوي داق عليها ويحذرها ماتوقف ولاتمشي كثير ولا ترقص وانا اضحك على هنادي وهي تجاوبه بطفش احمد :هلا وغلا صباح الخير ريهام : اهلين صباح النور والسرور احمد:اشتقت لك ريهام بدلع :اي كل بعقلي انت احمد:افا زعلانه ياقلبي ريهام :لا احمد :والله ياقلبي انتي عارفه ان هالزواج مو رغبة فيني بس وش اقول حكم القوي على الضعيف ريهام وشوية غيرة :وهي وينها الحين احمد :نايمه ريهام بتردد:انت نمت معها احمد :لازم ياقلبي ريهام :اها احمد:سمعيني حبيبتي هي ولاشئ بالنسبه لي بس حرام اظلمها معي راح اعطيها كل حقوقها بس عرفي محد ملك قلبي غيرك انتي ريهام :اكيد احمد:اكيدين ها رضا الزعلان الحين ريهام :رضيت من اول ماقلت صباح الخير بس اتغلى شوي احمد:وياحلو التغلي اذا كان منك يلا قلبي لازم اسكر الحين ريهام :طيب بشوفك اليوم احمد:تبيني اجيك ريهام :ايه احمد: ولا يهمك انزلها بيت اهلها واجيك طيران ريهام برضا :طيب باي وسكر منه وراح للغرفه وكانت اسماء نايمه جلس يتاملها "والله انك حلوه بس مو قادر احبك او اتقبلك بحياتي ماقدرتي تملكين قلبي مثل ريهام بس وعد مني اني راح اعيشك معززه مكرمه ولا راح اخلي شئ ينقصك ":اسماء اسماء :............... احمد:اسماء يلا قومي اسماء فتحت عيونها وبخجل :كم الساعه احمد يقوم :الساعه عشر ونص يلا عشان نفطر ونروح لاهلي اسماء "ياربي من هالانسان يعني عروس مافي كلمه حلوه تطلع من فمك ":طيب حمد :اخذت علاجك دانه :اي حمد ياخذ العلب يتاكد من عدد الحبات وبعدها حطهم وطلع من غير ماينطق بكلمه وعلى طول اخذت جوالي ودقيت على ريهام :الو وينك من زمان ادق عليك وماتردين ريهام:هلا دانه اخبارك دانه :تو الناس تسالين يالظالمه من عرس هنادي ماشفتك ولا كلمتك ليه ماتردين على اتصالاتي ريهام :والله اسفه ياقلبي بس كنت مشغوله دانه :ومشغوله بايش ريهام :باركي انا ملكت دانه انصدمت :ها ريهام :شفيك اقولك تملكت دانه ومو مستوعبه :كيف ومين ومتى وليه توك تقولين ريهام :والله الظروف ماسمحت والملكة والخطوبه عائيليه دانه :طيب واحنا خطوباتنا عائليه وعزمناك ريهام :دندون تركي عنك الزعل يعني مو فارحه لي دانه :الا والله بس ماتوقعتك ماتخبريني ريهام :الي صار صار دانه :طيب هو من وين ريهام تصرف الموضوع :قلبي دانه وش فيه صوتك زعلانه ولا تعبانه دانه بتنهيده :اااااااه ياريهام "وقلت لها السالفه كلها " ريهام بقهر :حسبي الله عليه دانه :لا ريهام لاتدعين عليه ريهام بصراخ:غبية انتي على كل الي سواه فيك وماترضين عليه دانه بحزن :شسوي احبه ريهام :حبتك قراده ان شاءالله على ويش تحبينه من زين المعامله دانه :صدقيني حاولت اكرهه بس ماقدرت صدقيني ساعات افكر اني اصد عنه ولا اعطيه مجال يكلمني بس ياخذني بحضنه انسى حالي ودنيتي صدقيني لما يكون رايق مافي احن منه ابد ريهام :بس ولو ذا واحد مايتعاشر او ينحب دانه :مو بيدي ياريهام مو بيدي ريهام :غبيه وطول عمرك غبيه والي بيضيعك طيبتك الزايده عن اللزوم دانه :طيب دبرني ماني عارفه كيف اراضيه ريهام :بعد هو الغلطان وانتي الي تبين تراضينه اقول عنه مارضى دانه :ريهااااام ريهام بعد تفكير :شوفي خليني افكر بالموضوع وبعدين اقولك دانه :طيب لاتطولين على ريهام :اوكي يلا باي سكرت منها ورحت للمرايه اشوف وجهي الحمدالله خفت اثار الضرب لبست ونزلت تحت هنادي :هلا حبيبتي وينك من زمتن ماشفتك دانه :شسوي بحمد مو راضي يخليني انزل يقول لاتنزلين اشتاق هنادي :الله يدوم المحبه بينكم دانه "ياليت يحبني ":امين الا انت ماقلت ايش اخبار الحمل معك هنادي :اوففف مجنني هذا وهو لسه ماطلع ومسوي كذا اجل كيف لو شرف دانه :ههههههه الحمدالله على كل حال هنادي :اي الحمدالله نايف يدخل :السلام دانه وهنادي :وعليكم السلام نايف :اخبارك اخت مرتي دانه :ههههه ليه ماتقول مرت اخوي نايف يجلس جنب هنادي :كيفي انا كل شئ يتعلق بحبيبتي احب اقوله هنادي انحرجت :اركد نايف بعناد:الا دانه بذمتك مو هنادي محلوه بالحمل دانه :الا طالعه قمر نايف :ايه ماتشوفيني ذايب هنادي :ناااايف نايف :قلب نايف انتي هنادي : مو وقته هالكلام لصرنا لحالنا قول الي تبي نايف : وانا قادر اجلس معك لحالنا من ندخل الغرفه القاك بسابع نومه هنادي :احمد ربك تنسيت بالنوم ولا فيك نايف :يعني شلون دانه :هذا ياطويل العمر لو انها متنسيه فيك كان صارت ماتشتهي تقابل خشتك ولاتشم ريحتك نايف :اجل الحمدالله انها ماتوحمت فيني لاني مااقدر على فراقك يابعد تسبدي هنادي :نايف بس وتوه بيتكلم الا على دخلة اسماء :السلام الكل :وعليكم السلام نايف :هلا وغلا بالعروس اسماء بحيا :هلا فيك دانه وانا اسلم عليها :صباحيه مباركه ياعروس اسماء :الله يبارك فيك هنادي تسلم :هلا اسماء :هلا فيك والله ولهت عليك يابنت نايف :احم احم اي بنت تراها مره الحين واي اثبات تبين غير انها حامل هنادي قلب وجهها احمر :نااااااااايف نايف :ههههههههههههه خلوني اروح للنسيب لاتذبحني الحين دانه : ها اسوم كيفك بعد الزواج اسماء ببتسامه :تمام الا وين امي وسهام هنادي :اتوقع فوق اسماء :طيب انا بروح اسلم عليهم اخاف احمد يقول يلا وانا ماشفتهم دانه :اوكي واذا خلصتي تعالي ريهام :هلا حبيبي احمد:هلا فيك يلا افتحي الباب ريهام بفرح :ثواني دخلته المجلس وهو صار يطالعها باعجاب كانت لابسه تنورة قصيره لتحت الركبه بيج مع بلوزه كم جبنيز بنيه بطوق وفاتحه شعرها الي يوصل لكتفها وبكل جراءه حضنته :اشتقت لك احمد يحضنها : وانا اكثر ريهام بدلع :يعني مانسيتني واسماء معك احمد يجلس ويجلسها جنبه :انسى روحي ولا انساك ريهام :حبيبي احمد:الله ياحلوها من فمك عيديها ريهام بدلع وغنج :حبيبي وعمري وروحي انت احمد :ياناس مااقدر خفي على ترا اتهور ريهام بضحكه :هههههههه لا صبر حالك كلها كم يوم واصير عندك احمد :طيب وش رايك تمشين معي بكره ريهام :لا احمد لسه ماخلصت تجهيزات وبعدين شلون بتترك زوجتك احمد:ماعليك من احد عليك مني انا ريهام :يعني انت تبيني اروح معك بكره احمد:ايه ريهام :طيب كيف الصراحه انا اخاف اجلس لحالي وفي مكان لسه ماتعودت عليه احمد: ومن قال بتركك لحالك ريهام :ياسلام مو المفروض تعدل يعني يوم لي ويوم لها احمد :لاتخافين ياقلبي يوم يقول المؤذن الله واكبر بيومها الا وتشوفيني عندك ريهام :اكيد احمد :اكيد ريهام :اوكي اجهز نفسي لبكرة اجل |
|
|
#20 |
|
|
رد: رواية والله لا جيب راسك كآمله
((الجزء\البارت العشرون ................))
احمد يلبس شماغه :اذا كنت تبين تروحين تنامين عند اهلك روحي اسماء بزعل :طيب ماتقدر تاجل سفرك احنا مكملنا يومين مع بعض احمد :شسوي الشغل مايتاجل حاولت معهم مارضوا اسماء :طيب خذني معك على الاقل يكون شهر عسل احمد :انتي صاحيه بروح مع ربعي اخذك معي اسماء :بس احمد :هو هو علينا لاتجلسين تنفخين راسي قلت لك مااقدر اخذك تفهمين وشال شنطته وطلع ببيت ريهام واحمد احمد:هلا تو مانور البيت ريهام :بوجودك احمد مسك ايدها :تفضلي ياقلبي ريهام تمشي معه لحد ماجلسو على الكنب احمد: ماتصدقين قد ايش انا فرحان ريهام بخجل :وانا اكثر احمد :ماودك تتفرجين على البيت ريهام :شفته وانا ارتب اغراضي احمد بغمزه :بس غرفة النوم لازم اكون لك فيها مرشد سياحي يلا قومي صعدوا فوق واول مافتح الغرفه الاالشموع ماليه المكان والورد في كل زوايه والعشاء كان الجو خيال ريهام متفجاة :هذا لي احمد يحاوط خصرها :اكيد لك ياقلبي اجل لمين ريهام بفرحه :مشكور ياحمد احمد يفصخ العبايه عنها :طيب وريني الزين ريهام بحيا لانها لابسه فشتان من غير علاق ماسك من عند الصدر ومخصر على جسمها وطالع رهيبه عليها وقصير لنص الساق لونه سكري وسويه فول ميك اب ومسيحه شعرها على انه جمالها عادي بس صاير شكلها خطير احمد خق عليها :ياقلبي ريهام :.............. احمد يحضنها :ياااااه ماتتصورين قد ايش كنت احلم بالحظه هاذي ريهام :.................. احمد :جوعانه ريهام تهز راسها بانفي وصارت ترجف :............ احمد :قلبي بردانه ريهام بصوت واطي :شوي احمد :الحين تدفين وانتي بحضني وشالها وطفى الشموع .............................. .. بعد اسبوع ريهام :حبيبي ودي نتمشى مليت من جلسة البيت احمد:افا يعني مليتي مني ريهام :امل من العالم كله الا انت ياعمري احمد يحضنها :ياقلبي انتي يلا جهزي حالك بنطلع ريهام :طيب اتركني عشان اجهز احمد :ضروري يعني نطلع ريهام :احممد احمد :عيونه "وتركها "يلا بسرعه لااغير رايي راحت ريهام بسرعه وتجهزت ولبست عبايتها وطلعوا يتمشون اسماء :اففف ليه كل جوالك مقفل هنادي تاكل ورق عنب :مين تكلمين انتي اسماء :ههههه اكلي انتي بس شوي وبتصيرين ماتمرين من الباب هنادي صارت تتحسس من اقل شئ اتركت الاكل وراحت لجناحها وانسدحت على السرير وصارت تصيح رجع نايف من الدوام نايف :السلام ام عبدالرحمن واسماء :وعليكم السلام ام عبدالرحمن :شلونك يبه وشلون الشغل نايف :الحمدالله يمه متى تحطون الغدا ميت جوع ام عبدالرحمن :روح غير وناد مرتك وتشوفه جاهز نايف :اوكي صعد لجناحه وكان يظنها نايمه راح لعند السرير وشاف جسمها يصعد وينزل دلاله انها تبكي راح بسرعه لها:قلبي شفيك في حاجه تالمك هنادي :لا نايف يمسح دموعها :اجل ليه البكي هنادي وكانها بزر :نايف انا صرت دبه صح نايف جاته الضحكه بس مسك نفسه :لا ياقلبي من الي قال هنادي :اسماء تقول اشوي وماراح امر من الباب نايف يحضنها :وانت ليه تصدقينها وعلى طول الدموع جاهزة عندك كم مرة اقولك ماعليك من رايهم اهم حاجه انك عاجبتني واحبك واموت فيك دبه ولا نحيفه هنادي رجعت تصيح :يعني صج انا دبه نايف بحنان :واذا عليك عافيه ياعمري وانتي معذورة الحين لانك تاكلين عن ثنين هنادي :يعني لو صرت ماامر من الباب بتحبني نايف بضحكه ذوبتها :واموت فيك بعد هنادي :طيب قولي الصدق انا متنت ولا لا نايف يغزها من فوقها لتحتها ويعض على شفته :والله انه جسمك جنان ياقلبي هنادي حمر وجهها من نظراته وتبي تصرفه :صدق اجل يلا نروح نتغدا نايف يجرها لحضنه :اقول حبيبي لاحقين على الغدا هنادي بدلع :ناااااااايف نايف خق خلاص :عيون وروح نايف ..............................-_^ اسماء :وينه الي ازعجنا جايع جايع ام عبدالرحمن :ماعليك منه خليه براحته الا وش اخبار رجلك اسماء بحزن :ايه تمام توني مكلمته يسلم عليك ام عبدالرحمن :الله يسلمك ويسلمه اسماء "ليه ياحمد تسوي فيني كذا حرام عليك ماصار لنا اسبوع من تزوجنا وماجلست معك زي الناس ولا حتى فكرت تكلمني وطمني عليك " حمد :السلام الكل :وعليكم السلام ام عبدالرحمن بحنان :تعال يمه تغدا معنا حمد من غير نفس :شبعان مو مشتهي "ولف على اسماء "وين دانه اسماء :واحنانشوفها طول الوقت جالسه بجناحها حمد صعد من غير ماينطق بكلمه دخل الجناح وشافها تضحك مع عبدالرحمن عجبته ضحكتها وبرائتها "لا ياحمد مو انت الي تضعف قدام مرة انت مروا عليك اشكال وانواع ولاهزوا منك شعره بس هي غير ليه احس برغبه اني اضربها ليه اغار عليها بالشكل ذا معقوله حبيتها لا لا نسيت ياحمد كل حريم طينه واحده لا تنخدع بشكلها الطفولي "جلس على الكنبه وبرود وجفا :اخذتي العلاج دانه بتنهيده :ايه حمد :اكلتي دانه :ويهمك يعني حمد بحده :بلا فلسفه زايده دانه سكتت مافيني حيل اوجهه وخاصة عبود معنا :............... حمد :انا سالتك جاوبي طفحتي ولا لا دانه بقهر:لا ولا ابي اكل زين حمد قام ومسكني من ذراعي بقوه :انا لما اسئلك تجاوبين على قد السؤال وانا لما اقول لك اكلتي مااستناك تقولين انك تبين ولا لا مااكلتي بتاكلين غصب عنك دانه احاول ابعده :حمد مو جنب عبود حمد :مالك خص جنبه مو جنبه مايهمني دانه قدرت افك نفسي منه وبسرعه شلت عبود وطلعت من الجناح بس هو لحقني عند الدرج ومسكني من جديد :حمد اترك يدي لا تفضحنا حمد وهو يصر على اسنانه :انا لما اكلمك ماتطلعين وتتركيني سامعه دانه احاول افك ايده وتوترت يوم شفت عبود صار يبكي :حمد اتركني الولد صار يصيح لا تفضحنا بوديه وارجع حمد بقهر دفها من غير مايحسب حساب للي بيصير دانه :حممممممممممد طحت من الدرج انا وعبود خفت عليه وهو بحضني شديت عليه بس ماقدرت امسكه اكثر واحنا ندحرج على الدرج وبعدها ماحسيت بشئ حمد واقف ومنصدم من الي صار يشوف ولده وزوجته باخر الدرج وهو باوله :... اسماء وامها ركضوا يشوفون الاصوات مصدرها ايش وانفجعوا يوم شافوني والدم مغطيني انا وعبود اسماء بصراخ :حممممد تحرك دق على الاسعاف حمد واقف بجمود وبعالم ثاني :......... اسماء :حمد حمد حمد:....................... نايف سمع الازعاج وطلع هو هنادي منفجعين :شفيكم هنادي يوم شافتني صرخت :لاااااااااااا دانه نايف راح بسرعه لها وغطى عيونها وحضنها :حمد "وبصرخه صحته من عالمه "حمممد دق على الاسعاف هنادي انهرت بين يدين نايف وشالها ودخلها الجناح بالمستشفى دكتور يدخل ودكتور يطلع والكل مرتبش هنادي دخلوها المستشفى بعد لانها انهارت من الي صار الدكتور طلع من غرفتي ابو عماد :بشر يادكتور الدكتور :من فيكوا جوزها حمد تقدم له بضياع :انا دكتور هي هي ماتت الدكتور :لا الحمدالله انكم لاحقتوا عليها ولا كنا ماقدرنش نعمل حاجه هي دلوقتي تحت المخدر وبتعاني من كسور حاده باليد والحوض وطبعا غير الرضوض الي بجسمها كلوا ام عماد انهارت :يمه بنتي ااااه يابنتي حمد بخوف ومهتز لاول مره بحياته :وبتعيش يادكتور الدكتور :ان شاءالله حمد :والولد الدكتور :والله مش عارف اقولك ايه الصغير دلوقتي بغيبوبه حمد بصدمه :اييييييييش الدكتور :حصلوا ارتجاج بالمخ وادى الى غيبوبه احمد ربنا لوان المدام ماحضنتوش كان ممكن انه مايعيش حمد جلس على الارض من الصدمه"انا السبب انا " :لا لا مستحيل ابو عماد يقومه :قومي ياولدي واحمد ربك انهم ماعطوك امانتهم وان شاءالله باءذن الله بيقومون بالسلامه ادعي لهم ياولدي ادع نايف جاهم من بعد ماتطمن على هنادي :ها شصار عماد :قاله كل شئ نايف :لاحول ولا قوة الا بالله عماد :هنادي ايش اخبارها الحين نايف :عطهوها مهدئ ونامت عماد :لايكون يضر بحملها نايف :لاتخاف تاكدت انه ماياثر عليها فتحت عيوني بصعوبه وشفت امي جالسه جنبي وتقرا قران على وبصعوبه تكلمت :ام ي ام عماد ودموعها على خدها :الحمد الله على السلامه ياعمري دانه وانا احس جسمي متكسر :انا وين هنادى ومنى :دانه الحمدالله على سلامتك دانه مازلت مو مستوعبه ايش الى حصل والا انا وين انتبهت لايدي والمغذي فيها وايدي الثانيه مجبرة :ايش صار ام عماد :ياقلب امك ماتذكرين انك طحتي من الدرج دانه "ايه تذكرت ":عبود وينه ام عماد :عبود هنا بالمستشفى دانه وانا احارب الالم :وينه هو بخير ام عماد :ياقلبي انتي ارتاحي الحين دانه :يمه عبود وينه ايش صار له ام عماد :يمه عبود لما طاح معك دخل بغيبوبه دانه بصدمه :اييييييييش ام عماد :اهدي يابنتي اهدي دانه :لا حرام حرام "وبديت اصيح " ام عماد تهديني :يابنتي مو زين لك الانفعال اهدي منى :دانه حبيبتي هدي ان شاءالله عبود بيصحى ويقوم بالسلامه دانه :انا السبب انا لو اني تركته يمكن ماصار له الي صار ام عماد :لا لاتقولين كذا الدكتور يقول لولا انك حاضنته وحمايته كان لا قدر الله توفى باب الغرفه يندق تغطت هنادي ومنى ام عماد :تفضل حمد دخل :السلام الكل :وعليكم السلام توجه لي :دانه انتي صحيتي الحمدالله على سلامتك دانه "فجاءة حسيت بكل حقد العالم تجمع بقلبي عليه "ناظرته باحتقار :............. حمد قرب مني :حبيبتي دانه بحده :لاتقول حبيبتي بعد عني حمد :دانه اهدي ياقلبي دانه بنفعال :بعدددددددد عنييييييي بعد ام عماد بخوف :دانه يمه هذا حمد زوجك دانه بصراخ :طلعوووووووووه ماابي اشووفه طلعووه بعدددوه عني حمد بتوتر :دانه دانه وزدت بصراخي :اطلععععععععع برااااا ماابيك اطلع انت السبب انت ام عماد تحاول تهديني :يمه الله اهدي مو زين لك دانه تمسكت فيها :يمه الله يخليك بعديه عني بعديه ماابي اشوفه دخل ابوي وعماد على صراخي :شفيكم شفيكم دانه وبتعب :يبه عماد طلعووووه ماابي اشوفه عماد جاني وبحنيه :الحمد الله على سلامتك دانه وبصوت باكي :عماد الله يخليك طلعه ماابي اشوفه عماد باستغراب :مين دانه "ماقدرت انطق اسمه "اشرت عليه :عماد اذا صدق تحبني طلعه ماابي اشوفه ماابيه يدخل غرفتي مرة ثانيه ابو عماد بخوف على :طيب اهدي يابنتي اهدي ومايصير خاطرك الا طيب عماد لف على حمد :حمد حمد وعلامات الغضب على وجهه :انت ايش تقول تبي تطردني من غرفة زوجتي بعد عماد بعصبيه بسبب خوفه على :وانت شايف زوجتك شلون منهاره بوجودك فلو سمحت تفضل حمد ماسك نفسه :واذا ماطلعت عماد :حمد لا تظطرني اني اتعامل معك بطريقه ثانيه تفضل حمد توه بيتكلم الا قاطعه ابوي :حمد تعال معي حمد :بس ياعمي ابو عماد :تعال معي انت بس وطلع مع ابوي برا دانه مسكت ايد عماد :عماد ماابيه يدخل عندي مرة ثانيه عماد يهديني :طيب بس اهدي اهدي دانه :اوعدني انه مايدخل عماد :اوعدك بس اهدي بعد يومين مرت على بصعوبه من الالم النفسي والجسدي صرت مااتكلم كثير صرت دايما اسرح وافكر بطيحتي انا وعبود وصار المشهد ينعاد براسي مرة ومرتين وثلاث حسيت خلاص بنجن اما حمد رفضت اني اشوفه او يدخل على والحمدالله ماعتراض او عند يمكن لانه باله مشغول بولده صارت امي تنام معي من السبت للاربعاء واما الويك اند منى جلست بالمستشفى شهر بسبب الكسر الي بحوضي اما عبود فمافي تغيير بحالته ايدي اليوم فكوا الجبس منها وباقي الحوض يبغى له اسبوعين وبهالفترة حمد مامل من انه يجي يطلب يشوفني وانا ارفض كل مرة واهلي استغربوا من رفضي وسالوني ليه بس ماجاوبت وانا خلاص اتخذت قراري ومعزمه على الطلاق منه خلاص ماعد فيني احتمال وقررت اول مااطلع من المستشفى بطلبه كفايه اني صبرت عليه لحد هالوقت مو بس حبا فيه وعشان خوفي على ابوي واخواني بانه يتسبب بطردهم بس الحين مايقدر لانه لو حاول بقول لاخوه نايف هنادي تدخل بصينية حلا :هلا قلبي كيفك اليوم دانه بتعب :الحمدالله احسن بس تعبت من نومة السرير مليت هنادي :تحملي مابغى شئ وتطلعين من المستشفى دانه ببتسامه باهته :وانت شلونك مع الحمل هنادي تحط ايدها على بطنها :مبسوطه حيل بس متعبني ومتعب نايف معي دانه :كيف هنادي :ههههههههه يعني لو مافيني النوم صحيته حتى لو وراه دوام اما ان صرت جوعانه ومشتهيه حاجه اخر الليل صاحيته يجيبي لي دانه :ههههههههههههه هنادي :خليه يذوق اعراض الحمل مو بس احنا دانه :وهو ايش يقول هنادي :خليه يتجراء على طول اشحته بالصاله دانه :هههههههه يالظالمه هنادي :تربية اختك منى ودروسها دانه :الا وينها منى هنادي :شوي وبتجيك بتخيم عندك بعد اليوم الاربعاء دانه بحزن :وعبود كيفه الحين هنادي تتنهد:على حاله والله كاسر خاطري ابوه جالس يلوم حاله وصار ملازمه طول الوقت بس دانه :بس ايش هنادي :انتي ليه ماتبين تشوفينه لايكون تظنينه متعمد يدفك بالدرج تراه حادث دانه :عارفه بس حمد فصل وانتهى من حياتي ورجاء هنادي لاتسالين عن الاسباب هنادي :تقصدين انك بتطلبين الطلاق دانه :ايه هنادي :ليه دانه "بلاك ماتردين بالجحيم الي عيشني فيه ماتدرين كم مره اهاني وضربني وقلل من قيمتي وانا الغبيه مثل ماقالت ريهام ساكته عن حقي بعذر اني احبه مع اني كنت احبه ومازلت بس خلاص ماعاد فيني طاقة تحمل والحين خلاص ماعلى اخواني خوف " هنادي :دانه ....دانه دانه انتبهت من سرحاني :ها هلا هنادي :انتي متاكده من قرارك دانه :متاكده وياليتك توصلين الخبر لنايف واهله اني ابي الطلاق هنادي :فكري زين يادانه الطلاق مو لعبه دانه :طول ماانا بالمستشفى وانا افكر وكل يوم اقتنع بقراري هنادي :على راحتك اهم حاجه راحتك يلا بمشي الحين نايف يدق دانه :مع السلامه وسلمي عليه وعلى الكل هنادي :ان شاءالله يوصل هنادي :السلام نايف :وعليكم السلام كيف دانه الحين هنادي :الحمدالله حالتها تحسنت وقريب بتطلع من المستشفى نايف :الحمدالله هنادي :نايف في حاجه دانه طلبتها مني اوصلها لك وحمد واهلك كلهم نايف باستغراب :ايش هنادي :دانه طالبه الطلاق من حمد نايف انصدم :ليه طيب هو ماكان يقصد يدفها من الدرج هنادي :هي عارفه بس تقول ماعاد فيها تتحمل حمد ولها اسبابها نايف :ايش هي الاسباب هنادي :مو راضيه تقول نايف يهز راسه :لاحول ولاقوة الا بالله بالفيلا الكل كان مجتمع وحمد موجود بعد اسماء :كنت متوقعه هالشئ سهام :قصري حسك ماتشوفينه شوي وبيفجر فينا حمد يحاول يمسك اعصابه :وهي متى قالت هالكلام نايف :اليوم يوم زارتها هنادي حمد يوقف :قولوا لها طلاق مافي تحلم فيه ولا اقول مايحتاج تقولون لها انا بروح اطلعها من المستشفى واجيبها غصب عنها نايف يوقف يمسكه :ياحمد استهدي بالله مو كذا تنحل الامور حمد :اجل كيف يعني تبيني اطلقها نايف :لا طبعا بس اذا رحت لها بالحاله هاذي راح تزيد الطين بله وماراح تستفيد شئ حمد :انا لازم اكلمها واقولها مستحيل اوافق على طلبها تحلم سهام :انا بكلمها انت لو كلمتها راح تخليها تصر على قرارها انت بكرة ودني وانا اكلمها حمد "لا ماراح اطلقك انتي لي مستحيل اخسرك من بعد مالقيتك مستحيل ":قولي لها تشيل الفكرة هذي من راسها سهام :ان شاءالله بس انت اهدى مو رايح لعبد الرحمن الحين حمد تذكر :ايه نسيته |
