 |
  |
|
|
|
|
#16 |
|
|
رد: سعوديات بعروق ايطاليه للكاتبه شوق الماس
إبتهال بكل مراره كانت نايمة ...و خيبة الأمل تطبع ملامحها بقوة عليها
حالتها حالة سيئة من نفسية لجسدية لإجتماعية كل شيء مختلط ببعض لانها يحول مجهزة كل شيء وآخر شيء بسلامته يجي ومعه وحده ثانيه كبيرة والله إبتهال لها فترة تعبانه و متكدرة كانت نايمة بمفعول ابرة اخذتها دخل بدر يسحب خطواته و القلق يسطير على مشاعره يتأمل ملامحهااااا ويـأسف لكل نبرة جمال فيهاااا .... جلس جنبها بوس راسها ومسك يدها فتحت عيونها بتثاقل وناظرت في وجه مألوف جميل قدامها نبضاتها انتظمت بلحن عنيف جداً بدر نبضاته بدأت تخطو نحو مرتفعات قمم اللهب التي تنبع بالحنانـ بدر برومانسية تنطق بريق عينيه : سلامتك يالغاليه إبتهال تنرفزت وقامت : أنت وش جايبكـ ! تحس عيونها صارت حارهـ و قلبها ارتبكـ و بقوة إبتهال بنظرة قوية : وش دخلك هنا اطلع برى مابي اشوفك بدر يناظرها بتأني : بتطمن عليك وإلا مايحق لي ( انسى الزعل ...انسى اللي راح .. انسى الألم ... انسى الجراحـ ... طمني بس ...طمني بس خلني ارتاحـ .. ) إبتهال بعصبية : اكيد مايحق لك لو سمحت اطلع برى مالي خلق اتنرفز وآخذ ابرة ثانيه بدر : بس ضروري نتفاهم صار لنا كم يوم واحناااا ... إبتهال قاطعته : لو سمحت اطلع برى وتفاهم مافيه خلاص ورقتي ارسهااا وخلاص بدر : ماابي اطلقك طيب إبتهال بتحدي واصرار : مو عشاني طيب عشان اخواني اللي ماقصروا معك بشيء ولا مع اختك بعد بدر استغرب : زينة إبتهال بعصبية و تضجر : في غيرها بدر مو مصدق ابتسم : وش دخل زينة !!! إبتهال بعصبية : روح اسألها يااخي ترى مالي خلق فعلا خيرا تعمل شر تلقى يعني لاني انا الوحيدة اللي وقفت مع اختك بمحنتها وساندتها تكافئني انت واياهااا بكذى وش ذنبي انا طيب ( و بكت) بدر مستغرب قام و قرب صوبها : مافهمتك للحين وش دخل زينة بالسالفه وشلون نكافئك مانكافئك إبتهال تناظر عيونه بتحدي وشموخ لا يضاهى : ابي ورقتي وبس عمرك لا تفهم إن شاءالله واللي سويته فيني ما راح انساه ابد طول عمري..... ( شخصت عيونها بقوة بعيونه اللي كلها تساؤل و دهشه ) بدر متأثر : بجد إبتهال خلاص برسل ورقتك بس وش سالفة زينة ؟ لا تلحسين مخي كذا إبتهال بعزة نفس : اسألهااااااا..... بدر بحسرة : وشلون اسألها يعني ماتعرفين الحاله اللي اهي فيها ماتتكلم ابد متأزمة فيها حالة نفسية متقدمة ماعاد تحكي ابد ابد إبتهال بعصبية و شماته : احـــــــــــــــــــــسن .. صـــــــــــــــــــــــــــــ ـــــــــــــــــدمة نبضات قلبه بدأت تعزف أوتار من ألحان الصدمة بدر انصدم من طريقتها بالرد : احسن قلتِ ..... ليش وش سوت لك ؟ إبتهال تناظره بشموخ كله جرح : بإختصار يكفي انها اختك وادري متفقه معك عشان تنتقم منا بدر بحزن ابتسم : انتقم ههههه وش فيك انت ليش كلامك كذا .. وش انتقام ماانتقام ...بعدين زينة ماتضر احد ابد وانتِ تدرين إبتهال بسخرية تبتسم : لااااااااااااااااا والله اسأل بندر واهو يقولك بدر : خير إن شاءالله وش السالفه صرت كأني خبل كلن يعطيني طرف خيط إبتهال بترفع : ورقتي لا تناسهاا ارسلها وخل ام السعف والليف اللي انت جايب تنفعك اللي اشغلتك حتى عن اهلك واخبارهم بدر غمض عيونه وقال : المهم انتِ سامحيني واللي تبينه بيصير انتِ تستاهلين واحد يقدرك ويحترمك مو واحد مثلي ................. ورقتك برسلها لك اقرب وقت يالله بالأذن بدر ناظرها بحسرة تسري في مسارب روحه و اكتفى بالتحديق بها كتوديع مقدس لنهايتهم تـجـرحـي بـإسـم الـمـحـبـة وبــعــد غــيــبــة تــســألي يــالــلــي بـجروحك كريمة مــن مــتــى قـلبي علي ؟؟ لا تــقــولــي لــي حــيـاتك وتـأخـــذيـــنـــي مــنـــهـا ولا تــهــدي ذكــريــاتك .. وتـــســألــــيـــنـــي عــنها الــوداع أخــر حــــــروف فـــي خـــفــوقـــي شــلتها يــا تــمــوت بــوسـط قلبي يــا أمـــوت إن قـــلـــتـــها يـــالــلــي حـبك في حياتي كــان حــلــم وأنــتـهـى .. طلع يسحب خطاه و إبتهال انهارت بقوة فظيعة و دموعها اللي كانت حابستهم في وجوده انهارت دفينة بين ثنايا حزنها رمت راسها على الوسادة و دموعها غزيرة تبكي واقعها الغير متوقع " " >><< كعصفورة أزالت العواصف أوراقها فغدت كشجرة صفعتها الرياح ، أو اضعفتها لكنها لم تسقطها ! فهي لا تزال تغني ..!! ففي مواسم الجفاف ... تجتر حنجرة العصافير ربيعها ...>>><<< طلع بدر متضايق وبحاله يرثى لها من الهم والألم و صده وجفاه بأرخص السبل " ليش وش فيها زينة وش سووت يوم إبتهال حاقدة عليها كل كذى " ( زينة قصة تخفي ورااها كثير حالتها النفسية وكره امي لها وانفصال امي وابوي وطلاقها من بندر ) .. بدر اللي مشغله حالة زينة اكثر من إبتهال اللي اكتشف انها تحمل شيء من الحقد جواتها وفي ناس مهما بلغ فيهم الطيب مرتبه إلا إن الحقد يدمر بعض طيبتهم ....... خالد مسك بدر اللي كان متخدر من كلام إبتهال ... خالد : عسى ماشر؟ بدر بشرود و برود لا يضاهى واضح على اللي منصدمـ : ماشر ماشر انا بطلع خالد : وش صار...؟ بدر : خلاص برسل ورقتها.... خالد : لحوووول ولا قوة إلا بالله العلي العظيم .... خالد حس ان بدر مره مصدوم وقال: انا حذرتك وقلت لك تراها بتضايقك بس ماسمعتني اهي مدري وراها من ساعة اللي صار متغيره مره بدر يصفق يدينه : انا اللي غابطني من إبتهال عادي يعني موقفها مقدرة ومتوقع هالحركة منها انا غابني شيء ثاني خالد بهدوء : وشوو ... بدر ناظره بدهشه : اذا عرفته قلت لك ..... آخ بس الله يعين زينة انطوت على حالها ... خايفه من كل شيء حواليها ..تبكي بقلة حيلة مالها إلا تدعي الله بدر عندها بلمسة حانية : تعوذي من الشيطان لا تخلين للشيطان مدخل اطرديه زينة تناظره ودها تصرخ و تقوله عن كل شيء تناظر عيونه و دموعها تنزل بدر : زينة وش فيكـ ترى تعبت من كثر ما انطل وجهي و اقولك اذا باقي فيه شيء مااعرفه قولي مسك يدها : هاه ياختي ماودك تقولين لي وش دعوة وش غيرك قبل كنا نصارح بعضنا بكل شيء ؟ زينة تجفف دموعها : مافيني شيء بس خايفه بدر يبتسم : تتدلعين علينا يعني وش يخوفك هاه هههه انا هنا مين تخافين منه بس زينة بألم : خايفه من كل شيء بدر : زيون لا تخافين إلا من الله بس و راقبي اعمالك لإن الله مراقبنا بكل شيء يالغلا زينة ( بتصرخ بتخفف العبء الثقيل اللي اثقل كاهل مشاعرها وتفكيرها المتواصل بأمها ) زينة ابتسمت برضا : الله يخليك لي بدر دق جواله : وين إيليانا ..؟ مااشوفها زينة تهز كتوفها : راحت مع امك بدر بنظرة قوية : زينة ما توقعتها منك عيب تقولين كذا عن امك قولي امي (())) لست أدري أي عالم هذا بت اهذي كثيراً ..؟ (())) زينة بحزن يفتك ببقايا البسمة : عفوا اقصد امي بدر ها هو جواله يعاود الرنين ... بدر يناظرها : تدرين بطلق ابتهال زينة بخيبة امل و حزن : ليش ..؟ قلت لك الزمان يخوف وتلومني بعد بدر بألم وهو يتذكر شكل إبتهال الشامخه المجروحه : لا تخاف من الزمان الزمان ماله أمان خاف من اللي كل أمانك بيديه و تأمنه .....على الجرح يااصاله والله لا تخاف من الزمان الزمن ماله أمان خاف من يلي كل أمانك في إيدنه وتأمنه لو حبيبك ما وفالك لو حبيبك فيك خان ايش ترجي من زمانك النتيجة باينة نكتشف مر الحقيقة بعد مايفوت الأوان قلتلك لا تندفع له قلت حبي صاينه وينه يلي صان حبك ما أشوفه يوم بان قلبك يلي هو قلبك لا تحسبك ضامنه لا تعذر بإحتياجك كلنا ناقص حنان كأنا طفل تمنى اي شخص يحضنه نبني الدنيا وحنا نوقف بنفس المكان للأسف ينقص وفانا مع مرور الأزمنة زينة تذكرت بندر و جروحه الكثيرة الندية اللي ليليا تتجدد ذكراها وسندت راسها و هي تتذكر بدر لا يزال يلقب هاتفه و يسعى جاهداً لنسيان خيبته و جرحه الندي بدر وقف : يالله ياقمر بطلع انا بشوف بنتي طيب زينة تبتسم : تجنن الله يحفظها لك بدر : ياحبني لها تدرين اروع شيء بحياتي هي زينة تناظره بحنية : الله يخليكم لبعض تجنن والله بدر عاوده الإتصال من جديد .. عـــــــزامـ يتصل بك و استأذن لإكمال المكالمة بالخارجـ و زينة رجعت لعالمها الآسر بالهاجس الكبير الذي بات عملاقا امام هواجسها السابقة ألا وهو هاجس امها الحقيقية وحقيقة مرضها !! " " (9) >><< قلب التسامح ارجو أن تعيد الدروب الماضية من صفحات الذكرى و أن يتسامح القلب الحزين مع القلوب الشجية حتى لا تضيع الدروبـ >><< زينة وصلت مرحلة متأخرة مره صارت حتى حكي ماعاد تحكي الكتمان عذبها .... ما تقدر تعيش حياتها كإنسانة طبيعية التفكير عذبها و الهاجس يؤرقها كثيراً .. بدر قرب لها و حاول يتقرب لها ولكن خوفها من تهديد مضاوي فوق كل شيء ... مشاعر متضاربة وبقوة مضاوي الله يسامحها عذبت في زينة وسودت حياتها لإن زينة رفضت تتزوج كثير اخيرا خطبها واحد شخصية مرموقه وشكله جنتل كان مطلق قبل ومن عائلة اوكي بس رفضت زينة لانها نفسياً ماعاد تقبل أي رجل مضاوي بعصبية فظيعة : بتوافققين غصب عليك وعلى ابوك اللي جابك زينة تبكي : يمه ( تذكرت الحقيقة المره ان مضاوي ميب امها) مااقدر مقدر... امها بقسوة مسكت كتفها : غصب عليك .... بتقدرين بخليك تقدرين انا دخل بدر واهو معصب : خير وش فيكم صراخكم واصل لاخر الشارع !! زينة راحت تركض لبدر وتختبي وراه بدر: يمه مسكينه زينة حرام عليك ارحميهاا تراها بنتك تشوفينها ماتقدر تتكلم ونفسيتها زفت حرام تعذبينها امه : واهو عشان نفسيتها زفت المفروض تتتزوج ونرتاح منها بدر يناظر زينة يضمها : الله يسامحك يمه مالها ضرر عليك امه : لا يا بدر كل صحباتي يقولون عنها مجنونه تفشلت وانا امك بثبت لهم انهاا طبيعيه وراح ازوجها.. زينة تبكي بقوه بعد جهد قدرت تنطق : بدر تكفى مابي اتزوج قول لها لا لا امهااا : غصب عليك فاهمه ................ بدر : يمه سامحيني بس ما راح تزوجينها وانا عايش زينة تضمه وللاسف ماتقدر تعبر لانها ماعاد تحكي إلا كلمة كلمتين " " انتشرت سالفة خطبة زينة وان امها تبي تزوجها بالغصب ...بين العائلة في الإستراحة نواف كان جالس يفكر انو يخطب زينة ... قلبه متولع فيها كيانه ومشاعره اسيره لزينة من اول مالمحها في بيتهم قبل سنين... نايف : هاه ياولد العم وش تهوجس فيه ............؟ نواف ابتسم : ولا شيء بس ودي اخطب نايف بهبال : كلوووووووووش اخيرا بس عاد بتخرب علينا ترى بنعنس حجرف اللي تو ما قلط : اخيرا نواف بيخطب معجزة ذي مين طيب ابي اعرف مين بنته نواف تنهد : الايام راح توضح لكم - - - - تغريد : ضاقت يانواف قضن البنات يعني قضن ؟ نواف : اسكتي يالرمة بلا فضايح وش فيها طيب بنت عمي وبتطوع وانقذها من جبروت امهااا واحبهااا فوق كل ذا تغريد بقهر وهي تلاعب ولدها : لعنه لعنه نسيت انها اخت بدر نواف : وش دخل بدر انا بتزوجه هو انا بتزوج اخته زينة " " خالد عرف بسالفة اخوه نواف استغرب وبنفس الوقت حاول يقنع نواف انها ماتناسبه لان اعمارهم قد بعض وذا مايكافئ الزواج الناجح ... ضي : اتركه يا ابو رامي يمكن الله يوفقهم مع بعض ........... خالد : اهو حر بس عاد مدري عن موقفنا من بندر ريم : بندر مطلقها من سنين ماله شغل .... تغريد : افهم يعني انك موافقه انت ووجهك نواف : لا وانا بنتظر موافقتها عاد ههههههههههه ام خالد : يمه ماتناسبك والله ادور لك وحده غير بنت مو مطلقة ومجنونه بعد زيهاا نواف : يمة زينة مو مجنونه تغريد : لا ويدافع عنها بعد ( مسكت ولدها و طلعت ) الهنوف : ههههه دا الحب عمايل عمايلوو نواف يتوعد في خواته بصمت ......... نواف : خالد اذ ا ماراح تكلم بدر انا بكلمه .. خالد : ماراح اكلمه وش اقول صاحي انت ....... نواف طلع وهو معصب مره : خاطبها خاطبها أنا سوا خطبتها لي او انا بضطر و احاكي بدر .... >><<< الجميع معارض هذا الزواج .....>>< " " راح نواف عند بدر في البيت وتقهوى معه وسولف معه ... بدر : يا حيا الله نواف والله نواف مشخص خخخ : الله يحييك بدر : بشرني اخبار إبتهال ؟ نواف : تمام بخير صارت احسن ابشرك ولله الحمد بدر : الحمدلله بس ماعليش ترى الشيخ يقول لازم اصبر كذى شهر عشان بطاقتي الاحوال يبي لها شغل تعرف توني واصل الديرة ماعليش تأخرت عليكم بس اذا خلصت انا اجيب لكم الورقة ولا يهمك ( طق كتفه ) نواف ابتسم : أي بس مو جاي عشان الورقة بدر : هههههههههه معقولة انت بالذات عاد ماعتقد جاي تسلم لا تقول نواف : هههههههههههههه وش دعوووى بدر : والله مدري قلبي ينغزني منك مدري ليش ؟ نواف : الله يخليك بس وش حنا لولا الله ثم انت بدر ابتسم : هااات من الآخر اعرف هالحركات تدري لو بنتي كبيرة كان زوجتك اياها بس دام ماعندي بنات آمر تدلل نواف انحرج وسكت ثم تشجع وقال : انا ودي اخطب بدر ابتسم وطلع جنان : مبروك بس ابشر متى وانا اروح معكم اخطب لك من زمان والله ما رزيت زولي بمشلح نواف تشجع : لا انا بخطب اختك زينة ....... صدمـــــــــــــــــــــــــــ ـــــــــــه بدر مبلم : وش قلت ..........؟ زينة اختي !!!!!!!! نواف : أي بدر مايزال مبلماً خخخخ : أي بس تعرف ان زينة....... نواف قاطعه : مايهم عادي ابيها ابيهااا بدر : ماعليش ماعتقد انها توافق يااخي امي تبي تزوجهاا وشوي و تنتحر نواف : لا انا ولد عمها ماراح تخاف مني بتوافق بدر : والله مدري اشوف مع اني ماعتقد " بدر حس انو اهل نواف مو موافقين حتى خالد صديقه الروح بالروح ماجا يخطب لااخوه كل ذا استحقار لزينة ليش يعني عشان ماوراها احد اوريكم انا وربي لااعرفكم بقيمتها هين " بدر : ماعليش يانواف مقدر احط اختي موقف زي كذى كفاية اللي شافته منكم : نواف بدهشه : وش سوينااا ؟ بدر تنهد بقهر : مو منكم ككل .. يعني من بندر ومن بنات عمانها اللي كنت واثق انهم يعتبرونها زي اختهم بس مايدري ليش يااخي العالم ما تسامح ولا تغفر الذنب لحد اللي الله يسامح عبيده ......والقهر ان زينة تتجازى من قبل الناس عشان حركات ناس غير ..... نواف تأثر : بس انا شاري زينة وربي الكريم شاريها لا تحاسبني عشان سواة غيري بدر : سمعت هالكلام من بندر وشف وش سوى كل اللي اهي فيه بسبته نواف : انا تحديت اهلي والدنيا عشان زينة تكفى لا تسد الطريق بوجهي اسالها طيب يمكن توافق بدر ماقدر يقنع نواف ووعده انو بيشوف الموضوع ......... : : بدر فاتح زينة بالموضوع يآخوي .. يآعزوتي مدخل " ياســيدي ياخوي يا عز حـــالي يا عزوتي والـراس لاما عدمنــــــاه " " ياخوي أنا والله ماني بناسيـ?ّ انت على راسي مخليـ?ّ تاجي "" ياخوي انا بسالك عن حلو الايام، بالله قلي لي متى ابني احلام، " ليت الزمن يسمح بلقياك ساعه .............................. .وليت الوصل يرجع ولو ثواني انا اتمنى رضاك ولانيب طماعه .............................. ..اشتري الرضا منك وبأغلى الاثماني ياخوي ياعزوتي يارمز الشجاعه .............................. ...ترى الزعل طول وبهجرك اعاني مانت ولد عمي ولأخو رضاعه .............................. ....انت شقيق الروح وكل خلاني قلبي عقب فرقاك جاته مناعه .............................. .....مايبي غير حبك حب ثاني ارجع ياخوي ولك السمع والطاعه .............................. ......ارجع وارتمي ياعز الناس بأحضاني ارجع وداوي القلب من اوجاعه .............................. .......خلني احيا الفرح اللي قد خلاني الشاعر: مـــــــــــــــــــشـــــــــ ــــــــتـــــــــــ ـــــــاق زينة بكت من مجرد مابدأ بدر يفاتحها بالموضوع وترجت اخوها يحميها من جور الايام ماتبي تتزوج ماتبي ترتبط تبي اخوها يحميهاااا وبس .... ما عندها هم غير أنها تتوصل لامها الحقيقية بس كيف راح تواجهها وهي تخلت عنها وتركتها بين ايدين ما ترحم ..كل ما تتذكر هالشيء تكره امها وهي لسى مابعد شافتها ... بدر شاف إنكسار اخته و حالتها الواهنة حلف لله يساعدها قد ما يقدر ولا يبتعد عنها بدر تكفل بكل شيء لراحتها بس طلبهاا طلب ( انها تسافر عند ابوها تتعالج هناك احسن وترتاح من العالم الظالم اللي رفض يسامحهااا ويستقبلهااا ، يبيها تنسى الناس اللي هنااا وتطلع زينة مثل مايعرفهااااااا) زينة وافقت بعد تردد لانها انطوت على حالها بس الدعوه عند ابوها واهي محتاجته موووت وافقت وحدد بدر رحلة الطيارة لزينة ورد على نواف وحطه بالصورة كلها وتمنى له التوفيق بس بنفس الوقت حتى نواف مارضاه على زينة ان اهله يرفضونهاااااااا ،، فعطى نفسه فرصه يثبت نفسه حتى يخلي اهله كله يوافقون خطوبته لزينة .... بدر حلف يأخذ بثأر اخته من كل الجروح و الأحزان اللي حولتها لحالة متأخرة جداً ...! >><< أنا لك يا زمن >><< (10) زينـــة سافرت لإيطاليا لأن بدر حجز لها في عيادة نفسية هناك موثوقة خصوصا وان الدكتور المتخصص صديق بدر دارس معه في جامعه هارفورد .. زينة سافرت واخذت معها خيبتها وفشلهاا وطموحها اللي انتثر في ارض ما ساعدتها ولا لملمت جراحهااا حتى امها او بالأحرى اللي ادعت انها امها ذوقتها كأس الهم ... والبنات ماعاد يسألون عنهاا من ساعة اللي صار ... والحقيقة المرة اللي كسرت قلبها وصيرتها اسيرة لثنايا غربة النفس ايه انا و العالم المغرور و الياس اللحــــــوح خايض حرب الرياح اللي تسوق الاشــــــرعه مختلط في عبرتي حبر الشقى ودم الجـــروح ومستوي في نظرتي غرب الوجود و مطــمــعه عودي المبري بقى به من عطايا الوقت روح وفصل خامس حاير بين الفصول الاربــــــــعه وراس مالي ذكريات حلم وأمال و طمــــــوح لا صديق ولا رفيق ولا طريق واتبــــــــــــــعه نوب اسافر في سديد الراي ونب في جنــــوح مختفي صوت الحقيقه كيف ويش لون اسمعه " ودعها بدر بدموع ووصاها على نفسها كثيرر وذكرها تطمنه اول بأول و بعد ايام راح يلحقها زينة تمشي وتناظر في بدر ماتعرف ليش خايفة تروح لوحدها ..... !! تحس بكل خطوة تخطوها تودع ذكريات حبها المجروح ... تلملم بقايا كرامتها لا زالت ترتقب وجه بندر ربما وعل وعسى قد يخرج لها من بين زحمة الوجوه ! لا تعلم لمَ تنتظر قدومه ليودعها ...! تود أن تصرخ له بالحقيقة المرة " مضاوي اللي هدمت حياتنا ميب امي " ولكن مشاعرها خرساء لا تنطق .. دموعها الوحيدة التي تكلل الحالة ها هي تشد الرحال للهجرة و الرحيل بعيداً عن ثنايا الوطنـ بعيدا عن ذكريات حبها و عشقها المجنون لمن خذلها ! لمن ارتبط بالغير و تنساها ...! لمن باعها و باع ذكرياتها و ايامها ! لمن جرحتها و حرمتها من أمها !! لمن خدعتها و صيرتها إنسانه هشه مجروحة مريضة نفسياً !! ترددت ... جدير ان يتم ذلك كيف لا و الذكرى العطرة باتت تاسر زينة و تذكرها فيه ... تذكرت بسمته .. جنونه .. عصبيته ... اشتاقت كثيراً لثنايا عشقه ... نزلت دمعتها ترثي حالها و قست على حالها قبل ان تقسو على دمعتها و تشجعت إلى أن وصلت لمقعدها و لا تزال تصارع خلجات عشق بندر التي اخرستها و قست عليها بهذالقرار الا وهو البعد عن ميناء ذكرياته الحالمة !! ركبت في الطيارة في الفرست كلاس طبعا ..وطلعت مصحف وقعدت تقرا فيه ... " " بندر مع سعود راحوا الشرقية لأن محمد اخو بندر الاصغر تعبان وماحبوا يقلقون العائلة ويقولون لهم ... تطمنوا على محمد ... ورجعوا الرياض يعني مااخذوا إلا يوم وليلة فقط .. رجعوا للرياض وكان سعود اللي يسووق ... بندر : ترفق ياسعود وراك طاير ... سعوود واهو يشرب بيبسي : ههههههههه مشتاق للمدام يالبى قلبها بس بندر ابتسم وقال : ميب طايرة بس ارواحنا يمكن تطير لو اسرعت اكثر سعود: اتعب ياجديه انااااا هههههههههه بندر : اقول لا يكثر وخلني بآخذ لي غطة .... سعود : لاااااا مافيه وإذا نمت بسوي مثل حركة اخوي نواف بالشباب من هاكسنين تذكر هههه بندر : مجانين والله انت واخوك ههههههههههه سعود برباشته : إلا بالطاري سمعت آخر خبر بندر ينزل شماغه : خير سعود: نواف اخيرا قرر بيخطب دق علي اخوي بدر وبعد خالد دق علي قبله يحطون عندي خبر.. بندر : ماشاء الله مبروووك اخيرا اقتنع الرجال ههههههههههههه سعود بحرج : أي اقتنع بس تدري عاد مين خطب .. بتنصدم !!! بندر : والله اخوك ذا غريب فا اكيد انو طالع طالعة مدري وش تبي ؟ سعود : اهي كشته مو طلعة وبس بس مدري وش صار عليه ؟؟ بندر : مين خطب طيب من بناتنا او برى العائلة !! سعود بسرعه وبدون تردد : زينة بندر كان بينام ارخى ظهره : مين ؟؟؟ سعود : اللي سمعت .... بندر يحاول يستوعب : أي زينة طيب ( قلبه ينبض بقوة وعيونه احترت تذكرها ) و راشد يواكب الموقف بـــ : علمتني وشلون احب علمني كيف انســــــــــى يابحر ضايع فيـــــــه الشط والمرســـــــــــــى علمتني وشلون احن علمني كيف اقســـــــــى سير علي .. بس امسح دموعي وروح سير علي .. جب لي معك قلـــب وروح سير علي .. اذا تذكرت الجــــــــــروح ياطاغي النظرة خـطا تجزى بهالبخل العطا وانا اللي اهديتك أمن عين وجفـــــــــــــن هذي فراش وذا غطا ويا بحر ضايع فيه .. ياجرح من وين ابتدي وانت معي من مولدي وعيت يــــــــــــــــدي على وداعك تهتــــدي بس انت علمني الجفـــــــــــــــا دامني عجزت اعلمك كيف الوفا ويا بحر ضايع فيه .. سعود : تستهبل انت ووجهك زينة زينة في غيرها زوجتك الاولى بنت عمي سعود بندر قلبه يضرب بقوة و عدل جلسته وناظر في سعود ( بدأت نبضات العشق الدامي تجلده بسياط حاده ) : اووووما ذي مو معقول اكيد انت مافهمت السالفه تراك دايم تلخمني كذى تقول شيء ويصير خطا سعود بحماس : والله العظيم وربي الكريم حتى كل اخواني دقوا علي يقولون اذا دق عليك ارفض لانو معند ومقرر يخطبها وإلا بلاش خطبة بندر قلبه تسارعت نبضاته وقال بخوف : وافقت طيب .. سعود : مدري وش صار بس اللي اعرفه ان امها بتجبرها تأخذ ولد ابن نصار والبنت رافضة يقولون تعبانة مره بندر تنهد وسكت تذكرها ( ياليتك تحسين في حالتي يا زينة و تقدرين الظروف اللي فرقتنا) سعود : وش فيك ساكت .... بندر بحسرة : وش تبيني اقول سعود : هههههههههههههه أي شيء قول مبروك منه المال ومنها العيال أي شي بندر تأفف ،، سعود : بايخ كلامي صح هههههههه بندر : ينقط عسل ولو وش دعوى انتبه للطريق بس ( اشر بيدينه للطريق ) سعوود : تدري يا شيخ لعيونك ياروميو بدق على نواف اسأله وش صار بس اصص لا يحس انك عندي ثم يستقعد ماأخذ منه لا حق ولا باطل بندر بألم : اوكي دق سعوود : هلااااااا بالعريس نواف : هلا فيك ..... سعود : وش اخبارك ..... نواف : تمام ..... سعود : اخبار العروس ..( تقطع قلب بندر ) نواف : لا عروس ولا شيء حرمتوني من فرحتي خلاص ارتاحواا مانيب متزوج خير شر سعود : افااااااا يانواف وشذالكلام بس إن شاءالله تكبر وتنسى بعدين صدقني ماتناسبك يبي لك وحده بنوته ..( تقطع قلب بندر مايحب احد يتكلم على زينة خصوصا وانه اهو السبب).. سعود : خطبتها طيب ؟ نواف : مالك شغل خلاص محد راح معي لااحد يسألني ماراح اقولكم لو الفرح بكرة .... سعود : اخووووو نورة افااا ياذالعلم ..... ابك تسيف هههههه نواف ضحك غصب من كلام سعود : خلاص ياعم البنت سافرت سعود يناظر في بندر اللي تحمس مره يبي يعرف وين راحت..: وين سافرت ؟ نواف : ثاني مره اقول مالك شغل وش دراك يمكن بعد سنه سنتين او شهر شهرين اتزوجها عيب تسأل بندر وده يحط يدينه برقبة نواف ويخنقه مابقى إلا هالبزر يااخذ زينة حبيبتي مني ويتغزل فيها بعد ياقلبييييييييه سعود : بجد عاد نواف وين .. ؟ نواف : مالك شغل المهم البنت رفضتني وبس ارتاحوااااا << متكرن وبقوه ^_^ سعود : اجل ذي علومك هاه ... نواف : هههههه مايحتاج ادري بقفل في امان الله بندر تضايق مره من اللي سمع مايعرف وش يسوي.. صدع راسه وعاوده الصداع ... بندر : بالله يااسعود وقف عند اقرب محطه سعود : مفلل بنزين.. . بندر : ماعليش وقف ياخي سعود : مزنوق عادي اوقف هنا بر ماحولك احد هههههههه بندر : ههههههههه اقول لايكثر وووقف وبس بعد مسافه 2 كيلو وقف سعود... سعود : وين المسجد او السوبرماركت او دورة المياة هههه؟ بندر : سبحان الله انت واخوانك كلكم تحب تعرفون وقف هنا هنا وبس مالك شغل بالباقي وقف سعود وقال : الشكوى لله وحده يلاااا بسرعه لا تتأخر اذا ابطيت بروح عنك هههه بندر : هههههههه تسويها والله خبل ماينقال عنك سعود: مو كانك من قبل شوي تسبني وانا ساكت محترمك عشانك معصب اخاف اقول شيء وتقبس علي او تصفقني كف محترم صدقت عمرك انك محقق كفو بندر ابتسم ونزل ،،، وسعود يتابعه وين بيروح .... شافه دخل السوبر ماركت دق سعود على بندر وقال له : هات الرياضية معاك ..؟ بندر بحزن مبين على ملامحه : في الرياضي بس تبيها ههههههه سعود : والله مو ناقص انحياز للإتحاد انا ههههههه طلع بندر من السوبر ماركت وركب السيارة ... سعود يناظر فيه .. بندر : خير سعود : مااشوف معك شي ليش نازل وغاثني من كيلووين دور محطه خير تستهبل انت ووجهك .. بندر عشان يفهمه السالفه طلع زقارة وبدأ يدخن.. يسحب زقارة ورا الثانية لانه متضايق حدددده سعود : لحووووووووول مو قلنا انتهينا من هالقرف وش رجعك له بندر واهو يدخن بشراهه بندر ناظر سعود بعد فترة : الضيقه رجعتني له ..... سعود : ماعندك إراده صدقني بندر روق شووي يوم دخن والحزن لا يزال يرسم له خطى واضحه وقال : اتعب انا ياإراده ههههههه الظاهر المدام لها تأثيرات عليك مره لغة عربية اجل ( بندر صار مروق وجاذبيته صارت لا تضاهى الحزن اضفى عليه بهاء وجاذبية ) سعود : يالبى قلبها مشتاق لها والله ترى بذبك عند مدخل الرياض وانت تصرف خذ لك ليموزين أي شيء هههههههههه بندر : الله يكفيني شرك نذل تسويهااااااااهههههههه بندر يفكر " وش الرياض ماعادت بالرياض دام القمر مو فيها ...!! كأن الرياض اختفت وحتى ماعاد فيها سكان .... وش لي بالرياض دام زينة ماعادت تتنفس هواها كيف بعيش أنا وهي بعيد كيف ؟؟ عساها بخير يارب " " " " وصلوا الرياض وكان الوقت الساعه 2ونص في الليل .... نزل بندر لبيته يجر حزنه و حسرته الصامته .. مايعرف ليش حاسس بشيء غريب يقرقع بقلبه تعوذ من الشيطان لانو ذالاحساس من زمان يراوده بس يطرده بذكر الله دخل بندر البيت شكله مبين انو البيت فاضي مافي احد ... دخل ناظر الصاله مافيها احد .. بس لفت انتباهه وجود شموع تعطي جو مره رومانتيك على الدرج وعلى الطاولات ... و بتلات الورد في كل مكان والريحة رايقه تريح الاعصاب ... .. قال بنفسه واو معقوله صوفيا حست اني بجي ومستعده لي وناسه ^_^ - - - - - - " اقل شيء احس انو في احد منتظرني " طلع مع الدرج خطوة خطوتين ثلاث خطوات أربع خطواتـ واستغرب انصعق قلبه بدأ يضرب بسرعه يسمع اصوات خاف يكون شيء قال بسم الله الرحمن الرحيم وقرأ اذكاره وقال ( اللهم انك سلطت علينا عدوا عليما بعيوبنا يرانا هو وقبيله من حيث لا نراهم اللهم أيسه منا كما أيسته من رحمتك وقنطه منا كما قنطته من رحمتك وباعاد بيننا وبينه كما باعدت بيه وبين رحمتك وجنتك ) ... - - - - بس قلبه مازال يضرب تشجع وطلع فوق ناظر غرفته ( غرفة النوم ) سمع صوت صوفيا تضحك بنعومه وتتكلم بدلع وغنج ... والطامة الكبرى انه في صوووت رجال عندها بالغرفه _ - - - - ؟ بندر ماقدر يتحرك انشلت اطرافه من الصدمة والربكة .... ( موقف صعب يحس كرامته و رجولته انجرحت) مايعرف كيف يتصرف ....؟ دامه بدأ يثور " معقولة اتوهم لإني اكرهها بس قالوها ذيل الكلب ما يتعدل " فجاءه بدأت تطلع تمتمات واصوات غريبة من الغرفة مخلوطه بضحكات طبعا تقدم بندر ( لاحظوا اللي بالغرفة كانوا خاشين جو مالاحظوا بوجود بندر ) ... بندر تقدم وباب الغرفه مفتوح و ها هي خطواته تأمل تكذيب المشهد المتوقع شاف صوفيا زوجته اللي زوجه ابوه عشان تجيب له عيال وتسعده شافها في منظر غير أخلاقي مع شباب وسيم المظهر ... بندر صقع الباب بقوووة - - - - ؟ للحين مكذب اخينا في الله خخخخ - - - صوفيا ناظرت بقوووه وبهبل وشاف بندر تفاجأت ... دقات قلبها بدأت تعتلي و تكتوي بزفرات الموت المفاجئ الشاب ناظر فيه وأستغرب ناظر فيها الشاب وقال : يالخاينة تواعدين واحد غيري لي معاك 6 سنوات وتعرفين غيري صوفيا انجنت ماعرفت تحكي ولا شيء .... لا تزال سياط الصدمة الغير متوقعة تلسعها بعقارب الموت البطئ بندر فقد اعصابه ودخل مسك الولد وصفقه كف قوي طيحه بالارض وبعدين اخذه وكفخه تكفيخ مسح فيه البلاط لين برد قلبه وقال اسمك ياكلب ؟؟؟؟؟ اخذ اسمه وقال : الحين قدامي على مركز الشرطة ياجزمة ياحقيرر اوريك وربي غير تندم انت وذالخمه اللي طايح فيهاا ... مسك صوفيا اللي عجزت واهي بتهرب مسكها وصفقها كف ومسح فيها البلاط اهي بعد اخذت نصيب وافر من الطق والضرب .. في لحظة طيش وقهر.طلع بندر المسدس بيقتلهم كلهم صوفيا : اذبحني ريحني ماابي اعيش بعد اليوم الله ياخذك إن شاءالله تمنيت ماتعرف شيء عساك تموت يوم عرفت( تبي تشغله الحيوانه لانو الزفت خوييها ايمن استغل بندر ومسكه من ورا ) بندر استوعب : اتركني ياكلب .. والله بتندم ياحيوان اتركني ... ايمن : مالكلب غيرك ولا الحيوان غيرك انت غبي حتى زوجتك ماتعرف كيف تريحها وناظر فيها وارسل لصوفيا بوسة أيمن بهيام : واحد عنده وحده حلوه وغنوجة زي ذي ليش ماتدلعها وتريحهااا اما زوجتك عليهااا جمال وجسم شيء بندر انقهر مات قهر عجز يتحمل وقال : ياجبان لو فيك خير واجهني مو تجي من ورا ياكلب مسك الشاب المسدس وصوبه على راس بندر قال : صوفي حبيبي ايش رايك تبين منه شيء قبل يموت .. صوفيا : لا قلبي اذبحه ابيه يموووت ههههههه << عساك تموتين أنتِ واياه +_+ بندر : الله لايسامحكم ولا يبيحكم ياعيال الكلب .. مسك الولد بندر واخذ قطعة قماش وحطها على المسدس وصوبها على راس بندر ....رغم محاولات بندر بالمقاومة تلاشت ذرات العشق .... اسطورة الشموخ و الجرح اقد آن لها الإندثار!! منبع الجروح الدامية المتجدده في صرح زينة ...قد اشرف على الأنتهاء !! (بوووووووووووووووووووووووووووو ووووووووووو) انطلقت الرصاصه وكانت بدون صووووت .. ؟ ؟ علمتني وشلون احب علمني كيف انســــــــــى يابحر ضايع فيـــــــه الشط والمرســـــــــــــى علمتني وشلون احن علمني كيف اقســـــــــى سير علي .. بس امسح دموعي وروح سير علي .. جب لي معك قلـــب وروح سير علي .. اذا تذكرت الجــــــــــروح ياطاغي النظرة خـطا تجزى بهالبخل العطا وانا اللي اهديتك أمن عين وجفـــــــــــــن هذي فراش وذا غطا ويا بحر ضايع فيه .. اغتيلت هذه الإغنية الرائعة كيف لا و بندر هو هذه الأغنية .... وإذا تمثلت الإغنية جسداً لصرخت : بنــــــــــــــــــــدر فجـــــــــــــــاءة في الطابق السفلي سلمان : كح كح وشذالريحة خياس اووف بس حجرف : كح غريبة بندر مكلمني قبل شوي متأكد قالي تعال البيت سلمان : الله يأخذ عدوك يمكن بيت عمي قصده لانه يمكن مابعد وصل من الخبر كح كح حجرف : يارجال لا تلحس مخي قبل شوي حاكني وهو بالطريق وصل الرياض وقالي استعجل بالأوراق بعد سلمان ناظر فوق : سمعت الصوت اللي سمعته حجرف بدهشه رفع ثوبه بسرعه و يركض : ايه يالله نشوفـ وش فيه ..؟ دخل حجرف ومعه اخوه سلمان ناظروا في الموقف كان مايبي له تفسير عيونهم ميب مصدقة .... تجمدت اطرافهم ..... !! من الخلف ايمن يترنم ضحكاً مع صوفيا لوضع تخيل يليق بنهاية بندر حجرف و سلمان مسكوهم وكفخوهم تكفيخ... بندر تحرك بفاعلية عنيفة ومسك الولد بندر : انا اوريك من الجزمة ياجزمة ياجبان هالحين مسك بندر المسدس سلمان : بندر لا تضيع مستقبلك عشان واحد جزمة مايسوى موطى رجولك ، بندر : بربيه والحين بصوبه على اختكم بس شوووووي... حجرف مسك يد بندر واخذ منه المسدس : ماابيك تضيع مستقبلك يابندر عشانهم اخسرهم مسك بندر الولد وسلمه لمركز الشرطة بيروح له ويسنع ابوه جده بس مو قبل مايسنع صوفيا.. دخل البيت وطلع لها فوق لقى اخوانها يسنعونها " ما أقسى حالها نهايتها ذليله كسيرة ...هذي نهاية الغرور و التجبر " بندر سحب نفس عميق لان توه وصل من المركز : انتِ ماابي اوسخ يدي بلمسك فاهمه ولا ابي اضيع مستقبلي عشان وحده ساقطة مثلك الله لا يوفقك ولا يسامحك روحي انت طالق بالثلاث حجرف وسلمان منفشلين من بندر مايعرفون وش يقولون مسكها حجرف بقوة مع شعرها ودزهاا بالسيارة بقوووة بندر تعب وجلس في الصاله ناظره سلمان سلمان : بندر فيك شي تعبان بندر بعصبية : يعني وش رايك وش تشوووف سلمان : ماعليش طول بالك اذكر الله والله كريم ربي بيعوضك بندر : انا تعبت خلاص كل يوم طالع لي شيء جديد تعبت مرضت الله .. سلمان : لا تكمل خلاص كل شيء واضح .... بس العذر والسموحه يااخوي خبرك والله مالنا سلطة عليها مافي طريقة ماجربناها بس الشكوى لله كود هاللي صار يصحيها ويوعيها بندر : عساهااا ماتصحى وطول عمرها تتنكد سلمان : لا اله إلا الله محمد رسول الله .. دخل سعووود اللي كان طاير عقله .. ( بندر مواعدهم يجونه عشان بينهم أوراق للعم عبدالله ) سعود مبلم : وش السالفه ..؟ بندر بعصبية : لحول كملت وانت وش جايبك بعد يااخي اطلعوا خلاص مابي احد واحد تعبان ومرهق يلا ولا عليكم امر سلمان يناظر بندر يترجاه في نظراته انو مايقول شيء من اللي صار لان مهما صار صوفيا محسوبة اختهم بندر : عن اذنكم بروح انام بتجلسون هنا اجلسوا بس انا تعبان راح بندر واول ماممشى طاح مغمى عليه واضح انو نوبة الصداع حاشته مره ثانية فزعوا له الشباب كلهم ووصلوه اقرب مستشفى " " " أخيرا الحمدلله خلصنا البارت السادسـ ولي عودهـ مع البارت السابعـ يوم الإثنين بإذن الله تعالى ... تذكروا دائما : تهمني ملاحظاتكم و توقعاتكمـ ....؟؟؟::40: (الجـــــــــــزء الســــابع .. The Seventh part) (1) آآآه يانبض حياتي ودمي وغرامي وتراتيل ضميري ليتني مت ولـــم افــــقدك يــــــا بسمة الدنيا على درب شعوري >><<من بين ذكريات الأمس المتناثرة على الأطلال و من بين زفرات الألم التي تجلد الذات بسياط لاهية من كل صوبـ هاهي المشاعر تعزف أوتاراً من نار على القلوبـ ...>><< ومن بين تلك الملامح نجد : " نسرين مسافره مع زوجها ابو فراس صار لها شهر و نص يمكن " كانت الشهر الأول سعيده معه لانو همهما تقهر خالد اللي ماطق لها خبر ومبسوط بزوجته ضي اللي حامل منه للمره الثانية .. تطلع و تستانس مافيه مكان ما شخصت فيه مع ابو فراس هناكـ بس فيه شيء لسى مابعد ارتوى بذاتها و حياتها فيه نقص عاطفي كبير تتجاهله نعم ولكنها من حين لآخر تقع ضحيته !! نسرين بدأت تلاحظ جفاف ابو فراس وقسوووته لا مبالي لا يكترث لها رومانسية عنده صفر على الشمال شكاك من الدرجة الاولى،، يالخيبة الأمل التي تلسع فؤاد نسرين المتباهية ...!! وحتى انو في موقف صفقها كف من قسوته الساعه 4 الفجر في (امريكا) كانت نسرين جالسه تنتظر المصون زوجها متى يرجع الشقة لإنها ملت وطقت من الجلوس لوحدهاا طول الليلـ والنهار ... مترت الشقة من كثر ما تدور فيها ....! مللت وقوفها المعتاد على تلك النافذة التي تعكس صخب الأضواء و ضجيج الحياة العارمة بالمشاغل.. تماماً المظهر الخارجي لرؤية المنظر من خلف الشباك ...يعكس تماماً تشنج مشاعرها من الداخل ..! يا لقسوة الواقع ..! تباً للحظ .... تباً لتلك الظنونـ ! سحقاً لأعمالي السابقة ...! ها أنا ذا اسيرة بين ثنايا زنزانة ثمار الماضي .... كيف لا يا نسرين ...!!! اتناسيتِ .... مقولة (()) باكر على الظالم تدور الدواير (())) !!! قطع زمزمة افكارها التي لا تزال تلقي عليها تعويذة من الندم ... صوت الباب الذي انفتح بهدوء ... ما خلف ذاك الهدوء .....؟ رفعت عينيها و ادارت جسمها للأمام وهي لا تزال تبرح مكانها ... اطلقت مداد نظرها تتنتظر ....! دخل الاخ سكران مره ( مسطل لآخر مرحلة من الثمالة ) نسرين بسخرية و عصبية و شماتة بحالها ها هي تجر الخطى و ضغطت على اسنانها بقهر و يديها على خصرها : بدررررري ابو فراس تمسك بالجدار : بسم الله ا ا ي ي ايش قلت نسرين بعصبية ولا تزال تزيد من قبضة يديها على خصرها : بدرررررري ناظر ساعتك كم ..؟ ابو فراس يناظرها بخبث وهو يتحسس بقايا شنبه : كم او كيلو متى هاهاهاهاهاهاه نسرين تقرفت من شكله واهو سكران وقالت : خلاص يااخي تعبت منك ومن هالحالة صار لنا شهر وشوي وانت دايم سكران مو عيشة ذي خلاص ضروري تصحى لحالك تراني مليت ابو فراس عفط يدها وهاهي زفرات انفاسه تقترب من اذنيها : شوفي الحريم مايرفع صوتهم على الرجال فاهمه وإلا اهلك ماربوووك ناقصة تربية انتِ ( ماذنب الأهل في كل موقف و الآخر يصرخ أدم ويدلو بدلوه على حواء بأنها لم تتلقَ التربية ماذنب الأهل و المدرسة و المجتمع كي تدلو بدلوك عليهم ) صرخت نسرين بهستريا و عدم استعياب : لا ياللي ماتستحي على وجهك انا ناقصة تربية .. (طرررررررررررررررررررررراخ ) نسرين شهقت ميب مصدقه : وتضربني بعد ابو فراس : واكسر دماغك بعد انا اخذتك عشان اتمتع فيك بس متى مابغيت انت حلوه موووت ، لكذا ابي امتع عمري فيك بس لعلمك مالك وجود إلا .... ( قرب لها و استنشق خصلات شعرها ) ناظرت فيه بتقرف و صدود وخسرته ودخلت تبكي واهي تندب حظها رمت نفسها بتثاقل فظيع على جنبات السرير القاسي ... و نوبات الندم تلطم فؤادها وبقوة .... دموعها ساخنة تكاد تلهب وجنتيها !! ضمت البطانية لحضنها وهي تفكر بـ : ( آآه يمه تعالي شوفي حالتي انا ظلمت نفسي مع هالسكير مايقدر ولا يحترم ضرب وضربني بس وصلت انو يغلط على اهلي لا ماارضي ، آخ يااخالد عز الله اني ظلمتك وظلمت حظي ليش تركتك وانت كنت تموت علي ليش ياليتني مت اول ماتركتك عجزت استحمل انا هالدمث اللي عندي صدق علمني الفرق اللي ماكنت اشعر فيه علمني اني خسرت انسان بمعنى الكلمة ) تذكرت عيالها و حن قلبها لهمـ سقطت دمعة ترثي حال رامي و راما ...... وينهمـ ...؟ وش حالهم ...؟ << وش يسوون ...؟ عند مين ؟ مرتاحين او تعيسين مثل امهمـ ! >><> المعطـي الله مالخلقـه عطايـا لو هي على خلقه سقتنا المراير عزاي ربٍ يعطي حسب النوايـا يرحم عزيزين الزمن والضماير " " " " (2) >><<< يا رياح الشك هبي واعصفي ببقايا الروح والقلب الحزين >><< إبتهال في البيت ببدأت تتاقلم مع حياتها الطبيعية اصبحت مطلقة واهي مابعد تزوجت ( مشكلة كبيرة وعميقة في السعودية و الخليج صراحه لابد وأن تكون لنا وقفة معها ) ... رجعت شوي شوي لإبتهال المرجوجه استردت ثقتها بنفسها وتجاوزت الصدمة ....... البنات ماقصروا معها ..كثفوا الجمعات عندها عشان تسلى ...! رجعت سهراتهمـ الخقوقية على قولتهم ^_^ تغريد مبســوطة بولدها كثير .... أميرة وعزوز ... ود و بندر ...كل وحده و ولدها مسويين جو عند إبتهالـ ..!! الهنوف معصبة : خير إن شاءالله عيالكم صكوا راسي ترى ميب حالة قدروا اني ثالث ثانوي مستقبل واعد ينتظرني يعني ود وهو ترفع بندروي : ههههههه اخس يالدفرة بتدرسين يوم الخميس ارحمي عمرك يا عزة زكريا اميرة : خخخخ تفو تفو ماشاءالله بعدين ترا عديتها لك كم مرة خلاص عاد ترى روعتِ عزوز قصري حسك ريم التفت كانت تلعب بلاي ستيشن << حرام بنات ^_* : خخخخخ ايه على اساس انو موب متعود على خشش تروع يعني الهنوف اللي جت و نطت بين داليا و ريم : من أميرة لهشام إلا قمة الترويع خخخخخ داليا اللي تباري ريم ^_^ : هههههه تدرون رامي طير قلب عزوز امس (ضغطت ستارت ورجعت كملت ) شهقت اميرة : لا يالدلخ وانا اشوف عزوز البارح مانام عدل ياقلبي عليه بس يشاهق وهو نايم يامال العافية بس راما ببراءة و حزن ينطق من عينيها : والله عاد ولدك ياخاله اللي ملقوف اميرة تناظرها : افا يا رمرم صرتِ مثل داليا يعني علمتك بطولة هاللسان داليا : ههههههه أي والله من كثر صكتها فيني ماتنلام راما : من زينك عاد اصلا حتى سرير ماتخليني انوم عندك ترميني بالأرض مالت بس بروح لابوي خلاص داليا تناظر البنات : قد شفتوا بنوته صبية بعمرها تحاكي خالتها المزيونة القمر اللي هي انا بهيك طريقة ريم : ههههههه ترى فيه مرايه وراكـ ناظري خشتك او فيسك الميمون بالله داليا : هههههه دام ان هالفيس موب عاجبك وش مطيحك عليه ريم قصرت صوتها وتناظرها : تكفين لا تقولين انك ماخذه مقلب واني طايحة عشان ذالفيس خخخخ داليا تهمس : ادري يالمعلونة عشان نويف ريم ينقالها خجلت : طيب انطمي ترى استحي والله لا تقولين للبناتـ داليا : يعني هنيف ماتدري ان بينك وبين نايف شيء افلقيني ياشيخه ههههه ريم : هنوفه تدري بس هالصبايا الأمهات خخخخ داليا : أي والله صدقت وكل وحده ماهمها غير رجلي سوا ورجلي قالـ ريم تناظر ابتهال : ياعمري يا بتو بس والله كاسرة خاطري الله لايوفقه على هالعملة داليا : لا تدعين عليه البارح دعيت عليه وامي هاوشتني تقول ادعوا له بالهداية وعلى قولة نايف خيرة ريم ناظرتها بجدية و عصبت : احلفي نايف قال كذا داليا : ههههههه ايه قال كذا وش براسك اتحداك تكلمينه تبين رقمه تسألينه هههه ريم يدها على خصرها : وش قالوا لك صايعه وإلا صايعه اكلمه وهو مابعد صار محرم لي وعلى فكرة ترا موب من زينة يعني قال خيره قال داليا وقفت اللعب و مسكت شيبس ليزا لاحمر و فتحته : يقولون من سبك حبكـ والعهدة على القائل ريم تهمس و تبتسم : اهاااا قلتِ من سبك حبك يعني انتِ تموتين بسلمان داليا تناظرها بخجل : خير إن شاءالله رجاء لا تطلعين إشاعات ريم : مو يقولون من سبك حبك انت24 ساعة ماسكة هالضعيف مهايطي و راعي صيد وقنص وماينعرف لك مرة تستعرضين محاسنه كلها وبعدين تجحدينه بس ما تنلامين والله أنه رجالـ داليا : خير على كيف ام جيرانكم انتِ ريم : عشان أم الجيران أم خلف ذي ماتهون علي تعالي والله لاسنعك أنتِ وهنوفه بس داليا تكرنت ( عصبت) : سوري دوري غيرك يسلك لك امورك عند نايف بعد اليومـ ريم بدلع : دلو وش فيك تكرنتِ ؟ هذا جزاي بساعدكـ داليا مكشرة و مسوية جدية : ومن قالك عن سلمان ريم : لا يالملعونة يعني تحبينه هاه ! ههههههه وقاطمة جد ابو ام العافية داليا بخجل : لا بس يعني مثل ماقلت لك قبل احس مو من عائلتنا مدري ليش فيه شيء غير ريم بهيام : أأأه اساليني عن العشق و غرابيله داليا : كش عليك بس ههههههههه وش دراك عن العشق سامعته بمسلسل شكلك ريم : والله بعيون اخوك شفته ولا رسيت على ميناه داليا : ههههههه اخس يالشاعرية يالرومانتيك ريم : شاعريه شاعريه خلاص الظاهر حمى الشعر بدت تخمك ههههههههه داليا سكتت لان اميرة قربت و صارت تسولف لهمـ عن هشام الهنوف : ياليل الليل إلى متى وانتم تستعرضون محاسن رجالكم الشيون ترا قرفتونا ميب عيشة وربي ياليتكن عنستن و لا صار كذا اميرة : هههه نشوف بكرة وش بتسوين يام شرَين ...؟ الهنوف بكبرياء : بحطه بجيبي هنا ( تشر لجيبها ) ولا نيب طاقة لابو ام خالة عمه خبر ... داليا التفت : مشكلة يختي من جد وجيه فقر تقولين مبسوطات على هالزيجات والله اللي يسمع حكيهم يقول رجل الوحدة باتريك او آل باتيشنو ريم : كح كح يالمعفنة آل باتشينو قال ههههههه حدك ذا الهنوف قربت لريم وداليا الهنوف بحماس : لا باتريك ولا جون ابراهام ولا كلمة بسرعه يالله قولوا لي كل شيء ترا اشوفكم شغالات من تو قرقر واجد وش فيه ؟ قاطعتها ريم بشاعرية : اسكتِ ياهنيف دلو طلعت تحب سلمان الهنوف تناظر داليا بإعجاب : ياسلام عليك يا دلو والله الحين بس صرتِ بنت عمي و صديقتي الصدوقة بصراحة اهنيك على إختيارك كفك يا قمر الحين بس صرتِ صقيقتي خخخخ داليا تكرنت : مصدقة خرط اختك النصابة ذي ...انت يا اكبر (... نسبتها لدولة تشتهر بالنصب خخ) الهنوف " ياهمي لا يكون تحب حجرف بس " : اجل مين اللي متربع هنا على قولة دينا حايك << الله يخلف على امك بس ^_^ داليا : وش اللي مين انت الثانية خير إن شاءالله ؟ ريم تناظر داليا بنظرات خبث : علينا علينا من سبك حبك اجل هاه ههههههههه الهنوف : لا يبي لها تربيعه ذالسالفه يالله هاتي اشوف ( تربعت بالأرض ) ريم بحماس : لا تخافين مو حجرف الهنوف يإهبال يدها على قلبها : خوفتيني تصدقيييييين يمه بيغمى علي ريم : انكري بعد انت الثانية صدقتك تصدقين الهنوف : لا انكر ولا شيء بس عاد ليش احبه وهو ما يدري عني ولا يدري كان له بنت عم اسمها هنوفه داليا : هنوفه اجل احلفي بس مدلعه عمرك بعد خخخخخخ ريم : ياشيخه وش دراك يادلو هذا مخارج عشان تاخذنا بعيدعن السالفه ! الهنوف وقفت تعدل البنطلون : والله ياعقب البارح يوم انا بالإستراحة شفتِ كيف جحدني خخخخ احس طاح من عيني وبقوة اجل انا يقولي بزر مين يكون يعني يناظر عمره تراه اكبر منا باربع سنوات بس داليا : أي ياحرام ههههههه كرشك كرشة قوية انا شخصيا تبريت منك خخخخ وقت التهزيئ بس عاد ماخذت بالي بعين إعتبار الإعجاب اللي انك تخقين عليه الهنوف : البارح حقدت عليه يوم قال عنا بزران وإلا يوم يضيع اسمي بلا بشكله ريم بتحليل << - - تحقيقات هالبنت : انا اشك انه ناوي يسويها قولي ليش عشان يلفت إنتباهك الهنوف : كح كح ههههه ضحكتيني حجرف بن عبدالله الـ ... يبي يلفت إنتباه بنت لا وبنت عمه بعد خوش خوش داليا : وش فيك كذا ترا منيب بحب البنت اللي تقلل من قيمتها ابد الهنوف بثقة : مو تقليل بس حجرف يحب ياناس يحب وحدهـ وقسم اني متأكده يحب ويعشق بعد ريم : وش دراكـ ؟ الهنوف : دريت وبس و لا تنسين قصيدة سلمان اللي صور فيها حالة اخوه المحب الجريح و يخاطبها فيها يعني مين بيكون ذالعاشق الجريح هشام زوج الهبله ذي ( تشر لاميرة) و إلا وليد زوج نورة اختي ههههه داليا : ههه وليش مستهينة بهشام ووليد ..؟ الهنوف : لا مستهينة ولا شيء بس إحساسي وبعد نظري يأكد لي هالشيء ريم: طيب انتِ تكنين له مشاعر من زمان حرام قهر الهنوف تفرك اصابعها : انا بأول عمري شيء طبيعي راح اعجب فيه اكيد بنساه مع الايام بس الاهم ماافرض نفسي عليه و اتعمد اطيح بوجهه مثل بعض الناس تطيح بوجه احم احم وتقول تبلاني ودرعم البيت وهي في بيتهم اصلا هههههههههه داليا + ريم : حرررررررررررام وضحكوا كلهم الهنوف : يالله بسم الله بالدور حبه حبه كل وحده تقولي وش سوت بالضبط كفشتكم انا قلتها اقصد ريم طلعتِ يا دلو بعد نايمة على بلاء يالله هاتوا نشوف خخخخ ...؟ قاطعهم تحضير العشاء اللي كمل تحضيره اميرة : يؤ لو انا قايلين لصوفيا بتزعل اكيد ود : صوفيا ماعاد تجي الحين تنام كثير الله يصلحهاا ليلها نهار ونهارها ليل داليا : بندر بالشرقية اعتقد ود بحماس : ايه مع سعود راحوا بس بيرجعون الليلة بإذن الله بس صوفي غريبة من جد مشقلبه نومها ريم برباشتها : عاد شغل بندر العكس كله بالنهار يا سبحان الله الهنوف بتحليل : تصدقون هذا دليل انهم ما يشوفون بعض كثير تغريد زعقت عليهم : وش دخلكم بالناس ريم قمطت : سموا سموا العشاء برد << ضاع ماء وجهها ^_^ وهي تناظر وجه الهنوف اللي قمطت بعد ( ضي كانت معزومة عند خالتها لذا لاوجود لها في هالمشهد ) - - - - " لم نعد ندري ولفحات الاسى تفرق الروحين في يأس عميق وتوارت شعلة الحب الذي كان غوثا ....من غريق لغريق ( بعد ما تمت مغادرة جميع الصبايا ) " ومن نفس اجواء ذاك القصر " سعود وصل قبل سويعات .. وخبر اخوانه عن حالة بندر الصحية دخل نواف وجلس بالصالة ناظر فيه سعود اللي موجود عندهـ سعود : نواف دريت عن بندر ..؟ نواف بحنية : أي قالي نايف الله يقومه بالسلامة إلا وش فيه هالأيامـ ؟ سعود : الله يستر انا خايف من هالصداع اللي يجيه بالفترات اقوله يكشف ورافض يقول لا نواف : لا توسوس بالرجال خله ان شاءالله مافي إلا العافيه ..... إبتهال : وش فيه هو ..؟ نواف : تعبان بس تحسنت حالته بكثير ماشاءالله ... خالد وهو نازل مع الدرج يعدل شماغه ناظر اخوانه : شباب تعالوا ببيت الشعر بدر موجود لا تتأخرون ... وطلع .. ((((... إبتهال حست بغصه في قلبها لانها قست على بدر لين طلقها شتمته وحتى زينة ماسلمت من شرهااا.. ليش انا انانية بقوة حتى نواف يوم فكر يخطب زينة اول من عارض انا ليش يعني كل ذا عشان اخوها وش ذنبها اهي طيب ... آخ منك ياابليس اعوذ بالله منك بس... زينة كانت اقرب بنات اعمامي لي والحين حطيتها في خانة الاعداء مسكينة مالها ذ نب ...)))) سعود وهو توه واقف بيطلع يناظر نواف : يالله لا تتأخر ترى الخطط ذي موب علي يعني اني اقرأ الجرايد وبتسنتر فيذا نواف :هههههههه كل يرى الناس بعين طبعه يلا جاي وراك بإذن الله وطلعوا راحوا بيت الشعر " جلسواا وكان مبين من بدر انو شكله تعبان مره .." صابر على طول الليالي والايّام أنشد و ادوّر راحتي والرّقادة كم ليلةٍ أسهر بها و غيري ينام و اعاف انا مرقدي والوسادة يزورني هوجاس و اعيش الاحلام و اشوف انا حيرتي في زيادة ( حاول يفك رموز لغز زينة بس فشل بالإضافة لمشاكله مع إيليانا اللي ما تاقملت ابد بالرياض ) خالد : عسى ماشر يا بدر ..؟ بدر : ماشر بس قلقان شوي ودي اسافر عند ابوي واختي بس بالي بينشغل على اللي هنا سعود : توكل يارجال واحنا هنا ان شاءالله لا تشغل بالك بشيء.. افا بس وانا اخوك نواف : بتسافر ايطاليا ... بروح معك بس بطلع هناكـ لان جتني بعثه .. بدر ابتسم بحزن : مبروووك وهاه ان شاءالله عزمت تروح ...؟ نواف : ان شاءالله لازم اروح نغير جو ونشوف وش يصير ومايصير قبل نوقع ونتوهق ! خالد يقلب يدينه ناظر بدر : بدر احس ان عندك شيء وشوو عادي تكلم انا فاهمك بدر ابتسم وقال : صدق ماخاب ظنك خالد : وش السالفه ...؟ بدر : فواز زوج امي لمحت عنده الاوراق اللي هبه ارسلت ناس يضربون الحارس الشخصي حقك واخذوا الورق منهم خالد انبسط وطار من الفرح : بالله من جدك .... بدر بحماس : لقيت الاصل بعد الظاهر انه هاك على هبه سعود بحماس اكثر : أي هاك عليها وآخذ فلوسها وطاردها من بيتها بعد ((((هنا تأثر بدر لانو خايف على امه كثيررر ))) بدر : لكذا انا خايف اتحرك أي حركة ....عجزت نفسيتي زفت والاقشر من ذا اني دخلت بحرب معه لاني تحديته وسفرت اختي عند ابوي مبين انو كان ناوي يزوجها ولد اخوووه السكير ذا نواف بقهر ضغط على اسنانه : ابن نصار ... بدر يقرأ عيون نوافـ : أيه .... خالد طق كتف بدر بحنية : شد حيلك ومافي شيء صعب على الرجال .. سعود و واضح انه يتذكر واستدرك : اقولك بدر تعال فواز مو هو اللي ...؟ قاطعه بدر تنهد : ايه هو بشحمه ولحمه سعود فتح عييونه على الاخر : لا ياللـ....... الحيوان السافل .... ابن الــ... كيف قدر يلعبها و يوصل لكـ ! بدر بضيقة : انا اول ماشفته نسيته بس بعدين تذكرت وجهه الشين ووين شفته فيه ..و عرفت بعدها انو ماخذ درس بعد اللي صار له من سنين نواف بحماس فظيع : وش السالفة يا عيالـ ؟ سعود : يالله سالفة قديمة من اربع او خمس سنوات تقريبا بدر : منيب متذكر بس قديمة حيل نواف : ياليل لحسة المخ تكانة انا يوم انكم تلحسون مخي ابي السالفة وش قصته انا منيب برتاح له خير شر بدر : يارجال سالفة قبل 5 سنوات يمكن ، كنت انا و سعود طالعين استراحة هنا بالرياض عزمونا شباب اخوان دنيا و تعرف حفلاتهم خليطية و مالك بالطويلة يوم انا دخلنا و نشوف فواز ذا شيخ الجلسة و متصدر المجلس نواف سحب المركا : اسلم بدر : مدري وش بالضبط بس اللي اذكره انو فيه بنت واضحة انها مبليه او مظلومة مدري كيف دخلت هناك سعود يتذكر : ايه والله مبين انها مخطوفة او حاجة من هذا القبيل نواف بحلق عويناته : اها و بعدين بدر : البنت مسكتني و تفزعت فيني نختني و و فزعت لها طلعتها من ذاك المستنقع الوسخ والحيوان ذا فواز بينتقم منها مدري كيف اكيد ان بينهم شيء مكالمات وبس ورفضت تشوفه و جابها بالغصب عن طريق صديقتها الوفية و هربت وحتى اول ما شافتنا خافت مرة بس طمنتها و وصلتها مكان سيارتها سالمة خالد : الله يسترنا دنيا و آخره الله يستر عرضنا وعرض المسلمين جميعاً نواف : لا يالخسيس لا يالكلب وتتوقع مانساها ..؟ بس كيف عرف بدر بطناش : قال بساعتها انه بيخليني اندم هههههه تافه من جد سعود : بس اذكره عصب و سكر لين قال بس يوم طلعنا ذيك البنت وعرف انهاانحاشت لا ومعك بعد هههه بدر يتذكرها : ايه كان بينتقم منها الضعيف لإن هي الوحيدة اللي ما رضت تشوفه من بد خوياته كلهم اللي يخقون على خشته نواف : أي خشه وربي سعد الحارثي مقعد خخخخخ سعود : وش فيه الحارثي جنتل والله بدر تنهد : الله يكفينا شره بس مدري وش ناوي عليه بالضبط هالتفخ بدر بضيقة : انا تقفلت معي كل حياتي انقلبت فوق تحت وازيدك من الشعر بيت زوجتي تهدد كل شوي والثاني تبي تسافر وتأخذ البنت تقول ماتأقلمت هناا نواف : بصراحه اكيد مش راح تتأقلم هههههه ما تنلام ترى بدر عقد النونه << يجنن : بالطقاق عمرها ماتأقلمت بس البنت ماابيها تروح دق جوال بدر ناظر الرقم ....<< -زينة يتصل بك .. تغيرت الفيشال اكسربيشن تبعه " تعابير وجهه " للسرور و الإرتياح .. فرح مره وفز من المجلس بدر والبسمة شاقة الكشرة : عن اذنكم شباب.... نواف : هههههههه الظاهر ابو الشباب يحب ناوي يتزوج اشوفه فز من المكالمة قايل لكم مانصبر عن بنات الديرة خخخخ سعود : تدري في مثل قلته تو وجاز لي كل يرى الناس بعين طبعه خالد :هههههههههههههه - - " بعد مرور 10 دقايق " دخل بدر وحاله تبدلت مره انبسط ..... نواف مسوي فيها يمون قال : مين هاللي طيرك بدر بفرح : اذا ماطرت لها بطير لمين ..؟ الجميع استغرب ،،، بدر : ههههههههه اعرفكم ظنكم سيء اختي زينة تراهااااا نواف تغير وجهه لانو مازال يموت فيها و يعشق طاريها و ذكرها " ليتني لم اعرف الحب ولـــــم أعشق العشق ولم ادرِ مصيري " |
|
|
#17 |
|
|
رد: سعوديات بعروق ايطاليه للكاتبه شوق الماس
آآآآآآآآه من هالروااايه تجنن قريتها قببببببل رووووووووووعه
سلم ايد كتبت واييد نقلت |
|
|
#18 |
|
|
رد: سعوديات بعروق ايطاليه للكاتبه شوق الماس
منوورررره ..رووعه كتيير ....
يسلموا :) |
|
|
#19 |
|
|
رد: سعوديات بعروق ايطاليه للكاتبه شوق الماس
رووووووووووووووووووعه
بس وين التكملة والله مقدر استنا كثير كمليها بسرعه بليـــــــــــــــــــــــــــ ـــــــــــــــــــــــــز |
|
|
#20 |
|
|
رد: سعوديات بعروق ايطاليه للكاتبه شوق الماس
ان شالله رح اكملها ..
|
