|
رد: آه من قلبٍ غدى حبه جنوني كاملة
آه من قلبٍ غدى حبه جنوني كاملة
البارت 21
..
تحت فالصاله
بو حمدان : شو سويتبها !!
حمدان : ابويه يعني الحين اذا صرخت يعني انا سويتلها جي !! اسال عمرك شو قايلها
بو حمدان : انا احيد البنات يوم يقولولهم بنسافر يستانسون ليش هاي لا !!
( يوم كان بو حمدان يقول جي محمد نزل )
محمد : منو بيسافر ؟
ساره : فطوم و ابويه
محمد مصدوم :ليش !
بو حمدان : حق ايد فطيم ,, حرام عليكم والله يعني الحين اذا تميتو تطلعون هناكي بتم هيه عاد كل يوم ماتعرفون فطوم موتها و حياتها تسوي ع قولتها SHOPPING
مريوم و عليا : ههههههههه
عليا : عميه البركه فينا و ضحك ويا ضروسها خخخ
بو حمدان : هههههههه شطار ,, انزين عيل ,, انا الحين بخلي حد ياخذلنا حجز ,, شيخه فديتج سيري يبي جوازي و جواز فطيم بخليهم ف السياره ,,
ام حمدان : فطيم عندها جوازها ,, خلاص ماعليه انا بيبله لك
وعقب ام حمدان سرت غرفتهم و طلعت جواز بو حمدان ,, و دقت ع حجرة فطيم كمن مره و عقب فجت
فطوم و الحسره و القهر ف عيونها و فويها ..
ام حمدان : وي وي وي بسم الله ع هالبوز شوفيج فديتج تعالي خبرينيه ,, دخلت و سكت الباب يلسها ع الشبريه
ام حمدان بحنان : شوفيج فديتج ؟
فطوم : فينيه غصه ,, احس هناكي بتخبل و محد بيكون ويايه !!
ام حمدان : انا بقولج شي عن محمد ,, مسولفجي لدرجه فضيعه طالع ع حمدان ,, والله بتكونين فرحانه و بتنسين الايام و بتمر شرا الماي ,, واي شي تبينه بيسويلج ياه ,, وعقب الSHOPPING ذوقه طر والله ,, ماعليج هوه يقول هب سايرين حق لعب
بتشوفينه يوديج الالعاب و الحدايق ماعليج فديتج انا بقوله ,, بس اهم شي تردين لنا بالسلامه و بنظهرج و اي مكان تبغين تسيرينه بنوديج ,, واذا بعد كنتي تبغين تظهرين ويا حد "معين" >> ركزت ع هالكلمه .. بنخليج تظهرين وياه
فطوم من طرف عينها : خالوه شو قصدج ب حد معين ,, والله انج حركات ,,
ام حمدان : فطامي حمدان يحبج والله شوي شوي عليه اتصلي علينا كل يوم
فطوم بحسره : يا لبيه ,, بموت لو ما شفته ,, هيه خالوه براويج شي هع
ام حمدان : شو ؟؟
فطوم سارت و يابت صورت الشاجي وراوتها : شو رايج ؟
ام حمدان : منو ها الشاجي !!
فطوم : هيه امس عطاني هالصوره ,, حلو صح
ام حمدان : هههههههه مسكين حالج بسير اخبر حمدان
فطوم : لا امس روحيه راضيته لاتخربين بليز
ام حمدان : ها كيف راضيتيه ؟
فطوم : عيب عيب مانقول حق المعرسين عن يستخفون و يسون شراتنا خلاص انتو كبرتو >> اللي يقول عاد جنه سو شي خخخ ..
ام حمدان : يلا انزين بسرعه بسرعه يبيلي جوازج
فطوم وهيه اموزه : انزين
وعقب سارت فطيم تيب جوازها و عطته ام حمدان ,, وعقب نزلت وخلت فطوم بروحها ,, سارت ام حمدان عطت بو حمدان الجواز ,, بس قبل لا تعطيه حمدان قام و سحبه
بو حمدان : يا الهرم شو عندك ؟؟
حمدان شاف تاريخ ميلاد فطوم كان : 5/7 .. قال فخاطره زين بعد وهم كانو ف تاريخ 18_6 ,, وعقب عطاه الجواز وعقب روح ,, اما فالصاله
حمدان رد يلس و شاف البنات ال3
مريوم : شوفيك تشوفنا .. فينا شي غلط !!
حمدان : شو رايكم نسوي حق فطوم حفله
عليا : حق شو ؟؟
حمدان : عيد ميلاد فطوم 5/7 .. خلال الأيام يوم بتكون مسافره ,, بنسويلها بارتي كبيره
ساره : الله بتخبل
محمد : شكلها تحب البارتي وايد
مريوم : ههههه الا تعشق
حمدان : عيل بنسوي اجتماع هع
ساره : هههههه حشى بنسوي جريمة قتل نحنا
حمدان : لا صدق بنسوي ,, و كل واحد يحط كل الافكار اللي ف راسه
البنات + محمد : خلاص اوكيه
ساره : بنخبر امايه عندها افكرا جهنميه
حمدان : فديت امايه والله .. بس والله ان درت فطوم لا اجتلكم كلكم
البنات : خيبه تخيب العدو !!
مريوم : ايه خلونا نسير عندها (فطوم قصدها) شكلها تتحرطم ,,
المهم وعقب سارو فوق شافوها اطلع الشنطه وجي
مريوم : خيبه وايد مشتطه هيه تبغين الفكه
فطوم : الله يغربلكم انجبوا
ساره : البيت بيكون هب حلو ,, انا برمس عميه علي بقوله مريوم و عليا مايسيرون من عندنا شهر ,, هب انتو بتمون شهر
مريوم : جيه تخبلتي ,, لا لا فشله ,, اللي فالبيت مابياخذون راحتهم
ساره : بالعكس بيستانستون
فطوم : يلا قولوليه شو آخد من اللبس هناكي
عليا : هيه ترا هناكي حر موت وخاصه فالصيف
فطوم : عيل باخذليه اشياء خفيفه ,, بس مابلبس عباه
البنات : ههههههههههههههههههه
وعقب ,, البنات ساعدو فطوم عشان تحط ثيابها والاشياء اللي تباها و يلزمونها حق السفر ,, و حطت البناطلين و القمصان اليداد اللي ماخذتنهم يوم سارو المول ,, و العطور و المكياج لول لازم ,, اما عند بو حمدان ,, رمس ربيعه عشان ياخذلهم حجز بأقرب وكت قاله ماشي حجز كله فول بس فيه فالدرجه الاول ف وافق بو حمدان قال انزين حقيه و حق بنت اخويه ,, انا بيبلك الحين الجوازات وانته اتصرف ,, المهم خذا حجز تاريخ 20/6 ,, قريب الموعد يومين بس ,, و مر الوكت بسرعه ,, وقرب موعد الغدا و يا بو حمدان و وياه التذاكر و كانو ع طاولة الطعام يتريونه
عشان يتغدون و يوم يلس ...
فطوم : ماشالله شغل بسرعه بسرعه ها الشيخ محمد شو ها اللي ف ايدك ,, وهيه تشوف فالجوازات شي جي ورقه طويله جان تمط الورقه و يوم عرفت شو السالفه ..
فطوم : يخرب بيت الواسطه !! ناس يتريون من شهور وانته تي ع الجاهز وتاخذ حجز بسرعه
بو حمدان يعدل كلر كندورته : احم احم
وعقب تشافت متى السفر : قفعه ( و تيود راسها ) قفعه قفعه الخميس !!!!
الكل ماعادا بو حمدان و ام حمدان : شو !!!
فطوم بحسره : آآآخ يا قلبيه كيف مقهور .. هالخميس السفر ولاخليتنيه اتهنى وياربيعاتيه حرام عليك .. وبعد الرده 4/7
بو حمدان : فديت قلبج انا ,, ماعليج بونسج صدقينيه
محمد : يخرب بيت الواسطه والله !!!
الكل : خخخخخخخخخخ
فطوم شويه و بتصيح ,, وترمس بو حمدان شرات اليهال : خلاص ماحبك تخلنيه اسافر وياك بروحنا ابا حد يونسنيه
بو حمدان : عنتلاتج جيه وانا وين ,, بهدج بروحج هناكي
فطوم اموزه و يلست تاكل
حمدان : حرام عليك ابويه بتحرمنا منها
بو حمدان :لا اله الا الله
مريوم : محمد رسول الله >> فخاطرها تضحك خخخخ
بو حمدان : عنبو انا ساير وياها اجتلها هناكي ,, خيبه مايسوا عليه والله ,, لاتمون تحون وعقب يستويلنا شي
ام حمدان : الله لا يقول غانتيه ,, ان شاء الله تسيرون و تردون بالسلامه
مريوم ترمس ساره و تصاصرها : الله ع الحب
ساره : خخخخ عادي كل يوم هم جيه
بو حمدان يبا يقهربها : الشيخه فاطمه
فطوم : خير
بو حمدان : زهبي ثيابج ترا ماباجي شي
فطوم : اصلا بدون ما تقول زهبت و طلعت الشنطه و حطيت ثيابيه و تصارخ
الكل : هههههههههههههههههه
ام حمدان : واعليه عليج ,,
و ع ه الحال ,, تم بو حمدان يقهر ب فطوم عن السفر ,, و العصر بو مريم و ام مريم يو عندهم لين فليل ,, وطبعا محد له نفس يطلع و خاصه البنات ,, و حان وقت الليل لول ,, و روحو ام مريم و بو مريم ,, و استوت ساعه 10 فليل
محمد ف غرفة حمدان ,, اما البنات مجتمعين ف غرفة فطوم ,, خلوني اسير عند الشباب
كانت الغرفه ظلام بس نور الابجوره منوره نص الغرفه ,, ف نص الغرفه محطين كمن لحاف و طايحين يبدلون ب T.V
وحمدان كل دقيقه يسرح و محمد حس ف هالشي
محمد : حمدان
حمدان : .....
محمد : حمدانوه
حمدان : ها
محمد : شوفيك ساكت ف شو تفكر
حمدان : ماشي
محمد : لا قول شوفيك صدق والله
حمدان : احاتي السيره و كيف بيكون البيت
محمد : هيه والله .. بدون فطوم البيت بيكون زفت
حمدان : هيه اللي تربش البنات والله
محمد : خلاص ماعليه فديتك ,, تراه بنسويلها حفله كبيره و بنخليها تستانس موت
حمدان : مابخلي شي ماباخذلها ,, لو انا الحين مالج عليها ,, آآآآآآآآآآآه يا قلبيه جان خليتها تقول : حمدان مابا هاليوم يخلص
محمد : هههههه الله ع الحب ,, خلاص ماعليه يوم بتملج عليها السنه اليايه سولها حفله كبيره فعيد ميلادها
حمدان : عاد انا شو يصبرنيه
محمد جان يطيح عداله : كلنا تعذبين ,, مشكله خقاقات ,, قول فطوم تقولك شي اما هاي بارده
حمدان : ههههه حرام عليك ساروه تستحي
محمد : انا بخليها ماتستحي وبتشوف
حمدان : خيبه شوي شوي ع اختيه ,, وافديت فطيم والله عنديه افدا المكان اللي تمشي عليه
محمد : ماعليه الايام بتمر بسرعه و بتردلنا بالسلامه
حمدان : آآمين
صوب البنات
الجو كان شويه خربان لول فطوم اللي مخربتنه ,, نفس الشي ليت الابجوره منوره نص الغرفه و مسوين يلسه وكمن لحاف تحت ,, فطوم كانت فحظن مريوم ,, تلعب فشعرها ,, عليوه و ساره نفس الشي ,, لول شايفنه طويل قالو بيلعبون فيه
فطوم :ايه مابا اسافر بروحيه بخشكم ف الشنطه
مريوم : ههههههههه لو يسوي جان زين
فطوم : غربلات العدو مشكله الشيبه يبا ياخذ راحته هناكي
ساره : هههههههههههه خليه يغازل عشان يخليج تغازلين
عليا : بخبر حمدان
فطوم : وافديت هالطاري ,, وتحط ايدها ع ويها .. : كيف بعيش بدون ما اشوفه بصيح قسم بالله بصيح
ساره : دبوه ,, ماعليج حمدان بعطيج صورته و شوفيه كل يوم
فطوم : فديته والله خايفه عليه
مريوم و عليا : من شوه ؟
فطوم : يحب غيريه
ساره دزتها بالقو ع جتفها : سيري لاه ,, والله لو درا انج قايله جي بيحط ف خاطره
فطوم : جب جب لاتقوليله ,, جان تعدل عمرها يلست و كانو ال3 عدال بعض و هيه جدامهم : طلبتكم
الكل : تم
فطوم : دخيلكم تحملو عليه و شوفو عيونه وين تسير و منو يرمس بليز
ساره : فديتج لو حمدان مايحبج جان ماسوالج سالفه ,, فديتج حمدان فعيونا و لاتحاتين
مريوم : فطامي ,, حمدان مستحيل يخونج عقب اللي استوا ف ( امارات مول )
عليا : وخاصه انه اعترفتي انج تحبينه
فطوم : فديته والله ,, ربيه يحفظه و يخليه لي
البنات : آآآمين
وعقب تمو يسولفون و يحطون اغراض فطوم ,, وبعدين رقدو .. و مر اليوم الثاني اللي هوه يوم الاربعاء شرا الماي
و سارو الجمعيه عشان ياخذون الاشياء اللي يبغونها حق السفر ,, و فطوم حطت الشيل اللي تباهم و خلت عباه وحده و زهبت الثياب حق المطار ,, و جان اي الليل و العشاق يحاتون بعض كيف بيكون حال الثاني ,, وخاصه العاشق كان يحاتي كيف بتكون حياته بدون فطوم !! و ع الساعه 11ونص فليل ,, مريوم و عليا كانو ف غرفتهم و ساره بعد ف غرفتها ,, البنات ال3 كانو يحاتون كيف بيكون البيت بدون فطوم ,,
روح و اسافر بس توعدني تجيني
وانته سالم للي ينطر مرجعك
اما عني روح ولي رب(ن) يعيني
الله يعلم كيف حالك مودعك
اما عند فطامي ,, كانت تفكر و تفكر و دموع ع خدها الوردي و مشغله الابجوره ومخفه ع الضو و لا مره وحده يرن موبايلها و شافت مكتوب "قلبج" .. ردت عليه
فطوم : .........
حمدان : الوه
فطوم : همم
حمدان : راقده
فطوم : لا
حمدان : شوفيج ؟
فطوم جان اتصيح : ماشي
حمدان خاف : فطيم شوفيج ؟؟
فطوم وهيه اتصيح : حمدان ما اتخيل انيه ما بشوفك كل هالمده
حمدان : فديتج والله ,, حتى انا هب مصدق انه باجر بتسافرين ,,
فطوم وهيه اتصيح : خاطريه ما اسافر ,, بموت لو ما شفتك ف يوم حمدان دخيلك لاتخلينيه
حمدان قلبه يتقطع ع حال فطوم : فديتج مستحيل اخليج ,, وانا بكون اول واحد يترياج صدقيني ,, وصدقيني محد بيدش قلبيه غيرج انتي ,, حبيبي انتي اول وحده دشت قلبيه و مستحيل تدخل وحده غيرج مهما استوا
فطوم : وعد حمدان
حمدان : وعد فديج مستحيل اتخلى عنج مهما استوا
فطوم وهيه منهاره من الصياح : حمدان تعبانه احس انيه مخنوقه خلاص ما..ما.. ما..ما.. ماروم
حمدان : فديتج عشان خاطريه لاتصيحين الايام بتمر بسرعه ماعليج
فطوم : احبك حمدان ,, احبك موت احبك امووت فيك
حمدان ارتاح قلبه من الخاطر : فديت حسج انا ,, وانا اموت فيج حياتيه ,, دخيلج عشان خاطريه ارقدي و ارتاحي
فطوم وهيه اتهدي عمرها : ان شاء الله
حمدان : تصبحين ع خير
فطوم : وانته من اهله فديتك
حمدان : فداعة الله ,,
ظل العاشق يفكر ف حبيبته لين ما رقد ,, اما فطامي ,, اول ما سكرت منه رقدت وهيه اتصيح ..
الصبح .. الخميس ,, ساعة : 8:00
ب التحديد غرفة " محمد "
نش الصبح ,, دش الحمام خذا شاور ع السريع ,, و لبس كندوره مال النوم ,, و نزل تحت و شاف بو حمدان و ام حمدان يالسين يتريقون ,,
محمد : السلام عليكم
بو حمدان + ام حمدان : وعليكم السلام والرحمه
محمد : شحالكم ؟
بو حمدان + ام حمدان : يسرك الحال ,, ومن صوبك ؟
محمد : تمام
بو حمدان : عيل وين حمدان و البنات !!
محمد : هههه الله يسامحك عميه رقود اكيد
بو حمدان : هيه ,, وانته شو موعنك ؟
محمد : والله مايانيه رقاد
عبدالرحمن : حمود
محمد : حمود ف عينك ,, قول عميه محمد
عبدالرحمن : هيهيهيهي عميه حمودوه
محمد : صدق انك ماتستحي حمار
عبدالرحمن : انته حمار و و و كلب و و و عنزه
محمد : خالوه يودي ولدج لا افلع ب شي
ام حمدان : حماني حبيبي عيب .. سوسي سوسي تعالي خذي عبدالرحمن راويه توم & جيري ..
سوسي : Okay mam
بو حمدان : هيه تعال سير قوم اختك ,,
محمد : ليش
بو حمدان : بس ,, عشان تزهب و تشوف اذا شي ناقصنها عشان تلبس بسرعه و نسير لاتنسى مطار دبي
محمد : انزين يوم بخلص ريوق بسير.. بس متى الطياره ؟
بو حمدان : ساعه 11 فليل
ام حمدان : حرام عليك محمد (ترمس ريها) توعيها من الحين
بو حمدان : انا اباها ناشه
وعقب ثواني البنات نشو ( مريوم و عليا و ساره ) و نزلو تحت و سلمو ع اللي موجود و يلسو يتريقون ولا حد فج حلجه من عقب ما سلموا
محمد : شوفيكم جنه حد صامنكم ب كف !!
ساره من دون نفس : محمد دخيلك هب ع الصبح
ام حمدان و بو حمدان حسو انه عن السفر .. وعقب دقايق نش حمدان و هوه ماله خلق يسوي شي ,, نزل تحت و سلم عليهم و شرب بس حليب وهوه ساكت ... الكل حس فيه ,, و يلاحظون عليه كل دقيقه يسرح ,, و يوم خلص سار صوب الصاله يشوف التيلفزيون ,,
محمد سار صوب فطوم يوعيها ,,
دق دق دق دق ,, لا من مجيب <<
دق دق دق دق
محمد : فطوم
فطوم : ............. << كانت تسمع بس طاف
محمد صرخ صرخه : فطوم قومي نشي
فطوم صاحت لول جان تفج الباب : انتو ماتخلون الواحد يرتاح كفايه انيه بسافر اليوم
محمد من شافها بغا ينقع من الضحك .. كان شكلها يضحك شعرها ع ويهها و مكشكش و فصم البجامه صوب الصدر مفتوحات و القميص ياي ع ينب ..محمد لوا عليها و هوه يضحك : فديتج بس خلاص
فطوم تصيح صياح يهال و كل ما ياه يعلى : انتو ماتحبونيه خلونيه ارقد قسم بالله تعبانه
محمد : فديتج كلنا نموت فيج ,, فديتج والله جان يمسك ويها : انا احبج واموت فيج
فطوم تمسح دموعها و تخلي شعرها ورا : ...........
محمد : يلا سيري الحمام و انزلي تحت
وعقب فطوم دشت الغرفه و محمد نزل تحت وهوه يضحك ,, الكل استغرب منه ..
بو حمدان : شوفيك ؟؟
محمد قالهم السالفه
الكل ماعادا حمدان : هههههههههههههههههههههه
ام حمدان : حرام عليك ,, ليش تهزبها
محمد : ليش ماتفج الباب بسرعه
مريوم : حرام عليك
وجان يتصل بو مريم حق بم حمدان يسأله متى بيظهرون ,, قاله ساعه 7 ,, ف بو مريم و ام مريم بيون ساعه 5 ونص العصر عشان يسلمون عليهم ,,
وعقب 5 دقايق نزلت فطوم والكل استغرب و بو حمدان كان يبا يلطف الجو شويه
بو حمدان : هلا والله بالطش
فطامي من ورا خاطرها : هلا عميه ,, وحبته ,, و حبت ام حمدان
بو حمدان : شحالج فديتج ؟
فطامي : زينه ,, و عقب شافت الصوب الثاني وعينها يت ع عين حمدان وتمو يشوفون بعض دقايق و ام حمدان خربت عليهم ..
ام حمدان : فطامي قومي تريقي
فطامي : هب فايجه
بو حمدان : فديتج خلصتي شنطج
فطامي وهيه متغصه : هيه عميه
بو حمدان : شو باجيلج الحين
فطامي و حزن : البس ثيابيه و اسير المطار
البنات ال3 من سمعو فطوم تقول جيه بغو يصيحون ,, بس مسكو عمارهم
بو حمدان لوا عليها و حباها ع راسها : فديتج والله ,, حبيبتي ترا الطياره اتطير ساعه 11,,
فطامي : خير ان شاء الله
مر الوكت بسرعه و اسوت الساعه 12 و تغدو و عقب ردو كملو يلستهم و يوم استوت ساعه 4 قامو الشباب يصلون و عقب ردو يكملون سوالفهم ,, ف الصاله ..
ام حمدان : فطامي ماراويتينه شو بتلبسين .. قومي قومي راوينيه و صدت صوب البنات ,, و تعالو ويانا يلا
فطامي : خالوه ما اروم
ام حمدان : فطيم يلا عاد لاتستوين دلوعه
فطامي تشوف حمدان ,, وجان يسيرون فوق .. و ام حمدان قالت حق فطوم تي غرفتها ,, و البنات سارو ويا ام حمدان ,, فطوم سارت تيب لبسها و شنطتها ,, و عقب سارت غرف ام حمدان ..
فطامي : ها شو رايج ؟
ام حمدان : واو ,, والله ذويقه من الخاطر وايد حلو
فطامي : بس انا طبعا يوم بسير المطار مابلبس عباه و اشوف حد يقوليه شي
ام حمدام : هههه محد بيقولج شي ..
كان لبس فطوم .. بنطلون جنز ازرق ياي ضيج من فوق وتحت ياي وسيع ,, قميص و تنوره ويا بعض وردي هادي .. عليه رسمت بنيه بالاسود صوب الصدر و التنوره كلها فيها كسرات بس هب وايد طويله التنوره طشونه بس ,, و الجاكيت جنز ازرق شرات البنطلون طبعاً بيكون قصير لين الصدر ,, فطوم تحب هالموديلات من الجاكيتات ,,
ام حمدان : انا اعطيج تصريح انج تتكشخين
فطوم : صدق
ام حمدان : هيه والله ,, وانا اللي بعدلج ^_^
مريوم : الله كشخه ,,
ساره : ونحنا بنشوفج كيف بتحطيلنا عشان نتدرب
ام حمدان : ههههههه
فطوم : انزين بسير اتسبح ع السريع وبيكم
عليا : يلا نترياج ..
سارت فطوم تسبح بسرعه اما عند ام حمدان و البنات كانوا يطلعون المكياج و هالسوالف ,, و عقب 10 دقايق يت فطوم وهيه لابسه روب مال الحمم ,, وجان تيلس ع الكرسي عشان تمكيجها ام حمدان ,, مريوم و عليا كانو يعرفون يسشورون الشعر عدل ,, ف سشورو شعر فطيم و ام حمدان تبا تنسيها شويه السالفه فتمت تسولف وياها هيه و ساره ,, و يوم خلصو تسشوير ام حمدان بدت تمكيج فطوم و طلعتلها الكريم الاساس وحطتلها طشونه لدرجه انه ماينعرف اذا هيه حاطه ولا لا ,, لانها هيه ماشالله عليها امبونها بيضا ,, ام حمدان رسمت عنون فطوم بطريقه حلوه و حطلتها شدو اسود خفيف ع الينب من فوق ,, و عقب حطتلها وردي الهادي خفيف
مريوم : فديت هالعنون انا محلاهن
عليا : بيصفعج حمدان
ساره : هههه الله يعينه اخويه
ام حمدان : حمدان واثق ف فطامي ,, ولا شو رايج فطيم ؟
فطوم : .........
وبعدين ام حمدان حطت حق فطوم البودر اللي فيه لمعه ع رقبتها و ايدها و عطتا الشدو الوردي و الاسود عشان اذا اخترب ترد تحط هيه بروحها .. وعقب يابت بوكس متوسط الحجم ,, في قلوزات صغار (( اللي يكبر الشفايف ))
وكل الالوان فيه
فطوم + البنات : واو
فطوم : الله يخليج عطينيه البوكس باخذه ويايه
ام حمدان : يفداج يا روحي ,, هالوردي حلو ؟؟
مريوم : لا خالوه ها احلى
ام حمدان : و انا ادوره ههههه ,, وعقب حطت قلوز ع شفايف فطوم
ساره : فطوم ,, شفايفج حلوات
مريوم + عليا : هيه والله يغربلج
فطوم : الله و اكبر عليكم خالوه نسيتي تحطيليه مسكره
ام حمدان : اوه سوري فديتج
وجان حد يدق الباب ... سارت ساره فجت الباب و حصلت ام مريوم يايه
ساره : هلا والله ب خالوه نواري
ام مريم : هلا والله فديتج شحالج الغلا ؟ و تسلم عليها
ساره : يسرج الحال ومن صوبج ؟
ام مريم : بخير الله يعافيج
وعقب سارت صوب بناتها
مريوم و عليا : وايه ماماتي ولهنا عليج وايد
ام مريم : ههههه فديتكم و الله شحالكم ؟
مريوم و عليا : يسرج الحال
جان تشوف ام حمدان سلمت عليها و سلمت ع فطوم ,, يوم شافتها كاشخه
ام مريم : فطوم شو هالكشخه كلها ,, الطياره بذوب يوم بدشين فيها
فطوم: هههههههه ,, خالوه معدلتنيه
ام حمدان : والله كيفي ههههه ,, خلونا نطلع و نسير تحت
الساعه الحين 5 ونص ,, اندوج فطوم هالقلوزات و الشدو ,, و عقب طلعت و ودت الاغراض غرفتها و لبست مخوره و شيله و يوم طلعت شافتهم يتريونها ,,
ام حمدان : ربيه يحفظج من كل عين
الكل : آآآمين
فطوم عاد احمرت
ام مريم : ان شاء الله يارب نشوفج ع الكوشه و لابسه هاك الفستان الابيض الغاوي
مريوم : ويا حمدان
فطوم : ايه هب جنه وايد مصختوها بعدنيه نونوه يلا طوفو
الكل : هههههههههههه
يوم نزلو فطوم كانت آخر وحده سلمو البنات ع ابوهم و ساره بعد وعقب بو مريوم شاف فطوم
بو مريم : ياويل حالنا انا ,, صوبنا يا الغزال
حمدان كان مايدري انه فطوم موجوده و جان يلف ويشوفها كاشخه و فخاطره يسوي وايد اشيا بس مايروم
حمدان فخاطره : آآخ يا قلبيه حلاج والله
فطوم : ههههه ينا ,, و سلمت عليه
محمد : حق شو هالكشخه ؟
ام حمدان : حق المطار
محمد + حمدان : خيبه شو
فطوم : اميه بسم الله كلتونيه بلاكم ؟
محمد : ماشي تغسلين ويهج
فطوم : ماما شوفيه ,, اصلا ماما شواخي سوتليه
محمد : ما اي الخراب الا من الخاله !!
ام حمدان : عنتلاتك ,, والله مايبين ,, لو حطيتلها وايد شو بتقول يعني
حمدان : كل ها و مايبين
بو حمدان : هيه مايبين
فطوم وهيه تصفق : عاش عاش عميه ,, ابا باتشي فخاطريه
ساره : ف الميلس فيه سيري خذي ,,
فطوم : اوكيك
فطوم قامت و سارت صوب الميلس و جان حمدان يقوم و بدون ماحد يحس لحقها و سار الميلس و دش وسكر الباب فطوم تفاجأت
فطوم : بسم الله ,, حمدانوه شو يايبنك هنيه
حمدان : ابا ارمسج
فطوم يلتس و تمت تاكل حلاوه : خير .. كلت الحلاوه و خلت شويه و يود الباجي عشان يوم تخلص تاكل الباجي
حمدان قرب ويهه صوب ايدها و كل الباجي
فطوم : حمار حلاوتيه ,, ماتلوع جبدك تاكل من مكان حد
حمدان وهوه يضحك : بس انتي هب اي حد ههههههه
فطوم : لا والله
حمدان : عسل والله ,, وانتي حرمتيه !!
فطوم قفطت : انزين شوفيك !!
حمدان : انزين ليش جيه ترمسينيه = ( ؟
فطوم : آسفه حمداني ,, آآمر
حمدان : ماعرف كيف ابدا ,, جان يرفع ويهه و يشوف فطوم : ديري بالج ع عمرج غناتيه ,, وعنونج ياويلها اذا سارت يمين او يسار ,, فطامي والله احبج و لو الود ودي جان سرت وياج بس ها عشان محد يشوفج او يسويلج شي
و يوم بتعدلين لاتعدلين وايد ,, ترانيه اغار موت عليج فطامي ,, يود ايدها الثنين و باسهم ,, تسيرين و ترجعين ب السلامه غناتيه ,, وربيه يحفظج من كل شر و بس حبيت اقولج شي
فطوم : همم شوه ؟
حمدان تقرب من اذنها : احبج
فطوم تستهبل : همم شوه ؟؟
حمدان تقرب زياده : اموت فيج
فطوم شافته كمن دقيقه و تتامل ف ويهه العذاب و تطالع كل شي فيه و فخاطرها : فديت هالويه انا متى برد و بشوفك ما اتحمل فراقك ,, احبك حمدان اموت فيك
وعقب خذت السله و طلعت بدون ما تقول شي و سارت صوب اللي فالصاله و عقب دقايق يا حمدان و تمو يسولفون و لين ما اذن و سارو يصلون و قامو البنات و الحريم ,, و ام حمدان و ام مريم ,, يدعون ف صلاتهم انه الله يحفظ بو حمدان و فطوم ,, و يردهم بالسلامه
وداع الله يالي راحلين ..عساكم في امان و في هنايه
رحلتوا بالفواد و بالضنين .. و معلوق الحشا بين الحنايا
ف غرفة فطوم ,, كانت تغير ملابسها و تلبس الملابس حق السيره ,, و يوم خلصت ,, يابت الاكسسوار و لبستهم
المريه كبيره شويه ( اللي بسرعه تنشل ) جنه كره صغيره ورديه و فيها لماعي كل المريه ,, و لبست الكواشي و حطت الاكسسوار حق الجنز ,, ع بنطلونها هالسلاسل و تعطرو لبست بست بوتها الاسود ( كعب ) و عدلت شعرها و لفته و حطلته توكه ورده سودا
و بدو الخدم ينزلون الشنط و بو حمدان و الباجين يتريون فطوم تنزل ,, وهيه كانت ترتب شنطتها ( مال الايد ) و تحط كيمرة ساره و وعقب دخنت عمرها و دخنت شيلتها و تعطر و حطت ه الدهن عود اللي يدوخ الواحد و طلعت من الغرفه و نزلت تحت ,, جنه ملاك نازل .. و تنزل والكل يشوفها .. وهيه مبتسمه ب ابتسامه اذوب الكل ,, و يوم وصلت صوبهم
محمد : يخرب بيت العدو ,, فطوم شو ها
فطوم بدلع : بس عاد حمودي ,, انا قلت مابلبس عباه
حمدان مصدوم و ساكت و بس يشوف و فطوم لاحظت عليه هالشي ..
بو حمدان يتقرب من بو مريم : يلا علي ,, تامرني بشي
بو مريم : سلامتك الغالي ,, وتحمل ع عمرك ,,
بو حمدان : السموحه فديتك
بو مريم : مسموح الغالي
تقرب من محمد و سلم عليه و سلم ع ام حمدان و ساره
ساره الدموع فعينها و لاويه عليه : باباتي تحمل بعمرك عدل و تحمل ع فطوم >> و تصيح لول فلم هندي
بو حمدان : غناتيه امسحي دموعج ,, مابا اشوفهم و فطوم فعيونيه والله .. و عقب سار و سلم ع البنات ( مريوم و عليا ) و سلم ع ام مريم من بعيد ..
فطوم تتقرب من محمد وترمسه بدلع : حمودي والله بتوله عليك موت
محمد : فديتج والله وانا زود فذمتيه تحملي بعمرج فطوم و عن الشطانه هناكي عن يخطفونج ,, وطمنيني عليج كل يوم
فطوم : ان شاء الله فديتك ,, و عقب سلمت ع بو مريم ... و ام حمدان و ام مريم الدموع فعيونهم ,, و حمدان طول الوكت يشوف فطوم و عقب فطوم شافت البنات و عاد هم سيده هم الثلاث لو عليها و صاحو
ساره وهيه اتصيح : بنتوله عليج والله
فطوم ماسكه عمرها عشان ما اتصيح : فديتكم والله حتى انا زود والله
مريوم : فطوم دخيلج اذا تحبينا طمنينا عليج كل يوم ,, و فجي المسن دوم
فطوم : انا احبكم و اموت فيكم
عليا : تحملي بعمرج
فطوم : انشاء الله وانتو بعد ,, ماوصيكم كل شي بتاخذونه يوم بتسيرون مكان خذوليه انا بعد
الكل : ههههههههه
مريوم : ههههه من عيونا والله
فطوم : و امسحو هالدموع و مابا اشوفهم غاليات عليه والله ,, بزعل منكم
البنات وهم يمشون دموهم : خلاص ,,
جان فطوم تشوف حمدان و ام حمدان حست ف السالفه جان تقولهم
ام حمدان : تعالو نسير برع الجو حلو
وخلاف طلعون الكل و تمو حمدان و فطوم ف الصاله العاديه هب الريئسيه ,, كانت بعيده و حمدان تقرب منها
حمدان : عيل قلبيه بيسافر ,, و رفع راسه و يشوف عيون فطوم ..
|