 |
  |
|
|
|
|
|||||||
| اطباق رئيسية و اكلات سريعة آه يابنات كبسة سمك الكنعد تموت ادخلي نصحيه لوجه الله يوجد هنا آه يابنات كبسة سمك الكنعد تموت ادخلي نصحيه لوجه الله طبخ اكلات سريعة 2016 شعبية جديدة و مقادير طبخ طبخات اكلات سريعة من الطبخ السعودي و مطبخ منال العالم و طبخات سعودية وبعض اطباق الشيف اسامة و طبخات مغربية بالصور |
|
|
12-05-2010, 05:19 AM
|
#1 |
|
:: كاتبة نشيطة :: |
السلام عليكم ورحمة الله وبركاته كيفكم ياحلوات اليوم جبت لكم كبسة سمك روعه قليلة عليها صلحتها لزوجي وانجنن يقول بعزم اصحابي بكرى قلت تم يالغالي صلحتها لأهلي وانهبلوا وامي من بكرى سوتها وصلحتها لأهل زوجي وانهبلوا واخذوا الطريقة حمياتي يعني بإختصار تجن وماتاخذ وقت يعني نص ساعة وان زادت 40 دقيقة المقادير: سمك كنعد طبعا الكمية على حسب الي بتسوين لهم(هذي الخلطة تحطينها بالسمك علشان الزفرة تروح وعلى بال ماتقطعين المقادير يكون السمك جهز الي هي نص كوب طحين ملعقتين كبار خل تفاح تعصرين ليمونه وملح شوي نص كوب ماء تخلطينهم مع بعض وتحطينهم على السمك وتدعكين السمك فيه وغطية) وترى السمك يجي مقطع شوي زيت_بصل_ثوم_طماط_فلفل رومي_كزبرة_زنجبيل_فلفل قرون حار_معجون طماط_ملح_بهارات الطريقة: طبعا كلهم تقطيع صغير أول شي (نقعي الرز) تحطين شوي زيت بقدر والنار تكون هاديه وتحطين البصل تحركين شوي بعدين تحطين الثوم وتحركين بعدين الطماط وحركي شوي بعدين خليه لما تطلع مويته شوي يعني بعدين الفلفل الرومي وحركيهم شوي بعدين الزنجبيل بعدين الكزبرة ومعجون الطماط وحركي لما تحسين انهم ذابوا بعدين تطلعين السمك وتغسلينه بالماء وتحطينه فوق الخلطة وتحطين عليه ملح عاد الملح انا ماقيسه الا بيدي ,لا شوي ولا كثير بعدين البهارات وغطيهم شوي يعني 5 دقايق بعدين حطي كوب ماء بس واخلطيهم مع بعض بس شوي شوي علشان السمك مايتفك طيب واذا حسيتي انهم انخلطوا حطي عليهم الفلفل الحار وغطيهم وعلى نار هادية وكل 10 دقايق حركي شوي... ان شاء الله مايكون نسيتوا الرز نقعتوه تمام عليكم اسلقي الرز بماء وملح مقدار الملح 3 ملاعق كبار بس مو مليانين وخلي النار لا هاديه ولا عاليه وسط نص ساعة بإذن الله طفي عليهم اغرفي الرز وحطي بالوسط السمك مع الكشنه وحطي المرق بصحون وعليكم بألف عافية والي تصلحها وتعجبها تدعيلي بالهداية وتسخير زوجي لي وتخليلي عيالي وطولت عليكم و مع السلامة مواضيع ذات صلة |
|
12-06-2010, 01:22 AM
|
#2 |
|
|
رد: آه يابنات كبسة سمك الكنعد تموت ادخلي نصحيه لوجه الله
تسلم ايديكي
|
|
12-06-2010, 07:03 AM
|
#3 |
|
|
رد: آه يابنات كبسة سمك الكنعد تموت ادخلي نصحيه لوجه الله
الله يسلمك يالغلا من كل شر
|
|
12-15-2010, 10:08 PM
|
#4 |
|
|
رد: آه يابنات كبسة سمك الكنعد تموت ادخلي نصحيه لوجه الله
شكها جونان
ابي اجربها فورا شكررا على الطريقه |
|
12-15-2010, 10:21 PM
|
#5 |
|
|
رد: آه يابنات كبسة سمك الكنعد تموت ادخلي نصحيه لوجه الله
السمك الكنعد لذيذ ياسلام مشكوره
|
آه يابنات كبسة سمك الكنعد تموت ادخلي نصحيه لوجه الله
