 |
  |
|
|
|
12-09-2012, 05:08 PM
|
#1 |
|
شيف منتدى ازياء |
تارت الخشاف والكرامل من مطبخ الشيف مونى بالصور
السلام عليكم ورحمة الله
النهرده عملت تارت الخشاف والكارمل وطلع جميل جدا الحمد لله نبدأ بمقادير عجينة التارت 200 جرام دقيق 125 جرام زبدة بحرارة الغرفة 50 جرام سكر بودرة بيضة رشة فانيليا اول حاجة هنحط السكر والزبدة مع بعض فى بولا  ونضربهم بالمضرب  ونحط عليهم البيضة والفانيليا  ونضربهم بالمضرب  ونحط عليهم الدقيق  ونضربهم تانى هيبقى الخليط عامل زى حبات الرمل  هنجمع العجينة بايدينا  المفروض نحطها فى التلاجة قبل مانفردها لمدة نص ساعة بس عشان احنا فى شتا فمش محتاجين لكده فانا بفردها بعدها على طول هنفرد العجينة بين ورق زبدة عشان مش عايزين نفردها على دقيق  ونحطها فى صينية التارت ونخرمها بالشوكة عشان مترتفعش ومتقلقوش حتى لو ارتفعت فى الفرن اول ماتطلعيها هتهبط لوحدها  وده شكلها لما استوت  وبالنسبة لعجينة التارت دى جميلة وبسيطة وطعمها رائع لأنها هشة جدا وبتدوب فى الفم ندخل على صوص الكارمل مقاديره كوب سكر نص كوب ماء كوب كريمة لبانى قطعة زبدة هنحط السكر والميه فى حلة على النار  تابعونى لسه مكملين ان شاء الله مواضيع ذات صلة |
|
12-09-2012, 05:10 PM
|
#2 |
|
|
رد: تارت الخشاف والكرامل من مطبخ الشيف مونى بالصور
نكمل ياقمرات
هنا بدأ يغلى  وهنا بدأ لونه يتغير  وقتها طفيت النار عشان يكمل كرملة بعيد عن النار عشان ميتحرقش ونبقى فى الامان ده اللون اللى انا عايزاه  هحط عليه الزبدة  وبعد كده نحط عليه الكريمة وبالنسبة للكريمة انا بستخدم جهينة  هى كريمة خفق بس قبل مانخفقها ممكن نستخدمها ككريمة لبانى وانا بفضلها عن الكريمة اللبانى البودرة والعلبة الصغيرة دى بتعمل كوباية بالظبط بعد ماحطيت عليهم الكريمة رجعتهم على النار وهيفوروا عادى متقلقوش  ومتقلقوش لو لقيتو السكر اتكتل هيفك على النار مع الكريمة والزبدة مع التقليب هنا خلاص وصلنا للكارمل المطلوب  ودى كمية الخشاف المقطع اللى هنستخدمه زمعاه زبيب  هنحطها ع الكارمل اللى عندنا وهنقلبهم مع بعض ونحطهم فى التارت وده الشكل النهائى    يارب موضوعى البسيط ده يكون عجبكم |
|
12-09-2012, 06:55 PM
|
#3 |
|
|
رد: تارت الخشاف والكرامل من مطبخ الشيف مونى بالصور
مشكووووووووووووووووووووووووووو وووووووووووووووووووووووووووووو وووره تسلم يدك الحلوه
|
|
12-10-2012, 02:45 AM
|
#4 |
|
|
رد تارت الخشاف والكرامل من مطبخ الشيف مونى بالصور
يعطيك العافية حبيبتي يسلمو
بأنتظار ابداعاتك |
|
12-14-2012, 03:34 PM
|
#5 |
|
|
رد: تارت الخشاف والكرامل من مطبخ الشيف مونى بالصور
 يسلمو على الابداع وصفة جميلة ابداع متجدد تقبلي مروري وردي   |
