رواية بعد كذبك لاترتجي مني نظره ترى لقيت الي يسواك الف مره بنت الخزاعي..

*×* البارت ال ح ادي عشر*×*

دخل المكتب وهو مبتسم لجده الي رباه ..وعلمه اصول الشغل..

الفيصل: هاه ياولدي امر

ماجد: انت شنو رايك وانا تحت امرك

الفيصل: لا يابوك انا ماراح اعيش معها انتي الي راح تعيش معها حنا الي تحت امرك

ماجد بتسامه: خلاص دق وكلمهم وقول لهم ابي اشوفها

الفيصل يرفع سماعة المكتب ويدق على بيت بوبدر..

*

*

*
كانت بالصاله.. تناظر التلفزيون رن التلفون وردت على طول

هيفاء: الو

: السلام عليكم

هيفاء: وعليكم السلام

:انا الفيصل ممكن اكلم بوبدر

هيفاء: دقيقه .. وراحت نادت ابوها وطلعت من الصاله

بوبدر: يا هلا بوجابر

الفيصل: اخبارك

بوبدر: الحمدلله تمام اخبارك انت

الفيصل: الحمدلله..بوبدر

بوبدر: امر ياخوي

الفيصل: حنا جاين اليله ونطلب القرب منكم

بوبدر بتسامه: هيفاء بنتي لمين

الفيصل بتسامه: لشيخ ولدي ماجد.. واليوم بنجيكم عشان
الحريم يشوفنها ويتعرفون عليهاوتعرفون على ماجد اكثر

بوبدر: والله هذي الساعه الباركه وحنا نتظركم

سكر السماعه.. ونادي بصوت عالي: يام بدر
يا ام بدر تعالي..

ام بدر: شنو

بوبدر: تعالي الغرفه ابيك في موضوع

دخل هو مع زوجته ..

ام بدر تجلس على السرير : هلا شنو

بوبدر يقفل الباب وبتسامه يقول:هيفاء انخطبت والي خطبهاماجد ولد جابر الله يرحمه

ام بدر بفرحه: جد

بوبدر: ايه واليوم بيجون

ام بدر:تعال(وكملت بحزن) هيفاء ماتبغى تعرس

بوبدربحزم: اقول الي قبل رديتهم عشان مايستهلونها بس الحين خلاص
جاء الي يساوي وليد واحسن منه بعد.. ماجد اخلاق ومستوى
ورزانه وثقل وحده غيرها تصلي ركعتين شكر لربها

ام بدر: انت تضعف لابكت

بوبدر: الحين غير

ام بدر: بقول الحين

بوبدر: لاتقولين لها الحين

ام بدر: عشان تجهز عمرها

بوبدر: قولي لها بيجون لنا حريم غير كذا لا

ام بدر: ولافتحوا الموضوع قدمها

بوبدر: ماراح تنطق هيفاء متربيه واعرفها

*

*

*
ماجد: كم مره يشفونها الحريم

الفيصل: الاصول كذا

ماجد: طيب انا بروح اخبر امي واختي وتوصي شي

الفيصل: لا ياولدي

ويطلع ماجد من المكتب..
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&

صحت على صوت جوالها رفعت جوالها وهي مبتسمه..وردت

:هلا سعود

سعود: صح النوم ياحلو

رهف يضم جزء من المخده والجزء الثاني حاطه راسها عليها: الحلو عيونك اخبارك

سعود: بعد ما شفنا الحلوين وكلمناهم اكيد بخير

رهف تناظر باب الغرفه: اها تيب انت بالشاليه

سعود:لا ياقلبي انا شفتك ومشيت وانتي

رهف: لا لسى انا بالشاليه اليوم بنمشي باليل

سعود: مايحتاج اوصيك الغطى على راسك ولاتبعدين عنهم

رهف(يالبى قلبك):سعود

سعود: ياعيونه

رهف: تحبني؟؟

سعود: انا مواحبك انا ميت عليك.. رهوفه لبى شعرك خدودك معنك ماكو خدود
بس يالبى

رهف:ههههههههههههههههههه تيب

سعود: يلا انتي تحبني؟؟

رهف سكت ماعرفت وشتقول اعجاب ولا حب ولا ايش:.................

سعود: شنوماتبحبيني رهوفه

رهف : الا بس ورجعت اسكت

سعود: رهف وشفيك

رهف: ياسعود اخاف اقولك وتخوني

سعود: افا انا انا يارهف اخونك.. رهف انا ماراح اكذب عليك واقولك انتي اول بنت
لا بس انا جد حبيتك رهف انتي تنحبين رهف من جد انا احبك

رهف:سعود خلني اجبات السؤال الى بعدين ..خلني اعرفك اكثر

سعود: رهف اذا ماتحبيني قولي لاتعذبيني

رهف:احبك بس موحب حبيب لسى تونا متعرفين

سعود: طيب بس تاكدي اني انا احبك ومستحيل اخونك

&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&

:انتظروني جوالي نسيته مع شنطتي(وراحت ركض الى فوق)اخذت الجوال وطلعت من الغرفه وشافت
حمدان طالع من غرفته..

شهد تغطي وجهها بسرعه:تراك طفشتني من امس وانا مالي شغله غير اشوفك

حمدان بتسامه: اقول روحي بس روحي لاتجلسين هنا

شهد تتخصر: لاراحوا اهلي انت وصلني

حمدان يتخصر زيها: والله انا موشغال ابوك

شهدتاشر عليه: ادري موشغال ابوي بس شغالي يالسنغالي

وماكملت كلامه ونزلت تركض لمى شافت حمدان تحرك من مكانه..وصادفت بالحوش مها اخته..
مها: وشفيك تضحكين وتركضين

شهد: سبيت اخوك حمدان

مها:ههههههههههههههههه اما عاد؟!

شهد:لان طفشني وين ماروح اشوفه

توها مها بتكلم الا اسكت لان صوت ضاحي روعهم ويصارخ باسم شهد

:شهد اخلصي علينا بنمشي

شهد:وشفيك انهبلت لازم الرياض كلها درت اني هنا من صراخك

مها:هههههههههههههههه اخوك صوته العن من المايكرفون

شهدبهبال: شوفي لاجاوكم شباب وقالواشهد قولي هي انتظرتكم
بس انتم ماجيتوا وراحت

مهاتجاريها في الهبال: ان شاء الله لاتوصين احد ههههههههههههههههههههههه

حمدان من ورى شهد: مارحتي

شهدتروعه: بسم الله وجع

حمدان&مها:هههههههههههههههههههه ههههههههههههههههه
هههههههههههههههههههههه

شهد تكش عليهم: مالت باي وتروح

حمدان يناظر في شهد الين ماسكرت باب البيت:وربي مسويه جو

مها:حيل فديتها تجنن

حمدان:من ناحية تجنن تجنن

مها تتخصر وتناظره:خير

حمدان: على قولتها انطمي ويمشي عنها..

*

*
في السياره ..

ثاني سيت شهد جنب النافذه وضاحي جنبها ومشعل..ورى السيت الثالث سوسن ومنيره وناصر
وطبعا ضاحي كان حاط يده على اكتاف شهد ..وهي متضايقه من الحركه
<<<او يمكن كاتمتها الريحه هع

شهد تتحرك بصعوبه لان ضاحي لازق فيها: انا الحين ابسالك انت وراسك مضيع امك عشان لازق فيني

ضاحي يقربهامنه: لامضيع حنان اخت ها ها ها

شهد: ضاحي ابعد تراك ذبحتني من ضعفك تراك متين الله يعين زوجتك بس

ضاحي :على طاري زوجتي شخبارها

شهد: هههههههههه تسلم عليك

سوسن: ومن زوجته

شهد: وانتي وش دخلك انا مع اخوي نسولف

ضاحي:تموت لو ماتدخل (يلف عليها)انطمي يلا انطمي

منيره: لاتصارخ على اختك

شهد: ياساتر وانتي وشعليك ..وبعدين انتي لاتصارخين على اخوك الكبير اف..
(تناظر في اخوها) شرايك وانا صايره مرشده ومودافعه عن اخوي الكبير

ضاحي: تعجبني ياختي الصغيره

شهد تستهبل وتغني بهبال: اخويه اخويه اخويه الكبير
&&&&&&&&&&&&&&&&&&&&&&&&&&&&&& &&&&&&&&&&&&&&&&

في اليل..

واقفه عند المرايه وتحط البلاشر ع خدودها.. لابسه بنطلون سكيني خصر واطي و

بلوزه بنيه مرسوم فيها فراشات وقلوب بلون البيج بدون اكمام وحزام بيج.. وحطت في شعرها

طوق في فيونكه بنيه..ومستشوره شعرها ومطلعه شوي من غرتها الي واصله لها لنص انفها

فتحت الباب امها وهي مبتسمه لها:ها جهزتي

هيفاء: قريب اخلص(تحط روج قريب للبيج)مه انتي ليه متحمسه لجيتهم

امها: الواحد يفرح لا جاه احد(وكملت في داخلها خصوصا لاكان بيخطبون بنته)

هيفاء تحط شوي من شعرها على جنب وتلف على امها: هاه يمه زين شكلي كذا

امها تناظر فيها بكل حب وحنان: تهبلين يمه الله يحفظك من العين

هيفاء تضمها: وربي انتي العسل فديتك(وتبوسها)

*

*

*

في نفس الوقت..

كانت مها تعدل شكل.. واقفه قدام التسريحه وتفك رولات من شعرها..بعد ماخلصت من الميك اب..
: انور ماصار دش اخلص

انور يسكر باب الحمام(وانتم بكرامه):كاني طلعت اوف (يناظر فيهاويبتسم)وش هالزين وش هالحلا
(ويقرب منها)

مها تبعده: انور ماكو وقت يادوب تجهز

(ينطق باب الغرفه وتلف مها على انور )روح غرفة التبديل وبدل"وتروح وتفتح الباب"

ماجد مكشر: مها (ياشر على ساعته)شنو نروح لهم 10

مها: ثنواني وانزل

ماجد: ثمان بنمشي

مهاتناظر الساعه وتشهق: خلاص بلبس عباتي وبجي هو بسلامته

انور من وراها: وربي محد معطلنا غير اختك

مها تبعد عنهم وتاخذ العبايه والشنطه وتطلع وهي ساكته:...............

ماجد ابتسم وانور مات ضحك..

&&&&&&&&&&&&&&&&&&&&&&&&&&&&&& &&&&&&&&&&&&&&&&&

دخل البيت ولقى رياض وزينه جالسين بالصاله..

سعود بتسامه: السلام عليكم

رياض بروقان:وعليكم السلام بدري

سعود يجلس: اسف والله اسف بس شوي ابراهيم مشاكله ماتخلص مع ابوه

رياض: لحد الحين جالس بشقه اجار

سعود: راح خالي له ومعند الله ياخذه

رياض: خل ابوي يكلمه

سعود بضحكه مليانه سخريه..ويناظر رياض وياشر على نفسه: الحين ابوي خله يستلطف مني كلمه
علشان يستلطف ابراهيم

رياض يعوج فمه:طيب ماكو مبروك لي

سعود: مبروك هاه بشر شفتها

رياض: ايه

سعود يسحب مخده من وراه ويحطها في حضنه ويتكي يده عليها وعلى يده يتكي راسه: ها حلوه شرايك توصف شكلها لي ..(ويبتسم بتسامه عريضه)

زينه تناظر سعود بحتقار: اقول سعود شخبار نمارق

سعود ينزل يدينه ويناظرها بحتقار: نعم شقلتي

زينه تقفل لاب حقها: اقول نمارق شخبارها (تشد على الاسم)

رياض يكشر: منو نقانق ذي انتي هيه وش تخربطين؟؟!

سعود: من جد منو هو ذي؟؟

زينه بعصبيه: سو روحك ماتعرف.. صورك من وين جابتها

سعود: عاتي في منتدى احط صورتي في الفيس بوك احط صورتي في كل مكان
حاط صورتي

زينه توقف وتاخذ لاب: وقسم بالله محد مفشلنا ومسود وجيهنا غيرك..صرت مشهوره بالكليه
اخت المغازلجي..

سعود :اهوه علينا بتقلقني ذي

زينه تلف عليه قبل ماتروح الاصنصير: ايه اترك حركاتك وعن الهبال

سعود بنرفزه: انا بطلع بروح لابراهيم (يناظر رياض) الف مبروك

&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&

عند رهف .. الاجواء غير..

رهف بحماس تكلم شهد: والف وراي واشوفه يوه ياشهد شكله بثوب فضيع

شهد: امانه وناسه كملي كملي

رهف تسكر عيونها وكانها تبغى تذكر الموقف:كان وسيم حيل الثوب مخصر
ومسوي الخنجر وزلوفه هذي الطويله الحلوه الى حد الاذن.. والعطر عذاب
سكتي ياشهد وربي خقيت

شهد: حتى انا خقيت اويلاه عليه المعفن حده حلو

رهف: بس ياشهد لمى قال احبك انا هجدت ماعرفت وش اقول جاني تناحه
موطبيعيه..

شهدبصراخه: امانه قال كذا

رهف تبعد الجوال: وجع شهد اذني

شهد تتكلم بسرعه وبطريقه هبال :متحمسه متحمسه يارب يارب اني احب واحد بطران
وحلو ومزيون وكل شي ..

رهف: هههههههههههههههه

شهد: رهيف

رهف: نعم شهيد

شهد: شف حمدان

رهف: منو ذا

شهد: ولد خالي اخو مها ومزيون شفتي الاماراتين لالا شفتي ناصر ال خليفه
ولد حاكم البحرين

رهف: اعرف المزيون وشفيه

شهد: حمدان مايقل عنده جمال اذا ماصار نفس الجمال

رهف تشهق: وعسى بس رويته خبالك

شهد: ابد ام العربجه صكتني

رهف:الله يفشلك

شهد: مدري مدري لساني مقدر امسكه لازم اسب

رهف:اف شوفي الغبيه ذي تبيني

شهد: مين

رهف: في غيرها الغبيه اختي الكبير

شهد :اها خلاص روحي

&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&

في الصاله ..

كانت تسمع كلام امها في كل شي ..ونظرات الحريم لها تضايقها.. وتحاول تتجاهل. قامت
اخذت الشاهي من امها توصله لام ماجد..

ام ماجد تاخذ الشاهي من هيفاء: تسلمين

ام عبد الله خالة ماجد الكبيره: تعالي خذي الفنجال تسلمي

ام بدر: حي الله من جانا.. يامها تبين عصير بعد

مها وهي تناظر بهيفاء: لالا تسلمين خاله

ام بدر بتسامه: الله يسلمك

طلعت هيفاء من الصاله ولحقتها امها...

ام ماجد تكلم اختها ام عبد الله: ها شرايك

ام عبدالله: تهبل بس ضعيفه مافيها شي

مها: خالتي تتغير بعد الزواج..بصراحه يمه خذيها تهبل

ام ماجد: الرجاجيل يتكلمون في هالموضوع موحنا

ام عبدالله :لازم تكلمينها

ام ماجد :قبل ماطلع مابغى احرج البنت

وتدخل هيفاء بسفرت العشاء..ويسكتون..

&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &
وتمر الساعات..وتوصل الى 11

من بيت الى القصر.. في جناح خلود ( خالد)..

بعد مالبست ملابسها: خلاص خلودي بمشي

خلود تخشن(الصوت عشان تحسس الي قدامها بانها رجال): خلك معي نامي بدري توها 11خلك ساره

ساره تسكر ازار البلوزه: وربي طولت الساعه الحين 11 امي بتذبحني

خلود تبعد يدها وتفتح الازار: لا اليوم راح تنامين عندي مافيه

ساره تلف عنها وهي تضحك: عيب بعدهههههههههههههههه

خلود:ماشبعت منك نامي ساره

فجأه ينطق الباب بقوه وتروع خلود مع ساره

خلود تروح تفتح الباب على قد راسها: نعم

ايمان تحاول تناظر الغرفه: السواق برى وليه مقفله الغرفه

خلود ولاكأن احد يكلمها سكرت الباب وقفلته عناد لها.. ورجعت وهي فاتحه ذرعانها لساره
:تعالي ضميني قبل لاتروحين اهلك برى

ساره على طول ضمتها.: فديتك خلودي بكره لاتغيب تيب

وطلعوا سوا من الغرفه وهم ماسكين يد بعض..وشافوا قدامهم ايمان

ساره تبتسم ابتسامه واضح انها من دون نفس: هلا ايمان

ايمان تعوج فمها: هلابك

ساره:يلا تصبحي على خير

خلود مادخلت ساره تسمع الرد لان سحبتها الى جهت الاصنصير..ولمى راحت ساره ارجعت خلود الى الغرفه وشافت فيها ايمان..

خلود تتكتف:نعم شتبين

ايمان: هذي مابغى اشوفها هنا

خلود: وانا بعد مابغاك هنا(تاشر على جناحها)

ايمان ولا كأن تسمع كلامها: لان لبسها غير محتشم ثانيا انا مارتحت لها
ثالثا ابي افهم ليه طول الوقت ماسكه ايدها ..

خلود تقرب من ايمان توقف قدامها بضبط: اولا لبسها عادي(تمسك يد اختها وتوفقها) وموجديد لان اختك وانتي تلبسون زيه

ايمان تبعد يدها : حنا متزوجات

خلود تمسك ايمان من بلوزتها: وهي ملك عليها ويلا لوسمحتي انقلعي برى
(واطلعها وتقفل الباب)

&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&

الفيصل وعيال ولد جابر كلهم مع نسيبهم انور..في مجلس متواضع اصاحبه بوبدر وعياله..

الفيصل: اكرمك الله يابوبدر

بوبدر: الله يسلمك عيونا لك يا بوجابر

الفيصل: تسلم شوف ياخوي مابغى اطول السالفه وهي قصيره انتم ناس اجواد
والكل يتمنى قربكم.. وانا جاي اليوم طالب بنتكم هيفاء لولدي ماجد
وانا من قال ماجد ابي اتزوج قلت لازم نسوي بوصية المرحوم
من يوم كانت صغيره وهو مسميها لماجد

بوبدر بتسامه: ونعم فيكم بس لازم نسأل البنت وامها

الفيصل: خذو راحتكم يا بوبدر هذا زواج.. والي تامرون فيه حنا حاضرين

اكتفى بوبدر بهز راسه مع ابتسامه.. اما بدر وفواز علامات الصدمه والدهشه على وجيهم

الفيصل: ماجد دق ع الحريم يلا تاخرنا ..

*

*

*
قدمت الحلا لهم واطلعت فوق غرفتها .. طفشت من النظرات الحريم لها..

دخلت غرفتها وشالت الطوق وغيرت الملابس ونبطحت على السرير.. وشافت المكالمات

كثيره..دقت على رهف لانها هي اكثر وحده داقه عليها..

:هلا رهف

رهف بروقان:هلابك..هيوف

هيفاء:هلا

رهف: وحشتيني كثير

هيفاء:وانتي اكثر

رهف: وشفيك ماتردين يوم ادق

هيفاء: عندنا حريم وكنت جنبهم وجوالي هنا

رهف: اها وعسى تكشختي

هيفاء: ايه بس ماسألتيني من هم

رهف :من

هيفاء بضحكه: اهل سعود

رهف: ههههههههههههههههههههههههههه اما عاد

هيفاء:والله موالعرس الي رحنا تصيرالعروسه بنت عمه

رهف: ايه وناسه وليه جاين

هيفاء: مدري بس ذبحوني خز..وماعندهم سيره غير ماجد

رهف: تبين اسالك سعود عنه

هيفاء: لا فكينا منه بعد هو

رهف:تيب روقي ههههههههه

وجلست تسولف مع رهف وجاهله عن الي يصير تحت في الدور الاول..

*

*

*
بعد ماودع الفيصل واولاده ..رجع لصالة البيت ..

ام بدر: راحوا

بوبدر: ايه ..كلمني بوجابر

ام بدر: ايه قال لي فواز

بوبدر: وينها بنتك

بدر: هيفاء فوق تحب اناديها لك

بوبدر: لا خلك ..ها شرايكم في الخطيب

بدر: والله يايبه عيال الفيصل ماينردون..

فواز: اي والله اخلاق ومناصب

ام بدر: يالله انك تعقلها..وتوافق

بوبدر: بكلمها لحالي..بكره ان شاء الله

فواز: وان ارفضت

بوبدر: موعلى كيفها..اصلا انا اعرفها بنتي ماتعصى لي امر

&&&&&&&&&&&&&&&&&&&&&&&&&&&&&& &&&&&&&&&&&&&&&&& &&

جا يوم السبت ..واشرقت انواره...في الصباح..

الباب ينطق بقوه ...

ابراهيم يركض لجهة الباب ويفتحه: ياخي شوي شوي وشبلاك يارياض

رياض:وين سعود

ابراهيم: نايم

رياض: والجامعه

ابراهيم: ماعنده الا ساعه 11

رياض: قوله لا صحى يرجع البيت ..وانت لازم تكلم ابوك

ابراهيم سكت منحرج...

رياض: انا اسف اسلوبي غبي بس جد امي بالها مشغول على سعود
وانا قلت لابوي قال بيكلم ابوك بس لازم تكون موجود

ابراهيم بفرحه: جد

رياض: ايه بكره بعد صلاة المغرب تعال عندنا انت وسعود

ابراهيم بتسامه:شكرا يارياض

رياض: ولو ياخوي انت غلاتك من غلات سعود
يا سلام

سعود: سلام

سكر ابراهيم الباب وراح عند جواله يبشر امه

&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&

خلص الدوام وراح لعند اهله وهوهلكان..تغدى مع اهله..
وبعد الغدى جا صحن الفواكه..في صاله الداخليه
لقصر اياد..

اياد: ايه اسمعه يقول راحوا امس بعد صلاة

بوفيصل: ونعم العايله الي خاطبين منها

ام فيصل: وانتي حبيبي متى بتعرس اسم الله عليك

اياد وهو ياكل التفاحه: والله يايمه انا ناوي ازوج ماجدو نواف بعدين اتزوج

لمياء اخته: ليه عيالك

اياد: لا عشان ادور عروس احلى من حريمهم ههههههه

ابو فيصل: الحلا ماهو دايم الخلاق هي الي دايمه ياولدي

اياد: عارف يايبه بس انا امزح

ابوفيصل: انا بروح انام شوي

وراح عنهم..

اريج تحط ولدها على الجلاسه: يمه الي اخطبوها لماجد ماعندها خوات

اياد: ليه بتخطبينها لزوجك

لمياء: ههههههههههههههه

اريج تناظر فيها: ضحكتي من سرك بلا

&&&&&&&&&&&&&&&&&&&&&&&&&&&&&& &&&&&&&&&&&&&&&&& &

بعد الغداء..دخلت المجلس وابوها وهي مومرتاحه..جلست على الكنب وهي ساكته
وابوها يناظر فيها.. بعد فتره من السكوت..

هيفاء:امر يبه في شي

ابوها: مايأمر عليك عدو.. بس انا حبيت افاتحك بموضوع واقول لك يابنيتي
ان البنت أامن بيت لها بعد بيت ابوها بيت زوجها.. وامس جاو هالناس
وكلموني عنك يبغونك..

هيفاء من الدهشه اسكت..

ابوها يكمل: وانا يانظر عيني مالي الا انتي وعيال الفيصل ماينردون
موعشان افلوسهم لا والله عشان اخلاقهم.. ها شنو قلتي

هيفاء بهدوء: مابغى اتزوج يابابا

ابوها: شنو نعم وش قلتي

هيفاء: انا مابغى اتزوج قولهم ماني موافقه

ابوها: بس يا بابا ماجد ماينرفض

هيفاء تمسك روحها لاتبكي: مايرفض عشان انه ماجد ولا عشان فلوس ماجد

ابوها عصب وقف : انتي هيه ثمني كلامك انا مومحتاج فلوس عشان ابيعك

هيفاء توقف: وانا مابيه شنو غصب السالفه

ابوها: ايه غصب وانا ارفض الناس عشان ادور لك الاحسن
بس الظاهر ماربيتك عدل ياقليلة الادب انا ابوك وتصارخين عليّ

هيفاء تروح لعند باب المجلس : زواج ماني متزوجه ..وتطلع وهي تركض لغرفتها

ابوها يطلع من المجلس وهو يصارخ: لا بتزوجين وغصبا عنك هذا ماجد مواي احد
والاربعاء هذا التحاليل فاهمه ..

*

*

*

بالصاله تتروع ام بدر مع بدر على صراخ.. ابو بدر

ام بدر توقف: يمه بنتي لايكون سوا لها شي بروح اشوفهم..(وتروح عنهم)

منى زوجةبدر تلف على بدر بعد ماراحت امه: بدر شسالفه ومن ماجد هذا

بدر يعطيها ولده: اقول امسكي وعن القافه بروح اشوف السالفه ..ويتركها لحالها

منى تدق على امها بعد ماطلع بدر: الو يمه الحقي ....

$$$$$$$$$$$$$$$$$$$$$$$$$$$$$$ $$$$$$$$$$$$$$$$$$$$ $$$$$$$$$$$$$$

ابي التوقعات حبيباتي ..

تحياتي لكم..

*×* البارت ال ث اني عشر*×*

بعد الغداء..دخلت المجلس وابوها وهي مومرتاحه..جلست على الكنب وهي ساكته
وابوها يناظر فيها.. بعد فتره من السكوت..

هيفاء:امر يبه في شي

ابوها: مايأمر عليك عدو.. بس انا حبيت افاتحك بموضوع واقول لك يابنيتي
ان البنت أامن بيت لها بعد بيت ابوها بيت زوجها.. وامس جاو هالناس
وكلموني عنك يبغونك..

هيفاء من الدهشه اسكت..:....................... ....

ابوها يكمل: وانا يانظر عيني مالي الا انتي وعيال الفيصل ماينردون
موعشان افلوسهم لا والله عشان اخلاقهم.. ها شنو قلتي

هيفاء بهدوء: مابغى اتزوج يابابا

ابوها: شنو نعم وش قلتي

هيفاء: انا مابغى اتزوج قولهم ماني موافقه

ابوها: بس يا بابا ماجد ماينرفض

هيفاء تمسك روحها لاتبكي: مايرفض عشان انه ماجد ولا عشان فلوس ماجد

ابوها عصب وقف : انتي هيه ثمني كلامك انا مومحتاج فلوس عشان ابيعك

هيفاء توقف: وانا مابيه شنو غصب السالفه

ابوها: ايه غصب وانا ارفض الناس عشان ادور لك الاحسن
بس الظاهر ماربيتك عدل ياقليلة الادب انا ابوك وتصارخين عليّ

هيفاء تروح لعند باب المجلس : زواج ماني متزوجه ..وتطلع وهي تركض لغرفتها

ابوها يطلع من المجلس وهو يصارخ: لا بتزوجين وغصبا عنك هذا ماجد مواي احد
والاربعاء هذا التحاليل فاهمه ..

*

×

*

بالصاله تتروع ام بدر مع بدر على صراخ.. ابو بدر

ام بدر توقف: يمه بنتي لايكون سوا لها شي بروح اشوفهم..(وتروح عنهم)

منى زوجةبدر تلف على بدر بعد ماراحت امه: بدر شسالفه ومن ماجد هذا

بدر يعطيها ولده: اقول امسكي وعن القافه بروح اشوف السالفه ..ويتركها لحالها

منى تدق على امها بعد ماطلع بدر: الو يمه الحقي ..هذي هيفوه شكلها ماسكينها

امها بشماته: تكلم شباب

منى تناظر باب الصاله كان في احد ولا لا: شكلها اسمع ابوها يقول ماجد

امها: اها من كذا ماتبغى تتزوج عشانها تلعب مع الشباب

منى: ايه قليلة الحيا فشلتنا

امها: روحي تسمعي ابغى اسمع الاخبار كلها

منى :ان شاء الله

&&&&&&&&&&&&&&&&&&&&&&&&&&&&&& &&&&&&&&&&&&&&&&& &

بعدصلاة العصر..

خلص الصلاه ولف عليه: بعد صلاة العشاءنروح

سعود: وهذا ليه يقول لابوي

ابراهيم: مدري عنه اسمع جهز عمرك بتروح معي

سعود: اكيد بروح بس كان ودي خوالي او عمي تركي الزبده ابوي لا

ابراهيم يصفط السجاده: اقول تراني طفشت امي كل يوم تدق علي
وهي تبكي تعرف ماعندهم الا انا

سعود بتربع على السرير:بس شوف لا ظربك مره ثانيه بذبحه

ابراهيم: حيلك حيلك ياشيخ ترى هذا ابوي مو واحد من الشباب

سعود:وانا ماعندي صديق غيرك لارحت من بقى لي في دنياي

ابراهيم: الحين الي يسمعك ابوي لاشافني بيقتلني

سعود: الي ذبح واحد بصف سادس عادي عنده يذبحك

ابراهيم سكت جد ابوه يسويه لافقد اعصابه... ابتسم لسعود وطلع من الغرفه ..
تارك سعود لحاله..

&&&&&&&&&&&&&&&&&&&&&&&&&&&&&& &&&&&&&&&&&&&&&&& &&

رفعت الجوال وهي تبكي من القهر خلاص تحس انها بتموت ..ليتها ماراحت الزواج
وليتها من الاساس مانخلقت .. ولا تعيش الي عاشته ..تحس انها بتفقد روحها
ودنياها وكل شي هذا حب طفولتها حب مراهقتها حب العمر كله ..
تدور على رقم يفهمها زي وليد لاضاق فيها دنياي..

علمني يالغالي...
لأحتجتلك في يوم كيف ألقاك

كيف أعاند حظي العاثر وقلة الحيله..!!
ذبحني الشوق

ذبحني الخوف

دمّرني فرقاك

وحتى الزمن مارحمني ورّاني من ويله

علمني كيف أرتاح وأنا ماقدرت أنساك..!!
وكيف أنسى وطيفك ماغاب ليله..!!
ماقدرت أعيش لحظه بلا همسك وذكراك

حبك جرى بالدّم وغرقت في سيله

ياليتني ماعرفت الحب ولا كنت أهواك

ياليتني ماخطيت دربه وذقت تهويله

تعبت من كثر ما أنا أدوّرلك ولا ألقاك

وتعبت من جور الزمن وزود تضليله

ودام القدر جبرني احبك موت وأهواك

بأصبر على حكم القوي وبأذوق ويله

لكن أبيك لأحتجتلك ألقاك ..
ألقاك

خلني أعاند حظي العاثر وقلة الحيله

استقرت على رقم رهف ودقت .. وهي تبكي ..وتحاول تكتم شهقاتها

رهف بروقان: هلا بهيوف

هيفاء تشاهق:.............

رهف بصدمه: تبكين ؟؟ هيوف ردي

هيفاء: بموت رهف الحقي ابوي بيزوجني غصب عني

رهف تضرب على صدرها: بيزوجونك منو

هيفاء تشاهق:.............

رهف تعلي صوتها: ردي منو

هيفاء: ماجد "وترجع تبكي وتشاهق"

رهف: لانتي لازم اجيك والحين ثواني وانا عند بيتكم

هيفاء: لاطولين علي رهف وتسكر وهي تبكي

رمت الجوال على الطاوله ودفنت وجهه في المخده تبغى تكتم شهقاتها...

يعجز قلبي يتقبل غيرك ..

تعجز عيوني تناظر غيرك..

احبك وقلبي مشتاق لشوفتك..

احبك وعيوني فدوه لك..

احبك وروحي ماترد لي الا لاصرت بحضنك..

احبك والحب فيك قليل ..وعلى كثر ماحبك مشتاقه لك..

&&&&&&&&&&&&&&&&&&&&&&&&&&&&&& &&&&&&&&&&&&&&&&& &

ترجع شعرها ورى اذنها وتجلس على الكنب وتربع : جد اياد شنو مواصفات زوجتك الي تبيها

اياد يعدل شماغه: اقول ممكن تنقلعين انتي وياها

نوال: ولا وحده متحركه من هنا

اريج تسكر الباب: ايه ماكو فكه (تاشر للمياء تبعد) ايوه شنو تبي

نوال تسوي روحها تسجل الطلبات على يدها: شنو بيضه سمرا حنطاويه شنو

اياد بعد ماتعطر يلف عليهم: خلكم انا بروح اصلي العصر مابقى شي ويقيم
المؤذن خلكم ها

نوال تكتم الضحكه وترسم على وجهها بسمه: شنو انا الحين اسجل

اياد يناظر فيها: تسجلين ومافي دفتر ولا حتى قلم خبله انتي

اريج: هذي الله يسلمك تسجل بالهواء وتستنشقه ويرسخ في مخها

اياد يناظر وهو رافع حواجبه: يا إللهي

البنات:ههههههههههههههههههههههه ههههههه

ينفتح الباب ويدخل جواد مع محمد..اياد يناظر فيهم: تكفون شيلوا هالسخيفات من هنا

محمد: اقول لايكثر ابوي يقول يلا صلاه

اياد: بنات بنات

نوال: هلا

اياد: انتم مصدقين اعماركم بنات انتم شباب

جواد : اي والله شباب تدري انا وصية امي ابي بنت دلوعه متعقد منهم

اريج تخشن صوتها وترفع يدها وكانها بتعطيه بوكس:اقول انقلع لا اصفقك الحين

جواد: اقول عبوسوه اهجد لا افقع وجهك

الكل:ههههههههههههههههههههههههه هههههههههههههه

&&&&&&&&&&&&&&&&&&&&&&&&&&&&&& &&&&&&&&&&&&&&&&& &

تجلس على الكنب وهي تكلم تلفون: طيب وليه اهلها هالمره معندين

رهف بضيقه: مدري ياولاء ودي تجون تاخذوني انتي وعمي اليوم الكل طالع

ولاء:لاجاء من المسجد جيناك

رهف: انا بروح اصلي وبقول لامي وبدق عليك امانه لاطولون عليّ

ولاء : ان شاء الله..

*

*

*
وبعد مرور نص ساعه من هالاحداث رهف توقف قدام بيت هيفاء..

هيفاء بعد مافتحت الباب لرهف: رهف رهف "وتبكي وتضمها"

رهف برجاء: طلبتك لاتبكين

هيفاء: بموت رهف الحقي عليّ يبغون يزوجوني بالغصب

رهف: انتي دخليني وانا احلها لك ان شاء الله

هيفاء تسمح ودموعها: تيب تعالي الغرفه

دخلت هيفاء الغرفه وهي تبكي رهف تسكر الباب:ومن هذا الي بيزوجونك اياه غصب

هيفاء تجلس على السرير: ولد عم سعود ماجد

رهف كانت تفصخ غطاها وانصدمة وناظرت فيها: من جدك

هيفاء: اي والله اثاري جيتهم عشان يشوفوني ..رهف وربي بموت

رهف تصفط عباتها وتجلس جنبها: شرايك اكلم لك سعود و...

هيفاء تقاطعها: ايه عشان سيرتنا تصير على كل لسان

رهف: والحل تيب

هيفاء: ابي رقمه

رهف: مين سعود

هيفاء "تكشر": لا سعود ابي رقم ماجد

رهف تضرب على خدها: وشو رقمه استخفيتي انتي

هيفاء:انا بستخف لا ملكت عليه

رهف: كيف؟؟ اخاف يشك

هيفاء: صرفي نفسك

رهف: تيب ..(اطلع الجوال من شنطتها) الحين بدق عليه..

&&&&&&&&&&&&&&&&&&&&&&&&&&&&&& &&&&&&&&&&&&&&&&& &

في الصاله جالسين وصحن الفواكه قدامهم..

مها تمد التفاحه لاخوها: ومتى قالت يمه لك الرد

امها: تقول بعد يومين

مها :والله ياخوي انها حلوه من جد

ماجد: ذوق ابوي الله يرحمه

مها: اي والله ابوي الله يرحمه ذويق ماتشوف انه اختار امي

ماجد: اي والله

ام ماجد بتسامه: اقول عن قلة الحيا

مطلق يدخل عليهم: سلام عليكم

الكل رد السلام..

مطلق يجلس جنب امه: هاه يمه شصار على اخوي

امهم:بعد يومين الرد

مطلق: الله يوفقك.. تعال ابغاك في موضوع عن الشركه..
في شي موفاهمه انا بهجز الاوراق في المكتب وانتظرك..
وراح وتركهم..

امهم: الحين هذا من متى صار معاكم يشتغل الي موفاهم

ماجد: التجاره يايمه يبغاله سنين وسنين على ماتفهمها

مها: العمر يخلص والشغل مايخلص..مجود لاطفش البنت بالشغل

ماجد: لا وافقت يصير خير

امهم: احسهم بيوافقون

مها: حتى انا بس والله تمنيتها لك مو ارمله

امها: اهم شي الاخلاق

ماجد يوقف: اي والله اهم شي الاخلاق ..ان شاء الله يوافقون
"ويروح عنهم"

امها بعد ماراح ماجد تظربها..على رجلها

مها تحط يدها على رجلها: آآآآآآه ماما وشفيك

امها بعصبيه: وصمه ان شاء الله..انا ماصدقت انه قال ابغى اتزوج..وانتي تخربطين فوق راسه
هالكلام ..وارمله شنو مخلوق من الفضاء بيدها تحي زوجها وش هالعقل الي عليك

مها: تيب اسفه خلاص ماما

امها توقف: روحي جعل الي مني بقايلته رفعتي الضغط عندي

&&&&&&&&&&&&&&&&&&&&&&&&&&&&&& &&&&&&&&&&&&&&&&& &

قريب صلاة العشاء..

كان يرن جواله بشكل مزعج ..قام من المجلس ورد

سعود: رهوفه انا مشغول اكلمك بعدين

رهف تحطه سبيكر: اسف سعود بس ابغاك في موضوع ضروري

سعود: خير امري

رهف بتردد:امم ابغى ابغى

سعود: امري رهف شنو تبين فلوس شحن امري

رهف: لالا موكذا انا ابي ابي (وتكمل بسرعه) رقم ماجد ولد عمك

سعود بصرخه: وشو رقم ماجد خير وشعرفك بماجد

رهف خافت من صراخه: سعود لا تفهمني غلط بس..." وماكملت كلامها لان هيفاء سحبت منها الجوال"

هيفاء وهي تمسح دموعها: الو ..يا اخ سعود انا الي طالبه رهف تسوي كذا ..وانا بتكلم عشان محد يفهم
الثاني غلط.. اسمع يا ولد الاجواد انا مابي ماجد وعشان كذا ابغى رقمه..

سعود رحمها صوتها ذابحه الصياح: طيب ليه تبكين؟؟ وشدخل ماجد بسالفه

هيفاء : ولد عمك خطبني واهلي بيغصبوني عليه وانا مابيه
انا احب ولد خالتي ..

سعود: ولد خالتك ليه مايجي يخطبك

هيفاء بوسط ادموعها: خطبني وملكنا ومات

سعود من دهشه تكلم بهمس: مات

هيفاء تبكي:...................

سعود: انا اسف قلبت المواجع.. الحين ارسله لكم..

هيفاء تمسح دموعها: اذا احد درى بالسالفه تراك مومحلل الى يوم الدين

سعود: لاتخافين وعد مني ماراح اقول لحد

هيفاء : يلا لاطول.. وعطت رهف التلفون

رهف:سعود حبي لا رحت البيت كلمتك يلا باي .."وتسكر منه وتلف على هيفاء الي متقطعه بكي"يقول الحين بيرسله.. احس اني سكرانه مانمت العصر

هيفاء: نامي عندنا رهف

رهف تنبطح على السرير: مايحتاج بكره بنشوف بعض

هيفاء: ماظن اجي

رهف:ليه"تشهق" لايكون بتكلمينه؟؟!!

هيفاء: مدري اكلمه ارسله مدري المهم افتك منه

رهف تناظر الجوال: خذي هذا هو ارسل..

هيفاء تسحب الجوال من الطاوله : هاتي
*

×

*
اما من الطرف الثاني رجع سعود الى المجلس وهومتضايق.. لقى الكل بيمشي

سعود : اها بنمشي الى المسجد ترى باقي على صلاة العشاء واجد

ابوه: نبغى نشوف المسجد الي يصلي فيه ابو ابراهيم عشان نصلي فيه وبعد الصلاه
نكلمه
والكل طلع من القصر...

&&&&&&&&&&&&&&&&&&&&&&&&&&&&&& &&&&&&&&&&&&&&&&& &

يوم جديد في الصباح الساعه 9 في المكتب مشغول في اوراقه..انطق الباب ودخل
عليه اخوه الي اصغر منه ..

مطلق: ماجد ليه الغيت العقد الحين منو بيشحن البضاعات لنا

ماجد: مكتبay

مطلق: اها تيب لاجاء ملفهم ابرسله لك
"وطلع عنه"

ترن ترن ترن<<<صوت مسج هع

ماجد يرفع الجوال.. وهوعاقد حواجبه.. يقرأ الرساله الي مكتوب فيها..

||سلام عليكم..
انا البنت الي ناوي تخطبها..اسمع انا وحده احب ولد خالتي الي توفه.. وعايفه كل الرجال
من بعده انا ادري انك اخلاق ولد صديق ابوي بس انا مابي اتزوج .. فرجاء حل عن سماي ويلا سلام..||

رفع حاجب ونزل حاجب ومع ابتسامه سوى حفظ لرساله في ملف خاص وحط على الملف رقم سري..
ورسل لهيفاء رساله وهومبتسم..

||وعليكم السلام.. عشان انا ولد صديق ابوك وترك مسا فه طويله
كتب في اخرها راح اتزوجك وحط وجه مبتسم..||&&&&&&&&&&&&&&&&&&&&& &&&&&&&&&&&&&&&&&&&&&&&&&& &

في المدرسه.. وقت الفسحه.. جنب الدرج بيرجعون الفصل خلصت الفسحه..
شهد: امانه وشقالت بترسل ولا بتكلمه؟؟

رهف:مدري والله(تجي بنت وتصدم رهف) آآآآه وجع ماتشوفين

شهد بعصبيه: عمى ماتشوفين

البنت:ياختي قلنا اسفين من جد ناس همج

رهف:ياي يا الراقيه

شهد:اقول روحي بس روحي كأنك اسد.. عبده وصابغه اشقر

رهف: هههههههههههههههه من جد

البنت :مابقى الا الصايعات يتكلمون

شهد بدون تفاهم تفتح المويه وتكبها على البنت..وتسحب رهف ويركضون الى الفصل..

جات البنت تلحقهم.. بس الاستاذه وقفتها ورجعتها الى فصلها..

&&&&&&&&&&&&&&&&&&&&&&&&&&&&&& &&&&&&&&&&&&&&&&& &

من اجواء المدرسه الى الشركه..

نواف:من جدك راح تخطبها وهي رافضتك

ماجد: ايه من جدي ..

نواف: انت هيه هذا زواج ..وانا ابغى افهم ليه هالحماس

ماجد:اولا ابوي كان وده اتزوجها ..ثانيا مو ماجد الي بنت بزره زيها ترفضه

نواف: بكيفك بس انا مانصحك

ماجد: انا ما اقول لك عشان اطلب نصيحتك انا اعطيك خبر
لاغير..

نواف رافع حواجبه الثنتين ويهز راسه : اها زين والله(يكمل بسخريه) ونعم العقل الي عندك

ماجد ناظر باحتقار نواف ورجع يكمل شغله .. نواف طلع من المكتب وفي نفس الوقت
دق جواله.. ورد:هلايمه

امه بخوف: نواف الحق دقو مدرسة لجين يقولون تعبانه روح لها

نواف: ان شاء الله (رجع مكتب ماجد وفتح الباب بقوه) ماجد انا بمشي الاهل تعبانه
يلا باي (ويسكر الباب وطلع الى اخته)

&&&&&&&&&&&&&&&&&&&&&&&&&&&&&& &&&&&&&&&&&&&&&&& &

في الجامعه..

ابراهيم: هذا الي صار كله

سعود: الحمدلله رجعت الامور على طبيعتها

ابراهيم: وربي اني مبسوط

سعود: يعني اليوم نواعد

ابراهيم: اكيد نواعد .. دق دق

سعود يرفع الجوال: ندق وليه ماندق

ابراهيم: على الطاري تعال شنو مستوى جمال رهف

سعود: اي ماقلت لك البنت خقه حلوه حيل

ابراهيم: عندك لها صوره

سعود يهز راسه ب لا: وحتى لوعندي لا هذي الحلا لي لا خلصت منه خذه

ابراهيم يضم جواله: حتى الحلا لي لاخلصت منه خذه

سعود يمد لسانه: ماحبك

ابراهيم:هههههههههههههههههههههه هههه

&&&&&&&&&&&&&&&&&&&&&&&&&&&&&& &&&&&&&&&&&&&&&&& &

وصل المستشفى واستقبل نواف اياد..

نواف: تعبانه حيل

اياد: لاتخاف الحين اهلك والدكتوره معها لاتخاف..ان شاء الله مافيها الا العافيه..

نواف: ان شاء الله

شوي والدكتوره تطلع..وحاطه ميك اب كامل..

*×* اموت واعرف الي يحطون ميك اب كامل ليه يتحجبون ..نعمة العقل زينه*×*

الدكتوره تناظر فيهم وبدلع تقول: لاتخافون فلوانزا حاده"وتركتهم وهي تبتسم لهم"

نواف يناظر اياد واياد يناظر فيه..

نواف بتسامه:اياد اياد

اياد وهورافع حواجبه: نعم

نواف: الرقم حقي 05.............. خلها تدق

اياد يكشر ويفتح غرفة اخت نواف شوي ويسحب نواف ويرميه داخل الغرفه..

&&&&&&&&&&&&&&&&&&&&&&&&&&&&&& &&&&&&&&&&&&&&&&& &

الساعه ثلاث ونص العصر.. كانت نايمه بعد تفكيرطويل وصياح مستمر ..نامت على الكنب ..
صحت على طق الباب القوي.. قامت بكسل وافتحت الباب وشافت ابوها مكشر..

هيفاء بحزن: نعم

ابوها:دق عليّ ماجد وهو مستعجل قلت له بكره الرد ان شاء الله

هيفاء بصدمه: يبه انا بنتك الوحيد ليه تسوي كذا فيني

ابوها: لانك بنتي الوحيد ابغى أأمن مستقبلك

هيفاء: والامان تعرسني واحد انا مابيه

ابوها بنرفزه: اسكتي بس اسكتي والله انك ماتدرين وين الله قاطك..غيرك تصلي صلاة شكر ان واحد زي ماجد خطبها (ويسكر الباب عشان ينهي النقاش)..

جلست تظرب على راسها تبغى تشيل هالواقع من راسها وهي تبكي.. ناظرت الجوال
راحت بسرعه واسلت لماجد..

|| وربي اني اكرهك ||

ورمت الجوال وهي تبكي ..خلاص تعبت موقاده تستحمل المصيبه الي نزلت عليها فجاء
&&&&&&&&&&&&&&&&&&&&&&&&&&&&&& &&&&&&&&&&&&&&&&& &

في المستشفى ..

تمشي وعيونها تقز البنات ..راحت الى الغرفه الي فيها اختها.. ودخلت وهي مبتسمه.. وكشفت على طول

(ليت احد يفهم شعورنا ويفك هالعبايه ويخلونها بس للبنات) جلست تنزل في شعرها الواقف شوي
عشان محد يحقق..ليه مسويه سبايكي او موقفه شعرك..

خلود تتجاهل نظرات نواف وتجلس على السرير : لجونه انا هنا

لجين وخدوده مورده من الحراره: هلا وينك ؟؟ ليه تاخرتي..؟؟

خلود:ياحبي هذا انا جيت (تناظر نواف) وين امي

نواف: في الحمام

خلود تلف على اختها: مره ثانيه مافيه سباحه في البركه

لجين بتسامه: تيب

نواف: ماشاء الله مطيعه

ويطلع صوت رنة مسج من جوال خلود..
وخلود تشوف الرساله وتضحك..

نواف يحط رجل برجل: من مين؟؟

خلود: من خويتي

امهم تطلع من الحمام وتبتسم: خلود جيتي متى

نواف: انتي دخلتي وهي جات

امهم: تغديتي

خلود: مالي نفس انسدت نفسي

لجين: تيب لاتغديت تاكلي

خلود بتسامه: انظف الصحن لك ههههههههههههه

لجين: صدقت انو منسده نفسيتك

الكل ضحك الا خلود بتسامه.. وهي تتوعد بداخلها على ايمان اختها..

اما نواف.. الشك بدأيلعب معه..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &

بعد ماوصلت الى البيت غيرت ملابسها.. ودقت على سعود..

سعود :ياهلا

رهف: هلابك

سعود: وشفيه الحلو هادي

رهف: بس كذا..ماعلينا اخبارك

سعود: تمام.. تعالي وش صار على خويتي

رهف بحزن: قبل مادق عليك كلمتها.. تقول ارسلت له وهي بعد ارسل لها
يقول يبغاها

سعود: توقعت انه يقول ابيك حتى لوماتبيني

رهف: ليه وش هالثقه

سعود: لانه ماجد

رهف: بالله

سعود: والله ماجد تربيت جدي الشي لاحطه براسه لازم يجيبه..

رهف تضرب فخدها: ياويلي راحت فيها هيوف

سعود: هي لو ماحلفتني كان قلت ابيها الين مايصد عنها ماجد اقول بعدين مابيها

رهف: ابوها عطى كلمه ماجد

سعود: يلا الله يسوي الي فيه الخير..بس تعالي انتي رهيف

رهف: رهيف في عينك

سعود:ههههههههههه اكيد انتي بعيوني لبى عيونك

رهف سكت:.......................

سعود برومنسيه: رهف امانه تحبيني؟؟

رهف برتباك:هاه مدري ليه هالسؤال؟؟

سعود بربكتها: ابغى اعرف الي احبها تحبني ولا لا

رهف بجديه: سعود

سعود: ياعيونه

رهف: انا بقول لك كلام وانت عاد افهمها

سعود: امري

رهف: قلبي قلب طفله بسرعه يتعلق وانا اول مره احس بالحب واحسه حلو
فبليز لاتكرهني فيه..

سعود بفرحه كذابه: وانا بعد نفس هالشي رهف(يصارخ) رهف( وطه صوته لمى شاف ابراهيم دخل عليه الغرفه) انتي تحبيني صح

رهف:هههههههههههههههههههههه

سعود: طيب ممكن اعرف قد ايش تحبيني..

طاخ ينفتح باب غرفة رهف وتقفل بسرعه في وجه سعود

سعد اخوها: هههههههههههه خوافه

رهف: وجع سعد وش هالخبال روعتني

سعد: تيب خلاص اسفين ماتبين غدا

رهف بنرفزه :لا وسكر الباب وراك بنام ..

بعد ماسكر الباب سعد رهف تكلم روحها بصوت مسموع.. وجع الواحد مايعرف ياخذ راحته

&&&&&&&&&&&&&&&&&&&&&&&&&&&&&& &&&&&&&&&&&&&&&&& &
على طاولة الطعام بقصر ماجد..

ترن ترن <<صوت رنة المسج..هع

رفع الجوال شاف رسالة هيفاء وحط الجوال:يمه انا كلمت ابوها انتي متى راح تكلمين اهلها

امه: هاه مستعجل

ماجد: ايه وابي اشوفها او اقول لك بلاها خليها مره وحده في الملكه بس دخيلك خلنا نخلص

امه: بكره اكلمها ونسمع الرد

مطلق: ياحليلك مستعجل

راكان:وانا ابي اتزوج مثله خلاص غرت

مطلق: بالله اقول خلص الثنويه بعدين تكلم

خالد: الحين انا الي عمري ثلاث وعشرين وهذا(ياشر على مطلق)خمس وعشرين ماتزوجنا انت
حتى العشرين مادخلتها تبغى تزوج

مطلق: وهذا وجهي ان مادخل العشرين وهو في الثنوي

امه تناظر في مطلق: موغريب منو اخوه ومن ولد عمه

خالد: هذا الي قولك يايمه حلات المراهقه في الثنويه ههههههههههههه

الكل ضحك الا ماجد ابتسم:هههههههههههههههههههههههه ههههه

ماجد يوقف: الحمدلله بروح انام..

وطلع الى جناحه وجلس على السرير ورسل لهيفاء..وهو يبتسم لان عارف الكلام ينرفزها
.. كتب في رسالته

||ماني ميت على حبك بس ابغى اعلمك شغله ان موماجد
ولد جابر حفيد الفيصل.. ترفضه بنت برزه مثلك..وتراك غثيتيني
وانتي كل شوي ترسلين شكلك معجبه لاعاد ترسلين
طفشتيني..||
وارسل الرساله وهو يبستم ..ثواني وجاته رساله من هيفاء

|| مالت عليك ||
ناظر الجوال وهويبتسم: ياحلو البزران .. وسكر الجوال ونام

&&&&&&&&&&&&&&&&&&&&&&&&&&&&&& &&&&&&&&&&&&&&&&& &

الدكتوره تناظر نواف الي منزل عيونه تحت: اهم شي الراحه وانا راح اعطيها اجازه لمدت ثلاثة ايام

خلود تناظرها من فوق الين تحت: والادويه

الدكتوره تسلمها الورقه: تفضلي (وتبتسم لها) معها ورقة الاجازه..(تلف على لجين)سلامتك

وتركهم وتطلع ..ويبدا التعلقيات عليها..

الام: نواف حبيبي مستحي .. يعني تفكرني ماعرفك ماتناظر فيها

نواف: ههههههههههه هي الي تناظر اذبحتني

لجين تلبس عبايتها: ياروحي ياخوي الكل يبغى يشوفك ويتغزل فيك

خلود:الجمال ذابحه ههههههههههههههههههههه

الام: يالله بالستر والعافيه شهالبنات .. عنبودارها مابقى شي وماحطته
في وجهها..

نواف يكتم الضحكه: بس حلوه يمه صح

امه تظربه على كتفه: اقول قم بس قدامي عن قلة الحيا وتطلع

الكل: هههههههههههههههههههههه

&&&&&&&&&&&&&&&&&&&&&&&&&&&&&& &&&&&&&&&&&&&&&&& &

بعد مرور اسبوع ..

اعترفت رهف لسعود بحبها له قوة العلاقه بينهم.. لجين تشافت من الفلوانز..
خلود كثرت الشكوك حوليها.. اما هيفاء النفسيه عندها متدهوره ..
خصوصا اليوم لان اليوم تطلع نتايج التحليل ..

السبت على نهاية الدوام في المدرسه..

رهف بحزن: ان شاء الله ماتطابق التحاليل وترجعين لنا هيوف الي تضحك

شهد بهبال تخف الهم الي بصديقتها: اذا شكله حلو ان شاء الله ماتطابق وارسليه لي
واذا شكله خايس يارب تطابق( تناظر فيهم) متى اتزوج ؟؟ واتركم يالعوانس هههه

رهف وهيفاء:ههههههههههههههههههههههه هه

راحت عنهم هيفاء بعد ماودعتهم .. وقبل ماتسكر باب السياره.. قالت بلهفه: ها وش صار

فواز بجديه:والله ياهيفاء مدري وش اقول لك

هيفاء بعد مابعدوا من المدرسه اكشفت وعدلت احجابها وركزت التكيف عليها..ومارجعت غطت وجهها
تحس الاوكسجين بدا يخلص:تطابقت التحاليل

فواز: ايه وخلاص بلا صياح ارضي بالواقع

هيفاء: اي واقع يافواز ابوي فرض علي ويبغى يدمرني

فواز: هيفاء لاتكبرين الموضوع ..وبعدين حنا انا وبدر سألنا عنه والولد اخلاق

هيفاء بعصبيه: اخلاق مواخلاق انا ما ابيه مابيه
الزواج موغصب

فواز: عاد هذا الي صار

هيفاء: والله ابوي هو الي حدني على كذا صدقني اسبوع وراجعه لكم

فواز: عشان جد الناس تاكلك.. وتقول البنت اكيد فيها شي

هيفاء:بالطقاق ماهموني..

فواز سكت لان الكلام معها ضايع وهي الحين معصبه والي معصب ماينأخذ منه كلام..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &

اما في قصر ماجد الاجواء غيركانت الفرحه في كل مكان..

مها تلولش: كلوش

ام ماجد: مبروك ياولدي تبغى تشوفها

ماجد: لالا يوم الملكه

مطلق:وانا ابي اتزوج

ماجد: هاه غرت خلاص بس اخلص من زواجي ازوجك

مها:يمه متى الدفعه( او الهديه او الدزه)

*×* الدفعه:هي انه يجيب المعرس قبل الملكه بكم يوم الشبكه والدبله وشوية هدايا
للعروس مع المهر طبعا*×*

ماجد مسك الجوال وهومبستم وارسل لهيفاء ..

|| مبروك عليك انا .. ماجد زوجك ||

امهم: يلا الغدا جهز

راكان: اي والله ميت جوع

مها: لحظه انور ماجا

خالد: يالله بيخلص غدانا

الكل ماعدا ماجد ومها:ههههههههههههههههههههههههه هههه

مها تروح وتجلس جنب ماجد المشغول بجواله: ماجد ماجد

ماجد يناظر فيها:هلا

مها زي الاطفال تتكلم: شوفهم يتريقون على انور لان متين..ويقولون بيخلص لغدا

ماجد يدخل الجوال في جيبه: من الحره لان احسن منهم
بس جد انور بيخلص الغدا

الكل:ههههههههههههههههههههههههه ههههه

ماجد بتسامه و يضمها:امزح معك من حلاتهم هم..ترى الحلوين بس انا وانتي
الباقي شيون..

خالد يحط رجل على رجل: شعنده وائل كفوري

ماجد:احسن من شبيه عبدالناصر درويش

الكل: ههههههههههههههههههههههههههه

يرن جوال مها: هذا انور جا يلا يمه قولي للخدم

$$$$$$$$$$$$$$$$$$$$$$$$$$$$$$ $$$$$$$$$$$$$$$$$$$$ $$$$$$$$$$$$$$

ابي توقعات..

للجزء الجاي..

اشوفكم بكرآ قيرلآت

اتمنى اشوف ردود تشجعني اكممل

لو رد فديتكم

يالبى بس

قصه روعه روعه روعه روعه ومنتظره التكمله

قصة تجنن وياريت تكمليها حبيبتى ...منتظرينك

	#28
زٍحَ’ـمةَ حَ’ـڪيّ..\|\|≈	رد: رواية بعد كذبك لاترتجي مني نظره ترى لقيت الي يسواك الف مره بنت الخزاعي.. رواية بعد كذبك لاترتجي مني نظره ترى لقيت الي يسواك الف مره بنت الخزاعي.. اشوفكم بكرآ قيرلآت اتمنى اشوف ردود تشجعني اكممل لو رد فديتكم يالبى بس

	#29
اجمل الذكريات	رد: رواية بعد كذبك لاترتجي مني نظره ترى لقيت الي يسواك الف مره بنت الخزاعي.. رواية بعد كذبك لاترتجي مني نظره ترى لقيت الي يسواك الف مره بنت الخزاعي.. قصه روعه روعه روعه روعه ومنتظره التكمله

	#30
الكوين مريم	رد: رواية بعد كذبك لاترتجي مني نظره ترى لقيت الي يسواك الف مره بنت الخزاعي.. رواية بعد كذبك لاترتجي مني نظره ترى لقيت الي يسواك الف مره بنت الخزاعي.. قصة تجنن وياريت تكمليها حبيبتى ...منتظرينك