 |
  |
|
|
|
|
#11 |
|
|
البارت العاشر
_________ زيد من طلع من البيت ما رد غيرالفجر ومها كانت خايفه عليه وايد وكانت تتصل فيه بس هو مسكر جهازه_ ولمى بعد كانت طول اليل تحاتيه من بعد ما اتصلت فيها مها وخبرتها _ لما رجع زيد البيت حصل مها تنتظره ف الصاله زيد بصوت مبحوح: مها ليش مو نايمه؟! مها: انتظرك خوفتني عليك زيد: لا تخافي أنا بخير روحي نامي الحين مها: حاضر أنت متأكد انك مافيك شي زيد: شو فيكي مهوي أنا بخير لا تحاتي روحي نامي مها: اوكي تصبح على خير زيد: وانتي من اهله مر اسبوع عن الاحداث السابقه قر زيد بأنه ينتقم من رامي مهما كلفه الأمر،، أما لمى لاحظت تغير رامي المفاجي وماتدري شو السبب؟! وبنفس الوقت حاسه بمعانات زيد وقررت انها تروح تزور مها عشان تتفاهم مع زيد يمكن تقدر تحل المشكله،، اما روعه بطول الاسبوع طايحه مقابلات مع خالد بالشقه ومطنشه الدوام،، اما رويد يخط ويتكتك عشان ينفذ مخطاطاته الجهنميه_ عند رامي ف المكتب كان طول تفكيره ف لين حاول ينساها بس طيفها 24 ساعه معاه حاول بكل الطرق يشيلها من راسه بس للأسف كل شي يمشي ضده ما كل ما يتمناه المرء يدركه تجري الرياح بما لا تشتهى السفن ،، يبي يفهم منها ليش سوت معاي كذا؟؟ وقر انه يتصل فيها ع الأقل يعرف اسبابها يمكن يرتاح وفعلآ أتصل فيها بس حصل جهازها مغلق أتصل مره واثنين وثلاث بس بدون فايده ولا حياة لمن تنادي، وعقبها بشوي دق تلفونه افتكرها لين وشاله ع طول ومن دون ما يطالع الاسم حتى رامي بلهفه: آلو لمى: هلا رامي رامي: منو معي؟ لمى: ايش فيك أنا لمي رامي اندهش وشكله صح من الي فيه: لمى؟! خير بغيتي شي لمى: كنت ابي اروح ازور صديقتي مها ممكن رامي: روحي بس لا تتأخري لمى: انشاء الله رضى ورؤى ف غرفتهم جاعدات ع الاب توب يسون بحوث حق الجامعه سمعن دق ع الباب ، رؤى قامت تفتح الباب : او مو مصدقه منار عندنا ف البيت ، اقرصيني مو مصدقه اكيد احلم منار: ههههه_ لا حقيقه مو حلم وقربت منها وضمتها، ودشت الغرفه لماشافتها رضى فرحت وطارت من الوناسه قربت منها وضمتها : اشتقت لك بالحيل منار: وأنا أكثر حبيبتي رضى: وحشتيني ماكأنا بنات خاله ما نتشاوف غير ف المناسبات منار: وأنتو بعد محد يشوفك رؤى: احلويتي منور منار: والله رضى: ايه صدقها رؤى احلويتي شو سر هالجمال عاد؟! منار: عادي ، الا ماقلتي وين روعه ورغد ، ماشفتهم رضى: روعه بالدوام مسكينه صايره مشغوله وايد هالايام ف الدوام حتى ما يعطوها اجازات وايد منار: الله يعينها وجلسوا البنات سوالف وحش ف خلق الله وكان يريدن يعرفن أخبار مهند بس للأسف منار ما جابت سيرته، وهن مو متعودات يسألن عنه عيني عينك ... أما لمى راحت مع السواق لبيت مها ودقت الباب ،، وبطل زيد الباب وبصوت هادئ: تفضلي حبيبتي لمى وهي تدخل داخل البيت: شكرآ وين مها؟! زيد وهو يسكر الباب: تفضلي شو فيك خايفه مني الحين بتجي لمى: هيه وين راحت أنا قايله لها اني بجي زيد: أنا قايل لها تخلينا ع الأقل نص ساعه عشان نتفاهم لمى والارتباك واظح عليها: نتفاهم بشو زيد زيد بحزن: لمى ليش خليتيه، أنا والله احبك وما أقدر استغنى عنك لمى:........ زيد: انتي نسيتي حبنا بهذي السهوله والله حرام، انتي ماتدري بعذابي كل يوم انا متعذب ف هواكي ياعمري ارجوكي حسي فيني لمى والدموع مليانه عيونها: أنا حاسه فيك والله وحبي لك ما بتغيره الأيام أنت ف قلبي موجود وتأشر ع قلبها زيد يمسك ايديها: والله انتي تحبيني لمى:...... زيد وهو يمسك يدها الثانيه: تكفي ردي، يمكن بترد روحي تكفي حبيبتي تكفى راح اعوضك عن كل شي ، بس ابي كلمه وحده منك _ تكفين لمى بخجل: احبك زيد بفرح: احلفي تكفي لمى: والله احبك !! زيد طار من الفرح وقال: أسمحي لي لمى ما بقدر اصبر أكثر لمى :لا زيد لا ارجوك زيد: والله ما بقدر اسمحي لي روعه كانت مع خالد بالشقه،، روعه قامت بتلبس عبايتها عشان لا تتأخر على البيت بس خالد مسكها من ايدها: لا تروحي خليكي معاي روعه: ما بقدر حبيبي شوف الساعه كم بتأخر؟ خالد: بزعل منك ترى روعه: أنا الي بزعل منك لين متى راح يبقى زواجنا ف السر خالد: والله غصب عني وأنتي تدرين، بعدني ما حصلت وظيفه روعه: اف بس انا مليت من هذي العيشه خالد:وأنا بعد؟ روعه:وشو الحل؟ خالد: الصبر مفتاح الفرج حبيبتي روعه: لين متى بس؟ أخاف يصير بينا شي اكبر خالد خالد: شو تقصدي؟ روعه: ماشي لا تشيل هم باي خالد: باي حبيبتي راح اشتاق لك رويد طلع من غرفته وهو معصب حده يدور على الشاحن مو محصله ف غرفته وراح لغرفه رؤى ورضى وفتح الباب بقوه وبدون مايدق الباب ونادى : رؤى بصوت عالي منار تفأجات من دخول رويد المفاجئ وعلى طول تغطت باقرب لحاف جنبها، اما رويد ما صدق عيونه وقال ف باله معقوله تكون منار صارت بهذا الجمال وقال بنبره هادئه: آسف ماكنت احسب في احد معكم رضى بعصبيه: خير ليش جاي والشر بعيونك شو بغيت؟! رويد وعيونه بعدها على منار:هاه رؤى: من قال هاه سمع رويد: بغيت الشاحن من اخذه منكم؟! رضى بكل برود: أنا رويد: نزين جيبيه بسرعه رضى: نزين لا تاكلنا بس رؤى: نزين سلم ع البنت جالس تطالعها كذا بدون سلام رويد: اف ، اطلع احسن لي رضى: والشاحن ههههه رويد: اف نسيته جيبيه خلصينا رضى: نزين لا ينطلك عرق بس رويد: ينطلك أنتي بين عيونك انشاء الله قولوا امين منار ورضى ورؤى: ههههههههه رويد بصوت عالي: ههههههههههههههههههه طلع رويد وصوت ضحكاته تت ف المر _ أما رضى ورؤى منار بعد صوت ضحكاتهن عالي... منار: والله بموت من الظحك رضى: هههه شكلك دودهتيه ما شفتيه كيف كان يطالعك منار: كأنه محلو بزياده أخوك رؤى: أحم من وين طاحته الحلاوه هذي منار: حرام عليكم من زمان ماشفته والحين محلو بزياده رضى: اسكتي احسن وتموا البنات سوالف وضحك وتنكيت،، وقالت منار حقهن انه مهند بيرجع من السفر عقب شهرين لما يخلص الامتحانات لمى قامت بسرعه وعدلت لبسها لما سمعت طراق ع الباب،، زيد بعد 10 دقايق تقريبآ راح وفتح الباب ( باب الصاله) ___كانو جاعدين ف الصاله لأن البيت فاضي _ عايش هو اخته بروحهم لأن امهم وأبوهم ميتين بسبب حادث فظيع من سنتين _ المهم قام زيد يفتح الباب لأخته.. مها: تأخرت عليكم سوري زيد زيد ف باله احسن تأخرتي: عادي وتركهم وطلع مها دشت وشافت شكل لمى مبهدل بعض الشي : آسفه مو قصدي أتاخر لمى بس حصلت بنت الجيران وجعدت اسولف معها جنب الباب ونسيت الوقت خير صاير شي؟ لمى: لا _ ماصارشي انا بروح الحين تأخرت وايد مها: ليش؟ خلك جالسه معاي شوي لمى: لا أنا تأخرت بروح الحين وأخذت شنطتها بسرعه وطلعت وكانت كلها ندم وحسره : أنا ليش سويت كذا؟ليش قلبي ضعف من كلمتي؟ أنا خنته خنت رامي يا حسرتي يارب سامحني؟ أنا كيف خنت زوجي بكل سهوله وليش؟_آه كله منك يارامي كله منك_ كله منك_ دمرتني_ الله يدمرك انت دمرتني وقضيت علي_ بس تستاهل الي يصير فيك والله تستاهل.. عمرك ما حستني بانك زوجي كل واحد جالس بحاله _ أنت الي حرضتني ع الغلط .. أنا ما إلي ذنب بكل الي صار .. الذنب كله ذنبك .. |
|
|
#12 |
|
|
قهر ما كنت أنا ادري
تعيشي بقلبي كذابه قهر توي عرفت انك ع الحبلين لعابه كذب كانت سواليفك وكل كلمه على كيفك وأنا الي احسبك روحي والقلب أقرب أحبابك وراحت ع البيت وطلعت على طول غرفتها ومن حسن حظها ما حصلت احد ف الصاله ولا ف الدرج،، لأنها ما تبي احد يشوفها وهي بهذي الحاله،، وبسرعه دشت الغرفه _ والمفأجأه انها حصلت رامي بالغرفه_ حاولت ترجع لطبيعتها وتمسح دموعها بسرعه قبل لا يشوفها ويشك فيها _ وقالت: السلام عليكم رامي: وعليكم السلام لمى بسرعه فسخت الشيله والعبايه ودشت الحمام ولا تكلمت معاه ولا كلمه زياده _ كانت تبي تجلس بروحها ماتبى تشوف احد ولا تكلم أحد _ حست بأن الدنيا ضايقه فيها وجلست ف الحمام فتره طويله وهي تبكي_ رامي حس بتأخرها وخاف عليها وراح لعند باب الحمام ودقه: لمى لمى لمى انتبهت لعمرها وقالت : هلا رامي: خير صاير شي _تأخرتي وايد فالحمام لمى: لا تحاتا انا بخير وف بالها( كله منك يالحقير) رامي: نزين خلصي بسرعه ابيك بموضوع _ لمى: اوكي .. البارت الحادى عشر من بعد ما طلعت لمى من الحمام حصلت رامي منسدح ع السرير ينتظرها .. قربت منه لمى: خير تبي شي؟ رامي عدل نفسه وجلس ع حافه السرير: ايوه أبيك بموضوع لمى ف خاطرها ليكون عرف بلي سويته اليوم لا ما اعتقد من وين بيعرف رامي: لمى تسمعيني لمى: أيوا اسمعك رامي: أنا بصراحه ناوي اصلح علاقتي معاك_ ادري اني ظلمتك وايد معاي ومقصر بحقك .. ومن اليوم ورايح راح نعيش مثل أي زوجين .. لمى( بعد شو بعد شو يارامي): ........ رامي: لمى أكلمك شو قلتي؟ تحبي نعيش مثل أي زوجين لمى: الي اعرفه إنك تكرهني.. كيف نزل الحب عليك مره وحده.. ولا صار بينك وبين حبيبتك خلاف والحين جايني.. رامي لا تفتكر ان لعبه عندك ..انا عندي احاسيس ومشاعر .. اذا ما تبيني بيت ابوي مفتوح لي بأي وقت.. شو ذنبي أنا بلي صار بين أبوي وابوك.. وجلست تبكي بكاء يقطع القلب وخلت راسها بين ايديها _ رامي قرب منها ومسك ايديها : خلاص لمى لا تبكي وأنا بعد كنت ضحيتهم .. بس لازم نكمل ولا نيأس .. أنا صحيح كرهتك بالأول وكرهت الساعه الي تزوجتك فيها بس الحين غير.. فكرت وايد فموضوعنا احنا ممكن نكمل حياتنا مثل أي زوجين والحب بيجي مع الأيام لمى: ما أبي شي منك.. أبيك تطلقني_ انا ما أبيك ؟ طلقني الحين الحين رامي: اطلقك والحين جاي أبي اصلح كل شي لمى: بعد شو جاي تصلح _ خلاص رامي أنا مقتنعه بكلامي أنت ما تستاهلني ما تستاهلني أرجوك افهمني .. رامي: أنتي ليش تقولين هذا الكلام؟ صاير معاكي شي؟ لمى: سوري رامي أنا بجمع اغراضي الحين وبروح لبيت أهلي وأتمنى ترسل ورقه طلاقي هناك لأني ما بتحمل العيشه معاك أكثر رامي: انتظري بنصلح كل شي لمى: آسفه أنا لازم اروح الحين.. ارجوك طلقني ما أبي ادخل معاك ف محاكم وبلاوي طلقني وتزوج حبيبتك لمى جمعت أغراضها ف الشنط ورامي جاعد يطالعها باندهاش مايدري شو فيها وشو غيرها.. نزلت تحت حصلت ام رامي ورغد ف الصاله ام رامي: على وين يا بنتي .. وليش كل ها الشنط؟ لمى: انا بروح بيت أهلي ما بتحمل العيشه أكثر من كذا مع ولدك ام رامي: عسى ماشر يابنتي رامي ضايقك بشي ولا شيات لمى : ما أدري أنا ابي اروح بيت أهلي.. ما ابيكم .. .. وراحت عنهم بسرعه لعند الباب وتسحب وراها شنطتها ... وبعد شهرين من الاحداث السابقه .. لمى من طلعت من بيت رامي ما رجعت له ورامي رافض الطلاق.. وحاول كم مره يكلمها بس هيه ما عطته أي فرصه للنقاش .. حاول معها بكافه الطرق بس للأسف كل محاولاته باءت بالفشل.. ومن عقب سالفتها مع زيد .. تغيرت علاقتها مع مها صديقه عمرها.. صارت تكره كل شي بحياتها وخاصآ لما عرفت إنها............... حامل كرهت نفسها وحياتها.. وصارت انطاوئيه لأبعد الحدود .. ماتدري من أبو الطفل هذا.. هل هو رامي؟! أو زيد؟! .. ضاقت فيها الدنيا وقررت انها تخفي حملها هذي الفتره عشان تفكر ف هذي المصيبه الي حلت عليها وكيف بتحلها؟! هذي هي اخبار لمى .. أما زيد حاول يتوصل لها بأي طريقه بس ما قدر .. لأن علاقتها ف مها تغيرت وايد .. أما روعه علاقتها مع خالد استائت شوي لأنها تبيه يدور شغل بأسرع وقت عشان يجي يخطبها قبل لا يفوت الآوان اما رويد وهو وربعه سرقوا لهم كم محل .. بنفس طريقتهم طبعآ .. وفي يوم من الأيام مروا على محل الذهب الي سارقينه من أول هم نسوه بس البائع تذكرهم .. لما شافهم راح ركض لعندهم.. ونادى بأعلى صوته: حرامي حرامي حرامي بالأول ما انتبهوا له بس لما صدوا لوراهم حصلوا .. شافوه يأشر عليهم وتذكروه وسو الشرده على طول.. قبل لا يخبر الشرطه وتصير فضيحتهم فضيحه .. وراحو بسرعه ركض والناس كلهم تطالعهم وما عارفين شو السالفه .. وركضوا ركض لين ماوصلو السياره وهو وراهم وكم واحد معاه عشان يمسكوهم .. وركبوا السياره بسرعه وطلعوا وهم يلهثوا من التعب .. وكان رويد مسرع بسرعه جنونيه وما انتبه حق الاشاره.. وصار إلي غير متوقع حادث فضيع جدآ بحيث ان السياره كلها راحت والي يشوف السياره بيقول أكيد الي فيها كلهم ماتوا ... الكل كان مجتمع ف الصاله الام والاب ورامي ورؤى ورضى ورغد وروعه أم رامي : رامي شو الحل الحين مع زوجتك؟ رامي: والله ما أدري.. هيه ما تبيني .. بخليها بعدني كم شهر يمكن بتراجع نفسها ابو رامي: أبوها أمس قالي ما بيدخل بينكم.. حلو مشاكلكم بروحكم رامي: وهذا الي بسويه يا يوبه قربت رضى ورؤى من أبوهن : باباتي نبي نسافر لما نخلص جامعه .. نبي نغير جو؟! ابو رامي: بنشوف لبعدين يابنتي رضى: والله ملينا من البيت باباتي روعه: وأنا بتخلوني بروحي رؤى: أخذي اجازه ياخي روعه: شو يعني كل يوم اجازات أم رامي: وانتي متى أخذتي اجازه كله مداومه رضى: ايه صحيح متى اخذتي اجازه روعه( لازم اغلط الحين يعني):........... ابو رامي: يصير خير لصيف رغد : تبون تعرفون آخر نكته صارت رامي: لا مانبي رغد: انت ما تبي تسمع سكر اذنيك رامي يقلدها: والله رغد:المهم كان فيه واحد جالس ف غرفته ولابس جاكيت تدرون ليش؟ رامي: لا رضى: أنا ادري رغد: قولي؟ رضى: يحسب نفسه ف اوربا رغد: هاهاهاي ضحكتيني بس غلط رؤى: يبي يصور!! رغد: هاهاهاي غلط ابو رامي: مريض بردان رغد: غلط غلط رامي: خلصينا قولي ليش؟ رغد: ما عند احد جواب رامي:عرفت بس قولي انتي بالاول وبعدها بقولك رغد: لا.. اذا تبي تقول قول الحين ما شي بعدين رامي: بقول بعدك رغد: خلاص بقول لأنك اصلآ ما تعرف رامي: قولي يا فيلسوفت زمانك رغد: لأنه زايد المكيف فول رامي بصوت عالي: هههههههههه روعه: ههههه بايخه رضى: ههههه سخيفه راح نرد للحادث جات الاسعاف بالأول طلعوا خالد لانه كان راكب ورى وقدروا يطلعوه بسهوله.. أما رويد وربيع لأنهم قدام .. كان الجزء الأمامي من السياره ضاغطت عليهم بقوه وما قدروا يطلعوهم بسرعه .. ربيع توفي قبل لا يطلعوه لان الظربه كانت براسه والدم ينزف من راسه بشكل كبير وطلعوه بمساعده الآت خاصه لمثل هذي الحوادث.. اما رويد كانت رجوله عالقات تحت والسكان كان ضاغط ع صدره بقوه حتى آثاره كانت واضحه ف جسمه بصعوبه طلعوه بصعوبه وكانت حالته صعبه وايد .. وكان ولله الحمد عايش .. المهم آخذوا الحالات الى المستشفى .. وأتصلو بأهلهم من تلفوناتهم الي حصلوها ف مكان الحادث .. أتصلوا برامي لأنها كانت اخر مكالمه مستلمه منه ورن وشاف الرقم غريب وطلع من الصاله ... رامي:آلو المتصل: اخ رامي رامي قام مكانه لانه خز ف خاطره : نعم مين معاي المتصل: المستشفى تعرف واحد اسمه رويد رامي: ايوه .. خير شو صاير.. أنا أخوه المتصل: سوى حادث وهو ف مستشفى (.........) رامي: طمني عليه المتصل: هو زين زين لا تخاف رامي ارتبك وخاف ما دري شو يسوي وأهله يطالعوه من بعيد وأشر لهم انه بيطلع .. وطلع بسرعه وآتصل بأبوه عشان يخبره لانه كان جالس معاهم وما عرف كيف يخبره.. وأبوه من شاف رقمه شك انه في شي وما أظهر قدام البنات شي.. وشل تلفونه وطلع من الصاله وشاف رامي ينتظره برى وخبره السالفه وطلعوا ع طول المستشفى... |
|
|
#13 |
|
|
البارت الثاني عشر
وصلوا رامي وأبوه ع المستسفى وراحو سألو عن الحادث الي صار قبل شوي وخبرهم موظف الاستقبال ان اثنين منهم ف العنايه واحد متوفي ... لما سمعوا هذا الكلام من الموظف حسوا ان الدنيا تدور فيهم ومشوا بخطوات ثقيله لحد ماوصلوا القسم وسألوا عنهم والحمد لله تأكدوا انه عايش والي متوفي اسمه ربيع .. وأنتظروا الدكتور لحد مايطلع من عنده عشان يطمنهم عن حالته... ولما شافوا الدكتور طالع راحو ركض لعنده رامي: ها دكتور طمنا على رويد الدكتور:والله يا ابنى حالته ما تطمنش بس الحمد لله على كل شي وان الله نجاه من الحادث أبو رامي: خوفتنا يادكتور طمنا عليه الدكتور:ما تخفش ياحاجي .. هو بخير بس رامي قاطعه: بس شو؟! كمل صاير شي فيه؟ الدكتور: سيبني اتكلم بس رامي : نزين كمل الدكتور: بصراحه صابه شل دايم ابو رامي: شو شل؟! الدكتور: للأسف ايوا ودايم بعد وفوأ هذا هو داخل ف غيبوبه، ادعو له ان يطلع منها ابو رامي: نزين يادكتور ممكن نسفره برى ، يمكن العلاج متطور عندهم الدكتور: والله ياحاجي العلاج الي نديله اياه هون نفسه الي يدهوله برى رامي: نزين ممكن نشوفه؟ دكتور: الحين لا مش ممكن، حالته لسه ما ستقرتش اصبرو لين ما تستئر حالته رامي: بليز يادكتور ثواني بس دكتور: خلاص خشوا بس دئيئه وحده و ما تطولوش رامي: حاضر دكتور مشكور دكتور: العفو ودش رامي مع أبوه غرفه العنايه ،، تفأجأو لما شافوا رويد بهذي الحاله كله اجهزه،، وجهه كله ضربات وكدمات ومتورم وعينه وحده مايله للون الأزرق ،، قربوا منه اكثر ومسك رامي ع ايده وأبوه مسك اليد الثانيه وحاولوا يصحوه ولكن لا حياه لمن تنادى ،، الي يأكدلهم انه عايش هي دقات قلبه ف الجهاز بس،، أما هو جسد بلا روح .. من بعد ماطلعوا من عنده واطمنوا عليه راحو ع البيت ، والكل كان حاس انه في شي .. وجعدوا ينتظروهم لما وصلوا ع البيت ،، الكل راحوا ركض لعندهم ام رامي: خير شو صاير لكم قلبي ناغزني والله؟ روعه: رويد فيه شي؟ رؤى: طمنونا خوفتونا عليكم رامي وهو ينزل راسه:......... رضى: يوبا طمنا شو صاير ابو رامي: ما صاير شي تطمنوا بس رويد سوى حادث بسيط وهو بخير تطمنوا احنا الحين جاين من عنده ام رامي من سمعت هذا الكلام طاحت ع الارض مغمى عليها .. خافوا عليها وايد عليها والي يجيب الماي .. والي يبكي وكانت حالتهم حاله .. وع الباكر من الصبح راحوا كلهم ع المستشفى.. وما خبروهم عن رويد انه راح يتم طول عمره مشلول .. أما خالد حالته استقرت وطلعوه من العنايه ع القسم ..وكان عنده كسر في يده اليمين ورضوض بسيطه ف ظهره وخبروه انه ربيع توفى .. وايد حزن وتأثر على وفاه ربيع .. ومرت عليه شريط من الذكريات ف الأيام الي عاشوها مع بعض وجعد يبكي مثل الأطفال .. ربيع مات ف غمضت عين وحتى قبل لا يتوب .. كانت حياتهم كلها صياعه .. يمكن هذا درس إلهم عشان يتعلموا منه .. الحياه مهما كانت طويله اكيد وراها موت وحساب وعقاب .. فقدتك يا عز الناس فقدت الحب والطيبه وأنا من لي في هالدنيا سواك ان طالت الغيبه رحلتوا من بقى وياي يحس بضحكتي وبكاي وحتى الجرح ف بعدك يغزيني وأهليبه فقدتك يا أعز الناس فقدت الحب والطيبه وصلوا الكل لعند قسم العنايه المركزه .. وشافوا الدكتور طالع من عندهم وراح لعنده.. رامي: طمنا دكتور كيف حالته استقرت؟؟ الدكتور: أيوا يا ابنى حالته استئرت الحمد لله رامي: الحمد لله الدكتور: بس لساته ف الغيبوبه وما نعرفش متى بيصحى منها رامي: يارب يشفيه الدكتور: ادعوا له هو محتاج لدعائكم دلوئتي رامي: انشاء الله،، نزين ممكن نشوفه الدكتور: ايوا، بس ادخلو واحد واحد وما تطولوش عنده رامي: انشاء الله مشكور يادكتور وراح رامي لعند أهله وخبرهم بكلام الدكتور ودشوا واحد واحد لعنده ... أما خالد قام من سريره وراح غسل وجهه وطلع بيروح يزور رويد ويطمن عليه،، من بعد ما خبره المرض عنه ،، ومن بعيد لمح طيفها ،، طيف روعه وهي واقفه ع الجدار ودموعها على خدها تسيل،، آه ياروعه أنا ظلمتك وايد معاي ،، انشاء الله احصل شغل بأقرب فرصه واجي اخطبك من أهلك .. خالد رجع وماكمل طريقه ،، بينتظر أهل رامي يروحوا وبيرجع بعدين ... |
|
|
#14 |
|
|
البارت الثالث عشر
لمى كانت جالسه هي واختها لمياء وأمها بالصاله ودش ابوها ابو لمى: السلام عليكم الكل: وعليكم السلام والرحمه ابو لمى: اقول ما سمعتوا بالخبر ام لمى: خير أي خبر ابولمى: رويد أخو رامي سوى حادث أمس لمى:كيف حالته الحين عسى ما تعور؟ ابو لمى: المسكين داش ف غيبوبه ام لمى: لا حول ولا قوه الا بالله لمياء: الله يقومه بالسلامه ابو لمى: من المستحسن انكم تروحوا تزوروه لمى: لا أنا مابروح .. روحي إنتي يمه أبو لمى: مو زين يا بنتي بلي تسويه ف ولد الناس شهرين وانتي معلقه لمى: هو ما يبي يطلقني شو اسوي فيه ابولمى: إنتي مرتاحه كذا؟ لمى: أيوا مرتاحه أم لمى تناظر ابو لمى: قوم وصلني ع المستشفى بروح ازوره ابو لمى: روحي لبسي عبايتك وانا بنتظرك ف السياره ام لمى: انشاء الله أبو لمى وهو يناظر لمى: وانتي متأكده ما بتجي معنا لمى: أيوا توكلوا ع الله .. وكانت تبي تقوم حست بدوخه وطاحت ع الكرسي لمياء: لمى شو فيكي؟! لمى: ما فيني شي طمني يمكن ضغطي نزل شوي ابو لمى: بوديك المستشفى لمى : لا يوبه.. أنا زينه ما فيني شي صحتي زي البوم ابو لمى: انشاء الله دوم لمى قامت بسرعه من عندهم وراحت غرفتها.. وأبوها طلع ينتظر اما لمى عشان يوديها المستشفى .. اما لمياء طلعت لعند اختها فوق.. خالد تحسنت حالته وايد بس بعده ما طلعوه من المستشفى.. وأمه على طول تزوره وتجيبله الاغراض الي يبيها .. وهو مستغرب ليه لحد الحين ما طلعوه.. وليش كل شوي يجوء ياخذوا عينه من دمه .. وهو يا غافرين لكم الله مايدري شو السالفه؟! خالد تضايق وايد من هذا الموضوع.. وشاف المرض جاي صوبه مره ثانيه وقاله بعصبيه: أنتو ليش كل شوي تاخذون مني دم ليش؟! .. انا شو فيني؟! المرض: ما فيك شي أنت لا تخاف.. بس نتأكد من شغله خالد: تتأكدوا من شو بالضبط؟ المرض: ما أدري الي علي سويته خالد بصراخ: ليش ما تدري؟ أنت شو وظيفتك هنيه هاه المرض: نزين ليش تصارخ خالد: ابي اروح لعند الدكتور .. وصلنى لعنده الحين المرض: نزين.. تفضل بس بدون صراخ وطلع خالد من الغرفه وراح لعند الدكتور ف مكتبه بمرافقه المرض .. خالد دق الباب ودش: السلام عليكم الدكتور: وعليكم السلام والرحمه تفضل خالد خالد: دام فضلك يادكتور دكتور: زين اجيت يا أبني.. كنت انا بجيك هلأ خالد: أنا شو فيني يادكتور طمني الله يطمنك الدكتور: شو أئولك ياخالد .. خالد: تكلم جول والله خوفتنى الدكتور: اهدأ شوي.. اولآ بسألك عندك علائات مشبوهه مع بنات خالد حز ف خاطره وخاف زياده: علاقات مع بنات شو دخل هذا بهذا؟؟ الدكتور: أنت جاوبني بالأول وبعدين بفهمك خالد: أنا عندي الايدز يادكتور تكلم جول تكفي_ جول لا الدكتور: افهم من كلامك ده انه عندك علائات مشبوهه صح خالد بانفعال: عندي.. بس طمني قولي ما فيني الايدز جول تكفى جول مافيني هذا المرض ارجوك دكتور الدكتور: للأسف يا ابني انت مصاب بالايدز خالد بصراخ والدموع مليانه عيونه: احلف .. جول لأ لأ جول لأ لأ.. أنا ما فيني شي أنا مافيني شي .. الايدز لا الله يخليك لأ .. كله منهم أنا ماكان ودي اروح معاهم.. دمروني الله يدمرهم_ دمروني الدكتور: من دول الي دمروك ؟ خالد بصراخ: ما ادري عن شي اتركوني بحالي اتركوني بحالي الله ياخذني الله ياخذني.. أبي اموت الحين الحين خالد مر عليه اليوم مثل الصاعقه وما هدئ بطول اليوم غير بالمهدئات بس ..و على طول يتهرطم ويدعي ويسب وبس .. كانت نفسيته صفر لو ندمت الحين شو يفيد الندم أما روعه على طول تتصل في خالد بس جهازه مغلق وما تدري شو سالفته؟! وما تدري ان حبيبها وزوجها قضى على حياتها بدون ماتدري ولا هو يدري؟! بعد فتره صحى خالد وتمنى انه ماصحى .. تمنى انه تنشق الارض وتبلعه ولا يسمع كلمه من كلام الدكتور.. تمنى لو انه مات بالحادث .. ولا انه يقضى على حياه أغلى انسانه عنده .. روعه الي تزوجته ف السر وثقت فيه عطته حياتها وعمرها وأعز ما تملك.. هذا يكون جزاتها .. .. خالد بطول الوقت جعد يبكى ويتحسر ويضرب بنفسه .. وأمه لاحظت الحزن في عيونه لما كانت تزوره وحسبالها متضايق من موت رفيجه مافتكرت الي فيه أكبر وأعظم .. ما افتكرت الي فيه دمار نهايه.. عقاب .. جزاء .. عذاب .. وكل ما تحمله الكلمات من معاني .. في يوم كانت أمه زايرته ف المستشفى وكان خالد نايم بأثر المهدئات الي يعطوه اياها.. وانتظرته لين ماصحى وفتح عيونه ام خالد: يمه خالد انت صحيت خالد بحزن: ايه يمه وياريتني ما صحيت ام خالد خلت ايدها ع قلبها: الله يخليك ياولدي.. ليش جاعد تجول هذا الكلام .. تبي تخلاني بروحي يكفي ابوك تركنا .. أنا من لي غيرك بهذي الدنيا من؟! أنت سندي في الحياه ياولدي.. خالد: أنا مو مني فايده خلاص يايمه .. حياتي انتهت انتهت .. وبدت عيونه تدمع ام خالد:أنت شوفيك ياولدي .. ليش تسوى بنفسك كذيه؟! .. وليش هذي الدموع هذا يومه والله يرحمه ويرحم موتانا اجمعين خالد: ياريتني أنا ولا هو ام خالد: لهذي الدرجه رفيجك غالي عندك.. خوفتني عليك جول شو صاير لك .. أنت فيك شي؟ خالد: خليها على الله أنتي بس .. ولا تحاتي .. ام خالد: نزين يمه ،، هاك تلفونك ،، خالد مد ايده وأخذ التلفون: شكرآ يمه ام خالد وهي تقوم: أنا بروح الحين وخلي بالك ع نفسك خالد: انشاء الله يمه لا تحاتي ام خالد: ومتي بيطلعوك ما قالولك؟ خالد: كلها كم يوم وبيطلعوني انشاء الله ا م خالد: نزين يامه في وداعه الله لما طلعت أمه على طول بطل جهازه وحصل مكالمات روعه،، وايد تضايق وهموم الدنيا كلها تجمعت ف قلبه ،، وما درى شو بيسوي؟! هل يصارحها؟! أو يخبي عليها؟! احتارت الأفكار ف راسه ،، وفكره توديه وفكره تجيبه،، وف النهايه قر انه يتصل فيها مهما كانت الظروف،، لازم مايأس ويعيش حياته.. ودق عليها مع انه كان متردد شوي بس خلى كل شي ورى ظهره ودق رن رن بعدها ردت وبصوت عصبي شوي: أهلين لو ما بطلت جهازك كان احسن ،، وينك فيه؟! وليش مسكر جهازك من فتره؟! هاه ليش ساكت ؟! ليش ماترد علي؟! خالد: احم، بالأول أنتي خليتني أتكلم روعه: تكلم اسمعك ،، وكلي آذان صاغيه خالد: أنا سويت حادث روعه : شو؟! سو يت ح ا دث خالد: ايه والله وكان جهازي مو معي ،، واليوم جابته أمي روعه: والله غريبه؟! خالد: وشو الغريب؟! روعه: أنت متى سويت الحادث ؟! خالد: ليش؟ روعه: أنت جول وعقبها بخبرك كل شي خالد: من 4 ايام تقريبآ روعه: أو.. اخوي بعد سوى حادث ف نفس هذا اليوم خالد: ب ص راح ه روعه: بصراحه شو؟! خالد: أنا كنت معاه بنفس السياره روعه:يعني تعرف رويد ومو بعيده بعد يكون صديقك وأنا آخر من يعلم صح !! خالد: لا تفهميني غلط بليز روعه: والله أنت واحد كذاب ليش ما خبرتني من الأول ليش؟ خالد: أنا أعرفه من قبل لا أعرفك آصلآ،، روعه: وتعرف بعد؟ خالد: بليز حبيبي افهميني،، عرفته انه اخوك لما كتبنا عقد الزواج وشفت بطاقتك الشخصيه في ملكتنا وربي هذي الحقيقه روعه : ليش ما خبرتني ليش؟ ليش تبي تهدم الصوره الجميله الي راسمتها لك؟ ليش ما تقدر تضحيتي لك؟ أنا شو ذنبي بس؟! ذنبي اني حبيتك؟ لو الحب ذنب ماكان احد ف هذا الكون حب خالد ف خاطره (هذا كوم والي سويته فيك كوم ثاني سامحيني يا اعز الناس) روعه: ليش ساكت؟ ليه ماترد علي خالد:ام أنا معاك اسمعك،، طلعي كل الي بخاطرك ومايصير خاطرك الا طيب أنا استاهل كل شي يجي منك ،، وربي استاهل وقابل كل شي وعاذرك ومقدر ظروفك.. انشاء الله يارب اموت اذا كذا بترتاحي روعه: بسم الله عليك.. لا تقول هذا الكلام مره ثانيه أنت فاهم؟! خالد: الموت أهون مليون مره من هالعيشه الي عايشها الحين روعه: أنت ليش تفأول ع عمرك؟ ليش؟ حيرتني معاك ما عدت افهمك خلاص خالد: أنا بسكر الحين لاني تعبان بالحيل .. ديري بالك ع نفسك روعه: تم .. بس لا تسكر جهازك لأني بتصل عليك بعد شوي بطمن عليك خالد: اوكي.. لا تحاتي باي وسكر خالد وكله حسره وندم ع الي سواه ف روعه .. بس كل شي مقدر ومكتوب .. وكل واحد راح ياخذ نصيبه من هذي الحياه .. اذا حلو أو مر.. |
|
|
#15 |
|
|
البارت الرابع عشر
الدكتور عرف كل شي عن خالد وكيف انتقل له المرض .. خالد اخبره بكل شي بس اخفى حقيقه زواجه .. الحقيقه الصعبه المره الي راحت ضحيتها روعه.. والدكتور سوى فحص حق رويد بس طلع سليم ولله الحمد .. ياجرح من وين ابتدى يلي كل احزاني عليه انزف ويجرحني الزمان وابعثر اوراقي عليه أما لمى كانت وايد محتاره بموضوع الحمل .. وما تدري شو تسوي مع هذي المصيبه الي حلت عليها.. فكرت وايد واحتارت.. وآخير توصلت لحل وسط .. انها بتكمل حملها عادي .. ولما تولد راح تسوي تحليل dna واذا طلع ولد رامي راح ترد له أكيد .. واذا طلع ابن زيد بيحلها ألف حلال .. الا وهي غارقه ف تفكيرها ما حست لما دشت لمياء غرفتها.. لمياء نادتها ونادتها ولكن لا حياه لمن تنادي .. وبعدها صرخت ف اذنها: لموي لمى بدهشه: وجع خرعتيني لمياء: وين عقلك؟ بشو جاعده تفكري؟ لمى: ف هالدنيا والله.. خير ايش بغيتي؟ لمياء: ف هالدنيا فهمنا فهمنا لمى: شو فهمتي يعني؟ لمياء: اجول لموي أنت من متى حامل ؟ لمى من هول الصدمه نست فمها مفتوح:......... لمياء: هيه لموي ما كأنك نسيتي فمك مفتوح ههههههههههههههههه لمى انتبهت ع نفسها: وربي سخيفه لمياء وشوي بتنفجر ضحك: هههههههه لمى: وربي سخيفه تقدري تطلعي من غرفتي لمياء: لا ما أقدر .. ما قلتي لي من متي وأنتي حامل؟ لمى: انتي شو تخرفين الحين لمياء: هذا الكلام مو علي أنا وتغمز لها بعينها لمى: وبعدك متأكده ما شاء الله عليك لمياء: ومليون ف المئه بعد لمى: والله.. احلفي بس عشان اصدق لمياء: بالأول خلي عينك ف عيني والكذاب راح ينكشف أكيد لا مجال لنكران لمى: أنا ما أنكرت لمياء: يعني تعترفي بأنك حامل صح جولي لا تستحين لمى:....... لمياء: الحلو ليش ساكت .. السكوت علامه الرضى هاه لمى: ترى وايد تخربطي. .شو دليلك ؟ لمياء وهي تتخسر: دليلي الدوخه الي كانت وما زالت تجيك وثانيا الاستفراغ الي تستفرغيه كل شويه والثاني والدليل الأقوى هو..... وسكت شوي وبعدها كملت راح اخبرك ف وقت ثاني لمى: وليه ف وقت ثاني؟ لمياء: اولآ ليش ما خبرتينا انك حامل؟ ليش ما تبي احد يعرف؟ لمى: اف منك انا بطلع احسن لي لمياء: وين ما تبي تشوف الدليل الاقوى لمى وهي تطلع من باب الغرفه: لا خليه لك لمياء حصلت جهاز فحص الحمل ف الزباله بالصدفه .. عشان كذا تأكدت ان لمى حامل.. بس ما تدري ليه مخبيه حملها عن أهلها.. وهذا الشي مسبب إلها غموض وحيره راح نرد للمستشفى .. من بعد ما اعترف خالد بكل شي .. الدكاتره عملوا فحص حق رويد وبدون اهله ما يعرفوا أي شي طبعآ .. وطلع سليم ولله الحمد .. وخالد فرح له وايد .. وطلع من المستشفى وحالته النفسيه تعبانه وطلبوا منه الدكاتره يروح حق مستشفى متخصص لأمراض الايدز عشان لا يتطور المرض بسرعه .. ساعات ساعات أحس ان الزمن قاسي قاسي ولا يمكن يلين وساعات ساعات احس أن الفرح محال ولا يمكن يحين إلى من يعلمني الفرح ويفرح القلب الحزين ويفرح القلب الحزين في يوم كان خالد جاعد يقرأ قرآن من بعد ماهداه الله الى الطريق المستقيم ... جاته مكالمه من رقم غريب .. تردد بالأول انه يرد بعد ما شاف اصرار المتصل ... خالد: آلو السلام عليكم ......:وعليكم السلام رحمه الله .. معاي خالد ال.....؟ خالد: أيوا أنا خير .......:أنا موظف من شركه (.......) ونبيك باكر انشاء الله حق المقابله خالد ف خاطره : الحين عاد بعد ما ضاع كل شي .. بعد ما انتهيت جيتوني.. بعد ماضاع الأمل أملي ف الحياه.. ويش الفايده الحين .. يارب صبرني .........: آلو آخ خالد أنت معاي خالد: هاه ايوا معاك ........: عيل نتظرك بكره الساعه 9 _لا تتأخر خالد: انشاء الله بكون ع الموعد عندكم .......: اوكي ف آمانه الله خالد: مع السلامه وسكر خالد وهو بين فرح وحزن _ من بعد ماكان ينتظر هذي الحظه من سنوات وبفارغ الصبر _ الحين ما عادت تعنيله اي شي ... سته شهور مضت ع الا حداث السابقه وأهل رويد ينتظرون انه يصحى من الغيبوبه بفارغ الصبر... أما خالد توظف من بعد المكالمه بشهر تقريبآ من بعد ما نجح ف المقابله واستمر بعلاقته مع روعه عادي وبدون ما يخبرها بشي .. ولقائاته معها صارت نادره وهي محتاره ومستغربه من هذا الشي.. ومن بعد ما توظف قر يخطب روعه خطبه رسميه من أهلها وعقبها بيخبرها الحقيقه و ف الوقت المناسب .. أما لمى كملت حملها وأهلها عرفوا وفرحوا لها بس حذرتهم لا يجولون حق رامي باي شي .. ومن الجهه الثانيه لمى ما خبرت مها أي شي لأن الي بينهم كانت مكالمات فقط لا غير .. عشان لا يوصل الخبر حق أخوها وبعدين بتصير مصيبه .. لين ما جأ هذا اليوم الي مها زارت فيه لمى في يوم غير متوقع ... وصلت لين الباب ودقت الجرس وفتحت لمياء إلها الباب.... مها: السلام عليكم لمياء: وعليكم السلام هلا مها كيفك وشخبارك؟ مها: انا زينه _ شخباركم انتو وشخبار لمى .. اشتقت لها وايد لمياء: تفضلي نسيت وقفتك ع الباب_ حياك تفضلي مها: دام فضلك_ الا وينها لمى أبي اسوي لها مفأجأه لمياء: فوق ف غرفتها _ بخبرك تعالي نطلع لها ف الغرفه بنسويلها سبرايز مها: يالله وطلعن بشويش لحد ما وصلن لغرفت لمى وكانت متسدحه ف سريرها _ المسكينه الحمل تاعبها _ وتريح شوي مها دقت الباب_ وردت عليها : دشي لموي على فكره انتي وايد مزعجه وفتحت مها الباب شوي شوي وكانت لمى مخليه ظهرها ع الباب _ مها صرخت بصوت عالي : سبرايز لمى تفأجأت وما توقعت ان مها بتزورها ف يوم من الأيام .. والمستخبى راح ينكشف الحين وقامت لمى وبطنها قدامها .. والي خلى مها تتفاجأ بعد .. وراحت وسلمت عليها بحراره مها: وحامل بعد وأنا ما أدري لمى: نصيب وشو نسوي بعد مها: فديتك.. وربي مشتاقه لك وايد لمى: وأنا بعد فديتك.. مو كأنك ضعفانه شوي مها: لزوم الريجيم حبيبتي لمى: حسبالي الحب غزى قلبك مها: أنا وين؟! والحب وين؟! ههههه لمى: علي أنا هذا الكلام مها: وربي.. خلي عينك ف عيني لمى:ههههه .. تصدقي مو باين شي ف عيونك مها: هههه فديتك حبيبتي_ إلا ما جلتيلي وينك عني ف الاشهر الماضيه؟ وليش دايم تتهربي مني؟ وكلامك كله مختصر لما أتصل فيك؟ شو الي بينك وبين أنا احترت معاكم لمى نزلت راسها:....... مها: لمى ردي علي أنا ما أبي هذا السكوت .. أبيك تردي وتفهموني.. زيد مأذني بسوآله عنك وأنت ف أوقات كثيره طنشي أتصالاتي وحتى مسجاتي مع إني عمري مازعلتك أبي افهم لمى تكفين تفهميني لمى: تكفي مها لاتذكري زيد قدامي لأني خلاص نسيته ما عاد يعنيلي شي ولاشي مها: ليش؟ تصدقي انا قلبي ناغزني من ذاك اليوم الي تركتم بروحكم ف البيت _ احساسي يقول انه صار بينكم شي وعشان.... قاطعتها لمى: تكفى لا تكملي مها: عيل لازم تفهميني كل شي الحين_ لازم تتكلمي عشان نقدر نحل مشكلتك _ ولا تعاندي لمى : خلي كل شي ف القلب أحسن مها: لا .. أنتي لازم تفهميني.. أنا حاولت من زيد عشان يجولي شي بس ماشي فايده معاه استخدمت كل الطرق.. لأنه من هذاك اليوم وهو منقلب حاله رأس على عقب _ لمى والدموع تغطي وجها: خلاص أنا بخبرك كل شي لأني ماني بقادره اشيل الهم بقلبي اكثر من كذا مها: تم _ وأنا كلي آذان صاغيه وبدت لمى تسرد كل شي حق مها من طأطأ الى السلام عليكم _ ومها ما تفاجأت بالعكس كانت حاسه انه صار شي بينهم _ ولزمت على لمى تسوي التحليل بعد الولاده عشان تتأكد وبعدها يشوفوا الحل المناسب ... ولمى حست شوي براحه من بعد مافضفضت كل الي بقلبها حق صديقتها .. |
رد: رواية الأقدام
