رد: رواية بعد كذبك لاترتجي مني نظره ترى لقيت الي يسواك الف مره بنت الخزاعي..
رواية بعد كذبك لاترتجي مني نظره ترى لقيت الي يسواك الف مره بنت الخزاعي..
*×&×* البارت الثالث عشر *×&×*
في الغرفه لونه اخضر تفاحي كل شي مرتبه فيها ومنسق..توحي الى هدوء الاعصاب والاسترخاه..لكن الي بداخل هيفاء ماياثر عليها اي لون.. بركان و انفجر ..تروح وتجي من كثر العصبيه وهي تكلم رهف وشهد مسويه محادثه جماعيه ..والكل كان معصب..
هيفاء: ولا بعد راسل لي مبروك عليك انا
شهد: كان رسلتي له ابركت عليك ابقره
رهف: اي من جد كان رسلتي كذا
هيفاء: ماراح ارسل شنو اخلص رصيدي عليه
رهف:سعود موجود يشحن لك
هيفاء : مالي خلق لاسعود ولا لولد عمه ماجد مالت عليهم كلهم ..
شهد: وشفيك روقي هيوف ..خلاص ارضي شي صار شنو بتخلعينه مثلا
رهف بخبال :عيب استحي انا ههههههههههههههههههه
الكل:ههههههههههههههههههههههههه ه
هيفاء: محد مهون عليّ السالفه غيركم
شهد: ولو هيوف انتي صديقتنا
رهف: الله لايحرمنا من بعض
هيفاء: امين
شهد: هيفاء وشرايك ماجد اذا ملك عليك الاربعاء
انا الخميس والجمعه رهف عشان مانفترق
رهف: لا والله مابغى واحد مستهلك ولا منقبل
فتاتين
شهد: ياساتر انحراف
الكل: ههههههههههههههههههههههههههههه
&&&&&&&&&&&&&&&&&&&&&&&&&&&&&& &&&&&&&&&&&&&&&&&
في قصر نواف في العصر..
نواف دخل وسلم على الكل..
ساميه:ها ملكة ماجد متى
نواف: الاربعاء ان شاء الله
ايمان:الحين هم سألوا عنها احس بسرعه بسرعه مشوا السالفه
نواف: البنت اخلاق وشافوهابعد
امهم:مافيه خطوبه
نواف: الا فيه بس عائليه جدته مارضت تقول لازم نفرح فيه بس البنت معنده
ساميه: ليه عاد اول واحد تعرسه
نواف: دامه راضي بكيفه
ايمان: اصلا ليه ماخذت له وحده كذا
امهم: قمر البنت قمر واخلاق
ساميه: ياكثر البنات الحلوين يايمه
نواف:انا بروح انام سلام
ايمان تعوج فمها بعد ماراح نواف: صار له اسنين داخل طالع مع ماجد..يوم خطب خطب من برى
ساميه: من تقصدين ياخذ ماجد ان شاء الله خلود
تبين ياخذها وثاني يوم مطلقها
امهم: اقول اسكتوا خلود ماراح ياخذها الا ولد اختي راشد
ايمان: ايه هين ان اخذها لك يايمه طقم الماس
ساميه:اي والله وانا تذكرت شهر العسل عليّ
امهم: بتشوفون
&&&&&&&&&&&&&&&&&&&&&&&&&&&&&& &&&&&&&&&&&&&&&&& &
بعد مرور اربع ايام .. جاء يوم الاربعاء..
اليوم ملكة هيفاء وماجد سو عقد القران في العصر والحفله باليل..الكل فرحان ومبسوط ..الا هيفاء ..جات لها رهف الى البيت واخذتها الى المشغل ..عشان تتزين وترجعها الى البيت اطلبتها عائليه وحريم بعد مافي رجال لان بيت ابوها مايكفي .. واول مافحتوا باب غرفة هيفاء انصدموا بوجود شهد..
هيفاء بفرحه: شهد ... (تروح لها وتضمها)ابد ماتوقعتك تجين
شهد بتسامه: الله يخلي عمو دحوم لبى قلبه جلست احن فوق راسه الين ماوافق
رهف : زين انك جيتي ..(تفصخ عباتها)في ناس تحت واجد
شهد: بس امه واخته وجدته وخالات هيوف بس
هيفاء تفسخ العبايه: وخاله ام وليد جات
شهد:ايه(تصرف السالفه) وش هالزين وشهالزين
هيفاء ابتسمت لها ..كانت لابسه فستان سهره وردي واخضر بدون اكمام خصره واطي ويكثر الشك جهة الصدر
ومسويه شعرها غجري وحاطته على جنب ومزينه شعرها بكرستاله على شكل ورده ولونها وردي وميك اب خليجي ناعم..
رهف تاشر لها:تعالي اقرا عليك ..اخاف من عيونهم لايحسدونك
دخلت عليهم منى زوجة بدر ..وهي منقهره من هيفاء وهي من داخلها تحش في هيفاء
"صامت وصامت وافطرت على كنز ..منو يحصل مثل ماجد.. ولا بعد مالت عليها ماتبيه "
ابتسمة مجامله لشهد ورهف وبعدها جات وسلمت على هيفاء ..
منى : خلصتي ترى الناس تنتظر تحت
هيفاء: يلا تعالوا رهف وشهد
منى:خذوا عبياتكم معاكم لان ماجد بيدخل
هيفاء: الحين
منى:لا بعد شوي ..بس عشان ماينسوا
هيفاء ارتاحت: تيب
وانزلت هيفاء على تليلش رهف وشهد.. وقلبها يدق خايف منه حيل ..صحيح فواز وعدها انو راح يوقف
معها واي شي يصير بعد الي صار راح يوقف ضد الكل لويطر ياخذها ويسكن معها بشقه لحالهم .. اخذت نفس عميق وسكرت عيونها وطلعته .. ودخلت الصاله على صوت المسجل
*
*
*
اما في المجلس الكل كان مبسوط الا فواز كان معارض الزواج وحاول في ابوه اكثر من مره بس ابوه معند لمصلحت بنته .. كان وجه هيفاء وهي تترجاه انو ماتبي تزوج مافارق خياله ..
هيفاء وهي تبكي : فواز الله يخليك قول لشيخ مابيه
فواز يحط الدفتر مع القلم على السرير : والله لوبيدي شي كان سويته لك بس مابيدي شي
هيفاء امسحت دموعها وقعت: جعل مايمر اسبوع الا وانا ميته
فواز دمعت عيونه وضمها: جعل عدوك هيوف لاتقولين كذا ..
صحه من باب الذكريات على صوت ابوه وهويقوله : شوف متى يدخلون ماجد لها
اما الشعور عند ماجد غير.. كان متحمس لشوفتها كثير وفي نفس الوقت ماوده .. كل شوي يناظر الساعه
ويبتسم لابوها وخوالها وعمامها كان جاي مع اخوانه والفيصل بس
الفيصل يهمس له: متوتر
ماجد يناظر الكل ويهمس له : لا بس اكره دخولي عند الحريم
الفيصل: تبي اقول لهم يدخلونك غرفه ولاخلصوا هالصجه يدخلونها عليك
ماجد: لالا اخاف امي تزعل كافي موعاجبهم الوضع
الفيصل: الله يوفقك ويستر عليك ..
ابوبدر يجلس جنب ماجد وهويبتسم: مبروك
ماجد بتسامه له:الله يبارك فيك
ابوبدر: شوف انا ابي اوصيك وصيه وابيك تحفظها الين ماتموت بنتي
ماجد فتح عيونه على الاخر مندهش كان يبغى يتكلم بس سكت لمى شاف بوبدر كمل كلامه..
ابوبدر: انا ياولدي عطيتك عمري وزهرة سنيني هيفاء بنتي واغلى ماملك فلاتظربها واذا عصبت منها
تعال وقلي وانا اتفاهم معها بس لاتظربها واستحملها تراها دلوعه شوي
ماجد ابتسم على حنية ابوها: ياعمي هيفاء بعيوني لاتخاف ..
بوبدر ابتسم له وكمل بخاطره (الله يستر ماكان تفشلنا هالبنت )
&&&&&&&&&&&&&&&&&&&&&&&&&&&&&& &&&&&&&&&&&&&&&&& &
دخل القصر وهو متكشخ لابس ثوب وشماغه والعطر يفوح منه .. والابتسامه مرتسمه على وجهه
رياض: دوم هالروقان
سعود يجلس وهويبتسم لامه لان تخز فيه: متى بتملك ابي ارقص في زواجك او خطوبتك
رياض:اسبوع الجاي ان شاء الله تدري اليوم ملكة ماجد
سعود: ادري بس والله جامده زوجته ماتبي احد
رياض: من حقها الخطوبه على البنت
سعود: الله يستر زوجتك ماتسوي زيها بس
امهم ترفع يدها: يارب انك توفق رياض وتعقل سعود
سعود بتسامه: اللهم امين هههههههههههههههه
رياض: هههههههههههههههههههههههههههه
امهم :فرحان بعد
سعود يقوم ويناظر شكله في المرايه: امي حبيبتي تدعي لي ليه مافرح
امه تخز فيه: وشهالكشخه يا سعود وراك موعد
سعود: زواج وراي زواج
امه تضرب على صدرها : والله لو انت المعرس ماكشخت هالكشخه سعودوه مع بنت بتطلع صح
سعود يرفع شماغه ويضرب على صدره يقلدها: وي وي الله واكبر عليك زهور *اسم امه* بطلعيني مع بنت
رياض ياشر على عيونه: طب في عيني لو هالكشخه مولبنت
سعود: ايه مولبنت لزواج اقلقتوني وربي اف اطلع احسن لي
امه تلف على رياض: هذا هو لاتوهق قال اطلع احسن لي
رياض يهز راسه: الله يهديه
&&&&&&&&&&&&&&&&&&&&&&&&&&&&&& &&&&&&&&&&&&&&&&& &
في قصر ثاني ..
من الدرج يزل اياد ..
نوال من شافت اياد نازل من الدرج: الف صلاة وسلام عليك ياحبيب الله محمد
اياد من الدهشه واقف مكانه .. ويناظر فيهم
اريج: كلوش
نوال تصفق: ايوه عاشو كلوش والا اله الا الله على اياد ما شا ء الله
جواد يطلع من المطبخ وهو يرقص بخبال ... واخواته ماسكينها تليلش وتصفيق
اياد بصرخه: انتم هيه عن الخبال ابوي نايم
الكل سكت ..
اياد يكمل : وش هالهمج الي انتم فيه ..(ينزل ويجلس على الكنب) وانت متى تعقل ؟؟!!
جواد بخبال: نسيت فكرت اليوم ملكتك موماجد
اياد الى الان مكشر: ياخفة الدم
نوال: اشفيك معصب
اياد ياخذ نفس :مافيني شي
اريج: علينا اكيد طفشان اليوم كله ماتطلعت مع ماجد
نوال:حشى زوجتك ماجد
اياد يحك راسه وهو رافع حواجبه وماد شفايفه: يمكن
جواد: الفراغ شين وانا اخوك
اريج:من جد تعالي متى ملكة رياض ؟؟
اياد: اسبوع الجاي
اريج: وناسه زواجين ورى بعض
لمياء: حرام جدي بيخسر كذا
اياد: عادي اثنينهم يزوجون في نفس الصاله
اريج: ماتوقع حريهم يرضون
لمياء: اي جد وبعدين من ينزف قبل
نوال: زوجة رياض لان اكبير من ماجد
اياد: المفروض الي خطب اول وملك اول
نوال: هههههههههههههه عنصري اخوي
&&&&&&&&&&&&&&&&&&&&&&&&&&&&&& &&&&&&&&&&&&&&&&& &
( في هالمقطع بخلي كل شخصيه تتكلم عن نفسها)
" ماجد"
دخلت الصاله كانت زحمه حريم واجد امي واختي وامها وجدتي بس الي كاشفين الباقي مدري من هم الظاهر خالاتها
او عماتها لفيت عيوني عليها الصراحه كانت حلوه فستنها حلو بس الي مخربها اخلاقه ولسانها طويل
وقف جنبها وانا احاول ماناظرها عشان يقولون ميت عليها .. او شي بس في بنتين يناظرون فيني
ويكلمونها سمعت وحده تقول مزيون .. وجع ماقالت ماشاء الله .. لفيت عليها وانا ابتسم بفخر بعد ماجلسنا: هيفاء
بدون ماتناظرني قالت :نعم
عقدت حواجبي ولا رديت عليها تقول نعم ودها تظربني سكت ولا رديت اداويها لاصرنا لحالنا..
كان ودي امسك يدها بس الي جنبها مومعطيني مجال كانت ترجف وكله تناظر الارض لفت يمين يسار
ادور على مها وماحصلتها اشرت لامي وجاتني: يمه ابي امشي
ردت علي بانزعاج: توك داخل ومالبستها شبكه الدبله شنو تروح اصبر !!؟؟
رديت عليها بملل: بسرعه جيبيهم تراني طفشت حيل (ولفيت اناظر هالبنات الي يناظرون فيني عشان تحس امي وتبعدهم)
امي ما فهمت علي وابتسمت وراحت وثواني وجات بالشبكه والدبله .. جاتني فكره شطيانه وانا اناظرها ..
*
*
" هيفاء"
دخلت الصاله وانا خايفه وارجف وماسكه نفسي لا ابكي صحيح ماقصروا رهف مع شهد في الخبال
بس كنت خايفه .. وذاكرتي مابقى موقف مع وليد ماحظرني في ذيك الحظه .. وربي احبه حيل احبه
وصلت الى الكوشه البسيطه جدا الي هي عباره عن كرسين وخلفيتهم قطعه من القماش مرسوم فيها
التراث الروماني .. جلست وانا اناظر في الناس وتعمدت ماجيب مصوره عشان مايتلزق فيني ..
نزلت راسي تحت ما ابي اشوف نظرات خالتي ام وليد احسها تقول ماصدقت على الله وتزوجت
كلها ثواني وشفت الا اصابع ترفع وجهي رفعت عيوني لقيتها خالتي ام وليد من الدهشه همس باسم وليد
احبه وربي يا ناس احبه.. ابتسمت لي وضمتني : مبروك حبيبتي هيوف والله فرحت لك من كل قلبي
وغلاتك من غلات الغالي ولاتفكري اني زعلت منك الا بالعكس فرحت وانا اقول لامك اقنعيها
واي شي تبينها تعالي لي ..
ابتسمت لها على رغم الحزن الي فيني :مشكوره يمه ..
وراحت عني تعودت اقول لها يمه احسها جد امي موعشان كنت خطيبة وليد لا عشان تشبه امي واجد
بطيبه والحنان الله يحفظها يارب ..
وكلها ثواني وحريم تغطوا سالت رهف : رهوف ليه تغطوا
ردت علي وهي تتحجب: اشفيك بيدخلون ماجد
كشرت وفي نفس الوقت خفت مدري ليه حسيت نفسي عريانه معنى الفستان مو عاري مره لفيت على
رهف : رهوف ابي شال الفستان الحين
رهف غطت وجهها وقالت لي بحده: قومي وقفي هذا ماجد اقبل
مديت شفايفي زعلانه .. وجاتني رجفه موطبيعيه من خلت وانا ارجف وزادت بجيته وربي اكرهه
دخل وهو يناظر امه ويبتسم لاخته المغروره ماحبيتها ابد .. كانت عيونه بالاول على الارض ..عجبني بشغله واحد لمى شاف امي باس راسها .. وجاء جنبي بصراحه شكله حلو وله هيبه لمى قرب مني خفت منه.. جاتني شهد بخبالها تكلمني بحماسها المعتاد: هيوف يخق حده مزيون
همست لها : بس لايسمعك ويفرح المغرور
وجلسنا ناداني بعد كام ثانيه رديت عليه من طرف خشمي يعني افهم لاتكلمني: نعم
مارد علي وكلم امه وراحت وجات بشبكه ودبله .. وقفنا واول شي لبسني الدبله مسك يدي وضغط
عليها كان ودي اسحب يدي بصراحه كارهته.. بس خفت منه همس لي بكلمه ماسمعتها زين
وكل مالبسني شي احس كل ماله ويقرب لي وانا ابعد عنه .. بس حسيت لمى قرب مني حيل وهويلبسني
السلسال حسيت بطني يالمني وشعر جسمي وقف كانت نفاسه على رقبتي وايده حول ارقبتي كنت تقريبا
في حضنه .. احسه طول ..ولمى بيبعد همس في اذني:شفتي كيف طوالت لسانك وصلتك لوين ؟!!
كنت برد عليه بكف قليل ادب شوي ويلزق فيني عطره فقع راسه .. بس حلو عطره .. طويل حيل طويل
انا اوصله لين نص ذراعه
*
*
" مها"
كنت اناظر فيها وفي بيتهم وفي خوياتها صحيح حلوين بس ملابسهم مره قديمه استايلهم ملحج. وملابسهم
موماركه .. ولا الاخت كانها انور لالا اسم الله على زوجي الي يسمونها شهد الانوثه وين وهي وين
ولا بعد موحاطه ميك اب بس كحل وروج ومفكره روحها كاشخه الحين .. من جد ناس ملحج .. انا اصلا مقهور.. اخوي الكبير خطوبته تفشل خوياتي يدقون عليّ يباركون قلت لهم مافي خطوبه..
كان ودي اعزمهم بس مالت عليها سوت خطوبه في بيتهم من كبر بيتهم تسوي فيه خطوبه ..
ودي اصفقها حدي قرفانه منها من بيتهم .. عجبني اخوي صافطها ولا كلمها ولا شي.. مالت عليها
احلى مافيها ميك اب والتسريحه ..اما الفستان قديم مره يفشل .. بس الي محليته هي ..
كنت احبها بس بعد حركتها الغبيه كرهتها طلعت لمى شفت اخوي جالس جنبها ماقدرت استحمل
رحت لامي ياحبي لها فرحانه لماجد حيل: يمه انا بمشي
لفت علي شبه هالابتاسمه عليها: وين؟؟
رفعت حاجب ونزلت حاجب ورديت وانا منقرفه من المكان: يمه المكان مقرف وزحمه بروح البيت
خزتني بعصبيه وردت علي بحده: اجلسي معي عن قلة الحيا شنو الناس عنا اجلسي حتى انا موعاجبني الوضع بس على قد فلوسهم
رديت عليها وانا ميله فمي : مابي مابي بطلع باي..
وتركتها ورحت الى ماجد ..وقربت منه وهمست له :مبروك ياخوي انا بمشي
رفع لي حواجبه ومستغرب مني: ليه
مالقيت نفسي الا اني اكذب عليه: تعبانه حيل تعبانه من جلست الصباح الى الان مانمت
رد علي بتسامه :روحي وانتبه لنفسك
ابتسمت له ورحت ماسملت عليها ..موطايقتها ابد دقيت على انور ومشيت من هالبيت ..
"ماجد"
تعمدت اقرب منها عشان تنحرج وهذا الي صار وعلامات عدم الرضى بوجهها واضحه .. عطرها حلو حيل.. ملامحها ناعمه.. انفها ضعيف وصغير عيونها واسعه وفيها خدود وشفايفها صغار ملامح بيبي .. همست لها لمى وقفت يابختك انا زوجك ماردت عليّ ..وكأنها ماسمعت شي ..بس انا الي مستعجب منه صايره هاديه وترجف كثير .. وضعيفه حيل .. انا في راسي موال لازم ارد اعتباري قدامها عشان
مره ثانيه الفاظها الوصخه ماتقولها لي .. لبستها وجلسنا ..
لفيت على امي : يلا يمه لبستها وخلصت ممكن اقوم
ردت علي وهي مبتسمه : عجول الله يهداك طيب الحين اخليهم يفظون لكم غرفه او
يشوفون لك مكان
رديت عليها وانا عاقد حواجبي :يعجلون وربي طفشت وراسي صدع من هالمسجل
ردت عليّ :ان شاء الله ان شاءالله
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&&&&&&&&
الساعه صارت 12 باليل..
السياره المرسيدس اخر موديل لونها اسود ومظلله دخلت الحي المتوسط ..
سعود وهوماسك جواله: اها حبيبتي اي باب
رهف بخوف: وصلت الباب البني حبي
سعود يعدل شكله : ايه هذا هو قدامي يلا اطلعي وانتبهي لحد يشوفك
رهف : تيب .."وسكرت منه" وراحت ركض الى شهد واخذت شنطتها معها
شهد تبعد شعرها عن وجهه: هاه بتروحي معه
رهف تناظر في احد وراى شهد: نوصلك
شهد بحماس:من جدك
رهف تسكر ازار عبايتها: ايه بسرعه نسلم على هيوف ونطلع
شهد تاخذ شنطتها: يلا ههههههههه
رهف: ليه تضحكين
شهد: اخيرا بدج ههههههههههه
رهف :فاضيه انا قلبي يرقع من الخوف
شهد: ياشيخه اخلصي بس نروح نسلم على هيوف
رهف: تعالي الحين هم بيصعدون لان مافي مكان غير غرفتها يجلسون فيها
شهد: اي صح خلينا تنغطى
&&&&&&&&&&&&&&&&&&&&&&&&&&&&&& &&&&&&&&&&&&&&&&& &
: يارب ماتمر هالايام الا وانت متزوج
نواف: امين يايمه امين
ايمان: نواف منو تبغى بنات عمام ولا خوال
نواف: اي شي اهم شي حلوه( يناظر خلود ) انتي هيه خلود تعالي اخذي صحن المشاوي
خلود : خليت وحده من الخدم تشوي لازم انت تشوي اف تراك طفشتني وكل شوي راحيه جايه
ساميه تمسح العرق: يمه احس اني بولد الحين
نواف: من جدك؟؟
خلود: هذي الدور الاوقات الغبيه وتولد
ساميه: يمه الالم كل ماله ويزيد آآآآآآآآآه يمه
امه تقوم لها بسرعه: اسم الله عليك خلود يمه روحي جيبي عبايتها
ساميه بصراخه: خلاص يمه آآآآآآآآآآآآه لحقي علي يمه
نواف ترك الي بيده : انا بروح اجيب سيارتي قدام البوابه .. وركض الى داخل
خلود جات بعبايات : يمه خذي عبايتها وعباتك
لبسوا ساميه العبايه وساعدوها تركب السياره وراحوا الى المستشفى
*
*
اما في القصر ..
الكل حاط يده على قلبه خافين على ساميه ..
صحت من النوم بنت ساميه الصغيره اسمها تارا عمرها 3سنوات
وهي تبكي تبغى امها : وينه مامتي آآآآآآآآآآآآع
لجين: تارا صحت اسمع صياحها
ايمان تصعد الدرج بسرعه لتارا: حبيبي ليه تصحين تعالي ياعمر خالتك انتي تعالي
تارا حاطه يدها على وجهها وقابله الجدار وتبكي: ابعى مامتي
ايمان تقربها من جنبهاو تضمها: ياقلبي ماما راحت تجيب حمودي اخوك
تارا تسكت: راحت تجيبه من بطنها؟؟!!
ايمان تبعد عنها:ههههههه ايه راحت تجيبه من بطنها
تارا: وليث ماحدتني " وليه ماخذتني" (وترجع تبكي ) آآآآآآآآآآآآآآآآآآآع ابعى مامتي آآآآآآآآآآآع
لجين تشيل تارا: توته عمري نشوف ام بي سي 3جاوبوا الجاسوسات الحلو
تارا بفرحه: ابعى اشوف
لجين قبل ماتنزل: الحمدلله وشكر متزوجه موعارفه تسكت صغار
ايمان انقهرت: اسكتي بس اسكتي
&&&&&&&&&&&&&&&&&&&&&&&&&&&&&& &&&&&&&&&&&&&&&&& &
دخلوا الغرفه ..
ام بدر: الله يوفقكم يارب
ام ماجد: الحمدلله لك يارب طولت بعمري وخلتيني اشوف ولدي مع احلى عروس
هيفاء بتسامه: ليه واقفه ماماتي اجلسوا ههههه
ام ماجد: لا نخليكم مع بعض
ام بدر: يمه هيفاء لابغيتي شي ناديني طيب
ام ماجد تمسكها: جنبها زوجها ماتبغى شي منك ولا حتى مني هههههههه
هيفاء بعفويه حطت يدها على وجهه مستحيه:يمه ههههههههههه
ماجد كان يناظر فيها وساكت ( دخيل الي يستحي انا ):........................
ماجد تمسكها: جنبها زوجها ماتبغى شي منك ولا حتى مني هههههههه
هيفاء بعفويه حطت يدها على وجهه مستحيه:يمه ههههههههههه
ماجد كان يناظر فيها وساكت ( دخيل الي يستحي انا ):........................
|