 |
  |
|
|
|
|
#76 |
|
|
رد: ( لبى قلبــك ) رواية سعودية رومانسية تجنن لاتف
جاو البنات ورجعو لشقتهم وبعد العشا راحو لمنتزه ..
الهنوف بعد الطيحه الي طاحتها ضربها البرد وزكمت وصارت حالتها حاله تتمشى والبطانيه عليها .. وهم مجتمعين في الصاله سلمان: السلام عليكم الكل: وعليكم السلام سلمان حب راس امه وابوه : ها الهنوف شخبارج الحين الهنوف وهي تحت البطانيه : شوف عينك الحمد الله على كل حال سلمان: ياعمري كله من ذيك الطيحه العنود: تبي تشوفها عمي ترى مصورينها سلمان: هههه لا لا قومي قومي جيبها الهنوف تخز العنود: بذبحج العنود: هههههه حرام عمي خلاص بعدين لاحقين الجده: استحو البنت تعبانه وانتو تخانقون وياها سلمان: افا يمى بس نمزح معها العنود: الله يالهنوف وين هبالج بدور: الصحه تاج على رؤس الأصحاء الهنوف: أي والله الحمد لله على كل حال محمد من بره يتنحتنح : احم احم ادخل الجده : تفضل مايمك احد العنود: لحظه لحظه جدتي البنات مو جودين دلال نقزت جنب الهنوف ودخلت تحت البطانيه بدور: ادخل محمد : السلام عليكم وحب راس جده وجدته .. محمد: ها شخباركم ؟ بدور: والله الحمد لله بخير وعافيه انت شخبارك محمد: بخير ها شخبار مريضتكم ؟؟ الهنوف في قلبها لاااا زين سألت عني ؟؟ العنود: حمد لله بس الزكام ملعوزها شوي محمد ليته فيني ولافيج : ما تشوفين شر يابنت العم الجده: ان شاء الله تقوم لنا بالسلامه مثل الحصان الكل : ان شاء الله محمد: الا ماقلت لكم ترى بكره جدي وجدتي بينزلون ابها الجد: حياهم الله محمد: يحييك ربي العنود: من قالك ؟؟ محمد: طلال توه مكلمني بدور يوم اسمعت اسمه ارتبكت .. العنود: متى بيطلعون محمد: الفجر الجده: خلهم يجونا محمد: انا قلت لهم بس طلال قال يرتاحون اول عقب نتقابل .. الا دانه تدخل عليهم ووراها ريم : هههههه السلاااا..._ الا عيونها بعيون محمد وعلى طول ترجع لورى وتدخل وسكرت الباب _ ريم: شفيج دانه: فشلللللللللله محمد شافني ريم: ههههههههه عادي الله شفيج انقلب وجهج دانه بطناز: ههههه عادي الله شفيج انقلب وجهج.... لا مافيها شي ريم: اووو عادي حمود حاله حال سلمان في الصاله ... العنود: اما هالدانه وريمو مو فالحين الا بالضحك وسوالفهم ما تخلص بدور: اسم الله عليج ما تقصرين حتى انتي ويالهنوف فيكم خير وبركه الهنوف تهمس لدلال من تحت البطانيه :فحت ابي هواء دلال: هذا انتي التعبانه تقولين كذا شلون انا خل نقوم الهنوف: يلا... العنود احنا بنقوم العنود: وانا معكم وقامو البنات ودخلو داخل .. شوي وعقب قام الكل ينام .. على الساعه 12 اما البنات فقعدو يسولفون لين الساعه 1ونص ويبلعون في البيبسي والحلويات لين الساعه 1ونص تقريبا .. محمد وهو منسدح على فراشه والعاشق الولهان سلمان يكلم حبيبة القلب عشان بكره بتروح مصر وهو منسدح ومسوي روحه نايم عشان سلمان ياخذ راحته محمد يا بختك يا سلمانو تكلم حبيبتك عقبالي يااارب الله يصبرني عليج يالهنوف احبج احبج امووووت فيج .. وقام يتذكر يوم جاتهم تصيح وهي كلها ماي والابتسامه شاقه وجهه ... سلمان انتبه له : وي ياعمري ولد أخوي شكله يحلم الابتسامه شاقه وجهه من الوناسه محمد: أقول انت بس خلك في الي انت فيه .. عنبوك حتى الحلم بتحاسبني عليه... رفعه: ههههه حرام عليك خله سلمان: وانا قلت شي محمد: بروح أشرب ماي تبي شي من المطبخ ياعريس رفعه ميته من الضحك على سلمان سلمان وهو رافع حاجبه: سلامتك ياروح عمك انت محمد طلع من الغرفه وهو توه بيدخل المطبخ الايسمع صوت خرخشه .. محمد: احم احم الهنوف: منو؟ محمد: انا محمد.. الهنوف: لا تدخل ابطلع عقب ادخل محمد وهو مبتسم : الهنوف الهنوف بهبال : لا وتكح محمد : لا والله ... ماتشوفين شر الهنوف: الشر ما يجيك .. ممكن تروح عشان أمر محمد: لا مو ممكن .. انتي شنو قاعده تسوين الهنوف : شاهي محمد: ليش ما خليتي وحده من البنات تسويلج انتي فيج حيل تقومين الهنوف: الحمد لله أي فيني حيل .. محمد : طيب مدام فيج حيل سويلي كوب معاج اذا ما يتعبج الهنوف في قلبها يعني السالفه فيها عناد : لا عادي أسويه وبخليه على الطاوله وتعال اخذه محمد مبتسم : انا بقعد في الصاله عند التلفزيون اذا خلص جيبيلي اياه الهنوف: لا والله هذا الي ناقص محمد يبي يعبها وهو متعمد لانه عارف انها زعلانه من ذاك اليوم يوم يضحك عليها .. محمد: طيب لفي حجابج عليج وعطيني ظهرج ابي ادخل المطبخ الهنوف حطت الجلال عليها : انا بطلع وطلعت وراحت .. محمد قعد يضحك عليها ودخل للمطبخ وقام يسوي الشاهي الهنوف دخلت الغرفه وهي متضايقه ماحلو الشاهي الا الحين وكانو البنات كلهم نايمين الا بدور والعنود وقعدت والعنود كانت تكلم .. العنود: لا يكون ازعجتك.. طلال: لا انا توني طالع من الحرم ... انتو الى الان ما نمتو العنود: لا باقي انا والهنوف وعميمه الحين بننام .. تعال متى بتطلعون طلال: الفجر بعد متى العنود: الله الفجر متى يمديك تنام وترتاح بدور: الا قولي حر الطريق الله يعينهم على شمس الضحى العنود: أي والله صدقتي الله يعينك على شمس الضحى .. طلال: بعد هذا الوالد ما يحب يمشي الا الفجر .. منو هاذي الي خايفه علي من شمس الضحى ريمو والا الهنوف .. العنود مبتسمه: لا هاذي ولا ذيك هاذي عميمه بدور .. طلال: اييييييي بدور قامت تطالع العنود وهي متفشله بنفس الوقت وقامت وانسدحت على فراشها ... العنود : اوكي خالي اخيلك روح ارتاح شوي بكره وراك طريق طلال: اوكي سلمي على الي عندج العنود والابتسامه شاقه وجهها اكثر واكثر : ان شاء الله يالله مع السلامه طلال: مع السلامه العنود: يسلم عليكم الهنوف+ بدور: ........ العنود: عاد على الاقل قولو الله يسلمه بدور : هههههه الله يسلمه الا يطق الباب قامت العنود وفتحت الباب : هلا حمود وطلعت وسكرت الباب الهنوف وبعد جاي صدق شين وقوي عين دخلت العنود وبيدها كوب : الله الله حركااات يا جوولييت الهنوف تخز العنود بدور: اخذو راحتكم عادي العنود: ادري نمون بدور: شنو هذا حركااات حمود شجايب لج العنود: أي لي هذا للأنسه الهنوف شاهي مع ليمون وعسل ما ادري شلون جاي بس حمود يقول عطيه الهنوف عشان حلقها تفضلي _ وتمده لها _ الهنوف خذته : شكرا العنود : لمحمد شكرا انا ما سويت شي الهنوف مبتسمه وفي قلبها ياعمري ظلمته الله يخليك لي ولا يحرمني اياك والله أحبك ... اليوم الي بعده وصلو طلال وامه وابوه والعصر راحوا عند الشباب عشا يطلعون ويا بعض وهم في السياره كان الي يسوق محمد وجنبه طلال والبنات ورى وسلمان معهم سلمان: والله ونااسه القعده ورى كله بنات العنود: ههههههههههه كلنا حلال عليك تراك عمنا بدور: يووووووك انت الوحيد المحرم الموجود العنود: انا الكل محرم لي حمود أخوي وسلمان عمي وطلول خالي ياااهووو من قدي انقهرو الهنوف: حتىانا يا قلبي طلول خالي وسلمان عمي .... العنود: ومحمد وين راح محمد يطالعها من المرايه ويغمز لها : الهنوف ولا يهمج انا خطيبج الكل سكت وتفاجئ من الي قاله محمد الهنوف تفشلت وحطت يدها على فمها وهي تطالع محمد في المرايه وعيونها مفتوحه علىالاخر متفشله من الي قاله .. سلمان يبي يصرف الموضوع : وانا عمها شاهد وهذا خالها شاهد بدور: ها الهنوف موافقه ؟؟ محمد: هل تقبليني زوجا لك يا ابنة العم الهنوف: ................... العنود: السكوت علامة الرضا كللللللللللللللللووووش بدور وهي تصفق : ومباركين عرس الأثنين ليلة خميس .....الخ الهنوف كالعاده العبره كانت خانقتها بس طنشت ولا كأنها مهتمه لشي .. كملو أسبوع في ابها وكانو ينتقلون فيها للمدن القريبه منها .. عقب راحو للقصيم وقعدو يومين لان الجد كان عنده عرس هناك .. واخر المطاف راحو للرياض عقب رجعو للشرقيه .. وانتهت رحلتهم في ربوع بلادي ... وصلو للخبر الساعه وحده في الليل طبعا البنات نامو في بيت جدهم واليوم الي بعده كلن رجع لبيته .. العنود بعد ما رجعت وسلمت على امها وابوها وقعدت معهم راحت لغرفتها الي كانت مشتاااقه لها أول ما دخلت رمت نفسها على السرير : اااااااااااه ياغرفتي ياني مشاتاااقه لج شهر كااامل وانا غايبه عنج قامت العنود وخذت لها دش ولبست وطلعت كلمت الهنوف الهنوف: هلا والله العنود: اهلييين اشتقتلج الهنوف : هههههههه الله يغربلج توج من 4 ساعات مفارقتني العنود: والله والله والله اني استانست في هالسفره أكثر من أي سفره في حياتي الهنوف : حتىانا شفتي شلون السفر مع الأهل حلووووووو العنود: على قولة المجد صيفنامع أهلنا الهنوف: أحلى العنود والهنوف: ههههههههههه مر هالأسبوع عادي بس كان في خبر مفرح الكل ان بدور وافقت على طلال وأخيييييييييييرا .. وقررو ان الملكه تكون في نهاية الإجازه ...يوووووو عاد هاذي ملكة بدور يعني بتخبص الدنيا فوووق تحت عشانها ومن جهه ثانيه البنات كانو يجهزون لحفلتهم الي هم راح يسونها في نهاية الأجازه وأكثر وحده كانت مختبصه لها هي العنود .. في بيت الجد الساعه 10 الصباح دلال نزلت وراحت للصاله وماشافت جدتها راحت للمطبخ دلال: ميري وين ماما ميري: أنا ما اشوف ماما اليوم دلال: مانزلت وفطرت هي وبابا ميري: لا ما في فطور دلال: غريبه وراحت لغرفة جدتها وطقت الباب ودخلت لقتها تصلي الضحى واستنتها لين ما خلصت قامت وحبت راسها : صباح الخير يالحنونه الجده وبصوت تعبان: يصبحج بالنور دلال: هاسلامات عسى ماشر ما انتي في الصاله ... الجده: والله يابنتي صليت الفجر وشفت روحي تعيبينه قلت انام شوي وراحت علي نومه دلال: ما تشوفين شر وجهج أصفر تبين نروح للمستشفى الجده : لا لا ماله داعي مافيني الا العافيه دلال: اسويلج فطور الجده: لا اليوم الاثنين انا صايمه دلال : الله يتقبل ان شاء الله الجده : امين الا وين جدج دلال: ما ادري ماشفته قومي نروح الصاله طلعو وراحو قعدو في الصاله شوي الا جا الجد الجد: السلام عليكم الكل: وعليكم السلام الجده: ها يام عبد العزيز شفيج اليوم حلو لج النوم متى قمتي الجده: والله ماقمت الا من ساعه احس بدني متكسر من التعب الجد: ما تشوفين شر لايكون صابج برد الجده: والله ما ادري لنا اسبوع من رجعنا لو بيجيني برد كان جا من الاول يوم تغيرالجوعلي الجد: الله يعين |
|
|
#77 |
|
|
رد: ( لبى قلبــك ) رواية سعودية رومانسية تجنن لاتف
بعد العشا
خلود: خالتي أقمو احط العشا الجده: والله براحتكم انا ماني مشتهيه اكل خلود: الله يهداج خالتي انتي حتى الفطور ما فطرتي زين كلتي كم تمره وعلى هالقهوه وحتى الشوربه ما كملتيها الجده: والله ماادري شفيني مو مشتهيه بدور: يمى تبن نروح للمستشفى شكلج تعبانه الجده: مافيني الا العافيه يالله انتو قومو حطو العشا الجده كانت تعبانه وفيها حراره بس ماكانت تبي تخوفهم عليها وهي ما تحب المستشفى تعرفون الجدات ... اليوم الي بعده البنات كانو متجمعين في بيت الجد ... الهنوف وهي تصفط السجاده حق الصلاة : تصدقين العنود جدتي شكلها تعبااانه العنود: أي والله وجهها مصفر وحالتها حاله والله تكسر الخاطر وهالبرد الي صايبها الهنوف: يمكن بعد السفر تعبت والا الجو تغير عليها العنود: يمكن قومي ننزل تحت عندها الهنوف: يلا نزلو البنات وشافو الجده منسدحه ومتغطيه .. العنود: جدتي مو من عوايدها تنام في هالوقت الهنوف: يمكن مع التعب غفت شوي العنود : جدتي جدتي قومي طلعي غرفتج نامي _ تحط يدها على جبهتها وتلف للعنود_ حرارتها مرتفعه جدتي أمي فوزيه الهنوف : شفيها ما ترد العنود تهزها: جدتي الهنوف جات جنبها : جدتي جدتي _ وعيونها مغرقه _ شفيها ماترد العنود ودموعها على خدودها : ما ادري ونقزت من مكانها الا سلمان في دخلته العنود: عمي الحقني سلمان وهو خايف : شفيج العنود: جدتي ما ادري شفيها ما ترد علي سلمان وبسرعه يركض للصاله ويشوف الهنوف قاعده تنادي وتهز أمه وماترد مسك راسها لقاه حاااار سلمان: الهنوف قومي جيبي عبايتها بسرعه الهنوف : طيب قامت الهنوف الا في دخلة العنود ومعها عبايه : عمي يلا نوديها المستشفى العنود لبست عبايتها والهنوف راحت ركض جابت عبايتها وساعدو سلمان شالو الجده وطلعو للسياره وراحو للمستشفى العنود كانت قاعده ورى وحاطه راس جدتها على رجولها وتقرأ وتسمي عليها وهي تصيح الهنوف كانت قاعده قدام ولافه وجهها عليهم وتدعي ودموعها تسيل بهدوء على خدودها سلمان كان حاط كل تركيزه بالطريق يبي يوصل بأسرع وقت وصلو المستشفى وراح سلمان جاب الكرسي وقعدو الجده عليه ودخلو للطوارئ... دخلو الجده يكشفون عليها والهنوف والعنود وسلمان قاعدين ينتظرون في الممر سلمان : العنود دقي على البت قولي لهم ان احنا في المستشفى لا يحاتون العنود : طيب دقت العنود على بدور وقالت لها بدور خااافت وقامت تصيح وسالت العنود عن المستشفى وقال لأبوها وجاو بسرعه .. الدكتور طلع والكل نقز في وجهه سلمان: هادكتور وش صاير الدكتور: انت ابنها لمان: أي امي فيها شي الكتور: والله أمك دي لوأتي في غيوبه العنود شهقت و حطت يدها على فمها : غيوبه الهنوف غمضت عيونها وزاد صياحها الدكتور يكمل كلامه : والغيبوبه بسبب ضيق في التنفس هي كانت تعبانه أقوي سلمان: والله دكتور كان فيها حراره صايبها برد بس مارضت تجي للمستشفى الدكتور: السكر عندها نازل سلمان علامات الاحباط كل مالها وتبين على وجهه وهو خااايف على امه بس حاول يتماسك : طيب دكتور فيها شي بعد الدكتور : لا بس احنا راح نراقبها لين ما تفوء من الغيبوبه .. العنود: نقدر ندخل عليها الدكتور : هي ماحتحسج بيكو بس براحتكو... العنود على طول دخلت للغرفه ووراها الهنوف .. الهنوف أول ما شافت جدتها والأجهزه حولها ما قدرت تمسك روحها وطلعت بره وقامت تصيح سلمان شافها : الهنوف شفيج الهنوف: جدتي ماراح يصير لها شي صح عمي سلمان والغصه فيه: ان شاء الله لا انتي بس ادعي لها يلا انا بدخل اشوفها سلمان دخل وشاف العنود ماسكه يد جدتها الي كانت موصله بسلك المغذي وتصيح سلمان قرب وحب راس امه وقام يدعي لها في قلبه .. شوي الا بدور والجد يدخلون أول ما دخلو طلعت العنود وسلمان .. سلمان دق على عبدالعزيز وعبد الرحمن ( ابو العنود والهنوف ) وقالهم وطبعا هم على طول جاو العنود أول ما سمعت سلمان يدق على ابوها دقت على محمد وعبدالله وقالت لهم .. عقب دقت على بيت عمها عبد الله وردت دلال وقالت لها .. سلمان تكى راسه على الجدار وغمض عيونه وقام يدعي لامه أمه حبيبته الي مايقدر يمر يوم بدون ما يكلمها او يحب راسها سلمان كان ماسك نفسه بالغصب والا من داخل كان منهار يدعي ان امه تقوم بالسلامه الا يدق جواله شاف الرقم كان وده يبتسم بس الظروف حدته انه يرفع بصوت حزززين سلمان بصوت حزين : هلا والله حمد لله على السلامه رفعه: الله يسلمك شخبارك سلمان: الحمد لله انتي شخبارج حبيبتي رفعه: الحمد لله بخييير كافي اني سمعت صوتك سلمان : تسلمين .. رفعه حبيتي انا الحين بالمستشفى اول ما ارجع البيت راح ادق عليج اوكي رفعه بخوف : سلااامات شفيك بالمستشفى سلمان:ما فيني شي بس الوالده تعبااانه واجد ادعيلها تقوم بالسلامه رفعه: خالتي شفيها سلمان: جاها ضيق تنفس والسكر عندها منخفض رفعه: ما تشوف شر ان شاء الله خلاص اخليك الحين بس طمني سلمان: ان شاء الله مع السلامه رفعه:مع السلامه وصلو الرجال وحالتهم حاله كلهم كانو مختبصين الحريم والبنات يوم عرفو الي تصيح من جهه والا تدعي لها من جهه .. الدكتور قالهم انهم يطلعون بره الغرفه لان ماراح يفيد وجودهم الكل طلع بإستثناء بدور الي رفضت وبشده انها تتحرك من مكانها .... الكل عرف بالخبر الا عبدالله الي كان جواله علىالصامت بعد ماطلع من المسجد ونساه في السياره وتوه طالع من البيت لمشوار ويركب السياره الا ينتبه للمكالمات من الهنوف والعنود والشباب عبدالله: الله شصاير عسى خير ويفتح رساله من العنود ويلقى مكتوب فيها (( عبدالله جدتي في المستشفى طاحت في غيبوبه )) ومن محمد رساله تحمل نفس المعنى على طول حرك السياره وهو يدق على محمد محمد الي كان في المستشفى واول ما شاف ان عبد الله المتصل رفع .. محمد: هلا عبد الله عبدالله: هلا محمد شفيها جدتي محمد: طاحت في غيبوبه والسكر عندها منخفض عبدالله: طيب الحين شخبارها : محمد على حالها عبدالله: طيب أي مستشفى انا في الطريق جاي محمد: مستشفى......... عبدالله يالله مساف..... ويسمع محمد اصدام قوي وينقطع الصوت محمد خاف أكيد عبدالله صابه شي رجع يدق الجوال مقفل محمد قام يحاتي شصار لعبد الله سلمان شاف محمد وجاله سلمان: شفيك؟؟ محمد وهو متنرفز ومو عاف شيقول او يسوي : عبدالله شكله صار له حادث سلمان وهو منصدم : حااادث شلون ومتى ؟؟ محمد: ماادري كنت اكلمه وسمعت صوت انصدام وقنقطع الصوت قاعد ادق الجوال مقفل سلمان : ان شاء الله مافيه الا الخير الله يستر الحين الساعه 11ونص عبد الرحمن خذ الهنوف وطلع وعبد العزيز بعد بس العنود قالت بترجع مع محمد وقالو لهم اذا صار شي يخبرونهم ... مرت خمس دقايق ومحمد لاهي بعبدالله وش صار له ولا حب يدق على ندى يخوفها العنود كل شوي تطل على جدتها تشوف اذا صحت او لا بدور الي ما تحركت من مكانها قاعده جنب امها ولا تحركت ودموعها على خدها وتدعي وتقرأ عليها والجد قاعد معها سلمان ومحمد كانو قاعدين بره ومحمد رايح جاي .. سلمان: ياخي اقعد اربكتنا معك الا يسمعون صوت اسعاف وزحمه عند المدخل محمد عيونه معقه على المكان : الله يستر الا يدخل واحد وجهه كله دم والدكاتره متجمعين عليه وعلى طول على غرفة الطوارئ .. سلمان: شكله حادث محمد: الدم مغطي وجهه ما قدرت أشوفه سلمان: انت شفيك تفاول ان شاء الله عبدالله مافيه شي محمد ما قدر يصبر اول ما طلعت النيرس من الغرفه ركض وسألها عن الي داخل قالت له واحد صاير له حادث سياره .. محمد زاد خوفه بس كان يدعي ان عبدالله يكون بخير وان جدته تقوم بالسلامه سلمان: محمد قوم خذ العنود وروح للبيت اذ صار شي انا بعلمك محمد: طيب انا بروح اودي العنود وارجع سلمان: لا ترجع شكلك تعبان روح ارتاح الا يدق جوال محمد الرقم غريب رفع محمد: نعم المتصل : نعم الله عليك الاخ محمد ال....... محمد: أي نعم المتصل: يقرب لك عبدالله ال.......... محمد بلهفه وهو خايف : اخوي فيه شي المتصل: والله صار له حادث ونقلناه على المستشفى على طول محمد: لا حول الله أي مستشفى أول ما سمع اسم المستشفى : طيب مشكور أخوي وسكر سلمان الي توهم مدخلينه هو عبدالله ما قلت لك .. راح محمد ركض ووقف عند باب الغرفه ويستنى لين طلع دكتور وسأله وقاله انه أخوي الدكتور: والله ماادري شقولك بس أخوك الان في حاله خطره الحادث كان قوي وأفقده وعيه وأصابه بكسور جامده .. احنا بنكمل الفحص والله يكون في العون سلمان: الله يستر محمد قعد على الكرسي وحط يده على راسه : ياربيييي وش هالمصايب سلمان: استغفر وانا اخوك هذا قضاء ربك محمد: استغفر الله ونعم بالله يالله من فضلك .. قعد محمد وسلمان ينتظرون أحد يطلع من غرفة عبدالله الا تجي العنود العنود: شفيكم محمد: تبين ارجعج البيت العنود شكلج تعبانه العنود: لا لا مافيني شي انتم الي وجيهكم مختبصه صاير شي الا يطلع الدكتور ويقومون محمد: هاه دكتور بشر الدكتور: والله ما ادري شقولك بس رجوله أصيبت بكسور قويه ... والضربه كانت قويه مماادرى الى ,, محمد: تكلم دكتور أخوي فيه شي العنود يوم سمعت أخوي لفت وجهها وهي منصدمه ودموعها قامت تنزل اكثر الدكتور: كليته تعطلت ويحتاج الى تبرع وبأسرع وقت العنود : لاااااااااا وقعدت على الأرض وقامت تصييح عبدالله مستحيييييل ليش ياربي ليش سلمان شال العنود وطلعو بره وركبها السياره العنود لا عمي لا ماابي اروح للبيت ابي اقعد معكم ابي أشوف عبدالله عمي الله يخليك سلمان: طيب لا تخافين بس تعالي معي ركب السياره وحط راسه على السيت وغمض عيونه وضغط على يده بأقوى ما عنده وهو يسمع صياح العنود نزلت دمعه من عيونه : يالله فرجها يارب يا ارحم الراحمين كون لنا عون وفرج ما احنا فيه من مصايب العنود: عمي خلاص والله ماراح أصيح بس رجعني للمستشفى ابي اشوف عبدالله .. سلمان قام يهدي العنود وعقب نزلو مره ثانيه مالقى محمد وقعد ينتظره شوي الا طلع سلمان: وينك محمد: ليش ما وديت العنود سلمان: ما بغت انت شفيك ما سك يدك محمد: سويت تحليل دم عشان اذا ينفع اتبرع لعبد الله بكليتي سلمان قام يطالع في محمد ولمه سلمان: الله يعديها على خير العنود قالت لسلمان يدق على ندى ويطمنها لانها اكيد مشغول بالها على عبدالله سلمان دق عليها وقالها وندى أصرت الا تجي سلان قالها ان وجودها ماراح يفيد الصبح يجي ياخذها بس ندى ما وافقت فقال لها انه راح يمرها بعد شوي ... دخل سلمان على ابوه وناداه وقاله .. الجد: لا حول ولا قوة الا بالله وهو الحين وشلونه سلمان: يستنون التحاليل اذا تنفع فصيلة محمد والا انا برتبرع له الجد: لا انت ولا هو انا بتبرع له خل يشوفون دمي للأسف محمد فصيلته ما توافق عبدالله وما قدر يتبرع له .. الكل فحص لدمه العنود سلمان الجد وبدور وكلهم ما ينفعون ... كانو في خطر شديد عبدالله وباسرع وقت لازم يشوف له أحد يتبرع له الجده فوزيه الى الان في غيبوبتها .. بعد الفجر دقو على عبد العزيز وعبد الرحمن وبلغوهم وطبعا على طول جاو..... |
|
|
#78 |
|
|
رد: ( لبى قلبــك ) رواية سعودية رومانسية تجنن لاتف
(( الجزء التاسع عشر ))
بعد صلاة الفجر العنود وبدور كانو قاعدين في مصلى الحريم ... الا يدق جوال العنود .. العنود بصوت تعباان : الو الهنوف: الو السلام عليكم العنود: هلا والله وعليكم السلام الهنوف: صوتج تعبان شفيج العنود ورجعت لها نوبة الصياح :الهنوف عبدالله صار له حادث الهنوف : وشوو شلووون بدور : العنود خلاص حبيبتي لاتصيحين العنود قامت تصيح وماقدرت تكمل كلامها ومدت الجوال لبدور بدور: هلا الهنوف الهنوف: عميمه انتو وينكم بدور: في المستشفى الهنوف: شفيه عبدالله بدور: صار له حادث وهو الحين في المستشفى هنا الهنوف ودموعها على خدها : فيه شي بدور: ادعي له يالهنوف يحتاج احد يتبرع له بكليه الهنوف شهقت وزادت في صياحها بدور: خلاص الهنوف لا تصيحين انتي ادعيله الهنوف بصياحها : طيب وجدتي بدور: على حالها انابروح أشوفها الحين الهنوف: وقولولي شبصير طيب بدور: ان شاء الله يالله مع السلامه الهنوف: مع السلامه الهنوف سكرت من هنا ورمت روحها على السرير وقامت تصيح : يااااااارب قوم جدتي بالسلامه واشفي عبدالله بدور : العنود خلاص لا تصيحين قومي نروح نشوفهم وامسحي دموعج ترى اذا شافوج تصيحين برجعونج .. العنود: طيب يلا طلعو ولقو عبدالعزيز وعبدالرحمن موجودين ... راحو للجده وعلى حالها ماتغير .. قعدت بدور عندها اما العنود فطلعت بره في الممر وقاعده على الكرسي الا يجي محمد ويقعد جنبها محمد: عنود حبيبتي قومي اوديج البيت انتي من امس هنا العنود: لا ماابي اروح الحين اذا تعبت انا بقولك .. محمد: انتي شوفي عيونج شلون صايره حالتج حاله قومي البيت ارتاحي عقب انا اجي اخذج العنود: محمد والي يعافيك خلني معاكم اذا رحت البيت بقعد احاتي اكثر ... محمد: امي تحاتي هناك بروحها العنود: امي درت عن عبدالله محمد: ما اتوقع .. الا سلمان وندى داخلين .. ندى دخلت على طول على الدكتور عشان تشوف اذا تقدر تتبرع لعبد الله كلن قاعد على اعصابه رايحين جايين على غرفة الجده الى غرفة عبدالله والكل على نفس حاله .. ندى طلعت وعلى طول دخلت عند عبدالله .. وقبل لا تدخل أبوها عبدالرحمن : يمى ندى لا تصيحين هو يبيج تدعين له ندى هزت راسها بالإيجاب وعلى طول دخلت .. كانت الغرفه فاضيه مافيها الا عبدالله على السرير والأجهزه حوله ندى دموعها تسيل بشكل مو طبيعي على خدودها حتى نقابها نقع من الدموع شافت عبدالله والشاش على وجهه والجروح الي في يده ومتصله بالأجهزه الي حوله ومغطى بشرشف ابيض قربت جنبه ومسكت يده وباسته على جبينه وطاحت دمعه من عيونها في عين عبدالله .. ندى: عبدالله حبيبي شد حيلك وقوم لنا بالسلامه والله ما اقدر أعيش من دونك انت روحي وقلبي وحياتي وكل شي في دنيتي ما اقدر أخليك تروح عني والله اني أحبك أحبك أحبك ..أنا كلي لك لو تبي روحي عطيتك اياها بس لا تروح وتخليني ما اقدر أشوف الدنيا وانت مو موجود فيها شلون بعيش .. حطت راسها على يده وقامت تصيح .. حست بضغط بسيط على يدها بسرعه قامت وشافت عبدالله فاتح عيونه بس بشكل بسيط ندى والابتسامه على وجهها ودموعها تخالط الابتسامه: عبدالله حمدلله على سلامتك حبيبي عبدالله: هز راسه واكتفى بابتسامه الي بالموت طلعت منه ورجع غمض عيونه ندى: حبيبي لاتخاف احنا كلنا معاك عمي وابوي وسلمان ومحمد والكل بره يستون قومتك بالسلامه .. قامت ندى تدعي في قلبها لعبدالله .. شوي الا دخل ابوها وووجهه يدل على بشاره ونادها وراحت له... اول ما طلعت الا العنود في وجهها ولمتها وهي تصيح .. ندى: عبدالله فتح عيونه .. عبدالعزيز عمها : أبشرج يابنتي الدكتور قال انج تقدرين تتبرعين له بكليتج . ندى والفرحه مو واسعتها : صدق والله الحمد لله لك يارب ولمت العنود بكامل قوتها .. الا بدور تجي : هاه بشرو العنود : الحمد لله ندى تقدر تتبرع له بدور: الحمد لله لك يارب سلمان: هاه شخبار امي بدور: والله على حالها ندى مستغربه: جدتي وش فيها بدور: مادريتي .. هي في غيبوبه ندى: شلوون ومااحد قالي وينها راحت ندى وشافت جدتها وقلبها زارد وعورها أكثر ... طلعت الشمس العنود دقت على الهنوف وبشرتها .. أم عبدالله عرفت بالخبر وقامت تصيح وسوت حاله وام ندى بعد ما عرفت الخبر حتى هي قامت تصيح وقلبها عورها على بنتها وعلى ولد أختها .. الدكتور قرر ان العمليه تكون بكره الصباح .. الجد وبدور وسلمان رجعو للبيت يرتاحون والعنود ومحمد بعد .. الحريم جاو وشافو الجده وعبدالله .. طبعا ندى ماتحركت من المستشفى وصت الهنوف تروح وتجيب أغراضها ونامت في المستشفى مره وحده عشان العمليه بكره ... على الساعه 11 الصباح ما أحد في الصاله الا دلال كانت توها راجعه من المستشفى وقاعده مكان جدتها وتصييح .. دق التلفون أول مرره ولا ردت ودق مره ثانيه مسحت دموعها وراحت ورفعت بصوت واضح عليه الصياح .. دلال: الو عبداللطيف : السلام عليكم دلال: وعليكم السلام دلال عرفته : هلا عبداللطيف عبداللطيف : هلا بج شخباركم دلال : الحمد لله بخير عبداللطيف مستغرب من صوت دلال ومو متأكد انها هي : منو معاي دلال: انا دلال عبداللطيف فرح: هلا دلال شلونج دلال: ماشي الحال عبداللطيف حس انها مو متجاوبه معه : ولا عليج امر ممكن أكلم جدتي دلال يوم قال جدتي قامت تصيح : عبداللطيف خاف : دلال شفيج تصيحين جدتي فيها شي تكلمي دلال دلال: جدتي في المستشفى عبداللطيف: وشووووو مستشفى .. ليه شفيها؟؟ دلال وهي تصيح : كانت تعبانه حييل وطاحت في غيبوبه من أمس الىاليوم ما قامت عبداللطيف: لا حول ولا قوة الا بالله طيب سلمان موجود دلال: هو نايم لان من امس وهو معها في المستشفى وتوه راجع عبداللطيف:ولا احد قالي طيب مشكوره مع السلامه دلال: مع السلامه سكرت وقامت تفكر ليش قلت له الحين بيقعد يحاتي مسكين وهو هناك ياربي انا شسويت .. عبداللطيف دق على أمه وعلمته بالسالفه كلها وقال انه راح يجي على أول طياره للسعوديه يوم عرف عبدالرحمن أبوه عصب وكلمه وقاله لا تجي ان شاء الله ماراح يصير الا الخير احنا كلنا معها جيته ماراح تقدم ولا تأخر بس عبداللطيف كان رافض وأصر يجي جدته وولد عمه في المستشفى وكلهم حالهم يعلم فيهم الله .. العصر .. كان الكل في المستشفى عبدالله صحى والحمد لله الكل كان حوله .. أما الجده الى الان ما صحت والكل كان يحاتي ويدعي لها .. اول ماقام عبدالله سأل عن جدته وقالو له انها على حالها .. الدكتور نادى عبدالعزيز أبو عبدالله ومعاه محمد وقالهم خبر صعقهم وماكانو ابد متوقعينه وكان يخص عبدالله .. محمد بعد ماسمع الخبر ما قدر يدخل يشوف عبدالله وقعد بره عبدالعزيز دخل عشان ما يحسون بشي سلمان حس ان فيه شي لان وجه أخوه متغير طلع ولقى محمد قاعد على الكرسي ومنزل راسه للأرض وغطيه بيده سلمان: محمد شفيك محمد: ليه يا سلمان المصايب تحذف علينا من كل صوب لييه سلمان: شفيك شصاير علمني أمي فيها شي محمد: لا .. عبدالله سلمان: شفيه؟؟ محمد: رجوله انشلت سلمان صنم في مكانه وماعرف ينطق بكلمه وتم قاعد جنب محمد ولا نطق ولا بحرف .. قريب المغرب طلع الكل راح للبيت والى الان مااحد عرف بالخبر الا هالثلاثه عبد العزيز دق على عبدالرحمن وعلمه بس قاله انه ما يقول للحريم لين نقضي من عملية ندى وعبدالله وعقب نقولهم الخبر ... الهنوف كانت عند العنود في بيتهم وكانت الساعه 11 اللليل تقريبا الهنوف: تدرين عبداللطيف بيجي العنود: متى ؟؟ الهنوف ما ادري بس هاليومين درى عن جدتي وعبدالله العنود: منو قاله الهنوف: دق بيت جدتي وقالت له دلال عقب دق على امي وقالت له كل شي العنود: الله يعين مسكين ودراسته الهنوف: الله العالم يالله كل شي مكتوب العنود : تبين تاكلين شي الهنوف ابتسمت : جوعاانه العنود: الصراحه أي ميته جوع مااكلت ولا شي من الصباح بس اشرب ماي الهنوف: طيب يلا نطلب بس قولي لريم ريم: السلاااام شنو تقولي العنود:عمرج طويل الهنوف: نبي نطلب أي مطعم تبين ريم: كيفكم بس أهم شي أكل جوعاانه ... في المستشفى .. بدور كانت قاعده مع امها داخل الغرفه وسلمان كان قاعد في الممر جات على باله رفعه يوووو ياعمري نسيت حتى أكلمج .. خذ جواله الي كان على الصامت وشاف رسالتين من رفعه تسأل عنه وعن أمه .. دق عليها وما كملت الدقه الا ورفعت ... رفعه: هلا والله وينك خليتني أحاتي .. سلمان: ياعمري انتي والله انشغلت أمي من جهه وعبدالله من جهه رفعه: عبدالله شفيه؟ سلمان: صار له حادث رفعه: سلاااامات عسى ماصار له شي سلمان: الا والله تعطلت كليته ويحتاج لتبرع رفعه حست بغصه : عسى لقيتو له سلمان: أي الحمد لله ندى زوجته رفعه: ياعمري ياندى الله يكون في عونها ومتى راح يسون العمليه سلمان: ان شاء الله بكره الصباح رفعه: وهو شخباره الحين سلمان: والله ماادري شقول ندى معه قالنا الدكتور اليوم ان رجوله انشلت وماني عارف شلون راح نقول له رفعه: لا حول ولاقوة الا بالله وخالتي فوزيه شخبارها سلمان: على حالها هذا بدور عندها داخل ادعيلها يارفعه رفعه: والله ان قلبي معها الله يقومها سالمه ان شاء الله .. سلمان : امين رفعه: وانت حبيبي شكلك تعبان سلمان: بعد شسوي الله يكون في العون رفعه: طيب روح نام ارتاح سلمان: نمت الظهر بقعد شوي ويمكن اروح البيت ارتاح رفعه: ................ سلمان: حبي رفعه قلبها قام يدق بقوووه: هلا سلمان: شفيج ساكته رفعه تمسح دموعها : لا ولاشي سلمان:طيب ليش تصيحين رفعه استغربت وابتسمت: شلون عرفت لايكون حاط لي كاميرا في غرفتي وأنا ماادري سلمان: ههههه ياليت كان اربع وعشرين ساعه اطالعج حتى وانتي نايمه رفعه: ههههههه ياعمري انت سلمان بصوت خشن : يابنت جنبج أحد رفعه استغربت : لا ليش سلمان: بقولج شي رفعه: وشو؟؟ سلمان يطالع اذا جنبه أحد وبصوت واااااطي: أحبج رفعه ولعت ناااار : ................. سلمان: ودي أصرخ فيها بس المكان الي انا فيه ما يسمح رفعه: وانا امووووت فيك سلمان: الله يخليج لي ولا يحرمني منج رفعه: ولا اياك ان شاء الله عبدالله الي كان في الغرفه نايم وندى قاعده تطالع فيه وكانت جنبه على الكرسي .. ندى مارضت تقول لعبدالله انها هي الي متبرعه له لانها عارفه انه مستحيل يرضى وهي قاعده تفكر انتبهت له وهو يتحرك قامت له أول ما شافها ابتسم عبدالله: ندى ندى: اشششش لا تتكلم مافيك حيل عبدالله حرك يده يبي يشيل الي على وجهه ندى نزلت يده: لا تشيل شي عبدالله يترجاهااابعلمات وجهه ندى ابتسمت وانا اقدر أقولك لا .. وشالت الي على وجهه <<حق الاكسجين>> عبدالله بصوت واطي: كلهم راحو ندى: أي ما في الا انا الحين الساعه 12 وشوي عبدالله : ليه مارحتي ندى: شلون اروح واخلي قلبي عبدالله ابتسم ومسك يدها ندى: يالله انت شد حيلك وسو بكره العمليه عشان تقوم بالسلامه |
|
|
#79 |
|
|
رد: ( لبى قلبــك ) رواية سعودية رومانسية تجنن لاتف
عبدالله في خاطره يبي يعرف منو الي متبرع له وهو كان حاس انها ندى : الله يعين .. تعبتج وياي
ندى غرقت عيونها : حبيبي لاتقول كذا ترى أزعل انت تعبك راحه بالنسبه لي دخل سلمان على أمه وشاف بدور قاعده على الكرسي ونايمه من التعب راح وجاب غطا وغطاها .. عقب راح يصلي له ركعتين ودعا فيهم لامه ولعبدالله ... قعد سلمان في المستشفى لين الفجر عقب راح صلى ... الجد بعد ماصلى الفجر جا وشاف بدور نايمه قومها عشان تروح تصلي راحت بدور .. وقعد الجد يستغفر عقب قام قدام الجده فوزيه .. الجد: الله يقومج لنا بالسلامه يالغاليه والله البيت من دونج مايسوى شي حلاتة وحسج موجود فيه حتى وانتي بره البيت ريحج وصورتج في كل زوايه .. طعم الأكل ماله حلاه الا من يدج وبوجودج .. يالله طلبتك انك تقومها لنا سالمه ورجع وقعد على الكرسي وهو يدعي لها ... بعد ما طلع سلمان من المسجد راح لبدور وقومها ورجعو للبيت ... أول ما وصل دخل وخذ له دش وانسدح على سريره الا يدق جواله شاف الا محمد المتصل .. سلمان بصوت تعبان : هلا محمد: هلا بك شخبارك سلمان: والله الحمد لله انت شخبارك محمد: بخير شكلك دايخ سلمان: أي والله توني جاي من المستشفى سبحت وهذاني بنام محمد: زين لا اطول عليك بس بقولك الساعه 8 طيارة عبداللطيف توصل وكلمني عشان نروح له المطار سلمان : لا زين قلت لي خلاص بس والي يعافيك لاصحيت صحني معك لان مااتوقع الساعه بتقومني محمد: طيب سلمان: الا عملية عبدالله متى محمد: الساعه 9 ان شاء الله سلمان: الله يعين محمد: اوكي اخليك الحين سلمان :يالله مع السلامه وسكر من هنا وحط راسه من هنا وراح في ساااابع نومه .. بدور قامت تتقلب بس ماجاها نوم قعدت وقامت تفكر بأمها يوم كانوا في مكه شلون كانت بصحتها وهي تخانقها لما تتناقر مع سلمان وصراخها وضحكتها.... وتصييح يالله قوم امي بالسلامه وكون في عون عبدالله وندى وقامت خذت لها القران وتقرأ .. الساعه 7ونص دق محمد على سلمان وقعده وقاله انه هو بيمر عليه .. نزل محمد تحت وراح للمطبخ الا يشوف العنود .. محمد: صباح الخير العنود: هلا والله صباح النور محمد: شتسويين العنود: نص كافيه تبي اسوي لك محمد: اذا ماعليج كلافه أي لو سمحتي العنود وهي تطلع كوب حق محمد : شكلك بتطلع محمد: أي بروح اجيب عبداللطيف من المطار أنا وسلمان العنود: بيوصل اليوم محمد: أي العنود: ماراح تكون موجود وقت العمليه محمد: الا انشاء على طول من المطار للمستشفى العنود وهي تمد له الكوب: تفضل محمد: مشكوره العنود: محمد معليه قبل لا تروح تحطني عند جدتي محمد: شتسويين هناك العنود: أحسن من القعده هنا وبعدين أخاف امي ماترضى تاخذني معها اذا راحو عشان عملية عبدالله محمد ابتسم: شف التخطيط العنود: ههههه محمد: يالله روحي لبسي عباتج العنود وهي تطلع من المطبخ : دقايق محمد: انا استناج في السياره العنود: خذ كوبي معاك محمد خذ الكوب وطلع : حشى قعدتي البيت كله بالصراخ . محمد مر سلمان عقب حط العنود في المستشفى وعلى طول راح للمطار .. العنود دخلت غرفة جدتها ولقت بدور ودلال موجودين وصوت الشيخ أحمد العجمي مالي المكان بالقراءه العنود: السلام عليكم الثنتين بصوت واطي :وعليكم السلام سلمت العنود عليهم وقعدت ... بدور : مع منو جيتي العنود: مع محمد وسلمان بدور: وينهم العنود: راحو يجيبون عبداللطيف من المطار ... شوي الا جا عبد العزيز وزوجته وعبد الرحمن وزوجته ومعاهم الهنوف والجد ... الساعه 9 ... الكل كان على اعصابه دخلت ندى وعبدالله لغرفة العمليات والكل قاعد ينتظر ويدعي لهم .. دلال هي الوحيده الي طلعت أول ما دخلوهم الغرفه وبعدين رجعت مره ثانيه لعند جدتها .. الشباب أول ماطلعو من المطار على طول جاو على المستشفى أول ما دخلو ومعهم عبداللطيف الكل قام وسلم عليه ... عبداللطيف : ها شخبار ندى وعبدالله أبوه <<عبدالرحمن>> : توهم داخلين للغرفه لهم خمس دقايق .. عبداللطيف: انا بروح أشوف جدتي عن اذنكم سلمان : بجي معك دقيقه وراح سلمان وعبداللطيف لعند الجده وأول ما وصلو عند الغرفه الا واحد ينادي سلمان لف سلمان وجهه : هلا والله << وراح يسلم علييه عبداللطيف كمل طريقه ودخل للغرفه بكل هدوء وسمع صوت الشيخ بس كان الصوت واطي و وحده تتكلم وقف في مكانه وتم يسمع : جدتي جدتي والي يعافيج قومي البيت مو حلو دونج ومن دون حسج والله اشتقت لج واشتقت للقعده وياج الصباح واشتقت اشرب القهوه معاج واشتقت لحضنج الحنون يابعدهم كلهم روحي فداج بس انتي قومي لنا بالسلامه .. جدي بره يستناج وعمامي كلهم وعيالهم وحريمهم وحتى عبداللطيف راح يجي اليوم عشانج وقامت تصيح ... عبد اللطيف دخل وشافها مغطيه راسها على السرير ويدها على يد جدتها عبد اللطيف عيونه دمعت يوم شافها تقدم لين وصل للجهه الثانيه من السرير وحط يده على يدها دلال تخرت وقامت وشافته قدامها وتمت منصدمه وعيونها معلقه فيه ودموعها على خدودها : عبداللطيف عبداللطيف ابتسم وهز راسه بالإيجاب .. دلال انتبهت وصدت عنه وراحت تعدل حجابها عبد اللطيف باس يد جدته : يالحنونه الله يقومج لنا بالسلامه وربي الدنيا بلا حسج مره ..وتم يطالع فيها وعيونه غرقانه بالدموع ... شوي الا حس بحركة يدها عبد اللطيف تفاجئ شوي الا فتحت عيونها بس بشكل بسيط عبد اللطيف ودموع الفرحه في عيونه والابتسامه على وجهه: جدتي دلال لفت وجهها وراحت تركض لعند جدتها وهي تصيح من الفرحه : أمي الحنونه الجده وبصوت بالموت ينسمع: ماي... مااا دلال: تبي ماي وتاخذ الجيك الي جنبها وتصب لها بالكاس عبد اللطيف سندها على يده وقامت دلال تشربها .. عبداللطيف: حمد لله على سلامتج يأمي الجده: عبداللطيف عبداللطيف : أي يالغاليه انا هنا جيت عشانج الجده : ابتسمت دلال وهي تصيح من الفرحه : حمد لله على سلامتج يا أغلى حنونه بالدنيا والله الدنيا مو حلوه من دونج اشتاقنالج الجده مسكت يد دلال الي كانت جنبها وابتسمت لها .. الا يدخل سلمان عبداللطيف: سلمان جدتي صحت سلمان والابتسامه شاقه وجهه : صدق وجا يركض حمد لله على سلامتج يالغاليه الجده: الله يسلمك سلمان : انا بروح أبشرهم وطلع ركض من الغرفه ... دلال : الحمد لله لك يارب عبد الطيف راح نادى الممرضه عشان تشوف الوضع .. سلمان جا يركض لهم والفرحه على وجهه .. واول من شافه محمد وقف : ها بشر سلمان وهو يعانق محمد: أمي صحت صحت محمد : الله يبشرك بالخير حمد لله على سلامتها سلمان : الله يسلمك بدور على طول راحت تركض لأمها ودموع الفرحه بعيونها ودخلت الغرفه : يمىى الممرضه : أششششش بدور في قلبها تشوشت عيشتج : شخبارها دلال : الحمد لله الممرضه : she is sleeping بدور راحت عندها وباست راسها : نوم العوافي عبداللطيف : طيب يلا نطلع نخليها ترتاح طلعو الا العنود ومحمد والهنوف في وجههم .. العنود: شفيكم طلعتو بدور: الممرضه تقول خلوها ترتاح ما تبي ازعاج الهنوف: وي قطع احنا بنسوي ازعاج بدور: طلعت شوي بس عشان اسكتها شوي وبدخل عليها عبداللطيف: ههههه والله انج وحده .. ها شخبار ندى وعبدالله محمد: ننتظر مابعد يطلع الدكتور دلال: يلا نروح لهم راحو كلهم لهناك وقالو لهم ان الممرضه قالت ما احد يدخل عليها قعدو .. العنود تكلم الهنوف: ما تلاحظين شي الهنوف: وشو العنود: جدي مو هنا الهنوف: أي والله وين راح العنود تغمز لها : راح عند حبيبته الهنوف مبققه عيونها .. العنود: عند جدتي لا يروح فكرج بعيد الهنوف: هههه الله يغربل بليسج العنود : ان شاء الله تكمل فرحتي ويقوم عبدالله وندى بالسلامه الهنوف: امين |
|
|
#80 |
|
|
رد: ( لبى قلبــك ) رواية سعودية رومانسية تجنن لاتف
شوي الا طلع الدكتور وبشرهم بنجاح العمليه .. الكل حمد الله واستانس
محمد : الحمد لله لك يارب .. وتذكر رجول عبدالله وحز في خاطره محمد كان يعرف أخوه عبدالله وكان خايف من ردة فعله اذا عرف ان رجوله انشلت .. راح محمد لدورة المياه عبد الرحمن وعبد العزيز راحو للدكتور يسئلونه عشان عبدالله .. والباقي راح للجده عشان يشوفونها .. العنود راحت للحمام والهنوف كانت تستناها ولفت انتباهها صراخ حرمه لفت وجهها الهنوف : ياعمري شكلها بتولد بعمليه الله يكون في عونها وقامت تطالعها وزوجها يهديها يوم دخلت زوجها كان على اعصابه ويدعي .. السيب ماكان فيه الا هي والرجال والممرضات الي رايحين جايين .. الهنوف في قلبها: شكلها اول ولاده لها ياعمري شكله خايف عليها ةتطالعه وهي مبتسمه .. الا تحس شي ابيض جنبها وتلف وتشهق محمد يضحك ..: شفيج تخرعتي الهنوف متفشله : وساكته محمد: حمدلله على سلامة ندى وجدتي الهنوف: الله يسلمك وانت بعد حمد لله على سلامة عبدالله وجدتي محمد: الله يسلمج .. شخبارج من زمان عنج الهنوف قلبها واصل حده : حمد لله الا تجي العنود : السلام عليكم الأثنينك وعليكم السلام العنود: وين الباقي الهنوف: راحو لعند جدتي العنود: وانتو شتسون هناااااااا محمد: ننتظرج العنود: أي صح تنتظروني محمد يطقها على راسها : أقول امشي وانتي ساكته في غرفة الجده .. العنود: السلام عليكم اجمعين الكل : وعليكم السلام العنود وهي متجهه لعند جدتها : يابعدهم كلهم جدتي والله البيت مظلم من دونج يالغاليه .. وتبوسها على راسها وتلمها بحضنها الجده: تسلمين سلمان: وخري عن امي تعبانه مافيها حيل عليج يالدبه العنود: انا دبه اسم الله عليك يالضعيف سلمان: ايوه ضعيف ونص بدور: امحق ضعييف وين الضعف ياحسره بس أقول سولك رجيم قبل عرسك لاتتفشل قدام حرمتك سلمان: اولا ادري انج غيرانه وبعطيج على قد عقلج بدور وهي تعكف في وجهها : ايوه وثانيا سلمان : ثانيا مرتي عاجبها جسمي الكل قام يضحك : ههههههههههههههههه محمد: استح على وجهك حرمه عشان تقول عاجبها جسمي الجده: والله اشتقت للقعده وياكم ومناقرتكم .. بدور: يمى لا تخيني أصيح احنا الي كنا ميتين خوف عليج دلال: ما تتصورين البيت شلون كان من دونج العنود: انا طبعا ما طبيته ابد لاني عارفه انه يجيب الهم وحس الغاليه مب موجوده فيه .. الا يدخل الجد وعبد العزيز وعبدالرحمن وعبداللطيف ..: السلام عليكم الكل: وعليكم السلام العنود: ها جدي الجد: وشو انا توني داخل العنود : شلون البيت بدون جدتي الجد وهو يطالع الجده : والله يابنتي اذا قلت مر يجيب الهم ومظلم ماوفيت سلمان: اكشششششخ يمىى بدور: ما اقدر انااااااااا العنود: على التغزل الكل : هههههههههههههههه الجده: أقول انتو ما تستحون هذا حالكم .. وتمو يسولفون ربع ساعه عقب طلعو عشان يخلونها ترتاح .. في بيت عبدالعزيز << أبو العنود>> بعد الغدا وهم قاعدين عبدالعزيز : ياعيال بغيت أقولكم شي يخص عبدالله الكل التفت عليه ومستين الي راح يقوله .. ام عبدالله: عسى ماشر يابو عبدالله ان شاء الله خير ولدي فيه شي ابو عبدالله: ان شاء الله كل الخير .. شوفو عبدالله الحادث الي سواه اصابه في كليته بس الحمد لله كل شي عدى على خير ونجى من هالمشكله بس محمد الي كان عارف وش راح يقول ابوه نزل راسه في الأرض وسكت وكان وجهه متغير الكل: بس وشو ؟ ام عبدالله: قلبها كان ناغزها على ولدها والدموع في عيونها ابو عبدالله : عبدالله اصاب في رجله و... ام عبدالله نزلت دموعها: لا تقول يابو عبدالله لااااا العنود العبره كانت واقفه في حلقها بس حاولت تمسك نفسها ريم قامت وقعدت جنب امها : خلاص يمى ابوعبدالله : استهدي بالله يام عبدالله .. انا ماحبيت اقولكم الا لمن يخلص من عمليته مع ندى وانا رسلت تقاريره بره محمد رفع راسه: بشر يبى عسى خير ابو عبدالله: الحمد لله ان شاء الله اول مايقوم بالسلامه هو وندى راح نرسله بره يتعالج محمد ابتسم: الحمد لله لك يارب العنود : الحمدلله ابو عبدالله قام ويا زوجته يرتاحون والعنود طلعت غرفتها انسدحت على ظهرها على السرير وخذت نفس العنود: الله يفرج المصايب يارب والله ما تستاهل يا عبدالله ولا انتي ياندى الا يدق جوالها .. العنود: هلا والله الهنوف : اهلين العنود : كيف الحال الهنوف: تمام وانتي ؟ العنود: الحمد لله ... الهنوف: دريتي عن عبدالله العنود: أي ياعمري توه قايل لي ابوي الهنوف: خذت نفس الله يكون بالعون العنود : امين الهنوف: بتجين المستشفى العصر العنود: أي اكيد عشان اشو عبدالله وندى وجدتي بعد الهنوف: اوكي ان شاء الله اشوفج العصر العنود: ان شاء الله يالله مع السلامه الهنوف : سلام ... عبدالله كان صاحي العصر واول من دخل عليه هو سلمان .. سلمان: الحمد لله على سلامتك عبدالله وهو مبتسم : الله يسلمك هلا بالعم جا سلمان وسلم عليه : شخبارك ان شاء الله بخير عبدالله: الحمد لله بخير وعافيه انتو شخباركم وجدتي شخبارها سلمان : جدتك الحمد لله قامت اليوم وانت في العمليه عبدالله: الله يبشرك بالخير وعساها بخير سلمان: والله الحمد لله الحين بروح امر عليها بس قلت امرك اشوف اخبارك اول عبدالله: تسلم .. سلمان ابي اسالك وجاوبني بصدق سلمان حس بالسؤال الي راح يسئله عبدالله: امر عبدالله : توعدني انك تقول سلمان: قول وش سؤالك عبدالله يطالعه بنظرات ترجي سلمان: تبي تسال عن الي متبرع لك عبدالله: ندى سلمان هز راسه بالأيجاب عبدالله حز في خاطره وغمض عيونه وضغط على يده بالقوه : وليش خليتوها سلمان: ياعبدالله هذا قدر ومكتوب وبعدين هي الي اصرت عبدالله يقاطعه : بس ولو .. سلمان : الي صار صار ومابيدنا نرجع شي الحمد لله على سلا متك عبدالله: وهي شخبارها سلمان: توني مار عليها عال العال الحمدلله بخير عبدالله: الحمد لله سلمان: اوكي انا بروح اشوف الوالده عبدالله: سلملي عليها وتحمد لها السلامه سلمان: يوصل يلا شوي واجيك اول ماطلع سلمان عبدالله: ليش ياندى ليييش تسوين كذا العصر الكل كان في المستشفى البنات ماطولو قعدو شوي وعقب رجعو لان الجده غرفتها كانت مليانه حريم جايين يزورونها رفعه وأهلها جاو وعبدالله حتى هو غرفته ما فضت اخوياه كانو جايين يتحمدون له السلامه وحتى ندى فكانت الاماكن زحمه .. بدور وخلود (ام دلال ) وام عبدالله كانو عند الجده وندى كان معها امها ومنى .. على الساعه 10 كان بو عبدالله ومحمد وبو فهد (ابو الهنوف) كانو قاعدين عند عبدالله وكانو ناويين يقولون له ... ندى طبعا عرفت قالت لها امها وقامت تصيح .... بعد ما راح الكل في الليل عبدالله كان وده يشوف ندى بس بعد ما عرف انه غير قادر على المشي كانت الدنيا ضايقه فيه ماكان وده يشوف ندى وهو بالحال هذا ... عبدالله ماكان متصور انه مو راح يمشي طبعا ابوه قاله انه رسل تقاريره وراح يسافر اول ما يقوم بالسلامه بس عبدالله رفض في الوقت الحالي .. كان قاعد طبعا فوق السرير ويدعي ربه .. الا ييسمع صوت الباب انفتح كان متوقع انها الممرضه فما لف وجهه .. الا ينتبه لكرسي متحرك لف وجهه الا ندى على الكرسي عبدالله وهو متفاجئ : ندى وتم يطالع فيها وهي تطالع فيه وعيونهم معلقه في بعض وعيون ندى تدمع وهي تصيح بكل هدوء قربت الكرسي جنب السرير وعبدالله ماكان يطالعها عبدالله وعيونه ما تطالع ندى : ليش سويتي كذا ياندى ندى ما تضايقت لانها كانت متوقعه هالشي من عبدالله: انا ما سويت شي عبدالله : شنو ما سويتي شي وانتي متبرعه لي ب... ندى وهي تصيح : بس اسكت لا تكمل عبدالله انت لو تبي روحي ما بخلت عليك بها حاولت ندى بكل هدوء انها تقوم من الكرسي وكانت يدها على جنبها وقعدت جنب عبدالله على طرف السرير مسكت يد عبدالله ندى: حبيبي صدقني انا اليوم الي قعدت فيه بدونك والله ماكنت طايقه الدنيا كل شي كنت اشوفه مظلم والله كنت بفديك بروحي لو اقدر بس ترجع لي اذا انت تقوى انا ما اقوى اعيش من دونك .. وقامت تصيح ... عبدالله خذها وحطها على صدره : لا تصيحين تراج تعورين قلبي وشلون اقوى وانتي قلبي حد يقدر يفارق قلبه والله كان اموت ... كانت الغرفه هدوء ومافيها الا صوت ندى الي كانت تصيح عبدالله: بس ماكان ودي اتعبج معي ندى رفعت راسها: تعبك راحه يالغالي لا تقول كذا عبدالله: الله يخليج لي ولا يحرمني منج ندى: ولا اياك ان شاء الله قامو يطالعون بعض وارتسمت ابتسامه على وجه ندى .. عبدالله خذ يدها وباسها : أحبج احبج احبج والله اموووووووت فيج ندى : وانا بعد عبدالله : وانتي بعد وشو ندى بصوت هادي : أحبك عبدالله: الله ياحلو هالكلمه شلون كنت اتمنى اسمعها منج عيديها ندى : أحبك .. عبدالله خذ ندى ولمها في حضنه ... مرت الايام بسرعه والحمد لله طلعت الجده من المستشفى وبعدها بكم يوم طلعوا ندى وعبدالله .. طبعا اول ماطلعو كان بيتهم ما يفضى من الضيوف الي جايين يتحمدون لهم السلامه ... وسوو عزيمه كبيره على سلامة الجده ..ذبايح وحاله .. بعد العزيمه بيوم العنود تكلم الهنوف ... العنود: تدرين من يوم مارجعنا وانااكلم سهى ماترد لا على جوال ولا بيت الهنوف: يمكن ما بعد ترجع من السفر العنود: معقوله هي قالت انها بتروح للرياض عند اهل امها اسبوعين عقب بتروح لمصر اسبوعين وعقب بترجع غريبه الى الان ما رجعو المفروض لها اسبوعين راجعه الهنوف: يمكن اعجبتهم السفره وقعدو العنود: يمكن بس مالي دخل لازم تجي قبل نهاية الاسبوع هذا وانا موصيتها لازم تجي حفلتنا الهنوف : هي تدري اكيد راح تجي قبل العنود: عسى .. تصدقين خايفه الهنوف : ليه العنود: ما ادري حفل تخرجي واحنا ما قصرنا عزمنا القاصي والداني الهنوف: الي قولي امج وامي تقل الحفله لهم مب لنا العنود: أي والله هههههه حفله العنود والهنوف ودلال حق التخرج ما كان باقي عليها الا اسبوع وكانو متحمسين لها مرره وعلى الظروف الي جاتهم قبل كانو ما بعد يكملون الترتيبات لها .. |
