رد: رواية اذا تتحداني والله بتعب
رواية اذا تتحداني والله بتعب
التكمله...
نزلت الين وبالها مشغول على امها
امل:ما بغيتي يالأميره تنزلين
الين:هههه قلتيها اميره..
امل:يعني تتغلين؟
الين:امم تقدرين تقولين...
امل:بس على فكره يقولون من تغلى تخلى..
الين:امزح عليك..
امل:تعالي بس تعالي اجلسي..
جت الين وجلست
امل:ايوه كيفها عمتي الحين؟؟
الين والعبره خانقتها:ماعليها بخير..
امل:الين حبيبتي وش فيك؟؟
الين:ضايق خلقي على امي..
امل:ليش؟؟فيها شي؟؟
الين:معها صداع مستمر واذا جاها بتموت من شدة مايعورها واقول لها روحي للمستشفى ورافضه<<ونزلت دموعها وحده ورا وحده>>
امل:خلاص الين حبيبتي ماعليك انا اقنعها..
الين:انا حاولت فيها وافقت..
امل:اجل وش فيك؟؟
الين:خايفه يكون فيها شي..
امل:شي مثل ايش؟؟
الين:مدري اخاف يكون فيها لاسمح الله ورم اوشي..
ضربت امل الين بخفيف على ظهرها وقالت:وانتي ما تقولين الا الاشياء الشينه قولي ان شاء الله ما يكون فيها الا العافيه..
الين:طيب اذا بغت تروح للمستشفى.اذ بتروح لمستشفى حكومي راح يبهذلونها والمستشفيات الاهليه انتي عارفه ما نقدر عليها!!
امل:الين وش هالكلام؟؟
الين:....
امل:انتي ليش للحين حاسبه نفسك انك وحده غريبه بيننا؟؟
الين:حتى لو ما احب اني اطلب من الناس شي..
امل:الحمدلله والشكر..الحين احنا صرنا اي ناس؟؟؟
الين:اموله حبيبتي موقصدي كذا..
<<ورن جوالها>>
الين:هئ هاذي امي اكيد فيها شي<<وقامت بسرعه>>
مشت الين لحد ما وصلت الدرج رقت الدرج وهي ترقى وقلبها شوي ويطيح من مكانه خايفه يكون في امها شي كانت ترقى وهي منزله راسها لكن حست انها صدمت بأحد
رفعت راسها لكن
انصدمت بلي شافته قدامها فيصل لا لا هاذا اخر شي كانت تتمناه لالآلآلآلآلآلآلآلآ
الين وهي متخربطه وما تدري وش تقول:آآ..معليش
ومشت وهي خآآآآيفه
فيصل:وقفي!!
الين في نفسها لآلآلآ هاذا وش يبغى<<وبدون ما تلتفت لان مامعها شي تتغطى فيه>>نعم..
فيصل:وش فيك مو على بعضك فيك شي؟؟
الين في نفسها سخيف يعني صدمت فيك كيف تبيني اكون على بعضي..
الين:هاه..لا ولاشي<<وراحت>>
دخلت الين الجناح وهي تتحسب على الساعه الي نزلت فيها بعدين تذكرت ان امها اتصلت عليها راحت لغرفة امها ضربت الباب ودخلت
الين:يمه وش فيك فيك شي؟؟؟
نهآآآية البارت الثامن..
|