|
رد: آه من قلبٍ غدى حبه جنوني كاملة
آه من قلبٍ غدى حبه جنوني كاملة
" البات 19 "
حمدان فخاطره : اقولها ولا ,, اقولها ولا ,, لا لا بتعصب ,, لا بقولها ماروم : فطامي ؟
فطوم : لبيه
حمدان : لبيتي حايه
فطوم بدون ماتحس : آمر عنيه افداك
حمدان يود قلبه و اونه سوا عمره بيطيح ع ويهه نزل ع ركبته : آآآخ يا قلبيه
فطوم نزلت : شوفيه قلبك ؟
حمدان : متعذب
فطوم : منو ها اللي معذبنه ,, مايخيل !
حمدان : لاتسبين ما ارضا !!
فطوم : انزين منو قوليه عشان اضربه
حمدان : ام عيون ذباحه
فطوم احمرت
حمدان : فطامي
فطوم : لبيه
حمدان : ف ذمتيه اني امس يوم قلت حق حمده احبج هيه كانت تعرف شو اقصد ,, انا قصدي احبها شرات اختيه لاتفهميني غلط
غناتيه ,, انا احبج ,, اغليج اغليج .. فذمتيه احبج غناتيه احبج موت
فطامي بدلع وهيه مستحيه : حمداني اثتحي عاد
حمدان : وايه فديت دلعج ,, شخبار اللي فبطنج ؟
فطوم قفطت جان تشغل الدراجه وسارت
حمدان بصوت عالي : تحملي ع عمرج
فطوم عاد حالها رقيص و حمدان بيطير خلاص .. ياويل حاليه عليهم ,, احلى اثنين الصراحه لول .. حمدان لحقها
اما عند العزبه كانو الكل موجود ف اليلسه برع و هم يحاتون فطوم و نسو حمدان و فجأه
ام حمدان : واغميه ع ولديه وينوه !!
عبود : هيه صح حمدان وين ؟؟
حمده : اكيد ويا فطوم
خالد : انتي مالج خص ..
و صلو العزبه و حصلت هايج الهزبه المحترمه من بو حمدان ..
بو حمدان : انتي وين كنتي ؟
فطوم : اتحوط
بو حمدان : وليش ماتقوليلنا !
فطوم بدلع وشاقه حلجها : باباتيه آثفه سكت ,, آثفه حبيبي
بو حمدان : ياويل حاليه تعالي عداليه
فطوم لوت عليه من الخاطر جان يقولها : شو سوالج حمدان ؟
فطوم : واعليه ماسوالي شي تحوطنا و ينا
بو حمدان صاصرها : ما غازلج ؟
فطوم : احم ثوالف جان تصاصره ثوالف حبايب ,, او قصدي ثوالف همم اصدقاء
بو حمدان : ههههههههه حركات ,, يلا فديتج سيري زهبي اغراضج انتي و سارونه ,, انتو !! لاتعذبونا سيرو زهبو الحين
محمد : هيهيهي يعرفنا الشيبه ,, انزين بنسير لاتهزب !!
بو حمدان : عنتلاتك بعدنيه شباب !!
ام حمدان : حمود حرام عليك لاتغلط عليه
بو حمد : ياويل حاليه انا ,, بتخبرج هنوده غازلينيه شويه
ام حمد : هههههههه ,, شبعت يوم كنا شباب بسك عاد نحنا كبرنا ع هالسوالف
بو حمد : لا لا ماكبرنا جان يسير الشيبه و يحبها جدام الكل
ام حمد استحت وفطوم نقعت من الضحك : وي وي وي شوفو ويها هههههههه ياويل حاليه عليكم
سلطان : حليله الشيبه توله ع ايام قبل
عبود : ياربيه ماروم امايه ابا اعرس
ام خالد : خذ فطوم تفداك
فطوم : نعم ,, ماشي شغل ترا .. مابيه جان تسحب ساره و تسير ..
بو حمد : لا فطوم حق بعض الناس
عبود فخاطره : فطوم تحب حمدان !!
بو حمدان : هههههههه ترا الناس هيل وايد مستعيلين
سلطان : حليله ههههههه
محمد : قوم قوم حمدان خخخخ خلنا نسير
وعقب سارو محمد و حمدان يزهبون اغراضهم حتى البنات و بو حمدان و ام حمدان ,, وعقب اذن و سارو كلهم يصلون .. وعقب الصلاه سلمو ع الكل و فطوم استوت احسن من حمده و سلمت عليها و الكل فرح لانه هيه اللي بدت بالسلام و يوم فطوم سلمت ع عبود و سلطان
فطوم : يلا عيال عموتي ,, تامروني بشي ؟
عبود : سلامتج بصوت خفيف فديتج
فطوم استغربت
سلطان : سلامتج فطوم
عبود بصوت خفيف : بتحرميني من شوفتج فطامي !
فطوم : عبدالله عن هالرمسه !!
عبود : صدق والله ,, فطامي ابا رقمج بس مسجات
فطوم : مناك ,, يلا فداعة الله ,, ركبت سيارة حمدان .. و جان يتحركون كلهم و ال AL Body Guard وراهم ,,
ف سياره حمدان
فطوم كانت ورا حمدان و ساره لاصقه ف فطوم يالسين يحشون و محطين اغاني ومحد يسمع شو يقولون
فطوم بصوت واطي : طافج شو استوا يوم طلعت برع العزبه
ساره : شو استوا ؟
فطوم : لحقنيه حمدان وانا فوق العرقوب يوم نزلت انجلبت عليه الدراجه
ساره : واعليه و شعنه ماتقولين !! محمد يدري
فطوم : انجبي محد يدري غيري انا و حمدان وانتي الحين
ساره : شو صار بعدين ؟
فطوم : ماشي يا سوبر مان و ساعدنيه وانا كنت اصيح هههه خفت اموت قلتله لو انته هب موجود جان مت
ساره : هههههه ياويل حالج انا
فطوم : وعقب قالي فطامي قلتله لبيه قالي لبيت حايه بدون ما احس قلتله آمر عنيه افداك
ساره : ياويل حالي >> صوت عالي
محمد : ها شو مستوي بعد ؟
ساره : هههههه لا لا ماشي ,, كملي
فطوم : هههه انا قفطت جان يود قلبه و طاح قال آآخ يا قلبي قلتله شوفيه قلبك قالي متعذب
ساره : تنفعون فلم رومانسي ههه انزين كملي
فطوم : ههه فديته والله انزين جان اقوله منو ها اللي معذبنه مايخيل قالي لاتسبين ما ارضا جان اقوله انزين قوليه عشان اضربه
قالي ام عيون ذباحه
ساره وهيه تصفق : ويو ,, شو هالموقف الحلو
فطوم ضربتها ع ريلها : انجبي فضحتينيه !
حمدان : جنهم يحشون فيني
فطوم : افا يا ولد العم !! ماعاش من حش فيك ,, صوت واطي غربلاتج
ساره : انزين هههههه كملي
فطوم : هههه انزين حمريت جان يقوليه فطامي قلتله لبيه قالي ف ذمتيه اني امس يوم قلت حق حمده احبج هيه كانت تعرف شو اقصد ,, انا قصدي احبها شرات اختيه لاتفهميني غلطغناتيه ,, انا احبج ,, اغليج اغليج .. فذمتيه احبج غناتيه احبج موت
حمدان سمعها : بل !! كوبي و بيست وايد متأثره يعني
فطوم قفطت : لا لا حمدانوه ها فلم خبرتنيه عنه اليوم مريوم
محمد : ها بو النبات شو مستوي وراي ؟
ساره : لا فديت اخويه انا هب بو البنات مالك خص فيه انزين كملي
حمدان : ياويلي استوا اللي مايستوي ههههههههه
فطوم : ههههه غربلاتك بتخرب اللي بيني و بين اخويه ,, انزين اقولج ازقريت جان اقوله بدلع : حمداني اثتحي عاد
ساره : ياويل حاليه
فطوم : هههه و بس وعقب شردت
صوب دار الحي
يوم تغدو و خلصو .. سار بو مريم و الخدم يحطون الاغراض فالسياره ,, و يوم خلص
بو مريم : يلا يا بنات تأخرنا
رشود : بابا وين بنثير ؟
بو مريم : حبيبي بنسير عند خالو فطامي
رشود : الله
ام مريم : ههه فديت روحك ,, بتلعب ويا عبدالرحمن
وعقب نزلو عليا و مريوم و الخدم يشلون شنطتهم و كانوه مطقمين لابسين بنطلون وردي هادي و قميص ابيض وجاكيت لين الصدر قصير هاللبس عند فطوم .. وجان يركبون السياره و مريوم حطت غنيه ( صوب دار الخل .. ميحد حمد )
وكلهم مرتبشين من الخاطر و يبسون .. وكانت السياره هب مخفي وايد ,,
مريوم : هلا يابس يابس
بو مريم : عاشو البنات
ام مريم : ههههه تخبلن
عليا : ياويل حاليه انا بشوف فطوم وتصارخ
مريوم يودت عليوه و تصارخ وياها : هيه كشخه
وعقب نص ساعه حصلو محطه وكان بو مريم بيصب بترول
مريوم : ماما بنزل صوب المحطه
رشود : هيه هيه انا ابا
بو مريم: انزين بس لاتأخرون ..
عليا : ان شاء الله بغيتو شي ؟
ام مريم : بغينا عصير برتقال بارد
عليا : من عنونا ,, يلا مريوم تعالي ..
وسارت مريوم نزلت رشود .. عليوه يودت رشود و يوم دخلو المحطه محد كان فيها .. و عقب ثواني دشو 4 اولاد .. و البنات مخترشات ف مانتبهو .. وكانو هب مطلعات شعورهم ,, اصلا هم مايطلعون .. و ماخلو شي ماخذوه من كل شي 6 لول .. حقهم وحق ساره و فطوم و حمدان و محمد .. و خذو حق عبدالرحمن و رشود حلاوات وهالسوالف اللي يحبونها اليهال .. وكان المكان هادي ولا مره وحده
عليوه صوت عالي : رشود اقولك رده ها هب حلو !!!!
رشود معصب : مابا .. وجان يروح عنهم
وصوب الشباب ,, ناقعين من الضحك ,, و عليوه قافطه و مريوم تضحك عليها ..
(****)1 : ههههه تعال نلعوز الصغير
(****)2 : ههههههه اوكيه يلا ,,
و الولدين الباجين سارو صوب مريوم و عليا ,, و شافو سلتين اللي عند مريوم فيها جلكسي و حلاوات وايد و اللي عند
عليا عصير و كولا و فريز وايد وايد لول و سله تشل بايدين و شكلها يضحك .. و البنات كانو ملتهين يالسين ياخذون و الولدين ماشافو ويوهم عدل ..
(****)3 : بل !!
(****)4 : جيه اميه ماتشترون المحطه بكبرها !!
مريوم بصوت واطي : هيهيهي فشله ,,
عليا بصوت واطي : هههه كله منج
مريوم و بصوت واطي و شويه معصب : هيه كله منيه انا
عليا : جب جب انزين لاتتحرطمين الحين ,,
مريوم و عليا صدو صوبهم
(****)3 ,, (****)4 ,, من شافوهم بغو يموتون من جمالهم
مريوم : آآه والله كيفا انته مالك خص !!
عليا : والله يوم بناخذ المحطه هب من جيبك من جيب باباتنا
مريوم : هههههه ,, الله يقطعج .. ومره وحده هدت السله : وايه ,, آآآآآآخخخ يعور ,, ونزلت تحت يودت ريلها : عليوه سيري شوفيه الكلب ها وين
عليا : رشود >> صوت عالي
(****)3 : سلامتج الغلا ,,
صوب رشود و الاولاد ..
(****)1 : ويا منو ياي ؟
رشود : همم ماما و بابا و عليوه و مليوم
(****)2 : منو هيل ؟
عليا : رشود غربلاتك تعال هنيه
اللاولاد كانو شبه يالسين جان يرفعون راسهم و شافتها
(****)2 :اف محلاها
عليوه احمرت و عصبت : رشود تعال !!
جان يصير صوبها
وبعدين لحقوها (****)1 .. (****)2
(****)2 : ها بو الشباب خلصت ؟
(****)4 وهوه يشوف مريوم وهيه تتويع : هيه خذ سير حاسب ..
مريوم وهيه تقوم : عليوه خلصتي اكوه ابويه كمن مره متصل ,,
عليا : هيه هيه خصلت ,, جان يسيرون يحاسبون ,,
عليا : اويه نسيت آخذ مصاص
مريوم : بتذبحج فطوم يلا طوفي سيري يبي ..
عليا سارت صوب المصاص وكانو (****)1 و (****)2 هناكي
نزلت عليا عشان تاخذ مصاص ,, وخذت 10 لول
(****)2 : ياويل حاليه ع الدلع انا
عليا : هههه ويا هالراس ,, وعقب سارت حطتا المصاص عند مريوم .. وجان مريوم تركض و تيب 4 Pink و 2 BLUE
(****)1 : ههههههه اشكلاكن اضحك ,, بتخبركم كل ها ف حقكم
عليا : ياربيه انته شلك فينا ,, كيفنا !!!
يوم حسبو و خلصو طلع الحساب كله 95
(****)2 : ماشالله !! ادفعلكم
مريوم : لا مايحتاي ,, طلعت بوكها و عطت الحرمه ال100 و عطتها الباجي و شلت الاجياس و سيارت السياره
(****)4 تم سرحان طول الوكت و يفكر ف مريوم و عقب استعيلو بسرعه عشان يلحقون سيارة بو مريم بدون محد يحس ,,
بو مريم : بل شو ها ,, كم طلع الحساب
مريوم : آآآه 95 هيهيهيه عادي فرحانين ابويه لاتخرب علينا
بو مريم : اشهد انا لا اله الا الله !! 95 بتمتنون خافو ربكم
عليا : ابويه حق الجيش بعد اللي ب AD هب بس نحنا
ام مريم : ههه خلهم فرحانين ,,
مريوم : عليوه ميحد بسرعه فيني ربشه غير طبيعيه ..
عليا تمت ادور بين السيديات و حطت غنيه ميحد حمد وين يا الغايب وكانو منزلين الدرايش و معلين ع الصوت و مريوم ورا امها و عليا و را ابوها و رشود فالنص
عليا : ياويل حاليه ,, هلا هلا عاشت اختيه ,,
مريوم : ابويه دخيلك اسرع نبا نوصل بسرعه
بو مريم : هههه ان شاء الله ..
اما صوب الاولاد ال كانو بعد سايرين بوظبي بس ظيعو سيارة بو مريم
صوب راعي الرنج ... طريج بوظبي ,,
حمدان : ايه مالكم خص ف حرمتيه
>> فطوم كانت تتعدل .. لانه تبا تسير المحطه بس قالت يوم بخلص من التعديل بسير اقوله ,, كانت راسمه عيونها و حاطه شدو وردي خفيف بس هب وايد ,, وحط قلوز وردي شفاف .. كانت عذاب من الخاطر ..
ساره : وع عليك وعليها
محمد : انا باخذها بدالك
حمدان : هههه اصلا مايستوي
فطوم : ايه بسكم حش فينيه ,, جان تسير صوب السيت اللي ع الدريشه عند حمدان : حمداني ودنا المحطه اكيه بليز
ساره : هيه هاي المحطه الكبيره ,, لا لا للف حمدانوه
حمدان لف لفه قويه فطوم : هههههه غربلاتك ,, بتصب بترول ؟
حمدان : هيه ,, انزلي انتي وساره ,, و خلي جسوم يسير وياكم ,,
فطوم : عنيه افدا هالخشم ,, تسلم ,, لبست نظارتها Dior ياي تدرجات الوردي وصدق كانت خبال طالعه وطبعاًً هب مطلعه شعرها و ساره نفس الشي ,, هب من عوايدهم .. نزلت هيه وساره و جسوم وراهم ,,
ساره : ياويليه احس اهنيه اميره خخخخ AL Body Guard ورانا بعد من قدنا
فطوم : اسمعي كوني خقاقه و الغرور كله فعيونج دام انج هب لابسه نظاره .. ولاتردين ع حد لانه المحطه متروسه شباب
ساره : داهيه وانتي شو بتسوين ؟
فطوم : بتعرفين شو بسوي =pP
جان يدشون المحطه و من دشو الاولاد اللي داخل المحطه سيده عيونهم عند فطوم و ساره
حبيت اوضحلكم شي : هيل الاولاد هب الاولاد اللي كانو ويا مريوم و عليا ,, هيل ثانين = )
(****)1 : ياويل حاليه انا ,, اندوكم AL Body Guard بعد
(****)2 : قوم فوق فوق ,, تعال صوبهم
(****)1 : بس شوف هاي اللي هب لابسه نظاره شكلها خقاقه
(****)2 : هيه وايد ,, فخاطريه اشوف عيون اللي لابسه نظاره ,,
(****)1 : شوف شوف شلت النظاره ,, يلا بسرعه صوبها
صوب فطوم و ساره
فطوم : بتخبرج بسير الصوب الثاني ,, جسوم خلك وياها ,, سارت صوب المشروبات البارده و,, جان تعق النظاره ,, الولدين لحقوها .. عاد فطوم مانتبهت وكانت تغني ف خاطرها :
آآه من قلب غدا حبه جنوني ,, و آآه من خلن على بالي طرا ,, لي سطا فالروح و اتملك شجوني ,, من صدوده يا ملا دمعي جرا
و بدون ماتحس بعمرها غنت صوت ينسمع :
ف المحبه يا عرب لاتعذلوني ,, لانه حبه في فوادي كد سرا ,, وأأه من قلبن غدا حبه جنوني ,, وآآه من خلن على بالي طرا بالي طرا
(****)2 : ياويليه انا ع الصوت
فطوم خافت و قفطت سوتله طاف ,, تمت تاخذ فريز و كولا و من هالسوالف ريد بول حق حمدان ومحمد ,,
(****)2 : عطينا ويه فديتج
فطوم طاف ,, جان تسير صوب عليا ,, وتشوفها وهيه تشتري جبس و حلاوه
فطوم : يلا فديتج خلصتي ؟
ساره : لا عنونيه بعدنا ,, جسوم يود السله تكسرت ايديه خلها هناكي نحنا الحين ياين ,, سار جاسم و حط السله وين اللي يحاسبون
(****)1 : فديت عيونج والله
ساره : يلا مناك مانرمس نحنا لوث ,, وجان تروح عنهم ,, و سارتحاسب هيه و مريوم ,, طبعا ماخلو شي ماخذوه كل شي دبل ما كانو يدرون انه حد بي بس جي خدو وايد و عقب يوم ظهرو
(****)1 : خقاقات ماينلامن بعد AL Body Guard ..
(****)2 : غربلاتهم ,, هايج ام عيون سود خبال والله فخاطريه فيها
(****)1 : حتى الثانيه حلوه
صوب السياره
حمدان : بل بل شو ماخذين انتو
فطوم : هههههه هبابكم تشبعون ,,
محمد : عاد شو خذتي ؟
فطوم : كل شي ,,
وعقب نص ساعه و صلو قوم بو حمدان و ال AL Body Guards و قوم حمدان كانو صدق مستانسين وتوهم يدشون البيت ,, ويوم و صلو صوب البيت نزلت فطوم ..
فطوم : وايه عنيه افدا هالمكان ,,
ساره : اشتقت لحجرتيه ههههه تعالي ولهت عليج ابا ايلس وياج طول الوكت
حمدان : الحمدالله و الشكر هب جنه 24 ساعه وياها
فطوم : وانته ليش تغار ,, يلا فديتج ,, ولا اقول خلينا نسير صوب الحديقه و ناكل كيك ,,
ساره : اوكيه ماعليه تعالي
فطوم و ساره عقو عبيهم و عطوهم الخدم و بو حمدان و ام حمدان دشو يرتاحون و عبدالرحمن كان راقد فسارو الغرفه ,, اما فطوم قالت حق الخدم ايبون كيك و عصير حقها و حق ساره ,, حمدان يوم شاف فطوم بدون عباه تعذب لول ,,
حمدان : ياخي فطوم تمي بالعباه والله تعذبينيه جيه
فطوم : هههههههههه جيه انا شو سويت ؟
محمد : حمدانوه !!
حمدان : هههههههههههه جب انته خلنيه اتغزل ع كيفه ,, فطوم بعدين بقولج ليش .. هب جدام الحمير
ساره + محمد : حمار انته !!
محمد : ياخي ساروه تمي بالعباه والله تعذبينيه جيه >> اونه يعيب ع حمدان
الكل : هههههههههه
ساره : انا اباك تتعذب كيفيه
محمد : فديتج و فديت تعذيبج انا عسل عسل والله عسل
حمدان : حمود !!!
ساره اونها مستحيه .. سارت انخشت ورا فطوم
محمد : هههه وحده بوحده ,, تعال تعال خلنا نسير نلعب ب ال X.box
حمدان : اوكيه ,,
اما صوب بو مريم و الباجين ,, وصلو بوظبي ,, و بالتحديد الحين هم صوب فريج بيت بو حمدان ,, كان بو مريم يدل الدرب بس ناسنه شويه لول .. و عقب سار يمين يساره و مريوم و عليا يتحرطمون .. و آخر شي جان يوصلون
بو مريم : عاد انتي شدراج انهم واصلين !!
مريوم : حرام عليك ابويه شوف الساعه كم اكيد وصلو
بو مريم : اذا ما وصلو بتصفعين
مريوم : هههههه انزين بنشوف
عليا : هههه الله يعين
المهم دشو بيت بو حمدان طبعا ال AL Body Guards سألوهم انتو منو ومادري شو ,, وعقب عرفو بو مريم و البنات دخلو و جان يسيرون صوب النافوره ,,
ساره : مامي منو هيل ؟!!
فطوم قامت وهيه مصدومه : لا يكون !! وركضت صوب السياره جان تنزل مريوم
فطوم صوت عالي صرخت ( اللي فالبيت سمعها بعد ) : مريوم و عليوه ما اصدق و لوت عليهم من الخاطر
مريوم : فديتج فطوم ولهنا عليج حيل
عليا : يا العنز قسم بالله لج وحشه من الخاطر
داخل البيت
بو حمدان : يالله بستر منو ها اللي يصرخ
حمدان : البنات !!!
ركيض عاد بو حمدان والشباب و ام حمدان برع ,, ولا آخر شي شافو بو مريم و ام مريم و البنات
ساره قربت من صوبهم : حيهم من زارنا نورتو البيت والله
فطوم و الدموع فعينها من الفرحه : فديتكم والله ولهت عليكم انا زود حياتي والله ,, جيه ماخبرتونيه انكم بتون ؟
عليا : مفاجأه
سارت ساره تسلم ع البنات
بو مريم : فطوم !! شعنه ماتسلمين !!
فطوم : وايه عميه ,, فديت روحك والله ,, لوت عليه من الخاطر و حبته ع راسه ,, ولهت عليك موت
بو مريم : وانا زود غناتيه ,, شحالج ؟
فطوم : يسرك الحال الغالي ,, خالوتيه فديت خشمج انا ,, شحالج؟ >> و حبتها ع راسها
ام مريم : يسرج الحال الغلا من شفتج ,, وانتي شحالج ؟ وجان تصاصرها وشحال حمدان وياج
فطوم : والله تمام ,, هههههههه خالوتيه عيب عيب ماعنديه هالسوالف انا
ام مريم : ها هب علينا هالحركات ..
من بعيد بو حمدان يتقرب منهم و حمدان و الشباب
بو حمدان : حي يالله علي ,, شو هالمفاجأه الحلوه ,,
بو مريم : هلا والله الله يحيك ,, شو الاخبار ؟
بو حمدان : والله يسرك الحال ومن صوبك ؟
بو مريم : يسرك الحال والله
ام مريم : السلام عليج شيخه ,, وتوايها
بو حمدان : وعليكم السلام ,, هلا والله ,, نورتو بوظبي
وعقب حمدان و محمد سلمو ع بو مريم ,, و ع ام مريم بس من بعيد لول ,, و محمد تم يلعوز مريوم و عليا ,,
دشو الريايل و الحريم داخل الميلس و رشود كان راقد ,, و خلوه ف غرفة عبدالرحمن اما عند البنات ,, تمو داخل
حمدان : ياويل حاليه وايد وايد بنات فالبيت شو رايك حمود وهوه جي يفرك ايده و النذاله فعينه خخخ
محمد يقلده و يفرك ايدها و ينقع صبوعه : ياويل حاليه انا ,, هيه والله وايد بنات 4 ع 2 آآخ بذوب شو رايك حمدان منو بغيت ؟
حمدان : همم دام 4 بغيت .. فطوم ومريوم ,, وانته ساره و عليوه
محمد : ياويل حاليه
مريوم : ايه ع شو ناوين هايل ؟
عليا : هههه ويا هالويوه تخوفون بنرد دبي احسن
محمد : لا لا شو تردين خلج خلج منوره البيت و يغمزلها >> تعرف انه ناوي ع شي !!
فطوم سارت تصاصر مريوم و عليوه و ساره : افا عليكم ب التقردين مايرومون يسون شي .. شوفو شوفو
البنات ضحكو صوت عالي ,, وسارت فطوم صوب حمود ,, ويت ع ويهه و حطت ايدها الثنين ع رقبته
فطوم : حبيبي حمودي
محمد : وابويه بذوب عرق عرق ف يبهتيه .. يا لبيه
الكل : ههههههههههههههههه
فطوم : لبيت حايه
حمدان : حمود انا اغار الصراحه خلنيه بدالك !!
محمد وهوه ياشر : يلا مناك مناك ,, جان يخلي ايده ع نص ظهرها : آمري فديتج وهوه يشوف حمدان و يغايضبه
فطوم : شو رايكم اليوم اطلعونا !!
البنات : وين !!
حمدان : وين ؟
محمد : وين ان شاء الله
فطوم بدلع : همم المرينا ,, بليز بليز ,, مابنسوي شي بس بنسوي Shopping و بناخذلنا فلم رومانسي
حمدان يقلدها : ياويل حالي
مريوم : هههههههههههه
عليا : يالله يحبج ع الافلام الرومانسيه
فطوم بحنان و تحط راسهاع صدر محمد وهوه لاوي عليها : آآآآه عذاب والله ,, حب ,, و حنان ,, وكلام حلو يبرد القلب هب رعب صريخ و تقفيز ومادري شو ودم ,, لا لا انا رقيقه ابا افلام رومانسيه
حمدان : آآآآآه ياقلبيه ,, فذمتيه لا ادورلج احلى فلم رومانسي بنشوف شو بتسوين ,, بس اذا بتسوين شي سوي ويايه انا هب ويا محمد !!
ساره : ههههههههههههه عيب
مريوم : هههههه هب جدامنا عاد
عليا : هههه اكيد هب جدامكم احم نحنا بنظهر وبنخلي المكان حقهم ,, ولا شو رايكم !! نخلي حمدان و فطوم يشوفون الفلم بروحهم و نحنا بنشوفلنا فلم ثاني ف مكان ثاني
حمدان : آآخ متى بعرس
محمد فر فطوم صوب حمدان : خذها من الحين مانباها
فطوم : جنه انا اباكم ,, انزين الحين بتودونا ولا لا !!
حمدان : اذا محد وداج عيونيه بتوديج
فطوم ابتسمت و احمرت من الخاطر ..
مريوم : ياويليه انا ع الخدود
فطوم : ايه بس ,, متى بنسير انزين ؟
حمدان : 5 الحين ساعه همم 3 يكفيكم لين تتعدلون يلا حمود طوف نسير نكمل لعب
محمد : يلا
وعقب دشو الاولاد يكملون لعبهم و البنات بعدهم برع
مريوم : فطوم حمدان يحبج
ساره : توه الناس عيل ما قالتلكم سالفة الجلبه والفلم الهندي
عليا + مريوم : اي جلبه بعد
فطوم : اسرار حبايب
مريوم : يا الخاينه قوليلنا
فطوم : يلا انزين طوفو خلونا نسير حجرتيه عشان اخبركم
البنات : يلا طوفو
وعقب يوم دشو البيت مريوم و عليا اتخبلو عليه ,, عيبهم وايد ,, وعقب خبرو اهلهم انه بيسيرون المول ويا فطوم و ساره و حمدان و محمد ,, وبعدين ركبو الدري و سارو غرفة فطوم تخبلو عليها
كانت ورديه و كيوت مره ,, و عليها رسم بالجدار ورود و اشكال خبال ,, وكانت كبيره الغرفه شويه مكان حق اليلسه
و الشبريه كبيره ,, ومكان حق سوالف الكشخه وجي
مريوم : ياويل حاليه ,, حجرتج خبال
عليا : هيه ماشالله
فطوم : تسلمون فديتكم يلا عقو عبيكم و نطو ع الشبريه
عقلو عبيهم و يلسو ع الشبريه و تمو يطلعون اللي فخاطرهم كلهم احلى 4 الصراحه
مريوم : انزين يا الدبه قوليلنا شو استوا وياج ؟
فطوم : الله يسلمكم ( و قالتلهم سالفة الشله و يوم طاحت و شو قالها و يوم روحت و شو قالها عبود عن الرقم )
البنات : ههههههههههههههههههههههههههه
مريوم : حليله حمدان ,, فطوم تحبينه ؟
فطوم غنت غنيه راشد الماجد :
غمض عيونك حبيبي غمض عيونك
بقول لك شي بس اسمعني بقلبك
محتاج لك في حياتي مقدر بدونك
او بختصر لك واقول احبك احبك
مريوم : ياويل حاليه انا
عليا : فديت هالصوت ولهت عليه
ساره : هههه حيها العاشقه ,,
مريوم : ايه ماقلتلكم شو استوالنا فالمحطه
فطوم و ساره : شو
مريوم و عليوه خبروهم شو استوا
فطوم : هههههههههههههههههههههههههههههه هه ,, حتى نحنا ( وخبرتهم بالسالفه )
عليا : ههههه شكلهم متواعدين ,,
فطوم : عنديه شراته ,,
ساره : انا عنديه بدله ورديه ,, لبسي شراتهم وانا بلبس الوردي ماليه
فطوم : يلا عيل فديتج سيري يبي و بنتلبس عشان ما نتأخر عنهم
ساره : ثواني ,, وعقب سارت ساره غرفتها ادور لبستها
اما صوب فطوم والبنات
فطوم : هيه صح ,, حمدان يايبلكم هديه
مريوم + عليا : هديه !!
فطوم سارت فجت الكبت و طلعت الجيس مال مريوم و عليا : اندوكم
عقب البنات شافو هداياهم وتخبلو موت ,, و استانسو ,, و فطوم عطتهم مال امها و ابوها .. المهم عقب ساره يت صوبهم و راوتهم لبسها ,, بنطلون وردي وعليه ابيض تحت و قميص طويل .. المهم وعقب سارو تحت عشان يرمسون ام حمدان عشان تعدلهم
ساره : ماماتي الله يخليج يمكن حد يخطبنا
ام حمدان : جب انتي و فطوم محجوزات اذا جي بعدل مريوم و عليا
مريوم : هيه خالوه خلينيه احلى وحده
فطوم : اصلا انا لو ماحطيت شي بكون احلى وحده
ام مريم : ايه اسطلبو لو يعرفون الريايل بيذبحونكم
عليا : انزين خالوه فديتج شو قلتي ؟؟
ام حمدان : يلا انزين تعالو ويايه ,, ام مريم ,, تعالي بعطيج كورس ههههه
وعقب سارو البنات وام حمدان و ام مريم غرفة ام حمدان ,, طبعاً اندهشو بغرفتها وايد عيبتهم ,, اول شي ام حمدان سوت حق عليا و مريم ,, حطتلهم شدو خفيف ,, مريوم و عليا جحلت عنونهم و سوتلهم ظل تحت عنون ,, و حطت شدو وردي خفيف و مسكره و قلوز ,, و ساره نفس شي طلعو كيوت ,, اما فطوم تمت تشرط
فطوم : خالوه رسميلي عينيه جي خليه من اول شي طالع شويه و من آخر شي بعد مديه جي شرات الفرعون ..
مريوم : هههه بتستوين فرعون نمبر 2
فطوم : انجبي مريوم حماره ,, و خالوه خليه ظل تحت عنونيه و حطيليه فوق ع الطرف شدو اسود و وردي باجي العين
ام مريم : بخبر حمدان عليج ,, اخافهم يخطبونج
فطوم : ماعليج خالوه برفضهم ههههه
ساره : امايه شوي شوي ع فطوم حمدان بيموت عليها
فطوم : وي بسم الله عليه من الموت عنه يوميه قبل يومه
عليا : ياويل حاليه عليج فطوم ,, ربيه يخليه لج وتغمزلها
فطوم وهيه مرتاحه : آآآآآه آآمين
الكل : آآمين
ام حمدان : ها خلصت شوفيه حلو ؟
فطوم : ياويل حاليه ,, همم الحمدالله بعد ماخليتي المكياج يبن عدل ,, مشكوره فديتج
البنات : مشكوره
فطوم : خلونا نسير نتلبس
البنات : يلا ,,
وعقب سارو تكشخو و زهبو عبيهم و شنطهم و دخلو المكياج اللي يبغونه لول جنه سايرين عرس ,, و عقب سارو يصلون و الوقت مره بسرعه .. و استوت ساعه 5 ونص و طبعا حمدان و محمد ماشافو البنات ,, و عقب البنات نزلو صوب اهلهم ,, ساره و فطوم لصقو ف بو حمدان ,, و مريوم وعليا عند ابوهم
بو حمدان : وابويه ها شو تبغون فلوس ماعنديه ماعنديه ,, جان يقوم وهوه يضحك ,,
بو مريم : ههههههههههه فقرتونيه ماشي يلا هب كل يوم العيد !!
البنات يشوفون بعض و هم مستغربين و ابتسامتهم ادل انهم مستغربين ,, و ام حمدان و ام مريم يضحكون عليهم ,,
فطوم : جي عيل السالفه ,, جان تقوم و البنات بعد قامو ,, : ماعليه ماعليه خلونا نسير يلا ,, بس شاطرين يعطون حريمهم
ترا ال10000 عنديه بعدهم ماصرفتهم وانا قلت بعطي البنات ع 2500 ,, مالت ع العدو ,, مانبا منكم شي طوفو خلونا نصيع
بو حمدان : بتخبركم شو محطين ف ويوهكم ؟؟
ساره : ابويه لوسمحت دام ماحطيتنا فلوس لاتم تسألنا يلا باي ,, و الكل كان يضحك عليهم هههههه وجان تسحب البنات و ظهرو برع لبسو النظاره نفس الشي كلهم نفس الشي تدرجات الوردي ,, و ركبو سياره محمد البورش و فطوم سوت هرنات عشان ايون و شغلت آآه من قلب
محمد : بسم الله منو في موتريه ؟
حمدان : اكيد البنات خلصوا قوم نسير
عاد الاولاد كانو صدق كاشخين تقولون مواعدين لول ,, و كانو مطقمين ,, لابسين كندوره عنابيه و عصامه ( شال ) و نظاره خبال و الشعر طالع شويه من العصامه .. و العطر و الدهن عود و الدخون شال الدنيا .. همم بقولكم كيف البنات يالسين
فطوم كانت صوب اليسار عن الدريشه ,, وعدالها مريوم و عقب عليا و عقب ساره يعني ساره صوب الدريشه الثانيه ,,
و كانو الاولاد ياين صوب الموتر و فطوم عينها ع حمدان شويه و بتلصق ف درشة ساره
مريوم : ذبحتينا
عليا : اعتدلي هب حمدان ها عشان يسويلج جيه !!
فطوم : ياويل حاليه انا خبال ربيه يحفظه ,, فديته ياربيه
وكان صوتهم عالي يوم يتحرطمون ع فطوم حمدان و محمد فجو الباب .. حمدان فخاطره : وافديتج فطوم اكيد انتي محطيه هالغنيه ,, و حط فباله انه يخوفهم
حمدان وهوه اونه مسوي عمره معصب : بلاكن تزاعجن ؟
عاد البنات متيبسين
مريوم : ها لا ماشي سلامت خشمك
ساره : طافك توه تفدوك
حمدان وهوه متشقق و طار الحلج : ها منوه ؟
عليا : ناس وردين ؟
محمد : كلكم وردين ,,
مريوم : اللي يوراك
حمدان ابتسم لها و فطوم ذابت و احمرت و قرصت مريوم
مريوم : آآآآآي انزين انا شليه جلبه
فطوم : .........
وعقب تحركو و جان تخلص الغنيه و كل حد سكت و مره وحده
فطوم صرخت : عيدوها !!!
محمد : وريل مايشوف !! بلاج تباغمين !!
البنات : ههههههه
فطوم : جب لاتسب !! عيدها
محمد : انزين ,, وجان يعيدها
ويوم شل الشاجي فطوم شلت بس ع صوت اليهال ,, ويوم خلص جان اطيح ع مريوم ( صوب الجتف ) : آآآآآه فديت هالصوت انا كم بعيش
حمدان : فطوم
فطوم : يا لبيه
حمدان : لبيت حايه ,, عن الحركات شويه
مريوم : ذبحتينا وياه شو رايج تزوجينه بعد
فطوم غيرت ويها و خلته ع ملامح تتخيل : ياليت
ساره : مادري لو حمدان الشاجي شو بتسوي
فطوم : وايه جب ساروه لاتخلينيه اتخيل وايد
محمد : استخفت الاخت !!!
فطوم مره وحده ضحكت
الكل : بلاج ؟
فطوم : ههههههه تذكرين مريوم يوم عفروه تقول حق الولد شحالك ف الجامعه ؟
عليا و مريوم نقعو من الضحك : خخخخخخخخخخخخخخخ
فطوم : و يوم الوغد هزبنا
مريوم : خخخخخ غربلاته
حمدان : شو السالفه ؟
فطوم : الله يسلمك يوم كنا ثالث عدادي ودونا رحله جامعة الشارجه انا و مريوم و عليوه كنا آخر شي نمشي جان نسير اول شي مئه و شي كنا نحنا 5 تواسع سايرين المهم و جدامنا واحد جي دب ضخم يخوف كنا نحنا ال3 نمشي و نعلق و نضحك ولا مره وحده
قالنا : امشو عدل ,, من هاكي الصوب نحنا متيبسات من الضحك خخخخخخ ,, المهم يوم دخلنا داخل صوب المحاضره يلسنا نحنا ال4 اول لاين من الكراسي ,, يت الحرمه و رمستنا و سلم علينا وجي المهم جان الولد يقدم مشروعه جان يقول السلام عليكم نحنا ردينا عليه و عقب هدوء جان العنز عفروه تقول : شحالك .. ههههههههههههه
عليا: خخخخخخخخخخخ اشكره ينسمع
مريوم : حتى الابلوات قفطو و نفس الوكت عصبو
محمد : حركات
عليا : بس والله ذكريات خبال ,, فطوم شخبار المزيون اللي شفتيه هناكي
فطوم مره وحده صرخت : يا لبيه لين الحين اذكره ,, ماشالله عليه ههههه
حمدان : ايه انتي ..
فطوم : هيهيهي ان شاء الله ,, وايه فديت الشاجي
محمد : اوهوه ردينا
حمدان سكر الغنيه بالقو
ساره : بل السيأره شو ذنبها
عليا : بتشتكي يوم القيامه
محمد : ايه شوي شوي ع السياره
فطوم متيبسه من الضحك و مريوم و عليا نفس الشي ولا مره وحده
فطوم : ههههههههههههههههههههههههه >> من الخاطر
مريوم و عليا ما استحملو وياها لول
ساره : ههههه بلاكم ؟
فطوم : هع ماشي
حمدان ع اعصابه ,, و محمد يشوف المنظره اللي فوقه : بتخبركم هب جنه جسوم و وليد ورانا
البنات مره وحده صدو
ساره : ياربيه ها اكيد ابويه قالهم
مريوم تشوف عليا : انزين نحنا ما بنضيع
عليا : شدرانيه !!
وعقب وصلوا المرينا مول ,, وبركنو و اول ما نزلت فطوم : انا ابا اسير الحمام
مريوم بصوت واطي : هههه يا العنز هب جدامهم
حمدان : انزين اسمعو ,, نحنا بناخذ وليد و انتو جسوم بس تحملوا ع عماركم و عن الحركات
محمد : هيه عن الحركات وخاصه فطوم
فطوم تسوي عمرها بريئه : انا ما اثوي شي
عليا تمطها : ههههه يلا طوفي
البنات ال 4 سيده سارو الحمام و جسوم يترياهم برع .. و يوم دخلوا ما حصلو حد الا الفلبينيه
البنات عقو نظارتهم و بدو يعلون الشدو ,, هوه هب مخترب ,, بس جي يتأكدون لول ,, و فطوم زيدة جيلة الجحال
عليا : حوه حوه عينج بتنفجر من الجحال ,, صرت لا اشوف عينج ولا اشوف هالابيض
فطوم : هههههه لهدرجه عيونيه وساع ,, عن الجذب ,, ايه ساروه وين هالقلوز اللي يكبر الشفايف
ساره : اي لون ؟؟
فطوم : عطينيه وردي شفاف
مريوم : الله انا ابا احط
عليا : حتى انا ,, بس فطوم انتي روحه فيج شفايف عذاب بعد شو تبغين زياده
مريوم : هيه والله ماشالله عليج ,, حمر و مربربات كشخه
فطوم : احم ,, الله و اكبر الله و اكبر
مريوم : مالت عليج
فطوم يوم خلصت عطت مريوم و عليا و ساره و عقب عقة الشيله و ربطت شعرها عدل و لفته و لبست النظاره كان شكلها جنان ,, دلوعه وايد لول وخاصه انه لابسه وردي ,, و البنات ال3 يوم خلصوا
فطوم اسمعو خلونيه فالنص والله بظربه اللي بيخرب عليه ما حب امشي ع الينب
ساره : ههههه انزين قوليلنا كيف نمشي ؟
فطوم : بدا ع جهة اليمين ,, ساره وعقب مريوم و وانا و عقب عليوه
عليا : وجان ني عندلج ,, يلا نطلع
يوم طلعو ,, جان يشوفون كرس جان فطوم تيلس و تحط ريل ع ريل
مريوم : شحقه !
فطوم : يا الحمير عميه عطاكم شي بعطيكم ال2500 مالكم
عليا : هيه يلا انزين عطينيه انا دبل
فطوم : تخسين انا اللي يحتاي اخذ دبل ,,
يوم طلعت البيزات خافت انه مافي خرده
فطوم : ياربيه ,, انتو مول ع الصفر يعني ؟
البنات : لا
ساره : بتخبرج عطي جسوم بيسويلنا خرده
فطوم : هيه والله ,, جان تقوم وتسير عند جسام
جاسم AL Body Guard : ها فطيم ؟
فطوم : الله يخليك سولنا خرده ماعندنا شي
جاسم AL Body Guard : اوكيه عطينيه انا بسوي و يوم بخلص بصلبج قوليليه انتو وين
فطوم : خلاص مشكور ,,
جاسم AL Body Guard : تحملوا بعماركم
فطوم : من عنونا
جان يروح جاسم AL Body Guard و فطوم سارت صوب البنات و بدو يسون SHOPPINH كانو متحمسات
وكل مايدشون محل لازم ياخذون شي ,, وكل دقيقه يضحكون و يذكرون ايام الدراسه ,, وعقب قالت فطوم شلو النظاره عشان يشوفون عدل لول ,, وخطفوا عدال استاربوكس وكانو شالين اجياس وايد ,,
فطوم : ياي والله احلى يوم فحياتيه
ساره : هيه والله كشخه
مريوم : فطوم طربينا شويه
عليا : ههههه لا عاد الحين بتغني آه من قلب
فطوم :
آآه من قلب غدا حبه جنوني ,, وآآه من خلن على بالي طرا ,, لي سطا فالروح و اتملك شجوني ,, من صدوده ياملا دمعي جرا
ساره : فديتج والله
يوم كانت فطوم تغني ,, كان في 2 وراهم و سمعوا فطوم يوم كانت تغني ,, و واحد منهم انبهر ف صوتها ف يا وراها وقاللها
(******) : حي الله هالصوت
فطوم خافت جان تصد بسرعه و انصدمت !!!! فخاطرها : معقوله !!!! ما اصدق اللي اشوفه انا
البنات شهقوا و نفس الشي مصدومين من اللي يشوفونه
|