|
رد: يوم الله بلاني بالحب حبيت طفله اماراتيه كاملة
يوم الله بلاني بالحب حبيت طفله اماراتيه كاملة
الجزء الحادي عشر
..,, سالم يالس في غرفته و يدامه الابتوب
سالم يرفع تلفونه بتذمر : الو
خلود : الو
سالم يعدل يلسته : هلا و الله
خلود : اهلين
سالم : اشحالج خلود
خلود : طيبه من صوبك سالم
سالم: دوم ,, اللحمد الله
خلود : وياك
و حل الصمت دقايق
سالم: خلود فيه شي
خلود : هيه يا سالم
سالم : تفضلي
خلود : انا الشو بالنسبه لك ,,؟
سالم : هههه الشو ها السؤال ..؟
خلود : يا سالم ارمس جد و جاوبني
تحول صوت سالم الى جد : انتي زوجتي
خلود : بس
سالم تغيرت الوانه : الشو اللي تقصدينه يا خلود
خلود: يا سالم انا تعبت << تمت اتصيح < فقدت الامل فيك انته دامك ما تبغاني ليش يت و خطبتني ليش ناوي معذبني
سالم : و امنو قالج هاي الرمسه
خلود : هب لازم حد يقولي يا سالم ,, كم مره يت و زرتني وله كم مره دق لي يمكن مره وله مرتين و ما اتطول كم مره حسستني انك تحبني كم مره كلمتني عن الزواج و حسستني اني عروس ,,؟ رد علي
سالم : ,,,,,
خلود : < اتصيح < يا سالم انا احبك و الله يعلم اني احبك قبل لا تملج علي لكن شكلي حبيت الانسان اللي غلط ,, سالم نحن في البر طلقني يا سالم طلقني
سالم: اطلقج
خلود : هيه طلقني
سالم : مستحيل
خلود : لا هب ع كيفيك بطلقني و اذا خايف اتصير مشاكل ما بتصير خل هذا الموضوع علي
و سكرت التلفون ,,,,
سالم تم منصدم و خلود غطت ويها بالمخده و تمت اتصيح
$$$$$$$$$$$$$$$$$$$$$$4
مزنه تتمشى مجابله التلفزون و فاتحه شعرها
جاسم : مزنه
مزنه : خير
جاسم: ليش ابويه فاتحه كشتج ..؟
مزنه : اتخسي الا انته شعري غاوي فديته ناعم حرمتك ام كشه
جاسم : لا صدق حق الشو فاجه كشتج ,,؟
مزنه : كيفي حرام يعني
جاسم : لا هب حرام
مزنه : اتحريت بعد
جاسم : انزين يا ام السان طويل متى امتحانتج ..؟
مزنه : الاسبوع الياي
جاسم : صدق
مزنه : و الله
جاسم : و الشو ان شاء الله كيف بتجاوبين في الامتحانات و انتي مجابله هالتلفزون
مزنه :اووه درست اول ما رديت من المدرسه لين الحينه
جاسم : هيه صدقتج ,, بابا دروي لي بتاني قصيه عليه
مزنه : جاسم صخ الله يخليك المسلسل الحلقه الاخيره
جاسم يلتف للتلفزون و يفتح عينه : مــــــــــــــــــــــزنه الشو ها
مزنه زاغت : الشو الشو ,,.؟
جاسم : انا لاعت جبدي من هذا المسلسل بذمتج كم مره شافتنه انتي ,,.
مزنه : ها يمكن هاي خامس مره
جاسم يرفع حوايبه
مزنه : انزين سابع مره
جاسم : بعد ما اصدق المهم ارهن اذا ما حافظه رمستهم انتي ما كثر ما شفتي المسلسل
مزنه : الشو اسوي ملانه و مافي غيره
جاسم : سيري ادرسي
مزنه : اووووووووووووووووه رحعت حليمه لاعدتها القديمه
جاسم : كلي تبن لا و راح عنها
مزنه : ع قوله اخونها السعودين وش ذا النشبه
توجه سالم للغرفه سلطان و راشد و حصلهم نايمين
جاسم : دق دياي و ظهر من الغرفه
جاسم : مزنه متى بتانمين ..؟
مزنه : استغفر الله العظيم الشو لك انته
جاسم : ردي علي
مزنه : بنام بنام
جاسم : متى
مزنه : اصلا يمكن ما ادوام باجر
جاسم : ليش ان شاء الله
مزنه : بس لان ما فيه دراسه و لان ورى باجر مسوين بارتي مال عيد الاتحاد في الاسكول
جاس: بس عيد الاتحاد باقي عليه كم يوم
مزنه : هيه ادري بس مدارس الدوله اتجدمت عسب الامتحانات قريبه و لازم تعطينا اجازه قبلها بجم يوم
جاسم : اها,, و روح عنها
$$$$$$$$$$$$$$$$$$$
طلال اول ما رد البيت حصل امه بويه
ام سعد : طلال
طلال : نعم امايا
ام سعد : ودني عن اختيه
طلال : بس امايا الوقت ليل خليه باجر
ام سعد : ما اروم اختيه تباني ضروري
طلال : بس الساعه 10 الحينه
ام سعد : بتودني وله لا
طلال : انتي ليش ما روحتي المغرب
ام سعد : كنت نايمه و ما حسيت بالوقت بتوصلين وله الشو
طلال : ان شاء الله
تحركوا و اتجهوا بيت ام سعد و نزلت ام سعد عند اختها ام حارب
ام حارب: توه نور البيت
ام سعد : النور نورج حبيبتي اسمحلي راحت عليه نومه المغرب
ام حارب: نوم العوافي
ام سعد : ربي يعافيج
ام حارب: اشحالك ولديه طلال
طلال بتباك واضح : اممم اللحمد الله
ام حارب: اصبر ولديه بنادي لك حارب
طلال : لا هب مشكله خالتيه انا مروح
ام حارب: لا و الله ما تظهر الحينه حارب بيك
طلال : الله يهديج خالتيه ليش الحلف
ام حارب : خلاص عاد و روحت ام حارب اتنادي حارب
طلال يهمس لامه : اتقولين لها بنفصل الخطوبه
ام سعد : قلت هب فاصخه هاي الخطوبه لين اتقول الشو السالفه ,,؟
طلال : انا قلت يا امايا ربي يستر عليها خلاص عاده,, رمسيه و فكني بدال ما انا ارمس
ام سعد : ,, خلاص يا طلال لا اتحن عليه بشوف بشوف
حارب و امه وصلوا
حارب يتخاشم مع طلال
حارب: هلا و غلا هلا و الله بولد الخاله هلا بالناس القاطعه مرحبا الساع و الله
طلال : هههه مرحبا ملايين و الله اسال عمرك انته ما تسال
حارب: قلبت عليه اشوف
طلال : لا اتلومني وله الومك ,, ان شاء الله الايام اليايه هب قاطعنك .,,
حارب : ان شاء الله و يلسوا ع طرف و قعدوا يسلفون
ساره ميته زيغه بغرفتها حتى ما نزلت اتسلم ع خالتها ,,,
صوب الحريم
ام سعد : خير يا ام حارب الشو الشي الضروري اللي تبغين ترمسين عنه ,,؟
ام حارب: شوفي يا ام سعد انا اختج و ما في شي بالزمن يقدر يفرقني عنج الا الموت و ما ابغى تزعلين من رمستيه فديتج ترى الزواج عمره ما يكون بالغصب و الزواج قسمه و نصيب
ام سعد < الله يستر لا يكون عرفوا انه طلال ما يبغى بنتهم الله يلعن بلسيك يا طلال <
ام حارب: اسفه يا اختيه ماشي نصيب ساره استاخرت و ما ارتاحت
ام سعد بلعت رجيها < اللحمد الله < : ما عليه اختيه و الزواج قسمه و نصيب
ام حارب بدموع : يعني هب زعلانه
ام سعد : وليش ازعل فديتج ما صار الا خير و ان شاء الله ساره بيها اللي يقدرها
ام حارب: ما اتقصرين فديتج
ام سعد اتنش: عن اذنج حبيبتي
ام حارب: وين
ام سعد : بروح البيت الساعه عشر و يمكن الحينه صارت 11 و باجر دومات
ام حارب: هههه وياج حق و الله
ام سعد : اشوفج ع خير
ام حارب: ع خير
ام سعد : سلمي ع ساره
ام حارب: الله يسلمج
ام سعد : مع السلامه
و اتنادي ام سعد ولدها و يردون البيت
طلال : امايا بلاج صاخه ,,.؟ سويت اللي قلت لج عليه
ام سعد : يت منهم يا ولديه
طلال مستغرب ولف ويه : ها ,,؟
ام سعد : اللحمد الله ساره رفضتك
طلال :< اكيد بترفضني < صدق < يلعن التمثيل
ام سعد : هيه يا ولديه استاخرت و ما ارتاحت
طلال : اها زين اللحمد الله الليه ببات مرتاح
ام سعد صخت عن ولدها
$$$$$$$$$$$$$$$$$$$$$$$$$
غدير ماسكه تلفوناه و تضغط ع الارقام بصعوبه
خالد قبل لا يرن تلفونه : الو
غدير: خالد
خالد: انتي وين ,,,؟؟ ادق ما اتردين
غدير: خالد اسمعني و لا اتقطعني
غدير : يا خالد انا تعبت و اكثر عن جذه مستحيل استمر ,,!! خالد و غمض عينها بقوه لا تدق علي مره ثانيه
خالد : بس
غدير: بدون بس
خالد : وله مره في الاسبوع
غدير: لا
خالد : وله مره في الشهر
غدير : لا
خالد: وله مره في السنه
غدير: لااااااا قلت لا
خالد تم ساكت : غدير مهما تغيرت الظروف اتاكدي اني بظل احبج
غدير يتها غصه و سكرت التلفون
خالد غط عمره و حاول ينام ولكن هيهات
$$$$$$$$$$$$$$$$$$$$$$$
بدى الصبح و النور يظهر
و مزنه كالعاده اضاربه مع بشكارتهم
مزنه : اقولج سيري هب رايحه الاسكول اليوم ما تفهمين ,,.؟
مريانا : شنو فيه مشكل ,,؟ مريض
مزنه : اوووووووووووه
مريانا : و الله انتي مشكل كبير انا كلام سوى سوى ماما
مزنه : شوفني ميته من الزيغه اهئ اهئ يالسه اصيح برى يلا برى
مريانا ظهرت و هي تتحرطم بالاندونسيا
ام حمدان : ها مريانا وين مزنه
مريانا : ماما مزنه يقول ما يرد روح مدرسه
ام حمدان : لا حول وله قوه الا بالله من هاي البنت بتيب لي المرض
ام حمدان تحدر غرفه بنتها
ام حمدان : يمه مزنه نشي فديتج ..
مزنه : اوه امايا انا قلت ما بروح
ام حمدان : ليش انزين
مزنه : خبرتج امايا ماشي دراسه و اليوم بس بيزهبون للحفله مال باجر
ام حمدان : بس انتي مشتركه في فقره هب لازم اتروحين تتدربين عليها
مزنه : لا هب لازم
ام حمدان : برايج ,,
مزنه : تصبحين ع خير
ام حمدان ظهرت عن بنتها
$$$$$$$$$$$$$$$$$$$$$$$$$$4
ام سعد ظاهره من غرفه بنتها اتهز راسها يظهر في ويها طلال
طلال : صبحج الله بالخير امايا
ام سعد : صبحك الله بالخير و السرور ولديه
طلال : بلاج
ام سعد : منال هب طايعه اتروح المدرسه
طلال : حق الشو ,,؟
ام سعد : اتقول مزنه ما بتروح
طلال : < صدق< و هي اتقلد خلق الله
ام سعد : لا اتقول ماشي دراسه و هي و مزنه متفقات ما يداومون عسب يدرسون
طلال : اها وايد بيدرسون
ام سعد : الله يهديهم ها الشو تبى ريوق
طلال : لا فديتج انا متاخر ع الدوام
ام سعد: وله تبى تاكل لك لقمه
طلال : لا و الله يا امايا ماشي وقت
ام سعد : لا حول وله قوه الا بالله
طلال : امايا اقول ابويه متى بيرد من البحرين
ام سعد : بيرد نهايه الاسبوع الياي ان شاء الله
طلال : الله يوصله بسلامه
ام سعد : الله يسلمكم يا رب
ظهر طلال من البيت و شاف اخوه سعد و حرمته حوريه بويه
سعد : صباح الخير
طلال : صباح الورد هلا سعد
سعد : ها اشوفك ظاهر من وقت
طلال : هه لا انته اللي ظاهر من وقت
سعد : هيه بوصل حوريه المدرسه << ترى حوريه اتدرس
طلال : اها جيه وين سيارتها
سعد : خربانه ما ادري بلاها
طلال : قاص ع الحرمه شاري لها سياره اتكحكح
سعد : انطم لا تيلس اتولعها
طلال : هههههههههههه اوكيه اوكيه الله يحفظكم مع السلامه
طلال وصل مقر عمله و يفكر كيف يراضي هاي الملسونه ع قولته < مزنه <
جاسم : طلال .,,
طلال : ....
جاسم : طلال
طلال : ,,,
جاسم : طلال ويعه
طلال : ها
جاسم : هيه جيه قولي من الاول انك ما تسمع الا اذا حد سبك
طلال : جسوم خلني سرحان
جاسم : هيه نحن في الشغل اسمي جاسم يا الهرم
طلال : جسوم جسوووم جسوووم
جان جاسم يدوس ريل طلال
و الشباب تموا يضكون
جاسم : عندي خبر حلو محد يدري عنه تبى تسمعه
طلال : قولي من زمان هب سامع خبر حلو
جاسم بهمس : حمدان حصلوا له علاج و بيسافر نهايه الاسبوع هذا
طلال : صدق ,,,؟ صدق
جاسم : صدق
طلال : احلف
جاسم : و الله
طلال : اللحمد الله اللحمد الله
جاسم : بس محد يدري غيري و غير ابويه وحمدان نحن خبرنا امايا انه بناخذ حمدان انسفره عسب يغير جو
طلال : انته بتروح وياهم
جاسم : هيه
طلال : و الدوام
جاسم : قدمت اجازه و افقوا
طلال : اتروحون و اتردون بسلامه
جاسم : الله يسلمك
طلال : زين انا بمركم اليوم عسب اشوف حمدان متوله عليه
جاسم : حياك الله
مزنه او ما نشت ظهرت كتبها و يلست اتذاكر
و تذكرت انه اخوه جسوم الحلو اليوم بيوديها المعهد و تمت تدعي عليه
اووووف
منال نفس الحاله بدت بالعربي لانه ماده طويله و سهله
$$$$$$$$$$$$$$$$$$$$$$$$$$
غدير يالسه في الكانتين مع اربيعتها بدريه
بدريه : سويتي اللي قلت لج عليه
غدير: هيه
بدريه : و الشو صار
غدير : ماشي رمسته
بدريه : و الشو كانت رده فعله
غدير: شرات ما اتوقعتي
بدريه : الله يعينج
الدومات كانت ممله في هذا اليوم ,, و جنها ما تبى اتخلص
طلال اول ما وصل كل لقمته و نام و سعد و حوريه بعد
اما في بيت مزنه
فسلطان و راشد يتحرطمون ع سالفه البروجكت مال سير لؤي
اما حمدان يتخيل يوم يرد البلاد و هو يمشي ع ريله بس حب يسوي خطوه قبل لا يسافر من جذه ظهر من غرفته يدور ع امه
جاسم اول ما وصل نام حتى ما اتغذى مزنه نامت ع كتاب التاريخ و حدر عليها صالح
صالح : الشيخه مزنه ليش ما دوامتي اليوم
مزنه : اوووه كنت نايمه ليش قومتني
صالح : ردي علي امنو خلاج اتغيبين
مزنه : امايا
صالح : وليش عيل قاصين عليه و مخليني ادوام و الله باجر بغيب
مزنه : غيب عادي
صالح : شو ها المصخره انتي اتغبين و انا ادوام و الله ظلم
و ظهر صالح محرج و مزنه نشت غسلت ويها و نزلت وراه
اول ما نزلت مزنه شافت حمدان يتصاصر مع امه
و اول ما شوفها صخوا
مزنه : بلاكم صخيتوا
ام حمدان : ما يخصج ليش خبرتي صالح انج غايبه مسوي سالفه في البيت و يبى يغيب باجر
مزنه : ما خبرته اكيد اعيالج رشود و اخوه مخبرينه
ام حمدان : المهم تبغين غذى
مزنه : مالي نفس اتريقت متاخر وين امايا العوده
ام حمدان : روحت بيت ام حمد
مزنه : اها
ام حمدان : الشو الدراسه وياج
مزنه : ماشي حالها
ام حمدان : شدي حيلج
مزنه : ان شاء الله
حمدان : امايا ابغى شنطي حق السفر
مزنه : سفر,,؟
حمدان : اوووووه مزنه ما خبرتج
مزنه : هيه تراني صفر ع الشمال في هذا البيت وين تبروح
حمدان : بسافر المانيا
مزنه : ليش
حمدان : اغير جو
مزنه : اها متى
حمدان : نهايه هذا الاسبوع
مزنه : نهايه هذا الاسبوع
حمدان : هيه
مزنه قربت من حمدان و حضنته : بشتاق لك
حمدان استحى : هيه خوزي خلاص انا بعد بشتاق لج
مزنه : مالت عليك الشباب يتمنون خواتهم يحضنونهم
حمدان : مالت عليج انتي و لف كرسيه و اتوجه للغرفته
ام حمدان ببتسامه : بسير اخطب
مزنه فاتحه عينها : ها ,,؟
ام حمدان : هههههههه بسم الله بلاج ,, << بدت ام حمدان تتوحم < مزنه اتوحم ع عصير ليمون حامض
مزنه : امايا هب وقت ولدج الحينه امنو بتخطبين
ام حمدان : بعدين بعدين ابى عصير ليمون سيري سوي لي
مزنه : اوووووووووووووووووووه اذا سويت بقولين
ام حمدان : هيه هيه يلا سيري
مزنه : انزين ,, و لفت ظهرها
ام حمدان : بدون سكر ها
مزنه : اوكيه اوكيه
مزنه سوت العصير لامها و مدت لها
ام حمدان مدت ايدها تبى تاخذ الكوب مزنه سحبته: يلا قولي
ام حمدان : عطني اشرب
مزنه : امايا قولي
ام حمدان : هب قايله لين تعطيني ,, بعدين لحظه ليش فاتحه شعرج و اتحوطين بالبيت
مزنه : امايا راسي يعورني و احسه ثجيل و كله رافعته رافعته قلت لج بقصه ما اطعين
ام حمدان : لميه اخاف حد يشوفج و ينظرج و عن سالفه القص انسي الناس يتمنون شرات شعرج و انتي بتقصينه
مزنه : بوزت
ام حمدان سحبت عنها العصير و يلست تشرب منه: و بسرعه رفعت راسها : مزنه قلت لج لا اتحطين سكر
مزنه حطت ايدها ع حلجها : اوويه و الله نسيت بس ما حطيت وايد اشويه
ام حمدان امرنا لله و شربته
مزنه يلست يم امها : يلا قولي الشو سالفه الخطبه
ام حمدان : هههههه ماشي بخطب حق اخوج حمدان
مزنه : حمدان ,,؟
ام حمدان : هيه
مزنه : امنو
ام حمدان : امل ,, امل بنت خالتج ام عبدالله
مزنه منصدمه : صدق
ام حمدان : هيه
مزنه : هو قالج وله انتي بروحج قررتي
ام حمدان : و شقايل اسير اخطب يا الذكيه دون علمه و موافقته
مزنه : الله يعني بصير عندنا عرس
ام حمدان : قولي ان شاء الله
مزنه : ان شاء الله تمت مزنه مستاانسه لانها وايد اتحب امل و تتمنى لها الخير
ام حمدان : سمعي فديتج انا بمر ع اختيه ام حمد من زمان ما مريت عليها و بالمره بشيل امايا من عندها
ام حمد اخت ام حمدان اظن اتحيدونها يبت طاريها من قبل بس دورها كان بسيط ممكن اتشوفنها بعيده اشويه بس اعذروها عنده 2 بنات و لدين و تشتغل مدرسه و ريلها يشتغل في الجيش يعني طول الوقت اتكون مشغوله و ام حمدان من وقت لين وقت اتمر عليها
مزنه : ان شاء الله امايا و سلمي ع خالتيه اشتقت لها و الله من متى ما شفتها من يوم الخميس
ام حمدان : يوصل ان شاء الله ,, و تحركت ام حمدان غرفتها تتبدل
مزنه صعدت فوق و رحت غرفتها ملاانه خلصت دراسه تقريبا ترى الاخت حاطه جدول في كل يومين اتخلص ماده
مزنه : اوووووه باجر حفله يوم الاتحاد شقايل نسيت ,,؟ يا ويلي
و ركضت و استغلت ان امها بالحمام < عزكم الله تاخذ شور < و سحبت فون امها
و دقت ع منال
<< شموع العمر <<
منال : هلا و الله
مزنه : منالوووا لحقي
منال : بسم الله بلاج بلاج ,,؟
مزنه : نسيتي ويه ويهج ع الشو اتفقنا
منال : اوووه و الله نسيت الحينه الحينه يايه
مزنه : بسرعه و لا تنسين الوان
منال : اكيد
مزنه : يلا بسرعه بلاج للحينه اترمسني
منال : ها هيه صح صح باي باي
$$$$$$$$$$$$$$
منال لبست عبتها المسكره و لفتا شيلتها و طارت تحت عند امها
منال : يلا امايا انا مروحه
ام سعد : وين ان شاء الله
منال : امايا خبرتج
ام سعد : هيه صح عند مزنه روحي بس لا تتاخرين
منال : اوكيه اوكيه ويت بتظهر
!!: هيه انتي وين رايحه
منال : اوف رايحه بيت مزنه يا طلال فيه شي
طلال : هيه فيه شي
منال : الشو,,؟
طلال : بتروحين ارواحج
منال : لا باخذ معاي البدي غار مالي ,, ليش وين نحن في شيكاغو ترى بيت خالتيه ام حمدان هذا هو بينا و بينهم طوفه
طلال : ولو انا اصلا متفق مع جسوم ازورهم في البيت ما زمان ما شفت حمدان يلا بي معاج
منال : اوه انته الحينه بتسير تلبس و ما ادري الشو
طلال : لا بي جيه
منال : اتاشر عليه جيه جيه ,,؟
طلال: هيه ,,!!
منال : بذمتك
طلال : ليش شو فيها
منال : بتروح بيت الناس برموده
طلال : عادي
منال حاست بوزها و مشت يدامه
و طلال يضحك عليها و ع اخبالها
طلال يوم ابتعدوا ع البيت بشويه : منالوا
منال : ها
طلال : الشو ها قولي نعم
منال : نعم
طلال : هيه جيه ,, خبرتيها
منال : عن الشو
طلال : لا تستهبلين خبرتيها اني فصلت خطبتي عن ساره
منال : لاء البنت رافضه تسمع شي عنك
طلال : انتي جلبه تدرين
منال : هيه ادري و اكبر دليل انك اخوي
طلال : و الله لو نحن هب في الشارع جان عطيج كف يعميج يا السباله
منال : انزين ما عليه انا كنت ناويه اخبرها بس الحينه ما بخبرها عيل انا السباله ها
طلال : لا و الله حبيتي الله يخليج فديتج انا
منال : توه سباله و الحينه حبيبتي ,,؟ ها
و صلوا بيت ام حمدان
جاسم كان واقف عند الحوي و يرمس تلفون و كان ع ويه ملامح الغضب ,,,!!! و كانه يتضارب مع حد
جاسم : خلاص خلاص مع السلامه
جاسم : هلا طللول
طلال: هلا جسوووم
جاسم : احدري منال مزنه فوق بغرفتها
منال تحركت
طلال : بلاك ويه مخطوف
جاسم : بعدين اخبرك
طلال : يصير خير ان شاء الله حمدان وينه ,,. ؟
جاسم : حمدان داخل تعال نحدر
حدروا جاسم و طلال البيت
جاسم : اتفضل طلال ايلس اهنه حمدان شبه نايم بقومه و بيك
طلال : اذا تعبان خله
جاسم : لا هو نايم من زمان
طلال : خلاص ع راحتك
منال صعدت فوق دقت باب غرفه مزنه كم مره محد رد
..!!: هب موجوده
منال زاغت : بسم الله الرحمن الرحيم
راشد: هههههههههه زغتي
منال : الشو رايك انته
راشد : سوري
منال : وين مزنه ,,؟
راشد : اظنها بغرفه امايا
منال : اها
راشد : تفضلي داخل بناديها لج
منال : اوكيه << خدودها حمروا
راشد توجه للغرفه امه
< طخ طخ
و شافت مزنه فتحت له الباب و ظاهرت
راشد : اقول ترى منال في غرفتج
مزنه : صدق الحينه بروح لها بس بسير تحت اقول حق جسوم يشغل السياره عسب يوصل امايا ترى ابويه ماخذ سيارتها
راشد : اوكيه
مزنه قبل لا تنزل: رشود يا ويلك ان قربت صوب غرفتيه
راشد : ههههههههههههههههههههههههههههه اوكيه اوكيه
نزلت مزنه و هي و شعرها المفتوح و اتغني و اتصرخ << خبله الاخت
و اتنط ع الدري و تركض و اطوف الصاله و توقف مب هي اللي وقفت قلبها اللي وقف شافت حد يالس << يمكن ابويه ردت ريوس و طلال تم يضحك ع شكلها
و تم يتأمل بها
مزنه لابسه بنطلون سبورتي و بدي كت فوقه جاكيت طويل تدرن بدى البرد و تمت منصعقه و فاتحه عينها و بسرعه لافت ظهرها و يت تبى تركض
طلال : مزنه
!!!!!!!!!!!!!!!!!!!!!!!!!!!!!! !!!!!!!!!!!
مزنه ما وقفت بسرعه مشت ,, و ركبت الدري,,
و صلت الطابق الثاني بسرعه
و تظهر امها بويها
ام حمدان : ها خبرتي جسوم
مزنه برتباك واضح : ها ها اممم ه هي هيه هيه لا لالا ما حصلته
ام حمدان : مزنه : بلاج
مزنه : ها لا وله شي بس نزلت و سمعت حد في الصاله و اخترعت
ام حمدان : يمكن حد من اخوانج
مزنه : ها لا لا اظنه اظنه طلال
ام حمدان : خذي نفس خذي نفس بسم الله
مزنه : خذت نفس طويل
ام حمدان : و انتي ليش جيه زايغه..؟< نظره شك <
مزنه : خفت يشوفني
ام حمدان : و انتي ليش جذه لابسه ناسيه انه حسن ولد خالج موجود ,,؟
مزنه : هيه ادري موجود بس ,, هو طالع مع سلطان رايحين المحطه < ادنوك < يشترون من باسكن و بيون
ام حمدان : الله يهديج
مزنه : امايا عن اذنج منال تترياني في الغرفه
ام حمدان : روحي
مزنه روحت و فتحت باب غرفتها و حصلت منال يالسه و معها كيس و حالتها حاله و فاصخه عباتها و يالسه ع الارض و شكلها محتاره في عمرها
< احم احم مزنه و منال متفقين يزينون ملابسهم مال المدرسه و يلون و يسون اونه عسب يظهرون مميزين <
منال نشت و سلمت ع مزنه
مزنه : ما اقول الا مالت عليج يا الجلبه
منال مستغربه : هأ,,؟
مزنه : تستهبلين ليش يا الدبه ما خبرتني انه طلال ياه وياج و انا نزلت تحت ووو
منال : ابتسمت و تمت تضحك ,, هههههههههههههههههههههههههههههه هههههههههههههههههههه ههههههههه لا لا لا اتقولين شافج جيه ,, واعيله اخويه ما بينام اليوم
و ميته ضحك
و منال و هي تضحك ما حصلت الا بالمخده ع ويها
منال : هيييييييييييييه
مزنه : تستهبلين و مستانسه بعد ,, لو رشود شايفج بهذا المنظر يا الكلبه
منال : و الشو معنه رشود يعني بعدين عادي اخوي بالاسلام
مزنه : اخوي باسلام ها اوكيه الحينه بناديه خل يشوفج
منال نشت بسرعه و قفلت باب الغرفه : بجلع اعيونج
مزنه : هيه جيه اصطلبي
منال : انزين خلنا من هذا الموضوع تعالي انسوي شغلنا
مزنه يلا,,
مزنه : شوفي بنقص هذا الجلاد ع
Uae
و بنحطيه من يدام و ع الظهر بنرسم خريطه الامارات و بنسوي مال وطني انا انا وطني البصمات
منال : الله حلو احسه بيطلع
مزنه فتحت الكبت و ظهرت كيس
منال : الشو ها
مزنه فتحته و ظهرت شيل
منال : اللللللللله
مزنه فصلت شيله لها و ل منال ع اطراف الشيله عليها علم الامارات و شكله كووول
منال : الشو رايج انحط صور الشيوخ كلها من يدام ع المريول
مزنه : كيف يعني
منال : انتي اشتريت من المكتبه صور الشيوخ اللي مع دبوس
مزنه : هيه هيه فهمت الشو تقصدين
منال : انزين يلا نشتغل بس حطي شي نسمعه و نحن يالسين نشتغل
مزنه : بحطي لج سيدي سويته امسات بنحطيه بالسياره يوم بنسير المسيره
منال : بتروحين المسيره
مزنه : هيه اكيد
منال : ما بيكون باقي ع الامتحانات شي
مزنه : عادي
منال : الله يهديج
نشت مزنه و ظهرت السيدي و حطته و كانت اول اغنيه < حبيبه قلبي <
منال : الله حلوه هاي الاغنيه صوته عجيب حسين الجسمي
مزنه : هيه و الله يلا عسب ما انضيع الوقت
منال ظهرت صور الشيوخ و بدت اتصفهم ع المريول و شكلهم طلع روعه
وااايد صور و كلهم حطتهم يم بعض
مزنه : الله حلوه الفكره
و في الفارغ اللي بقى حطو
Uae
و من ورى رسموا الخريطه شرات ما اتفقوا و تموا يبصمون و حالتهم حاله
و عقب ما خلصوا
مزنه : ااااااخ تعبت
منال : هذا العتب ما بيروح بلاش بنظهر شي باجر
مزنه : ههههههههههه هيه و الله
منال : يلا انا بروح صار المغرب
مزنه : لاااا
منال : ابي اسير اسبح و ما ادي الشو
مزنه : خلاص اوكيه تعالي شو بتسوين باجر فيفيسج
منال : برسم علم الامارات ع ايدي و بجحل و بحط كلوز
مزنه : زين زين
منال : احس الحفله بتكوون كووول
مزنه : ان شاء الله
منال: يلا انا بروح
مزنه صبري بوصلج نشت مزنه و ظهرت من كبتها جلابيه
مزنه : غمضي اعيونج ببدل
منال : ههههههه ما بغمض
مزنه مالت عليج و شلت ملابسها و حدرت الحمام
ظهرت مزنه و مشت مع منال و نزلت تحت وياها
منال : سيري نادي طلال
مزنه : خير خير
منال : يلا بسرعه
مزنه : في اختراع اسمه فون
منال : اوه صح نسيت ,, رفعت تلفونها و سوت عمرها انها دقت حق طلال
منال : مغلق
مزنه : سيري الصاله و ناديه
منال : انجلعي لا بيتنا وله بيتكم
مزنه : بصفعج و الله
منال : مزنه يلا صدق ابى ارد البيت
مزنه تمت تدعي و هي تمشي
$$$$$$$$$$$$$$$4
طلال كان يالس مع حمدان لان جاسم روح مع امه
طلال : بشتاق لك و الله يا حمدان
حمدان تبسم في ويه طلال : و انا بعد يا غالي
طلال : حط بالك ع عمرك
حمدان : ان شاء الله
طلال : انا بي وياك المطار
حمدان : حياك الله فديتك
طلال : الله يحيك يا رب و يحيمك
<< طخ طخ <<
حمدان : عن اذنك حرك كرسيه و توجه للباب و فتحه
مزنه واقفه ع يسار الباب عسب طلال ما يشوفها
حمدان : امنو
مزنه بصوت هادي : حمدان ,, خبر طلال انه منال تبى اترد البيت
حمدان : خلاص بخبره الحينه روحي انتي
روحت مزنه و لمح ظلها طلال و ابتسم
حمدان : طلال الاهل يحترونك برى
طلال : خلاص ,, و نش و باس حمدان ع راسه ,, اشوفك ع خير
حمدان : ابتسم ع خير حبيبي ما اتقصر مشكور ع الزياره
طلال : افى عليك بس انته اكثر عن اخويه
حمدان : فديتك و الله
طلال ابتسم : مع السلامه
حمدان : الله يحفظك
ظهر طلال و حصل منال واقفه و مزنه يمها و مزنه من شافت طلال ع طول مشت
منال : ما سلمتي علي وين رايحه << شوفوا الحركات
مزنه : جب بشوفج باجر
طلال : هههههههههههههههههههههه
منال و طلال تحركوا و ردوا البيت
في الدرب
طلال : سرحان و منال اترمسه ع اللي صار
منال : طلاااااااااااااااااااااااااااا اااااااااااال
طلال : بسم اللله الشو صار
منال : تستهبل
طلال : الشو صار,,؟
منال : ارمسك ساعه و انته سرحان
طلال تذكر شكل مزنه : هههههههههههه لا اتلوميني
منال : لا بسبك بعد صدق ما تستحي ع ويهك و ما فيك مذهب جيه تطالع البنت
طلال انصدم :: هههههههههههههههههههههه خبرتج
منال : هيه خبرتني ولا تضحك ترى امها شكت بها يا حمار
طلال تم صاخ : انزين و الله الموقف صار جيه يعني مالها ذنب هي وله انا ما كانت قاصده وله انا كنت قاصد محد يعرف الغيب
منال : صخت
وصلوا البيت و شافوا حوريه و سعد يالسين يلعبون سوني و مخلين ولدهم يالس يصيح
منال : هييييييييييييييييييييه تخبلوتو
حوريه استحت اشويه و تمت تضحك
سعد ما رام بعد تم يضحك : هههههههههههههههههههه كان منصور << اسم ولدهم < يلعب بروحه و قال لي العب معاه و غلبني في السوني
منال : تمت تضحك
سعد يتابع : و بعدين يت حوريه و تمت تضحك علي قلت لها فوزي عليه لو اترومين و يليست تلعب معاه و فازت بالحظ
حوريه : لا هب بالحظ اوكيه لا تجذب
سعد : بتحلفين
حوريه : هيه بحلف
منال : هيه ما يصيروا تحلفون ع جيه اشياء
سعد : المهم قالت بلعب وياج دور و خذنا الجهاز عن منصور و يلسنا نلعب
منال شلت منصور اللي يالس يصيح : صدق ما فيكم مذهب خل اي ابويه بخبره الشو مسوين في حفيده
سعد و حوريه ميتين ضحك و ياهم طلال
منال : منصور الشو بلاك
منصور: ماما و بابا شالوا لعبتي
منال : وله يهمك و انا عمتك فديتك قربت صوب سعد و سحبت من ايده الجهاز ,,ها العب
<< من صوب ثاني
غدير و سالم توهم ظاهرين من السينما
سالم : شو كان الفلم
غدير: هو حلو بس خيالي وايد
سالم : هيه يعني شقايل يقدر يخلي سياره اطير و لا تضرب بل الطياره و اتفجرها وين صارت حتى في الافلام الهنديه ما صارت ,,؟
غدير: ههههههههههههههههههههههههه شفت كيف البنت ماتت و الله ضحك
سالم : ههههههههه هيه و الله
< يا ربي اشكيلك <
غدير: الو هلا اموله هل حبيبتي
امل : هل بالناس القاطعه هلا و الله
غدير: و الله اسمحيلي تدرين جامعه و البروجكتات اللي ما اتخلص
امل : انا بعد جامعه و حالتي حاله و باقي كروس و بتخرج و ها احصل وقت و اتصل,,؟
غدير: اسمحيلي و الله
امل: مسموحه حبيتي ,, اشحالج .؟
غدير: اللحمد الله من صوبج ؟
امل : بخير و سهاله ,, اسمع صوت حشره وين انتي.؟
غدير: في صحاري توني ظهرت من السينما.,,
امل: و الله ,, اي فلم لا يكون داي هارد .؟
غدير: هيه ..,,
امل: بذبحج هب متفقين نحن البنات نحدره يوم التجمع ؟
غدير: هيه بس ما رمت ارد اخويه سلوم يوم عزمني...,,
امل: مالت عليج ..,..,
غدير: عليج..
امل: ما قلتي لي وين التجمع هذا الاسبوع
غدير: في بيتنا و الاسبوع الياي عندكم في راك
امل : الله يعني بنتحاوط عدل << الشارجه حق الاسواق وناسه ؛< بس تعالي هم قالوا ما بسون تجمع عسب الامتحانات
غدير: ههههههههه غيروا رايهم ,, تعالوا انتو اول
امل : هههههه بني بني
غدير: اموله حبيبتي يلا فديتج بسير اطلب شي بتعشى يوعانه بموت من اليوع
امل: اوكيه ,,مع السلامه حبيبتي و بالعافيه
غدير: الله يسلمج مع السلامه
امل : مع السلامه
خلود : اترمسين امنو
امل : غدير ,,ظاهره مع سالم مودنيها السينما
خلود تغيرت ملامحها
امل : انا حاسه بج شي من امسات ارمسي
خلود : وين مريوم
امل : لا اتزغين مريوم يالسه ع الكمبيوتر برى
خلود :< اتقول لها السالفه
امل : تخبلتي انتي
خلود : لا ما تخبلت ,, بس كان لازم يصير من الاول لازم كنت اطلب الطلاق
امل : بس ما بقى شي ع العرس
خلود : ادري
امل : عطيه فرصه ..
خلود : و سته اشهور ما كانت فرصه .؟
امل صخت
< < طخ طخ
خلود مسحت دموعها
امل: امنو
ام عبدالله : انا فديتكم
امل فتحت باب الغرفه و حدرت ام عبدالله
ام عبدالله : ها خلود انتي اهنه و انا ادورج
خلود : هيه امايا فيه شي
ام عبدالله : لا بس يايه اراجع وياج الشو باقي ع زهبتج
خلود تعكر مزجها : بعدين بعدين
ام عبدالله : الشو بعدين ,, هب باقي ع عرسج وايد
خلود : انزين امايا يلا << تبى تفتك من الحنه ,,؟
ام عبدالله ظهرت ورقه من جيبها : نحن شرينا 5 اطقم ذهب ابيض و 3 ذهبي و اشترينا 4 ساعات و خيطنا 10 مخورات و اشترينا 12 قطعه خام و غير البجمات و سوالفهم اشترينا بعد 4 دهن عود و 8 عطور و اشترينا ملابسس تقريبا 9 اطقم ممن الميغا مول و خيطنا 6 عبي و اشترينا 7 شيل جهازات و 10 شيل للبيت الشو بقى
امل: امايا اشتروا البدي لوشن و اكريمات و ما ادري الشو
ام عبدالله : هيه اشترينا
امل: نعل و شنط
ام عبدالله : هذا الباقي بس يوم بنسير التجمع هذا الاسبوع بنطلع نشتري الفساتين و نشتري باقي الزهبه
امل : اوكيه و خلود صاخه ما لها راي
ام عبدالله حضنت بنتها : و الله يا بنتيه كبرتي و بتعرسين,,,
خلود صاحت وما رامت تتحمل و صاحت ويها ام عبدالله
<< خلود و الله ما ابغى هاي الفرحه تختفي و الله <<
$$$$$$$$$$$$$$$$$$$
سالم : هاي السالفه يا غدير
غدير فاتحه عينها منصدمه و ما رامت اتكمل اكلها : سالم كيف جيه اتسوي
سالم : و انا الشو عرفني انها بتظهر بنت خاله طلال
غدير: الله يعنيج يا خلود
سالم : و الله هب عارف الشو اسوي
غدير: باجر الشو
سالم : الاربعاء
غدير: اتسير لها
سالم : الشو ,,؟
غدير: اتسير لها و تستأذن من اهلها و تاخذها مكان و ترمس ويها
سالم : و اذا ما طاعت و فشلتني
غدير: بتطيع
سالم: تم ساكت
غدير مسكت ايده : ارجوك يا سام لا اتضيع خلود من ايدك ,, لو تلف الكون ما بتحصل شرتها
سالم : تم صااااخ
غدير شافت ساعتها : اووويه يلا نش تأخرنا
سالم : يلا
$$$$$$$$$$$$$$
حسن يالس في غرفه سلطان و يسولف معاه
سلطان : تعال انته وين ع العشى
حسن : ما كنت مشتهي
سلطان : افى ليش عاد ..؟
وو في هاي اللحظه مزنه ظهرت من غرفتها حسن وجه لها نظره و قال
حسن : في اشياء ساده نفسي
مزنه استغربت و عقدت حويبها و مشت و تمت اتردد جملته في اشياء ساده نفسي ,,!! ها الشو يقصد لا يكون يقصدني بلعن خيره
نزلت مزنه الطابق الاول عند امها
ام حمدان : وينج انتي ع العشى
ترى مزنه ما نزلت عسب ما اتشوف حسن
مزنه : كنت اسبح تدرين باجر حفله الاتحاد
ام حمدان : هيه و الله
مزنه : بتين صح
ام حمدان : بشوف و الله
مزنه : ماما تعالي الله يخليج
ام حمدان : ان شاء الله فديتج ,, ما تبغين عشى ,,,؟
مزنه : الشو عشاكم ,,؟
ام حمدان ,,: كل خير
مزنه : لا صدق
ام حمدان : لازنيا
مزنه : يممممممممممممممممممممممممممي خليها اتيب بسرعه
ام حمدان : دقي لها جرس
مزنه توها بدق جرس وله بشكارتهم حدرت البيت
مزنه : ماشاء الله عليج كيف وصلتي قبل لا ادق الجرس
مريانا : شنو يقول ,,؟
مزنه : جب لا المهم روحي يبي لي عشى
مريانا : و ليش ما يجي مره واحد يتعشى مع اخوان انتي
مزنه : اقول لا تتفلسفين وايد هأ
مريانا : هأ,,؟
مزنه : امايا تفاهمي ويها انا تبعبت خل اتيب لي العشى فوق
ام حمدان : وليش ما تاكلين تحت
مزنه : بس ماما الله يخليج
ام حمدان : برايج بنتيه مريانا ودي الاكل فوق
مريانا : جين ماما
في غرفه حمدان كان بوحمدان يالس وياه
بو حمدان : انا حجزت لنا يوم السبت الياي ان شاء الله السفر بيكون بالليل
حمدان : ع خير ان شاء الله
بو حمدان : اول ما بنوصل بتستقبلنا السفاره الامارتيه و بتشلك اسعاف دايرك ع المستشفى و بعد يومين بسوين لك العمليه
حمدان : الله يسهل يا رب
بو حمدان : ان شاء الله ,, فديتك خذت لك ملابس للسفر ,,؟
حمدان : لا و الله ابويه بس اتفقت انا و جسوم يوم التجمع بالشارجه انسير و نتشرى
بو حمدان : هيه فديتك خذلك جكتات ترى ماشاء الله وايد برد عندهم هاي الايام
حمدان : ان شاء الله ابويه
بو حمدان : نش و حب راس ولده الحينه فديتك انا بسير انام
حمدان : الله يحفظك يا ابويه ,, نوم العوافي
بو حمدان : الله يعافيك و قبل لا يظهر
حمدان: ابويه
بو حمدان : لبيه
حمدان : لبيت في منى ان شاء الله عندك دوام باجر ,,؟
بو حمدان : لا تراني قدمت اجازه عسب السفره
حمدان : ابتسم
بو حمدان : و ديت انا اوراقك عسب يمدون لك في الاجازه حتى جسوم خذ اجازته السنويه
حمدان : ابستم
بو حمدان : تصبح ع خير
حمدان : و انته من اهله و ظهر بو حمدان
و حمدان توجه للشبريته و نزل عمري بالغصب و نام
من صوب مزنه يالسه ع الابتوب و فتحت المسنجر و حصلت ربيعتها انوار ع المسنجر انوار من الاكويت و تعرفت ع مزنه عن طريق منتدى اترمسها من 3 سنوات و ايد متعلقات ببعض
<< و الله احبك احبك و يشهد الله علي << < انوار< وشدعوه يا حافظ ما دخلتي من مده
<< لا تغرك ضحكتي وله اسلوبي اعرف اعزاز النفوس من الرديه ,,<<هههههههههههه سمي بالرحمن و قولي السلام عليكم اول
<< و الله احبك احبك و يشهد الله علي >>هأ و له مزنوتي تزعل السلام عليكم و رحمه الله و بركاته ,, اشلونج ,,؟
<< لا تغرك ضحكتي وله اسلوبي اعرف اعزاز النفوس من الرديه ,,<<و عليكم السلام و الرحمه ,,, ابيض ,, اقصد اللحمد الله من صوبج
<< و الله احبك احبك و يشهد الله علي >>ههههههههه ما اتوزين من حركاتج انتي انه زينه حبيبتي
<< لا تغرك ضحكتي وله اسلوبي اعرف اعزاز النفوس من الرديه ,,<< دووومز ,,,
<< و الله احبك احبك و يشهد الله علي >> وياج
<< لا تغرك ضحكتي وله اسلوبي اعرف اعزاز النفوس من الرديه ,,<<انتي متى بتوزين ها قولي
<< و الله احبك احبك و يشهد الله علي >>هههههههههههههههههههههههههه مزنوتي و الله نسيت خلاص المره اليايه بقول انا ما بقول انه ترى هذا حجينا يختلف عن حجيكم و الله شنو نسيتي ان انه اكويتيه
<< لا تغرك ضحكتي وله اسلوبي اعرف اعزاز النفوس من الرديه ,,<<هههههههههه لا ما نسيت فديتج بس كنت امزح ,,, و النعم بج يا الاكويتيه
<< و الله احبك احبك و يشهد الله علي >>ينعم بحالج حبيبتي
<< لا تغرك ضحكتي وله اسلوبي اعرف اعزاز النفوس من الرديه ,,<< فيس يبتسم < الشو الاجواء عندكم
<< و الله احبك احبك و يشهد الله علي >>سكتي وااايد برد ,,, بنموت و انتو اكو برد عندكم ,,؟
<< لا تغرك ضحكتي وله اسلوبي اعرف اعزاز النفوس من الرديه ,,<<اكو بس في البدايه ع العموم انا للحينه اشغل المكيف يوم انام
<< و الله احبك احبك و يشهد الله علي >>شنو هذا ,,؟؟ لا اتخليني اي الامارات اطقج الناس ميته برد و انتي اتشغلين مكيف
<< لا تغرك ضحكتي وله اسلوبي اعرف اعزاز النفوس من الرديه ,,<<بتنورينها و الله
<< و الله احبك احبك و يشهد الله علي >>منوره باهلها حبيبتي ,,
<< لا تغرك ضحكتي وله اسلوبي اعرف اعزاز النفوس من الرديه ,,<<و جيه يعني
و يقطع الحديث ...... مريانا : مزنه وين يحط اكل
مزنه : هني >>و ظهرت مريانا
<< لا تغرك ضحكتي وله اسلوبي اعرف اعزاز النفوس من الرديه ,,<<حبيبتي انوار انا بظهر اتامرين ع حايه
<< و الله احبك احبك و يشهد الله علي >>وين توني شفتج قعدي اشوي
<< لا تغرك ضحكتي وله اسلوبي اعرف اعزاز النفوس من الرديه ,,<<ما اقدر فديتج باجر دوام انا الحينه بنش اتعشى اوعدج حبيبتي في الاجازه بحدر و بسولف وياج اوكيه
<< و الله احبك احبك و يشهد الله علي >>اوكيه غناتي ع ارحتج مع السلامه
<< لا تغرك ضحكتي وله اسلوبي اعرف اعزاز النفوس من الرديه ,,<<مع السلامه شلت الابتوب مزنه و يت تبى تشمي ظهر بويها حسن اللي كان توه ظاهر من غرفه سلطان و شكله بيروح ينام
مزنه : ارتبكت هو يطالعها بنظرات .. طافت بسرعه و توجهت غرفه سلطان و عطته الابتوب
سلطان : غريبه رجعتيه بسرعه
مزنه : بسير اتعشى
سلطان : اها
مزنه : ثانكس و ظهرت من الغرفه
سلطان : ولكموا و هب كل يوم عيد
شلت مزنه صحنها و يلست مجابل التلفزون حطت قناه Mbc 4
كانو حاطين سوبر ناني و يلست تطالعه و هي تاكل عقب توجهت للغرفتها و نامت
طلال شاف مزنه تحدر غرفتها بس هو كان مسكر الليت عسب ما اتشوفه و سكرت الستاره و نامت و هو ابتسم و تذكر شكلها و تم يضحك و الله فديتها خبلت بي
< تنحط ع الجرح < سهيل: الوووووووووووووووووووووووووووو وووو
طلال : هههههههه الو
سهيل: بسم الله بلاك تضحك
طلال: لا وله شي
سهيل: بذمتك
طلال : رضعتيه قالت نكته
سهيل: اها و رضعتك ما بتقولي ايها خل اضحك
طلال : صدق مافيك دم
سهيل: لا فيني تبى تفحص
طلال: سهيل هب متفيج هأ
سهيل: افى توك تضحك و الحينه هب متفيج
طلال : سهيييييييييل
سهيل: طلاااااااااااااال
طلال : و الله اللي يسمعك يتحراك 10 سنواات حدك
سهيل: هههههههههه عادي احسن اصلا وله اكون عيوز ريلي و القبر يا ابوك فرفش ليش جيه كله ماد البوز 3 اشبار
طلال : خلك من الرمسه اللي ما منها فايده اشحالك
سهيل: الحمد الله من صوبك
طلال : الحمد الله دومز
سهيل: وياك ما عليك دوام انته
طلال : لا علي
سهيل: ليش هب راقد
طلال : انته الشو لك حرمتي وانا ما اعرف
سهيل: مالت عليك الشرى علي انا اللي اسال عنك
طلال : لا كنت امزح و الله ,, لا تزعل
سهيل: ههههههههههه انته صدقت اني زعلت
طلال : اسميني انك خبل يلا ابويه انا بسكر وراي دوووم يا البطالي
سهيل: امنو قالك بطالي انا اشتغل بابا
طلال: زين زين الله يهديك يلا مع السلامه
سهيل: اصلا بسكر عنك انا وحده دقت عندي خط يلا بسرعه عسب اخسرها رصيد
طلال : مالت عليك مع السلامه
الصبح حدرت ام حمدان غرفه مزنه وله اتحصلها ناشه و يالسه تلبس
ام حمدان : ايام المدراس العاديه ما اتنسين الا بضرابه و يوصل صوتنا لاخر الكره الارضيه و الحينه اتنشين بسهوله و ارواحج و قبل الخلق بعد
مزنه : اليوم غير امايا اليوم حفله
ام حمدان : الله يهديج انزين خلصي عسب بوصلج
مزنه : لا امايا بروح بالباص عسب بتكون ربشه اليوم
ام حمدان : يا سلام كل يوم بتموين عسب ما تركبين الباص و الحينه بتركبين ارواحج
مزنه : اليوم غير امايا
ام حمدان : انزين ازهبي عسب لا يطوفج الباص
مزنه اوكيه
لبست مزنه مريولها و كان شكله وواااااااااااااايد حلو عليها بالزينه و الرسمات و حطت اجحال و رسمت اعيونها و حطت اجلوز وردي فاتح و رفعت شعرهاا
طلعت اشغاب ع شكل علم الامارات و لبسته و لبست شال ع شكل علم الامارات فوق العبايه
و انطلقت للطابق الاول.. اول ما نزلت حطت كرسيها و تمت يالسه تتريا الباص
اشويه يطلع سعود<ولد جيرانهم اتحيدونه<و يطالعها و يسوي لها حركات لكن مزنه اكبر طاف
ركب سيارته و و تم واقف يرمس مزنه لكن مزنه ما كانت منتبه الشو يقول بالضبط كل اللي سمعته
سعود : يا ربي ع الامارات فديتك وجهج و الله
مزنه : اووووووووووووووووووووووه صدق قله ادب
سعود: ااااااخ و اخير سمعت صوتك ,,كل شي فيج عسل و ربي
من جهه ثانيه طلال يركض ع الدري بسرعه و كانت العصيبه مبينه عليه و اضحه وضوح الشمس
ام سعد : بسم الله طلال يمه تعالي تريق
طلال : بعدين بعدين
ام سعد : لا حول وله قوه الا بالله
منال و هي يالسه تتريق: عز الله ولدج هب صاحي
ام سعد : جب انتي جب و اظهري بسرعه قبل لا يروح سعد عنج
منال : سعد نايم خل اسير اقومه اول
طلال حرك موتره و توجه للبيت مزنه شاف سعود و هو يرمسها و كان محرج
و قف سيارته عرض ع سياره سعود و سعود فتح عينه و مزنه انصدمت نزل طلال
و فتح باب سياره سعود و ظهر سعود من السياره و تم يضربه و سعود منصدم و مزنه تمت اتصرخ
و تمت تركض قربت منهم
سعود : تكفى ما اعودها يا طلال خلني ..لكن طلال ما هده و تم يضربه و مزنه لا ارادي تمت ادز طلال
مزنه: الله يخليك يا طلال عسب خاطري هده ارجوك ارجوك
طلال : طالع وجه نظره احتقار للمزنه و كأنه يتهمها و دز سعود عنه و تحرك و راح سيارته
>>نهايه الجزء الحادي عشر
|