 |
  |
|
|
|
|
#6 |
|
|
رد: رواية اذا تتحداني والله بتعب
هاذا اخر شي نزلته الكاتبه وان شاء الله اول ماتنزل البارت السادس راح انزله على طول هنا
ومشكورين جميعا.. |
|
|
#7 |
|
|
رد: رواية اذا تتحداني والله بتعب
 |
|
|
#8 |
|
|
رد: رواية اذا تتحداني والله بتعب
رجعت لكم من جديد وجايبه اخر شي نزلته الكاتبه الرائعه..
البآآرت السآآآآدس.... دخلو ريم واسيل داخل البيت ومثل العآآده امهم وحنآآن ويآآسر واحيآآنآآ محمد يكونون مجتمعين في الصآآله وبنآآت ريم ولد اسيل ريم:السلآم عليكم.. الجميع:وعليكم السلآم.. دخلت اسيل حتى بدون ماتسلم واول كنبه جلست عليهآ ممكن انكم تقولون ان هآذا شي مايستآهل الي قآآعده تسويه اسيل بس اهي اكثر شي حز في خآآطرهآآ لمآآ ام سآآلم مسكت يدهآ وصتهآآ على البنآآت امهم:يمه اسيل وش فيك من دخلتي وانتي مو طبيعيه.. اسيل وهي تحآآول انها تكون عآآدي:لايمه ولاشي حنآآن:الا ماقلتو لنآآ وين رحتو؟؟ اسيل نآظرت ريم وريم نفس الشي كلهم التقت عيونهم بعض يآآسر:منجد وين رحتو حشى ذا المكآآن الي رحتو له عفسكم عفس يلله قولو وين رحتو؟ ريم:........ اسيل:....... امهم:وش فيكم تكلمو اسيل مآ تحملت وقآآمت وعلى طول رقت حنآآن:بسم الله وش فيهآ ليش قآآمت؟؟؟ ريم:يمه امهآ:هلآ يمه ريم:يمه تعآآلي للمجلس بكلمك بموضوع يآسر:لا يآعيوني وأحنآ او مالنا رب؟؟؟ حنان:منجد ريم بنبره كلها حزن:مردكم بتعرفون حنو حطي بآآلك على بنآتي وعلى مهند وراحت للمجلس وامها معها امها:خير يايمه وش عندك؟؟؟؟ ريم ماعرفت كيف تبدى:آآآآآ...يمه بسألك سؤال وجاوبيني بكل صرآآحه امها:اسئلي ريم:يمه ابوي الله يرحمه كان متزوج وحده بعدك ؟؟ امها:لا ريم:اكيد.! امها:ايه اكيد يعني بكذب ريم:اها امها:مناديتني عشآن كذا؟؟؟؟ ريم:لا يايمه انا الحين وبما اني اشتغل في ملجأ ايتام اليوم كنت جالسه اتصفح دفتر موجود فيه كل اسماء البنات الموجودين بالملجأ وطاحت عيني على اسم بنتين اسمائهم نفس اسمي امها:هو انتي وش جالسه تقولين ريم في نفسها وهاذا الي انا خايفه منه انك يايمه تعجزين تصدقين!! ريم:الا يمه متأكده اسمائهم هديل واصآيل يمه نفس اسمي وحده اسمها هديل راشد محمد ال...... والثآنيه اصآيل راشد محمد ال...... امها:طيب ممكن يكون تشابه اسماء لا اكثر ولا اقل ريم:يمه اي تشابه اسماء مستحيل امهريم:يمه فيه وحده كانت تشتغل في الملجئ طيب وكانت موجوده من كانو البنات صغار وتقاعدت قبل كم سنه وحده من صديقاتي دلتني عليها وقالت انها ممكن تفيدني كلمت اسيل وشاورتها بالموضوع وقالت خلاص نروح لها اليوم بعد المغرب وبالفعل رحنا لها وقالت انها تعرف البنتين هذولا تقول ان ابوهم توفى سكته وامهم لما عرفت بخبر وفاة ابوهم جاها انهيار عصبي وبعد يومين توفت وتقول الحرمه الي رحنا لها ان ابوهم كان متزوج وحده قبل امهم وزوجته الاولى ماتدري انه متزوج تقول بعد وفاة امهم حاولت تدور على مكان زوجة ابوهم لكن للاسف مالقت عنوانها وفي هذاك الوقت كانت الحرمه هاذي حالتها الماديه ضعيفه وماقدرت تربي البنات عندها....هاه وش رايك؟؟!! امها:يعني ابوك متزوج وحده بعدي وسآآكت؟؟ماتكلم؟؟ليه ليه مآقآل اني تزوجت؟؟...بعدين وكأنها تذكرت شي تذكرت مره لمآ كانت في بدآية حملهآ بولدهآ يآسر تذكرت لمآ دخلت على الدكتوره اهي وزوجهآ رآشد ولمآ دخلو وجلسو وكشفت الدكتوره على منيره وكان الدكتوره تذكرت شي والتفت على رآشد وقآلت الست منى كآن عندهآ مرآجعه امس ليه مآجت؟؟ بعدين لمآ قآلت الدكتوره الكلام هاذا تغير لون وجه رآشد وقآل وش منى بعد انتي!! الدكتوره الست منى جوزتك هي بحملها الاول كانت تراجع عندي وبدايت حملها هاذا كانت تراجع عندي والموعد امس ماجت رآشد آآآآ..يمكن انتي متخربطه انا ماعندي اصلا غير زوجه وحده والتفت على منيره الي ماتدري من تصدق وقال لها راشد ماعليك منها هاذي مخبطه وماتدري وين ربهآ حآطهآ فيه..!! ريم:يمه وين وصلتي امهآ:لهدرجه هنت عليك يارآشد لهدرجه!! ريم:يمه يابعد عمري ترى انا يعني ماقلت لك عشآآن تزعلين انا قلت لك عشآآن بكره لا عرفو النآآس والله مايرحمونآآ!! امهآ:ايوالله يابنيتي انك صآآدقه ريم:طيب والحل؟؟؟ امهآآ:ما ادري تعآآلي نشآآور اخوانك ونشوف ريم بتردد:يمه!! امهآ:سمي.. ريم:سم الله عدوك بس يمه اسيل ضآآيق خلقهآآ بعد الي صآآآر امهآآ:من اي شي بالضبط؟؟ قالت ريم لامها عن الي سوته ام سالم امهآآآ:آآآآآآآه بس!! ريم:سلآمتك يايمه من الأه انهآ:تعآآلي يابعد عمري خلينآآ نطلع ريم:يللهوبعد ما طلعو يآآسر بمزحه المعتآد:خلصتو المؤتمر؟؟!! حنآآن:لا والله كلمة مؤتمر شويه عليهم امهم:بس عاد اسمعو اهم لما شافو امهم بكل هالحده والجديه سكتو امهم:حنآآن خذي بنآآت ريم ولد اسيل ورقيهم فوق وخليهم فوق ونآآدي اسيل ويلله انزلو بسرعه حنآآن:طيب ان شاء الله سوت نفس الي قالت لها امها عليه ونزلت اهي واسيل وبعد مانزلو...!! امهم:اسمعو يآآعيآآلي وخصوصآآ حنآآن ويآآآسر اما بالنسبه لريم واسيل يعرفون بالموضع نهآآآية البآآآرت السآآآدس تحيآآتي كاتبتكم""نسيت الالم بشوفتك"" البارت السابع.... تكلمت امهم بعد ما ايقنت ان زوجها كان متزوج عليها قبل لايتوفى واخفى هالزواج لكن الحين منيره مافي يدها شي تزعل؟؟مو داري عنها.. اهو راح عند ربه وما كان بيدها غير انها تقول الله يسامحه بعد ماقالت امهم سالفت هالأخوات حنان وياسر عليهم اكبر علامة استفهآم..!! امهم:وهاذي كل السالفه.. حنان:انتم تتكلمون من جدكم؟؟ ريم:لا نستهبل وش رايك اكيد يعني.. ياسر:لا والله السالفه مو راضيه تدخل في بالي!! اسيل:طبيعي مرح تدخل بالك بسهوله.. حنان:طيب وش بتسون؟؟ امهم:اروح بكره مع ريم للملجئ واشوفهم وقتها فيها فك وفلك... من جهه اخرى... الين كانت جالسه مع امل في الصاله.. امل:اسمعي يا الين الين:وش اسمع؟؟ امل:انتي راح ازوجك اخوي فيصل.. الين:نعم نعم.! امل:مالت عليك فيه احد يعاف فيصل؟؟ الين:ايه انا!! امل:بس تراك بتندمين! الين:وش اندم عليه؟ امل:لأنه شآريك ياحلوه الين:شاريني؟! امل:ايه شاريك والله الولد مغرم فيك.. الين:اقول امل مو لوتسكتين يكون افضل... امل:انا ما اقول الا الصدق والله اخوي طاح ومحد سمى عليه والله صدق تراه يحبك.. الين:حبت عدوه القراده.. امل:بصراحه اول مره اشوف وحده تدري ان فيه واحد يحبها وتكون في قمة البرود مثلك.. الين:والله شوفي الخرابيط هاذي مو عندي بعدين لاتزوج ان شاء الله يغرم ويحب زوجته.. امل:ياربيه اقولك انتي زوجته.. الين عصبت:امل مو قلت لو تسكتين يكون افضل!!اف ......:امل عندك احد؟؟؟ امل استغلت الفرصه:لا فيصل ما عندي غير زوجة المستقبل حقتك.. لحظتها الين تمنت انها تعطي امل ذاك الكف الي ينسيها اسمها.. بعدين جا فيصل بيتكلم وقاطعته امل وقالت:ولا اقولك لا تجي ترى وجهها هنا يتقلب الوان.. فيصل:ايه على الاقل تستحي مو مثلك انتي لو يقولون لك بنطلعك مع ولد الجيران ما يكون عندك مانع.. طبعا اهو واقف عند الباب حق الفله لكن مايشوف البنات.. امل:لا والله لكن هين شغلك عندي فيصل:ايه زين نشوف<<وطلع>> الين:هين يا امل والله لأوريك<<وهي دموعها شوي وتنزل>> امل:احول وش فيها عادي عشان بعدين لا تزوجتو تكونون متعودين على بعض.. دخلت عليهم نوال وكالمعتاد اذا كانت موجوده تتكهرب الاجواء نوال:خير اصواتكم يسمعها الي في اخر الشارع امل:احول يمه نوال:وشو احول احولت عيون العدو...!!بعدين انتي<<تقصد الين>>ليش جالسه هنا بالعاده الحين يجون مشعل وفيصل امل في نفسها:سبحان الله امي وطبعها الي مستحيل يتغير لازم تحسسها انها غريبه ياربي صبرها!! الين:طيب ماتبيني اجلس؟؟من عيوني<<وقامت>> امل:الين تعالي اجلسي نوال:الظاهر يا امل ان هالمتخلفه اثرت فيك!! الين ماتحملت:احترمي نفسك لوني متخلفه كان ماشفتيني جالسه هنا نوال:وهاذا الي مستغربه!! الين:الله يشفيك يآآآآآرب<<ورقت فوق>> دخلت الجناح وهي حدها معصبه من المتخلفه الي تحت امها:خير الين وش فيك؟؟؟ الين:يمه وبعدين مع المتخلفه الي تحت يمه مليت مليت والله من العيشه هنآ... امها:يابنيتي خليها خليها حسابها عند رب العالمين ربي مايضيع حق احد<<وحطت يدها على راسها>>اه الين:يمه وش فيك؟ امها وهي مسكره عيونها:مافيني شي الين والخوف سيطر عليها:لا يمه تكذبين تكلمي وش فيك؟؟ امها:مافيني شي الم بسيط ويروح ان شاء الله الين:يمه تكفين روحي بكره الصباح للمستشفى. امها:قلت لك الم بسيط اكل حبت بندول ويروح ان شاء الله راحت الين وجابت لأمها بندول وكاس مويه وكلت امها الحبه الين:هاه يمه خف عليك؟؟ امها:ايه الحمدلله الين:يمه انا اول مره اشوفك وراسك يعورك كذا.! امها:لا تخافين بيروح الحين ان شاء الله الين:عسى.. انتهى اليوم على خخخخير.!! بدء يوم جديد...انولد فيه امل جديد...والكل يتمنى ان هاليوم يكون افضل من اليوم الي قبله...ويمر عليهم خفيف بدون اي تعب ومشاق.... الساعه9صباحآ تجهزت منيره على اساس انها بتروح للملجئ تشوف هالبنات بعد مالبست عبايتها وركبت السياره مع السواق لان معروف ان هالوقت راح يكون الكل في دوامه وخصوصا ياسر لان اساسا مرح يوديها احد غيره لكن اذا كان مو موجود ذيك الساعه تفكر تروح مع السواق... ركبت السياره وقالت للسواق المكان الي بتروح له وقلبها شوي ويطيح من مكانه ماتدري وش فيها؟؟خوف؟؟لا لا مو خوف.. ممكن توتر؟؟؟صحيح ان الي راح يكون بعد دقائق شي يستحق التوتر بس مو مثل توترها.. وصلها السواق المكان الي طلبته وسمت بالرحمن ونزلت دخلت المبنى الكبير مبنى كبير وكانت ريم بنتظارها ريم:هلا يمه وينك تأخرتي؟؟ امها:لا يايمه لا تأخرت ولا شي..!! ريم:طيب يلله ماودك تشوفين البنات؟؟ امها:انا اخبرك تقولين انهم يدرسون؟؟ ريم ابتسمت ابتسامه لايقه عليها:عارفه لكن انا اليوم قلت لهم لا تروحون امها:كل البنات ماراحو؟؟!! ريم:ههه لايمه بس هديل واصايل..! امها:طيب يلله وينهم.. ريم:يلله تعالي خذت ريم امها وراحت للمكان المعتاد الي يجلسون فيه البنات وطبعا البنات في المدرسه يعني المكان فاضي بس فيه هديل واصايل دخلت ريم وامها وقفت امها عند الباب ريم:يمه وش فيك تعالي؟؟ امها:هذولا البنتين الي تقصدينهم؟؟..!! ريم:ايه ليه؟؟ امها:سبحان الله نسخة ابوك..!! هديل واصايل ناظرو بعض وهم مو فاهمين شي ريم:هاه يمه شفتيهم؟؟ امها هزت راسها بمعنى ايه وطلعو وراحو لمكتب ريم لان صديقتها الي معها في الغرفه ماحضرت اليوم جلست ريم على كنبه اهي وامها ريم:هاه يمه وش تقولين؟؟ امها:آآآآه وش اقولك؟؟بس تدرين اخاف ناخذهم وما ادري ايش وفي الاخير نكون مانعرفهم ولاهم يحزنون ريم:هههههه افا عليك يمه اصلا مرح ناخذهم الا لما نسوي لهم تحليلdna امها:ومتى نسويه؟؟ ريم:متى ما بغيتي امها:نسويه بكره؟؟ ريم:خلاص نسويه بكره واذا صارو نفسنا انا ازين اوراقهم واغراضهم من هنا امها:خلاص بكره ان شاء الله يلله مع السلامه ريم:مع السلامه طلعت منيره من الملجئ وهي بقلبها راحمه البنات لكن اذا تذكرت ان امهم كانت ضره لها ترجع وتكرهم انتم عارفين ابليس شاطر... ومن جهه اخرى.. اسيل:متى بتبدى تداوم في الشغل الجديد؟؟ بدر:من الاسبوع الجاي.. اسيل:يلله عشان بكره تكون اكبر قاضي في السعوديه.. بدر:ههههههههههه ان شاء الله.. مر الوقت بسرعه الساعه7المغرب.. الين جالسه تذاكر في غرفتها فجئه دخل عليها اخوها حمد حمد:الين الين الين وهي منشغله بالكتب:همم حمد:الين قومي امي ماسكه راسها وشكله يعورها مرره... الين:شو انت وش قاعد تقول.. حمد:تعالي وتشوفين الين:يلله راحو لغرفة امهم وكانت بالفعل امهم ما سكه راسها جتها نفس الحاله الي صارت لها قبل كم يوم الين راحت بسرعه عند امها:يممه يممه وش فيك؟؟؟ امها:ما فيني شي ما عليك الين:اي مافيك وهالشي ثاني مره يجيك.. امها:يممه الين لا تخافين ما فيني شي.. حمد:لا لا يمه لا تروحين لا ضربت الين حمد بخفيف:فال الله ولا فالك.. الين:يمه قومي روحي المستشفى.. امها:لا تخافون الم بسيط ويروح الين:يممه هالكلام قديمم امها:وين عبدالرحمن ما اشوفه الين:يمه عبدالرحمن يذاكر بغرفته.. امها:زين لا تخافين وتخوفين اخوانك معك انا مافيني الا العافيه.. نهاية البارت السابع.. البارت الثامن.... الين:حمد روح غرفتك.. حمد:لا بجلس اخاف على امي.. الين وبدت تعصب:حمد قلت لك كلمها تمها اطلع يعني اطلع انا عندها.. حمد:طيب<<وطلع>> امها:حرام عليك ليش طلعتيه.. الين:عشان اخذ راحتي في الكلام معك.. امها:ليه عندك شي بتقولينه؟؟ الين:ايه.. امها:قولي وش عندك؟؟ الين:يمه متى بيرجع خالي؟؟ امها:ليه تسئلين؟؟ الين:لا بس مجرد سؤال.. امها:مدري انا مكلمته امس يقول بيجلس زياده3شهور.. الين:اها امها:آآآآآه ياربي ارحمني.. الين:يمه ترى حالك كذا ما ينسكت عليه روحي المستشفى وش بتخسرين؟؟ امها:الين يايمه انتي عارفه انا ما احب المستشفيات.. الين:ليه انتي عمرك شفتي احد يحب المستشفيات؟؟؟ امها:لا لكن انا بزياده.. الين:والله يمه مالي شغل تروحين يعني تروحين... مر على كل هذه الاحداث شهر كامل ومن ابرز الاحداث الي حدثت فيه.. 1:هديل واصايل سو تحليلdnaوتأكدو منيره وبناتها ان هالبنتين اخواتهم ....................... اليوم الساعه8مساء بتوقيت الرياض.. الكل جالس بالصاله والكل ساكت.. حبت ريم تكسر هالحاجز الي من جو هديل واصايل انبنى هالحاجز ريم:خلاص يابنات انتم من اليوم ورايح راح تكونون مثلكم مثل حنان وياسر.. منيره حاولت تمسك نفسها لان طول عمرها كانت طيبه وما عمرها ضرت احد سواء بالكلام او بالفعل وما حبت ان هالبنات ياخذون عنها فكره مو زينه ويكون بينهم حزازيات وخصوصا ان هم مالهم ذنب عشان تكرهم ممكن لو كانت امهم عايشه ممكن تكره امهم لكن هالبنات مالهم ذنب منيره:خلاص تعودو على الجلسه هنا..ومثلكم مثل حنان وياسر وانتم بحسبت بناتي الي ما جابهم بطني... استانسو كل الموجودين بالصاله توقعو ان امهم راح تكون تكرهم لكن في مكان ثاني... الين وهي تصيح:يمه طلبتك روحي للمستشفى شوفي وش فيك امها:خلاص اروح بكره ان شاء الله رن جوال الين:نعم.. امل:اهلين الين وينك حبيبتي؟؟اليوم من عقب الصباح معد شفتك.. الين:معليش اموله مقدر انزل.. امل راح بالها بعيد وفهمت قصدها غلط:الين عمري ترى امي مو موجوده.. الين:لا ياقلبي مو قصدي امك لكن امي تعبانه شوي.. امل:ليه وش فيها بسم الله عليها..؟؟ الين:شوي مصدعه اذا خفت نزلت بس اسمعي... امل:سمي.. الين:سم الله عدوك لايكون احد من اخوانك فيه.. امل:مشعل مع ولد خالتي يعني مو موجود وفيصل بغرفته.. الين:شو فيصل موجود؟؟ امل:ايه وش فيك؟؟ الين:مدري بس.. امل:بس شو؟؟انزلي بس انزلي.. الين:طيب ان شاء الله<<وسكرت>> امها:انزلي يايمه وسعي صدرك وانا ان شاء الله بكون احسن... الين:لا مرح تكونين احسن الا لما تروحين للمستشفى وتشوفين وش سالفة الصداع.. امها:زين الين:لو احتجتي شي اتصلي علي.. امها:طيب ان شاء الله.. |
|
|
#9 |
|
|
رد: رواية اذا تتحداني والله بتعب
الرواية تهبل تكفين كمليها باسرع وقت ما عليك امرر الله يسعدك
تقبلي مرروري |
|
|
#10 |
|
|
رد: رواية اذا تتحداني والله بتعب
ابشري يالغلآ لكن بنتظر الكاتبه لحد ماتنزل
وتسلمين.. |
