 |
  |
|
|
|
06-04-2011, 08:24 PM
|
#1 |
|
:: كاتبة جديدة :: |
هنعمل كشرى مصرى صح الصح
السلام عليكم يا قمرات يا حلوين
كلنا بنحب الكشرى صح ونفسك تعمليه زى المحلات هنقول الاسرار وان شالله محد حوش اول حاجه نسمى بسم الله نجيب بصلتين كبار ونقطعهم شرايح ونرش عليهم معلقه دقيق علشان التقليه تبقى مقرمشه ومتشربش زيت دا اول سر ونحمرهم فى كوبيتين زيت بلاش استغراب علشان الزيت كتير واحنا بنقول توفير بس الزيت اللى بنحمر فيه البصل دا هو اللى هنستعمله لعمل باقى الكشرى كله ودا السر التانى هنطلع التقليه على ورق مناديل وناخد شويه من الزيت ونكون محضرين نص كيلو طماطم معصورة ومش شرط تصفيها خليها بقشرها علشان تدى قوام وفصين توم كبار تفرهم وتحطهم على الزيت يادوب تصفر ونحط الطماطم المعصورة وعليهم معلقتين صلصه ومعلقه صغيرة كمون وفلفل اسود وملح و نسيبهم شويه على النارو دى صلصه الكشرى وبعدين ناخد شويه كمان من الزيت ونحمر فيه كوبيتن شعريه ونركنها على جنب طبعا نكون محضرين العدس الاسمر وغسلينه المقدار زى ما تحبى هناخد اخر شويه من الزيت ونحطهم فى حله ونحط عليهم العدس الاسمر والملح وشويه فلفل اسود ونسيبه شويه واول ما يدخل السوا نكون محضرين الرز المغسول والشعريه اللى حمرناها ونخلطهم بعض ونزود شويه مايه صغيرة ويغلى غلوتين وبعدين نهدى النار ونحط الشياطه تحت الحله اخر حاجه نسلق المكرونه ودى كيس مكرونه مرمريه اللى هيه الصغيرة ومعاها نص كيس اسباجتى متكسر طول الصباع كدة ونسلقهم ونصيفها ونشطفها كويس ونسيبها تصفى ميتها وبعدين ناخد شويه من الصلصه ونرشهم عليها او لو فاضل شويه زيت من قلى البصل نقلبه على المكرونه الحمص اختيارى زى ما تحبى بس هو بيتسلق فى ميه ويتحط عليها ملح وكمون ويتصفى دقه الكشرى اللى بتخلى ريحته تجنن فصين توم كبار يتفرم ناعم اوى مع معلقه كمون ومعلقتين شطه ومعلقتين ملح ويتحط عليهم كوبايه خل واعصرى عليهم كام لمونه لو عندك ونص كوبايه ميه واخلطى كويس وحطيهم فى ازازة واخرميها من فوق علشان تاخدى على الاد مواضيع ذات صلة |
|
06-05-2011, 05:25 PM
|
#2 |
|
|
رد: هنعمل كشرى مصرى صح الصح
الله يعطيكي العافيه غلاتي
|
|
06-08-2011, 01:34 AM
|
#3 |
|
|
رد: هنعمل كشرى مصرى صح الصح
سلمت يداكى
|
|
06-17-2011, 05:51 PM
|
#4 |
|
|
رد: هنعمل كشرى مصرى صح الصح
 |
|
06-17-2011, 07:23 PM
|
#5 |
|
|
رد: هنعمل كشرى مصرى صح الصح
تسلم ايديكي
بجد حاسه إن نفسي آكل الكشري ده دلوقتي ان شاء الله اعمله قريب |
