 |
  |
|
|
|
|
|||||||
| قصص و روايات أسمهان وعبدالرحمن قصة أسرية هادفة بكل اجزاءها متتابعة روآية سعودية يوجد هنا أسمهان وعبدالرحمن قصة أسرية هادفة بكل اجزاءها متتابعة روآية سعودية روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
|
|
#16 |
|
|
رد: أسمهان وعبدالرحمن قصة أسرية هادفة بكل اجزاءها متتابعة روآية سعودية
&الجزء الثامن والعشرون&& طبعاً مرت أحداث الأسبوع الأخير من الدراسة اللي بعده عطلة الربيع وشلة الصاعقة مشغولين بتحضير ترتيباتهم واسمهان ياغافلين لكم الله!!! وكان آخر يوم بالدراسة وهو الأربعاء...وملكة اسمهان بتكون الأربعاء اللي بعده....المهم وقفوا الشلة يودعون بعض .. أفنان:سمهونة بأقول لك شي..بس أمانة ماتزعلين! اسمهان:خير ان شاء الله؟! أفنان:الصراحة أهلي منعوني من حضور ملكتك وقالوا ماعندنا بنات يحضرون أعراس!!! اسمهان:لا ياشيخة؟؟قولي غير هالكلام!أشوف ماشاء الله كل المناسبات السابقة اللي اجتمعنا فيها كنتي أول الحاضرين! أفنان:أدري..بس هالمرة حكم القاضي وأبوي مدري اشفيه رافض! اسمهان:ماعليك..بأخلي أمي تتصل تعزم أمك رسمي.. أفنان:لاتتعبين نفسك هي رافضة أكثر منه..وبعدين اجازة الربيع قصيرة وأقاربنا كلهم مجتمعين وأمي ماعندها استعداد تضيع يوم عشان تحضر فيه مناسبة!!!!!!!!بس مايهمك أعوضك بالزواج!! وقامت اسمهان تناظر أفنان بخيبة أمل لأنها ماتوقعت عدم حضورها!! نجلاء:أنا بعد يااسمهان المعذرة منك بس صدقيني مو بيدي!!أبوي مصمم نستغل الاجازة بما إنها قصيرة ونسافرمن بكرة للمدينة!!! اسمهان:حرام عليكم!اش قاعدين تقولون؟؟؟؟؟تكفون عشان خاطري اضغطوا على نفسكم شوي!!!!! أفنان:هذي قرارات عُليا!يعني ماباليد حيلة سامحينا! اسمهان (بعصبية):وانتم يالباقيين؟من منكم بعد وده يعتذر؟؟قولوا لاتستحون!!ناوية تعتذرين انتي بعد يامرام؟؟ مرام:لا أنا جاية ان شاء الله بس مثل ماانتي عارفة ملكتك بتكون يوم أربعاء..وأختي عندها ضغط بالمشغل ومحتاجة أحد يساعدها بالاستقبال والحسابات ولازم أكون معاها..يعني حتى لو جيتك راح أضطر أتأخرمرة..ويا ألحق على زفتك يا ماألحق!!أنا وحظي!! رانية:لاتخزيني بعيونك اسمهانوه!!أنا جاية.. بس يتوقف هذا على اللي بيرضى يجيبني!!لأنه الأسبوع اللي بتسير فيه ملكتك كله مناسبات عند أقاربنا..أخاف يقولون أهلي خلاص كفاية مو كل يوم وانتي بعرس!!!! اسمهان:الله يبشركم بالخير!بس ماهقيتها منكم!جاملت كل وحدة فيكم بمناسباتها..وتوقعت انكم بس تسمعون بملكتي بتفزون تساعدوني وتكونون حولي بس للأسف طلعتوا أي كلام!!!!!! نجلاء:ياشيخة لاتهتمين..مثل ماقالت أفنان نعوضك بالزواج!!!!! اسمهان:أي زواج؟؟ أنا أبيكم بملكتي..الملكة فرحتنا حِنا أهل العروس ومناسبتنا اللي نستانس فيها براحتنا من أول الليل لآخره....لكن الزواج من اختصاص أهل العريس يعني احنا بنجي فيه ضيوف ولابأنزف إلا آخر الليل يعني مابتستفيدون من حضوركم بزواجي شي!!!!!!!يلا الله يعين والله يعوضني بحضور بنات خوالي وأعمامي!!! وحسوا الشلة بضيقة اسمهان وواجهوها بالصمت وودعوها...وبدأت الاجازة..وبدأ أبو اسمهان بعزيمة أهله وأقاربه للملكة.... ويوم الخميس كانوا ابتسام واسماء واسمهان وأمهم جالسين ورن التليفون وردت الأم وكانت المتصلة عمتهم شريفة (أخت أبوهم)..وبعد السلام والسؤال عن الحال.. شريفة:صحيح ياأم محمد إن ملكة اسمهان الأربعاء الجاي؟؟ الأم:ايه صحيح..وننتظركم ان شاء الله.. شريفة:ومين بتاخذ؟؟؟؟ الأم:ولد فلان الفلاني(وقالت لها الاسم) شريفة:وعساهم بس ناس زينين؟؟ الأم: أكيد!!يعني حِنا بنقط بنتنا بحلق ناس مايسوون؟!!!!!!!!! شريفة:لأني ماتوقعتها منكم هالحركة بصراحة!شلون تنخطب اسمهان وأخوي مايشاورني؟؟؟؟؟؟ الأم:ولامؤاخذة يعني!بس يشاورك ليش؟؟ شريفة:لأن كان نفسي في اسمهان لولدي فيصل!تروحون انتوا تعطونها للغريب؟؟؟؟ الأم:والله ياحبيبتي..ماعمرك لمحتي لنا من شرق أو غرب انك تبينها لولدك..حتى ننتظركم!! ولا حصل انك تقدمتي رسمي..لكن ولد الناس هذا جانا ودخل البيت من بابه وطلب البنت رسمي!! شريفة:الله يعوض علينا بس!مع اني دارية انها لو تلف الكون كله مابتلقى مثل ولدي فيصل أخلاق وذوق ونسب ووظيفة!! الأم:انتي متصلة تباركين لنا وتعرضين فزعتك معنا بالملكة؟؟ولا لك قصد ثاني وأنا مافهمتك؟؟؟ شريفة(من ورا قلبها):مبروك...وسلمي على الجميع..مع السلامة!! الأم:مع السلامة.... وصكت السماعة .......وقالت:استغفر الله!! ابتسام:مين هذي يمه؟؟ الأم:عمتكم شريفة! اسماء:يوووه قطيعة!!واش تبي؟؟ الأم:ماتجوز عن طبايعها!نفس الحركة اللي سوتها أيام خطبتك يااسماء رجعت تعيدها..لايمكن تتصل تقول مبروك من قلب صافي!!لازم تعاتب وتقول كالعادة كنت أبيها لولدي فلان وليش تعطونها الغريب؟!! وهي أصلاً ماقد خطبت لعيالها من عندنا!!!!!!!!مدري اش القصد تبيني أكتب بناتي باسمها ولا اش سالفتها؟؟؟ اسماء:هالحين من زين عيالها ولا من طيب عودهم؟؟!!!!صايعين ضايعين!!وكل يوم بديرة ولاشهادات زي الناس ولامرجلة!وفوق هذا كله دايرة تمدحهم من بيت لبيت وتلمع صورتهم!كأن الناس اللي حولها ماعندهم عقول ومايدرون عن سوالف عيالها!اللهم لاشماتة بس!!!! اسمهان:إلا الحمدلله انها ماخطبتني رسمي لأحد من أولادها!!أتوقع أبوي ماكان يردهم لو خطبوني! الأم:ليش يمه؟؟على بالك أبوك مايبي مصلحتك؟؟صحيح انها أخته..بس الحق حق عيالها الله يعافيهم ولايبتلينا أخلاقهم طايحة بالأرض..وسمعتهم مو ذاك الزود..وأتوقع لو بتخطب لهم من العيلة محد بيوافق!!! .......وبعدها بكم يوم بدأوا الأهل والأقارب يهلون ويزورون أهل العروس اللي مستأجر منهم برة واللي عنده بيت..واللي جالس عند أقاربه اللي بنفس الديرة وكان عند اسمهان خالة اسمها(نوال) وكانت ماشاء الله عليها انسانة ملتزمة وماترضى بالغلط وبناتها محبوبات عند اسمهان.. زارت أهل اسمهان قبل الملكة بكم يوم وكانوا اخوات اسمهان وأمها وسماح زوجة محمد قاعدين..وكانت تقدم لهم نصايح.. الخالة(نوال):اسمهان حبيبتي..مبروك خطوبتك يابنتي وعسى الله يجمع بينكم في خير..ويجعلكم دوم برضا وسرور...قولي آمين اسمهان:آمين.. الخالة(نوال):شوفي يابنتي..أول يوم بتجتمعين فيه مع خطيبك وتقعدين معاه هو يوم الملكة..وعشان تكون بدايتك معاه مباركة من أولها فابعدي قدر استطاعتك عن كل معصية يابنتي..... اسمهان:ان شاء الله..... خالتهم نوال:لاتكون ليلتكم طرب وموسيقى.. الأم:لا لا تشيلين هم يانوال حِنا حريصين على هالشي واشترطنا على الطقاقة تجيب دفوف بس وحتى كلمات العشق والغرام تحوِرها لمعاني زينة! خالتهم نوال:بارك الله فيكم...وان رحتي يابنتي للكوافير لاتخلين الساعات تمر عليك بغير فايدة خذي معاك كتيب صغير واقرأي فيه عشان تستفيدين..أو استغلي الوقت بذكر الله والتسبيح والاستغفار والتهليل والتكبير بتلاقين الوقت مر فيك بسرعة من غير ماتحسين واستغلتيه بشي مفيد وانكتب لك أجر عظيم وماأدراك بفضل الذاكرين والذاكرات.... اسماء:جزاك الله خير ياخالتي..نصايحك درر. نوال:ويابنتي ابعدي عن الحرام بكل أمورك لاتضحك عليك احدى هالكوافيرات وتقول لك نوصل لك شعرأو رموش!أو نحشي لك شعرك بحشوات تخلي راسك مثل سنام الجمل!!ترى هالصنف من النساء نسأل الله السلامة لايدخلون الجنة ولايجدون ريحها!!!!!!! اسمهان:ان شاء الله.... نوال:والنمص بعدي عنه الله يرضى عليك..كِلِش ولالعنة الله اللي تحل عليك بسبب كم شعرة تشيلينها!! اسمهان:ان شاء الله. نوال:والوشم..وكشف جسمك قدامهم لأي سبب تجنبيه يابنتي.. اسمهان:ان شاء الله.. نوال:ولا أوصيك يابنتي الحياء مطلوب قدام العريس حتى لو تصنع!! اسماء:في هذي ماأضمن لك اسمهان!! وقاموا بنات الخالة نوال واخوات اسمهان.. وسماح يضحكون..... نوال:لا ان شاء الله إنها قدها وقدود...وخلك ناعمة ورقيقة في كلامك وتصرفاتك يابنتي..لأنك بهالمرحلة تكونين تحت المجهر وانتي ماتدرين!!من بدايتك معه بيحكم عليك على طول كيف بتكونين بعدين فخلي بدايتك زينة! اسمهان:ان شاء الله.. نوال:ولاتكونين قدامه كتاب مفتوح مفضوح!! فيه كلام كثير يابنتي لازم تكونين حريصة انه مايطلع قدام خطيبك!! ابتسام:وضحي ياخالة مافهمنا عليك.. الخالة نوال:يعني بعض أسرار العائلة..أو الصديقات أو حتى أسرار عن نفسك..في أشياء من الأسلم إنه مايدري عنها شي.. اسمهان:ان شاء الله.. الخالة نوال:وكوني حريصة بكلامك وحذرة في انتقاء ألفاظك وتنميقها.. اسماء:ياخالة أختي ثقافتها انجليزية! اسمهانوه خالتي تقصدلازم تسوين كونترول على لسانك وانتي تكلمين المعرس!!تكفين..حِنا ماصدقنا متى تجي اللحظة اللي بنفتك فيها منك!!انتي لو تكلمينه مثل ماتكلمينا فأنا ضامنة انك راجعة لنا وورقتك بإيدك!! الجميع:هههههههههههههه الخالة نوال:فاولي خير الله يصلحك ياأسماء..!سمهونة قلبها أبيض من يومها..أهم شي يابنتي انك تحاولين تكونين بأحسن صورة قدام ولد الناس ومايقدر يمسك عليك زلة..خليه بداخله لاشافك يقول ونعم التربية! اسمهان:ان شاء الله..... سماح:اللي تعد منكم كم مرة قالت اسمهان ان شاء الله ؟؟بأهديها عريس من عندي!!! بنات الخالة نوال:5 لا لا 6..أنا أنا سبقتك!!! أم اسمهان:حليلكم بنات هالزمن كيف مشفوحات على الزواج!!!!! وقام الكل يضحك...... سماح:لاتصدقوني ترى أمزح..!!! اسمهان:خلصت نصايحك ياخالة؟؟؟تراني بحاجتها!لأنها مو مثل نصايح بعض ناس كلها تشمت وتشفي!!!!وتناظر بطرف عينها لأسماء!!!!!! الخالة نوال:والله الحديث يطول يابنتي بس هذا اللي براسي هالحين وقلته... ........وعدت هالزيارة على خير وبعد كم يوم كانت الملكة!!!!!! الجزء الثامن والعشرون بقي يوم على الملكة وبدأت استعدادات اسمهان اللي بدأت أصلاً من أول الأسبوع في تنظيف البشرة وتنعيم الوجه والنتف وحمامات الزيت والحمامات المغربية والوصفات والخلطات والماسكات!!يعني اجتهاد مو طبيعي!وليلة الملكة كانت جالسة مع أخواتها يراجعون آخر الترتيبات بالذات إنه أم اسمهان وأخواتها استغلوا هالأسبوع في اكمال كل شي وزيارة القاعة للاطمئنان على سير الأوضاع.. ابتسام:في شي فاتنا نسأل عنه!! هو العريس بينزف مع اسمهان؟؟؟؟ الأم:لايابنتي..ماله داعي أبد نخلي الرجال يدخل على النسوان! ابتسام:لافي ملكتي ولافي ملكة اسماء طلعوا عرساننا..قلت أسأل يمكن بملكة اسمهان بتخالفون الوضع!!طيب ليش ماينزف عند النسوان؟؟؟ اسماء:لأن اسمهان ماينفع تنزف عند الرجال!!!! ابتسام:لاااا اجابة مقنعة الصراحة!!!!! اسماء:وسؤال غبي بصراحة أكثر!!!!!!! اسمهان:بس ياتوم وجيري!أساساً أنا ماأبيه يطلع انتوا نسيتوا انه نص بنات الثانوية جايين+بنات العيلة وصاحباتي الثانيات بعد؟!يعني الأفضل مايطلع أخاف تسرقه مني عيون العذارى!!!!!! اسماء:ياربي على الجمال اللي مقطع بعضه!!أجل لاتنسين يختي لفي عريس الغفلة ودخليه بظرف وحطيه تحت إبطك لاأحد يشوفه!!!!!! وكالعادة مرت الجلسة بهواش ونقار وطنازة لين ماانفض المجلس برجعة اسماء لبيتها وذهاب الجميع للنوم متمنين لاسمهان نومة سعيدة!!! ولكن هيهات يجي النوم لعيون سمهونة اللي كل تفكيرها صار يدور حول زميلاتها اللي اعتذروا عن الحضور!مما حطم نفسيتها! يوم مهم مثل هذا كانت تتمنى حضور الجميع فيه عشان يشاركونها فرحتها..ولكن ظلت كلماتهم ترن بإذنها(العوض في زواجك ان شاء الله!)إلى أن غلبها النعاس ونامت..... أما اليوم الثاني اللي هو يوم الملكة كان يوم متوترمن أوله..تجهيزللفطور..والأغراض ..لأن الكل كان همهم ياكلون لقمتين على السريع ويروحون للكوافيرة من الظهر! وكان الاتفاق انه اسمهان وأمها واخواتها وسماح يروحون للكوافير يتضبطون وبعدين يرجعون بيتهم يلبسون ويجهزون اغراض القاعة..واسمهان تبقى في الصالون ولما تنتهي يمرون ياخذونها ويتجهون للقاعة وتلبس فستانها هناك بغرفتها بالفندق!! وبالفعل راحت الصالون والكل تزبرق وتهندم ورجع البيت وبقت اسمهان تتضبط وجلست معاها سماح وكانت هذه تسريحتها!!! وأخذوها من الصالون ووصلوا لغرفة الفندق بعد المغرب....ونزلوا يرتبون ضيافة الطاولات ويشرفون على العاملات والدي جي وكل شي من إلى......وبعد العشا بدأوا الضيوف يتوافدون أخوال وخالات العروس وأعمامها وعماتها وبنات العائلة والجيران والأصحاب وبنات المدرسة..الأب ومحمد وأعمام العروسة يستقبلون المعازيم بقاعة الرجال..والأم واخوات اسمهان وخالاتها وسماح يستقبلون الحضور بقاعة النساء..وكانت ليلة حافلة وحلوة من أولها! طبعاً عبير وأمها وأقارب لها حضروا الملكة بدعوة من أم سماح لأنها من جماعة أم عبير.. وفجأة دخلوا أربع بنات قمة في الحلا تسريحات حلوة وماكياج راقي وفساتين ناعمة جداً وكل وحدة أهلها حضروا معاها...أكيد عرفتوهم؟!! صح!!هم شلة الصاعقة!!!! وهذا لبسهم وطبعاً اسمهان ماتدري لأنها صدقتهم يوم اعتذروا عن الحضور! جلسوا شلة الصاعقة على طاولة وحدة..أما أهاليهم توزعوا بالقاعة..ودار الحوار التالي: أفنان:قطيعة!!شوفوا مين قاعد هناك!! التفتوا للجهة اللي أشرت لهم عليها..... مرام:يوووه هذي عبير!!بس مين عزمها؟؟ نجلاء:لاتكون اسمهان حسنت العلاقة معاها وعزمتها؟؟؟!!!!! رانية:لا..لا مو معقول..بس هالأشكال يجون حتى لو ماحد عزمهم!!يعني يقطون روحهم غصب!! أفنان:الله يعدي هالليلة على خير..يظهر انها ورانا ورانا!!!! وشوي وجت أم العريس وخالته جوهرة وكانوا قمة في الذوق والأناقة اش تسريحات واش مكياج ومعاهم أحلام أخت عبدالرحمن اللي وصلت من أمريكا قبل كم يوم وعمات عبدالرحمن وبناتهم وبعض أقاربهم..يعني القاعة كانت متروسة حضورواستقبلوهم الجميع بالغطاريف والمغطرفة اللي جالسة عند الباب ماقصرت صكت أذاني الحضور بصوت الغطاريف..!! وشوي قالت أفنان:ماتصدقون اش كثر أنا مشتاقة أشوف اسمهان!اش رايكم نطلع غرفتها ونفاجأها ونسلم عليها؟!! نجلاء:لايالهبلة..المفاجأة بيكون لها طعم ألذ لما تكون بالصالة وقدام المعازيم! وقاموا الشلة يتلفتون حولهم ويقولون تعليقاتهم السلبية والايجابية في كل ماشاهدت عيونهم !!ومن ضمن الكلام: مرام:ماتلاحظون شي غريب؟؟؟عبير لبسها مرة حشمة!!مغطيها من رقبتها لرجولها لافتحات ولاشي؟؟ أفنان:ماشاء الله مبين على أهلها ناس ملتزمين مثل أهلي!بلاكم ماشفتوا أمي كيف بغت تذبحني على هالفستان اللي أنا لابسته على ذوقكم!!!! نجلاء:أي ملتزمين واللي يرحم والديك؟؟ شوفي أمها على كبر عمرها لكنها لابسة فستان مشخلع ومهوى من كل جهة!! رانية:السالفة ومافيها الرفالة الزايدة!تلاقون ايديها ورجليها معششة غابات من الشعر ومافيها تنتف الأخت!! مرام:كان شالته بالموس على الأقل!! رانية:يمه هذي دلوعة ماتقدر! لو جرحت نفسها بيغمى عليها وتقول يااااااااي دم!! ههههههههههههههه وطلعوا الشلة يرقصون شوي......وسلموا على الطقاقة اللي سبق اتفقوا معاها بالتليفون على اللي بيسوونه وراحت رانية تدفع لها بيزات!!! طبعاً بهذا الوقت كله اللي كانت اسمهان قاعدته بغرفتها كانت المصورة معاها تصورها... وشوي طلعت أمها لها وقالت لها:اسمهان عريسك ينتظرك تحت بنزفك معاه لين مدخل القاعة بس عشان تتصورون بالسينما المباشرة!وعقبها يرجع لقاعة الرجال..وانتي تدخلين وتبدأ زفتك عند الحريم..وبعدماتنتهي جلستك بقاعة الحريم تقعدون بغرفة ويلبسك الشبكة وتصوركم المصورة مع بعض!!!! اسمهان:ان شاء الله...وبدأ قلبها يدق..وإيديها ترجف..وريقها ينشف!!وساعدوها أخواتها بالنزول للقاعة..وكان لها مدخل كبير وبعدين تدخل من بوابة على الحريم.. دخلت هي من المدخل ولقت عبدالرحمن بانتظارها!بس شافها شهق وقال:ياأرض احفظي ماعليكِ!!! أم اسمهان:إحم إحم..شلونك ياولدي؟؟ عبدالرحمن:هلا هلا أم محمد المعذرة ماانتبهت لوجودك!!!! أم اسمهان:اللي مآخذ عقلك يتهنابه!!! ورجع عبدالرحمن اللي كان كأنه متخدرمن منظر اسمهان ومسك يدها وقال:ماشاء الله تبارك الله..كأني بحلم..يحسدك حتى القمر من زود حسنك!!!!!! أم اسمهان قامت تكلم اخواتها اللي متغطيين بصوت هامس وقالت:لااااااا هالولد شكله منتهي!أقول ياعريسنا ترانا ناديناك عشان تتصور بالسينما انت وياها وتقطعون التورتة وعقبها الله يحفظك ارجع لقاعة الرجال لين نناديك تقعد معها .. عبدالرحمن:فهمت فهمت.. ووقف جنبها وحط ايده بيدها والنسوان داخل القاعة يتابعون على الشاشة..... قامت عبير تكلم بنت خالها اللي قاعدة جنبها واسمها مروة... عبير:مالت عليها ماتستاهله!!والله انه كشخة ووسيم!!! مروة:والله حتى هي تهبل ومزيونة حيل! عبير:كسر يكسرها ماتوقعتها بتطلع بكل هالحلا..تصدقين قعدت أدعي ان مكياجها يخرب وشعرها يعتفس!!بس مصيبة!طلعت من تحت إيد كوافيرة شاطرة..ماتقولين إلا أميرة من أميرات القصص الخيالية!!!! وقطع عبدالرحمن واسمهان التورتة وأكلوا قطعتين سوى..ووقفوا يتصورون فوتوغرافي وبعدها راح هو...ووقفت اسمهان قدام باب قاعة النساء وراحوا العاملات الفليبينيات وخلوها تركب بعربية ذهبية مثل عربية سندريلا وفتحوا باب القاعة وانتشر دخان وفقاعات ومن بينها خرجت العربية اللي راكبتها اسمهان وصوت الخيول يملأ القاعة والمؤثرات الصوتية..ووصلت العربية إلى مشارف المسيرة الطويلة ووقفت وجاءوا أولاد محمد أخوها سعيد ووليد وهم لابسين ثيابهم وأشمغتهم ومشالحهم والسيوف مغروسة بأغمادها في أحزمة لابسينها وفتحوا لها باب العربية ونزلت...وطلعت على المسيرة...وبدأت الغطاريف وصوت الطقاقة:ألف الصلاة والسلام عليك ياحبيب الله محمد..ولللللللللللويه(غطاريف!! !!)ومشت اسمهان كم خطوة وجابوا لها عاملتين فليبينيات صندوق كبير بعجلات يسحبونه قدامها وصفقت اسمهان بيدها وطلع دخان من حول الصندوق وانفتح وطلعوا منه بنات أختها ابتسام سارة وهيفاء ولابسين جلابيات كويتية وهامات على شعورهم وقلايد طويلة اكسسوار يشبه الذهب وكفوف وبيدهم مسكة الورد حقت اسمهان وقدموها لها وسحبوا العاملات الصندوق ووقف سعيد ووليد قدام خالتهم وقدامهم البنتين وطقت لهم الطقاقة طق خليجي ورقصوا بالسيوف لمدة ثواني وبعدها بدأت الزفة وصارت اسمهان والأطفال يمشون ببطء بموال: ياالله يارحمـــــان ياذا الجلالِ ياحي ياقــــيوم يـــاذا الكمالِ ياجامع الأحباب حيٍ مع حي شرقن ثم غربن ثم جنوب وشمالي شمالـــــــــــي شمالـــــــــــــــــي ياموفقٍ أحبــــاب بليلة سعيدة يامحققٍ حلمن توده الليـــالي يامزين وجه اسمهانٍ ببسمة ياواهبٍ لها كل الحلا والجمالِ الليلة زانت ياعروس بحضورك ياللي وصوفك صدق فاقت خيالي خيــــــــــــــالي خيــــــــــــــالي وفجأة سكتت الطقاقة!!لأن رانية غمزت لها وطلعت رانية على المنصة ووقفت قدام اسمهان وبيدها الميكرفون وقالت تزف بالسوري: آآآويها وعروستنا حلوة وجزابة آآآويها وقد شو طيوبة وحبابِة آآآويها والليلة كتب اكتـــــــابك آآآويها والله يحميك لشبابــــك للللللللللللللللللللللللللوش واسمهان من هول المفاجأة دمعت عينها وحطت يدها على فمها قامت رانية حضنتها!! وكانت أبلة جوهرة تراقب المنظر وقالت: ياحبهم للبكش بنات الثانوي ماكأني عطيتهم فرصة أسبوعين يهذرون مع بعض من الصبح للظهر!وهالحين مسووين أنفسهم أول مرة يشوفون بعض!!!!!!!!!!!!! وطلعت نجلاء على المسيرة من الجهة الثانية وقالت بالسوري: آآآويها وحصوة بعين الحسود آآآويها وبزكر الله يالساني جود آآآويها وخديها منـــي وصاية آآآويها خليكي خلوئة ومرباية لللللللللللللللللللللللللللللل وش وتفاجأت اسمهان أكثر لأنها ماتوقعت حضورهم وفرحت مرة..... وطلعت مرام وبالسوري قالت: آآآويها واسمهان قمر بالليل عم بيلالي آآآويها والقمر قال راح أؤم وتعي بدالي آآآويها وعقبال كل الصبايا بعدها وعقبالي آآآويها يامين بيرخص لك كل نفيس وغالي لللللللللللللللللللللللللللللل للللللللللللللوش وطلعت أفنان وقالت: آآآويها وربي يديم فرحك وأنسك آآآويها وعئبال مانبارك لك بعرسك آآآويها ولاتاكلي إلا على ضرسك آآآويها ولاتنسي تحصني نفسك! لللللللللللللللللللللللللللللل للللللللللوش وغمزوا للطقاقة وغنت لهم أغنية سورية بالدفوف بس ورقصوا رقصة الدبكة واسمهان وسطهم وقاموا الحضور يصفرون لهم..وبس وقفوا الدبكة...قالت الطقاقة الأغنية التراثية المعروفة: لاإله إلا الله ولا إله إلا الله واسمهــــــــان ماشاء الله ورقصوا البنات خليجي رقصة وحدة لحد ماوصلوا للكوشة...وجلست اسمهان..وسحبت رانية المايك من الطقاقة وقالت: الله يمسيكم بالخير هديتنا لعروستنا بهالليلة هي أبيات من تأليفي وغنائنا جميعاً وان شاء الله تنال رضاكم!!!!!!!!! وبدأت الطقاقة بالطق ورانية تقول: لاتلوم عين اشتكـــــــــت من حسن نورٍ شع منك وجهرها ولاتلوم نفسٍ لاسهـــــــت عن قول ماشاءالله من جمال ٍبهرها نجلاء: كل الغلا يازين صوبك دعاني أكتب قصيدي فيك بأحلى معاني الشلة: يحفظك ربك لناسٍ حيل تغليك مثل الأميرة وعسى ربي يخليك وعادوا وزادوا في الأبيات وبعدها طقت لهم الطقاقة طق يونس وقاموا يرقصون باندماج عجيب والطقاقة تقول:عاشوا عاشوا لابسات الوردي..فوق فوق فوق..ورا..ورا..ورا.إنزل إنزل إنزل إطلع إطلع إطلع....وعاد رانية من الاندماج بغى يطقها الزار..ههههههههه وأم اسمهان تراقب من بعيد وتقول:الله يسعدهم ونسونا.. أما اسماء رفعت حواجبها ومحد عاجبها وطلعت للكوشة وقالت لاسمهان بهمس:بالله تضفين شلة القرنبع اللي مرتزين على المنصة وحاجزينها على حسابهم..ترانا موب ناقصين عاهات!! حِنا جايين نستانس؟؟ولا نصير شماتة قدام ربعنا وأهلنا؟؟؟؟؟؟؟ اسمهان(وبصوت منخفض وهي مبتسمة):خليهم على راحتهم والله محد محلي الملكة إلا هم!!! وانبسطوا الحضور على شلة اسمهان اللي سووا جو غير عادي برقصهم ودجتهم وطقهم للطيران وكانت رقصاتهم أحياناً فيها شي من الكوميديا بالذات رانية خلت اللي مايرقص يرقص,,وطلعوا قريبات اسمهان البنات وكلن يسألها:هذيل ربعك؟؟يهبلون وناسة!! واللي يقول:يابختك فيهم....الخ.... وماقصروا قوموا اسمهان ترقص معاهم أكثر من مرة وونسوها وطلعوا كل أحبابها يسلمون عليها على الكوشة..وبعد شوي أخذوا أهل المعرس اسمهان لغرفتها فوق عشان تجلس مع المعرس ويلبسها الشبكة اللي أساساً خلال الملكة سووا زفة خاصة للشبكة وكانت عبارة عن دولاب كبير قزاز ومشرع بزينة فخمة وفيه الشبكة+شوية ذهب+دٍبل+ساعات +عطورات+تحف+لبان+بخور وغيره وراحت اسمهان لعريسها وقاموا الشلة يلبسون عبيهم وودهم ينطلقون وراها بس اسماء مسكتهم عند الباب وقالت:خير ان شاء الله!على وين العزم؟ رانية:بنروح نشارك اسمهان فرحتها بالشبكة... اسماء:أنا وأنا إختها مارحت معها!!بالله ارجعوا وتفضلوا على قاعة العشاء!! ورجعوا الشلة مكسورين الخاطر واتجهوا لصالة العشا مع الناس..وهم يغرفون أكل بصحونهم من البوفيه مرت عبير وقريبتها مروة من جنبهم وقالت عبير بصوت عالي:أعرفك يامروة هذي شلة الطقاقات المتحدة!أصوات ولاأنشز..ويغنون بلا مقابل مادي لأنه يستحيل في أحد أثول بيدفع لهم قرش على هالخمام!!!!!!!!! رانية:الصراحة مادرينا عن موهبتك المدفونة والا كان جبناك تغنين معنا!! عبير:يكون لكم الشرف! نجلاء:أي شرف؟ياأم شرف؟تقولون عنز مخنوقة؟!!!!!!! عبير:من زينكم وانتم ذكرتوني ببنات جدي أيام الفقر كانوا يشترون طاقة قماش ويفصلونها ويلبسون منها سوى!كأنها ملابسكم هاذي!! رانية:من حلاتك وانتي لافة خيمة من راسك لرجولك ماينشاف اصبعك حتى وقال كاشخة!!!اقضبي لسانك وفارقي قبل ماأحوس وجهك بذا الكيك!!! أفنان:لايارنونة حرام تخربين كشختك عليها!! قامت عبير وشمقت فيهم بذيك النظرة وعطتهم مقفاها وراحت... مرام:بلا يبلاها ملاحقتنا بكل مكان... وجلسوا الشلة على الطاولة يتعشون وعبيروه ماخلتهم بحالهم كل شوي وهي قاطة عليهم كلمة..وتحملوها بس يوم قاموا يغسلون أياديهم لقوها بالحمام تعدل مكياجها! أفنان:خلص العرس يامال العمى!! عبير:واش لك يالملقوفة ؟أحب أظل حلوة لآخر لحظة!! نجلاء:بالله اسكتوا لاأحد يكلمها! عبير:ليش؟فيني جرب ياروح أمك؟؟؟ رانية:إلا فيك من الغثاثة أطنان!حطي لسانك بحلقك واطلعي... عبير:ماني بطالعة مو بحمامكم!! رانية:اسمعي يابنت ..من الأول وحِنا مستحملين تعليقاتك السخيفة وقت العشاء وعادينك مريضة عقلياً..حدك عاد لاأمسكك مع شوشتك وأغط راسك بحوض المغسلة!!!! عبير:عرابجة!! وش يجي منكم غير كذا..وخرجت من الحمام!!!!!! |
|
|
#17 |
|
|
رد: أسمهان وعبدالرحمن قصة أسرية هادفة بكل اجزاءها متتابعة روآية سعودية
دخلت اسمهان الغرفة وجاء عبدالرحمن أخذ كم صورة وأمه وخالته وجوهرة وأخته أحلام وأم اسمهان وأخواتها واقفين معاهم ولبسها الشبكة وباركوا لهم.. أحلام:ألف مبروك ياعروستنا الله يوفقكم ويحفظكم لبعض أبلة جوهرة قربت من اسمهان شوي وقرصتها بإذنها وقالت:مبروك وان شاء الله الجاي أحلى!الله يعينني المدارس عقب أسبوع!!!! عبدالرحمن:وش تقصدين ياخالة؟! جوهرة:هذي شفرة بيني وبين اسمهان وهي أدرى بقصدي!!!!! أم عبدالرحمن:مبروك ياأحلى عروس بالدنيا الله لايضرك ويحفظك لأهلك ولزوجك وعقبال مانشوفك ببيتك ان شاء الله.... أم اسمهان:جزاك الله خير... وخرج الجميع من الغرفة وتركوا المعاريس لحالهم!! (وشفيكم ابتسمتوا ياعضوات؟؟؟أدري هذا اللي تبونه من أول القصة!هههه) ساد الصمت واسمهان رايحة فيها من الخجل وتناظر الأرض!! وعبدالرحمن بياكلها بنظراته!! عبدالرحمن:شلونك؟ اسمهان:بخير عبدالرحمن:بنظل ساكتين على طول؟؟؟ اسمهان:اش أقول؟؟ عبدالرحمن:كلميني عن نفسك.. اسمهان:مايحتاج!كل شي تعرفه عني! عبدالرحمن:بس انتي ماتعرفين شي عني! اسمهان:طيب قول.. عبدالرحمن:بأسألك سؤال يمكن غيري سبقني وسألك اياه؟اش شعورك اليوم؟؟؟ اسمهان(بغرور):عادي مثل شعور أي مواطنة سعودية زفوها لعريس المستقبل!! عبدالرحمن:ههههه لااا تعرفين تعبرين! اسمهان:طيب اوصف لي انت شعورك! عبدالرحمن:أنا مثل اللي احبسوه 30 سنة بسرداب تحت الأرض من غير زاد ولانور ولاهواء وفجأة اطلقوا سراحه!!!!تتوقعين كثر ايش بتكون فرحته؟؟؟ اسمهان:ليه سجين سياسي؟! عبدالرحمن:هههههههه..عسل يااخواني عسل!إلا سجين العزوبية ياسمهونتي! تسمحي لي أناديك بسمهونتي؟؟ اسمهان(بخجل):أكيد! عبدالرحمن:الكل يدري وش كثر كنت مخنوق أيام العزوبية وأحلم بالاستقرار..والحمدلله تحقق حلمي! اسمهان(ببكش!):الصراحة أنا آخر أحلامي الزواج لسه قدامي أكمل الثانوي وبعده الجامعة ويمكن ماجستير بس اش أسوي ؟النصيب! عبدالرحمن:مغصوبة يعني؟!!!!!! اسمهان:لا بس حبيت أفرح أمي وأبوي!!! عبدالرحمن:أقول ياشين التغلي!!ماكأنك رحتي تشرين لبس جديد مخصوص لي يوم الشوفة عشان تلفتين انتباهي!!!!! اسمهان(بكل سذاجة)قالت:يوووووه مين قال لك؟؟؟ عبدالرحمن:ههههههههههه يعني صدقت البنت الصغيرة؟!أظنها بنت وحدة من خواتك!! اسمهان بنفسها حست بفشلة وقالت يابنت بلاها تمثيل!! وجلس عبدالرحمن يتأمل شكل اسمهان بصمت وقال:تصدقين؟كنت زمان أقول أروع عروس قد شفتها بحياتي أختي أحلام..بس انتي اليوم خليتيني أغير رأيي!!كل شي فيكي حلوومبهر.. اسمهان:شكراً هذا من ذوقك! عبدالرحمن:طيب وأنا اش رايك فيني؟؟؟ اسمهان:من أي ناحية؟؟ عبدالرحمن:بمظهري! اسمهان:ثوب وبشت وشماغ..مثلك مثل أبوي! عبدالرحمن:أفااااااا..يعني.... إلا قطع حديثهم صوت الباب وقامت اسمهان تفتح باب الجناح اللي جالسين فيه ولقت أخوها محمد وجايب لهم عشاء عروسين فاخر..وعاد اسمهان قام بطنها يقرقر بس مستحية تاكل ونظرات العريس مسلطة عليها!! وجلس محمد معاهم شوي يسولف.. محمد:هاه..ياعريسنا..اش رايك بالعروس؟؟؟ عبدالرحمن:بدر ليلة تمامه ماشاء الله تبارك الله! محمد(وقام يغلس على اسمهان بمزحه الثقيل!):لايغرك!ترى لو غسلت وجهها مابتعرفها!بلاك ماتدري عن هذول النسوان تروح الوحدة الصالون وتعطي الكوافيرة كل فلس بجيبها وتقول لاأوصيك كل علب البوية اللي عندك كبيها على وجهي!!والكوافيرات مايقصرون!تصدق؟قبل شوي قابلت زوجتي ماعرفتها!!! عبدالرحمن:هههههه..حرام عليك والله الحلو حلو ولو قام من النوم! اسمهان(بغيظ):مقبولة منك ياأبوسعيد!! محمد:وعاد الله يعينك ياعبدالرحمن على هالسمهونة !يوم الزواج بأعطيك فاتورة وانت ماخذ اسمهان مكتوب فيها البضاعة المباعة لاترد ولاتستبدل!! عبدالرحمن:هههههههه..ياشيخ اتقي الله والله انت ظالم هالقمر بكلامك! محمد:أي ظالم؟هذي ملسونة ياولد الناس..تراك كسبت فينا جميل يوم خذيتها! بلاويها بتنتقل من عندنا لك!وعليك بالعافية! اسمهان(بعصبية):جاي تبارك؟ولا تتشمت؟ محمد:لا جاي أستفزك عشان يشوفك عبدالرحمن وانتي مكشرة عن أنيابك!ويحرِّم بيوم من الأيام يزعلك!! واستأذن محمد من العرسان وتركهم يتعشون وخرج وشوي ودق الباب إلا هو أبواسمهان وأمها ومعاهم بنات ابتسام(سارة وهيفاء)... الأب:مبروك..مبروك..ماشاء الله وش هالزين كله؟؟الله يوفقك ويحفظك يابنتي.. الأم:عاد أبوك جاي مخصوص هو وبنات ابتسام عشان يتصورون معاك... اسمهان:هلا فيك... ووقفوا جنب بعض والأم تصورهم بكاميرا الفيديو..وجلسوا يسولفون.. وقال عبدالرحمن:يازينهم هالبنيات!انتوا اللي شفتكم بيوم الشوفة؟؟ سارة:إيوه إنت اللي شفناك اليوم اللي طاحت فيه خالة اسمهان..!! عبدالرحمن:ههههههه وناظرت فيه اسمهان بنظرات حاقدة خلته يسكت! هيفاء:شوفوا خالة اسمهان كيف تشمق..تحسب نفسها حلوة!!!!!!!!! أما الأب قام يتنحنح وقال:تعشوا ليه مخليين عشاكم؟ الأم:طيب خلنا نعطيهم فرصة يتعشون ونطلع إحنا.. وخرج الجميع من الغرفة وبقي العروسين..وكانت اسمهان ودها تنط بالصحون من الجوع!بس الحيا مانعها تحط لقمة بحلقها قدام خطيبها!! عبدالرحمن:يلا..مدي يدك وقولي بسم الله... اسمهان:لااااا..كل إنت أنا مالي نفس! عبدالرحمن:وليش مالك نفس؟..الأكل شكله لذيذ وريحته تشهي.. اسمهان:صحيح..بس أنا متعودة على الأكل الخفيف..وماأحب آكل بالليل.. عبدالرحمن:طيب لو أكلتك أنا بيدي مابتنفتح نفسك؟؟ اسمهان:لا...لأني فعلاً حاسة بشبع... عبدالرحمن:براحتك..بس الصراحة أنا ميت من الجوع وقام ياكل.. واسمهان تتابعه ولعابها يسيل بس تكابر!!وبنفسها تدعي إن الأكل مايخلص!! وقام عبدالرحمن يحكي له قصصه القديمة وطفولته ودراسته وحياته وهي تسمع والجوع ذابحها!ومر الوقت....وأخيراً دق الجوال..أجرى عبدالرحمن مكالمته وقفل السماعة وقال:هذي الوالدة..الوقت تأخر ولازم أوصلها هي وخالتي جوهرة البيت! اسمهان:وأحلام؟وينها؟ عبدالرحمن:أحلام سبقتهم على البيت مع زوجها وعيالها وراح عبدالرحمن دورة المياه اللي بنفس الجناح يغسل يدينه..وماصدقت اسمهان انه يروح وانقضَّت على الصحون تاكل بسرعة قبل مايرجع عبدالرحمن ويشوفها! لكن المفاجأة انه عبدالرحمن غسل يدينه ورجع بهدوء ومن غير ماتحس وقف وراها وظل يراقبها وأختنا في الله منهمكة تحشي فمها وتجهز اللقمة اللي وراها! عبدالرحمن(وبداخله ضحكة!):على هونك على هونك لاتشرقين يابنت الناس!!ماوراك َطرَّادة!! اسمهان بخرعة:بسم الله!انت من متى ورايا؟؟(وفمها مليان واللقمة تتطاير منه!!) عبدالرحمن:من اللحظة اللي أعلنتي فيها الهجوم على محتويات الصحون!!ههههه..كلي كلي بالعافية! وشوي واسمهان من خرعتها إلا شرقت بذيك اللقمة وصارت مختنقة وتكح وصار عبدالرحمن مو عارف اش يسوي وقام يخبطها بأقوى ماعنده على ظهرها!! ومحمد وأمه كانوا يطقون الباب وماسمعوهم العروسين اللي كانوا مشغولين بزحلقة اللقمة المحشورة بحلق اسمهان! محمد:يمه أنا قامت تراودني الشكوك! الأم:توكل على الله وافتح عليهم الباب! وماكذب محمد خبر وفتح الباب ولقى اسمهان واقفة ووراها عبدالرحمن اللي جالس يخبطها بقوته على ظهرها والبنت وجهها أحمر وعيونها تدمع!! محمد(بعصبية):هييييه إنت! وشفيك تضرب أختي؟؟مامداك تشوف خيرها من شرها ..وقمت تمد إيدك عليها؟؟؟؟ الأم:يمه بنتي وش سويت فيها؟؟؟ عبدالرحمن:البنت مختنقة حرام عليكم..قاعد أساعدها! إلا الأم مسكت البنت من وراها ولفت ايدها حول خصر اسمهان وضغطت عليها للأمام وتفلت اسمهان اللقمة ورجعت الحياة لوجهها!! عبدالرحمن:واااويلي ويلاه..آثاري حالتك صعبة لاصرتي جوعانة!!! الأم:بسم الله عليك يابنتي..ياشين طفاقتك دايم أوصيك كِلِش ولاالعجلة بس ماتسمعين! محمد:لاإله إلا الله..أحد قايل لك إن الأكل بينقرض من الأسواق؟!! عبدالرحمن:ياجماعة الخير قولوا لها الحمدلله على سلامتك..أزمة وعدَّت!! الأم:ياولدي ترانا طلعنا نقول لك إن أمك وخالتك بانتظارك في مدخل الفندق..وجينا نلم أغراض اسمهان عشان نسري! عبدالرحمن:يعني طردة؟؟؟ محمد:ياشيخ لاتستعجل بكرة بتزهق منا وبنزهق منك! ودخلت الأم الغرفة اللي بالجناح تجمع أغراض اسمهان وأغراضهم الثانية اللي جابوها معاهم وتعطيها محمد اللي كان قاعد ينزلها... واستغل العريس الموقف وقام يودعها بطريقته الخاصة!!!!!!!!!!!!!!!!!! ثم قال:اسمهان أبيك تعطيني رقم جوالك! اسمهان:بس أنا ماعندي جوال! عبدالرحمن:معقوووووله؟؟في بنت بهالزمن ماعندها جوال؟؟؟ اسمهان:إيه..أنا! عبدالرحمن:أجل شلون نتواصل؟؟ اسمهان:على تليفون البيت الثابت! عبدالرحمن:صعبة!كذا ماراح يكون في خصوصية وبتكلميني والعيلة كلها جنبك! اسمهان:اش أسوي أجل؟؟ عبدالرحمن:ولايهمك بأحلها بطريقتي..... ........وتوادعوا وراح عبدالرحمن وطلعوا اخوات اسمهان وساعدوها في تبديل فستانها ولم الأغراض ورجعوا بيتهم...... وأما عبدالرحمن طول ماهم في السيارة هو وأمه وخالته وهم يتبادلون أخبار الملكة.....واش صار ودار.. وكملوا السوالف بالبيت..ورجعت خالته جوهرة معاهم.. وأما اخوان عبدالرحمن خرجوا من الملكة بدري عقب عشا الرجال مباشرة وواحد سافرلأشغاله..والثاني رجع نام...... ودخل عبدالرحمن يبدل هدومه..... أبلة جوهرة:أما أهل العروس ماشاء الله ماقصروا كل شي فخم وراقي سووه بملكتهم..من جميع النواحي من القاعة للضيافة لكل الترتيبات... أحلام:أنا استانست مرة..والله زمان عن أعراس السعودية..كل شي بالملكة كان يهبل وخصوصاً العروس!ماتوقعت ذوقكم بيطلع حلو لهاالدرجة!! أم عبدالرحمن:الله يخليهم لبعض..العروس الله يحميها طلع لها طلعة بالفستان والتسريحة والمكياج.. جوهرة:فعلاً..ماتخيلتها أبداً بتكون بذا الحلا كله.. أم عبدالرحمن:أما أنا ياجماعة خقيت عند لابسات الوردي!!!اسمهان حلوة وقرايبها حلوين مثلها! جوهرة:ومين قال لك إن لابسات الوردي قرايبها؟؟هذول صاحباتها بالمدرسة! أم عبدالرحمن:ياحليلاتهم..شكلهم يحبونها مرة..مطقمات ملابسهم مثلها..وغنوا لها ورقصوا لها..ماقصروا أحلام:فعلاً سووا أجواء غير عادية بالقاعة حتى الطيران خذوها وطقوا فيها..ونسونا الصراحة... إلا عبدالرحمن جاء وقعد معاهم...... جوهرة:مبروك ياعريس..إلا اش أخبار العروس؟ عبدالرحمن:اسكتوا مادريتوا اش صار! بغت تفطس علي وتروح بغمضة عين! أم عبدالرحمن:ليش؟واش سويت فيها ياالمهبول؟ عبدالرحمن:أنا برررررررريء!ماسويت شي!بس يظهرإن الجوع ألح عليها إنها تسكته بأي وسيلة!وماقصرت شرقت شرقة قوية!!!!وأهلها دخلوا علي وحسبوني أطق بنتهم! أم عبدالرحمن:ياحليلك ماقد قابلتها إلا مرتين وبكل مرة تواجهك معها مواقف!هالحين شرقة وأمس طيحة هههه! أحلام:وش سالفة الطيحة هذي بعد؟علموني! وقعدوا يتكلمون طول الليل ويضحكون على المواقف وعلى مواقف ثانية حصلت لكل واحد منهم بالماضي... طبعاً يوم الملكة كان مُرهق للعروسة وأهلها اللي ماصدقوا يوصلون البيت ويحطون رووسهم وينامون.. وطبعاً أبواسمهان كان عازم كل الأقارب اللي حضروا ملكة اسمهان اليوم الثاني يعني أخوالها وأعمامها وزوجاتهم وعيالهم.....والجدات.. وثاني يوم صحيت اسمهان بعد الظهر..ونزلت تحت بالصالة وكانوا أهلها مجتمعين أمها وأبوها وأختها ابتسام... أبواسمهان:أهلاً وسهلاً بالأميرة النائمة! اسمهان:أدري مصختها بالنومة بس لاتلوموني من التعب اللي فيني.. أم اسمهان:من التعب اللي فيك؟والا من الطق اللي خذيتيه البارح؟؟؟؟ الجميع:هههههههههههههه اسمهان:ماشاء الله علمتيهم يمه؟!! ابتسام:و دي حاجة تستخبى يختي؟! البارح قلت سالفتك لزوجي وقعدنا طول الليل نضحك! اسمهان:ماشاء الله صرت سالفة الموسم! أبو اسمهان:مايخالف يابنتي!أهم شي صار عندك مناعة من الطق..احتياطاً لو طقك عقب العرس!! الجميع:ههههههههههه وقام الأب يجلس بالمجلس مع زوج ابتسام...الا التلفون يرن راحت اسمهان ترد وطلعت المتصلة رانية.. رانية:السلام عليكم.. اسمهان:وعليكم السلام..ياهلا رانية:لللللللوش(تغطرف على السماعة!) هلا وغلا بأحلى عروس شلونك يابنت؟؟ اسمهان:الحمدلله...تمام وقبل ماتقولين لي أي شي حابة أشكركم من كل قلبي انتي والشلة..الناس سابت العرس وصرتوا انتوا محور الحديث!ولسه اليوم عندنا عشا بالليل أكيد الكل بيسألني عنكم مثل أمس!!يعني ماتفكونها هالمقالب.. رانية:الحمدلله,,أهم شي إنك انبسطتي واستانستي. اسمهان:بس أموت وأعرف ليش لبستوا وردي؟وش دراكم إني بألبس هااللون؟؟ رانية:الحاسة السادسة! اسمهان:ماظنتي! قد ماقلَّبت السالفة براسي مو راضية تجي معي! رانية:وأنا بعد عندي سؤال حاشرني بحلقي من أمس وودي أسألك إياه!ياترى عبير ليش عزمتيها؟ اسمهان:أعوذبالله ومين قال إني عزمتها؟أخوي محمد عزمهم بصفتهم جيرانه ومن جماعة أم زوجته وقريباً الله لايقدِّر بتسير عروسة ولدهم تركي!!!!! رانية:وعععع..وزوجة أخوك مالقت غير عبيروه تخطبها حق أخوها؟ اسمهان:هذا نفس سؤالي لها..بس عاجبتهم..الناس أذواق! رانية:وتدرين بهالسالفة من زمان؟ اسمهان:تقريباً من كم أسبوع! رانية:غريبة ماعلمتينا؟ اسمهان:لأني دارية انكم بتتشمتون فيني..وتظنوني بأبدأ أغير نظرتي لها عقب ماتسير زوجة أخو زوجة أخوي! رانية:وش دعوى سمهونتي؟انتي مالك علاقة..وموب انتي اللي خطبتيها..الله ياهي رفعت ضغطنا أمس بسخافتها وتعليقاتها اللي مالها داعي...بس الله لايبلانا! اسمهان:ماعلينا من سوالفها..أهم شي انتم اش رايكم بليلة أمس من جميع النواحي؟ رانية:ماشاء الله تهبل ومن غير مجاملة من أحلى المناسبات اللي حضرتها حتى أمي استانست..ليلة مرتبة ومنظمة وراقية بكل شي..صراحة ماطلعنا منها إلا وحِنا راضيين وماودنا تنتهي..بس انتي هاتي أخبار المعرس واش صار معكم؟!!!! اسمهان جلست تحكي بالتفصيل وبصوت منخفض وش صار معاها ورانية بس تضحك... رانية:صدق إنك مفجوعة وموب وجه نعمة!أجل تحشين كرشك والرجال بعده ماطلع؟!هههههههه وافشيلتاه!والله لو إنك رحتي فيها كان نزل الخبر بالجرايد (عروس تختنق بلقمة في ليلة عقد قرانها بعد محاولات فشل في انقاذها)!!!ههههههههههه الله يقطع سوالفك يااسمهان! اسمهان:يلا عاد عن هرجك الماصخ على طاري الأكل بطني قام يصوصو!ترى بعدي ماذقت شي من عشا البارح!وعن إذنك بأروح آآكل.. رانية:روحي بالعافية..بس انتبهي تشرقين..ترى عبدالرحمن بن سوبرمان هالمرة موب جنبك!!!!هههه اسمهان:مع السلامة رانية:مع السلامة... **الجزء التاسع والعشرون** نستكمل الأحداث السابقة اللي كانت ثاني يوم الملكة توالت الاتصالات على اسمهان من الشلة بالأول رانية وعقبها نجلاء وبعدين مرام ويليها أفنان والكل كان مبهور بجمال الملكة ويثني على اسمهان وأهلها إلا أسماء..... نجلاء:تصدقين ياسوسو؟؟أهلك كلهم عسل بالذات أختك ابتسام وزوجة أخوك..أما أسماء عالم آخر من النكد والعصبية!!يمكن ليش إنها حامل! اسمهان:إلا وانتي الصادقة المثل يقول:زيح جبل..ولاتزيح طبع!!!!! نجلاء:فاتك ياسوسو نظرات أبلة جوهرة لنا يوم ملكتك وتعليقاتها..ياحليلها شكلها خفيفة دم بالواقع مو مثل شخصيتها الجدية بالمدرسة!!!!!!! اسمهان:ليش؟وش قالت لكم؟ نجلاء:قالت آثاريكم من زمان يبي لكم عرس تطلعون طاقتكم فيه؟!!!!!!!! بدال ماتطلعونها على غير سنع بالمدرسة!!!!!!! ومسكت رانية من إذنها وقالت:أخيراً صار شكلك أنثى؟؟عساه دايم! اسمهان:هههههههههه...حتى أنا مسكتني من إذني وقالت الله يعينني المدارس عقب أسبوع!!! نجلاء:الجاي أحلى إن شاء الله..مادام وحدة فينا انخطبت..فإن شاء الله تعقل وتنتقل العدوى بين البقية!!! اسمهان:وش دعوى؟الزين عندنا والشين حوالينا!على الأقل حِنا مانغلط على أحد إلا إذا غلط علينا..مو مثل شلة المنشار اللي كانت معانا العام وكل يوم والثاني مسويين فضايح وكل فضيحة وفضيحة أكبر من اللي قبلها!!! نجلاء:الحمدلله ربنا فكنا منهم وكل وحدة نقلت بمكان..بس كنت أموت وأعرف ليش مسميين نفسهم شلة المنشار؟؟أبائهم نجَّارين؟؟؟؟ اسمهان:هاهاها..لا مآخذين الحرف الأول من اسم كل وحدة فيهم..منشار م:مها,,,,,,,ن:ندى......ش:شهد,, ,,ا:أريام.....ر:رشا!!! نجلاء:الحمدلله على نعمة العقل!!! اسمهان:يعني من زين اسمنا هالحين؟ بدل مانختار لأنفسنا اسم رومانسي وهقتنا رانية بإسم الصاعقة اللي يفشل!!مابقي إلا نلبس ربطات سوداء ونعلق جماجم!!! نجلاء:هههه..ياحليلك ياسوسو..بغض النظر عن الاسم جمعتنا ذكريات حلوة مع بعض.. ويكفي إن اسمنا يهز!! ودخلوا الصديقتين من سالفة لسالفة ووصلوا لعبير.. نجلاء:أما عبير هذي عبيطة بشكل !فاتك يااسمهان يوم رحتي لخطيبك طلعت هي ترقص..والله لايوريك من رقص مابقى أحد بالقاعة إلا وتفقع من الضحك!تصنع ومياعة مو طبيعية..أما ذاك اليوم ماكانت هالبنت صاحية سوت شغلات غريبة!لكني قلت بنفسي يابختها شكلها جمعت حسنات كثر جبال!!!!! اسمهان:وانتي اش دراك؟؟؟ نجلاء:لإنه مابقى أحد ماتكلم فيها..أكيد أخذت حسناتهم وقطت عليهم سيئاتها!!!! وطال الهرج إلى أن جاها تلفون ثاني من أفنان ومرام.. ولما اقترب المغرب قامت اسمهان تتكشخ استعداداً لحضور أقاربها(أهل الأم وأهل الأب)لعزيمة العشاء والمباركة لاسمهان... و حضروا الضيوف عقب المغرب والكل كان مبسوط ويمدح العروس والملكة...والأسئلة انهالت على اسمهان من كل حدب وصوب.. ومن ضمن الحضور كانت هناك شريفة عمة اسمهان تتذكرونها؟؟اللي كانت تبي اسمهان لولدها فيصل!!!ومقهورة إنه محد شاورها وتبي تطلع أي عيب بعريس اسمهان وأهله! العمة شريفة:ماأحد كسر خاطري بالملكة إلا أهل المعرس يحزنون!!شكلهم ماعندهم أهل ولاعزوة!كلهم كم نفر بس! أم اسمهان:الملكة ملكتنا حِنا ياأهل العروس ومعازيمنا كثير وهم ضيوف فيها ومو معقول بيعزمون كل قرايبهم طبيعي إن عددهم محدود..وبالزواج بتشوفين الزحمة شلون بتكون!وماشاء الله هم كانوا 22 حرمة و18 رجِّال يعني نعمة..ماهم بذيك القلة اللي تقولين عنها! العمة شريفة:مدري مابلعت أم المعرس!حسيتها متكبرة!الله يعينك عليها يااسمهان! اسمهان:بالعكس جداً ذوق...وحالها بشانها! العمة شريفة:هذا لأنك ماجربتي خيرها من شرها يا الفطينة!! أسماء(بعصبية):يعني اللي بتاخذ واحد من أولادك هي اللي بتعيش في جنة؟!!!!!! فهم الجميع قصد اسماء وقاموا يضحكون..وانحرجت العمة وسكتت!!!! وقاموا بنات العائلة يتكلمون مع اسمهان ويسألونها عن العريس وعن صاحباتها ...و..و..الخ شوي إلا قام عبدالرحمن يتصل بجوال أبو اسمهان لكنه مارد عليه لأنه منشغل بضيوفه!! رجع عبدالرحمن واتصل على محمد...أخو اسمهان محمد:هلا.. عبدالرحمن:ياهلا فيك..معاك عبدالرحمن. محمد(بكل ترحيب):أهليــــــــن بأبو نسب!شلونك عقب أمس ياشيخ؟؟ماجاك كوابيس من منظر اسمهان المرعب؟!!! عبدالرحمن:استغفر ربك..أحلى نومة بحياتي نمتها البارح..وأنا مرتاح..وشلون عروستي؟؟؟ محمد:زينة...اللهم ظهرها يوجعها شوي! عبدالرحمن:سلامات؟؟ محمد: ماتنلام!!الضعيفة جاها طق موب طبيعي أمس! عبدالرحمن:هههههههه..الله يقطع ابليسك..وش تبيني أسوي؟كنت تبيني أخليها تروح من بين إيديني؟؟ محمد:عاد لو راحت من بين إيدينك كنت بتمتحنَّا وتنشب بحلوقنا وتقول:ردوا لي مهري وشبكتي..صح؟!!! عبدالرحمن:ههههه...الله يوسع صدرك يامحمد مافي سالفة تاخذها جد؟؟المهم العروس بالبيت؟؟ محمد:إيه..ليش؟؟ عبدالرحمن:بعد إذنكم ..أنا قريب من البيت وكنت بأمر ثواني أعطي اسمهان شي..!!بس أبوك مارد على اتصالي.. محمد:مو الله يسلمك عندنا عشاء عائلي الليلة..تفضل! عبدالرحمن:زاد الله فضلك..بس أنا مستعجل قلت أمر على السريع وأسلم على اسمهان وأعطيها غرض وأمشي.... محمد:ياحليلك..على طول من ثاني يوم رحت تجيب لها شي؟؟؟باقي قدامك سنة! يعني لاحق على الفَلَسْ!!!مابيجي الزواج إلا وإنت تشحت على أبواب المساجد!! عبدالرحمن:ههههه..أنا راضي مو خسارة في سمهونتي!المهم مابأطول عليك عطها خبر وخلها تقابلني بالحوش ماودي أدخل على أبوك وأحرجه قدام ضيوفه!!!! محمد:إذن تعال من الباب الخلفي ولاتدق جرس أنا بأنتظرك وأفتح لك الباب... عبدالرحمن:ان شاء الله..وهذا أنا قريب منكم... وراح محمد ينادي اسمهان وقال لها اطلعي لي بالحوش الخلفي..خرجت اسمهان لحديقة الحوش وكان عبدالرحمن قد وصل وجلس على كرسي بحديقة البيت بس اسمهان مو منتبهة ومحمد يبي يفاجأها وليته مافاجأها!!!!(كالعادة فشااااااااااايل!!!) شافت اسمهان محمد ووقفت قدامه وعبدالرحمن كان وراها قاعد على الكرسي تحت الشجرة وهي ماتدري!!! اسمهان:خير يامحمد؟وش بغيت؟ محمد:أبد..عبدالرحمن يبي يزورك الحين..قلت أشوف رايك؟نستقبله والا أزحلقه لك؟؟؟؟ اسمهان:تتكلم بجد؟؟؟؟؟ محمد:إيييييييه ماأمزح! قامت اسمهان تنط وتقول:هيييه هييييه دحومي بيجي عندي..ياحظي ومنهو قدي..(وتنط أختنا في الله موب دارية مين وراها)!!! ارتبك محمد من خبال أخته وقال:يعني بتستقبلينه؟؟ اسمهان:مايبي لها كلام أكيد إيه!فرصة مادامي كاشخة! لأني بكرة ودي أزيت شعري بعد ماخربته الكوافيرة أمس بالإسبريه!!!! ساعتها عبدالرحمن ماقدر يتمالك نفسه من الضحك وقال:ههههههههه..ياشيخة انتي حلوة بزيت أو بزبدة! اسمهان(بخرعة):عبدالرحمن؟؟؟؟؟؟ عبدالرحمن:بشحمي ولحمي!وجيت أسلم عليك وأتطمن على أخبارك... محمد:بأعطيكم فرصة تقعدون مع بعض لمدة 5 دقائق وعقبها سأضطرلتوديعك..لأن أبوي لو درى بيغسل شراعي!!!! عبدالرحمن:هههه..إبشر.. وراح محمد..وسلم عبدالرحمن على خطيبته..وقال لها: مو معقول مايكون بيننا تواصل طول هالمدة عشان كذا جيت أشوفك اليوم وجايب معي هدية تتذكريني فيها وأتمنى تعجبك! اسمهان:الله يعطيك العافية..بس ماله داعي أبداً هالكلفة تعبت نفسك! عبدالرحمن:خلاص!مادام ماتبينها هاتيها أعطيها أختي أحلام!!! اسمهان سحبت الكيس من عبدالرحمن بقوة وقالت:اشفيك انت الله يهديك؟على طول صدقتني!أبيها! عبدالرحمن:خلاص لاتفكينها إلا إن رحت...ومابأقدر أجلس معك أكثر من كذا عشان ماأسبب لك إحراج.. وودعها.....وظلت نظرتها تتبعه لين ماخرج من الباب..ودخلت اسمهان البيت وراحت تركض على غرفتها فوق..وفتحت الكيس..لقيت جوال والشريحة بداخله في علبة أنيقة جداً ومعاها كرت كبير فتحته لقيت فيه صورة حلوة لعبدالرحمن وبالصفحة المقابلة كاتب هالكلمات: إذا يهمِك أمري..اتصلي على هالرقم(0؟؟؟؟؟؟؟؟؟؟050) من فرحة اسمهان بالهدية مسكت الجوال واتصلت على طول..... عبدالرحمن:ياهلا وغلا..... اسمهان:ياهلا فيك....ومشكور حيـــــل على الهدية الحلوة.. عبدالرحمن:اتصلتي بسرعة غير متوقعة!!كل هذا شوق؟؟؟ انحرجت اسمهان وحست نفسها خفيــــــــفة وقامت ترقع الموضوع وقالت:لا...بس بغيت أجرب الجوال!!! عبدالرحمن:هههههه...فديت الثقيل اللي كان يطامر قبل شوي بالحوش..من فرحته بزيارتي!! اسمهان(وصل فيها الاحراج للقمة وماعرفت اش تقول):كيف الوالدة وأختك أحلام؟ عبدالرحمن:بخير..ماعليهم..انتي قولي لي اش رايك بصورتي؟؟؟؟؟ اسمهان(ببكش!):عادية...مش بطالة! عبدالرحمن:شفتك البارح ماحبيتي الثوب والبشت والشماغ...قلت خلك تشوفيني سبوربالبنطلون والتي شيرت!! اسمهان(تبي تثقل شوي):امممم...طيب..هل عندك كلام ثاني؟؟لأني مشغولة بالضيوف!!! عبدالرحمن:لا. . .ماأبي أعطلك عن ضيوفك.. في أمان الله... اسمهان:في أمان الله.... وقفلت اسمهان الخط ومسكت الجوال وحضنته بلهفة مو مصدقة انه صار عندها هاتف خاص فيها!!!! أما عبدالرحمن قعد يفكر بعد ماانتهت المكالمة!اشفيها هاالبنية ماتتجاوب معي بشكل كبير حيا ولا جفا؟؟؟؟؟مع انه الواقع يقول انها ببعض تصرفاتها خفيفة شوي!!بس يلا الثقل صنعة!!!! واسمهان من فرحتها راحت تتصل من جوالها على تلفون رانية الثابت؟.... رانية:مرحبا.... اسمهان:مراحب..رنون شلونك؟؟؟ رانية:طيبة..بس خير وش عندك؟؟قبل كم ساعة كنا نكلم بعض!هل استجد شي؟؟ اسمهان:إيه..باركي لي! رانية:مبررررروك بتتزوجين بكرة؟؟ اسمهان:يادمك!! أملك أمس وأتزوج بكرة؟لا ياعيوني الدنيا لسه بخير!! رانية:أجل أبارك على وشهو؟؟ اسمهان:صار عندي جوال!!!!!!! رانية:مسرع!!! مو كنتي أمس حافية ومنتفة وماعندك غير تلفون العيلة الثابت؟!من وين جاك جوال؟؟؟ اسمهان:مايبي لها سؤال ياذكية!خطيبي أهداني اياه اليوم! رانية:ماشاء الله ماعنده وقت!على طول زارك اليوم؟؟صدق إنه خفيف وطاح باللي أخف منه!! اسمهان:مالت عليك!بدل ماتباركين لي تتريقين علي..... رانية:مبروووووك...هاتي رقمك أخزنه بجوالي! وعاد رانية عندها جوال شاريه أبوها من السنة الماضية هدية لها!! وشوي وافتقدوا الكل اسمهان وقاموا ينادونها وراحت لهم.... رجعت اسمهان لضيوف العزيمة ولاقالت لأحد نهائياً بزيارة عبدالرحمن وهديته...ومحمد كذلك ماقال لأحد شيء..... وبعد ماراحوا الضيوف جلست أسماء وابتسام وأمهم وسماح يسولفون عن أحداث الملكة اللي صارت الليلة السابقة وكانت يوم الأربعاء... اسماء:أما صاحباتك يااسمهان مسخرة!!رفعوا ضغطي برجتهم..ماتقولين إلا المناسبة مناسبتهم! سماح:بالعكس أحلى شي بالملكة كان وجودهم فاجأونا بحركة الزفة والفرفشة اللي سووها طول الملكة....بس لي عتب عليك يااسمهان خليتي الغُرب يلبسون مثلك ويطقمون معك؟؟لو قلتي لنا أنا وابتسام وأسماء نطقم معك كان طلع أحلى!!! اسمهان:أنا ماقلت لأحد شيء الأمر كان مصادفة! أسماء:الله أكبر على البكش! سماح:إلا تعالي يااسمهان..أمس محمد قال لي سالفة قعدت أضحك منها طول الليل!بس محمد أخوك مزحه واجد ومرات ماأصدقه!صحيح إن العريس طقك أمس؟؟؟؟؟ههههههه ابتسام:إيه صحيح...تصدقون؟؟هههههه سماح:الله ياخذ ابليسه!وليش ياحافظ؟يتدرب عليك قبل العرس؟؟هههههههههه أسماء:علمتني أمي بالسالفة...إلا من زود الطفاقة بوجه الفقر هذي ماانتظرت تملأ بطنها إلا بوجوده وتستاهل خذت على راسها!! اسمهان:أقول تصبحون على خير..ماعندكم سالفة ياحبكم للتطمش والتمسخر..مافي سالفة بالملكة كلها إلا سالفة شرقتي؟؟! وطلعت اسمهان..مو من زود النوم إلا عشان تجرب الجوال الجديد..وأعطت عبدالرحمن رنة واتصل على طول..وقضوا الليل بسواليف وماحست اسمهان بالوقت وكانت اسماء وسماح قد رجعوا بيوتهم وابتسام راحت تنام والأب طالع غرفته ينام إلا طالع بغرفة اسمهان لقى الباب مصكوك والزجاج المعشق اللي عليه يوضح إنه في نور بالغرفة!واقترب من الباب وسمع صوت ضحك اسمهان..وفتح الباب عليها إلا أختنا في الله مبطوحة على السرير على بطنها وتلعب بشعرها الطويل وتسولف بالجوال وتضحك!!! صاح أبوها بصوت عالي:بنـــــــت!مين تكلمين؟ اسمهان من خرعتها قفلت الخط وقامت وقالت:أكلم خطيبي!! أبواسمهان:ومن وين لك جوال؟؟ اسمهان:عبدالرحمن أهداني إياه! أبواسمهان:متى؟؟ اسمهان:اليوم! أبواسمهان:ايشششششش؟!شلون اليوم وأنا وين كنت؟؟ اسمهان:إنت كنت مع ضيوفك بالمجلس وهو اتصل عليك بس إنت مارديت.. أبواسمهان:ويعني مارديت..يجي بيتي غصب عني؟؟؟؟وإش دراك انه بيجي؟وكيف؟ ووين؟تستغفلوني حضرتكم؟؟ اسمهان:صدقني يبه ماكنت أدري عن شيء..محمد هو اللي ناداني وقال لي إن عبدالرحمن اتصل فيه ويبيني دقايق بالحوش..سلم علي وعطاني الجوال وراح!! أبواسمهان(بعصبية):خوش تربية والله..بدل ماتقولين له..ماأقدر أسوي شي إلا بعلم أبوي؟وأخوك محمد هذا حسابه عندي بعدين! إلا أم اسمهان سمعت الهواش وكانت طالعة تنام وجت ركض لغرفة اسمهان.. الأم:خير؟؟وشفيكم تتهاوشون بنص الليل؟؟ أبو اسمهان:تعالي شوفي يامدام بنتك المصون تستقبل عريس الغفلة ببيتي ومن وراي وأنا آخر من يعلم!!! الأم:أعوذ بالله! مين قال؟؟ أبواسمهان:لاتقولين..إنك حتى انتي ماتدرين؟؟ الأم:إيه وربي ماأدري!متى وكيف؟ وبعدين جوال مين هذا اللي بيدك يابنت؟؟ أبواسمهان:كملت!يعني من ورا ظهورنا طبختيها انتي ومحمد؟؟مايخالف حسابه عندي بعدين هاالمحمد!وخطيبك لو اتصل فيك مرة ثانية قولي له أبوي زعلان عليك!!! وخرج الأب من الغرفة وهو زعلان. .....الأم:الله يهديك يابنتي..لازم تجيبين لنا الكلام؟ترى أبوك بكل كلفة وافق إن ملكتك تصير الحين..لأنه مايبي كثر الكلام والزيارات!! اسمهان(وهي تبكي):يمه.انتوا تحسسوني كأني قاعدة أكلم واحد من الشارع!ماكأن اللي أكلمه هذا زوجي شرعاً وبكرة بيضمني معه بيت واحد! الأم:بس الوحدة تثقل..ترى كثر الكلام يجيب وراه غلطات ومشاكل تخليه يمل منك بعد وقت..يازين الثقل اللي يخليه هو اللي يتمنى يسمع منك كلمة! وش عليه مستعجلين؟قدامكم سنة وأشهر! وخرجت الأم من الغرفة وهي متضايقة..لأنها دارية ان الأب بيرجع ويكمل معها الموشح!!!! واسمهان قعدت تذرف دموعها لين غلبها النعاس..وعبدالرحمن بما إنه سمع أبوها يوم صاح فيها حس إنه في شي...وفضل إنه مايتصل إلا باليوم الثاني.. |
|
|
#18 |
|
|
رد: أسمهان وعبدالرحمن قصة أسرية هادفة بكل اجزاءها متتابعة روآية سعودية
ثاني يوم بعد العزيمة كان يوم الجمعة وكالعادة الكل بيجتمع في بيت العائلة للغداء...محمد جاب زوجته وأولاده قبل صلاة الجمعة عشان يصلي مع أبوه بمسجد الحي..وابتسام قاعدة عند أهلها من أول...وأسماء بيجيبها زوجها بعد الصلاة ويروح يتغدى عند أهله.... واسمهان مازالت نايمة...ولكنها صحت على صوت الجوال وردت بصوت مبحوح واضح عليه آثار النوم: الو... عبدالرحمن:الو..السلام عليكم.. اسمهان:وعليكم السلام...وتتثاوب!!! عبدالرحمن:شلونك؟لاتقولين إنك لسه نايمه!! اسمهان:ايه لسه نايمه... عبدالرحمن:وليش نايمة لين هالوقت..ناسية إن اليوم جمعة وبعد شوي بتبدأ الخطبة؟؟؟؟؟ اسمهان(وهي تتقلب على السريروتتثاوب):وشفيك إنت؟؟ نسيت؟ أنا أنثى مو واجبة علي صلاة الجمعة!! عبدالرحمن:زين.قومي استعدي لصلاة الظهر على الأقل! اسمهان:غصب هو؟؟لاصرت ببيتك تحكم فيني! عبدالرحمن:آسفين..بس تراني أنصحك تصلين لوجه الله مو تحكم ولاشي!! المهم..اش سالفة أبوك أمس ؟؟سمعته صاح عليك وقفلتي بوجهي الخط!!صار شي؟؟؟ اسمهان:اسكت!ماشفته شلون معصب!أنا قلت شوي وبيشيل الجوال عني! عبدالرحمن:ليش؟تكلميني بالجوال أفضل مماتكلميني بتلفون البيت! اسمهان:لا...هو مازعل على الجوال كثر مازعل على جيتك من وراه..وإنك لازم تستأذن منه!ووصاني أقول لك إنه زعلان منك... عبدالرحمن:المعذرة..بس شفته مارد..قلت بنفسي محمد ينوب عنه..على العموم هو يصلي بأي مسجد؟؟؟؟ اسمهان:المسجد اللي ورا بيتنا..... عبدالرحمن:خلاص...ماله إلا طيبة الخاطر..مع السلامة اسمهان:مع السلامة.. عبدالرحمن:لحظة ..لحظة! اسمهان(والنوم كابس عليها):واش فيه بعد؟؟ عبدالرحمن:نسيت أقول لك شي! اسمهان:تفضل! عبدالرحمن:قومي صلي الظهر!!! اسمهان: روح صلي الجمعة!!! وقامت اسمهان بثقل وتشطفت وتوضت وتلبست وتزينت وعقبها صلت ونزلت للصالة ولقت اخواتها وزوجة أخوها مجتمعين يشربون قهوة ويسولفون.... اسمهان:السلام عليكم ورحمة الله وبركاته... الجميع:وعليكم السلام ورحمة الله وبركاته.... وسلمت عليهم كلهم.. اسماء:هلا بآخر من يصحى وأول من ينام! الأم:ومين قال إنها نامت أمس...إلا قضت الليل بسهر وسوالف!! ابتسام:وتسولف مع مين وحِنا كلنا هنا؟؟؟؟ الأم:مع اللي مآخذ عقلها.. ابتسام:بس التليفون كان تحت وبناتي يلعبون فيه! الأم:لااااا..مو حِنا الله يسلمك تطورنا وصار عندنا اختراع اسمه جوال!! سماح:ماشاء الله أخيراً شريتوا لها؟؟ الأم:ولايجي على بالنا..بس حبيب القلب جابه لها هدية! اسماء:عشتوا!!قبل أمس ملكت وجاب لها جوال على طول؟؟..من زين السوالف اللي بيسمعها من ست اسمهان لو وفر قريشاته وحطهم بجيبه أصرف له!!!!!!! اسمهان:يالطيف على الحسد!وانتي يمه ماتخشين عنهم شي؟؟ الأم:هذيل خواتك الكبار..موب غُرب! وطبعاً بهالوقت كان عبدالرحمن قد وصل للمسجد وقابل أبواسمهان وأخوها محمد بالخطبة وسلم عليهم..وعقب صلاة الجمعة..دار الحوار التالي: عبدالرحمن:سمعت إنك زعلت من سالفة أمس وهذي راسك أحبها!!وقبل راس الأب.. أبواسمهان:البيت له باب ياولدي وماعجبني اللي سويته!كان بإمكانك تستأذن مني! عبدالرحمن:بس أنا فعلاً اتصلت ومالقيت منك رد.. أبواسمهان:مالقيت رد؟اتصل وقت ثاني..ليش العجلة؟؟مافي شي يستاهل إنك تستعجل عشانه! يعني حِنا مانقدر نشتري لبنتنا جوال؟؟إلا نقدر ومن زمان!بس ماأشوف له أي داعي! عبدالرحمن:لاتكبرها ياعمي..هذي هدية بسيطة لخطيبتي..وأنا أشوف إنه من الأفضل أكلمها فيه تليفون البيت تحتاجونه أحياناً..وأوقات أبي أرسل لها مسج أوأتفق معها أوأشاورها بشي..فالجوال أفضل حل.. وبعدين أنا يوم شفتك مارديت كلمت محمد.. أبواسمهان:وش علي من محمد؟؟البيت بيتي أنا والكلمة كلمتي.. عبدالرحمن:أنا قلت محمد ولدك الوحيد وأكيد هو عزوتك ونائبك في كثير من الأمور..وماهقيت إنك بتزعل..عموماً أنا آسف وأوعدك مايتم شي مرة ثانية إلا برضاك وبعلمك أبواسمهان:جزاك الله خير..ومادامك وصلت لين مسجدنا فما بقي إلا خطوتين ونوصل البيت..تفضل معانا على الغداء... عبدالرحمن:كثر خيرك..بس اسمح لي أعتذرلأني مواعد الوالدة وأخواني أتغدى معهم.. لكن أبواسمهان أصر يعزمه على الغداء..ومالقي عبدالرحمن مفرمن الدعوة لأنه قال بنفسه فرصة أشوف سمهونتي!!! وبالفعل دخلوا الرِجال البيت(زوج ابتسام +محمد+الأب+عبدالرحمن) وراح محمد وقال لأمه:زودوا الصحون معانا ضيف!! الأم:مين؟؟واحد من الجيران؟؟ محمد:لا..عريس بنتك! الأم:ماشاء الله الظاهر كل يوم بتتقابلون؟؟الله يعيننا بس! والتفتت سماح لاسمهان وقالت:قومي تزبرقي له شوي!خليه يشوفك دايم كاشخة!! وقامت اسمهان وتضبطت..وقعدت تنتظر...وانتهوا الرجال من الغداء وشربوا الشاي وعبدالرحمن قاعد.. أبواسمهان خرج من المجلس ونادى محمد وقال:اشفيه ذا لابد؟؟وراه مايروح بيته؟؟ محمد:يبه..تبيه يجيك لين البيت ويطلع بلوشي؟؟والله مابيرتاح لين يشوف عروسته!! أبواسمهان:هذا اللي ناقص والله!مايكفيه أمس جاء وبقق عيونه فيها؟؟ محمد:يبه..لاتعقد المسائل..زوجتي سماح كانت ملكتنا خمس شهور قابلتها فيها أكثر من 10 مرات!! أبواسمهان:سماح غير يالحبيب..!أبوزوجتك متوفي من زمان والبيت كله نسوان وتركي لايحل ولايربط!!أما أنا راسي بعده يشم الهواء! محمد:يبه..أنا أقول يشوفها الحين..وبعدها خله يغيب عنها شهر!!! أبواسمهان:وزوج أختك ابتسام؟؟نطرده من المجلس عشان أختك تشوف عريسها؟؟؟ محمد:مابنطرد أحد!خله يسلم عليها من عند الباب ويروح!!! وراح أبواسمهان للمجلس وقال لعبدالرحمن: تعال أبيك! خرج عبدالرحمن معاه وقال:خير ان شاء الله؟؟؟ أبواسمهان(وهو معصب):ماتبي تودع عروستك قبل لاتمشي؟؟؟ انحرج عبدالرحمن وحس إنها طردة بطريقة غير مباشرة!! ونادوا اسمهان وسلمت عليه.... أبواسمهان:جزاك الله خير على قبول الدعوة..وفي أمان الله!!!!!!!!!!! عبدالرحمن:كثرالله خيركم...وفي أمان الله.. وودع اسمهان بنظرة ومشى وهو متفاجيء من عصبية أبواسمهان وأسلوبه!!! ولما رجع البيت اتصل فيها..وكانت متوقعة اتصاله!! بعد التحايا والسلام...سألته اسمهان:اش سر الزيارة؟؟ عبدالرحمن:رحت أعتذر له بالمسجد وأصلي معه ثم أرجع بيتي لكنه أصر يعزمني على الغداء قلت بنفسي فرصة أجي وأكحل عيوني بشوفك!!ماهقيت إنه شوفتي لك بتكون ثواني!!! اسمهان:ههههههه...تستاهل!! عبدالرحمن:الحقيقة الزيارة كانت باردة من غير جلستي معك..الشي الوحيد اللي راق لي فيها طباخ أمك الله يسلم يدينها عساك مثلها؟؟؟؟؟ اسمهان:لا ياعيوني!أنا مالي بالمطبخ! عبدالرحمن:ياحظ المطاعم!بيكسبون ذهب عقب زواجنا! اسمهان:وللمعلومية بعد ماأحب شغل البيت! عبدالرحمن:ماهي مشكلة خل مكتب الاستقدام اللي جنبنا يسترزق من ورانا ونجيب أحسن شغالة!!! اسمهان:وعلى فكرة أموت بالسفروالرحلات... عبدالرحمن:ابشري!الكورة الأرضية بأخليك تلفينها لين تدوخين... عاد انفرجت أسارير اسمهان وقامت تتشرط وتتدلع عليه..وانتهت المكالمة...ونزلت تكمل جلستها معاهم وسحبت سماح على جنب وحكت لها عن كلام عبدالرحمن.. سماح:هذا وجهي..إن نفذلك شي من اللي قاله!! اسمهان:وش قصدك؟كذاب؟ سماح:لامو كذاب!بس هم يجي خيالهم واسع شوي أيام الملكة!وعقب الزواج يجي الجد ويبان إن الصواريخ اللي كان يطلقها أيام الخطوبة مغشوشة!!! جلس الجميع يتبادلون الأحاديث وفي العصر دق جوال أم اسمهان وطلعت المتصلة نوال خالة اسمهان اللي قعدت توصيها الوصايا اللي قبل الملكة متذكرين؟!!المهم الخالة نوال كانت ساكنة بالمدينة بس بما إنه هذي هي عطلة الربيع جت جدة مخصوص عشان تحضر الملكة+إنها عندها شقة تمليك وتجيها بالاجازات..فاتصلت تعزمهم على طلعة استراحة حاجزتها هي وبعض الأقارب والعشا بيكون باربيكيو وشوي وحركات...ومن ضمن السواليف: نوال:ترى أبونا كلم أبوكم واخواني كلموه بعد وكلكم حاضرين ان شاء الله..خلي البنات ينبسطون مع بعضهم والعيال يسبحون بالمسبح..والرِجال ماشاء الله بيسوون فريقين رياضية ويتنافسون..المهم أنا بانتظاركم في الاستراحة عقب المغرب.. أم اسمهان:وليش لا؟؟إذا أبونا موافق بنجي كلنا بإذن الله.. وتكلموا شوي وانتهى الاتصال.. أم اسمهان:يابنات ترى هذي أختي نوال متصلة تعزمنا على العشاء في استراحة حاجزتها هي وخوالكم.....اش رايكم؟ ابتسام:والله وناسة..خل بناتي يغيرون جو ونوسع صدورنا مع بنات أخوالي..... اسمهان:واااااي فله!حلات الاجازة ان الواحد يستمتع فيها لحظة بلحظة..مو يقعد بالبيت! أسماء:إذا زوجي معزوم بأروح... أم اسمهان:مافاتها خالتك هالشي تقول زوجها وخوالك كلموا أبوك وزوجك ومحمد بعد..تخاوينا ياسماح؟؟؟ سماح:لاأنا اسمحولي اليوم هذا مابأقدر..لأني بأطلع العصر من عندكم وأروح لبيت أهلي واستعد للخرجة معاهم عقب المغرب..لأنه اليوم بإذن الله شوفة تركي!! اسمهان:على عبيروه ماغيرها؟؟؟؟ سماح(وهي تناظر بنص عين باسمهان):إيه على عبيروه ماغيرها! فيه مانع؟؟ اسمهان:لا..ماأقول غير الله يعين تركي ويبارك له يارب!!!!! وبالفعل شوي وأذن العصر..وراح محمد يصلي بالمسجد بعدين أخذ زوجته ووداها لأهلها....وأما ابتسام انطلقت للمطبخ تسوي صينية حلى تاخذها الاستراحة..ودخلت اسماء تساعدها وقالت:مو حلوة ندخل كلنا على الناس ومعانا صينية وحدة!أنا بأسوي صينية مالحة! قالت الأم:زين ماتسوين..أجل أنا بأسوي ترمس شاي وترمس قهوة..ياكاتيا طلعي علبة بلاستيك وعبي فيها تمر....وجهزي فناجيل للقهوة والشاي أما اسمهان كالعادة خذت نفسها وطلعت فوق تتمكيج وتتضبط وتسشور!!!!!!وتختار ملابس مناسبة للطلعة! إلا أمها نادتها:اسمهــــــــــــان... اسمهان:يانعـــــــــــــــم! الأم:اغلطي مرة بحياتك وإدخلي معنا المطبخ!يمكن ربي يرضى عليك وتتعلمين لك شي من هنا أو من هنا!! اسمهان:باقي بدري يمه!الزواج بعد سنة وخمسة أشهر و7ساعات..ومدري كم دقيقة لسه ماحسبتها!!!! الأم:قطيعة! ومين قال لك تعلمي الطبخ عشان الزواج...تعلميه لنا واكسبي فينا أجر!حِنا موب أهلك؟؟؟؟؟ اسماء:ياحليلك يمه!هذي تتعلم لنا؟؟؟هذي تتعلم فينا وانتي الصادقة!!!أقول ماعليكم منها وخلكم عايشين بصحتكم بدل ماتجاربها الفاشلة تجيب لكم القولون!!!!!!!! اسمهان:انطمي واللي يعافيك...خطيبي واعدني إنا ناكل بمطاعم طول العمر!!وش لي بالطبخ والنفخ بس؟؟هذا مو مكاني!! اسماء:هههههه...وانتي صدقتي يالغشيمة؟!عساه مايجي زواجك إلا والمطاعم قد انقرضت من على وجه الأرض وختموها البلدية بالشمع الأحمر!! اسمهان:إن حصل..بنجي نآكل من طباخك!! اسماء:لامرحباً فيكم!! إلا أقول يمه..اش رايكم بكرة تجتمعون كلكم عندي جمعة حريم بس نسهر ونستانس وأنادي خالتي نوال وبناتها بالمرة؟؟ الأم:خوش فكرة..بس إحنا كثير وانتي حامل بروحك بنتعبك يابنتي! اسماء:يايمه ماهي مشكلة ارسلوا كاتيا لي من الظهر..ولاجات سماح عقب المغرب تجيب شغالتها معاها..... الأم:ان شاء الله.... وبعد المغرب انطلقوا كلهم للاستراحة وكانت الجلسة ممتعة والأجواء صاخبة وزوجات خال اسمهان جايبين معاهم طيران يطقون ويقولون قصايد واسمهان مستانسة إنها سارقة الأضواء!!!والبنات مقسومات ناس ترقص وناس تسبح وناس تجري.. وبعدها الخالة نوال كانت مشترية هدايا رمزية وسوت لهم مسابقة دينية ثقافية..وعقبها سوت لهم محاضرة تخص البنات المراهقات وكان أسلوبها جذاب بحيث إنه كل بنات العائلة اجتمعوا يسمعونها بشوق... وبعدها جاء دور المسابقات الحركية:مسابقة الخاتم الضايع بوسط صحن الدقيق ولازم الوحدة تخرجه بفمها من دون استخدام اليد!واختاروا اسمهان لكنها رفضت وقالت:والله ماأخرب منظري عشان مسابقة...واختاروا بنت غيرها+لعبة حمل البيضة بواسطة ملعقة بالفم من دون استخدام اليدين وتوصيلها للجهة الثانية+ ربط عين المتسابقات وكل وحدة تأكل الثانية زبادي وعاد أنواع الضحك على اشكالهم المعدومة بالزبادي+الخ........الخ......ا لخ يعني كانت أجواء حلوة ومرحة...وبالذات بعد العشا اللذيذ اللي أكلوه اجتمعوا الأمهات والبنات وطلبت منهم الخالة نوال انه كل وحدة تحكي عن موقف طريف حصل لها... وحدة من زوجات أخوال اسمهان قالت:أتذكر زمااان لما كنت حامل ببنتي سامية رحت السوبرماركت أنا وزوجي وكنا نمشي جنب بعض..فجأة جتني دوخة وبغى يغمى علي فتمسكت بالشخص اللي مار جنبي على أساس إنه زوجي!!لكني فوجئت بالرجال يدفني بأقوى ماعنده ويصارخ(استغفر الله استغفرالله!!)ساعتها انتبه زوجي لي وكان وراي وبعدني عنه ومسكني!! الجميع:هههههههههه وحدة من بنات خال اسمهان قالت:أنا زمان أول ماتزوجت بغيت أفاجأ زوجي بحركة وأسوي نفسي رومانسية ورحت وتزينت وقلت خليني أتعبه شوي عشان يدور علي..ورجع من برة وصار ينادي وينادي يمكن ربع ساعة ولاأرد عليه رجع طلع فوق لغرفة النوم وبدل هدومه ووقف عند الدرج ورجع ينادي ويتلفت حسيت انه قلقان من عدم ردي قمت نقزت وراه وبأعلى صوت قلت:مفاجــــــــــــأة اش رايك فيني؟؟؟؟؟؟ وهو من خرعته من صوتي ياحرام مامسك نفسه وطاح من أول الدرجة لآخرها وأخذ رضوض بظهره!!ومو بس كذا ماقدر يروح المستشفى بروحه رحت معه ولما سأله الدكتور عن سبب الطيحة قال بمزح:أبداً المدام حبت تفاجئني وزلت رجلي من الدرجة.. ساعتها التفت لي الدكتور بغيظ وقال(بلهجة مصرية):يبئى احتفظي بمفاجئاتك ديه لنفسك يامدام!!دا الراجل كان حيروح منك بشربة ميه!!!!! الجميع:هههههههههه الخالة نوال:يازينك...أكيد تعلمتي من هالموقف إنك ماتمزحين معاه أبد؟!!!! بنت خالهم:إلا وانتي الصادقة تعلمت إني لابغيت أمزح معاه مايكون واقف على حافة الدرجه!!! الجميع:ههههههه ومن سالفة لسالفة انتهت الجلسة على خير واتفقوا يزورون اسماء ببيتها بكرة.. |
|
|
#19 |
|
|
رد: أسمهان وعبدالرحمن قصة أسرية هادفة بكل اجزاءها متتابعة روآية سعودية
##الجزء الواحد والثلاثون## رجع الجميع من الاستراحة وكل واحد راح ينام ببيته أما اسمهان كملت السهرة على الجوال مع خطيبها الوسيم!! وثاني يوم صحى الجميع ومشي اليوم طبيعي مامن جديد وبالليل استعدوا لزيارة اسماء ببيتها.. وكان بيت اسماء ذوق جداً ومرتب ومافيه زبرقة كثير..ديكورات هادية وناعمة وكلاسيك.. ابتسام:ماشاء الله تبارك الله ..اش هالتجديدات الحلوة بالبيت يااسماء؟؟عقبالنا يارب! اسماء:ولاتجديدات ولا شي..صار لها مدة..بس انتي من زمان مادخلتي بيتي... الأم:عقبالك ياابتسام..بس غريبة يابنتي على انه زوجك ظروفه زينة لكن بيتك أقل من متواضع؟؟ ابتسام:وهي أمه السوسة مخليتنا على راحتنا؟؟كل يوم والثاني تسوي محاضرات لعيالها..اقضبوا قروشكم واقضبوا قروشكم..واللي معه قرش زايد تنصحه على طول يروح يتزوج!!وبالذات زوجي!قال إيش؟حزنانة عليه يوم انه عنده بنتين بس ومافي أولاد!!!! اسماء:أم زوجك هذي جيبيها عندي أسبوع أروضها!!إن ماخليتها تطلع من بيتي وهي تقول:تبت إلى الله توبة نصوحة!!!!!! اسمهان:عاد في هذي أنا أشهد...هذا إن كان طلعت من بيتك ياأسماء تمشي على رجولها أخاف تخرج من عندك وهي تمشي على أربع!!!! الجميع:ههههههههههه الأم:مابشرتينا ياسماح؟ كيف تمت شوفتكم البارح؟؟ سماح:الحمدلله بأحسن حال العريس عجبته العروس وهي بعد عجبها...وبإذن الله بنبدأ بالتحاليل وعقبها تتحدد الملكة!!!!!!!! الأم:بالمبارك ان شاء الله..تركي شاب طيب ويستاهل... اسمهان(بقهر وصوت منخفض):لا والله مايستاهل يرمون وحدة كريهة مثل هاذي بحلقه!!! وشوي ودق الجرس وكانت الحاضرة خالتهم نوال وبناتها..وبدأت الجلسة تحلو..لأن خالتهم مافي مجلس تجلسه إلا وتحب تنثر فيه فوائد ونصايح مهمة بأسلوب بسيط ومحبب....... وبدأ كلامها عن أهمية اعطاء كل شخص حقه واحترامه بحسب سنه..وبالذات الكبار في السن لازم تكون لهم معاملة خاصة لأنهم حساسين ويحسون بأنهم من جيل مختلف عن هالجيل... ابتسام:كلامك هذا ياخالتي نوال ممكن ينطبق على كل الناس إلا على أم زوجي!!كل مازدناها إحسان زادتنا اساءة!!! الخالة نوال:وهذا يابنتي باب من أبواب الأجر وانفتح لك إنك تصبرين على أذاها..ولو إني أعتقد إنها مسكينة ماتقصد تآذي أحد بس تبي تكسب أولادها حولها ولكن بسبب الجهل ماتعرف تختار الطريقة المناسبة... ابتسام:بلاك ماتعرفينها..هذي حية من تحت تبن!! الخالة نوال:استغفرالله العظيم...يعني كل هالمحاضرة الطويلة العريضة اللي قلتها قبل شوي..هذا اللي طلعتي به؟؟؟؟لا يابنتي مايجوز تقولين عنها كذا.. ابتسام:ياخالة حتى بناتي هالصغار مايطيقونها من كثر ماهي شرية!!!!! الخالة نوال:أكبر غلطة تسوينها إنك تتكلمين عن جدتهم بسوء قدامهم..طبيعي بيكرهونها من كلامك عنها!! الأم:فضوها سيرة..الله عالم بأسرار البيوت... الخالة نوال:بأختم كلامي بحديث الرسول عليه الصلاة والسلام(ليس منا من لم يرحم صغيرنا ويوقر كبيرنا) ولاحظوا كلمة ليس منا!! يعني مو من أمة محمد!!!!! ابتسام:استغفرالله العظيم من كل ذنب عظيم... وبدأوا يدخلون بسواليف ثانية ..وعبدالرحمن بدأ يرسل مسج ورا الثانية لسمهونة وهي حيرانة ومو عارفة ترد عليه بشيء...وفجأة خطر في بالها تستعين ببنت خالتها نوال وكانت هالبنت اسمها سهام ومخطوبة من 7شهور..وأشرت لها اسمهان وطلعوا برة الغرفة.. سهام:خير يااسمهان؟وش بغيتي؟ اسمهان:عندك مسجات رومانسية حلوة؟؟ سهام:أووووهوووو...جوالي متروس!! اسمهان:سلفيني!!خطيبي بس يرسل لي أشعار ومو عارفة اش أرد!! سهام:ماأنصحك تاخذين أشعار جاهزة وترسلينها!!أروع شي إنك تكتبين مشاعرك بإحساسك انتي..وأخبرك زمان تكتبين شعر بطلتي؟؟؟؟ اسمهان:لا مابطلت..بس أخاف لو أرسلت له أشعاري يضحك علي..لأنها كلمات بسيطة على قدي!ماترتقي لمستوى شعر! سهام:توكلي على الله وارسليها وصدقيني بتعجبه!! اسمهان:والله شجعتيني..فكرة خليني أجرب!! وشوي وأرسل عبدالرحمن مسج يقول فيه: ليت التواصل يالغلا ينشرى بمـــــال لأسبق خطاوي الدهر وأركض أشوفك ثم أنــــثرحروفـي لك أمـــوال وآمــــال أكسب بها قلبك و بعد أقرأ حـــــروفك حاولت اسمهان تعصر مخها شوي وردت عليه: صوتك ترى يغْني عن جاه وعن مال يكفي اتصالك بي ولو صعب أشوفك مو بس وحدك تبني أحلام وآمال قامت حروفي... تبني حلم لحروفك عجب عبدالرحمن الرد وحس إن اسمهان كاتبته وقام يرسل مسج ثاني: الوقت يمضي وماعرفت له معنى إلا بوجودك يازين الطبع ياخلي متى بيتٍ تحت سقفه يجمِعْنا؟ وأصير كلك وكل ما لك يا كل كلي فكرت اسمهان وردت عليه: الحب دايم يعطي للحيـــاة معنى والطعم أحلى بوجودك إنت ياخلي وعسى الزمان الجاي بخير يجمعنا ياكل مالي إنت ويابعد كل كلي وقضت اسمهان الليل كله ببيت اسماء على هالحال ترسل وتستقبل وواقفة عند باب المطبخ! اسماء:وجع ان شاء الله ويقولون أختي يقولون!!لي ساعة رايحة جاية أحضر سفرة العشاء وانتي مكانك طايحة بجوالك تُضُغُط..الشغالات فيهم خير أحسن منك؟!!!! اسمهان:بالعدال علي اسم الله علينا!البنات ملا البيت خلهم يساعدونك! اسماء:هالحين ياللي ماتستحين تبيني أقوِم الضيوف وحضرتك قاعدة تلعبين بجوالك؟؟؟يمين لو ماتدخلين المطبخ تساعديني لاأكون ساحبة جوالك ومعطيته ولدي يلعب به!!!! اسمهان:زين..زين..الله يعين بأساعدك..بس إش أسوي؟؟؟ اسماء:خذي السلطة وملحيها واعصري عليها ليمون واغرفيها بالصحون.. اسمهان:الله!!!كل هذا بأسويه لحالي؟؟ اسماء:لا جيبي ثنتين يساعدونك!!لعنبوابليسك سلطة ماتعرفين تضبطينها وتغرفينها؟..كان الله في عونك ياعبدالرحمن ياولد أمك!! وقامت اسمهان تجهز السلطة بغيظ وتساعد أختها وتعشوا الجميع وعدت الزيارة على خير... ومرت أيام الاجازة واسمهان على نفس الحال متعلقة بجوالها تثرثر!وأبوها يراقب عن بعد وموعاجبه بس عزاه إن الدراسة بتجي عقب أسبوع واسمهان بتنسى شي اسمه جوال!!!!! وبعد كم يوم اتصلت رانية على اسمهان...وبعد السلام والسؤال عن الأحوال... رانية:هاه..ياعروس كيف أيامك؟؟ اسمهان:حلوة...كل يوم طلعة بمكان وتجمعات.. رانية:وأنا بعد مااستقريت يوم بالبيت!! اسمهان:وش عندك من أخبار جديدة؟؟ رانية:أبد..ماعندي سالفة..الأخبار عندك انتي ياحلوة..شلون عريسك؟؟ اسمهان:تمام التمام..مسجات ومكالمات! رانية:وشلون أخلاقه؟زينة؟؟ اسمهان:لو ماهي زينة ماكان قبلت فيه!! رانية:طيب وش رايك تعطيني رقمه ونلعب عليه؟نشوف هو راعي سوابق أو لا!!! اسمهان:الله لايسامحك!وش هالهرج؟؟أحد قال لك إني مجنونة وبأعطيك رقم خطيبي؟لاااا وتكلمينه بعد؟؟؟؟؟ رانية:بالهداوة!ومين قال لك إني بأكلمه؟أحد قال لك إني لعَّابة؟؟؟أنا بس بآخذ رقمه وأعطيه وحدة أعرفها بايعة عمرها تكلمه وتجس نبضه!!! اسمهان:هبلة انتي يابنت؟؟ولا شكلك كذا؟؟وبعدين طول عمرها شلتي أخلاقها عالية..مين وين تعرفتي على وحدة بايعة عمرها..هاه علميني!!! رانية:هذي طقاقة تعرفت عليها بعرس!!خلاص انسي الموضوع..وأنا آسفة لو ضايقتك! اسمهان:إلا ضايقتيني وكدرتي خاطري بسوالفك الماصخة!!!! وودعوا بعض وانتهت المكالمة...... وقام إبليس يلعب براس اسمهان وصارت تقول بنفسها:والله فكرة!!ليش ماأختبر عبدالرحمن؟؟أخاف لعَّاب وأنا مدري!!!!! وفكرت تاخذ جوال ثاني تكلم عبدالرحمن فيه بس مافي غير جوال محمد وجوال أبوها وجوال زوج أختها ابتسام!! أما الحريم ماتبي توهق نفسها معاهم وتطلب جوالاتهم ويقولون لها ليش؟؟؟؟ وراحت نادت هيفاء بنت ابتسام.. اسمهان:هفو حبيبتي..بأطلب منك طلب..روحي المجلس واسرقي جوال أبوكي وجيبيه لي بسرعة هيفاء:طيب.. وراحت هيفاء المجلس ركض تاخذ جوال أبوها بس أبوها قال:وين وين ياهيفاء وش تبين بجوالي؟؟؟؟ هيفاء:أنا ماأبيه!هذي خالتي اسمهان تبيه! أبوهيفاء:لا خالتك أكيد ماتبي جوالي..أكيد تبي جوال محمد خذيه وعطيها اياه!!! ومحمد وأبوه مو منتبهين قاعدين يسولفون مع بعض.... والبنت أخذت الجوال وعطته خالتها اسمهان ومن غباء اسمهان اتصلت بعبدالرحمن بسرعة وحطت السماعة على إذنها من غير ماتناظر الشاشة!!اللي كان مكتوب عليها عبدالرحمن بما إنه رقمه مخزن بجوال محمد!!!! عبدالرحمن كان متوقع انه المتصل محمد فرد وقال:ياهلا.. اسمهان(وهي مغيرة صوتها):ياهلا فيك! وشلونك يابعد حيي؟؟؟؟؟؟ عبدالرحمن استغرب وقال:عفواً مين المتصل؟؟ اسمهان:أفا عليك!أنا حبيبتك السابقة مسرع مانسيت!! عبدالرحمن:استعيذي من ابليس ياإختي وروحي اقرأي لك قرآن ولا اشغلي نفسك بعيد عني!!!! اسمهان:بس أنا أحبك من زمان وودي أسولف معك!!! عبدالرحمن:لو سمحتي انسي الرقم هذا ولا بتشوفين مني شي مايسرك!!! وقفل السماعة بوجهها!!!!!! وتطمنت اسمهان للوضع وردت الجوال مع هيفاء وبينها وبين نفسها كانت ناوية ماتقول لعبدالرحمن عن هالمقلب طول العمر!!!!!!!! بس عبدالرحمن اتصل على جوال اسمهان يسلم وصار يلف ويدور وقال لها:اسمهان زوجة أخوك محمد عندكم؟؟؟ واستغربت اسمهان من سؤاله!!!وقالت:إيه ليش هالسؤال اللي ماله داعي؟!!! عبدالرحمن:انتي دقيتي علي قبل شوي من جوال أخوك محمد؟؟ اسمهان:لا مادقيت..لو أبي أتصل كان اتصلت من جوالي وليش بأدق من جوال محمد؟؟؟؟ عبدالرحمن:خلاص انسي الموضوع! وأصرت اسمهان بعد إلحاح شديد إنها تعرف سر أسئلته لأنها فعلاً مااكتشفت السر!!!! عبدالرحمن:قبل ماأجاوبك..اش رايك في أخلاق زوجة أخوك محمد؟؟ اسمهان:سماح في قمة الذوق والأدب..بس اش علاقة هذا بذاك علمني؟!!!! عبدالرحمن:بصراحة الشيطان قام يلعب براسي!تصدقين زوجة أخوك اتصلت علي قبل شوي تغازلني!! اسمهان:من أي جوال؟؟ عبدالرحمن:من جوال أخوك محمد! اسمهان:كذاب..من جوال زوج ابتسام!! عبدالرحمن:لاياشيخة!!وانتي اش دراك؟؟ اسمهان:وااااي ياحسرتي..الصراحة أنا مالاحظت إنه جوال محمد..على بالي انه جوال زوج ابتسام وترى أنا اللي اتصلت...وزوجة محمد ماتدري عن أي شي بالموضوع!! عبدالرحمن:انتي من صدقك؟؟ اسمهان:إيه أقسم لك!! عبدالرحمن:وش بتستفيدين؟؟ اسمهان:أختبر أخلاقك! عبدالرحمن:انتي ماتستحين؟؟أنا ماعرفت الغزل وأنا عزوبي تبيني أغازل وأنا على ذمتي زوجة؟؟ اسمهان:خلاص لاتعصب كنت أمزح بس!! عبدالرحمن:انتي تدرين إن حركتك هذي مالها معنى وإني كنت ناوي ماأحكي لك عنها طول العمر؟؟بالله لو سكت وماحكيت لك مو كنت بأشك بزوجة محمد طول حياتي وأعتبرها انسانة ساقطة؟؟يشرفك هالشي يعني؟؟؟؟؟؟ اسمهان(والدموع ماليه عيونها):أنا آسفة! عبدالرحمن:وين أصرفه أسفك ذا؟؟ضيعتي وقتي بالعمل وأحرجتيني قدام الشباب..وعشان إيش؟؟تختبريني؟؟الحمدلله إني ناجح باختبارا وبدون!!!مع السلامة.. اسمهان(وهي تبكي):مع السلامة.. وقفلت السماعة وقالت بنفسها:حسبي الله عليك يارانية!!عساك ترقصين اليوم بعرس وتطيحين وتنكسر رجلك!!لا حرااااام صديقتي وماأرضاها فيك يجيك رضوض بس!!!!!!!!! |
|
|
#20 |
|
|
رد: أسمهان وعبدالرحمن قصة أسرية هادفة بكل اجزاءها متتابعة روآية سعودية
طبعاً بعد الموقف إياه من الآنسة اسمهان مر اليوم بــ طوله من غير اتصال ولاسؤال من عبدالرحمن مما كدَّر خاطر هالسمهونة!! بس على الفجر رن الجوال وكانت اسمهان توها غاطه بالنوم وردت من غير ماتناظر بشاشة الجوال بكل لهفة:آلو!! رانية:هلا سمهونة..ماشاء الله صاحية؟؟ اسمهان(بصدة نفس):هذاإنتي؟ خير؟ياوجه الخير!!! رانية:ماحبيتها منك هالنبرة..وشفيك؟؟قرفانة من صوتي؟؟؟؟؟؟؟ اسمهان:بالله هذا وقت تتصلين فيه؟؟؟؟؟ رانية:اش المشكلة؟؟أكيد مارديتي بهالسرعة إلا وانتي محسبتني عبدالرحمن!!أنا اتصلت هالحزة ليش اني توني رديت من عرس قلت أتصل أطيب خاطرك قبل ماأنام لأني حسيتك تضايقتي من اقتراحي بإختبار خطيبك!!! اسمهان:قبل ماتطيبين خاطري...جاوبيني رجلك ماتوجعك؟؟؟ رانية:وي..بسم الله علي..وش دخل رجلي بالموضوع؟؟ اسمهان:لأني صكيتك بدعوة ياالخايبة على اقتراحك الفاشل اللي بيخرب بيتي!!! رانية:وش سويتي يالخفيفة؟ لايكون نفذتي كلامي؟؟؟؟ اسمهان:طبعاً.. وراحت اسمهان تحكي بالتفصيل لرانية عن اللي صار... رانية:ياحليلك ويازين هبالك!يعني في انسان عاقل يتصل بأحد ومايناظر الشاشة؟؟على الأقل لو ناظرتي الشاشة وشفتي اسم خطيبك عليها كان فهمتي ان رقمه مخَّزن وقفلتي الخط!!المهم اش النتيجة اللي حسيتي فيها؟؟ اسمهان:الحمدلله ثبت لي انه موب راعي غزل وسوالف بطاليه! رانية:هبـــــــله!!وانتي من صدقك بيشوف رقم أخوك محمد على جواله ويقعد يغازل؟؟لو إنك داقة من جوال مايعرفه كان شفتي العلوم!!!! اسمهان:قفلي السماعة ياخرَّابة البيوت..وهذا وجهي إن سمعت لنصايحك مرة ثانية!!! وانتهت المكالمة وطار النوم من عيون اسمهان اللي ظلت تفكر :أتصل عليه؟أخاف مايرد! أراضيه؟؟بيحس إني خفيفة وموب قادرة على بعاده! أطنشه؟ أخاف حتى هو يطنش ولاعاد يرفع علي سماعة! زين اش أسوي؟؟ وأذن الفجر وقامت تصلي..بعدين قامت اسمهان ودخلت موقع عالم حواء وحطت استشارتها بمنتدى الحياة الأسرية وقالت للعضوات الموقف وردة فعل عبدالرحمن تجاهها!! وكانت ردود العضوات فيها العجب العجاب!!اللي تقول لها:خليه يصك راسه بالجدار..انتي ماغلطتي حبيتي تتطمنين على أخلاقه بس وهذا من حقك!! واللي تقول لها: طنشيه الرجال كذا مايشوفون عيوبهم ويبون الحرمة تركض وراهم!! واللي تقول:كرامتك أهم شي..لاتعتذرين له وخليه هو اللي يجي يراضيك!!! واللي تقول:الله يهديكم شكلكم بزران!! واللي تقول لها:نصيحتي لاتسمعين كلام أحد من العضوات ماعندهم سالفة!!!!!! قرأت اسمهان ردود العضوات وقالت:والله الحقيقة إنكم كلكم ماعندكم سالفة وآخر عضوة أولكم وسكرت جهازها ورجعت تحاول تنام..ونامت لين الظهر كالعادة... وصحت لقيت أمها وابتسام قاعدين يسولفون ويجهزون الغداء بالمطبخ وقعدت معاهم ومر اليوم وشربوا الشاي بعد الغداء..إلا جاء اتصال للأم من وحدة من حريم اخوانها وسولفت الأم شوي وبعدماقفلت الخط قالت الأم: هذي فاطمة زوجة خالكم عثمان تقول اش رايكم نتقابل في المول الفلاني مسووين اليوم مهرجان نسائي وبازار بيبدأ من بعد المغرب وفيه جوائز ومسابقات وندوة! ابتسام:أنا موافقة... اسمهان:ماعندي مانع.. وبالفعل كلمت الأم أختها نوال تقابلهم هناك وكلمت اسماء تجي معاهم لكن اسماء قالت: إذا بتمرون تاخذوني جيت!! الأم:طيب خل زوجك يجيبك..ليش إحنا نمُر؟؟ اسماء:لأني تهاوشت معاه وطلع من البيت وماعندي استعداد أتصل فيه وأقول طلعني!! الأم:لاحول ولاقوة إلا بالله..انتي ماتجوزين عن طباعك؟..كل يوم مسوية مشكلة ومهججة الرجال من بيته؟؟ اسماء:مو ببيته مالت عليه!هذا بيتي أنا ولايمكن أطلع منه كل مازعل خليه يولي ولا يفارق عند أهله!! الأم:الله يهديك يابنتي..تدرين ؟ماأبيك تجين معانا!!تزعلين زوجك وتشردينه من البيت ولك نفس تطلعين معانا بعد؟؟أقول انثبري ولاأبي أشوف وجهك!! وقفلت السماعة وقعدت اسماء زهقانة..ورجعت اتصلت بجارتها تجي تونسها!!!!! راحوا الجماعة المول بعد المغرب واسمهان متنكدة عبدالرحمن صار له أكثر من 24 ساعة مااتصل ولا عبَّرها!!وبالمول قابلت بنات خالتها وأخوالها.... وبعد ساعات كانوا الحريم مجتمعين بمكان البازار يتسوقون واسمهان مع بنات أخوالها يتنقلون من محل لمحل..ودق جوال اسمهان وردت:مرحبا.. عبدالرحمن:يامرحبا فيك...وش هالازعاج عندك؟؟انتي برة؟؟ اسمهان:إيه أنا بالمول الفلاني.. عبدالرحمن:مو معقول!!أجل قابلتوا أمي وخالتي وأحلام؟؟؟ اسمهان:لا والله مدري عنهم..أصلاً المكان مرة زحمة..أنا تركت البازار ونزلت تحت مع بنات أخوالي نتسوق من المحلات.. وقعد عبدالرحمن يسحب السواليف من اسمهان ولا جاب طاري عن مشكلة أمس وكأن شي ماصار!!وبعدها قفل السماعة وقت وشوي واتصل مرة ثانية وقال لها لفي يمين وقالت :ليش؟؟ عبدالرحمن:بتشوفين محل حلو!! لفت يمين لقت عبدالرحمن واقف! واستأذنت من البنات اللي معاها وقالت:أنا رايحة دورة المياه!!!!! صافحها وعطاها كيس وقال:لاتفرحين!موب جاي عشانك!أنا جاي آآخذ أهلي!!! اسمهان:وإنت بعد..لاتفرح!ماجيت عشانك بغيت دورة المياه! عبدالرحمن:هههه..زين ماودي أعطلك اتصلي فيني لارجعتي!مع السلامة. اسمهان:مع السلامة.. وراحت ركض على دورة المياه تفتح الكيس إلا لقيت بداخله صندوق وفتحته وكان بداخله مفتاح فقط ومعاه كرت مكتوب فيه: (آه بس لو أقدر أفتح قلبك وأشوف إش بداخله!!!!) قطبت اسمهان حواجبها وقالت بنفسها:آه ياوجه الفقر..هذا اللي طلع منك؟؟خليت كل بضايع المول عشان تجيب صندوق فاضي؟؟ومعاه كلام سخيف؟؟ رجعوا الجماعةمن المول واتصل عبدالرحمن على اسمهان وسألها عن رأيها في الهدية!!! اسمهان:المفروض ماتسألني عن رأيي بالهدية!في أحد بالدنيا يجيب لخطيبته صندوق فاضي مافيه إلا مفتاح وكرت مكتوب بخط اليد بعد؟؟ليته مطبوع من الكومبيوتر!!!!!!!! عبدالرحمن:أولاً.. الهدية بمعناها ثانياً.. ماكان في تخطيط مسبق للهدية..أنا تفاجئت إنك بالمول أصلاً... ثالثاً..أنا مو بخيل ولله الحمد وانتي شفتي بعيونك اش جبنالك بالملكة!! بس أوقات وأنا أكلمك بالتلفون أحس مدري وش اللي تبين توصلين له ومدري وش بقلبك وهذي السالفة كلها... اسمهان:عموماً مشكور..تصدق؟؟كل ماتذكرت إنه بقى كم يوم وتجي المدرسة يجيني اكتئاب!! عبدالرحمن:غريبة!مع إنه اللي أعرفه عنك إنك تلميذة متفوقة!! اسمهان:مو هذا عيب العطلات..نستسلم للكسل ويصير تفكيرنا كله وين بنروح أو مين بيجينا! عبدالرحمن:بالعكس حلات المدرسة إنها تعلم الانسان شلون ينظم وقته..وينشط ذهنه..ويستعيد لياقته..أما الاجازة تعتبر فاصل ترويحي..يعطي النفس دفعة معنوية لبذل مزيد من العطاء والجهد اسمهان(وهي مو فاهمة أغلب كلامه):صح..صح.. عبدالرحمن:طيب بما إنه المدارس جاية وبننحرم من شوفتك مدة من الزمن فأنا أنوي زيارتك بكرة وش قلتي؟؟؟ اسمهان:ياليت!بس تهقى أبوي مابيصعب الموضوع؟أو يعترض؟؟ عبدالرحمن:ماعليك..أنا بأكلمه.. ودارت بينهم أحاديث مختلفة إلى نهاية المكالمة.. وثاني يوم اتصل عبدالرحمن في الظهر على الأب وقال له نيته بزيارة اسمهان بما إن المدارس مقبلة والكل بينشغل...وبلهجة تطمينية للأب قال: عبدالرحمن:وترى ماني مطول عليكم بأجيكم مرور بس بين المغرب والعشاء! الأب:الله يحييك... بس في العصر جاء اتصال مفاجيء للأب عن وفاة واحد عزيز عليه من الجماعة وراح مع الناس عشان يقومون بالعزاء وخصوصاً إنه أقارب الميت كلهم من خارج البلد..وراح محمد معاه.... ولما جاء وقت صلاة المغرب تذكر أبواسمهان زيارة عبدالرحمن وقال لمحمد:اسمع يامحمد خطيب أختك جاي يزورنا روح البيت واعتذر له عن حضوري ولا يكون تغفل عنهم دقيقة!وأول مايقول العشاء الله أكبر تقضبه من إيده وتصلي معاه بالمسجد وإياني وأياك يرجع للبيت مرة ثانية!!!!!!!!!!!!! وبالفعل صلى محمد المغرب وراح للبيت وكان عبدالرحمن واصل قبله بشوي وفتحت له اسمهان الباب واستغرب وسألها عن أبوها وقالت له السالفة..وجلس عبدالرحمن يسولف مع اسمهان.. عبدالرحمن:تتذكرين يااسمهان يوم الشوفة لما سألتك وش طموحاتك بعد التخرج؟؟قلتي:تصفح النت؟!!! اسمهان(بغيظ):إيه أتذكر ..ليش؟؟ عبدالرحمن:من يوم ماملكنا وأنا ودي أسألك وأنسى..انتي تدخلين النت كمتصفحة أو كعضوة؟؟؟؟؟ اسمهان:الاثنين! عبدالرحمن:وياترى الاسم اللي تكتبين به اش هو؟إذا مافي مانع؟ اسمهان:أكتب بإسمي الحقيقي!!اسمهان!!!!!!!ماأحب الأسماء المستعارة!!!! عبدالرحمن:ماشاء الله..وليش ماتكتبين اسم أبوك بعد ولقب العائلة والصورة الرمزية حطي صورتك الحقيقية!!!! اسمهان:تتريق؟؟ عبدالرحمن:أنا مع إني رجل إلا إني أحب أحتفظ ببعض الخصوصية وماأكتب بإسمي الصريح..حتى أخواني وأصحابي يتابعون مقالاتي بشدة ولايدرون إن اللي يكتبها هو أنا!!! اسمهان:وياترى بأي اسم تكتب؟ عبدالرحمن:الحقيقة عمري بحياتي كلها ماصرحت لأحد بإسمي..بس انتي بتكونين أول وحدة بتعرف ..اسمي هو (ثَوْرَة قَلَمْ)!!!!!! اسمهان:وااااو اسم قوي!!!! عبدالرحمن:وماشاء الله اش طبيعة المقالات اللي تكتبينها؟؟؟ اسمهان(ببلاهة):اش يعني؟؟ عبدالرحمن:يعني هل مقالاتك لها طابع نقدي أو أدبي أو اجتماعي أو ايش بالضبط؟؟؟ اسمهان:لااااا أكتب عن أي شيء أحتاج أكتب عنه!!! عبدالرحمن:بمنتديات نسائية؟؟؟ اسمهان:إيه بمنتدى عالم حواء!!! عبدالرحمن:بقسم محدد؟! اسمهان:لا المنتدى منوع وفيه أقسام كثيرة..... عبدالرحمن:وياترى هل سبق إنك كتبتي مقال وأحدث حولك زوبعة؟ اسمهان:لا...ليش انت مقالاتك تسوي الكلمة اللي قلت عليها؟؟ عبدالرحمن:أوهههو ياما وياما..أذكر إني كتبت مقالات كثيرة جداً بس بعضها كان له ضجة غير معهودة على سبيل المثال مقال(التمحور حول اللامحور)..و(إعلامنا من التقوقع في شرنقة إلى الانصهار في البوتقة!!!)..و(حيثيات الغزو الفكري والدعوة إلى العولمة)!! اسمهان(بكل غباء)فتحت فمها وقالت:هالكلمات اللي انت تكتبها فاهم منها شي؟؟؟؟؟ عبدالرحمن:ههههههههه..معقول مافهمتيها؟؟يمكن عشان مااطلعتي على مقالاتي.. في هذي اللحظة دخل عليهم محمد وسلم وقال:أشوفكم تسولفون عن مقالات..اش السالفة؟؟ عبدالرحمن:إيه..الصراحة كنت قاعد أتعرف على توجهات خطيبتي في القراءة والكتابة... محمد:إيه عاد اسمهان مايحتاج عندها ثقافة عجيبة بمجلات التجميل وروايات أجاثا كريستي!! اسمهان:لما كنت صغيرة بس.. محمد:ماشاء الله..والحين كبرتي؟ عبدالرحمن:وإنت يامحمد..هل كنت عضو بيوم من الأيام؟؟ محمد:إيه..أخذت فترة أكتب عن أفكاري وارائي بس واجهت كثير من النقاد والحساد..فاعتزلت الفن وغيرت المود بالمرة..تفاجئت ان واحد من الربع راسل لي على الايميل دعوة لمشاركته بإدارة موقع جديد افتتحه..وكان الموقع بما إنه غير معروف ماعليه اقبال ففكرت فكرة خرافية إني أكتب بالموقع بإسم(الدكتور محمد)وحطيت نبذة تحت اسمي عن إني دكتور بتاع كله!!!!! وتعال شوف عدد النسوان المسجلات بالموقع لايعد ولايحصى!! والا استشاراتهم يارب لك الحمد عجباً عجاب لو ترى عيناكا!!!!!! اللي تقول يادكتور ظفر اصبع رجلي الصغير انكسر وش السوات؟وأنا عندي عرس؟؟؟؟؟؟؟ واللي تقول يادكتور زوجي شدني من شعري وصفق بي في الجدار وتنتف شعري..وش عندك خلطات تطول الشعر وتلمعه؟!!!!!! واللي تقول أنا جميلة جداً بشهادة الجميع وكل مكان أروحه يمدحون بشرتي وجمالي ويقولون اش تستعملين لدرجة صرت كل ماأطلع من البيت وأروح لناس أحس بخنقة!تهقى فيني عين؟؟؟؟ قلت لها:ارسلي صورتك وأنا أحكم! واللي تقول يادكتور ولدي هبَّل فيني ينام وقت مانصحى ويصحى وقت ماننام وياكل وقت مانشرب ويشرب وقت ماناكل واش أسوي فيه؟؟؟أبيه ينام وقت ماننام ويصحى وقت مانصحى وياكل ويشرب وقت ماناكل ونشرب!!! قلت لها:بسيطة ركبي له ريموت كونترول بظهره وبرمجيه على مزاجك!! وعبدالرحمن واسمهان فاقعين ضحك... اسمهان:ياحليلك ياحمود..ذكرتني بوحدة تكتب معانا بالمنتدى اسمها المستشارة خرافة الأزلي!!!!بس لاتصدق ياعبدالرحمن كل الكلام اللي يقوله محمد تراه يحب الكشنة والبهارات بأي سالفة!!!!! محمد:صدقوني من غير مبالغة النسوان يكتبون أكثر من كذا..أحياناً ألقى عضوه حاطة لي عشرين مشكلة مع زوجها وتقول يادكتور الحقني وحلها لي..وأروح للأقسام الثانية وألقاها كاتبة عشرات المواضيع عن السعادة الزوجية وكيفية الوصول إليها ومسوية نفسها دكتورة مبدعة على العضوات!!الصراحة عالم النسوان عالم عجيب مليان تناقضات وسخافات..والا اسمائهم كل ماالوحدة حاولت تملح اسمها زيادة يجيني احساس قوي إنها شينة بزيادة وتحاول تعوض النقص في تزيين اسمها!!! اسمهان:ههههه..أما في هذي معاك حق..معانا بنات في المدرسة يالطيف يارب على قولة المثل شين وقوي عين ويكتبون معانا بالمنتدى بأسماء مثل(قاهرة الناس بفتنتها!!_يذكرون الله لاشافوني_ضحية الجمال الأخاذ!!) (ياعضوات ترى والله جايبة هالأسماء من عقلي لاتكون وحدة منكم اسمها كذا وتذبحني)!!!!!!!! محمد:واللي ألقاها بصفتي مشرف على غالبية الأقسام حاطة مليون طبخة بقسم الطبخ وبالقسم الديني حاطة مشكلتها مع السمنة وتطلب من كل الأخوات بشهر رمضان يتعاطفون مع حالتها ويدعون لها تنحف!!!!! الحقيقة بعد اللي شفته من هبال النسوان اضطريت غير آسف إني أستقيل من إدارة المنتدى!!! عبدالرحمن:بصراحة أنا من الناس اللي ماأرحب بالكتابة في المنتديات المشتركة!!لأن النساء لهم اهتمامات والذكور لهم اهتمامات مختلفة..بس مافي مانع انه الانسان إذا وجد انه عنده شيء ممكن يفيد فيه الطرفين يكتبه سواء بمنتديات منفصلة أو مختلطة محمد:إنت تكتب بمنتديات؟؟ عبدالرحمن:كنت!! بس حالياً اتجهت لعالم التدوين..بعد ماكونت لنفسي قاعدة جماهيرية تتابع مقالاتي بـــــ نهم!! محمد:ماسبق وكتبت مقالات دينية؟ عبدالرحمن:طبعاً هذي لها النصيب الأكبر..تصدق فيه ناس بلغوا درجات كبيرة في مختلف أنواع الثقافة لكن في الجانب الديني تلاقي عندهم جهل كبير بأبسط أحكام الشريعة..كتبت بهالخصوص مقالات كثيرة منها(طريقك إلى الخشوع في السجود والركوع)..(التمسك بالسنن في زمن المحن)..(معاً لنتأسى بالمصطفى)..وغيرها.... ودار بينهم حديث مختلف بعد مادخلت أم اسمهان تسلم وجلست وأول ماأذن العشاء حاول عبدالرحمن يستأذن... وسبقه محمد يتوضأ.. أم اسمهان:تو الناس ياولدي..اشفيك مستعجل؟؟؟؟؟ عبدالرحمن:أنا مواعد أمي وأحلام آخذهم ونروح نزور خالتي جوهرة..عاد تدرون مسكينة بحكم ظروفها نادراً ماتطلع من البيت! أم اسمهان:أي ظروف ؟هالحين اجازة..بعدها المدارس ماجات حتى تشغلها! عبدالرحمن:لاأنا أقصد ظروف زوجها المسكين اللي مايفارق البيت!! اسمهان:الله يعينها..شكله بيتوتي عبدالرحمن:هو صحيح بيتوتي بس موب كيفه غصباً عنه!! اسمهان:غصباً عنه؟؟؟شلون يعني ؟مافهمت! عبدالرحمن:زوج خالتي جوهرة قصته قصة..بس بأختصرها لكم هو كان يشتغل بـشركة واكتشف تلاعب كبير جداً من موظفين يشتغلون بالتزوير والرشوة وأصحاب الشركة مايدرون وهددهم بالفضيحة ومسك عليهم أدلة..فحاولوا يتخلصون منه ودبروا له حادث سيارة..لكن ماانكتب له يموت!عاش..لكن بشلل نصفي وصار حبيس الكرسي المتحرك وكل اعتماده بحياته على خالتي جوهرة..حتى حقوقها الطبيعية كزوجة صار مايقدر يعطيها لها!!وهي اللي مضطرة تصرف على البيت بعد اعاقته اللي خلته رهين البيت والوحدة..ونفسيته صعبة جداً بعد العز والمنصب اللي كان فيه صار عبء على غيره وأبسط أموره اليومية مايقدر يعتمد فيها على نفسه!!!!!! أم اسمهان:لاحول ولاقوة إلا بالله الله يصبره على بلواه ويجبر قلبه ويكتب لخالتك الأجر على تعبها معاه... اسمهان:والمجرمين اللي سببوا له هالمصيبة وينهم؟؟؟ عبدالرحمن:مازلوا طلقاء وعايشين بالنصب والغش..لأنهم مسنودين ومحد يقدر عليهم..لكن ربك فوق كل ظالم... وودع عبدالرحمن الجميع وراح ..وخرج محمد للصلاة وبقت اسمهان متأثرة بالقصة وتفكر بنفسها:معقول أبلة جوهرة اللي ساحرة الكل بأناقتها وجاذبيتها وتفانيها واخلاصها بالعمل والابتسامة الحلوة اللي ماتفارقها وكل التفاؤل اللي فيها عايشة كنصف زوجة؟؟؟!!لاحقوق مادية ولامعنوية ولاأحد قايم بمسئوليات البيت غيرها..مع زوج يعتمد عليها حتى في قضاء حاجته؟!!لا ونفسيته جداً منهارة يعني أكيد عايشة بضغط نفسي وأجواء تخنق!!!لاحول ولاقوة الا بالله..سبحان الله كيف فيه ناس يبعثون فينا التفاؤل وهم يحملون من الهم جبال!!!! أما عبدالرحمن لما وصل البيت لقي أمه وأخته أحلام لسه ماتجهزوا للروحة قام عطاهم فرصة يلبسون لين مايدخل على النت شوي...وأول شي سواه اتجه لمنتدى عالم حواء وحاول يبحث عن موضوعات العضوة اسمهان لين ماتوصل أخيراً لموضوعاتها وكانت عناوينها كالتالي: مشكلتي مع خطيبي!المشكلة اياها!!!!! تصويت:أحلى وصفة لتبييض الركب والأكواع كيف تقهرين عدوتك وتفقعين مرارتها؟؟ أحلى ماركة ميك اب وقلوسات بالصور... إبطك أسود؟؟عندي الحل! بدأت العطله وحان وقت الفَلَه!! أفضل طريقة لنتف المنطقة الحساسة!!!! تعلمي معي المكياج الغجري! عطوني أفكار أبغى ملكتي أحلى ملكة! بنات جدة الحقوني!أبغى أكشخ في العيد بس مدري من أي محل! ذكرياتي المصرقعة مع شلة الصاعقة! أحلى لعبة عدي لرقم 5 واضربي العضوة اللي بعدك! الله يقلع ابليسكم يامتزوجات غثيتونا بمشاكلكم! صرخة استغاثة!أبغى ريجيم ينزل كيلوين بيوم!! اش رايكم بفستاني في عرس خالي فصلته بألف وخمسمية ريال بس؟!!! ورينا مشتريات العيد حقتك..أحلى من مشترواتي ولا لا؟!!! قرأ عبدالرحمن العناوين وقال:استغفرالله العظيم..صدق إني متزوج بزرة!بالله لو يقرأ أحد من المعجبين بكتاباتي مواضيع خطيبتي بيصدق إن اسمهان هي زوجة الكاتب الكبير (ثورة قلم)؟؟؟ |
