 |
  |
|
|
|
|
#71 |
|
|
رد: ( لبى قلبــك ) رواية سعودية رومانسية تجنن لاتف
(( الجزء السابع عشر ))رفعه راحت وخذت لها تنوره وبلوزه وقبل لا تدخل الحمام : خذ راحتك بس دقايق ابدل واطلع
وعلى طول دخلت وسكرت الباب بدلت بسرعه واول ما طلعت طق الباب... سلمان تجبس في مكانه ورفعه ماتت خوف وبققت عيونها ؟؟؟؟؟ راحت طلت من العدسه لفت على سلمان وهي تعض اصبعها : هذا حمد سلمان: شسوي تدرين عادي عادي رفعه: أي عادي انت من صجك _( وبسرعه خذت يده وجرتها ودخلته في الدولاب ) لا تتحرك ولا نفس ولا كلمه وسكرت الدولاب وراحت لعند الباب : طيب طيب دقيقه فتحت الباب حمد وجدتها : السلام عليكم رفعه وهي تحاول تصير طبيعيه : وعليكم السلام الجده دخلت ورفعه كانت خايفه انها تفتح الدولاب حمد: شفيج رفعه: ولا شي بس كنت ابدل الحين بطلع للبنات حمد: انزين انا بروح اجيب الغدا حق جدتي واجي رفعه : ماراح تاكلون تحت معنا حمد: لا... يلا سلام رفعه سكرت الباب وبسرعه راحت عند جدتها : شخبارج جدتي الجده : الحمد لله يابنتي هاه متى بتروحين رفعه: الحين بس بلبس عباتي واطلع الجده: يالله من فضلك_ فصخت عباتها _ وتوها بتفتح الدولاب عشان تحطها فيه رفعه نقزت من مكانها: هاتيها عنج جدتي وخذت العبايه الجده: الله يوفقج يابنتي ان شاء الله اخدمج في عرسج رفعه : تسلمين الجده: انا بروح الحمام سلمي على ام عبد العزيز رفعه : ان شاء الله أول ما دخلت الجده الحمام رفعه خذت نفس عمييق .. فتحت الدولاب سلمان بصوت واطي: اطلع رفعه : هههههه أي تعال بس ولا كلمه سلمان طلع رفعه ميته عليه من الضحك سلمان: ليش تضحكين رفعه : اششششش سلمان حط يده على فمه رفعه حطت عباية جدتها وخذت عبايتها : تستاهل عشان تخفف هالجرأه مره ثانيه سلمان قرب عند اذنها وهمس لها : معاج احلمي اني اخففها رفعه لبست عبايتها وهي تطالعه وتهز راسها وتضحك عليه خذت شنطتها ومسكت يده: يالله بسرعه قبل لا تطلع جدتي .. طلعو وركبو المصعد سلمان: هههه حمد لله ربي نجانا رفعه: أي والله ومره ثانيه لا تعيدها سلمان : ههههه ان شاء الله _فتح المصعد_ شوفي رقم الغرفه (....) قولي لهم وخل ينزلون أنا بروح اشوف طاوله رفعه : طيب راحت رفعه ودقت على العنود قالت لها فتحي الباب نقزت الهنوف من مكانها : رفعه عند الباب الكل: حلفي راحت فتحت الباب ودخلت رفعه العنود: عمره مقبوله شدراج في مكانا رفعه: سلمان قالي منا ومنكم انشاء الله الهنوف: هلا والله نورتي رفعه: بوجودج والله يلا بسرعه البسو عشان ننزل نتغدى تحت العنود: أشوه اني ما تغديت رفعه باسى : لييه البنات تغدو؟ الهنوف : أي بس انا والعنود ما تغدينا رفعه : حسافه بس يالله البسو سلمان ينتظر تحت العنود: سلمان تحت وننزل معاج لا لا روحي انتي معاه بروحكم الهنوف : أي والله عن المغثه رفعه: افاااا والله هو الي قايل لي مر علي توه وقال نادي البنات راح يشوف طاوله العنود: ياعمري عمي يلا نلبس عبايتنا ونجي رفعه : امي فوزيه هنا الهنوف : أي دخلت رفعه وسلمت على الكل عقب نزلت مع الهنوف والعنود .. سلمان: وين الباقي العنود: تغدو كلهم سلمان: اوكي يلا خذو الي تبونه وقعدو في هذيك الطاوله الهنوف: وانتو سلمان : معاكم العنود: لا عمي انتو قعدو هناك وانا الهنوف بنقعد في هذيك الطاوله رفعه: لا العنود عن السخافه الهنوف: أي سخافه عشان تاخذون راحتكم سلمان: بعد عمري انتم بنات اخوي تسلمون بس احنا نبي نقعد مع بعض انا ما ناديتكم عشان تقعدون بروحكم رفعه: أي والله خل نستانس العنود: اوكي يلا طبعا كان بوفيه مفتوح كل وحده خذت الي تبي وقعدو على الطاوله مع بعض وسوالف وضحك .... عقب كلن طلع غرفته يرتاح .. والعصر نزل الكل يتسوق ونزلت معاهم رفعه وطبعا استانسو مرره لان هبالهم زاد مع رفعه .. من زماااان عن الخبر وأهلها .. عبد العزيز وعبد الرحمن قرروا انهم ياخذون اجازه ويروحون يعتمرون ومره وحده مع الاهل كانو مقررين على بدايه الاسبوع الجاي بعد مايرجعون المعاريس ندى وعبدالله كانوا بيرجعون على نهايه الاسبوع هذا وحتى منى وفارس .. في مكه .. البنات كانو سهرانين وعلى الساعه 3 الفجر قالوا العنود: شرايكم ننزل للحرم الهنوف: الحين أحس اني دايخه العنود: قومي بس أي دايخه ما بقى شي على الفجر لايكون بتنامين كان أذبحج الهنوف: حشى كلتيني حتى لو كان فيني نوم بيطير الابدور داخله عليهم: السلام عليكم الكل : وعليكم السلام بدور: شفيكم تتخانقون الهنوف: حظرة الانسه تبي تنزل بدور: يالله وناسه الحين الحرم فاضي والجو حلو العنود تمد لسانها على الهنوف: شفتي ... يلا عميمه ننزل ريم: واحنا بدور: حتى انتو كلنا ننزل العنود: يلا زين قومو توضوا قامو البنات يتوضون وبدور قاعده تاكل البطاطس وفاتحه التلفزيون العنود: عميمه احنا لبسنا عباياتنا وانتي الىالان ما سويتي شي بدور وهي تقوم: يالله يالله هذاني قمت انتم اسبقوني العنود: طيب احنا نستناج تحت بدور وهي رايحه للحمام : انزين طلعت العنود والهنوف ...ريم ودانه توهم طالعين دانه : وينهم ريم: العنود بتصبر أكيد طلعت دانه : بس عميمه هنا مابعد راحت الا يدق التلفون حق الجناح ... دانه : غريبه منو داق ريم: تلقينها العنود داقه من تحت تقول وينكم دانه: ما ادري بشوف _ وترفع_ نعم رفعه: نعم الله عليج وينكم ما تردون على جوالاتكم دانه: هلا والله رفعه رفعه: هلا فيج دانه: والله ما ادري ما دق عندنا شي يمكن مافي شبكه رفعه: مانمتو الى الحين دانه: لا الحين بننزل للحرم شرايج تجين معنا رفعه: الحين دانه: ايه الحين رفعه: طيب بس قبل لا تطلعون مرو علي دانه: يلا نلبس عباياتنا ونجيج ؤفعه: يلا استناكم ريم: شفيها رفعه دانه: ولا شي بس تقول ليش ماتردون على الجوالات ريم: بتروح دانه: أي يلا نطلع لها طلعو ريم ودانه عشان يمرون على رفعه ويروحون طلعت بدور نادتهم ولا احد موجود: الله يغربلهم راحو وخلوني يلا بس خل انزل لهم ريم ودانه وقفوا قدام غرفة رفعه وما حبو يطقون عشان ما يزعجون اهلها وقعدو ينتظرون ريم: واحنا بنقعد نستنى دانه: لا والله اجل تبيني اطق الباب واذا فتح واحد من اهلها ريم: واحد من اهلها والا خايفه يفتح حبيب القلب دانه :أقول استحي الا ينفتح الباب ويطلع حمد شافهم واستغرب نزل راسه ومشى الا رفعه وراه رفعه: هلا دانوه ليش ما طقيتي الباب حمد يوم سمع اسمها ابتسم دانه: خفت ازعج اهلج رفعه: لا عادي هذا حمد قال حتى هو بينزل ريم: وانتي قاعده بروحج ليش مانزلتي عندنا رفعه: لا قاعده اسولف مع حمد دانه في قلبها : فديييته وقفو عند المصعد ويوم فتح دخلو كلهم وحمد معهم ورفعه تتكلم مع حمد وهو كان صاد عن البنات شوي وريم تنغز في دانه ... طلعو وحمد راح في طريق وهم في طريق .. دانه لفت وجهها جهة حمد وفي نفس الوقت حمد كان لاف وجهه عليهم وشافها دانه تفشلت : ياويلي الحين شنو بيقول عني صدق اني ما استحي .. راحو للبنات |
|
|
#72 |
|
|
رد: ( لبى قلبــك ) رواية سعودية رومانسية تجنن لاتف
بدور: وينكم انا على بالي نزلتو
رفعه: راحو يمرون علي بدور: رفعه رفعه: أي ادق عليكم على الجوالات ما احد يرد العنود: يو والله ما وصلنا شيي بدور: انزين يلا يلا خل نروح للحرم وقفتنا مالها داعي وهم يتمشون الهنوف: تعالوا بنات أخاف يقومون من النوم ويقعدون يحاتونا ما قلنا لهم بدور: لا تخافين قلت لامي العنود: اشوه عشان ناخذ راحتا ونتاخر قعدو البنات يصلون ويتوترون عقب قعدوالي تسولف والا تقرا قران والي ساكته وتفكر العنود: رفعه متى بيجون اهلج رفعه: ان شاء الله بكره بدور: لقيتو حجز؟ رفعه: أي العنود: عسى بنفس الفندق؟؟ رفعه: لا مالقينا بس خذنا لهم هنا قريب بدور: يو حسافه رفعه: زيين بعد لقينا .. اذن الفجر عقب صلو وطلعو قعدو يتمشون العنود: شرايكم ناخذ لنا فطور بدور: كل شي موجود فوق الهنوف: بس الفول بدور: الله يغربلكم فول الحين العنود: عادي يلا بس _ لفت وجهها على ريم ودانه_ انتم ما تشبعون سوالف بسكم ريم: اسم الله عليج المهم راحو البنات وخذو لهم الي مشتهينه وطلعو فوق للجناح وفطرو وعلى الساعه 6ونص قالت رفعه انها بتروح لغرفتهم فوق 0والعصر يتقابلون طلعت وسكرت الباب الى سلمان في وجهها رفعه: صباح الخير سلمان: هلا والله صباح الفل والياسمين انتي عندنا وانا ما ادري رفعه: شفت جيت مع البنات بعد الفجر وفطرنا مع بعض سلمان: بالعافيه رفعه: الله يعافيك ... انت توك تجي من الحرم سلمان : ايه بروح افطر مع أمي وابوي أكيد الحين يقعدون رفعه: اوكي انا بطلع فوق انام تامر بشي سلمان: امممممممممممممم<< وهو يفكر رفعه: هههههههه سلمان: ان شاء الله دوم الضحه لا ياقلبي مابي الا سلامتج رفعه: يلا مع السلامه سلمان : تعالي بطلع معاج اوصلج رفعه: لا لا والي يسلمك احنا ناقصين... بعدين من البعد كله طابق سلمان: هههههههه اوكي يلا مع السلامه راحت رفعه ودخل سلمان .. البنات نامو لين الظهر ..أول من صحى العنود صلت وقعدت في الصاله وانسدحت على الكنب وهي دايخه شوي الا جات بدور : السلام عليكم العنود: هلا والله وعليكم السلام صح النوم بدور: ماشبعت نوم احس جسمي متكسر العنود: ولا انا صليت وجيت وانسدحت هنا بدور: قامت الهنوف العنود: والله ماادري قومتها وطلعت من الغرفه الا تجي دلال: السلام بدور والعنود: وعليكم السلام دلال: ابشركم بدور+العنود: وشو دلال: منى رجعت العنود: حلفيييي بدور: فديتها الخايسه ولا تدق دلال : وصلت أمس في الليل توها داقه تسلم عليكم .. تقول دقت عليج وجوالج مقفل بدور: يووو صح مافيه شحن بروح اشحنه واكلمها العنود: جدتي درت دلال: أكييد اول وحده شوي الا جاو البنات كلهم ودقو على منى وتحمد لها السلامه وقعدو يسولفون العنود: بقوم أدق على رفعوه أشوفها قامت .. وراحت لغرفتها خذت جوالها الا تشوف رساله من رقم غريب .. لي قلب محد هز عرشه ولا جاه **ومحد تجرأ يطلع في كتابه كم مر من عنده حبايب بدنياه **وكم واحد ينثر لقلبي إعجابه لكن قلبي محد منهم أغراه **كل الوجوه اللي تمره تشابه إلا أنت صوتك كل ماقلت بنساه **أحس لك وحشه وقدر ومهابه اأول ما قرأت الرساله قلبها دق العنود قامت تطالع في الرقم هالرقم مو غريب علي بس حق منو ياربي وقعدت تتذكر الا الهنوف داخله عليها الهنوف: كل هذا تكلمين رفعه العنود: بسم الله الهنوف: هههههههه خرعتج العنود: ايوا خرعتيني الهنوف: بلاج سرحااانه عقلج ماادري وين طاير العنود وتأشر على راسها: عقلي هنا موجود لا تخافين ما طار الهنوف: أي واضح انزين تعالي دقيتي على رفعه العنود: هذاني قاعده أدق... الو .. هلا والله ... صح النوم ...هههههه لا تخافين احنا تونا مالنا الا نص ساعه من قمنا ..اي بننزل الحين نصلي العصر هناك ....تعالي ماقلت لج ترى منى رجعت .... أمس في الليل .. اوكي ...يلا سلام الهنوف: ها بتجي العنود: قالت تسبح وتبدل وتجي طلعوالبنات واستانسو وقعدو يحوسون لين الساعه 9... بدور: يلا بنات خل نتعشى ونرجع العنود: تو الناس بدور: أي تو الناس يالله يمدينا نتعشى ونرجع بعدين نسيتي بكره بنروح الطايف الهنوف: قولي والله بدور: أي والله دلال: ونااااسه عاد الطايف بررد ومطر رفعه: متى بتروحون بدور: أكيد الفجر العنود: يلا ويانا رفعه: حلفي بدور: أي والله من جد يلا والله وناسه بعدين في الليل بنرجع ماراح ننام رفعه: ياعمري تسلمون بس بكره بيجون أهلي مو حلوه ما اكون موجوده اخاف البنات يزعلون الهنوف: بيجون بكره ؟؟ رفعه: أي واخيرا العنود: زييين اجل بتستانسون مع بعض رفعه: حسافه كان خاطري تكنون معنا دلال: لا تخافين كلها يوم الي بعده بنكون معاكم وتنغثون رفعه: افااا والله بالعكس تونسونا .. العنود: هههههه عشان يكمل الهبال ها رفعه رفعه: هههههه راحو البنات تعشو وعلى الساعه 10ونص راحو لجناحهم بعد ما سلمو على رفعه .. صلو الفجر تحركو للطايف وهالمره الي كان يسوق فيهم الجد ... يوم وصلو لطريق الشفا العنود : الله المناظر تجنن كلها جبال .. وتفتح كاميراتها وبدت تصور الهنوف: بس بدرت الصحفيه العنود: انتي شحارج فتحت العنود الشباك الكل: الله بدووور: الله يجنن الجو دلال: يهبببل ماشاء الله ريم: ياحسره على جونا هذا وهم بالصيف كذا شلون في الشتا الجد: هذا الطايف كذا اجل اذا شفتو ابها شتقولون العنود: وناااااسه الهنوف: ياااي شوفو التلفريك العنود: صباح الخير من زمان قاعده اصوره بدور: قربي قربي المسافه شوفي من داخله العنود: ههههه لاتخافين سويتها بس مو مرره واضح دانه: جدييييييي الجد: هلا دانه: ترى نبي نركب التلفريك العنود: اكييييييد وانا اول وحده الجد: يابناتي اخاف عليكم تطيحون والا يصير لكم شي بدور: يبىىى ان شاء الله مايصير الا كل خير الهنوف: الله ونااسه بس لو طاح التلفريك واحنا فيه دلال: يمىىىىى ياويل قلبي العنود: ويصير لنا زي هذاك الفلم الهندي هاه الهنوف الهنوف: أي وااحد العنود: هذاك الي يوم جات بتطيح البطله من التلفريك ويجي البطل يساعدها ماادري من وين طلع وتغمز لها الهنوف : وش تقصدين العنود: ههههههه ولا شي ريم وتساسر العنود : أقول استحو ترى جدي موجود العنود: ههههه وييييي نسييت روحي الا يسموعون صوت هرن لفو وجهم الا محمد وسلمان وراهم ريم ودانه الي كانو ورى قامو ياشرون لهم العنود لفت بالكاميرا وهي تصور محمد وسلمان وشهووده الي قاعده في الوسط وتاشر لهم وهبال وضحك ... الجده : الله يهداهم هالبنات سلمان: ههههه خليهم يستانسون يمى الجده: شكبرهم الي يشوفهم شيقول الي في كبرهم متزوجين وعندهم عيال بعد محمد ابتسم سلمان انتبه لسلمان ولف وجهه: قول والله محمد: على وشو سلمان: ما ادري عنك انت وهالابتسامه الي شاقه وجهك ... بعدين يمى بذمتج العنود مع خبالها وجه زواج خل تفرغ كل طاقتها في الهبال عقب زوجوها محمد: هههههههههه عاد الي يشوف انت الي الحين بطلت هبال سلمان: ولا تفكر اني ابطل في سيارة البنات العنود: فديييته عمي والله انه يهبل الهنوف: ايه بلاه مسايرنا بهبالنا ريم: لا يفوتكم حمووود العنود ركزي الكاميرا عليه هههه العنود: مسوي نفسه رزه ومؤدب ترى عارفين حقيقتك خذ راحتك بالهبال دانه: ههههههههههه لو يسمعج الجد:والله هالولد ماادري متى بيعقل حاط راسه براسكم وانتو بعد استحو الي يشوفكم شنو بيقول العنود: جدي مااحد بيشوف السياره مظلله بدور: ههههههههه خوش عذر الهنوف: واااااو مطر مطر العنود وشباكها مفتوح اهي والبنات : يلاااا بنااااات طق يامطر طق البنات كلهم : طق وقامو يغنون وهبال العنود: جدي والي يعافيك خل ننزل الجد: أي استني نشوف لنا مكان عدل دلال: ونااااسه مو قادره اصبر ابي انزل شوي الا نزلو ويشوفون قرود وقام الهبال مع الضحك تمو لين الظهر وهم يحوسون عقب خذو لهم غرفه و تغدو و ارتاحو فيها والعصر حركو مره ثانيه وطبعا على طول راحو للملاهي ويوم قربت الدنيا تظلم ركبو التلفريك ... البنات كلهم ركبو في تلفريك ويا عمهم سلمان واباقي ركبو في تلفريك ثاني وكانو على طول ورى بعض .. يوم ركبو وتحرك.. دلال: ياربيي خايفه العنود: يووو لا تخافون ما راح يصير شي وطبعا وهي ماسكه الكاميرا وتصور الهنوف: الله المنظر يجنن من هنا سلمان: والله اول مره أشوف بنات مب خوافات بدور: ليييه حسبالك كل البنات خوافات سلمان: لا بس الدلع وانتي اخبر بدور: مااالت الكل: بديييينا العنود: ياااهو لا تتخانقون ترى احنا في الجو بدور: هههههههه واذا يعني الهنوف: يصير شي ما شيات واحنا نبتلش ريم: لا لا عمي عاقل ماراح يسوي شي سلمان: هههههههههه كل هذا خايفين سلمان خذ جواله وقام يحوس فيه << يرسل لرفعه رساااله >> البنات يسولفون العنود وقفت وقامت تطالع في الجهه الي راجعين .. وطبعا كانت موجهه الكاميرا وشافت شي ما صدقت رفعت عيونها عن شاشه الكاميرا وقامت تطالع وفيها الضحكه ومو قادره تمسكها قامت طقت الهنوف برجلها وغمزت لها لفت الهنوف بسرعه وحطت يدها على فمها انتبهو البنات لفو على المكان الي كانت العنود والهنوف يطالعون فيه والكل قام يضحك سلمان: بسم الله شفيكم الكل : هههههههههههههههههههههههههه ميت من الضحك سلمان: شفيكم أكيد تضحكون علي العنود وعيونها تدمع من الضحك وقعدت على الارض لانها مو قادره تمسك روحها سلمان : يوووو اشفيج استجنيتي بدور: لا لا سلماااني مافي شي سلمان بطناز: هههه لا والله كل هالضحك كذاا بدون سبب العنود: يا عمري مسااااكيين ريم: شكلهم في شهر العسل سلمان ابتسامه على وجهه من الكلام الي يقولونه وهو مو فاهم شي : من هم الهنوف: عمي ما عليك منهم سلمان: بتقولون يعني بتقولون دلال: لااااااا بنااات اذبحكم دانه: هههههههه روحي ذبحيهم هم احنا شكو سلمان: بنااات شالسالفه العنود: ههههههه وهي تاخذ نفس عمي انا بقولك الكل: لااااااااااااااا سلمان: الااااااا بتقول العنود ما عليج منهم قولي الهنوف: انزين كيفج قولي بس مو الحين بعدين اذا صرتو بروحكم العنود: اوكي خلاص عمي بعدين اقولك سلمان وهو يهز راسه: والله انتو ما يندرى وش وراكم مو تنسييين العنود: لا تخاف |
|
|
#73 |
|
|
رد: ( لبى قلبــك ) رواية سعودية رومانسية تجنن لاتف
وصلو الجهه الثانيه تمو شوي وعقب رجعو بس غيرو اماكنهم البنات انقسمو صار النص مع خلود وفوزيه والجد والنص الثاني مع محمد وسلمان ...
بعد مانزلو وهم يدورون الا يطق جوال الهنوف خذت جواله : ندىىىى ...ألو ندى: هلا السلام عليكم الهنوف: هلا والله وعليكم السلام الحمد لله على السلااامه ندى : الله يسلمج شخبارج الهنوف:" الحمد لله انتي شخبارج شمسويه ندى: والله الحمد لله مستانسه الهنوف: شخبار عبدالله ندى: بخير الحمد لله يسلم عليج الهنوف : الله يسلمه تحمديله السلامه متى وصلتو ندى: أمس في الليل الهنوف : وتوج تكلمين ندى: والله وصلنا تعبانيين على طول رحنا للشقه واليوم رحت اسلم على امي وابوي وخالتي وعمي الهنوف: ندووووش ونااااسه تعالي العنود تصارخ: حمد لله على السلامه يالعرووس تعالي كملي شهر العسل معانا ندى: ههههههه هذا العنود عطيني اياها الهنوف: هاج العنود: هلا والله بالغلا شخبارج حمد لله على السلامه ندى: هههههههههه بشويش صبرج علي العنود: شسوي مشتاقه لج ندى: ههههه تشتاق لج العافيه هاه مستانسين العنود: افا عليج والمطر والبرد فوقنا شلون ما نستانس ندى: مطر ؟؟ العنود: أي احنا بالطايف هاج جدتي معاج كلمت ندى الجده والجد وهم عبدالله كلم وسلم عليهم .. والعنود دقت على اخوها وتحمدت له السلامه بعد ما تعشو وعينو خير رجعو لمكه وقررو وهم رايحين لابها يمرون الطايف مره ثانيه لانهم ما شبعو منها .. الساعه 12 في الليل في الخبر ... عبدالله : أقول حبيبتي ندى: هلا عبدالله:شرايج نروح لهم مكه ندى والابتسامه على وجهها : صدق عبدالله: الله لهالدرجه خاطرج تروحين طيب ليش ما تقولين لي ندى: لا بس ما حبيت اثقل عليك واتعبك احنا تونا جايين من سفر عبدالله: تعبج راحه انت امري وتدللي كل الي في خاطرج قوليه ندى: ياعمري انت تسلم حبيبي عبدالله: بس لا تقولين لهم نخليها مفاجأه ندى : هههه اوكي ولا يهمك يابو المفاجأت انت من عيوووني عبدالله: تسلملي عيووونج ... يلا قومي ننام نرجع لمكه .... أول ما رجعو كلن دخل الحمام وخذ له دش بالدور بعد ما نقعو روحهم بالماي والمطر ...عشان كل وحده دااايخه وواصله حدها من النوم العنود هي الوحيده الي انسدحت في الصاله وبعد ما طلعت اخر وحده من الحمام الي هي بدور قومتها دخلت العنود وخذت دش طلعت وصلت الشفع وانسدحت على سريرها خذت جوالها والنوم في عيونها عشان تحط المنبه الا تشوف رساله قرأتها على السريع تدري من أنا ...؟ واحد ماتتوقعه .. خذ مهله وفكر 00:03 00:02 00:01 ها .... ما عرفتني والا اكيييييد ناسيني ((أنا اللي )) منتظر موعد عيونك مشتهي معك الكلام منتهي قلبي بدونك عيشتي بعدك ظلام شافت الرقم ... ياربييي من ذا أوووو كيفه ... ضبطت المنبه على الفجر الي ماكان باقي عليه الا ساعه ونامت .. البنات ما راحو للحرم قامو صلو ورجعو نامو قامو قبل الظهر بشوي وراحو للحرم صلو وجابو غداهم ورجعو وقعدو يسولفون في الصاله ... العنود وبدور كانو عند الشباب مع الجده .. الجد : ها شرايكم بكره والا بعد بكره تبونا نحرك العنود: والله الصراحه مكه ما ينشبع منها وناااسه بدور: توج تدرين سلمان: والله احنا ما قلنا نبي رايكم هاه متى تبونا نمشي بكره والا بعده بدور: يمه كلتنا العنود: ها جدي انت متى خاطرك نحرك من مكه الجد: والله متى ما بغيتو حركنا الجده : انا اقول نحرك قبل الزحمه محمد: يعني بعد بكره الاربعاء الجد : شرايكم نصلي الجمعه في الحرم وعقب نحرك العنود: أي والله أحسن خل نكمل أسبوع لا حقين على أبها الجده: والله براحتكم خلاص سلمان: احسن الجمعه العنود تطالعه وتغمز له : أي مب لله بس عشان الحبايب سلمان : أنا بقوم أريح شوي اذا اذن العصر قوموني العنود مبتسمه وتقول في قلبها ..فشله والله اني ما استحي جدي وجدتي موجودين وأقول كذا .. الا يلف سلمان عليها وهو مبتسم ويهز راسه بالايجاب العنود مبتسمه وفي قلبها : أشوه العصر البنات نزلو وتقابلو مع اهل رفعه واجتمعو البنات .. مرو هاليومين والبنات مستانسين موووت أكثر من أول ونومهم قام يقل لانهم كله مجتمعين مع بعض حتى ام عبد العزيز <<الجده>> وخلود كانو يتجمعون مع الحريم .. يوم الاربعاء الصباح وصلو اهل الخبر << عبدالعزيز وزوجته وعبد الرحمن وزوجته وعبدالله وندى >> اعتمروا عقب راحو للفندق يرتاحون .... المغرب .. في قسم البنات بدور: ريمو والا دانوه وحده تقوم تفتح الباب ريم قامت تفتح الباب : أكيد عمي ساره : السلام عليكم ريم والابتسامه علىوجهها : وعليكم السلام .. يمى خالتي ساره: أي شفيج . ريم: ولا شي شهالمفاجأه الحلو ه حياااكم ندى: اهلين ريموو ريم: هلا والله بمرت اخوي \دخلو .. بدور: هل والله نورتو ولا تقولون انكم بتجون.. هلا ندووووش شخبارج فاطمه: بغينا نسويها مفاجأه لكم الا الي داخل يسمعون الحس ويطلعون العنود وهي متفاجأه : يمى .. خالتي ... ندى الهنوف: وانا اقول من هالحريم الي جايين توقعتهم أهل رفعه بدور راحت نادت امها من داخل وجات وسلمت عليهم .. عقب راحت هي والبنات يسلمون على الرجال الكل استانس بهالمفاجأه الحلوه قعدو شوي عقب نزلو للحرم عقب ما خلصو صلاةالعشاء الجده : الا شخبار ام جاسم فاطمه( أم الهنوف): والله الحمد لله بخير وصلو أمس ساره( ام العنود) :ما دقو عليكم العنود: جاو مكه (ام العنود) : أي أمس وصلو الهنوف: يا حليلهم والله ولا ندري عنهم خلود: يمكن انشغلو والا شي العنود: من الي جا يمى ام العنود: جدج وجدتج وخالج الهنوف: خالي طلال ام العنود: أي العنود: واااو مونااسه والله هالمره الكل جا وكله صدفه بدور : أي والله رفعه واهلها وجيتكم وام جاسم بعد ماشاء الله العائله الكريمه اكتملت .. العنود: بدق على خالي اكيد موجودين هنا الحين _ وخذت جوالها ودقت _ طلال : هلا والله بالقاطعه العنود: ههههه هلا فيك شخبارك طلال: الحمد لله انتي شخبارج شمسويه وينج مالج حس ولا خبر العنود: انتو الي جايين مكه ولا تقولون عشان نشوفكم وينكم طلال: اناالحين في الحرم وهذا محمد وسلمان وجدج قدامي توني مسلم عليهم العنود: أجل جدتي وينها طلال: أكيد عند بوابه ( ........) تنتظرنا العنود: أوكي خلاص أنت تعال الحين أخاف مااعرفها مع الزحمه طلال : أوكي يلا العنود: يلا سلام العنود: وحده تقوم معي نجيب جدتي الهنوف: انا بجي ... وهي قايمه .. يلا عميمه قومي معنا ترى احنا ما ندل بدور: أي ماتدلون طالعو في اللوح العنود متعمده: يووو عميمه اخاف نضيع ترى احنا دبش الجده: الحين شنو بتخسرين قومي معهم بدور وهي ما ودها : انزين قامو البنات وراحو عند البوابه الي قالهم عنها خالهم طلال .. يوم وصلو العنود: هنوف دوري دوري خالي الهنوف : هذاني قاعده أشوف يدور كانت خايفه او مستحيه نوعا ما لان طلال راح يكون موجود ومرتبكه لانها اول مره تشوفه بدور: أقول بنات شوفو مو كأنها هذيك خالتي ام جاسم العنود: وينها ... بدور: شوفي هناك _وتاشر_ الهنوف: أي والله كانها هي خل نروح لها العنود: جدتي حصه الجده لفت: العنود العنود: ههههه اشوه عرفتيني وسلمت عليها الهنوف هلا جدتي انا الهنوف شخبارج الجده: هلا فيج الحمد الله بخير انتو شخباركم بدور: السلام عليكم وحبت راسها هلا خالتي ام جاسم شخبارج الجده: بخير وعافيه انتي شخبارج يابنتي ان شاء الله بخير العنود: جدتي هاذي بدور عمتي الجده: وانااقول هالصوت مب غريب علي هلا فيج شخبارج يمى بدور بدور: والله الحمد لله انتي شخبارج خالتي عشاج بخير الا طلال من وراهم : ممكن الرقم يا حلويين العنود: خالي الهنوف : خرعتنا طلال : هههههه ادري متعمد العنود: احمد ربك كان ما جاك كف بس ربك ستر طلال: استحي على وجهج قدام الناس العنود: اجل انت ممكن الرقم ياحلوين وفي مكه بعد ولا وفي الحرم طلال: هههههه بدور أول ما سمعت صوته انقبض قلبها ويوم لفت وشافته وهو يسولف مع العنود والضحكه الي على وجهه ومحليتها الغميزه الواضحه الي على خده اليمين والخفيفه الي على خده اليسار .. طلال: ها يمى نروح والا بتبسطين مع الحريم داخل الجده: والله بشوف اذا الحريم بيقعدون .. ها يمى بدور امج بتقعد والا بتمشي بدور: والله ماادري ياخالتي بس اتوقع انها بتقعد العنود: أي اصلا هم ينتظرونج داخل طلال يوم سمع اسم بدور عرف انها عمة العنود الي كلمته امه عنها وقالت انها بتخطبها له كان وده يرفع عيونه ويشوفها بس استحى .. دخلو البنات مع الجده داخل الحرم وقعدو تقريبا ساعه يسولفون عقب طلعو وراحو تعشو وكلن رجع لغرفته البنات كانو متفقين يقومون بدري يوم الخميس ويقعدون يحوسون الصباح على راحتهم .. الساعه 1 ونص بعد ماصلو الشفع والوتر في الحرم كلن رجع لغرفته الاهل ماكانو في نفس الفندق الي فيه البنات بس كانو قريبين .. الساعه 2 في غرفه العنود والهنوف العنود: تصدقين الهنوف احس اني مستانسه واااجد حسافه بعد بكره بنروح الهنوف: والله حتى انا ما تتصورين شلون هالسفره شققتني من الوناسه العنود: ما توقعت ان راح نستانس كذا اول مره نجي مع بعض بالسياره والمفاجأه الاحلى ان رفعه جايه هي واهلها و بعدها اهلنا وبعدها جدي وجدتي والله ونااااسه الهنوف: تدرين عسى ان شاء الله ربي يتم هالفرحه علينا والا يفرقنا ونتم طول عمرنا كذا مجتمعين وعلى قلب واحد العنود: امييييييين الهنوف: تدرين الحين بيتنا ماراح يصير حلو ندى طلعت مع مين بقعد والله بتنبط كبدي العنود: افاااااااا وانا وين رحت كل يوم والثاني بنقز في وجهج الهنوف: هههههههه فديتج انتي العنود: لا تخافين ان شاء الله انتي الي بتجين عندنا الهنوف: لا تخافين من اول ما اقوم لين الليل وانا عندكم والا يوم عندنا ويوم عندكم العنود: الي يشوف احنا مقصرين بس لا ان شاء الله تجين عندنا اقامه دائمه الهنوف وهي تحاول تخفي البتسامه : وش تقصدين العنود وهي تطالعه بنص عين : ولا شي يلا يلا خل ننام بكره بنقوم من صباح الله خير الهنوف : يلا تصبحين على خير العنود: وانتي من اهله تمو ساكتين دقايق العنود : هنوووف الهنوف: هاه ما نمتي العنود: لا تعالي نسيت أقولج الهنوف : وشو العنود خذت جوالها وفتحت الرسايل وقالت لها رقم الهنوف: شفيه العنود: تعرفينه الهنوف : ماادري ليه العنود: راسل لي رسالتين بس مين ماادري قلت يمكن وحده من البنات والا شي الهنوف خذت جوالها قولي الرقم مره ثانيه العنود: بتدقين ؟؟ الهنوف: بس بشوف اذا مسجل عندي قالت لها الرقم العنود: هاه الهنوف: لا يمكن غلطانين انتي رسلتي شي العنود: لا طنشت الهنوف: اشوف الرسايل العنود مدت لها الجوال وقرت الرسايل وقامت تطالع العنود العنود: شفيج تطالعيني كذا الهنوف : ما احد جا على بالج ابد العنود: لا ليه تتوقعين ان احد راسلها الهنوف : ماادري بس الكلام شكله مقصود والرقم مو غريب العنود: هذا الي ذابحني الرقم اعرفه بس مو قادره اثبت حق منو الهنوف: يالله كيفه ياخبر اليوم بفلوس بكره ببلاش العنود :أي والله وانسدحو الهنوف كان يدورفي بالها فيصل بس ما حبت تذكر العنود أو تقول لها لانها حتى هي مو متاكده بس تاليتهم بيعرفون .. |
|
|
#74 |
|
|
رد: ( لبى قلبــك ) رواية سعودية رومانسية تجنن لاتف
البنات قامو من الفجر وقعدو في الحرم لين ما شرقت الشمس
بدور: يلا بنات نقوم الشمس شرقت العنود: يلا رفعه: يا ست الحسن نويييف نوف: هاه جواهر: الناس يقولون نعم مو ها نوف: نعم الكل: ضحك عليها رفعه: وش بعده يلا قومي نوف: انتظرو شوي جواهر:ككك بسج نوم اذا بتنامين رجعي للفندق نوف: لا ياعمري النوم لاحقه عليه بس والوناسه ما تنعاد ريم: أي والله خل نستانس احنا بكره بنروح رفعه: يووو لا تكدرون خاطري العنود: يالله ان شاء الله السنه الجايه تنعاد الهنوف: اللحظات الحلوه دايم ما تنعاد بدور: يلا بس عن الرومنسيه الزايده رفعه: على غفله صرنا فلم مصري العنود: انا فاتن حمامه نوف: وانا رشدي اباضه الكل: هههههههههههههههههه ريم : شلون جا الاسم على بالج نوف: ماا ادري بس عشان الوزن طلعو البنات راحو افطرو وعقب قامو يدورون مابقى مكان في خاطرهم الا راحو له .. العنود وقفت عند كشك محل صغير وشافت أحجار عجبتها كثير أشكال وألوان العنود: لو سمحت تقدر تحفر لي على الحجر البياع: أي العنود اختارت لها 8 حبات وقال له يكتب فيها( صيفنا مع أهلنا أحلى ) ومن ورى كاتبه اسمها وتحته اسم الي راح تعطيها لها وقالت له انها راح تمر عليه في الليل وتاخذهم ... على الساعه 11 العنود: بنات تعبت بدور: نصلي الظهر ونروح نرتاح رفعه: قومو ناخذ لنا شي نشربه الهنوف: شوفو خل نروح هذيك البوفيه شكلها حليوه جواهر: مليانه شباب العنود: يووو احنا شدخلنا فيهم هم قاعدين رفعه: انا والعنود بنروح انتو روحو قعدو داخل نجيب ونجي شكلنا يلفت 8 كلنا نروح الهنوف: انا بجي اساعدكم راحو البنات يشوفون لهم طاوله والثلاثه راحو ياخذونن عصيرات بعد ما خذ و العصيرات الهنوف: الله شبيشيلهم شكثرهم خل يعطيج كيس رفعه: لو سمحت عطني كيس العنود : كم الحساب ؟ الهندي: 50 العنود وهي تطلع الفلوس رفعه: كم قالج العنود: خمسين ... تعال كم الواحد الهندي: 2 ريال العنود: اجل خمسين من وين جات الهندي يضحك: انا يمزح العنود: لا والله ومن حظرتك عشان تمزح معي رفعه: ههههه اخر زمن الهنوف: لو سمحت كم الحساب الهندي: انت واجد ثقيل دم العنود تخزه : أقول كانا عطيناك وجه زياده عن اللزوم _ وحطت عشرين ورجع لها ريالين ومدت يدها عشان تاخذهم الا يرجع يده العنود جاتها الضحكه بس عصبت من حركته السخيفه : يعني ووالنهايه مد الفلوس ورفعه والهنوف يضحكون عليها الهنوف: اقل جيبيلي ماي معاج العنود: عطني 2 قرشه ماي _ وحطت الريالين _ الهندي جاب الماي وهو يضحك : انا قول انت خل ريالين ألحين انت في يعطي انا رفعه : والله هالهنود صار عندهم لسان الهنوف: البلا مو منهم من الشباب هم الي علموهم العنود: أي شباب الا قولي هالبنات الي ما يستحون اول ما لفو الا لقو شاب قاعد يضحك عليهم البنات تفشلو العنود: واخزياه شفتو شلون يضحك علينا الهنوف: انصدمت يوم شافته هو نفسه راعي الكتكات رفعه: الله لا يعطيه عافيه زين ان بس هو الي انتبه راحو للبنات قعدو تقريبا ربع ساعه يسولفون عقب طلعوا.. الكل راح لغرفته يتوضا عقب اتفقو انهم يطلعون يصلون الظهر في غرفه العنود والهنوف .. الهنوف: عنود العنود: هلا الهنوف: شفني هذاك الي كان يضحك علينا يوم ناخذ العصيرات العنود: هذاك الشاب الهنوف: أي العنود: شفيه الهنوف: هذا هو راعي الكتكات العنود: حلفيي الهنوف: والله ربي استجاب دعوتي وخلاج تشوفينه العنود: بس ما دققت فيه ولا شفت الحزن الي على وجهه الهنوف: ههههههههه مالت عليح تطنزين العنود: لا والله من جد الا ريم تطق الباب : يلا ترى احنا طالعين لبسو البنات عبايتهم ونزلو راحو صلو الظهر وقعدو شوي يسولفون عقب راحو تغدو مع بعض وبعدين كلن راح يرتاح وينام .. قامو العصر والمغرب نزلو ورجعو بدري عشان ينامو ويلحقون بكره يلقون لهم مكان حق صلاة الجمعه يوم الجمعه الساعه 9 في الليل وهو يرتبون أغراضهم العنود: يووووووو نسييت الهنوف: شفيج العنود: بسرعه قومي لبسي عباتج الهنوف: ليه العنود: انا مسويه طلبه يحفرون لي فوق الحجر عشان اعطيه البنات الهنوف: وتوج تتذكرين العنود: المفروض امس بس نسييت طلعو وخذو معهم شهد العنود والهنوف كانو واقفين قدام الكشك وكان عنده زحمه قعدو يستنون ويسولفون .. شهد كانت واقفه جنبهم الا شافت الشاب حق الكتكات ابتسم لها واشر لها تجي وجات الشاب: شخبارج شهوده حبيبتي شهد: الحمد لله الشاب: انتي بروحج هنا شهد: لا جيت مع العنود والهنوف الشاب : خواتج شهد : لا بنت عمي الشاب : انتو من هنا شهد : لا احنا بيتنا في الخبر اليوم في الليل بنروح ابها بعدين نرجع الخبر الشاب ضحك على برائتها : يووو حسافه اليوم بتروحون شهد: أي وانت عمي متى بتروح الشاب : ما ادري .. تعالي ابي اشتريلج كتكات قبل لا تروحين شهد: لابعدين العنود والهنوف يخانقوني الشاب: لا تخافين بشتريلج من هنا مو بعيد .. شهد : طيب كان في محل حق حلويات جنبهم راح هو ويا شهد واشترى لها كرتون كتكات وحط معاه زيادة حلويات العنود والهنوف خذو اغراضهم الهنوف: والله فكرتج حلوه العنود : تعالي وين شهد الهنوف: توها كانت هنا جنبي العنود:ياااا ويلي لا يكون ضاعت الهنوف: الله يهداها لا ما اتوقع اكيد شافت لها شي والحين تجي العنود: قومي ندور عليها قعدو يدورون عليها خمس دقايق وما شافوها الهنوف : قومي نرجع للمكان اكيد راح ترجع العنود: والله اذا ضاعت بتذبحني جدتي الهنوف:لا تحاتين ان شاء الله بترجع العنود: عاد ما ضاعت الا اخر يوم يابي الله يستر عاد مكه مليانه حراميه الهنوف: العنود تعوذي من بلييس لا تقولين كذا العنود والهنوف كانو خايفات ان شهد صار لها شي ... شوي الا شافو شهد جايه مع واحد الهنوف: العنود شوفيها جايه مع .... العنود ما خلتها تكمل كلامها وراحت لها تركض: شويهد .. ألحين ما قلت لج لا تتحركين من مكانج خليتيني ادور عليج خوفتيني الشاب: انا اسف يا اختي بس كانت معي رحت اشتري لها كتكات العنود بدون شعور رفعت راسها : انت راعي الكتكات حظرتك باي صفه تاخذها وتشتري لها اختك والا بنتك والا تقرب لك الشاب حس بالذنب : انا اسف بس ما كان قصدي أ خوفكم بس شهد: عنود عمي يحبني شرالي حلاو وشرالج حتى انتي الهنوف : طيب يلا خلاص خل نروح شهد: مع السلامه عمي الشاب نزل وبس شهد : مع السلامه حبيبتي ولا تنسيني شهد باسته على خده : شكرا الشاب : العفو وقام وقف .. انا اسف يا العنود والهنوف العنود بققت عيونها شلون عرف اسمي الشاب يكمل كلامه : بس ما كان قصدي اخليكم تحاتون شريتلها حلاو والله يحفظها لكم ان شاء الله بس لانها تذكرني ببنتي شهد الله يرحمها الهنوف انقبض قلبها : الله يرحمها العنود: الله يرحمها احنا اسفين ومشكور .. وخذو شهد وراحو لفت الهنوف عليه وشافت الحزن الي في عيونه عقب نزلت عيونها عنه العنود: والله صدقتي يالهنوف الهنوف: شفتي مو قلت لج العنود: شكله يكسر الخاطر الهنوف: الله يرحمها بنته بس تصدقين احس هالحزن مو بس من موته بنته اكيد في شي ثاني العنود: الله يوفقه ويصبره مسكين .. يلا قومي نلحق اوصلهم لبنات ونرجع .. الهنوف : يلا راحو وصلو للبنات الي شرته لهم وشكروها واستانسو وسلمت عليهم رجعو للشقه ودخلو الغرفه وكانت الساعه 11 .. العنود: يلا بعد ساعه بنحرك الله يعين الهنوف: انزين قومي رتبي اغراضج .. قامت العنود ترتبي اغراضها هي والهنوف ويسولفون.. الا تدخل عليهم شهد شهد: هنوف خوذي خلي الكيس عنج الهنوف: ليه شهد: بس عمي قال لي خوذي الحلاو الي تبينه وعطي الكيس الهنوف الهنوف : طيب طلعت شهد العنود: اما هذا الولد غريب الهنوف: ما علينا منه تعالي عندج كيس العنود: لا ليش الهنوف: ابي احط الشامبو والخرابيط فيه العنود: خذي هالكيس الهنوف خذت الكيس ورمت الحلاو الي فيه الهنود: الله فيها مصاص الي احبه ارميلي وحده الهنوف رمت للعنود مصاصه وخذت لها وحده وفتحوها وقامو يمصون .. الهنوف توها بتحط الاغراض في الكيس الا تشوف ورقه مدت يدها وخذتها العنود: شنو هاذي الهنوف تهز كتفها بعلامه ما ادري فتحت الورقه والعنود نقزت جنبها وقامو يقرأون الورقه .... جتني تودعني مساء يوم الأثنين جتني بظرف ما يفيد اعتراضي جتني ولوني انخطف بين لونين فيه السواد وفيه لمحه بياضي قالت غصيبه ياحمد فرقنا شين ولزوم فرقانا تجي بالتراضي قلت الخبر وشلون نبقى بعيدين ودموعها قامت تسابق هياضي قال فمان الله ياأغلى المحبين حكم علينا الوقت والوقت قاضي ماعاد أفيدك ياحمد والمرض شين يمشي بجسمي مثل سيل الفياضي بحكم القدر والوقت والعسر ماشين لازم نطيع بقسمته وان فراضي ملزوم ننسى ذكريات لها سنين ملزوم نحسبها قديم وماضي عجزت اصدق وين انا والخبر وين وش هالقدر ياللي عرض لي عراضي حضنتها ولميتها بالذراعين وتقادحت عيني كما البرق قاضي ممداني افرح في غلاها بعامين وهل القدر غصب علينا افتراقي أقفت وتمسح دمعها لي بكفين واقفت تناظرني بفرقا الاراضي عجزت اشيل خطاي وحنا مقفين عجزت وجسمي يرتعش ينتفاضي غصب علي بساير الوقت واللين هذا قدرنا ما يفيد التقاضي حسبي على وقت جمع وأفرق اثنين ماشال هم كسرتي واغتياضي هاذي قصتي مع زوجتي الهنوف اما بنتي شهد فكانت البنت الي انتظرها وماتت مع أمها قبل لا أشوفها يمكن هاذي أجوبه للتساءلات الي كانت تشغل بال كل من يشوفني ويسألني عن حالي ... الهنوف والعنود لفو وجيهم على بعض وكل وحده دموعها مغرقه في عيونها والمصاصه في فمها ابتسمو العنود: الله يرحمها الهنوف: ويعينه على فرقاها .. والله كسر خاطري العنود وهي تمسح دموعها : والله الدنيا مليااانه مصايب بس مااحد دراي عن الثاني الهنوف: الله يسعده ياارب والله من اول ما شفته وانا احساسي يقول ان فيه شي العنود : هنوف يلا الساعه 11 ونص الهنوف خذت الورقه ودخلتها في الشنطه : يلا يلا قومي ... |
|
|
#75 |
|
|
رد: ( لبى قلبــك ) رواية سعودية رومانسية تجنن لاتف
(( الجزء الثامن عشر ))
الأهل رجعو للخبر والباقي كملو رحلتهم .. رفعه وأهلها بيكملون اسبوع في مكه عقب بيروحون مصر بالباخره .... الساعه 12 تحركو لأبها ... كانو البنات زعلانيين ومتحمسين في نفس الوقت .... العنود الوجيده الي كانت مصحصحه فقعدت قدام مع سلمان وقامو يسولفون .. والبنات نامو الا الهنوف الي كانت مغمضه عيونها .. العنود: حسافه كان خاطري نمر الطايف سلمان : طلعتنا في الليل والا كان مرينا عليها العنود: المطر الي نزل فيها ياخذ العقل سلمان : ان شاء الله مطر ابها احلى لفت العنود وجهها ابتسمت خذت الكاميرا الي كانت حاطتها تحتها وفتحتها سلمان: شبتسوين العنود: افتح النور .. بصورهم سلمان : والله انج وحده العنود: ادري وقامت تصورهم وهي تضحك عليهم وتطنز على كل وحده ويوم جا دور الهنوف الهنوف : بووووو العنود: بسم الله ههههههه الهنوف : ههههههههه سلمان: مسكينه ما لحقتتي تطنزين عليها العنود: هبطي كشتج لو انج نايمه احسن على الاقل القلم مرفوع عنج الهنوف: مالت عليج انا عندي كشه أصلا ادري فيج غيرااانه العنود: مالت فديتها كشتي سلمان :هالكشه اذ مو موجوده انتي مو العنود العنود وتلف الكاميرا على سلمان وتحط يدها على راسه : عاد انت اسم الله عليك يدي ما اشوفها غرقت في كشتك الهنوف: هههههههههه بدور: بسكم خناق سلمانوووو سكر النور العنود تلف الكاميرا عليها : وي ازعاجناج عميمه سكر سكر النور عاد كلش ولا بدورتي قعدت العنود وسكرت الكاميرا وقعدت تسولف هي والهنوف وسلمان .. سلمان : تعالي عنووود ما قلتيلي العنود: وشوووووو سلمان: السالفه الي قمتو تضحكون عليها في التلفريك العنود قامت تضحك والهنوف ولعت ناااار من الحيا العنود: الله يغربل بليسك ما نسييت سلمان: لا ما نسيت ويلا قولي الهنوف: عنود ما عندج شريط تحطينه العنود: استحي تونا طالعين من مكه وتقول لي حطي شريط الهنوف: يالزفته انا قصدي شريط اناشيد ..حطي يارجائي الثالث العنود: شوفيه في الجيب عطيني اياه الهنوف: هاج العود حطته وطلعت انشودة فرشي التراب العنود: الله تهبل هالانشوده .. والا شرايك عمي سلمان : أي حلوه بس يلا قولي السالفه والهنوف هالتصريفه ما تمشي علي هاه الهنوف تفشلت والعنود عرفت ان لا مفر ,, العنود: انزين انا بقول وما علي سلمان: قولي العنود لفت عليه وهي تبتسم : استحي سلمان: الله العنود تستحي ومني ؟؟ وش هالمعجزه العنود: عمييي حرام عليك تراك رحت والا جيت عمي ولك احترام ومهابه شدعوه عاد سلمان : انزين بس اتوقع ان احنا نمون على بعض وتكلمي عن الدلع العنود: الله يسلمك شفنا واحد والله أعلم مع زوجته وشكلهم في شهر العسل طبعا هاذي توقعاتنا وتحليلاتنا سلمان وابتسامه خفيفه على وجهه : أكيد انتي وبدور العنود: هههههههه سلمان: أي كملي العنود: عميييييييييييي سلمان: نعممممممممممم العنود: عاد افهمها سلمان : انتي قلتي شي عشان افهم العنود: شوف عاد انا الى كذا وخلاص الباقي ما اقدر اقوله .. تدري انا اقول لرفعه واخليها تقولك سلمان: يعني ما قلتي لها الى الان غرييبيه العنود: الا قلت لها بس انت اسئلها وهي تقولك سلمان: زين الهنوف في قلبها أشوه والله حاله هالعم كل شي يبي يعرفه مرت عليهم ساعتين تقريبا .. نزلو عشان يصلون الفجر بعد الصلاه العنود : الجو شكله حلو بره بدور: يهبل الهنوف: خاطري بحليب كاكاو العنود: حتى انا ريم: حلفو يالبيبي العنود: والله يالكبيره الهنوف: انا بروح أقول لعمي يشتري لنا حد يبي شي ريم: والله انا خاطري ادخل البقاله بدور: ههههه من زينها عشان تدخلينها العنود : تراها بقاله مو سوبر ماركت طلعت الهنوف وشافت سلمان واقف عند كبوت السياره الي كان مفتوح عشان المكينه تبرد .. الهنوف: اهلييين عمييي محمد لف وجهه وهو مبتسم : هلا والله عمتيييي الهنوف تفشلت ولفت وجهها محمد: تعالي ياهوووو وانتي كل ما تشوفيني لفيتي وجهج والله لو انج شايفه ابليس ماسويتيها الهنوف : ههههه عاد ابليس من الخرعه بقعد أطالع فيه محمد : هههههه الهنوف في قلبها يازين الضحكه لا طلعت منك محمد: امري وش بغيتي الهنوف : وين عمي محمد رفع عيونه : هذاهو جاي لفت الهنوف وراحت له .. سلمان: هاه صليتو الهنوف: أي خلاص ,, عمي ولا عليك امر ممكن تروح البقاله تجيب لنا حليب سلمان: حليب وشو الهنوف: حليب كاكاو سلمان : لمنو الهنوف: لنا سلمان: الحين انا باخذ لي كافي واخذ لكم معاي الهنوف: شكرا نبي حليب كاكاو العنود : السلام عليكم هنوف وسلمان : وعليكم السلام العنود: عمي ما يصير ندخل البقاله سلمان : الا عادي العنود: صدق سلمان: لا كذب يالله بعد أحسن عشان تختارون الي تبون الهنوف : انا ماراح ادخل فشله العنود: احسن كيفج راحت الهنوف للبنات ومحمد راح وأخذ سندويشات ... وبعد ربع ساعه تحركو الجد قال يبي هو يسوق وريم ودانه راحو مع جدهم .. محمد: سلمان ترى بجي معكم سلمان: حياك بس البنات ما يبونك .ز عشان ما ياخذون راحتهم بدور: ومن قال تعال تعال حيااك محمد يمد لسانه لسلمان بدور نزلت وركبت ورى مع العنود والهنوف ودلال في السيت الأخير العنود: نورت السياره والله اشتقت لك أخوي من زمان عنك محمد: مقابلج كل يوم أي من زمان عني العنود: لا بس مااقعد واسولف معاك تعرف مو فاضيه محمد: هههههه سلمان : ايوا من قدك بدور والعنود كلن يرحب فيك يا حسرتي صدق من قال من لقى احبابه نسى أصحابه .. العنود: ههههههههه بدور: عشتو سلمانو يغار العنود: فديته عمي والله اني أموووت فييك سلمان والابتسامه شاقه وجهه : ادري محمد فتح الشباك : الجو حلو سلمان: أي قربنا من أبها العنود: بدور لو سمحتي وزعي الفطور دلال: وانتي ما همج الا بطنج العنود: حرام على لحم بطني من امس جوووعانه قامت بدور توزع عليهم والعنود كالعاده تصور وتستهبل .. دلال : وانتو الى متى على هالحليب ما تنغثون منه العنود: الهنوف عميمه بدور+الهنوف: نعم العنود: شيقول الطبيب بدور+ الهنوف + العنود: يا أطفال ياحلوين أشربواالحليب بالصحه والقوه تسئلو الطبيب الكل : يضحك عليهم سلمان: خوش أطفال والله .. قعدو طول الطريق وهم يسولفون ويستهبلون .. لين ما وصلو أبها وهم فرحانين بالي يشوفونه.. وعلى طول راحو وخذو لهم شقه .. ارتاحو لين الظهر عقب نزلو ياخذون لهم غدا عاد البنت ما يصبرون ونزلو مع الشباب وطبعا حوطو فيهم شوي ورجعو للشقه تغدور وارتاحو ... العصر بدت رحلتهم وقامو يحاوطون في أبها .. الكل كان مستانس بأبها راحو وداروا فيها وشافو خضرتها ومياهها وجبالها وبرودة جوها الي يرد الروح .. وأهلها الطيبين .. يوم من الايام كانو رايحيين لمنطقه كلها خضره وكانت تجري فيها المياه وفيها صخور وحاله كانت زي المنحدر أسفل الجبل .. العنود: يجنن المنظر بدور: الله حتى الجو يهبل دلال : الا قولو برد ريم: كنت اسمع عنها بس ما توقعتها كذا الجده: يابنات انتبهو لا وحده منكم تزلق بدور: لا تخافين علينا يمى الجده: شلون مااخاف عليكم وانتو راس مالكم رجتكم .. العنود: ههههههههه حتى انتي عرفتي الرجه يا جدتي ريم تصارخ: عنووووود عميييمه بناااات تعالو العنود : شف الزفته وين راحت بدور: قومو ننزل لها دلل: انتبهو لاوحده تزلق الجده : يا بنات انتبهو العنود تتمشى بشويش والكاميرا بيدها وتصور : لاتخافين جدتي اذا صار شي والا ماشيات بتشوفونه بالكاميرا الهنوف: أقول سكتي بس لا خوفي يصير شي العنود : اسم الله علي نزلو البنات لين وصلو عند الماي الي كان يمشي بين الصخور بدور: بااارد انتي شلون مدخله رجولج يالخبله ريم: عادي ونااااسه العنود: عميمه بتنزلين بدور: لا العنود: انزين مسكي الكاميرا وصورينا العنود فصخت جزمتها ورفعت بنطلونها وعبايتها ونزلت في الماي الهنوف : ياااهو انتبهي لا احد يشوفج حظرتج مطلعه سيقانج العنود: هههه وناااسه الماي بااارد .. بدور: ما احد بيشوف احنا بعاد عن الناس العنود: يلا نزلي الهنوف الهنوف : لا عيوني انا مب بايعه عمري دلال: يلا الهنوف والله وناااسه دانه تاخذ ماي وترمي على الهنوف : ههههههه يلا نزلي الهنوف: وجع بارد العنود ترمي عليها ماي : نزلي الهنوف : وجععععععع الكل يضحك عليها وقامو يرمون عليها ماي الهنوف عصبت وقامت : أصلا انتو ما ينقعد معاكم أحسن لي اروح عند جدتي العنود: أعصااابج لا تطيحين انتبهي لفت وجهها ومدت رجولها وطلعت على صخره وزلقت لانها داست على عبايتها وطراااخ على ظهرها في الماي الكل ميت من الضحك الهنوف قانت تصيح العنود ودلال نقزو عندها يقومونها الهنوف: اااااااه ا ظهري كله منكم بدور : هههههههههههه طيب ليش تصيحين الهنوف: أي بلاها موفيج وسكري هالكاميرا يلا بسكج طناز العنود: هههههه كلج ماي ريم: نقعتي دلال: الي يشوف بيقول شفيها ذي طابه في بركه الهنوف : ولا بعد تطنزون يارب كلكم تطيحون _ رفعت عبايتها وطلعت مممره ثانيه _ الكل: انتبهي العنود: لا طيحين هنوف عن العناد بدور: كأنج وحده مطلقه رايحه بيت أهلها الهنوف طنشت وكملت طريقها والكل يضحك عليها .. وصلت فوق وهي تتحلطم الا محمد وسلمان في وجهها محمد وسلمان أول ما شافوها ماتو من الضحك : هههههههههههههه الهنوف: سخيفييين ليش تضحكون محمد يوم عرف انها الهنوف زاد في ضحكه الهنوف زياده على الصياح الي هي فيه قامت تصيح أكثر .. وراحت عنهم سلمان لحقها وهو يحاول يوقف ضحك تعالي يابنت ياهووو الهنوف : لا والله أوقف اعشان تضحك علي ها سلمان: استحي شكبرج تصيحين سلمان مسكها : شفيج ناقعه ماي الهنوف وعيونها كلها دموع : عمي طحت على ظهري بالماي سلمان : ههههههههه من طيحج الهنوف: لا تضحك زييين حرام عليك زلقت وطحت والله ظهري يعورني سلمان وهو يضحك : يابعدهم كلهم انتي يالبنت أخوي وأخذها بحضنه ولمها وهي تصيح محمد قرب عندهم وشافه وهو لام الهنوف وماااات من الغيره وفي قلبه ياحظك يا سلمان ليتني مكانك محمد: استح على وجهك لا يشوفك أحد سلمان يمد لسانه لمحمد ويغمز له : غيرااااان محمد: وليش أغار الهنوف وخرت عن سلمان وبصوت كله صياح: وين جدتي سلمان: ماادري محمد: شوفيها هناك سلمان : انا بروح أشوف البنات يلا عشان نرجع تبدلين قبل لا يصيبج برد الهنوف لفت ولا عبرت محمد ولا بنظره حتى محمد همس للهنوف بصوت واطي تسمعه بس هي : أمووووت في الزعلانين الهنوف سمعت الي قاله قلبها قام يدق بس سوت روحها ماسمعت ولا شي وكملت ولا حتى لفت وجهها |
