 |
  |
|
|
|
|
#106 |
|
|
رد: جايب هالقساوة منين ؟ منين يا طيب كاملة
عبدالله يدخل البيت ويلقى امه بالصاله تبكي عبدالله:يمه وش فيك ام عبدالله:اختك بتموت بتطير من يدي والله ماكلت اليوم ولاشئ شوفها والله شكلها مرعب عبدالله عصب:اللحين يقالها بتسوي إضراب عن الاكل علشان نزوجها ام عبدالله:اقولك تعبانه تقول إضراب عبدالله:ابشوفها(يطلع فوق عبدالله يطلع فوق:يارب لين راسي وغير راي يارب انا لازم يارب اتكل عليك وأوافق والولد شكله متعلق فيها ولا كيف بيجي من روسيا الا لانه يبيها وماشاف منها الا الزين والاخلاق ولا فيه ولد استغفر الله بس (يفتح باب الغرفه يشوف اخته لونها ازرق مررعب تقولون مومياء مو بشر مو بنت دائما يشع وجهها حياة ونور والابتسامه لاتفارق شفتيها لكن اليوم غير معقول ذي ساره الى شفتها من ثلاث ايام ابي اعرف هي من الاحياء ولا الاموات جثه هامه ساره شفتيها طالع لونها كحلي وبشرتها كأنها مصبوغ باللون الازرق والتعب باين بكل معلم من معالمها يديها صارت هزيله واضعف عن قبل عينيها الهالات السوداء تخفيها كل مافيها متشوهه نزلت الدمعه من عين عبدالله لارادي معقول كل هذا يصير من الحب شئ مو طبيعي بس الحمدلله انه شاريها ولا كان كان (تفتح ساره عيونها بتثاقل لانها حست ان فيه احد عندها) عبدالله يمسح دموعه ويجلس يبوس يدها ساره تبكي بقوه حست انها ضعيفه او يمكن تبي تخلي عبدالله يعطف عليها وينكسر خاطره منها يقوم ويعانق اخته ساره ساكته دموعها قالت الي بقلبها من غير مأحد يقاطعها عبدالله وهو يمسح دمعته:خلاص ثامر لك انا غلطان انا اسف بس صدقيني ماكان بيدي انا تأثرت نفسيتي بعد مرضي سامحيني ساره تهز راسها بالإيجاب عبدالله:وين رقم ثامر معك ساره تأشر للجوال عبدnoSymbl%E15 يخذه ويشحنه لان البطاريه فاضيه:كم الرقم السري ساره تتكلم بصعوبه:ناسيته ماعرف الا اذا كان بيدي عبدالله يقرب لها ساره:7296 عبدالله يتصنع الضحكه علشان يخفي الحزن وبذات لان الرجال مايحبون يبينون مابداخلهم من مشاعر وبذات اذا كانت شفقه او رحمه يعني عاطفيه عبدالله:عليك رقم ساره تبتسم وكأنها معبسه لانها مريضه عبدالله:اسمعي ابكلمه بس تاكلين ساره تحرك راسها بالايجاب:طيب بس اخاف رجع عبدالله:والله يمكن له تقريبا اسبوع ويومين اشوف خلود ماراحت للمعهد لانها تعبت بقوه وحست انها مهدوده رغم انها قاومت لكن ماتقدر اكثر تعبانه نفسيا وجسديا وفوق كل هذا حامل بعد مسكينه والله خلود كل شئ يجي عكس الي براسها ماجد يهرول مسرعآ للمستشفى (وهو يتذكر كل لحظه لخلود معه كل ثانيه وهو معها وكل لحظه وهي بعيده عنه وكيف صارت بالمعهد مثل التائهه تمشئ لحالها وتناظر يمين ويسار كأنها تبي رفيق الدرب ماجد يروح معها لكن ماجد عاند وأهانها قدام الكل من اعداء وأصحاب احمد:خلاص ياريم قرب موعد طلاقنا ريم خافت:هاه ايه ادي احمد لاحظ عليها الارتباك:شكلك ماتبينا نتطلق ريم:هاه مادري لا وش دعوى قصدي اوف بس احمد:هههههههههههههههههههه مادري ليه احس اني زي جورج قرداحي ريم تعدل شعرها:ليه احمد:لانك مرتبكه وخايفه بشكل مو طبيعي ريم:لا ليه اخاف وبعدين جورج مايخوف يعني عادي احمد:يعني شلون متى تبينا نتطلق ريم:براحتك متى ماقررت احمد:اقولك شئ ريم بلهفه:قول احمد:فول ريم:ماقول فول اقول قول ههههههههههههههه لخبطتني احمد:ههههههههههههههههههههههههه ههههههههه قلقلت وردان العدو ريم:هههههه ايه كمل احمد:شكلي ماراح اطلقك ريم فتحت عيونها بقوه:ليه؟؟ احمد:عادي اذا تبيني اطلقك عادي ماعندي مانع ريم:لا مابيك تطلقني قصدي عادي كيفك احمد:هههههههههههههههههههههههه اموت في برأتك اقولك وين زوجتي الاوله ريم:وينها؟؟ احمد:طلقتها ريم:ايه قالت امك بس احمد مقاطع:السبب لأنها كانت عدوة امي كانت تصارخ عليها وتهينها وتأذيها كثير علشان كذا طلقتها وعلشان كذا انا حبيتك ريم:حبيتني!!! احمد:ايه حبيتك من اليوم انتي زوجتي ريم طارت فرح:معقول كيف احمد ابتسم:بس شوفي ماكل مره تسلم الجره ونسيت اسألك سؤال ثاني ريم مبتسمه:اسأل!! احمد:انتي بجد عقيم ريم:لا بس علشان امك احمد:ايه فهمت بجد ماقصرتي يأحلى زوجه بالدنيا ريم ماعمرها فرحت مثل ذا اليوم ثامر:هلا ساره وينج عبدالله:الو ثامر انهبل:منو انت وين ساره صار عليها شئ عبدالله:انا اخوها عبدالله انت بالسعوديه ولا بروسيا ثامر:انا بالسعويه بالدمام عبدالله:حلو ثامر بتوسل:شوف انا دورتك في كل مكان وحتى طريج بيتكم ضيعته والموبايل مغلق والا كنت ابي احاجيك بموضوعي انا وساره عبدالله:ياثامر ساره لك ثامر انهبل:نعم عبدالله:ساره لك ياثامر ثامر:والله واخبارها اللحين عسى ماصادها شئ عبدالله:مريضه ثامر:مريضه!!كيف وليه وشنو فيها؟؟؟ عبدالله:مادري بس اذا انت الى الان تبيها بحلوها وبمرها انا موافق ثامر:اكيد مرض المصدورين صح عبدالله:مادري ماخذتها للمستشفى ثار عصب:وليه عبدالله:رفضت لاتروح شسوي فيها ثامر:اقدر ايكم عبدالله:خلاص بس اسمع ماتشوف ساره الا بعد الملكه ثامر:اليوم الملكه هاه شقلت عبدالله:اتنتظر لحظه بشاور امي ماجد مالقى خلود المستشفى واتضح له انها طالعه علشان تحضر الاختبار جن ماجد وش صار عليها وش صار على خلود بموت لو سوت بروحها شئ وصل لبيت خلود طق الباب وفتحه لان عنده مفاتيح خلود تفتح الباب وهو يفتح تخاف خلود ماجد:خلود سلامات خلود تناظر له باستحقار وتمشئ بعيد عنه للمطبخ اجد بيده صور:شوفي خلود امانه لو انتي مكان وش بتسوين قولي لي جاوبي الله يخليك خلود تبعد عنه ماجد يمسكها بقوه:شوفي الصور وش بتقولين قولي لي خلود تناظر له بحقد والعبره تخنقها:لو اشوفك بالطبيعه اكذب عيوني وأصدقك لان اساس الزوجين الصراحه والثقه لكنك للأسف (تبكي وتبعد عنه وتحرق الصور بالنار ماجد يروح وراها وقلبه متقطع:خلود انا غلطان سامحيني خلود وهي تمسح دموعها وترمي قطعة الصوره الماحطه بالنار على المجلى وتصب مويا:بتطلع من البيت ولا انا اطلع ماجد:وليه مانكون مع بعض زي قبل خلود:كذاب انا قبل عايشه بمشاكل معك وكل يوم مشكله خلاص انت بطريق وانا بطريق مو تطلقنا ماجد:انا كلمت شيخ وقلت له عن طلاقنا قال الطلاق بالثلاث حرام لازم طلاق رجعي خلود كانت تدري عن هالمعلومه:خلاص انساني انا مت انا انتهيت اطلع برا ماجد عصب:مو على كيفك تطلعيني خلود:ايه صح مو على كيفي اصلن هاذا مو بيتي حتى اتحكم (وتطلع ماجد يمسك يدها:لا خلود ابي اعيش معك خلود تبكي:وانا محتاجه لك اكثر انا مين اعرف بالدنيا ذي كلها غيرك لكنك خلاص طحت من عيني ماقدر اعيش انا وياك في بيت واحد ماقدر ماجد بتوسل:نحاول خلود تحرك راسها بالنفي:مستحي يل خلاص افترقنا وانتهينا انت انتهيت من حياتي ماجد:انا انتهيت!!معقول خلود تبتسم بسخريه والدمعه بعينها:اكرهك ياماجد اكرهك بحياتي ماكرهت احد كثرك ماجد تنزل دموعه ويطلع بسرعه لانه مايحتمل يسمع اكثر صكر الباب بقوه وقبل مايصكره:خلود انتبهي لنفسك ولاتنامين الا الباب مقفل يقولها بصوت يختلط به البكاء خلود تطيح روحها بالارض وهي تبكي من قلب من خاطر تحس انها طلعت كل الي بقلبها تحس انها سيطرت على مشاعرها وردت ماجد واستحقرته مثل ماستحقرها حست بعذابه من لهجته ومن كلامه |
|
|
#107 |
|
|
رد: جايب هالقساوة منين ؟ منين يا طيب كاملة
ثامر ملك على ساره وخلص من كل شئ وصارت زوجته شرعا على طول راح ثامر لساره بعد مأخذ الاذن من عبدالله
عبدالله مستانس وهو يشوف القلق على ثامر لانه تأكد انه يحب ساره وانه بيحافظ عليها مدى الحياه ريم:احمد وش بغيت كأنك قلت لي شئ وانا نسيته وش ياربي قول ذكرني احمد باستهبال:لا كلمتي وحده ماتثنى وماحب اعيد الكلام زين ريم تحرك فمها يمين ويساره:زين يامسيو احمد ام احمد:ماعليك من الغبي ذا اقولك وش رايك بكره نروح للجنادريه م:و فكره حلوه احمد:يماه مين الغبي ام احمد:انت وش عندك يالله قول احمد:مافيه روحه بكره مو انا رجال البيت ام احمد:بس السايق الي بياخذنا احمد وهو يكتم ضحكته:ريم ماتروح مو زوجتي ريم:افا وزوجتك خلاص تحشرني بذا البيت احمد:وش فيه ذا البيت مو مالي عينك ريم تحرك راسها بالنفي:لأأأأأأأأأأأأأأأأأ ام احمد:ماعليك منه اخصريه لاتعطينه وجه طنشيه بس احمد:الله كل هذا يماه والله ماهقيتها منك ريم:احسسن ايه خلك وراي ناس تدافع عني احمد:وراك هههههههههههههههههههه ريم:ههههههههه مدقق قصدي قدامي بعد شهر/// ساره تشافت من المرض بعد ماراحت للمستشفى ونومت يومين خلود كل يوم وكل لحظه تزيد اصرار انها ماترجع لماجد وكل يوم تروح للبحر وتسهر الى الصبح فيه وبعدها تروح للمعهد الي قرب وصل الاختبار النهائي ماجد اكتشف اليوم حمل خلود من ستر بالمستشفى بعد ماسألهم عن حالة خلود لانها دايما تروح للمستشفى وماجد صار يراقب خلود باستمرار وتحول الشك الي قبل الى خوف عليها بذات لانها ماتعرف احد بجزر المالديف مها وعبدالله كل يوم والثاني تزيد علاقتهم وحبهم لبعض واجلوا زواجهم حتى يكون مع ساره وثامر بعد شهر ام احمد مات قبل اسبوعين وريم حزنت حزن لم تحزنه على احد من قبل واحمد معروف اذا صارت امه الي مات كيف بيكون تأثره في المعهد ========= خلود كالعاده جالسه بروحها على الدرج وهي هايمه بعالم الاحلام تتخيل لو علي يرجع لها وتشوف لينا او على الاقل يرجع علي وتقول انها تزوجت نفس الي كان يحب اختها تؤامها فجائه يقطع تفكيرها الشاب الجديد في المعهد بصوت خفيف:ياقمر انتي ليه جالس لحالك خلود تقوم مفزوعه وتروح يركض وراها هذا الشاب:انا اول مره اشوف قمر يطلع بالنهار واو عليك بموت انا اكيد بموت تعالي والي يقاطعه صوت ماجد:مين انت يالحيوان يالساذج الشاب:مين انت اقولك ابعد بس هاذي لي ماجد يصارخ ويقرب له بيضربه خلود تصارخ بوجه ماجد:ابعد عنه وش تبي انت ابعد عني ليه تلاحقني من مكان لمكان خلاص ابعد عن طريقي زين انا مابيك اوف بس ماجد انهبل من ردها وقف يناظر لها الشاب:خلاص البنت صارت لي من نصيبي ولا مافهمت كلامها ماجد وصل للأتش عصب لاخر درجه ويضربه بقوه ويركله برجله وماخلى شئ ماسواه فيه الكل حاول يفرق لكن دون جدوى خلود تمشئ وتخلي ماجد وقلبها معه كل ماتشوفه قلبها ينبض مية مره بكلمة مشتاقه لك لكن ماحاولت تبين له ريم:بروح لأهلي عادي أحمد:كيفك ريم:خلاص مع السلامه احمد:ولاترجعين ريم:نعم!!!!!!!! احمد:انتي طالق ياريم ريم تصارخ:ليه؟؟؟ احمد قام واقف:ماقدر والله ماقدر اعيش مع وحده مثلك انا بجد حبيتك لكني مو واثق فيك حتى تشوفيني اكلمك الف مره وانا بشغلي((يعني بعمله)) ريم:ليه مو واثق فيني احمد:لانك لانك تدرين ليه ريم تبكي:انا وش سويت احمد يبر:والله ماقدر حاولت لكن مستحيل اقدر اكمل حياتي معك ومستحيل انسىىىى لانك ريم بأنفعال:لاني ايش؟؟ احمد:لاني مو واثق فيك احس انك تخونيني من وراي مثل ماخنتي اهلك ماقدر والله انا اسف ريم:طيب حاول احمد:والله حاولت انسى لكن ماقدرت كل ماشوفك اشوف الخيانه بعيونك بنظرات ماقدر انا اسف ريم:انا تغيرت احمد يتنهد:لافات الفوت ماينفع الصوت ريم:طيب ليه ماقلت هالكلام من شهر؟؟؟ احمد:لاني مابي اضيق امي ومابي اظلمك بس ريم وهي تبكي:الاظلمتني انت ظالم بعد ماخليتني اتعلق فيك ترميني احمد:مافيه احد ظلمك انتي الي ظلمتي روحك لو ما ريم تقاطعه:انت ظالم ظالم انت وعبدالله تعلقوني فيكم وبالنهايه ترموني انا اكرهكم كلكم احمد مارد عليها لانه مقدر الحاله الي هي فيها وحتى احمد متضايق وهالقرار صار غصبن عليه مو بيده ((مشكله الي لهم سوابق مستحيل يقدرون يعيشون مثل الناس بيكونون شاذين غير مميزين الكل يحذر من مصادقتهم وحتى الي تسلم عليهم تصير شبهه والله لايبلانا يارب)) ثامر:اقولج شهر العسل امم وين وين وين وش رايج لمصر ساره:لالالا امم وش رايك سوريا ثامر:نو ويه ماحنا ناقصين مشاكل ساره:ههههههههههههههههه وين المشاكل ثامر:ليه ناسيه وش فيها سوريا ساره:امم ايه ذكرت خلاص مانبيها ثامر بخبث:ايه زين تذكرتي ساره انتبهت لطريقة لهجته وطريقة كلامه:امانه عليك وش قصدك؟؟؟؟ ثامر:ههههههههههههههههههههههههه قصدي فيه بنات لايقاومون بيعفج لو بروح هناك ساره:اعمي عيونك لو تسويها انا ناقصتك بعد ثامر:انتي احلى من بنات روسيا كيف سوريا ساره:ههههههههههه بنات سوريا احلى من روسيا طيب قول عشر مرات سوريا روسيا ههههههههههههه ثامر:والله وهقتيني قوليها انتي ساره:امم لأ ثامر:هاي انتي اذا قلتلج شئ ماتقولين لأ ساره برائه:اجل وش اقول ثامر:قولي حاضر ياعمي ساره:تخسىىىىىىىىى عمي قال ثامر بزعل:افا ساره:انا ماصدقت انك بتصير زوجي وتقول لي عمي عليك حركات ثامر:ايه دام كذا اوكي رضيت ساره:ههههههه في المعهد// خلود تمشئ بتطلع من المعهد لانه حان وقت الخروج والدنيا زحمه الكل يبي يطلع مستعجل ماجد:خلود خلود تناظر له ولاترد ماجد:وقفي بقولك شئ خلود توقف:هاه آمر فيه شئ ماجد:اشتقت لك خلود تناظر له بعدين تنزل عيونها عن عيونه:خلصت(تمشئ ماجد:امم وقفي لحظه انتي حامل خلود ترفع حاجبها وتناظر له باستحقار ماجد:وش ذي النظرات خلود:بعد شاك بحملي ماجد:كيف شاك خلود تمشئ وتخليه ماجد يمسكها بقوه بصراخ ملفت للانظار:اعقلي ياخلود خلود:لاتخاف مو من أمجد ماجد يعطيها كف بأقوى ماعنده انقهر من تصرفها من حماقتها من عنادتها واصرارها انها ماتنسى الي سواه رغم انه ترجاها وحاول فيها الا انها ماغيرت رأيها ماجد:انا نسيت ألى أنت إلى الان تفكرين فيه خلود تناظر للكل وحست بقو الاهانه الي صارت لها اي ضربه بتكون عاديه الا الكف اهانه اكثر من ألم اكبر من أي شئ وبذات اذا صار قدام كل الي مايسون لان مافيه احد بنظر خلود بالمعهد يسوى ماجد انتبه لنظرات الطلاب لخلود ماجد بصراخ:الكل يصرف روحه خلود تمشئ بسرعه وترك الناس وترك بقايا ماجد لان ماجد خلاص كل مافيه انتهى كل شئ كرهه كل الى حوله يكرهه(صحيح الى يحب مايكره الا ماجد كره الكل لان الكل حاسد حبهم حب ماجد وخلود عبدالله:هلو مهاوي اشتقتلك بجد حياتي بدونك صعبه موت مها:هههههههههههههههه لالالالالالانا ماقدر على ذا الكلام كل هذا لي ياخوفي ينتهي بعد مانتزوج وتصير حياتنا مثل المتزوجين عبدالله:ههههه اكيد بتصير حياتنا مثل المتزوجين اجل مثل العزاب مها:لا قصدي حياه مالها طعم كلها هواش ومشاكل وصراخ وطراق عبدالله:هههههههههه كل هذا امم المشاكل ملح الحياه مها:ويع مابي هالملح ابي قصه مثل روميو وجوليت عبدالله:هاي انت خابرك عاقله وتدينتي مها:افا وانا وش قلت عبدالله:اعقلي ترانا الى الان ماتزوجنا مها:اها خلاص لاتكلمني ولا كلمك اوه عبدالله:وليه مها:مو تقول ماتزوجنا خلاص اذا تزوجنا كلمني باياتو عبدالله:انتظري يامشكله انتي بذاتها مها:انت وش تقول اللحين عبدالله بمصخره:امم اقول كيف الحال مها باستهبال:الحمدلله اخبارك ريم توصل بيت اهلها وهي منفجره صياح حست كل شئ انتهى كرهت هذا اليوم كرهت الساعه الدقيقه اللحظه تمنت انها مات بدال ام احمد لانها لو مامات كان دام زواجهم وماصار مؤقت ام محمد:وش فيك يالريم صار شئ بأحمد تكلمي ريم:طلقني ام محمد:يوه وليه؟؟؟ ريم ارتبكت ريم من السؤال المرعب:مادري مادري ام محمد:عسى رب مايربحه وياخذ عمره يارب ريم:لا يماه لاتدعين عليه انا الغلطانه ام محمد:غلطانه غلطانه كيف!!! ريم:انا رديت عليه وماحترمه ابد خلاص يماه ابي ارتاح ام محمد تبكي على حال بنتها الي تطلقت بثاني شهر:خلاص ارتاحي احمد متضايق لأبعد حد وبذات لان ريم ماقصرت معه بشئ لكن الشيطان شاطر واعظم فرحه للشيطان بتفريق الازواج ويامسكينه يالريم الشيطان الى لحقها وهي متزوجه وقبل لاتزوج وياويل اهلها لو يدرون الفجر// ===== ماجد يكلم خلود وماترد عليه قر يرسل لها مقطع صوتي له علشان تسمعه كامل ومن غير ماتقاطعه:: خلود انا اسف انا عذبتك كثير بالبدايه بيوم مقتل اخوك الي كانت بداية فرحتي وبداية حزنك وشقائك ادري اني اذيتك كثير بالبدايه لانك كنتي تشبهين ملكة روحي وقلبي لكنك بهدؤك استوليت على كل شئ فيني لاتحسبيني مأتعذب اذا انتي تتعذبين مره انا اتعذب مليون مره بس انتي لا انا انا الغلطان اني ماوثقت فيك وصدقت وحده تافهه بس مايسوى الى تسوينه فيني ليه تتركين ارجعي لي والله ماقدر اعيش بدونك انتي الي رجعتيني للحياه وانتي الى بتقتلين بعنادك وبقوة قلبك تكفين ياخلود ارجعي لي والله انا محتاج لك اكثر من حاجتك لي ابي ولدنا يعيش بين ابوه وأمه مابيه يصير محروم مثلي ومثلك اهلنا تركونا بدري مابي ولدنا يصير مصيره مثلنا انا وانتي عشنا الحرمان وانتي قدامي خلود سامحيني والله بموت ولو ماتسامحيني والله لأنتحر لاني ماقدر اعيش بدونك انا احبك ياخلود احبك الى الابد واسف على كل الي سويته المحروم من قلبه ماجد خلود تنفجر بالصياح بعد ماسمعت كلام ماجد لها وحست بنبرة صوته الحزينه الباكيه بكل معاناه يعيشها ويحس فيها خلود:انا لازم ارجع له انا مالي الا هو ومهما كابرت راح اظل احبه للأبد واعشقه واموت فيه |
|
|
#108 |
|
|
رد: جايب هالقساوة منين ؟ منين يا طيب كاملة
ماجد حس انه مهدود تعبان مو قادر يروح فكر انه يتغيب عن المعهد وانجبر يروح للمعهد علشان يشوف خلود لكن الضروف خانته والتعب سيطر عليه حتى خلود تعبانه بشكل مو طبيعي بس قررت تروح علشان ترجع لماجد محمد:ايه وبعدين ريم:تفكيرنا مو واحد مايعجبني ولا ابيه محمد:وتطلقين وش بيقولون الناس عنا بيقولون فيها بلا ماطلقها الا فيها بلا ريم تبكي:ارحمني الله يخليك ارحمني وماعليك من الناس وكلامهم انا قايله مابي اتزوج بس انتم اجبرتوني محمد:بكلم احمد اشوف وش السالفه ريم:لا محمد:خليه يفهم ان بنات الناس مو لعبه ريم:حلفتك بالله لاتكلمني ولاتكلمه ولاشئ انا مقتنعه وخلاص انتهينا زين خلود جلست بمقعدها مقعدها بجنب ماجد ودايما مستحيل تناظر له وكأنهم اغراب واحيانا تبدل مكانها اذا فيه احد متغيب عن الصف وماجد تجنب الكلام معها الا بالخارج يحاول فيها اول مره ماجد يغيب مستحيل يخلي خلود تروح لحالها حتى وهم مختلفين يحس بمسؤليه تجاهها مو مسؤليه وبس يخاف عليها من حتى نسمة الهواء لكن احيانا الواحد يخرج عن إرادته ويفقد سيطرته على نفس خلود حست بملل بعيد عن ماجد واكلت اظافرها كلها من التوتر والتفكير وش صار عليه لايكون انتحر (تقوم من غير شعور الاستاذ فتحي:ايه مالك ماحدش سأل خلود:ممكن اطلع الاستاذ:على فين خلود:تعبانه ممكن اطلع فتحي:آآآآآه خلاص براحتك خلود تطلع وهي تفكر بماجد فجأئه تصدم فيه بماجد وتلتقى عينها بعينه وتحكي اصدق لغه في العالم لغة الحب خلود نزلت راسها حاولت تتجافي احساسها ونظرات ماجد لها وماتبي تبين له انه مهم مع انه مو طبع خلود الكبرياء طبعها تنسى الي يزعلها لكن الحياه عطتها جرعات قويه ومميته وكل جرعه سامه اكثر من الي قبلها ماجد بصوت مسموع لخلود بس ((يغني وباين عليه الارهاق: أبي اعرف عن اسراره وش ألي آخر اخباره وش الي يدور بافكاره بعد ماغاب عني سنين محسودين محسودين انا خايف لقى ثاني ونوى بالمره ينساني (خلود تناظر له) حتى لو هو خلاني ترا يبقى من الغالين محسودين محسودين ((خلود تنزل دمعتها تركني وانا محتاجه وعمري ي (((يطيح ماجد على الارض يحس بدوخه خلود تصارخ:ماجد وش فيك قوم حتى انا محتاجه لك ماجد يبتسم بصعوبه:مو قادر خلود بموت لاتركيني مابي اموت لحالي مثل ماعشت لحالي ابي اموت وانتي معي وانتي قدامي حتى يسهل الموت على خلود تبكي:لا تقول ذا الكلام انت بتعيش وبتربي ولدنا وبيصير بين ابوه وامه ونعيش احلى حياه بعيد عن الناس لانا محسدوين ماجد دموعه بعينه:انا اسف ياخلود فرقتك عن عايلتك واتهمتك بالخيانه وعذبتك كثير خلود وهي تبكي:لا اسكت ماجد لاتقول شئ لاتعب روحك قول لي انت وش فيك مريض ماجد:مادري وش صاير فيني راسي بينفجر شكله الكانسر(السرطان) خلود:لا لاتقول كذا قوم انت بتقوم يالله قوم انا ماتحمل اشوفك كذا ماجد يقوم بتثاقل وبمساعدة خلود ويروحون لأقرب مستشفى ثامر:هايات سارونه ساره:لاتدلع ثامر:عاد جبي ولاكلمه عطيتج ويه ساره:خلاص ياثمور ثامر:شنو ثمور ساره:دلع ثامر ولا مايصير ثامر:علينا دلع ثامر مو ثمور ساره:عيل شنو دلعك ثامر:مو تقلديني ساره:حلوه ماقلدك انت زوجي ولازم اقلدك بكل شئ ولامايصير ثامر:الايصير ياحلى ساره في الدنيا اقولج قرب زواجنا بعد 3 ايام ساره:اها والله باقي لي اشغال ماسويتها ثامر:اي اشغاله ساره:امم الحناء ثامر:ويع الا الحناء نو ويه ساره:مو على كيفك ثامر:عيل على كيف منو ساره باستعباط:على كيف ولد الجيران ههههههه ثامر:ماتعرفين تتغشمرين ساره:الا اعرف اتغشمر انت الي ماتعرف ثامر:اقولج الله يعيني على لسانج الطويل ياليتج اخذتي دورات تعليم المعامله مع الزوج ساره:لا ياشيخ طيب ليه انت ماتاخذ انا مو فاضيه مركز تجميل ومركز صيانه وتعديل ثامر:صيانه وتعديل شقصدج ساره:اقصد امم مالك شغل مركز خاص للبنات وش عليك ثامر:بالله عليج صيانه وتعديل بنات ولاسيارات ساره حست انه صدقها انفجرت بالضحك:ههههههههههههههههههههههه ههههههههههههههه ههههه ههههه ماجد كشف وسو له تحاليل طلع سليم مافيه الا العافيه بس مجرد ارهاق ونقص بالتغذيه خلود طارت فرح على هالخبر الحلو وتبكي من شدة الفرحه ماجد ينتظر النتايج وهو على نار خايف ان فيه مرض السرطان او بمصطلحي الخاص الموت البطئ خلود راحت له تركض:الحمدلله على سلامتك سليم بس نقص تغذيه ماجد:والله بجد مافيني الكانسر خلود تضربه بكتفه:لاتقول ذي الكلمه اكرهها ماجد:خايفه على خلود ترمي روحها بصدره:اذا ماخفت عليك مين اخاف عليه انا مالي الا الله ثم انت ماجد وهو يضمها:اشتقتلك ياقلبي خلود تنزل دموعها لانها تمنت ذي اللحظه من شهرين ماجد:يوه نسينا انا مطلقين خلود:ايه صح كيف نرجع لبعض هنا مافيه شيوخ ماجد:تدرين شلون بسأل شيخ بالتلفون معي رقمه يمكن عادي من غير شيخ خلود:اسأل بعد ثلاث ايام زواج ثامر وساره ومها وعبدالله بأفخم فندق بالدمام الزفه// مها فستان ساحر كشخه لابعد حد فستان مطرز باللون الذهبي والمكياج بني غامق دخاني والتسريحه تسريحة عروس المعروفه وعبدالله معها ومو مصدق ان ذي مها جذابه غير عن كل مره يمكن اختلفت نظرته لها بحكم انها عقلت وتركت سوالفها الي قبل الطفوليه الزفه// ساره خياليه فستانها ذوق ومطرز بنعومه باللون الموف ومكياجها كالعاده صارخ وشعرها مفتوح ومن غير طرحه الظهر مفتوح ثامر مستانس وبذات ان اهله حضروا حفلة زواجه مهما كان ولدهم الوحيد وفرحان انه تزوج الي خاطره فيها والي حبها رغم عنادتها وحب استعباطها يمكن علشان كذا صارت مميزه بنظره ماجد وخلود رجعوا لبعض بعد ماقال الشيخ انه يصح وعادي ناوين يرجعون للسعوديه بعد ماتطلع النتائج النهائيه مسلسل العناده مع ثامر وساره مازال ولن يزول وسوف يستمر مدى الحياة مها ارق فتاه حبت عبدالله بأخلاص منذو طفولتها ومنذو صغرها وهي تحب تلفت نظره يمكن من اعجابها بشخصيته وعبدالله اعجب فيها وزادت محبتها في قلبه بعد ماعرفها على حقيقتها ماجد الزوج الحنون رغم قساوته الا انه بعد ماعرف خلود صار شفاف حساس غريب بطبعه من حبه لخلود وخوفه عليها خلود تعشق كل مافي ماجد وتمنى انها ماتخسره وهاجس الخوف يرافقها في كل درب وبكل مكان خالد يعاني من مرض السرطان اللذي سيطر عليه جزاء الظالم عبدالله اللذي احرم ريم من ابسط حقوقها من العيش بسعاده عبدالله تزوج بنت دينه علشان يبعد الشبهات عنها ولان الكل مايبي الا وحده عفيفه وانجب طفل وعايش بكل سعاده وهناء(لكن الله يمهل ولايهمل يمكن تصير له مصيبه او احد من عايلته ريم تدينت واخفت عن اهلها سر العار اللذي يلاحقها بكل مكان وفي كل زمان احمد رغم حزنه على فراق ريم الا ان تفكيره على صواب كيف يأمنها على اطفاله ويثق بها وهي خانت نفسها وثقة اهلها ابوعبدالله وابو ثامر ماقول الا الله يهديهم بس ليال وراشد ينتظرون المولود الاول وتحول حب راشد الاخوي الى حب الزوج للزوجته سن الى الان ماتزوجت لافهد ولاغيره الكل مايبيها علشان صفات اخوها وهذا جزأها خلود وماجد جالسين على الارض الخضراء وخلود معها ورقه وقلم:الف باء تاء اكتب كتب ماجد:اوف اشبك الحروف صح خلود:ايه كتب يالله ماجد :كتب خلود:شاطر ماجد يبتسم بفخر:طيب انا بكتب شئ لك هديه خلود:هديه!! يالله اكنتب والله يستر بس ماجد:لنالحبكللابدياخلود ((شكبك كل الحروف مع بعض خلود:افا وش ذا ماجد:اوف اقر خلود:وش اقري هذاي لغه عربيه طيب اقراها ماجد يقرا:انا احبك الى الابد ياخلود خلود تنفجر بالضحك:شبكت كل الحروف ياغبي ماجد:ولاكلمه اثرت فيك خلود بصوت عالي:انا كم مره قلت لك ماتغزل بمعلمتك ماجد:حاضر يابله |
|
|
#109 |
|
|
رد: جايب هالقساوة منين ؟ منين يا طيب كاملة
احم الحمدالله تمت الروايه ...
انشاء الله استمتعتو فيها .. هاذي ؤوايه قريتها واعجبتني وحبيت انقلها لكم ... وانشاء الله قريب راح انزل روايه من كتابتي ... |
|
|
#110 |
|
|
رد: جايب هالقساوة منين ؟ منين يا طيب كاملة
مشكوره يالغلا
|
