|
رد: آه من قلبٍ غدى حبه جنوني كاملة
آه من قلبٍ غدى حبه جنوني كاملة
البارت ال 38 ..
جان يدشون كلهم بيت بو حمدان ,, AL Body Guard زقر حد من الخدم عشان يحطون الفساتين داخل ,, ف الصاله .. كانو كلهم مجتمعين ف الصاله ( بو حمدان و ام حمدان .. و اليد و اليدات .. و بو مريوم و ام مريوم .. رفيعه .. حمدان و محمد و ساره و فطوم )
يوم ساره و فطوم شافو مريوم و عليا .. سيده ساره عند عليا و فطوم عند مريوم ,, لو ع بعض ,,
ام مريوم : فديتكم والله تعالو عندي ولهت عليكم
وعقب قامو الكل يسلمون ع عزوز و عمر و مريوم و عليا ,, وبعدين يلسو .. عزوز حاول بقدر ما يروم انه مايبين حق حد انه متضايج .. اما مريوم ,, مابايدها شي ,, تامه سرحانه و حاطه ايدها ع رسها و تشوف الارض ,,
عليا كانت ويا ساره صوب الثاني و فطوم عدال مريوم ,, عليا تسوي حركات حق فطوم عشان تضرب مريوم ,, بس توه الناس ,,
ام مريوم : يمه مريوم شوفيج ؟
مريوم : ................
بو مريوم بصوت غليط : مريم !!
مريوم : ها ها .. آمرو
ام مريوم : شوفيج فديتج ,, شكلج هب ع طبيعيه ,, عيونج محمره و ...
عليا قطعت رمستها : أأ امايه من نشت من النوم و هيه عينها محمره
فطوم : آآ يمكن من المكياج
مريوم اكبر طاف
ام حمدان : فديتج فيج شي ,, مضايجه من شي .. شي يعورج ؟
مريوم شافت عزوز و عمر : ها .. لا خالوه مافيني شي .. بس بطني يعورني كلت وايد
عمر بصوت خفيف يرمس عزوز : امبين
عزوز طالع عمور بنظره : صخ !! " اسكت "
بو حمدان : بالعافيه عليج ,,
عليا تبا تخوز مريوم من الصاله باي طريقه :مريومه فديتج .. تعالي ويايه فوق نسيت شي ..
مريوم : ان شاء الله ,,
ساره : تريو بسير وياكم
فطوم : ايه تريو
الكل ماعادا عزوز بس ابتسم : ههههههههه
فوق ف غرفة مريوم و عليا ,,
مريوم اول ما دشت الغرفه سيده طاحت ع الشبريه اطلع كل اللي فخاطرها من صياح
ساره شهقت : شوفيها !!
فطوم سارت صوب مريوم : بس فديتج .. خلاص ترا قالج حمدان كل شي
عليا : هب طايعه تفهم ,,
مريوم : جب انتي !! من عقب ما استوا العرس وانتي متغيره عليه ,, ولا جنيه اختج
عليا انصمدت : .............
فطوم صدق صدق عصبت : مريوم شو هالرمسه !! هاي اختج و مهما يستوي مابتغير عليج ..
مريوم : كله تعق اللوم عليه ,, عشان عزوز جيه حالته
ساره : ايه ايه تريو شو السالفه جنيه الاطرش فالزفه
فطوم تشوفها : بخبرج بعدين ,, ترمس مريوم : حبيبتي اكيد بتعق اللوم عليج ,, الحين هوه قالج و حمدان قالج
عليا : و عمور قالها
فطوم : وبعد !! اكوه قالج عمور بعد شو تبين زياده ,,
مريوم : ليش جيه يبون يخربون حياتي ,, ليش ؟؟ بعد ها كله فيه شريط
عليا قامت و سارت صوب مريوم و لوت عليها : فديتج والله ,, برمس عمور و بقوله يتصرف ويا هالعنز خولوه ,, انتي اهدي بس ,, و دخيلج لاتسوين جيه فعمرج
مريوم اتصيح : ما وديه اعامله جيه بس قسم بالله غصبن عنيه
فطوم : تحط ركبتها ع الارض وتشوف مريوم : حبيبتي مريوم ,, انتي الحين تمي عادي وياه .. و ان شاء الله يوم بتوصلون بالسلامه قوليله انا آسفه ع اللي استوا اليوم
عليا : والله بيرتاح ,,
فطوم : الحين برايج ماتبين ترمسينه لاترمسينه ,, بس يوم بتوصلون الفندق قبل لاترقدين قوليله
مريوم تمسح دموعها : ان شاء الله ,, تشوف عليا : حبيبتي انا آسفه والله ما كان قصدي
عليا : لا حبيبتي عادي ,,
فطوم : تمو شويه اهنيه عشان ماحد يحس بشي ,, تبون اي شي سيرو غرفتي ,,
عليا : ان شاء الله ,, حبيبتي ترا الفساتين اظن فالغرفه اللي تحت
فطوم : خلاص ماعليه ,, يلا غناتي ساره تعالي نزل
ساره : انزين ,,
ويوم طلعت فالممر ,,
ساره : ايه شو السالفه
فطوم : ( قالتلها كل السالفه )
ساره : وي ماتستاهل
فطوم : تعالي نزل ,,
ف غرفة مريوم و عليا ,, فالحمام ..
مريوم : خاطريه اقوله اني احبه عليوه >> وتدمع
عليا : بس فديتج توج شحلاتج تضحكين ,, بنتم شويه و بنسير
مريوم : انزين ,,
وعقب 10 دقايق جان ينزلون و شافو عزوز و عمر يسلمون ع الاهل ,, جان يسيرون و مريوم و عليا سيده فحظن امهم و ابوهم ,,
ام مريوم دمعت : تحملو بعماركم فديتكم ,,
بو مريوم : و عن الخبال الزايد ,,
عليا + مريوم . الدموع فعيونهم : ان شاء الله
و سلمو ع رفيعه و بو حمدان و ام حمدان ,, و ع محمد و حمدان ( طبعا بس رمسه ) و يوم يو صوب فطوم و ساره
وايه سو مناحه هم الثنين ,,
فطوم غرغرت : الا اسبوع ,,
عليا : جنهم دهر والله
ساره : ماعليه فديتكم الايام بتمر بسرعه ,,
فطوم : تحملو ع عماركم و طمنونا عليكم ,, تقصر حسها : قوليلي شو بيستوي >> حق مريوم تقول
مريوم : ان شاء الله ,,
وجان يطلعون ..,, و فطوم و ساره الدموع فعيونهم ,, وسارو ويا AL Body Guards عشان يسيرون دبي و ساعدونهم و مايتاخرون وجيه ,, عمر كان جدام و وراه عزوز و مريوم وفالنص و عليا عدالها ,,
عليا : جسوم شغل شي ملل ,,
جسوم : بحطلج هالغنيه ,, عسب تذكرين فطيم ,, وجان يحط (( آآه من قلب ))
عليا : ياويل حاليه ,,
عمر : هههههههه عجيبه الاغنيه هاي ,,
عليا : وي فطوم من اول مانزلت وهيه متخبله عليها ,, اسكت شافت الشاجي فالمول
عمر : ههههه خبله ,, عيل وين حمدان عنها
عليا : ههههه خلنا ساكتين احسن
عزوز بصوت خفيف : من صدوده يا ملا دمعي جرا
مريوم فخاطرها : فديتك والله ,, حطت راسها ع جتفه و مسكت ايده عادي هب راصه ولا شي ,, وعزوز انصدم يوم شافتها مسويه جيه ,, جان يرص ع ايدها ,,
وعقب ساعتين ,, و صلو مطار دبي .. وكانت الساعه 4 ونص ,, وماشي وقت يخافون يتاخرون نزلو الشباب و البنات بسرعه و طبعا نظاره شمسيه لول لابسين الشباب .. و ال AL Body Guards يساعدونهم و جيه ,, و لين ماتيسرت الامور و الحمدالله ما اتخرو ولا شي .. ويلسو يحوطون ف السوق الحره .. و بعض اصرار خلو البنات يتمشون بروحهم طبعا بمساعدة مريوم لانه قالت حق عزوز عشان خاطريه و خلاها و عمور بعد خلا عليا ,, و سارو يشترون حلاوه و مجلات ومادري شو .. و مريوم طول الوكت تفكر شو تاخذ حق عزوز هديه بسيطه ,,
مريوم : أأأأ أأأ باخذه باخذه هيه ميداليه
عليا : حلو .. يلا بسرعه عن تستوي ساعه 6 .. و يتراكضن صوب الاسواق عسب يختارون ميداليه حلوه و كملو 10 دقايق و عقب اشترت مريوم الميداليه و خلتهم يغلفونها و سارو ,, و تمو يتمشون ,,,
مريوم : يقهر يقهر !!
عليا : ردينا
مريوم : اتري تراني انا ماسمعت الشريط
عليا : اي شريط !!
مريوم : اللي محطوط ف الظرف ..
عليا : انزين هوه وينه ؟
مريوم : ويايه فالشنطه ,, يايبه هالمسجل الصغير
عليا : هيه عندي كل شي ,, قومي نسير الكوفي ,,
وعقب شافو جدامهم كوفي و بسرعه سارو صوبه طلبو عصير و يلسو ,, طلعت مريوم الشريط و حطته فالمجله الصغيره و حطت السماعه ف اذنها و شغل الشريط ..
(( هههههههه فديتك والله عزوزي ,, ايه عاد بسك ,, عزوز لا لا هب الحين تريا ,, يلا الحين ,, أأه فديت روحك ( بوسه )
فديتج والله احبج ,, انا اموت فيك .. طيح …… )) سكر سيده ولا كملت
عليا تشوف يمين و يسار : لا لا لا مريوم لاتخبلين و اتصيحين تغشي بسرعه !!
مريوم فاجه عيونها و متيبسه فمكانها ولاتغشت ,, جان تخلي عليا الشريط فشنطتها وغطت ويه مريوم و يلست عدالها لاويه عليها ..
مريوم اتصيح بصوت خفيف : ليش ليش ها كله ..
عليا : يا حبيبتي ها هب صوت ريلج ! ها غليط
مريوم : لا اهوه !! واتصيح
عليا : ماعليه ,, اهدي اهدي انتي ,, عشان خاطريه انسي السالفه بس لين ما نركب الطياره .. جان تقوم و تقومها
مريوم : احس خلاص ما اروم اتسحمل اكثر من جيه .. ر . را سي ي يدور .. وسيده يلست
عليا بصوت عالي :مريوم ,, مريوم ,, طلعت من الشنطه عطر و عطرت الكلينكس و خلته صوب خشمها ,, تحركت طشونه و طلعت الماي و شربتها ..
عليا دمعت : حياتي والله .. اشربي
مريوم بتعب : مابا !!
عليا : عشاني
مريوم شربت شويه ,, و جان تلف شيلتها ومن صوب ثاني كانو عزوز و عمور توهم داشين الكوفي و عزوز شاف ويه مريوم كيف محمر ,, وعقب هيه سيده اتغشت
عزوز يقبض عمور من ايده : شت شو مستوي بعد ؟
عمر : ليش وين شو مستوي ؟ ؟
عزوز : مريوم ويها محمر
عمر : ياربيه ,, الله يغربلج يا خولوه .. ماعليه ان ماكنت عمور ان ماسويت شي
عزوز سيده خلا عمور و خلا ركبته ع الارض وكان جدام مريوم و مسك جتفها : حبيبي مريوم شوفيج …
مريوم ردت ع ورا و خلت ايدها الثنين جدام " بمعنا لاتلمسني " : ماشي ,, ماشي ,, جان تقوم و تسير صوب عليا و هم طالعين من الكوفي .. عمور تقرب من عزوز و كان يالس ع الكرسي مصدوم ,,
عمر : بلاك ,,
عزوز بصوت ينسمع : قسمن بالله اني تعبت تعبت ,, وجان يروح بسرعه عنهم
عمر : عزوز ,, عزوز تعال !!
عليا خلت مريوم و سارت صوب عمر : شوفيه ؟؟
عمر : مادري !! قالي تعبت ومادري شو و روح
عليا : لاحول ولاقوة الا بالله !! .. عمور ترا مريوم سمعت شريط بعد كان فالظرف
عمر : اف ,, خلاص روحو انتو فوق .. عند انتظار الطياره وانا بشوف عزوز .. ولاترمسون ولا حد
عليا : ان شاء الله ,,, طوفي مريوم ,,
جان يسيرون صوب الدري المتحرك و مريوم مربعه ايدها و عليا تمشي عدالها و ايدها ع جتفها الثاني ,, و عقب سارو فوق
عند عزوز كان فالحمامات ,, شلا كابه و عدل شعره و غسل ويهه و لبس النظاره و خلا الكاب فالكيس ,, كان شكله كيوت عشره كان مدرج و كان ياي ع عيونه وبتدريج صوب اذنه طالع كيوت "" شرات حمدان مسوي "" و عقب طلع من الحمام وشاف عمور جدامه ,,
عمر : انته وينك اف ,, ليش ماترد عليه
عزوز : بس
عمر : عزوز بقولك ليش كانت جيه ,, لانه سمعت شريط فالظرف .
عزوز انصدم : اي شريط بعد
عمر : علمي علمك .. مادري ,,
عزوز : ماعليه .. بسمعه يعني بسمعه ,,
وجان يروحون فوق ,, و سارو صوب مكانهم " انتظار الطياره " .. مريوم كانت تشوف منو يدش و جيه ولا مره وحده
مريوم : عليوه عليوه شوفي ها شعره خبال
عليا : وينه ؟
مريوم : ها اللي ويا ربيعه
عليا تدز راسها : يا الخده ها ريلج
مريوم : ها !! وي شكله غير
عليا : هيه حلو
مريوم ضربتها ع ريولها : ايه
عليا : ههههه انزين انزين ,, اذا تحبينه ليش تسويله جيه
مريوم : سكري السالفه قلتيلي انسي صح !!
عليا : اوكيه فديتج ,,
وعقب جان اي عمور و ايلس عدال عليوه و عزوز عدال عمور ,, وعقب دقايق جان يفتحون البيبان ,, و سارو داخل عسب هم ف البزنس ,, و عقب يلسو 2 .. 2 عدال الدريشه ,,
مريوم : لا مابا
عليا مسكره ضروسها و ترمس و شويه و بتضرب مريوم : اقولج ايلسي عدال ريلج
مريوم : جب مابا بيلس عدالج
عليا بصوت عالي : مريوم !!
عمر : ايه وين يالسين انتو ,, يلسو ,, تعالي عليا عدال الدريشه
جان تسير صوب الدريشه و مريوم تيلس بعد عدال الدريشه و عدالها عزوز ,, و عليا عدالها عمر .. وعقب دقايق اتصلو حق اهلهم و جيه .. و مريوم طرشت حق فطوم مسج و قالتلها عن الشريط .. وعقب غلقو الموبايلات .. كانو عليا و عمر ورا مريوم و عزوز ,, هايلاك يسولفون و يضحكون و مريوم و عزوز صاخين ,, يوم ربطو الاحزام ,, مريوم تخاف من الطياره وايد ,, تامه قابضه ايد الكرسي بالقو ,, عزوز فخاطره يضحك عليها ,, جان يحط ايده ع ايدها و ايمسكها و هيه شافته فخاطرها تتفداه ونفس الوكت قالت : سخيف تقهر ليش سويت جيه >> دلوعه وايد لول .. وعقب ربع ساعه خوزو الحزام و شغلو التيلفزيون و عقب عزوز طلع مصاص يبا يقهر ب مريوم ,, فتحه و تم يمصه و يخليه ع ايد اليسار صوب مريوم وهيه تشوف المصاص
مريوم فخاطرها : ياويل حاليه ابا !!
عزوز فخاطره : بخلي المصاص فوق عشان اقهرها زياده .. مص المصاصه و خلا كوعه ع الكرسي و ايده يعني بتكون فوق و خلا المصاصه صوب مريوم ,, و هيه تشوفها
مريوم فخاطرها : انا براويك ,, يوم هوه صد الصوب الثاني ,, جان تي و تفج حلجها و تاخذ المصاصه ,, وخلتها فحلجها و هيه تتعبث ف الMP3
عزوز شهق : حراميه مصاصاتيه
مريوم : عيب تمص مصاصه انته هب ياهل
عزوز : وانتي عيب تمصين مصاصه جدام الناس ,, ( يبا يقهرها ) عقب ياخذون فكره خايسه عنج ..
مريوم طلعت المصاصه و ترفع حياي واحد : نعم !! جيه شو تتحراني **** ولا شوه !!
عزوز فج عيونه و شهق : قويه !! لا لا افا عليج محشومه
مريوم تمص المصاصه وتخليها ع صوب اليمين ,, خدها انتفخ : وثانيا انا واثقه من عمريه ,, انا فالطياره هب ف المول يالسه اكل هالمصاصه
عزوز : انزين انزين عطيني ياها
مريوم : آآآسفه
عزوز : عطيني ياها بالزين !!!
مريوم : sooooooory
عزوز : مريومه
عليا صدت ورا : اوه مبروك ترمسون بعض
مريوم : الله يخليج اجلبي ويهج !!!
عليا : ههههههههه ,,, جان تعتدل
عزوز : عطيني هاي بعطيج مصاصه ثانيه
مريوم فجت حلجها : اشوه !!
عزوز : هههههههههههههههههههه .. بلاج .. عطيني انزين
مريوم طلعت المصاصه و تمت ميودتنها .. ودقايق جان ياخذها بالقوه
مريوم : حمار !!
عزوز : ياويل حاليه عسل عسل ,, تصدقين استوت احلى من قبل
مريوم : ليش يعني ؟
عزوز : لانه عسلج فالمصاصه
مريوم : عزوز يا الوصخ
عزوز : ههههههههههههه ,,
مريوم : جب
عزوز : ان شاء الله ,,
مريوم : عليا فريلي شنطتج ..
عليا تخلي شنطتها ع ورا : اندوج ..
مريوم : يسلمو .. جان تفجها و تاخذ المسجل الصغير و تعيد الشريط ,, وتعطي السماعه حق عزوز
عزوز : شو ها .. جان ياخذه ,,
مريوم تشوفه : غنيه وايد وايد حلوه ,, جان تشغل المسجل و عزوز يتسمع و فاج عيونه ,, و سيده فر السماعه ,,
عزوز بصوت عالي و غليض : مريوم قسم ب .......
مريوم قطعت رمسته و حطت صبعها صوب شفايفها : اوص ولا كلمه مابا اسمع اي عذر !!
عزوز : بس اسمعي صوته !! و اسمعي صوتي عدل اوكيه !!
مريوم شافته من طرف عينها ,, سوت طاف وطلعت لاب ماله الصغير و فجته وفتحت برنامج الفوتوشوب و اتريته لين ما يشتغل و يوم اشتغل خلت الخلفيه سودا و اكتبت ب خط حلو "علموك اشلون تخدع من يحبك يا حرام " و عزوز كان يشوف الفلم و يراقبها ,, ولا دقايق ..
عزوز : عمر عطني اللاب مالك ..
عمر : يود ..
جان يفتح اللاب ..
عند عليا و عمر
عليا بصوت خفيف : اخبرك شكلها سمعته الشريط
عمر : والله حرام عليها جيه اتسوي
عليا : ادريبها حركات .. بس الصراحه بعد عزوز غلط
عمر : فاشوه ؟
عليا : انه ما صارحها من قبل !!
عمر : شو نسوي بعد .. الله كريم ,, وان شاء الله يردون لبعض و احسن
عليا : آآمين ,,
عند مريوم و عزوز ,,
مريوم تتحرا انه بيلعب شي جيه .. قهربها جان يفتح الفوتوشوب ,, ويسوي شرات ما سوت و احلى و كتبت "" ف ذمتيه مالي حبايب سواكم ""
جان تشوف مريوم و فجت ال word وكتبت بخط Arial Unicode MS الحجم 14 اللون فوشي ,,
مريوم >> (( صحيح صح اونه .. ف ذمتيه مالي حبايب سواكم ))
هوه سوا نفس الحركه و نفس الخط بس ب اللون بيبي بلو ..
عزوز >>(( ما اقول غير انه الله يعلم اني شكثر احبج ))
مريوم >>(( لو تحبني ,, جان صارحتني من قبل بكل شي ))
عزوز >> (( والله يا مريومه اني خفت انج تزعلين ))
مريوم >> (( جيه ماعرفت انه " حبل الجذب قصير " ))
عزوز >> (( اعرف بس ماحطيت فباليه انه هاي تصور ))
مريوم >> (( =Ss ))
عزوز : (( انزين مريوم بعدج مصدقه انه هالصوت صوتي ))
مريوم >> (( عادي .. لانه انته جذبت عليه ,, وعادي تجذب عليه مره ثانيه ))
عزوز >> (( قسم بالله انه هب صوتي والله العظيم يا مريوم ,, اسمعيه عدل والله هب صوتي والله !! ))
مريوم >> (( .... ))
عزوز >> (( مريومه ))
مريوم >> (( what ))
عزوز >> (( والله احبج ))
مريوم >> (( لا ما احبك .. لا انا قلبي ملكته ))
عزوز >> (( !! ))
مريوم >> (( ؛ ) ))
عزوز >> (( ليش جيه قاسيه وايد !! ))
مريوم >> (( اللي يجذب عليه .. جيه اسويله ))
عزوز >> (( !! ))
مريوم >> (( بس يكفي ماأبي منك ملام ,, عفت حبك عفت شوفك يا ظلوم ))
عزوز >> (( =( حرام عليج والله ))
مريوم >> (( عبدالعزيز ,, خل غيري يعتني بك لو يروم ))
عزوز >> (( انا اهواك يا عمري .. انا اهواك انا اتمناك ))
مريوم >> (( cHaaaaaaab :P))
عزوز >> (( اوكيه ))
جان يسكر اللابتوب و يخليه ف الشنطه و قام مريوم استغربت ..
عزوز : عليا تعالي ايلسي مكاني
عليا فاجه عينها : ليش !!
عزوز : ها لا بس برمس اخويه شويه ,,
عليا : اوكيه ,, جان تقوم و تسير صوب مريوم تشوفها يالسه تشوف عزوز من طرف عينها
عليا : انتي متى بتيوزين
مريوم : يقهر يقههههر وايد
عليا : وانتي زود تقهرين
عند عزوز وعمر
عزوز يرمس بصوت واطي : عمر و الله تعبت
عمر : ماعليك اخرتها بتردلك ,, يا اليوم يا باجر
عزوز : جيه بتعب زياده ,, انا ماخذتنها لاني احبها هب اني العب عليها ,,
عند مريوم و عليا
عليا : سمعتيه ,, حرام عليج مريوم ,, حسي حسي ... اول مره اشوفج جيه قاسيه ؟
مريوم : ..........
عليا : كيفج لاتردين ..
عند دار الظبي ..
بالتحديد ف بيت بوحمدان ,, غرفة فطوم ,,
فطوم : لا حمدان بتخرب الالبوم !!
حمدان : انزين اشوف اشوف هايج الصوره انتي حطي
فطوم : انزين .. جان تحط عالصوره اللي يباها
حمدان يشوفها : عادي يعطونا جائز الاسكار ع هالصوره
فطوم : هههههههههههه ,,
حمدان : متى بنعرس باجي وايد !!
فطوم : شهر باجي تقريبا ,, ماعليه استحمل
حمدان : ما اروم ما اروم
فطوم سرحت : ......
حمدان : حوه
فطوم : هلا ..
حمدان : وين سرتي ؟
فطوم : افكر ف عزوز
حمدان عصب و علا صوته : نعم !!!
فطوم زاغت : ها ها ها شوفيك ماقلت شي .. افكر فيه عسب السالفه .. و الشريط
حمدان : هيه .. حليله والله ..
فطوم : ادريبها مريوم .. يوم حد يسوي فيها شي يقهربها ,, وايد وايد وايد تكون قاسيه ,, الله يعين الحين فالطياره اكيد متزاعلين ,,
حمدان : ماعليه .. ان شاء الله يردون شرات قبل ..
فطوم تشوف حمدان : عندك رقم خوله ؟
حمدان : أأأأ ليش ؟
فطوم : عندك ولا !!
حمدان : هيه حافظنه ..
فطوم تيب موبايها و تعطي حمدان : اتصل وانا برمسها
حمدان : شوبتقولين !!
فطوم : انته اتصل !! بس تعال هيه تعرفك ؟
حمدان : آآ اقولج الصراحه .. جان يعتدل و يلف ويهه الصوب الثاني
فطوم : قول
حمدان : هيه من شافتني كانت تباني بس انا ماكنت اسويبها سالفه ,,
فطوم : خوش خوش .. اتصل ..
حمدان : اقولج من الحين اذا سوت شي ,, ترا والله جذبت ,, انا لاطلعت ويا بنات ولا شيات
فطوم : اوكيه اتصل
حمدان : انزين ,,
فطوم : اتريا !!
حمدان : أشوه ؟؟
فطوم : لابتوبي مفتوح ايبه و يب السماعه اللي فيها مايك اكيه ع الطواله ..
حمدان : انزين ,,, جان يسير ايبه و ياب السماعه ,, و هيه كانت سماعه موبايلها 2 وحده خلت حمدان يمسكها صوب المايك و الثانيه ع اذنها .. و شغلت البرنامج محر الصوتيات ..
حمدان : شو بتسوين ؟
فطوم : بسجل هاهاي
حمدان : ههه غربلات العدو ,,, هاديه والله ,,
جان يتصل ع رقم خوله .. و كانت الساعه 7 ونص ,,
وخوله كانت ف البيت ويا ربعها ,, جان ترد ع الرقم
خوله بدلع : آآآلو >> كان صوتها عادي هب شرات فطوم ,, فطوم احلى و احلى و يوم تدلع تقهر بالواحد
فطوم بدلع : آآآلو ..
خوله انقهرت : من انتي !!
فطوم : انا .. ههه انا حرمتك حمداني ..
|