 |
  |
|
|
|
08-02-2011, 07:56 AM
|
#1 |
|
:: كاتبة مميزة :: |
كنافة كب
كنافة كب
اكواب او قوالب الكنافة المحشية كنافة بشكل جديد خفيفة اوى وطعمة اوى ,, احنا مالناش فى الكنافة وعجبتنا جدا وخصوصا زوجى العزيز لانه مابتعجبوش حاجة فى الحلويات بسهولة ابدا (( دى شهادة الايزو :)) **المقادير سهلة وبسيطة : -- كنافة على حسب كميتك ولازم تكون لسه طالعة من الفريزر على الاستخدام على طول (( انا عملت ربع كيلو وادانى الكمية الموجودة فى الصورة )) -- 3 ملاعق سمنة بلدى ولو مش متوفر تبقى سمنة بقرى نوع كويس -- 2 ملعقة سكر بودر -- للحشو : مكسرات مفرومة ومخلوطة بملعقة شربات صغيرة عشان تكون متماسكة او شرايح موز او حشوة الجبنة الروعة ودى انا عملتها هى والمكسرات (( 2 كيرى + 2 ملعقة قشطة + ملعقة سكر بودر + نقط ماء زهر وليس ماء ورد )) وهتكون مش مسكرة واحنا عايزينها كده عشان فى الاخر ماتبقاش مسكرة اوى ** الطريقة : -- نفرك الكنافة بايدينا بسرعة وهى لسه طالعة من الفريزر مع السكر البودرة بتبقى سهلة اوى ونخليها فتافيت -- نسخن السمنة لحد ماتسيح خالص ونزل بيها وهى سخنة على الكنافة ونفرك كويس بايدينا عشان الكنافة تتشرب السمنة وكويس لحد مالكنافة تلمع وده معناه انها اتشربت كويس ومش محتاجة تانى ونجرب نعملها كور بايدينا لو كانت متماسكة كويس ومابتفكش من بعضها تبقى وصلت للمرحلة المضبوطة اللى هتدينا النتيجة السليمة ان شاء الله -- نجيب قوالب الكب كيك ونضع فى كل قالب كمية كويسة من الكنافة يعنى تملا كف ايدك ونضغطها كويس اوى بايدينا ,, ونحط ملعقة من الحشو اى نوع ونخلى بالنا انه مايوصلش للجوانب عشان مايتحرقش -- نغطى الحشو بطبقة تانية من الكنافة ونكبس كويس اوى لو الحشو مكسرا لكن لو الحشو جبنة مانضغطش يدوب بس نبطها بايديناونغطيها كويس -- تدخل فرن مسخن على حرارة 180 لمدة 25 دقيقة تقريبا لحد مالجوانب تحمر وماتستنيش الوش يحمر لانها كده هتتحرق ولكن اطفى الفرن وحطى الصوانى على ارضية الفرن وشغلى الشواية بحيث انها تكون بعيدة عن الشواية عشان تتحمر بهدوء وماتلهفش -- اول ماتطلع تحطى على كل واحدة ملعقة شربات فقط وتستنى دقيقتين تهدا وتشرب الشربات وتقلبيها هتلاقيها بتقلب بسهولة جدا وطالعة مضبوطة ان شاء الله -- لو حابة تزينيها بكريم شانتى او فواكه لو عندك ضيوف هتكون روعة وهتكون ضيافة غاية فى الشياكة والطعامة مواضيع ذات صلة |
|
08-03-2011, 04:33 AM
|
#2 |
|
|
رد: كنافة كب
مشكوره غلاتي
|
|
08-03-2011, 08:34 AM
|
#3 |
|
|
رد: كنافة كب
شكرا لك
ابداع متواصل تقبلي مروري وردي |
