|
رد: آه من قلبٍ غدى حبه جنوني كاملة
آه من قلبٍ غدى حبه جنوني كاملة
البارت 13 "
في بانكوك ,,
حمدان كان راقد ,, نش تقريباً ساعه 2 الظهر ,, عندنا 12 ,, وعقب سار الحمام تغسل و ظهر لبس بنطلون جنز اسود و قميص اصفر هادي ,, وعليه كتابه صوب الصدر ,, و سار مشط شعره وعدله و لبس نظاره شمسيه ,, استوا يخبل ,, وينج يا فطوم لول ,, و خذا بوكه و موبايله و طلع يتغدا برع ,, تم يحاوط و يحاوط ,, وعقب دش المطعم المصري ,, ويا واحد عطاه منيو
حمدان : لوسحمت ,,
الريال : نعم
حمدان : همم بغيت مندي لحم
الريال : حاظر ,, واي حاجه ثانيه ؟
حمدان : بسي ,,
الريال : من عيوني ,,
الريال مال المطعم سار و خبرهم ايبون مقبلات حق حمدان و هالسوالف و عقب 10 دقايق يابو الاكل و كلا حمدان >> بالعافيه عليك خيو
بينه و بين نفسه مدح الاكل من الخاطر لول ,, قال كل يوم بيتغدا من هالمطعم ,, و عقب طلع وتم يحاوط ف السوق ,, كان في واحد يسوي ميداليات بس هب ع الشارع متخش المكان ,, و كان عربي ,,
حمدان : السلام عليكم
الريال : وعليكم السلام و الرحمه
حمدان : همم تسوي ميداليات بالعربي ؟
الريال : هيه اكيد
حمدان : اوكيه ابغيت تسويلي
الريال : من عيوني ,, شو بغيت الاسم
حمدان : تقدر تسوي 3 كلمات ف ميداليه وحده !
الريال : كيف ؟
حمدان : اباك تكتب (آآه) بروحها و تعلقها فهاي الحديده وتكتب (من) و تعلقها وتب (قلب)
الريال : هيه ,, هيه اقدر اسويلك ياه ,,
حمدان : اوكيه بكم ؟ ومتى بتخلصها لي ؟
الريال : اليوم ساعه 5 نفس الوكت
حمدان : خلاص باجر بيك اوكيه واذا عيبني بسوي زياده يغمزله
الريال : ان شاء الله بعجبك
حمدان : فداعة الله و طلع عنه و عقب تم يحوط بروحه ,, عقب دقيقتين حد اتصلبه !!
حمدان : ابويه !!! الله يستر ,, رد عليه عقب شويه
حمدان : الو
بو حمدان : السلام عليكم
حمدان : وعليكم السلام و الرحمه ,, هلا بالشيوخ ,, شخباركم ؟
بو حمدان : جي عيل تسافر بدون ماتقولي !!
حمدان : .................
بو حمدان : حرام عليك الكل يحاتيك !! وانته ولا همك !! انته وين ؟؟
حمدان : شو تباني اسوي ابا اغير جو ,, انا ف تايلند ..
بو حمدان : ماتبا تغير جو انا اعرف ليش انته مسافر !!
حمدان : ابويه دخيلك بس !!
بو حمدان : مسافر بس عشان بنت عمك صح !!
حمدان : لا غلط !!
بو حمدان : حمدان ,, انا ابوك و اعرفك !! صح ولا !
حمدان : ماعرف !! ماعرف !! ابويه لاتعكر مزاجي الله يخليك !!
بو حمدان : تراها عندنا
حمدان : شو !! منو فطوم عندكم ؟ طلعت من المستشفى
بو حمدان : هيه ,, محمد طلعها ,, كانت تعبانه من طلعت عنها ,, كله تصيح و تسكت تصيح و تسكت و ع هالحاله ,, وعقب محمد طلعها
والحين هيه في بيتنا ,,
حمدان فخاطرها : صاحت يوم طلعت !!! شحقه !! .. : بتم عندنا !!
بو حمدان : هيه ,, و بخلي محمد بدال ما هوه ف الشقه يتم عندنا هوه و اخته ,, حمدان متى بترد البلاد !! امك تحاتك وياك !!
حمدان : ماعرف ابويه ماعرف ,, اليوم الفير راد دخيلك بتم كمن يوم و عقب برد ,,
بو حمدان : خير ان شاء الله ,, امك تباك ,,
حمدان : الله يعين ,, احم ..
ام حمدان : سمعتك
حمدان : هلا امايه هلا بالشيخه هلا والله بالمزاين ,, شحالج فديتج ؟
ام حمدان : هيه قردن ويا هالويه مادري طالع ع منو !! حمدان وينك ,, ليش سرت بدون ماتقولنا ؟؟!
حمدان : بقول بس شي و بسكر ,,
ام حمدان : شو !!
حمدان : اول شي سلمي ع الكل و ثاني شي ,, اسالي بنت عميه ليش انا هنيه و شو قالتلي و سكر عنها و قفل الموبايل
ام حمدان فخاطرها : شو قالت !! هيه صح ,, تمت تقولي والله ما اقصد !! الا اعرف السالفه اليوم ,,
بو حمدان : بلاه ؟
ام حمدان : مادري قطع ,, بسير ازقر محمد عشان نرد البيت ,,
بو حمدان : خلاص انا بنزل تحت صوب السياره ,,
سارت ام حمدان تزقر محمد و عقب نزلو تحت صوب السياره و عقب سارو البيت ,, و صلو البيت ساعه 12 ونص ,, و ساره كانت تحت تشوف التيلفزيون ويا عبدالرحمن ,, وعقب و صلو قوم بو حمدان
بو حمدان : السلام عليكم
عبدالرحمن شهق : بابا
ساره : وعليكم السلام
بو حمدان : هلا هلا هلا والله ب عبدالرحمن ,, اميه ساره محمد بيدش ,,
ساره قامت و لبست شيله ,, خله يدش
ام حمدان : محمد تعال
محمد : السلام عليكم
ساره : وعليكم السلام
محمد : عيل وين فطوم ؟
ساره : من الساعه 9 ونص دشت الحجره بس ما اشوفها طلعت !! يمكن راقده ,,
ام حمدان : واعليه سيري شوفيها !!
محمد : لا لا انا بسير ,,
ساره : تعال انزين بدليك وين حجرتها ,,
وسارت فوق ويا محمد ,, و دلته حجرتها ,,
ساره : هذي حجرتها ,, بنزل تحت انا بخليك وياها
محمد : اوكيه ,, محمد دق الباب كمن مره بس محد رد عليه ,, قال بيدش .. يوم دش شافها راقده
محمد : من الساعه 9ونص لين الحين راقده !! يمكن استوالها شي !!! وابويه ,,
محمد يتقرب من فطوم : فطامي فطامي
فطامي : حمدان خلني برقد تعبانه
محمد فخاطرها : استخفت اختيه ,, فطوم !!
فطامي : ها شو مستوي ,, اف ماتخلون الواحد يرتاح
محمد : بلاه حمدان !!
فطامي : ماشي ليش !!
محمد : يوم قلتلج فطامي قلتي حمدان خلني برقد تعبانه
فطامي فخاطرها : اميه ياهي مصيبه : ماقلت !!
محمد : انزين قومي تغدي
فطامي : حمودي دخيلك فيني رقاد من الخاطر خلني ارقد
محمد : من الصبح وانتي راقده قومي نشي ,,
فطامي : دخيلك عقب بتغدا
محمد : اوكيه فديتج ,, تمسين ع خير ,, وظهر عنها
فطامي : انا اليوم مابطلع من غرفه بتم راقده !! و بتشوفون مابا آآآآآكل اف ,, خذت حبه منوم و رقدت
محمد نزل تحت يتغدا ويا الباجين
بو حمدان : وينها ؟
محمد : تبا ترقد !
ام حمدان : من الصبح وهيه راقده !! هب بسها
محمد : تقولي تعبانه
بو حمدان : خلوها هاليومين مارقدت عدل ,, هيه صح رمست حمدان ..
ساره فز قلبها : والله متى !! شحاله هوه وين !!
بو حمدان : في تايلند
ام حمدان : يسلم عليكم
محمد + ساره : الله يسلمه
محمد : متى بيرد ؟
بو حمدان : مادري ب منكره !!
وعقب تمو يسولفون ,, و يوم خلصت ساره ,, سارت اتصلت حق عليا
ساره : مرحبا كبار
عليا : هلا والله ساروه شحالج ؟
ساره : يسرج ومن صوبج ؟
عليا : تمام والله
ساره : شحال مريوم ؟
عليا : بخير ربي يعافيج ,, بتخبرج فطوم وين ؟
ساره : راقده
عليا : واعليه عليها ,, فديتها والله
ساره : يقولولج الشيخ حمدان دق حق ابويه
عليا : والله !!!! هوه وين
ساره : ف تايلند
عليا : هيه حق المنكر هناكي !!
ساره : هههههههههههه
عليا : والله صدق ,, تعالي ساروه خبريني سالفت فطوم !! شو قالت حق حمدان عسب اتصيح هالكثر !!
ساره خبرتها ب السالفه ,,
عليا : خيبه تخبلت هاي و تقوله جي
ساره : ماحست اكيد
عليا : حليلها والله ,, بتخبرج بخليج انا تعبانه بسير ارقد اوكيه السموحه فديتج
ساره : لا افا عليج ,, تسلمي ع الاهل
عليا : اوكيه غناتيه وانتي بعد ,, فداعة الله
ساره : فداعة الرحمن
صوب حمدان ,,
استوت الساعه 5 و سار المحل وشاف الميداليه مالته عيبته وايد ,,
حمدان : ياعيني ,, وايد حلو ,, اباك تسويلي واحد شراته بعد ..
الريال : من عيوني
حمدان : وبسجلك كمن اسم اباك تسويلي ياهم
الريال لك على عيني
حمدان : ابا ورقه
الريال : تفضل ,,
حمدان بدا يكتب الاسامي اللي يباهم ,, كتب :
فطامي ,, سارونه ,, مريومه ,, علايه ,, بو حمدان ,, ام حمدان ,, محمد ,, بو مريم ,, ام مريم ,, غناتي ,, احبج موت ,, ولهان ع شوفت الغالي ,, في ذمتيه يا عرب اني احبها ,,
الريال : من عيوني ^_^ ..
حمدان : بس هذيل (( في ذمتيه يا عرب اني احبها ,, ولهان ع شوفت الغالي )) خلها شرات ( آآه من قلب )
الريال : ان شاء الله
حمدان : متى بتخلصلي ياهم ,,
الريال : يومين
حمدان خلاص تم فداعة الله
الريال : مع السلامه
صوب دار الظبي
مر اليوم بسرعه واستوت الساعه 7 و فطوم بعدها راقده .. فالصاله كلهم كانو موجودين ,,
بو حمدان : باسم الله ,, فطيم ليش مانشت !!!! هب زين عليها متى تبرقد فليل !!
ام حمدان : بسير اشوفها ,,
ساره : مابتقوم !!
ام حمدان : ماعليه ,,
بو حمدان : بسير وياج ,,
عقب سارو فوق صوب غرفة فطيم ,, دقو الباب بس ماردت عليهم ,, دشو عليها ,, سارو صوبها ,, شافوها تصيح وهيه راقده شو السالفه مايعرفون ,,
ام حمدان : بلاها باسم الله عليها !!
بو حمدان : فطامي غناتي قومي نشي
فطامي وهيه تصيح وترمس بدون ماتحس : حمدان دخيلك سامحني والله ما اقصد
بو حمدان على صوته : فطامي
فطوم فزت من مكانه سيده يلست بدون ماتحس تصيح مسحت دموعها : ها عميه
بو حمدان : شفيج غناتي ,, بلاه حمدان !!
فطامي فزت و خافت وايد : حمدان فيه شي !!! شو فيه حمدان .. عميه دخيلك قولي !!
ام حمدان : فديتج حمدان بخير مافيه الا العافيه ,, اليوم دقلنا و يسلم ع الكل
فطامي : الا انا صح قالج جي !!
ام حمدان : لا غناتي هوه قال الكل ,,
بو حمدان : يلا فديتج تمي ويا خالوتج شويه انا بنزل تحت و اباج تلبسين و تين
فطامي : تعبانه ابا ارقد
بو حمدان : فطوم شو تعبانه !!! من الصبح و انتي راقده !!!
فطامي : بليز ابا ارقد !!
بوحمدان : انزين تمي شويه و عقب رقدي اوكيه غناتي حبها ع راسها ,, يالله فديتج ,, وطلع عنها
فطامي : وين حمدان ؟وين سافر ؟!!
ام حمدان : سار تايلند ,,
فطامي : متى بيرد ؟
ام حمدان : ماقالنا ,, انزين فديتج ,, ابا اعرف شي واحد بس
فطامي خافت : شو ؟؟
ام حمدان : هاكي اليوم يوم حمدان كان عندج ,, و طلع وهوه مصدوم بدون مايرمسنا ,, شو قلتيله ؟؟؟!!
استهبلت فطوم سوت عمرها ماتعرف : متى خالوه !!
ام حمدان : يوم تقوليلي ,, ما اقصد ازعل حمدان
فطامي : ها لا ماشي
ام حمدان : فطيم !! قوليلي عشان خاطري ,, لانه هوه قالي
فطوم قبل لا تكمل رمستها : شو قالج !!!!!
ام حمدان : قالي (اسالي بنت عميه ليش انا هنيه و شو قالتلي) شو قلتيله فديتج ؟
فطوم انصعقت فخاطرها : شو اقولها !! مابا اخبرها مستحيل شو بتقول عنيه !!!!!!
ام حمدان : وين و صلتي فديتج ؟
ام حمدان بصوتها العذب و وحنانه ترمس فطامي عشان ما تخاف
ام حمدان : غناتي لاتخافين ,, بيني و بينج قوليلي شو قلتيله
فطوم ودمعه ع خدها : قلتله عافك الخاطر و لوت ع ام حمدان و هيه تصيح
ام حمدان انصدمت : بس فديتج خلاص ماصار شي
فطامي : خالوه والله ما اقصد ,, صدقيني من القهر اللي فيني والله ما اقصد
ام حمدان : بس غانتيه ,, صدقيني بتردون شرات قبل و احسن لا تصيحين ,, يلا فديتج قومي بوديج الحمام و بدلي ثيابج عشان البسج القميص
فطامي : ان شاء الله ,,
ام حمدان ساعدت فطوم عشان تقوم و دتها الحمام ,, وعقب طلعت يالسه تتنقا شو تلبس ,,
ام حمدان : هيه صح ,, يوم سرنا المول خذتلج شي ,, صبري بيبه ,,
سارت ام حمدان تيب الشي اللي يابته حق فطوم و يوم يابته
ام حمدان : فجيه
فطوم فجت الجيس ,, شافت جلابيه من النوع الراقي ,, الوانه خبال .. قميص كت باللون بيج المحروق و من تحت في خرز ,, و كندوره عنابي ايدها طويله ,, ياي صوب الكف وسيع و عليه شغل باللون البيج المحروق و العنابي ,,
فطامي : الله خبال
ام حمدان : تعالي وياي غرفتي
فطامي : ليش ؟
ام حمدان : انتي تعالي .. ومطتها
ام حمدان مستويه اخت و الام وكل شي ويا فطامي و هيه وايد مرتاحلتها ,, سارو غرفتها .. فطوم اندهشت بغرفت ام حمدان و بو حمدان جنه ف بلاد ثاني ,, خبال غرفتهم ,, كل الالوان ,, كانو الالوان متناصقه ,, و رسم ع الجدار ,, في فرع فيه المكياج و هالسوالف ,, و فرع حق اليلسه ,, و الغرفه الرئيسيه ,, الشبريه الكبيره ,, كانت صدق احلى غرفه دشتها فحياتها ,,
فطامي : خالوه غرفتكم وايد حلوه ماشالله ,, بس ع شو ناويه ,,
ام حمدان ودتها صوب فرع المكياج : انتي يلسي و شوفي اللي بيستوي ..
سارت ام حمدان يابت المكياج و كل اللي تباه ,, ماشالله عليها كانت داشه دورة مكياج و كان مكياجها خبال من الخاطر ,, بدت ام حمدان تحط حق فطوم مكياج خفيف باللون العنابي و البيج ,, ماسوته وايد يعني شرات الاعراس ,, و رسمت عيونها و حطتلها مسكره و عدلتها من الخاطر ,, جنه الروح ردتلها ,, و حطلتها قلوز وردي هادي .. يوم خلصت
ام حمدان : لاتفجين عينج بصفعج
فطامي : هههههههههههه ان شاء الله ,,
ام حمدان سارت صوب الصندوق الكبير حاطه فيها ذهبها ,, وطلعت ذهب ذهبي ,, و لبسته فطوم و ساعه و خاتم ,,
فطامي : شو تسوين خالوه ؟؟
ام حمدان : ايلسي جي و لاتفجين عينج ,,
فطامي : الله يستر ... اذكرتينيه بحركات عليوه و مريوم
ام حمدان : ليش ؟
فطامي : الله يسلمج كنا بنسير مول الامارات جان يسولي جي اقولج مكيجونيه و خلصو وجي و طلعت اهبل هههههه ,, يوم شفت فيه حمدان ,, و عبدالرحمن ضاع
ام حمدان وهيه تصارخ وخايفه : ضاع وين ؟
فطامي : هههههه ما استوا شي خالوه ( وقالتلها كل اللي استوا و شو من المواقف استوت ويا محمد )
ام حمدان : هههههههه غربلاته ولا قاليه بعد .. حلوه هاي اخو يغازل اخته ههههه
فطامي : خليه خخخخ مايدري انزين وعقب ام حمدان سارت صوب شعر فطوم و سحته وهيه تسمي عليها ,, كان شعرها طويل و غليض ,, لفته ب شباصه عنابيه ,, و صوب القصه من جدام كانت قصتها قصيره تغطي يبهتها و ع الينبين جي خصله طويله
,, حطلتها شباصات صغار لونهم عنابي و بيج ,, و صدق كانت حلوه من الخاطر ماشالله ,,
ام حمدان تقوم فطامي و تراويها عمرها بالمنظره
فطوم انصدمت لصقت ف المنظره : ياويلي ,, المكياج حلوه خالوه علميني !!
ام حمدان : هههه من عيوني ,, مستويه عروس ماشالله
فطوم استحت : خالوه !!
ام حمدان : وين حمدان عنج و تغمزلها
فطامي استحت : خالوه عاد .. بسير البسلي النعال عندي ذهبي
ام حمدان : يلا سيري وانا بنزلت تحت وعقب تعالي اوكيه
فطامي : ان شاء الله
نزلت ام حمدان تحت
محمد : وين فطوم !!
ام حمدان : الحين بتنزل
ساره : ليش يعني ؟
ام حمدان : ههههه لاتستعيلين
بو حمدان : اصلا ليش تأخرتو!!
ام حمدان : لاتستعيلون ,,
عقب دقيقتين ,, نزلت فطوم شرات الملاك االلي داش البيت ,, النور كله فويها .. ونظرات عيونها تذبح الواحد ,,
,, دخلت الصاله كلهم فاجين عيونهم و ام حمدان مستانسه
فطامي وهيه مستحيه : السلام عليكم
محمد : ياويل حالي فطوم ,, يتقرب منها ,, و يسوي شرات الاجانب يوم يوخون تحت و ويبوسون ايد البنيه ,, باسها
محمد بصوت غليص : هل تقبلين لي زوجه ؟
الكل : ههههههههههه
فطامي رافعه راسها فوق : لاء طبعا و ادزه و تسير عدال عمها و خالتها ,,
محمد : آآخ ويهي !!
فطامي : وايه فديتك ..
محمد : لو انج هب اختيه جان خذتج هههه
ساره : هههههههه وايد تتحلم
بو حمدان : فديت روحج فطامي ,, عروس ماشالله ,, بس ناقص الريل
ساره : المشكله انه الريل هب موجود ,, مسافر
فطامي عصبت : ساره !!!
ساره : خلاص خلاص !!
بو حمدان : هاي فطوم اللي اعرفها ,, متكشخه و متعدله دوم ,,
فطامي : ان شاء الله بتشوفني جيه دوم ,,
ام حمدان : ميري !! ميري
ميري : yes madamام حمدان : حطي اكل حق فطامي
ميري : okay
فطامي : مابا !!
ام حمدان : شو قلنا !!
فطامي وهيه ماده بوز : انزين انزين ,, ساروه حطي قناة نجوم كانو حاطين غنية (( لاتبكين ياعيني )) حسام كمال ..
كانت تحب الغنيه و دوم يوم تضايج تسمعها ,, جان تعتدل و تغني وياه ,,
لاتبكين ياعيني ياعيني ياعيني وتبكيني
مثل ما فارقوك فارقوك مفارقيني
لو بالبكي يرجعون اعمي اثنين العيون
ياعيني عليهم شو تنشديني
مثل ما فارقوك فارقوك مفارقيني
باجر يجون احبابنه نحكيلهم كل شي
بدمع الفرح واثنينا نقابلهم ونبكي
لو بالبكي يرجعون اعمي اثنين العيون
ياعيني عليهم شو تنشديني
مثل ما فارقوك فارقوك مفارقيني
ياعين غمضي الجفن خليني ساعه ارتاح
وصدقيني عمر البكي مايعوض الي راح
لو بالبكي يرجعون اعمي اثنين العيون
ياعيني عليهم شو تنشديني
مثل ما فارقوك فارقوك مفارقيني
محمد : ياويل حاليه عليج فطوم والله انه صوتج عذاب .. غنيلي كل يوم
بو حمدان : عاشت بنت اخويه ,, ياترا حق منو هالغنيه ؟؟,,
فطامي بكل حنان و دلع : ناس عيونهم وساع
ام حمدان : فديتج ياربيه ..
ساره : امايه ,, تراني اغار = ( ..
فطامي : هههه عيل بسير غرفتي احسن
ام حمدان تغايض ب ساره : لا خلج فديتج
ساره : امايه !!!!!
ام حمدان : ياروح امايه
ساره : بسج عاد
الكل يضحك ع ساره و فطوم ,,
و مرت الايام و الليالي ,, و حمدان يفكر ف فطوم و فطوم تفكر ف حمدان ,, تبا تنساه شويه ماتروم ,, كله تاخذ منوم ,, خلصت الكرتون ,, و الكل لاحظ عليها ,, وعقب مرور سبوعين ,, بو حمدان و ام حمدان ,, ماخذين اجازه شهر ,, و كانو يالسين ف الصاله ويا محمد و ساره ,,
بو حمدان كان معصب من الخاطر : لا حول فاطمه ليش ماتيلس ويانا !! شو سالفتها بالضبط 24 ساعه رقاد !!!
بسير اشوفها لازم اعرف شو السالفه !!
ام حمدان : محمد !!! محمد شوي شوي ع البنيه !!!!!!!!! واعليه ,, ونشت سارت صوب ريلها ,,
بو حمدان يدق الباب بس ماردت عليه ,, دش عليها ,, شاف ع الطاوله ,, دوا وقرا انه منوم !!
ام حمدان : خلها راقده !!
بو حمدان وهوه مصدوم : تاخذ منوم من 3 اسابيع !!!!!!!!!!!!!!!!
ام حمدا انصدمت : احلف !!
بو حمدان ماسوا علم و خبر ,, خوز اللحاف عنها و هوه بروحها قومها ودزاها ع الايدار وهوه معصب من الخاطر : ماتخافين ربج تاخذين منوم 3 اسابيع !!! تعرفين اصلا ها زين ولا لا !!
فطوم مصدومه : ............. !!
بو حمدان يصارخ فويها : ارمسج انا !!! ليش تسوين جي ,, ماتعرفين انه في حد يخاف عليج !!!!
فطوم و الدموع فعينها : ............ !!
بو حمدان : اذا انتي هب مهتمه فعمرج ,, غيرج مهتم !!!! ليش جي تسوين ارمسج انا ردي عليه !!
فطوم : .................
بو حمدان : ردي عليه ماتسمعين .. عطاها كف محترم ..
ام حمدان وهيه تصيح و خايفه من اللي يستوي : محمد تخبلت !! شو اللي سويته ,, هاي يتيمه ليش صفعتها ليش ؟! كل شي بالتفاهم ينحل ,,, ليش جي حرام عليك ! وعقب لوت عليها ..
وفطوم هب مصدقه اللي يستوي تمت متيبسه ف مكانها !!
بو حمدان توه استوعب اللي يستوي سيده ظهر من الغرفه بسرعه و رضخ بالباب البيت و سار برع صوب الحديقه ,,
محمد : اويه شو مستوي ,, اركضي خلينا نسير
ساره خافت و سارت فوق بسرعه ,, شافت فطوم فحظن ام حمدان و هيه تصيح من الخاطر
فطامي : ها اللي اونه بيكون بدال ابويه جي يسويلي !!! ليش خالوه ليش ,, حرام عليه ,, انا شرات بنته ليش جي يسويلي !! لو ابويه حد و امايه حيه جان ماسولي جي !!
ام حمدان : فديتج خلاص ,,
فطوم هدت ام حمدان و تصارخ : ليش يصفعني ,,, قوليلي ليش !! وينك يا ابويه ,, وينج يا امايه ,, تعالو شوفو شو يسون ف بنتكم ,,, تصيح من القهر شرات اليهال
محمد : عميه صفعج !! ليش ؟؟؟؟
فطوم تصيح من الخاطر و تصارخ : بس لاني آخد منوم من 3 اسابيع مافيها شي والله ,,,
محمد يودها من الخاطر و يزاعج : هب حرام عليج !!!
ام حمدان : محمد ,, هدها حرام عليك ,, اللي فيها يكفيها جان تخوز فطوم عنه
محمد : ليش جي تسوين قوليلي ليش !! الكل يخاف عليج وانتي تاخذين منوم ,,
ساره : محمد بس !!
محمد يودها من شعرها بالقو : والله !! ان شفتج ماخذه منوم ماتلومين الا نفسج فاهمه !!
عند بو حمدان ,,
بو حمدان فخاطرها : يالله انا شو سويت!!! هاي اللي كنت بخليها ف عيوني جي اسويلها !! شو بتقول عنيه الحين ,, هب حرام عليها .. تاخذ منوم 3 اسابيع !! لا تاكل ولا شي !! ياربيه سامحني ع اللي سويته !!!!
صوب غرفة فطوم ,,
فطوم تصيح من الخاطر : انته هب اخويه !! هب اخويه !! و بو حمدان هب عميه !! ماعندي اخو و عم يمدون ايدهم عليه ,, خذت شيله مال البيت و ركضت و طلعت برع ,, ام حمدان لحقتها هيه و ساره ,, و محمد انصدم يوم قالت فطوم (( انته هب اخويه )) ,, طلعت من البيت و سارت الحوي .. و هيه تركض و الدموع ع خدها ,, بو حمدان شافها وهيه تركض صوب بوابه الكبيره كانت مفتوحه ,,
بو حمدان : فاطمه فاطمه !!
ام حمدان طلعت من البيت : محمد الله يخليك الحقها ,,
بو حمدان : جاسم ,,
جاسم AL Body Guard : نعم عميه
بو حمدان : لحق فاطمه بسرعه ..
جاسم AL Body Guard : ان شاء الله عميه و ركب السياره و سار ورا فطوم ,,
فطوم طلعت وهيه تركض ف الفريج .. كانت الساعه 9 ونص ,, و ظلام ,, تمت تركض تركض و سمعت سياره وراها ,, و تمت ركض وعقب انخشت ف مكان ,, و جاسم ما حصلها ,, وتم ساعه وهوه يدور بس ماشي فايده !!
فطوم طلعت وهيه تركض ف الفريج .. كانت الساعه 9 ونص ,, و ظلام ,, تمت تركض تركض و سمعت سياره وراها ,, و تمت ركض وعقب انخشت ف مكان ,, و جاسم ما حصلها ,, وتم ساعه وهوه يدور بس ماشي فايده !!
في بانكوك ,,
وبالتحديد فندق اماري ,, غرفة حمدان ,, كانت الساعه عندهم 1 ونص فليل ,, كان حمدان يرتب الاغراض اللي ماخنهم حق البنات ماخذ سوع و شنط ع ذوقه ,, و عطور و ابواك ,, وسكارفات ماخلا شي ,, خذا حق ساره و فطامي و مريم و عليا مانساهم طبعاً ,, وخذا نعله حق بو حمدان و بو مريم ,, و نعله حق ام حمدان و ام مريم ,, طبعا خذالهم عطور و شنط و ابواك ,, وطبعاً مانسا الميداليات ,, كانو وايد حلوين ,, وخذا حق عبدالرحمن و رشود ,, العاب
ماشالله يعرف حق هالسوالف البركه ف ساره لول وعقب ما خلص دق موبايله ,,
حمدان : مرحبا كبار
(****) : هلا فديتك شحالك ؟
حمدان : يسرج ومن صوبج ؟
(****) : دامك بخير انا بخيرين
حمدان : عسى دوم غناتيه
(****) : همم شو اتسوي ؟؟
حمدان : ماشي طايح افكر فيج ,, كنت بتصلبج >> ياسلام ع الجذب
(****) : فديتك والله ,, حبيبي متى بترد ؟
حمدان : فديتج ماعرف والله ,, بشوف
(****) : حبيبي والله ابا اشوفك حس فيني !
حمدان : انزين انا الحين برع البلاد ,, كيف تبغين تشوفيني !!
(****) : تعال باجر ,,
حمدان وهوه يفكر : ماعليه باخذلي حجز باجر ,, آمري انتي بس ؟
(****) : فديتك والله ,, الله لاحرمني منك ,, حمدان ..
حمدان : عيون حمدان
(****) : احبك ..
حمدان : ...........
(****): شوفيك
حمدان : ماشي
(****) : والله احبك
حمدان : فديتج انا بخليج الحين طولت عليج
(****) : افا عليك حمداني ,, خذ راحتك عادي عندي ,,
حمدان : ابا ارقد تعبان ,, الساعه كم عندكم الحين ؟
(****): 11ونص
حمدان : انزين غناتيه انا بخليج الحين ,, تامريني بشي ؟
(****) : سلامت قلبك
حمدان : وين بوستي ؟
(****) : اممواح ..
حمدان : فّديتج والله ,, يلا حبيبي تصبحين ع خير و طمنيني عليج باجر
(****): من عيوني ,, وانته من اهله ,, باي
حمدان : بايات
سكر حمدان من (****) ,, وهوه يفكر فيها فخاطره يقول : فديتها والله ,, كشخه هالبنيه و عقب دقايق ,, فطوم !! آآآآآآخ يا فطوم وينج لج وحشه والله ,, فديت الارض اللي تمشين عليها ,, شحالج .. شخبارج ؟؟ ,, شو دنيا وياج ؟؟ ,, انتي وين؟؟ شو اتسوين الحين ؟ تم يفكر ف فطوم وعقب رقد ,,
واليوم الثاني .. العصر ,,
حمدان كان متردد يتصل ع بيتهم ولا لا ,, عقب 5 دقايق اتصل .. تم يرن يرن وعقب شلوه
حمدان : الوه
ساره : حمدان !!
حمدان : فديتج شحالج ؟
ساره : يسرك ؟؟ ومن صوبك ؟؟
حمدان : بخير الغلا ,, شحالك الاهل ؟,, شحال الغناه ؟!
ساره : سافرت محد يدري وين ,,
فز من الحلم !! حمدان : بسم الله !! بسم الله !! ان شاء الله خير ,, خذا موبايله و اتصل ع بيت بو حمدان تم يرن يرن يرن محد شله كان عندهم ساعه 3 عند حمدان 5 ,, اتصل ع بوحمدان ,, رد عليه
حمدان : السلام عليكم
بوحمدان بتعب : وعليكم السلام
حمدان : شوفيك ابويه ؟؟ فطوم فيها شي !!
بوحمدان: شدراك ؟
حمدان : قول فطوم فيها شي !! وين هيه الحين ؟
بو حمدان : طلعت من البيت
حمدان : شو !! وين سارت ؟؟؟
بوحمدان : مانعرف ,, حمدان الشرطه ادقلي تريا شويه !!
خلا حمدان ع الخط الثاني و عقب رد ع الشرطي
بو حمدان : ها سعيد شو سويت
سعيد : حصلناها
بو حمدان : وين !!
سعيد : ف الفريجكم
بو حمدان : الحمدالله يارب ,, هيه بخير
سعيد : والله شو تباني اقولك ,, حالتها ماتسر ,, تصيح وتقول ماعندي عم ماعندي اخو
بو حمدان : لاحول ولا قوة ,, خلاص انا الحين ياي مشكور ,, فداعة الله
سعيد : مع السلامه
بو حمدان يرمس حمدان
حمدان : ها ابويه حصلوها !!
بو حمدان : هيه بس
حمدان : بس شو !!
بو حمدان : حمدان بنت عمك صارلها فتره ترقد وايد ومحد يدري شو السالفه ,, و امس سرت الغرفه اوعيها جان اشوف دوا منوم مخلصه الكرتون كله ,, من 3 اسابيع وهيه ع هالحاله لا اكل ولا شرب اللهم بس الدوا تاخذه
حمدان مصدوم !!
بو حمدان : عقب وعيتها من رقادها و هزبتها من الخاطر و جان يسكت
حمدان : كمل ..
بو حمدان : عطيتها كف محترم ..
حمدان انصعق من الخاطر : ابويه تخبلت انته !!
بو حمدان : والله ماحسيت بالي اسويه !! يعني هيه ماتهتم ف عمرها غيرها يهتم
حمدان : وبعدين !!
بو حمدان : بعدين سارو محمد ساره يعرفون شو السالفه ,, و حرج عليها محمد و يودها من شعرها !! و قالها
(( ان شفتج ماخذه منوم ماتلومين الا نفسج فاهمه )) ,,
حمدان : محمد يسوي جي !!!
بوحمدان : بعدين طلعت من البيت .. خلاص حمدان انا عقب بتصلبك بسير اشوفها ,, ماقلتلي الغالي متى بترد ؟؟ والله لك وحشه !!
حمدان : ان شاء الله قريب ,, فداعة الله
بو حمدان : ربيه يحفظك
سار حمدان سيده اتصل حق مكتب طيران الامارات ياخذ اقرب حجز وقالوه اليوم في رده ساعه 9 توقيت بانكوك و وافق و طرشوله التذكره و رتب اغراضه ,, ويتريا الوكت يمر بسرعه ,, اتصل حق (****) وقالها انه بيرد اليوم ,,
سار بو حمدان وخبر شيخه و ساره و محمد عشان يسيرون عند فطوم ,, ركبو السياره وعقب سارو ,, يوم وصلو سيده عند فطوم
بو حمدان : فاطمه غناتي سار يبا يلوي عليها
فطامي وهيه تصيح : لاتلوي عليه !!!!!!!!! انته هب عميه !!
بو حمدان : فطوم ,, قسم بالله ما اقصد ,, دخيلج سامحيني ما اقصد والله العظيم
فطامي سارت و لوت عليه بالقو : ليش جي تسويبي ليش ؟
بو حمدان : فديتج والله آسف اوعدج ما اعيدها ,,
محمد : فطامي
فطوم تشوف محمد بخوف
محمد : تعالي فديتج عندي ,,
فطوم هدت بو حمدان و تقربت منه و لوت عليه من الخاطر : اوعدني ماتضربني مره ثانيه وهيه تصيح = (
محمد دمعت عينه : وعد الغاليه وعد يلا فديتج خلينا نسير البيت
فطامي : ان شاء الله
ام حمدان : عاش من شافج غناتيه
فطامي : فديتج والله خالوه
ساره : دبوه ولهنا عليج !!!
فطامي : حتى انا والله
وعقب سارو البيت وهم مستانسين ,, و اتصلت فطوم ع مريوم و طمنتهم عليها وصلو البيت و حطو العشا قبل لايتغدون يتريون فطوم تنزل ,, كانت تسبح و لبست مخوره ب الوان فاتحه كانت Cute وايد ..
فطامي : يوعانه حطو الاكل !!
بو حمدان : تعالي غناتيه هنيه نترياج ,,
فطامي وهيه تتروح الاكل من الخاطر : ياويلي انا خبال يوعانه و تركض صوب الاكل ,, يلست عدال بين بو حمدان و ام حمدان عشان تاكلها
ساره : اميه تراني اغار بسير اكسر ايدي عشان تسولي شرات ماتسون حق الدبه
فطامي : مشكله اللي يغارون
الكل : ههههههههه
بو حمدان يبا يقهرها : خذي فديتج ويكالها
ساره : بفلعج والله !!
محمد : تعالي انا بأكلج
بو حمدان + ام حمدان + فطامي: هههههههههههههههههههههههه
فطامي : عقبال ما تأكلها فعرسكم كيكة
ساره انصدمت و احمرت من الخاطر : فطوم !!
بو حمدان : آآآآمين
محمد : اتريا هاليوم و يغمزلها
ساره : جب !! ابويه ماتقول شي !!
بو حمدان : عادي انا موافق من الحين
ساره وهيه مقوره : ابويه !!!!! بعدنيه صغيره ع العرس مابا اعرف ,, ومنو قال ابا محمد ,, بيغصبي
محمد : فديت روحج انا و روح بسرعه
ام حمدان : وايه انا عليهم Cute
فطامي : OMG Sooo cute
مر الوكت بسرعه ,, العشى ,, حمدان ف طريجه للمطار ,, و خلص شغله بسرعه و ركب الطياره وطارت الطياره ساعه 11 .. ويتمنى يغمض عينه و يفجها و يحصل عمره ف بلاده ..
ف دار بو خليفه الله يرحمه ..
ساعه 9 ,, فطوم كانت فالمطبخ ,, تشوف شو مسوين ,, كانت تبا شي حلو ,, فجت الثلاجه شافت مسوين كيكه كلها جوكلت ,,
فطامي : ياويل حاليه انا ,, سوسي بليز حطيلي هالكيكه
سوسي : okay
سارت سوسي وحطتلها الكيكه و سارت الصاله وهيه تاكل
فطامي : ياويل حاليه خالوه منو مسونها !!
ام حمدان : هههه عيبتج ؟؟ ,, هالخدامه يايبينها بس حق اكلات الحلو
فطامي : خليها كل يوم تسوي حلو ,, كشخه هالكيكه ,, فجي حلج ,, جان تاكلها
ام حمدان : همم لذيذه تصدقين
فطامي : الا هب خبال ,, خالوه انا تعبت من الجبس اللي في ايدي دخيلج ابا اسير المستشفى
ام حمدان : الحين !!
فطامي : هيه خالوه عشاني ,, بليز
ام حمدان : اوكيه غناتيه سيري تلبسي و خبري ساره ,, وانا بخبر عمج
فطامي : من عيوني ,,
سارت فطيم فوق وهيه فرحانه من الخاطر خبرت ساره وسارت تتلبس ,, وفخاطرها تقول : واخيرا بشله اف ثجيل ع القلب ,, عاد ان شاء الله يرضون ,,
ساره سارت صوب فطوم
دق دق دق
فطامي : هلا منو
ساره : انا
فطامي : تعالي
ساره : خلصتي ؟
فطامي : هيه ,, يلا طوفي ,,
نزلو تحت و شافت بو حمدان و قالت فخاطرها : الله يستر
بو حمدان : ماشي سيره
فطامي : عميه !!
بو حمدان : هههه اسولف وياج
فطامي : منو بيودينا !!
بوحمدن : انا يلا طوفو
وعقب سارو المستشفى ,, و يوم وصلو ,, دشو عند الدكتور عادل ,, ماكانت تدري انه هوه
فطامي : دكتور عادل ,, يا مرحبا الساع والله ,, شحالك ؟ شخبارك ؟ منزمان ما شفتك >> تقردين
بو حمدان و ساره فجين عيونهم
دكتور عادل : هلا والله فاطمه ,, والله يسرج الحال ,, من صوبج ؟ ,, تعالي بلاها ايدج
بو حمدان : ماشالله تعرفون بعض
دكتور عادل : اوه ,, عميه شحالك ؟ انا ربيع ولدك ,, هههه لاتفهم غلط ,, حمدان يابها عندي يوم كانت تعبانه ,,
بو حمدان : هيه انته اللي عالجتها ,, يا مرحبابك والله
فطامي : دكتور طلبتك ,,
دكتور عادل : تم
بو حمدان : هههه ع كيفك والله شوف انزين شو بتقولك
فطامي : ههههه ,, دكتور شل العله اللي فايدي ,,
دكتور عادل : يالله !! شو استوالج
فطامي : طحت فالحمام ,, شوفها الحين ماتعورني ,, وشلت الربطه و نزلت ايدها
دكتور عادل : تعالي ايلسي ع الشبريه ,,
فطامي : اوكيه ,,
سارت يلست ع الشبريه و دكتور عادل فج الجبس عن ايدها تم يحركها
دكتور عادل : تعورج ؟
فطامي : ابدن !!
دكتور عادل : اكيد !!
فطامي : هيه والله ,,
دكتور عادل : عيل خلاص ,, مبروك
فطامي : يس و رفعت ايدها اللي تعورها : آآخ
دكتور عادل : لا لا لا لاتحركينها ولا بلف ايدج الحين
فطامي : من الوناسه ,,
بو حمدان : فديتج تحملي ع عمرج ,,
ساره : عنيه افداج ,, مبروك و لوت عليها
فطامي : الله يبارك فيج ,,
بو حمدان : بتخبرك دكتور تحتاج عمليه ؟
دكتور عادل : هيه تحتاج ,, لانه ايدها ممكن في اي وكت تنفك
بو حمدان : خلاص عيل بنسافر برع
دكتور عادل : يكون احسن ,, حمدالله ع سلامتج فاطمه
فطامي : الله يسلمك دكتور ,, مشكور و ماتقصر ,,
دكتور عادل : عاد انتي سوي لها تمارين حق ايدج جان يطلعلها ورقه ,, تفضلي هالورقه فيها التمارين بس شوي شوي
فطامي : مشكور و ماتقصر ,, دكتور و اليرح اللي ع يبهتي ,, بيخوز ولا اسوي عملية تجميل ماحبه جي !!
دكتور عادل : اشوفه وين ؟
فطامي راوت الدكتور ,, دكتور عادل : همم بيتم هوه جي بس اذا تبغين تسوين العمليه ,, بتنج لانه بسيطه بتكون العمليه ,, و يبهتج ماتشوهت وايد
فطامي : خلاص عيل بسوي ,,مشكور دكتور ماتقصر ,,
وعقب راحو البيت و فطوم وايد مستانسه ,, و يوم وصلو دخلت البيت و هيه تركض
فطامي : فجكو الجبس ,, وتشوف عبدالرحمن : حماني ,, وايه فديتك و تشله
محمد : باسم الله ,, فطوم !! وين الجبس !!
فطامي : هع هع فالزباله ,, واخيرا ً مابغيت ,,
عبدالرحمن : ايدج مافيها واوا ؟
فطامي : لا غناتيه و تبوسه ونزلته ,,
ام حمدان : مبروك فديتج
بو حمدان : داقه سوالف ويا ربيع حمدان ,, هههههه الدكتور ..
فطامي : ههههههههه
ساره : ههه ويا هالويه ,, ابويه شو رايك ف غمازت بنت اختك ؟
بو حمدان : اصلا اللي محلي ويها ,, غمازتها فديتها و فديت الغمازه انا
فطوم احمرت : عميه استحي ,,
الكل : ههههههه ,,
فطامي : انزين عيل تصبحون ع خير بسير اتأبح (اتسبح) و ارقد ع راحتي
الكل : وانتي من اهله ,,
محمد : نوم العوافي فديتج
فطامي : الله يعافيك ,, سارت حبتهم كلهم و عقب سارت غرفتها ,,
دخلت الحمام و تسبحت من الخاطر ,, و يوم خلصت قرتلها كمن آيه و صلت العشا و صلت ركعتين شكر ,,
و عقب فجت الكبت شافت نعالها بو الشفايف اذكرت حمدان
فطامي : يالله يا حمدان ,, لك وحشه من الخاطر ,, سكرت الكبت و سارت تتصل حق مريوم
فطامي : الو ,, غناتيه ولهت عليج وايد
مريوم وهيه تزعلج : وايه فطوم ,, فديتج والله ,, حتى انا غناتيه شحالج شخبارج ؟
فطامي : يسرج الحال ,, شخباركم انتو ؟ شحال الاهل ؟
مريوم : كلهم بخير فديتج
فطامي : باركيلي شليت الجبس
مريوم : واعليه ,, مبروك فديتج ,, بتخبرج حمدان لين الحين مايا ؟؟
فطامي جان تغني من خاطرها و هيه نادمه ع اللي سويته : آآآه من قلب(ن) غدا حبه جنوني ,, و آآآه من خلن على بالي طرا ,, شو تبغيني اقولج ,, صارلي فتره وانا لا اشوفه و لا اسمع صوته ,, اللهم صوره له ..
مريوم : فديت روحج انا والله ,, ان شاء الله بيرد
فطامي : آمين ,, انزين فديتج ,, سلمي على علايه وايد ,, انا بسير ارقد تعبانه ,,
مريوم : اوكيه غناتيه طمنيني عليج كل يوم ,,
فطامي : من عيوني تصبحين ع خير
مريوم : وانتي من اهله
فطامي : فداعة الله
مريوم : فداعة الرحمن
طاحت ع الشبريه وهيه تفكر فحمدان ,, يوم بتشوفه شو بيقول ,, و هيه شو بتقول ,, و شو بيستوي ,, شو مابيستوي ,, كيف بتكون الاوضاع ,, تمت تفكر لين ما رقدت ,,
السبت الساعه 5 الفير
حمدان وصل البلاد ب السلامه ,, و هوه طاير من الفرح ,, بس نفس الوكت مضايج ,, في سوال محيرنه
(( ياترا فطوم بتستانس يوم بتشوفين ولا لا )) نزل من الطياره ,, و طيران صوب ختم الجوازات ,, ختم جوازه و سار يدور شنطته وعقب حصلها ,, و طلع من المطار ,, كان الجو بارد من الخاطر و الدنيا مغميه
حمدان : فديت ترابج يا الامارات
ربيع حمدان كان مزهب حد يوديها دار بو خليفه ,, اتصل حق الدريول و حصله ركب السياره و جان يمشي صوب دار المرحوم ,,
ف بيت بو حمدان ,, كانت فطامي ناشه من الساعه 6 ونص ,, فيها نشاط غير طبيعي ,, سارت الحمام تغسلت و صلت الصبح و سارت فجت كبتها ,, فطامي : همم شو البس شو البس ,, الدنيا مغيبه برع ,, بلبس شي يدفيني ,, سارت و طلعتلها بنطلون بيج و قميص وردي هادي و جاكيت طويل لين الركبه ,, طقم ويا البنطلون ,, لبستهم و تمت تتكشخ ب الاكسسوار و جحلت عينها و حطت قلوز و لفت شعرها طالعه Cute,, و لبست شيلتها و نزلت تحت ..
فطامي : غريبه محد ناش بسير المطبخ ,, ابا كيك ,, سارت المطبخ ,, فطامي : سوسي
سوسي : yes miss
فطامي : سويلي عصير برتقال فرش ,, و حطيلي هالكيكه و يبيلي ياه ف الحديقه اوكيه
سوسي : okay miss
فطامي : بتخبرج ,, وين الجريده ,,
سوسي : The newspaper in sitting roomفطامي : اوكيه ثانكس
سارت فطوم خذت الجريده و طلعت برع
فطامي : صباح الخير
جاسم AL Body Guard + وليد AL Body GuardGuard : صباح الخير
فطامي : شحالكم ؟
جاسم AL Body Guard+ وليد AL Body Guard: يسرج الحال و من صوبج ؟
فطامي : مستانسه من الخاطر
جاسم AL Body Guard: مبروك شليتي الجبس
فطامي : افا عليكم ,,
وليد AL Body Guard: ليش ناشه الصبح
فطامي : مادري والله فيني نشاط غير طبيعي ههههههه ,,
جاسم AL Body Guard: هههههههههه
فطامي : بخليكم عيل بسير اقرا الجريده ,,
وعقب سارت صوب الحديقه ,, وهيه تشوف الورد ومستانسه وتروح الروز العنابي ,, يلست ع الكرسي و يت سوسي وتمت تقرا الجريده و تاكل الكيكه وعقب دشت البيت شافت بو حمدان و ام حمدان
بو حمدان : باسم الله وين يتي !!
فطامي : تريقت فالحديقه
ام حمدان : اشوفج كاشخه
فطامي : افا عليج ,, وسارت حبت راسها و راس عمها ,, تمو يسولفون و خلتهم يرتبشون ع الصبح لول حطت قناة نجوم .. وتمو مرتبشين
نص ساعه ف الحوي دشت التيما سودا مخفي عرفتو منو هذا ,, حمدان وصل البيت !! >> نورت ويا هالويه ,, نزل من السياره ,, و شل النظاره و شاف جاسم AL Body Guard+ وليد AL Body Guard,, يو صوبه
جاسم AL Body Guard+ وليد AL Body Guard: هلا والله ,, شحالك حمدان؟ و يسلمون عليه
حمدان : هلا جسوم و و ليد ,, والله يسركم الحال ومن صوبكم ؟؟
جاسم AL Body Guard+ وليد AL Body Guard: تمام والله
حمدان : دوم ,, بليز خلو البشكاره تودي شنطتيه فغرفتيه
جاسم AL Body Guard+ وليد AL Body Guard : ان شاء الله
جان يدش البيت و سار الصاله واللي فالصاله انصدمو من اللي يشافوه ..
فطامي : حمدان !!!!!!!!
حمدان اطلع فطوم بستغراب
محلا ملقى العين بالعين ,, عقب اشتياق و طول فرقا ..
بو حمدان : حمدان ,, يا هلا والله توه نور البيت سار و سلم عليه ,, شحالك فديتك ؟
حمدان حب راس ابوه : والله تمام يا الغالي
ام حمدان : وايه حمدان دمعت عينها ,, لوت عليه من الخاطر ,, فديتك والله لك وحشه من الخاطر ,, شحالك فديتك شخبارك ؟
حمدان : فديتج امايه ,, والله يسرج الحال جان يشوف فطوم و يخاف من ردها اذا رمسها ,,
حمدان : شحالج فطيم ..
تقربت منه وبكل حنان : يسرك الحال ,, الحمدالله ع السلامه ..
|