 |
  |
|
|
|
|
|||||||
| قصص و روايات أسمهان وعبدالرحمن قصة أسرية هادفة بكل اجزاءها متتابعة روآية سعودية يوجد هنا أسمهان وعبدالرحمن قصة أسرية هادفة بكل اجزاءها متتابعة روآية سعودية روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
|
|
#11 |
|
|
رد: أسمهان وعبدالرحمن قصة أسرية هادفة بكل اجزاءها متتابعة روآية سعودية
**الجزء الثاني والعشرون** لما رجع عبدالرحمن وأمه للبيت اتصلت خالته جوهرة تتطمن على الأوضاع.......وقالولها كل شي تمام.. أما في بيت اسمهان كانوا امها واخواتها وزوجة أخوها مجتمعين ومستلمينها تعليقات...لين ماقالت :عن إذنكم بأطلع أنام.. طبعاً الليلة اللي قبلها كانت مرهقة ومن بدري وهي صاحية تتزبرق وتتضبط!! وحست إنها بحاجة إلى خلوة تسترجع فيها أحداث الشوفة المضحكة المبكية!!!! فتحت علبة الطقم الذهب وجلست تناظرها بتأمل وهي مبتسمة وتقول بنفسها:تسلم لي ياعبدو شو مِزْوِقْ!!! وراح خيالها يذكرها بتفاصيل هالليلة شكل العريس وكلامه وجلسته وأسلوبه وكل شي فيه!! جاها شعور إنه عبدالرحمن كان بمواصفات أكبر بكثير من أحلامها!! وحمدت ربها،،، والنعاس جرها جر على السرير لأنه مثل ماتعرفون الطيحة ماكانت هينة!! وجسمها كان متكسر!! وطبعاً رجع محمد أخو اسمهان ومعاه أزواج أخواته من برة ودخل عند الحريم يتطمن على الأخبار,,, وقالت أمه:الحمدلله, عجبها المعرس وأعجبته... محمد:طيب وينها أبارك لها؟ الأم:طلعت تنام.. محمد:مايخالف أشوفها بكرة..بغداء الجمعة! وفي الجانب المقابل...كان عبدالرحمن بغرفة نومه يستعد للنوم بعد ماتعشى مع أمه ولمح ريحة غيرة بسواليفها عن اسمهان!!!!!!(إيه ده؟؟مالسه بدري ياأم عبدالرحمن؟؟!!هههه) وانسدح على سريره وراح يسترجع الأحداث..شكل العروس وطولها وأناقتها وجمالها وشعرها وخجلها وعفويتها وسذاجتها البريئة!! كل شي فيها حلو وقال بقلبهتؤبريني قد شو مهضومة!!)...ونام اليوم الثاني من يوم صحت اسمهان قبل صلاة الجمعة وهي حاسة جسمها متكسر من آثار الطيحة!!!وصارت تنادي بأعلى صوتها:كاتيا..كاتيا... الخدامة كاتيا:يس مِس! وات دو يو وونت؟؟؟ اسمهان(وهي بقمة التعب):يرحم والديك مســــــــــــــــــاج! وراحت كاتيا تمسج واسمهان تتأوه وتتوعد بنات ابتسام بالعقاب!! وبعد صلاة الجمعة اجتمعت كل العائلة للغداء الرجال بالمجلس والحريم بالصالة.....ودخل محمد مخصوص لاسمهان عشان يبارك.. ولكن دخل يغطرف!!!ويقول:مبــــــــــــــ ــروك! ناظر فيه ولده سعيد باستغراب وقال:بابا اشفيك تقول لولوليييييه؟إنت بتتزوج؟؟؟؟؟؟؟؟؟؟ نطت سماح وقالت:الله لايقدِّر! انطم ياولد! قال محمد وقصده يستفز زوجته سماح:قولوا آمين ان شاء الله أنا واسمهان بليلة وحدة!! سماح:اللي يقول آمين بأقص لسانه!! قالت اسماء:وش هالكلام يامحمد؟أنا زوجي مستحيل يطاوعه لسانه يفتح سيرة الزواج قدامي!!! محمد:بس دايماً يطاوعه لسانه لكن من وراك!!! وطبعا اسمهان تمشي وهي تعرج وماسكة ظهرها وتتكلم بضعف من الألم اللي فيها!! قال محمد:لاإله إلا الله...واشفيها العروس حامل؟!!! وقاموا يضحكون!! قالت اسمهان:إيه حاملة بقلبي القهر والغيظ على الجنيات الصغيرات هذول فشلوني وطيحوني..جيبوهم عندي بس ودي أزنطهم!!! ابتسام:اعقبي يالحقودة!بزران مايقصدون! وقالت وحدة من التوأم(سارة):ياخالة شكلك يضحك لما طحتي كأنك تتزلجين على الجليد!! هيفاء:لا شكلها زي توم لما طاح وهو يلاحق جيري!! وضحكوا العائلة على أحداث أمس واسمهان تشمق في البنات الصغار.... وبدأوا يتغدون ويسولفون.....وكل شوي والتيليفون يرن آثاريهم الشلة يبون يتطمنون على الأخبار!! واسمهان وصت البيت كله :ماأبي أكلم أحد قولوا هاجرت! ياشين طفاقتهم بكرة بنتقابل ونتكلم عن كل شي! ومر يوم الجمعة.......وأقبل يوم السبت وفكرت اسمهان تلبس اجزاء من الطقم الإسورة والخاتم!!لأن باقي الطقم ثقيل شوي وماينفع ينلبس بمدرسة وراحت ومعنوياتها عالية! وبالفعل بس وصلت المدرسة اجتمعوا عليها الشلة..يغطرفون ويغنون: يامباركين عرس الاثنين ليلة ربيعن وقمرة!! ودخلت رانية كعادتها جو وصارت تدور وتنشد:لاإله إلا الله...لاإله إلا الله..وتلحنها وترقص وتطق أصابع!!! والساحة كلها تتفرج!! قامت نجلاء قرصتها وقالت:بس.. طاح حظك فشلتينا!! جاك الزار كالعادة؟؟؟ رانية:هذي الغالية سوسو إن مافرحنا فيها بمين بنفرح؟؟بعبيــروه؟!!!!!!! مرام:تكفين سمهونة احكي لنا واش صار؟؟ قامت اسمهان بدت معهم بأول الشوفة ومن ضمن كلامها قالت:مرة عجبته لدرجة إنه قال إني أحلى من وصف أمه بكثيـــــــــــــــــــــــــر !! رانية:لا ياشيخة!!احلفي! هالكلام هو قاله؟ولا قلتيه من راسك؟؟؟؟ اسمهان:أقسم إنه هو اللي قاله.. رانية(وقصدها تستفز اسمهان):غريــــــــــــــبة مع إنك مو ذاك الزود!! أجل لو شافني أنا وش كان بيقول؟؟؟ اسمهان:بعد هذي مايبي لها حكي أكيد بيقول:ماشاء الله أول مرة أشوف بقرة تمشي على رجلين!!! باقي الشلة قاموا يضحكون عليهم.... رانية:زين ياسوسو...قسم لو منتي عروس ومقبلة على ملكة وزواج كان حِست وجهك حوس!وخليت عبدالرحمن يسحب كلامه!!! أفنان:ماعليك منها!!علمينا بس وش قال لك وش قلتي له؟؟؟ اسمهان:مع ارتباكي خبصت بالحكي!!يسألني كيف حالي جاوبته وإنت بخير!! مرام:ياحليلك العيد ماقرب لسه!! اسمهان:وسألني بأي صف؟جاوبته:أدرس بالمدرسة! رانية:كان قلتي له اسأل خالتك جوهرة!!! اسمهان:ولما سألني عن طموحاتي استعجلت بالرد وقلت القراءة وتصفح النت! نجلاء:عادي.ماكذبتي! تتقنين شي في الحياة غيرهم؟؟؟ ياماما هذا بيتزوج طالبة بثانوي يعني حدها مسن وشات..أي طموح وأي خرابيط؟؟؟ وراحت اسمهان بالسوالف وقالت لهم بالتفصيل عن طيحتها وتفشيل بنات ابتسام لها! فراحت رانية تضحك وقالت:يامال الفقر! درتي بالسوق 3 ساعات وتاليتها السلسلة والجزمة سلف..؟؟؟؟ ويوم إنك موب راعية كعوب وشهو له لبستيه ..مستجدة وعاشقة الفشلة؟؟؟؟؟؟؟؟ اسمهان:لا وانتي الصادقة الطيور على اشكالها تقع!!أقلد وحدة من صاحباتي دبية شوي وراحت تستلف كعب أمها تحضر به عرس وتقلبت قدام الآوادم من الدرج وونست أهل العرس كله بعرض السيرك اللي سوته!!! قاموا الشلة يضحكون لأنهم عارفين انها تقصد رانية! رانية (بتكشيرة):خلنا من هالسوالف كلها.أهم شي الولد حليو يستاهل التضحية بشلتنا ومقابل وجهه24 ساعة؟؟ ولا مثل خالته شايفن نفسه؟؟؟ اسمهان:يؤبر قلبي شو ماأحلاه هو وخالته!! ++الجزء الثالث والعشرون++ وبدأت الطوابير وانتهت وكلن راح فصله...وطول الحصة واسمهان سرحانة ورايحة في خبر كان!!! ولما جاء وقت الفسحة اجتمعوا الشلة كالعادة في الكافتيريا وقاعدين ياكلون إلا اسمهان عايشة بعالم ثاني! نجلاء:سوسو مدي يدك وقولي بسم الله.. اسمهان:مالي نفس ..شبعانة. نجلاء:ليش؟اش فطرتي؟ اسمهان: ولاشي! مرام:أجل ليش ماتاكلين؟؟تحافظين على رشاقتك؟؟ عاد رانية الدبدوبة تلقفت وقالت:إكلي إكلي يمة..انتي وراك عرس لاتروحين للرجَّال وانتي نحيفة ويقول أهلها مجوعينها!!! اسمهان:مالي نفس..كلوا انتوا.. أفنان:يالمخبل منتو عارفين اشفيها؟الأخت عاشقة ومفارقة!!! رانية:ليش كفى الله الشر؟اسمهانوه تتابعين أفلام عربي؟؟..صدق انهم مجانين كل ماجابوا وحدة تحب جابوا إن شهيتها مسدودة عن الأكل!! ليش حامل؟؟؟ اسمهان:مالي نفس وخلاص..الأكل بالغصب يعني؟!! أفنان:فعلاً أنا استغرب من حكايات الأفلام العاشق دايماً يجيبونه ماياكل!ونفسه مسدودة..مع ان خبري انه الواحد لاحب أحد تنفتح نفسه على الحياة!!! رانية:اش فهمهم ها المخبل؟؟ والا اش علاقة الحُب بالبطن؟؟أذبح نفسي من الجوع عشان أعشق لي واحد؟عساني ماعشقت!! الله لايحرمنا من نعمة الأكل والشرب!! نجلاء:لاافراط ولاتفريط...لو تطاوعين نفسك دايما يارانية أفندي وتملين بطنك..أول من بيشتكي منك هالأرض اللي شايلتك!! وبهااللحظة مرت عبير العدو اللدود للشلة وكانت ناوية تستفزهم وقامت تكلم صاحباتها هالة ونادية بصوت عالي وتقول:فيـــــــــــــه ناس مخفة..يقولون إنهم بيتزوجون قريب!!ليتهم يولون ويفكونا من شرهم!! ردت اسمهان بغيظ:وفيـه ناس آثار الكف اللي عطيتهم إياه يوم الأربعاء مازال بوجوههم وشكلهم يبون غيره!!! عبير:لاااااا وروحهم معلقة باالشيون!!يتركون وحدة مثلي كل الحلا فيها ويجرون جري على مصاحب البقر!! رانية:انقلعي من قدامنا هالساعة لأطلع عافيتي عليك! عبير باستهزاء:يمه! خرعتوني!شلة عرابجة ومسويين فيها فتوة! أفنان:ماتستحين تتباهين بنفسك؟؟وانتي زارعة عشة براسك؟؟يلا درب يسد مايرد! مرام(وكعادتها هادئة نوعاًما):الخصران يقطع المصران!اخصروها وش نبي منها؟!! عبير:ماني رايحة..وأنا حرة أوقف بالمكان اللي يعجبني! عبالكم الكف اللي أخذته بيمر بالساهل؟؟!لايمكن أنا عبير وبس والباقي خس!! رانية:لا ومسوية لنفسك دعايات بعد!!طيب خذي هذي.. أنا رانية الخقاق وبأصكك بـــــ طراق!! عبير:ياشين اللقافة والطفاقة!!واي واي ثقيلة دم وعقل ووزن!! وصاحبتكم سوسو وش فيها منخشة؟!أحد مخرعها!! نجلاء:إيه مخترعة!!شافت وجه ابليس وانخشت! عاد رانية مسكت عبير من ذراعها ودفتها باستهزاء وقالت:يلا يمه روحي لقطي رزقك هناك...الساحة وسخة يبي لها كنيس!! عبير:وشهو؟؟أنا عاملة نظافة؟؟ رانية:لا السموحة! انتي القمامة بكبرها!!ضفي وجهك ترى ماحد طايق يناظر هالوجه! عبير:قاعدة لكم وعلى قلوبكم وش رايكم؟؟؟ اسمهان:ناوية الشر يعني؟؟؟؟؟؟؟ عبير:إيه ناوية الشر ياكبيرة السحرة!! اسمهان تناديهم:بنـــــــــات.. البنات:نعم! اسمهان:عليها!!!! اجتمعوا كلهم على عبير وماخلوا فيها عرق ينبض!! نتفوها تنتيف!! رانية:وخروا عنها كلكم! نجلاء:ليش؟؟؟ رانية:مشتهية أخرج طاقتي وأقعد فوقها!! اسمهان:لا وشتقولين؟؟الله يرحم والديك..أنا كان قصدي نأدبها مو نسوي لها عاهة مستديمة!!! نجلاء:ابعدي يالخبلة..انتي لوتحطين قدمك على صدرها سويتي لها تجويف بالقفص الصدري!! طبعاً البنت كانت طايحة بالأرض من الخرعة وصاحباتها من بداية الهواشة راحوا ركض لأبلة جوهرة يخبرونها حيث إن المشرفة الاجتماعية دايما غايبة ولاتحل ولاتربط كان الجميع يستعين بأبلة جوهرة لشخصيتها القوية!! ووقفت عبير وكان كل من بالكافتيريا ساكت ويراقب الموقف ووقفت وشوشتها منفوشة وأزارير المريول اللي مسويتها فوق قال كشخة يعني مفككة وحزامها مفكوك ومريولها مغبر من الأرض وحالتها هَم!! وفوق ذا كله تهدد وتتوعد:أنا أوريكم بكرة من هي عبير ياشلة الغجر ياقمامة الشوارع!!! إلا وأبلة جوهرة مقبلة..وبس شافتها عبير رمت نفسها بالأرض وسوت نفسها دايخة!!! صارت رانية تدفها برجلها وتقول:قومي لابارك الله فيك!هالحين جوهرة بتلبسنا تهمة بسبتك!! وياليتك تسوين فلس! أنا لو متهاوشة مع عبطة الغبية كان أبرك!!!! |
|
|
#12 |
|
|
رد: أسمهان وعبدالرحمن قصة أسرية هادفة بكل اجزاءها متتابعة روآية سعودية
((تكملة الجزء الثالث والعشرون)) وصلت أبلة جوهرة لموقع الحدث بالكافتيريا وسوت عبير نفسها مغمى عليها....وطالعت أبلة جوهرة بشلة الصاعقة بعين ضيقة وقالت: كالعادة! ماعندي شغلة بالمدرسة إلا إنتوا!!! تفضلوا اسبقوني على غرفتي..وانتم يانادية وهالة خذوا عبير وودوها تستريح بغرفتي خل نشوف وش النهاية معاكم! وبدأت أبلة جوهرة بالتحقيقات مع الشهود اللي بالكافتيريا والجميع اتفقوا إنه عبير هي اللي استفزت البنات وبدأت بالغلط...وفوق هذا كله تمثل إنها مغمى عليها!!!(وطبعاً الشلة كان لهم شعبية كبيرة بالثانوي عشان كذا أغلب المواقف يطلعون منها مثل الشعرة من العجين!!!؟؟) طبعا بنفس الوقت كانوا البنات كلهم مجتمعين بغرفة أبلة جوهرة ينتظرونها تجي ودار بينهم الحوار التالي: عبير كانت متمددة على الكنبة ومسوية نفسها دايخة!! نجلاء:قومي لابارك الله في البكش اللي تسوينه تقولون بريعصي مبخوخ بـــ فليت!! مرام:ياست عبير..ترى أبلة جوهرة ماهي غبية لذيك الدرجة عشان تصدق حركات الأفلام اللي قاعدة تسوينها! عبير:خليها تشوف بعينها حسدكم وغيرتكم مني كيف خلتكم تسوون فيني!! اسمهان:بالله ماتستحين وانتي تقولينها؟أي حسد وأي غيرة؟؟نغار من مين؟ولا نحسدك على إيش..طاح حظك!! عبير:إسألوا أعماركم! رانية:أقول ياشين الغنج على الحمير العرج!مو لايق..مو لايق عليك الدلع أبد والتمايع...لعنبوابليسك هذا صوت؟؟ تقولون دجاجة مختنقة؟؟؟؟ أفنان:لاتتعبون أنفسكم الحكي معاها ضايع! إلا أبلة جوهرة داخلة الغرفة عليهم وقامت عبير وسوت نفسها مغمى عليها ...أما أبلة جوهرةجلست على مكتبها وقالت:خير؟؟ياوجوه الخير! يحلالكم دايماً تطلعون لنا بشغلات جديدة!!لاحيا ولامستحى!تحسبوني فاضية لكم ولأفلامكم؟؟عندنا موجهات..المفروض بعد اللي سويتوه أحولكم على المديرة وأفتك!لكن للأسف المديرة عندها ضيوف من مكتب التوجيه ومو ناقصة بلاويكم!! رانية:والله هي اللي بدت..وتستاهل ماجاها!! أبلة جوهرة:انتي بالذات تنطمين ولاكلمة!!ماشاء الله لك سوابق مُشرفة بالهواش والطق!! ودي بس تطلعين برة المدرسة وتقرأين اش مكتوب على اللوحة هل هي المدرسة الثانوية للبنات؟؟او للأولاد؟؟ رانية:أكيد مكتوب للبنات! أبلة جوهرة:الحمدلله..ومادام عارفة ياروح أمك ليش كل يوم مخترعة لنا أحداث سينمائية جديدة؟؟ انتي مافي يوم يمر عليك عادي؟؟؟كل يوم مسوية لنا فيديو كليب؟؟ رانية(تنكت!!):والله ماشاء الله عليك.. ثقافتك فضائية ستالايتية ياأبلة جوهرة!!! أبلة جوهرة:لااااا وتنكتين بعد ياالنسرة؟؟ زين اوقفي لي على هالجدار ولاأسمع لك حِس!! والتفتت أبلة جوهرة لعبير وقالت:انتي يابنت !!قومي فزي وخلك من الهبال اللي انتي فيه!! وعبير أبد عايشة الدور ومرمية على الكنبة ونادية وهالة ساكتين كالعادة ..ولاكلمة.. تنابلة السلطان!!!! أبلة جوهرة:شمروا كمها يابنات..عندي إبرة ولازم أغزها بيدها! مفيدة جداً للدوخات اللي مثل هاذي!! إلا عبير نطت من الخرعة وقالت:لا ماأبي إبرة!!أنا زينة! أبلة جوهرة:عجيـــــــــــــب!! أشوفك فزيتي مثل العفريت!يعني مافيك إلا العافية؟؟؟ والتفتت أبلة جوهرة لاسمهان وقالت:هااااه ياعسل ماأبي أسمع السالفة إلا منك انتي! وش صار بالضبط؟؟ استحت اسمهان ورخت راسها! رانية:أي عسل؟؟هي اللي قالت لنا:يابنات هجووم!! اسمهان:كذابة!!ماقلت هجوم! قلت:يابنات..عليها!! أبلة جوهرة:ماشاء الله عليكم!كالعادة كل وحدة تكذِّب الثانية!!نِعم الصحبة! شوفوا أنا عرفت كل شي من البنات اللي بالكافتيريا وماعندي استعداد أصدِّع راسي بسوالفكم!عشان كذا أنا أقترح عليكم مادام فيكم طاقة للمناقر كل ساعة..استغلوها بشي مفيد أحسن!! نجلاء:شلون مافهمنا؟؟ أبلة جوهرة:من اليوم ورايح..راح أقسمكم وأعطيكم مسئوليات وخل نشوف انتم قدها ولا لا؟؟ أفنان:وإن ماوافقنا؟؟ جوهرة:وإن ماوافقتوا..فاسمحولي أقول إنكم جبتوه لأنفسكم لأن العقاب راح يكون 3 أنواع_كتابة تعهد مع نقصان بعلامات السيرة والسلوك+ تهزيء خاص لكم بالطابور+استدعاء لأولياء أموركم!! رانية:تكفين أبوس إيدك بلاش أولياء الأمور!! أفنان:يوووه أنا أبوي ماعنده تفاهم!!بغيت أروح فيها وأنا مظلومة أيام سالفة جرس الانذار!!!! أبلة جوهرة:إذن تقبلون بعرضي؟؟ البنات من غير تفكير وبصوت واحد:موافقـــــــــــين!! عبير:إذا بالمسئولية اللي بتعطيني إياها شي يُخل ببريستيجي..فاسمحي لي أقول لك مو موافقة!!! أبلة جوهرة:عاد انتي بالذات ياأم بريستيج أول وحدة بتتعاقبين!!لأن الخطأ راكبك من راسك لرجولك!!استفزاز+كذب+تمثيل..وش بتسوين أكثر بعد؟!! رانية انتي بتشتغلين بايعة بالمقصف!! نجلاء وأفنان انتم بنات نظام!مرام انتي تساعدين أمينة المكتبة بأوقات الفراغ..... أما انتي يااسمهان فــــ لك شغلة عندي خاصة!! وان شاء الله تعجبك!! تتوقعون اش راح تكون؟؟؟؟؟؟؟؟ |
|
|
#13 |
|
|
رد: أسمهان وعبدالرحمن قصة أسرية هادفة بكل اجزاءها متتابعة روآية سعودية
**الجزء الرابع والعشرون** طبعاً أبلة جوهرة طلبت من الكل الخروج من الغرفة ماعدا عبير واسمهان.. وقالت لعبير:مهمتك ياعبير إنك تساعدين أم سالم الفرَّاشة لمدة أسبوع في نقل بضاعة المقصف من عند باب الحارس للمقصف و عدها!!! عبير:هذا اللي كان ناقص!أنا أساعد الفراشَّة؟؟ أبلة جوهرة:واشفيها الفرَّاشة؟ماهي بشر؟؟ وبعدين كرماً مني طلبت منك هالشغلة لمدة أسبوع واحد بس! بس بغيت أوريك كثر إيش الغرورتارس قلبك! وبالرغم من ذلك مافيك طب!! عبير:طبعاً لايمكن أوافق لاأسبوع ولايوم!تختارين لي أخس شغلة وهم تعطينهم شغلات زينة؟؟؟ واسمهانوه وش بتخلينها؟مساعدة المديرة؟؟؟ أبلة جوهرة:حبيبتي شغلي عقلك!أنا مو قاعدة أوزع وظايف!! خلاص فكينا ماأبي منك إلا شي واحد! تعتذرين لاسمهان!! عبير:إييييييييش؟ شغلي مع الفراشة أهون من إني أعتذر لهاذي!!! أبلة جوهرة:ياساتر يارب..تفضلي روحي لفصلك ومن بكرة أشوفك مع أم سالم! طلعت عبير وبقيت اسمهان وجوهرة..وسارت جوهرة تتأمل اسمهان بشغف واسمهان منحرجة مرة!!! جوهرة:خسارتك يااسمهان مع هالشلة! اسمهان:لاااا حرام تقولين عنهم كذا!والله لو تعرفينهم زين بتحبينهم! جوهرة:ومين قال لك إني ماأحبهم؟! أنا لو ماأحبكم ماكان تغاضيت عن تصرفات كثيرة تسوونها! صح إنكم تغلطون دايما..بس اللي يصبرني عليكم إنكم أحسن من بنات كثير غيركم..سمعتهم سيئة وأخلاقهم منحطة!لكن انتوا تصرفاتكم مجرد تصرفات طايشة مافيها نضج! اسمهان:الحمدلله....بس أنا اش مطلوب مني؟؟ أبلة جوهرة وهي تناظر بالأرض:الحقيقة انتي أدرى بأبلة منيرة المشرفة الاجتماعية.غيابها كثيربسبب ظروف عائلية وأنا ماسكة شغلها وشغلي كمراقبة بالاضافة لشغلات بالادارة وانتي بصفتك بصف أدبي حصص الفراغ عندك كثيرة+ وقت الفسحة فياليت تجين تساعديني!!وعلى فكرة هذي مو رغبتي لحالي!! هذي رغبة ناس عزيزين عليك!! اسمهان بخجل:مين تقصدين؟؟ جوهرة: انتي ذكية وتفهمين!مايحتاج أَوَضِح!ومن بكرة بأنتظرك!! اسمهان بفرح:من عيوني!!! راحت اسمهان الفصل وكانت الحصة بدأت من وقت...بعد الحصة تجمعوا حولها الشلة وقالوا:هاه؟بشري اش صار معك؟؟ اسمهان:أبشركم صرت مساعدة لأبلة جوهرة وقت الفراغ!! رانية رفعت يدها وقالت:أنا أحتج!!هذه ترقية موب عقاب!!بس على قولة المثل:يابخت مين كان المدير خاله!! اسمهان:هاااه؟بدينا بالحسد؟؟ رانية:أجل أنا تخليني بياعة؟؟لو قايلت لي ساعدي الفراشة أبرك!! اسمهان:مو هالشغلة خلتها لعبير! الشلة بصوت واحد:هههههههههه أفنان:أحسن قدرها!! بس والله كاسرة خاطري ام سالم شلون بتتحمل عبير؟؟؟ مرام:تصدقون لو تأملنا وضعنا كان لاحظنا إنه أبلة جوهرة كل اللي تبي توصل له إنها تبعدنا عن بعض أطول فترة ممكنة..صح؟؟؟؟ نجلاء:يحق لها تشتري راحة بالها! رانية:حريمتها!! من اليوم ورايح بأبدأ أخطط مقالب لين ماأهججها من المدرسة!! نجلاء:قصدك هي اللي بتهججك من المدرسة! وعاد حليني إن كان فيه مدرسة رضت فيك وانتي ملفك كله تعهدات!! إلا إن كان بالرشوة! اسمهان:ياويلك يارانية!تسوين شي يضرني حرام عليك لاتخربين علي! رانية:الحمدلله والشكر!لاقية لك صيده!إنتي وذا الوجه؟؟إن طار عبدالرحمن..بيجيك ألف غيره!وش عليه طايرة؟؟؟؟؟ اسمهان:لا..كذا بأقلب الموجة..وامسح بك المدرسة!لاتنسين إني سرت مقربة من أبلة جوهرة! رانية:مالت عليكم الثنتين!! وبهاللحظة دخلت معلمة التاريخ تعلن عن حصة جديدة.......ومرت الحصص إلى ان انتهى الدوام وكانت أم عبدالرحمن اتصلت على أم اسمهان وبعد السؤال عن الأحوال قالت:شلون عروستنا؟ أم اسمهان:الحمدلله..بأتم حال. أم عبدالرحمن:وكيف انطباعها بعد ماشافت العريس؟؟ أم اسمهان:نفس انطباعه يوم شافها!! أم عبدالرحمن:من ناحية انطباعه فهو طاير فيها حيل وهذا اللي خلاني أتصل وأشوف وش صار معكم...لأنه الصراحة حنا مستعجلين على الملكة ولدنا وده يزورها ويكلمها اليوم قبل بكرة..بس ننتظر تحديدكم ليوم الملكة. أم اسمهان:الحقيقة لسة ماتناقشنا أنا وأبوها بهالموضوع! أم عبدالرحمن:تكفون عجلوا!لأن بنتي أحلام مع زوجها بأمريكا ولازم نعطيها خبر من بدري ترتب نفسها وتجي..وأولادي الثانيين موظفين بمناطق ثانية يبي لهم وقت عشان يطلبون اجازات! أم اسمهان:حتى ِحنا لنا أقارب كثير خارج جدة ولازم نعطيهم خبر قبلها بوقت...بس أوعدك إني أكلم أبوها اليوم ونشوف كيف الوضع.. أم عبدالرحمن:لاتبطون علينا الله يعافيكم.. ام اسمهان:ان شاء الله... بعد ماقفلت أم اسمهان السماعة قالت لبنتها ابتسام السالفة...وكان الأب لسه مارجع من العمل وشوي واسمهان راجعة من المدرسة وبادي عليها التعب سلمت على أمها وابتسام وجوا حولها (هيفاء وسارة)بنات أختها ابتسام وصاروا يصرخون نبغى حلاوة نبغى حلاوة!! اسمهان:بالله فارقوني! ماجبت لكم شي!خل أبوكم يشتري لكم! ابتسام:على وين رايحة.. اسمهان وهي طالعة الدرج:على وين يعني؟على غرفتي تعبانة وودي أنام. ابتسام:تغدي معانا على الأقل! اسمهان:مالي نفس! ابتسام:طيب اجلسي معي..وأنا اللي من يوم جيتكم قاعدة أتمنى أجلس معك..لكن أبد كل يوم ترجعين من المدرسة تنامين بالنهار وتذاكرين بالليل..ترى أنا مسافرة الجمعة!!! أم اسمهان:يظهر إنها ماودها تسمع آخر الأخبار! اسمهان:وش أخباره؟؟؟ أم اسمهان:أم عبدالرحمن اتصلت فيني! اسمهان بلهفة:وش قالت؟؟ ابتسام:أشوف دبت فيك العافية! الأم تضحك ههههههه... اسمهان:هااااه يمة! علميني وش قالت؟؟؟ الأم:تقول متى بتحددون موعد الملكة؟ اسمهان:وانتي اش قلتي لها؟؟ الأم:قلت لها نشاور أبوك ونشوف وش يقول..ولو إنه أكبر ظني إن أبوك بيخلي الملكة مع الزواج السنة الجاية مرة وحدة لماتتخرجين من ثالث ثانوي!!! اسمهان بانفعال:لاااا والله!!! على كيفه يأجل الزواج أنا صاحبة الشان وأنا اللي أقرر!!! الأم:قطيعة بهااللسان! مين قال إنك صاحبة الشان؟أبوك وحده هو اللي له الكلمة الأولى والأخيرة بالموضوع..انتي موب دافعة من جيبك شي!!!! ابتسام:يمة من طفاقتك! كل هذي خرعة على الزواج؟؟؟واش بتلاقين فيه ياحظي؟؟خلك عزوبية أحلى لك!!!!!! اسمهان:وشفيكم علي؟أنا أبي أعبر عن رأيي بصراحة...ماأبي ملكة وعقبها بكم يوم زواج مثل ماسويتوا مع أسماء وابتسام!أبي فترة ملكة طويلة!! الأم:أدري فيك خفيفة..وودك بالمكالمات والزيارات!! ابتسام:ولاتنسين الهدايا!! بس معاها حق يمة إحنا كان أبوي مشدد علينا حبتين بس يمكن على اسمهان الوضع يختلف! ليش إنها آخر العنقود! اسمهان:يمة تكفين..كلمي أبوي اليوم عن الملكة خل نشوف وش يقول!! الأم:اطلعي نامي اطلعي! بنات آخر زمن! يتشرطون بكل شي الوحدة مدري وش عليه طايرة..على بالهم العرس دق وطبول وبس!! ........ولما جاء أبو اسمهان فتحت الأم معاه الموضوع لكنه كان معند شوي إنه الملكة تصير بدري وبالفعل قال:خلها السنة الجاية بعد ثالث ثانوي!! أم اسمهان: وليش نأخرها؟؟ أبو اسمهان:إلا ليش نقدمها؟؟ودك بالفكة من بنتك؟ ماورانا طرادة!!! خل البنت تاخذ شهادتها وعقبها يصير خير!! أم اسمهان:يعني هذا آخر ماعندك؟؟أكلم أم المعرس وأقول لها؟؟ أبو اسمهان:إيه!! وبالفعل راحت أم اسمهان وكلمت أم عبدالرحمن اللي قالت:وليش ياأم اسمهان تأخرون الملكة بعد سنة وشهور؟ خير البر عاجله يابنت الحلال! أم اسمهان:تدرين البنت صغيرة وماإحنا مستعجلين عليها خلها تآخذ شهادة التخرج من الثانوي بالأول!! أم عبدالرحمن:وولدنا كبير..ومل من الانتظار..ونفسه يستقر اليوم قبل بكرة..وإن كان على الدراسة ترى ماإحنا حارمينها منها..تدرس على كيفها حتى لو فكرت بالجامعة ماحد بيقول لها لا!! أم اسمهان:والله مدري اش أقول لك..بس هذي رغبة أبوها!! أم عبدالرحمن:أبوها خليه علينا! عبدالرحمن وده يجيكم هو وأعمامه عشان يتكلمون بالتفاصيل هالأسبوع!!!!! أم اسمهان:الله يحييهم...إذن خل عبدالرحمن يتصل بأبونا ويتفق معاه على الموعد! |
|
|
#14 |
|
|
رد: أسمهان وعبدالرحمن قصة أسرية هادفة بكل اجزاءها متتابعة روآية سعودية
**الجزء الخامس والعشرون** طبعاً اسمهان بعد الحوار اللي دار بينها وبين أمها وابتسام طلعت غرفتها عشان تنام..ولكن هيهات يجي النوم عقب ماشمت ريحة تأخير للملكة والزواج لين السنة الجاية!!!! قلبها تعلق حيل بولد الناس!!وصارت تبني آمال وأحلام وأشواق//على فكرة ترى هذي مو أسماء بنات!هههه و...اتصل عبدالرحمن على أبوها وعبر عن رغبته بزيارتهم مع أعمامه والأب مالقى منهم مفر فقال:الله يحييكم!! واتجه بعدها لأم اسمهان وقال:ترى الجماعة اتصلوا فيني وودهم يزورونا وأنا قلت تفضلوا عندنا الأربعاء وشكلنا بنخليها عزيمة عشاء! أم اسمهان:طيب..ولو طلبوا تكون الملكة في الاجازة الجاية بتوافق؟؟ أبواسمهان:وليش هاالسربعة؟؟ كل تأخيرة فيها خيرة!! أم اسمهان:ومادامك مبيت النية..إنك تأخر الملكة أجل على أي أساس عجلت الشوفة؟؟؟؟وإنت تدري إنه الولد بعد مايشوفها بيتعلق فيها؟؟؟وتبيه يصبر هالمدة كلها؟؟ لايمكن!!! والبنت بعد أنا جاسة نبضها وشكلها مستعجلة هي الأخرى!!! أبو اسمهان:ماشاء الله!قيس وليلى على غفلة!!أنا مدري اش اللي عماني على عيوني وخلاني أوافق عليه بسرعة!!البنت بعدها صغيرة..ابتسام وأسماء قبلها زوجناهم يوم كملوا دراستهم..والمفروض إن بنيتنا اللي هي آخر العنقود نكون أحرص عليها ومانزوجها إلا لاضمنا شهادتها بيدها!!!على الأقل الثانوي!! أم اسمهان:ياولد الحلال إنت لاتعقد المسائل!أنا أشوف إننا نملك بأقرب فرصة والزواج نخليه بعد سنة تكون البنت تخرجت من الثانوي..ويادار مادخلك شر!! أبواسمهان:أخاف رجله كل يوم توطوط بيتنا بعد مايملك على البنت!!وأنا ماأحب هالسوالف!! أم اسمهان:ماعليك..مع الوقت بيعرف طبعنا وبتكون زياراته محدودة..هذا شي مقدور عليه..إنت بس خلك في المهم وخلنا نعرف كيف نرتب أمورنا..لنا أكثر من خمس سنين مافرحنا!!تتذكرأيام زواج محمد واسماء وابتسام؟؟على كثر ماتعبنا وحِنا نجهزللبنات ونأثث لمحمد..إلا كان لها طعم خاص!! أبواسمهان:صادقة ياأم محمد..إذن على بركة الله لااستقبلتهم يوم الأربعاء...بأشوف وش بيقولون وبعدها أسايرهم وأقول لهم شلون نتمم المسائل. وفرحت أم اسمهان يوم لان راس الأب شوي وراحت تبشر ابتسام..وشوي ونزلت اسمهان وكان الوقت عصربعد ماالنوم جافى عيونها!!! شافتها ابتسام وقالت:غريبة؟؟ليش مانمتي لهاالحزة؟؟؟؟ اسمهان:فكرت بكلامك..وقلت مايسيرتُمر الأيام وأنا ماجلست معك!!!! أم اسمهان:اللهُ أكبر!!صدقناك! إلا جاية تتطمنين عن آخر الأخبار يا السوسة!!! ااسمهان:ووين المشكلة؟؟لاعيب! ولاحرام! من حقي أتطمن على مستقبلي!! ابتسام حبت تقلق ابتسام وقالت:أجل بأقول لك بكل صراحة ترى أبوي ماراقت له فكرة الملكة الحين وعصب وصمم يلغي هالخطبة من الأساس!! اسمهان:لا..لا..لاتقولين..وقامت دموعها تقطر!! وبعصبية قالت:وشفيكم علي ماودكم أفرح حالي حال البنات؟؟انسان وجاء خطبني وعجبكم..أجل ايش تنتظرون؟؟ أم اسمهان:استغفر الله..هالكلام اللي تقولينه أتمنى تجيك جرأة وتقولينه قدام أبوك لو مرة!!وش قلة الحيا فيك؟؟وميتة على الزواج ليش؟انتي بعدك صغيرة!والعادة الوحدة تتحمس لاكانت راعية بيت شاطرة وطباخة وتجمل..لكن انتي مانتكل عليك تقطعين سلطة!ولو دخلتي المطبخ ماتدخلين إلا عشان تسوين حلى ومرة تصيب وعشر تخيب!! اسمهان:انتم عندكم الحياة الزوجية شغل و طبخ ونفخ وبس!! ابتسام:طيب نورينا بخبرتك وعلمينا وشهي نظرتك لمفهوم الحياة الزوجية..يادكتورة؟!!! اسمهان:الحياة الزوجية..حب وتفاؤل وتضحية ومودة وعواطف وعطاء... ابتسام:وكم دبدوب وشموع معطرة وورد أحمر؟؟مو كذا؟؟هذا اللي انتوا فالحين فيه..من بره الله الله ومن جوه يعلم الله!! اسمهان:وش المشكلة لاكانت الوحدة رومانسية وشاعرية... ابتسام:لأنه الرومانسية اللي كلها شكليات خارجية ماتوكل خبز ياماما!!!المفروض الوحدة تزين داخلها أول..وتحرص تكون شاطرة بكل شي بشغلها ونظافتها وطبخها وواجباتها الاجتماعية مو بس أناقتها!! اسمهان:الصراحة ومن غير زعل..كلامك بأسمعه من إذن وأطلعه من الثانية!لأني مااعتبرك انتي واسماء نموذج مثالي أقتدي به!!! أم اسمهان:والله طالت وتشمخت!!بعدك مافقستي من البيضة..ولسانك ياطوله!!أجل لاتزوجتي بتشوفين نفسك علينا ولاتحترمينا!! أجل اسمعي ماراح أقول لك أي شي دار بيني وبين أبوك عن موضوع خطبتك..يوم الأربعاء الجاي تعرفين كل شي بنفسك!!! بعد الحوار اللي دار بين اسمهان وأمها وأختها ابتسام...راحت الأم للمطبخ..ونطت اسمهان بحلق ابتسام وسألت بفضول:هو إيش اللي بيسير يوم الأربعاء بالضبط؟؟؟؟ ابتسام:ماني قايلة!! اسمهان:ياشيخة قولي تكفين!لايكون بيسوون ملكتي وأنا آخر من يعلم؟!!ترى أبوي دقة قديمة وتطلع عليه طلعات أحياناً!!!!!!!! ابتسام:أنا تسمعين كلامي من إذن وتطلعينه من الثانية؟؟؟أنا واسماء ماتعتبرينا نماذج تقتدين فيها؟؟أجل موتي بحسرتك وماني قايلة لك شي! اسمهان:مع السلامة!!الخبر اللي اليوم بفلوس..بكرة بيصير ببلاش!!! .......ومرت أحداث اليوم مامن جديد.. وبعده الأسبوع كله كان ثقيل وكئيب بعد ماتفرقت شلة الأنس وصار كلن مسئول عن شغله.. جاء يوم الأربعاء...ورجعت اسمهان من مدرستها للبيت ولقت أختها ابتسام بالمطبخ تسوي صواني حلى..والشغالة كاتيا تنظف مجلس الرجال..والأم تجهز الغداء.. اسمهان:وش السالفة ياجماعة؟أحد معزوم عندنا للغداء؟؟؟؟ الأم:لا...عندنا ضيوف على العشاء.. اسمهان:مين؟؟؟؟ الأم:خطيبك وأعمامه! اسمهان:يووووه ليش؟؟لاتقولين بيعقد علي الليلة؟ والله ماأوقع بالدفتر إلا بيوم الملكة!!! الأم:الله يخلف عليك بس!زين من أبوك تحنن علينا ورضى يقابلهم..وانتي تقولين بيعقد عليك عقد؟؟.....السالفة كل أبوها لمناقشة التفاصيل بس!! اسمهان:وأمه موب جاية؟؟ الأم:ماعزمناها..لأنها قالت لنا ان عبدالرحمن وأعمامه جايين بس..فالسالفة رِجال بس. ........وطلعت اسمهان تطق النومة لين المغرب ولما صحت وتشطفت وتلبست ونزلت بعد المغرب للصالة تحت لقت سماح وأسماء حضروا وابتسام وأمها قاعدين معاهم والبزران يسرحون ويمرحون حولهم,,, سلمت على الجميع....وقالت سماح: الله الله ياعروس..قربنا نفرح ونلتم بمناسبة سعيدة!! اسمهان:وانتي اش دراك؟؟ سماح:أجل ضيوف اليوم على بالك ليش جايين؟؟ اسمهان:مازلت أقول اش دراك؟؟ سماح:محمد أخوك قال لي.. ودقائق ووصلوا الرِجال واستقبلهم محمد وأبوه وأزواج أخواته..... والحريم قاموا ركض على شباك الصالة يبون يشوفون المعرس!!! وصارت سماح مزاحمة اسمهان على الشباك ويتضاربون ويدفون بعض قالت اسمهان بغيظ: إنتي اش لك يالملقوفة تبين تشوفين خطيبي؟؟؟ سماح:ودي أشوف مين أحلى هو ولا أخوي تركي؟ اسمهان:حتى لو كان تركي أزين تحسبيني بأرفض عبدالرحمن وأوافق عليه؟؟؟؟؟هذا المستحيل بعينه!!! سماح:استغنيتي ياالنسرة؟؟؟ ماعِفتيه إلا يوم جاك غيره!!بس ماعليه بأدور وحدة من صديقاتك وأخطبها له! اسماء:وش تبين فيهم؟؟تراهم نفس العَيِنَة اللي قِدامك!!!! وقام الكل يضحك عليهم.......ودخلوا من سالفة في سالفة.. وقالت أسماء:بمناسبة وجود أختي ابتسام..أبي ألحق عليها قبل ماتسافر وأعزمكم عندي بكرة(الخميس)! سماح:لا ياحلوة مو على كيفك!أنا ومحمد خططنا قبل لانجيكم إننا نخلي عزيمتها عندنا بكرة! أسماء:أنا سبقتك بالدعوة.. إذن أنا أحق بالزيارة! الأم:لا يمة أنا أشوف نجتمع عند سماح أفضل..بيتها أكبر وعندها شغالة تساعدها ومحمد ولدنا مانستحي منه ولنا مدة مادخلنا بيتهم! لكن انتي حامل وماعندك شغالة وماودنا نتعبك.. نجيك بمرة ثانية.. وبعد الأخذ والعطا وافق الجميع إنه جَمْعَة الخميس تكون ببيت محمد وسماح.. وفي الطرف الثاني كان يدور حوار ساخن بين أب اسمهان والعريس وأعمامه الثلاث اللي اتفقوا في النهاية إنه الملكة تكون في العطلة الجاية اللي بتكون بعد 3 أسابيع!! وحطوا دفعة من المهر اللي كان عبارة عن 50 ألف ريال..وهم حطوا 25 ألف والباقي قالوا نكمله لكم يوم الملكة وعقد القران.....وبدأوا يسألون الأب إن كان عنده أي شروط بتنكتب بالعقد..لكن الأب حس بحيرة لأنه ماسبق تناقش مع أم اسمهان بالموضوع!!فاستأذنهم لحظات وجاء لصالة الحريم يسأل اسمهان وأمها عن رغبتهم بأي شروط!! قالت اسمهان بزعل:يعني ضحكتوا علي؟وجبتوا مملك اليوم؟؟ماني موافقة!! أبو اسمهان:أي مملك؟وأي هم؟؟لسه بدري!قولي واش هي شروطك وخلصينا! أم اسمهان:أهم شي يكون لها بيت شرعي مستقل. أبواسمهان:ياسلام!!قمتوا تغيرون كلامكم ؟من البداية الولد قال لكم إنه عايش مع أمه! أم اسمهان:ندري..بس اللي نقصده ببيت مستقل يعني إنها ماتشاركها بنفس الدور..تكون مستقله عنها..... الأب:وغيره... ام اسمهان: لو حبت تكمل دراستها مايمنعها! اسمهان (بسذاجة):يمه وشهوله الدراسة مادام عندي زوج يصرف علي؟؟؟ الأب(بعصبية):وحِنا ياقليلة الحيا موب قاعدين نصرف عليك؟؟؟؟؟ اسمهان(بارتباك):إنتوا الخير والبركة..قصدت ماله داعي شرط الدراسة! الأب:آهااااا! هذا اللي كنت خايف منه! أول ماتتزوجين بتضربين عن الدراسة؟ ولكن بأقول لهم الملكة هالحين والزواج لاتحلمون يتم إلا بعد ماتتخرج من الثانوي! ام اسمهان:ونعم الراي..وماعندنا شروط اضافية. ورجع الأب للمجلس وحدثهم برغبته ووافقوا بعد تردد....... أما اسمهان قعدت تقطر عيونها وتقول: ليش تخلون الفترة مابين الملكة والزواج سنة وشهور؟؟؟ مسكتها سماح وقالت:يالهبلة! أحسن لك!ترى أروع فترة في الخطبة هي فترة مابعد الملكة!زيارات ومكالمات ووناسة!!!! أنا وأخوك محمد الفترة اللي كانت بين ملكتنا وزواجنا 7شهور بس..وتمنيت لو إنها سنين! أسماء:مادام الملكة بتكون في الاجازة الجاية(اجازة الربيع) إذن مابقى شي كلها كم أسبوع وتبدأ العطلة..أنا من رأيي نبدأالتجهيزات من الحين!! الأم:وياليت ياابتسام تمددين قعدتك عندنا لين الاجازة.....وتساعدينا..... ابتسام:ياليت بيدي..بس ماأظن زوجي دوامه بيبدأ هذا السبت.. اسماء:وش تبين فيه؟خله يولي! يرجع هو لبيته وإنت اقعدي معنا! ابتسام:لا صعبة..ومين يقوم بأموره وطلباته لازم أسافر معه وانتوا بأجيكم من أول الاجازة. اسماء:والله ماندري مين اللي لازق بالثاني؟انتي ولا هو!! سماح:شوفوا ياجماعة..قاعة المِلكة خلوها علي أنا ومحمد...بندور لين نلقى أحلى قاعة تليق بالمناسبة لاتشيلون هم. اسماء:والكوافيرة احجزوها من هالحين يمه! أخاف ماتلقون حجز بعدين لأنه المشاغل بالعطلة موسم وبتكون زحمة. الأم:مو لما نحدد موعد الملكة بالأول؟! خلاص ياسماح كلنا نثق بذوقك لالقيتي قاعة مناسبة بعدها بيسهل علينا كل شي.. ابتسام:فعلاً إذا انحجزت القاعة بعدها كل شي بيكون هين.. سماح:أنا أقترح تكون القاعة بفندق..أوجه وأجمل وأكشخ وأريح....وكل شي موجود (الكوشة+الدي جي +العشاء+العصيرات+و....الخ)يعني مايحتاج نجيب شي من برة......إلا ضيافة الطاولات... اسماء:أما ضيافة الطاولات خلوها علي..أعرف محلات ممتازة.. اسمهان:والمطربة مين بتكون ياترى؟؟؟؟ الأم:الله لايجعلنا من قوم الطرب وأهله!!بنجيب فرقة تطق بدفوف بس!الالات موسيقية ممنوع! اسمهان:مو مشكلة! المهم يكون طقهم طق عالي على مستوى..يحييون الملكة!! اسماء:لا من ناحية يحييون الملكة انتي لو تعزمين ربيعاتك لحالهم بس ..بيسوون لنا دجة ماصارت ولااستوت!! واسأليهم عن الطقاقات أتوقع لهم خبرة فيهم منقطعة النظير! ابتسام:ههه.ليش تقولين كذا ياأسماء؟انتي تعرفين صديقات اسمهان؟؟ اسماء:وهل يخفى القمر؟؟ شلة مُهرجات متنقلة!!أنواع التحشيش والضحك والخبال!!! اسمهان:اقضبي لسانك رجاءً..صديقاتي ماأحب أحد يقول عنهم شي! لو انهم عصبيات ونكديات كان عجبوك!! اسماء: ياشيخة طيري!!هالشلة قابلتهم بكذا مناسبة وعندنا بالبيت ونظرتي لهم ماتتغير طول الوقت فلَّة وتهريج!مدري متى بيعقلون! ام اسمهان:خلونا من كل هالكلام..أهم شي ملابسنا..نسويها تفصيل ولا نشتري جاهز أحسن؟؟ ابتسام:يبي لكم من هالحين تبدأون تفصلون لإننا مقبلين على موسم أكيد الخياطات مضغوطات..ياإنهم مايقبلون يخيطون لكم..ياإنهم يقبلون ويفشلونكم مايسلمون لكم اللبس على الموعد!!!!! اسماء:أنا عن نفسي بأشتري جلابية جاهزة وألبسها..يعني من زين هالملكة؟؟ولا من زين هالعروس؟؟ وتغمز بعينها وتأشر على اسمهان!! اسمهان:أي جلابية ياأم جلابية؟؟؟نقص بعد تحطين على راسك شيلة وتلبسين رشرش!!!! أنا بأعزم كل صديقاتي..وأبيكم كلكم تكونون من أكشخ مايمكن! اسماء:حبيبتي أنا حامل...وكرشتي هالكبر!وش تبيني ألبس فستان ساتان؟؟ولا استريتش؟؟ سماح:ياحليلك يااسماء...فساتين الحوامل أكثر من الهم على القلب..طبي وتخيري... وازداد النقاش بينهم عن مختلف المواضيع المتعلقة بالملكة...وقطع حديثهم صوت الأب وهو يقول:جهزوا العشاء بسرعة! وبعد ماحطوا العشا وتعشوا الضيوف وتعشوا أهل البيت...راحوا الضيوف.... وكمل الجميع سهرتهم....... محمد:مبررررررروك يااسمهان...والله وقربنا نفتك منك.مثل ماافتكينا من اسماء!! اسمهان:لاتستعجل..باقي على الفكة مني أكثر من سنة!! أما اسماء ولاكأننا افتكينا منها..كل يوم والثاني وهي مسنترة عندنا!!! اسماء:وقاعدة على قلوبكم لين ماتفطسون!!وش رايكم؟؟ وأزيدك من الشعر بيت ياحمود..بكرة كلنا معزومين على العشاء ببيتك! وش بتعشينا؟؟نبي عشوة راهية!!! محمد:الله يحييكم جميع......أنا قد عزمت أبوي وأزواجكم..وهالحين بأعزمكم انتوا وأقول حياكم الله عندنا بكرة....... وتنقلوا من سالفة لسالفة..... محمد:فاتك منظر العريس ياسمهونة يوم قال له أبوك الزواج عقب ماتتخرج البنت من الثانوي!!مسكين!رحمته!حسيته بيطب ساكت من ثقل الصدمة ههههه!مدري وش عليه مستعجل؟؟؟بلاه ماجرب يقعد معك ساعة والا كان جاه جميع أنواع الأمراض المزمنة والمستعصية!!ههههههه اسمهان(وهي تناظر بتشمت لاسماء):ياشيخ لاتفاول ..هذا زوج أختك اسماء له 5 سنين معها ومازال يمشي على رجوله!!!!!!! وانفلت الجميع يضحك...... اسماء:ماشاء الله..صايرة كورة بملعبكم انتوا الاثنين كل واحد يرميني بجهة!!مايخالف!الله يسلط عليك سماح يامحمد! محمد:مايحتاج تدعين علي..سماح مسلطة علي خلقة ههههه!!! سماح:ياليت أقدر!! اسماء:ويبلاك يااسمهان بأم زوج تنشب لك بحياتك نشبة ماهي بصاحية!!!!! اسمهان:أبوس ايديك بلاها هالدعوة!!! واستمرت السهرة ضحك بضحك واسترجاع للذكريات إلا أن راح كلن لبيته.... &الجزء السادس والعشرون& جاء اليوم التالي وكان يوم الخميس ومثل ماشفتوا بالجزء الماضي انهم معزومين بهاليوم عند سماح ومحمد..... وفي الظهر اتصلت سماح على أم زوجها(أم محمد) ودار بينهم كلام وهذا جزء منه.. سماح:حبيت أعطيكم خبر ياأم محمد ترى عزمت الوالدة وأختي هند عندي ووحدة من جماعة أمي وساكنة قريب مني ودايماً توصيني وتقول بالله لاجت أمك عندك ياسماح كلميني!!! عاد مو تتأخرون تعالوا بعد المغرب...... أم محمد(اللي هي ام اسمهان):ان شاء الله يابنتي ولاتكلفين على نفسك.... سماح:مافي أي كلفة وحِنا أهل...بانتظاركم.. وبدأ الاستعداد للطلعة من العصر كلن لاهي بعمره اللي يسشور شعره واللي يلبس واللي يتحمم وعلى صلاة المغرب كانوا الكل جاهزين..صلوا وانطلقوا لبيت ولدهم محمد..... ودخلوا على سماح,, وأسماء كانت وراهم على طول واستقبلتهم سماح بحفاوة كعادتها...الرِجال استقبلهم محمد بمجلس الرجال...والنسوان استقبلتهم سماح وكانوا أهلها لسه ماحضروا.. فدخل محمد يسلم عليهم ويقعد شوي معاهم وقعدت ابتسام تتأمل بالبيت و الأثاث وقالت: ماشاء الله تبارك الله كل ماغبت عن بيتكم مدة وجيت.. ألقاه أحلى من قبل..لمساتك مبدعة في الديكور ياسماح... أسماء (بمزح): هذي سوات اللي معاه قرش ومحيره!!!!!! محمد:عاد شنسوي؟؟كل مااجتمع بيدي قروش احترت بين اثنين ياأتزوج حرمة جديدة!!!يا أغير بالديكور!!وبكل مرة أختار الأسهل وهو التأثيث..عاد سماح وانربطت فيها ومابيدي حيلة!! والمثل يقول خلك يالمقرود على قردك لا يجيك اللي أقرد منه!!!!!!!!ههههه الجميع:ههههههههههههه سماح:حريمتك تجرب غيري!!لاأكون حافرة قبرك بإيدي!! وبعدين ياأسماء ماشاء الله حتى انتي بيتك على انه كلاسيك وديكوراته هادية جداً بس ماشاء الله باين إن الأثاث فخم وغالي... اسماء:الغالي قيمته منه وفيه.... ودق جرس الباب..وقال محمد: أستأذنكم هذول أكيد أهل سماح..بأروح أفتح للرجال... وشوي ودخلت أم سماح وأخت سماح(هند) وكانت بعمر أسماء وصديقتها سابقاً من خلالها تعرفت أسماء على زوجة أخوها محمد وخطبوها له.. وبعد السلام والسؤال عن الأحوال صارت أم سماح تناظر اسمهان وقالت:مبروك خطبة بنتك اسمهان ياأم محمد الله يوفقها ويتمم لها على خير ام اسمهان:الله يبارك فيك..... أم سماح:ومتى ان شاء الله الملكة؟؟؟؟؟ ام اسمهان:بالإجازة الجاية بس لسه ماحددنا الموعد...ولاتحدد بإذن الله نبيكم أول الحاضرين. أم سماح:أكيد أكيد.... وكانت أم سماح تطالع باسمهان وهي بداخلها متحسفة وتقول:حسافة هالجمال يضيع من بين يدينا ياليتها من نصيب ولدي تركي!!! وشوي ودق الجرس..وكانت سماح توزع العصير على الحاضرين... قالت أم سماح:سماح يمه أحد بيجيك غيرنا؟؟؟ سماح:ايه يمه نسيت أقول لك..هذي أم سعد اللي من جماعتك من زمان توصيني كل ماشافتني بمكان اني أناديها لاجيتي عندي..وأنساها واليوم تذكرتها وكلمتها..... أم سماح:ياحليلها صار لي مدة ماشفتها.. وراحت سماح تفتح وتستقبل الضيوف.... وشوي إلا الضيوف دخلوا الغرفة على الحضور وكانت الصدمة!!!!! الأم(أم سعد) جاية مع بنتها!!تتوقعون مين بنتها؟ بنتها هي......... عبيـــــــــــــــــــــــــــ ــــــــــــــــــــــــــــــ ــر عدوة شلة الصاعــــــــــقة!!!!!!!!!!!!! !!!!!! اسمهان:عبيروه؟؟؟؟؟؟؟؟؟؟ عبير (بصوت منخفض):اسمهان؟؟؟؟؟قطيعة وش جابك؟ اسمهان:أنا في بيت أخوي ياحبيبتي!! عبير:لو دريت ماطبيته!! وجلس الجميع وبعد تبادل السلام والأحوال قالت أم سماح:ماشاء الله ياأم سعد...كبرت بنتك وصارت عروس..بأي صف تدرس؟؟؟؟؟ أم سعد:بثاني ثانوي... أم اسمهان:ماشاء الله يعني كبر بنتي اسمهان.. اسمهان:أساساً حِنا بمدرسة وحدة وفصل واحد بعد!! أم سعد:ماشاء الله يعني ربع..شفتي شلون ياعبير؟؟قلت لك اطلعي معي وانتي مابتندمين وصدق ظني!هذا انتي لقيتي صديقتك! وطالعوا عبير واسمهان ببعض وكل وحدة طقت الثانية تشميقة معتبرة!!!!! أم سعد:عندي ولدين بس وعبير هي بنتي الوحيدة عشان كذا ماخذة الدلال كله بالبيت وهي الوحيدة اللي ماينرد لها طلب!! أم سماح:الله يحفظها لكم.... وصاروا الحريم الثلاث الكباربالنسبة لمن بالمجلس وهم (ام سماح+ام اسمهان+ام عبير) قاعدين بطرف المجلس يسولفون مع بعض..والقسم الثاني يضم سماح وأختها هند وباقي العائلة..عائلة اسمهان.. ناظرت اسمهان بعبير وقالت:إلا اش أخبار أم سالم الفراشة؟؟؟؟ اسماء:وش علاقتها بأم سالم الفراشة تقرب لها؟ اسمهان:لا وانتي الصادقة ترقت هالأسبوع لرتبة مساعدة فرَّاشة!!!! ابتسام(باستغراب):وشفيها الفرَّاشة موب ادمية؟؟ اسماء:ليش؟؟عبير انتي موب طالبة؟؟؟ اسمهان:إلا طالبة المشاكل لو من عين قطو!!! عبير(بإشمئزاز):أفففف الريحة هنا تخنق أنا بأطلع برة!! واتجهت للمطبخ وكانت سماح قاعدة تجهز أكل وراحت عبيرللمطبخ يعني إنها تساعدها كل ماطلعت سماح من الغرفة طلعت عبير معاها لأنها مو طايقة القعدة مع اسمهان.... التفتوا اسماء وابتسام لاسمهان وقالوا بهمس:البنت هذي باين إنها مو حابتك وانتي بعد موب حابتها اش السالفة؟؟؟؟ اسمهان:وهذي مين يحبها حبتها القرادة!!! اسماء:حتى أنا سبحان الله ماارتحت لها من يوم شفتها..متصنعة وحركاتها ودلعها كله تمثيل بتمثيل! طالعت عبير باسمهان وقالت (بصوت منخفض): تصدقين يااسمهان تكسرين خاطري لاشفتك مع أبلة جوهرة!!كأنك تنافقينها بس عشان تفوزين بعريس الغفلة!! اسمهان (بغيظ شديد):والله ماحد يكسر الخاطر كثرك..وانتي شايلة كراتين العصيرات للمقصف!! بحلقت عبير عيونها بحقد وقامت من المجلس...المهم استمرت السهرة بتوتر بين البنتين لين ماجاء وقت العشا وتعشى الجميع وعقب العشا الشاي وبعدها بدأوا الناس يرجعون بيوتهم.. وبالنهاية شكر الجميع لمحمد وسماح حسن ضيافتهم.... وعائلة اسمهان هم آخر من خرج من السهرة وهم يلبسون العبي قالت سماح:بكرة الجمعة بإذن الله بنتقابل عندكم على الغداء كالعادة...ومن بعد المغرب بنستأذنكم ونبدأ رحلة البحث عن قاعة مناسبة للملكة....لازم نستعجل الأيام تجري! أم اسمهان:صدقتي يابنتي ..الله يقويكم.. ........وثاني يوم وكان يوم الجمعة اجتمع الكل على الغداء.....وكانت ابتسام ناوية على السفر بعد العصر هي وزوجها.... وتغدوا وتبادلوا الأحاديث المختلفة.....وفجأة رن التليفون وراحت هيفاء الصغيرة بنت ابتسام وردت على السماعة:آلو رانية:آلو...وش اسمك ياحلوة؟؟ هيفاء:اسمي هفوووو! رانية:وش يعني هفوو؟؟هاف ولا شلون؟؟ هيفاء(ببراءة):لاااا ياغبية هفو يعني هيفاء!!!طيب انتي اش اسمك؟؟؟؟ رانية:اسمي رنو! هيفاء:اش يعني رنو؟ رانية:يعني رانية...هاه حلو اسمي؟ هيفاء:لا شين..زي صوتك!! رانية:اجري يابنت ونادي خالتك اسمهان لأكون مصفقتك هالساعة!! وقامت هيفاء تنادي اسمهان بصوت عالي:خاااالة سمهونة تعالي كلمي..في وحدة غبية بتدخل يدينها من السماعة وتصفقني!!! اسمهان:مادام السالفة فيها تصفيق وطق أجل أكيد هذي رانية!!!هاتي السماعة ياهيفاء,,,,,, اسمهان:آلو..مرحبتين.. رانية:هلا ومليون مرحبا باللي ينقال انها بمدرستنا ولانشوفها!!مسوية نفسك البودي جارد حق جوهرة! اسمهان:صح النوم ياحلوة!تو ماتذكرتي تتصلين؟؟ وينك غاطة أربعاء وخميس؟؟؟ رانية:مو الله يسلمك الدنيا مشاغل!! اسمهان:لا ياشيخة! مشاغل ولا صالونات؟!!هههه رانية:هههه مو حلوة!!لا صدق أكلمك يوم الربوع وأنا بعرس ويوم الخميس وأنا بعرس ثاني..بس إش أعراس يااسمهان شي خطيــــــــــر!كل واحد أخقق من الثاني!! اسمهان:جاك يامهنى ماتتمنى!وطبعاً أكيد دبكتي ورقصتي من أول العرس لآخره؟!!! رانية:أفا عليك! ماأكون رانية لو ماأسويها!تصدقين أحس بهاليومين اني نقصت 3 كيلو من زود مانفضت وهزيت!!إلا يابنت طول ماأنا بالأعراس وأنا أسرق لك من هالأفكار عشان ملكتك!منتي ناوية تملكين قريب؟؟ اسمهان:إلا أبشرك بالعطلة الجاية بس ماحددنا اليوم لسه..والزواج بعد التخرج.. رانية:إيه هذي الأخبار السنعة..يعني بتلزقين بوجيهنا سنة كاملة!والله وقربت ملكتك وقربنا نستانس! بعون الله بأجمِّل عليك بملكتك وأخلي جِدة كلها تحكي عن هالملكة!! اسمهان:هو من ناحية انك بتخلين جِدة تحكي بتخلينها تحكي بس مو عن جمال الملكة..إلا عن الأكشن اللي بتسوينه فيها..الله يسترمنك بس!! رانية:هاه..وانتي اش آخر أخبارك؟وين رحتي وين جيتي؟ اسمهان:الأربعاء كان عندنا عشاء للعريس وأعمامه والخميس كنا معزومين ببيت أخوي محمد....وماراح تصدقين مين شفت!!! رانية:مين شفتي؟؟؟؟؟ اسمهان: وحدة كريـــــــــــهة مرة!! رانية: لو على الكريهات ياماأكثرهم بهالديرة!! بس مين تقصدين؟!! اسمهان:وحدة معانا بالمدرسة وانتي ماتواطنينها أبد!! رانية: مصختيها عاد اخلصي.....هذا لغز صعب! لعنبوبليسك نص الناس ماأواطنهم..يمكن شلة الصاعقة هي الوحيدة اللي حبيتها! وانتبهي لنفسك من يوم ماانخطبتي وانتي صايرة بنص عقل ولاانتي عاجبتني ترى حبك عندي صارعلى شفا حفرة !!!!!! اسمهان:هههههههه..صدقتك!!حبك لي هو اللي خلاك ماتصبرين لين بكرة لاتقابلنا بالمدرسة وتتصلين وتاخذين أخباري اليوم! عموماً قابلت عبير أمس! رانية:عبيروووووه ماغيرها؟؟؟؟؟؟؟؟؟؟ اسمهان: بشحمها ولحمها!! رانية: وش جابها ببيت أخوك؟؟ أخاف تقرب له؟هههههه اسمهان:طلعت من جيران زوجة أخوي وعزمت الأم وجت هي مع أمها...... وانطلقت اسمهان تحكي لرانية كل ماصار ...ودخلوا بسوالف إلى نهاية المكالمة...... وطبعاً بعد المغرب استأذن محمد وزوجته سماح وسافرت ابتسام, واسمهان راحت تذاكر,وأسماء جالسة تسولف مع أمها....... محمد:يمه إحنا رايحين هالحين ندور على قاعة للملكة اش رايك ترافقينا؟؟ أم اسمهان: الله يعطيكم العافية..ماني رايحة معاكم اليوم بأجلس مع اسماء...وبهالموضوع أنا معتمدة عليكم وواثقة من ذوقكم... وراح محمد وسماح يدورون على فنادق.... في الجانب الآخر كان(عبدالرحمن) زهقان لأبعد درجة..إلى أن رن جواله وطلع صديقه العزوبي (ناصر)على السماعة وعرض عليه يروحون يشربون كوفي بإحدى الفنادق.. وماصدق عبدالرحمن إنه بيطلع من البيت يغير جو وراح بسرعة يلبي الدعوة!!!! وبالفعل تقابل عبدالرحمن وصديقه ناصربصالة فندق وطلبوا من المقهى كوفي وأخذتهم السوالف بشتى مجالات الحياة....وجلس عبدالرحمن يتأمل المناظر اللي حوله وطاحت عينه على اثنين يمشون حرمة ورجِّال وقال:يازينهم شكلهم معاريس جدد! ناصر:وش دراك؟؟ عبدالرحمن:باينة مثل الشمس مايبي لها حكي..ماشيين بخجل وماسكين يدين بعض ومازالوا محافظين على رشاقتهم!!!بلاك ماتدري عن الرِّجال بمجتمعنا! ناصر:علمني يافطين! عبدالرحمن:الرجال وهو عريس يجي متحمس وطاير بعروسته ووده يفر العالم كله فيها وخايف عليها وماسكها بكل رقة من يدها حتى باب السيارة يفتح لها إياه! بس تعال شوفهم بعد سنتين يمشون جنب بعض بس الفاصل بينهم بالمسافة شبرين! وبعد 5سنين تلاقيه ماشي وزوجته وراه بــ3 أمتار تحاول تلحقه!!أما بعد 10 سنين تلاقيه يمشي بالمول وزوجته بعده بــــــ10 أمتار والبزارين ضايعين بالنص ويصيحون:استنى يابابا!!! ناصر:ههههههههههه..خذوا الحكمة من أفواه السفهاء.. عبدالرحمن:ترى من جدي أكلمك..ليش تضحك؟هذا الواقع المُعاش بأيامنا هذي واللي ألاحظه واسمعه..عساني ماأصير مثلهم بس!! ورجع عبدالرحمن يتأمل منظر العريسين اللي قعدواببهو الفندق على الكنب يتبادلون أحاديث تفيض رومانسية وقال:والله أغبطهم.ياليتني مثلهم! ناصر:وش عليه تغبطهم؟؟ منت بصاحي!أقول يازين العزوبية زيناه!ماأبدلها بالزواج لو عطوني كنوز الأرض!!!!!!! عبدالرحمن:أنا عكسك تماماً!والله إني أعد الأيام عد عشان أدخل القفص الذهبي.. ناصر:أي قفص ذهبي ياابن الحلال؟ هالقفص اللي تقول عنه اللي واقفين بخارجه يتمنون يدخلونه واللي بداخله يصيحون وودهم يطلعون منه!!!!! عبدالرحمن: ماعندك سالفة!ناظر بحال أصحابنا المتزوجين وناظر بحالنا!الحياة اللي حِنا عايشينها تسميها حياة؟؟؟..الزواج استقرار وحب وأخذ وعطاء! ناصر: اشفيها حياتنا؟الحمدلله أنا راضي بحالي استقراروعندي بيت أهلي أستقر فيه يعني ماني بــــ طاير!!حب أحب أهلي وأصحابي موب لازم أدور على حرمة غريبة عشان أحبها!أخذ وعطاء طبيعي تقول كذا لأن الحرمة ماترتاح لين ماتقول هات هات وتاخذ كل مابجيبك وبالآخر بتعطيك من النكد لين ماتقول انت: بس!!!!!! عبدالرحمن: كلامك مايهز فيني شعره! أنا خطبت وبأتزوج...وبأظل أدعي لك عسى ربي يهديك إنت بعد وتتزوج مثلي! وبنفس الوقت هذا ومن قبيل الصدفة كانت سماح ومحمد يفترون بنفس الفندق ويشوفون القاعات وأسعارها وانتبه عبدالرحمن لهم وطقه الحماس وراح يسلم!! وهو مِقبل من بعيد انتبه له محمد وقال لسماح هذا عبدالرحمن خطيب أختي اسمهان خلِك بعيدة شوي بأسلم عليه...وبالفعل ابتعدت سماح وصارت تراقبه وتدقق بملامحه وقالت بنفسها:ماشاء الله تبارك الله..الله يهنيك يااسمهان..والله تركي أخوي مايجي بنص وسامته وأناقته!!!!! ودار بين عبدالرحمن ومحمد حوار وكل واحد سأل الثاني عن سبب جيته للفندق... وبعد ماتقابلوا محمد وعبدالرحمن بالفندق وعرف كل واحد منهم سبب وجود الثاني بنفس المكان رجع عبدالرحمن لزميله ناصر..... عبدالرحمن:تصدق؟؟شكلي مو أنا بس اللي مستعجل!حتى أهل العروسة! توي كنت عندهم الأربعاء نتفق على التفاصيل وآثاريهم مجتهدين ماشاء الله اليوم جايين يدورون قاعة!!!! ناصر:يافرحتك ياحبيبي يافرحتك! الله يهني سعيد بسعيدة! وكملوا الاثنين جلستهم.....إلى وقت .وبعد كذا كل واحد رجع بيته.... أما سماح ومحمد عجبتهم كذا قاعة بس الأسعار نار....وهم يدورون على شي سعره معقول..ورجعوا بيتهم وقرروا يستكملون رحلة البحث بيوم ثاني.... راحت اسمهان السبت للمدرسة وتهافتوا الشلة يباركون بقرب موعد الملكة! اسمهان:ماشاء الله وانتوا اش دراكم؟مافي خبر يتخبى بهالديرة؟؟؟؟؟؟ نجلاء: لاكان عندك سر..لاتعطينه لرانية!! اسمهان:أوهوووو..طيب ياحبايب أبشركم الملكة بعطلة الربيع الجاية...وكلكم معزومين..بس الموعد معلق إلى حين حجز قاعة!! أفنان:ياسلااااااام..أخيراً بنجتمع خارج المدرسة!صار لنا زمان والله..... مرام:يالله هانت كلها كم أسبوع ويقرب الموعد... رانية:تراني أقول لك من الحين يااسمهانوه!أنا كل زواج أحضره أسنتر على المنصة..وناس يعجبهم وناس مايعجبهم!وينزلوني غصب!بملكتك من هالحين بأكتب منصة الرقص باسمي! نجلاء:خذي راحتك.. وحِنا معك !بس الفشيلة لو اسمهان راحت وعزمت معلمات الثانوية بنروح وطي!!! اسمهان:لو بأعزم..أعزم ثنتين ثلاث..لكن مايندرى عن أبلة جوهرة...أخاف تقش الإدارة وتناديهم كلهم!! أفنان:ياليت يااسمهان يكون الطق اسلامي..تدرين بأهلي لو السالفة فيها موسيقى مستحيل يحضرون! اسمهان:ماعليكم..بيكون طق طيران بس! مافيه الالات وهذه المهمة بأوكلها لرانية بماإنها خبيرة في عالم الطقاقات..دوري لنا الله يسلمك وحدة تهز القاعة هز!! رانية:أفا عليك! من عيوني..لو تبين أغني لك ..أغني لك ومن غير فلوس بعد اش رايك؟!!!!!! اسمهان:إلا أنا بأعطيك فلوس بشرط تحلفين إنك مابتغنين بملكتي وتخربينها!! حرام عليك أنا مو كل يوم بأكون عروس!!!!!! الجميع:هههههههههههه ......ومرت أحداث اليوم بسرعة....واسمهان بحصص الفراغ تساعد أبلة جوهرة بمكتبها وأوراقها والملفات! ومامن جديد...أبلة جوهرة تعاملها رسمي! ........ومر السبت والأحد والاثنين وكانت أسماء بالسوق واتصلت على أمها وقالت:يمه بأمر عليكم بعدالمغرب أتقهوى معاكم ..لأني هالحين بالسوق.. الأم:الله يحييك..... وبعدها بنص ساعة اتصل محمد وقال لأمه: إحنا جايين بالطريق.... الأم:الله يحييكم اسماء بعد جايتنا.. وبالفعل اجتمعوا عند بيت أبوهم بعد المغرب...وجلس محمد بالحوش مع أبوه ودخلت سماح داخل.. سماح:جينا لكم اليوم وعندنا أخبار جديدة! الأم:هاتوا ماعندكم... سماح:الخبر الأول..قابلنا عبدالرحمن يوم الجمعة! اسمهان(بلهفة):احلفي!! وين؟؟؟؟ سماح:بالفندق...قاعد مع صديقه.. اسمهان:كاشخ؟؟؟؟ سماح:لاااا شكله يفشل ثوبه وصخ!!وشعره نافش كأنه طالع من مقبرة!تصدقين ريحته شميتها من بُعد!!!! اسمهان:أعوذ بالله! تتكلمين بــــ جد؟!!! سماح:لاااا بــــــــــعم!!ههههههه لاطبعاً الصراحة اسمحي لي أهنيك اختيارك موفق!ذوق وأناقة وترتيب ووسامة...بقى بس نعرف عشرته معك شلون بتكون! الأم:الله يهنيهم ويوفقهم مع بعضهم يارب.. سماح:الخبر الثاني ..لقينا اليوم قاعتين مناسبة كل وحدة أحلى من الثانية بعد رحلة بحث استمرت لأربع أيام..ولمدة ساعات أشوى إن عيالي قطيتهم ببيت هلي ولا كان طلعوا عيوني!!!وننتظر منكم ترافقونا بالوقت اللي تفضون فيه وتشوفونها! اسمهان:الحمدلله.ماتوقعت نهائيا انكم بتلاقون بهالسرعة سماح:لأننا سألنا قبل ماندور...فوفرنا على نفسنا عناء البحث المتواصل...وعلى فكرة عندي خبر ثالث! الأم:خير يابنتي؟لاتكونين حامل؟؟؟ سماح:لااااا ويه..ماأبي الحمل ولاطاريه..ماصدقت عيالي يكبرون شوي وأرتاح....السالفة ومافيها خطبنا لأخوي تركي!!!! الأم:ماشاء الله..متى ومين هي بنته؟؟؟؟ سماح:يوم رحت أودي عيالي اليوم لبيت أهلي فاجأتني أمي بإنها خطبت خلاص!وكلمت أهل العروس عشان نحدد موعد نقابلهم واحتمال هالأربعاء ماأجيكم لأني رايحة معاها عندهم... الأم: حِنا نعرفهم يابنتي؟؟؟؟؟؟ سماح:توكم شايفينهم عندي الخميس اللي طاف!أم سعد اللي من جماعة أمي.... الأم:الله يوفقهم..... اسمهان:ايششششششششششششش؟ ولالقيتي إلا عبيروه تخطبينها لأخوك ياسماح؟؟؟؟؟ سماح:ليش اشفيها عبيروه؟؟؟ اسمهان:إلا قولي وشهو اللي مافيها؟؟ غنجاء ودلوعة ومتصنعة! سماح:مو هذا اللي عجبنا فيها ..أخوي يموت بالدلع! اسمهان:لا لا طحتي من عيني ياسماح هالبنت ماتنفع أبد دوروا غيرها!! سماح:أقول..بدينا نغير ولا اش السالفة؟؟؟؟؟مو هذا تركي اللي بعتيه عشان تاخذين عبدالرحمن أفندي؟!!! اسمهان:الله ياخذك انتي وأخوك!!مين قال اني غيرانة؟؟أنا كارهة عبيروه هالشيفة!انتي لو قايلت لي تبون تخطبون له كان دليتكم على ملكات جمال بمدرستنا! سماح:وليش شيفة عاد؟؟الصراحة ماتتخير عنك! طولها قريب من طولك..وعمرها نفس عمرك..وشعرها ناعم مثلك بس أقصر بشوي..والجمال ماشاء الله عليها وبالعكس تتميز عنك بدلعها!! اسمهان:طيب ياسماح!!بكرة تقولين اسمهان قالت!هذي كريهة وماحد يحبها بالمدرسة ولسانها طويل!! سماح:بعض ماعندكم ياحلوة!! اسمهان:لاااا من الحين واقفة بصفها؟؟؟؟ سماح:طبيعي !مو بتصير زوجة أخوي؟؟؟ اسمهان:قولي آمين جعلها ماتوافق على تركي!!! الأم(بزعل):بس عاد! فضوها سيرة!بتتهاوشون قدامي!وانتي ياست اسمهان لاحيا ولاحشيمة لزوجة أخوك اللي متعبه روحها عشانك وتفتر من قاعة لقاعة؟؟وحاطة عيالها كل يوم والثاني ببيت أهلها؟؟؟؟؟؟؟ سماح:قولي لها ياخالتي ...قولي لها!!وانتي ياأسماء اش رايك فيها يوم شفتيها ببيتي؟؟ اسماء:الصراحة..مليغة!!ودمها ثقيل !مدري شلون عجبتكم!بس مايخالف الطيور على أشكالها تقع!!! سماح:مقبولة منك ياأسوم!!بس تصدقون تعلقت بهالبنت أكثر بعد كلامكم! اسماء:ياشيخة الله يوفقهم..وش علينا منهم؟تركي أخوك براسه لفة على قولة محمد..فأكيد هاللي اسمها عبير بتكون مناسبة!هههههه سماح:إخس!! والله ماهقيتها منكم!وأنا اللي أقول بتفزعون لي بزواجه ان شاء الله!!! اسماء:أي فزعة؟؟وأي خرعة؟؟انتي تاركة زواج أخوك وواقفة تساعدينا بملكة إختنا؟؟روحي له يمه وقومي بواجبك!! سماح:تمزحون انتم؟؟ولا أشد شعري من القهر؟؟ اسماء:هههههههه..عمري انتي أمزح معك..لو ماساعدتينا بملكة سويسة الهبلة هذي أجل من بيساعدنا...خبرك أنا حامل ويالله اشيل نفسي..وابتسام بعيدة..وأمي رجيلاتها مو ذاك الزود..كل مامشت لها شوي,,وقفت تشحن!! الجميع:هههههههههههه ودخل محمد والأب..وتبادلوا شوية أخبار وراح كلن لحال سبيله..... |
|
|
#15 |
|
|
رد: أسمهان وعبدالرحمن قصة أسرية هادفة بكل اجزاءها متتابعة روآية سعودية
الجزء السابع والعشرون مرت الأيام وبالفعل لما جاء يوم الأربعاء راحت سماح مع أمها وأختها هند وأخوها تركي يخطبون عبير...أبوسماح متوفي من مدة..وأما محمد زوج سماح أخذ نفسه وراح لأهله يتقهوى معاهم ولقى أمه واسمهان بالبيت والأب كان معزوم فاستغل الفرصة وقال:ليش يايمه ماأخذك انتي واسمهان تشوفون القاعات؟؟ الأم:على بركة الله.... اسمهان:ياليت ياحمود...اليوم أربعاء وكل العالم داجين برة إلا إحنا حابسين نفسنا بالبيت.. الأم:لا ياشيخة واللي يسمعك يقول لو ورانا خرجة كنتي بتصحين!!أنا انبح صوتي عشان أصحيك تقعدين معاي..وانتي من يوم ماجيتي من المدرسة وانتي حاطة النومة!!! محمد:مايخالف يمه..خلها تتدلع هالسنة..بكرة بس تتزوج عبدالرحمن بيعطيها على قفاتها!!! اسمهان:وليش يابعدي؟؟النوم حرام؟؟ محمد:لا موب حرام بس بحدود..انتي نص عمرك ضيعتيه وانتي نايمة..على بالك لاتزوجتي الرجَّال بتشتغلين له الأميرة النائمة!!! اسمهان:الزبدة؟ألبس عباتي؟ولاأروح أنام أحسن؟ الأم:روحي البسي عباتك وجيبي عباتي معك.. ......وراحوا الثلاثة يشوفون القاعات وكانت وحدة محجوزة والثانية لا وأعجبتهم..لكنهم اختاروا الأكشخ بالطاولات واللي ماتحتاج اضافات كثيرة....ودفعوا العربون وحددوا اليوم اللي بتسير فيه الملكة..أخيراً..واتصلوا على الأب وشاوروه بموعد الملكة وعطاهم الضوء الأخضر. وهم بالسيارة قال محمد:هاه ياعروس؟؟أهم شي رايك!عسى أعجبتك القاعة؟؟ اسمهان:عجبتني ونص!الصراحة طلعت أحلى من توقعاتي...تسلمون يامحمد.. الأم:بس عيب قاعات الفنادق إنه غرفة العروس غالباً ماتكون بنفس الصالة مثل القصور!لازم نطلع من القاعة ونستخدم المصعد عشان نطلع لغرفتها! محمد:ولعلمك يمه الغرفة اللي شفناها ماهي خاصة للعروس...هذي نفس غرف نزلاء الفندق يوم المناسبة يخصصون وحدة للعروس! الأم:الله يعين ..يعني لازم كل مااحتجنا شي من أغراضنا لبسنا عبينا وطلعنا بالاستقبال ثم للمصعد ثم فوق لغرفة العروس.. اسمهان:يمه أنا مابأحتاج طلعتكم ونزلتكم إلا وقت حضور المصورة!! الأم:ومين قال لك ياروح أمك..إنك بتتصورين؟ بناخذ معانا كاميرة الفيديو ونصورك...ونعمة!! اسمهان:مالي شغل أبي مصورة!ومو أي مصورة! وحدة شاطرة في إخراج الصور! الأم:ويايمه اش بتستفيدين منها الصور؟علميني؟ اسمهان:ذكرى!!!! الأم:أي ذكرى؟؟ليش انتي عقب الزواج ومع مرور الوقت بتنسين انك تزوجتي؟وبتحتاجين لصور تذكرك إنك متزوجة؟؟؟؟؟؟؟ اسمهان:ياربي! يايمه كل البنات يتصورون..وحلو بمرور الوقت والعمر الواحد يتذكر كيف كان شكله قبل.. الأم:أنا مو معك...تصوير الفيديو كافي..وإحنا كل يوم والثاني صايرين نسمع قصص تخوف!! اللي نط على بيتهم حرامي وسرق أشياء ومن ضمنها الصور!واللي سافرت وصار لهم حادث بالطريق والصور معاهم وضاعت بوسط الحادث مالقوها وياعالم مين أخذها!! واللي وصلت صورها بأي طريقة ليد أحد مايخاف الله ونشرها بكل مكان!! وش لنا بهالمصايب بس؟!! محمد:خليها على راحتها يمه..ولو حصل شي هي المسئولة الوحيدة!!بس انتي قولي لي هل انتي راضية كل الرضا عن القاعة؟؟ ولا انجبرتي عليها يوم حطيتك بين خيارين؟؟ترى إحنا لسه فيها أقدر أرد العربون وندور غيرها!!!!!!!! الأم:لا.. الله يرضى عليك..تهبل بس عيبها الوحيد غرفة العروس إنها بدور ثاني..أما من ناحية المواصفات الثانية ولاأروع!يكفي إنه اسمها بفندق+كل شي موجود فيها+الكوشة والدي جي ومفارش الطاولات فخمة+البوفيه والتورتة من عندهم وهذا أفضل شي..مالنا خلق بكثر التفرفر بالمحلات...أما ضيافة الطاولات تكفلت أسماء بحجزها...وباقي الأشياء مقدور عليها... محمد:بتجيبون طقاقة؟؟؟ الأم:أكيد...بس اسمهان وعدوها صاحباتها يدورون لها وبيردون لها بكرة.... وقعدوا يدردشون بالطريق وعرض عليهم محمد يمشيهم على البحر شوي وعقبها يروحون لمطعم يتعشون....ووافقوا وبالفعل تعشوا بمطعم..وانبسطوا..إلا اتصلت سماح على محمد وقالت له انهم رجعوا من أول من بيت عبير على بيت أهلها وتبيه يجي ياخذها هي وأولادها... ومر محمد على بيت أهل سماح وكان على طريقهم ومعاه أمه وأخته اسمهان...وبالسيارة بعد السلام والسؤال عن الأحوال... سألت أم اسمهان:هاه ياسماح؟بشري كيف تمت أموركم؟؟ سماح:على خير حال ولله الحمد.... اسمهان(بفضول):وافقوا عليكم أهل عبير؟!!! سماح:وليش مايوافقون؟بيلقون أحد بمواصفات تركي؟!بس طبعاً ماعطونا الرد من أول مرة بيفكرون على راحتهم ويردون لنا..... اسمهان:والعروس اش أخبارها؟مرحبة بالموضوع.؟؟؟؟؟ سماح:إلا بتتشقق من الوناسة..مو عارفة شلون تخفي فرحتها!!! اسمهان بينها وبين نفسها قالت:يحق لها!مو مصدقة إن أحد طالع بوجهها!!بس مايخالف ياعبير الحسودة!أنا لما علمتها بخطبتي تقولي هذي بيعة وشلون أهلك يرمونك بهالسن لواحد كبير!!!!!!وهالحين أشوفها ميتة على الزواج وتركي ماهو صغير!!مالت عليها بقوة!! ووصل محمد أمه وأخته لبيتهم.. وراح هو وسماح لبيتهم ينامون..... وكان الأب توه راجع من العزيمة وسأل اسمهان وأمها:بشروا؟كيف القاعة؟؟ الأم:ماشاء الله حلوة.. الأب:وقاعة الرجال شفتوها؟؟ الأم:ايه كبيرة وزينة..ماينقصها شي.. الأب:ذكروني بكرة أتصل على المعرس وأعطيه خبر بموعد الملكة..وانتي اتصلي بأهلك وعلميهم الأم:بإذن الله..... وكلن راح ينام...... ومرت الخميس والجمعة على خير وطبعاً اسمهان ماقدرت تصبر اتصلت بزميلاتها يوم الخميس وعلمتهم بموعد ملكتها والقاعة!! ولما راحت المدرسة يوم السبت قابلت أبلة جوهرة بالسيب ونادتها وقالت:مبروك يااسمهان وياليت تنادين شلتك وتلحقوني على غرفتي! وراحت اسمهان تنادي شلتها وقالوا:خير واش تبي فينا؟؟؟ اسمهان:علمي علمكم! وراحوا لأبلة جوهرة..وقالت لهم:طبعاً أكيد مستغربين ليش إني جمعتكم؟؟ رانية:خير؟لايكون أحد مشتكي علينا بس؟؟تراه يخسي بوسط وجهه..أنا من ذاك اليوم وأنا ماشية جنب الجدار لالمست أحد ولاكلمت أحد!!!!! أبلة جوهرة:لا ..تطمنوا..محد اشتكى..بس حبيت أشكركم على قيامكم بمهامكم على أفضل وجه..وأنا أعتبرها مدة طويلة انه يمر عليكم اسبوعين من غير ماتسوون فيها مشاكل!!ومابقى إلا اسبوعين وتبدأ العطلة وبمناسبة ملكة اسمهان بأعفيكم من النظام أو الشغل بالمكتبة او البيع بالمقصف وارجعوا مثل ماكنتوا مع بعضكم!فرصة تقعدون مع صاحباتكم قبل ماتملك!! رانية:غريـــــــــبة!شكلي بأغير رأيي فيك ياأبلة جوهرة!ماكأنك تحسنتي معانا شوي؟؟ أبلة جوهرة:ارجعوا فصلكم بسرعة لأغير أنا رأيي فيكم!!!!!!!! ورجعوا فصلهم وهم مبسوطين.... مرام:الحمدلله..أخيراً بأفتك من شغل المكتبة!الشغل فيها مثل العلة على القلب طول الوقت وأنا أرتب الكتب بحسب تصنيف ديوي العشري وياويل أغلط تخليني أمينة المكتبة أعيد كل شي من أول وجديد!!! نجلاء:حتى أنا بأفتك من النظام...بالذات من بنات ثالث ثانوي اللي كل ماكلمت وحدة منهم تسفهني ليش إني أصغر منهم!!!!! أفنان:وأنا بعد بأفتك من التعليقات السخيفة اللي كنت أسمعها من البنات..الصراحة عريفة بالنظام شغلة ماتناسبنا!! رانية:يعني اللي يسمعكم يقول أنا كنت راضية أشتغل بياعة بالمقصف!لا ومن غير راتب مالت عليهم!!!!!!! نجلاء:ليه؟ومن متى يعطون البنات اللي يبيعون بالمقصف راتب؟؟انتي طالبة ولا موظفة!!! مرام:يابكاشة يارانية!!كنتي مبسوطة بسالفة البيع كل مامريت جنبك لقيتك تاكلين مما هب ودب!وياعالِم كنتي تدفعين الحساب ولا لا؟!!!!!!!! الشلة:ههههههههههه اسمهان:الحمدلله أنا ماكنت متضايقة من شغلي مع أبلة جوهرة حتى أفرح بالفكة!! رانية:طبعاً.. وش عليك؟ معززتك ومرززتك..وحاطتك حسبة وحدة من الاداريات!!ياالله عساه عريس الغفلة بس يطلع رجَال ويسوى!! باقي أيام الأسبوع اجتهدت اسمهان في النزلة للسوق لتبدأ رحلة البحث عن فستان مناسب للملكة...وأمها بدأت تتصل على الأهل والأقارب عشان تعزمهم...واللف والدوران بالأسواق للبحث عن فساتين.....بالاضافة لحجز بعض أشياء التقديم اللي يندار فيها على المعازيم والتفاسير اللي بعد العشاء والتوزيعات اللي بمثابة هدايا للزوار كتخليد لذكرى مناسبتهم....يعني كانت أيام حافلة....وأسماء اجتهدت وراحت تحجزالمعجنات والحلويات الخاصة بالطاولات.... وكانت اسمهان ترجع كل مرة من السوق بخيبة أمل لأنها مالقت فستان مناسب! بس صاحباتها يبثون الأمل دايما في نفسها من خلال ارشادها لمحلات معينة وبوتيكات خاصة بملابس الأفراح...وترجع تروح لتستكمل رحلة البحث من جديد!!ومر الأسبوع على خير وبدأ الأسبوع الثاني والأخير اللي عقبه الاجازة...وكانت اسمهان تلاحظ على صاحباتها انهم يكونون يتكلمون بموضوع بس أول ماتجي تكلمهم يسكتون وكأنهم مايبغونها تسمع!!! وبدأ الشك يدخل نفسها!! لكن كانت فرحتها كبيرة يوم راحت السبت للسوق ولقت فستان ناعم وردي وأنيق واشترته من غير تردد.. وراحت الأحد للمدرسة تبشر صاحباتها وقعدوا يلفون ويدورون ودهم يعرفون لون فستانها لكنها رفضت!! وقالت:خليه مفاجأة.... طبعاً شلة الصاعقة طول المدة الماضية كانوا قاعدين يجهزون مفاجأة لاسمهان بملكتها وهي ماتدري!! بس ظل لون الفستان شغلهم الشاغل وودهم يعرفون فكرت رانية وفكرت لين ماطلعت بنتيجة!! طبعاً ابتسام جات مرة ثانية لأهلها استعداداً للملكة بعد غيابها عنهم اسبوعين وكل يوم كانت تنزل السوق مع أمها واسمهان يكملون النواقص....... واتصلت رانية على بيت اسمهان بعد ماتأكدت انها مو بالبيت!عشان ترضي اللقافة الملحة اللي بداخلها وردت عليها هيفاء بنت ابتسام...لأن كل اللي بالبيت راحوا السوق أما هيفاء وسارة بنات ابتسام قاعدين مع كاتيا الشغالة.... رن التيليفون....وردت هيفاء:آلو! رانية:آلو!شلونك ياحلوة؟؟ هيفاء:طيبة..... رانية:اش اسمك ياشطورة؟؟ هيفاء:أنا هفو! رانية:هلا وغلا..انتي صديقتي السابقة اللي رديتي علي قبل تذكريني؟؟؟؟؟ هيفاء:لا ماأتذكرك!مين انتي؟؟؟؟ رانية:أنا رنو! هيفاء:ااااااااه انتي الهبلة صاحبة خالة سمهونة اللي كنتي بتصفقيني على السماعة!!! رانية: استغفر الله!ايه أنا! المهم ياحلوة كنت أبغى أسألك فستان خالة سمهونة اللي بتلبسه بالملكة اش لونه؟؟؟ هيفاء:وااااااو فستان خالة مرررررة حلو كأنها سندريلا! رانية:زين اش لونه؟ هيفاء:لونه وردي؟؟ رانية:وردي فاتح ولا فوشي؟؟؟ هيفاء(بكل براءة):انتي تشوفين سبيستون؟؟؟ رانية:اش علي بسبيستون ؟خلصيني يابنت ولاتطلعين من الموضوع!! هيفاء:أول قولي لي انتي تشوفين سبيستون؟؟ رانية:لاحول ولاقوة إلا بالله...ايه أشوفها ليش؟؟؟ هيفاء:لون فستان خالة سمهونة نفس لون شرشف صلاة فلة اللي بسبيستون!! رانية:يخلي لي اياك ياعسل ولاتقولين لأحد اني اتصلت زين؟؟؟؟ هيفاء:طيب! وقفلت رانية السماعة وراحت ركض على أختها الصغيرة روان اللي بالروضة وقالت:روانوه؟حطي قناة سبيستون! روان:طيب...وحطت على القناة..وقالت:ليه؟تبغين تتفرجين معايا على الكرتون؟؟؟ رانية:مابقى إلا هي يختي!!تابعي القناة ولاجات دعاية شرشف الصلاة حق فلة ناديني! روان:شرشف فلة اللي زي حقي؟؟ رانية:ليش انتي عندك مثله؟؟؟ روان:ايوه شوفيه في دولابي... وراحت رانية ركض تشوف لونه..وفرحت ومن ثاني يوم بالمدرسة راحت لصاحباتها وقالت لهم بلون الفستان! وقالت:اش رايكم تعطوني فلوس واشتري لكم فساتين ناعمة ونطقم كلنا نفس لون فستان اسمهان؟!! نجلاء:فكرتك روعة..بس كيف بنلقى فساتين وردية جاهزة بكل هالسهولة ويكون سعرها مناسب؟!!! رانية:خلوها علي! اللي لاحظته بكل المناسبات اللي حضرتها انه البنات اللي بسننا يلبسون فساتين ناعمة وقصيرة شوي ولافيها زبرقة..وماراح تكون مكلفة وبأشتريها من أحلى ماركة..بس حطوا حيلكم بالميك آب والتسريحة! مرام:والله فكرة!اش رايكم تجون كلكم مشغل أختي ونتفق على مكياج وتسريحة وحدة؟؟؟؟؟؟ أفنان:وااااااو حماس أفكاركم تهبل!والله يعين أقنع أمي خبركم تدرون أهلي مشددينها حبتين!! مرام:لو حبكوها وماخلوك تجين للمشغل..لك علي لأكلم لك أختي ترسل لك كوافيرة على البيت!اش رايك؟؟؟ أفنان:الله يسعدك ياشيخة.. رانية:أما أنا بأتصل على الطقاقة اللي حجزتها اسمهان ودليتها أنا عليها عشان أتفق معاها على اللي بنسويه! البنات:واااااااو حماس متى بيجي ذاك اليوم!!!!! |
